Mak
Mak
ESA 1
1 Mapa agovinda Anutu, Isu Mesaiya kamanane. 2 Kamanapa eriya yagara Isaia kamana pindi iye, ahgao kayagarava aisagawe, pindagarava ke maima ogivikika. 3 Ka kigae kanatae, Isu kigae ogipuma areketapo. 4 Joni va igomakina wave wayape wani maimitae. Anutu kamana tigu awevuma wani maima kaindanari megasio. 5 Ayama wave wayape Judas i we Jelusalem isa wama umagatae. Piyavuta gana Jodan wanipindi Joni wa wanipa maimitae. 6 Joni wa auta saina Kemol arirasa pumaranda ke, avamukandi kirite wama aoaoke, tuke natae. 7 Piamba togiyama uimidie, kayagarava naka kanakie, tongia enawapa tavera inatataka windie, naipa nagasima naeva kamba oigivudue ai agisavindi maigakenava. 8 Naiva wani tasa mairimue, eva avamusatasa mairimikie. 9 Pindagava Isu va Nasareti isa Galali itagina Joni va wanipa Jodan wanipi maimitae. 10 Isu wani maitagina, mada awitagina awamusa kavara tumutae. 11 Kegae kanatae madarisa, naiya yagaraga namupue. 12 Pigo amusa ama avavute kavuvindi watae. 13 Kavundi 40 wa kanapindi mitagina keya garama agokaeta gina Angeloma omaitae. 15 Utae, kanapa pavigoe, Anutu kumapa kanakena wakarae, kagu awaevuma kamana avo. 16 Isu Galili kayo wanigama atati Saimon ke Andru ke kukona ku wanipindi maivutase, isigeva inoyanda maiyava yagararae. 17 Isu piae wisimitae, kanaiso wasana avavike naina purisia kiku'e. 18 Avaga kukonaku atae aigaratase. 19 Isu pagata mewandana agatipa Jamisi pe Zepedi dagara Jon anado Jams, isgeva kukonaku aogivutase. 20 Isu kegae utaginisi Zepedi ke eriyakinake aigaratae. 21 Pigo Kapenium mekanatapa, sonda avoratagini mono namapindi monoena putae. 22 Igoma kina pamivutae, aiva tave agiyaga yagara kandama utae. 23 Pigo ema, ka yagarava kambari awamusa yaga Juda kinami Mono napindi mima tave kigae utae. 24 Piyae utae, nanaina kaepa pugatakune, Isu Nazareti yagara? tae taigugena kana pera? Kaipa kagadune kaeva Anutu dagara amusakae. 25 Isu tave kigaevisa utae, atate irosawo, kambaraga awamusa kae. 26 Kambaraga awamusa ama aeae urite mavindi atumima, aeae urite mewatae. 27 Waya wa ami agatate tavera paminvuma ivigatae, mapa aoso enavera? aoso kamananema? Ayama kambaraga awamusa amage kamana avima irosa watae. 28 Makamapa Galili isa kumapindi wata kanata putagini kamanapa avitae. 29 Mono namapindisa irosadana va Saimon namapindi Andrew ve Jemis, Joni ve watae. 30 Eria kinami Isu omitae, Saimoni waya wamba anowamba yonigave gina maruti waitami die. 31 Isu kamana ayata uma asitatagina, yonidawapa pagiputae. Pigo wama nanida uma kaoena puitatae. 32 Pidagava papa tupasitagina va tomatoma yonidaga kina avavute mekana pudini kambaraga awamusa yaga kinake avavute kanatae. 33 Ayama pikuma pindisa kinapa kana kana puma kavevi amba awai tatae. 34 Isuva igoma tomatoma yonidaga kina augipuitadana, kamana kamba uda irosama mewa mewa putae. 35 Isuva avayaraka asiwatae, kamba marido kana, wama kakumata nunumuena uma putae. 36 Saimoni ge kaisa mitata kina mi wama aisagatae. 37 Aisama agatama omitae, igoma kinami kaisagaema? 38 Isu piyae utae, togumati wama Anutu kamana wimeno, nana piyema agowapa windegi kanauwe. 39 Isuva wama Galilisa kumapidi wama Anutu kamana pa Juda kina mi mono namapindi wimima kambaraga awamusa pa mai igitae. 40 Kayagarava karia yagara kanama agisavi ara kavima avitae, kanara maima ogipuna takiveno. 41 Adaraena yaga anota aya gatama omitae, kanara maima ogi pugata kue. 42 Avaga kariya enawapa atawatae. 43 Isuva tongia kamana omitama agaru vatae. 44 Isu piyae omitae, madanagava wasana uimisinema. Kamudanaga maite eria kinami meimo, nanaviema Mosese va napikamana wimikivi kaema. 45 Pigo wamagina ayamagina wimitae, Isu putidanaga piyavutagina Isu wa kuma akapindi kamba inda atate, atuti umidongana ugomakina uma agatae.
ESA 2
1 Kaisa kana atawagai tagina watae Kapenium. Okaena kinami avitae napindi midiema. 2 Okaena gina amba akivu tagana, Isuva mono kasa wimitae. Okana gina kanama napa awitawatae. 3 Kevo yagara tarae tarae kinami avavute Isuti kanatae. 4 Na, awitawa tagina, kevo yagara wasirite na agarisa motatae. Isu midometa tumitae. 5 Isuva wasami imatitiena agtae, kainda naripa maega suema. 6 Kaisa napigina mitama okaina napiena putae. 7 Nana agoraka makasava iye? Anutu akayasie, kaindana gapa kainava kamba maigaikie, Anutu asa andoe. 8 Isuva nana napiena putapa ago agate uwimitae. Nanaga tinda aiguema? 9 Kevo yaragava nanaema omikive? Asitewo, amakapa mairite, kaindana gapa maigasue. 10 Pigoema, wasanama dagaramava mabarapa aiti esegiena windie, kevo yagarava piamba omitae. 11 Ugamue, asima amakapa mairite nakati wao. 12 Wasana ikapindi ama mairite irosata gini, paminda mivuma utae. Kamba aga dobendana piema. 13 wani ayeti watagina ayama kanata gana posen daena puiyakitae. 14 Wometi Alphaeus masi Levi ige namata omitae, asima naigaro omitae. 15 Isuva Levi damati wama nanida namiogana ,okaina napiginape, ugaginape avaginape aigaratae. 16 Isuva ugaginape napiena ginape mima naninda natae.Mono namapindisa, Wasanami avagi kina ivigatae. Aiwa ayambaka kaindana gina migewa nanidawa natae? 17 Isu avite ginava uimitae, ogigina magava tusagina kava kamba aigi yosaga kivene. Yonikima gane. Kana topa ogigina kava kamba wa, aguda gina kae. 18 Kaisa kina kanama avigatae. Joni avagi kina, Pharasi ginamige naninda a,aoutae, pipa nana agoraka a,aoutae? kae yakarava uwamidae. 19 Isu uwimitae, ivawaema awae minda kinapa nanidawa a,aou ikivena? Nanaviema, awaiva ugamindemi kana kambae. 20 Pigo kanayaga mekana kinave, wayama awae avavu riginava nanidawa a,aoikive. 21 Kawinava, kasa kukenava avararapa kamba pugunikie. Nanaviema, tavera atugikie. 22 Kamba kawinava, kasa yamaga andipa, avara arivindiva motakivene. Nanviema ivakovikie, kasaenava kanarane. 23 Migarakena yagava Isuva patari yugavindi watae. Avakinami egama wandini patari asikitae. 24 Pharasee ginami utae, agaoma, Sondara kamba pikenai nave ema? 25 Igepa uwimitae, kamba agaveoma, David avagikinake nanindaga ivogini putapa. 26 Mono namata Abiata mindometa naninda asu maema nate imite putae. 27 Isuva utae, Savativa wasana madaga pumaratae, wasanava kamba Savati wamandaga va potatae. 28 Pigo ema, wasanama dagarama kanane Savativa.
