Plateau Malagasy: translationNotes Print

Updated ? hours ago # views See on WACS

Hosea 1

Hosea 1:1

tenin'i Yaveh izay tonga

Fomba fiteny io. DH: "ny teny izay nolazain'i Yaveh"

Bery

Anaran-dehilahy io

Ozia ... Jotama Ahaza Hezekia Jeroboama Joasy

Ireo tranga ato amin'ity boky ity dia niseho tamin'ny andron'ireo mpanjaka ireo.

Yaveh

Io no anaran'Andriamanitra izay nambarany tamin'ny olona ao amin'ny Testamenta Taloha. Mahakasika ny fomba tokony handikana izany dia jereo ny pejin'ny fandikana ny Teny momba an'i Yaveh.

fijangajangana lehibe

Eto ny "fijangajangana" dia ilazana ny olona tsy mahatoky amin'Andriamanitra.

Hosea 1:3

Gomera ... Diblaima

Anaran'olona ireo.

ankohonan'i Jeho

Ny "ankohonana" dia midika hoe "fianakaviana," ao anatin'izany ny taranak'i Jeho.

ankohonan'Israely

Ilazana ny fanjakan'Israely io fomba fiteny io.

tsipìkan'Israely

Eto ny "tsipìka" dia ilazana ny herin-tafika. DH: "herin-tafik'Israely"

Hosea 1:6

Lò-rohama

Ny dikan'io anarana io dia "tsy misy fiantrana." Afaka misafidy ny haneho ny dikan'ilay anarana ny mpandika teny. DH: "Tsy Misy Fiantrana"

Hosea 1:8

Lò-rohama

Ny dikan'io anarana io dia "tsy misy fiantrana." Afaka misafidy ny haneho ny dikan'ilay anarana ny mpandika teny. DH: "Tsy Misy Fiantrana" Jereo ny nandikanao izany ao amin'ny 1:6.

Lò-amy

Ny dikan'io anarana io dia "tsy oloko." Afaka misafidy ny haneho ny dikan'ilay anarana ny mpandika teny. DH: "Tsy Oloko"

Hosea 1:10

Fampahafantarana amin'ny ankapobeny:

Miresaka amin'i Hosea i Yaveh.

tahaka ny fasika eny amoron-dranomasina

Manamafy ny habetsak'ireo Israelita io.

izay tsy hay afatra na isaina

Io dia azo atao hoe DH: "tsy izay tsy azon'iza na iza afatra na isaina"

Ary amin'ny toerana izay nitenenana tamin'izy ireo hoe

Io dia azo atao hoe DH: "Izay nilazan'Andriamanitra tamin'izy ireo hoe"

izay nitenenana tamin'izy ireo

Mety manondro an'i Jezirela io teny io, izay tanàna nanaovan'ireo mpanjakan'Israely heloka bevava, ary izay mariky ny famaizan'Andriamanitra azy ireo.

no hilazana amin'izy ireo

Io dia azo atao hoe DH: "No hilazan'Andriamanitra amin'izy ireo hoe"

Hiangona

Io dia azo atao hoe DH: "Ho angonin'Andriamanitra izy ireo"

hiakatra avy amin'ny tany

Mety ilazana ny tany izay nahababo ny vahoakan'Israely io.

ny andron'i Jezirela

Manondro ny fotoana izay hametrahan'Andriamanitra ny olony ao amin'ny tanin'Israely indray io. Ny hevitr'io fanambarana io feno dia azo atao mazava.

Hosea 2

Hosea 2:1

Fampifandraisana ny foto-kevitra:

Miresaka amin'i Hosea i Yaveh.

Ry vahoakako!

Ity fehezanteny manaitra ity dia azo atao fanambarana tsotra. DH: "Oloko ianareo!"

Efa nanehoana fangorahana ianareo

Io dia azo atao hoe DH: "Naneho fangorahana taminareo Yaveh"

fangorahana

"hatsaram-panahy" na "famindrampo"

Hosea 2:2

Fampahafantarana amin'ny ankapobeny:

Miresaka amin'i Hosea i Yaveh.

fitoriana

Io dia fitarainana ataon'ny olona iray amin'ny olona iray hafa any amin'ny fitsarana.

ny reninao

Eto ny "reny" dia manondro ny firenen'Israely.

satria tsy vadiko izy

Ambaran'i Yaveh fa Israely, izay resahina toy ny hoe vehivavy, dia tsy manao fihetsika tahaka ny vady amin'i Yaveh intsony. Fa kosa, niala tamin'ny fanarahana sy fanompoana Azy Israely.

ary Izaho tsy vadiny

Tsy afaka miaraka amin'ny firenen'Israely intsony Yaveh tahaka ny ataon'ny lehilahy amin'ny vadiny.

sy ireo fihetsika fijangajangany

Ny vady mpijangajanga dia mandao ny vadiny mba hiaraka amin'ny lehilahy hafa. Izany no fomba fanaon'Israely amin'i Yaveh.

eo anelanelan'ny nonony

Io kisarisary io dia manolo-kevitra fa miantehitra amin'ny sampy Israely fa tsy Yaveh.

haboridako izy ka hasehoko ny fitanjahany tahaka ny tamin'ny andro nahaterahany

Tsy hiaro na hamatsy ho an'Israely intsony Yaveh satria niala taminy io firenena io. Tany Israely, ny lehilahy dia noteren'ny lalàna hanome fitafiana ho an'ny vadiny. Ny tsy fanaovana izany dia marika fa mandà ny vadiny ny lehilahy iray. Ny hevitr'izany feno dia azo atao mazava.

Hataoko tahaka ny efitra izy

Hovain'i Yaveh ho tahaka ny tany efitra Israely, izay faritra ngazana sy tsy mamokatra.

hataoko matin'ny hetaheta izy

Ny "hetaheta" dia ilazana ny filana ny fanompoana sy ny fianteherana amin'i Yaveh, fa tsy amin'ny sampy, raha tsy izany dia tsy ho afaka ny ho velona amin'ny maha-firenena Israely.

Hosea 2:4

Fampahafantarana amin'ny ankapobeny:

Miresaka amin'i Hosea i Yaveh.

satria zanaky ny fivarotan-tena izy ireo

Ataon'ireo Israelita toy ny hoe tsy an'i Yaveh izy ireo. Tahaka ny tsy nanompoan'ny ray aman-drenin'izy ireo an'Andriamanitra, no tsy nanompoany koa.

Satria ny renin'izy ireo dia efa mpivaro-tena

Ny taranaka teo aloha izay nitady andriamin-kafa dia noraisina ho moijangajanga satria tsy nahatoky tamin'i Yaveh.

Hanaraka ireo olon-tiako aho, satria izy ireo no nanome mofo sy rano ho ahy, ny volon'ondry sy rongoniko, ny diloiloko sy rano

Eto ny hoe "ireo olon-tiako" dia manondro an'i Bala sy ireo andriamanitra sandoka hafa, izay nosafidian'Isarely ho tompoina fa tsy Andriamanitra kosa. Ireo zavatra notanisaina ireo dia zavatra manan-danja izay mamela ny olona hivelona.

Hosea 2:6

Fampahafantarana amin'ny ankapobeny:

Miresaka amin'i Hosea i Yaveh.

Noho izany dia hanangana fefy misy tsilo hanakana ny lalany Aho. Hanangana manda hanohitra azy Aho ka tsy hahita ny lalany izy

Ity andalana ity dia mampiseho fa hisakana ny olona tsy hahita fahombiazana sy fanambinana Yaveh, satria manohy manompo sampy izy ireo.

Ary hilaza izy avy eo hoe: "Hiverina amin'ny vadiko voalohany aho, satria izany no mety amiko kokoa noho izao."

Hiverina amin'i Yaveh Israely, tsy nohon'ny fitiavany Azy, fa satria diso fanantenana tamin'ny fanompoany an'i Bala izy ireo.

Hosea 2:8

Fampahafantarana amin'ny ankapobeny:

Miresaka amin'i Hosea i Yaveh.

Halaiko indray ny volon'ondriko sy ny rongoniko izay nampiasaina mba hanafenana ny fitanjahany

Mety midika izany fa tsy ho vanona ny vokatra st ny biby fiompin'Israely. Ho esorin'i Yaveh amin'Israely ny fitahiany, ary ho tavela irery ny vahoaka sady ambava-lozan'ny fanafihana.

nampiasaina mba hanafenana ny fitanjahany

Io dia azo atao hoe DH: "izay nanafian'ny olona ny tenany"

Hosea 2:10

Fampahafantarana amin'ny ankapobeny:

Miresaka amin'i Hosea i Yaveh.

Ary havelako hitanjaka eo imason'ireo olon-tiany izy

Midika izany fa hanala baraka ny vahoakan'Israely eo anatrehan'ny firenena hafa manodidina Yaveh. Jereo ny nandikanao izany ao amin'ny 2:2.

tsy hisy na iza na iza hahavonjy azy eo an-tanako

Tsy hisy hiezaka hanampy an'Israely. Eto ny "tanana" dia maneho ny fahefan'i Yaveh hanafay.

Hosea 2:12

Fampahafantarana amin'ny ankapobeny:

Miresaka amin'i Hosea momba izay hataony amin'Israely i Yaveh.

Ireto no tamby izay nomen'ireo olon-tiako ahy

Maneho ny tambiny azon'Israely avy amin'ireo andriamanitra sandoka na Bala io. DH: "fa ireo no tambiny izay nomen'ireo olon-tiany azy"

Hataoko ho ala ireo

Ho potehin'i Yaveh amin'ny famelana hazo hafa sy ahi-dratsy haniry eo ny tanim-boaloboka sy ireo hazo fihinam-boa.

izany no fanambaran'i Yaveh

"izay nambaran'i Yaveh" na "izay nolazain'i Yaveh tamin'ny fomba manetriketrika"

Hosea 2:14

Fampifandraisana ny foto-kevitra:

Miresaka momba an'Israely Yaveh.

Koa efa mby amin'ny famerenana azy Aho

"Izaho, Yaveh, no hamerina azy amiko"

ary ny Lohasahan'ny Akora ho vavahadin'ny fanantenana

Tahaka ny nitondran'i Yaveh an'Israely nivoaka an'i Egypta, dia hitondra an'Israely ho any amin'ny Lohasahan'i Akora Izy mba hanantenan'Israely an'i Yaveh indray. Ny Lohasahan'ny Akora dia toerana izay nanorahan'Israely an'i Akana tamin'ny vato mba ho faty araka ny nandidian'Andriamanitra, satria tsy nankato ny torolalan'i Yaveh i Akana. Azo atao mazava ny hevitra fenon'io.

Hamaly Ahy ao izy tahaka ny nataony tamin'ireo androm-pahatanorany, tahaka ny tamin'ireo andro izay nivoahany ny tany Egypta

Antenain'i Yaveh fa hibebaka ny firenen'Israely ary hifidy ny hanomoi Azy ho Andriamaniny indray.

Hamaly Ahy ao izy

Ny dikan-teny sasany dia mihevitra fa "hihira izy'' no hevitr'io amin'ny teny Hebreo.

Hosea 2:16

ho amin'izany andro izany

Manondro ny andro izay hisafidian'Israely hanompo an'i Yaveh irery izany.

fanambaran'i Yaveh

"izay nambaran'i Yaveh" na "izay nolazain'i Yaveh tamin'ny fomba manetriketrika." Jereo ny nandikanao izany ao amin'ny 2:12.

Vadiko

Midika izany fa hitia sy hahatoky amin'i Yaveh tahaka ny vehivavy amin'ny vadiny ny vahoakan'Israely.

Balako

Ny hoe "Bala" dia midika hoe "tompo" ary manondro ilay andriamanitra sandoka izay notompoin'ireo Kananita.

Fa ho esoriko eo am-bavany ireo anaran'ireo Bala

Tsy hilaza ny anaran'i Bala sy ireo sampy intsony ireo Israelita.

Hosea 2:18

Fampifandraisana ny foto-kevitra:

Miresaka amin'i Hosea momba izay hataony amin'Israely i Yaveh.

Amin'izany andro izany

Io andian-teny io dia ampiasaina mba hiresahana momba ny fanarenana ho avy eo amin'Israely sy Yaveh.

hanao fanekena amin'izy ireo

Tafiditra ao amin'ny faneken'i Yaveh vaovao ny fiadanana ho an'ny biby.

Ho esoriko tsy ho amin'ny tany intsony ny tsipìka, ny sabatra, sy ny ady, ary hataoko mandry fahizay ianao

Ho sakanan'i Yaveh lavitra an'Israely ireo fahavalony, tsy hisy ady intsony, hilamina ny vahoaka.

mandry fahizay

Io fomba fiteny io dia ilazana ny fiainana am-pilaminana.

Hosea 2:19

Fampahafantarana amin'ny ankapobeny:

Miresaka amin'i Hosea momba izay hataony amin'Israely i Yaveh.

Hampanantena ny ho vadinao mandrakizay Aho

Ho tahaka ny vady i Yaveh, ary Israely ho tahaka ny vadin'i Yaveh.

Hampanantena ny ho vadinao amin'ny fahamarinana

Tsy hivadika amin'ny fanekeny amin'Israely i Yaveh.

