1 Thessalonians 1
1 Thessalonians 1:1
Fampahafantarana amin'ny ankapobeny:
Fampahafantarana amin'ny ankapobeny:
Paoly dia namaritra ny tenany ho mpanoratra ny taratasy ary niarahaba ireo fiangonana tany Tesalonika.
Paoly, Silasy, ary Timoty ho an'ny fiangonana
Ny UDB dia manazava tsara fa i Paoly no nanoratra ity taratasy ity.
Ho aminareo anie ny fahasoavana sy fiadanana
Ny teny hoe: "fahasoavana" sy "fiadanana" dia entina ilazana ny olona izay maneho hatsaram-panahy sy mampiseho filaminana amin'olona. DH: "Andriamanitra anie ho tsara fanahy aminao ary hanome fiadanana ho anao."
Ho aminareo anie ny fiadanana
Ny teny hoe: "nareo" dia manondro ireo mpino Tesaloniana.
1 Thessalonians 1:2
Fampahafantarana amin'ny ankapobeny:
Amin'ity taratasy ity ny teny hoe: "izahay" sy "anay" dia manondro an'i Paoly, Silasy, ary Timoty, raha tsy misy fanamarihana manokana. Ary ihany koa, ny teny hoe: "ianareo" dia ilazana maro ary manondro ireo mpino ao amin'ny fiangonana tany Tesalonika.
Manome fisaorana an'Andriamanitra mandrakariva izahay
Eto ny hoe: "mandrakariva" dia manolo-kevitra fa rehefa mivavaka amin'Andriamanitra i Paoly, dia manolotra mandrakariva ny Tesaloniana amin'ny vavaka ataony amin'Andriamanitra.
Manonona anareo amin'ny vavakay.
"Mivavaka ho anareo izahay."
Asan'ny finoana
Hetsika izay tontosa noho ny fitokiana amin'Andriamanitra.
1 Thessalonians 1:4
Fampifandraisana ny foto-kevitra:
Paoly dia nanohy nisaotra ireo mpino tany Tesalonika ary nidera azy ireo noho ny finoany an'Andriamanitra.
Rahalahy
Izany dia midika hoe: "mpiray finoana, anisan'izany ny lehihaly sy vehivavy."
Fantatray
Ny teny hoe: "anay" dia manondro an'i Paoly, Silasy, ary Timoty fa tsy ireo mpino Tesaloniana.
Tsy amin'ny teny ihany
Tsy amin'ny alalan'ny fitoriana ny hafatr'Andriamanitra ihany.
Fa tamin'ny hery ihany koa, tamin'ny Fanahy Masina
Mety ho dikany dia izao: 1) ny Fanahy Masina dia nanome an'i Paoly sy ireo namany ny fahafahana mitory ny filazantsara amin-kery na 2) ny Fanahy Masina dia nahatonga ny fitoriana ny filazantsara hanana fiantraikany mahery eo anivon'ireo mpino Tesaloniana na 3) ny Fanahy Masina dia nanambara ny fahamarinan'ny fitoriana ny filazantsara tamin'ny alalan'ireo fahagagana, famantarana, ary ireo zava-mahagaga.
Olona toy ny ahoana
"Ahoana ny fomba nitondrantsika ny tenantsika refeha."
1 Thessalonians 1:6
Nanjary naka tahaka ianareo
"Maka tahaka" dia midika oe manao na mandika ny fitondran-tenan'ny hafa.
Nandray ny teny
"Mandray ny fampianarana" na "manaiky ny fampianarana."
Tamin'ny ady sarotra lehibe
"Nandritra ny fotoam-pahoriana mafy" na "tamin'ny fanenjehana be."
Akaia
Izany dia distrika taloha tao amin'ny Gresy ankehitriny.
1 Thessalonians 1:8
Nanenoan'ny
Eto Paoly dia miresaka ny fijoroana vavolombelon'ny Kristiana avy amin'ireo mpino Tesaloniana toy ny hoe lakolosy izay maneno na zava-maneno izay notendrena.
Akaia
Izany dia distrika taloha tao amin'ny Gresy ankehitriny.
Fa izy ireo ihany ... Izy ireo dia milaza ... Izy ireo dia nitatitra
Paoly dia manondro ny fiangonana izay efa nisy teo amin'ny faritra manodidina, izay nandre ny momba ireo mpino Tesaloniana.
Izy ireo ihany
Eto ny hoe: "ihany" dia nampiasaina entina hanamafisana ireo olona izay nandre ny momba ireo mpino Tesaloniana.