ESA 3
1 Toyagava Isuva Ininama pindi watae, pitapa aya puwan yagara mitatae. 2 Kaisagina miva Isuta iyova atama mitatae, kanarapaya ayapa aogivotakiema migarakena yagava, kekuena putae Isu kamana otakenae. 3 Isu omitae ayakevo yagara, wasana ikapi asioma. 4 Aindi Isuva ivigatae, wa'waya migarakena yagava wasana ogipike na'nava ogiena vera, wasana ataena pikenanae, auikena vera aegukena'e? 5 Isu amo au igagategina antaraputae, nanaviema inda akunga tagina. Kanayagara omitae, kaya aivisoma, piaputagina, Isu aogivotatae. 6 Piya, putaginava Pharasee ginami agatate gini, avaga wama gini Heroti kinamige kamana naikitae, Isu aegukena. 7 Pitasava Isu yoga ginake kayowani awatati tumitaga, Galili isa ve Judea isa ve taveginataka aegaratae. 8 Jerusalem isa, Idumeisave, Jordan isave, Tayaisa ve Sidomi kinami, Isu piyapiye kasa aviteginiva, tavegina kanatae, Isuti. 9 Isu yogagina waka uwimitae, kayowani pindi kumapa aogipu nataiyoma,toragina kanama mitagana,ugamba agasaga enatayomav 10 Igomakinapa Isu kava itagina yonikina minda ege napiena waipa Isu aigaya pekana kava tatakie manapitae. 11 Ke awamusa ama agate ginava,Isu agisavindi warema mitagina kegae rasa utae kegaerasa kaiva Anutu dagaragae. 12 Isu ewa, esigima akukaitae, angavorapa nataiyoma. 13 Amuti asumindana, avutinakava iyoma kege'e utagini itae. 14 Isuwa, yogaginawapa utaitatae ewake mima, kamana wa uma arakiveka. 15 Esegiena maeuma ke awamusa agaruwakena. 16 Pigo naya taramuta tara gina utatae, Saimoniga, Pitae omiti dagara. 17 Jemisie, Zepedi dagara, Jonie Jemis agando, Boanerges, pipa amondama dagarae. 18 Andrew ya, Philipi ya, Bartholomew ya, Mathew ya, Thomas ya, James, Alphaeus dagara ya, Thaddaeus, Saimon ya. 19 Judas Iscariotie, Isu punagaena pikena yagarave. 20 Pigo waeri watagiva, okaina ginato ganagana vuma agatae, nanindava kamba nanda. 21 Pigo ewa tumbi piya piye kasa aviteginiva, kanama amba ayakuritae, kanondanara egatamamie umagini. 22 Ewasa, napiena yagakina Jerusalemisa tumita kinami, Isu kava ka ata awamusa urindie utae, kegina agaruwakena, urindikana pitasa keva agaruwaema. 23 Isu kegeuma agora menkitama uwimitae awame kamana pisa. Ayama keamava keva agaruwakiema? 24 Kakamari ama ewa aka aivakovikivipa. to kamba asikie utae. 25 Ka nama agama, aka aivakovikivipa, pindamapa to kamba asigakie utae. 26 Keyagaramava ewa amoena potama aka agaivakovikivipa, kamba tava asikie. pavigopagipuwakie. 27 Esegi yagarama damapa, kotangapa maegakie, agisa ayatapa igana kirokaetamaga pikie kundanava. 28 Taga taga kamana naeva (Isu) urimue, wasana manda kaindana waipa, asuwa puwakie ata gasao ikaisa ikaiya kama uitakiveno. 29 Pigo kevaya aogi awamusa ama akaia sikivipa, kaindana wapa, kamba asuwa pikie. Pikaindana waipa waita waita wagaikie. 30 Isu makamana utipa nanaviema, ata awamusa aewa (Isu) urindie otataganae. 31 Anowamba ya, agadove anandove avei ambindini, kamana aisagatae Isu ti. 32 Taveginami ikapindi mindo gini, omitae Isu, kanogambage kaga gavagi kaekuena puta avei ambindaema. 33 Nanonemba ve nagagava kiva kegie? utae, Isu. 34 Isu aingiangima mara mitata kina mare iga maiga pundana, utae. Agaiyoma, mamba nanonemba, nagando nanando gitava mindae ma. 35 Kegavaya Anutu auma aegamaena pikivembe nagava pimbae, nae (Isu) nagando, nanando, namana, nanonemba gitava.
