Tok Pisin: Papuan Malay Unlocked Literal Bible

¹ Long bipo tru God i wokim heven na graun. ² Ino gat wanpela samting i bin i stap antap long graun. Tudak i karamapim tru olgeta hap. Na Spirit bilong God i bin raun i go i kam antap long wara. ³ God i tok, "Larim lait i kamap," na lait i kamap. ⁴ God i lukim lait olsem em i gutpela. Na em i brukim lait long tudak. ⁵ God i kolim lait "dei," na tudak Em i kolim "nait." Avinun i go pinis na monin i kam na dispela i dei namba wan. ⁶ God i tok, "Larim baret i mas kamap namel long ol wara na larim dispela i ken skelim ol wara igo long wara". ⁷ God i brukim na skelim wara na putim aninit long ples i antap na antap long dispela baret. Na dispela i kamap. ⁸ God i kolim dispela baret olsem "skai". Avinun i go pinis na moning i kam na dispela i dei namba tu. ⁹ God i tok, "Larim ol wara aninit long skai i mas bung long wanpela hap tasol na larim drai ples i mas kamap. Na dispela i kamap. ¹⁰ God i kolim dispela drai ples "graun" na ol dispela wara i bung long wanpela hap, Em i kolim "solwara". Em i lukim olsem dispela i gutpela stret. ¹¹ God i tok, "Larim ol planti kainkain gras i mas kamap long graun, ol diwai bilong kamapim pikinini kaikai na ol diwai bilong karim kaikai bilong ol, em ol wanwan i mas kamap long pasin na mak bilong ol yet". Na dispela i kamap. ¹² Na graun i kamapim kainkain gras na ol diwai bilong kamapim pikinini kaikai na ol diwai bilong karim kaikai em prut bilong ol i stap insait long ol kaikai bilong ol long inapim pasin na mak bilong ol yet. God i lukim ol dispela samting i gutpela tru. ¹³ Avinun i go pinis na monin i kam na dispela em i dei namba tri. ¹⁴ God i tok, "Larim ol lait i mas i stap long skai bilong skelim dei na nait na kamap olsem ol mak bilong ol kainkain taim na bilong ol dei na bilong ol yia. ¹⁵ Larim ol dispela lait i mas i stap long skai na givim lait long graun. Na ol dispela samting i bin kamap olsem. ¹⁶ God i mekim tupela bikpela lait, bikpela lait tru i bilong dei na liklik lait i bilong nait. Em i wokim ol sta tu. ¹⁷ Na God i putim ol long skai long givim lait long graun. ¹⁸ Long dei na long nait na em i skelim lait long tudak. God i lukim olsem em i gutpela tru. ¹⁹ Avinun i go pinis na monin i kam na dispela i dei namba foa. ²⁰ God i tok, "Larim ol wara i mas pulap wantaim ol kainkain samting i gat laip na larim ol pisin i flai antap long graun na long skai. ²¹ God i mekim ol kainkain samting i gat laip na putim long solwara na em i mekim ol narapela ol samting i gat laip wantaim pasin na mak bilong ol yet na ol samting i save raun pulimapim ol wara na ol pisin i gat wing i kamap wantaim pasin na mak bilong ol yet. God i lukim ol dispela samting i kamap gutpela tru. ²² God i blesim ol na i tok, "Yupela i mas kamap planti tru na pulimapim ol solwara. Larim ol pisin i kamap planti antap long graun." ²³ Avinun i go pinis na monin i kam na dispela em i dei namba faiv. ²⁴ God i tok "Larim graun i mas kamapim ol kainkain samting i gat laip em ol wanwan i stap wantaim pasin na mak bilong ol yet, ol abus bilong kaikai gras na ol liklik abus na ol kainkain wel abus i kamap wantaim pasin na mak bilong ol yet." Na ol i kamap olsem tasol. ²⁵ God i wokim ol wel abus bilong graun wantaim ol pasin na mak bilong ol yet na ol abus bilong kaikai gras wantaim pasin na mak bilong ol yet na ol liklik abus long graun i kamap wantaim pasin na mak bilong ol yet. Em i lukim ol dispela samting i kamap gutpela tru. ²⁶ God i tok, "Nau larim yumi wokim man olsem piksa bilong yumi yet na i wankain olsem yumi yet. Larim ol i bosim ol pis bilong solwara, ol pisin bilong skai, ol abus i save kaikai gras antap long graun na olgeta samting i save raun antap long graun. ²⁷ Olsem na God i wokim man olsem piksa bilong em yet. Long piksa bilong em yet, em i wokim man i kamap. Em i wokim man na meri wantaim. ²⁸ God i blesim