Izay fandraisana azonay teo aminareo
Eto ny hoe: "fandraisana" dia manondro ny fandraisana mavitrika an'i Paoly sy ireo namany. DH: "tena nafana ny fandraisanareo anay."
Ny Zanany
Izany fiantsoana izany dia tena manan-danja ho an'i Jesosy izay mamaritra ny fifandraisany amin'Andriamanitra.
Izay natsangany
"Izay natsangan'Andriamanitra."
Tamin'ireo maty
Teo anivon'ireo rehetra izay maty. Izany fiteny izany dia mamaritra ireo olona maty rehetra tany amin'ny tontolo ambanin'ny tany.
Izay manafaka antsika
Eto Paoly dia mampiditra ireo mpino Tesaloniana.
1 Thessalonians 2
1 Thessalonians 2:1
Fampifandraisana ny foto-kevitra:
Fampifandraisana ny foto-kevitra:
Paoly dia mamaritra ny asa fanompoana sy ny valisoa ho an'ireo mpino.
Ny tenanareo
Ny teny hoe: "tenanareo" dia manondro ireo mpino Tesaloniana.
Rahalahy
Eto izany dia midika hoe Kristiana namana, anisan'izany ny lehilahy sy vehivavy.
Ny fahatongavanay
Ny teny hoe: "anay" dia manondro an'i Paoly, Silasy, ary Timoty fa tsy ireo mpino Tesaloniana.
Dia tsy foana
Izany dia afaka lazaina amin'ny fomba tsara. DH: "dia tena nilaina."
Teo aloha dia nijaly ary nalaim-baraka
"Nampijaliana sy notevatevaina."
Tao anatin'ny fanoherana lehibe
"Raha mbola miady amin'ny fanoherana goavana."
1 Thessalonians 2:3
Tsy avy tamin'ny fahadisoana, na avy tamin'ny fahalotoana, na avy tamin'ny fitaka
"Marina, madio, ary tsotra."
Nankatoavan'Andriamanitra mba hatokisana
Paoly dia nosedraina ary voaporofo fa azon'Andriamanitra itokisana.
Miteny izahay
Paoly dia miresaka momba ny fitoriana ny hafatry ny filazantsara.
Izay mahalala ny fonay
Ny teny hoe "fo" dia teny fampiasa amin'ny faniriana sy ny eritreritry ny olona iray. DH: "izay mahalala ny faniriantsika sy ny eritreritsika."
1 Thessalonians 2:5
Fampahafantarana amin'ny ankapobeny:
Paoly dia nilaza ireo mpino Tesaloniana fa ny fitondran-tenany dia tsy miorina amin'ny fandokana, fitiavan-karena, ary fanomezana voninahitra ny tena.
Mampiasa teny fandokafana
"Miresaka aminao amin'ny fiderana tsy marina."
Na ho fialan-tsiny amin'ny fitsiriritana
"Na nampiasa teny koa izahay mba hanafenana ny fanirian-dratsy ny volanareo."
Afaka nitaky ireo tombotsoa
"Afaka nanizingizina ny mba hanomezanareo vola anay."
1 Thessalonians 2:7
Toy ny reny mankahery ny zanany naterany
Toy ny reny mampahery ny zanany, Paoly, Silasy, ary Timoty dia niresaka tamim-pahalemem-panahy tamin'ireo mpino Tesaloniana.
Dia toy izany no nanananay fitiavana ho anareo
"Izany no fomba nanehoanay ny fitiavanay anareo."
Nanana fitiavana ho anareo izahay
"Tia anareo izahay."
Faly izahay mizara aminareo, tsy ny filazantsara an'Andriamanitra ihany
Paoly dia manondro ny hafatry ny filazantsara ho toy ny zavatra izay azon'ny iray zaraina amin'ny hafa. Miteny no tiany lazaina amin'ny hoe "mizara."
Faly izahay mizara aminareo ... ny fiainanay manokana
Paoly dia manondro ny fiainany sy ny namany toy ny hoe zavatra izay afaka zarain'izy ireo amin'ny hafa. Tiany lazaina eto dia ny hoe mandany fotoana sy ezaka amin'ireo mpihaino azy.
Lasa malalanay tokoa ianareo
"Nikarakara lalina anareo izahay."
Rahalahy
Eto izany dia midika hoe Kristiana namana, anisan'izany ny lehilahy sy vehivavy.
Ny asanay sy ny fisasaranay.
Ny teny hoe: "asa" sy "fisasarana" dia midika zavatra mitovy. Paoly dia nampiasa ireo mba hanamafisana ny fiasan'izy ireo mafy. DH: "tena niasa mafy izahay."
