Filipenses
Filipenses
Bile Rojanarami.
1 Pablo ali Timoteo, nóchami Kristo Jesus jiti, karka echi mapi iki bichiwami jú echi Kristo, echona jilipochi pirema echi tibúmi alí nulámi. 2 kala natimaka ku´wirtami yarami nisa yemi Riosi jiti Onourami ali walubeala Jesukristo. 3 Nije natetari iya Riosi mapali nije yemi jiti nati. 4 Chulupi Riosi tani karka yemi jiti, ne kanilka Riosi yuwa ra´ichi nije. 5 nije natetari iya mapu yemi tami yua muchuli nawesa ne sukuchi rawe jonsa. 6 nije ni bichiwa jena jiti, mapu owi'li echi nochala yemi yuwa alí echirika a inarma yensi echi Jesikristo ku nawasa. 7 ne kala ju nije nilisa yemi jiti karka su´waba mapujiti mi niwa ati nije sulalachi. Yemi mapu tami yuwa muchuli mapali nije ku´wirtami nili ayenacho mapali bachara asali nije. Mapalí nije ku nimili ali ne bichiwa nira ra´ichali echi nawesali Riosi ra´ichala jiti. 8 Riosi ju mapu tami inea chuku, mapu nije ni mi we kale yemi ne natimaka echi Kristo Jesusi. 9 Nije Riosi tania atí jerika:¨mapu yemi minabi kanilami nima alí ne ala machiká alí ne kala newalaka natama. 10 Nije ni Riosi tani maputika yemi a machibo mapu ne kalála ju alí ne ka´la bichíwali raichami nima ali kie wesi jiti chíwarami nima mapalí Kristo ku nawasa. 11 Nije ni tani Riosi mapu yemi ne ayenacho chulibi kala olámi nima mapurika nakirúmi ju Jesukristo jiti, echi riká Riosi wa´lubeala alí ne wabe kala onórami níma. 12 Jipi ko nije ni naki mapu yemi machiboa, rijimala, mapu iki namuti risú nila bite nije mapalí nawesa, wikabe ralamuli ma ku bichíwali jena ra´ichali.¨ 13 Echi jiti, karka sineami mapu iki tami tibua uchuli ali ne karka su´waba auche jare ka´la machíli mapu nije echirika bulera asala echi karren jiti chopi Kristo jiti. 14 Ne soki karka echi rijimala waminabi bichísli echi walubeala Kristo mapalí machísa mapu pir jiti echirika karren jiti bulera asali nije, kie majak nawesa echi Riosi Ra´ichali. 15 Jarekó nawesi Kristo jiti chopi karrunti namuti nakika ali tami sayerka alí jare ko ne ka´la nirá. 16 Nopi ne jubála ko olá ne kala natimaka, ka´la machika mapu nije na´i atí mapurika binerma echi Riosi Ra´ichala. 17 Nopi auche jareko Kristo jiti nawesi karrunti namuti nakika ke ni bichiwa nirá. Aboni maye nije siwé ati mapalí karrena jiti bulera asaka. 18 ¿ali piri? sib'arika, ke bichiwali nisa o yena bichiwali nisa, pe kristo jiti bi nawisakoa, ali nije wabe ni kanila. yena, nije mi kanilama, a minabi kanilama, 19 Ali nije machi ayena kalánmare alí ku niumaré mapujiti yemi echiriká tania uchuli Riosi alí echi Onoruami iwikála tami ku ku´wirsa. 20 Pi rika nije nakini kiebir namuti jiti riweali yarami nima, alí kie biiri majaka, nopi riká chulupi, Kristo ayena bichírami nímare mapurika nije ka´la olasa, mukusáni o cho biji a bitelsan. 