Mianiana amin'ny tenako amim-pahatokiana

"vady mahatoky"

ka ho fantatrao i Yaveh

Eto ny hoe "fantatrao" dia midika hoe manaiky an'i Yaveh ho Andriamaniny ary tsy hivadika aminy.

Hosea 2:21

Fampahafantarana amin'ny ankapobeny:

Miresaka amin'i Hosea momba izay hataony amin'Israely i Yaveh.

fanambaran'i Yaveh

"izay nambaran'i Yaveh" na "izay nolazain'i Yaveh tamin'ny fomba manetriketrika." Jereo ny nandikanao izany ao amin'ny 2:12.

Ny tany hamaly ny vary, ny voaloboka vaovao sy ny diloilo, ary izy ireo hamaly an'i Jezirela

Hahatanteraka ny filàna vary, divay vaovao, ary menaka oliva ny tany. Ireo zavatra ireo ihany koa no hanatanteraka ny filàn'i Jezirela. Ny tany sy ireo vokatra ireo dia resahina toy ny hoe olona izay afaka manatanteraka ny filàn'ny hafa.

Jezirela

Eto ny anaran'io lohasaha io dia ilazana ny vahoakan'Israely.

Hosea 2:23

Fampahafantarana amin'ny ankapobeny:

Miresaka amin'i Hosea momba izay hataony amin'Israely i Yaveh.

Hamboleko ho Ahy eo amin'ny tany izy

Rehefa ataon'Andriamanitra milamina sy ambinina eo amin'ny taniny indray ny olony, dia toy ny hoe voly no firesaka azy ireo. DH: "Hikarakara ireo vahoaka Israelita tahaka ny fambolen'ny mpamboly ny voliny sy fikarakarany izany aho"

Lò-rohama

Ny dikan'io anarana io dia "tsy misy fiantrana." Afaka misafidy ny haneho ny dikan'ilay anarana ny mpandika teny. Jereo ny nandikanao izay ao amin'ny 1:6. DH: "Tsy Misy Fiantrana"

Lò-amy

Ny dikan'io anarana io dia "tsy oloko." Afaka misafidy ny haneho ny dikan'ilay anarana ny mpandika teny. Jereo ny nandikanao izay ao amin'ny 1:8. DH: "Tsy Oloko"

Hosea 3

Hosea 3:1

Mandehana indray, mitiava vehivavy iray, izay notiavin'ny vadiny, kanefa mpijangajanga

Miverina maneho ny ao amin'ny 1:1 indray io. Miteny amin'i Hosea mba hitia vehivavy mpijangajanga indray Yaveh.

Tiavo tahaka ny itiavako, Yaveh, ny vahoakan'Israely izy

Amin'ny fitiavana ilay vehivavy mpijangajana, dia ho ohatry ny fitiavan'i Yaveh an'Israely i Hosea.

mihodina ho amin'ny andriamani-kafa sy mankafy mofo vita amin'ny voaloboka aza izy ireo

Nihinana mofo voaloboka na ampempan'aviavy ny olona nandritra ny firavoravoana izay nanompoan'izy ireo ny andriamanitra sandok'izy ireo.

sekely volafotsy dimy ambin'ny folo ho Ahy sy vary hordea homera iray sy tapany

Io no sarany aloa hividianana andevo.

volafotsy dimy ambin'ny folo

"volafotsy 15"

Hosea 3:4

Fa ireo olon'Israely dia hiaina andro maro tsy misy mpanjaka, andrian-dahy, sorona, andry vato, efoda na sampin-trano

Tahaka ny niainan'i Hosea tsy niaraka tamin'ny vadiny satria nijangajanga, dia hiaina tsy hisy mpanjaka sy tsy hanompo an'Andriamanitra ihany koa Israely, satria nanao fanompoan-tsampy.

hitady an'i Yaveh Andriamanitr'izy ireo

Eto ny hoe "hitady" dia midika fa mangataka an'Andriamanitra mba hanaiky azy ireo sy ny fivavahany izy ireo.

Davida mpanjakan'izy ireo

Eto "Davida" dia maneho ny taranak'i Davida rehetra. DH: "taranak'i Davida mba ho mpanjakan'izy ireo"

amin'ireo andro farany

Eto "ireo andro farany" dia ilazana ny fe-potoana amin'ny ho avy. DH: "amin'ny ho avy"

ho avy amin-kovitra eo anatrehan'i Yaveh sy ny hatsarany izy ireo

Eto ny hoe "amin-kovitra" dia ilazana ny fahatairana sy ny fanetre-tena. DH: "hiverina amin'i Yaveh izy ireo ka hanetry tena, hanaja Azy, ary hangataka ny fitahiany"

Hosea 4

Hosea 4:1

Fampahafantarana amin'ny ankapobeny:

Ity toko ity no manomboka ny adin'i Yaveh amin'ireo Israelita tsy mahatoky.

Manao fitoriana amin'ny mponin'ny tany i Yaveh

Ny fanambaran'i Yaveh fa ny vahoakan'Israely dia nanota taminy ary nivadika tamin'ny fanekeny dia resahina toy ny hoe miampanga azy ireo any amin'ny fitsarana Yaveh.

fitoriana

Io dia fitarainana ataon'ny olona iray amin'ny olona iray hafa any amin'ny fitsarana. Jereo ny nandikanao izany ao amin'ny 2:2

Nopotehan'ny vahoaka ny fatotra rehetra

Eto ny "fatotra" dia ilazana ny fetra izay omen'ny lalàna alalana. DH: "Tsy nankatoa ny lalàna tamin'izay mety ho fomba rehetra ny olona"

fandatsahan-drà miampy fandatsahan-drà

Eto ny "fandatsahan-drà" dia ilazana ny "famonoana olona" izay matetika dia maratra ilay lasibatra. DH: "mandatsa-drà aorian'ny iray hafa izy ireo"

Hosea 4:3

Ka mihamaina ny tany

Ilazana ny hai-tany io fomba fiteny io, rehefa tsy misy orana milatsaka mandritra ny fotoana ela.

ketraka

miha-osa ary maty nohon'ny aretina na tsy fahampian-tsakafo

dia esorina

Io dia azo atao hoe DH: "maty"

Hosea 4:4

Fampahafantarana amin'ny ankapobeny:

Miresaka momba an'Israely i Yaveh.

fitoriana

Io dia fitarainana ataon'ny olona iray amin'ny olona iray hafa any amin'ny fitsarana.

aza mamela na iza na iza hiampanga ny hafa

Tsy tokony hisy hiampanga ny hafa ny amin'ny inona na inona satria samy meloka nohon'ny zavatra iray avokoa ny olon-drehetra.

Ho tafintohina ianareo mpisorona

Eto ny hoe "tafintohina" dia midika tsy fankatoavana an'Andriamanitra na mitsahatra tsy matoky Azy mihitsy aza.

ho potehiko ny reninareo

Eto ny "reny" dia manondro ny firenen'Israely. Jereo ny nandikanao izany ao amin'ny 2:2.

Hosea 4:6

Fampahafantarana amin'ny ankapobeny:

Ao amin'ny 4:6, Yaveh dia miresaka amin'ny mpisorona momba ny vahoakan'Israely. Saingy ao amin'ny 47, dia miresaka momba ireo mpisorona Izy, fa tsy amin'izy ireo. Azon'ny mpandika teny ny manaraka ny ohatra ao amin'ny UDB, izay mamaritra an'i Yaveh ho miresaka amin'ny mpisorona ihany koa ao amin'ny 4:7.

Ringana ny oloko nohon'ny tsy fahampian'ny fahalalana

Io dia azo atao hoe DH: "Ringana ny oloko satria ianreo, mpisorona, dia tsy nampianatra tsara azy ireo momba Ahy hany ka tsy mankatoa Ahy izy ireo"

fahalalana

Eto ny "fahalalana" dia ilazana ny fahalalana an'Andriamanitra.

Natakalon'izy ireo henatra ny voninahitr'izy ireo

Ireo mety ho heviny dia 1) Ny "voninahitra" dia ilazana an'i Yaveh, ary ny "henatra" dia ilazana ireo sampy. DH: "Nitsahatra tsy nanompo Ahy, ilay Andriamanitra be voninahitra izy ireo, ary manompo sampy mahamenatra ankehitriny" na 2) ny dikan-teny sasany dia mandika izany hoe "hatakaloko henatra ny voninahiny." Midika izany fa ho esorin'i Yaveh ireo zavatra izay omen'ireo mpisorona voninahitra ary hataony menatra ireo mpisorona.

Hosea 4:8

Fampahafantarana amin'ny ankapobeny:

Manohy miresaka momba ireo mpisorona i Yaveh.

Mihinana ny fahotan'ny vahoakako izy ireo

Rehefa nanota ny olona, dia nanolotra sorona mba hamelan'Andriamanitra azy ireo. Navela hihinana ireo sorona ireo ny mpisorona. Ny fihinanan'ny mpisorona ireo sorona nohon'ny ota ireo dia resahina toy ny hoe tena mihinana ny fahotan'ny olona tokoa izy ireo.

mangetahetan'ny faharatsiany bebe kokoa izy ireo

Tian'ny mpisorona mba hanota bebe kokoa ny olona mba hanoloran'izy ireo sorona mba hohanin'ny mpisorona.

Hitovy ihany ho an'ny vahoaka sy ho an'ireo mpisorona

"Ho faizana amin'ny fomba mitovy ihany ny vahoaka sy ny mpisorona"

ny fanaony

"ny fahazarany" na "ny fitondran-tenany"

Hosea 4:10

Fampahafantarana amin'ny ankapobeny:

Miresaka momba an'Israely i Yaveh.

tsy hitombo

"fa tsy hanan-janaka"

nanalavitra an'i Yaveh izy ireo

Nitsahatra tsy nanompo sy nanaraka an'Andriamanitra ny olona.

nanalavitra an'i Yaveh

Afaka manova ny hoe "Yaveh" ho "Izaho" ny mpandika teny, satria Yaveh ilay miteny.

Hosea 4:11

Fampifandraisana ny foto-kevitra:

Miresaka momba an'Israely i Yaveh.

fijangajangana ara-nofo izy ireo, divay, ary divay vaovao, izay nanala ny fahazavan-tsain'izy ireo

Manao firaisana ara-nofo ivelan'ny fanambadiana ny vahoakan'Israely ary misotro divay be tafahoatra. Amin'ny fanaovana ireo fanaony ireo dia nanadino ny didin'i Yaveh izy ireo. Ireo fihetsika ireo dia resahina toy ny hoe olona izay afaka manakana ny hafa tsy hahalala ny mahazava-dehibe ny fankatoavana an'i Yaveh.

ary ny tapa-kazon'izy ireo nanome faminaniana ho azy ireo

Nampiasa tapa-kazo ireo mpanompo sampy mba hanampy amin'ny filazana ny ho avy. Ny tapa-kazo eto dia resahina toy ny hoe olona izay milaza faminaniana.

Fa namitaka azy ireo ny fanahin'ny fijangajangana

Ny fanompoana sampy sy ny fiaraha-mandry amin'ireo mpivaro-tena eo an-tempoly dia nahatonga faniriana tao amin'ny vahoakan'Israely hanota amin'i Yaveh hatrany tamin'ireo fomba ireo. Eto ny "fanahy" dia resahina toy ny hoe olona izay afaka mandresy lahatra ny hafa tsy hankatoa an'i Yaveh.

namitaka

nandresy lahatra ny olona mba hanota

Hosea 4:13

Fampahafantarana amin'ny ankapobeny:

Miresaka momba an'Israely i Yaveh.

eny an-tampon-tendrombohitra ... havoana

Efa nahazatra an'ireo vahoaka ny mametraka sampy teo amin'ireo toerana ireo, izay nantsoina matetika hoe "toerana avo" ao amin'ny Testamenta Taloha.

mpivaro-tena masina

Ireo dia vehivavy izay nanao firaisana tamin'ny lehilahy izay tonga hanompo ireo sampy sasany. Noraisina ho toy ny fanao masina ho voninahitr'ireo andriamanitra sandoka izany.

Koa ho atsipy any ity vahoaka izay tsy mahalala ity

Haringan'i Yaveh ny firenen'Israely satria tsy mahazo na mankatoa ny didin'Andriamanitra izy ireo.

Hosea 4:15

Fampahafantarana amin'ny ankapobeny:

Miresaka momba an'i Joda sy Israely i Yaveh.

enga anie Joda tsy ho tonga meloka

Fantatr'Andriamanitra ny fahatongavan'Israely ho mpanota ary tsy tiany hanao tahaka izany i Joda.

Aza mandeha any Gilgala, ianao ry vahoaka; aza mandeha miakatra any Betavena

Ampitandremana ireo vahoakan'i Joda mba tsy handeha any amin'ireo tanànan'i Gilgala na Beta mba hanompo sampy eo amin'ireo toerana ireo. Taloha Gilgala dia efa toerana nanompoana an'i Yaveh, saingy lasa toerana fanompoan-tsampy izany.

