Kisah Para Rasul
Kisah Para Rasul
Pasal 1
1 Kalalam buku am aku tulis sahompanya,saluruh am Yesus nampara karuh lalu lajar kan, 2 Pas katika arie Inya taincang,Inya jadi mamori parentah, mahoni Roh am Barasih lalu akan kaban rasul-rasul am jadi dipilihnya. 3 Akan urang,Iya jidi mamarah arep-Nya kanniri hidup lipas Iya am mandarita, akan banyak bukti, samil mamarah arep nya akan urang sapalamat ompat puluh ari lalu bapaner manahoyu macam apa ulah Hatalla maretah bera raja. 4 Samantara barota-rota akan urang,Iya marentah kan urang supaya honta maningalkan Yerusalem, tapi mananti janji Ompai,lalu uja-Nya, ''Kolai manongar mula aku, 5 laie Yohannes mamanie honie arai, tapi honta lamat mula kolai akan di panie honie Roh am Barasih, honta lamat mula keken itie am.''' (Yesus Taincang ka Surga) 6 keken iyah metuh urang bakmpul barota, urang bataya ka Inya, ''Tuhan,apakah itie waktunya Kolai mamai karajaan ha Israel?'' 7 Iya lalu bapaner akan urang ujanya, ''Hontanya bagian hemu maingat tuntang waktu lalu metuh am jadi ditotapkan laie Ompaiku lalam kuasa-Nya. 8 Akan tapi,kolai akan manarima kuasa metuh Roh am barasih jadi datang ka kolai lalu kolai manjadi saksi-Ku ka Yerusalem, kasaluruh Yudea tuntang Samaria, lalu sampai ka bagian bumi am paling hujung.'' 9 Lalu, limah Iya mamaner hal-haliti, samantara urang maila, Iya taincang lalu awan manaing-Nya lalu lilap mula panampai rang. 10 Lalu, kametuh rang manonga ka langit, samantara Iya ingkas,ilaja, tege dua urang kalaki mahoni pakayan putih badiri ka sisi urang, 11 lalu bapaner, ''Hei kolai urang-urang Galiea,ngapa kolai masih badiri samil manonga langit? Yesus ti,amjadi taincang mula antara kolai ka surga akan datang baulang honi cara am sama bera kolai maila-Nya ingkas ka surga.'' (Mamilih Siku Rasul Baharu) 12 lipas iyah, kaban rasul baulang ka Yerusalem mulae bukit am di joku Zaitun, amtege ka damping Yerusalem, jauhnyae sakitar sakilumeter. 13 Metuh urang tamae, urang naik ka ruang tingie, homan urang diam. kaban rasul iyah am Petrus,lalue Yohanes, lalue Yakobus, lalue Andreas, Filipus, lalue Tomas, Bartolomeus, lalue Matius, Yakobus anakAlfeus, lalue Simon urang Zelot, lalu Yudas anak Yakobus. 14 Urang urasnyae jari sahatie puna bahimat lalam badu,a basamah akan kaban labinie lalue Maria, inai Yesus, umaekan kaban manyarie-Nya. 15 Katika arie iyah,Petrus badirie di antara kaban manyarie nyae saiman (urang banya kira-kira saratus dua puluh jumlahnyae), lalue bapaner, 16 ''Kaban manyarie ku,Kitab Suci harus digonapi, am jari diparahkan sahompannyae laie Roh am basih malalu nyawae Daut masah yudas, am manjadi pamimpinakan urang-urang am manangkap Yesus. 17 17 Laie, iya tahitung di antara dirie lalu baulih bahagian lalam palayanan itie. 18 Metuhtie, urang itie mamolie salamar tanah hasil upah mulae kajahatannyae, Laue iyae jatue holue palaenyae, tuwuh nyae tahompas pocah, lalue saluruh isie porutnyae maluar. 19 Lalue,halitie jari ingat laie saluruh urang am diam ka Yerusalem sampai tanah iyah jam lalam bahasae rang di jokue Hakal-Dama, artienyae,'Tanah Darah'. 20 Sabab, tege tatulis kalalam kitab Mazmur: 'Nauhnyae homan nyae diam manjari benyem tunis, lalue nauh nyae dikeh hontae arae urang niamnyae,'Mazmur69:26 lalue 'Nauhnyae am bukan mangalap jabatannyae.' Mazmur 109:8 21 Laie masalah iyah, siku urang mulae rang am samah umae dirie sapalamat Tuhan Yesus tama maluar mulae antara dirie, 22 nampara mulae pampanie Yohanes sampai metuh arie katikae Iyae diangkat mulae antara dirie, salah suku nyae mulae rang banya itie harus manyadi saksi masalah Iyae hirup umae kan dirie jam.'' 23 Lalue,rang mausulkan dua urang,iyah am Yusuf am jokue Barsabas, iyae jam dijokue Yustus, lalue Matias. 24 Lipas iyah, rang banya badoa, ''Kolai, tuhan am kenal hatie saluruh urang. Tunyukan akan kamie sapae di antara rang nuae itie am jari Kolai pilih, 25 akan manarimae bahagian bagawie tuntang manarimae jabatan rasul, am akan mangatiekan Yudas am jari manyimpang akan ingkas ka homan henyae kanirie.'' 26 Lipasiyah, kaban rasul batonung ka antara rang banya lalue tonung iyah jatue akan Matius lalue iya tahitung umaekan sabolas rasul. ( Yesus am ta angakat ka surga kan janji datangNya Roh Kudus )
Pasal 2
1 Metuh arie Pentakosta datang, urang uras barota tege ka homan am samah. 2 Lalue, salenga tege tadongar mula langit, bungie bera tiupan riwut onya, lalue bungi iyah mamonuh saisi dangau homan urang metuh duru. 3 Lalue, tampa ka urang lilah-lilah bera nyala api am manyamar lalue hingap ka tingi urang kaniri-kaniri. 4 Maka, urang uras diponuh laie Roh Barasih lalue nampara bapaner lalam macam-macam bahasa, bera am dibori Roh Barasih akan urang paner. 5 Metuh iyah, tege urang Yahudi am diam ka Yerusalem, urang-urang saleh mula tiap-tiap bangsa ka loba langit. 6 Lalue, metuh bungi iyah tadongar, sakumpulan urang banya datang barota-rota lalue heran laie satiap urang metuh manongar urang iyah bapaner lalam bahasa urang kaniri. 7 Urang takjub lalue heran, samil bapaner, "Bukan kah urang uras am metuh bapaner iyah am urang-urang Galilea? 8 Lalue, apa mungkin dirie manongar urang honi bahasa homan diri dilahirkan? 9 Urang-urang Partia, lalue Media, lalue Elam, lalue Penduduk Mesopotamia, Yudea, lalue Kapadokia, Pontus, lalue Asia. 10 Frigia, lalue Pamfilia, Mesir, lalue daerah-daerah Libia damping Kirene, lalue panatang-panatang mula Roma, baie urang-urang Yahudi lalue para proselit, 11 urang-urang Kreta lalue Arab. Dirie manongar urang bapaner honi bahasa dirie tuntang pangawi-pangawi bakah Hatalla." 12 Lalue, urang uras takjub lalue bingung samil bapaner suti kan am bukan, "Apa arti uras itie?" 13 Tapie, urang bukan mangorah lalue bapaner, " Urang dimabukan laie anggur baharu." Petrus Bapaner ka Urang Banya 14 Tapie, Petrus badirie barota kasablas rasul, maangkat suaranya lalue bapaner ka urang, "Uii urang-urang Yahudi lalue uras am tingal ka Yerusalem, nauh nya diingat laie kolai lalue dongar panerku. 15 Laie, urang-urang itie hinta mabu, bera am kolai kira laie arie baharu jam ka tolu, 16 tapie itie am dipaner malalu Nabi Yoel: 17 'Lalue, metuh arie-arie terakhir akan tajadie' Hatalla berfirman: amun Aku akan mancurahkan Roh-Ku ka tingi uras kalunen. Lalue, ana-anamu kalaki lalue ana-anamu labini akan banubuat, lalue ana-ana muramu akan maila paila, lalue urang-urang tuha ka antaramu akan mampikan mimpi-mimpi. 18 Bahkan, ka tingi hamba-hamba-Ku kalaki lalue hamba-hamba-Ku labini metuh arie-arie iyah, Aku akan manurahkan Roh-Ku, lalue urang akan banubuat. 19 Lalue, Aku akan manunyu mukjizat-mukjizat ka langit, ka tingi, lalue tana-tana ajaib ka bumi, ka loba, darahlalue apie, lalue kabut asap. 20 Mataarie akan di ubah jadie kapotang lalue bulan jadie darah, sahompan arie Tuhan am bakah lalue mulia datang. 21 Lalue akan tajadie, satiap urang am manimai nama Tuhan akan diselamatkan."' Yoel 2:28-32 22 "Uii urang Israel, dongar paner itie. Yesus, Urang Nazaret, siku am dinyatakan ka antara kolai laie Hatalla akan hal-hal ajaib, mukjizat-mukjizat, lalue tana-tana, am jadie Hatalla tunyukan ka antara kolai malalu Inya, bera am kolai kaniri ingat. 23 Yesus itie, am di sorahkan manurut rencana am jadie ditentukan lalue paingat Hatalla sahompan nya, kolai mamatie lalue manyalib-Nya malalu jarie urang-urang durhaka. 24 Tapie, Hatalla mahuas-Nya, lalue malopas-Nya mula penderitaan maut laie hinta mungkin akan-Nya dikuas laie pamatie. 25 Laie, Daud basa bapaner tuntang Yesus, 'Aku maila Tuhan tarus tege ka paharapku, laie Inya tege ka sorap kananku lalue aku hinta akan digoyahkan. 26 Laie iyah, hatiku barami, lalue lilahku basorak-sorak. Tuwuhku jam akan diam lalam pengharapan, 27 laie Kolai hinta akan maningalkan jiwaku am tege ka dunia urang mati, atau maubah tuwuh Urang Barasih-Mu maila kebinasaan. 28 Kolai jadie mamarah ka aku jalan pahirup. Kolai akan mangaruhku ponuh sukacita honu muha-Mu.' 29 Kawan manyari, aku tahu bapaner ka kolai honi kayakin tuntang ompai laluhur dirie, Daud, amun inya jadie matir lalue dikubur, lalue kuburannya masih tege barota akan dirie sampai arie itie. 30 Jadie, laie inya iyah am siku nabi lalue maingat amun Hatalla kadie bajanyi honi sumpah ka inya akan manuru suti mula katurunan Daud ka tingi takhtanya. 31 Laie iyah, Daud am maila hal itie sahompannya, inya bapaner tuntang pahuas Kristus amun: 'Inya hinta akan ditingal ka dunia urang matie, lalue tuwuh-Nya hinta maila kebinasaan.' Mzm. 16:10 32 Yesus itie am Hatalla huaskan lalue kamie uras nya iyah am saksi tuntang hal iyah. 33 Laie iyah, sajadie ditingal laie jarie kanan Hatalla lalue manarima janyi mula Bapa tuntang Roh Barasih, Inya jadie mancurahkan, baie apa am kolai ila lalue am di dongar. 34 Laie, Daud hinta nai ka surga, tapie inya kaniri baparah, "Tuhan baparah ka Tuanku, 'Duru ka sorap kanan-Ku, 35 sampai Aku mangaruh musuh-musuh-Mu jadie tumpuan kaki-Mu."' Mzm 110:1 36 "Laie iyah, nauh nya uras dangau Israel ingat pasti amun Hatalla jadie mangaruh-Nya TUhan lalue Kristus, itie am Yesus am jadie kolai salibkan." 37 Metuh urang manongar hal itie, tatusu hatie urang, lalue baparah ka Petrus lalue para rasul bukannya, "Kawan manyari, apa am harus kamie karuhkan?" 38 Lalue, Petrus baparah ka urang, "Batobatlah lalue baptiskan kanirimu kaniri-kaniri lalam nama Kristus Yesus akan pengampunan dosa-dosamu, lalue kolai akan manarima Roh Barasih. 39 Laie, janyi itie iyah am akan kolai lalue ana-anamu, lalue akan uras urang am masih jauh, sabanya am Tuhan Hatalla dirie akan manimainya." 40 Lalue, honi pamanya paner bukan, Petrus basaksi honi kabujur-bujur lalue baseru ka urang, ujanya "Selamatkanlah kanirimu mula generasi am bengkok itie!" 41 Urang-urang am manarima paner Petrus dibaptis lalue metuh arie iyah jumlah urang ditamah sakitar tolu ribu jiwa. (Persekutuan Urang-Urang Percaya) 42 Urang batekun lalam pangajaran rasul-rasul lalue lalam persekutuan, lalam mamocahkan roti, lalue lalam badoa. 43 Lalue, pangola datang ka tingi satiap jiwa, lalue banya hal ajaib lalue tana-tans am tajadie malalu para rasul. 44 Uras am percaya bakumpul barota lalue hompu uras sasuatunya barota-rota. 45 Lalue, urang manyual harta bana lalue hompunya, limah iyah mamagi-maginya ka utras urang sasuai keperluannya kaniri-kaniri. 46 Saban arie,bahatie bulat urang bakumpul barota Bait Hatalla lalue mamocah-mocahkan roti mula dangau ka dangau. Urang manarima pamakan urang honi karami lalue tulus hatie, 47 samil mamuji Hatalla lalue urang di kahona laie banya urang. Lalue, satiap arie Tuhan manamah jumlah urang, iyah am urang-urang am diselamatkan.
Pasal 3
1 Sota arie, Petrus rang nua Yohanes ingkas manguang ka Rangau Hatalla metyh jam doa, iyah am metuh jam sembilan. 2 Lalue, tege siku kalaki am lumpuh mula lalam kanung inainya diincang. Saban arie urang mangoranya kaparap Pintu Rangau Hatalla am namanya Pintu Gerbang Indah baharap asi mula hansia banya am tama ka Rangau Hatalla. 3 Metuh inya maila Petrus rang Yohanes hona tama ka Rangau Hatalla inya maminta asi. 4 Lalue, Petrus, barota kan Yohanes maila nya samil bapaner,"Ila kami tie". 5 Urang am lumpuh iyah manampai Petrus rang nua Yohanes baharap asi mula rang nua. 6 Tapi, Petrus bapaner,"Aku tie mayan ara mangora perak atau bulau, tapie am hompuku diboriku akan kolai lalam nama Kristus Yesus urang Nazaret iyah, huas bajalan ja!" 7 Limah iyah, Petrus marigap jari kanan urang iyah marompuhnya badiri. Sota iyah jam, kaki sulau tuutnya jadie onya. 8 Nangkeru, inya huas nampara bajalan. Lalue inya tama ka lalam Rangau Hatalla barota Petrus lalue Yohanes ,bajalan kecu keru, mamuji Hatalla. 9 Hansia banya ma ilanya bajalan lalue mamuji Hatalla, 10 kasene rang inya yah am duru ka Gerbang Indah Dangau Tuhan maminta asi. Hansia banya heran mailanya laie hal am tajadie ka inya. Petrus Bapaner ka Urang Banya 11 Sahompan urang iyah barigap ka Petrus rang nua Yohanes, hansia banya badari manguang urang nua yah ka pariwau am di joku pariwau Salomo, lalue heran ma ilanya. 12 Lalue, metuh Petrus ma ilanya, inya bapaner akan urang banya yah''Uii urang Israel, ngapa kolai maila kami tie saolah-olah honi kuasa lalue kesalehan kamie kaniri, kamie jadie mangaruh urang itie bajalan? 13 Hatalla Abraham, lalue Ishak, lalue Yakub, Hatalla hia umuh dirie jadie mamuliakan hamba-Nya, Yesus, am kolai sorahkan lalue hinta ditarima ka paharap Pilatus metuh inya jadie mamutuskan akan malopas-Nya. 14 Tapie, kolai manolak, Am Barasih lalue am Bujur, lalue kolai maminta siku mamati dilopas akan kolai, 15 lalue kolai mamati Sang Pamori Hirup, am jadie Hatalla huaskan mula antara urang mati. Tuntang itie, kamie iyah am saksi-saksi. 16 Lalue badasar iman lalam nama-Nya, iyah am nama Yesus, jadie maonya kalaki-kalaki am kolai ila lalue kasene itie. Lalue, imanam datang malalu Inya jadie mamori karigas am sempurna ka kalaki-kalaki itie ka paharap kolai urasnya. 17 Keken itie, kawan manyariku, aku ingat amun kolai bertindak lalam kahinta ingat mu bera am kolai karuh laie para pamimpinmu. 18 Tapi, am Hatalla parahkan sahompannya malalu nyawa uras nabi amun Kristus akan sia-siha, jadie Inya ganap. 19 Laie iyah, batobatlah lalue babalilah nyaman dosa-dosamu dihapuskan, 20 nyaman waktu kelegaan datang mula kehadiran Tuhan, lalue nyaman INya mautus Kristus jadie ditotapkan akan kolai, iyah am Yesus, 21 am patut tama ka sorga sampai metuh waktu pemulihan sagala suatu bera am jadie Hatalla parah malalu para nabi-Nya am barasih metuh zaman holu. 22 Musa bapaner, 'Tuhan Hatallamu akan mahuaskan akan kolai siku nabi bera aku mula antara kawan manyarimu kaniri. Kolai harus manongarkan sagala suatu am inya parah ka kolai. 23 Lalue akan tajadie, satiap jiwa, am hinta manongar nabi iyah akan dihilakan mula antara bangsa.' 24 Lalue, uras nabi am basa bapaner, mulai mula Samuel lalue urang sahompan nya jam mamarah arie-arie itie. 25 Kolai iyah am katurunan mula para nabi lalue mula perjanjian am jadie Hatalla karuh honi hia umuhmu, lalue bapaner ka Abraham, 'Malalu benihmu, uras katurunan ka muha bumi akan diberkati.' 26 Hatalla, sahompan mahuaskan hamba-Nya, mangirimkan-Nya ka kolai lobih holu akan mamberkatimu honi mangaruh satiap urang mula antaramu bababli mula kajahat." Yesus manyangka urang am lumpuh
Pasal 4
1 Metuh Petrus rang nua Yohanes bapaner akan insia banya datang uras imam, kapala panjaga Dangau Hatalla, urang Saduki, 2 banya am gusar lai inya malajar hansia banya mamaner ka lalam Yesus tege mahuas inya mula urang mati. 3 Lalue, urang manangkap Petrus rang nua Yohanes lalu langsung manama ka lalam panjara sampai arie pagi laie arie jadie malam. 4 Amun, banya mula urang am jadie manongar paner para rasul langsung parcaya, laie jumlah kalaki antara urang kira-kira jadie lima ribu kalunen. 5 Metuh ari iyah, pamimpi -pamimpin, tuha-tuha, ahli Taurat uras bakumpul ka Yarusalem, 6 barota Imam Bakah Hanas, Kayafas, Yohanes, Aleksander, uras urang banya mula manyari Imam Bakah. 7 Kametuh urang mangora Petrus Rang nua Yohanes katongah-tongah, urang batanya, ''Honi kuasa sapa kolay mangaruh hal iti?" 8 Lalue, Petrus, diponuhi lai kuasa am Barasih, bapaner akan banya urang,"Para Pamimpin am tuha-tuha, 9 amun dirie diperiksa arie itie laie perbuatan baie jadie dikaruh urang am lomah itie, honi apa urang itie jadie manyangka? 10 Nauh nya am hal itie diingat laie ikam uras nya urang Israel laie nama Kristus Yesus, urang Nazaret, am kolay salibkan, am Hatalla huaskan antara urang mati, urang itie badiri kapaharap lalam kaadaan barigas. 11 Yesus itie iyah am: 'Batu am ditolak laie kolay, tukang-tukang bangunan, am jadi Batu Panjuru.' Maz 118:22 12 Lalue, mayan ara, kasalamatan kalalam urang bukan lai mayan nama bukan ka loba langit am dibori antara kalunen laie nama iyah dirie tahu diselamatkan." 13 Metuh urang manampai karani Petrus rang nua Yohanes am paham urang yah mayan ara sakulah, urang jadie heran mula mangasene urang nua yah jadi basa uma Yesus. 14 Metuh manampai urang am jadie disangka iyah jadie badiri damping Petrus rang nua Yohanes, urang hinta tahu manangkarnya. 15 Tapie, metuh urang manyuruh Petrus rang nua Yohanes badari mula Sanhedrin urang bapakat, 16 samil bapaner, "Apa am harus di karuh akan urang nua tie? Laie, tana ajaib am luar biasa jadi malalu urang yah am nampa akan urang tingal ka Yarusalem, dirie hinta tahu manangkarnya. 17 Maka mula iyah, nyaman kesah itie honta takesah koyah koti ka hansia banya, ayo diri maancam urang yah nyaman honta bakesah mula akan sapa jua ma honi nama iyah." 18 Limah iyah, hansia banya manimai Petrus rang nua Yohanes, limah iyah manyuruh urang nua honta mula bapaner atau malajar apa jua honi nama Yesus. 19 Tapie, Petrus rang nua Yohanes manimat paner akan hansia banya, "Pilih ja, manih am baie lalam panampai Hatalla, nyaman mahoning bungi mu yah am lobih mula Hatalla? 20 Laie iyah, kamie hinta tahu kacuali mamarah apa jua am jadie diila atau dihoning." 21 Metuh iyah, urang tarus maancam Petrus rang nua Yohanes, urang maubah rasul-rasul iyah badari, limah iyah hinta manapat carae honi mahukum urang nua laie hansia am mamuji Hatalla laie inya maila tana am tege. 22 Laie, urang am dibori tana kabaie iyah jadie dinyatakan, umurnya lobih ompat puluh tahun. Petrus rang nua Yohanes Baulang ka Kawan Manyari Saiman 23 Metuh jadie kona lopas, Petrus rang nua Yohanes ingkas nguang kakawalan nya kaniri lalue mangesah am dipaner laie imam kapala am tuha ka urang bukan. 24 Lalue metuh kawan kawalnya iyah manongar, urang maangkat Hatalla honi sahatie lalue bapaner, "Ya Tuhan, Kolai am jadie mangaruh langit, bumi, laut, lalue sagala isinya, 25 am bapaner malalu Roh Barasih, malalu nyawa hamba-Mu, Daud, hia umuh kamie: 'Ngapa bangsa-bangsa bukan malai, lalue urang-urang maila am di siha-siha? 26 Raja-raja dunia basiap-siap, lalue para panguasa bakumpul barota, malawan Tuhan lalue malawan Am Diurapi-Nya.' Mzm. 2:1-2 27 Laie, sabujurnya kakota jadie bakumpul barota akan malawan Yesus, Hamba-Mu am Barasih, am Kolai urapi, baie Herodes lalue Pontius Pilatus, barota akan bangsa-bangsa bukan, am urang-urang Israel, 28 akan mangaruh sagala suatu am laie jari-Mu lalue rencana-Mu am ditentukan sahompannya akan tajadie. 29 Wayah itie, Hatalla, ila ancaman-ancaman urang bori karunia kan Hamba-hamba mu am mamaner bungi Hatalla honi sagala karani, 30 sahompan Kolay manajur jari-Mu honi manyangka tege tana-tana kaajaiban laie lalam Hamba am puna barasih Yesus." 31 Metuh, urang badoa ,baguncang bagulah homan urang bakumpul barami urang uras diponuhi Roh Barasih, am barani mangesah bungi Hatalla honi karani. Pahirup Urang Percaya 32 Lalue, kumpulan urang am percaya, basatu hatie lalam jiwa. Mayan ara urang bapaner barang iyah hompu henya kaniri, tapie uras hal iyah hompu barami. 33 Lipas iyah, kawan rasul mangesah kasaksian urang akan pahirup Tuhan Yesus am ponuh laie anugerah am bakah katingi urang banya. 34 Mayan ara siku urang am kakurangan mula urang bukan am tege bagora tanah arai lalue dangau, manyualnya, manaing hasil am dijualnya, 35 lalue iyah urang mangora kakaki rasul, langsung mamagi kamasing-masing urang am sasuai kabutuhannya. 36 Bira iyah jam Yusuf, urang Lewi, Katurunan Siprus, am ditimai jam laie kawan rasul, Barnabas, am bamakna 'ana am baie' 37 manyual tanah arai am dihompunya manaing duit uangnya, mangoranya kakaki para rasul. Rasal-Rasul Kawan Mahkamah Agung Yahudi
Pasal 5