ol na em i tokim ol olsem, "Yupela i mas kamap planti tru. Pulapim na lukautim olgeta hap long graun. Na bosim ol pis bilong solwara na ol pisin bilong skai na olgeta samting i raun antap long graun." ²⁹ God i tok, "Lukim, mi givim yu olgeta samting i save kamapim pikinini kaikai i stap antap long graun na ol diwai em pikinini kaikai i stap insait long kaikai bilong ol. Dispela em ol samting yupela i ken kisim olsem kaikai. ³⁰ Long olgeta abus bilong graun, long olgeta pisin bilong antap na long olgeta samting i raun antap long graun na long ol abus i pulim win na i stap laip, em Mi givim ol kainkain gras olsem kaikai bilong ol." Na olgeta samting i kamap olsem tasol. ³¹ God i lukim olgeta samting Em i mekim i kamap gutpela tru. Avinun i go pinis na monin i kam na dispela em i dei namba 6

¹ Heven na graun i kamap pinis na olgeta samting i gat laip i pulap long em. ² Long dei namba seven, God i pinisim olgeta wok em i mekim na em i malolo long dei seven long olgeta samting em i wokim ³ God i blesim namba seven dei na em i mekim Holi dispela dei, long wanem, olgeta wok i pinis na em i malolo. ⁴ Dispela em i stori bilong heven na graun, taim olgeta samting i bin kamap, long dispela dei God Yawe i mekim heven na graun. ⁵ Nogat gras na bus i bin i stap long graun na nogat wanpela samting i kamap long graun, long wanem, God i no bin salim ren i kam daun long graun na i no gat wanpela man i bin i stap long wokim gaden. ⁶ Tasol liklik wara i kam antap long graun na givim wara long graun. ⁷ God Yawe i kisim das long graun na wokim man na God i givim win long man na man i gat laip ⁸ God Yawe i putim gaden long hap san i kamap, insait long Iden na God em yet i wokim man na i putim em long dispela gaden. ⁹ Long graun God i wokim ol kainkain diwai i kamap gutpela na givim ol gutpela kaikai. Na God i putim diwai bilong givim laip namel long gaden, diwai bilong givim gutpela tingting long save long gutpela samting na samting nogut. ¹⁰ Na wanpela wara i go autsait long Iden long givim wara long gaden. Na bihain em i bruk i go long 4pela hap wara. ¹¹ Nem bilong namba wan wara, em Pison. Em dispela wara i ron i go long graun bilong Havila, wei dispela ples i gat gol. ¹² Gol bilong dispela graun em i gutpela. Igat wanpela diwai, bedelium, (smel bilong em i gutpela tumas) na ston onix (wanpela ston em i dia tumas). ¹³ Nem bilong namba tu wara, em Gihon. Dispela wara i ron i go olsem long graun Kus. ¹⁴ Nem bilong namba tri wara em Taigris na em i ron olsem long hap san i kamap bilong Ashur. Na namba foa wara, em Efretus. ¹⁵ God Yawe i kisim man na em i putim em long gaden Iden long mekim wok na lukautim. ¹⁶ God Yawe i givim tok orait long man na i tok, "Olgeta diwai long gaden em mi tok orait long yu bai kaikai. ¹⁷ Tasol diwai bilong save long gutpela na nogut em yu i no ken kaikai, long dispela dei yu kaikai bai yu dai. ¹⁸ Bihain God i tok,'' Em i no gutpela long man bai i stap em yet. Mi bai wokim wanpela helpim bilong em." ¹⁹ Na long graun, God i mekim ol abus na ol pisin bilong skai. Na em i kisim olgeta i kam long man bai em i givim nem. Wanem nem man i givim long ol dispela abus, em nem bilong ol. ²⁰ Man i givim nem long olgeta abus na olgeta pisin bilong skai na ol wel abus bilong graun. Tasol long man em yet i no gat wanpela i stap long helpim em. ²¹ God Yawe i mekim man i slip na God Yawe i kisim hap sait bun bilong man na em i pasim bek hap, wei em bin kisim bun long em. ²² Na bihain God Yawe i kisim bun bilong man na em i wokim meri na kisim em i go long man. ²³ Na man i tok, "Em nau, dispela em i bun bilong bun bilong mi na mit bilong mit bilong mi. Nau bai mi kolim em meri, long wanem, em i kamap long man." ²⁴ Olsem na man bai i lusim papa na mama bilong em na pas wantaim meri bilong em na bai tupela kamap wanpela. ²⁵ Man na meri tupela bin i stap as nating na tupela ino sem.

