Plateau Malagasy: translationNotes Print

Updated ? hours ago # views See on WACS

Jude 1

Jude 1:1

Fampahafantarana amin'ny ankapobeny:

Joda dia mamaritra ny tenany ho mpanoratra ity taratasy ity ary miarahaba ireo mpamakiny. Angamba izy rahalahin’i Jesosy. Misy Joda roa hafa koa voalaza tao amin'ny Testamenta Vaovao.

Fampahafantarana amin'ny ankapobeny:

Ny teny hoe "ianareo" ao amin'ity taratasy ity dia manondro ireo Kristiana izay nanoratan'i Joda.

Joda, mpanompon'i

Joda dia rahalahin'iJakoba. DH: "Izaho no Joda, mpanompon'i".

Ary rahalahin'i Jakoba

Jakoba sy Joda dia rahalahin'i Jesosy.

Hampitomboina ho aminareo anie ny famindram-po sy ny fiadanana ary ny fitiavana

"Famindram-po, fiadanana, ary fitiavana anie hitombo betsaka ho anareo". Ireo hevitra ireo dia lazaina toy ny hoe zava-bita izay afaka mitombo amin'ny habe na isa.

Jude 1:3

Fampifandraisana ny foto-kevitra:

Joda dia niteny ireo mpino ny antony nanoratany ity taratasy ity.

Fampahafantarana amin'ny ankapobeny":

Ny teny hoe "isika" ao amin'ity taratasy ity dia mamaritra an'i Joda sy ireo mpino.

Ny famonjena iombonantsika

Ny famonjena izay zaraintsika.

Nanoratra aho

"Mahatsapa tena mafy fa hoe mila manoratra aho" na "Izaho dia nahatsapa fa mila manoratra maika.

Hanosika anareo hiady mafy ho an'ilay finoana

"Mankahery anareo mba hiaro ny fampianarana marina."

Mpino

"Olomasina." ny dikan-teny sasany dia mandika izany ho "ilay masina." Izany dia manome hevitra ny amin'ireo mpino Kristiana izay tsy manisy fironana manokana ny toetrany ara-moraly, fa ny mpino izay natao olomasina amin'ny finoana ny fahafatesan'i Jesosy mba ho famonjena.

Fa ny olona sasany nisisika antsokosoko

"Fa nisy olona sasany tonga teo anivon'ireo mpino nefa tsy nisarika azy ireo hifantoka aminy."

Olona voamarika ho an'ny fanamelohana

Io ihany koa dia afaka atao tso-drafitra. DH: "Olona izay nosafidian'Andriamanitra ho helohina."

Izay manevateva ny fahasoavan'Andriamanitra ho any amin'ny fijejojejoana

Ny fahasoavan'Andriamanitra dia lazaina toy ny hoe zavatra iray izay azo ovaina ho zavatra mahatsiravina. DH: "Izay manova ny fahasoavan'Andriamanitsika ho fanirian-dratsy" na "izay mampianatra fa ny fahasoavan'Andriamanitra dia mamela ny olona iray hiaina amin'ny fahotana ara-nofo."

Mandà ny Andriana tokana sy Tompontsika, Jesosy Kristy

Mety ho dikany dia izao: 1) izy ireo dia mampianatra fa izy dia tsy Andriamanitra na 2) ireo olona ireo dia tsy mankatoa an'i Jesosy Kristy.

Jude 1:5

Fampifandraisana ny foto-kevitra:

Joda dia nanome ohatra taloha ny amin'ireo izay tsy nanaraka ny Tompo.

Te hampahatsiahy anareo aho

"Tiako ho tadidianareo."

Na dia efa fantatrareo tanteraka aza izany

Mety ho dikany: 1) ny teny "efa ... tanteraka" dia milaza ny fomba nahafantaran'ny mpamaky na 2) "amin'ny fotoana iray dia ho fantatrao tanteraka izany."

Ny Tompo dia nanavotra ny olona avy tamin'ny tany Ejipta

"Ny Tompo dia nanavotra ireo Israelita fahiny ela be avy tany Ejipta."