1 Tege kalakie banama Ananias urang nua binienya manyual salamar tanah. 2 Inyae manawu saruaie rogae tanah iyah mula binienya, Beweh jam Ananias mangalap saruwaenya akan nyakanirie, sabagian kocima amdi antatnya kapaharap uras rasul diah. 3 Limah iyah, Petrus bapaner, "Ananias, ngapae Imun ponuh lalam hatiemu kolaie am marongka Roh Kudus manawu saruaie roga tanah iyah? 4 Sahompan die jual, tanah iyah tatap hak hemue? Limah, iyah diejual, rogaenya tatap kolaie marigapnya? Ngapa, kolaie bapikir mangaruh am honta baie lalam hatiemu? kolai honta marongka kan kalunen, tapi marongka Hatalla." 5 Manongar paner iyah, Ananias jatue tangkaling lalu mahapus kosahnya, limah iyah, urang banya uras gola manongarnya. 6 Sambagian babiya bujang, mungkus nya honie kain, manaing nya maluar, lalu manguburnya. 7 Limah iyah, sakitar tolu jam, binie Ananias datang, tapie honta ingat kesahnya am tajadie diah. 8 Lalu, Petrus bapaner kan inya, "Parah ka aku, tanah am die jual mu bera itie pamakah rogaenya?" Lalu Safira manimat bungienya, " Amat, bera iyah pamakah roganya." 9 Limah iyah bapaner mula Paulus kainya, " Ngapa kam nuae lakie mue baolo-olo akan Roh Tuhan? Ilae mue, bokas dampae kakie urang banya am harue pulang mangubur lakiemu tarie bebeh jam mula pintue itie manaing kolaie maluar. " 10 Sakametuh bapaner, Safira tangkaling mahapus kosahnya. Sakatika iyah kawan babiya bujang tama, mailae Safira diah jadie matie, urang banya manaingnya maluar manguburnya balikat lakienya diah. 11 Mailae, berae iyah timul banya gola akan santero ungkup am manongor mailae kajadian iyah. (Tanae-Tanae Aneh Mula Hatalla) 12 Banya tanae ajaib am aneh die ilae urang am die gawie kawan rasul uras pamanya pakat sahatie paharap Emer Solomo. 13 Mayan arae bukan am baranie nirienya bakumpul uma urang diah, tapie urang-urang bukan mahormat urang tege diah. 14 Limah iyah, jajuan batamah banya parcaya umae Tuhan, sabagian bakah, umae diah kalakie-labinie. 15 sabab iyah, pamanya mangopit manaing urang-urang am konae payakit kanyaman maomahnya ka jalan-jalan die guring tinggie tandu uamkan lalemek katikae Petrus datang diah, sahontae konae kamayangnya urang banya diah. 16 Diah, tege banya urang mulae banuae-banuae sakitar Yerusalem uras datang, manaing urang-urang payakit kanyaman tege kona rasuk imun-imun jahat. Urang diah uras barigas. (Kawanan Rasul Konae Tangkap) 17 Limah, kawanan imam bakah ngaruh gawie, barotae jalahannya, iyah urang Saduki,* uras pamanya diah dangki irie hatie. 18 Pamanya diah manangkap kawan rasul manamanya lalam panjara umum. 19 Sakatika, malam arie, tege siku urang malekat Tuhan maungkap pintu-pintu panjara, manaing maluar, lalue bapaner, 20 "Badarie, ingkas keh lalue parah kan pamanya urang-urang amka Dangau Hatalla urasnya bungie ammorie pahirup itie. " 21 Lipas, pamanya manongarnya, sota naharie, pamanya tamae lalam Dangau Hatalla lalue nampara malajar. Kametuh Imam Bakah barotae urang-urang banya datang diah. pamanya mangumpul Pajabat Agama umkan majelis tuhae-tuhae Israel. salalu marentah urang kapanjara mangalap rasul-rasul kapaharap pamanya. 22 Lipas iyah, urang-urang am diesuruh datang diah, pamanya mayan mailae kadua rasul tege lalam panjara. Pamanya, baulang lalue baparah, 23 ujae nya, " Kamie mailae panjara takuncie urasnya ambajagae tege badirie paharap pintue, sakatikae kamie maungkapnya, kamie mayan mailae urang tege lalamnya." 24 Sakatikae, kapalae ambajagae ka Dangaue Hatalla umkan imam kapalae manongor paner iyah, pamanya uras bingung kan kawan rasul diah tege batanya-tanya apa puna amat berae iyah. 25 Limah iyah, siku urang baparah ka pamanya, " Ilae keh! Urang-urang am die tamae mu ka panjara uras tege lalam Dangau Hatalla malajar urang banya." 26 Maka, kapala panyaga Dangau Hatalla umakan pangawal am bukan badarie manaiang rasuk-rasul iyah, tapie hontae die paksa pamanya gola konae patu honie batue laie urang banya. 27 Limah pamanya jadie manaing Petrus umakan Yohanes, pamanya ma antat maharap Sanhedrin. Makae Imam Bakah batanya ka pamanya, 28 ujaenya, "Kamie jadie karas mangirah kolaie malajar honie nama iyah, tapie kolaie jadie mamonuh Yerusalem laie palajaranmu berae iyah apae kolaie bakahona uras mananggung darah urang tie kamie pamanya." 29 Amun, Petrus lalue para rasul manimat, " Kami harus lobih taat ka Hatalla dari pada kalunen. 30 Hatalla hiae umuh diri jadi ma huas Yesus, am jadi kona pati mu lalue mangantung-Nya ka kayu salib. 31 Hatalla hona inya tege kajari kanan Nya laie pamimpin lalue jurus salamat akan mamori partobatan akan Israel lalue pangampunan tingi dosa-dosa. 32 Lalue, kami jadi saksi-saksi mula uras itie, lalue bera iyah jam roh barasih, am jadi Hatalla bori ka urang-urang am taat ka Inya." 33 Metuh urang manongar hal itie, hati urang ta cucu lalue ba maksud hona mamati para rasul iyah. 34 Tapie siku urang ba nama Gamaliel, siku guru Taurat am di hormat uras urang, badiri ka paharap Sanhedrin lalue manyuruh para rasul iyah di suruh maluar nyulu. 35 Lipas iyah, inya bapaner ka urang, "Uui urang-urang Israel, cuba ila bujur bai apa am akan kolai karuh paharap urang-urang itie. 36 Laie, babarapa waktu am lalue,Teudas huas, mangaku arep nya jadi urang penting lalue kira-kira tege ompat ratus urang am ba uma kan inya. Tapie, inya di pati lalue urang am mairing nya tabur tabiar, sampai honta ara samah sakali. 37 Limah Teudas, Yudas mula Galilea huas, metuh ari-ari sensus,lalue manarik urang banya mairing nya. Inya jam kona pati lalue urang am ma iring nya tabur tabiar. 38 Laie iyah, lalam kasus iti, aku mansehat kolai: Jauh kan urang-urang itie lalue ubah kan urang. Laie, amun rancana lalue pangawi iti ba asal mula kalunen, hal iti honta bahasil. 39 Laie, amun rencana itie ba asal mula Hatalla, kolai honta ulih mahonti nya. Bahkan kolai mungkin di dapat metuh malawan Hatalla." 40 Urang mahoni nasehat Gamaliel. Limah iyah, limah manimai dua iku rasul iyah, urang manukuh kadua nya lalue mangirah para rasul hona bapaner lalam nama Yesus, lalue malopas nya. 41 Laie iyah, rasul-rasul iyah badari mila paharap Sanhedrin dengan basukacita lie urang di anggap layak mandarita panghinaan demi nama Nya. 42 Lalue, satiap ari, ka bait Hatala lalue mula dangau ka dangau, urang honta basa bahonti malajar lalue mangabar Injil amun Yesus yah Kristus.
Pasal 6
1 Metuh iyah, metuh jumlah murid samakin batamah, tege keluhan maluar mula urang-urang Helenis akan urang-urang Ibrani asli laie hinta suka kan kawan balu rana laie maninggal gawi pelayanan pamakan satiap harie. 2 Maka, kadua bolas rasul iyah manimai uras murid lalue bapaner, "Hinta bujur akan kamie akan maubah firman Tuhan demi malayan meja. 3 Laie iyah, Kawan Manyari, pilihlah tujuh urang mula antara kolai am tabukti baie, ponuh laie Roh Barasih lalue hikmat, am akan kamie incang akan tugas itie. 4 Sedangkan kamie akan batekun lalam doa lalue lalam palayanan firman." 5 Pernyataan iyah marami hatie uras urang. Lalue, urang mamilih Stefanus urang am ponuh laie iman lalue Roh Barasih, lalue Filipus, Prokhorus, Nikanor, Timon, Parmenas, lalue Nikolaus, siku proselit mula Antiokhia. 6 Urang itie ditaing ka paharap para rasul, lalue metuh badoa, para rasul manumpang jari urang ka tingi tujuh urang iyah. 7 Firman Hatalla tarus tasebar lalue jumlah murid ka Yerusalem samakin batamah. Bahkan sakelompok bakah iman jadie patuh ka iman iyah. Panamgkapan Stefanus 8 Lalue, Stefanus, ponuh laie anugerah lalue kuasa, jadie mangaruh hal am takjub lalue tana-tana ajaib ka antara urang banya. 9 Tapie, babarapa urang mula sinagoge am di joku urang-urang Libertin, baie urang-urang Kirene lalue urang-urang Aleksandria, lalue babarapa mula Kilikia lalue Asia, huas lalue badepat akan Stefanus. 10 Tapie, urang iyah hinta ulih malawan kabijaksanaan lalue Roh am kan Inya Stefanus bapaner. 11 Lalue, sini-suni urang mahasut babarapa urang akan bapaner, "Kamie jadie manongar urang itie mamaner buti bawa paner am hinta baie akan Musa rang nua Hatalla!" 12 Urang iyah manimai banya urang, tuha-tuha, kawan ahli-ahli Taurat, lalue am datang manguang stefanus, manangkapnya, lalue ditaing ka paharap Sanhendrin. 13 Urang maharap kan saksi-saksi am palsu langsung bapaner, "Urang itie hinta basa bahonti bapaner kata-kata am malawan homan barasih itie lalue Hukum Taurat. 14 Laie, kamie basa manongar inya mamaner amun Yesus mula Nazaret hona mahancur homan itie lalue maubah adat istiadat am jadie diwaris Musa akan dirie." 15 Lalue, metuh maila muha Stefanus, uras urang am duru lalam Sanhedrin maila muha nya bera muha malaikat. (Tujuh urang am dipilih untuk pelayanan khusus)
Pasal 7
1 Imam tuhae batanya.'' pa bujur ja mu?" 2 Stefanus bapaner, kawan manyari inai ompai, dongar bungie ku. Hatalla Am Kuasa manapa nirinya ka datu hiyang diri Abraham metuhnya tege ka banua mesopotamia, sahompan pinah ka banua haran" 3 Panernya ka inya, 'ingkas kolai mula kulae babuhan mu,pinah ka banua am jadi parah Ku.' 4 Abraham yah ingkas mula banua urang Kasdim pinah ka banua Haran. limah iyah ompainya matie, Hatalla manyuruh bapinah mula ka banua, homannya diam. 5 Metuh iyah Hatalla mayan mori panatau nya,makah dampa jari gin mahi mayan, tapi bajanjie mamorie Abraham panatau kan katarunanya, metuh iyah Abraham lagi mayan bagora ana. 6 Bera iti Hatalla baparah, ana jariyan mu bera tamuai nonae homan banua urang bagawi kan hulun jongos ompat ratus tahun palamatnya. 7 Aku ,nona hona mahukum hansia am mahulun urang kam diah, 'uja Hatalla, 'limah iyah kam kan maluar mula diah kan homan KU ditie,' 8 Hatalla mamorie Abraham janyie sunat, Abraham jadi ompai Isak limah lapan ari inya di sunat, Isak jadi ompai Yakub,ompai dua bolas hiyang dirie. 9 Laie ka iri hati Yusuf di jual datu hiyang ka urang Mesir. tapi, Hatalla mahagae Yusuf. 10 Malopas inya mula ka oyoh, mamorie ka pintar horotie kan paharab Firaun, Raja Mesir, am ma angkatnya mangapala uras Mesir umakan lalam istana diah. 11 Metuh iyah datang lapar uras banua Mesir umakan Kanaan, mangaruh oyoh datu hiyang diri honta ba ulih pamakan. 12 Yakub manogar tege pamakan ka banua Mesir, inya ma ingkas datu hiyang diri iyah gin haru sakalie. 13 Panatang am kadua,Yusuf mamaner nirinya ka buhan mayarinya,uras jalahan Yusuf kasene kan Firaun. 14 Limah iyah,Yusuf marahie ompainya Yakub,uma kan buhan mannyarinya sapa manya 75 urang. 15 Yakub manguang Mesir inya mati diah, umakan datu hiyang diri. 16 mula diah uras dipinah ka Sikhem tanah kubur am jadi bolie Abraham honie bannya duit mula tarunan Hemor ka Sikhem. 17 Janyie iyah, sasar damping, am jadi parah Hatalla akan Abraham, banua iyah nonae ponuh hansia uras Mesir yah. 18 Tege Raja bukan am bakuasa ka banua Mesir diyah,am honta kasene Yusuf. 19 Raja iyah nonae mampahumung mahulun datu hiyang diri manyuruh muang ana ana onin nyae nyaman matie urasnya. 20 Metuh iyah, Musa lahir romis bakena pai ila Hatalla, Musa di harumat ompaie nya tolu bulan palamat nya. 21 Salopas inyae di buang, Putri Firaun ngalap mahaganya maurus bera ana nya kaniri. 22 Musa,di lajar mahonie tata cara urang Mesir inyae bakuasa mula panernya uma kan pangawienya. 23 Musa, ba umur ompat puluh tahun timul ka honanya bagaue kan kula jalahan nya urang Israel. 24 Katika metuh iyah tege am di laie urang Mesir, Musa marompuh am kona kian, di patienya urang Mesir iyah. 25 Musa mangira jalahannya kasenenya Hatalla bera inyae, padahal honta. 26 Limah iyah, Musa manguang sama urang Israel bakalahi, uja nya ngapa kalahi diri tie masih jalahan, ngapa hakian kulanya?' 27 Mun urang am malaie kulanya manuna Musa ka sisi uja nya, 'Sapa kolaie nyuruh marentah kami?' 28 Pa kolaie hona malaie aku bera urang Mesir yah baharie?' 29 Manongar paner urang yah, Musa badari namuaie ka banua Midian. Diah,inya jadi ompai dua urang ana kalaki. 30 Limah ompat puluh tahun,malikat datang manampa nirie kan Musa ka tayan sanam gunung Sinai,am banyala bera nyala api tongah padang durie. 31 Musa maila, inya heran kan pailanya, metuh maila ila, datang bunggie Tuhan. 32 'Aku ti am Hatalla datu hiyang mu, Hatalla Abraham, Hatalla Isak, Hatalla Yakub,' Musa yah kaniri gola honta barani maila ilanya. 33 Limah iyah, Tuhan bapaner kan inya, 'Lopaskan tarumpah muyah homan mu badiri ti tanah am barasih. 34 Aku jadi maila Paoyoh urang heKu am tege ka banua Mesir jadie dongar ku bungie urang banya, Aku jadi turun mangalap urang, kotie kolaie, Aku mingkas kolai ka banua Mesir.' 35 Musa, am honta urang narima nya bapaner, 'Sapa am manyuruh kolai manguasa marentah Kami?' Inya urang am di inggkas Hatalla jadi, panguasa mangalap, am mahonie jarie maleikat tege ila ka pandang tayan durie una. 36 Urang tie am, manaing kam kaluar, mangaruh plang tana-tana ajaib sahapus banua mesir, umakan Laut Mirah, tayan sanam sapa lamat ompat puluh tahun. 37 Musa mamaner urang Israel, 'Hatalla kan ma ada siku nabi bera mula antara kula babuhan mu.' 38 Inya ti siku urang ungkup am tege ka padang tayan uma maleikat Bapaner kan inya ka Gunung Sinia, uma dutu hiyang diri, manongar firman am dibori kan diri. 39 Datu hiyang diri honta manulat uja Musa, malawan tege bapaner lalam hati hona pulang ka Mesir mula, 40 Tege am bapaner ka Harun, karuh kan kami hampatung am bajalan kapaharap kami laie Musa tie, am manaing kami maluar mula banua Mesir, kami honta inggat apa am digawinya.' 41 Metuh iyah, urang mangaruh hampatung ana sapie, mamori pamakan kan imun yah, sota barami-rami kan am jadi digawi honie jarie urang banya diyah. 42 Hatalla honta, maurus hansia kalunen am manyomah barang am ila lowa langit, bera am di tulis Nabi, Apa kolai manaing satuwa am disamolih mori akan Aku sapalamat ompat puluh tahun kapadang tayan,eiy umat Israel? 43 Kolai manaing balai Molokh, Hampatung imun, am jadie Refan, am di somah, Aku mamuang manibar kolai ka dipah sorop banua Babel.' Am. 5:25-27 44 Datu hiyang diri bagora kemah ka tonggah tayan,bera am di suruh Hatalla bapaner ka Musa, mangaruh gomar nya samah bera am jadi die ila nya. 45 Sajadi baulih dangau iyah datu hiyang diri manaing tama barota yosua metuh marobut banua mula hansia kalunen am bukan,am jadi buang Hatalla mula paharap datu hiyang diri sampai kan katika zaman Daud. 46 Daud baulih ka harotie kan paharap Hatalla,am minta homan diam nya Hatalla Yakub. 47 Metuh yah Salomo mangaruh dangaue kan Hatalla. 48 Hatalla, honta diam kadangau am dikauruh lai jari kalunen bera am jadi dipaner Nabi 49 Langit yah dangau ku tanah yah homan kaki-Ku. Dangau apa am dikauruh mu akan Aku, Hatalla Bapaner tege kah homan Ku baranai? 50 Ingat kam jari longan Ku tie am mangaruhnya yah?' Yesaya 66:1-2 51 Ey, kolai am honta manulat uja bunggie ku am honta baponing malawan Roh Hatalla bera datu hiyang mu! 52 Nabi-Nabi uras kona laie datu hiyang diri am mampatie nya saholu mula kabar datangnya, Hatalla am Bujur, keken iti inya kaniri manjadi hinta baie ureh konae laie sampai mati. 53 Kolai baulih hukum Taurat bera am diparah malaikat tapi kolai honta mahoninya (Stefanus Diepatie) 54 Katika manongar bera iyah, urang bamamai gagiri kan Stefanus. 55 Tapi Stefanus am ponuh Roh Kudus maila am Kuasa. Yesus badiri sorap kanan Hatalla. 56 Stefanus bapaner, dongar! "Aku mila langgit tabuka Ana Kalunen badiri sorap kanan Hatalla." 57 Urang, basoru nyaring, samil nutup poningnya, urang bapakat malaie Stefanus. 58 Limah iyah, manuna nya kaluar mula banua mamedak nya mahoni batu, limah iyah, saksi mata tege am maila, malopas pakaian nya kakaki am banama saulus. 59 Urang tarus malaie Stefanus am basoru bapaner,Tuhan Yesus alap Roh-Ku. 60 Limah iyah basujud, inya basoru, Tuhan hinang urang am manangung dusa Ku kan urang iyah!" Limah bapaner, inya mati'e. (Stefanus mamela arep nya)
Pasal 8
1 Lalu, Saulus pun manyatujui pamati Stefanus iyah. Saulus Mamatikan Ungkup ka Yerusalem Metuh ari iyah, tege urang kona kiyan am bakah homan paharap ungkup ka Yerusalem, lalu urang uras tapisah ka homan Yudea rang nua Samaria, kacuali kawal rasul. 2 Barapa urang saleh mangubur Stefanus lalu datang ratapan am bera iyah bakah taharapnya. 3 Akan tapi, Saulus bausaha mamatikan ungkup dengan tama ka dangau demi dangau. Inya maihir kalaki rang nua labini, lalu manyorahkan urang ka lalam panjara. Filipus Mamarahkan Injil ka Samaria 4 Lalu, urang am jadi tapisah bakaliling samil mamarahkan Injil. 5 Filipus turun ka homan kota Samaria lalu mamarahkan tuntang Kristus. 6 Lalu, urang am banya dengan sahati maila kan apa am am Filipus marahkan lai urang jadi manongar maila tanda-tanda ajaib am inya ngaruhnya. 7 Lai, roh-roh jahat maluar mula urang-urang am dirasuknya, samil basoru suara nyaring, uras banya urang lumpuh pincang am di baikannya. 8 Lai iyah, tege sukacita bakah ka kota iyah. 9 Amun, tege saurang kalaki banama Simon am sahaompannya jadi mancontohkan sihir ka kota lalu mangaruh garogi uras urang Samaria, lalu manyoku bahwa kanirinya urang bakah. 10 Uras urang, nampara mula urang paling koni sampai urang paling bakah, baparah, ''Urang itie yaham kuasa Hatalla am dijoku 'Bakah'.'' 11 Maka, urang mamori parhatian ka inya lai jadi sakian lamat inya jadi mangaruh urang takjub dengan ilmu sihirnya. 12 Amun, jadi urang-urang iyah mamparcaya Filipus am mamarahkan Injil tuntang Karajaan Hatalla lalu nama Kristus Yesus, urang dibaptis, bai kalaki ataupun labini. 13 Bahkan, Simon kaniri parcaya jadi inya kona dibaptis, inya tarus homan damping Filipus, lalu katika maila babagai mukjizat tana-tana ajaib am tajadi, inya manjadi takjub. 14 Metuh waktu iyah, katika rasul-rasul ka Yerusalem manongar bahwa urang-urang Samaria jadi manarima firman Hatalla, urang mamutus Petrus rang nua Yohanes ka urang-urang koyah, 15 am datang lalu badoa bagi urang agar urang manarima Roh Barasih. 16 Lai, Roh Barasih hompan turun mula tingi saurang pun mula urang, urang baya jadi dibaptis ka lalam nama Tuhan Yesus. 17 Lalu, Petrus rang nua Yohanes manompangkan jarinya ka tingi urang lalu urang manarima Roh barasih. 18 Katika Simon maila bahwa Roh Barasih diborikan malalu panompangan jari rasul-rasul, Simon manawarkan duit ka rasul-rasul iyah, 19 dengan bapaner, ''Borikan jam ka aku kuasa iyah nyaman satiap urang am ka henya aku manompangkan jariku akan manarima Roh barasih.'' 20 Akan tapi, Petrus bapaner ka Simon, ''Samoga duitmu iyah habis barotamu lai kolai bapikir kolai baulih mamudah karunia Hatalla dengan duit! 21 Kolai honta hompu habagian atau hak lalam hal iyah lai hatimu honta bai ka paharap Hatalla. 22 Jadi, batobatjha mula kajahatanmu iyah lalu badoalah ka Tuhan nyaman, jakai mungkin, niat hatimu baulih mamaafkan ka kolai. 23 Lai, aku maila bahwa kolai tege ka lalam empedu am pahit lalu lalam jeratan kajahatan.'' 24 Amun, Simon manyawab lalu bapaner, ''Badoajha akan aku ka Tuhan nyaman apa am jadi kolai parahkan honta manimpa aku.'' 25 Maka, jadi Petrus rang nua Yohanes basaksi dengan bujur-bujur mamarahkan firman Tuhan, urang baulang ka Yerusalem samil mamarahkan Injil ka banya desa urang Samaria. Filipus Mamanikan Urang Etiopia 26 Limah iyah, malaikat Tuhan bapaner ka Filipus, ujanya, ''Misik am lalu badari ka Salatan, ka jalan am turun mula Yerusalem manunyu Gaza. jalan iyah yaham jalan am sepi.'' 27 Filipus pun huas lalu ingkas, Lalu, tampa saurang Etiopia, am yaham sida-sida mula saurang pajabat pangadilan Sri Kandake, Ratu Karajaan Etiopia. Inya batanggung jawab tingi uras harta sang ratu. Inya jadi datang ka Yerusalem akan basambayang, 28 lalu pas baulang pulang, samil duru ka lalam karetanya mamaca kitab Nabi Yesaya. 29 Lalu, Roh bapaner ka Filipus, ''Badari lalu bagabungjha dengan kareta iyah.'' 30 Maka, Filipus baguang ka kareta iyah lalu manongar urang iyah pas mamaca kitab Nabi Yesaya. Filipus batanya ka inya, ''Apakah raja mangerti apa am pas raja baca?'' 31 Lalu, urang iyah manyawab, ''Bera apa aku tahu, kacuali sasaurang mambimbingku?'' Maka, inya mangundang Filipus akan nai duru barotanya. 32 Metuh waktu iyah, bagian mula Kitab Suci am metuh inya baca yaham iti, ''Inya manaing bera saiku domba ka homan panyamolih, lalu bera sasiku ana domba hompan digunting bulunya mambisu senga Inya honta mamuka nyawa-Nya. 33 Lalam kahinaan-Nya, kahonta adilan dirobut mula-Nya. Sapa am baulih mamarah katurunan-Nya? Lai, hirup-Nya jadi dirobut mula bumi.'' Yes. 53:7-8 34 Limah iyah, sida-sida iyah manyawab lalu bapaner ka Filipus, ''Aku mohon ka kolai, tuntang sapa sang nabi mamarahkan iti, tuntang dirinya kaniri atau tuntang urang bukan?'' 35 Lalu, Filipus mamuka nyawa nya, lalu mulai mula Kitab Suci iti, inya bakhotbah tuntang Yesus ka inya. 36 Lalu, saat urang badari manompuh parjalanan, urang sampai ka homan am baarai, lalu sida-sida iyah bapaner, ''Ilajha, tege arai! Apa am manghalangku akan mani?'' 37 [Lalu, Filipus baparah, ''Jakai raja parcaya dengan saponuh hati raja, raja tahu.'' Lalu, inya manyawab lalu bapaner, ''Aku parcaya bahwa Kristus Hatalla.''] 38 Limah iyah, sida-sida iyah mamarintahkan kareta akan bahonti. Lalu, urang badua turun ka arai, Filipus lalu sida-sida iyah, lalu Filipus mambaptisnya. 39 Jadi urang badua kaluar mula arai, Roh Tuhan manaing Filipus badari, sida-sida iyah honta mailanya mula, lalu malanjutkan parjalanan-nya samil barami. 40 Amun, Filipus maulih kanirinya homan ka Asdod, katika inya malalu kawasan iyah, inya mamarahkan Injil ka uras kota sampai inya tiba ka Kaisarea.