¹ Nau Bikpela God Yawe i bin wokim snek i smat moa long ol narapela abus. Orait snek i tokim meri olsem, "Tru olsem God i tok yu mas noken kaikai long olgeta diwai i stap long gaden a?" ² Na meri i tokim snek olsem, "Mipela i ken kaikai long olgeta pikinini kaikai long gaden, ³ tasol pikinini kaikai bilong dispela diwai i stap namel long gaden, God i tok, 'Noken kisim na kaikai na noken holim, nogut bai yu i dai." ⁴ Snek i tokim meri olsem, "Tru tumas yu bai i no inap long dai. ⁵ Long wanem, God i save olsem taim yu kaikai dispela pikinini kaikai bilong diwai, ai bilong yu bai i op na bai yu kamap wankain olsem God na yu bai save long ol gutpela samting na ol samting nogut." ⁶ Taim meri i lukim olsem kaikai bilong dispela diwai i gutpela long kaikai na naispela long ai bilong em na dispela diwai bai mekim em kisim gutpela save, em i kisim prut bilong em na kaikai. Na em i kisim na kaikai na em i givim hap long man bilong em, husat i bin i stap wantaim em na man tu i kaikai. ⁷ Nau ai bilong tupela i op na tupela i save olsem tupela i stap as nating. Tupela i kisim lip bilong diwai fik na pasim skin bilong tupela. ⁸ Long avinun, taim ples i kol, tupela i harim nois bilong Bikpela God Yawe i wokabaut i kam long tupela na tupela i traim long hait long pes bilong God Yawe long ol diwai insait long gaden. ⁹ Bikpela God i singaut long man na i tok, "Yu stap we?" ¹⁰ Na man i tok, "Mi stap insait long gaden na harim yu singaut long mi na mi pret, long wanem, mi stap as nating olsem na mi hait." ¹¹ God i tok, "Husat i tok olsem yu stap as nating? Ating yu mas kaikai dispela diwai mi bin tokim yu long noken kaikai a?" ¹² Na man i tok, "Meri yu bin givim long stap wantaim mi, em tasol i givim mi dispela pikinini kaikai bilong diwai na mi kaikai." ¹³ God i tokim meri olsem, "Em yu mekim wanem samting?" Na meri i tok, "Snek i bin tok giaman long mi na mi kaikai." ¹⁴ Bikpela God Yawe i tokim snek, "Long wanem yu bin mekim olsem, orait nau hevi bai i kamap long yu, antap long olgeta abus na olgeta samting antap long dispela graun. Yu bai ron long bel bilong yu na kaikai das bilong dispela graun long laip taim bilong yu. ¹⁵ Mi bai putim biruwa namel long yu wantaim meri na pikinini bilong yu na pikinini bilong meri. Pikinini man bilong dispela meri bai krungutim het bilong yu na yu bai klinim lek bilong pikinini man." ¹⁶ Na long meri God i tokim em, "Mi bai givim yu bikpela moa pen long taim yu laik karim pikinini. Yu bai lakim tumas man bilong yu na tu man bai i kamap bos long laip bilong yu." ¹⁷ Na long Adam, Em i tokim em, "Yu bin harim tok bilong meri bilong yu na yu bin kaikai pikinini kaikai bilong diwai, long dispela, hevi mas kamap long graun long wanem, long dispela as tasol, yu bai karim bikpela hevi long laip bilong yu na yu bai hat wok na painim kaikai inap long laip taim bilong yu. ¹⁸ Bai i gat ol gras igat nilnil na ol strongpela gras nogut long gaden bilong yu na yu bai kaikai long hat wok bilong yu. ¹⁹ Long tuwat bilong yu bai yu kisim bret na kaikai, inap yu go bek long graun, bilong wanem, yu bin kam aut long dispela. Long das yu bin kamap na long das yu bai go bek. ²⁰ Na man i kolim nem bilong meri bilong en Iv long wanem, em i kamap mama bilong olgeta man meri. ²¹ Bikpela God i kilim sipsip na karamapim skin nating bilong tupela long gras bilong sipsip olsem klos bilong tupela. ²² Bikpela God Yawe i tok, "nau man i kamap wankain olsem yumi, luksave long gutpela na nogut. Olsem na nogut em putim han i go na kisim pikinini kaikai bilong diwai bilong laip na kaikai na em bai i stap laip oltaim oltaim. ²³ Olsem na Bikpela God i salim em i go aut long gaden Eden, long brukim graun em i bin kisim. ²⁴ Na God i lusim man aut sait long garden na em i putim wanpela ensel i was long hap san i kamap bilong gaden Eden na paia i lait long bainat i raunim dispela rot i go lo diwai i gat laip.

