Galatians 1

Galatians 1:1

Fampifandraisana ny foto-kevitra:

Paoly, apostoly iray, no manoratra ity taratasy ity ho an'ny fiangonana ao amin'ny faritr'i Galatia.

Fampahafantarana amin'ny ankapobeny:

Raha tsy misy fanamarihana manokana, dia manondro ireo Galatiana avokoa ny ianareo rehetra ato amin'ity taratasy ity.

izay nanangana Azy

"izay nanagana an'i Jesosy Kristy"

nanangana

Eto ny dikan'io dia hoe: mahatonga ny olona iray izay efa maty hanjary ho velona indray.

ireo rahalahy

Eto izany dia midika hoe namana kristiana, ao anatin'izany na ny lahy na ny vavy, satria ny mpino rehetra dia isan'ny fianakaviana ara-panahy iray ihany, izay Andriamanitra no Ray any an-danitra. DH: "rahalahy sy anabavy"

Galatians 1:3

ho an'ny fahotantsika

Ny hoe "fahotana" eto dia maneho ny famaizana nohon'ny fahotana. DH: "nanaisotra ny famaizana mendrika antsika nohon'ny fahotantsika"

mba hanafahany antsika amin'izao andron'ny faharatsiana izao

Eto ny hoe "izao andro ... izao" dia maneho ny hery izay miasa amin'izao andro izao. DH: "mba hanafahany antsika amin'ny herin'ny ratsy izay miasa ankehitriny eto amin'izao tontolo izao"

Andriamanitsika sy Raintsika

Ilazana ny "Andriamanitra Raintsika" io. Izy no Andriamanitra sy raintsika.

Galatians 1:6

Fampifandraisana ny foto-kevitra:

Manome ny antony anoratany ity taratasy ity i Paoly: mampatsiahy azy ireo mba hanohy hahatakatra ny filazantsara hatrany izy.

Gaga aho

"Taitra aho" na "tohina aho." Diso fanantenana i paoly nohon'ny fanaovan'izy ireo izany.

hoe niala faingana tamin'ilay ... filanzantsara hafa

Ireo mety hoe dikany dia 1) "njanona tsy natoky Azy faingana ianareo" na 2) "nivadika taminy faingana izanareo"

ilay niantso anareo

"Andriamanitra, ilay niantso anareo"

niantso

Eto io dia midika fa Andriamanitra dia nanendry na nifidy ny olona mba ho zanany, hanompo Azy, ary hitory ny hafatry ny famonjena amin'ny alalan'i Jesosy.

tamin'ny fahasoavan'i Kristy

"nohon'ny fahasoavan'i Kristy" na "nohon'ny sorona feno fahasoavana nataon'i Kristy"

mitodika amin'ny filanzantsara hafa

"mino filazantsara hafa ianareo"

Galatians 1:8

no hitory

Mamaritra zavatra tsy nitranga ary tsy tokony hitranga io. DH: "no hanambara" na "andeha hanambara"

hafa aminareo noho izay

"samihafa amin'ny ilay Filazantsara" na "samihafa amin'ilay hafatra"

aoka izy ho voaozona

"Ho faizin'Andriamanitra mandrakizay anie izany olona izany." Raha manana fomba mahazatra mahalaza ny fiantsoana ozona ho eo amin'ny olona iray ny fiteninao, dia ampiasao eto izany.

Moa ve izaho ankehitriny mitady ny fakantoavan'ny olona sa Andriamanitra? Moa ve izaho mitady izay hampifaly ny olona?

''Tsia" ny valinteny andrasana amin'ity fanontaniana fampisainana ity. DH: "tsy mitady ny fankatoavan'ny olona aho, fa kosa mitady ny fankatoavan'Andriamanitra. Tsy mitady ny hampifaly olona aho.

Raha mbola manohy miezaka ny hampifaly olona aho, dia tsy mpanompon'i Kristy

Ny "raha" sy ny "dia" dia anehoana fifanoherana eo amin'ny zava-misy. "tsy mbola miezaka ny hampifaly olona aho; fa mpanompon'i Kristy aho" na "Raha mbola miezaka ny hila sitraka amin'ny olona aho, dia tsy mpanompon'i Kristy"

Galatians 1:11

Fampifandraisna ny foto-kevitra:

Manazava i Paoly fa tsy nandray filazantsara tamin'ny hafa; nandray izany avy tamin'i Jesosy Kristy izy.

rahalahiko

Adikao araka ny ao amin'ny 1:1 io.

tsy filazantsaran'olombelona

Amin'ny fampiasany io fehezanteny io, dia tsy miteny i Paoly fa tsy olombelona akory i Jesosy. Satria i Jesosy dia sady olombelona no Andriamanitra, kanefa, tsy olombelona feno fahotana Izy. Manoratra ny amin'ny niavian'ny filazantsara i Paoly; fa tsy avy amin'ny olombelona feno fahotana izany.,fa avy amin'i Jesosy Kristy.

izany dia fanambaran'i Kristy Jesosy tamiko

Ireo mety ho dikany dia 1) "Jesosy Kristy mihitsy no nampiseho ny filazantsara tamiko" na 2) "Nampahafantarin'Andriamanitra ahy ny filazantsara tamin'ny nampisehoany ahy hoe iza i Jesosy Kristy."

Galatians 1:13

fiainako taloha

"toetrako taloha" na "fiainako teo aloha"

Nandroso ... aho

Io sarin-teny io dia maneho kisarisarin'ny taonan'i Paoly eo alohan'ny Jiosy hafa amin'ny tanjon'izy ireo ho jiosy tonga lafatra.

ireo nitovy taona tamiko

"ireo olona Jiosy izay mitovy taona amiko"

Galatians 1:15

niantso ahy tamin'ny alalan'ny fahasoavany

Ireo mety ho dikany dia hoe: "Niantso ahy mba hanompo Azy Andriamanitra satria be fahasoavana Izy"

ny hampiseho ny Zanany lahy tamiko

Ireo mety hoe dikany dia 1) "hamela ahy hahafantara ny Zanany" na 2) "mba hampiseho an'izao tontolo izao amin'ny alalako fa i Jesosy no Zanak'Andriamanitra."

Zanany lahy

Fiantsoana manan-danja an'i Jesosy, ilay zanak'Andriamanitra io.

manambara Azy

"manambara fa Izy no Zanak'Andriamanitra" na "mitory ny vaovao mahafaly momba ny Zanak'Andriamanitra"

naka saina tamin'ny nofo sy ra

Io dia fomba fiteny izay midika hoe miresaka amin'olona. DH: "nangataka ny olona mba hanampy ahy hahazo ilay hafatra"

niakatra tany Jerosalema

"nankany Jerosalema." Jerosalema dia faritra teny amin'ny havoana, ary nila nikatra havoana maromaro vao tonga teny, noho izany dia efa iraisana ny filazana ny dia makany Jerosalema hoe "miakatra ho any Jerosalema."

Galatians 1:18

Fa tsy nisy hitako ireo Apostoly ankoatra an'i Jakoba

DH: "i Jakoba ihany no apostoly hafa mba hitako"

eo anatrehan'Andriamanitra

Tian'i Paoly ho azon'ireo Galatiana fa matotra tanteraka i Paoly ary fantany fa ren'Andriamanitra izay lazainy ka ho tsarainy izy raha toa ka tsy milaza ny marina.

