Philippians 1

Philippians 1:1

Fampifandraisana ny foto-kevitra:

Ny mpanoratra dia miarahaba ny olona rehetra ao amin'ny fiangonana ao Filipy.

Fampahafantarana amin'ny ankapobeny:

Satria Paoly dia manoratra atsy ho atsy hoe "izaho," izany dia midika fa Paoly no miresaka ary Timoty, izay niaraka taminy, dia manoratra izay lazain'i Paoly. Ny "ianareo" sy "anareo" ao amin'ity taratasy ity dia maneho ny mpino rehetra tao amin'ny fiangonan'i Filipy. Ary ny teny hoe "antsika" dia maneho ny mpino an'i Jesosy rehetra, Paoly, Timoty ary ireo mpino tao Filipy dia ao anatiny avokoa.

mpanompon'i Jesosy Kristy

"Izahay dia mpanompon'i Kristy Jesosy"

ho an'ireo rehetra voatokana ho an'i Jesosy Kristy

"ho an'ireo mpino rehetra an'i Kristy Jesosy"

mpiandraikitra sy ireo diakona

"ireo mpitarika fiangonana"

Philippians 1:3

Manome fisaorana aho nohon'ny amin'ny fiombonanareo amin'ny filazantsara

Paoly dia maneho fisaorana an'Andriamanitra fa ireo Filipiana ihany koa dia mitory ny filazantsara. DH: "Manome fisaorana an'Andriamanitra aho fa mitory ny filazantsara ianareo"

Mahatoky an'izao zavatra izao aho

"Tena mino aho"

Izy izay nanomboka

"Andriamanitra, izay nanomboka"

Philippians 1:7

Fa tsara amiko

"maha tsara ahy" na "mety amiko"

ato am-poko ianareo

"tena tia anareo aho"

mpiara-miasa tamiko tamin'ny fahasoavana

"mpandray anjara tamin'ny fahasoavana niaraka tamiko" na "nizara ny fahasoavana niaraka tamiko"

Andriamanitra no vavolombeloko

"Andriamanitra mahafantatra" na "Andriamanitra dia mahatakatra"

amin'ny famindram-pon'i Kristy Jesosy

Ny hoe "famindram-po" dia afaka adika hoe "fitiavana." DH: "ary izaho dia tia anareo tahaka an'i Jesosy tiantsika rehetra"

Philippians 1:9

Fampifandraisana ny foto-kevitra

Paoly dia mivavaka ho an'ireo mpino tao Filipy ary niresaka momba ny hafaliana ao amin'ny fijaliana ho an'ny Tompo.

mba hitombo

Paoly dia miresaka ny fitiavana tahaka ny zavatra izay afaka alaina. DH: "afaka ampitomboina"

amin'ny fahalalana sy amin'ny fahazavan-tsaina rehetra

Eto ny ''fahazavan-tsaina" dia midika hoe momban an'Andriamanitra ka afaka atao mazava. DH: "rehefa mianatra sy mahatakatra be momba izay mahafaly an'Andriamanitra"

hanaiky

Izany dia midika hoe mandinika ireo zavatra ary dia mihazona ireo izay tsara. DH: "manandrana dia misafidy"

izay tsara dia tsara

"izay tena tian'Andriamanitra"

tso-po sy tsy misy tsiny

Ireo teny roa ireto dia mitovitovy dika ihany. Paoly dia nanambatra ireo mba hanasongadinana ny fitondran-tena madio. DH: "tena tsy manan-tsiny"

mba ho fenon'ny

Paoly dia mampitaha ireo mpino ho tahaka ny fitoeran-javatra ka afaka fenoina voankazo. DH: "Izany ihany koa dia hoe Jesosy Kristy mety ahatonga anareo hankatoa an'Andriamanitra bebe kokoa"

ho fenon'ny vokatry ny fahamarinana izay avy amin'i

Ny asa tsaran'ny mpino izay nolazain'Andriamanitra fa tsara dia mahafaly an'Andriamanitra tahaka ny voankazo maniry izay mamy rehefa hoanin'ireo izay mihinana azy. DH: "afaka mampifaly an'Andriamanitra na ny olona hafa amin'ny fomba fiainanareo ankehitriny raha namela ny helokareo Andriamanitra.

ho voninahitra sy fiderana an'Andriamanitra

Mety ho dikany 1) "avy eo ny olona hafa hahita ny fomba hanomezanao voninahitra an'Andriamanitra" na 2) "avy eo ny olona hidera sy hanome voninahitra an'Andriamanitra noho ireo zavatra tsara hitan'izy ireo ataonareo"

Philippians 1:12

Fampahafantarana amin'ny ankapobeny

Paoly miteny fa zavatra roa no nitranga noho ny "fandrosoan'ny filazantsara": maro ireo olona ao anatiny sy any ivelan'ny lapa nahita hoe maninona izy no ao am-ponja, sy ny Kristiana sasany dia tsy matahotra intsony ny manambara ny vaovao mahafaly.

Ary tiako

Eto ny teny hoe "ary" dia manamarika fizarana vaovao an'ilay taratasy.

ry rahalahy

Eto dia milaza izany teny izany hoe ireo mpinamana Kristiana, na lahy na vavy, satria ny mpino rehetra an'i Kristy dia mpikambana ao amin'ny fianakaviana ara-panahy iray miaraka amin'Andriamanitra toy ny Rain'izy ireo any an-danitra.

izay nitranga tamiko

Paoly dia miresaka momba ny fotoanany tany am-ponja. DH: "ireo zavatra izay niaretako satria nalefa tao am-ponja aho noho ny fitoriako an'i Jesosy"

niasa ho amin'ny fampandrosoana ny filazantsara tokoa

"nahatonga olona maro nihaino ny filazantsara"

ny fatorako ao amin'i Kristy dia niharihary mazava

Ny hoe ny "fatorako ao amin'i Kristy" dia milaza hoe nigadra noho i Kristy. Ny hoe "niharihary mazava" dia sarin-teny milaza hoe "lasa fantatra". DH: "Dia lasa fantatra fa migadra noho ny amin'i Kristy aho"

ny fatorako ao amin'i Kristy dia niharihary mazava nanerana ireo mpiambin'ny lapa manontolo sy ireo olona hafa