Betavena

Tanàna iray teo amin'ny fari-tany teo anelanelan'ny fanjakana tavaratr'Israely sy ny fokon'i Benjamina any amin'ny fanjakana tatsimo izany.

tahaka ny ombivavy mafy loha

Ampitahaina amin'ny vantotr'omby vavay izay tsy hankatoa ny tompony Israely.

Ahoana no hitondran'i Yaveh azy ireo eny amin'ny fihinanam-bilona tahaka ny zanak'ondry any amin'ny tanin'ahitra?

Mampiasa fanontaniana i Yaveh mba hanindriana fa tsy afaka manohy mikarakara ny vahoaka Izy satria mafy loha izy ireo. Ny tsy fiahian'i Yaveh ny olony intsony dia resahina toy ny hoe mpiandry ondry izay tsy afaka mitondra ireo zanak'ondriny ho any an-tsaha mba hihinana Izy satria mafy loha ireo. DH: "tsy hiandry vahoaka mafy loha Yaveh." na "Noho izany Yaveh dia tsy hanohy hikarakara azy ireo"

Ahoana no hitondran'i Yaveh

Io dia azo atao hoe DH: "Ahoana no hitondrako"

Hosea 4:17

Fampahafantarana amin'ny ankapobeny:

Miresaka momba an'Israely i Yaveh.

Nampiray ny tenany tamin'ireo sampy i Efraima; avelao ho irery izy

Eto "Efraima" dia manondro ireo olona any amin'ny fanjakana tavaratr'Israely. Nisafidy ny hanompo sampy izy ireo, fa tsy Yaveh. Mandidy an'i Hosea mba tsy hiezaka ny hanitsy azy ireo Yaveh. Tsy hihaino ny vahoakan'Israely.

mankafy fatratra ny henatr'izy ireo ny mpanapany

Tsy menatra ny ataony ireo mpanapaka rehefa manompo sampy ary miala amin'i Yaveh.

Handrakotra azy ireo amin'ny elany ny rivotra

Eto ny "rivotra" dia maneho ny fitsaran'Andriamanitra sy ny fahatezerany amin'ny firenen'Israely. Havelan'i Yaveh haka azy ireo ho babo ny tafika fahavalony.

Hosea 5

Hosea 5:1

Fampifandraisana ny foto-kevitra:

Miresaka momba an'Israely i Yaveh.

Fa efa fandrika tany Mizpa ianao ary harato nivelatra teo amin'ny Tabara

Ny fandrika sy ny harato dia samy zavatra ampiasaina hahazoana haza. Amin'ity toe-javatra ity, ireo mpisorona sy ny fianakavian'ny mpanjaka dia namisavisa fomba ahafahana manalavitra ny olona amin'i Yaveh, ary maningotra azy ireo ho amin'ny fanompoan-tsampy. Mizpa sy Tabara dia toerana fanompoan-tsampy tao amin'ny tanin'Israely.

Ireo mpikomy dia mikiry fatratra amin'ny famonoana

Eto ny "mpikomy" dia manondro ireo rehetra izay niala tamin'i Yaveh, ary ny "mikiry fatratra amin'ny famonoana" dia mety manondro ny famonoana olona tsy manan-tsiny, na ny famonoana biby aterina ho an'ireo sampy.

Ireo mpikomy

Azon'ny mpandika teny aseho amin'ny hoe "Ianareo mpikony" io, satria tena miresaka amin'ireo vahoakan'Israely mpikomy tokoa Yaveh.

amin'ny famonoana

Ny dikan-teny vaovao sasany dia mandika ny teny Hebreo mba hilazana ny faharatsiana.

Izaho no hanasazy azy rehetra ireo

Azon'ny mpandika teny atao ny manao izany hoe "Ho saziako ianareo rehetra."

Hosea 5:3

Fampahafantarana amin'ny ankapobeny:

Miresaka momba an'Israely i Yaveh.

Fantatro Efraima, ary Israely tsy miafina amiko

Eto "Efraima" sy "Israely" dia samy manondro ireo olona izay mipetraka any amin'ny fanjakana tavaratr'Isrely. Eto Andriamanitra dia milaza fa fantany hoe toy ny ahoana izy ireo ary inona no ataony.

Ry Efraima, ankehitriny ianao dia tonga toy ny mpivaro-tena

Toy ny hoe mpivaro-tena no anehoana an'i Efraima satria lasa tsy nahatoky tamin'Andriamanitra ny olona, tahaka ny mpijangajana izay tsy mahatoky amin'ny izay lehilahy rehetra.

satria ny fanahin'ny fijangajangana no ao amin'izy ireo

Midika izany fa manam-paniriana ny tsy hahatoky amin'Andriamanitra izy ireo. Te hanompo sampy izy ireo.

hiverina amin'Andriamanitra ... tsy fantatr'izy ireo Yaveh

Azon'ny mpandika teny atao ny manao izany hoe "hiverina amiko ... tsy mahafantatra Ahy izy ireo." na "hiverina amiko ... tsy mahafantatra Ahy, Yaveh izy ireo."

ary tsy fantatr'izy ireo Yaveh

Tsy mankatoa an'i Yaveh amin'izay mety ho fomba rehetra intsony Israely. Tsy manaiky an'i Yaveh ho Andriamaniny izy ireo.

Hosea 5:5

Fampahafantarana amin'ny ankapobeny:

Miresaka momba an'Israely i Yaveh.

Ny fireharehan'Israely dia vavolombelona manohitra azy

Ny "fireharehana" dia faritan'ity ho toy ny olona izay mijoro vavolombelona manohitra an'Israely any amin'ny fitsarana. Ny toera feno fieboeboan'izy ireo sy ny fitondran-tenany dua mampiseho fa meloka nohon'ny tsy fankatoavana an'i Yaveh intsony izy ireo.

koa ho tafintohina amin'ny fahamelohan'izy ireo Israely sy Efraima; ary Joda ihany koa dia ho tafintohina miaraka amin'izy ireo

Ho lasa tsy mpakatoa an'Andriamanitra tanteraka ireo fanjakana roa nohon'ny fieboeboan'izy ireo sy ny fahotany.

Tsy nahatoky an'i Yaveh izy ireo, fa niteraka zaza tsy araka ny lalàna izy ireo

Ireo mety ho heviny dia 1) midika izany fa nanambady olona avy any amin'ny firenen-kafa ireo Israelita ary manan-janaka amin'izy ireo na 2) midika izany fa tsy nahatoky tamin'i Yaveh ireo ray aman-dreny Israelita ary nampianatra ny zanany hanompo sampy.

ankehitriny ny firavoravoan'ny voaloham-bolana no handevona azy ireo mbamin'ireo sahany

Tokony hanao fankalazana ireo vahoakan'Israely mandritra ny volana vaovao. Eto ity fiteny ity dia toa mamaritra ny firavoravoan'ny voaloham-bolana ho biby izay hihinana ny vahoaka sy ny sahany. Na izany aza, sarotra ny mandika io fiteny io; maro ny dikan-teny mandika izany fa tsy dia manisy hevitra loatra. Na eo aza izany, ny fehin-kevitra amin'izany dia azo antoka fa hanafay ny vahoaka nohon'ny tsy fahatokiany aminy Yaveh.

Hosea 5:8

Fampahafantarana amin'ny ankapobeny:

Miresaka momba an'Israely i Yaveh.

Tsofy ao Gibea ny anjomara, ary ao Rama ny trompetra

Eto ny "anjomara" sy "trompetra" dia mitovy hevitra ihany. Io didy io dia omena ny olon'i Gibea sy Rama mba hanindriana fa tamy fahavalo.

Manaova hiakiakan'ady ao Betavena hoe: 'Hanaraka anao izahay ry Benjamina!'

Io dia mety hoe fangatahana mba hitarihan'ireo miaramila ao amin'ny fokon'i Benjamina ny olona ho any an'ady. Saingy ny dikan-teny vaovao dia manao ezaka samihafa handikana io fiteny io.

Betavena

Tanàna iray teo amin'ny fari-tany teo anelanelan'ny fanjakana tavaratr'Israely sy ny fokon'i Benjamina any amin'ny fanjakana tatsimo izany. Jereo ny nandikanao izany ao amin'ny 4:15.

Teo amin'ireo fokon'Israely no nanambarako izay tsy maintsy hitranga

"Hataoko amin'ireo fokon'Israely izay nambarako"

Hosea 5:10

Fampahafantarana amin'ny ankapobeny:

Miresaka momba an'i Joda sy Israely i Yaveh.

Ireo mpitarik'i Joda dia toy ireo izay mamindra fefy vato

Ny "mamindra fefy vato" dia ilazana ny famindrana ny mari-tany izay nanamarika ny fetran'ny tany sasany, izay heloka teo amin'ny lalàn'ny Israelita.

Hararako toy ny rano amin'izy ireo ny fahavinirako

Ny fahatezeran'i Yaveh amin'i Joda dia ho tahaka ny rano lehibe mandriaka izay hamotika azy ireo. Ao amin'ny soratra masina, ny toetoetra ara-moraly sy fihetseham-po matetika dia resahina toy ny hoe rano.

Torotoro Efraima; torotoron'ny fitsarana izy

Natao indroa io teny io mba ho fanamafisan-kevitra. Eto ny "Efraima" dia manondro ireo olona ao amin'ny fanjakana tavaratr'Israely. DH: "Ho faiziko mafy ireo vahoakan'Israely"

hanaraka sampy

Eto ny hoe "manaraka" dia maneho hevitra fanompoana.

sampy

Ny teny Hebreo izay nadika hoe "sampy" eto dia tsy hay mazava ny heviny, ary izany dia adikan'ny dikan-teny vaovao amin'ny fomba maro samihafa.

Hosea 5:12

Fampahafantarana amin'ny ankapobeny:

Miresaka momba an'i Joda sy Israely i Yaveh.

ho toy ny kalalao amin'i Efraima Aho, ary tahaka ny bobongolo amin'ny ankohonan'i Joda

Ny kalalao eo amin'ny ravin-damba sy ny bobongolo eo amin'ny hazo sia samy manimba. Samy ho potehin'i Yaveh ireo firenena ireo.

kalalao ... bobongolo

adika amin'ny fomba samihafa ireo teny roa ireo satria tsy mazava tsara na mivelatra be ny hevitry amin'ny teny Hebreo.

Rehefa hitan'i Efraima ny aretiny, ary hitan'i Joda ny ratrany

Samy nahalala fa tandindonin-doza na i Efraima (ilay fanjakana tavaratr'Israely) na Joda (ilay fanjakana tatsimon'Israely).

ia nandeha tany Asyria i Efraima, ary Joda nandefa mpitondra hafatra ho any amin'ilay mpanjaka lehibe

Nangataka fanampiana tamin'i Asyria i Efraima sy Joda fa tsy nangataka tany amin'i Yaveh. Ny "mpanjaka lehibe" dia fiantsoana ilazana ny mpanjakan'i Asyria.

Fa tsy afaka ... izy

Eto "izy" dia manondro ny mpanjakan'i Asyria

Hosea 5:14

Fampahafantarana amin'ny ankapobeny:

Miresaka momba an'i Joda sy Israely i Yaveh.

Koa ho toy ny liona amin'i Efraima Aho

Hanenjika sy hamely an'i Efraima tahaka ny liona Yaveh.

ary ho toy ny liona tanora amin'ny ankohonan'i Joda

Ho entin'i Yaveh tahaka izany i Joda. Mampiseho tsy fahafaliana amin'ny fanjakana tavaratra sy tatsimo Yaveh.

Izaho, eny Izaho

Tsindrian'i Yaveh fa Izy ilay iray izay manao ny fitsarana amin'ny vahoakany.

no hamiravira

Tahaka ny liona mamiravira ny biby hohaniny, dia toy izany no hamiraviran'i Yaveh ny olony lavitry ny fonenany sy ny taniny.

Handeha Aho ary hiverina any amin'ny toerako

Handao ny olony mpikomy Yaveh.

ka hitady ny tavako

miezaka mankeo amin'ny fanatrehan'Andriamanitra amin'ny fivavahana sy sorona. DH: "ary hangataka Ahy hihaino azy ireo"

Hosea 6

Hosea 6:1

Fampifandraisana ny foto-kevitra:

Miaiky ny filan'izy ireo mibebaka ny vahoakan'Israely.

Fa efa nanorotoro antsika Izy ... nandratra antsika Izy

Nofaizin'Andriamanitra ny vahoakan'Israely satria tsy nankatoa Azy sady nanompo sampy.

hanasitrana antsika .... hamehy ny ferintsika

Mino Israely fa hamindra fo amin'izy ireo Andriamanitra rehefa mibebaka izy ireo ary hanafaka azy ireo amin'ny fahoriany Izy.

Afaka roa andro dia hamelona antsika indray Izy; hanangana antsika Izy amin'ny andro fahatelo

Io dia manondro fe-potoana fohy. Mino Israely fa ho avy malaky hanavotra azy ireo amin'ny fahavalony Yaveh.

roa andro ... andro fahatelo

"2 andro ... andro faha 3"

Aoka hahafantatra an'i Yaveh isika

Eto ny hoe "hahafantatra" dia tsy midika fianarana ny toetra sy ny lalàn'Andriamanitra fotsiny, fa fahatongavana ho mahatoky aminy ihany ko.