Ary ao amin'izay soratako ho anareo, dia manome toky anareo aho eo anatrehan'Andriamanitra, fa tsy mandainga aho

Mampiasa fanalefahan-teny i Paoly mba hanindriana fa milaza ny marina izy. DH: "Tsy mandainga aminareo aho ao amin'ny hafatra izay soratako aminareo" na "ao amin'ireo zavatra izay soratako aminareo dia milaza ny marina aminareo aho"

Galatians 1:21

faritr'i

"ilay ilan'ny tany antsoina hoe"

Henon'izy ireo fotsiny izay voalaza hoe

"fa izay ren'izy ireo nambaran'ny hafa momba ahy ihany no fantatr'izy ireo"

Tsy mbola fantatra teo amin'ireo fiangonan'i Jodia izay ao amin'i Kristy aho

"Tsy mbola nisy nihaona tamiko mihitsy ny olona tao amin'ireo fiangonan'i Jodia izay ao amin'i Kristy"

Galatians 2

Galatians 2:1

Fampifandraisana ny foto-kevitra:

Manohy milaza ny tantaran'ny nandraisany ny filazantsara avy amin'Andriamanitra, fa tsy ireo apostoly, i Paoly.

niakatra

"nandeha." Jerosalema dia tao amina tany avo. Noraisin'ireo Jiosy ho toy ny toerana akaikin'ny lanitra indrindra ihany koa i Jerosalema, koa dia miteny amin'ny fomba tsy ara-bekiteny i Paoly, na mety maneho ny dia sarotra sy miakatra hihazoana an'i Jerosalema io.

ireo izay noheverina ho manan-danja aho

"ireo mpitarika manan-danja indrindra eo amin'ireo mpino"

tsy nihazakazaka _ na efa nihazakazaka _ very maina aho

Ampisain'i Paoly ho sarin-teny ilazana ny asa ny fihazakazahana, mampiasa teny miverina indroa izy mba hanindriana fa nahazoany tombony ny asa vitany. DH: "nanao, na efa nanao, asa ahazoana tombony aho"

very maina

"tsy misy tombony" na "fahatany"

Galatians 2:3

ho voafora

Azo atao hoe DH: "mba hisy hamora azy"

Niditra mangingina ireo rahalahy sandoka

"Nisy olona mody kristina niditra tao am-piangonana," na "Nisy olona mody krisitiana nankeo aminay"

hitsikilo ny fahafahana

mijery ny olona mangingina mba hahitana ny fomba fianina'izy ireo amin'ny fahafahana

Naniry ... izy ireo

"Naniry ireo mpitsikilo ireo" na "Ireo rahalahy sandoka ireo dia te"

hanandevo anay

"hahatonga anay ho andevon'ny lalàna." Miresaka ny amin'ny fanerana ny hanaraka ny fomban'ireo Jiosy izay nandidian'ny lalàna i Paoly. Miresaka momba izany toy ny fanadevozana izy. Ny fomba lehibe indrindra dia ny famorana. DH: "hanery anay hankatoa ny lalàna"

tsy nety ny hanaiky

"tsy nety hihaino"

Galatians 2:6

nanampy na inona na inona tamiko

Ny teny hoe "tamiko" eto dia manondro izay nampianarin'i Paoly. DH: "tsy nanampy na inona na inona tamin'izay nampianariko" na "tsy niteny tamiko mba hanampy na inona na inona amin'izay ampianariko"

Mifanohitra amin'izany

"Fa kosa"

nanankinana ny filazantsara

Azo atao hoe DH: "Nankinin'Andriamanitra tamiko"

Galatians 2:9

nanorina ny fiangonana

Izy ireo no lehilahy izay nampianatra ny olona momba an'i Jesosy ary nandresy lahatra ny olona mba hino an'i Jesosy.

ny fahasoavana izay nomena ahy

"fa nalemy fanahy tamiko Andiamanitra"

nanome ... tanana ankavanan'ny fiombonana

"nandray ... tahaka ny mpiara-miasa" na "nandray ... tamim-panajana"

tanana ankavanan'ny

"ny tanana ankavanan'izy ireo"

hahatsiaro ny mahantra

"hiahy ny amin'ny filan'ny mahantra"

Galatians 2:11

nanohitra azy teo amin'ny tavany aho

Ny teny hoe "teo amin'ny tavany" dia midika hoe "teo amin'izay nahafahany nahita sy nandre ahy." DH: "Nifanatrika taminy mivantana aho" na "niteny ny asany mivantana aho"

Talohan'ny

resaka fifandraisan'ny fotoana

nijanona izy

"nitsahatra tsy nisakafo niaraka tamin'izy ireo"

Natahotra ireo izay ... izy

"Natahotra ny ho tsarain'ireo lehilahy izay nitaky famorana ho manao zavatra tsy mety izy" na "Natahotra ny ho melohin'ireo lehilahy izay nitaky ny famorana ho manao zavatra tsy mety izy"

ireo izay nitaky famorana izy

Ireo Jiosy izay lasa kristiana, saingy nitaky ireo izay mino an'i Kristy mba hiaina araka ny fomba Jiosy.

niala lavitra an'ireo

"nijanona lavitra" na "nisintaka lavitra"

Galatians 2:13

tsy manaraka ny fahamarinan'ny filazantsara

"tsy miaina tahaka ny olona izay mino ny filazantsara izy ireo" na "miaina toy ny hoe tsy mino ny filazantsara izy ireo"

ahoana no hahafahanao manery ireo Jentilisa hiaina tahaka ny Jiosy?

Ity fanontaniana fampisainana ity dia fananarana ary azo adika ho teny tsotra. DH: "diso ianao raha manery ny Jentilisa hiaina tahaka ny Jiosy." Ny teny hoe "ianao" dia manondro an'i Petera.

manery

Ireo mety ho heviny dia 1) manery amin'ny fampiasana teny na 2) mandresy lahatra.

Galatians 2:15

Fampifandraisana ny foto-kevitra:

Milaza amin'ireo mpino i Paoly fa ireo Jiosy izay mahafantatra ny lalàna, sy ireo Jentilisa izay tsy mahafantatra ny lalàna, dia voavonjy amin'ny finoana an'i Kristy ihany fa tsy amin'ny fitandremana ny lalàna.

tsy mpanota Jentilisa

"tsy ireo antsoin'ny Jiosy hoe mpanota Jentilisa"

Isika ihany koa dia tonga tamin'ny finoana an'i Kristy Jesosy

"Nino an'i Kristy Jesosy isika"

Isika

Mety ho manondro an'i Paoly sy ireo olona hafa io fa tsy ireo Galatiana.

tsy hisy nofo

Ny teny hoe "nofo" eto dia ilazana ilay olona manontolo. DH: "tsy misy olona"

Galatians 2:17

mitady ho hamarinina ao amin'i Kristy isika

Ny andian-teny hoe "hamarinina ao amin'i Kristy" dia midika hoe voamarina satria mikambana amin'i Kristy ary voamarina amin'ny alalan'i Kristy.

isika ihany koa, dia hita fa mpanota

Ny andian-teny hoe "hita fa" dia fomba fiteny hanindriana fa "isika dia" mpanota tokoa. DH: "hitantsika fa isika ihany koa dia mpanota tokoa"

Tsia avy hatrany!

"Mazava ho azy, tsy marina izany!" Io filazana io dia manome valinteny fanoherana mafonja an'ilay fanontaniana fampisainana teo aloha: ''Lasa andevon'ny fahotana ve Kristy?" Mety manana fomba fiteny mitovitovy amin'izany amin'ny fiteninao izay azonao ampiasaina eto ianao.

Galatians 2:20

Zanak'Andriamanitra

Fiantsoana manan-danja an'i Jesosy io.

Tsy manilika ... aho

DH: ''Hamafisiko ny lanjan'ny"

fa raha ny fahamarinana no azo ... ny nahafatesan'i Kristy

Mamaritra tranga mbola tsy nisy mihitsy i Paoly. DH: "fa tsy nisy fahamarinana ... noho izany dia tsy maty ... i Kristy"

raha azo amin'ny lalàna ny fahamarinana

"raha afaka ny ho marina amin'ny alalan'ny fitandremana ny lalàna ny olona iray"

dia tsy misy dikany ny nahafatesan'i Kristy

"dia tsy nahatanteraka na inona na inona tamin'ny fahafatesana"

Galatians 3

Galatians 3:1

Fampifandraisana ny foto-kevitra:

Mampatsiahy ireo mpino ao Galatia i Paoly fa Andriamanitra dia nanome ny Fanahin'Andriamanitra tamin'ny ninoan'izy ireo ny filazantsaran'ny finoana, fa tsy amin'ny alalan'ny fampiharan'izy ireo ny lalàn'Andriamanitra.

Fampahafantarana amin'ny ankapobeny:

Mananatra ireo Galatiana amin'ny fametrahana fanontaniana fampisainana i Paoly.

Iza no namosavy anareo?

Mampiasa eso-teny sy fanontaniana fampisainana i Paoly mba hilazana fa toy ny namosavian'olona iray izy ireo. Tsy tena mino akory izy fa tena nisy namosavy izy ireo. DH: "Ny toetranareo dia toy ny hoe nisy namosavy ianareo!"

Izao ihany no zavatra tiako ianarana aminareo

Mbola tohin'ilay eso-teny tao amin'ny andininy 1 ity. Efa fantatr'i Paoly ny valin'ny fanontaniana fampisainana izay ho apetrany.

