Galasia
Galasia
Lakani 1
1 Paul, Omasimini hozave lolo imo, eza vegena mako litini gigikalolito vegna mako limini hozalo nomive, alvole Izesu Mesiaki, Anutu amelaho hiliguti alemo ote okave 2 Lekeza nigivenege galesia apatoka mako monoto minuha. 3 Ameteho Anutuni Izesu Mesiani nasahili hulu lekelitoka noave. 4 Leli imane mikasiku mogona golesa uti ame aitoka itove lo' oak, agupe kemekako apili helemo, eze Anutu Ametaho gilito. 5 La okako aguliza napa'a aito minova, minova itive lamanale. 6 Neza inina umo, lekelisi lita iki lekegemesa amekumu, leza sele lolikimive, Mesiani hulu nasahili kuti. Neza inina umo, lekelisi mini vili-ea'ke monoku nivago. 7 Neza mono gosoha mako nomive loko lamuve, keza vegena makolite gena likimiki, Mesiani mono gako ali makoto inigi niave. 8 Nezane Okulumaguti agelo makolimohe, mono mako litamo goi oko mono malo alimiliki lamikoma, nene vegena golesa ino goive. 9 Goi oko leze mota lolekemegune itinasagi goha lonolugumuve " keza vegena makolite mono litimo goi iki mono ale miliki lamagoma nene vegena golesa ino goive". 10 Neze itiasa vegenalitinihe Anutunihe mulu inia angatove? Neza vegenalite kogoliza viziaka- gapo ale- uto itohe? Neza vegena kogoliza vizi'aka gapo vitaga noitomo,nene Mesiani hozalove minanuve. 11 Lekeza nigive-negita nene loka gililo mono lonolukunumo nene ve makolimi mono nomive. 12 Neza imane mono vegena makolimo kiza kiza onamive. Eza-a Izesu Mesia nelepezenimo neive. 13 Lekeza neni goi-o mogonatagana gilinave, neze Jude vegenalitini mono mogona amegetono-umo neve. Neza "Anutuni monla-uke gena napa mako ale-uto umo monola ale golesa itove loko umo. 14 Neza Jude vegenalitini mono mogona napalo gilumo, vegena nete kelemolao-aka gele napa-oko gilimo. Neza amenega zuhatini mono-mave loko agika iteko gulumo. 15 Anutu eza izonehini mulunagu nelemo molo-ake aisigo neza sele lo-nemeneimo, eza hulu nasahili mogonate. 16 Eza agolizavize- ake gipala nelepizimo, ai aguliza ale-uto oko keza mono gelema vegnalitini holu-iku. 17 Neza Jerusale apatoka itemuve, keza mono hoza-love neloka miniki neza Arabia vo'uke alika Damaskas goha vumo. 18 Alika malekeni losive makole vokago Jerusale apatoka vumo, Sifasini anigotanogo, neloka 15-a gamenahe ezagi minoko. 19 Neza mono hoza-aliakave anigamuve. Eza jemsini Omasimini agunala anigumo. 20 Neza imane alevole luhuva gizoko lekezaloka ahulumo Anutuni agomulalo neza soza lamuve. 21 22Siriaki ito Silisia apatoka alika vumo. 22 Mesiani agulizato keza Juda mono vegenalite neni anigi namana a'mamo. 23 Keza gelemo " Imane ve goi oko Anutuni gena amenive, itinasa gele seketi oko gako linogo noihe, goi oko neza ale golesa inogo u-gako." 24 Ne-esi oko moloko utimo Anutuni aguliza ale otiki ali napa amo.
