2 YOHANES
2 YOHANES
Pasal 1
1 Dari tatuha jemaah, gasan uma wan anak-anak nang dipilih, nang ulun kasihi dalam kabanaran, kada ulun haja, tetapi seberataan urang nang tahu lawan kabanaran, 2 karana kabanaran nang badiam dalam kita wan nang cagar badiam salawasan dalam hidup kita. 3 Anugerah, belas kasih, wan damai sejahtera dari Allah Bapa wan dari Tuhan Yesus Kristus, Sang Anak, mairingi kita salawasan dalam kabanaran wan kasih. 4 Ulun himung banar tahu babarapa anak pian hidup dalam kabanaran, sasuai lawan ajaran nang kita tarima dari Bapa. 5 Wayah ngini jua, ulun minta lawan pian, Uma, ngini lain saulah-ulah ulun meulah parintah hanyar, malainkan parintah nang matan dahulu sudah ada, yaitu supaya kita barataan mengasihi. 6 Nginilah kasih, bahwa kita hidup sasuai parintah-parintah Sidin. Inilah parintah ngitu, nang sudah pian dangar matan bahula supaya kita hidup di dalamnya. 7 Sabab, banyak urang nang manyasatakan muncul ka dunia, buhannya kada maakui Yesus sabagai Kristus nang datang dalam wujud manusia. Buhannya ngitu digalari panyasat wan anti-Kristus. 8 Bahati-hatilah supaya pian kada kahilangan apa nang sudah kita usahakan, melainkan upah nang sautuhnya. 9 Satiap urang nang bajalan kaluar wan kada badiam dalam ajaran Kristus, inya kada baisi Allah. Tapi, siapa haja nang badiam dalam ajaran Kristus ngitu inya baisi Bapa atawa Anak. 10 Amun ada urang nang datang ka wadah pian wan kada mambawa ajaran ngini, jangan pian tarima inya masuk ka dalam rumah pian atawa membarii salam napa pun. 11 Sabab, siapa haja nang manyambut inya bararti maambil bagian jua dalam gawian jahat urang ngitu. 12 Banyak nang handak ulun tulisakan gasan pian, tapi ulun kada hakun manulisnya di kartas atawa tinta. Tapi, ulun baharap kawa bapandir bahadapan lawan pian supaya kahimungan kita dipenuhi. 13 Anak-anak dingsanak pian nang babinian tapilih manyampai akan salam gasan pian.