¹ Adam i bin slip wantaim meri bilong en Iv. Meri i gat bel na i karim Kein. Meri i tok, "Mi kamapim pikinini man wantaim helpim bilong God Yawe." ² Na bihain meri i karim brata bilong en Ebel. Na Ebel i kamap olsem wasman bilong sipsip, tasol Kein i save wok long graun na mekim ol gaden. ³ Wanpela taim i kamap na Kein i kisim ol sampela kaikai bilong gaden i kam bilong givim ofa i go long God Yawe. ⁴ Na Ebel tu i kisim ol sampela pat-pela sipsip na em i kam bilong mekim ofa. God Yawe i amamas long Ebel na ofa bilong en, ⁵ tasol Kein i givim ofa i go long God, tasol God i no amamas. Na Kein i belhat nogut tru na pes bilong en i senis. ⁶ God Yawe i tokim Kein, "Bilong wanem yu belhat na pes bilong yu i senis? ⁷ Sapos yu mekim samting stret, mi bai amamas long yu? Tasol sapos yu no mekim samting i no stret, orait sin bai daunim yu long haus dua bilong yu na i laik bosim yu, tasol yu mas strong long abrusim dispela." ⁸ Kein i tokim brata bilong en, Ebel. Dispela i kamap taim tupela i bin i stap long ples bilong wok na Kein i kirap na kilim brata bilong en Ebel. ⁹ Na God Yawe i askim Kein, "Wei i stap brata bilong yu Ebel?" Na em i tok, "Mi no save. Mi wasman bilong brata bilong mi a?" ¹⁰ God Yawe i tok, "Yu mekim wanem samting? Blut bilong brata bilong yu i singaut i kam long mi long graun. ¹¹ Nau, bagarap i kamap pinis antap long graun, em i opim maus bilong em long kisim blut bilong brata bilong yu long han bilong yu. ¹² ''Taim yu brukim graun, graun bai i no gat gris bilong en na em bai i no inap karim gutpela kaikai. Na yu bai i stap olsem man i nogat as ples bilong en na yu bai raun olsem trip man long dispela graun." ¹³ Kein i tokim God Yawe olsem, "Hevi bilong mi em i bikpela tumas long mi long karim. ¹⁴ Olsem na long dispela dei, yu rausim mi long dispela graun mi stap long en na mi bai hait long pes bilong yu. Mi bai stap olsem man i nogat as ples bilong em na raun nating tasol long graun na ol man i lukim mi bai ol i kilim mi." ¹⁵ God Yawe i tokim em, "Sapos wanpela man i kilim yu, orait bai mi bekim asua bilong em 7-pela taim." Na God Yawe i putim wanpela mak long Kein, taim wanpela man i painim em, dispela man bai i no inap kilim em. ¹⁶ Olsem na Kein i lusim God Yawe na i go i stap long ples ol i kolim Not, long hap san i kamap long Iden. ¹⁷ Kein i slip wantaim meri bilong en na meri bilong en i gat bel. Na em i karim Inok. Kein i wokim wanpela taun na kolim nem bilong dispela taun olsem, Inok. ¹⁸ Inok em i papa bilong Irat. Irat em i papa bilong Mehusael. Mehusael em i papa bilong Metusael. Metusael em i papa bilong Lemek. ¹⁹ Lemek maritim tupela meri, nem bilong wanpela em Ada na nem bilong narapela em Sila. ²⁰ Adam i karim Jabal. Jabal em i tumbuna bilong ol man i save lukautim ol bulmakau na i stap long haus sel. ²¹ Nem bilong brata bilong en Jubal. Em i papa bilong ol man i save mekim musik long gita na mambu. ²² Na long Sila, em i karim Tubal Kein, em i man bilong mekim ol kain samting olsem bras na ain. Sista bilong Tubal Kein em Nama. ²³ Lamek i toktok long tupela meri bilong en, "Ada na Sila. Yutupela harim tok bilong mi, yutupela meri bilong mi Lemek, harim wanem samting mi tok long en. Wanpela yangpela man i bin paitim mi na mi bin kilim em i dai pinis. ²⁴ Longpela taim i go pinis, God i tok, ''Sapos wanpela man i kilim Kein, orait God bai bekim asua bilong en inap 7-pela taim. Na sapos man i kilim Lemek, God bai bekim dispela asua bilong en tu inap long 77 taim.'' ²⁵ Adam i bin slip wantaim meri bilong en gen na meri bilong em i karim narapela pikinini man gen. Em i kolim nem bilong em Set na i tok, "God i givim mi narapela pikinini bilong kisim ples bilong Ebol, wei Kein i bin kilim em i dai. ²⁶ Na long Set, wanpela pikinini man i kamap na Set i kolim em Enos. Long dispela taim ol manmeri i stat long lotu long nem bilong God Yawe.

