Filemon
Filemon
Pasal 1
1 Paulus, suhang tawanan Kristus Yesus, dengan menyadik Timotius ahung Filemon, meyadik yang di kegauk seta kaban keheja kita, 2 alu ahung Apfia menyadik betinak kita, seta ahung Arkhipius kaban sepejuang kita, ahung padak jemaat yang betemu di himah nuan. 3 Kiha iya anugehah seta damai sejahteha dahi Allah Bapak kita dengan Tuhan Yesus Kristus nyeheta nuan. 4 Aku selalu besukuh kepada Allah. Aku selalu ngingat nuan alam doa-doa aku. 5 Aku ninga kasih seta iman yang bisik ahung nuan alam nama Tuhan Yesus seta ahung semua uhang yang pecayak. 6 Aku bedoa sepaya pesekutuan iman nuan beguna pakai penemu tentang semua yang bait yang bisik di entaha kita alam Kristus. 7 Kehena iyak meh menyadik, aku bulih pehambik seta penghibuh yang belimpah kehena pengauk nuan, kehena ati uhang-uhang kudus udah di segah ulih nuan. 8 Kehena iyak, walau pun aku bisik kebehanian alam Kristus untuk mehintah nuan sepaya ngeheja apa yang ahus nuan keheja, 9 tapi kehena pengauk aku, sebalit iya aku mintak ahung nuan, aku Paulus laki tua ituk, yang pituk udah jadi tawanan bagi Yesus Kristus. 10 Aku mintak ahung nuan mengenai anak aku Onesimus, aku udah jadi apang ia empak aku di penjaha. 11 Kehena ia kalak beguna bagi nuan, tapi pituk ia beguna bagi nuan atau bagi aku. 12 Aku ngihin ia ahung nuan lagik, ia iyak meh anak kesayangan aku. 13 Sebenah iya aku jekak nahan ia himbai aku, sepaya ia tau ngelayan aku untuk nuan, entik aku di penjaha kehena injil. 14 Tapi aku nda mauk ngeheja utan apa magang kalau nda di setuju nuan. Aku nda mauk pebuat bait nuan tepaksa, tapi kehena kehila ati nuan. 15 Mungkin ia nda besama dengan nuan untuk sementaha waktu sepaya nuan nehimak iya lagik pakai nuan selamak iya. 16 Sepaya ia nda lagik jadi hamba, tapi lebih dahi hamba, tapi sebagai menyadik yang di kegauk. Ia yang di kegauk teutama untuk aku, lebih lagik untuk nuan, bait Ia sebagai mensia atau alam Tuhan. 17 Jadi, entik nuan nganggap aku sebagai kaban, tehimak meh ia baka nuan nehimak aku. 18 Entik ia besalah ahung nuan atau bisik behutang utan ahung, padah magang iyak beban aku. 19 Aku ituk Paulus, nulis ituk makai tangan aku kedihik, aku jekak mayah nuan lagik. Ukan maksud aku nyinggung bahwa nuan butang idup ahung aku. 20 Bait meh, menyadik, isak meh aku behambik behikah alam Tuhan, nyegah ati aku alam Kristus. 21 Yakin magang alam ketaatan nuan, aku nulis ituk kuang nuan. Dengan apa yang kita ketau bahwa nuan akan ngeheja iyak lebih dahi pada yang aku pintak. 22 Pada waktu iyak ugak, siap meh kamah tamu pakai aku, kehena aku bahap, ngelalu doa nuan nda lamak lagik aku datang ahung nuan. 23 Efapras, kaban aku alam penjaha alan Kristus Yesus, kihin salam ahung nuan. 24 Baka iyak ugak Markus, Aris tarkhus, Demas, Lukas, kaban- kaban yang bekeheja sehimbai aku. 25 Kiha iya anugehah dahi Tuhan Yesus Kristus kita nyeheta ruh nuan. Amin.