Andro aman'alina no niasanay mba tsy ahafahanay mampitondra mavesatra ny iray aminareo
"Niasa mafy izahay mba hahavelona anay, mba tsy anohananao anay."
1 Thessalonians 2:10
Fa masina, sy marina, ary tsy manan-tsiny
Paoly dia nampiasa teny telo hamaritana ny fitondran-tena tsaran'izy ireo amin'ireo mpino Tesaloniana.
Toy ny ataon'ny ray amin'ny zanany naterany,
Paoly dia nampitaha ny fampaherezany ny Tesaloniana tamin'ny ray izay mampianatra ny zanany ny fomba tokony hitondran-tena.
Niangavy sy nankahery ary nandrisika anareo izahay
Ny teny hoe: "miangavy," "mampahery," ary "mandrisika" dia hampiasaina miaraka mba hanehoana ny fampaherezan'ny vondron'i Paoly ny Tesaloniana. DH: "izahay dia mampahery mafy anareo."
Ho ao amin'ny fanjakany sy ny voninahiny manokana
Ny teny hoe: "voninahitra" dia mamaritra ny teny hoe: "fanjakana." DH: "ao amin'ny fanjakany be voninahitra manokana."
1 Thessalonians 2:13
Fampahafantarana amin'ny ankapobeny:
Paoly dia nanohy nampiasa ny hoe "anay" anondroana ny tenany sy ireo namana niara nandeha taminy ary ny hoe "ianareo" ho an'ireo mpino Tesaloniana.
Isaoranay ihany koa an'Andriamanitra mandrakariva
Matetika i Paoly no misaotra an'Andriamanitra noho ny faneken'izy ireo ny hafatry ny filazantsara izay nozarainy tamin'izy ireo.
Noraisinareo izany araka izay marina, dia ny tenin'Andriamanitra.
Ireo Tesaloniana dia nino ny hafatr'i Paoly toy ny avy amin'Andriamanitra, fa tsy tamin'ny fahefan'i Paoly manokana.
Izany teny izany ihany koa no miasa eo aminareo izay mino
Paoly dia miresaka ny hafatry ny filazantsaran'Andriamanitra toy ny hoe olona nanao asa izany.
1 Thessalonians 2:14
Rahalahy
Eto izany dia midika hoe Kristiana namana, anisan'izany ny lehilahy sy vehivavy.
Lasa tahaka ireo fiangonana
Ireo mpino Tesaloniana dia niaritra fanenjehana mitovy amin'ny mpino Joda "dia nanjary toy ireo fiangonana."
Mpiray tanindrazana aminareo
"Avy amin'ny Tesaloniana hafa."
Izy ireo dia nandrara anay tsy hiteny
"Izy ireo dia niezaka nanakana anay tsy hiteny intsony."
Mameno ny fahotan'ny tenany mandrakariva izy ireo
Paoly dia milaza fa toy ny misy olona afaka mameno fitoeran-javatra amin'ny fahotany toy ny amin'ny rano.
Ny fahatezerana dia tsy maintsy tonga eo amin'izy ireo amin'ny farany
Izany dia manondro ny fitsaran'Andriamanitra farany ary ny famaizana ny olona noho ireo fahotany.
1 Thessalonians 2:17
Rahalahy
Eto izany dia midika hoe Kristiana namana, anisan'izany ny lehilahy sy vehivavy.
Tamin'olona fa tsy tao am-po
Na dia tsy nanatrika tao Tesalonika aza ny tenan'i Paoly, dia mifandray am-po amin'izy ireo izy.
Hahita ny tavanareo
Eto ny hoe: "ny tavanareo" dia midika hoe ny olona iray manontolo. DH: "mba ahita anao" na "mba hiaraka aminao."
Izaho, Paoly, matetitetika
Izaho, Paoly, niezaka matetitetika."
Fa inona moa ny fanantenanay ... amin'ny fihaviany?
Paoly dia nampiasa io fanontaniana io mba hampaherezana ireo mpino ary mamaly izany amin'ny andininy manaraka. DH: "Ianao no fanantenanay ny ho avy, fifalianay, ary satro-boninahitra amin'ny fihavian'i Jesosy Kristy Tomponay.
Fanantenanay ny ho avy ... Moa tsy ianao
Amin'ny hoe: "fanantenana" Paoly dia milaza ny fahatokiana ananany fa Andriamanitra dia hanome valisoa azy noho ny asany. Ireo Kristiana Tesaloniana no anton'ny fanantenany.