Ny fiposahany dia azo antoka tahaka ny mangiran-dratsy

Ho avy hanampy ny olony tahaka ny tsy maintsy hiposahan'ny masoandro amin'ny maraina Yaveh.

Hosea 6:4

Fampifandraisana ny foto-kevitra:

Miteny Yaveh.

inona no hataoko miaraka aminao?

Asehon'Andriamanitra fa ny vita hatreo faharetany ary ny fitsarana sisa no tavela. DH: "sarotra ny mahalala ny tokony hatao aminareo!"

Koa notapahiko ho potika tamin'ny alalan'ireo mpaminany izy ireo

Amin'ny alalan'ireo mpaminaniny, Yaveh dia nanambara fandringanana tamin'ny fireneny mpikomy. Ny fandringanana, izay antsoina hoe "fikapakapana" eto, dia azo antoka tahaka ny fanamelohana.

Ireo lalànao dia toy ny hazavana izay mamirapiratra

Eto Hosea mpaminany dia miresaka amin'Andriamanitra. Ny mety tiany ho lazaina dia rehefa mandidy ny ahafatesan'ny olona iray ho famaizana Andriamanitra, dia tahaka ny varatra izay mipoaka. Na ny mety tiany ho lazaina dia mamela ny olona hahalala ny marina ny didy, tahaka ny fahazavana izay mahatonga ny zavatra ho hita.

Ireo lalànao

"Ireo lalàn'i Yaveh"

Hosea 6:6

Fampahafantarana amin'ny ankapobeny:

Miteny Yaveh.

Fa fahatokiana no iriako fa tsy sorona

Io firafitry ny fehezanteny io amin'ny teny Hebreo dia maneho ny hevitry ny hoe "mihoatra noho ny," tahaka ny asehon'ny andalan-teny faharoa ("ary ny fahafantarana an'Andriamanitra noho ny fanatitra dorana"). DH: "Fa fahatokiana no iriako mihoatra noho ny sorona"

Toa an'i Adama

Ireo mety ho heviny dia 1) manondro an'i Adama, ilay lehilahy voalohany io na 2) io dia fibangoan-teny ilazana ireo olona izay monina ao amina tanàna ao Israely izay antsoina hoe Adama. DH: "Tahaka ny vahoaka ao amin'ny tanànan'i Adama" na 3) manondro ny olona amin'ny ankapobeny io. Ny teny hoe "Adama" dia midika hoe "olona" na "olombelona." DH: "tahaka ny olombelona rehetra"

Hosea 6:8

Fampahafantarana amin'ny ankapobeny:

Miteny Yaveh.

Gileada dia tanànan'ny ... dian-tongotra mihoson-drà

Ny hoe "dian-tongotra mihoson-drà" dia mety ilazana ireo mpanao ratsy sy ny famonoany olona.

no hikambanan'ireo andiana mpisorona hamono olona any amin'ny lalana mankany Sekema

Tsy hay izay tondroin'io. Tena meloka nohon'ny famelezana olona teny an-dalana mankany Sekema tokoa ve ireo mpisorona, izay ivon'ny fivavahana sy ny politika lehibe? Sa ambaran'ny mpaminany ve fa "namono" ny fahalalana sy ny fanompoana marina an'i Yaveh ireo mpisorona? Tsara ny mandika ity fiteny ity amin'ny fomba mivelatra araka izay azo atao.

Hosea 6:10

Fampahafantarana amin'ny ankapobeny:

Miteny Yaveh.

ny fivarotan-tenan'i Efraima

Eto ny "fivarotan-tena" dia ilazana ny fanompoan'i Efraima ireo andriamanitra sandoka.

Israely dia nanjary naloto

Lasa tsy azo ekena amin'Andriamanitra i Israely nohon'ny ataony.

Fa ho anao ihany koa, ry Joda, dia efa voatondro ny fotoam-pijinjana

Io dia azo atao hoe DH: "Efa nanendry fotoam-pijinjana ho anao ihany koa Aho, ry Joda"

fotoam-pijinjana

Eto ny "fijinjana" dia ilazana ny fitsarana faran'Andriamanitra eo amin'Israely sy Joda.

haren'ny

fanambinana sy filaminana

Hosea 7

Hosea 7:1

Fampahafantarana amin'ny ankapobeny:

Miteny Yaveh.

te-hanasitrana an'Israely Aho

Ny fampakatoavana an'Israely an'Andriamanitra sy ny fanaovana azy ho mpandray ny fitahiany dia resahina toy ny hoe fanasitranana.

satria mamitaka izy ireo

Mivarotra vokatra amin'ny fomba tsy marina ny olona.

andiana mpandroba

Izany dia vondron'olona izay mamely ny hafa tsy ahoan-tsy ahoana.

mihodidina eo amin'izy ireo ny asany

Ny asa ratsin'ny olona dia mety ho resahina toy ny hoe olona hafa izay vonona ny hiampanga azy ireo ny amin'ny helony.

manoloana ny tavako ireo

Ny "tava" dia maneho ny fanatrehan'Andriamanitra, na ny fahafantaran'Andriamanitra. Ireo "vavolombelona," izany hoe, ireo asa ratsy, dia eo amin'ny fanatrehan'Andriamanitra mba hitondra ny fiampangany.

Hosea 7:3

Fampahafantarana amin'ny ankapobeny:

Miteny Yaveh. Tsy mazava tsara ny lahatsoratra Hebreo any amin'ny toerana samihafa. Na izany aza, maro ny olona no mandika izany ho toy ny mamaritra an'ireo manam-pahefan'ny mpanjaka ho tsy mahatoky amin'Andriamanitra, ary mitetika ny hamono ny mpanjaka ihany koa, ary avy eo dia manatanteraka ny tetiny. Toa efa nitranga tsy indray tsy indroa izany. Ireo heloka ireo dia ambara mba ho ohatra fanehoana ny faharatsiana izay mandifotra ny firenena.

Izy rehetra dia mpijangajanga

Nanao fijangajangana ara-panahy tamin'ny fanompoan-tsampy sy ny tsy fahatokiana tamin'i Yaveh ny olona. Mety ho nampirafy ny vadiny tamin'ny fiarahana tamin'olon-kafa ihany koa izy ireo.

tahaka ny lafaoro nafanain'ny mpanao mofo

Midika izany fa nanam-paniriana mafy ny hanao ratsy ny olona. DH: "tahaka ny fatana izay hafanain'ny mpanao mofo"

famolavolana ny foto-koba

Isan'ireo dingana fanaovana mofo izany.

Tamin'ny andron'ny mpanjakantsika

Mety ho firavoravoana nataon'ny mpanjaka izany.

Naninjitra ny tanany

Mety midika fikambanana na fiombonana amin'ny olona iray. Midika izany fa mikambana amin'ny manam-pahefany mba hanisratsira ireo zavatra tsy tokony hamavoina, eny na Andriamanitra mihitsy aza ny mpanjaka.

Hosea 7:6

Fampahafantarana amin'ny ankapobeny:

Faritana eto ny fanaovan'ireo manam-pahefana tetika. Ny hatezeran'izy ireo no manosika azy hamono ny mpanjaka.

Fa amin'ny fo toy ny lafaoro

Midika izany fa tahaka ny firehitry ny afo ao am-patana, no fanirian'ireo olona ireo mafy any anatiny.

Mirehitra ... ny fahatezeran'izy ireo

Ny teny hoe "mirehitra" dia midika hoe misy zavatra mirehitra tsimoramora tsy misy lela afo. DH: "Mitombo tsimoramora ny hatezerany"

mirehitra toy ny afo midedadeda izany

Ny haben'ny fahatezeran'izy ireo dia resahina toy ny hoe afo mahamay tokoa. DH: "miha-henjana tokoa izany"

Izy rehetra dia mafana tahaka ny lafaoro

Io dia mampitaha ny hatezeran'izy ireo amin'ny hafanana avy amin'ny lafaoro.

mandrapaka ireo izay manapaka eo amin'izy ireo

Toa midika izany fa mamono ny mpanjaka ireo manam-pahefan'ny fitsarana.

Hosea 7:8

Fampahafantarana amin'ny ankapobeny:

Miteny Yaveh.

Nifangaro tamin'ireo olona i Efraima

Mety hilazana ny ezaka nataon'ireo mpanjakan'ny fanjakana tavaratra mba hikambanana amin'ny firenena hafa ho fiarovana amin'ny fanafihana io.

Mofomamy fisaka izay tsy mbola navadika i Efraima

Eto ny hoe "Efraima" dia manondro ny fanjakana tavaratr'Isarely. Malemy io firenena io, tahaka ny mofo fisaka izay tsy nataon'ny mpanao mofo nisosona tao am-patana mba ho mafy kokoa. DH: "Tahaka ny mofo izay tsy nisy namadika ny vahoakan'i Efraima"

Volo fotsy no mifafy eo aminy

Eto ny "volo fotsy" dia ilazana ny fahanterana.

nefa tsy fantany izany

Na eo aza izany, io "fahanterana" io dia mazava fa fomba ilazana fa miha-osa hatrany ny fanjakana tavaratr'Israely, satria tsy hain'ilay firenena fa "antitra" izy.

Hosea 7:10

Fampahafantarana amin'ny ankapobeny:

Miteny Yaveh.

Ny avonavon'Israely dia vavolombelona miampanga azy

Izany dia mamaritra ny "avonavona" ho tahaka ny olona izay mijoro vavolombelona miampanga ny vahoakan'Israely eo amin'ny fitsarana.

na nitady Azy

Ny tsy firaharahian'Israely an'i Yaveh dia resahina toy ny hoe very Izy ary tsy niezaka ny hitady Azy izy ireo. DH: "na niezaka ny hisarika Azy hihaino azy ireo"

na dia teo aza izany rehetra izany

Eto "izany" dia manondro an'Andriamanitra mamela ny vahiny handresy azy ireo ka hahatonga azy ireo ho osa.

Efraima dia toy ny voromailala, minomino foana ary tsy misy saina

Ny voromailala dia noheverina ho vorona adaladala.

Egypta ... Asyria

Firenena matanjaka izay azon'Israely nangatahana fanampiana ireo.

Hosea 7:12

Fampahafantarana amin'ny ankapobeny:

Miteny Yaveh.

ho velariko eo amin'izy ireo ny haratoko

Fomba fihazana vorona izany. Manohy mampitaha ny olon'Israely amin'ny voromailala Yaveh. Rehefa mankany Egypta na Asyria hitady fanampiana izy ireo, dia ho faiziní Yaveh.

hampidiniko toy ny voron'ny lanitra izy ireo

Miresaka momba ny fomba hitsarany an'Israely tahaka ny vorona izay ho azony ao anaty harato Yaveh. DH: "Hihaza azy ireo tahaka ny vorona Aho" na "Ho azoko tahaka ny fahazoan'ny mpihaza vorona izy ireo"

amin'ny firohotany

Manitatra ilay fampitahana momba ny vorona io fiteny io.

Hosea 7:14

Fampahafantarana amin'ny ankapobeny:

Miteny Yaveh.

midradradradra eo am-pandriany

Efa nahazatra an'ireo mpanompo sampy ny mihinana sakafo ara-pomba eo am-pipetrahana eo am-pandriana.

ary mivily miala Amiko

Eto ny tsy fanompoana an'Andriamanitra intsony dia resahina toy ny hoe miala aminy. DH: "ary tsy manompo Ahy intsony"

Na dia nampianatra azy ireo sy nanamafy ny sandriny aza Aho

Mety ho sarinteny amin'ny maha-miaramila io, izy hampianaran'Andriamanitra an'ireo Israelita hitia Azy sy hankatoa Azy, ary resahina toy ny hoe manofana ny olony ho amin'ny ady Izy.

Hosea 7:16

Fampahafantarana amin'ny ankapobeny:

Miteny Yaveh.

Toy ny tsipìka miraviravy izy ireo

Izany hoe, tsy misy tady fitifirana ny tsipìka, na tsy mihinjitra izany.

nohon'ny fitenenam-poan'ireo lelany ny manam-pahefan'izy ireo

Eto ny "lela" dia ilazana izay lazain'ireo manam-pahefana. DH: "satria maniratsira Ahy izy ireo" na "satria manozona Ahy izy ireo"

Izany no ho zary fanesoan'izy ireo ao amin'ny tany Egypta

"Izany no antony hanesoan'i Egypta sy hiomehezany an'Israely"

Hosea 8

Hosea 8:1

Fampahafantarana amin'ny ankapobeny:

Miresaka momba ny fiavian'ny tafika Asyriana hanafika ny fanjakana tavaratra Yaveh.

Misy voromahery tonga eo amin'ny tranon'i Yaveh

Ny voromahery, izay vorona mpihaza, matetika dia ilazana ireo fahavalon'Israely. DH: "Tahaka ny fihazan'ny voromahery ny biby hafa, no hiavian'ny fahavalon'Israely hambabo ny oloko"

nandika ny fanekeko

Eto ny hoe "nandika" dia midika hoe "tsy nankatoa."

mahafantatra Anao.