Ny Tompo

Ny lahatsoratra vitsivitsy dia milaza hoe: "Jesosy"

Ny fahefana napetraka tamin'zy ireo

"Ireo andraikitra izay napetrak'Andriamanitra tamin'izy ireo."

Nandao ny fonenan'izy ireo

"Nandao ny toerana notendrena ho azy ireo manokana."

Andriamanitra dia namatotra azy ireo tamin'ny fatorana mandrakizay, ao amin'ny maizin-kitroka tanteraka

"Andriamanitra dia nametraka ireo anjely ireo tany an-tranomaizina izay tsy ahafahan'izy ireo mandositra velively."

Andro lehibe

Andro farany izay hitsaran'Andriamanitra ny rehetra.

Jude 1:7

izay nanolotra ny tenan'izy ireo ihany koa

Ny fahotana ara-nofon'i Sodoma sy Gomora dia vokatry ny karazana fikomiana tahaka ny fomba nataon'ireo anjely.

Nanolotra ny tenan'izy ireo

Eto ireo tanàna dia miresaka ny olona monina ao aminy.

Izy ireo dia natao

dia midika fa nataon'Andriamanitra ho ohatra izy ireo. "Andriamanitra dia nampiseho azy ireo."

Dia natao ohatra amin'ireo izay mijaly amin'ny fanasaziana

Ny fandringanana ny vahoaka tao Sodoma sy Gomora dia tonga ohatra ho an'ireo izay rehetra mandà an'Andriamanitra.

Ireo mpanofinofy

Ireo olona izay tsy mankatoa an'Andriamanitra, angamba satria nilaza izy ireo fa hahita fahitana izay nanome azy ireo fahefana hanao izany.

Mandoto ny vatan'izy ireo

Ity sarin-teny ity dia milaza fa ny fahotan'izy ireo no mandrafitra ny vatan'izy ireo - izany hoe, ny asan'izy ireo - tsy azo ekena ny fako eny amin'ny lalan-drano izay mahatonga ny rano ho tsy azo sotroina.

Miteny zavatra ratsy

Miteny manevateva.

Ireo manam-boninahitra

Izany dia manondro ireo zavaboary ara-panahy, toy ireo anjely.

Jude 1:9

Fampahafantarana amin'ny ankapobeny

Balama dia mpaminany iray izay nandà tsy hanozona an'Isiraely ho an'ny fahavalo saingy avy eo nampianatra izany fahavalo izany mba hanamora ny olona hanambady tsy mpino ary ho tonga mpivavaka amin'ny sampy.

Fampahafantarana amin'ny ankapobeny

Kora dia lehilahin'Isiraely izay nikomy tamin'ny fitarihan'i Mosesy sy ny fisoronan'i Arona.

Nifanditra taminy

"Niady hevitra taminy."

Dia tsy sahy

"Namehy ny tenany. Izy dia tsy sahy niteny" na "tsy vonona ny hiteny."

Fanamelohana ratsy

"Fitenenana ratsy" na "fitsarana ratsy."

Ireo olona ireo

Ireo olona tsy araka an'Andriamanitra

Ireo olona ireo dia miteny ratsy

"Ireo olona ireo dia miteny ratsy, zavatra tsy marina momba azy ireo."

Izay zavatra rehetra tsy fantany

"Na inona na inona tsy fantany ny dikany." Mety ho dikany dia izao: 1) "ny zavatra tsara rehetra tsy azon'izy ireo." 2) "ireo manam-boninahitra izay tsy fantany akory."

Ny lalan'i Kaina

Kaina dia namono ny rahalahiny ary tsy niaina ho an'Andriamanitra.

Jude 1:12

Fampifandraisana ny foto-kevitra:

Joda dia nampiasa sarin-teny maromaro mba hamaritana ireo lehilahy tsy araka an'Andriamanitra. Izy dia milaza amin'ireo mpino ny fomba ahafantarana ireo lehilahy ireo rehefa eo anivon'izy ireo.