Na fifaliana
Ireo Tesaloniana no anton'ny fifaliany.
Satro-boninahitry ny fandresena
Eto ny hoe "satro-boninahitra" dia manondro ny satro-boninahitra atolotra ny atleta mpandresy. Ny hoe "satro-boninahitry ny fandresena" dia hoe valisoa noho ny fandresena, na fanaovana tsara.
Moa tsy ianareo toy ireo sasany hafa koa ve?
Izany fanontaniana izany dia afaka hadika toy ny fanambarana. DH: "ianao sy ireo mpino hafa izany."
1 Thessalonians 3
1 Thessalonians 3:1
Fampifandraisana ny foto-kevitra:
Fampifandraisana ny foto-kevitra:
Paoly dia nilaza tamin'ireo mpino fa nandefa an'i Timoty izy mba hanamafy ny finoan'izy ireo.
Tsy afaka niaritra izany intsony izahay
"Tsy afaka miaritra ny fitaintainana ny aminao intsony izahay.
Tsara ny mitoetra irery tao Atena.
"Tsara ho ahy sy Silasy ny mitoetra irery tao Atena."
Tsara
"Mendrika" na "mety."
Atena
Izany dia tanàna ao amin'ny faritanin'i Akaia, izay an'i Gresy ankehitriny.
Rahalahinay sy mpiara-miasa
Ireo teny roa ireo dia samy mamaritra an'i Timoty.
Mba tsy hisy olona ho taitra
Ny hoe "Taitra" dia fomba fiteny hilazana ny fatahorana. DH: "tsy hisy olona hatahotra ny hatoky an'i Kristy."
No nanendrena antsika
Paoly dia nihevitra fa ny rehetra dia nahafantatra fa Andriamanitra no nanendry azy ireo.
1 Thessalonians 3:4
Marina tokoa
"Azo antoka" na "azo antoka tokoa."
Hampahoriana
"Hampijalian'ny hafa."
Tsy naharitra izany intsony aho
Paoly dia namaritra ny fihetseham-pony tamin'ny fampiasana oha-pitenenana. DH: "tsy afaka niandry tamim-paharetana intsony aho."
Dia naniraka
Midika izany fa i Paoly dia naniraka an'i Timoty. Izany dia afaka atao mazava. DH: "izaho dia naniraka an'i Timoty."
Ny asantsika
"Ny asa mafinay teo aminareo" na "ny fampianaranay teo aminareo."
Zava-poana
"Tsy misy ilàna azy."
1 Thessalonians 3:6
Fampifandraisana ny foto-kevitra:
Paoly dia nilaza ireo mpamakiny mahakasika ny tatitr'i Timoty taorian'ny nitsidihany azy ireo.
Tonga taty aminay
Ny teny hoe "aminay" dia manondro an'i Paoly sy Silasy.
Ny vaovao mahafalin'ny finoanareo
Fantatra fa izany dia manondro ny finoana an'i Kristy. Izany dia afaka hazavaina. "tatitra tsara ny amin'ny finoanareo."
Ianareo dia manana fahatsiarovana tsara foana
Rehefa mieritreritra an'i Paoly izy ireo, dia manana eritreritra tsara foana momba azy.
Ianareo dia maniry mafy ny ahita anay
"Maniry ny ahita anay ianareo."
Rahalahy
Eto ny "rahalahy" dia midika hoe Kristiana namana.
Nohon'ny finoanareo
Izany dia manondro an'i Kristy. Afaka hazavaina izany. DH: "noho ny finoanareo an'i Kristy."
Tao anatin'ny fitaintainana sy fahorianay rehetra
Ny teny hoe "fahoriana" dia manazava ny anton'ny "fitaintainan'izy ireo". DH: "tao anatin'ny fitaintainanay rehetra vokatry ny fahorianay."
1 Thessalonians 3:8
Velona izahay
Izany dia fomba fiteny iray entina anehoana ny fiainana mahafa-po. DH: "tena mampahery anay."
Raha mifikitra mafy amin'ny Tompo ianareo.
"Raha mifikitra" dia fomba fiteny izay midika fa manohy mahatoky. DH: "raha mbola mitoky amin'ny Tompo ianareo."
Fa fisaorana toy ny ahoana no azonay omena an'Andriamanitra ny aminareo, tamin'ny fifaliana rehetra izay anananay teo anatrehan'ny Andriamanitray noho ny aminareo?