Pasal 9
1 Amun, Saulus, samil tarus mangaruh pangola pamati taharap Murid-murid Hatala, badari maharap Panuha Bakah, 2 am maminta surat mula inya, am ditujuk akan Sinagoge-sinagoge ka Damsyik sahompan inya manapat sapa jam am percaya dengan Jalan iti, baik labini kalaki, inya menaing urang am di belenggu ka Yerusalem. 3 Palamat inya bajalan, semakin damping dengan Damsyik, sakatika iyah mula cahaya langit mangaliling nya. 4 Lalu, inya jatu katana mandongar bungi am baparah dengannya, "Saulus,Saulus ngapa kolai melai aku?" 5 Saulus batanya "Sapa kolai ti,Tuan?" lalu, inya baparah, "Aku ti Yesus, am kolai jera. 6 Metuh yah, huas lalu tama ka Kota, nona,kolai langsung di bori apa am harus kolai gawi". 7 Urang-urang am badiri barota dengan Saulus badiri hinta bapaner apa-apa metuh inya manongar suara yah, tapi hinta maila apa-apa. 8 Saulus badiri ka tana, matanya tabuka, tapi inya hinta ulih maila apa-apa. Maka urang banya yah manuntunya dengan jari, manaing inya ka lalam Damsyik. 9 Salama, palamat tolu ari, Saulus hinta ulih maila hinta ulih makan lalu marai. 10 Salopas ari iyah, tege saurang Murid ka Damsyik, am banama Ananias. Hatala baparah dengan nya lalam pailanya, "Ananias!"Maka Ananias bapaner,"Iti Aku Tuhan." 11 Lalu Hatala bapaner ka inya,"Huas lalu baguang kolai ka jalan am lurus, kadangau Yudas, gau urang Tarsus am banama Saulus, ila yah, urang yah am lagi badoa, 12 lopas iyah inya bulih panampai tege urang am banama Ananias datang hona manumpang jari ka tingi nya nyaman ulih maila mula." 13 Tapi, Ananias manyawab, " Hatala, aku jari banya manongar kisah iti mula urang banya, berapa banya kajahatan am inya gawi taharap umat Kudus kam ka Yerusalem, 14 lalu mula diti inya hompu hak mula imam-imam kepala am takobat urang banya yah manimai nama-Kam." 15 Metuh yah, Tuhan bapaner kan nya, "Ingkas kam gawi urang iti yah alat am Ku pilih akan manaing nama-Ku ka paharap bangsa-bangsa bukan,raja-raja, lalu bangsa Israel. 16 Laie iya, aku akan menunyu akan inya banya mansai kasusah lai nama-Ku." 17 Lalu Ananias ingkas tama ka lalam dangau iyah, limah iyah inya mangora jarinya katingi Saulus, inya bapaner, "Manyariku Saulus, Tuhan Yesus, am mahamus arepnya lalam pajalan mu kaditi, jadi mautus aku nyaman kolai tahu maila Barasih." 18 Lopas, sakatika iyah jam, macam sisi laok jatu mula matanya lopas yah ulih maila mula. Limah iyah, inya huas lalu dibaptis. Saulus Manampara Mangesahkan Yesus 19 lalu, Salopas makan, Saulus jadi kuat. Inya barota kawan muridnya ka Damsyik babarapa ari. 20 Lalu, inya mangabarkan Yesus ka sinagoge-sinagoge samil bapaner, " Yesus ti anak Hatala". 21 Uras urang am manongarnya heran lalu bapaner, "Honta inya ti am ka Yerusalem mampati urang am manyoku nama iyah am jari datang koti honi tujuan manaing urang lalam kasusah kapaharap imam-imam tuha?" 22 Tapi, Saulus mahi batamah kuat mangaruh heran urang-urang Yahudi am tingal ka Damsyik mamukti Yesus iyah am Kristus. Saulus Lopas Mula urang-urang Yahudi 23 Ganap ari, urang-urang Yahudi basakongkol barami mampati Saulus. 24 tapi, Sekongkol urang yah hinta saulus tahu. Urang maila pintu-pintu siang malam nyaman ulih mampatinya. 25 Metuh iyah, Murid-murid Saulus manaing inya malam ari lalu manurunkannya melalui dinding dengan maulurnya kaloba ka lalam keranjang. Saulus ka Yerusalem. 26 Metuh Saulus sampai ka Yerusalem, inya manyuba bagabung dengan murid. Metuh yah, urang urasnya gola gawi hinta percaya gawi inya muridnya. 27 Tapi, Bernabas manaing Saulus ka Para Rasul, inya mangisah ka urang inya ti maila Tuhan lalam pajalannya, lalu inya bapaner dengannya, uma inya barani bapaner lalam nama Yesus am ka Damsyik. 28 Lalu, Saulus barota dengan urang tama maluar bara Yerusalem samil bapaner lalam nama Tuhan. 29 Inya bapaner lalu bakalahi dengan urang Helenis, tapi urang yah hona bausaha mampati inya. 30 Metuh manyari saiman maingat hal iti, urang manaing ka loba ka Kaisarea lalu mamori perintah ka Tarsus. 31 Gawi iyah, jemaat uras Yudea, Galelia, kan Samaria baulih damai am batumuh. Am, Hirup ka lalam gola akan Tuhan lalam karami Roh am Barasih, urang tarus batamah banya. Petrus Ka Kota Lida Dengan Kota Yope 32 Katika ari iyah, Petrus mangaliling uras daerah diah, inya koca ka urang-urang kudus am tingi ka Lida. 33 Kadikeh inya, manapat saurang kalaki am banama Eneas, inya ta galing ka human tidur jari lapan tahun inya lumpuh. 34 Limah, Petrus baparah dengan nya, "Eneas, Yesus Kristus mama'i kolai. Huas rasihkan ka homan galing kam". Lopas iyah, sakatika iyah jam, Eneas huas. 35 Lalu, uras urang am tingal ka Lida Saron jam maila Hatala lopas iyah batobat. 36 Sakatika ari, ka Yope, tege saurang labini am banama Tabita, mun di artikan Dorkas. inya ponuh dengan perbuatan baik suka mambori. 37 Metuh ari iyah, inya kamyaman lalu mati. Sakatika urang mamani nya, urang mangalingnya katingi. 38 Gawi Lida am parak Yope, kawan murid, salopas mandongar Petrus tege kadiyah, inya mautus dua urang ka Petrus lalu maharap kan inya, "Hinam manunda ingkas ka human kami!" 39 Lalu petrus ingkas barota kan urang. Limas, inya sampai, urang manaing Petrus ka tingi. Uras janda badiri ka sisi Petrus samil manangis, lalu manunyukkan rumai-rumai jubah am biasa dikaruh lai Dorkas kametuh inya masih bauma akan urang. 40 Lopas iyah, Petrus manyuruh urang uras kaluar, limah iyah inya manyomah badoa. Salopas iyah, inya bapaling ka mayat Tabita lalu bapaner, "Tabita, huas kam!" limah, labini iyah mamuka matanya sakatika iyah jam inya ulih maila Petrus, inya duru. 41 lai, Petrus maulur jari akannya manulung badiri. Salopas yah, samil manimai urang-urang am barasih dengan kawan janda, inya hona mamukti amun Tabita ti hirup. 42 lai, kejadian yah am tasobar ka uras Yope, banyak urang am parcaya ka Hatala. 43 lai, Petrus tingal lamat jam ka Yope barota saurang ba nama Simon, saurang tukang laok jolu. Saulus Jadi Pauma Yesus
Pasal 10
(Petrus rang nua Kornalius) 1 Katika iyah, ka Kaisaria tege siku urang namanya Kornelius, inya yah kapten pasukan Italia, 2 Urang am taat, gola Akan Hatalla, sama jam urang-urang am tege ka dangaunya,lalu inya jam mamori banya sumangan akan urang-urang am selalu badoa kan Hatalla. 3 Katika ari, kolam sakitar jam jam tolu kolam , inya maila, puna nyata malekat hatalla datang lalu manimai inya, ''Kornelius!'' 4 Lalu, inya manampai malekat Hatalla puna gola lalu bapener, ''Apati,tuan?" lalu,malekat hatalla yah bapaner,"du,a-du,a mu tuntang pamori mu yah jari nai'k ka paharap Hatalla am pinta mu tuntang du,a mu jadi tarima hatalla, 5 Keken iti jam, suruh urang ka Yope manimai simon, am dijoku petrus, 6 Inya diam panehan homan dangau tukang kulit lau jolu am banama simon inya diam sisi sungai/tasik.'' 7 Lipas malekat yah bapaner akan kornelius inya lalu badari,kornelius manimai dua urang anak buah nya tuntang siku tatara pangawal nya am puna baik hati nya, 8 lalu inya majelas kan tuntang manyuruh urang ka Yope. 9 Ari pagi nya mula,urang lalam perjalanan nya lalu damping kota iyah ,Petrus naik ka hatap dangu rang sakitar jam kaonam ,akan badu,a. 10 lalu, inya mansai kaporan porut nya hona makan tapi urang-urang jadi manyiap pamakan nya ,Petrus baulih pailanya, 11 Lalu inya maila langit am tabuka bera kain am puna himan turun taulur mula ompat buncu sampai katah. 12 Kalalamnya,tege sagala jenis lau jolu bakaki ompat, tuntang am malantar ka bumi, sagala burung-burung ka udara. 13 Lalu,datang bungi suara bapaner kan inya, ''huas, petrus, samolihlah akan puseh! '' 14 Akan tatapi, petrus bapander,''honta ,tuhan sebab, aku honta basa museh am haram atau najis.'' 15 Lalu, suara inyah bapaner akan inya ka dua kali nya,"Apa am parah Hatalla barasih ,hinam sakali kali kolai manyoku nya haram'' 16 Hal iti tajadi tolu kali, lalu salenga uras taincang kalangit. 17 Metuh, Petrus masih bingung mamikir kan paila nya am di ilanya, puna batantu urang-urang am di utus lai kornelius mangau kamanih homan simon, samil badiri ka pintu gerbang, 18 Lalu manimai, urang samil batanya apa iti tege simon, am di joku Petrus, am diam diti. 19 Samantara Petrus mamikir kan pailanya yah, Roh bapaner ka inya,''ilaiti, tege tolu urang kalaki am mangau kolai. 20 Misik am lalu turun kaloba, ingkas ja barota kan urang hinam kolai ragu laie aku mautus urang yah." 21 Lalu, Petrus turun akan urang-urang iti lalu bapaner,"Ila, aku ti urang am kolai gau. Apa alasan panatangmu?'' 22 Urang nimat ,"Kornelius, saurang perwira, urang am bujur tuntang gola akan Hatalla, am takenal baik antara saluruh bangsa Yahudi, jari diingat lai malaikat barasih akan manyuruh kolai datang ka dangau nya lalu mandongar paner mu." 23 Petrus manaing rang tama kalalam lalu mamori urang yah tumpangan diah .Ari paginya mula, inya huas lalu ingkas barota kan urang, lalu kawan manyarinya am saiman kan inya mula Yope manamah inya. 24 Sa ari iti lipas, inyah urang datang ka Kaisarea. Jadi di tanti laie Kornelius inya mangumpul kaban manyari nya tuntang kawal-kawal amdampinginya . 25 Lalu Petrus tama, Kornelius manapat inya, lalu inya duru manyomah ka kaki Petrus. 26 Lipas iyah, Petrus marompuh inya badiri samil bapaner, "Badiri ja ! aku ti siku urang kalunen jam." 27 Samantara Petrus bapaner kan Kornelius, Petrus tama kalalam maila banya urang bakumpul basamah. 28 Lipas yah, Petrus bapaner akan urang, " Kolai ingat bahwa tege kekejian akan urang Yahudi laie bahubung atau malauh bukan urang Yahudi, tetapi Hatalla jari manunyu aku bahwa aku honta saharusnya manyoku siyapa jam am haram atau najis. 29 Yah sebabnya, aku honta ka boratan metuh kolai manyuruh aku datang. Laie inya, aku batanya apa alasan kolai manimai aku?" 30 Lalu, Kornelius bapaner,"Ompat ari am lalu sampai iti ,pas jam kasamilan,aku metuh badu,a ka lalam dangauku, ila, tege urang badiri kapaharap ku mahoni pakayan am bakilau. 31 Lalu bapaner, ''Kornelius,du,a mu jari ku dongar pamorimu jam di ingat Hatalla. 32 Laie inyah,suruhlah ka Yope lalu mintalah ka Simon am di joku Petrus supaya datang. Inya metuh manumpang ka dangau Simon, iya tukang kulit lau jolu, ka sisi tasik. 33 Laie iyah, aku laca manyuruh urang nguang kolai, laie kolai baik hati hona datang. keken iti,diri urasnya tege diti, ka paharap Hatalla, nyaman manongar apa jam am jari diperintah kan ka kolai laie Hatalla." (Petrus Mamarah Kabar ka dangau Kornelius) 34 Lopas iyah, Petrus bapaner,"Keken iti, aku puna paham amat Hatalla iyah adil. 35 Tapi, satiap bangsa, urang am gola akan inya lalu mangawi am bujur, Laie kahonanya. 36 Bungi am Hatalla parah akan bangsa Israel mamorikan kabar baik damai sejahtera lantaran Kristus Yesus, inya yah Hatalla saluruhnya. 37 Kolai kaniri ingat paristiwa am jari tajadi ka saluruh Yudea, mula Galelia, lopas pamani am Yohanes kabar kan, 38 Kolai ingat inya yah Yesus, urang Nazaret, macam apa Hatalla manobat-Inya honi Roh barasih honi kuasa. inya ingkas kaliling mangaruhkan am baik manyaka banya urang am di tindas lai Roh jahat laie Hatalla mangawal inya. 39 Kami ti saksi-saksi mula uras am jari Yesus karuh, baik ka daerah urang Yahudi tawa Yerusalem urang jadi mamaitikan Yesus lalu mangantungnya katingi kayu salib. 40 Tapi Hatalla mahairupinya pas ari ka tolu lalu manyuruh inya mamarah arepnya. 41 Bukan akan saluruh urang, tapi akan kami, saksi-saksi am jari di pilih laie Hatalla sahompannya, am makan minum basamah-Nya salopas inya hirup mula antara urang mati. 42 Lalu, Inya mamarentah kami mangabar akan urang-urang lalu bapner buju-bujur bahwa Inya yah am jari di pilih Hatalla manjari Hakim katingi urang am hirup umakan am mati. 43 Akan Inya, uras nabi am basaksi amun satiap urang am percaya ka lalam-Inya manarima pa'ngampun dosa mula nama-Nya." (Hatalla manarima uras urang). 44 Metuh Petrus masih bapaner, Roh am Barasih turun katingi urang am manongar Panernya yah. 45 Lalu, urang-urang am parcaya yah basunat, am datang dengan Petrus, heran laie haknya Roh barasih jari tacurah, akan bangsa-bangsa am bukan jam. 46 Laie iyah, urang banya manongar am bapaner honi macam-macam bahasa am mamuji Hatalla. Lipas yah, Petrus bapaner, 47 "Bukankah honta ara urang am ilih manahan arai akan am di pani akan urang-urang am jari manarima Roh barasih sama bera diri ti jam?" 48 Lipas yah, Petrus manyuruh urang am di pani lalam nama Yesus Kristus. lalu, urang-urang yah maminta nyaman Petrus yah diam diah uma uranga yah akan babarapa ari mula. (Petrus dengan Kornelius)
Pasal 11