Izany dia afaka adika hoe: "ireo mpiambin'ny lapa sy olona hafa tao Roma dia nahafantatra fa izaho dia mifatotra noho i Kristy"

ny fatorako ao amin'i Kristy

Eto ny hoe "ao aminy " dia midika hoe "noho ny". DH: "ny fatorako noho i Kristy" na "ny fatorako satria nampianatra ny olona ny momba an'i Jesosy"

ny fatorako

Eto ny teny hoe "fatorako" dia milaza hoe any am-ponja. DH: "ny fanagadrana ahy"

mpiambin'ny lapa

Izany dia vondrona miaramila izay manampy ny fiarovana ny amperora Romana

Philippians 1:15

Ny sasany aza dia mitory an'i Kristy

"Ny olona sasany dia mitory ny vaovao mahafaly momban'i Kristy"

amin'ny fialonana sy fifandirana tokoa

"satria tsy tian'izy ireo ny olona hihaino ahy, ary izy ireo dia te hampisy korontana"

ary ireo hafa kosa amin'ny sitrapo tsara

"Fa ny olona sasany manao izany satria izy ireo dia tsara fanahy sy tia manampy"

Ireto farany

"Ireo izay mitory an'i Kristy amin'ny sitrapo tsara"

fa izaho dia napetraka eto ho fiarovana ny filazantsara

Ny mety ho dikany 1) "Andriamanitra nifidy ahy mba hiaro ny filazantsara" 2) "Izaho dia ato am-ponja satria niaro ny filazantsara."

ho fiarovana ny filazantsara

"mba hampianatra ny olona rehetra fa ny hafatr'i Jesosy dia marina"

Fa iretsy voalohany

"ireo hafa" na "fa ireo izay mitory an'i Kristy amin'ny fialonana sy fifandirana"

raha mbola ao amin'ny fifatorako aho

Eto ny teny hoe "fifatorako" dia midika hoe fanagadrana DH: "raha mbola nigadra iny aho" na "raha mbola tany am-pigadrana"

Philippians 1:18

Inona ary?

Nampiasa izany fanontaniana izany Paoly mba hilazany hoe ahoana ny zavatra tsapany tamin'ny nanoratany izany. Ny mety ho dikany 1) "tsy maninona izany" na 2) ny teny hoe "ny tokony eritreretiko momba izany" dia fantatra ho ampahany amin'ny fanontaniana. DH: "inona ary no tokony eritreretiko momba izany?" na "Izany no eritreretiko momba izany"

Amin'ny fomba rehetra, na amin'ny fihatsaram-belatsihy na amin'ny fahamarinana, i Kristy no toriana

"Raha mbola mitory ny amin'i Jesosy ny olona, dia tsy maninona na ataon'izy ireo amin'ny antony tsara na ratsy aza izany"

ary mifaly ny amin'izany aho

"Izaho dia faly satria ny olona dia mitory ny momban'i Jesosy"

ho faly aho

"hankalaza aho"

izany dia hiafara amin'ny fanafahana ahy

"satria nitory an'i Kristy aho, ka Andriamanitra hanavotra ahy"

amin'ny fanafahana ahy

Ny mety ho dikan'io fehezanteny io dia hoe 1) Paoly dia maneho fa hisy hamonjy amin'io sedra ratsy io izy, na 2) Paoly dia maneho fa hivoaka ny fonja izy.

amin'ny alalan'ireo vavakareo sy ny fanampian'ny Fanahin'i Jesosy Kristy.

"satria ianareo dia mivavaka ary ny Fanahin'i Jesosy Kristy manampy ahy"

Fanahin'i Jesosy Kristy

Fanahy Masina

Philippians 1:20

Izany dia araka ny fiandrasako fatratra sy ny antoka

Ny teny hoe " fiandrasako fatratra" sy "antoka" dia mitovitovy dika eto. Paoly dia mampiasa ireo teny ireo miaraka mba hanasongadinana ny hamafin'ny fiandrasany.

ary mbola amin'ny fahasahiana rehetra ihany, ankehitriny tahaka ny hatrizay, dia hisandratra ato amin'ny tenako i Kristy

DH: "fa mino sy manantena miaraka amin'ny fahasahiana aho, ankehitriny tahaka ny hatrizay, fa hisandratra ato amin'ny tenako i Kristy"

fahasahiana rehetra ihany, ankehitriny tahaka ny hatrizay

"Ary izaho dia tena ho sahy, toy ny efa nasahiko foana hatrizay"

dia hisandratra ato amin'ny tenako i Kristy

Ny hoe "tenako" dia milaza izay ataon'i Paoly amin'ny vatany. Mety ho dikany 1) "Hanome voninahitra an'i Kristy amin'izay ataoko aho" na 2) "ny olona dia hidera an'i Kristy noho izay ataoko"

na amin'ny fiainana na amin'ny fahafatesana

"raha hiaina na raha ho faty"

Ho ahy ny hoe miaina dia Kristy ary ny hoe maty dia tombony.

"satria raha handeha hiaina aho, dia hiaina mba hahafaly an'i Jesosy, ary raha maty aho, dia ho tsara kokoa aza.

Philippians 1:22

Fa raha miaina amin'ny nofo aho

Ny teny hoe "nofo" eto dia milaza hoe ny vatana, ary ny "miaina amin'ny nofo" dia midika hoe velona. DH: "Fa raha mijanona velona ato amin'ny vatako aho" na "Fa raha manohy miaina aho"

midika asa mahavokatra ho ahy izany

Eto ny "mahavokatra" dia milaza ny vokatra tsara amin'ny asan'i Paoly. DH: "midika izany fa afaka miasa aho ary ny asako dia hanome vokatra tsara" na "avy eo dia hanana fahafahana maro aho amin'ny fampaherezana ny olona hino an'i Kristy"

Fa voatery mafy eo anelanelan'izy roa aho

Paoly dia miresaka ny fasahiranany tamin'ny fifidianany ny ho velona sa ny ho faty tahaka ny hoe zavatra roa mavesatra be, tahaka ny vato na vatan-kazo, izay miaraka misintona azy amin'ny andaniny sy ny ankilany. DH: "Misy misintona aho. Tsy aiko hoe inona no tokony safidiko ny ho velona sa ny ho faty"

Ny faniriako dia ny handeha ary hiaraka amin'i Kristy

Paoly eto dia milaza fa tsy matahotra ny ho faty. DH: "Izaho dia te-ho faty satria izaho dia handeha mba hiaraka amin'i Kristy"

Philippians 1:25

Resy lahatra ny amin'izany

"Satria resy lahatra aho fa tsara kokoa ho anao raha velona"

fantatro fa hitoetra

"fantatro fa mbola hiaina" na "fantatro fa hiaina hatrany aho"

Mba ho ao amiko

"mba noho izaho" na "mba noho izay nataoko"

fa mijoro mafy amin'ny fanahy iray ianareo, amin'ny saina iray miara-miezaka ho an'ny finoana ny filazantsara

Ny hevitry ny fehezanteny roa eto dia mitovy ihany ary manasongadina ny lanjan'ny firaisan-kina.

amin'ny saina iray miara-miezaka

Ny mifanaiky amin'izy samy izy dia midika hoe miteny tahaka ny hoe saina iray ihany. DH: "mifanaiky sy miara-miezaka"

miara-miezaka

"miaraka miasa mafy"

ho an'ny finoana ny filazantsara

Mety ho dikany 1) "manaparitaka ny finoana izay mifototra amin'ny filazantsara" na 2) "Mino sy miaina arak'izay nampianarin'ny filazantsara antsika"

Philippians 1:28

Ary aza mety ampitahorin'ireo izay fahavalonareo

Ity dia didy ho an'ireo mpino Filipiana.