Nandray ny Fanahy tamin'ny asan'ny lalàna sa tamin'ny finoana izay renareo ianareo?

Adikao ho fanontaniana ity fanontaniana fampisainana ity raha azonao atao, satria hiandry fanontaniana ny mpamaky eto. Ary koa, ezaho mba ho fantatry ny mpamaky fa ny valin'ilay fanontaniana dia "amin'ny alalan'ny finoana izay renareo," fa tsy "amin'ny alalan'ny fanaovana izany lazain'ny lalàna." DH: "Nandray ny Fanahy ianareo, tsy tamin'ny fanaovana izay lazain'ny lalàna, fa tamin'ny finoana izay renareo."

Adala tokoa ve ianareo?

Ity fanontaniana fampisainana ity dia mampiseho fa taitra, eny tezitra aza i Paoly satria adala ireo Galatiana. DH: "Tena adala ianareo!"

amin'ny nofo

Ny teny hoe "nofo" dia ilazana ny ezaka. DH: "amin'ny fiezahanareo manokana" na "amin'ny asanareo manokana"

Galatians 3:4

nijaly tamin'ny zava-maro tamin'ny tsy misy dikany ve ianareo ... ?

Mampiasa io fanontaniana io i Paoly mba hampatsiahivana ireo Galatiana fa tamin'izy ireo nijaly, dia nino izy ireo fa handray tombony. DH: "Tsy nieritreritra mihitsy ianareo fa niaritra zava-maro tamin'ny tsy misy dikany ... !" na "Fantatrareo tokoa fa misy antony tsara hiaretanareo zava-maro ... !"

nijaly tamin'ny zava-maro tamin'ny tsy misy dikany ve ianareo

Azo atao mazava fa niaritra ireo zavatra ireo izy ireo noho ny olona nanohitra azy ireo ny amin'ny finoana an'i Kristy. DH: "Niaritra zava-maro avy tamin'ireo izay nanohitra anareo nohon'ny finoanareo an'ny Kristy tamin'ny tsy misy dikany ve ianareo" na "Nino an'i Kristy ianareo, ary niaritra zava-maro avy tamin'ireo izay manohitra an'i Kristy. Zava-poana ve ny finoanareo sy ny fijalianareo"

tamin'ny tsy misy dikany

"tamin'ny tsy misy antony" na "tsy misy fanantenana handray zavatra tsara"

raha tena foana tokoa

Ireo mety ho heviny dia 1) Mampiasa fanontaniana fampisainana i Paoly mba hampitandremana azy ireo tsy hamela ny zavatra niainan'izy ireo ho tsy misy dikany. DH: "Aza avela ho tsy misy dikany izany!" na "Aza mitsahatra mino an'i Jesosy Kristy ka hamela ny fiaretanareo ho zava-poana." na 2) Mampiasa io fanontaniana io i Paoly mba hanomezana toky azy ireo fa tsy zava-poana ny fiaretan'izy ireo. DH: "Tsy zava-poana tokoa izany!"

Moa ve izy izay ... manao izany izany amin'ny asan'ny lalàna, sa amin'ny fiainoana amin'ny finoana?

Mametraka fanontaniana fampisainana iray hafa i Paoly mba hampatsiahivana ireo Galatiana ny fomba handraisan'ny olona ny Fanahy. DH: "Izy ... tsy manao izany amin'ny asan'ny lalàna; manao izany amin'ny fihainoana amin'ny finoana izy."

amin'ny asan'ny lalàna

Io dia maneho ireo olona manao ireo asa takian'ny lalàna. DH: "satria manao ny asa asain'ny lalàna ataontsika ianareo."

fiainoana amin'ny finoana?

Mety hitaky ny fanaovana mazava kokoa ren'ny olona sy izay ninoan'izy ireo ny fiteninao. DH: "satria renareo ny hafatra ary nanana finoana an'i Jesosy ianareo" na "satria nihaino ny hafatra ianareo ary nino an'i Jesosy"

Galatians 3:6

Fampifandraisana ny foto-kevitra:

Mampatsiahy ireo mpino Galatiana i Paoly fa na dia i Abrahama aza dia nandray fahamarinana tamin'ny finoana fa tsy tamin'ny lalàna.

nisaina ho fahamarinany izany

Hitan'Andriamanitra ny finoan'i Abrahama an'Andriamanitra, koa noraisin'Andriamanitra ho marina i Abrahama.

ireo izay amin'ny finoana

"ireo izay manana finoana." Ny hevitry ny anarana hoe "finoana" dia azo atao matoanteny hoe "mino." DH: "ireo izay mino"

zanak'i Abrahama

Maneho ireo olona izay hitan'Andriamanitra tahaka ny nahitany an'i Abrahama io. DH: "marina tahaka ny nahamarina an'i Abrahama"

nahita mialoha

Satria nanao ny fampanantenana tamin'i Abrahama Andriamanitra ary nosoratan'izy ireo nialohan'ny nahatanterahan'izany tamin'ny alalan'i Kristy izany, dia toy ny olona iray izay mahalala ny ho avy mialohan'ny hisehoan'izany ny soratra masina. DH: "nilaza mialoha" na "nahita mialohan'ny hisehoan'izany"

Ao aminao

"Noho izay vitanao" na "Satria notahiako ianao." Ny teny hoe "ianao" eto dia manondro an'i Abrahama.

ny firenena rehetra

"ny vondron'olona rehetra eto amin'izao tontolo izao." Tsindrian'Andriamanitra fa tsy mitanila amin'ny vahoaka Jiosy, ilay vondrona voafidiny ihany Izy. Ny drafitry ny famonjeny dia ho an'ny Jiosy sy ireo tsy Jiosy.

Galatians 3:10

Ireo izay miankina amin'ny ... eo ambanin'ny ozona

Ny hoe ao ambanin'ny ozona dia ilazana hoe voaozona. Eto izany dia maneho ny famaizana mandrakizay. "Ireo izay miankina amin'ny ... ny lalàna dia voaozona" na "Ho faizin'Andriamanitra mandrakizay ireo izay miankina amin'ny ... lalàna"

Ankehitriny dia mazava

Azo hazavaina kokoa ny hoe inona no "mazava." DH: "Mazava ny soratra masina" na "Mampianatra mazava ny soratra masina"

tsy misy olona izay hamarinina eo anatrehan'Andriamanitra amin'ny alalan'ny lalàna

Azo atao hoe DH: "tsy manamarina an'iza na iza amin'ny lalàna Andriamanitra"

tsy misy olona izay hamarinina eo anatrehan'Andriamanitra amin'ny alalan'ny lalàna

I Paoly dia manitsy ny finoan'izy ireo fa raha mankatoa ny lalàna izy ireo, dia hanamarina azy ireo Andriamanitra. DH: "tsy misy voamarina eo anatrehan'Andriamanitra amin'ny fankatoavana ny lalàna" na "Tsy manamarina an'iza na iza nohon'ny fankatoavany ny lalàna Andriamanitra"

ny marina

Ilazana ireo olo-marina io. DH: "olo-marina" na "olona izay raisin'Andriamanitra ho marina"

asan'ny lalàna

"izay ambaran'ny lalàna fa tsy maintsy ataontsika"

tsy maintsy velona amin'ireo

Ireo mety ho heviny dia 1) "tsy maintsy mankatoa azy rehetra" na 2) "ho tsaraina amin'ny fahaizany manao izay angatahin'ny lalàna"

Galatians 3:13

Fampifandraisana ny foto-kevitra:

Mampatsiahy ireo mpino indray i Paoly fa ny fitandremana ny lalàna dia tsy afaka mamonjy ny olona iray ary tsy manisy fepetra vaovao amin'ny fampanantenana tamin'ny finoana nomena an'i Abrahama izany.

tamin'ny ozon'ny lalàna

Ny anarana hoe "ozona" dia azo avadika ho matoanteny hoe "voaozona." DH: "tsy ho voaozona noho ny lalàna" na "tsy ho voaozona nohon'ny tsy fankatoavana ny lalàna"

nahatongavany ho ozona ho anay

Ny anarana hoe "ozona" dia azo atao matoanteny. DH: "tamin'ny nahavoaozona Azy ho antsika" na "raha nozonin'Andriamanitra Izy raha tokony ho isika"

tamin'ny ozon'ny lalàna ... nahatongavany ho ozona ho anay ... Voaozona izay rehetra

Eto ny ozona dia ilazana hoe meloka. DH: "mba tsy ho vaoheloky ny lalàna ... ho meloka raha tokony ho isika izany ... Meloka izay rehetra"

mihantona amin'ny hazo

Miandry ireo mpamaky i Paoly mba hahatakatra fa nanondro an'i Jesosy nihantona teo amin'ny hazofijaliana izy.

ahazoantsika

Tafiditra ao amin'io mpisolo-tena tampisaka "-tsika" io ireo olona izay hamaky ny taratasy.

