TITUS
TITUS
Pasal 1
1 Matan Paulus, hamba Allah wan rasul Kristus Yesus nang diutus demi iman urang-urang nang dipilih Allah wan pangatahuan tantang kabanaran nang mamimpin gasan kasalehan 2 nyaman buhannya mendapatakan pangharapan hidup kekal, nang dijanjiakan sajak sebelum permulaan zaman ulih Allah nang kada suah badusta. 3 Pada waktu-Nya, Sidin hudah diparcayakan awan ulun sasuai parintah Allah, Juru Salamat kita. 4 Gasan Titus, anak nang sah dalam iman kita bersama. Anugerah wan damai sajahtera dari Allah, Bapa, wan Yesus Kristus, Juru Salamat kita. (Tugas-Tugas Titus gasan Mamilih Panatua di Kreta) 5 Ulih sabab nintulah aku maninggalakan ikam di Kreta, yaitu nyaman pian kawa manuntungakan apa nang masih parlu diatur wan maangkat panatua-panatua di setiap kota, nang kaya aku pasanakan wan pian. 6 Inya harus urang nang kada bacala, bisi bini saikung haja, bisi anak-anak nang parcaya, wan kada dituduh sabab hidup nang kada bamoral atawa mambarontak. 7 Sabab, saurang penilik jemaat harus urang nang kada bacala sebagai penatalayan Allah, kada sombong, kada lakas sarik, kada pamabok, kada katuju bakalahi, wan kada sarakah dalam mancari kauntungan. 8 Kabalikannya, katuju mambari tumpangan, mancintai apa nang baik, bijaksana, adil, saleh, wan lawa menguasai diri. 9 Inya tatap teguh maingkuti ucapan nang kawa di percaya, sesuai awan nang hudah diajarakan, sahingga inya kawa mambari nasihat sasuai pangajaran nang sehat wan managur buhannya nang menangkarnya. 10 Sabab, ada banyak urang nang mambaruntak, katuju omong kosong wan manipu, khususnya buhan nang berasal dari kelompok urang basunat. 11 Bubuhannya ngintu pantas ditutup muntungnya sabab manyusahakan sabarataan kaluarga dengan mangajarakan hal-hal nang seharusnya kada buhanya ajarakan, nang justru mandatangakan hal nang manyupanakan. 12 Salah saurang dari buhannya ngitu, yaitu nabi buhannya saurang, bepadah,"Dasar urang-urang Kreta pandusta, nang kaya binatangbuas nang jahat, wan gahak nang pangoler." 13 Kasaksian ini buhur, sabab ngitu, tagur haja buhannya dengan keras nyaman buhannya menjadi sehat dalam iman. 14 Jangan parhatiakan dongeng-dongeng urang Yahudi wan parintah urang-urang nang manulak kabanaran. 15 Amun nang murni, sabarataan murni. Amun buhan nang najis wan kada parcaya, kadada satupun nang murni sabab baik pikiran wan hati nurani buhannya adalah najis. 16 Buhannya bapadah pinandu wan Allah, tatapi awan perbuatannya buhannya manyangkal Allah. Buhannya ngitu manjijikan, kada taat, wan kada badaya menggawi apa haja nang baik.