¹ Dispela em stori bilong ol lain pikinini bilong Adam. Long taim God i wokim man long graun, em i wokim man olsem piksa bilong em yet. ² God i wokim ol man na meri, na em i blesim ol na i givim nem long ol olsem, manmeri long taim ol i kamap. ³ Taim Adam i stap 130 yia pinis, em i kamap papa bilong wanpela pikinini man, olsem piksa bilong em yet. Na Adam i kolim nem bilong en Set. ⁴ Bihain long em i kamap papa bilong Set, em i stap 800 yia. Em i kamap papa bilong planti moa pikinini man na pikinini meri. ⁵ Adam i stap 930 yia na em i dai. ⁶ Taim Set i stap 105 yia pinis, em i kamap papa bilong Enos. ⁷ Bihain long em i kamap papa bilong Enos, em i stap 807 yia na em i kamap papa bilong planti moa pikinini man na pikinini meri. ⁸ Set i stap 912 yia na em i dai. ⁹ Taim Enos i stap 90 yia pinis, em i kamap papa bilong Kenan. ¹⁰ Bihain long em i kamap papa bilong Kenan, Enos i stap 815 yia. Enos i kamap papa bilong planti moa pikinini man na pikinini meri. ¹¹ Enos i stap 905 yia na em i dai. ¹² Taim Kenan i stap 70 yia pinis, em i kamap papa bilong Mahalale. ¹³ Bihain long em i kamap papa bilong Mahalale, Kenan i stap 840 yia. Kenan i kamap papa bilong planti moa pikinini man na pikinini meri. ¹⁴ Kenan i stap 910 yia na em i dai. ¹⁵ Taim Mahalale i stap 65 yia pinis, em i kamap papa bilong Jaret. ¹⁶ Bihain long em i kamap papa bilong Jaret, Mahalale i stap 830 yia. Mahalale i kamap papa bilong planti moa pikinini man na pikinini meri. ¹⁷ Mahalale i stap 895 yia na em i dai. ¹⁸ Taim Jaret i stap162 yia pinis, em i kamap papa bilong Enok. ¹⁹ Bihain long em i kamap papa bilong Enok, Jaret i stap 800 yia. Jaret i kamap papa bilong planti moa pikinini man na pikinini meri. ²⁰ Jaret i stap 962 yia na em i dai. ²¹ Taim Enok i stap 65 yia pinis, em i kamap papa bilong Metusela. ²² Enok wokabaut wantaim God 300 yia bihain long em i kamap papa bilong Metusela. Enok i kamap papa bilong planti moa pikinini man na pinkinini meri. ²³ Enok stap 365 yia. ²⁴ Enok i wokabaut wantaim God na em i go long wanem, God i kisim em. ²⁵ Taim Metusela i stap 187 yia pinis, em i kamap papa bilong Lemek. ²⁶ Bihain long em i kamap papa bilong Lemek. Metusela i stap 872 yia. Metusela i kamap papa bilong planti moa pikinini man na pikinini meri. ²⁷ Metusela i stap 969 yia na bihain em i dai. ²⁸ Taim Lemek i stap 182 yia pinis, em i kamap papa bilong wanpela pikinini man. ²⁹ Em i givim nem bilong em Noah na em i tok," Dispela pikinini bai i givim malolo long wok bilong yumi na long pen bilong hatwok long han bilong yumi. Yumi mas wokim long wanem, God Yawe i givim hevi long ples graun." ³⁰ Lemek i stap 595 yia bihain long em i kamap papa bilong Noa. Bihain em i kamap papa bilong planti moa pikinini man na pikinini meri. ³¹ Lemek i stap 777 yia na bihain em i dai. ³² Bihain long Noa i stap 500 yia pinis, em i kamap papa bilong Sem, Hem na Jafet.