Galatians 3:15

Ry rahalahy

Adikao araka ny ao amin'ny 1:1 io.

araka ny fanaon'ny olona

"tahaka ny olona" na "zavatra izay azon'ny ankamaroan'ny olona"

Ankehitriny

Io teny io dia mampiseho fa nilaza zavatra tamin'ny ankapobeny i Paoly, ary izao dia manomboka mampiditra toe-javatra voafaritra.

manondro olona maro

"manondro taranaka maro"

ho an'ny taranakao

Ny mpisolo-tena tampisaka "-ao" dia manondro olona iray mazava, izay taranak'i Abrahama voafaritra tsara (ary izany taranaka izany dia fantatra amin'ny hoe "Kristy").

Galatians 3:17

Fa raha avy amin'ny lalàna ny lova, dia tsy avy amin'ny fampanantenana intsony izany

Miresaka momba ana toe-javatra izay tsy nisy i Paoly mba hanindriana fa tamin'ny alalan'ny fampanantenana ihany no niavian'ny lova. DH: "tonga amintsika amin'ny alalan'ny fampanantenana ny lova, satria tsy afaka nitandrina ireo fitakian'ny lalàn'Andriamanitra isika"

lova

Ny fandraisana izay nampanantenain'Andriamanitra eto dia atao toy ny hoe lova tany sy harena avy amin'ny fianakaviana, sady fitahiana sy fanavotana mandrakizay.

Galatians 3:19

Fampifandraisana ny foto-kevitra:

Milaza amin'ireo mpino ao Galatia ny antony nanomezan'Andriamanitra ny lalàna i Paoly.

Inona, ary, ny tanjon'ny lalàna?

Mampiasa fanontaniana fampisainana i Paoly mba hampidirana ny lohahevitra manaraka izay hiadiana hevitra. Azo adika ho teny tsotra ihany koa io. DH: "Ho lazaiko aminareo ny antom-pisian'ny lalàna" na "Mamelà ahy hilaza aminareo hoe nahoana Andriamanitra no nanome ny lalàna"

Nasiana izany

Azo atao hoe DH: "Nasian'Andriamaniitra izany" na "Nasian'Andriamanitra ny lalàna"

Ny lalàna dia nataon'ny mpanalalana iray ho manan-kery tamin'ny alalan'ny anjely

Azo atao hoe DH: "Nanao ny lalàna tamin'ny fanampian'ireo anjely Andriamanitra, ary misy mpanelanelana nahatonga izany ho nanan-kery"

mpanalalana

"mpisolo tena"

Fa ny mpanelanelana dia midika olona mihoatra ny iray, kanefa Andriamanitra dia iray

Nanome ny fampanantenany an'i Abrahama tsy nisy mpanelanelana Andriamanitra, saingy nanome ny lalàna an'i Mosesy tamin'ny alalan'ny mpanelanelana Izy. Vokatr'izany, ireo mpamakin'i Paoly dia mety ho nihevitra fa nahatonga ny fampanantenana ho tsy manan-kery ny lalàna. Milaza izay mety ho noheverin'ireo mpamaky i Paoly eto, ary hamaly azy ireo ao amin'ny andininy manaraka.

Galatians 3:21

Fampahafantarana amin'ny ankapobeny:

Ny teny hoe "isika" rehetra ato amin'ity ampahany ity dia manondro ireo Kristiana avokoa.

manohitra

"mifanohitra amin'ny" na "tsy mifanaraka amin'ny"

Fa raha nisy lalàna nomena izay afaka manome fiainana

Ny anarana hoe "fiainana" dia azo adika ho matoanteny hoe "miaina." DH: "raha nanome lalàna izay mahatonga ireo mitandrina izany hiaina Andriamanitra"

dia avy tamin'ny lalàna tokoa ny fahamarinana

"dia hanjary ho marina amin'ny fankatoavana ny lalàna isika"

Fa ny Soratra Masina nanagadra ny rehetra ambanin'ny fahotana. Fa Andriamanitra nanao izany mba hanomezana ho an'ireo mino ny fampanantenana ny hanavotana antsika amin'ny alalan'ny finoana ao amin'i Jesosy Kristy

ireo mety ho dikany hafa dia 1) "Satria manota avokoa isika, dia nataon'Andriamanitra ho ao ambanin'ny fifehezan'ny lalàna ny zavatra rehetra, mba ho afaka omeny ireo izay mino, ireo izay nampanantenainy ho an'ireo izay mino an'i Kristy Jesosy" na 2) "satria manota isika, dia nataon'Andriamanitra ho ao ambanin'ny fifehezan'ny lalàna ny zavatra rehetra, toy ny hoe mandefa azy ireo any am-ponja. Nataony izany satria ireo nampanantenainy ho an'ireo izay mino an'i Kristy dia tiany homena ireo izay mino.

Soratra Masina

Raisin'i Paoly toy ny hoe olona ny soratra masina ary miresaka momba an'Andriamanitra, izay nanoratra ny soratra masina. DH: "Andriamanitra"

Galatians 3:23

Fampifandraisana ny foto-kevitra:

Mampatsiahy ireo izay any Galatia i Paoly fa ireo mpino dia olon'afaka ao amin'ny ankohonan'Andriamanitra, fa tsy andevo ao ambanin'ny lalàna.

isika dia notazonina ho babo tao ambanin'ny lalàna, nogadraina

Azo atao hoe DH: "nihazona antsika ho babo ny lalàna ary tany am-ponja isika" na "nihazona antsika ho babo tany am-ponja ny lalàna"

izahay dia notazonina ho babo tao ambanin'ny lalàna, nogadraina

Ny fomba nifehezan'ny lalàna antsika dia resahina toy ny hoe mpiambina fonja izay mihazona antsika ho babo ny lalàna. DH: "nifehy antsika toy ny mpiambina fonja ny lalàna"

mandra-pisehon'ny finoana

Azo adika mazava hoe iza io finoana io. DH: "mandra-panehon'Andriamanitra fa manamarina ireo izay mino an'i Kristy Izy" na "mandra-panehon'Andriamanitra fa manamarina ireo izay matoky an'i Kristy Izy"

mpiambina

Mihoatra noho ny "olona iray izay manara-maso zaza iray," matetika dia andevo no tompon'Andraikitra amin'ny fampiharana ny fitsipika sy ny toetra apetrak'ireo ray aman-dreny, ary izy ireo no mitatitra ny fihetsiky ny zaza any amin'ny ray aman-dreny.

nandra-piavian'i Kristy

"nandra-piavin'ny fotoana nahatongavan'i Kristy"

mba ho voamarina ... isika

Talohan'ny nahatongavan'i Kristy, dia nikasa ny hanamariana antsika Andriamanitra. Rehefa tonga Kristy, dia notanterahiny ny fikasany hanamarina antsika. Azo adika hoe DH: "mba ho ambaran'Andriamanitra fa marina isika"

Galatians 3:27

Ary tsy misy intsony na Jiosy na Grika, na andevo na olon'afaka, na lahy na vavy

"Tsy mahita fahasamihafana eo amin'ny Jiosy sy ny Grika, ny andevo sy ny olon'afaka, ny lahy sy ny vavy Andriamanitra"

mpandova

Ireo olona izay nanaovan'Andriamanitra ny fampanantenana dia resahina toy ny handova tany sy harena avy amina olona iray ao amin'ny fianakaviana.

