2 TESALONIKA
2 TESALONIKA
Pasal 1
1 Salam dari Paulus, Silwanus, wan timotius, gasan jemaah di Tesalonika dalam allah, Bapa kita, wan Tuhan Yesus Kristus. 2 Anugerah wan damai sejahtera gasan pian dari Allah, Bapa kita, wan Tuhan Yesus Kristus. 3 Kami kada bisa kada basyukur wan Allah gasan pian, dingsanak barataan, wan mula harus kaya itu. Sabab, iman pian batumbuh malimpah wan jua kasih pian gasan sasama kita samakin ganal. 4 Ulih sabab itu, kami bangga bakisah tentang pian di muka babuhan jemaah Allah karana kasabaran wan iman pian di tangah panganiayaan wan kasangsaraan nang pian rasaakan. (Tentang Penghakiman Allah) 5 Inilah bukti panghakiman nang adil dari Allah, bahwa pian dianggap layak gasan Karajaan Allah karana pian sudah mandarita jua. 6 Adil gasan Allah mambalas awan panindasan urang nang maulah pian mandarita, 7 tapi Sidin mambari kelegaan gasan pian nang ditindas, kaya itu jua lawan bagian kami, waktu Tuhan Yesus dinyatakan dari surga baimbai wan malaikat Sidin nang dahsyat, 8 dalam api nang manyala, gasan mambalas urang nang kada pinandu lawan Allah wan kada maasi lawan injil Yesus , Tuhan kita. 9 buhannya pacangan marasaakan hukuman kabinasaan nang kekal, jauh dari hadirat Tuhan wan kemuliaan kekuasaan Sidin. 10 waktu Sidin datang gasan dimuliakan di antara urang-urang kudus Sidin wan gasan dikatujui sabarataan urang nang parcaya -- Sabab kasaksian kami gasan pian dipercaya. 11 Ulih sabab itu, kami badoa gasan pian, mudahan Allah maanggap pian layak akan panggilan wan mamanuhi sabarataan kahandak pian gasan manggawi nang baik lawan iman wan kuasa Sidin, 12 supaya ngaran Tuhan Yesus dimuliaakan di dalam pian, wan pian di dalam Sidin, sasuai lawan anugerah Allah kita wan Tuhan Yesus Kristus.
Pasal 2
1 Wayahini, manganai kadatangan Tuhan kita, Yesus Kristus, wan rahat dikumpulakannya kita basama lawan Sidin, kami maminta bubuhan dingsanakku, 2 supaya pian kada lakas bingung dalam pikiran pian atawa galisah saat mandangarakan bahwa hari Tuhan cagar datang, baik matan roh atawa surat nang saulah-ulah matan kami. 3 Jangan biarakan ada urang manyasatakan pian lawan cara apapun. Sabab, hari tu kada kawa datang sebelum kamurtadan datang wan si manusia jahat dinyataakan, yaitu si anak kabinasaan. 4 Nang malawan wan maninggiakan dirinya tahadap sabarataan nang disambat allah atawa nang disambah urang; wan inya cagar mangambil wadah duduk di Bait Allah wan manyataakan dirinya sebagai Allah. 5 Kada ingatkah pian bahwa katika ulun masih basama pian, ulun mambaritahukan hal ini gasan pian? 6 Wayahini pian tahu apa nang manahan inya sahingga hanyar saatnya kaina, inya cagar dinyataakan. 7 Sabab, misteri kedurhakaan sadang bagawi, hanya inya nang wayahini manahannya cagar tatap manahannya sampai inya disingkirakan. 8 Imbah nitu, urang jahat cagar dinyatakan. Amun, Tuhan cagar mambunuhnya lawan pahinakan mulut Sidin wan manghilangakannya lawan kadatangan Sidin. 9 Kadatangan urang jahat nitu cagar sama lawan gawian Iblis, diimbaiyakan lawan sagala macam kuasa, tanda-tanda ajaib, wan mujizat-mujizat palsu; 10 lawan nang sabaratan niat jahat buhannya nang cagar binasa sabab buhan manolak gasan mangasihi kabanaran pacangan disalamatakan 11 uleh sabab itu, Allah mangirim kesesatan nang hibat ka atas buhannya supaya buhannya parcaya lawan kabuhungan, 12 sahingga buhan barataan kawa dihakimi, yaitu buhan nang kada parcaya lawan kabanaran wan sanang lawan kajahatan. 