ESA 4
1 Togakema Isu wa mono kamana uwimitae kayo wani na atati, okaena gina waya wa'a agora amba akibutagana. Isu wa kanu pindi indosuma asumara mitae kayo wanipindi. Ayama waya wa'ava kayo wani atati igeva mindugina. 2 Isu wa okaena awame kasavindisa, posenta kamana pindisa, aeva Isu maya umitae. 3 Aviyo, yoga yagarama aintana pikena watae. 4 Aeva aintanava putawataginawa, kaisa aintanava kei asunukaema tumita gini, kavarangama kivima natae. 5 Kaisa aintanava yava mavindi tumitae, okanena mava kamba kana. 6 Pigo pa ilosatagina, ayama tamusu puwatae nanaviema okaena mava kambae, ayama asawatae. 7 Kaisa aintanava akenana ina pindi tumitagina. Akenana ina kama amamukae tagina, nakena awapa kamba aogima aetae. 8 Kaisa aintanava aogi mavindi tumita awapa aogima aema tave anosama, kaisava ka kinama agisa aya amupuma nayatara gina, kaisava kakaga ginama agisa aya amu, nayaka amu kinama agisa aya amu. 9 To piya utae, kevaya kamana avikena age waintakam va, atagana aveno! 10 Pigo Isu hasa mitatagini, kaisa agorasa yakarami ge naya taramupuma nagisarisa tara tubaema. kina mige avi gatae meto kasa uti kamanaka. 11 Aeva piya uwimitae, tigepa kaka Anutu da agoyaena wa kamana maeyae. Kegivaya avei minta nagiva meto kamana pisa maeyae. 12 Pigo igeva agakivepa, tagane agakive, kamba agavevema agakive, pigo to agakivepa, tagane avikive, kamba aogima napienava pikive, ayugu igu awaema Anutu ti kanaigina kaintana maigisanaga. 13 To piya uwimitae, tigeva mambetopa kamapa maeya ya? Ayamba ayama metopa maekive'e? 14 Yoga yagarama aintana putipe aeva kamana aintana butae. 15 Igeva piyambane aintana kei tumi tipa, kamana aintana putae, kamana avitapa, Sata avaga kamana maegaitae kamana aintana. 16 Igeva mapa yava bavi aintana puta, kegi, kamana avitapa, avaga imutisa maetae. 17 Igepindi avu kamba aogima waitagina, arokana, ando memitae. Pigo kundaena ge karanaena ge kamana, ama kunduena kanata gini, avaga waretae. 18 Kaisa akenana ina pindi aintana pundapa, kamanapa avitapa, 19 maba wama kuduena, kotaka esegi napiena, to kaisa napienama kanama Anutu kamana maema ata putae. 20 Pigo kaisa aintana aogi mavindi antapa igeva mono kamanapa avima aegaratae, igeva awipa aema ka kinata naya taramu, kakagina agina arisa aya, naya kamu kina agisa aya piyama okaena atapa agasima avoratae. 21 Isu uwimitae, tigeva kane uraurite napinti kanama kamagu ke maru amake amenda ataveo? Tigeva uraurite kane asara ita'atave. 22 Nanaviema, kaenaena kakantaena kamba aogima agakiveo, kaisaena kakatakivepa kampa avorakie. 23 Pigoya kaisa ginapa kamana avikena ige wainta kiniva, aogima igeva avio. 24 Piya uwimitae, tige matama avio. Nana araena potakivembe, pavi araenara tavera inata mayogata kive. 25 Nanaviema, kevaya urintakivipa, aepa okaena amintini kevaya kampa urinta kivipa, aepa naena urinta kivipa ayapisa apakaikive. 26 To piya utae, Anutu kumapa piyambanema ka yagarama naninta aintana yogavindi putae. 27 Asenavindi awaitate avaya asivemipa, naninta aintanava ago iwavie, kamba agandie ayambapaya iraema. 28 Mawama aewa nanintava avoravie, amarupa aye avorate amana naninta motate pitapa tave nanita anosavie. 29 Pigo naninta agutaginava, yoga pintagaramava naninta anapikena kasu baema avora yokege piye, nanintava nagarie anapikena. 30 Togema piya utae, ayamba Anutu kumapa maema awaepukune, nana meto kasavisa Anutu kumapa maema awaepukune? 31 Ugaena aintanato piyamba amarate, ayama nanintama aintanapindisava mampavindiva aeva ugaena aintanantoe. 32 Piyavemipa, mavindi ataiginava, tavera imanosama yogavindisa kavuve yave asugaikie. Amawapa tave nanama avorakina kavara amava anapa ambagikie. 33 Piyama, okaena me to pisa Anutu kamanapa uwimitae, aogima avivevema kamanapa aviyema. 34 Ayama kamana uwimiti pindiva meto kamanapa kamba kaitae. Isu asawa mitatitae, uvevema arama avagi kina wa kamana avorama uwimitae. 35 Pintaga,atamisatagina, Isu uwaimitae," maeiyo wani-ngkama maroteti wakune". 36 Pigo wasana wayawa,a itate Isu -ngkavavurite gini, nanaviema Isu kanu vindi ago agoasumitataginie. kaisa kanu va iyegama wayae. 37 Kamba pagata wanduguna, ka tave punda irosama kayowani airapa puma kanu asu awaitakena putae. 38 Piya putagini, Isu va asawa kanu wama akai awaitami tatagini, avagi kinamiva apagepuma omitae, posenda yagarao kamapa napiena puwaku nemave? 39 Pigo asimagini ponda wamake kayo wani amake maya uwisimitae. pasema mima a taverapa piso! Avaga, ando pondava pagipuwatagina kayo wanipa mara, aitae. 40 Piyaputagina avagikina pia uwitae.tigeva nanaga tiyekuruve? tigepindi timatitiena kamba windie. 41 Avaginapa iyekuma awaita watagina igepindi piyae utae, aiva keginisi ponda wamage kayo wanigamage aekamanapa avese?