¹ Em i bin kamap olsem long dispela taim ples graun i bin pulap long manmeri na ol pikinini meri i bin kamap long ol. ² Ol pikinini man bilong God i lukim olsem ol pikinini meri bilong ol man bilong graun i naispela tru na ol i maritim ol long laik bilong ol yet. ³ Na God Yawe i tok olsem. "Spirit bilong mi i no inap i stap insait long ol man oltaim. Bilong wanem pasin nogut bilong bodi i pulap long man na man ino inap abrusim 120 yia na bai em i dai. ⁴ Ol bikpela man ib stap long ples graun long dispela taim. Na dispela i kamap bihain long dispela taim ol pikinini bilong God i bin maritim ol pikinini meri bilong man na ol i bin karim ol dispela pikinini. Ol dispela pikinini i bin longpela na ol i bin gat bikpela strong. ⁵ Bikpela i lukim pasin nogut bilong man i kamap bikpela tru long ples graun, olsem tingting bilong bel bilong ol i strong tumas long mekim pasin nogut moa yet. ⁶ Olsem na Bikpela i bel sori na wari long ol manmeri na olgeta samting em i bin wokim. ⁷ Na God Yawe i tok," Bai mi rausim olgeta manmeri na ol samting mi putim long dispela graun stat long ol manmeri na i go inap long ol wel abus bilong bikbus. Ol dispela wel abus i save wokabaut long bel i go inap long ol bikpela pisin i save flai long skai. Bikpela i bin sori tru long dispela ol samting. ⁸ Tasol God i lukim Noa i stap stret long ai bilong em. ⁹ Dispela em ol stori bilong samting i kamap long taim bilong Noa. Noa em wanpela stretpela man long ai bilong God na nogat wanpela asua em i bin wokim namel long ol manmeri. Noa i wokabaut wantaim God. ¹⁰ Noa i kamap papa bilong tripela pikinini, Sem, Ham na Japet. ¹¹ Ples graun i bin bagarap long ai bilong God na pasin nogut i bin pulap tru. ¹² God i lukim ples graun em i bagarap tru, long wanem pasin bodi i bin bagarapim tru pasin bilong antap long ples graun. ¹³ God i tokim Noa, "Em nau taim i kamap pinis na bai mi pinisim olgeta samting i gat laip, long wanem ol pasin nogut bilong ol i pulumapim tru olgeta hap bilong graun. Tru tumas, Mi yet bai mi pinisim dispela ples graun wantaim olgeta laip bilong bodi. ¹⁴ Yu mas wokim wanpela sip wantaim sapres diwai. Mekim ol rum insait long sip na pasim gut wantaim tar insait na autsait bilong sip wantaim. ¹⁵ Dispela em ol samting bai yu mekim, longpela bilong sip em i mas olsem 300 mita na bikpela bilong sip em i mas kisim mak olsem 50 mita na longpela igo antap i mas kisim mak bilong 30 mita. ¹⁶ Wokim rup bilong sip na larim mak bilong hap mita long aninit i go inap long het na long sait bilong sip. Putim wanpela dua long sait bilong sip, yu mas wokim 3 pela rum long sip, wanpela long daunbilo, wanpela long namel na wanpela long antap bilong sip. ¹⁷ Harim, Mi Bikpela i redi long salim bikpela ren na tait wara kam antap long graun, long bagarapim olgeta samting i gat laip i stap aninit long heven. Olgeta samting i stap long graun bai i dai. ¹⁸ Tasol bai mi kamapim promis bilong mi wantaim yu. Yu bai i stap insait long sip yu wantaim ol pikinini man na ol meri bilong ol na meri bilong yu mas kalap long sip. ¹⁹ Yu mas kisim tupela bilong olgeta kainkain ol animol man na meri na putim ol insait long sip. ²⁰ Long ol kainkain pisin kisim wanwan bilong ol na long ol bikpela animol kism wanwan bilong ol na long ol samting i save wokabaut antap long graun tupela bilong kainkain bai i kam long yu long mekim ol i stap laip. ²¹ Kisim planti kainkain kaikai yu i save kaikai na putim ol i stap na em bai kamap kaikai bilong yu na ol animol. ²² Noa i bihainim gut olgeta tok God i bin tokim em long wokim.