Mariky ny fahapotehan'izy ireo izany, fa mariky ny famonjenareo kosa _ ary izany dia avy amin'Andriamanitra.

Ny fahasahinareo dia hampiseho azy ireo fa Andriamanitra dia hamotika azy ireo. Izany koa dia mampiseho antsika ihany koa fa Andriamanitra hanavotra antsika"

fa ianareo dia manana ady mitovy amin'izay hitanareo tamiko, ary izay henonao amiko ankehitriny.

"Izany no mahatonga anareo mijaly tahaka ny nahitanareo ahy nijaly, ary renareo fa mbola mijaly aho"

Philippians 2

Philippians 2:1

Fampifandraisana ny foto-kevitra

Paoly dia manoro ireo mpino fa tokony manana firaisan-kina sy fanetren-tena ary mampahatsiahy azy ireo ny ohatra nataon'i Kristy.

Raha misy fampaherezana ao amin'i Kristy

"raha nampahery anareo i Kristy"

raha misy fampiononana avy amin'ny fitiavany

"raha toa ka nanome fampiononana ho anareo ny fitiavany"

raha misy firaisana ao amin'ny Fanahy

"raha toa ianareo manana firaisana amin'ny Fanahy"

raha misy famindram-po lehibe sy fiantrana

"raha toa ianareo ka nahatsapa ny asan'ny famindram-po sy fiantran'Andriamanitra"

ataovy feno ny fifaliako

Paoly dia miresaka ny fifaliana ho tahaka ny hoe rano mameno siny. DH: "mahatonga ahy hifaly be"

Philippians 2:3

Aza manao na inona na inona amin'ny fitiavan-tena na fanandratan-tena foana

"Aza manompo ny tenanareo na mieritreritra ny tenanareo ho tsara noho ny hafa"

Tokony tsy hitady izay mahasoa ny tenanareo ihany ny tsirairay aminareo, fa izay mahasoa ny hafa ihany koa

"Aza dia izay ilainareo ihany no tandremena fa izay ilain'ny hafa koa"

Philippians 2:5

Mihevera tahaka ny fisainana izay tao amin'i Kristy Jesosy ihany koa

"Manana toe-tsaina mitovy amin'i Kristy Jesosy" na "eritrereto ireo zavatra toy ny nataon'i Jesosy"

fa tsy nihevitra izany fitoviany amin'Andriamanitra izany ho zavatra hifikirana Izy

Ny dikan-teny hafa dia milaza hoe: "nandritry ny fotoanan'i Kristy teto an-tany, dia tsy nitsahatra ny ho Andriamanitra Izy, fa kosa, najanony ny asa amin'ny maha Andriamanitra.

nofoanany ny tenany

Eto dia milaza izany fa Kristy dia tsy nety nampiseho ny maha Izy Azy tamin'ny tsy fanekeny ny anaovany asa amin'ny heriny avy any an-danitra nandritry ny fampianarany teto an-tany.

Ary hita nitovy tamin'olombelona Izy. Nanetry tena Izy

Ny teny hoe "Ary hita nitovy" dia fomba fiteny ny hoe "lasa ..." . DH: "Lasa olombelona, Izy dia nanetry tena"

tonga mpankatoa hatramin'ny fahafatesana

Mety manondro toerana: "Kristy nandeha tamin'ny lalana rehetra ho any amin'ny fahafatesana" na manondro fotoana: "Kristy dia nankatoa na dia hatramin'ny fotoana nahafatesana aza"

dia ilay fahafatesan'ny hazo fijaliana

"dia ilay fahafatesana eo amin'ny hazofijaliana"

Philippians 2:9

ilay Anarana izay ambonin'ny anarana rehetra

Eto ny "Anarana" dia maneho ny laharana na voninahitra. DH: "ny laharana izay ambonin'ny hafa" na "ny voninahitra izay ambonin'ny hafa"

ambonin'ny anarana rehetra

Ilay Anarana izay manan-danja bebe kokoa ka mendrika ny ho deraina noho ny anarana hafa.

amin'ny Anaran'i Jesosy

Mety ho dikany 1) "rehefa mahare ny anaran'i Jesosy ny olona rehetra" na 2) "ho voninahitr'i Jesosy"

handohalihan'ny lohalika rehetra

Eto ny "lohalika" dia maneho ny olona rehetra, ny mandohalika dia fomba ilazana ny hoe mankalaza. DH: "ny olona rehetra dia hankalaza an'Andriamanitra"

any ambanin'ny tany

Mety ho dikany 1) Ilay toerana izay alehan'ny olona rehefa maty na 2) Ilay toerana misy ny demonia

ny lela rehetra

Eto ny "lela" dia manondro ny olona rehetra. DH: "ny olona rehetra" na "ny olombelona rehetra"

ho voninahitr'Andriamanitra Ray.

Eto ny hoe "ho" dia manambara vokatra: "miaraka amin'ny vokatra hoe hidera an'Andriamanitra Ray izy ireo"

Philippians 2:12

Fampifandraisana ny foto-kevitra

Paoly dia mankahery ireo mpino Filipiana ary dia mampiseho azy ireo hoe ahoana ny miaina ny fiainana Kristiana talohan'ny sasany sy mampahatsiahy azy ireo ny nataony.

ry malalako

"ry namana mpino malala"

eo amin'ny fanatrehako

"rehefa miaraka aminareo eo aho"

tsy eo aho

"rehefa tsy miaraka aminareo eo aho"

asehoy ... ny famonjena anareo

Ny hoe "asehoy ny famonjena anareo" dia milaza hoe "manohy mankatoa an'Andriamanitra"

amin'ny tahotra sy hovitra

Ny tahotra sy hovitra dia mitovy hevitra ihany. Paoly dia mampiasa izany mba hanasongadinana ny fanajana eo anatrehan'Andriamanitra. DH: "mangovitry ny tahotra" na "am-panajana tanteraka"

vonon-kanao no sady hiasa

"Miasa Andriamanitra mba haniry hankatoa Azy ianareo ary avy eo mba hakantoa Azy ianareo"