Lakani 2
1 Melekeni 14-a lika iteko Jerusalem woko Banabasini alemokuke, woko Taitusini ale mokuke mako vusimo. 2 Jerusalem apatoka itumo, nana okago agelolimini gako alekuke mono gako lamana alekuke, vegenalitini holuku loutouve. Neisi halakeko mono gizapavetini holuku loutouve, hanuva mohona neihe lago. 3 Laonimoza Taitusnene Greek ve, nezagi mako minamo alevoleoka liki agupe hukative liki lamave. 4 Sozasaza lo ve nezaholutegu miniake leli mogona anigatuna liki, Yesu Mesia lelemo lamana okago, lamana oko minuha anigatune liki. Keisi gelemonene nagaku hanuva minatune liki gelemo. 5 Laonoimoza gamena makoki lezate minomo lemeko lihuka gakoto mina mune, imane mono gako lamana ale gihila zesa lekezagi minanogoune. 6 6'E'aho agata gilimove napanouve (nanamini ve niave, Omasimo vegena hamokumuko glesa amive) nenevega neisi netamako nenikumu liliamave. 7 Mako helega loka keza anigamo nene Omasimo mono noza litane liki anigamo, kezagi kugupe hukamo anigamo, Omasimo Pitani hoza amimo kugupe huka vegenalitini holi iku hoza alimo. 8 Omasimo Pitani agikagu hoza alekago, mono hoza alekago kugupe huta vegenalitini holi iku hoza alimo, amina Omasimamo neniku hoza ale kago, mono hoza vegena holi iku hoza alimo. 9 Mono hoza Jamisiki, Ciphasiki, Jonigea ite gamenalo mono hoza alemo-o vegenalitini anigi lamana amo vegenalite alevole lememo mono hoza alitaive liki. 10 Vegenaliti loka amo vegena golesah anigo lamana itune, nene netakumu geleminuke alitove loko geleminumo 11 Antioko apatoka okago, sefasini agokalo anigonouke gaha amumo, nana okago neta alegolesa okave liki lakumu. 12 Goi iki vegena makoko Jamsini loko iminamago, Safasini nosaneta noko moloka imo nene Juta vegena minamave nene vegena amo nene ahulo kake mino hoto oko minave. Juta vegena'a minamave, vegena kugupa hutatune lakumu ahelelevize kago mino hoto ominamo. 13 Juna mako luga anene sozasaza gako amegetamo Banabasinene nemogona alekumu nene ahulamo sozasaza gakokumu. 14 Neza anigumonene, kei mogonanene avevezaho amave, Siphasini muki vegenalitini kagovisalo, "Geza Jutave nouve loka ameve. Juta vema minoko minamane, nanave lokako Jutave minamane Juta ve maminiki minatave?" 15 Izoteho getakuti, Juta vema noune, lihimalove minamuve haitove Juta veminiki minamave. 16 Leza gelenouha nene, ve mako nenemo lohuka gakotunu vegihila lolo amitimo nene, Yesu Mesia gilitanitimogo. Leza Yesu mesianimu guluhatimo vegena gihila lolo inogune. Gako lohuka gakotunu nomive, lohuka gakotunu vemako lelehioko minaminogoive. 17 Leza gapo vitaga oko Yesu mesaihani, lezaginene lohimalovema mini oko minune, lekeza gelemonene Yesu Mesiani lihima mogona ale alevole ihe? 'O'e! 18 Neta mako ale golesa onoumo goha aleuto itomonee neisi lohuka goka apele aka ve minanogouve. 19 Lohuka gako amegetatomo mnene helevema minoko nouve nene gapoloti nene Yesu Mesia nogonala gizoko minatove. 20 Neza nilimiki viki Iyesu mesai zohotazalo apatinitave nogomula gizoko minamuve, Yesu Mesai neni nigikagu agomula gizoko noive minova minova neta nigikagu neive, Yesu Mesai gulutimo nene nogomula gizoko nouveh, Yesu Mesai neni kumu gelekake neni meina hizeneive. 21 Omasimini miluma gahevaloka molamuve, gapo louhuta gakotunu mogona lamana nanaminoko alitomoneive, Yesu Mesiah hanuvamu helekave.
