Ekpeye: reg

PỊLIMON

ISHỊYẠ 1

¹ Ụkpalawhu Pọlu, nyikoli Jizos Kạlasi lị nwanokoma Timoti, ụbhaninPịlimon, egede nwujeye li nye ameka ogbolo, ² lị Apphia, nwanaye ạunyȯma lị nwanaye li'me ulu ụdho ukpeni uzugbanyio lị ụdho yo. ³ Umanuishinli uyodhu mụ ubuzelo lị ẹka Ẹbhilikpabhi li Nyenweye Jịzos Kạlasi uzhịni yọ. ⁴ Mekelạdhi Ẹbhilikpabhi meka li ekele mekelẹ ẹwa yọ li ekpele me, ⁵ ịyedoni mọnujidhi ịyebasa li uwhuetu yọ lị ạdhi Nyenweye Jịzos uzhi lị ụgwushi mụ ịnwo lị ạdhi emene egwele ụzhibhe. ⁶ Mọdhio kpemelẹ mụ ụkaloshiwe uwhuetu yo mụkwali akwali, mụ ịwotakwa bhẹlebhele ịyeumam' anweni l'ime Kạlasi. ⁷ Menwe obuẹto li ukaite obu lishili ụgwushin yọ, ịyedoni ekpema emene ẹso Ebhilikpabhi enwetalẹ utema etema. ⁸ Mạshine bu menwe zụkpulu ụgbakpȯ l'ime Kạlasi lụ ujayo lu ume ịye ụdadhuni yo bu ime, ⁹ lishili ụgwushi kama - mọdhio yo, me, Pọlu, ụnukani, li ụmom, nye ikoli lishili Jịzos Kạlasi. ¹⁰ Mọdhio yo bụ lishili ụnwome Onesimus, nyemu mẹzhinihula kpọm' ịda mạshipkom' mẹzhio lị ịyabha. ¹¹ Yạwe bụ nye ụtadhu ạtadhu li ewelewe, bụwhuto kpọm' lị ụmom, ụbuwho nye ụbadhuni mẹ-li-yo ịbala. ¹² Moduyanilemu yo ọzu, yạwe bu ekpemame. ¹³ Ugumẹ meni ụbazhikėshimẹ, kpemelẹ mụ ụnazhiyȯ linushikedhi mẹ ẹka, kpọmu mẹzhio li ikoli ụzhiụma. ¹⁴ Bụwhuto mowudhigam' lu ume ịyeye li yo ugwe ụmaji, mowudhigam' meni ịyeuma yo ụbuzeli li-ekpema nẹten. ¹⁵ Ụbuli ubotu bu lishili iyem, m'ikemala li keshi ekele, mụ emele mụ inweta mawha ọzu. ¹⁶ Yạwe ụbodhe ulu, ạkamawhole ulu, ụbuwho nwạna ụgwushi me ạukanke ụbudhiwhu nwạna ụgwushi yo lị ọkpeli l'ime Nyenweye. ¹⁷ Kpọm' ụbuwhokpeye, ụbule bụ ịbu nyem' yele amekata ugbolom' meni nạbata kpọm' ịnatome. ¹⁸ Ụbulebu emeyeshinile yo, ụbujine bu umoji yo ụgwo, bhetenim' mọwhudhi ụgwo ya. ¹⁹ Mẹ Pọlu, mạbha ụkpalawhum' lị ẹkame, mẹ mọwhunwȯsayo ụgwo ya - Ombu lu uwhueshini yo anwa meni imojimẹ ẹli yo. ²⁰ Ẹ! nwạname, menim' ịyeumam' li ime Nyenweye; temagba obumẹ ụdo li ime Kạlasi. ²¹ Me bheshi obu li ukpete yo, kpụma mabhayie yo. Mạmajikpọm' meni emeka bụ kpọm' mȯdhio yom. ²² Li ekele nẹten, bhetenimu ikishi ụdho ạdhi nyize ụna, meshi ạnwa meni gonutuli ẹdhio yo mejakeshigba bu yo ọzu. ²³ Epaohras, nyem' yạme ạzhio li ikoli li ishili Jịzos, ute yo ạbidhi. ²⁴ Mark, Aristarchus, Demas, li Luke, emene amekata ugbolo utedhiwhu bhẹ yo abidhi. ²⁵ Umanu mu Nyenweye Jizos Kalasi ụzhikėdhi yo. Ụbukpeye.

Free Bible Translation Tools

Ekpeye: reg Print

Source

USFM