Izany fanontaniana izany dia azo lazaina ho fanambarana. DH: "Tsy afaka ny tsy hisaotra an'Andriamanitra izahay noho ny zavatra nataony ho anao! Faly tokoa izahay rehefa mivavaka amin'ny Andriamanitray!"
Teo anatrehan'ny Andriamanitray
Paoly dia milaza fa izy sy ireo namany dia toy ny hoe teo anatrehan'Andriamanitra mivantana. Angamba rehefa mivavaka no tiany lazaina amin'izany.
Andro aman'alina
Eto dia ampiasaina ny fanitarana hanehoana hoe impiry i Paoly no mivavaka. DH: "Matetika."
Mafy
"Tena mafy."
Ahita ny endrikareo
Ny teny hoe "endrika" dia manondro ny olona iray manontolo. DH: "mitsidika anareo."
1 Thessalonians 3:11
Fampahafantarana amin'ny ankapobeny:
Amin'io andininy io, ny teny hoe: "antsika" dia tsy voatery hanondro ny vondron'olona mitovy foana.
Andriamanitsika ... Jesosy Tompontsika anie
Paoly dia mampiditra ireo mpino Tesaloniana miaraka amin'ireo mpiara-manompo aminy.
Andriamanitsika anie
"Mivavaka amin'ny Andriamanitray izahay mba."
Hanitsy ny lalanay ho aminareo
Paoly dia miresaka toy ny hoe tiany Andriamanitra hampiseho aminy sy ireo namany ny lalana handehanany hitsidika ireo Kristiana Tesaloniana. Ny tiany lazaina dia hoe tiany raha mba afaka manao izay ahavitan'izy ireo izany Andriamanitra.
Hanitsy ny lalanay ho aminareo
Ny teny hoe: "anay" dia manondro an'i Paoly, Silasy, ary Timoty fa tsy ireo mpino Tesaloniana.
Ny ray tenany
Eto ny teny hoe: "tenany" dia manondro ny "Ray" ho fanamafisana.
Hampitombo sy hampandroso amin'ny fifankatiavana
Paoly dia miresaka ny fitiavana toy ny hoe zavatra iray izay azon'ny iray bebe kokoa.
Hanamafy ny fonareo
Paoly dia manondro ny "fo" toy ny hoe ivon'ny finoana sy ny faharesen-dahatra.
Amin'ny fihavian'i Jesosy Tompontsika
"Rehefa miverina eto an-tany i Jesosy."
Mbamin'ireo masiny rehetra
"Miaraka amin'ireo rehetra izay azy."
1 Thessalonians 4
1 Thessalonians 4:1
Rahalahy
Rahalahy
Eto ny hoe: "rahalahy" dia midika hoe namana Kristiana.
Mampahery sy mananatra anareo izahay
Paoly dia nampiasa ny hoe: "mampahery" sy "mananatra" mba hanamafisana fa mankahery mafy ireo mpino izy ireo. DH: "mankahery mafy anao izahay."
Nahazo ireo fampianarana avy aminay ianareo
Izany dia afaka atao tso-drafitra. DH: "nampianatra anareo izahay."
Tsy maintsy handehananareo
Eto ny hoe: "mandeha" dia fomba fiteny ilazana ny fomba tokony hiainana. DH: "tokony iainanao."
Tamin'ny alalan'i Jesosy Tompo
Paoly dia miresaka ny fampianarany toy ny hoe nomen'i Jesosy tenany izy ireny.
1 Thessalonians 4:3
Hialanareo amin'ny fijangajangana
"Miala amin'ny ratsy fanaon'ny nofo ianareo."
Mahafantatra ny fomba ahazoana
Mety ho dikany dia izao: 1) ahoana ny fomba fiaina miaraka amin'ny vadinao na 2) ahoana ny fomba fiaina ny fiainana misy fitsipika na 3) ahoana ny fomba fiaina miaraka amin'ny zanakao vavy virjiny.
Amin'ny filan-dratsy
"Amin'ny fanirian-dratsin'ny nofo."
Tsy hisy olona
Eto ny hoe: "olona" dia manondro ny lehilahy na vehivavy.
Handika na hanaratsy
Izany dia milaza hevitra mitovy amin'ny fomba roa mba hanamafisana ny hevitra. DH: "ratsy."
Ny Tompo no mamaly
Izany dia afaka hazavaina. DH: "ny Tompo no hanasazy ny olona izay nandika lalàna ary hiaro ny olona izay naratsiana."
Nampitandremanay mialoha sy nijoronay vavolombelona
"Nilaza taminareo mialoha ary nampitandrina mafy ny amin'ny."