Philippians 2:14

tsy misy tsiny sady marina

DH: "tena tsy manan-tsiny"

zanak'Andriamanitra ... tsy misy kilema

"zanak'Andriamanitra tsy misy kilema" na "zanak'Andriamanitra tonga lafatra"

hamirapiratanareo tahaka ny fahazavana

Eto Paoly dia miresaka an'ireo mpino ho tahaka ny fahazavana izay manazava ny haizina, manampy ireo hafa mba hahita fomba hanomezam-boninahitra an'Andriamanitra"

eo amin'izao tontolo izao

Ny teny hoe "izao tontolo izao" dia ireo soatoavina sy fitondran-tena izay tsy manome voninahitra an'Andriamanitra.

meloka sady maditra

Ireo teny roa ireo dia mitovy dika ihany. Paoly nampiasa ireo teny roa ireo mba hanasongadinana fa ratsy fanahy ny taranaka. DH: "Tena ratsy fanahy"

Mifikira mafy amin'ilay Tenin'ny fiainana

Paoly dia miteny toy ny hoe ny Tenin'Andriamanitra dia tahaka ny zavatra azo kasian-tanana.

hireharehàna

"mifaly" na "faly"

amin'ny andron'i Kristy

Izany dia maneho ny andro izay hiverenan'i Jesosy ka hananganany ny fanjakany ka hanapaka ny tany. DH: "rehefa miverina i Kristy"

tsy very maina ny nihazakazahako ary tsy very maina ny niasàko

Ny hoe "very maina ny nihazakazahako" sy ny " very maina ny niasàko" dia mitovy dika ihany. Paoly nampiasa ireo teny roa ireo mba hanasongadinana ny hoe niasa mafy izy mba hanampiany ireo olona hino an'i Kristy. DH: "Tsy niasa mafy tamin'ny tsy antony aho"

nihazakazahako

Ny Soratra Masina dia milaza indraindray hoe ny "fandehanana" dia midika ho fiainana. Ny mihazakazaka dia miaina mafy ny fiainana

Philippians 2:17

Fa na dia ahidina ho fanatitra eo amin'ny sorona sy fanompom-pinoana aza aho, dia mifaly aho, ary miara-mifaly aminareo rehetra aho

Paoly dia miresaka momba ny fahafatesany ho tahaka ny biby izay atao sorona ka nandrarahana divay na menaka oliva. Paoly dia manambara fa te-ho faty am-pifaliana ho an'i Filipiana raha izany no maha tonga azy ireo ankasitrahan'Andriamanitra kokoa. DH: "Fa, na dia tapa-kevitra ny hamono ahy ary ny Romana, izaho dia hifaly be raha ny fahafatesako no mahatonga ny finoanareo sy ny fankatoavanareo ankasitrahan'Andriamanitra kokoa"

izany koa no hifalianareo, ary miara-mifaly amiko ianareo.

Izany fomba fiteny roa miaraka izany dia milaza hafaliana be. DH: "Izaho dia mila anareo faly be miaraka amiko"

Philippians 2:19

Fampifandraisana ny foto-kevitra

Paoly dia miteny an'ireo mpino Filipiana momba ny fikasany handefa an'i Timoty atsy ho atsy.

Fa manantena ao amin'i Tompo Jesosy aho

"Fa, raha ny Tompo Jesosy no vonona, dia manantena aho"

Fa tsy manana olona hafa mitovy toe-tsaina aminy aho

"Tsy misy olona hafa eto tia mihoatra anareo noho izy"

Fa izy rehetra

Ny "izy rehetra" dia vondron'olona izay tsy atokisan'i Paoly halefa any Filipi. Paoly dia maneho ny tsy fifaliany amin'ireo vondron'olona ireo, izay tokony afaka mandeha, fa Paoly dia tsy natoky azy ireo ny amin'ny fanantaterahana io asa io.

Philippians 2:22

tahaka ny zaza manompo ny rainy, no nanompoany niaraka tamiko

Paoly dia miresaka an'i Timoty, izay nanompo an'i Jesosy niaraka tamin'i Paoly. Paoly dia manamafy ny fifandraisan'ny ray sy zanaka izay azony niaraka tamin'i Timoty tamin'ny fanompoana an'i Kristy.

tao amin'ny filazantsara

Eto ny "filazantsara" dia midika hoe asa izay ilazana amin'ny olona ny momba an'i Jesosy. DH: "amin'ny fitenenana ny olona momba ny filazantsara"

matoky ny Tompo aho fa ho avy any faingana koa ny tenako.

"Mahatoky aho, raha sitrapon'ny Tompo, fa ho avy faingana koa aho"

Philippians 2:25

Epafrodito

Izany dia anaran'ilay olona izay nalefan'ny fiangonana Filipiana hikarakara an'i Paoly tany am-ponja.

mpiara-miasa no mpira-miady

Eto Paoly dia miresaka an'i Epafrodito tahaka ny hoe miaramila izy. Ny tiany lazaina dia hoe Epafrodito dia efa nampiofanina sy nanokan-tena hanompo an'Andriamanitra, na toy inona hamafin'ny fijaliana izay ho zakainy. DH: "namana mpino izay miasa sy mitolona miaraka aminay"

mpitondra hafatrareo izy no mpanompo amin'izay ilaiko

"izay mitondra ny hafatrareo aty amiko ary manampy ahy rehefa ao anatin'ny tsy fahampiana"

tra-pahoriana mafy izy, ary manina ny hiaraka taminareo rehetra izy

"izy dia tena nanahy sy nitady ny mba hiaraka amintsika rehetra"

alahelo ambonin'ny alahelo

DH: "ny alahelo tamin'ny fisarahana taminy niampy ny alahelo izay azoko tamin'izaho tao am-ponja"

Philippians 2:28

ho afaka kokoa amin'ny fanahiako aho

"Ho lasa tsy dia manahy aho" na "Tsy dia manahy be loatra noho ny teo aloha aho"

raiso i Epafrodito

"Raiso amim-pifaliana i Epafrodito"

ao amin'ny Tompo Epafrodito miaraka amin'ny fifaliana rehetra

"Amin'ny maha namana mpino ao amin'ny Tompo amin'ny fifaliana rehetra" na "miaraka amin'ny hafaliana lehibe izay ananantsika satria ny Tompo Jesosy dia tia antsika"

no nanakaikezany ny fahafatesana

Paoly dia miresaka ny fahafatesana tahaka ny hoe toerana afaka andehanana any.

hanatanterahany izay tsy afaka nataonareo tamin'ny fanompoana tamiko.

Paoly dia miresaka ny zavatra ilainy tahaka ny hoe fitahirinzan-javatra izay ho fenoin'i Epafrodito zavatra tsara ho an'i Paoly

Philippians 3

Philippians 3:1

Fampifandraisana ny foto-kevitra

Mba hampitandremana ireo namana mpino ny amin'ireo Jiosy izay miezaka ny ampanaraka azy ireo ny lalàna taloha, Paoly dia nanome ny fijoroany vavolombelona momban'ny fanenjehany ny mpino.