¹ Yahweh i tokim Noa, ''Kam, yu na olgeta haus lain bilong yu, kam insait long bikpela sip, mi lukim olsem yu wanpela stretpela man long ai bilong mi long dispela taim. ² Long olgeta klinpela abus yu bai kisim i go wantaim yu, sevenpela man na sevenpela meri. Na long ol abus we i no klin long em, kisim tupela tupela, man na meri. ³ Wankain tu long ol pisin antap long skai, kisim sevenpela man na sevenpela meri, long holim ol lain tumbuna bilong ol bai i no ken lus long dispela graun. ⁴ Bihain long sevenpela dei mi bai salim ren kam daun long graun na em bai ren inap long 40pela dei na 40pela nait. Bai mi bagarapim olgeta samting mi bin wokim long en na i gat laip antap long dispela graun. ⁵ Na Noa i bin mekim olgeta samting olsem God Yawe i tok long en . ⁶ Noa i gat 600 yia taim tait wara i bin kamap long olgeta hap bilong dispela graun. ⁷ Na ol pikinini man bilong Noa, meri bilong em na ol meri bilong pikinini man bilong em, ol i bin i go insait long sip, long wanem, bikpela tait wara i kamap. ⁸ Ol klin na doti abus, ol pisin na olgeta samting i save raun long bel long graun, ⁹ Tupela, abus wanpela man na wanpela meri, ol i kam long Noa na i go insait long sip, olsem tasol God i bin tokim Noa long en. ¹⁰ Na bihain long sevenpela dei, wara tait i bruk na i kam antap long graun. ¹¹ Long 600 yia long laip bilong Noa, long namba tu mun, long namba 17dei bilong dispela mun, long dispela dei tasol, olgeta wara insait long graun i bruk na sut i kam antap long graun na ol windua bilong heven i op. ¹² Na ren i pundaun long olgeta hap graun inap long 40pela dei na 40pela nait. ¹³ Long dispela wanpela dei tasol, Noa na olgeta pikinini man bilong em, Sem, Ham, Jafet na meri bilong em na ol tripela meri bilong pikinini man bilong em ol i go insait long sip. ¹⁴ Ol i go insait wantaim wanwan wel abus wankain olsem ol yet na wanwan abus ol man i save lukautim long em wankain olsem ol yet na wanwan abus i save raun long bel long graun wankain olsem ol yet na ol kainkain pisin wankain olsem ol yet na ol abus i gat wing long em tu. ¹⁵ Tupela bilong olgeta samting i gat laip na save kisim win ol i kam long Noa na i go insait long sip. ¹⁶ Dispela ol abus i bin i go insait, em ol man na meri igat laip, ol i bin i go insait wankain olsem God i bin tokim em. Na God Yawe i pasim dua taim ol i go insait pinis. ¹⁷ Orait, tait wara i bin kam antap long dispela graun long 40pela dei na wara i kamap bikpela moa na apim sip na kisim i go antap tru abrusim graun. ¹⁸ Dispela wara i bin karamapim olgeta hap bilong dispela graun na sip i bin trip antap long wara. ¹⁹ Wara i bin kamap bikpela tru na i bin karamapim olgeta longpela maunten i stap aninit long skai. ²⁰ Dispela tait wara i bin kamap bikpela tru inap olsem 6mita i abrusim ol longpela maunten. ²¹ Olgeta samting i gat laip i bin i stap antap long graun ol i dai, ol pisin, na ol abus man i save lukautim na ol wel abus, wantaim olgeta samting i bin i stap planti tru long graun na olgeta man meri tu i bin i dai. ²² Olgeta samting i bin i stap long dispela graun na i bin kisim dispela win bilong laip insait long nus bilong ol, olgeta i dai. ²³ Olsem na olgeta samting i gat laip i bin i stap antap long graun ol i dai olgeta, long ol manmeri na i go long ol bikpela abus na samting i save raun long bel na tu ol pisin bilong skai. Olgeta i bin bagarap long graun. Tasol Noa wantaim ol lain i bin i stap wantaim em long sip i no kisim bagarap. ²⁴ Dispela wara i no bin drai inap long 150pela dei.