Galatians 4

Galatians 4:1

Fampifandraisana ny foto-kevitra:

Manohy mampatsiahy ireo mpino Galatiana i Paoly fa tonga hanavotra ireo izay tao ambanin'ny lalàna i Kristy, ary tsy nataony andevo intsony izy ireo fa zanaka.

tsy hafa amin'ny

"sahala amin'ny"

mpiambina

olona tompon'andraikitry ny ankizy ara-dalàna

mpitahiry zava- tsarobidy

olona izay hatokisan'ny hafa hiaro zavatra saro-bidy

Galatians 4:3

Fampahafantarana amin'ny ankapobeny:

Ny teny hoe "isika'' ato dia manondro ny kristiana rehetra, ao anatin'izany ireo mpamakin'i Paoly.

lalàna fitsipi-pianaran'izao tontolo izao

Ireo mety ho dikany dia 1) maneho ireo lalàna na fitsipika ara-moralin'izao tontolo izao io, na 2) maneho ny hery ara-panahy, izay heverin'ny hafa fa mifehy izay miseho eto an-tany io.

hanavotana

"hividianana indray." Mampiasa sarin-teny ilazana olona iray mividy indray ny fanana efa very na mividy ny fahafahan'ny andevo iray i Paoly mba ho kisarisary maneho an'i Jesosy mandoa ny vidin'ny otan'ireo olony tamin'ny fahafatesana teo amin'ny hazo fijaliana.

Zanany

Fiantsoana manan-danja an'i Jesosy, ilay zanak'Andriamanitra io.

Galatians 4:6

zanaka ianareo ... tsy andevo intsony ianao, fa zanaka

Mampiasa ny teny mahalaza ny zaza lahy i Paoly eto satria lova no resaka. Amin'ny fomban-drazany sy ny an'ireo mpamaky, ny lova matetika, dia mifindra any amin'ny lahy. Sady tsy manavaka no tsy manala ny vavy ao anaty lisitra izy.

nirahin'Andriamanitra ho ao am-pontsika ny Fanahin'ny Zanany, izay miantso hoe: "Aba, Ray."

Nandefa ny Fanahin'ny Zanak'Andriamanitra ho ao am-pon'ireo mino Azy ny Andriamanitra Ray. Ankehitriny dia fantatr'izy ireo fa tian'Andriamanitra hatrany toy ny fitiavan'ny ray malemy fanahy ireo zanany izy ireo.

nirahin'Andriamanitra ho ao am-pontsika ny Fanahin'ny Zanany

Ilazana ny rantsana iray izay afaka misaina sy mahatsapa ao amin'ny olona ny fo eto. DH: "nandefa ny Fanahin'ny Zanany mba hampiseho antsika ny fomba fihevitra sy fiasa"

Zanany

Fiantsoana manan-danja an'i Jesosy, ilay zanak'Andriamanitra io.

izay miantso hoe

Ny Fanahy no ilay iray izay miantso.

Aba, Ray

Io no fomba hiantsoan'ny zaza ny rainy tamin'ny fitenin'i Paoly, fa tsy tamin'ny fitenin'ireo Galatiana mpamaky. Mba hitazonana ny fiteny vahiny, dia adikao amin'ny fomba izay mifanakaiky indrindra amin'ny hoe "Aba" araka izay azon'ny fiteninao atao izany.

sy andevo intsony ianao ... mpandova amin'ny alalan'Andriamanitra ihany koa ianao

Miresaka amin'ireo mpamaky toy ny hoe amin'olona iray ihany i Paoly.

mpandova

Ireo olona izay nanaovan'Andriamanitra ny fampanantenana eto dia resahina toy ny handova tany sy harena avy amina olona iray ao amin'ny fiankaviana.

Galatians 4:8

Fampifandraisana ny foto-kevitra:

Mampatsiahy ireo mpino Galatiana i Paoly fa miezaka ny hiaina ao ambanin'ny lalàn'Andriamanitra indray izy ireo fa tsy miaina amin'ny finoana.

Fampahafantarana amin'ny ankapobeny:

Manohy mananatra ireo Galatiana amin'ny alalan'ny fanontaniana fampisainana izy.

ireo izay

"ireo zavatra izay" na "ireo fanahy izay"

fantatr'Andriamanitra ianareo

Azo adika hoe DH: "Mahalala anareo Andriamanitra"

ka ahoana no hiverenanareo amin'ny ... tsy misy dikany?

Ity no voalohany amin'ireo fanontaniana fampisainana anankiroa. DH: "tsy tokony hiverina amin'ny ... tsy misy dikany."

abidim-pianarana

Adikao araaka ny fomba nandikanao izany ao amin'ny 4:3.

Te ho andevozina indray ve ianareo?

Azo adika ho teny tsotra io fanontaniana io. DH: "Tsy tokony ho te andevozina indray ianareo!" na "Toa te ho andevozina indray ianareo."

Galatians 4:10

Mandinika ireo andro sy ireo volana ary ireo vanim-potoana sy ireo taona ianareo!

I Paoly dia miresaka ny amin'ny fitandreman'izy ireo mba hankalaza fotoana sasantsasany, amin'ny fiheverana fa ny fanaovana izany no hanamarina azy ireo eo amin'Andriamanitra.

ho zava-poana

"ho tsy misy dikany" na "tsy hisy fiantraikany"

Galatians 4:12

Fampifandraisana ny foto-kevitra:

I Paoly dia mampatsiahy ireo mpino Galatiana ny amin'ny fandraisan'izy ireo azy tamin'ny hatsaram-panahy tamin'ny naha-teo amin'izy ireo azy, ary mampahery azy ireo mba hatoky azy hatrany rehefa tsy eo amin'izy ireo izy.

Miangavy

Eto izany dia midika fangatahana na fandrisihana mafy. Tsy ilay teny fampiasa amin'ny fangatahana vola na sakafo na zavatra mivaingana io.

rahalahy

Adikao araka ny ao amin'ny 1:1.

Tsy nanao ratsy tamiko ianareo

Azo adika hoe DH: "noraisinareo tsara aho" na "noraisinareo araka ny tokony nataonareo aho"

Na dia nitondra anareo tamin'ny fakam-panahy aza ny toe-batako

"Na dia sarotra taminareo aza ny nahita ahy narary ara-batana tahaka ireny"

nanao tsinontsinona

"nankahala mafy"

Galatians 4:17

hitaona anareo

"handresy lahatra anareo hikambana amin'izy ireo"

hanidy anareo any ivelany

"hanidy anareo lavitra anay" na "hampitsahatra anareo tsy hanaiky anay"

hanana zotom-po ho azy ireo

"hazoto hanao izay asain'izy ireo ataonareo"

Galatians 4:19

Fampifandraisana ny foto-kevitra:

Milaza amin'ireo mpino i Paoly fa ny fahasoavana sy ny lalàna dia tsy afaka miara-miasa.

Ry zanako

Io dia sarin-teny ilazana ny mpianatra na mpanara-dia. DH: "Ianareo dia mpianatro nohon'ny amiko"

mbola mijaly amin'ny fanaintainan'ny fiterahana ho anareo indray aho mandra-piforon'i Kristy ao aminareo

Mampiasa ny fiterahana ho sarin-teny anehoana ny fiahiany ny amin'ireo Galatiana i Paoly. DH: "Marary toy ny hoe vehivavy hiteraka anareo aho, ary mbola hanaintaina hatrany mandra-pifehin'i Kristy tanteraka anareo"

Galatians 4:21

Teneno amiko

"Te hametraka fanontaniana aho" na "Te hilaza zavatra aminareo aho"

moa tsy mihaino ny lalàna ve ianareo?

Manao fampidirana izay ho lazainy manaraka i Paoly. DH: "mila mianatra izay tena lazain'ny lalàna ianareo" na "mamelà ahy hilaza aminareo izay ambaran'ny lalàna marina"

Galatians 4:24

Fampifandraisana ny foto-kevitra:

Manomboka milaza tantara i Paoly mba hanehoana fahamarinana iray _ fa tsy afaka miara-miasa ny lalàna sy ny fahasoavana.