Farany, ry rahalahy

"Miresaka zavatra hafa, ry rahalahiko" na "amin'ny raharaha hafa, ry rahalahiko"

ry rahalahy

Eto dia milaza izany teny izany hoe ireo mpinamana Kristiana, na lahy na vavy, satria ny mpino rehetra an'i Kristy dia mpikambana ao amin'ny fianakaviana ara-panahy iray miaraka amin'Andriamanitra toy ny Rain'izy ireo any an-danitra.

mifalia ao amin'ny Tompo

"mifalia noho ireo rehetra izay nataon'ny Tompo"

Tsy manahirana

manelingelina

Ireny zavatra ireny dia hiaro anareo

Ny fampianaran'i Paoly no lazaina fa "ireny zavatra ireny eto". Fa afaka adika hoe: "satria izany fampianarana izany dia hiaro anareo amin'ireo izay mampianatra ny tsy marina"

ireo amboa ... mpanao ratsy ... fanapahana rantsam-batana

Ireo dia fomba telo ahafahana mamaritra ny vondrona mitovin'ny mpampianatra sandoka. Paoly dia nampiasa fomba fiteny mahery entina hampitana ny fahatsapany mahakasika ireo Jiosy Kristiana mpampianatra.

amboa

Ny "amboa" dia nampiasain'ireo Jiosy ilazana ireo olona tsy Jiosy. Izay nataon'izy ireo hoe tsy madio. Paoly dia milaza ireo mpampianatra sandoka ho tahaka ny amboa, mba haniratsirana azy ireo.

fanapahana rantsam-batana

Eto Paoly dia manao filaza-masaka momba ny famorana mba hanakianana ireo mpampianatra sandoka. Ny mpampianatra sandoka dia miteny hoe Andriamanitra dia tsy manavotra ny olona tsy voafora, izay tsy nanapaka ny lohan-tsitsiny. Izany fanao izany dia notakiana tamin'ireo lehilahy Israelita rehetra tamin'ny alalan'ny lalàn'i Mosesy.

Fa isika

Paoly dia mampiasa ny "isika" eto entina manondro ny tenany ary ireo mpino marina rehetra ao amin'i Kristy, anisan'izany ireo mpino Filipiana.

no voafora

Paoly eto dia miresaka ireo mpino ao amin'i Kristy izay tsy voafora ara-batana fa kosa voafora ara-panahy, izay midika hoe nandray ny Fanahy Masina tamin'ny alalan'ny finoana. "Tena olon'Andiamanitra"

ary tsy mitoky amin'ny nofo

"Aza matoky fa ny fanapahana ny rantsam-batantsika ihany no hampifaly an'Andriamanitra"

Philippians 3:4

Na izany aza

"nefa" na "na izany aza"

izaho tenako dia afaka mitoky amin'ny nofo. Raha misy olona mihevitra fa izy dia manana fahatokisana amin'ny nofo, afaka manao mihoatra noho izany aho

Paoly dia miteny fa raha azo atao ny fanavotan'Andriamanitra ny olona mifototra amin'ireo izay nataon'izy ireo, dia azo antoka fa navotan'Andriamanitra izy. DH: "Tsy misy afaka manao ny ampy mba hahafaly an'Andriamanitra, fa raha misy olona mahavita manao ny ampy mba hampifaliana an'Andriamanitra, izaho dia afaka manao zavatra tsara sy mampifaly an'Andriamanitra mihoatra izany olona izany"

izaho tenako

Paoly dia mampiasa izany fomba fiteny izany mba hanasongadinana ny "izaho mihitsy"

Noforaina aho

DH: "ny mpisorona no namora ahy"

andro fahavalo

"fito andro taorian'ny nahaterahako"

Hebreo tao amin'ireo Hebreo

Mety ho dikany 1) "Zanaka Hebreo miaraka amin'ny ray aman-dreny Hebreo" na 2) "Hebreo madio indrindra"

araky ny lalàna, dia Fariseo

Ny hany fomba ahafahan'ny Jiosy iray ho lasa Fariseo dia tsy maintsy haterakin'ny Ray Fariseo izy. Fa izany dia nametraka adidy ilay olona ny hiaina toy ny Fariseo, miaraka amin'ny fanoloran-tena manokana amin'ny lalàn'i Mosesy. "tahaka ny Fariseo, izaho dia tena nanolo-tena ho an'ny lalàna.

Philippians 3:6

Tamin'ny zotom-po, dia nanenjika ny fiangonana aho

Paoly dia milaza fa dia tena mazoto mihintsy izy nampijaly ireo mpanara-dia an'i Kristy. "Izaho dia tena nazoto nampijaly ireo mpino Kristiana"

Raha ny amin'ny fahamarinana ambanin'ny lalàna

"Izaho dia nankatoa ny lalàna tanteraka"

na inona na inona tombony ho ahy,

Paoly eto dia miresaka ny dera azony tamin'ny maha-Fariseo mazoto azy. Izy dia miresaka ireo dera ireo toy ny hoe tombontsoan'ny mpandraharaha ny fahitany azy taloha. DH: "Zavatra izay nideran'ireo Jiosy hafa azy"

noraisiko ho toy ny fatiantoka ireny

Paoly dia miresaka izany fiderana izany tahaka ny hoe faty antoka fa tsy tombony. Raha amin'ny fomba fiteny hafa dia hoe: Paoly dia milaza fa ny zava-drehetra ataon'ny fiangonany dia tsy misy vidiny eo anatrehan'i Kristy

Philippians 3:8

Raha ny tena izy

"Tena marina"

ankehitriny dia nisaiko

Ny teny hoe: "ankehitriny" dia manamafy ny fiovan'i Paoly hatramin'ny nahatonga azy Fariseo ary tonga mpino an'i Kristy. DH: "ankehitriny dia efa nino an'i Kristy aho, dia mahatoky"

nisaiko ho faty antoka avokoa

Paoly dia milaza fa zava-poana ny matoky zavatra hafa ankoatra an'i Kristy. "Nataoko ho zava-poana ny zavatra rehetra"

nohon'ny halehiben'ny fahalalana an'i Kristy Jesosy Tompoko

"Satria ny mahafantatra an'i Kristy Jesosy Tompoko dia sarobidy kokoa"

Noho Izy dia nariako ny zavatra rehetra

"Noho Izy dia nafoiko ny zavatra rehetra"

nariako

"Nafoiko"

Heveriko ho fako ireny mba hahazoako an'i Kristy

Paoly dia miresaka ny zavatra izay mety hatokisan'ny olona ho tahaka ny hoe fandanim-poana izay ariana. Izy dia manasongadina ny hoe tena tsy misy dikany ireo. DH: "Mieritreritra azy ireo ho fako aho"

mba hahazoako an'i Kristy

"mba ahazoako an'i Kristy irery"

ary ho hita ao Aminy

DH: "ary dia ho tena tafaray amin'i Kristy"