1 Panehan iyah, para rasul lalue kawan manyarie saiman am tege ka Yudea manongar amun urang-urang bukan Yahudi jam jadie manarima firman Hatalla. 2 Laie iyah, metuh Petrus naie ka Yerusalem, urang-urang am basunat baselisih paner akan inya, 3 lalue bapaner,"Kolai badarie ka urang-urang hintae basunat lalue makan barota urang." 4 Tapie, Petrus nampara mamarahnya sacara urut ka urang, ujanya, 5 "Aku lagi badoa ka kota Yope, lalue lalam kaadaan hinta sadar, aku mailae sutie panampai, sutie bera salambar kain lebar turun, am taulur honie kaompat sudutnya mulae langit, lalue banae iyah manamping ka aku. 6 Metuh aku mailaenya, aku manampaie lalue mailae laue julu-laue jolu bakaki ompat ka bumi, laue jolu-laue jolu liar, ular, umakan burung ka udara. 7 Aku jam manongar tege suara bapaner ka aku, 'Misik, Petrus, Samolih, lalue pusehkan!' 8 Tapie, aku bapaner, 'Honta, Tuhan. Laie, mayan arae am haram atau najis basa tamae ka lalam nyawaku.' 9 Akan tapi, suara iyah manimat kadua kalinya mula langit, 'Apa am jadie Hatalla tahirkan, hinang sakali kolai nyokue haram!' 10 Hal itie jadie tolu kali, lalue urasnya iyah konae tarik mulae ka langit. 11 Ilae, metuh iyah jam, tege tolu urang am kona utus ka aku datang ka dangau homan ku diam, mulae Kaisarea. 12 Limah iyah, Roh bapaner ka aku nyaman badarie uma urang nyaman honta ragu-ragu. Kaonam manyarie saiman itie jam badarie uma aku lalue kami tama ka dangau urang iyah. 13 Lalue, inya manyampaikan ka aku apa ulah inya metuh mailae malaikat badirie ka dangaunya lalue bapaner, 'Suruhkan urang ka Yope lalue minta ka Simon am kona joku Petrus datang ditie, 14 Lalue inya akan mamarah pesan ka kolai am laie pesan iyah kolai akan salamat, kolai umakan uras urang am diam ka dangaumu.' 15 Samantara aku nampara bapaner, Roh kudus turun ka tingie urang, sama bera mulae awalnya tajadie ka tingie dirie. 16 Maka, aku tahoyu mulae pamaner Tuhan, metuh Inya bapaner,'Yohanes pembaptis honie arai, tapie kolai akan konae baptis honie Roh Kudus.' 17 Jadie, amun Hatalla mamorie karunia am samah ka urang bera am Inya mamorie jam ka dirie limah percaya ka lalam TUhan Yesus Kristus, sapa kah aku sampai aku tahu mangirah Hatalla?" 18 Metuh urang manongar hal iyah, urang jadie tenang lalue mamuji Hatalla lalue bapaner."Amun bera iyah, Hatalla jam jadie mangaruniakan urang bukan Yahudi pertobatan am manuju ka pahirup." (Injil Sampai ka Antiokhia) 19 Limah iyah, urang bacerai berai laie penganiayaan am jadie ka paharap Stefanus, manyebar sampai ka Fenisia, Siprus, lalue Antiokhia, lalue honta mamorie firman Tuhan ka sapa meh kacuali ka urang Yahudi. 20 Tapie, tege babarapa urang mulae urang, iyah am urang Siprus rang nua Kirene, am datang ka Antiokhia lalue jam bapaner ka urang Helenis, samil mangabarkan tentang Tuhan Yesus. 21 Jarie Tuhan menyertai urang, sajumlah banyae urang am jadie parcaya babalie ka Tuhan. 22 Barita tentang urang sampai ka poning ungkup Yerusalem, lalue urang mautus Barnabas ka Antiokhia. 23 Metuh Barnabas sampai lalue mailae kasih karunia Hatalla, inya basukacita lalue manasihat uras urang nyaman totap satia ka Tuhan honie hati am toguh. 24 Laie Barnabas iyah am urang am baie, ponuh lalam Roh Kudus umakan iman, banyae urang taing ka Tuhan. 25 Limah iyah, Barnabas badarie ka Tarsus nyaman mangau Saulus. 26 Lalue, limah inya badapat, inya manaingnya ka Antiokhia. Salama satahun, urang badapat kan ungkup lalue malajar banyae urang. Lalue, ka Antiokhia murid-murid am pertama kalinya dijoku "urang Kristen". 27 Metuh arie iyah, babarapa nabi turun mulae Yerusalem datang ka Antiokhia. 28 Salah sikue urang mulae urang banama Agabus, badirie lalue maramal honie pertolongan Roh laie akan tajadie kaporan am hebar ka saluruh dunia. Lalue, kaporan iyah tajadie metuh masa pemerintah Klaudius. 29 Maka, para murid mautuskan nyaman mangirim sumbangan, sasuai akan kamampuan urang masing-masing, ka kawan manyarie saiman am diam ka Yudea. 30 Lalue, urang mangaruh, mangirim kan sumbangan iyah ka para panatua malalue jarie Barnabas rang nua Saulus. Petrus pulang ka Yerusalem
Pasal 12
1 Metuh iyah, Raja Herodes maincang jarinya tingi babarapa urang mula ungkup akan mangiyan urang. 2 Inya mampati Yakobus, manyari Yohanes, honi pedang. 3 Metuh Herodes maila amun pagawinya iyah marami hati urang-urang Yahudi, inya malanjutnya akan manangkap Petrus jam. Hal iyah tajadie salama Hari Raya Roti Hinta Baragi. 4 Metuh inya manangkap Petrus, inya manamanya ka lalam penjara lalue manyorahkan ka ompat pasukan prajurit akan mangawasinya, lalue bamaksud, metuh Paskah, manaingnya ka paharap urang banya. 5 Maka, Petrus di tangkap ka lalam panjara, tapie doa akan Petrus tarus-manarus ditaikan ka Hatalla laie ungkup. (Malaikat Tuhan Malopaskan Petrus mula Penjara) 6 Metuh malam, metuh Herodes akan manaing Petrus ka luar, Petrus metuh tidur ka antara dua urang prajurit, dikobat honi dua rantai, lalue para panyaga ka paharap pintu metuh maawas penjara. 7 Lalue, ila, siku malaikat Tuhan badiri ka dampingPetrus lalue cahaya basinar ka sel penjara iyah, lalue malaikat iyah manompi rusu Petrus lalue mahuasnya, lalue bapaner, "Copat huas!" Lalue, rantai-rantai iyah jatu talopas muka kadua jarinya. 8 Lalue, malaikat iyah bapaner ka inya, "Kobatkan pungungmu lalue honikan sanalmu." Lalue, inya mangaruh demikian. Limah iyah, inya bapaner ka inya, "Honikan jubahmu lalue uma aku!" 9 Lalue, Petrus maluar mula lalue mauma malaikat iyah. Inya hinta ingat amun apa am metuh tajadie malalue malaikat iyah nyata, tapie mangira amun inya lagie maila suatu pailanya. 10 Metuh urang am malalue panyaga pertama lalue kadua, uramng datang ka pintu gerbang bosi am manuju ka kota. Pintu gerbang iyah tabuka kanirinya akan urang, lalue urang maluar lalue bajalan sampai ka suti lorong, lalue nyalenga malaikat iyah maningal Petrus. 11 Metuh Petrus sadar akan apa am tajadie tingi kanirinya, inya bapaner, "Wayah itie, aku bujur-bujur amun Tuhan mautus malaikat-Nya lalue manyalamatkan aku mula jarie Herodes lalue mula uras hal am diharapkan laie urang-urang Yahudi." 12 Metuh Petrus manyadarnya, inya badari ka dangau Maria, inai Yohanes am dijoku Markus, ka manih banya urang lagie bakumpul barota lalue badoa. 13 Metuh Petrus manukuh pintu gerbang, siku pelayan labini banama Rode datang akan mamukanya. 14 Metuh inya mangasene suara Petrus, laie bujur barami inya hinta mamuka pintu, tapie baguang ka lalam lalue mamarah amun Petrus lagie badiri ka paharap pintu gerbang. 15 Urang bapaner ka Rode, "Kolai hinta waras!" Tapie, Rode tarus mamarah amun memang bera iyah, lalue urang tetap bapaner, "Iyah iyah am malaikatnya." 16 Tapie, Petrus tarus manukuh, lalue metuh urang mamuka pintu, lalue maila Petrus, urang tagiat. 17 Tapie, metuh Petrus mamori isyarat honi jarinya nyaman urang tenang, inya mamarah ka urang apa ulah Tuhan jadie manaingnya ka luar penjara. Lalue, inya bapaner, "Parahkan hal itie ka Yakobus lalue ka kawan manyari saiman." Lalue, inya ingkas lalue badari ka homan am bukan. 18 Metuh siang arie, tajadi kakacauan am hinta koni ka antara para prajurit tuntanhg apa am jadie tajadie ka Petrus. (Pamati Herodes) 19 Metuh Herodes mangau Petrus lalue hinta manapatnya, inya mamariksa para panyaga lalue mamori parintah nyaman urang dipati. Lalue, Herodes turun mula Yudea ka Kaisarea lalue diam ka koyah. 20 Metuh iyah, Herodes bujur gusar akan urang-urang ka Tirus lalue Sidon, lalue sepakat, urang datang maharap Herodes, lalue salopas iyah inya marayu Blastus, pangurus pahirup raja, urang mamohon akan perdamaian laie wilayah urang manapat pasokan puseh laie mula wilayah Herodes. 21 Metuh arie am jadie urang ditotapkan, Herodes mahoni pakaian karajaan, duru ka takhta pengadilan, lalue mamarah pidato ka urang. 22 Sia rayat nya basoru,"iti am bungi Hatala, bukan kalunen!" 23 Metuh iyah jam, saurang Malaikat Hatala mamukulnya gawi inya honta mamori hormat akan Hatala, lalu inya kana puseh buhung-buhung, lalue matie. 24 Metuh yah, firman Hatala samakin batumuh lalue balipat ganda. 25 Lalue, Barnabas lalue Saulus baulang mula Yerusalem metuh urang manuntung palayanan urang, samil manaing lalue Yohanes, am dijoku Markus. {Yakobus Dipati lalu Petrus Kona Tangkap Gawi Herodes}
Pasal 13
1 Metuh iyah, tege antara ungkup Antiokhia, nabi-nabi lalue guru-guru, iyah am Barnabas, Simon am dijoku Niger, Lukius mula Kirene, Manahem am hirup mula koni sampai bakah bauma raja Herodes, raja wilayah, rang nua Saulus. 2 Panehan urang-urang itie metuh sambayang kan Tuhan am puasa, Roh Barasih bapaner, "Khusus akan-Aku Barnabas rang nua Saulus akan parintah am itie Aku jadie manimai urang." 3 Limah iyah, metuh urang bapuasa langsung berdoa, lalue maomah jarinya ka urang tinggi Barnabas rang nua Saulus, urang mautus rang nua badari. Barnabas rang nua Saulus ka Pulau Siprus 4 Maka, metuh kona utus badari laie Roh Barasih, Barnabas rang nua Saulus turun ka Seleukia, lalue mula koyah urang balayar ka Siprus. 5 Metuh urang jadie sampai ka Salamis, urang mamaner firman Hatalla ka sinagoge-sinagoge urang Yahudi, lalue urang manaing Yohanes jadie palayan urang. 6 Metuh urang badari mangaliling uras pulau sampai ka Pafos, urang badapat kan pramaya, nabi am palsu Yahudi, am banama Baryesus. 7 Inya barota kan Jabatan Sergius Paulus, urang am pintar, maminta Barnabas rang nua Saulus datang ka inya laie hona manongar firman Hatalla. 8 Tapie, Elimas, tukang pramaya iyah, laie bira iyah memang arti nama henya, malawan Barnabas rang nua Saulus, inya bausaha mamelok Prokosul iyah mula imamnya. 9 Laie Saulus tie jam dikenal samahkan Paulus, diponuh laie Roh Barasih, maila Elimas, 10 lalue bapaner, "Uii kolai, am ponuh laie tipu manipu lai sagala kajahat, kolai iyah am iblis, kolai musuh mula sagala kabai, hinta hona kah kolai bahonti mamelok jalan Tuhan am jadie lurus? 11 Wayah itie, ila, jarie TUhan datang ka tingimu lalue kolai akan jadie buta lalue hinta akan maila mataarie salama babarapa waktu." Sakatika iyah jam, kabut lalue potang turun tinginya lalue inya badari bakaliling mangau urang akan manuntun jarinnya. 12 Lalue, Prokonsul iyah jadie percaya metuh maila apa am jadie tajadie laie inya kagum akan ajaran Tuhan. Paulus rang nua Barnabas Badari ka Kota Antiokhia ka Wilayah Pisidia 13 Metuh iyah, urang-urang am balayar barota inya mula Pafos sampai ka Perga, ka Pamfilia, tapie Yohanes maningal urang lalue baulang ka Yarusalem. 14 Tapie, Saulus rang nua Barnabas totap mangaruh pajalan rang nua mula Perga sampai Antiokhia, ka Pisidia. lalue, metuh ari mengo, urang badari ka Sinagoge lalue duru koyah. 15 Metuh mamaca Hukum Taurat mula kitab para nabi, kapala-kapala Sinagoge manyuruh urang bapaner ka rang nua rasul iyah, "Manyari-manyari, amun kolai tege bungi paner parami akan urang itie, Cuba paner." 16 Maka, Paulus badiri mamori isyarat honi jari nya lalue bapaner, "Uii urang-urang Israel kolay am gola akan Hatalla, dongar itie! 17 Hatalla bangsa Israel itie jadi mamilih hia umuh am jadie maningi bangsa dirie salama urang diam ka tanah Mesir honie jarie am taangkat, inya mamimpin urang maluar mula diah. 18 Palamatnya sakitar ompat puluh tahun, Inya basabar maharap tingkah laku urang ka padang pulau kayu. 19 Lalue, metuh inya, mampati tujuh bangsa katanah Kanaan, Inya mamori hak tanah iyah. 20 Uras itie tajadi kira-kira salama 450 tahun. Lipas iyah, Hatalla manyorah akan hakim-hakim sampai ka masa Nabi Samuel. 21 Limah iyah, urang maminta siku raja lalue Hatalla mamori urang Saul, ana kalaki bin Kish, urang mula suku Benyamin, salama ompat puluh tahun. 22 Limah Hatalla mausir Saul, Hatalla mahuas Daut akan jadie raja urang, am tuntangnya Hatalla tie jadi basaksi lalue bapaner, 'Aku jadie manapat Daud, ana kalaki Isai, urang am manotap ka hati-Ku, am hona mangaruh apa kahona-Ku.' 23 Mula katurunan itie, Hatalla, sasuai janyi-Nya, manaing ka Israel siku urang Juruselamat, iyah am Yesus. 24 Sahompan panatang Yesus, Yohanes jadie mamori kabar sahompan baptisan pangampunan akan uras urang Israel. 25 Lalue, panehan Yohanes manyadi gawi nya, inya tarus bapaner, 'Kolai kira aku itie sapa? Aku bukan inya. Cuba, ila itie, siku datang sahompan aku, sanal kakaki-Nya yah gin aku honta pantas malopasnya.' 26 Manyari-manyari, katurunan kaluarga Abraham urang-urang antara kolai am gola kan Hatalla, akan dirie dibori kasalamatan am jadie dipaner. 27 Laie urang am tingal ka Yarusalem uras para pamimpin rang, am honta mangasene inya honta mamaham paner uras nabi, am jadie dibaca satiap mengo, jadie sagonap am di paner uras nabi iyah mahukum Yesus. 28 Lalue, sakali pun urang hinta manapat alasan itie iyah honi mahukum mati, urang manyuruh Pilatus mamati-Nya. 29 Lalue, metuh urang manyimpul am ditulis tuntang Inya, urang manurun-Inya mula salib langsung mangaling inya lalam kuburan. 30 Tapie, Hatalla mahuas Inya mula antara urang matie, 31 lalue salama baarie-arie, Yesus manampa kan kaniri ka urang-urang am barota akan-Inya mula Galilea sampai ka Yarusalem, am wayah itie jadi saksi-saksi-Nya akan bangsa itie. 32 Lalue, kamie manaing Barita baie tuntang janyi Hatalla ka hia umuh dirie, 33 amun Hatalla jadie manopat janyi itie akan dirie, ana-ana urang, honi mahua Yesus, bira am tatulis lalam kitab Mazmur pasal dua: 'Kolai yah ana-Ku. Arie itie, Aku tie jadie Ompai-Mu.' Mazmur 2:7 34 Tuntang am mahuas Yesus antara urang mati, hinta akan mula baulang kakamatian, Hatalla langsung bapaner' 'Aku akan mamori kakolai berkat am kudus lalue tahu diparcaya, am dibori kan Daud.' Yesaya 55:3 35 Iyah am laie nya inya bapaner lalam Mazmur am bukan, 'Kolai hinta akan maubah urang am Kudus-Mu maila kamatian.'Mazmur 16:10 36 Laie,, Daud jadie katurunan kaniri laie kahona Hatalla, lalue mati , diomah helat hia umuhnya, lalue maila kabinasaan, 37 tapie Yesus yah Hatalla am dihuas mula urang mati, hinta maila kabinasaan. 38 Laie iyah, nauh nya am diingat laie kawan manyarimu, amun mula Inya tie am pangampunan sagala kasalah mu yah, 39 lalue malalue-Inya satiap urang am parcaya dilopas mula sagala halnya mula kolai hinta tahu dilopas laie Hukum Taurat Musa. 40 Limah iyah, bajaga-jaga nyaman hal-hal am dipaner mu kalam kitab uras nabi honta kona kolai: 41 Ila itie, uii uras pahina! Tagiat langsung mati, laie Aku jadie ngaruh gawi ka zamanmu, laie pangawi am hinta kolai parcaya, amun tege siku urang mamori panjelasan ka kolay."'Habakuk 1:5 42 Panehan Petrus rang nua Barnabas maluar, urang-urang mamohon nyaman urang mangabar firman itie metuh mengo pagie. 43 Limah urang badapat ka Sinagoge iyah jadie, banya urang Yahudi am gola akan Tuhan uma paulus rang nua Barnabas, am bapaner kaurang banya nyaman manorong urang tarus diam kalalam Anugerah Hatalla. 44 Metuh arie mengo pagie, hona uras urang am ka kota bakumpul laie manongar firman Hatalla. 45 Tapie, metuh urang-urang Yahudi maila karami iyah urang diponuhi laie kahiri hati lipas iyah urang langsung malawan apa am dipaner Paulus samil mahasutnya. 46 Limah iyah, Petrus rang nua Barnabas manimatnya honi karani langsung bapaner, "Hal itie penting laie firman Hatalla harusnya diparah mu holu. Laie kolai manolak nya laie kolai mansai kaniri nya honta pantas bagora pahirup am abadi, ila, kamie bapaling mula bangsa-bangsa am bukan. 47 Laie, bira itie Tuhan mamori parintah akan kamie: 'Aku jadie mangaruh kolai torang akan urang-urang bukan nyaman kolai tahu manaing kasalamatan sampai ka hujung dunia."'Yesaya 49:6 48 Metuh urang-urang Yahudi manongar hal itie, urang basukacita mamuliakan firman Hatalla. Lalue, sabanya am jadie kona tentu honi pahirup am abadi, tahu parcaya. 49 Maka, iyah firman Hatalla maluas kasaluruh wilayah itie. 50 Tapie, urang-urang Yahudi maadu domba labini-labini Saleh am tahormat urang-urang penting ka kota, lalue mahuas kasiha-siha malai Paulus rang nua Barnabas, lalue mausir urang nua ka luar mula daerah parbatasan urang. 51 Tapie samil mangipas dabu mula kaki urang Yahudi kakoyah, Paulus rang nua Barnabas badari ka Ikonium. 52 Lalue, uras murid diponuhi honie karami laie Roh Barasih.