Ireo zavatra ireo dia azo raisina ho toy ny fanoharana

"Ity tantaran'ny zanaka lahy anankiroa ity dia toy ny kisarisarin'izay ho lazaiko aminareo"

toy ny fanoharana

Ny "fanoharana" dia tantara ary ny olona sy ny zavatra ao amin'izany dia maneho zavatra hafa. Ao amin'ny fanoharan'i Paoly, ireo vehivavy noresahina tao amin'ny 4:21 dia maneho ny fanekem-pihavanana anankiroa.

tendrombohitr'i Sinay

Ny "Tendrombohitr'i Sinay" dia ilazana ny lalàna izy nomen'i Mosesy ireo zanak'Israely teo. DH: "Tendrombohitr'i Sinay, izay nanomezan'i Mosesy ny lalàna tamin'Israely"

niteraka zaza izay andevo izy

Raisin'i Paoly toy ny hoe olona ny lalàna. DH: "Ireo olona ambanin'izany fanekena izany dia toy ny andevo izay tsy maintsy mankatoa ny lalàna"

maneho

"dia kisarisarin'ny"

satria nandevozina niaraka tamin'ireo zanany izy

I Hagara dia andevo ary ireo zanany dia andevo miaraka aminy. DH: "Jerosalema, tahaka an'i Hagara, dia andevo, ary ireo zanany dia andevo miaraka aminy"

Galatians 4:26

afaka

Eto ny hoe "afaka" dia midika hoe tsy voafatotra, tsy andevo.

Mifalia

"Miravoravoa"

ianao ry momba ... ianao izay tsy mijaly

Eto ny "ianao" dia manondro ilay vehivavy momba.

Galatians 4:28

rahalahy

Adikao araka ny ao amin'ny 1:1 io.

zanaky ny fampanantenana

Ireo mety ho dikany dia lasa zanak'Andriamitra ireo Galatiana 1) tamin'ny finoana ny fampanantenan'Andriamanitra na 2) satria nanao fahagagana mba hanatanterahana ny fampanantenana tamin'i Abrahama Andriamanitra, voalohany tamin'izany ny fanomezana zanaka lahy an'i Abrahama ary ny manaraka dia ny fanaovana ireo Galatiana ho zanak'i Abrahama ary noho izany dia zanak'Andriamanitra.

araka ny nofo

Maneho an'i Abrahama izay lasa rain'Ismaela tamin'ny fakana an'i Hagara ho vady io. DH: "tamin'ny alalan'ny asan'ny olombelona" na "nohon'ny nataon'ny olona"

araka ny Fanahy

"nohon'ny zavatra naton'ny Fanahy"

Galatians 4:30

rahalahy

Adikao araka ny ao amin'ny 1:1.

fa zanaky ny vehivavy afaka

Azo fenoina ny teny izay tsy nampidirina tato. "fa kosa, zanaky ny vehivavy afaka isika"

Galatians 5

Galatians 5:1

Fampifandraisana ny foto-kevitra:

Mampihatra ilay fanoharana i Paoly amin'ny fampatsiahivana ireo mpino mba hampiasa ny fahafahan'izy ireo ao amin'i Kristy satria ny lalàna rehetra dia tanteraka amin'ny fitiavana ny mpiara-belona tahaka ny tena.

Ho amin'ny fahafahana no

Mila manindry ny hoe "fahafahana" izay mifanohitra amin'ny fanandevozana noresahina tao amin'ny andininy teo aloha ny dikan-teny eto.

Ho amin'ny fahafahana no nanafahan'i Kristy antsika

"Mba ho afaka isika no antony nanafahan'i Kristy antsika"

Miorena tsara

Ny fiorenana tsara eto dia maneho ny fahatapahan-kevitra ny tsy hiova. Azo atao mazava kokoa ny fomba tsy hiovan'izy ireo. DH: "Aza milavo lefona amin'ireo fandresen-dahatry ny olona izay mampianatra zavatra hafa" na "aoka ho tapa-kevitra ny hijanona ho afaka"

raha mamela ny tenanareo ho foraina ianareo

Mampiasa ny famorana i Paoly ilazana ny fomba fivavahana Jiosy. DH: "raha miverina amin'ny fomba fivavahana Jiosy ianareo"

Galatians 5:3

Mijoro vavolombelona

"manambara" na "ho vavolombelona"

amin'ny olona tsirairay indray aho izay mamela ny tenany ho voafora

Mampiasa ny famorana i Paoly mba hilazana ny maha-Jiosy. DH: "ho an'ny olona rehetra izay lasa Jiosy"

voatery

"voafatotra" na "andevozina"

Tafasaraka tamin'i Kristy ianareo

"Natsahatrareo ny fifandraisanareo tamin'i Kristy"

izay te ho hamarinina amin'ny alalan'ny lalàna

Miresaka amin'ny fomba misy eso i Paoly eto. Ny tena marina dia mampianatra izy fa tsy misy Jiosy voamarina amin'ny fiezahana hanao ny asa izay takian'ny lalàna. DH: "ianareo rehetra izay mihevitra fa afaka ny ho voamarina amin'ny fanaovana ny asa izay takian'ny lalàna" na "ianareo izay te ho voamarina amin'ny lalàna"

tsy miaina fahasoavana intsony ianareo

Azo azavaina kokoa hoe avy amin'iza izany fahasoavana izany. DH: "Tsy haneho fahasoavana aminareo Andriamanitra"

Galatians 5:5

Fampahafantarana amin'ny ankapobeny:

Eto ny teny hoe "isika" dia manondro an'i Paoly sy ireo izay manohitra ny famorana ny Kristiana. Mety ho ampidiriny ao anatin'izany ireo Galatiana.

Fa

"Satria"

amin'ny finoana, no hiandrasantsika fatratra ny fanantenana ny fahamarinana

Ireo mety ho dikany dia 1) "Miandry ny fanantenana ny fahamarinana amin'ny finoana isika" na 2) ''miandry ny fanantenana ny fahamarinana izy tonga amin'ny alalan'ny finoana isika."

no hiandrasantsika fatratra ny fanantenana ny fahamarinana

"miandry am-paharetana sy am-pientanam-po an'Andriamanitra hanamarina antsika eo aminy mandrakizay isika, ary manantena Azy hanao izany"

na voafora na tsy voafora

Fomba ilazana ny Jiosy na ny tsy Jiosy io. DH: "na ny Jiosy na ny tsy Jiosy"

fa ny finoana miasa amin'ny fitiavana ihany

"fa kosa, Andriamanitra dia miahy ny amin'ny finoantsika Azy, izay asehontsika amin'ny fitiavana ny hafa"

tsy midika na inona na inona

"tsy misy dikany"

nihazakazaka tsara ianareo

"Nampihatra izay nampianarin'i Jesosy ianareo"

Izany fandresen-dahatra izany dia tsy avy aminy ilay niantso anareo

"Ilay mandresy lahatra anareo mba hanao izany, dia tsy Andriamanitra, ilay iray izay miantso anareo"

ilay niantso anareo

Azo atao mazava kokoa ilay hiantsoany azy ireo. DH: "ilay iray izay miantso anareo ho olony"

fandresen-dahatra

Ny mandresy lahatra olona iray dia manova izay hinoany mba hiasany amin'ny fomba hafa.

Galatians 5:9

tsy handray fomba fijery hafa ianareo

"tsy hino izay zavatra rehetra hafa amin'izay lazaiko aminareo ianareo"

Fa ny iray izay mampikorontana anareo no hanefa ny sazy

"Ho faizin'Andriamanitra ilay iray izay mampikorontana anareo"

mampikorontana anareo

"mahatonga anareo hisalasala ny amin'ny fahamarinana" na "mampitombo ny fikorotanana eo aminareo"

na iza izy na iza

Ireo mety ho dikany dia 1) Tsy fantatr'i Paoly ny anaran'ireo olona izay milaza amin'ireo Galatiana fa mila mankatoa ny lalàn'i Mosesy izy ireo na 2) Tsy tian'i Paoly hiraharaha ireo Galatiana na manan-karena na mahantra, na lehibe na kely, na mpivavaka na tsy mpivavaka ireo izay "mampikorontana" azy ireo.

Galatians 5:11

Ry rahalahy, raha mbola manambara famorana aho, nahoana aho no mbola enjehina?

Mamaritra toe-javatra izay tsy misy i Paoly mba hanindriana fa manenjika azy ny olona satria tsy mitory ny amin'ny tokony hahatongavan'ny olona ho Jiosy izy. DH: "Ry rahalahy, hitanareo fa tsy mbola mitory ny amin'ny famorana ihany aho satria manenjika ahy ireo Jiosy."

rahalahy

Adikao araka ny ao amin'ny 1:1.

Amin'izany dia ho afaka tokoa ny fahatafintohinan'ny hazo fijaliana

Mamaritra zava-mitranga izay tsy misy i Paoly mba hanindriana fa manenjika azy ny olona satria tsy mitory ny amin'ny famelan'Andriamanitra ireo olona nohon'ny asan'i Jesosy teo amin'ny hazofijaliana izy.