Ireo dia ilay olona

Ny teny hoe "Ireo" dia manondro ireo "lehilahy tsy araka an'Andriamanitra."

Harambato miafina

Ny harambato dia vato lehibe izay tena akaiky ny ahavon'ny rano eny amin'ny ranomasina. Koa satria tsy afaka mahita azy ireny ireo tantsambo, dia tena mampidi-doza tokoa izy ireny. Ho mora simba ny sambo raha midona amin'ireo vato ireo.

Hazo fararano tsy misy voany

Mety ho dikany dia izao: ireo olona ireo dia mitovy amin'ny 1) hazo izay antenain'ny olona hijinjana vokatra, kanefa tsy misy, na 2) hazo izay tsy mamoa mihintsy.

Voany

Ity dia sarin-tenin'ny fiainana izay mampifaly an'Andriamanitra sy manampy ny olon-kafa.

Indroa maty, nofongorina ny fakany

Ny hazo izay izay nofongorin'ny olona ny fakany dia sarin-teny ho an'ny fahafatesana

Nofongorina ny fakany

Tahaka ny hazo izay nofongorina tanteraka tamin'ny tany tamin'ny fakany, ny olona tsy araka an'Andriamanitra dia nisaraka tamin'Andriamanitra izay loharanom-piainana.

Onja-dranomasina mahery

Toy ny onja-dranomasina izay atopatopan'ny rivotra mifofofofo, ny olona tsy araka an'Andriamanitra dia mora miovaova amin'ny lalana samihafa.

Mitopatopa mamorivory ny fahamenaran'izy ireo

Tahaka ny rivotra miteraka onjan-dranomasina ka mamoka ny rivotra maloto - dia ireo lehilahy ireo, amin'ny alalan'ny fampianaran-diso sy ny fihetsika, dia menatra ny tenan'izy ireo. DH: "Toy ny fitondran'ireo onja ny loto, ireo lehilahy ireo dia mandoto ny hafa amin'ny fahamenarany."

Kintana mirenireny

ireo izay nianatra ireo kintana fahiny dia nahatsikaritra fa ny antsointsika hoe planeta dia tsy mihetsika toy ny fanaon'ny kintana. DH: "kintana miovaova" na "kintana mietsiketsika"

Kintana, izay mitahiry ho azy mandrakizay ny fahamaintisan'ny maizina.

"Kintana. Andriamanitra dia nanokana toerana iray feno haizina ho azy ireo, izay hitazomany azy ireo mandrakizay."

Jude 1:14

Ilay fahafiton'i Adama

Raha nisaina ho taranaka voalohany amin'ny olombelona i Adama, dia i Enoka no fahafito. Raha isaina ho voalohany ny zanak'i Adama, dia i Enoka no fahenina.

Indro

"Henoy" na "Hifantohy tsara ity zavatra manan-danja izay ho lazaiko ity."

Hanatanteraka ny fitsarana amin'ny

"Manameloka" na "Mitsara"

Mpimonomonona, mpitaraina,

Olona izay tsy te hankatoa sy hiteny manohitra ny fahefan'Andriamanitra. Ny "mpimonomonona" dia miteny mangina, raha miteny am-pahibemaso ny "mpitaraina."

Mpieboebo fatratra

Olona izay midera tena mba ho ren'ny hafa.

Mandoka ny hafa

"Mody midera ny hafa."

Jude 1:17

Ireo olona ireo

"Ireo mpaniratsira."

Hanaraka ny filan'ny haratsiam-panahiny

Ireo olona ireo dia lazaina tahaka ny hoe ny fanirian'izy ireo dia mpanjaka izay manapaka eo amin'izy ireo. DH: "tsy afaka manakana mihintsy ny fanalam-baraka an'Andriamanitra amin'ny fanaovana ireo zava-dratsy tiany hatao."

Hanaraka .... ny filan'izy ireo

Ny faniriana tsy araka an'Andriamanitra dia lazaina toy ny hoe ny lalana izay harahin'ny olona.

