Bikia Juan
Bikia Juan
Bile Rojanarami.
1 Nije Juan ma we ochérami, osowa chukú mapu echi rijoi Gayo riweami yarami nima je´na, echi mapu nije ni bichiwa we kalé. 2 Kalerami, nije naki mapuriká muje ku´wirtani nima kara namuti jiti, kie nayuka bitelma muje, mapuriká ku´wirtami ju muje aliwala. 3 mapujiti nije we kanilinkin mapali isili echi rijimala alí tami ruyeli muje jiti, mapu churika kala bichíwali nira inara muje. 4 Ne wabe simirra kanili nije je´na jiti, mapali namsa mapu nije kuchuali ka´la bichiwa nira natka piré. 5 Kalerami, we ka´la nijewika olá muje mapalí ku´wirim auche jaré rijimali, ayenacho mapu iki kie machirúme jú. 6 kara aboni ruye echi bichiwami, mapu muje we ku´wirami jú auche jaré we natimaka; muje we ka´la olá mapalí ku´wiri mapurika minabi nakisma simiba echiriká nakí Riosi. 7 Mapujiti aboni simibli echi binoi riwála natimaka, kie biyir nareli mapu auche jaré ralamuri nijíachi. 8 Tamuje, echijiti, ku´wirbore echi pakotami, mapurika ayenacho ku´wirbo echi ni bichíwali ra´ichali bineria. 9 Nije osaki jena ra´ichali mapurika yarami nima mapuiki Riosi bichiwami jú; Chopi echi rijoi Diótrefes riweami, echi mapu we on´orl jú, kie kanilka narenli. 10 Echijiti, nije echomi ku nawasa, kara ku natarman, mapu we akalek ra´ichali tamuje sayerk. Ali kie kanili ola mapuriká tamuje olaka pire, alí binoi ketasi bayei binoi bitelchi echi rijimalí mapu we miká pireami jú. Kie nawiki auche jaré mapu ayena echirika ku´wírachi alí werli oloka mina ku juli. 11 Kalerami, kie chikorika olabo mapu we chati ju chopi binebo ka´la olá. Echi mapu we ka´la olaka Riosi níl jú. Echi mapu we chati olaka kie sine bichiwami jú Riosi. 12 Wikabe ra´ichi Demetrio jiti we ka´la nira, alí ayena bichíwali jú. Tamuje ayenacho ra´ichi echi jiti, alí yemi machi mapu ni bichiwali nirá jú. 13 Nije wika namuti aninalí, chopi kie osoka je´na pisero jiti. 14 Chopi we yati siminalin echomi, alí ra´ichabo nakupi nirá. 15 We kanilika pirelsi. Yemi apaneruala natepaliami ya. Ne rawala rijika narepsi kara mapu iki we nakili yemi yuwa.