Pasal 14
1 lalu, am basa,ka Ikonium, Paulus rang nua Barnabas tama barota ka sinagoge urang yahudi banya urang bakah, bai urang Yahudi atau urang Yunani, manjadi parcaya. 2 Lalu, urang-urang Yahudi am honta parcaya mahasut urang-urang bukan Yahudi akan maracun pikiran urang malawan urang-urang am parcaya. 3 maka, urang tingal ka koyah lalam sapalamat iyah jam samil bapaner barani akan Hatalla, am mamori kesaksian tuntang kabar anugerah-Nya,uras mamori tana-tana ajaib dengan plang am tajadi uras malalu jari urang. 4 Akan inya,urang-urang ka kota iyah mori,satongah bapihak ka urang-urang Yahudi sabagian ka kawal Rasul. 5 Metuh usaha dikaruh, am bai lai urang-urang bukan yahudi atau pun urang yahudi, dengan kawan pamimpin urang,akan di jera manibar kawan pamimpin urang,akan di kiyan kona tibar kawan Rasul ka batu. 6 Metuh Paulus rang nua barnabas manapatnya badari ka Listra rang nua Derbe,ka kota sampai Likaonia, Sampai ka homanya 7 lalu inya koyah,urang tarus mamaner surat. (Paulus Ka Kota Listra Sampai Kota Derbe) 8 Ka listra, Tege urang lagi duru lai lomah kakinya, Lumpuh lai kanung inainya hompan ingat bajalan. 9 urang iti lagi manongar Paulus metuh lagi bapaner,sahompan Paulus manotapnya maila bahwa urang iti hompu iman akan bainya. 10 Paulus bapaner dengan suara nyaring,''inya badiri tegak dengan kakinya lalu, urang iti maloncat metuh bajalan. 11 Metuh urang banya maila apa am jadi Paulus dikaruh, urang maangkat suara urang akan bapaner lalam bahasa Likaonia,''Dewa-Dewa jadi turun ka tongah-tongah diri manjadi sarupa manusia! 12 urang-urang manyoku Barnabas sebagai Zeus lalu Paulus tie sebagai Hermes lai inya tie mamimpin bapaner. 13 Iman dewa Zeus,balai am kaluar kota,naing babiring-babiring kalaki dengan rangkain bunga ka pintu gerbang kota.inya dengan urang banya iti hona manyembahkan korban akan Paulus rang nua barnabas. 14 Metuh, Sakatika rasul barnabas rang nua Paulus manongar hal iti, Urang marabit pakaiannya urang langsung badari tama ka tongah-tongah banya urang, Urang,samil basoru, 15 lalu inya bapaner,''ka manyarinya,ngapa kolai ngaruh uras bera iti? kami gin manusia biasa sama meh bera kolai lalu naing kabar bai bagi kolai supaya kolai honta baulang hal am sia-sia iti taharap Hatalla kan pahirup,am manciptakan langit dengan bumi,dengan laut, 16 akan turunan-turunan am lalu,inya maubahkan uras bangsa bajalan manurut pajalannya kaniri. 17 lalu, inya honta maubahkan kaniri tanpa saksi.langsung inya ngaruh am bai supaya mamori akan inya hujan mula langit dengan musim-musim babuah am mamuaskan hatinya tuntang makan barami.'' 18 sekali nya baparah ka uras hal iti,urang sulit mahontikan urang banya iti supaya honta menyembahkan korban bagi urang. 19 Lalu, urang-urang Yahudi datang mula Antiokhia Sampai Ikonium,sahompan marayu urang banya iyah,mamedak Paulus honi batu lalu manunanya ka luar kota lai magira bahwa Paulus jadi mati. 20 amun kawan anak buah mangaliling Paulus, inya badiri akan baulang tama ka kota.metuh ari iyah,inya ingkas barota dengan Barnabas ka Derbe. (Baulang Ka Kota Antiokhia Ka Homan Siria). 21 metuh urang mamarahkan surat ka kota iyah akan ngaruh banya ana buah, Urang baulang ka Listra, ka Ikonium,sampai ka Antiokhia. 22 samil manguatkan pikiran ana buah,manorong urang akan balutut lalam iman,lalu inya mamanerkan bahwa diri harus tama lama kerajaan Hatalla malalu banya kona sia-sia. 23 metuh Paulus rang nua barnabas manunyu rang panuha bagi urang setiap ungkup,limah badoa inya bapuasa,urang mayorahkan kawan panuha iyah akan Tuhan,am akan-Nya urang jadi parcaya. 24 pas,urang jadi malalu Pisidia sampai ka Pamfilia. 25 lalu,urang jadi mangabarnya Firman ka perga,urang turun ka Atalia. 26 mula koyah,urang marantau ka antiokhia,homan urang lalu disorahnya akan anugerah Hatalla urang jadi bagawi. 27 metuh urang datang lalu bauma barota dengan ungkup,urang mamarahkan uras jadi am di karuh Hatalla barota akan urang bera apa ulah inya mamuka pintu iman bagi bangsa-bangsa bukan. 28 lalu, urang tinggal barota ana buah akan palamat iyah jam (Paulus rang nua Barnabas ka Kota Ikonium)
Pasal 15
1 Metuh iyah, barapa urang turun mula Yudea akan malajar manyari-manyari am saiman, ''jaka kolai honta ngaruh surat pas dengan adat istiadat musa, kolai honta dapat salamatkan.'' 2 Lalu, katika tajadi selisihan basual am honta koni akan Paulus rang nua Barnabas dengan urang-urang iyah, urang mamutuskan bahwa Paulus rang nua Barnabas, uras barapa urang mula koyah, harus nai ka Yerusalem akan badapat dengan kawal rasul dengan kawal panatua takait kan persoalan iyah. 3 Maka, jadi diantat ka lalam pajalanan lai kawal ungkup, urang malalu Fenisia rang nua Samaria samil ngesahnya dengan jelas tuntang tobat bangsa-bangsa bukan, akan hal iti manaing barami bakah bagi uras manyari saiman. 4 Katika urang sampai ka Yerusalem, urang disamut lai kawal ungkup, kawal rasul, dengan kawal panatua, lalu urang ngesahnya sagala suatu am jadi Hatalla ngaruh lalu urang. 5 Amun, barapa urang mula golongan Farisi am jadi barapa urang akan bapaner, ''Penting akan manyunat urang akan marintahkan urang akan mamatuh Hukum Musa!'' 6 kawal Rasul dengan panatua badapat barota akan bapaner masalah iyah. 7 Jadi langsung basual panyang koyah, Petrus badiri lalu bapaner ka urang, ''manyari-manyari, kolai tahu bahwa metuh zaman bahari Hatalla jadi ngaruh pilih antara kolai bahwa lalu nyawaku, bangsa-bangsa bukan akan manongar kabar injil akan manjadi parcaya. 8 lalu, Hatalla, am mengenal hati kalunen, jadi menyaksi ka urang akan mamorikan Roh barasih ka urang, samah bera am jadi dikaruhkan-Nya ka diri, 9 Inya honta babeda-beda antara diri akan urang, jadi inya mamasukan hati urang malalu iman. 10 jadi metuh tie, ngapa kolai mancuba Hatalla dengan maomahkan kuk am borat ka lihir, kawal ana buah, am bai hiya moyang diri ataupun diri, honta akan basa sangup manangungnya? 11 Amun, diri parcaya bahwa diri disalamatkan malalu anugerah Tuhan Yesus, samah bera urang jam.'' 12 Metuh, uras kumpul urang itie suni lalu urang manongarnya Barnabas rang nua Paulus, samantara badua rasul iyah manyelaskan sagala tana mukjizat am jadi Hatalla ngaruh malalu urang di antara bangsa-bangsa bukan. 13 Jadi urang bahonti bapaner, Yakobus manyawab, ''Manyari-manyari, didongarkan aku. 14 Simon jadi manyelaskan bera apa Hatalla sajak awal jadi di ilakan bangsa-bangsa bukan, akan ngalap mula antara bangsa iyah umat bagi nama-Nya. 15 Paner kawal nabi satuju hal iyah, bera am tatulis, 16 'jadi iyah, Aku akan baulang. akan mambangun ulang Kemah Daud am jadi lontap. Aku akan mambangun ulang romu rocuhnya, lalu aku akan mamugarnya, 17 nyaman umat kalunen am tasisa baulih mangau Tuhan, lalu uras bangsa bukan am ditimai malalu nama-Ku, am ngaruh uras itie,' firman Hatalla,am ngaruh urasnya iyah,Amos 9:11-12 18 jadi ingat sajak haru nampara zaman. Yesaya 45:21 19 Jadi, aku tukar pikiran bahwa diri harusnya honta manyulitkan urang-urang mula bangsa am bukan jadi babali ka Hatalla. 20 Amun, diri harusnya manulis akan urang agar urang manjauhnya diri mula hal-hal am disebar lai bahala-hala, mula dosa-dosa pelecehan, uras mula apa am jadi darah. 21 Lai, sajak generasi am hariah, Musa jadi hompu, ka satiap kota, urang-urang am mamarahkannya lai dibacanya ka sinogoge-sinagoge satiap ari sabat.'' Surat Ka Urang Parcaya Am Bukan Yahudi 22 Lalu, ditampai bai lai kawal rasul, dengan panatua, uras ungkup, mamilih urang-urang mula antara urang akan mamutus ka Barnabas. Urang mamutus Yudas am dijoku Barnabas, uras Silas, kawan pamimpin di antara manyari-manyari saiman, 23 urang manulis surat mula jari urang, sakian: ''Mula rasul-rasul akan panatua-panatua, manyari am saiman samah dengan kolai, ka uras manyari saiman bukan Yahudi dengan Antiokhia, Siria, dengan Kilikia, salam! 24 Kami jadi manongar bahwa barapa urang mula antara kami, am ka urang kami honta mamori parintah, jadi manerohmu akan bapaner urang am manggoyangkan jiwamu, 25 hal itie ditampai bai bagi kami, jadi manjadi sapakat, akan mamilih urank-urank mamutus ka hemu barota dengan manyari-manyari kami am tercinta, Barnabas dengan Paulus, 26 am jadi bertarung hidup urang demi nama Tuhan diri, Kristus Yesus. 27 Lai itie, kami mamutus Yudas rang nua Silas, am urang kaniri akan mamarah hal-hal am samah sacara lisan. 28 Sabab, langkah bainya bagi Roh Barasih dengan bagi kami akan mangora beban ka tinginya am honta labih borat mula am perlu iyah, 29 bahwa kolai manjauhkan diri apa jadi di sembahkan ka bahala, mula darah, dengan mula apa am mati dicakak, mula dosa pelecehan. jaka kolai manjaga kanirimu kaniri mula hal-hal iyah, kolai ngaruh am bai. Sampai badapat.'' 30 Jadi urang baijin, urang turun ka Antiokhia, akan jadi mangumpulnya ungkup, urang manyorahnya surat yah. 31 Katika urang-urang parcaya mamacanya, urang barami lai bahibur iyah. 32 Yudas dengan Silas, am urang kaniri iyah nabi, manoguhnya manyari saiman dengan banya bapaner. 33 Akan, jadi urang tingal ka koyah akan barapa jam, urang-urang parcaya iyah malopas urang pulang dengan damai ka urang-urang am jadi mamutusnya urang. 34 [Akan tapi, dianggap bai bagi Silas akan tatap tingal ka koyah.] 35 Amun, Paulus rang nua Barnabas tingal ka Antiokhia, samil malajar mamarahkan firman Tuhan barota dengan banya urang bukan jam. Paulus rang nua Barnabas Bapisah 36 Jadi barapa ari, Paulus bapaner ka Barnabas, ''Ayo diri baulang maila manyari saiman ka satiap kota, homan diri mamarah firman Tuhan akan maila apa ulah kaadaan urang.'' 37 Barnabas hona naing jam Yohanes am ditimai Markus. 38 Akan iyah, Paulus manganggap bahwa honta saharusnya manaing urang am jadi maninggalnya urang ka Pamfilia honta badiri barota urang akan pangawi iyah. 39 Maka, jadinya selisih am tajam urang bapisah suti samah bukan. Barnabas manaing uras Markus akan balayar ka homan Siprus, 40 tapi Paulus mamilih Silas badari, jadi disorahnya lai manyari-manyari saiman ka lalam anugerah Tuhan. 41 inya malalu Siria dengan Kilikia samil manoguhnya kawal ungkup.
Pasal 16
1 Paulus datang ka Dorbe rang nua Listra. Cuba, ila tege siku murid koyah, namanya Timotius, ana mula siku labini Yahudi am jadie dipercaya, tapie ompai nya iyah am urang Yunani. 2 Inya dikasene baie laie manyari-manyari saagama ka Listra lalu Ikonium. 3 Paulus hona Timotius badari barota kan inya, maka inya manaing lalue hona manyunatnya laie urang-urang Yahudi am tingal kadaerah iyah. Laie, urang uras ingat amun ompainya iyah am urang Yunani. 4 Panehan urang bajalan malalu kota-kota, urang mamarah aturan-aturan akan urang-urang am percaya nyaman taat, am jadie diputuskan laie para rasul lalue penatua am tege ka Yerusalem. 5 Maka, para ungkup ditoguhkan lalam iman lalue pamanya urang batamah satiap arie. Hatalla Manimai Paulus Ka Makedonia 6 Lalue, urang badari malalu wilayah Frigia lalue Galatia laie jadie dikirah laie Roh Barasih akan mamarah firman ka Asia. 7 Metuh urang jadie datang ka Misia, urang bausaha badari ka Bitinia, tapie Roh Yesus honta manyuruh urang. 8 Maka, jadie malalu Misia, urang turune ka Troas. 9 Tege paila datang nguang Paulus metuh malam. Siku mula Makedonia metuh badiri lalue maminta rompuh ka inya, ujanya, "Guang ka Makedonia rompoh kamie." 10 Metuh Paulus maila panampai iyah, kamie bausaha langsung ingkas ka Makedonia, metuh manyimpulkan laie Hatalla jadi manimai kamii akan mangesah Injil ka urang. Partobatan Lidia 11 Lai iyah, metuh balayar mula Troas, kamie langsung balayar ka Samotrake, lalue duri arie ka Neapolis, 12 lalue mula koyah ka Filipi, kota nomor suti kawilayah Makedonia suti kota am dijajah laie Roma. Kamie diam kakota iyah sampai babarapa arie. 13 Lalue, metuh arie mengo, kamie badari ka luar pintu gerbang kota manguang ka sisi sungai, homan kami bapikir amun ka koyah tege homan badoa. Maka, kamie duru lalue bapaner kakawan labini am lagi bakumpul. 14 Siku labini banama Lidia, mula kota Tiatira, siku panyual kain ungu am manyomah Hatalla. Tuhan mamuka hatinya honi manampai apa am dipaner Paulus. 15 Lalue, metuh Lidia uras urang am tingal karangaunya dibaptis, inya mamohon kakami, ujanya, "Amun kolai manganggap aku parcaya onya kan Tuhan, datang karangauku lalue diam koyah." Lalue, inya mamaksa kamie. Paulus Rang Nua Silas Ka Panjara 16 Sahompan, kamie badari kahoman badoa, tege siku hulun labini, am tege kamampuan maramal manapat kami. Inya manaing banya kauntungan akan majikannya malalu ramalan-ramalannya. 17 Labini iyah uma Paulus kamie samil banyawa, "Urang-urang itie iyah am kawal-kawal Hatalla am Mahatingi, am mamaner jalan kasalamatan kan kolai!" 18 Inya santar mangaruhnya satiap arie. Paulus, lalue gusar, babali bapaner ka roh iyah, "Aku mamarintah kolai lalam nama Kristus Yesus maluar mula inya!" Lalue, roh iyah maluar, metuh iyah jam. 19 Tapie, metuh uras majikannya maila laie baharap urang akan kauntungan iyah jadie hila, urang manangkap Paulus rang nua Silas lalue manaing kahoman urang banya ka paharap para panguasa. 20 Lalue, urang jadie manaing Paulus rang nua Silas ka hakim-hakim kapala, urang bapaner, "Urang-urang itie am urang Yahudi am rajin mangacau kakota itie. 21 Urang malajar adat istiadat am hinta bujur ditarima lalue karuh samah kan urang Roma." 22 Urang banya iyah huas barota manyarang Paulus rang nua Silas para hakim kota marabit baju pakaian Paulus rang nua Silas, lalue manyuruh urang manukuh rang nua honie tungkat. 23 Metuh manyia-nyia Paulus rang nua Silas honi banya panukuh, urang nibar nya lalam panjara lalue manyuruh kapala panjara manyaga Paulus rang nua Silas hinta lengah. 24 Jadie metuh manarima parintah iyah, kapala panjara manama paulus rang nua kapanjara bahagian lalam lalue mangobat kaki rang nua langsung dipanga. 25 Kira-kira tongah malam, Paulus rang nua Silas metuh badoa samil manyanyi lagu-lagu pujian kan Hatalla, uras tahanan am bukan manongar rang nua. 26 Lalu, salenga gempa bumi am bakah sampai fondasi panjara iyah taunui. Lalue, pintu uras taungkap salenga satiap panga uras tadora. 27 Metuh kapala panjara misik lalu maila pintu-pintu panjara jadi tabuka, inya mancabut pisau sarih-sarih hona mamati kanirinya lai inya mangakira kaban tahanan jadie badari. 28 Tapie, Paulus banyawa honi suara am nyaring, "Hinang mambahayakan kanirimu lai kami uras tege ditie!" 29 Lalue, kapala panjara iyah maminta palita lalue baguang tama, samil kakiti, inya batabe paharap Paulus rang nua Silas. 30 Limah iyah, inya manaing urang kaluar lalue bapaner, "Tuan-tuan, apa am harus ku karuh nyaman salamat?" 31 Lalue, urang manimat, " Parcaya lalam Tuhan Yesus kolai akan diselamatkan, kolai kan urang banya am tingal kadangaumu." 32 Lalue, Paulus rang nua Silas mamaner firman Tuhan ka kapala panjara iyah lalue ka urang banya am tege kalalam dangaunya. 33 Limah iyah, inya manaing Paulus rang nua Silas, malam iyah jam, lalue mamasu luka-luka urang, inya barota kaluarganya laca dibaptis. 34 Lalue, kapala panjara manaing Paulus rang nua Silas kadangaunya lalue manyarungi puseh lai. Maka, inya barami, amun inya uras urang am tingal kadangaunya jadi parcaya kan Hatalla. 35 Tapie, metuh siang arie datang, para hakim-hakim kota manyuruh barapa-rapa polisi, lalue bapaner, "Lopaskan urang-urang iyah!" 36 Lalue, kapala panjara mamarah pantal iyah ka Paulus, lalue bapaner, "Hakim-hakim kota jadie manyuruh malopas kolai. Laie iyah, maluar botie tie lalu badari lalam kadamaian!" 37 Lalue, Paulus bapaner ka urang, "Urang-urang itie jadie manukuh kami kapaharap urang banya, honta adil kan urang-urang am iyah masyarakat negara Roma, jadie manibar kami kalalam panjara. Lalu, apa wayah itie urang maluar kamie sacara suni-suni? Hinta! Nauh nya am urang kaniri datang lalue maluar kamie." 38 Para polisi iyah mamaner paner-paner itie ka hakim-hakim kota. Urang gola metuh urang manongar Paulus rang nua Silas iyah masyarakat negara Roma. 39 Lalue, urang datang maminta maaf ka Paulus rang nua Silas. Metuh urang maluar Paulus rang nua Silas, urang maminta nyaman rang nua badari mula kota iyah. 40 Lalue, urang maluar mula panjara lalue tama kadangau Lidia, metuh urang maila manyari-manyari saagama, Paulus rang nua Silas manoguh hati rang nua lalue badari.
Pasal 17
1 Metuh iyah, Paulus rank nua Silas malalu Amfipolis ka Apolonia, urang datang ka Tesalonika, kamanih tege suti sinagoge urang Yahudi. 2 sasuai, kabiasaan Paulus, inya tama ka antara urang salama tolu ari Tuhan bagawi bapaner ka urang banya mula Kitab Suci, 3 samil mamaner lalu mamori bukti Kristus harus manahan rang bangkit antara urang mati, lalu bapaner, ''Yesus iti, am jadi diparah ku ka kolai, iyah am Kristus." 4 Lalu, sabagiyat mula urang dipercaya Paulus rang nua Silas, barota rang sajumlah urang Yaunani. am gola kan Hatalla kan hinta koci labini-labini tarhormat. 5 Amun, urang-urang Yahudi bongis hati lalu mamakat babarapa urang jahat am bakaluyuran ka homan urang banya, urang mangumpul banya urang lalu mangaruh kasabak dangau Yason samil mangau Paulus rang nua Silas lalu manaing urang kaluar ka urang banya. 6 lalu urang hinta badapat kan Paulus rang nua Silas, urang manuna Yason lalu kawat manyari nya saagama ka paharap pajabat kota, lalu banyawa, ''urang-urang iti, am jadi mangacau dunia, jadi datang diti. 7 Yason, manamang urang, urang uras mangalap kaputusan am malawat hukum kaisat lalu mamaner tege raja bukan, iyah am Yesus." 8 Urang banya lalu para pagawai kota jadi honta karuwat manongar hal bungi iyah. 9 Metuh, urang manarima jaminan mula Yason lalu am bukan, urang-urang iyah malopaskannya. (Paulus rang nua Silas ka Kota Berea) 10 Manyari-manyari saagama lalu manyuruh Paulus rang Silas, malam iti jam, ka Barea, metuh urang datang, urang ingkas ka sinagoge urang Yahudi . 11 Urang-urang Yahudi koyah paling bai hatinya bai mula urang am Tesalonika lai urang jadi manarima firman dengan rami-rami, samil mahoning kitab barasih tiap ari urang maingat jakai bungi iyah memang bujur. 12 Lai mun iyah, banya mula urang am jadi percaya, termasuk labini tuntang kalaki Yunani tahormat am jumlah nya hinta koci. 13 Tapie, metuh urang-urang Yahudi ka Tesalonika lai kisah Hatalla di bori Paulus ka Barea, urang pang datang hona mangacau balau kan banya urang, 14 Lalu, salenga, manyari-manyari saagama nyuruh Paulus badari nguang pantai, tapi rang nua Timotius tingal diah. 15 Urang-urang am manamah Paulus manaing inya sampai ka Atena, lalu jadi manarima suti pantal mula Paulus akan Silas lalu Timotius nyuruh datang kan inya laca sacopat nya, urang ingkas. (Paulus ka Kota Atena) 16 Sahompan Paulus mananti urang ka Atena, rohnya mansai ka oyoh kalalam kanirinya laie inya ma ila kota iyah ponuh dengan hampatung-hampatung Imun. 17 Lai iyah, inya batukar pamikiran ka Singagoge akan urang-urang Yahudi lalu mula urang-urang bangsa bukat am gola akan Hatalla, serta homan umum, tiap ari, barota kan urang-urang am bujur tege diah. 18 Barapa urang am pintar bapikir mula kalompok Epikuros lalu Stoa jam bakesah-kesah akan inya?" lalu babarapa paner, "samahkan, inya iyah am urang am pamaner dewa-dewa urang luar," lai inya mamaner Yesus lalu bangkit. 19 Lalu, urang mamakat lalu Manaing nya ka Areopagus, samil bapaner, ''Tahukah kami maingat nya palajaran baharu am di borimu itie? 20 Sabab, kolai metuh manaing babarapa hal am ngaruh diri bingung am kaponing kami. kami hona maingat apa maksut hal-hal itie." 21 (Saat itie, uras urang Atena am urang-urang luar am tingal dikeh jadi tabiasa am mahabis waktu rang am hinta mangaruh apa am hinta salain mamaner lalu manongar sasuatu am baharu.) 22 Lalu, Paulus badiri katongah-tongah Areopagus lalu bapaner, "Uy urang-urang Antena, aku manampai lai sagala hal kolai samah kan urang misterius. 23 Lai, aku metuh aku bakaliling manampai barang imun kolai somah, aku manapat altar am tatulis bera itie, ' KA HATALLA AM HONTA KASENE.' Lai iyah, apa am kolai somah honta mangasenenya, iyah am parah ku kakolai. 24 Hatalla mangaruh dunia uras am ara kalalamnya, lai Inya yaham Tuhan tingi langit dengan bumi kalalam dangau am dikaruh honi jari kalunen, 25 honta jam di layan honi jari-jari kalunen, saolah-olah Inya mamerlukan lai inya kaniri am mamori kan sapa-sapa jam pahirup, kosah, lalu sagala isi nya. 26 Lalu, Inya mangaruh, mula siku urang, uras bangsa umat kalunen akan tingal ka muha dunia itie, jadi manapat musim-musim lalu batas-batas homan hirup urang, 27 nyaman urang mangau Hatalla, amun bujur mungkin urang tahu manyoput-Nya lalu manapat-Nya biar Inya honta jauh mula kami kaniri-kaniri. 28 Sabab, kalalam Inya, diri hirup, bakanyah, am tege.Ayub 12:10 Samahkan kunjangan-kunjangan kaniri am bapaner, 'Lai diri tie jam katurunan-Nya.' 29 Jadi, lai diri tie katurunan Hatalla, diri tie saharusnya honta bapikir lai kaadaan Ilahi yah bera amas, perak, batu, sabuah wujud am dikaruh mula katarampilan lalu bapikiran kalunen. 30 Lai iyah am, metuh lai honta mahirau masa-masa kabungul, wayah itie Hatalla bapaner kasaluruh urang kamanih-manih nyaman batobat, 31 lai Inya jadi Manentukan suatu arie lai iyah hona mahakim dunia lalam kaadilan lalu siku Urang am jadi diharap-Nya, lai inya mori bukti akan saluruh urang lalu mahuas urang iyah mula antara urang mati." 32 Lalu, metuh urang manongar tuntang kabangkitan mula antara urang mati, babarapa urang nampara maolo-olo, tapi am urang bukan bapaner, "Kami hona manongar kolai tuntang hal itie," 33 Maka, Paulus ingkas mula tongah-tongah urang 34 Akan tapi, barapa urang bagabung dengannya lalu manjadi parcaya, ka antaranya jam tege Dionisius, anggota Areopagus, lalu tege labini nama nya Damaris, lalu barapa urang bukan am barota kan urang.