"mahatoky aminao"

Hosea 8:4

Fampahafantarana amin'ny ankapobeny:

Miteny Yaveh.

nefa izany dia mba hamongorona azy ireo ihany

Io dia azo atao hoe DH: "fa ho ringaniko ireo olona no ho vokatr'izany"

Nolavina ny zanak'ombinao, ry Samaria

Ireo mety ho heviny dia 1) ilay mpaminany no miteny na 2) Yaveh no mitny. DH: "Izaho mihitsy no nandà ny zanak'ombinao, ry Samaria"

ny zanak'ombinao

Jeroboama Faharoa mpanjaka'Israely dia nanao sampy volamena izay miendrika zanak'omby ary nametraka izany mba hanompoan'ireo vahoakan'ny fanjakany azy. Resahin'i Yaveh toy ny hoe ilay zanak'omby mihitsy ny fivavahan'izy ireo. DH: "anao satria manompo sampy zanak'omby ianao"

Mirehitra amin'ireo olona ireo ny fahatezerako

Matetika ny fahatezerana dia resahina toy ny hoe afo. DH: "Tezitra mafy amin'ireo olona ireo Aho"

Fa mandra-pahoviana no hijanona ho meloka?

Mametraka io fanontaniana io Yaveh mba hanehoana ny fahatezerany amin'ny fahalotoan'ny vahoakany. "Tezitra amin'ireo olona ireo Aho satria tsy mba manam-paniriana ny ho tsy manan-tsiny izy ireo."

Hosea 8:6

Fampahafantarana amin'ny ankapobeny:

Miteny Yaveh.

Fa ny olona mamafy rivotra dia mijinja tadio

Ny mamafy na mamboly rivotra dia manao zavatra amin'ny tsy misy dikany na amin'ny fomba mamotika. Ny hoe mijinja tadio dia mizaka ny loza avy amin'ny zavatra iray izay natao.

Tsy misy salohiny ny vary maniry eny an-tsaha

Ny "salohy" dia ilazana ny ampahany eo amin'ny zava-maniry izay anirian'ny voa. Ny taho tsy misy salohiny dia tsy manana na inona na inona homena ny mpamboly. Tahaka izany ihany, tsy mba hitondra voka-tsoa ny ataon'Israely.

Raha tonga matoy izany, dia handrapaka izany ny vahiny

Raha misy miafara amin'ny zavatra tsara ny iray amin'izay ataon'Isarely, dia ho avy ka haka izany amin'izy ireo ny fahavalon'Israely.

Hosea 8:8

Fampahafantarana amin'ny ankapobeny:

Miteny Yaveh.

voatelina Israely

Ny hoe "voatelina" dia midika ho resy na nalaina ho babo. Io dia azo atao hoe DH: "Nentin'ireo fahavalon'Israely tany an-tany hafa ireo Israelita"

tahaka ny ampondra-dia mandeha irery

Matetika ny olona dia mihevitra ny ampondra ho mafy loha. Midika izany fa tsy nanaiky hihaino an'i Yaveh ny vahoakan'Isarely fa nandeha tany amin'ny vahoakan'Israely hitady fanampiana kosa.

Na dia efa nanakarama olon-tiana eo amin'ireo firenena aza izy ireo

Ny fiaraisan'i Efraima tamin'ny firenena hafa dia resahina toy ny hoe nanakarama azy ireo ho lasa mpivaro-tena ho an'i Efraima izy ireo. DH: "Niezaka nanakarama firenena hafa hiaro azy ireo ny vahoakan'Israely"

nohon'ny fampahorian'ny mpanjakan'ireo andrian-dahy

Izany hoe, satria hampijaly ny olona ny mpanjaka Asyriana, izay antsoina ihany koa hoe "ilay Mpanjaka Lehibe."

Hosea 8:11

Fampahafantarana amin'ny ankapobeny:

Miteny Yaveh.

Afaka nanoratra ny lalàko indray alina ho azy ireo Aho

Midika izany fa efa nomen'i Yaveh an'Israely tamin'ny alalan'ireo mpaminany ny lalàny ary nambarany tamin'izy ireo efa impiry izay nandrasany tamin'izy ireo.

indray alina

"10.000"

Hosea 8:13

Fampahafantarana amin'ny ankapobeny:

Miteny Yaveh.

Hiverina any Egypta izy ireo

Nohon'ny amin'ny fahotan'izy ireo, dia halefan'Andriamanitra lavitra ho andevon'ireo Egyptiana ny olony.

Hosea 9

Hosea 9:1

Fampahafantarana amin'ny ankapobeny:

Miteny i Hosea mpaminany.

Fa ny famoloana sy ny famiazana dia tsy hamahana azy ireo

Izany dia mamaritra ny famoloana sy ny famiazam-boaloboka toy ny hoe olombelona izay mamahana olona iray. Midika izany fa tsy hanome voa ampy ho kororohina ahazoana izay ilain'ny olona ny fijinjana, ary tsy hanome voaloboka ho fiazina hanaovana divay betsaka izany.

ny famoloana

Ireo dia faritra lehibe izay tsy natao hamoloana vary fotsiny ihany, fa hanaovan'ny fiaraha-monina ireo fombam-pivavahana ihany koe. Ireo mpivaro-tena teo an-tempoly dia tonga teo mba hanampy ireo lehilahy hankalaza ny firavoravoan'ny fijinjana ho an'ny sampy.

handiso fanantenana azy ireo ny divay vaovao

Tsy hisy ranom-boaloboka ampy hanaovana divay.

Hosea 9:3

Fampahafantarana amin'ny ankapobeny:

Miteny i Hosea mpaminany.

tanin'i Yaveh

Ity fiteny ity dia manamarika fa mandray ny tanin'Israely ho fananany hatrany Yaveh, fa tsy fananan'ireo Israelita.

sakafo maloto

Izany dia sakafo izay lavin'ireo Israelita tsy hohanina tsotra izao satria hahatonga azy ireo ho tsy azo ekena amin'i Yaveh izany.

Ho toy ny sakafon'ny mpisaona aminy ny soron'izy ireo

Eto ny hoe "sakafon'ny mpisaona" dia ilazana izay hohanin'ny olona rehefa misaona satria naloto sady tsy azo ekena amin'Andriamanitra izy ireo. Midika izany fa raisin'i Yaveh ho maloto ny soron'ny vahoaka ary tsy ho ekeny.

Fa ny sakafon'izy ireo dia ho azy ireo irery ihany; tsy hiditra ny tranon'i Yaveh izany

Hanana sakafo hohanina ireo vahoakan'Israely, saingy tsy ho raisin'i Yaveh ho sorona izany.

tsy hiditra ny tranon'i Yaveh izany

Ny sakafo maloto dia resahina toy ny hoe afaka mifindra toerana ho azy izany. Mazava ho azy, tsy maintsy nentin'ny olona niaraka taminy izany.

Hosea 9:5

Fampahafantarana amin'ny ankapobeny:

Miteny i Hosea mpaminany.

Inona no ho ataonareo amin'ny andron'ny firavoravoana voatondro, amin'ny andron'ny firavoravoana ho an'i Yaveh?

Ampiasain'i Hosea io fanontaniana io mba hanindriana fa tsy ho afaka hitandrina ny firavoravoana intsony ny olona rehefa mandresy azy ireo ka maka azy ireo ho babo ny fahavalony. DH: "Tsy ho afaka ny hitandrina ny firavoraoana izay notendren'i Yaveh ho anareo ianareo"

andron'ny firavoravoana voatondro ... ny andron'ny firavoravoana ho an'i Yaveh

Samy mitovy hevitra ihany ireo.

raha afa-mandositra amin'ny fandringanana izy ireo

Eto "izy ireo" dia manondro ny vahoakan'Israely. DH: "raha tafandositra ianareo"

dia hanangona azy ireo Egypta, ary handevina azy ireo i Memfisa

Egypta sy Memfisa dia manondro ireo olona izay monina ao. DH: "hambabo anareo ny tafik'i Egypta. Ho faty eto ianareo, ary ny olona ao amin'ny tanànan'i Memfisa no handevina anareo"

Raha ny amin'ireo harena volafotsin'izy ireo—ho lasan'ny tsilo maranitra ireo

Ny tsilo maniry eo amin'ny toerana nitehirizan'ny Israelita ny volafotsiny dia resahina toy ny hoe olona fahavalo izay haka ny fananan-tsarobidin'ireo Israelita ho azy manokana. DH: "Haniry eo amin'izay hitehirizan'izy ireo ny harena volafitsiny ny tsilo maranitra"

ho lasan'ny tsilo maranitra ireo, ary hameno ny lain'izy ireo ny tsilo

Eto ny "tsilo maranitra" sy "tsilo" dia mitovy hevitra ihany. Ny fisian'ny tsilo maniry dia maneho tany izay lasa lao ary tahaka ny tany efitra.

ny lain'izy ireo

Eto ny "lay" dia maneho ny fonenan'ireo Israelita.

Hosea 9:7

Fampahafantarana amin'ny ankapobeny:

Miteny i Hosea mpaminany.

Ho tonga ny andro famaizana; tonga ny andro famaliana.

Milaza ireo teny roa mitovy ireo i Hosea mba hanindriana fa hitsara ny vahoakan'Israely nohon'ny asa ratsiny tsy ho ela Yaveh.

Adala ny mpaminany, ary very saina ny olona manana aingam-panahy

Mitovitovy hevitra ihany ireo andian-teny roa ireo. Ireo mety ho heviny dia 1) noraisin'ny olona ho adala ireo mpaminany na 2) lasa adala ireo mpaminany nohon'ny fahotana izay nataon'ny olona.

Adala ny mpaminany, ary very saina ny olona azon-tsindrimandry

Eto ny "mpaminany" sy ny "olona azon-tsindrimandry" dia midika olona izay milaza fa mahazo hafatra avy amin'Andriamanitra. Ny hevitra ambadik'izany dia mpaminany sandoka ireo olona ireo ary nihevitra ho nahazo hafatra avy amin'Andriamanitra fotsiny.

nohon'ny helokareo lehibe sy fandrafianareo lehibe

Ny andian-teny hoe "heloka lehibe" sy "fandrafiana lehibe" dia mitovy hevitra ihany. Ny helok'ireo olona ireo dia niseho tamin'ny fandrafiana an'i Yaveh sy ireo mpaminaniny.

Hosea 9:8

Fampahafantarana amin'ny ankapobeny:

Miteny i Hosea mpaminany.

Ny mpaminany no mpiambina an'i Efraima ho an'ny Andriamanitro

Ny "mpiambina" dia mitazana any ivelan'ny tanàna hijery raha misy loza tamy. Ny mpaminany mampitandrina ny olona rehefa manota sy ambava-lozan'ny ho faizin'ny Andriamaniny dia resahina toy ny hoe mpiambina ny tanàna. DH: "Tahaka ny mpiambina eo amin'ny Efraima ho an'Andriamanitra ny mpaminany"

Ny mpaminany no mpiambina an'i Efraima ho an'ny Andriamanitro

Ny dikan-teny sasany dia maandika io andalan-teny io hoe "Mpiambina an'i Efraima ny mpaminany miaraka amin'ny Andriamanitro"

Ny mpaminany no

Ilazana ny mpamianany amin'ny ankapobeny izay notendren'i Yaveh io. DH: "Ireo mpaminany no" na "ireo mpaminany marina no"

Efraima

Eto "Efraima" dia manondro ny vahoakan'Israely rehetra.

Fa misy fandri-borona amin'ny lalany rehetra

Ny "fandri-borona" dia fandrika ampiasaina ahazoana vorona. Midika izany fa ny vahoakan'Israely dia manao izay rehetra vitany mba hanakanana ny mpaminanin'i Yaveh. DH: "mamela-pandrika ho azy na aiza na aiza alehany" na "manao izay rehetra vitany ny vahoaka mba hanisiana ratsy azy"

Efa nanimba toetra fatratra toy ny tamin'ny andron'i Gibea izy ireo

"Nanota ny vahoakan'Israely ary lasa simba toetra tokoa tahaka azy ireo tany Gibea fahiny." Mety fanehoana ny fihetsika manafintohina nataon'ny fokon'i Benjamina naverina notantaraina tao amin'ny Mpitsara 19-21 izany.

Hosea 9:10

Fampahafantarana amin'ny ankapobeny:

Miteny Yaveh.

Rehefa nahita an'Israely Aho

Manondro ny fotoana izay nanombohan'i Yaveh ny fiarahanany tamin'ny vahoakan'Israely tamin'ny fanambarana azy ireo ho olony manokana io.

dia toy ny hoe nahita voaloboka tany an'efitra. Toy ny voaloham-boan'ny fotoanan'ny aviavy

Ireo fanambarana roa ireo dia samy manindry mafy ny toe-javatra izay ankasitrahan'i Yaveh. Midika izany fa faly tokoa Andriamanitra fony vao nanomboka ny fiarahany tamin'ny vahoakan'Israely.

Bala-peora

Io dia anaran-tendrombohitra any amin'ny tanin'i Moaba izay nanompoana an'i Bala andriamanitra sandoka.