ESA 5
1 Igeva kayo wanigama atati watae, agewapa Gerasenes e. 2 Isu anopisa payopuma tumitagina,Pitava avaga kewama awamusa midaya gara irosatae isuta. 3 Kana yagarava purinda kinami iruvindi miyemine.kaenava kamba a,ao otakie, iganarasa geva kambae 4 Ayakuma igoma esegi iganarasage igoma ege yarasage ugutitae.iganava irisakaite,yava ivarara pugite puvie. kawinamava kambae esegivuma ayakurikie. 5 Ayama asekape arape, wasana iruvindive amutive aeae uma aupa yavatasa kasavie. 6 Pigo Isu pagsaisa maro agateginava, karusurite agisavi uma arakavitae. 7 Kuve enavisa tavera kegae utaye, nana kaigeva pukuve, Isu, Anutu inatasa yagarama dagara? Anutu aewa agera kavigawe, nauki vakiena andamoma. 8 Isu uwimitae, irosawoma wasana pindisawa, kewama awamusa kawa. 9 Isu avigatae, kagegapa kegaema? Aiva omitae, nagenepa Legion naema, igomatakane. 10 Toge togema avigatae, igarupama mambavindisa itoma. 11 Pindava igoma yaga iyami amuti naninda namamitae. 12 Mayaema avigatae, Yagavindi tatoma, pipindi mikuna. 13 Piya utagana ove uwimtae, kewama awamusapa irourite yagama anda vindi puwatae, yagamiva amutisa karusutapa kayo wanipindi ayamando watae tara tausen yaga kakapa nisuwatae. 14 Yaga naninda amimita kinamiva iyegaka wama uwimitae nanavaya pita avoratami kava, wasanamipa iroute watae agakena. 15 Kamana gini isuke kewama awamusa andavindisa irowati yagarage uma isigatae. Kewama antavindi itama yagarava, maramitatae, autasainava potama aogi napienara mitatae. 16 Kegivaya agatagana kewama awamusa minda yagarava, ayama kasando uwimitae, yagamakegava uwimitae. 17 Igeva omitae, mambava atate wagasoma. 18 Isu kana pindi itaginava, kewama awamusa mitati yagaramava Isu pa avigatae, aige wakena. 19 Isuva kambae omitae, atate namakati wama kokina uma uwimoma nana Anutu pugatami kasage andaraena pukatamikagava. 20 Pigoema atate wama haine kumatahamana uma uwimitae nana Isu potatami kasava, ayama ginami avite, tavera imundana putae. 21 Isu va atate kayo wanikama maroteti watae, kanuvi, igoma kina ampa inkitatae, kayo wanigama awamori mitatagini. 22 Ka mono namatisa Haiva yagara ageva Jairus kanama Isu ampa agateva, agisavi arakavitae. 23 Isu toge rogema, omitae, amana aragandonepa puwakena viyema. Kavigauwe amba kaya ayaku regana asiyenoma. 24 Isu va aige watae, ayama ginapa aigaurite watae agora akikipuma. 25 Ka waipa pita mitatae, ho inu maima naya tara amupuma nagisarisa tara tumbaima yugavindi yonidanava wapa witati waene. 26 Yavakinapa igoma ivavuma kotangaba ayakitipa, yonigapa kamba atatae. 27 Isu kanaema aviteginiva. Aigama igoma kinapindi imagina autasainara ayakuritae. 28 Amatiti puma, naiva autasainara ayaku rukuwopa kanara pukuema. 29 Ayakurita gina, yonigapa asando ayawatae. 30 Isu va aupindisa esegiena wagasaema napitae. Awae puma ivigatae kega nayakurenema? 31 Eriya kinamiva omitae, igoma kina taka kaigarawa, ayambaka yenema? 32 Isu va awaevuma kevaya piyema agusatae. 33 Kana waima, nana auti avorati agategina karupuma pami potatae, aiva kanama Isu agisavi warewama pigo ayama taga kasa omitae. 34 Aiva omitae, araga, kaika kamatiti enama kavakatae. Paruena vi wama yoni kapa kavaro. 35 Piya umamita ginava, kaisa gina kanatae mononamata kaviti yagarari, omitae, aragagapa ago puwaema. Nanaga posenda yagarava kundainava amima miene? 36 Piya utapa Isu va age wama ago avitae, aiva omitae aine yagaragava mono namatisa, ah kaikurupuma, uwa kamatiti poma. 37 Aiva wasanava kamba uwe uwimitae avagi pikenava, Pita, va Jems anando. 38 Igeva itae kaviti mono namatisa yagarama namati, aiva agatae igoma kasa uta, kuve'enapuma indaraena puta. 39 Pigo namapindi, aiva uwimitae, nanaga tindara puma kuve'enava pewe? yagarandova kamba purinda uwaita mindie uwimitae. 40 Igeva kagi yasa potatae. Piya puta piyo aiva ayama igaruvama avei itate avawamba ge anowamba wa, kegivaya aige mitata nagige aiwake itae yagarando atamamita. 41 Aiva aya yagarandomanda asu maima utae, Talita, koum! Pipa maya utae, uwaina aragando naiva gaika uwa asiyo. 42 Ava ga'ando yagarando va asima watae kaiva naya tara tumbaim yuga puginda aragandoe avaga pami potama imudana inata taka putae. 43 Aiva tavera akungitatae wasana miva agaviyoma.
ESA 6
1 Aiva pingavagopa atate aiwa aineumata watagini, agorasa yagaraginuga aigaurite watae. 2 Anutu dana migarakena kana amba avoratagina, Juda ginami mononama paiatana, waya wa'ah mono kamana, uvepapuma uwimitae. Okena waya wa'ah mi posenda kamana avite pamindami vutae. Igeva mayae utae, aiva aitasa maponsendapa kamanapa maiye? Aya oginapiena maiye? Aiva aya awame eha ayanga pisava puvine? 3 Ayugu aiva kamba namapa kikena yagarae aive Mary masi yagarawane hai anatavarava Jamis, Joses, Judas, Saimon ye? Isu pa igeva indava potatae. 4 Isu va waya wa'ahva maye'e uwimitae, kaisa avagotape hiona kinamive tave higi mariveve. Igeve tave igiva igevi aine kumatape, higevi iyomitape, igevi tupipe kumpa tave igiva maivewe. 5 Aiva tave eriapa kamba pikivipio, uga aiva kanara pundie kariena maikive waamita ayang asaguma kanara puita kenava. 