Amin'izany

"Raha mbola niteny aho fa mila miova ho Jiosy ny olona"

afaka tokoa ny fahatafintohinan'ny hazo fijaliana

Azo atao hoe DH: "tsy misy vato fanafintohinana ny fampianarana momba ny hazofijaliana" na "tsy misy na inona na inona ao amin'ny fampianarana izay mahatonga ny olona ho tafintohina"

afaka tokoa ny fahatafintohinan'ny hazo fijaliana

Ny fahatafintohinana dia anehoana ny fahotana, ary ny vato fanafintohinana dia ilazana zavatra izay mitarika fahotana ho an'ny olona. Eto amin'ity toe-javatra ity ny fahotana dia ny fandàvana ny fahamarinan'ny fampianarana hoe, mba ho marina eo amin'Andriamanitra, dia mila mino ny olona fa maty ho antsika teo amin'ny hazofijaliana i Jesosy. DH: "nesorina ny fampianarana momba ny hazofijaliana izay mitarika ny olona handà ny fahamarinana" na "tsy misy na inona na inona ao amin'ny fampianarana momba ny fahafatesan'i Jesosy teo amin'ny hazofijaliana izay mety hitarika ny olona handà ny fampianarana"

hanapaka ny tenany izy ireo

Ireo mety ho dikany dia 1) ara-bakiteny, manapaka ny taovam-pananahan'izy ireo mba ho tonga ionoka na 2) sarin-teny, hiala tanteraka amin'ny vondrona Kristiana,.

Galatians 5:13

Fa

Manome ny anton'ireo teniny tao amin'ny 5:11 i Paoly.

nantsoina ho amin'ny fahafahana ianareo

Azo atao hoe DH: "Niantso anareo ho amin'ny fahafahana Andriamanitra"

nantsoina ho amin'ny fahafahana ianareo

Ireo mety ho dikany dia 1) "Nifidy anareo ho olony Andriamanitra mba ho afaka ianareo" na 2) Nandidy anareo ho afaka Andriamanitra"

rahalahy

Adikao araka ny ao amin'ny 1:1.

irika amin'ny filan'ny nofo

Ny ffandraisan'ny irika sy ny toetra feno fahotana dia azo adika mazava. DH: "irika ho anareo mba hiaina araka ny toetra feno fahotanareo"

Fa ny lalàna rehetra dia tanteraka ao amin'ny didy iray

Ireo mety ho dikany dia 1) "azo ambara amin'ny didy iray ihany ny lalàna rehetra, dia izao" na 2) "amin'ny fankatoavana ny didy anankiray, dia mankatoa ny didy rehetra ianareo, ary izany didy iray izany dia izao"

Galatians 5:16

Fampifandraisana ny foto-kevitra:

Manazava ny fomba hananan'ny Fanahy fahefana eo amin'ny fahotana i Paoly.

mandehana araka ny Fanahy

Ny fandehanana dia sarin-teny maneho ny fiainana. DH: "ento amin'ny herin'ny Fanahy Masina ny fiainanareo" na "hiaino amin'ny fiankinana amin'ny Fanahy ny fianinanareo"

dia tsy hahatanteraka izay filan'ny nofo ianareo

Ny andian-teny hoe "hahatanteraka ny filan'ny nofo" dia fomba fiteny izay midika hoe "manao izy irian'ny olona iray." DH: "Tsy hanao ny filana feno fahotan'ny nofonareo ianareo"

izay filan'ny nofo

Eto ny filan'ny nofo dia resahina toy ny olona izay te hanota. DH: "izay tianareo ho atao nohon'ny filan'ny nofonareo" na "ireo zavatra tianareo ho atao satria feno fahotana ianareo"

tsy ho ambanin'ny lalàna

"tsy voatery hankatoa ny lalàn'i Mosesy"

Galatians 5:19

ny asan'ny filan'ny nofo

Ny teny hoe "asa" dia azo adika ho matoanteny "manao." DH: "izy ataon'ny filan'ny nofo"

ny asan'ny filan'ny nofo

Eto ny filan'ny nofo dia resahina toy ny olona izay te hanota. DH: "izay tianareo ho atao nohon'ny filan'ny nofonareo" na "ireo zavatra tianareo ho atao satria feno fahotana ianareo"

handova

Ny fandraisana izay nampanantenain'Andriamanitra ireo mpino dia ambara tahaka ny fandovana tany sy harena avy amin'ny olona iray ao amin'ny fianakaviana.

Galatians 5:22

Fa ny vokatry ny Fanahy dia fitiavana ... fahafehezan-tena

Mampiasa ny vokatra ho sarin-teny ilazana izay hitan'ny olona eo amin'ny olona hafa i Paoly. DH: "ny olona izay tarihin'ny Fanahy dia hampibaribary fitiavana ... fahafehezan-tena toy y hazo izay mamokatra voa"

nanombo ny toetra feno fahotany niaraka tamin'ny fahafinaretany sy ny filany

Miresaka momba ireo kristiana izay tsy manaiky ny hiaina araka ny toetra feno fahotan'izy ireo toy ny hoe olona izay novonoina teo amin'ny hazofijaliana i Paoly. DH: "tsy manaiky ny hiaina araka ny toetra feno fahotana miaraka amin'ny fahafinaretany sy ny filany, toy ny hoe novonoin'izy ireo teo amin'ny hazofijaliana izany"

ny toetra feno fahotany niaraka tamin'ny fahafinaretany sy ny filany

Ny toetra feno fahotana dia ambara toy ny olona izay manana fahafinaretana sy filana. DH: "ny toetra feno fahotan'izy ireo, ary ireo zavatra tian'izy ireo hatao mafy dia mafy nohon'ny amin'izany"

Galatians 5:25

Raha miaina amin'ny Fanahy isika

"Satria nahatonga antsika ho velona ny Fanahin'Andriamanitra"

handeha amin'ny Fanahy ihany koa

Ny "handeha" dia sarin-teny ilazana ny fiainana isan'andro. DH: "hamela ny Fanahy Masina hitarika antsika mba hanaovantsika ireo zavatra izay ankasitrahana sy manome voninahitra an'Andriamanitra"

Aoka

"Tokony"

Galatians 6

Galatians 6:1

Fampifandraisana ny foto-kevitra:

Mampianatra ireo mpino ny amin'ny fomba tokony hitondran'izy ireo ny mpino hafa sy famalian'Andriamanitra fitia i Paoly.

Ry rahalahy

Adikao araka ny ao amin'ny 1:1.

raha misy olona

"raha misy na iza na iza eo aminareo"

azon'ny ota

Ireo mety ho dikany dia 1) nisy olona nahatratra izay olona izany nanao izany: "tratra teo am-panotana," na 2) nanota fa tsy nanana eritreritra ny hanao ratsy izany olona izany: "nilavo lefona ka nanota"

ianareo izay ara-panahy

"ireo sasany aminareo izay tarihin'ny Fanahy" na "ianareo izay miaina amin'ny fitarihan'ny Fanahy"

hamerina azy

"hanitsy izany olona nanota izany" na "hananatra ilay olona nanota mba hiverina amin'ny fifandraisana tsara amin'Andriamanitra"

amin'ny fahamoram-panahy

Ireo mety ho dikany dia 1) manoro lalana ilay manome fananarana ny Fanahy na 2) "amin'ny toetra feno fahamoram-panahy" na "amin'ny fomba tsara fanahy"

Mihevera ny tenanao

Ireo teny ireo dia mandray ireo Galatiana rehetra toy ny olona iray ihany mba hanindriana fa izy dia miresaka amin'ny tsirairay amin'izy ireo. DH: "Mihevera-tena" na "Milaza amin'ny tsirairay aminareo aho: 'hevero ny tenanareo"'

mba tsy ho halaim-panahy koa ianao

Azo atao hoe DH: "mba tsy hisy haka fanahy anareo hanota ihany koa"

Galatians 6:3

Fa

"Satria." Ny teny manaraka eo dia ny antony tokony 1) "hifampitondrana ny mavesatra" (6:1) na 2) hitandremana mba tsy ho azon'ny fakam-panahy 96:1) na 3) "mba tsy hanjary hieboebo" (5:1).