Hosea 9:11

Fampahafantarana amin'ny ankapobeny:

Miteny Yaveh.

dia hanidina toy ny vorona ny voninahitr'izy ireo

Ho very avokoa ny zava-drehetran'ny vahoakan'i Efraima, na ny fanjakana tavaratr'Israely, izay mahatonga ny firenena hafa hanaja azy ireo. Hanjavona vetivety ny voninahiny, tahaka ny vorona lasa misidiana. DH: "ho tahaka ny vorona izay lasa misidina ny voninahitr'izy ireo"

rehefa mivadika amin'izy ireo Aho

Rehefa mitsahatra tsy manampy ny fanjakana tavaratra Andriamanitra, dia ho tahaka ny hoe niala mivantana tamin'izy ireo Izy.

Hosea 9:13

Fampahafantarana amin'ny ankapobeny:

Miteny i Hosea mpaminany.

Efa nahita an'i Efraima Aho, tahaka an'i Tyro, nambolena teo amin'ny tanin'ahitra

Ny hoe "nambolena" dia ilazana ny fipetrahana amin'ny toerana milamina. DH: "Efa tsara tarehy sy nahafinaritra tahaka ny tanànan'i Tyro ny firenen'Israely taloha, tahaka ny hazo izay nambolen'ny olona teny amin'ny tanin'ahitra"

fa Efraima dia hitondra ireo zanany ho any

Ny "zanany" dia ireo olona avy ao amin'izany firenena izany. DH: "saingy hitondra ireo zanany ho any ... ny vahoakan'Israely"

Omeo izy ireo, ry Yaveh—inona no homenao azy ireo

Mampiasa fanontaniana i Hosea mba hanindriana fa tiany mba hanome ny vahoakan'Israely izay mendrika azy ireo Yaveh. DH: "Izao no angatahiko aminao, ry Yaveh, dia ny hanome azy ireo: omeo izy ireo"

nono izay tsy manome ronono

Ny hoe "tsy manome ronono" dia midika fa tapitra aloha loatra ny fitondrana vohoka ary maty ilay zaza. Mangataka ny mba hanaovana ny vehivavin'ny firenena rehetra tahaka izany.

Hosea 9:15

Fampahafantarana amin'ny ankapobeny:

Miteny Yaveh.

ho roahiko hivoaka ny tranoko izy ireo

Ambaran'i Yaveh fa hanery an'Israely hivoaka ny taniny, dia ny tany Kanana i Yaveh.

ireo manam-pahefan'izy ireo

ireo lehilahy izay manompo ny mpanjaka

Hosea 9:16

Fampahafantarana amin'ny ankapobeny:

Miteny Yaveh ao amin'ny andininy faha 16. Manomboka miteny i Hosea ao amin'ny andininy faha 17.

Misy aretina Efraima, ary maina ny fakan'izy ireo; tsy mamoa ireo

Toy hoe hazo misy aretina izay tsy mamokatra ary vonona ny ho kapaina no firesak'i Yaveh ny vahoakan'Israely. Io dia fanambarana fa nihaosa ny vahoaka, ary tsy ho ela ny fahavalon'izy ireo dia ho avy handresy azy ireo.

Hosea 10

Hosea 10:1

Fampahafantarana amin'ny ankapobeny:

Miresaka momba an'Israely i Hosea.

Israely dia voaloboka mandrobona izay mamokatra ny voany

Resahina toy ny vaoloboka izay mamoa be ny Israely. Niroborobo sy natanjaka vetivety ny vahoaka.

voaloboka mandrobona

Mamoa mihoatra ny tokony ho izy io voaloboka io.

Araka ny nitomboan'ny voany ... Araka ny namokaran'ny taniny maro

Ireo dia samy midika fa niroborobo sy niha-natanjaka sy nanan-karena ny vahoaka.

Mamitaka ny fon'izy ireo

Ny "fo" dia maneho ny ao anatin'ny olona. "Mamitaka izy ireo"

ankehitriny dia tsy maintsy hibaby ny helony izy ireo

"ankehitriny no fotoana izay hamaizan'i Yaveh azy ireo nohon'ny fahotany"

Hosea 10:3

Fampahafantarana amin'ny ankapobeny:

Miresaka momba an'Israely i Hosea.

ary ny mpanjaka—inona no mety ho ataony amintsika?

Hilaza ny mpanjaka fa tsy afaka nanampy azy ireo ny mpanjakany. DH: "Na dia manana mpanjaka aza izy izao, dia tsy afaka hanampy anay."

Niteniteny foana izy ireo

Eto ny "teniteny foana" dia ilazana ny lainga. DH: "Milaza lainga"

Koa nitsimoka tahaka ny ahi-dratsy misy poizina eny am-bavasa eny an-tsaha ny rariny

Izay antsoin'ny olona hoe rariny araka ny lalàna sy amin'ny fanapahana any amin'ny fitsarana dia resahina toy ny hoe zava-maniry mitsimola. DH: "Koa ny fanapahan-kevitr'izy ireo dia tsy marina; fa mampidi-doza kosa"

tahaka ny ahi-dratsy misy poizina eny am-bavasa eny an-tsaha

Miely manerana ny firenen'izy ireo ny lainga sy ny tsy fahamarinany ka mamely ny rehetra tahaka ny zava-maniry mizy poizina.

Hosea 10:5

Fampahafantarana amin'ny ankapobeny:

Miresaka momba an'Israely i Hosea.

Betavena

Tanàna iray teo amin'ny fari-tany teo anelanelan'ny fanjakana tavaratr'Israely sy ny fokon'i Benjamina any amin'ny fanjakana tatsimo izany. Jereo ny nandikanao izany ao amin'ny 4:15.

Ho entina any Asyria ... izy ireo

Io dia azo atao hoe DH: "Ho entin'ny Asyriana ... izy ireo"

Ho afa-baraka Efraima, ary ho menatra amin'ireo sampiny Israely

Io dia azo atao hoe DH: "Ary ho menatra tanteraka ny vahoakan'Israely satria nanompo sampy"

sampiny

Maro ireo dikan-teny no mandika ny teny Hebreo amin'ity andalan-teny ity hoe "torohevitra," "tetika," na "fikasana"

Hosea 10:7

Ho rava ... ny mpanjakan'i Samaria

Io dia azo atao hoe DH: "Ho potehin'ny Asyriana ny mpanjakan'i Samaria"

ny tapa-kazo eo ambony rano

Midika izany fa tsy ho afa-manoatra tahaka ny tapa-kazo izay mitopatopa eny amin'ny rano ny mpanjakan'i Samaria.

Ho rava ny toerana avon'ny faharatsiana rehetra

Io dia azo atao hoe DH: "Ho potehin'ny Asyriana ireo fitoerana avon'Israely, izay nanaovan'ny olona ratsy"

Hilaza amin'ny tendrombohitra ny vahoaka hoe: "Sarony izahay!'' ary amin'ny havoana hoe: "Mianjerà aminay!"

Raha ny tena izy dia tsy miresaka amin'ny zavatra izay tsy afaka misaina na mandre azy ireo ny olona. Mahazo misafidy endrika hafa ny mpandika teny ho an'ity andalan-teny ity raha tsy mamela azy hanao fiteny tahaka izao ny fiteniny. DH: "Dia hilaza ny olona hoe: 'Irinay mba hanarona anay ny tendrombohitra!' ary 'Irinay mba hianjera aminay ny havoana!"'

Hosea 10:9

Fampahafantarana amin'ny ankapobeny:

Miteny Yaveh.

andron'i Gibea

Mety entina hanondroana ny fihetsika manafintohina ataon'ny fokon'i Benjamina izay tantaraina ao amin'ny Mpitsara 19-21 io. Jereo ny nandikanao izany ao amin'ny 9:8.

tany ianao no nitoetra

Ity andalan-teny ity dia mety midika fa ny olona amin'izany fotoana izany dia nanao tahaka ny fomba izay nataon'ny razany tao Gibea hatrany. DH: "ary misaina tahaka ny nataony ianao"

Tsy hahatratra ireo zanaky ny ratsy ao Gibea ve ny ady?

Mampiasa fanontaniana Yaveh mba hanindriana fa ireo izay any Gibea izay manao ratsy dia hiharitra ady tokoa. Ary ny olona izay tsy maintsy mizaka ady rehefa tonga ny fahavalony dia resahina toy ny hoe olona izay hahazo azy ireo ny ady. DH: "Ho avy amin'ireo izay manao ratsy any Gibea tokoa ny ady." na "Hanafika ireo izay manao ratsy any Gibea tokoa ireo fahavalo."

ireo zanaky ny ratsy

Eto ny hoe "zanaky ny" dia fomba fiteny izay midika "fananana ny toetran'ny." DH: "ireo izay manao ratsy" na "ireo mpanao ratsy"

Hosea 10:10

Fampahafantarana amin'ny ankapobeny:

Miteny Yaveh.

helok'izy ireo misosona

Manondro ireo fahotana maron'Israely io.

Efraima dia omby vavy kely voafolaka izay tia mively vary

Tia mively vary ny omby vavy kely satria afaka mandendeha malalaka tsy misy zioga. Ny tian'i Yaveh ambara dia namela ny olon'Israely halalaka ka hanana fiainana mahafinaritra Izy.

koa hanisy zioga eo amin'ny vozony tsara tarehy Aho. Hanisy zioga eo amin'i Efraima Aho

Eto ny "zioga" dia ilazana ny fijaliana sy ny fanandevozana. Tsara fanahy tamin'ny vahoakan'Israely i Yaveh, saingy tsy nahatoky taminy ny vahoaka. Hanafay azy ireo Izy ary handefa azy ireo ho andevo.

hiasa tany i Joda; Jakoba ihany no hisintona ny fandravonana

Eto "Joda" dia manondro ireo olona ao amin'ny fanjakana tatsimo ary "Jakoba" dia ireo vahoakan'ny fanjakana tatsimo. Midika izany fa hahatonga fotoan-tsarotra amin'ireo fanjakana roa ireo Andriamanitra.

fandravonana

fitaovana ampiasaina hampahitsy ny tany ary hanarona ireo voa aorian'ny fiasana tany

Hosea 10:12

Fampahafantarana amin'ny ankapobeny:

Miteny Yaveh.

Mamafaza fahamarinana ho an'ny tenanareo, ary jinjao ny voakatry ny tsy fivadiham-panekena

Ny fahamarinana sy ny tsy fivadiham-panekena dia resahina toy ny hoe vokatra izay azo afafy sy jinjaina.

Vakio ny tany mbola tsy nohasainareo

Rehefa tsy "voahasa" sy tany dia mbola tsy vonona ny hambolena. Ny tian'i Yaveh ambara dia tiany hibebaka ny olony mba hahafahan'izy ireo manao izay marina.

Efa namboly faharatsiana ianareo; dia nijinja ny tsy rariny

Ny faharatsiana sy ny tsy rariny dia resahina toy ny hoe vokatra izay azo afafy sy jinjaina.

Efa nihinana ny voan'ny fitaka ianareo

Ny vokatry ny fitaka dia resahina toy ny hoe sakafo izay azo hohanina. DH: "Ankehitriny ianareo dia mizaka ny vokatry ny fifamitahanareo"

Hosea 10:14

Ho tahaka an'i Bet-arbela noravan'i Salamana tamin'ny andron'ny ady izany

Ny ady mbola ho avy dia ampitahaina amin'ny ady taloha ela be.

Salamana

Anarana mpanjaka iray izay namotika ny tanànan'i Bet-arbela tokny ho tamin'ny taona 740 talohan'i Jesosy Kristy izany. Namono vehivavy sy ankizy tamin'ny fanafihana ny tafiny.

Bet-arbela

Mety ho anarana tanànan'ny fokon'i Naftaly io.

Ka hiseho aminao izany, ry Betela, noho ny halehiben'ny faharatsianao

Eto "Betela" dia ilazana ireo olona monina ao. Resahin'ny mpaminany toy ny hoe mihaino azy ireo vahoakan'i Betela.

Hosea 11

Hosea 11:1

Fampahafantarana amin'ny ankapobeny:

Miresaka momba ny fikarakarana an'Israely tahaka ny fikarakaran'ny ray aman-dreny ny zanany i Yaveh.

Fony mbola tovolahy Israely

Ny vahoakan'Israely dia resahin'i Yaveh toy ny hoe tovolahy. Ny nanombohany niaraka tamin'io firenena io voalohany no resahin'i Yaveh.

niantso ny zanako lahy hivoaka an'i Egypta Aho

Ny "zanako lahy" dia manondro ny vahoakan'Andriamanitra Ray. DH: "nitondra ny zanako lahy nivoaka an'i Egypta Aho"

Arakaraka ny niantsoana azy ireo, no nanalaviran'izy ireo Ahy

Io dia azo atao hoe DH: "Arakaraka ny niantsoako azy ireo ho oloko, no vao mainka nandavany Ahy"

Hosea 11:3

Fampahafantarana amin'ny ankapobeny:

Miresaka momba ny nikarakarany an'Israely i Yaveh.

Izaho no nampianatra an'i Efraima handeha.

Toy ny hoe zaza kely izay ampianariny mamindra no firesak'i Yveh an'Israely.