6 Aiva pamivutae, nanaviema igeva kamba imatiti puvekini. Aindiva aiva ayaema kumata wama waya wa'avindi. Anutu kamana uma pagusandana posenda puwiya kitae. 7 Ain diva naya taramupa to naindisa tara umaima yagara kinunga kegaeuma tara tara igaruwatae. Anutu kama umah pagusakena watae. Isu va kambaraga awamusa maigakena esegiena imitama. 8 Mayae uwimitae, tigeve yavakutipe, wendana nanindave, arakaivuna kutipe ambahio, pavigo tigeve pusu akari urio. 9 Tigisa ana purindini, tiyu ana enava tarava angurio. 10 Isu mayae uwimitae, wakiveti aindamapi pusa pasikivepe pavindamapi mima iroma wakena kanati mekanaki, irosama waiyo. 11 Piyavigina ka aine kuma ama kamba tivaveo kamba kamanati kamba aviritigiripe, pigoema kuma kaite wakena pundiripa, tige'ena awame ena ripe tigisa ana purindakivetasa kuku aiwa kavu gaite igetapa waiyo'oh. 12 Igeva pagu mewama igu awae vutae. 13 Pigoema igeva wama ata awamusapa okena mai igindini, masawaipa akugevama kari wa'ami indapa tima yoravuitandiri pigoema kari wa'ava kavai igasitae. 14 Isu age awaga kasama pagusaraya vuwaye kasa ima asu gainda kiya yagarama Heroti avitae. Kaisamiva mayae utae, Mono wani maitakena yagara Jon purinda kinami kavisava ago asiwatine. Piyavemikana pimbakasa awame'ena pikena esegienava urindikanae. 15 Togaisa kinamiva mayae utae, Aivemapa Elijah yoguna, togaisa miva mayae umitatae, aive mape ka ona yagara paipa mitatine. 16 Piyavuti piyo makasa Heroti aviteva, mayae utae, Mono wani maitake Jon anongayambuva ago arisa kaitona, aiva ago asiwatino. 17 Heroti va kaisagina igaruwatagini uma mono wani paitakena Jonipa uma arakuma igana namapi atatae. Nanaviema aiva Heroti maitakena viema, agan dowampa Philip emae. 18 Jon va, Heroti pa mayae omitae, kamba ogivie kagando gamba gai maitakenava. 19 Piyae utipio
ESA 9
1 Tagatagaka,tigekagava uwe kaisa kega iva asima mindape,purikenaena kaba aganda mindagana. Anutu esegienawandaga kumawamandaga mekanakie. 2 Nayakamuta ka yaga ata wagasogana ,Isu va Pita na Jemisi na Joni gipa.Igemana ivapurite inda amuti itae. Mima apasaputagana . Iyora Isu autisa va ewasaena ena mekanatae. 4 Aka aega atama Ilaisa ya Mosese ge, mekavovuma Isu ge amba asitae. 5 Pita utae, posenda yagara. panapuma ago ambin dobekata.Kakaga nama kikunema, Kapa kaenawa , Mosese ndawa, Ilaisa ndaema. 6 Nana gasa uwemava , Kamba napitae.Nanaviema iyekuru enama awaita watae. 7 Ka ivinangama mekanama, iyerarikaewatagina pipintasa ka kegae mekanatae, Mapa nae navuganda yagarava. Ai ikivikasava aviyomandoe. 8 Avaga marega maga putapa, kamba kawainapa agatae.Isu ae asa andoe. 9 Amutisa metumintiniva, Isu va esegi gasa uwimitae. Nana agandanave kawasanave ago imiyoma. Kana yoga wasanama ndagarava, puwanda kinami kumatisa mesu asikivindama. 10 Pigoema, kamanapa meta taku-urintini. Igewi iyogi kasa utae. Nana agaga makasava iyema.Puwate to aoga kenaema. 11 Avigatae,"nana ago rakaga napiginamive, Ilaisa ka me kanagasakae?" 12 Aeva mayampa uwaimitae, "Ilaisa me kana tamipa, aeva, ayamaena maema araketa pikena. Pigowa, nana agoga kaemarandae. wasanama ndagarava, okaena kunduena aesagavindan, agewapa maema yosiasiputae? 13 Pigoema, naeva ugamue, Ilaisa kanatamipa, nanaga aetisa menapita, Mono kasama utamisa putae" 14 Kana avagi yagara mitati mekana ntiniva, Agatapa,okaena gina ingiangi puta gana. Mono namapindisa napigina mive , Avagi yagaraga, imokasa uitatae. 15 Asa Isu ngagate, kaga kina ma pamivuma,karuena mekanama, amba agigatae. 16 Avagi yakara ivigatae, "nana agoraka timokasa va e-ema?" 17 Wasana akapindisa, kawaina utae."Posenda yagarao,Masia kaeti avavurite mekana uwe, nanaviema, aru awamusa ngkama awamu aigukasaema. 18 Agovike yakema irusepama,awa wanindaga, awamu uta kaewama,aupe paroto puwama. Pigo Kavagi yagara, aru awamusa ka maegasioma, uwaimopa , kampa mae gasae. 19 Uwimitae, tima titi kamba windo kina taema. Ayakindaga tige geva miku ema? Ayakindaga pindanava pukuema? Avavurite kana. 20 Masia avavurite aiti mekanatagana ke awamusa ama Isu agatate ava ando awavu wanidaga aisagama mavi maivo tatae. 21 Isuva ava wambaka avigatae. Ayaki yaga madanava avoraviema? Avawambava utae, ugaina masindo midoganae. 22 Okaina yagava asagauma yakupindi maivute, wanipinve apaima aigukena puvie. Kanara kaena pukue udanapa, kadarapuma tasiyomaiyo. 23 Isuva omitae ago kanara noma?Aya menawa kendo amatiti pikivikava,kanara pikiema. 24 Avaga taka, masia ma avawamba kegae uma utae? Naiva namatiti puema. Kamba ogima namatiti pukuokava nomaiyo. 25 Kana Isu agamipa okaina kina, igeti karuena watae. Aiva ke awamusa kava amotisa omitae, kaiva kabari awamusa kae. Naiva esegikasa ugatauwa, irosawoma tova aipindiva akanoma. 26 Kanae nava kege urite irosatae.kana masia agatapa ago puwada yagarama aumaitae. Pigoema okaina kinamive ago puwatae utae. 27 Pigo ema ,Isuva ayatauma asitatae . Masiava asiwatae. 28 Kana Isuva namapindi mekano giniva.Avagi yakara miva kaka avigatae. Taiva nana agoraka kamba ke awamu sapa agaruva u nema. 29 Uwimitae, mayam bapa kamba agaruva kiewe. Nunamu vidisa kanae. 