Dayak Tamuan: Unlocked Literal Bible Print

Updated ? hours ago # views See on WACS
2 Yohanes
2 Yohanes
Pasal 1

1 Mula panatua, kan Inai am di pilih lalue kan ana-ana-nya, am ku kasihi lalam kabujur,laie bukan aku kaniri ku, tapie uras urang am ngasene kabujur, 2 Laie kabujur am tingal lalam dirie lalue am akan barota dirie salama-nya. 3 Anugerah, balas kasih, lalue damai sejahtera mula Hatalla Ompai lalue mula Tuhan Yesus Kristus, sie Ana, barota dirie lalam kabujur lalue kasih. (Hidup Sasuai Parintah Hatalla) 4 Aku bujur ba sukacita laie ingat ba barapa ana-mu hidup lalam kabujur, bera parintah am jadi dirie tarima mula Ompai. 5 Wayah itie, aku minta ka kolai, Inai, bukan saolah-olah aku manulis parintah am baharu,samah kan parintah am jadi dirie bagora bera asal-nya, nyaman dirie saling mangasihi. 6 Lalue, itie kasih, bahwa dirie hidup manurut parintah-parintah-Nya. Itie parintah iyah, bera am jadi kolai dongar mula asal nyaman kolai hidup ka lalam-nya. 7 Laie, banya panyosat jadi tege ka dunia, urang honta mangaku Yesus jadi Kristus am datang lalam wujud kalunen.Urang panyosat lalue anti Kristus. 8 Bahati-hati nyaman kolai honta hila apa am jadi dirie ngaruh-nya,malain kan manarima upah am sa utuh-nya. 9 Satiap urang am bajalan maluar lalue honta tingal lalam ajaran Kristus, inya honta bagora Hatalla.Akan tatapi, sapa am tingal lalam ajaran iyah bagora bai Ompai atau pun Ana-nya. 10 Amun tege urang am datang ka kolai lalue honta manaing ajaran itie, hinang narima inya ka lalam dangau-mu atau mamori salama apa pun. 11 Laie, sapa pun am manyamut inya ngalap bagian lalam pangawi jahat urang iyah. (Salam Panutup) 12 Banya am hona di tulis ku kan kolai, tapie aku honta hona mangaruh-nya honi kertas lalue tinta.Laie aku baharap ulih datang ka kolai lalue bapaner sacara batampai muha nyaman sukacita dirie ponuh. 13 Ana-ana mula manyari -mu am tapilih mamaner salam ka kolai.