Izaho no nitrotro azy ireo teo amin'ny sandriny

Ity teny ity dia manohy ilay sarinteny. DH: "nikarakara azy ireo"

Tamin'ny kofehin'ny maha-olombelona no nitarihiko azy ireo, tamin'ny fatoran'ny fitiavana

Tian'i Yaveh tamin'ny fomba izay tsapan'izy ireo sy ankasitrahany amin'ny maha-olombelona ny olony.

Tahaka ny olona izay nanamaivana ny zioga teo amin'ny valanoranon'izy ireo Aho

Toy ny hoe biby miasa fatratra izay namorainy ny asany no firesak'i Yaveh ny firenen'Israely.

niondrika teo amin'izy ireo Aho ka namahana azy ireo

Ity teny ity dia manohy ny sarinteny izay nanaovana an'Isrely ho tovolahy. Mety midika izany fa nanome izay ilain'izy ireo ara-nofo rehetra Yaveh.

Hosea 11:5

Fampahafantarana amin'ny ankapobeny:

Miresaka momba an'Israely i Yaveh.

Tsy hiverina any amin'ny tanin'i Egypta ve izy ireo?

Io fanontaniana io dia midika fa ho andevo indray tahaka azy ireo tany Egypta ny firenen'Israely.

Tsy hanapaka eo amin'izy ireo ve Asyria satria mandà ny hiverina amiko izy ireo?

Ho babon'i Asyria ny firenen'Israely ho vokatry ny fandavan'izy ireo tsy hitoetra mahatoky amin'i Yaveh.

Hilatsaka amin'ny tanànan'izy ireo ny sabatra

Eto ny "sabatra" dia maneho ny fahavalon'Israely izay handrava ny tanànan'Israely.

hamotika ny hidin'ny vavahadiny

Ny vavahady no mampisy fandriam-pahalemana ho an'ny mponin'ny tanàna lavitry ny fahavalony, ary ny hisiny no miaro ilay vavahady mihidy.

Na dia miantso Ilay Avo Indrindra aza izy ireo

Eto Andriamanitra dia miresaka ny amin'ny tenany. DH: "Na dia miantso Ahy, Ilay Avo Indrindra aza izy ireo"

dia tsy hisy na iray aza hanampy azy ireo

Tsy hamela na iza na iza hanampy an'Israely i Yaveh satria niala taminy izy ireo.

Hosea 11:8

Fampahafantarana amin'ny ankapobeny:

Miresaka momba an'Israely i Yaveh.

Ahoana no handaozako anao, ry Efraima? Ahoana no hanolorako anao, ry Israely?

Tena tian'Andriamanitra tokoa ny olona hany ka tsy ho ringaniny tanteraka. Azo adika ho fanambarana tsotra ireo fanontaniana ireo. DH: "Tsy hahafoy anao Aho, ry Efraima. Tsy hanolotra anao Aho, ry Israely."

Ahoana no hanaovako anao tahaka an'i Adma? Ahoana no hanaovako anao tahaka an'i Zeboima?

Tena tian'Andriamanitra tokoa ny olona hany ka tsy ho ringaniny tanteraka. Azo adika ho fanambarana tsotra ireo fanontaniana ireo. DH: "Tsy te hanao tahaka ny nataoko tamin'ny Adma aminao aho na hanao anao tahaka an'i Zeboima—izay tanàna noravako niaraka tamin'i Sodoma"

Fa Andriamanitra Aho fa tsy olona

Tsy tahaka ny olona izay malaky manapa-kevitra ny hamaly faty Andriamanitra.

Niova ny tao anatin'ny foko

Eto ny "fo" dia ilazana ny sitrapon'Andriamanitra sy ny fanapahan-keviny.

ary tsy ho avy amin'ny fahatezerana Aho

Ny teny hoe "fahatezarena" dia azo adika amin'ny endrika mpamari-toetra "tezitra." DH: "Tsy ho avy eo aminao sy ho tezitra aminao Aho"

Hosea 11:10

Fampahafantarana amin'ny ankapobeny:

Miresaka momba ny amin'ny hanarenany ny vahoakany Yaveh.

Hanaraka an'i Yaveh izy ireo

Ny fanompoana sy fanajana an'i Yaveh dia resahina toy ny hoe manaraka Azy.

ary hierona tahaka ny liona Izy

Ny fanaovan'i Yaveh ny fiverenan'ny olony amin'ny taniny ho azo atao dia resahina toy ny hoe miantso ny olony izy.

Ho avy am-pangovitana tahaka ny vorona ... tahaka ny voromailala

Hiverina hody haingana tahaka ny fiverenan'ny vorona amin'ny akaniny izy ireo. Ny "fangovitana" dia mety maneho ny fikopakopaky ny elatry ny vorona. Mety maneho ny fanetren'ny olona tena sy ny fanajany fatratra an'Andriamanitra.

fanambaran'i Yaveh

"izay nambaran'i Yaveh" na "izay nolazain'i Yaveh tamin'ny fomba manetriketrika." Jereo ny nandikanao izany ao amin'ny 2:12.

Hosea 11:12

Fampahafantarana amin'ny ankapobeny:

Miresaka momba an'Israely sy Joda i Yaveh.

Hodidinin'i Efraima amin'ny lainga aho, ary ny taranak'Israely amin'ny fitaka

Ny lainga sy ny fitaka dia resaina toy ny hoe zavatra izay nataon'ny vahoakan'ny fanjakana tavaratra nanodidina an'i Yaveh.

Kanefa Joda dia mbola miaraka amiko

Mbola tsy mivadika amin'Andriamanitra ny vahoakan'ny fanjakana tatsimo. Eto ny hoe "miaraka amiko" dia maneho ny fiarahana amin'Andriamanitra. Na izany aza, misy dikan-teny maro manana fandikana samihafa momba an'io andalan-teny manahirana io.

Hosea 12

Hosea 12:1

Fampahafantarana amin'ny ankapobeny:

Miteny i Hosea mpaminany.

Efraima mihinan-drivotra

Eto "Efraima" dia maneho ny vahoakan'Israely rehetra. Ary ny "rivotra" koa dia maneho zavatra izay tsy misy ilàna azy sady mandalo. Ny fanaovan'ny vahoaka zavatra tsy manampy azy ireo dia resahina toy ny hoe mihinan-drivotra izy ireo.

ary manaraka ny rivotra avy any atsinanana

Ny rivotra avy any atsinanana dia mafana be sady mamotika ny tany. Eto izany dia maneho ny zavatra rehetra izay manimba. Ny fanaovan'ny olona zavatra izay hanimba azy ireo ihany dia resahina toy ny hoe manaraka ny rivotra avy any atsinanana izy ireo.

mitondra menaka oliva ho any Egypta

Nandefa menaka oliva ho fanomezana ho an'ny mpanjakan'i Egypta ny vahoakan'israely mba hiezahana handresy lahatra azy hanampy azy ireo.

Manana ady amin'i Joda ihany koa i Yaveh

Ny filazan'i Yaveh fa nanota taminy sy nandika ny didiny ny vahoakan'i Joda dia resahina toy ny hoe miampanga azy ireo eny amin'ny fitsarana Yaveh. Jereo ny nandikanao andian-teny mitovy amin'io ao amin'ny 4:1.

amin'i Joda ... hanafay an'i Jakoba noho ireo izay nataony ... hamaly azy Izy noho ireo asany

Eto "Joda" sy "Jakoba" dia samy maneho ny olon'i Joda. DH: "amin'ny vahoakan'i Joda ... hanafay azy ireo noho izay nataony ... hamaly azy ireo noho ireo asany"

ady

Io dia fitarainana ataon'ny olona iray amin'ny olona iray hafa any amin'ny fitsarana. Jereo ny nandikanao izany ao amin'ny 2:2.

Hosea 12:3

Fampahafantarana amin'ny ankapobeny:

Miresaka momba an'i jakoba razamben'ireo Israelita i Hosea mpaminany.

Tao an-kibo no nihazonan'i Jakoba ny rahalahiny tamin'ny vodi-tongony

Te hahazo ny toeran'ny rahalahiny amin'ny maha lahimatoa azy i Jakoba, koa dia nitady ny hanakana ny rahalahiny tsy ho teraka voalohany izy.

Niady tamin'ilay anjely izy ka naharesy

Niady tamin'ny anjely i Jakobe mba hitahian'ilay anjely azy.

Hosea 12:5

Fampahafantarana amin'ny ankapobeny:

Miteny i Hosea mpaminany.

no anarany hiantsoana Azy

Eto ny "anarana" dia ilazana ny toetran'Andriamanitra manontolo. DH: "no anarany hivavahantsika" na "no anarany hiderantsika Azy"

Tandremo ny fanekena mahatoky sy ny rariny

Maneho ny fankatoavana ny lalàn'Andriamanitra sy ny fanaovana ny marina io.

Hosea 12:7

Fampahafantarana amin'ny ankapobeny:

Miresaka momba an'Israely i Hosea mpaminany.

mizana diso

Mampiasa mizana izay tsy dia mandanja ny lanjan'ny vola na ny vokatra izy vidiany na amidiny ny mpanao raharaham-barotra.

tia fanambakana izy ireo

Misoloky amin'ireo mpanjifany amin'ny fandaingana sy fakana vola mihoatra izay tokony ho alainy ny mpanao raharaham-barotra.

Tonga nanan-karena be tokoa aho; nahita harena ho an'ny tenako aho

Mitovitovy hevitra ihany ireo andian-teny roa ireo ary midika fa mihevi-tena ho ambinina tokoa ireo vahoakan'i Efraima.

nahita harena

Ny fahatongavana ho mpanan-karena amin'ny fivarotana dia resahina toy ny hoe mahita harena. DH: "Nahary vola betsaka aho"

Tsy hahita heloka amiko amin'ny asako rehetra izy ireo, izay rehetra mety ho fahotana

Mitovitovy hevitra ihany ireo andian-teny roa ireo ary manamafy fa mihevi-tena ho tsy misy tsiny ireo vahoakan'i Efraima. Ny fahafantarana fa nanota ny olona iray dia resahina toy ny hoe nahita fahotana tamin'izany olona izany. DH: "tsy ho hain'izy ireo fa nanao zavatra feno fahotana aho"

Hosea 12:9

Fampahafantarana amin'ny ankapobeny:

Miresaka amin'ny vahoakan'Israely i Yaveh.

Izaho no Yaveh Andriamanitrareo avy any amin'ny tany Egypta

Ireo mety ho heviny dia 1) "Izaho no Yaveh Andriamanitrareo, izay nitondra ny razanareo avy tany amin'ny tany Egypta" na 2) "Efa Andriamanitrareo hatramin'ny ianareo tao amin'ny tany Egypta Aho" na 3) "tonga Andriamanitrareo Aho fony tany amin'ny tany Egypta ianareo"

Hamponeniko anaty lay indray ianareo

Ireo mety ho heviny dia 1) Mandrahona ny hanery ny vahoakan'Israely hiala amin'ny fonenany i Yaveh ka hampitoetra azy ireo anaty lay. Koa, eto ny hoe "monina anaty lay" dia maneho ny fandefasana ho babo, na 2) fampanantenana izany fa aorian'ny fahababoana dia honina anaty lay indray ny vahoaka, ary Yaveh no hikarakara azy ireo tahaka ny nataony fony nandao an'i Egypta ireo Israelita. Koa, eto ny hoe "monina anaty lay" dia maneho ny fiverenana amin'ilay toe-javatra tsara niainana fony nikarakaran'i Yaveh ny vahoakany.

Tamin'ny tanan'ireo mpaminany

Eto ny "tanana" dia maneho ilay iray izay manantanteraka ny asa. DH: "Tamin'ny alalan'ireo mpaminany"

Hosea 12:11

Fampahafantarana amin'ny ankapobeny:

Miteny i Hosea mpaminany.

ho tahaka ny antontam-bato ao anatin'ireo saham-bavasa ny alitaran'izy ireo

Hazera ary ho lasa antontam-bato ireo alitara izay nivavahan'ny olona.

Nitsoaka ho any amin'ny tanin'i Syria i Jakoba; niasa mba hahazo vady i Israely

Eto "Jakoba" sy "Israely" dia manondro olona mitovy. Lasa Israely ny anaran'i Jakoba taty aoriana kely tamin'ny fiainany.

Hosea 12:13

Fampahafantarana amin'ny ankapobeny:

Miteny i Hosea mpaminany.

tamin'ny alalan'ny mpaminany

Izany hoe, i Mosesy.

mafy

Lehibe tokoa ny hatezerana izay nateraky ny olona tao amin'i Yaveh.

Noho izany dia hamela ny ràny eo aminy ny Tompony

Eto ny "rà" dia ilazana ny vesatra hanamelohana ny olona izay mamono ny hafa. Tsy hamela ny helony Andriamanitra.

hamerina aminy ny fahafaham-barakany

Ny hevitry ny fampizakana ny vokatry ny asan'ny olona iray ihany dia resahina toy ny hoe zavatra izay natsipy niverina taminy ihany ilay nataony. DH: "hampijaly azy nohon'ny asa mahamenatra nataony ihany"

Hosea 13

Hosea 13:1

Fampahafantarana amin'ny ankapobeny:

Miteny Yaveh.