21 Mapujiti cho bijí a bitelsan Kristo jiti nijewika bitelman, alí nije mukusán, ayenacho ka´la níma mapujiti bacha ku ni´yurka inarman. 22 A nije bitel sa ka pe ropokala jiti, oche biji ani omerma wika namuti ola. ali, ¿chowira ni chapimea? nije ketasi machi. 23 Nopi jiti ketasi newala jala nata churika gala ju. mapu nije naki ko ju ku simiwami ali kristo yua asiboa, nopi minapi ala ju. 24 Chopi, ne ripibo echona ropokalachi minapi a newalerami ju ne jala yemi jiti. 25 Mani bichika jena jiti, a nije ko echona ripima ali yemi a yua inarama, ali minami oche kanilipo nopi bichikoami ju. 26 Mapali nije yemi yua ku nawasa minapi kanilipo yemi. 27 Pe nalina ne ka´la oloka pirelsi mapurika aní echi Kristo nawesali, mapurika nije ku simisa yemi inesia, nije ikíma yemi jiti, mapu sinibi werli oloká napawika bilepi iwika jiti, ne bilenpi nataka, werli ola waminabi bichiwa echi alabéla nawesali jiti. 28 Ketasi majasi jare mapu iki mi sayeri. Echiriká aboni machimea mapu aboni risú ikimea, chopi, yemiko ayena naubore, jena ko Onourami jiti inara. 29 Mapujiti yemi yarami jú, Kristo natimaka, ketasi chopi bichíbo echi binoi, ayenacho risú ikikia natimabo. 30 Achikoriká risua inilka mapurika nije inil, alí tami jiti nama.
Okua Rojanarami.
1 Yemi ayena yarami nisa jiwer Jesukristo jiti echiriká ku´wirsa auche jaré, mapurika binoi natimaka ku mí ku´wirli ayenacho ku´wirsa jaré, alí sineami yemi pirélsa chopi bilebi iwikála jiti alí nakupi natimaka pirelsa, 2 aliko echiriká chopi natika pirelsi mapurika nijé ne wabé kanílima, nakupi we natimasi, napawika ku´wirsi alí sineami napawika chopiriká oloká pirélsi. 3 Kie pi binoi ku ku´wira inabo o binoi ku we norli nirá birelbo. Chopi, waminan natimak ka´la kuwirsi auche jaré. 4 Ayenacho kuwirsi auche jaré mapu ikí newalé ketasi chopi mapu yemi ibil newalé. 5 Echikorika natasi mapuriká nátami nili Kristo Jesús. 6 Binoi ko níli chikioyirs mapurika echi Riosi, chopi binoi ketasi ´werl nirali chikoyira níma Riosi yuwa, mapurika bile namuti kie sine ni´yubkuam. 7 Chopi, ketasi ni wa´lula nirali binoi kú. Binoi nakili mapurika ku´wírami níma. Binoi najitali mapuyira tamuje ralamuli. Binoi nawali achikorika mapu pi auche bile rijoi nirá. 8 Ne wabe jubála nirali binoi kú, alí ka´la nijewami najitali yensi binoi mukuli, ¡mukuli echona kursichi! 9 Echi jiti, Riosi we noli ne bachá wa´lula nirá. Binoi i´yali riwalá mapu ne bachá chukuami ju auche riwala yuka. 10 Binoi ko echirika olali mapurika sineami mapu iki kipusa echi Jesusi riwalá echirika chokobaká wabe nawajinmaré, kara su´waba mapu iki muchuwi mina ripa riwigachi alí jena´í kawir alí rile. 11 Alí binoi echiriká olali mapuriká suwaba ra´ichka animé mapu Jesukristo wa´lula jú, mapuriká sineami nawajinma echi Riosi Onoruami. 