Lakani 3
1 Galasia vegna negi hizelimo, e'aho limugusi minalo lakolo leketave? Aniginago Izesu Mesia zohota zalo isa giomave? 2 Neta hamo geitoti gilinoguve. Gopa lota gakolimini hoza uti sikalahu alepe ito gelenikuti alene? 3 Negisi hizihe? Sikalahuki gana api asioma, itina zamuzakaloti ale asu itape? 4 Galana veiku itepe? la igoma, hanuve latila ive? 5 Sikalahu gemeko ale vole suni lolo ioma, gapo lota gako liminigi hoza alihe ito gele seketi o'aka mogona loti a-live? 6 Abraham iti-minoko, Omasi i gele ameoke aguliza lamana aliveh. 7 Amina oko gele seketigi itanimo nene, Abrahamni izegipla minanogane. 8 Mono gotalamo nemikali, Omasi gili seketigi ita vegena, alika lelehi inigave. 9 Amina oko, gili alevole 'a' vegena Abrahame iti miniki minanigave, Eza Omasilo gili alevole iki minanigave. 10 Lo huka gako kumu kemeni mila gevena nene usi vizive, usi-ne gapo lota gakoki apizemamo neve. 11 Itina vegena mako Omasimini agomulalo lamana oko gapo lota gako amegentamuni. 12 Gapo lota gako gele sekite oko amegeta tanimo lelehi oko mina nogane. 13 Gapo lota limini usima, Yesu ale ahuloletave. Zalo ite vegena nene, usiku niave liki aniginave. 14 Abrahamin Yesu Mesia nonoha zetakuti, mono gelema vegena alinigave. La on-oinomoza gele alevole itunomo nene Sikalahu ali noigoune. 15 Nigive negita ve tini mogonamu lokimitove ve mo, molo hukoko mola gako, vegena makolimo ale ahuloko, ale moloko aminoigove. 16 Lo huka gako Abramhamuni agapilamo to' lomolamo. Agapilamo zuhave loko lami, o 'e agapilamo hamo isi nene Yesu neive. 17 Nene mioko neive gapo lota gako melekine 430 oko novive. Omasimo lo huka gako ale ahu-lamive. 18 Gapo lota gakokuti henoni noagoma, gako lohukusi gakokuti amive. 19 Nanamo gapo lota gako molave? Lihima mogonamu gizo moloneive? Abrahammuni agapilamo, zuhaguti Yesu uto okiko asu itive loko lonoimoma neive gapo lota agelolite. 20 Holutove muki niamozala, Omasu hamo etoha oko neive 21 Gapo lota, gakoki Omasimo lo huka gakoki lelehi amasi, keke nomive! Gapo lota gako, Sikalahulimini mogona lamana anitilini. 22 Mono gotolamo lihima mogona nagazekae ale neive. Omasimo lolo ineta vegena lita lohuka gako gelezagemo nene, Yesu Mesia nene kiminogiove gele seketige avegena. 23 Gana, gapo lota gakolimo nagazeko aleminamo, gili-ameaka mogona api imo. 24 Gapo lota gako leli gizapave, Yesu otigamena aitoka gili seketigi itanimo nene, lihimate nomimo minanogoune. 25 Itina nene gele alvole mogona okago gizapevemini gizapalo minamune. 26 Yesu Mesianimu gele alevole itunimo nene Omasimini izegipa mina nougone. 27 Yesuni agulizato mono nolane hila vegena neve, Yesuni lapanalimo hize hanatokago noganive. 28 Juta vegena neiha, Greek vegena neihe hozalo vegena hanuva vegena neihe, ve vena neihe, mukito Yesunigu lelemo hamo onoive. 29 Yesuni izegipala minatanimo nene Abrahammine izegipala agapilamo no-ane lo hukoko honoi netama alinogane
Lakani 4
1 La-aloko lito, amelahini muki neta izegipalamini neve laonoimoza, izegipa koma minatimo nene, hanuva hozalo ve maminoko minanogoive, amina muki neta gizapa iti moza. 2 Gizapa vetini kigizaku minanogoi, amelaho amiti gamena lo alinogove. 3 Laonoimoza, izegipalo minuha nene, gena koma kama geleko moloko uhatimo imane mikasi lo naga numuku minuha neve. 4 Laonoimoza, Omasimo mola gamena uto imo. Omasimo gipala amiselekago mikasigu limike venalimo lihuka gakoto gotamo. 5 Omasimo nemenie vegena lihuka gakoto amege tiki mina vegena nene meina moloko ale ai izegipala minanogoune. 