Pasal 18
1 lipas iyah, Paulus badari ka Atena lalu ka Korintus. 2 Lalu, Paulus badapat urang Yahudi am banama Akwila, keturunan Pontus, haru datang mula Italia rang nua bininya, Priskila Klaudius limah manyuruh uras urang Yahudi badari mula Roma. Paulus datang ka urang, 3 Lai urang tege gawi ba uma, Paulus diam uma urang bagawi ngaruh tenda. 4 Lalu, Paulus batukar pikiran ka Sinagone satiap ari Minggu, lalu ba usaha mayakin urang Yahudi rang nua Yunani. 5 Tapi, katika Silas rang nua Timotius turun mula makedonia, Paulus nampara manyorah pa hirupnya honi mamori kabar baie, samil bapaner ka urang Yahudi laie Yesus ti iyaham Kristus. 6 Tapi, katika urang manantang lalu gusar kan Paulus, inya mangobar pakayannya lalu bapaner ka urang," Darah mu tege ka tingi palamu kaniri! Aku barasih. mula wayah iti sampai satarusnya aku badari ka banua bukan." 7 Limah iyah, inya ingkas homan lalu badari nguang dangau Titus Yustus,urang bukan yahudi am manyomah Hatalla. Dangau nya badamping sinagone. 8 Krispus, kapala sinagone am jadi parcaya Hatalla lai uras uras urang tege lalam dangaunya, lalu banya urang Korintus am jadi nongar Paulus jadi parcaya lalu kona babtis. 9 Lalu, Tuhan bapaner kan paulus malam iyah lalam pailanya," Hinang gola tatap bausaha bapaner hinang suni, 10 Lai aku uma kolai mayan ara siku urang mun manyarang atau malai kolai lai banya anabuah-Ku kabanua iti.'' 11 Maka, Paulus diam diah salama 1 tahun 6 bulan,samil balajar Firman Hatalla antara urang. [Paulus Dipaharap ka Galio] 12 Metuh Galio jadi Prokonsul Akhaya, urang Yahudi basamah malawan Paulus manaingnya kapaharap kursi pagadilan, 13 Lalu bapaner,'' urang iti kametuhnya mampagarug urang banya nyaman manyomah Hatalla am malawan Hukum Taurat.'' 14 Tatapi Paulus nyaris hona bapaner, Galio bapaner kaurang Yahudi,'' Iti parsoalan pelangaran kajahatan am honta bai, uii urang Yahudi,aku harus batanggung jawab am malai ikam, 15 Tapi,iti parsoalan bugi paner, nama-nama, umakan hukuman kaniri, urus meh kaniri. Aku honta huna jadi hakim am malai ikam.'' 16 Limah inyah, Galio ma usir urang mula lalam pagadilan. 17 Limah inyah urang pamanya manangkap Sostenes, kapala Sinagone, lalu malainya kapaharap lalam pangadilan, tapi Galio honta mailanya. Paulus pulang ka kota Antiokhia 18 Limah inyah, Paulus diam babarapa ari mula, lalu baparah ka manyarinya am sa iman lalu balayar ka Siria, rang nua Priskila, Akwila. Ka Kengkrea, Paulus jadi mancukur balainya lai jadi kebiasaannya. 19 Limah inyah urang datang ka Efesus lalu Paulus maninggalkan Priskila rang nua Akwila diah, tapi inya kaniri tama ka Sinagone lalu batukar pikiran kan urang Yahudi. 20 Tapi urang minta Paulus diam lobih lamat. Paulus honta hona, 21 Tapi baparah ka urang lalu bapaner,'' Aku baulang koti mula amun Hatalla bakahona,'' lalu inya balayar mula Efesus. 22 Limah inyah inya turun ka Kaisarea inya nia lalu mori salam ka jema'atnya, lalu turun ka Antiokhia. 23 Lalu habis waktunya, inya pinah homan lalu bakaliling mula suti homan pinah ka wilayah Galatia pang nua Frigia, samil manguatkanuras muridnya. Apolos ka kota Efesus uma kota Korintus 24 Katika inya, tege urang Yahudi am banama Apolus, katurunan Aleksandria,datang ka Efesus, inya urang am tapalajar, mahir lalam hal Kitab Suci, 25 Urang iti jadi balajar uma jalan Hatalla basamagan lalam Roh. inya bapaner lalu malajar dengan talitinya lalam ajaran Yesus, tapi inya baya ingat baptisan Yohanes, 26 Inya nampara barani bapaner lalam Sinagene, tapi limah inyah Priskila pang nua Akwila manogarnya, urang manariknya kasisi lalu manjelaskan ka inya jalan Hatalla am lobih bai mula. 27 Limah inyah Apolos hona manipah ka Akhaya, kawan manyarinya am sa iman manogar lalu manulis ka murid-murid nyaman nyaman manyamut panatangnya. limah inya sampai, inya banya marompuh urang lai Anugerah limah jadi parcaya, 28 Lai inya dengan kakarasnya malawan urang Yahudi ka paharap urang banya, samil manunyu Kitab Suci tahuyu Kristus inyaham Yesus.
Pasal 19
1 Kametuh Apolos tege ka Korintus, Paulus malalu banua sampai ka Efesus. Koyah, Inya bulih saruai murid. 2 Paulus bapaner "apa tege kolai bulih Roh Kudus metuh kolai jadi yakin?" timat rang," honta, manongar tege Roh Kudus mahi mayan." 3 Limah iyah, Paulus bapaner "ka lalam apa, limah iyah, kolai di baptis?" Timat rang, "kalalam baptisan Yohanes." 4 Paulus bapaner," Yohanes mambaptis mahoni baptisan pertobatan," samil mamarah ka hansia banya, supaya yakin ka siku kalunen am akan datang limah inya, iyah am Yesus. 5 Limah urang nongar kesah itie, urang di baptis lalam nama Tuhan Yesus. 6 Limah yah metuh Paulus mangora jarinya ka tingi rang, Roh kudus datang ka tingi rang. Limah yah rang nampara bapaner lalam bamacam bahasa mangaruh hal am ba'ie. 7 Rang uras bajumlah dua blas iku kalaki. 8 jadi, Paulus tama ka sinagoge barani bapaner sapalamat tolu bulan, bapaner baparu mayakin rang akan Kerajaan Allah. 9 Tapie saruai urang honta yakin, samil baparah am honta ba'ie kan Jalan iyah paharap hansia banya. Paulus maningal rang manaing kawan muridnya badarie, samil bapaner baparu satiap arie ka sakulah Tirani. 10 Hal itie bajalan sapalamat dua tahun yah am uras rang am tingal ka Asia manongar firman Tuhan. baienya rang Yahudi apa rang Yunani. (Ana-Ana Skewa) 11 Hatalla banya mangaruh tana malalu jarie Paulus, 12 kain am kona kulit Paulus alap taing borie ka urang am bapanyakit, am sarung sangkep urasnya kona sangka. 13 Tapie, saruai dukun Yahudi manyoku nama Tuhan Yesus manyangka rang am sarung sangkep samil bapaner "Aku manyumpah kolai lalam nama Yesus am di joku Paulus." 14 Tujuh anak kalaki skewa, tege siku imam bakah Yahudi, am mangaruhnya. 15 Tapie, imun iyah manimat samil bapaner ka rang "Aku kasene kan Yesus ingat ku jam kan Yohanes, sapa kolai tie?" 16 Limah yah urang am sarung sangkep yah nangkeru manguang rang, manguasa rang, mangalah rang urasnya rang badari baguang mula lalam dangau yah sambil talanyang luka lungkih. 17 Rang sabanua Efesus ingat hal itie, ba'ienya rang Yahudi ba'ienya rang Yunani. Limah yah, rang urasnya gola nama Tuhan Yesus sasar dipuja. 18 banyak jam saruainya am jd jadi percaya tatap datang, samil mangaku mangabar gawi-gawi rang. 19 limah yah, banya rang am basa badukun, mangumpul buku-buku rang manutungnya paharap uras hansia. Rang mahitung nilai buku-buku yah baulih nilainya 50.000 buti perak. 20 Jadi, firman Tuhan sasar batumuh bakuasa. (Paulus manamuai) 21 limah hal-hal iyah jadi, lalam Roh, Paulus hona ingkas ka Yerusalem limah inya malalu Makedonia kan Akhaya, samil bapaner "Limah aku notap koyah, aku jam harus maila Roma." 22 Limah mangirim dua iku hulunnya ka Makedonia yah am Timotius rang nua Erastus, inya kanirie notap babarapa ari ka Asia. (Demetrius marusuh ka Kota Efesus) 23 Kametuh iyah, koyah tege karusuhan am bakah la'i jalan iyah. 24 La'i tege kalunen am namanya Demetrius, ukang perak, am mangaruh balai-balai perak Dewi Artemis, mamori paulih am honta koci kan kawan tukangnya. 25 Kawan tukang kumpulnya barota kan pangawi-pangawi am gawinya samah samil bapaner"Manyari-manyari, kolai ingat meh kasugih diri baasal mula gawi iti. 26 Limah iyah, Kolai jadi maila manongar honta ka Efesus gona hona uras Asia, Paulus jadie mangaruh hansia banya parcaya hatalla am di karuh mahoni jari kalunen hontanya Hatalla. 27 Laie iyah, hontanya gawi diri jam am tahu di kacala urank, tapie balai Artemis jam, Artemis am disomah uras Asia kan dunia ti tahu hila tarung sewutnya 28 Sota rang nongar paner iyah, rang gusar amat samil basoru-badoru"Jaya Artemis, dewa urank Efesus!" 29 Limah iyah banua yah sabak rang gosa-gosau barota manguang balai maihir Gayus rang nua Aristarkus, urank Makedonia kawal Paulus. 30 kametuh Pualus hona ingkas manguang hansia banya,kawan ungkup mangirahnya. 31 Urang am batantu ka Asia kawal laie Paulus jam mangirah Paulus ingkas manguang balai iyah. 32 Hansia banya basoru-badoru.am siku bapaner iti,am siku mula bapaner iyah,kawan hansia banya am sabak saruainya mula honta ingat apa gawi rank diyah. 33 Tege siku kalunen am namanya Aleksander kona dorong ka paharap laie urank-urank Yahudi. Laca inya ma incang jarinya mori paner am baie paharap hansia banya. 34 Tapi rang ingat inya urank Yahudi, sapalamat dua jam, rang urasnya barota basoru"Jaya Artemis, dewi urank Efesus!" 35 limah pajabat pamarintah mamyuni hansia banya,sapa rang honta ingat banua Efesus panyaga balai Artemis am turun mula langit ? 36 Iyah honta ulih di sangka, laie iyah kam ti hinang ngaruh gawi am gosa-gosu 37 Laie kolai jadi manaing urang-urang ti kotikan,am honta mangolit manida mangacala balai dewi diri ti. 38 Amunnya Demetrius kan tukang-tukangnya tege am hona di kadu, guang ja kantor pengadilan, koyah homan rang bakadu. 39 Amunnya tege mula am di kahona am bukan, jaka ulih kahonamu jadikan ka lalam sidang rakyat am sah. Laie 40 diri tahu kona tuntut, laie mangaruh pangawi am honta baie arie itie, laie mayan alasan diri mangona gawi am salah itie. 41 Limah inyae bapaner, inya manyuruh kaban hansia banya badarie.
Pasal 20
1 Limah rusuh yah bahonti,paulus Mangumpul kaban ungkupnya ,inya jadi mamori samangat kan urang banyak, inya baparamisi kaurang lalu ingkas nguang Makedonia. 2 Salipas inya mangaliling Wilayah iyah lalu mamori kan urang banyak nasehat, sampai ka Yunani. 3 Lalu, koyah paulus diam sapalamat tolu bulan . laie urang-urang Yahudi bapakat hona malawan inya metuh iya hona inngkas balayar ka Siria,inya mamutuskan akan baulang lewat Makedonia. 4 Paulus ditarima laie Sopater mula Berea, anak Pirus,laie Aristarkhus umakan Sekundus,mula Tesalonika, Gayus mula Derbe,lalu Timotius,lalu Tikhikus,umakan Trofimus urang mula Asia. 5 Urang ingkas jadi holu am lalu mananti kami ka Troas, 6 Tapi kami balayar mula Filipi sahompan Ari Raya Roti honta Baragi ,lalu kami datang kahoman rang Troas lalam lima ari,sapamat kami diam diah tujuh ari. (Panatang Paulus am Taahir ka KotaTroas) 7 Metuh ari am pamulanya mengo iyah kametuh kami barota-rota mamocah kan roti, paulus papaner akan urang laie inya bamaksut, hona ingkas ari pagi ,laie lamat bapner sampai tongah malam. 8 Tege banyak palita ka ruangan homan kami bakumpul. 9 Diah, jam tege siku pamuda am banama Eutikhus metuh duru katangawan pas tongah malam iya tatidur hayal.Katika iyah paulus masih bapanrer lalam yaktu am lamat ,iya sakakin tangolam lalam tidurnya , tabaring lalu jatu mula tingkat tolu pas rang maincang nya iya jari mati am. 10 Tapi Paulus turun kaloba lalu iya ngaling arep ya ka puju kalaki iyah samil mahekup nya lalu bapaner , ''hinam sabak laie iya ti masih hirup.'' 11 Lipas yah Paulus ba ulang katingi mula,lalu mamocah-mocah roti lalu museh nya,jadi mamuseh nya,inya papanner mula akan urang lamat ,sampai tongah nahari lipas iyah, iya ingkas . 12 Urang am manaing pamuda iyah pulang lalam kaadan hidup lalu mansa'i puna tahibur. (Pajalan Mula Kota Troas ka Kota Miletus ) 13 Kami jadi ingkas lobih holu ka kapal ,tujuan hona ka Asos mangalap Paulus laie inya jadi koyah barancana bungi iyah, iya kaniri bamaksut ingkas koyah samil bajalan kaki. 14 Lalu,metuh iya badapat akan kami ka Asos ,kami mangalapnya,lalu ingkas ka Matilene. 15 Lipas balayar mula koyah,kami datang ka ari pagi nya ka Khios. Arisutinya, kami damping Samos,saari lipas inyah kami datang ka Miletus. 16 Laie, Paulus jadi batukas hona bahontika Efesus nyaman iya honta mahabis kan waktu nya ka Asia laie hana laca datang ka Yerusalem , supaya sompat,Akan ari Pantakosta. (Paulus Bapaner Kan Ungkup Ka Efesus) 17 Mula Miletus,Paulus manugas urang ka Efesus lalu manyuruh kaban pamimpin ungkup datang nguang iya. 18 Lalu metuh urang datang ka inya,iya bapaner akan urang,''Kolai kaniri ingat,laie apa Aku hirup ka antara kolai sa panjang waktu, metuh ari pamula aku manyoja kan kaki ku ka Asia, 19 Sambil bagawi kan Tuhan aku honi sagala paloba hati,lalu honi arai mata, lalu sagala panyakit pahoram malai aku lalu rancana jahat kumlan urang -urang Yahudi, 20 Macam apa aku honta manahan arep ku akan baparah kan kolai sagala am baguna lalu malajar kolai ka paharap umum lalu mula dangau ka dangau , 21 Buju-bujur mamori kasaksian,am baik Akan urang -urang Yahudi atau jam urang-urang Yunani ,tuntang batobat ka Hatalla atau baiman akan tuhan diri Yesus-Kritus. 22 Tapi metuh iti, Ilaja, am di kobat laie Roh Nya, aku metuh pajalan ku hona ka Yerusalem,honta ingat apa am tajadi akan aku koyah, 23 Kacuali amun Roh Hatalla am baparah puna buju-bujur mula kota ka kota akan aku bahwa panjara umakan siksaan jadi mananti aku. 24 Tapi aku honta maanggap hirup ku baroga akan kaniri ku sahompan aku ulih manyari kan tugas ku lalu palayanan am aku tarima mula Tuhan Yesus,iyah am honi basaksi puna buju-bujur laie Injil yah Rajaki mula Hatalla. 25 Lalu Keken iti, ilaja, Bahwa honta ara di kolai maila muha ku mula, am laie kolai aku bakaliling mamaner karajaan Hatalla. 26 Laie iyah,aku basaksi Akan kolai ari iti bahwa aku honta basalah Akan darah mu saluruhnya. 27 Soalnya,aku honta manahan arep ku mangesah akan kolai saluruh rancana Hatalla. 28 Jagalah arep mu ka niri lalu saluruh umat Hatalla, laie kolai jadi di pilih Roh am Barasih kolai jam mangwas tuntang mangambala ungkup Hatalla,am jadi iya dapat mula darah Anak Nya kanniri. 29 Aku ingat bahwa lipas paingkas ku, serigala-serigala buas am akan datang ka antara kolai,honta sayang akan umat Hatalla iyah. 30 Lalu, mula antara kolai kaniri akan badiri urang-urang am bapaner masalah hal-hal am sosat samil manaing murid-murid uma urang. 31 La'i iyah ,bajaga-jaga jam, samil batahoyu bahwa siang malam,salama tolu tahun ti, aku honta basa bahonti maingat kan kolai masing-masing honi Arai mata. 32 lalu metuh iti, aku manyorah kan kolai ka Tuhan uma kan firman Nya am sangup bambangun lalu mamori kolai Warisan ka antara saluruh urang am jadi barasih. 33 Aku honta hona perak,atau Amas,atau pakayan sapajam. 34 Kolai kaniri ingat la'i honi jari iti am aku bagawi mangkoni arep ku uma kan kaban kawal ku. 35 Lalam sagala hal, aku jadi baparah kan kolai la'i honi bagawi bahimat bera cara iti ,diri harus marompuh rang am oyoh samil batahoyu amdi paner Tuhan diri Yesus, la'i iya jam baner,''Baik diri mamori mula diri manarima.''' 36 Lalu jadi bapaner bungi iyah, Iya suntup lalu ba du,a basamah rang uras nya. 37 Metuh iyah, rang banyak manangais tege am mahekup mangulir Paulus,sampai mansim mangumuh nya, 38 Urang puna sakit hati, ampastinya la'i ujakata-katanya akan urang honta akan maila muhanya mula.samil rang manamah Paulus kakapal.