30 Pisava atate Galili mavi watae, aiva pita minda nemava kamba kawinapa aganoma, 31 Pigo ema,avagi yakara pose daena puiya kindana uwimitae. "Wasa nami ndagarava avavuma imigina aiguki ve-e . Puma wagaite kaka yagava mesu asiwakie". 32 Nanaema, utamikasava, kamba aogima, napiena wa maendanava, avigakena putapa, iyekuru putae. 33 Capeneam me kanatae.Namapindi asumirindanava ivigatae, "Ke ivava nanaga iyogive'ema?" 34 Kamba kakasa va utae. Nanaviema, keiva imokasa uta kanandini utawatae taepisa va taveva kemikiema. 35 Maramirindanava, kaga nayataramupuma tonandisa tara umaema avagi yagara kegae utae. Pigo uwaimi tae,"Kega amaru paita kuemava,kaepa atutimima, to kaisa ginami eriya kinaena pikivene." 36 Ka amana dagarando avavuma ikapi mara mita ndanava. Aya pindi me ngavavuritana uwaimitae. 37 "Kega, mayama amana dagarando, nageraka, megavavi kive bepe naeke nava vena. pigo ema ,kega nae navavi kivembepa. Nae nasa andova kabae. Mo, naisagatami nage. 38 Joni omitae, posenda yagara,kaisa gina igo ikini ,kae kage raka ,am awamusa agaruwatae kaba apiyoma ,nanaviema ,taipa kaba taiga ravinema. 39 Pigo ema ,Isu wa utae,epa, ah akunoma .Kabakawina mava, nae nagerakava, tave enawa pugakia, aindi nakaya kasa ikia. 40 Kendo kamba paeisi kasa , ikivinava tae kinane. 41 Kendo wani ka noma. Kami kivipa, kaewa Isu kina kae. Taga taga uga mue. Ewa kamba ama titienawa kamba ivindona wakie. 42 Atota wisa, kega igosawa vegana oketaena vindi walewa kive kagava. kamasamba, epa. Toyagarama onu dava, amemavi ugu atama kaya wani pindi , momae vugai kie. 43 pigo ema, kaya ama oketaena vindi kaga sawa vekinapa. Kasa kaso pipa kanara pikie ,Ka-kaen daga Anutu waeli mewa kivembepa,kanarane. Ayugu tara kae kama pekina mabavisa, kamba atumakena yakapindi mewakivene. 44 undefind. 45 Pigo ema, kagisama oketaena vindi kago sawa vekinapa. Arisakas kaso. Pipa kanara pikie ,ka-kagisa yaga Anutu waeli mewa kivembepa. kanara Ayugu tara kagisama pekina, mabavisa yakupindi mekivene. 46 undefind. 47 Pigo ema, koma oketaena vindi kago sawa vekinapa. kupipa kaso. Pipa kanra pikie , ka-koyaga Anutu waeli mewa kivembepa, kanarane. Ayugu tara koma pekina, mabavisa yakupindi mewa kivene. 48 Pin kavarapa mavindisa kowave igeva kamba puringina, yaku keva kamba atumakie. 49 Pina kagoga, ayamagi napa, naindara kayo asikisuma, yaku gamava irakie. 50 Kayova kanara enae, pigoema, igaena wa mega kivipa. Ayagi isa igaena wapa mekanakie ? tigawe, kayo enwe, tikapindiwa wiyeno, Agoya enawa, tigeke, igeke windiwa wieno.
ESA 10.
1 Isu pingavagopa atate mavingama yudia kumata hirosatae,pipa Jodeni waningama marotetie,piyavogana atokaina wa-ah aigaratae.Paviama puvemisamba puiyakitae. 2 Kaisa Farasaiyo kinamiva kanama akasa kamana amba avigatae.Pipa tagaena pio,akuninda kasamava kanara wamava wayawapa kaikio? 3 Isu va mayae andota kamanapa uwimitae.'' Tigepa ayae Mosesi va urimitine?'' 4 Higerova mayae omitae,'' Mosesi va mayae utine,kayagarama wayawa kaikena vundanava,aiva waya wa-ah avakovikena isa aruruatama agaru wano. 5 Isu va mayae uwimitae,pi puvaya kamana Mosesi kaitipa,nanaviemae,wayati agaruwakena tindawamava ata esegi vuatagina kaitine. 6 Pigoema pusa mambara ayaemaina tavaro yogana tavarindi yagara Anutu va ayangapisa pundine. 7 Pingagoraka wamava ano ava pa kaitegina waya wikeva humive-e. 8 ''Piyambakana isigeva isiuwisipa pavigo ka-andoe,isigeva isiota isiotapa kambae. 9 ''Piyamba kana isigeva isiuwaisipa katakayangandoe, Pigoema Anutu paivukaitipa kamba rakaya kayagaramava aigariova kie.'' 10 Pigo namangaiti umindiniva to mokasagava agorasa yagaramiva avigatae. 11 ''Isu va mayae uwimitae,ka yagarama wayawa agaruwa kaikivipa,ku kioenavie,to oso wae maikivipa,pavikeva ku kioenavie. 13 Igeva amana ndakarandodo ivavurite Isu ti kanatae aeva nunamu uwaitanema,piya puguna agorasa yagara miva igaruwatae. 14 Isu agategina, kampa amupuma mayae uwaimi tae,"Uwaitigina yakara ndodo nagori kanaiyo, a ngigaru wama, Anutu kumapa amana ndakara ndodo iyaginami kumane. 15 Tataga urimue, waya wa,amita amana ndagara mikive sampa kamba mikivepa Anutu kumapa kampa maekive-e" 16 Pigo Isu yakara ndodo auta ivavuma asimu puitatae aya inoti atama. 17 Agorasa yagara iyawa ke agovima wataginava, ka yagara karusuma kanama Isu ta amba arakavima, avigatae,"Aogi posenta yagarao, nava ayapukuotiga miyava nauma va maekue?" 18 Isu utae,"Nana agoraka aogi posenta yagarao va ene? Kamba ka yagara va mambavindiva aogi yagarava mindie. 19 Ago kaeva puvaya kamanapa avindane: 'A wasanava aguyo, kumiena va apo, kambari kamana pa aso, kundanava a po, tigeva tino tiva gi kamana avio." 20 Mondugaramava Jisu pa mayae humitae,pasenda yagarao, hayaema puvaya kamanapa amanandagarando minda haiga mindadone. 21 Jisu va pindagaragava avugatagina hagahuma omitae, kaive kaenainanagdoga kavo vene. To wama hayaema kutaka huma aisma miyembaima kusegina himo. piyavugai kivem betakava, tavena kuta kaihenava manda kumata waindie kaive amba naigarao. 