6 Itinasa izegipala maminoko noune neene mogonamu Omasimo gipalmini sikalahu amisele kago leli mulutegu noike, sele sele, Amenegave Amenegave loaka noive. 7 Nenemu geisinene hanuva hozalo ve minamane 'o'e. Vemage, izegipala minatanimo nene Omasi amekahini neta gei ino goive. 8 Negamena Omasimu gelemane. Imane mikasigu kuguliza nei vete kei hozalo ve maminioko noane. Nemoza nene vegena omasi minamave. 9 La omoimoza itinasa nene Omasi anigi kave o la-aloko lito Omasimo lekeli mota angokave, nana Mogonamu keitoka goha vitave? Mikasigu mogona, alevole oko nosala-a nomive. Goha naga numuku minatahe? 10 Geisi gamenaka napa-a nene ikani gosoha ahe gamena napahe melekeni ahe nenegu nomolane. 11 Lekeli kumu nehelele vizeneimo nene laonoi, lekezagi hoza aleko moloko umo nene. Hanuvamu hoza alumo, geleneive nosaneta la-a nomi. 12 Lekeli loka nouve nigive negita, lekelisi neni maminiki minikave nezamagi lekeli maminoko nouve. Neto alegolesa initamave. 13 Nemoza lekeza gelemo nene, likivisekago gamena hamo zupa mono lolekeme nouve. 14 Nivisitimo gena lekemoko laimoza, lekemesa numuni nemema Mesaia Agelo maninoko nenima anigikave. 15 Nonohatima hilauka neve? Gako lelehi oko noluve. Ito-o gapo neitimo, lokogomula alahulikiki nimilo. 16 Neminokago lekeli lova galave uto inogouve. Nanamule, gako gihila lolukumu? 17 Lekeli likilimiki keitoka vinigi napalo gilinave, nemoza mogna'a nomive. Keisi lekeli ahuli hetoka ilikimikiko lekelisi alevole iki kezagi minatave liki. 18 Mogona-a lamana neikoma vatioko lagata gele-o-aka neve. Imane mogona neta napamu lamana kumu neitimo lekezagi mina nogouve, nene a neisi lekezagi minamito zupahe. 19 Izegipaneve, lekelikumu miluma gulumo vena limo izegipa getanogo gili-oma. Miluma gulumo nene mesaia goha mulutiku oko apa alitive. 20 Nezagi minatune loko napalo gelenouve gakoma lolukumu gakoma goha alemako oko litune. Nanamu negopa, lekeli kumu miluma napa gelekuve. 21 Itinasa linimilo, 'e'aga lihuka gakoto noane, geisi lihuka gako geleko amegetamane, molamane? 22 Nanamu nagopa gako nene laonoive Abraham nene gipala losi neve. Gipala makonene hozalo vena lamini gipalave, mako nene Abrahamuni venalamini gipalave. 23 Hozalo venalimini gipalanene eza agupe mini hozalove ito Abrahamin venala mini gipala nene lihuka gakoto oteneive. 24 Anigatuni monene avevezaha mamini oko neve. Vena losi nene muluini haito paito milinasive. Sainai agoka guti muluini hamo'asikuti izegipa oto imo nene hanuwa hoza love mini izegipave. Nene venanene Hagai. 25 Nemini okago, Hagai nene Sainai agokagi ito arapigie, Jerusale nene anosa moloneive, ai izegipa nene vegena hoza aliaka hoza love minikave. 26 Vozane Jelusale apa nene hanuva lamana mukito izoteho mamini oko neve. 27 Gako nene mota minokamo neve, gogoliza vizezo izegipa getamani vena, gako napa toko gogoliza vizezo. Nanamu negopa, izegipa getamane, gugupe gagavuigo izegipa getamane. Moho litini izegipamo ahutole ketamo, keisi nene vaiiki nigave. 28 Nigive negita, lekeza Aisaki nima miniki niave. Anosa mola izegipama niave. 29 Nene gamenalo izegipa nene ezala muluna lo vike golesa onoive, Sikalahu mini mogonala ve, izegipa nene mogona itinagi hamolomini onoive. 30 Omasimini gako helegamo nanaive lokonolive? Hanuava hoza ali venaki izegipalagi kimisele ahulamo, nanamu negopala, hanuva hoza ali vena limini izegipa nenemo, genala nomi venaki, vanagi henoni, ini izamola minogouve. 31 Nene munene uvone gita, leisi nene hanua vena limini izegipa noamune, leisi genala nomi venalimini izegipala noune.