Olona araka ny nofo

Mihevera toy ny fisainan'ny olona tsy araka an'Andriamanitra; izy ireo dia manome lanja ny zavatra izay omen'ny tsy mpino lanja.

Tsy manana ny Fanahy izy ireo

Ny Fanahy Masina dia lazaina ho toy ny zavatra izay izay azon'ny olona hananana.

Jude 1:20

Fampifandraisana ny foto-kevitra:

Joda dia niteny ireo mpino ny fomba tokony hiainan'izy ireo sy ny fomba tokony hitondrany ny hafa.

Fa ianareo, ry malala, miorena tsara

Ny fahatokisana bebe kokoa an'Andriamanitra sy fankatoavana azy dia lazaina, toy ny hoe dingana amin'ny fanorenana tranobe iray. "Aza manao toy izy ireo, ry malala. Fa kosa, tahaka ny fiorenanareo tsara."

Miandry ny

"Miandrandra fatratra ny."

Tehirizo ny tenanareo ho amin'ny fitiavan'Andriamanitra

Ny fahafahana mandray ny fitiavan'Andriamanitra dia resahana toy ny hoe mitazona ny tenany amin'ny toerana iray.

Ny famindram-pon'i Jesosy Kritsy Tompontsika izay mitondra anao ho amin'ny fiainana mandrakizay

Eto ny hoe: "famindram-po" dia miresaka an'i Jesosy Kristy tenany, izay hampiseho ny famindram-pony amin'ireo mpino amin'ny alalan'ny fanomezana azy ireo fiainana mandrakizay miaraka aminy.

Jude 1:22

Ireo izay misalasala

"Ireo izay mbola tsy mino fa Andriamanitra dia Andriamanitra."

Misarika azy ireo hiala amin'ny afo

Izany dia manao amin'ny hafa izay tokony atao mba hitazomana azy ireo tsy ho faty raha tsy amin'i Kristy ary manome sarisarin'olona izay misarika olona latsaka anaty afo mialohan'ny famaizan'izy ireo.

Ary ny sasany indray amindrao fo amin-tahotra

"Aoka ho tsara fanahy amin'ny hafa, fa matahora hanota toy ny fomba fanaon'izy ireo."

Mankahalà na dia hatramin'ny akanjo nolotoin'ny nofo aza

Izany fanoharana izany dia miresaka ny mpanota ho tahaka ny tena ratsy ka mety hitondra aretina ho an'ny olona amin'ny alalan'ny fikasihana ireo akanjony. DH: "Ento izy ireo toy ny hoe mety ho meloka amin'ny fahotana ianao amin'ny alalan'ny fikasihana ny akanjony."

Jude 1:24

Fampifandraisana ny foto-kevitra:

Joda dia namarana tamin'ny fitahiana.

Hahatonga anao hijoro eo anatrehan'ny voninahiny

Ny voninahiny dia hazavana mamirapiratra izay maneho ny halehibeny. DH: "ary mamela anao hankafy sy hidera ny voninahiny."

Tsy misy tsiny

Eto ny fahotana dia resahana toy ny hoe maloto eo amin'ny vatana na vovoka amin'ny vatana. DH: "Izay hisy anao tsisy ota."

Ho an'Andriamanitra tokana Mpamonjintsika tamin'ny alalan'i Jesosy Kristy Tompontsika

"Ho an'Andriamanitra tokana, izay namonjy antsika noho ny nataon'i Jesosy Kristy." Izany dia manamafy fa Andriamanitra Ray ary koa ny Zanaka dia Mpamonjy.

Ny voninahitra, ny fahalehibiazana, ny fahefana, ny hery, talohan'ny fotoana rehetra, ankehitriny, ary mandrakizay

Andriamanitra dia nanana hatrany, manana izany ankehitriny, ary hanana hatrany ny voninahitra, fitarihana tanteraka, ary fifehezana tanteraka ny zava-drehetra.