1 Thessalonians 4:7
Andriamanitra tsy niantso anay ho amin'ny fahalotoana, fa amin'ny fahamasinana
Izany dia afaka atao amin'ny fomba tsara. DH: "Andriamanitra dia niantso anay ho amin'ny fahadiovana sy fahamasinana."
Andriamanitra dia tsy niantso anay
Ny teny hoe: "anay" dia manondro ireo mpino rehetra.
Izy izay mandà izany
"Na iza na iza tsy miraharaha ny fampianarana" na "na iza na iza manao tsinontsinona izany fampianarana izany."
Dia tsy mandà olona, fa Andriamanitra
Paoly dia nanamafy fa izany fampianarana izany dia tsy avy amin'ny olona, fa avy amin'Andriamanitra.
1 Thessalonians 4:9
Fifankatiavan'ny mpirahalahy
"Fitiavana ireo mpino namana."
Ataonareo tokoa izany, ho an'ireo rahalahy rehetra izay eran'i Makedonia
"Maneho fitiavana amin'ireo mpino eran'i Makedonia ianareo.
Rahalahy
Eto ny hoe: "rahalahy" dia midika hoe Kristiana namana.
Hanandrana
"Miezaka ny."
Hiaina am-pilaminana
Paoly dia nampiasa ny teny hoe: "am-pilaminana" ho fanoharana entina hamaritana ny fiainana am-piadanana anaty fiaraha-monina ary tsy miteraka fifandirana. DH: "miaina am-pahatoniana sy milamina."
Hisaina ny raharahanareo manokana
Izany fomba fiteny izany dia midika hoe mifantoka amin'ny raharahanao manokana, fa tsy ny an'ny hafa. DH: "mamaly ny filànao manokana."
Hiasa amin'ny tananareo
Izany dia fanoharana ny amin'ny hoe miaina fiainana mahafa-po. DH: "miasa amin'ny asanao manokana mba hahazoana izay ilainao amin'ny fiainana."
Fitondran-tena mendrika
Izany fanoharana izany dia mamaritra ny fomba tokony hitondran'ny mpino amin'ny olona ao amin'ny fiaraha-moniny. DH: "maneho fitondran-tena feno fanajana sy mendrika."
Ireo izay ivelan'ny finoana
"Ireo izay tsy mpino an'i Kristy." Paoly dia miresaka ny "finoana" toy ny hoe toerana iray. Eto ny "finoana" dia manondro ireo izay matoky an'i Kristy.
1 Thessalonians 4:13
Fampahafantarana amin'ny ankapobeny:
Paoly dia miresaka ireo mpino izay efa maty, izay mbola velona, ary ireo izay ho velona rehefa miverina i Kristy.
Fa tsy tianay tsy ho fantatrareo
Izany dia afaka atao amin'ny fomba tsara. DH: "Tianay ho fantatrareo."
Rahalahy
Eto ny "rahalahy" dia midika hoe Kristiana namana.
Ireo izay nodimandry
Izany dia hilazana ireo izay maty.
Mba tsy halahelovanareo
"Mba tsy hitomanianareo."
Tahaka ireo ambiny izay tsy manana antoka ny amin'ny ho avy
"Toy ireo olona izay tsy mino."
Raha mino isika
Eto ny hoe: "isika" dia manondro an'i Paoly ary ireo mpihaino azy.
Nitsangana indray
"Nitsangana mba hiaina indray."
Ireo izay efa nodimandry tao aminy
Eto ny hoe: "efa nodimandry" dia fomba hentitra hitenenana ny hoe maty.
Amin'ny fahatongavan'ny Tompo
"Amin'ny fihavian'ny Tompo."
Dia tsy hialoha tokoa
"Tsy ho eo aloha mihintsy."
1 Thessalonians 4:16
Ny tenan'ny Tompo no hidina
"Ny Tompo mihitsy no hidina."
Ny Arkanjely
"Ilay anjely lehibe indrindra."
Ny maty ao amin'i Kristy no hitsangana voalohany
Ny "maty ao amin'i Kristy" dia ireo mpino nodimandry. DH: "ireo izay mino an'i Jesosy Kristy, fa ireo izay efa maty, no hitsangana voalohany."
Isika izay velona
Eto ny hoe: "isika" dia manondro ireo mpino rehetra izay maty.
Miaraka amin'izy ireo
Ny teny hoe: "izy ireo" dia manondro ireo mpino maty izay novelomina indray.
Hiakatra eny amin'ny rahona ka hihaona amin'ny Tompo eny amin'ny habakabaka
"Mihaona amin'ny Tompo eny amin'ny lanitra."