Lakani 5
1 Izesu Mesia mota lelemo eto okave, alevole' oko ote minoko goha lihima mogona lolo amo, ito geza lihimamini hozalove minamo. 2 Anigozo, neza Paulona, neza lono lukumuve. Lekeza lukugupe tini hukatamo', ito' Izesu Mesia nene neta mako lelemo vati amino give. 3 Neza goha lo uto oko lo nolukumuve. Vegena muki e'age lukugupe hukahe, lekeza alevole iki lihukina gako muki nene amegetalo. 4 Lekeza Izesu Mesiani zuha hoto' niamo, e'age lihukina gako gili guni amave, lekeza nana iki omasimini hulu nasahili anigatave. 5 Sikalahulimini alevole lagu, gele alevole o'akalimini, mogona, lekeza legeso iki miniki mogona lamanaki mini aka niave. 6 Izesu Mesiani holuku, ve mako agupe hukahe ito' hukamihe, nene neta mako nomive, eza anigo lamana olimikaze, leza Omasimu gele alevole uha nene ale minatune. 7 Eza leli anigo amu heleaka nene gele alevolete nene omasimo anigo amuhilimo. Lekeza lamana niave gako lamana amegeta kumu nene e'aho o'e loleketa tive? 8 Kagata hizeaka mogona nene Izesutokati amive, e'aho sele loaka' noive. 9 Lulu vizeaka neta koma nenemo peleti nene lulu vizinogo ive. 10 Neza ve, napamu', gele amekuve, geza netamako lolo aminogo ane, vemoho venalimohe gelemoko lihima mogonagu gelemoko vamino goive, eza meina golesa alinogo ive. 11 Nigive negita, neza lukugupe huko'aka kumu li uto' itamo, neza lekeli minoko aleko ale golesa inogouve, nene mogonamo malipo za nene amegeta mini gave. 12 Lekeili kumu nene e'aho gako alevole oko live, neza nagata gulumo nene gizaho ini alita kumu nene gele nouve. 13 Lekeza nigive negita, neza eto oko minatove loko nogelekoma, gapo golesamu vitaga amo, lekeza likigive tikini anigi lamana iki kilimi lamana ilo. 14 Mose lo hukoko li gakoki, ito li huka gakoki hamokuko neve. Imane gezakumu geleaka noamino nenemini oko gigive kahi kumu gelezo. 15 Geza makoka apeleko alemo golesa itanimo, nee geza gizapa lamana oko apele helemo. 16 La'okago lono lukumuve, lekeza sikalahu limini agikagu minalo, lekeza' omasimini agomulalo lihima mogona lili inigi gosele likipili nogo ive. 17 Sikalahulimo mogona golesamu gelesa amive, lekeza lovaga likimikiki hotopoto minanigasive la'okago losilo apiziki minaminigi asive, geza lolo itove loko gelenanimo nene lolo amino goane. 18 Lekeza sikalahulimini agikagu minatave. Liki li huka gakolimo lekeli naga lekeminogo ive. 19 La'okago mogona golesamini, mogona uto'o, lamamana okave, gagata golesa geleaka no'anitimo gunesis, mogona uto o'aka noive. Ve'vena minoko aleko o'aka nene golesa o'aka noive, gagata geleva geleva no'anitimo mogona golesa uto o'aka noive. 20 Monolimini mogona, ito soza omasi ito sikalahu golesa i to gopa napa lova hiziaka nenemu agoliza vizesa amive, ito makolite kemegeka vegena mako kumu liki kizapalo molative liki ito eza'amu gilitimo nene gako lamana losa amimive, la'okago mini luga luga inigasive. 