13 buhan dingsanak nang dikasih Tuhan, kami kami harus salalu basyukur lawan Allah gasan pian. Sabab, Allah sudah mamilih pian tumatan dahulu gasan disalamatakan malalui pangudusan uleh Roh wan iman dalam kabanaran. 14 gasan itulah Allah mangiau pian malali Injil nang kami habarakan supaya pian mandapatakan kamuliaan Tuhan kita, Yesus Kristus. 15 maka, buhan diangsanak, badirilah taguh wan pingkuti ajaran-ajaran nang sudah diajarakan gasan pian, baik malalui pandiran atawa malalui surat kami. 16 Wayahini, kiranya Tuhan kita, Yesus Kristus saurang, wan Allah Bapa kita, nang sudah mangasihi kita wan mambari kita panghiburan kakal wan pangharapan nang indah malalui anugerah, 17 manghibur wan manguatakan hati pian dalam satiap gawian wan panderan nang bujur.
Pasal 3
1 Akhirnya, dingsanak sabarataan, badoalah hagan kami, nyaman firman Tuhan dapat lakas tasebar wan dimuliaakan, nang kaya tajadi diantara buhan pian, 2 wan supaya kami dilepasakan dari urang-urang nang kejam wan jahat karena kada sabarataan urang nang baisi iman. 3 Namun, Tuhan tu setia. Sidin akan manguatakan wan malindungi pian matan nang jahat. 4 Kami baisi kayakinan dalam Tuhan tentang pian bahwa pian parahatan manggawi wan akan tarus manggawi apa nang kami parintahakan. 5 Kiranya Tuhan mearahakan hati pian ka kasih Allah wan kepada ketabahan Kristus. (Kawajiban gasan Bagawi) 6 Dingsanak barataan, wahini kami perintahakan ka pian, dalam ngaran Tuhan kita, Yesus Kristus, supaya pian manjauhakan diri dari dingsanak-dingsanak nang hidup baleha-leha wan kada sasuai lawan ajaran nang pian terima dari kami. 7 Pian tahu surang kaya apa pian musti meneladani kami karena kami kada baleha-leha katika kami bersama pian. 8 Pabila kami makan wadah urang, kami tatap mambayarnya. Wan jua, kami barusaha wan bakarja karas siang wan malam nyaman kami kada manjadi beban hagan siapa haja diantara pian 9 Lain karena kami kada baisi hak gasan ngitu, melainakan gasan mambariakan diri kami sorangan contohnya gasan pian nyaman pian umpati. 10 Katika kami masi lawan pianpun, kami mambari parintah ngini:"Mun urang kada handak bagawi, kada usah inya makan." 11 Sabab, kami mandangar ada beberapa diantara pian nang hidup baleha-leha, kada hanadk bagawi , tapi haur awan hal-hal nang kada bafaidah. 12 urang nang kaya itu kami parintah akan wan kami nasihati dalam ngaran Tuhan Yesus Kristus bagawi awan tenang wan jua makan rotinya saurang. 13 Padahal pian, dingsanak-dingsanak ulun, janganlah pian lapah babuat baik. 14 Mun ada urang nang kada paham apa nang kami padahakan dalam surat ngini, tandailah urang itu wan kada usah bagaul wan inya nyaman inya supan. 15 Tapi, jangan maanggap inya nang kaya musuh, tatapi tagur inya sabagai dingsanak. (Kata-kata Panutup) 16 Tuhan damai sejahtera sakiranya mambari pian kadamaian sampai salawasan wan dalam sagala kaadaan. Tuhan manyertai pian sabarataan. 17 Ulun, Paulus, manulis salam ini awan tanganku surang sabagai tanda keaslian surat ulun. kaya itu ulun manulisnya. 18 Anugerah matan Tuhan kita, Yesus Kristus mairingi pian sabarataan.