1 Thessalonians 5
1 Thessalonians 5:1
Fampifandraisana ny foto-kevitra:
Fampifandraisana ny foto-kevitra:
Paoly dia nanohy niresaka momba ny andro hiavian'i Jesosy.
Fampahafantarana amin'ny ankapobeny:
Amin'ity toko ity ny teny hoe: "isika" sy "antsika" dia manondro an'i Paoly, Silasy, Timoty, raha tsy hoe misy fanamarihana. Ny teny hoe: "ianareo" ihany koa dia milaza maro ary manondro ireo mpino ao amin'ny fiangonan'ny Tesalonika.
Ireo fotoana sy ireo vanim-potoana
Izany dia manondro ireo zava-nitranga talohan'ny fiverenan'i Jesosy Tompo.
Rahalahy
Eto ny "rahalahy" dia midika hoe Kristiana namana.
Mahafantatra tsara
"Tena tsara" na "marina tsara."
Tahaka ny mpangalatra amin'ny alina
Tahaka ny tsy ahafantarana hoe rahoviana ny alina ahatongavan'ny mpangalatra, isika ihany koa dia tsy mahalala ny andro hiavian'ny Tompo. DH: "tsy ampoizina."
Rehefa miteny izy ireo
"Rehefa miteny ny olona."
Fahapotehana tampoka
"Fahapotehana tsy nampoizina."
Tahaka ny fahararian'ny vehivavy bevohoka rehefa miteraka
Tahaka ny fahararian'ny vehivavy bevohoka tampoka rehefa hiteraka ary tsy mijanona raha tsy teraka, ny fahatongavan'ny fandringanana, ary tsy ho afa-mandositra ny olona.
1 Thessalonians 5:4
Ianareo, ry rahalahy
Eto ny "rahalahy" dia midika hoe Kristiana namana.
Dia tsy ao anatin'ny haizina
Paoly dia miresaka momba ny ratsy sy ny tsy fahalalana ny momba an'Andriamanitra toy ny hoe haizina izy ireny. DH: "ianao dia tsy mahafantatra, toy ny olona izay mipetraka ao anaty haizina."
Ka hahatratra anareo tampoka tahaka ny mpangalatra ny andro
Ny andro izay hiavian'ny Tompo dia tsy tokony hahagaga ireo mpino.
Fa ianareo rehetra dia zanaky ny mazava sy zanaky ny andro
Paoly dia miresaka ny fahamarinana toy ny hoe hazavana sy andro. DH: "Fa ianareo mahalala ny marina, toy ny olona izay miaina anaty hazavana, tahaka ny olona mandritry ny andro."
Tsy zanaky ny alina isika na ny haizina
Paoly dia miresaka momba ny ratsy sy ny tsy fahalalana ny momba an'Andriamanitra toy ny hoe haizina izy ireny. DH: "isika dia tsy mahafantatra, toy ny olona izay mipetraka ao anaty haizina, toy ny olona amin'ny alina"
Ndeha isika tsy hatory tahaka ny fataon'ny ambiny
Paoly dia miresaka momba ny tsy fahatokiana ara-panahy toy ny hoe torimaso izany. DH: "aoka isika tsy ho toy ireo hafa izay tsy mahafantatra mahasika ny fiverenan'i Jesosy."
Aoka isika
Ny teny hoe: "isika" dia manondro ireo mpino rehetra.
Hiambina sy hahonon-tena
Paoly dia mamaritra ny fisainana ara-panahy toy ny mifanohitra amin'ny torimaso sy fahamamoana.
Fa ireo izay matory dia manao izany amin'ny alina
Toy ny olona matory izay tsy mahafantatra izay mitranga, ny olona eto amin'ity tontolo ity dia tsy mahalala fa hiverina i Kristy.
Ireo izay mamo dia manao izany amin'ny alina
Paoly dia milaza fa amin'ny alina no mamo ny olona, noho izany rehefa tsy mahafantatra ny fiverenan'i Kristy ny olona dia tsy miaina fiainana misy fahafehezan-tena.
1 Thessalonians 5:8
Fampahafantarana amin'ny ankapobeny:
Ao amin'ny andininy 8-10 ny teny hoe: "isika" dia manondro ireo mpino rehetra.
An'ny andro isika
Paoly dia miresaka momba ny fahafantarana ny fahamarinana mahakasika an'Andriamanitra toy ny an'ny andro. DH: "fantatsika ny marina" na "nandray ny fahazavan'ny fahamarinana isika."