21 Gipelovegi nagamito vegi kei mogona gevena litini neta aligolesa 'iaka niave, neza mota nene minoko lolekemekuwe, hi vegenalite nene mini mogona aliaka niave, nene vegena nene omasimini ahosalo vaminigiave. 22 Sikalahulimini nosanetala nene minoko neive, anigo numu hele'aka ito logoliza vezeaka ito mulute hulu igo mino aka ito mino hana'oko minoaka ito mulute lamana o'aka, ito mogona lamana aleaka ito lamana geleameaka. 23 Vegena mako mogana lamana kelepizeaka, geza'aka aleko lemeko moloko nene li hima'a' nomive. 24 Izesu Mesiani vegenala zuha gako gele vegena nene 'ai' zuha nene niave, Izesu Mesia leli lihima aleko iteko malipo zalo hilimo. 25 Geza sikalahulimini agikagu mina tanimo, nene sikalahuki mohona inogane. 26 Geza agoka vizeko muluna gena amemo, geza la' oko geza vegena makoki gahalamilizo.
Lakani 6
1 Vegu vo gigive temo lihimagu ite kagoma, leke lisi monoku ale vole iki nitamola ate nene, mulu tini lamana kuti alimi Omasimini geisauka milalo. La'iki lekeza tinimu alevole iki numu na lilo, genagu' Iti katave. 2 Hamo pamo litini gena hutiza iki gihilo, Izesu Mesiani lihuka gako, leke liku alevole oko mina nogive. 3 Eza ve mako limo minoko aleko'a golesa one timoza, agika agatauka lamana onouve litimone, ezala'a agoka vizeko nolive. 4 Lekeza vemoho hamo pamo hoza aleko moloko noanimo viliga aliga oko anigozo, aleko moloko itani timo guguliza napa itive, haito limo aliti hozauti guguliza alemino gane. 5 La'okago genaka hamo pamo gezaka gihi nogane. 6 Mono hozaveka, neta ale lamana oko iza moloko gako ale loko viti ve amezo. 7 Lekeza soza gako lamilo, nanamule, eza Omasitemo soza gako losa amive. La'okago lekeza nana neta zuha initamo nene, amina neta limini nosa'a alini gave. 8 Eza ve mako limo mogona golesa zuha itimo, amina mogona limini golesagu itinogive. Geza Sikalahu limini mogona lamana zuha itanimo, amina mogo nauti minova minova apa alino gane. 9 Leza mogona lamana kumu gosele lepele mino, nana mule, mogona lamana kumu goseleka lamosa'ne, eza game nalo nosa lamana uto inogive. 10 La'okago mono gele vegena ito hanuva nita gevena, mogona lamana tunu kelemo lamana ozo. 11 Anigalo luhuva napa gizoko leke me nouve neza'ane nigiza netunu gizo nouve. 12 Lugupe hutalo liki alevoleka litamo neve, nemika lita vete kei kuguliza lamana iti kumu linigave, nemini mogo tunu Ezesuni aguliza ali hala inigave. 13 Kugupe huka vegena lite gapolotagako amege tamave La'okao lukugupe hutika alika niki, amina Lugupe loti kuguliza napa alinigave. 14 Neza nuguliza ale ote mino'uve, nana mule neni mikasigu nigika nagata Ezesu Mesiani malipo zalo asu okave, mikasigu mogona amege tami tomo neve. 15 Geza gugupe hutape ito huta namape nenea neta napa nomive, neta gihila'a nemi noko neve, mino gosoha itune. 16 Mino gosoha onani vegenaki, Israel vegenaki, Omasimini hulu, zou, nasahili lekeli toka minative. 17 La'okago geza vegena lika nelemo golesa aminogane. Nanamule, Ezesu neniku mino wai okave. 18 La'okago nigive negitave, Ezesu Mesia napate mini nasahili, lekeli Sikalahuki mako minative. Lamanale!