Pasal 21
1 Limah kami bapisah mula urang lalu kami ingkas, kami langsung balayar ka Kos, lalu ari pagi kami ka Rodos, mula dikeh kami ka Patara, 2 salopas iyah mula kami baulih kapal am hona nipah kan Fenisia, kami naik ka kapal iyah lalu balayar. 3 Metuh kami jari maila Siprus, kami malalu kasorap kiwa, kami totap balayar ka Siria, lalu turun ka Tirus laie kapal laca manurun barangnya. 4 Limah badapat kan anak buahnya, kami diam diah sapalamat tujuh ari. Lalu, mula Roh Hatalla, urang yah tarus mamori nasehat akan Paulus nyaman honta naik ka Yerusalem. 5 Metuh kami koyah waktu jadi habis am,lalu kami ingkas melanjut pajalan kami. Urang uras, barota kan anak bini rang , ma'antat kami sampai ka luar kota. Lalu, limah duru honituut ka pantai lalu badu,a 6 Kami bapisah mula am bukan.lalu kami naik kapal, urang yah pulang jam ka rangau. 7 Limah yah kami bahonti bajalan mula Tirus, kami sampai ka Ptolemais, lalu kami manyalu kawan manyari saiman, lalu uma urang salama sa ari. 8 Mula ari sutinya, kami ingkas ka Kaisarea, lalu tama ka dangau pambarita Filipus, inya jam tapilih mula ka tujuh urang yah, lalu kami diam uma inya. 9 inya tege bagora ompat anak labini bujang am baulih talenta mula Hatalla nyaman mangabar barita Hatalla. 10 Honta barapa ari kami diam diah , siku nabi am banama Agabus turun mula Yudea. 11 Lalu, datang nguang kami, inya ngalap kowat pungung Paulus mangowat jari kakinya kaniri, lalu bapaner,"iti am dipaner Roh am Barasih, ''bera cara iti urang-urang Yahudi ka Yerusalem akan mangowat urang am hompu kowat pungung ti lalu manyorahkan nya ka jari bangsa-bangsa am bukan ." 12 Metuh kami nongar hal iyah, kami kan urang-urang am tingal diyah mamita ka Paulus nyaman honta ingkas ka Yerusalem. 13 Lalu, Paulus baner ,uja nya" apa am digawimu, managis diyah mahancur kan hatiku? Laie, aku siap, honta nya di kowat, gonae tapi akan mati ka Yerusalem demi nama Tuhan Yesus." 14 Laie, Paulus honta ulih dinasehat , kami suni lalu bapaner," Biar kahona Tuhan am jadi." 15 Honta barapa ari lipas iyah, kami basiap-siap hona ingkas ka Yerusalem. 16 umajam kaban murid mula Kaisarea hona ingkas jam barota uma kami.Lalu manaing kami ka rangau Manason, urang Siprus, siku murid am jari lamat, kami tingal uma iya. (Paulus Bakoca Yakobus) 17 Limah kami datang ka Yerusalem, kaban manyari saiman manyamut kami puna rami. 18 Lalu, ari sutinya, Paulus ingkas barotakan kami bakoca ka Yakobus, lalu kawan tuha-tuha ungkup datang diyah. 19 Limah jari batabe akan urang, Paulus nampara bakesah suti hal am jadi Hatalla karuh mula bangsa-bangsa bukan malewati pangawinya. 20 Metuh, katika urang mandongarkannya, urang mamuja-muji Hatalla, limah yah urang bapaner kan Paulus,"ila ti, manyari, barapa ribu urang ka antara urang-urang Yahudi dikeh am jari percaya lalu urang uras am giat akan Hukum Taurat, 21 Lalu urang uras jari di paner soal kolai, amun kolai yah am malajar uras urang Yahudi antara bangsa-bangsa bukan am manyimpang mula hukum Musa, samil mamander ka urang nyaman urang honta mayunat anak-anak rang bajalan manurut adat istiadat diri. 22 Lipas yah, apa am diri gawi? Urang yah pasti mandongar amun kolai yah jari datang. 23 Laie iyah, gawi ja apa am kami parah ka kolai. Tege ompat urang mula kami am tege bajanyi akan Hatalla. 24 Taingkan urangnya, rasihkan arepmu barota kan urang, lipas yah bayar kan ongkos urang yah nyaman urangnya ulih manyukur palanya. Amun bera iyah, uras urang ingat akan parongka am jari urang paner akan kolai, tapi amun kolai kaniri jam am hirup lalam Hukum Taurut. 25 bera, bangsa-bangsa bukan am jari percaya, kami jari manulis surat akan urang am harus mahindar mula, 'daging am jari dibori akan kawan imun iyah, umakan darah, bebeh jam am matie kona sekak, umakan urang am badosa, am jadi bakumpul honta baie. (Paulus kona Tangkap) 26 Limah yah, Paulus manaing urang-urang yah, sota arinya, salopas inya jari mambarasihkan dirinya barota dengan urang nya, inya tama ka lalam dangau Hatalla lalu mamaner akan babasu, lalu baranai akan kurban persembahan am dibori kan masing-masing urang. 27 Katika ari hona gonap ka tujuh, urang-urang Yahudi mula Asia, metuh maila Paulus ka lalam dangau Hatalla, maadu paner am honta baie mamakat manangkap Paulus, 28 Samil basoru, " uy urang-urang Israel, Tolong! Urang iti am ma ajar kan urang kamanih-manih malawan bangsa diri, lalu Hukum Taurat, ka homan iti. Kan, lobih jam, inya manaing urang-urang Yunani ka lalam Dangau Hatalla am jari maisa kan homan baie iti!" 29 Gawi, sahompannya urang jari maila Trofimus, urang Efesus, barota dengannya am kalalam kota lalu urang mangira Paulus jadi manaingnya tama ka Dangau Hatalla. 30 limah iyah, saluruh kota jari gampar lalu urang-urang datang bakumpul. Urang manangkap Paulus manyeretnya ka luar mula Dangau Hatalla, saluruh pintu-pintu Dangau Hatalla uras ditutup. 31 samantara urang hona mamatie inya, datang laporan akan kepala pasukan Roma sampai saluruh Yerusalem lalam keadaan kacau. 32 Metuh iyah jam, Kapala Pasukan manaing Prajurit tuntang Perwiranya, lalu turun manguang urang. Metuh urang banya mailanya kepala pasukan umakan prajuritnya, urang bahonti manukuh Paulus. 33 Salopas iyah, kepala pasukan mamara Paulus lalu manangkapnya, lalu manyuruh nyaman Paulus kona kobat dengan dua rantai. Limah yah, inya mulai batanya sapa Paulus apa am jari inya gawi. 34 Tapi, sabagian mula urang am banya yah basoru akan sabagian urang am bukan yah. Lalu, metuh inya honta ulih ngasene gawi karusuhan yah, inya manyuruh supaya Paulus ditaing ka markas. 35 Metuh inya datang ka tanga, Paulus lalu ditangung laie kawan prajurit gawi kona tukuh tatal rang, 36 laie, kawan parusuh yah mairing urang, samil basoru badoru, "Patikan inya!" 37 Metuh Paulus akan ditaing tama ka markas, Paulus bapaner akan kepala pasukan,"Tahukah aku bapaner sesuatu ka kolai?" Lalu, kepala pasukan yah manjawab, "Kolai ingat bahasa Yunani? 38 Amun bera iyah, kolai bukan urang Mesir am metuh iyah manimbulkan pemberontakan lalu mamimpin ompat ribu urang parusuh ka padang pasir?" 39 Tapi, Paulus bapaner."Aku urang Yahudi mula Tarsus, kilikia, suti warga mula kota am penting. Aku minta ijin aku hona bapaner akan urang-urang yah." 40 Maka, katika kapala pasukan mamori ijin, Paulus badiri ka tanga yah, inya mamori isyarat akan urang-urang lalu maincang jarinya. Katika suasana jari suni, inya bapaner akan urang, lalam bahasa Ibrani uja nya.
Pasal 22
1 "Kawan mayari dengan ompay-ompayku, Dongar uja ku kan ikam" 2 metuh urang manongar paulus manimay urang honi bahasa ibrani, urang lansung ta suni, paulus bapaner, 3 "Aku tie urang Yahudi, lahir ka Tarsus, Kilikia, Tapi bakah ka kota iti, dididik Gamaliel sasuai hukum hiya umuh diri, supaya jadi cangkal kan Hatalla, samah kan ikam mila ari tie. 4 Aku Mengiyan jalan iti sampai pamati, mangobat lalu manama urang, bai kalaki ataupun labini, ka lalam penjara, 5 nulat Imam bakah dengan majelis Panatua tahu basaksi ka aku. Mila urang aku bulih surat-surat kan kaban manyari ka Damsyik, manaing urang mila dikeh ka Yerusalem kan tahanan am kan dihukum. 6 Maka, iyahtajadi, metuh aku bajalan lalue hona datang ka Damsik, sakira tongah ari, salenga tege cahaya torang mula langit mangaliling aku. 7 Aku tasarungkup katanah manongar bunggie bapander kan aku, 'Saulus, Saulus, ngapae kolaie manggian Aku?' 8 Lalue, aku manimat, 'Sapae Kolaie, Tuhan?' Lalue iyae bapaner kan aku, 'Akutiam Yesus mula Nazaret, am kona kian mueyah.' 9 Urang-urang am uma aku maila cahaya iyah, tapi honta ngerti bungi urang am agi bapaner ka aku. 10 Aku bapaner, 'Apa am harus aku karuh, Tuhan?' Tuhan manjawab, 'Badiri ingkas kolay ka Damsyik, ka dikeh, kolay kan diparah urasnya am jadi ditotapkan am kolay karuh.' 11 Metuh aku honta tahu maila laie karomis cahaya iyah, aku dituntun laie urang-urang am uma aku, lalu tama ka Damsyik." 12 lepas iyah, tege urang am banama Ananias, urang saleh manurut hukum taurat, am dikenal bai laie urang yahudi am tingal ka dikeh, 13 inya datang ka aku, sajadi inya badiri kasorapku, inya bapaner,' manyariku Saulus, maila am,lalu, metuh iyah jam, aku tahu maila mula dengan tahu maila inya. 14 inya bapaner, 'Hatalla hiya umuh diri manyuruh kolay kan ingat kahonanya, maila am bujur,dengan nongar bungi mula nyawa-Nya, 15 lai kolay jadi saksi akan inya, kan urang apa ham jadi kolay ila dengan dongar. 16 Metuh tie, ngapa kolay manunda-nunda? badiri am, borikan kolay kaniri nyaman dibabtis, barasihkan dosa-dosa mu samil manimai nama-Nya'" 17 "Metuh aku baulang ka Yerusalem am agi badoa ka Dangau Hatalla, aku dikuasa Roh Hatalla, 18 Aku maila inya bapaner kan aku, 'Lacaam maluar mula Yerusalem laie urang honta narima am diparah tentang Aku.' 19 Lalu, aku bapaner, Tuhan, Urang kaniri jadi ingat aku am jadi mamanjara lalu mangobat dengan manaing urang ham pacaya kan kolay,mula suti sinagoge ka ham bukannya. 20 lalu, kametuh darah saksimu, Stefanus, ditumpahkan, aku kaniri agi badiri ka dikeh,mansatujunya, dengan manjaga baju pakayan urang-urang am mamatinya.' 21 Sajadi iyah, Yesus bapaner ka aku, ' ingkas am! laie, aku jadi mautus kolay jauh kan bangsa-bangsa bukan."' 22 Urang banya iyah manongar paulus sampai mula panernya tie. sajadi iyah, hansira banya bapaner, "Buangkan urang iyah mula bumi laie inya honta pantas kan hirup!" 23 Kametuh urang basoru, manibar jubah rang, dengan mahamur dabu ka tingi, 24 kepala pasukan mamarintah urang nyaman Paulus ditaing ka markas, sambil mamarah laie paulus harus dipariksa honi cambukan sahingga inya dapat alasan ngapa urang basoru malawan inya nulat iyah. 25 Tapi, metuh rang manopakannya honi tali-tali kulit, Paulus bapaner ka perwira ham badiri damping inya, "apakah sah bagi kolay hona mancambuk siku urang am warga negara Roma honta adil?" 26 Metuh perwira iyah manongarnya, inya langsung mamaner kan kapala pasukan, ujanya, "apa ham kan kolay lakukan? lai, urang iti urang warga negara Roma." 27 Lalu, kapala pasukan iyah datang, bapaner ka Paulus ujanya"Panerkan ka aku, apakah kolay urang warga negara Roma?"Paulus bapaner. "au." 28 Kapala pasukan iyah manjawab, "Aku bulih kawarganegaraan iti honi duit bakah" Paulus bapaner" tapi, aku jadi warga negara laie aku lahir" 29 Maka, urang-urang ham marisa paulus laca badari maningalnya, kapala pasukan jadi gola laie Paulus urang warga negara Roma laie inya jadi mangobatnya. (Paulus Bapaner Dengan Pamimpin Yahudi) 30 Tatapi, limah ari iyah mula, laie kapala pasukan hona mangau alasan sabujurnya ngapa Paulus dituduh laie urang-urang Yahudi iyah, inya malopas Paulus, manyuruh kapala imam-iman,dengan saluruh sanhedrin nyaman bakumpul, lalu inya manaing Paulus turun kapaharap urang ti taie.
Pasal 23
1 Paulus maila Majelis ungkup inya bapaner,"kula manyariku, akujadi manyorah pahirup ku uras nya ka Hatalla sampaie arie tie. 2 Lalu, tuha ungkup Ananias iyah marentah urang am batdiri sisi balikat Paulus manompi durung Paulus yah. 3 Limah iyah Paulus bapaner ka urang diyah,"Hatalla nona am manompi muha kam diyah, amanyoku arep kam urasnya am baie barasih tunduk manulat hukum ureh marentah mahakim padahal kam urasnya honta manulat hukum iyah, am malaie manompim durung kutie. 4 Urang am badiri damping nya bapaner,"Apa kolaie mahina tuhae Majelis Ungkup Hatalla?" 5 Limah iyah Paulus bapaner, Aku ti honta ingat bahwa inya yah Majelis Ungkup. sabap, tege tatulis, hinang bapaner honta baie akan am mangapala katarunan mu,' 6 Limah iyah,Paulus tahoyue bahwa sabagian urang Saduki saruaienya urang Farisi,Paulus basoru ka tuha tuha Majelis Ungkup yah,"kula babuhan, Aku urang Farisi ana urang Farisi. Aku tie lagi kona sidang laie ku manyoku diri ti matei hirup mula!" 7 Limah Paulus bera iyah, tege am basalisih paham honta sajalan antara urang Farisi umakan urang Saduki, dua kumpulan urang iyah ta pisah pisah. 8 Uras, urang Saduki bapaner mayan am hirup mula, mayan malekat. mayan ara namanya roh, tapi urang Saduki manyoku tege urasnya. 9 Maka batangkar u rasnnya kawanan guru agama mula kumpulan urang Farisi honta uma manulat am bukan." Kami honta maila panyalah urang itie. Pa pang ulah nya am puna tege roh umakan malekat bapaner kan inya?" 10 Am batangkar sasar manyangit, kapala pasukan iyah gola Paulus itie nona tahu kona kiyan urang banya, Limah iyah inya manyuruh ma alap Paulus mula tongah urang banya manaingnya pulang ka dangau 11 Sa malam limah iyah, Hatalla badiri sorap balikat Paulus lalu bapaner," hinang galo hatie mu kolai jadi saksi akan Aku kan uras Yerusalem tie, bebeh jam kolai basaksi ka banua Roma." (Pakat MampatiePaulus) 12 Pas tongah arie, urang Yahudi banya bakumpul manyumpah nyarapa niri honta hona makan museh maraie apa pun jua mun honpan ulih mampatie Paulus. 13 Am tege lobih mula ompat puluh urang bakumpul diah. 14 Urang uras datang ka panatua ungkup umakan tuha tuha banua,lalu bapaner, kamie am tege ditie uras basupah honta hona makan museh sahompan ulih kamie mampatie Paulus. 15 Keken itie, ikam, umae Majelis ungkup, mamorie kabar kan kapala pasukan manaing nya ka kolaie, bera hona manyidang mangaue am baie limah iyah kamie tie am mampatie nya sahompan datang ditie." 16 Metuh iyah, tege kalakie ana manyarie Paulus am lambinie manongar pakat iyah, pulang tama ka dangau, baparah akan Paulus. 17 Limah iyah Paulus manimaie siku pewira lalu bapaner." Taingkan babiya itie kan kapala pasukan am bagora laporan kan inya." 18 Pewira iyah manaing nya ka kapala pasukan lalu bapaner," Paulus tahanan iyah, manimaie aku manaing babiya itie kakolaie ujae nya tege am die paner nya kan kolaie." 19 Kapala pasukan marigap longan babiya iyah, manuna ka balikat lalu batanya ka inya badua ma,"Apa am hona parah mu ka aku?" 20 Ujae nya, "urang Yahudi uras bapakat manaing Paulus manguang tuha tuha Majelis Ungkup arie pagie, bera tege am die tanya manggaue am baie kan inya. 21 Hinang nongar urang jadie tege ompat puluh am manatie Paulus, am jadie manyumpah nirie rang kanirie honta hona makan museh mun hompan ulih mampatie Paulus. uras urang jadi siap manantie pakat iyah." 22 Limah iyah, kapala pasukan nyuruh babiya iyah badarie, ujae nya,"hinang kolaie mamaner ka bukan mula paner mu tarie." (Paulus die antat ka Kota Kaisarea) 23 Lipas iyah, kapala pasukan manimaie dua urang pewira ujae nya," siapkan dua ratus prajurit tantara mahoni kuda umakan dua ratus tantara manaing sanyatae, am ingkas ka kota Kaisarea, jam tolue malam itie. 24 Sariya kan siku kuda am manaing Paulus manguang Fileks, gubernur diah." 25 Lipas iyah, inya manulis surat, bera itie: 26 Mula Klaudius akan Gubermur Fileks am ta hormat. Salam, 27 Urang itie am die tangkap urang Yahudi nyarih kona patie urang banya aku datang manaing prajurit ma alapnya bahwa inya yah warga nagara Roma. 28 Aku tie hona mailae apa am jadie panyalah nya, aku manaing nya manguang Majelis Ungkup urang diah. 29 Aku mailae inya die tuduh malawan hukum Agama urang diah, tapi mayan panyalah am pantas tahue mahukum matie umakan tama panjara. 30 Kabar iyah mula sampaie ka aku tege am hona bapakat malawan inya tie, sacopatnya aku manyuruh laca am manuduh tie manguang kolaie diyah. 31 Urasnya tantara, am die suruh, mangalap Paulus malam iyah manaingnya ka Antipatris. 32 Samalam arie lipas iyah, urang banya maubah amanaie kuda badarie urasnya, balalu pulang ka dangau. 33 Metuh iyah urasnya jadie sampai yam ka wilayah Kaisarea ma antat surat ka gubernur diyah. lalu manyorah Paulus ka inya. 34 Limah gubernur mamaca surat iyah, inya mananya Paulus mula banua manih asalmu. katika inya manongar Paulus mula Kilikia, 35 Inya bapaner, " Aku mahoning ujaemu limah am manuduh kolaie datang kotie."Lipas iyah inya manyuruh manyaga Paulus am tege ka lalam dangau panjara Herodes.
Pasal 24
1 lima ari mula Datang Imam tuhae Ananias uma kan urang am tuha-tuha tege siku pangacara am banama Tertulus, urangnya manguang wakil negeri inya manyapai paner kan dakwaan urang kan Paulus. 2 Limah Turtulus ditimai ka muha, inya mandakwa paulus ujanya, "tuan Gubernur am dihormat! lalam pimpinan banua kami am damai kan maharoti tuan jham banya kaharoti am jadi di lajar kan bangsa iti. 3 Banya am hompa manarima kami mahoni ucapan tarima kasih kan kami diroga ka manih gona. 4 Tapi nyaman hinta mamuang banya metuh tuan, Aku baminta tuan hona manonggar pangaduan kami am nyulu ti. 5 Banya urang am ngau masalah. kamani-manih ma marak pamanya urang Yahudi am jadi pamimpin gerakan urang mula Nazaret. 6 Inya jham jadi manisa homan Tuhan, kami manangkap inya. Kahona kami manyidang inya manurut hukum agama kami. 7 lalu komanan Lasias marampas inya mula jari kami. 8 Banya am mangadu maharap tuan. Amun tuan marisa urang yah, Tuan kaniri banya manongar bunggie inya am bujur banya am hompan jadi di kadu kan kami ti laie inya. 9 Banya urang Yahudi am kadiah uma manaing bapakat manyalahnya baparah am diah urasnya puna bujur. (Paulus tege ka paharap Feliks) Paulus mamela diri kapaharap Feliks 10 Gubernur mamori tana kan Paulus homan inya bapaner, maka Paulus babungie ujanya, "am aku inggat tuan jarie manjadi hakim kan daerah jadi batahun-tahun palamat nya. palamat iyah aku mansyaie rami manyampai bungie mambela aku kaniri ka paharap tuan. 11 Tuan tahu mariksa kaniri honta lobih mula dua bolas arie jadi lalu aku hona ka Yerusalem sambayang koyah. 12 Urang banya mayan mailae aku basual maneroh urang, lalam dangau Hatalla, dangau sambayang umakan lalam Banua tie. 13 Urang banya mayan buktie manuduh aku keken ite. 14 Diah, aku mangaku kan kolaie, aku tie memang uma jalan am bai'e iyah gin joku rang, salah sambayang ka Hatalla datu hiyang dirie, am parcaya sasuaie hukum diah jadie tatulis lalam kitap nabi, 15 Samil mangora gonang kahona kan Hatalla, samah bera am bukan, diyah nona tege pahirup mula, akan urang bai'e umakan am honta baie. 16 Maka mula iyah, aku mahaga hatie kapintar horotie, am baie akan paharap Hatalla umakan kalunen. 17 Limah batahun-tahun palamatnya, aku manaing sokongan akan bangsa heku honie malopas sahut parapah. 18 Kametuh iyah tege am die karuhku, urang banya yah badapat kan aku, kametuh iyah aku haru jadi marasih niriku lalam dangau Hatalla, katika iyah mayan urang am maneroh, diah tege banya urang Yahudi mula Asia. 19 Sapunanya, tege ka paharapmu yah urang am ma ara mun tae baie, apa urang tie tege alasan malawan aku. 20 Mun tahue, urang tie kanirie mamarah panyalah am tege ilae urang metuh ku badirie ka paharap Sanhendrin, 21 Kacualie suti bungie soru metuhku badirie tongah pamanya, baparah bera itie tege pahirup mula limah pampatie, laie iyah aku die sidang kan paharapmu tie."' 22 Diah Feliks, am bagora anugrah kan jalan iyah, mahontie pakaranya lalu bapaner, pagiam nantie komadan, datang harue aku mamutus pakaramu. " 23 Limah iyan, Feliks manyuruh pawiranya Paulus masih kona tahan, tapie inyae morie kan kawan kulanya tahue badapat kan nya diah. (Paulus mamaner Imanya Uma Kristus) Paulus Bapaner Kan Imam nya am Kristus 24 Honta barapa arie, Feliks umkan binienya, Drusila datang, inya urang Yahudi, marentah Paulus nguang diah hona manongarnya, Paulus bapaner kan Iman parcayanya uma Yesus Kristus. 25 Sakatika, Paulus bapaner akan am barasih, jadie panyabar hinang badungil, diah nona tege konae hukum kan Arie Kiamat, Feliks jadie gola lalue bapaner: "Jadie holue takaie ma kolaie ingkas keken itie; tege mula katika am bai'e marentah nimaie kolaie." 26 Kametuh iyah, Feliks mangira Paulus mamorienya duit. hona gonap arie manaing Paulus kae dangaunya bakesah kan inya. 27 limah iyah, dua tahun jadi palamatnya, Perkius Festus am mangantie Feliks. Laie inya, hona molie hatie urang Yahudi, honta kanapanya Paulus tatap lalam panjara.