ny tenany ho zavatra

"olona manan-danja izy" na "tsara mihoatra ny hafa izy"

tsinotsinona

"olona tsy misy lanja izy" na "ratsy mihoatra ny hafa izy"

Tokony ... ny tsirairay

Tokony ... ny olona tsirairay"

samy hitondra ny entany avy ny olona tsirairay

"ny olona tsirairay dia ho tsaraina amin'ny asany ihany" na "ho tompon'andraikitra amin'ny asany ihany ny olona tsirairay"

ny olona tsirairay

"ny tsirairay"

Galatians 6:6

teny

Eto izany dia ilazana ny zavatra rehetra nolazain'Andriamanitra na nandidiany, toy ny hoe "tenin'Andriamanitra" na "ny tenin'ny fahamariana"

izay rehetra ambolen'ny olona, dia ho jinjainy koa

Ny fambolena dia maneho fanaovana zavatra izay miafara amina vokatra, ary ny fijinjana dia anehoana ny fiainana ny vokatry ny natao. DH: "tahaka ny hijinjan'ny mpamboly ny vokatry ny voa izay namboleny, dia hiaina ny vokatr'izay rehetra ataony toy izany koa ny olon-drehetra"

mamboly voa amin'ny toetrany feno fahotana

"mamboly voa araka ny toetrany feno fahotana." Io dia ilazana ny fanaovana izay tiany hatao nohon'ny toetrany feno fahotana. DH: "mamboly voa araka izay tiany nohon'ny toetrany feno fahotana" na "manao ireo zavatra tiany atao nohon'ny toetrany feno fahotana"

avy amin'izany no hijinjany fahasimbana

"dia hahazo famaizana noho izay vitany"

mamboly voa amin'ny Fanahy

"manao ireo zavatra tian'ny Fanahin'Andriamanitra"

amin'ny Fanahy no hijinjany ny fiainana mandrakizay

"dia handray ny fiainana mandrakizay ho valim-pitia avy amin'ny Fanahin'Andriamanitra"

Galatians 6:9

Aoka isika mba tsy ho reraka amin'ny fanaovan-tsoa

"tokony hanohy hanao soa hatrany isika"

fanaovan-tsoa

hanao soa amin'ny hafa hahatsara azy ireo

amin'ny fotoana mety

"fa amin'ny fotoana voatendry" na "satria amin'ny fotoana voafidin'Andriamanitra"

Koa noho izany

"vokatr'izany"

ireo fianakavian'ny finoana

"ireo izay isan'ny fianakavian'Andriamanitra amin'ny finoana an'i Kristy"

Galatians 6:11

Fampifandraisana ny foto-kevitra:

Eo am-pamaranan'i Paoly ny taratasiny, dia manao fampatsiahivana iray hafa izy fa ny lalàna dia tsy mamonjy ary tokony hahatsiaro ny hazofijalian'i Kristy izy ireo.

halehiben'ny soratra

Mety midika izany fa i Paoly dia te hanindry ny amin'ny 1) filazana izay manaraka eo na 2) hoe avy aminy ity taratasy ity.

nosoratan'ny tanako

Ireo mety ho dikany dia 1) Mety nanana mpanampy izay nanoratra ny ankamaroan'ireo taratasiny i Paoly ary i Paoly no nilaza taminy izay ho soratana, saingy i Paoly mihitsy no naoratra io ampahany farany amin'ny taratasy io na 2) I Paoly mihitsy no nanoratra ny taratasy.

hiseho ho tsara

"mahatonga ny hafa hihevitra tsara momba azy ireo" na "mahatonga ny hafa hihevitra fa olona tsara izy ireo"

ao amin'ny nofo

"amin'ny porofo hita maso" na "amin'ny fiezahan'izy ireo manokana"

manery

"misarika mafy"

mba hialana amin'ny fanenjehana nohon'ny amin'ny hazofijalian'i Kristy

"mba tsy hanenjika azy ireo ny olona nohon'ny filazana fa ny hazofijalian'i Kristy irery ihany no mamonjy ny olona.

hazofijalian'i

Ny hazofijaliana eto dia maneho izay nataon'i Kristy ho antsika tamin'ny nahafatesany teo amin'ny hazofijaliana. DH: "ny asa vitan'i Jesosy teo amin'ny hazo fijaliana" na "ny fahafatesana sy ny fitsanganan'i Jesosy tamin'ny maty"

tian'izy ireo

"tian'ireo olona manosika anareo mba ho foraina"

mba hireharehan'izy ireo amin'ny nofonareo

"mba hirehareha izy ireo fa nanampy anareo tao amin'ireo olona izay miezaka ny hihazona ny lalàna"

Galatians 6:14

Nefa tsy hirehareha na oviana na oviana afa-tsy ny amin'ny hazofijalian'i Jesosy Kristy Tompontsika anie aho

"tsy te hirehareha ny amin'ny inona na inona mihitsy aho afa-tsy ny hazofijaliana'' na "Amin'ny hazofijaliana ihany anie no hireharehako"

nanomboana an'izao tontolo izao teo amiko

Azo atao hoe DH: "heveriko ho toy ny efa maty izao tontolo izao" na "raisiko toy ny jiolahy novonoin'Andriamanitra teo amin'ny hazofijaliana izao tontolo izao"

ary izaho kosa teo amin'izao tontolo izao

Ny teny hoe "nomboana" dia efa fantatra teo amin'ny fehezanteny to alohan'io. DH: "ary izaho nomboana teo amin'izao tontolo izao"

ary izaho kosa teo amin'izao tontolo izao

Ireo mety ho dikany dia 1) "mihevitra ahy ho toy ny efa maty izao tontolo izao" na 2) "raisin'izao tontolo izao tahaka ny jiolahy novonoin'Andriamanitra teo amin'ny hazofijalaiana aho"

izao tontolo izao

Ireo mety ho dikany dia 1) ny olona eo amin'izao tontolo izao, ireo izay tsy miraharaha an'Andriamanitra na 2) ireo zavatra izay heverin'ireo izay tsy miraharaha an'Andriamanitra ho manan-danja.

misy dikany

"manan-danja amin'Andriamanitra"

fiainam-baovao

Ireo mety ho dikany dia 1) mpino vaovao ao amin'i Jesosy Kristy na 2) ny fiainam-baovaon'ny mpino iray.

amin'izy ireo anie ny fiadanana sy ny famindram-po, na amin'ny Israelin'Andriamanitra aza

Ireo mety ho dikany dia 1) ireo mpino amin'ny ankapobeny no Israelin'Andriamanitra na 2) "fiadanana sy famindram-po anie ho amin'ireo mpino Jentilisa ao Israely" na 3) "ho amin'ireo manaraka ny fitsipika anie ny fiadanana, ary ho amin'ny Israelin'Andriamanitra anie ny famindram-po"

Galatians 6:17

Manomboka izao

Azo atao koa hoe "Farany" na "Eto am-pamaranana ity taratasy ity."

aoka tsy hisy hanadala ahy

Ireo mety ho dikany dia 1) Mandidy ireo Galatiana mba tsy hanadala azy i Paoly, "Mandidy anareo izao aho: aza manadala ahy," na 2) Milaza amin'ireo Galatiana izy fa mandidy ny olona rehetra mba tsy hanadala Azy: "Mandidy ny olona rehetra izao aho: Aza manadala ahy," na 3) Maneho faniriana i paoly: "Tsy tiako hisy hanadala ahy."

hanadala ahy

Ireo mety ho dikany dia 1) "hiresaka amiko momba ireo zavatra ireo" na 2) "hahatonga zava-tsarotra amiko" na "hanome asa mafy ho ahy"

fa mitondra ireo marik'i Jesosy eo amin'ny vatako aho

"Misy fery efa sitrana eo amin'ny vatako nohon'ny fanompoako an'i Jesosy" na "mbola manana ny marik'ireo fery sitrana eo amin'ny vatako aho satria an'i Kristy"

marik'i

Ireo mety ho dikany dia 1) holatra avy tamin'ny fery niaretan'ny miaramila iray tamin'ny ady na mpanompo nanao asa loza be na 2) marika famantarana ny andevo.

Ho amin'ny fanahinareo anie ny fahasoavan'i Jesosy Kristy Tompontsika

"Mivavaka aho mba ho tsara amin'ny fanahinareo ny Tompo Jesosy"

rahalahy

Adikao araka ny ao amin'ny 1:1.