22 Pigo aiva pikamana avite kamba amundana vunda taveratakaya handa vurinda yaga wagaitae, nanaviemae haiva atokaina kutangama avae. 23 Isu va agorasa yagaraia igauma uwimitae,''Avio tavera ita ata pundie okena kuta atanda kinami Anutundana miyava miyava kumapindi ikenava.'' 24 Isundana agorasa yagarami pikamana avitegini tavera pamindami vutae, Isu va togake mayae uwimitae, ''tigeva yagara mio. Anutundana ewasa kumapindi ikenava kamba agoya pundie.' 25 Kameli yagamava kanara pundie aiva na-ama agepindi pasikenaga, miengai waiganda kinami Anutundana ewasa kumapindi ikenava agoya pundie. 26 Agorasa yagaramiva pikamana avitegini pamindami vuma tavera igewi ikapipa uma iyogi pundae, Pigo piamba yekinava, aiva ke auma maema miyava miyava kumapa maikie. 27 Isu va mare ai purindana igama mayae uwimitae, wasanama tapa kamba kanara pikivipio, Anutugeva kanara pikie nanaviema, kamba kaenainava Anutu tapa ita nata pundie. 28 Pigo ema Isu makamana ugai taginava, Pitapa ,mayae Isu pa omitae, 'kaiva agano-o,taiva ayaemainare kaitegita kai kaigara tanasune. 29 Isu mayae utae, 'Naive taga tagaya urimue, wasanami namangai kaindini, agando,anando amana kaindini,ino iva,yagarawi kaindini, magowi kaikivepe naikaga napindini, nai kamana kaga napindini. 30 Aiva ayaemainawa kaindipa to membaikie, nayakamu tuwenti avagota membaima mamba rapa mikie. Pipa maya ainava, agando anando amana, anoava ,yagara magowipe, paviamba Anutu kamanata imatiti puma kundaina mainda kinape.Pavi igegeve Anutundana auma maima miyava miyava kuma maikive'e. 31 Piyambakana, wayawa-avisa kevaya paitama minda kihinava atuti atumekina,atuti minda kihinamava paitakie. 32 Aindiva pigo,Isu va naya tara mupuma tonaindisa tara umaima yagarawa kegae urite wasana kambinda avagota watae, ivavuma meitandana Aiwa auta avoraki hindanama kamana uwimitae. 33 Tigeva agaiyo,pigo Yelusale kumata iyekanva igeva kanama Wamandagara amba arakuma mono tasa Aine kiyamipe,napiena arawanda kinamike iyapi maro tatagana napiena arawanda kinami avavuma puvaya kamanapi asitakive-e,piya potamagini ara aivu kaikena uma asaitatae.Piya potamagini toginata aisagaigina aiguma ara aivu kaikive-e. 34 Igeva karana kamanapa otandini,kaisapa potandini,aigundini puma ara aivu kaikive-e,uga piya pugai kivepio,aindiva purinda kinami kavindi papa kagasavuma tumbigai tegina mesu auma maima asiwakie. 35 Sebeti yagara tara Yemisi ge,Yoni ge mayae uma Isu aviga tase,''Posenda yagarao,tasige kaviga kusomepa,tasivi ki-ikava kaiva kaenaina pomae.'' 36 Aiva andota kamana isivigatae,''tisigeva Nai kava nana purasi toma yese-e?'' 37 Mayae isigeva utase,''tasivavuma kaya takandige kaya kemandige marami rasi tagara Kai ewasaina vindi miwa somae. 38 Pigo ema isu va mayae huaimitae, tisigeva nana kasa husemava kamba avima aranda kasa navigase, kanara nai nakuo kapisava nalavesa? pera tisigeva kanara, nai wani baikuokihisava wanipa maikive mena?. 39 Hisigave mayae homitase tasigeva kanarane, Isu va mayae huwisimitae, pipa tagaka yase'e nai nakuo kapisega nai wani maikuo wanipa maikuse yemepa kanarapieo naya takandige, naya kemandige Anutu hewasainavindi mikusema yemepe pindanava naihenainava kambae. 40 Naya kemandige, naya takandige maramikenaina timikenainava pipa nai avogapa kambae. Kambae pipa kegivaya maikive'ema yokegevo tandipa pavikina hando mi maikive-e. 41 Pikamana naya taramupuma yagarami aviteginiva tavera himohena vundini himokasa Jemisike Jonikeva huasisitatae. 42 Pigo aindi yagara kinun ga kegae huma akivuitama mauae huwimitae, tigeava agavegana mono tasa aiva kiyeni va waya wara'ape hige kavima aiva vuitavene piyambakana tavegina wimbi kahitatave-eh. 43 Piyambano tigeva pingagora apiyo, pigoema tige akapisa katimba himasugasima kiya mikena pundanava, pindagaramava aivah tigehena erianda gara mieno. 44 Kevaya paitama yagara mikena vundanava aigeva tigehena eriandagara miyeno. 45 Wamah tangara kanatipa tai eria pukunombenda namava aiwah homaienemavah kambae kambae.Aivah aumawa hicakandama himigasima to waya waah mengikapuma hivavikenae. 46 Pigo Yeriko kumata uma hiro sandiniva,pikumapa atatae Jisu veh yagara iyu wape,me wauguma hokena waya waahva hiye garatae.Kah horicah yagarava,Tamius yagara agewapa Batimiusie.Aivah keawamori mima waya waahga awateka hivigavine. 47 Aivah Isu Nasareti kumatasa yagaraema aviteginava,aivah mesu asimagima taverasa mayaema kegae hutae,''Kaive Teviti dangara Isu gae,kaiva kanda paruvunats.'' 48 Piyavagini waya wa`ahmiva ha kegaeyoma kaviratae.Piya vutapiyo ,to taverasa kegae umah mayae hutae,Isu oh kaivah Teviti dagaragae kaiva kadaparu punatao. 49 Pigo Isuva pigiae avitegina uma asima utae.aurika yagara avavute kanaiyo.waya wa,amiva piyae omitae, kaiva avaga asiwao,kaikaga kegae iye. 50 Avaga avovorasa hau hana hena awari maigaitenina karusuma Isuti kanatae. 51 Isu mayae omitae,"Nana pugatasanaga kavie yema?" Aorika yagarama va utae ,"Oyapao, Nae ve nao agasanaga navie." 52 Pigo Isu va omitae ,"Asima wao. Kama titi enagamba kava kataya." Pigo avaga aova agatae, kei aegama watae.