Tsy maintsy mahonon-tena isika
Paoly dia mampitaha ny fahononan-tena ho toy ny fizarana amin'ny fifehezan-tena. "Aoka isika hizatra hamehy tena."
Mitafy finoana sy fitiavana ho fiarovan-tratra
Toy ny miaramila izay manao fiarovan-tratra mba hiarovana ny vatany, ny mpino iray izay miaina amin'ny finoana sy fitiavana dia ahita fiarovana. DH: "arovy amin'ny finoana sy fitiavana ny tenantsika" na "arovy ny tenantsika amin'ny finoana an'i Kristy sy fitiavana azy."
Antoky ny famonjena amin'ny ho avy ho fiarovan-dohantsika
Toy ny fiarovan-doha izay miaro ny lohan'ny miaramila, ny fanantenana ny famonjena dia hiaro ny mpino. DH: "arovy ny tenantsika amin'ny fahazoana antoka fa i Kristy dia hamonjy antsika."
Na mifoha isika na matory
Izany dia fomba tsara hitenenana fa velona na maty. DH: "na velona isika na maty."
Mifampahereza ianareo
"Mifampahatanjaha."
1 Thessalonians 5:12
Fampahafantarana amin'ny ankapobeny:
Paoly dia nanomboka nanome ny torolalany farany ho an'ny fiangonana any Tesalonika.
Rahalahy
Eto ny "rahalahy" dia midika hoe ireo mpino namana.
Mba hanekenareo izay mikely aina
"Mijery sy mankasitraka ireo izay mandray anjara amin'ny fitarihana."
Mitondra anareo amin'ny Tompo
Izany dia manondro ny olona izay notendren'Andriamanitra mba ho mpitarika ny vondron'ny mpino eo an-toerana.
Hanaja azy ireo am-pitiavana noho ny asan'izy ireo
Paoly dia mampirisika ireo mpino mba hitia sy hankasitraka ny mpitarika ao amin'ny fiangonan'izy ireo.
1 Thessalonians 5:15
Mifalia mandrakariva. Aza mitsahatra mivavaka. Misaora amin'ny zavatra rehetra.
Paoly dia mampirisika ireo mpino mba hitazona toe-tsaina ara-panahy ny amin'ny fifaliana amin'ny zavatra rehetra, manana fahamendrehana amin'ny vavaka, ary maneho fisaorana amin'ny zavatra rehetra.
Amin'ny zavatra rehetra
Amin'ny toe-javatra rehetra.
Fa izany no sitrapon'Andriamanitra
Paoly dia manondro ny fitondran-tena izay vao nolazainy ho toy ny sitrapon'Andrimanitra ho an'ireo mpino.
1 Thessalonians 5:19
Aza mamono ny fanahy
"Aza manakana ny Fanahy Masina tsy hiasa eo anivonareo."
Aza manao tsinontsinona ireo faminaniana
"Aza atao tsinontsinona ireo faminaniana" na "aza mankahala izay lazain'ny Fanahy Masina amin'ny olona."
Andramo ny zava-drehetra
"Ataovy azo antoka fa ny hafatra rehetra izay toa avy amin'Andriamanitra dia tena avy aminy marina."
Mifikira amin'izay tsara
Paoly dia miresaka momba ireo hafatra avy amin'ny Fanahy Masina toy ny hoe zavatra izay azon'ny olona alaina eo an-tanany.
1 Thessalonians 5:23
Hampamasina anao tanteraka
Izany dia manondro an'Andriamanitra izay mahatonga ny olona tsy hanota sy ho tonga lafatra eo imasony.
Ny fanahinareo manontolo, ny aina, ary ny vatana
Izany dia fitoviana izay ahitana ny teny hoe: "fanahy," "aina," ary "vatana" izay manana dikany mitovy ary ampiasaina ho fanamafisana.
Hotehirizina tsy hanan-tsiny ho amin'ny
"Tsy avela hanota hatramin'ny."
Mahatoky izy ilay miantso anao
"Mahatoky izay miantso anao."
Ilay iray izay hanao izany ihany koa
"Izy dia hanampy anao."
1 Thessalonians 5:25
Fampahafantarana amin'ny ankapobeny:
Paoly dia nanome ny fanambarany farany.
Rahalahy
Eto ny "rahalahy" dia midika hoe Kristiana namana.
Mangataka aminareo amin'ny Tompo aho
"Manontany anareo aho, toy ny hoe miteny aminareo ny Tompo."
Mba hovakiana ity taratasy ity
DH: "mba ho vakianareo rehetra ity taratasy ity."