Tsy manana ny fahamarinana ho an'ny tenako avy amin'ny lalàna aho

"izaho dia tsy miezaka samirery ny hampifaly an'Andriamanitra amin'ny fankatoavana ny lalàna"

ny herin'ny fitsanganany tamin'ny maty

"ny heriny izay nanome antsika ny fiainana"

ny fiombonana amin'ireo fijaliany

"mijaly tahaka Azy nijaly, toy ny hoe nijaly tamin'izany zavatra izany teo amin'ny toerana sy tamin'ny fotoana nijaliany isika"

Te hiova amin'ny alalan'i Kristy aho mba hanahaka ny fahafatesany

Mety ho dikany 1) "Tian'i Paoly ny hanovan'i Kristy azy mba ahafahany maty tahaka ny nahafatesan'i Kristy" na 2) "tiany hoe ny faniriny hanota dia ho faty tahaka an'i Jesosy alohan'ny fitsanganany tamin'ny maty"

hahafahako mahatsapa ny fitsanganana amin'ny maty

DH: "Amin'izay, na inona na inona hanjo ahy ankehitriny, dia hiverina indray aho aorian'ny fahafatesako"

Philippians 3:12

Fampifandraisana ny foto-kevitra

Paoly dia mampirisika ireo mpino Filipiana mba hanaraka izay nataony noho ny lanitra sy ny vatana vaovao izay miandry ireo mpino. Izy dia miresaka momba ny fomba fiasany mafy araka izay azony atao mba ho tahaka an'i Kristy, mahafantatra fa Andriamanitra dia hamela azy hitoetra mandrakizay any an-danitra, tahaka ireny hoe mpiazakazaka izay manenjika ny tanjona farany

nandray ireo zavatra ireo

Ao anatin'izany ny hoe mahafantatra an'i Kristy, ny herin'ny fitsanganana amin'ny maty, mizara ao amin'ny fijalian'i Kristy, ary ho tafaray amin'i Kristy ao amin'ny fahafatesana sy ny fitsanganana amin'ny maty.

na koa hoe tonga tanteraka aho

"koa mbola tsy tonga lafatra aho" na "koa mbola tsy matotra aho"

handrombahako

"mety hahazo ireo zavatra ireo aho"

ilay nandrombahan'i Kristy Jesosy ahy

DH: "satria izany noho nahatonga an'i Jesosy nilaza ahy ho Azy"

Ry rahalahy

Eto dia milaza izany teny izany hoe ireo mpinamana Kristiana, na lahy na vavy, satria ny mpino rehetra an'i Kristy dia mpikambana ao amin'ny fianakaviana ara-panahy iray miaraka amin'Andriamanitra toy ny Rain'izy ireo any an-danitra.

tsy mieritreritra aho fa ny tenako dia efa nandrombaka izany

"Ireo zavatra rehetra ireo dia ahy avokoa"

Adinoiko izay any aoriana ary miezaka ho an'izay eo aloha aho

Tahaka ny mpiazakazaka izay tsy mieritreritra izay efa vita fa ny eo aloha sisa no hifantohana. Paoly dia miresaka momba ny fanajanonana ny asa ara-panahiny an'ny fahamarinana sy ny fifantohany amin'ny hazakazaky ny fiainana izay efa napetrak'i Kristy teo alohany mba hotanterahiny.

Miezaka manatratra ny tanjona aho mba hahazo ny lokan'ny antso avy any ambony avy amin'Andriamanitra ao amin'i Kristy Jesosy.

Tahaka ny mpiazakazaka mandeha mialoha mba handreseny, Paoly dia mandeha mialoha mba hanompoana sy hiainana ao amin'ny fankatoavana an'i Kristy. DH: "Ataoko daholo izay vitako mba hitovizako amin'i Kristy, tahaka ny mpiazakazaka manenjika ny fahatongavana, ka mba ho Azy aho, ary Andriamanitra dia hiantso ahy ho any Aminy rehefa maty aho"

ny antso avy any ambony

Mety ho dikany dia hoe Paoly dia miresaka hoe velona mandrakizay miaraka amin'Andriamanitra tahaka ny hoe Andriamanitra dia niantso an'i Paoly hiakatra 1) ho any an-danitra tahaka ny nataon'i Jesosy 2) ny dingana mankeo amin'ny lapihazo izay handraisan'ny mpandresy ny loka, izany dia sarin-teny maneho ny fihaonana amin'Andriamanitra mivantana sy mandray ny fiainana mandrakizay.

Philippians 3:15

Isika rehetra izay matotra, aoka isika hieritreritra tahaka izany

Tian'i Paoly ireo namany mpino raha manana ny faniriana iray ihany izay notanisaina tao amin'ny 3:8. DH: "Izaho dia mampirisika antsika mpino rehetra izay mafy ara-pinoana mba hieritreritra tahaka izany"

dia ho asehon'Andriamanitra aminareo ihany koa izany

"Andriamanitra dia hanazava izany aminao koa" na "Andriamanitra dia hanome toky fa fantatrao izany"

na inona na inona efa tratrantsika, aoka isika hifikitra amin'izany

"aleho isika rehetra hanohy hankatoa ilay fahamarinana iray izay noraisintsika ihany"

Philippians 3:17

Aoka ho mpaka tahaka ahy

"Ataovy izay ataoko" na "miaina toy ny niainako"

rahalahy

Eto dia milaza izany teny izany hoe ireo mpinamana Kristiana, na lahy na vavy, satria ny mpino rehetra an'i Kristy dia mpikambana ao amin'ny fianakaviana ara-panahy iray miaraka amin'Andriamanitra toy ny Rain'izy ireo any an-danitra.

ireo izay mandeha araka ny ohatra izay hitanareo ao aminay

"Ireo izay efa miaina tahaka ny iainako" na "Ireo izay efa manao izay ataoko"

Maro ireo mandeha ... tahaka ny fahavalon'ny hazo fijalian'i Kristy

Ireo teny ireo no tena eritreretin'i Paoly momban'io andininy io.