ESA 11
1 Pigo Jerusalemu i kanata pa,wakara Betpesi i ge Betani i ge, pigo Isu va tara aegara yagara visa isisagatae. 2 piya potama uwaisimitae." Takai wai ndi ngkae ra waiso. Wama girisi asuvasikive mepa,aga kivese ka kasa donki kamba wasana miva avovo riva mive.Igana ayova,atama maete kanaiso naeti. 3 Kaisa ginami tisiviga ma,"Nana vikena pesema?" maya uwaimiso, "Oyapa ma egira ema isigina avaga ma aisagakie." 4 Wa ma ka donki avei kumata igana kitanda uma agatama, igana aiyovatase. 5 Kaisa wasana asimamita kinami isviga tae,"Nana vese, donki igana ayovasa?" 6 Isu uwaisimi tisa uwaimi tase, pigo isitatame gini watase. 7 Mo tara avagi yagarara misiva donki ve maete Isu nggora wantisiva isitasaena akuvuma donki wama avovori ama agutase Isu asu mara mikivaka. 8 Okaena ginamiva itasaena rasa amaena keipu tae ,kaisa ginami va yaye tasa agutae. 9 Aori wata kinamive, akai wata kinamive tavera ae uma, age asagau tae, "Age asasu tae, awamusa pa Anutu agera kanambe ndagara va. 10 Awamusa pa Deviti tavarempa kuma'amandae ndae ma!Inatata ka age asagautae!" 11 Pigoe ma Isu Jerusalemu wama gina mono nama pindi imagina ayamaena waitati agatae.Kana arosa wata gina,atate Betani wa tae nayatara mupu ma tara tumpaema avagi kinake. 12 To pi kayagava Betani isa kanatapa,Isu pa agaena avutae. 13 Pagasaisa maro agatae ka fiki ya aye ngkaitata gina,agora wamagi na yama ngkawa agasanaga,wa tamipa kamba yamanga wapa waitatae ayengkamana waitata gina nanaviema kanawata pa kampae. 14 Omitae, "Wasana miva kamba to gaetasa va awapa asigi ma nakive,e" Piya utagini avagi yakarami va avitae. 15 To Jerusalemu i kanamagini, mono nama pindi imagina aisana ndana puta ke ika ndana kina asu igaruwatae mono nama pindisa.Aeva miye ayikita ndavae ve kavara ngaisagata pa maema asunugaga puigaitae. 16 Mono nama pindi aisana ndana pikenava a,ao uwaitatae. 17 Napiena gasa uwaimitae, "mono isa pindi kamba waindi ema,'Nae nama pa ayama magamaga kinami nunamu ikena namane ikive'? Tigeva ku kinami kumaenape uwaimitae." 18 Aeva pristi ginami ge awaena pukena ginami ge avitegini va ke kuena putae aegukena. Nana viema ,ayama ginapa iyekuru putae kamana utika. 19 Pigo atamisa tagini, tava kumapa atate watae. 20 Avaya ra watapa,agatae figi yava avu yaga asawatagini. 21 Pita va napitate gina utae, "Posenda yagara,ma agae! figi ya ausagae utambepa ago asawae." 22 Isu uwaimitae,"timatiti ena anutu ta piyo. 23 Tagataga urimue kevaya ma ngkamu amaka, 'kaega asiwategina kayo wanipindi aesawao,'tara tara napiena kapunda ka amatiti enarasa ukuwondana va avorakiema, piya Anutu va pikiye. 24 Piyamba ka Naeva urimue: ayamaena nunamu uma aviga kivembe, kamatitiena po maekue ma, piya pikivembepa kaenae. 25 Pigo asima nunamu untanapa, kaeva maigaso nanavaya wasana miti punta kivempepa,pigoema Anutu va kaena agundaena gapa maegaga kiye." 26 (undefine) 27 To Jerusalemui kana tapa. Isu mono kamana pindi itagini, tave pristi ginape ,awaena pikena ginape,anasa yakara ve kana tae agori. 28 Piyama avigatae ,"Ke owe ugatagina nana esegienarasa mandana va vene,ke owe kamqanapa ugatagina?" 29 Isu uwaimitae,"Nae va ka kamana tiviga kuwa, unamigi nae va urimikue nana esegi enarasa vaya mandana va pue ma. 30 Joni nda wani mbaekenaena va Anutu tisa vera ma mbavindisae? unamiya." 31 Ige waipindi aiyogi puma gini makagasa uma utae,"Maya ukuno mbepa,'Mandarisae ma, 'ae va piya ikiyema, Ae kava nana vika kamba tinatiti potae ma?' 32 pigo maya ukuno mbepa, 'Wasana mitisae,'... ." Ige va iyekuru putae wasana mika, ayama ginami va Joni kava profetiye utakini. 33 Pigo Isu pa omitae, "Kamba agandunema" Pigo Isu uwainitae, "Nae geva kamba urimi kue na esegiena rasa vaya mandana va pue ma."
ESA 12
1 Pigo Isu kamana agovima uwimitae awame kamana pisa. Maya uwimitae, '' ka yagarama waini yugu putae, kagisa gima waini yugava ingkitatae, ka guma yokege putae anti aerama waini maekenava. To toganama vima waini yugara kavikiveka imatae waini yugawata kavikena gina piyapotate kaisa pagasa mari wagaitae. 2 Pigo waini waini amanda yamanga asikikena kana kantae, aeva pigo kaeriya -ndagarawa aisagatae yoga kie kinamiti kaisa waini awa asigiurite kananema. 3 Kambae ayakumo gini aeguma to kana titi ouka aisagatae. 4 To ga eriya ngdagara wa to aisagatae, torevasa puma aeguma gini ano ngkairapoma ataena potama ata ani-ntanara aetatae. 5 To gato aisagatae, pintaga ara aeguma aivukaitae. Kaisava paviyama to kaisava kama sandana puitama iyeguma kaisava era aivuritae. 6 To gayagara lo aisagakena waitae, aewa ngdagarae tavera avugati ae-ase-ando mitae to igeti aisagakenava. Piya utae,'' Masi yagaranemba kamana avikive''. 7 Kambae yogala kavita kinamiva igewaipa maya utae, '' pindagaramava ava wambanda ayama kotapa aewaka maekiyema. 8 Ayakumagini, aeguma waini yuga wamapa avei maevugaitae. 9 Piyavekina, waini yugama avawampava iva-va ayapikiye? aeva ige pa kanamagina aitaena puwitama waini yugara kavikenaenava togina imikie. 10 Ma kamanapa kamba aisuma avintana? ka yava na kikena ginami aiwaregasa,pintava kamava atutasa esegi yavane. 11 Mapa oyapa matisae, mapa tasio liva aogivie''. 12 Igeva Isu arakurikena putae, okaena ginakaro to igave karu putae, nanaviema aeva igekaga meto kamanapa utaginie. Aepa atate wagasi kangasi putae.