12 Alí ko, yemi mapu nije wé kalé, nopiriká yem wabe ka´la nijewami jú, ketasi chopi mapualí nijé asisá yemi yuwa, chopi waminani jipi ketasi yemi yuwa atí, werli olasi nijewika olá echi mapu mi ku´wirli ka´la machika alí ka´la majaka. 13 Mapujiti Riosi jú mapu mi nakiluwa chukú mapuriká yemi ka´la nijewika alí olabo mapurika binoi nakí. 14 karka namuti olasi kie siti chati ra´ichaka auche jaré jiti alí kie biyir jiti najisaka nakupi. 15 Echiriká olasi mapujiti ketasi chati olámi nirá alí ma ka´la biwarami nirá nima yemi, Riosi kuchali kie biyir chuluwemi nirá. Echiriká olasi mapujiti omerbo yemi rajína mapurika bile rajerami nirá jena´i kawachi, jena´i nasipa mapu ikí muchuwi wikámi nirá alí we chati siti namuti olami pire. 16 We ka´la chapisú je´na ra´chali mapu nija ku bitelkuami mapujiti nije ne bichiwa kanilma mapalí ku nawasa echi Kristo. Echalí nije machimé kie pi riyoksi werli oloka bitela nije. 17 Chopi, nije mi´liruami nisa mapurika bile namuti nijírami nirá echona omowaluachi alí mapurika yemi bichíka pire, nije ko we kanili, alí we kanili karka yemi yuwa. 18 Achikorika, yemi ayenacho we kanilsi, alí kanilsi tami yuwa. 19 Chopi nije julama ma ke´ayo echi Timoteo mapualí binoi wa´lula Jesusi echiriká nakisa, mapurika nije jiwerl yarami nima mapalí ma machisa yemi jiti. 20 Mapujiti kie wesi auche jaré yuwa echiriká olá nije, mapu ne bichiwá nira we newaleni yemi. 21 Mapujiti auche jaré karka pi abonibi jiti nata pire, ketasi mapurika nakí Jesukristo. 22 Chopi yemi aboni ma machi mapurika olámi jú, mapurika bile ta towi ku´wiri onola ku, echiriká binoi tami ku´wirli nawesa echi Riosi ra´ichala. 23 Echijiti, ma ke´ayo julamani mapalí machisa churiká ikimeare nije. 24 Chopi nije ni bichiwa atí echi wa´lula Jesukristo mapu nije binoi ayenacho ku simeare ma ke´ayo. 25 Ali nije natani mapu kuwana ku julakuami echi Epafrodito. Echi ko nije rijimala alí tami yuwa iyenami yuwa nocha alí tami yuwa iyena sinibi werli olá, alí echi mapu tami ruye karunti namuti yemi jiti alí tamí ku´wiri mapalí nije namuti newalesa. 26 Mapujiti binoi we omona asalí alí we ku siminala yemi yuwa, mapu yemi ayena machili mapu we nayunali binoi. 27 Ni bichiwa nira binoi ne wabe nayunali alí soki mukuli. Chopi Riosi natimaka ku ku´wírali echi bi, tami ayenacho, mapurika kie minabi o´monama nije mapujiti ma we o´mona atí. 28 Echi we sapu nira julareni, mapalí ku riwisá yemi, we kanilbo alí nije ma kieme natama yemi jiti. 29 Naresi echi Epafrodito we kanílika mapuriká nakí echi wa´lula Jesusi. We kala natimika nijewasi kara mapu iki echikoyira jú. 30 Mapujiti binoi soki mukuli mapali we kala nijewika nóchali Kristo jiti. Binoi ma ke´ayo kie bitelma ruweali tami jiti alí mapalí nijewika olali kara namuti mapu yir yemi ketasi wikirli tamí ku´wira.
Bikia Rojanarami.