Maro ireo mandeha

"Maro no miaina" na "Maro no mitantana ny fiainan'izy ireo"

ireo izay efa nolazaiko anareo matetika, ary ankehitriny aho milaza aminareo amin-dranomaso

Paoly dia manapaka ny eritreriny amin'ireo teny ireo izay mamaritra ny "maro"

efa nolazaiko anareo matetika

"Efa noteneniko anareo foana"

milaza aminareo amin-dranomaso

"milaza aminareo amin'ny alahelo lehibe aho"

tahaka ny fahavalon'ny hazofijalian'i Kristy

Eto "ny hazofijalian'i Kristy" dia manondro ny fijaliana sy fahafatesan'i Kristy. Ireo fahavalo dia ireo izay milaza fa mino an'i Jesosy nefa tsy vonona hijaly na ho faty toa an'i Jesosy. DH: "Amin'ny fomba izay mampiseho fa izy ireo dia manohitra an'i Jesosy, izay vonona ny hijaly sy ny ho faty teo amin'ny hazofijaliana"

Fandringanana no fiafaran'izy ireo

"Indray andro Andriamanitra dia handringana azy ireo"

ny kibony no andriamaniny

Eto ny "kibo" dia maneho ny fanirian'ny olona amin'ny fahafinaretana ara-nofo. Eto dia manambara fa izy ireo dia mitady izany fahafinaretana izany mihoatra ny fankatoavana an'Andriamanitra. DH: "Izy ireo dia maniry sakafo sy ireo fahafinaretana ara-nofo mihoatra ny fanirian'izy ireo ny fankatoavana an'Andriamanitra"

ny fireharehan'izy ireo dia ao amin'ny fahamenarany

Eto ny "mahamenatra" dia midika hoe fihetsika izay tokony hahamenatra nefa tsy menatra. DH: "Mirehareha amin'ny zavatra tokony hahatonga azy ireo ho menatra izy ireo"

Mieritreritra ny zavatr'izao tontolo izao izy ireo.

Eto ny ''izao tontolo izao" dia maneho ny zavatra rehetra izay manome fahafinaretana ara-nofo sy tsy manome haja an'Andriamanitra. DH: "Ny eritreritr'izy ireo dia ny hampifaly ny tenan'izy ireo ihany fa tsy ny hampifaly an'Andriamanitra"

Philippians 3:20

Fampahafantarana amin'ny ankapobeny

Amin'ny fampiasan'i Paoly ny hoe "antsika" sy "isika" eto, Paoly dia miresaka ny tenany sy ireo mpino ao Filipy.

Fa any an-danitra ny fanjakantsika

Mety ho dikany 1) "Isika dia mponin'ny lanitra" na 2) "ny tanindrazantsika dia ny lanitra" na 3) "ny tena tranontsika dia ny lanitra."

Izy dia hanova ny vatantsika izay malemy

"Izy hanova ny vatana malemintsika eto an-tany"

mba ho vatana manahaka ny vatany feno voninahitra

"ho vatana tahaka ny vatany feno voninahitra"

vatany, izay natao tamin'ny herin'ny fahefany mba hampanaiky ny zavatra rehetra amin'ny tenany

DH: "vatana. Izy dia hamadika ny vatantsika amin'ny alalan'ilay hery izay ampiasainy hifehezany ny zava-drehetra"

Philippians 4

Philippians 4:1

Fampifandraisana ny foto-kevitra

Paoly dia manohy ny torolalana manokana ho an'ireo mpino ao Filipy eo amin'ny firaisan-kina ary dia manome torolalana mba hanampiana azy ireo hiaina ho an'ny Tompo.

Fampahafantarana amin'ny ankapobeny

Rehefa miteny Paoly hoe "ry namako mpiray zioga," izany dia milaza fa olona iray no resahany eto. Tsy notenen'i Paoly ny anaran'ilay olona eto. Izany no niantson'ilay olona mba hampisehony hoe miara-miasa amin'i Paoly amin'ny fampielezana ny filazantsara izy.

Noho izany, ry rahalahy malalako izay mahamanina ahy

"Ry mpino namako, tiako ianareo ary maniry mafy ny hahita anareo aho"

brothers

Eto dia milaza izany teny izany hoe ireo mpinamana Kristiana, na lahy na vavy, satria ny mpino rehetra an'i Kristy dia mpikambana ao amin'ny fianakaviana ara-panahy iray miaraka amin'Andriamanitra toy ny Rain'izy ireo any an-danitra.

fifaliako sy satro-boninahitro

Paoly dia mampiasa ny teny hoe "fifaliako" mba hanehony fa ny fiangonana Filipiana no anton'ny fahasambarany. Ny "satro-boninahitra" dia vita amin'ny ravin-kazo, ary ny olona izay manao izany eo amin'ny lohany mba ho mariky ny voninahitra rehefa maharesy amin'ny fifaninanana lehibe. Eto ny teny hoe "satro-boninahitra" dia midika fa ny fiangonana Filipiana dia nitondra voninahitra ho an'i Paoly teo anatrehan'Andriamanitra. DH: "Mampifaly ahy ianareo satria nino an'i Jesosy, ary ianareo dia valisoa sy voninahitra ho an'ny asako."

amin'izany dia mijoroa tsara ao amin'ny Tompo, ry namako malala

"dia mitoera tsara ao amin'ny Tompo araka ny nampianarako anareo, ry hava-malala"

Miangavy an'i Eodia aho, ary miangavy an'i Syntyke

Ireo vehivavy ireo dia nino sy nanampy an'i Paoly tao amin'ny fiangonana tao Filipy. DH: "Mangataka an'i Eodia aho, ary mangataka an'i Syntyke"

miraisa saina ao amin'ny Tompo

Ny hoe "miraisa saina" dia midika hoe manana toe-tsaina na hevitra mitovy. DH: "mifaneke ianareo satria ianareo samy mino Tompo iray ihany"

mangataka aminao ihany koa aho

Eto ny hoe "aminareo" dia maneho ilay "mpiray zioga"

namako mpiray zioga

Izany dia sarin-teny avy amin'ny fambolena, izay ahitana biby roa (omby) izay miara-mifatotra amin'ny zioga iray. DH: "mpiara-miasa"

niaraka tamin'i Klementa

Klementa dia ilay lehilahy izay mpino sy mpanompo ao amin'ny fiangonana tao Filipy.

izay efa ao amin'ny Bokin'ny Fiainana ny anaran'izy ireo.

