Tok Pisin: Papuan Malay Unlocked Literal Bible Print

Updated ? hours ago # views See on WACS
Obadia
Obadia
Sapta 1

1 Dispela em i driman bilong Obadia, Bikpela God Yawe i toktok long ol Idom. Mipela harim toksave long God Yawe na wokman bilong makim maus bilong kantri i go namel long ol kantri na i tok, "Kirap, yumi kirap na i go statim pait long ples Idom!'' 2 Harim, mi bai mekim yu kamap liklik namel long ol narapela kantri na olgeta lain bai i lukdaun long yu. 3 Biknem bilong bel bilong yu i giamanim yu, yu husait wokim haus bilong yu antap long ston na yu tok long bel bilong yu olsem, "Husait inap long putim mi i kam daun long graun?" 4 God Yawe i tok, maski yu flai antap olsem tarangau na yu mekim haus bilong yu namel long ol sta, mi bai kisim yu i kam daun long dispela hap. 5 Sapos ol stilman i kam long yu long nait, olsem wanem bai ol i bagarapim yu! Ating bai ol stilim ol samting ol i laikim na ol narapela samting tu? Sapos man bilong pikim wain i kam long yu, ating ol i no inap larim wanpela wain i stap long yu pikim gen? 6 Olsem Iso, ol i bin painim ol gutpela samting em i bin haitim long en na bai putim kam ples klia! 7 Olgeta man long ami bilong yu bai salim yu i go long mak bilong pait. Ol man husait i stap bel isi wantaim yu i bin giamanim yu na pait bek long yu. Ol man husat i bin kaikai bret wantaim yu bai putim yu long han bilong birua. Ol bai tok yu nogat save bilong yu. 8 Inap mi no stap long dispela dei, God Yawe i tok, " bagarapim ol man i gat gutpela tingting long ples Idom na gutpela klia tingting bai kam aut long maunten bilong Iso? 9 Olgeta strongpela man bilong yu long Teman, ol bai i pret. Olsem na ol bai kilim olgeta man long maunten bilong Iso na pinisim olgeta. 10 Sem bai karamapim yu na yu bai i stap bagarap oltaim, long wanem yu bin mekim nogut long Jekop, brata bilong yu. 11 Long dispela taim, yu sanap tasol na lukluk i stap na ol man yu no save long ol i kisim ol gutpela samting i go na ol man bilong narapela ples i kam insait long dua na skelim ol planti samting long Jerusalem. Yu olsem wanpela bilong ol. 12 Tasol noken tingim bek long taim nogut bilong brata bilong yu, taim em i no i bin i stap gut. Noken amamas long ol manmeri bilong Juda taim ol i kisim bagarap. Noken apim yu yet taim ol i stap long pen na sori. 13 Noken kam insait long dua bilong ol manmeri bilong mi, taim ol i kisim bagarap na noken amamas taim ol i kisim bikpela hevi na noken stilim ol gutpela samting bilong ol long taim ol i stap long hevi. 14 Noken sanap long namel rot na holim ol man i laik ranawe. Noken kisim ol man i stap yet na givim i go long han bilong birua taim ol i stap long pen na wari. 15 Taim i kamap klostu we God Yawe bai mekim save long olgeta kantri. Wanem bagarap yu i bin mekim long narapela yu bai kisim wankain bagarap. Ol pasin nogut yu mekim long narapela bai kamap long yu yet. 16 Em bai olsem yu bin dringim wara igat pait long holipela maunten bilong mi, ol narapela kantri tu bai dring olgeta taim. Ol bai dring na daunim na em bai i no inap stap moa. 17 Tasol long Maunten Saion bai i gat ol lain i ranawe na em bai i stap stretpela ples. Ol tumbuna bilong Jekop bai winim na kisim bek dispela ples bilong ol. 18 God Yawe i tokaut, Ol tumbuna bilong Jekop na Josep i olsem paia na ol tumbuna bilong Iso i olsem skin bilong prut, paia bai kukim na bagarapim olgeta. Bai nogat wanpela tumbuna bilong Iso i stap laip. 19 Ol lain bilong Negef bai kisim maunten bilong Iso na ol manmeri i stap long plesdaun bai kisim graun bilong Filistia. Ol bai kisim graun bilong Efraim na Samaria na Bensamin bai kisim graun bilong Gilet. 20 Ol lain bilong Israel ol i bin rausim ol long kantri bilong ol bai kisim graun bilong Kenan i go olgeta long Sarepat. Ol lain bilong Jerusalem ol i bin rausim ol long kantri bilong ol husait i stap long Sefara bai kisim ol biktaun bilong Negef. 21 Olgeta man bilong pait bai i go antap long maunten Saion bilong bosim olgeta hap ples Maunten bilong Iso na mekim dispela i kamap kingdom bilong God Yawe.