1 Ma ni jubá nira, keni rijimala, napawika we kanika pirelsi echi wa´lula Jesukristo jiti, nije kie nasini auche sine osowa je´ná jiti. Mapu je´ná jiti ka´la tibuka pirelma yemi. 2 ka´la anaka echi kochui jiti. Ka´la anaka echi chati oloka piéami. Ka´la anaka echi mapu mi sikirek ripuni aboni ku. 3 Mapujiti tamujé ma chakena bichina pasrami jú echi chati olowámi, tamujé ju mapu bichiwami ju Riosi echi iwikala jiti, tamujé ju mapu we kanili Jesukristo yuwa, alí tamujé kie bichiwi aboni ku sapala. 4 Asibarika, nije ayena omerami jú binoi ku sapala bichíwa, a bile echiriká bichíwami nisa binoi ku sapala, nije wabé minapi bichíma riweali. 5 Nije komal ayena suwe sikireka bichinárami ju osanao rawe simirsa, echona pueblochi Israel, Benjamín yuwa najiremam, echi ni we hebreo jú hebreo yuwa; mapuriká nijewika olá echi Moisés nulalila, nije bile Bariseo najitki. 6 Nije we yoka risú olámi nili jare bichiwami; mapurika we ka´la nikurami nirá nijewami nili nije, mapuriká nularami nili. 7 chopi, mapuyir namuti we nateami nirali nije chabé, jipikó ma kie nateami jú binoi Kristo jiti nirá ko. 8 Echiriká, nijé niria karunti namuti ikian jú, mapujiti waminan nateami ju Kristo ku, machiká ku bitelkua, echi wa´lubeala Jesús. Echi binoi jiti kara namuti banaka uluki nije. Karunt basuri nirá jú, mapujiti nije alá omerma Kristo jiti ku najata. 9 Ali ku riwirutami nima nije. Nije ko niwewika bite echi osirutami ketasi mapuriká Riosi tami wé onoma, chopi, Riosi tami ku´wiri mapujiti nije kú bichilí echi Kristo. Riosi ku ka´lari mapalí ku bichíso. 10 Echiriká jipi nije waminabi machinali echi binoi jiti, alí echi jiwerl mapu ku owíntami ju, ayenacho mapu chorika risú olarami nilí. Alí mukunali nije achikorika mapurika mukuli binoi. 11 Mapurika nije ayena ku owínmampa mapalí mukusá. 12 Rijamala, nije kiecho yarami jú kara namuti, kiecho sebli natami jú. Chopi nije werli olane mapuriká sine rawé yarami níma kara namuti, echijiti Kristo tami ku ku´wirli. 13 Rijamala, nije kiecho biji kiecho nawá mapona sababoré; chopi nije binoi ma kie kuwan ninamorú, chopi jipi ko bachamí nirá bi natamarú. 14 Nije ko bachamí werli olama yensi sunusa alí narema echi mapu yarami nimarén binoi Riosi jiti, mapuriká Kristo ku nikúrli. 15 Suwaba tamuje mapu a´la natami jú, jena jiti natabo; yemi si´una riká natasatm karunt namuti jiti, Riosi ayenacho mi ruyema ka´la natli. 16 Chopi, mapu tamujé yarami jú werli olabo nijewa alí kie sine ni´yubo. 17 Tamí namka pirelsi, rijimala, a´la inesi auché jaré mapu tami namka pirie. 18 Wikabe, echi jaré mapú chubuli mi ruye nije, alí jipi auche sine mi anema ni nalaka jaré piré sayerka echi kursi mapona mukuli Kristo kie nateami nirá. 19 Aboni suwimearé, aboni ropala riosi nirá, alí we onochi echi chati riwel tami oloká piré. Aboni we nakí karunti namuti na´í kawirli niruami. 20 Chopi tamujé kalil mi ripá riwigachi atí, echona jonsa nawamaré echi ku´wirami mapu tamujé ku buwe. 21 Tamuje ropokala mapu kie jiwerami jú, wabe sima rika jiwerami ku niwamaré mapuyira binoi ju.
Naó Rojanarami.