Pasal 25
1 Tolu ari limah iyah, Festus datang ka provinsi iyah, limah iyah badari mula Kaisarea ka Yerusalem. 2 Imam-imam kapala lalu kawan pamimpin Yahudi mangadu balik malawan Paulus, rang tarus manggosa Festus, 3 samil minta murah hati taharap urang yah manyuruh urang manaing Paulus ka Yerusalem, limah iyah urang bapakat mampati Paulus ka tongah perjalanan. 4 Festus manimat Paulus nyaman totap ditahan ka Kasiarea lalu inya datang koyah sacopatnya. 5 "Maka," ujanya, ''Biar am kawan pamimpin ka antara kolay turun ka koyah barota aku, jakai tege am salah mula urang yah, biar am urang mangadu dakwa nya ka urang yah." 6 Limah Festus tingal ka antara urang honta lobih mula lapan sampai sapuluh ari, inya baulang ka Kaisarea. Lalu, pagi nya mula, inya duru ka kursi pangadilan lalu marintah nyaman Paulus di taing ka paharap nya. 7 Metuh Paulus selenga, urang-urang Yahudi am turun mula Yerusalem badari mangalilingnya, mamarah banya dakwa malawan Paulus, am honta ulih sangup urang mambuktikan. 8 Samantara iyah, Paulus mamarahkan pambelanya, ''Aku honta mangaruh kasalahan apa am malawan, bai Hukum Taurat Yahudi, Bait Hatalla, ataupun Kaisar.'' 9 Akan tapi, lai hona marami urang-urang Yahudi, Festus bapaner ka Paulus, ''Apa kolai basadia nai ka Yerusalem lalu diadili ka paharapku tingi tuduhan-tuduhan itie?" 10 Amun, Paulus bapaner, "Aku lagi badiri ka paharap pangadilan Kaisar, homan sabujur nya aku di adili. Aku honta basalah apamun taharap urang-urang Yahudi bera am kolai kaniri tampa ingat. 11 Jadi, jakai aku am basalah mangaruh gawi am pantas di hukum mati, aku honta akan coba badari mula hukuman mati iyah. Amun, jakai tuduhan urang ka paharap aku manyan ara am bujur, manyan ara siku urang am ulih manyarang aku ka urang yah. Maka, aku banding ka Kaisar." 12 Limah iyah, Festus bapakat kan Sanhedrin, inya manimat, "Kolai jadi nai banding ka Kaisar, maka ka kaisar kolai harus badari.'' Festus Batanya ka Raja Agripa Manganai Paulus 13 Jadi babarapa ari am balalu, Raja Agripa rang Bernike salenga ka Kaisarea akan mori hormat ka Festus. 14 Samantara urang tingal ka koyah salama barapa ari, Festus manjelaskan kasus Paulus ka Raja, uja nya, "Tege siku am di tingalkan akan sabagai tahanan lai Feliks. 15 Metuh aku tege ka Yarusalem, iman-iman kapala tuha-tuha Yahudi manyampai tuduhan-tuduhan malawannya lalu maminta nyaman inya kona hukum. 16 Aku manimat urang honta hadat urang Roma akan manyorahkan urang sahompan tatuduh badapat dengan muha, lalu inya dibori kasempatan akan mangaruh pambelaan taharap tuduhan-tuduhan iyah. 17 Lalu, metuh urang datang bakumpul koti, aku honta manunda kasus itie, tapi pagi nya mula, aku duru ka karusi pangadilan marentah nyaman urang iyah ditaing maharap aku. 18 Metuh kawan tuduhannya badiri, urang honta mamarah tuduhan-tuduhan am jahat bera am di kiraku. 19 tapi, urang honta satuju kan urang iyah kan agama urang Yesus, am jadi mati, am Paulus parah Inya hirup. 20 Lai aku bingung bera apa aku mamariksa uras nya itie, aku batanya apa inya hona nguang Yarusalem di hukum koyah lai kasus itie. 21 Amun, metuh Paulus naing banding ditahan mananti kaputusan Kaisar, aku marintah nyaman inya ditahan sampai aku ulih mangirimnya manguang Kaisar." 22 Lalu, Agripa bapaner ka Festus, "Aku jam hona manongar kaniri urang iyah." "Ari pagi," Festus bapaner, "Kolai pasti manongarnya." 23 Lalu, limah paginya, Agripa rang nua Bernike datang mahoni kamewahnya tama ka ruang sidang barota tantara kan kawan pamimpin kota iyah. Limah iyah, sasuai kan paner Festus, Paulus ditaing tama. 24 Festus bapaner, "Raja Agripa uras am datang barota kami koti. Ila ja urang itie, am dimohon lai uras urang Yahudi ka aku, bai am tege ka Yerusalem ataupun am tege koti, dengan basoru urang iyah saharusnya honta tahu hirup lobih lamat agi. 25 Tapi, aku manapat inya tie honta mangaruh apa pun am sasuai kan hukuman mati. Metuh inya nai banding ka Am Mulia, aku mamutus nyaman mangirimnya nguang Kaisar. 26 Amun, aku honta hompu am pasti akan ditulis ka rajaku. Lai iyah, aku jadi manaing urang itie ka paharapmu uras, lalu khususnya ka paharap kolai, Raja Agripa. Dengan bebeh, jadi baprisa iyah dijadikan, aku tege sasuatu akan ditulis. 27 Lai, bera nya honta tama akal bagiku akan mangirim saurang tahanan tampa mangajukan tuduhan-tuduhan am jelas taharapnya.''
Pasal 26
1 Maka, Agripa baparah ka Paulus, ''kolai kona diizinnya bapaner akan mambela kaniri''. Limah iyah, Paulus mahalangkan jarinya lalu mamarahkan pambelaannya. 2 ''Sahubungan dengan uras hal am dituduhnya ka aku lai urang-urang Yahudi, Aku mangangap kaniriku baruntung, Raja Agripa, Lai aku akan mamarahkan pambelaanku ka harapmu ari itie, 3 khususnya lai kolai urang am bujur-bujur tahu uras kabiasaan lalu masalah di antara urang-urang Yahudi. Lai iyah, aku mamohon ka kolai akan manongarkan aku dengan sabar. 4 Uras urang Yahudi tahu cara hirupku sajak masa biaku, am sajak awal manghabiskan hirup ka tongah-tongah bangsaku kaniri ka Yerusalem. 5 Lai jadi lamat urang tahu tuntang kaniriku, jaka urang hona, urang baulih aku baparah bahwa aku hirup sasuai dengan ajaran kalompok am paling karas mula agama kami, aku hirup sabagai urang Farisi. 6 Boti tie, aku badari ka diti akan diadili lai mangharapankan akan janji am dikahona Hatalla ka hiya umuh dirie. 7 Janji itie am diharap lai kadua belas suku bangsa diri baulih jadi, samantara urang manyomah Hatalla dengan bujur-bujur siang rang nua malam. lai pangharapan iyaham aku dituduh lai urang-urang Yahudi, uy Raja. 8 ngapa kolai anggap mustahil bahwa Hatalla mahuaskan urang mati? 9 Lai iyah, aku kaniri mangira bahwa aku harus mangaruh banya hal am malawan nama Yesus mula Nazaret. 10 iyah am aku ngaruh ka Yerusalem. Aku bukan kali hona manama urang-urang kudus ka lalam panjara, limah manarima kuasa mula iman-iman kapala, tapi saat urang dihukum mati, aku manyatujunya. 11 Lalu, aku rancak manghukum urang ka sinagoge-sinagoge akan bausaha mamaksa urang akan manyumpah. aku gusar amat kan urang, aku mangian urang, bahkan sampai ka kota asing.'' Paulus Bakesah Tuntang Badapat Akan Yesus 12 ''Akan maksud iyah jam, aku masih lalam pajalanan ka Damsyik, honi kuasa tugas mula iman-iman kapala. 13 Saat tongah ari, uy Raja, ka tongah pajalananku, aku maila cahaya mula langit, lobih torang mula mata ari, am bacahaya torang tarus urang-urang am bajalan barota kan aku. 14 Lalu, kami uras tarahap ka tingi tanah, aku tege manongar suatu suara bapaner ka aku lalam bahasa Ibrani, 'Saulus, Saulus, ngapa kolai mangian Aku? sulit bagi kolai akan manandang tungkat.' 15 Lalu aku batanya, 'Sapakah kolai, aku Tuhan?' 'Limah iyah, Tuhan manyawab, 'Aku Yesus, am kolai malai aku hari. 16 Amun, huas lalu badiri dengan kaki hemu. Lai, Aku jadi manampakan arepku kaniri akan tujuan itie, am itie manotapkan hemu sabagai kaniri palayan saksi, honta akan hal-hal am jadi kolai ila, tapi jadi akan hal-hal am akan aku tunyukan ka kolai. 17 Aku akan manyalamat kolai mula bangsa hemu iti mula bangsa bukan, am ka urang aku mamutus kolai, 18 akan mamuka mata urang jadi urang babali maila jahat ka urang kuasa Iblis ka Hatalla supaya urang manarima pangampunan dosa-dosa uras manarima bagian ka antara urang-urang am jadi di kuduskan lai iman ka lalam Arepku.''' Paulus Mamarah tuntang Pangawinya 19 ''Maka, Raja Agripa, aku honta basa honta patuh akan panampai surgawi iyah, 20 Tapi, mula-mula, aku mamarahkannya ka urang am tege ka Damsyik, lalu ka Yerusalem lalu uras homan Yudea, jadi ka bangsa-bangsa bukan, bahwa urang hapus batobat lalu babali ka Hatalla, dengan mangaruh sesuai partobatan urang. 21 iti am urang-urang Yahudi manangkap Aku Bait Hatalla atau pun bausaha mamatikanku. 22 Sampai ari itie, aku jadi manarima manulung mula Hatalla lalu aku badiri ka diti akan basaksi, bai ka urang-urang koni atau pun urang-urang bakah dengan honta mamarahkan hal bukan, apa am diparah lai kawan nabi rang nua musa tuntang am akan jadi, 23 lalu kristus harus sia-sia bahwa, dengan alasan manjadi am partama huas mula antara urang mati, inya akan mamarahkan torang, bai ka urang-urang Yahudi atau pun ka bangsa-bangsa bukan.'' Paulus Bausaha Mayakinkan Agripa 24 samantara Paulus masih mamarahakan hal-hal lalam pambelaannya, Festus baparah dengan suara nyaring, ''Paulus, kolai jadi gila! paningatmu am honta banya ngaruhmu honta waras.'' 25 Amun, Paulus manyawab, ''Am Raja Festus, aku honta gila, tapi aku mamarahkan sabujurnya paner paru ara tama akal. 26 Lai, Raja maingat hal-hal iti lalu aku uma bapaner lalu barani. Lai, aku parcaya bahwa honta tege suti pun mula hal-hal iti am lolos mula parhatiannya lai iti honta homan am tapencil. 27 Raja Agripa, apakah kolai mamparcaya kawan nabi? Aku tahu kolai parcaya.'' 28 Raja Agripa bapaner ka Paulus, ''lalam katika am singkat, kolai jadi mamparcayakan aku akan manjadi urang Kristen.'' 29 Lalu, Paulus manyawab, ''Aku mamohon ka Hatalla supaya copat atau lamat, honta lai kolai, tapi uras urang am manongarku ari itie, tahu manjadi bera arepku, kacuali rantai-rantai itie.'' 30 Limah iyah, raja badiri. lalu gubernur, Bernike, uras urang akan duru barota kan urang. 31 Lalu, panehan urang maluar ruangan iyah, urang bapaner suti am bukan, '' Urang itie honta ngaruh apa pun am pantas disamahkan akan hukuman mati apa panjara.'' 32 maka, Agripa bapaner ka Festus, ''Orang itie jadi tahu dibiarkan inya honta nai ka kaisar.''
Pasal 27
1 Limah jadie diputus kami ingkas balayar ka Italia, urang manyorah Paulus babarapa tahanan am bukan ka siku kapten pasukan Agustan, am banama Yulius. 2 Kami nai kasuti kapal mula Adramituim am langsung hona balayar ka babarapa palabuhan ka sapanyang pantai Asia. Kami balayar ditamah lai Aristarkhus, urang Mekadonia mula Tesalonika. 3 Limah pagie, kamie datang ka Sidon. Yulius malayan Paulus ponuh kabaie lalue manyuruh Paulus bakoca kawal-kawal nya honie maurus kaparluan Paulus. 4 Mula koyah, kamie ingkas balayar malalu Siprus laie ribut batiup balawan arah. 5 Metuh kamie jadie balayar malalu pantai ka sapanyang pantai Kilikia lalue Pamfilia, 6 Koyah, kapten manapat suti kapal mula Aleksandria am metuh balayar ka Italia, inya maminah kamie ka kapal iyah. 7 Kami balayar lamat salama babarapa arie, laie kaoyohan kami datang ka Knidus. Laie riwut honta mamungkinkan kamie badari lobih jauh, kamie balayar malalu pantai Kreta ka arah tanjung Salmone. 8 Kamie oyoh balayar malalu tanjung iyah kami sampai homan palabuhan indah, am damping kakota Lasea. 9 Laie kamie sadar waktu kamie banya hila, saat itie, pajalan laut iyah bahaya laie masa puasa urang Yahudi jadie lalu. Paulus manyalu urang, 10 lalue bapaner ka urang, "Manyari-manyari, aku maila palayaran itie banya karusakan karugian am bakah, honta kali isi kapalnya gona, tapie kosah dirie jam." 11 Tapie, kapten iyah lobih parcaya ka nakhoda hompu kapal dari pada paner Paulus. 12 Laie hinta baie diam kapalabuhan iyah salama musim colap, sabagian bakah urang satuju ingkas balayar mula koyah urang tahu mancapai Feniks, suti palabuhan ka Kreta, am miar ka hulu ka hilir, lalue diam koyah salama musim colap. Riwut am manyangit manampuh kapal Paulus 13 Metuh riwut kius-kius batiup mula selatan, urang bapikir laie urang jadie datang homan tujuan urang. Laie iyah, urang manarik jangkar lalue balayar ka sapanyang towing Kreta. 14 Tapie, honta lamat, riwut basaluh, am di joku Euroklidon, batiup mula pulau iyah. 15 Metuh kapal kamie kona tampuh riwut lalue honta sangup mula malawan nya, kamie manyorah maubah kapal kamie bulang-bali. 16 Sahompan kamie bakanyah mula pulau koni am banama Kuada, kami oyoh tapie kamie bahasil ngamuri jukung kamie. 17 Limah iyah ana buah kapal manarik jukung katingi kapal, urang mahoni tali-tali mangowat honi manoguh kapal iyah. Lai gola tagalang ka Sirtis, urang manurun alat-alat kapal lalue maubah kapal rang bulang bali. 18 Pagie lusa, kamie bulang-bali laie riwut basaluh, urang-urang nampara malua isie kapal. 19 Metuh arie katolu, urang malua alat-alat kapal honi jari rang kaniri. 20 Laie baie mataarie lalue bintang-bintang honta hamus salama babarapa arie galumang bakah mahompas kamie harapan kamie nyaman salamat hila.` 21 Laie banya urang badiri sadang palamatnya laie mayan pamakan pamuseh, Paulus badiri katongah-tongah urang lalue bapaner, "Kawan manyari, saharusnya kolai manulat bungi ku honta balayar mula Kreta nyaman honta kona rugi bira itie. 22 Wayah itie, aku mori samangat nyaman totap sabar laie antara ikam mayan ara am hila kosahnya, tapie kapalnya meh am hila. 23 Laie, malam tarie, tege malaikat Hatalla, am hompu aku am aku somah, badiri kapaharap ku, 24 samil bapaner, 'Hinang gola, Paulus. Kolai harus badiri kapaharap Kaisar. Cuba, ila, Hatalla jadie bamurah hati ka kolai uras urang am balayar barota kolai.' 25 Laie iyah, kawan manyari, sabar kan hatie mu laie aku parcaya kalalam Hatalla laie uras akan tajadi bira am jadie diparah ka aku. 26 Tapie, dirie harus tagalang ka suti pulau." 27 Tapie, metuh malam kaompat bolas, metuh kamie masih bulang-bali ka sapanyang Laut Adria, kira-kira tongah malam, ana buah kapal mangira rang damping daratan. 28 Urang mamori pamorat batu lalue manapat honi maukur palalam arainya dua puluh dopa. Metuh, urang maju koci mula, urang baulang manibar pamorat batu lalue maingat palalam arainya lima bolas dopa. 29 Laie kamie gola tagalang ka batu karang, urang manurun ompat jangkar malu balakang kapal lalue badoa nyaman arie laca siang. 30 Tapie, sahompan babarapa ana buah kapal bausaha badari mula kapal am jadie manurun jukung ka laut lalue bapura-pura manurun jangkar-jangkar mula kamuri, 31 Paul bapaner ka kapten iyah lalue uras ana buah nya, "Amun urang-urang iyah honta diam kalalam kapal, kolai honta tahu disalamatkan." 32 Metuh iyah, uras ana buah manota tali jukung lalue maubahnya hanyut. 33 Metuh suung datang, Paulus maminta uras urang mangalap babarapa puseh laie. Lalue bapaner, " Arie itie iyah am arie kaompat bolas kolai tarus kalalam kaporan laie mayan ara puseh laie. 34 Laie iyah, aku manyuruh kolai mangalap saruai pamakan pamuseh nyaman kolai salamat. Laie, mayan ara salamar balau am hila mula antara kolai." 35 Metuh mamarah hal iyah, Paulus mangalap roti lalue maucap syukur ka Hatalla ka paharap urang banya, mamocah roti iyah, lalue nampara makan 36 Maka, urang uras dikuatkan hatinya laie urang kaniri uma makan jam. 37 Jumlah kamie uras nya am tege kalalam kapal tege 276 urang. 38 Metuh makan sampai konyang, nyaman kapal iyah lompung rang manibar gandum kalaut. Kapal Hancur Uras Panumpang Salamat. 39 Metuh arie nampara siang, urang honta ingat tege natai, tapie urang manampai tolu am bapantai, homan urang mamutuskan manyingah kapal koyah amun mamungkinkan. 40 Maka, metuh manyatu jangkar-jangkar, urang maningalnya kalalam laut, lalam waktu samah, malopas tali-tali kamuri lalue manai layar kabagian paharap kapal nyaman riwut manaing urang sampai kapantai. 41 Tapie, kapal tagepak kabatu karang kahoman badapat dua laut lalue kapal tagalang. Haluan kapal tasangkut laie honta tahu bakanyah, tapie tangkung kapal hancur dihantam galumang. 42 Uras ana buah tege rancana hona mampati kawan tahanan nyaman honta tege siku am nyunyug lalue badari. 43 Tapie, kapten iyah, baharap tahu manyalamat Paulus, mahalang rancana rang. Inya mamarintah nyaman urang-urang am tahu nyunyung tahu maluncat holu mula kapal lalue manguang ka towing. 44 Lalue, sisanya tege am katingi papan, tege jam am mahoni bana-bana am bukan mula kapal. Laie iyah, uras urang sampai katowing lalue salamat.
Pasal 28
1 Limah kami malalu denga salamat, kami haru ingat pulau iyah am di joku Malta. 2 Urang banua inyah manunyu ka bai hati am paling bai. Lai, urang manyala api lalu manyamut Urang banya lai metuh inyah nampar hujan riwut colap. 3 Metuh Paulus mangumpul pating rangau kayu ma omahnya ka tingie api, siku Ular am bisa maluar mula am hangat lalu malilit jari Paulus. 4 Metuh Urang banua am asli mailanya lau jolu am bisa bagantung ka jari Paulus, Urang bapaner siku dengan am bukan,'' Honta ragu mula, urang iti palaie. Biar inya jadi salamat mula laut, honta kan manalua kolai hirup." 5 Tapi, Paulus mangobar ular lalam api inya honta luka sama sakali. 6 Urang mangira Paulus komang, jatu, mati metuh iyah jam. Tapi, limah urang lamat mananti lalu honta maila am salah ka inya, urang barubah pikiran lalu bapaner Paulus tie Dewa. 7 Damping diah, tege tanah am hompunya pamimpin ka banua iyah am banama Publius, am manyamut kami lalu manyadia pamakan kami salama tolu ari. 8 Metuh iyah, ompai Publius galing ka homan tidur lai honta barigas lai sakit porut. Paulus datang malauh lalu badoa kan inya, lalu ma omah jarinya ka tingie pala Urang iyah lalu bai. 9 Limah kejadian inyah, urang banya datang jam ka Paulus lalu bai. 10 Urang lobih maroga kami metuh kami hona balayar, urang manyadia kaperluan kami. 11 Limah tolu bulan am lalu, kami balayar kalalam kapal mula Aleksandria, lalu singah ka banua inyah salama musim colap lalu mahoni Dioskuri, akan lambangnya. 12 Limah datang ka Sirakusa, kami diam diyah salama tolu ari. 13 Koyah kami balayar malalu pantai lalu datang ka Regium. Limah pagi, riwut salatan mahombus, limah ari iyah, kami datang ka Putioli. 14 Diah badapat ka kawan manyari am sa iman lalu barahi diam uma urang salama tujuh ari. Lalu, kami ingkas ka Roma. 15 Lalu, kawan manyari am sa iman am koyah, tege manongar kami, datang mula koyah sampai ka Forum Apius rang nua Tres Taberne nyaman badapat kan kami. Metuh Paulus maila urang, inya basukur ka Hatalla lalu hati nya di toguh kan. Paulus Ka Kota Roma 16 Limah kami datang ka Roma, Paulus tahu diam kaniri, rang nua ana buah am manamah inya. 17 Tolu ari limah inyah, Paulus mangumpul panuha urang Yahudi am tege diah, lalu limah iyah urang bakumpul,inya bapaner ka urang,'' Kaban manyari, walau pun aku honta mangaruh apa-apa malawan bangsa diri atau adat istiadat hiya umuh,Tapi aku di sorah manjadi tahanan urang mula Yerusalem mula jari urang Roma. 18 Limah urang jadi mariksa aku, urang hona malopas aku lai mayan ara alasan tahu mahukum mati aku. 19 Tapi, urang Yahudi honta tarima, tapaksa aku nai banding ka urang Kaisar, bukan ba arti aku tege tuduhan malawan bangsa ku. 20 Lai iyah, aku jadi maminta nyaman maila kolai lalu bapaner aku kona rantai iti lai paminta urang Israel." 21 Lalu, urang bapaner ka Paulus,'' Kami honta tarima surat mula Yudea lai mayan siku urang mula manyari saiman am datang diti mamori kabar atau manarima am honta bai ka kolai. 22 Tapi, kami hona manongar mula kolai apa pandapat mu lai sekte itie, kami ingat kamanih urang malawan inya.'' 23 Metuh urang jadi mamutuskan saari akan Paulus, urang datang ka Paulus ka homan inya diam, bauma urang banya. Mula suung sampai malam, Paulus manjelas ka urang lalu basaksi akan karajaan Hatalla lalu bausaha mayakin urang akan Yesus, bai mula Hukum Turat Musa, bai kitab para nabi. 24 Babarapa urang jadi yakin apa am dipaner Paulus, tapi am bukan manula nyaman honta parcaya. 25 Metuh urang honta satuju siku kan am bukan, urang badiri limah Paulus bapaner lalu batanya, "Memang bujur apa am dipaner Roh Barasih ka hia umuh mu malalu nabi Yesaya, 26 'Badari kabangsa itie lalu panerkan: Kolai manongar, tapie honta basa paham, lalu kolai maila, tapie honta mangerti. 27 Lai, hati bangsa itie jadi dadal lalu poning nya borat honi manongar. Urang jadi manutup mata nya. Nyaman, honta urang manampai honi mata rang, manongar honi poning rang, paham mula hati urang am babali limah iyah, aku manyangka urang.' Yesaya 6:9-10 28 Limah iyah, biar am iti kolai ingat laie kasalamatan mula Hatalla itie jadi sampai ka bangsa am bukan lai urang akan manongar nya.'' 29 [Limah Paulus bapaner baparu, urang Yahudi badari lai banya honta samah panapat antara urang.] 30 Paulus diam palamat 2 tahun kadangau am disewanya kaniri lalu manyamut urang banya am datang ka inya, 31 samil mamarah Karajaan Hatalla samil balajar kesah Tuhan Yesus Kristus honi ponuh karani mayan ara halangan suti jua