Pasal 2
1 Tapi, ajarakanlah hal-hal nang sasuai wan ajaran kabanaran. 2 Lalakian nang tuha harus sabar, terhormat, manguasai, sihat dalam iman, kasih, wan ketekunan. 3 Kaya itu jua, babinian nang labih tuha mambari contoh bakalakuan nang saleh, kada mamfitnah atawa baminuman anggur, tapi harus mangajarakan nang baik. 4 Babuhannya kawa manasihati babinian-babinian nang anum gasan manyayangi lakinya, wan anak-anaknya, 5 manguasai diri, saleh, maurus kaluarganya, ramah, wan tunduk lawan lakinya, supaya firman Allah kada dihapaki. 6 Kaya itu jua, nasihati buhannya nang masih anum supaya kawa manguasai diri. 7 Dalam napa haja, jadilah contoh matan parbuatan-parbuatan nang baik. Dalam pangajaran, jadiakan integritas, kahormatan, 8 pandiran nang bujur maulah urang nang kada katuju jadi supan karana buhannya kada kawa manyambati kita nang kada baik. 9 Buhan hamba wajib maasi lawan tuannya dalam sabarataan hal, usahaakan mahimungi sidin, wan kada malawan. 10 Janganlah mancuntan, tapi tampaiakanlah bahwa pian kawa dijadii tangan kanan supaya buhannya mamuliakan ajaran Allah, Juru Salamat kita. 11 Sabab, anugerah Allah sudah nyata gasan barataan manusia, 12 Supaya kita kawa manolak nang kada saleh, atawa nafsu dunia sahingga kita kawa hidup manguasai diri, adil, wan saleh di zaman wayah hini. 13 pahadangan kita mahadang pangharapan nang panuh berkah, kadatngan nang panuh kamuliaan dari Allah Nang Mahabesar, wan Juru Salamat kita, Yesus Kristus. 15 Ajarakanlah sabarataan ngini, Nasihatilah wan tagurakan awan sagala kawibawaan. Jangan sampai ada urang nang mahapaki.
Titus 3
1 Mangingatakan buhannya supaya patuh lawan pemerintah wan panguasa, patuh wan siap malakukan satiap parbuatan nang bujur, 2 kada mamfitnah siapa haja, kada bakalahi, panaguran, wan bujur-bujur basikap lamah lambut tahadap sabarataan urang. 3 Sabab, bahari kita kada mangarti, kada manaati, sasat, diperbudak uleh barbagai kainginan wan kanyamanan, hidup dalam kajahatan wan iri hati, saling mambari muar. 4 Akan tetapi, bila kamurahan wan kasih Allah, Juru Salamat kita di tanpaiyakan, 5 Sidin manyalamatkan kita, lain karna kalakuan bujur kita nang kita ulah, malainkan karna belas kasih Sidin malalui pembasuhan kelahiran kembali wan pambaharuan Roh Kudus, 6 nang Sidin curahakan atas kita dengan melimpah malalui Kristus Yesus, Juru Salamat kita. 7 Jadi, limbah dibujurakan uleh anugerah Sidin, kita manjadi ahli waris sasuai wan pangharapan hidup nang kakal. 8 Pandiran ini bujur banar. Soal nangini ulun handak pian bujur-bujur yakin supaya bubuhannya nang sudah percaya wan Allah kawa bujur maolah gawaian nang baik. Hal ini bujur wan bamanfaat gasan samunyaan urang. 9 Akan tatapi, jauhilah pardebatan-pardebatan, turunan, parsoalan, wan parkalahian nang kadada bujur tantang hukum Taurat karna hal ini kada baguna wan sia-sia. 10 Gasan urang nang manyababkan perpecahan, ingatakan inya sakali atawa dua kali, imbah itu jauhi inya. 11 Sabab pian tahu urang nang kaya itu sudah disasatakan wan panuh dosa, inya mandatangkan hukuman gasan dirinya saorang. 12 Imbah ulun mangutus artemas atawa Tikhikus gasan pian, bausahalah pacangan datang gasanku di Nikodemus sabab ulun sudah mamutusakan supaya badiam di sana salama musim dingin kaina. 13 Lawan sakuat tanaga pian, bantulah Zenas, si ahli hukum tu, wan Apolos nang ada dalam parjalanan supaya buhannya kada kakurangan suatu apapun. 14 Harusnya urang-urang kita balajar babujur manggawi gawian nang baik supaya bubuhannya kawa mancukupakan kaparluan hidup sahari-hari wan kada hidup nang kada baguna. 15 Sabarataan urang nang ada basama lawan ulun manyampaiyakan salam gasan pian. Sampaiyakan salam ulun gasan buhan nang mangasihi kami dalam iman. Anugerah manyartai pian barataan.