1 Echi rika, kalerami rijimala mapu nije we ni´yumi. Yemi jiti nije we kanila bité alí yemi jiti ka´la imiemaré nije. Echijiti kie sine ruwesi bichiwa echi walubela Jesusi, kaleramí apanero. 2 Nije werli ané echi Evodia, yencho werli ane nulé echi sintike, chopirikia natami nínla okuank echi walubela Jesusi jiti. 3 Ni bichiwa nirá, yencho mi werl ané, muje tami yuwa nóchami, ku´wirikir je´na okua mukui. Aboni tami ku´wirli akanám nawesa Riosi ra´ichl. Echi Klemente yuk alí chojare onóchami tami yuk, aboni rawala ma osirutami jú. 4 We kaníli echi walubéla jiti, chue sine mi ané, we kanílsi. 5 Nakisú mapuriká chue jaré machimé mapu yem we kalié karra su´waba. Ma mulup ku nawama echi wa´lubela. 6 Kie omonasi karunt namuti jiti. Chopi, orark alí tank, natetl aka, ruwebo kara Riosi mapurika machimé. 7 Riosi mi ´yama we kanílkuami. Tamojoe kie machiya chorkia nijímarkia, chopi tibuma tamojoe sulala alí tamojoe natalí binoi Kristo Jesusi jiti. 8 Ma ni jubá nira, rijimali, kara mapu iki bichíl jú, kara mapu iki kalerami jú, kara mapu iki ka´lala, mapu we simati jú, mapu we kaníltami jú, kara namutimapu we kalerami jú, kalá olowámi nirá jú, kalá kalerami jú, Natasi jena jerika jiti. 9 Kara namuti mapuriká binerli nije alí yem chapili alí namli alí riwali mapuriká oloa nije, achiko riká olasi, alí jonsa Riosi mapu we kaníl nija yem yua asimé. 10 Nije we simirk kanili wa´lula Jesukristo jiti, mapujiti yem auche sine tami jiti nati. Yem chabé we tami jiti nata pireali, chopi yem kie kirli tami ku´wira. 11 Kie karunti namuti risú nila echani nije jipi. Mapujiti ma bineki nije we kanila bité mapalí namuti risúa nilsa. 12 Nije yena machí choka risúti nikua, ayenacho machí choka wíka namuti níkua Asibarika alí wika namuti jiti machiki nijé chórika we niwa bitelbo ko´wami o kie biyir niwa ko´wámi. Chorika wika nibo o kie biyir nibo. 13 Nije kara su´waba namuti olá omeri mapujiti Kristo tami jiwerli ´ya. 14 Chopi we ka´la níli mapu yem tami ku´wirli nop´alí nije risú nila asalí. 15 Yemi, filipochi pireami, yem machi mapalí ne sukuchi owina nawesa, Macedonia jonsa simikin, kie wesi tamí ku´wirli karunti nijá, chopi yemi ayena tami ku´wirli. 16 Mapali Tesalonicachi asalí nije, yem tami ku´wirli mapalí newale asali nije kie pi siniepi. 17 Nije kie wenomi ku´wirl ata. Chopi, nije naki mapuriká yemi minabí ku´wirtami nima. 18 Nije nare kara namuti, alí kia niwi. Nije we ku´wirta ati. Echi Epafrodito tami ´ya mapu yem akina tami yanala nuleli. We ala simati nirá jú, kanilk nijirami alí narerami, Riosi we kanili echi jiti. 19 Riosi yemi mi ku´wirma mapu ikí namuti yemi newalé mapu Kristo Jesús jiti omeri nijí mapu iki namuti niwi binoi. 20 Jip jonsa echi Onourámi nísare mapu we onok nawajink walúla nirá anebo ne sinibi alí chulubi nirá. ¡Echirika jú!, Amén. 21 Nareps kara mapu iki Kristo Jesús bichiwami jú. Map iki tami yuwa muchuwi jena´i wa´lu sukuirl mi náli. 22 Sineami Riosi bichiwami jena´i pireami sukuirl mi náli. Echi mapu iki piré echi César yuwa.. 23 Echiwalubeala Jesukristo mi natimaka sinibi yemi mi ku´wirsa kala jú.