"izay efa voasoratr'Andriamanitra ao amin'ny bokin'ny fiainana ny anarany"

Philippians 4:4

Mifalia hatrany ao amin'ny Tompo

"mifalia noho ireo rehetra izay nataon'ny Tompo"

Efa akaiky ny Tompo

Mety ho dikany 1) Ny Tompo Jesosy dia akaiky ireo mpino amin'ny Fanahy na 2) Ny andro izay hiverenan'ny Tompo Jesosy eto an-tany dia efa akaiky.

amin'ny zava-drehetra amin'ny alalan'ny vavaka sy fangatahana, miaraka amin'ny fisaorana, avelao ny fangatahinareo ho fantatr'Andriamanitra

"na inona na inona hitranga aminareo, mangataha amin'Andriamanitra amin'ny zavatra rehetra ilainareo amin'ny vavaka sy fisaorana"

izay mihoatra ny fahalalana rehetra

"izay mihoatra noho izay azontsika takarina"

hiaro ny fonareo sy ny fisainanareo

Ity dia mampiseho ny fiadanan'Andriamanitra tahaka ny miaramila izay miaro ny fihetseham-pontsika sy ny eritrerintsika amin'ny fanahiana. DH: "ho tahaka ny miaramila ary miambina ny fihetseham-po sy ny eritreritra amin'ny fanahiana momba ireo olan'izao fiainana izao"

Philippians 4:8

Ary farany

Raha namarana ny taratasiny Paoly, dia nanome famintinana ny amin'ny hoe ahoana no tokony hiainan'ireo mpino mba hahazona ny fiadanana ao amin'Andriamanitra.

ry rahalahy

Eto dia milaza izany teny izany hoe ireo mpinamana Kristiana, na lahy na vavy, satria ny mpino rehetra an'i Kristy dia mpikambana ao amin'ny fianakaviana ara-panahy iray miaraka amin'Andriamanitra toy ny Rain'izy ireo any an-danitra.

na inona na inona mahafinaritra

"na inona na inona zavatra mahafaly"

na inona na inona nolazaina fa tsara

"na inona na inona zavatra derain'ny olona" na "na inona na inona zavatra hajain'ny olona"

raha misy na inona na inona tena tsara

"raha tsara fitondran-tena"

raha misy na inona na inona tokony ho deraina

"ary raha misy zavatra izay derain'ny olona"

izay nianaranareo sy noraisinareo sy renareo ary hitanareo tamiko

"izay nampianariko sy nampisehoko anareo"

Philippians 4:10

Fampifandraisana ny foto-kevitra

Paoly dia miresaka ny momba ireo mpino Filipiana izay nanohana azy ara-bola ary dia mamarana amin'ny fankasitrahana sy saotra.

ny hifaly

"mba ho afa-po" na "mba ho faly"

amin'izay toe-java-miseho rehetra

"na inona na inona toe-javatra misy ahy"

Fantatro ny hoe mahantra ary fantatro koa ny hoe manam-be

Paoly dia mahafantatra hoe ahoana ny miaina amim-pifaliana na manana na tsy manana fananana.

Ny fihinanam-be sy ny hanoanana, ary ny hoe manam-be sy ny hoe ao anatin'ny tsy fahampiana

Ireo fehezanteny ireo dia mitovy ny heviny. Paoly dia mampiasa azy ireo mba hanasongadinana fa izy dia nianatra ny ho faly foana amin'izay zavatra miseho eo.

Afaka manao ny zavatra rehetra aho amin'ny alalan'Ilay mampahery ahy.

"Afaka manao ny zava-drehetra aho satria manome hery ahy i Kristy"

Philippians 4:14

tamin'ny fahasahiranako

Paoly dia miresaka ny fahasahiranany ho toy ny hoe toerana izay nisy azy. DH: "rehefa miha-sarotra ny zavatra"

ny fiandohan'ny filazantsara

Paoly dia manondro ny filazantsara eto izay midika hoe ny fitoriany ny filazantsara.

tsy nisy fiangonana nanohana ahy raha ny mahakasika ny fanomezana sy fandraisana afa-tsy ianareo irery

DH: "Ianareo irery ihany no fiangonana nandefa vola ho ahy na nanampy ahy"

mitady ny vokatra izay mampiakatra ny voninahitrareo aho.

Paoly dia miresaka ny fanomezan'ireo Filipiana ho toy ny tahirim-bolan'olona any amin'ny fitehirizam-bola izay tsy sasatry ny mitombo. Eto dia Andriamanitra no manaiky ireo zavatra tsara izay vitan'ireo mpino Filipiana. Tian'i Paoly hanome fanomezana ireo Filipiana mba hahazoan'izy ireo fitahiana ara-panahy. DH: "Tiako ny hahita an'Andriamanitra hanome anareo fitahiana ara-panahy bebe kokoa"

Philippians 4:18

Nandray ireo zavatra rehetra aho

Mety ho dikany 1) Nandray izay rehetra nalefan'ny Filipiana i Paoly na 2) Paoly dia milaza fa ity fizarana amin'ny taratasiny ity dia porofo fa voaray ny entana nalefan'i Epafrodito

manana be dia be

Ny tian'i Paoly lazaina dia hoe manana maro amin'ireo zavatra izay ilainy ho an'ny tenany.

Ireo dia hanitra manim-pofona, izay fanatitra azo ekena sy ankasitrahan'Andriamanitra

Paoly dia miresaka ny fanomezana izay avy any amin'ny fiangonana Filipiana tahaka ny hoe sorona natolotra ho an'Andriamanitra eny amin'ny alitara. Paoly dia miteny fa ny fanomezan'ny fiangonana dia tena mahafaly an'Andriamanitra, toy ireny sorona izay doran'ny mpisorona izay manana fofona mahafaly an'Andriamanitra. DH: "Manome toky anareo aho fa ireo fanomezana ireo dia tena mahafaly an'Andriamanitra, tahaka ny sorona azo ekena."

hameno izay rehetra ilainareo

Mitovy amin'ny hoe "Fa feno aho" ao amin'ny andininy faha-18. Fomba fiteny midika hoe "dia hanome izay ilainareo rehetra"

araka ny haren'ny voninahiny ao amin'i Kristy Jesosy

"avy amin'ny haren'ny voninahiny izay omeny amin'ny alalan'i Kristy Jesosy"

Ary ho an'Andriamanitra

Ny teny hoe "Ary" dia manamarika ny famaranana ny vavaka sy ny fiafaran'ity fizaran'ny taratasy ity.

Philippians 4:21

Ireo rahalahy

Ity dia manambara ireo olona izay nanao asa fanompoana niaraka tamin'i Paoly na ho an'i Paoly.

rahalahy

Eto dia milaza izany teny izany hoe ireo mpinamana Kristiana, na lahy na vavy, satria ny mpino rehetra an'i Kristy dia mpikambana ao amin'ny fianakaviana ara-panahy iray miaraka amin'Andriamanitra toy ny Rain'izy ireo any an-danitra.

ny mpino tsirairay ... Ireo mpino rehetra

Ny dika hafa dia miteny hoe "olo-masina" sy "vahoaka masina"

indrindra ireo izay avy ao amin'ny ankohonan'i Kaisara

Izany dia manondro ireo mpanompo izay niasa tao amin'ny lapan'i Kaisara. "indrindra fa ireo mpiray finoana izay miasa ao amin'ny lapan'i Kaisara"

ho amin'ny fanahinareo

Paoly dia manondro ireo mpino amin'ny fampiasana ny teny hoe "fanahy," izay mamela ny olona hifandray amin'Andriamanitra. DH: "miaraka aminareo"