Rehefa niteny i Efraima

Mampiasa ny teny hoe "Efraima" i Hosea mba hilazana ny fanjakana tavaratra manontolo, na dia anaran'ny iray amin'ireo foko folo ihany koa aza izany. Toa miresaka momba ny taloha efa ela be i HOsea, fony natanjaka sy nomen-kaja ny fanjakana tavaratra, tsy tahaka ny ankehitriny.

dia nisy hovitrovitra

Ny teny latsaka hoe "teo amin'ireo firenena" dia efa azo eto. Nahatsapa fietrena teo anatrehan'ny fanjakana tavaratra ireo firenen-kafa. DH: "nisy hovitrovitra teo amin'ireo firenena hafa"

Nanandratra ny tenany tany Israely izy

Eto ny hoe "nanandratra" dia midika hoe manao ny tenan'ny olona iray ho ambony.

efa lasa meloka noho ny fanompoana an'i Bala izy, ka maty

Rehefa nanomboka nanompo an'i Bala ny vahoakan'i Efraima, dia niha-osa, ary nandresy azy ireo ny fahavalony. Eto ny hoe "maty" dia ilazana ilay firenena miha-osa.

Miha-manota hatrany izy ireo ankehitriny

Eto "izy ireo" dia manondro ny fokon'i Efraima sy ny firenen'Israely manontolo, izay nanaraka ny ohatr'i Efraima.

Ireo olona izay manao sorona ireo dia manoroka zanak'omby

Anisan'ny fanompoana sampy ny fanorohana sarivongana izay miendrika zanak'omby.

Hosea 13:3

a ho toy ny rahon'ny maraina izy ireo ... toy ny ando ... toy ny akofa ... setroka mivoaka amin'ny fivoahan-tsetroka

Io fiteny io dia manambara fa mandalo ihany Israely ary hanjavona tsy ho ela raha manohy manompo sampy fa tsy manaraka an'i Yaveh.

izay tsofin'ny rivotra

Io dia azo atao hoe: DH: "izay entin'ny rivotra"

Hosea 13:4

Fampahafantarana amin'ny ankapobeny:

Resahin'i Yaveh toy ny hoe andian'ondry izay hitany nirenireny teny an'efitra ny olony. Nambarany fa niantso azy ireo ho Azy ihany izy ireo tany.

Fantatro ianareo tany an-tany efitra

Nambaran'i Yaveh fa niantso ny vahoaka Hebreo ho olony manokana ihany Izy, ary nikarakara azy ireo tany.

rehefa nanana ahitra ianareo, dia voky

Mitohy amin'ity fiteny ity ilay kisarisary momba ny ondry.

dia nisandratra ny fonareo

Eto ny "fo" dia ilazana ny ao anatin'ny olona amin'ny maha-izy azy manontolo. DH: "lasa nihareha ianareo"

nisandratra

Ny fahatongavana ho mpiavonavona dia resahina toy ny hoe misandratra.

Hosea 13:7

Fampahafantarana amin'ny ankapobeny:

Miteny Yaveh.

toy ny liona ... toy ny leoparda ... tahaka ny bera ... tahaka ny liona ... tahaka ny bibidia

Ireo dia bibidia izay mamely ary mamono biby. Manohy milaza Yaveh fa handringana ny olony nohon'ny fahotan'izy ireo.

tahaka ny bera very anaka

Ny teny hoe "famelezana" eto dia nesorina satria efa azo. DH: "tahaka ny famelezan'ny bera very anaka"

tahaka ny liona

Ny teny hoe "fandrapahana" eto dia nesorina satria efa azo. DH: "tahaka fandrapahan'ny liona"

Hosea 13:9

Fampahafantarana amin'ny ankapobeny:

Miteny Yaveh.

iza no afaka hanampy anareo?

Mampiasa fanontaniana Yaveh mba hanindriana fa tsy misy afaka manampy ny vahoakan'Israely. DH: "tsy hisy afaka hanampy anao."

Aiza ny mpanjakanareo izao, mba hanavotra anareo any amin'ny tanànanareo rehetra? Aiza ireo mpanapakareo, izay efa nolazainareo tamiko hoe: 'Omeo mpanjaka sy andrian-dahy aho'?

Mametraka ireo fanontaniana ireo Yaveh mba hilazana amin'Israely fa rehefa mikomy amin'i Yaveh izy ireo, dia tsy hisy mpanjaka na mpanapaka afaka hanampy azy ireo. Yaveh irery ihanyno afaka mamonjy azy ireo amin'ny fandringanana.

Hosea 13:12

Fampahafantarana amin'ny ankapobeny:

Miteny Yaveh.

fa notehirizina ny helok'i Efraima; notehirizina ny helony

Ireo andian-teny roa ireo dia mitovitovy ary mitovy hevitra ihany.

Efa notehirizina

Ny heloka sy ny fahamelohan'ny fanjakana tavaratra dia resahina toy ny hoe zavatra izay azo tehirizina nohon'ny antony manokana.

Ny fangirifirian'ny fiterahana dia ho tonga eo aminy

Eto Yaveh dia miresaka momba ny fanaintainana izay hiaretan'ny vahoakan'Israely toy ny hoe fanaintainan'ny fiterahana.

fa zanaka lahy tsy manam-pahendrena izy, satria rehefa tonga ny fotoana ahaterahana, dia tsy mivoaka avy ao am-bohoka izy

Izao Yaveh dia mamaritra ny vahoakan'Israely toy ny hoe zazakely izay ateraky ny reniny. Tsy hendry ilay zaza satria tsy te ho teraka. Tsy te hibebaka ny olona ary hankatoa an'i Yaveh.

Hosea 13:14

Fampahafantarana amin'ny ankapobeny:

Miteny Yaveh.

Hamonjy azy ireo amin'ny tanan'ny fiainan-tsy hita ve Aho? Hamonjy azy ireo amin'ny fahafatesana ve Aho?

Mampiasa ireo fanontaniana ireo Yaveh mba hilazana ny vahoakan'Israely fa tsy hamonjy azy ireo tsy ho faty Izy. Hanafy azy ireo tokoa Izy. DH: "Tsy hanavotra anareo amin'ny fahafatesana sy tsy hidina any amin'ny Fiainan-tsy hita tokoa Aho."

Aiza, ry fahafatesana, ny areti-mandringanao? Aiza, ry fiainan-tsy hita, ny fandringananao?

Meresaka amin'ny "fahafatesana" sy ny "fiainan-tsy hita" toy ny hoe olona Yaveh. Mampiasa fanontaniana Yaveh mba hilazana fa handringana ny olona tsy ho ela. DH: "Ankehitriny dia hahatonga areti-mandringana Aho ka hamela ny vahoakan'Israely ho faty. Haringako izy ireo ka alefako any amin'ny Fiainan-tsy hita."

Miafina amin'ny masoko ny fangorahana

Ny mety hisian'ny fangorahana dia resahina toy ny hoe zavatra izany.

Miafina amin'ny masoko ny fangorahana

Ny tsy fiheverana ny hanana fangorahana dia resahina toy ny hoe miafina ny fangorahana ka tsy hita. DH: "Tsy manana fangorahana amin'izy ireo Aho"

Hosea 13:15

Fampahafantarana amin'ny ankapobeny:

Miteny i Hosea mpaminany.

ireo rahalahiny

Io fiteny io dia toa entina ilazana ireo firenena manodidina ny fanjakana tavaratra, indrindra fa i Joda, ilay fanjakana tatsimo.

hisy rivotra avy any atsinanana ho avy; ... ny rivotr'i Yaveh

Ny rivotra avy any atsinana dia mafana be sady manimba. Eto izany dia ilazana ny tafika avy any atsinanana izay halefan'i Yaveh handringana ny vahoakan'Israely.

Ny loharanon'i Efraima dia ho ritra, ary ny fantsakany dia tsy hisy rano

Manohy mamaritra ny fomba hamaizan'Andriamanitra ny vahoakan'Isarely i Hosea. Eto ny rano dia ilazana ny aina, fahavitrihana sy tanjaka.

ny trano fitehirizany

Ilazana ny fananan'ny vahoaka rehetra io.

Hosea 13:16

Fampahafantarana amin'ny ankapobeny:

Miteny i Hosea mpaminany.

Ho meloka i Samaria, satria nikomy nanohitra ny Andriamaniny izy

Eto "Samaria' dia ilazana ny olona ao amin'ny tanànan'i Samaria izay meloka nohon'ny fikomiana amin'Andriamanitra.

Ho lavo

Ho faty ny olona.

Ho lavon'ny sabatra

Anaty ady.

ho torotoro ireo zanany mbola tanora, ary ho triarina ireo renin'izy ireo mitondra vohoka

DH: "ho torotoroin'ny fahavalo ny zanany mbola tanora, ary ho triatriarin'izy ireo ny vehivavy bevohoka"

Hosea 14

Hosea 14:1

Fampahafantarana amin'ny ankapobeny:

Miteny i Hosea mpaminany.

fa lavo tamin'ny helokao ianao

Ny fanotana dia resahina toy ny hoe mianjera eto.

Mitondrà teny

Mety midika teny faiken-keloka sy fiderana izany. "Miaike heloka"

ny vokatry ny molotray

Izay lazain'ny olona dia antsoina hoe vokatry ny molony. DH: "ny teninay sy ny hira fideranay"

Hosea 14:3

Fampahafantarana amin'ny ankapobeny:

Miteny i Hosea.

amin'ny asan'ny tanantsika

Ny "tanana" dia ilazana ny fanaovan'ny olona zavatra. DH: "amin'ny sampy namboarinay"

ny kamboty

Io fiteny io dia ilazana ny firenena manontolo. Manondro ny fangorahana goavan'Andriamanitra amin'ny olona izany.

mahazo fangoraham-po

Eto ny fanana fangorahana dia resahina toy ny hoe zavatra izay iainan'ilay olona nahazo fangorahana.

Hosea 14:4

Fampahafantarana amin'ny ankapobeny:

Miteny Yaveh.

Hanasitrana ny fivadihan'izy ireo Aho

Ny fampitsaharana ny olona tsy hiala amin'Andriamanitra dia resahina toy ny hoe manasitrana azy ireo Izy.

ny fivadihan'izy ireo

Ny tsy fahavitan'ny olona mankatoa an'Andriamanitra dia resahina toy ny hoe niala mivantana taminy izy ireo.

Ho tahaka ny ando Aho amin'Israely; hamony tahaka ny lilia

Andriamanitra dia resahina toy ny hoe ando izay mitondra hamandoana tena ilaina eo amin'ny zava-maniry, ary Israely dia resahina toy ny hoe olona iray, ary toy ny hoe voninkazo izay afaka mamony Izy.

hamaka tahaka ny sedera ao Libanona

Ny kisarisarin'Israely miendrika zava-maniry dia mitohy hatreto, saingy amin'ity indray mitoraka ity dia tahaka ny endrika sedera ao Libanona, izay zavatra fantatra amin'ny hazo tahaka izany.

Hisandrahaka ireo sampany ... tahaka ireo sedera ao Libanona

Manohy ny sarinteny ity andalan-teny ity.

Hosea 14:7

Fampahafantarana amin'ny ankapobeny:

Miteny Yaveh.

Ny olona izay monina ao amin'ny alony dia hiverina

Ho velona amin'ny fiarovan'Andriamanitra indray ny vahoakan'Israely. Resahina toy ny hoe mitoetra ao amin'ny alok'Andriamanitra i Israely.

ho velombelona tahaka ny voa indray izy ireo ary hitsimoka tahaka ny voaloboka

Ny firoboroboan'Israely vaovao dia resahina amin'ny fiteny ara-pambolena.

Ho tahaka ny divain'i Libanona ny lazany

Tahaka ny nampalaza ny divain'i Libanona no hampalaza an'Israely. DH: "Hahalala momba an'Israely avokoa ny olona na aiza na aiza"

inona ihany koa no mbola azoko atao amin'ny sampy?

Io andalan-teny io dia midika fa Andriamanitra dia hanakana ny vahoakan'Israely tsy hanompo sampy intsony.

kypreso izay maitso ravina mandrakariva Aho

Ny kypreso dia hazo izay maitso ravina mandava-taona

Amiko no hitsirian'ny voanao

Eto ny "voa" dia ilazana ny zava-tsoa rehetra izay avy amin'i Yaveh.

Hosea 14:9

Fampahafantarana amin'ny ankapobeny:

Miteny i Hosea mpaminany.

Iza no hendry ka hahatakatra ireo zavatra ireo? Iza no mahatakatra ireo zavatra ireo ka hahalala azy ireo izy?

Ampiasain'ny mpaminany ireo fanontaniana ireo mba hilazana fa hahatakatra sy hihaino izay nolazaina tamin'izy ireo ny olon-kendry.

Fa mahitsy ireo lalan'i Yaveh, ary ny marina dia handeha amin'ireo

Ny didin'i Yaveh dia resahina toy ny hoe lalana andehanana.

tafintohina

Ny tsy fankatoavana an'Andriamanitra dia resahina toy ny hoe tafintohina am-pandehanana.