¹ God i tingim Noa na ol wel animol na ol samting i gat laip i stap long sip. God i mekim win i ron antap long graun na wara i stat long go daun. ² Na wara aninit long graun wantaim windua bilong heven i pas na ren i no pundaun moa. ³ Na tait i wok long i go daun isi isi long graun na bihain long 150 dei, wara i pinis olgeta. ⁴ Na long de namba 17 bilong 7 mun, sip i pas long maunten Ararat. ⁵ Wara i go daun yet i nap long namba 10 mun. Long namba wan dei bilong dispela mun, ol het bilong maunten i kamap ples klia. ⁶ Bihain long 40dei, Noa i opim windua bilong sip em i wokim. ⁷ Na em lusim kotkot i go raun na kam na mekim olsem yet inap wara i go daun na graun em i drai. ⁸ Bihain Noa i salim gen narapela pisin ol i kolim balus long save wara i go daun o nogat, ⁹ Tasol wara i stap yet na nogat ples bilong pisin i sindaun, olsem na pisin i flai i kam bek gen. Noa i putim han i go na kisim pisin i go insait long sip. ¹⁰ Orait Noa i stap 7-pela dei moa na em i salim balus pisin i go gen. ¹¹ Na long avinun pisin i kam wantaim lip bilong diwai oliv long maus bilong en. Olsem na Noa i save wara i go daun pinis. ¹² Na em i weit 7-pela dei moa na salim balus i go. Tasol balus i no i kam bek moa. ¹³ Noa i stap olsem 601 yia. Long dei namba wan bilong namba wan mun bilong dispela yia, graun i drai. Noa i rausim het karamap bilong sip na lukim graun i drai olgeta. ¹⁴ Long dei 27 bilong namba 2mun, graun i drai olgeta. ¹⁵ Orait God i tokim Noa olsem, ¹⁶ "Yu lusim sip na yu kisim meri bilong yu na ol pikinini bilong yu na ol meri bilong ol pikinini bilong yu na i go autsait. ¹⁷ Yu kisim olgeta kain animol i gat laip- ol pisin, ol abus animol bilong kaikai na animol i save wokabaut long graun bai ol i ken karim pikinini na pulumapim ples graun." ¹⁸ Orait Noa wantaim ol pikinini na meri bilong en na ol meri tambu bilong ol pikinini bilong en i lusim sip. ¹⁹ Olgeta animol i gat laip na ol animol i save wokabaut long graun na olgeta kain pisin i save flai ol i go autsait na ol animol i bung wantaim i bihainim wankain lain bilong ol yet na ol i lusim sip. ²⁰ Noa i wokim alta bilong givim ofa i go long God Yawe. Em i kisim sampela ol klinpela animol na sampela ol klinpela pisin na givim olsem ofa long God. Na mekim gutpela smel. ²¹ God Yawe em i amamas long bel bilong em na i tok, "Mi no ken bagarapim olgeta samting long graun gen long bikhet pasin bilong man. Maski, pasin bilong ol man i pulap long sin long taim ol i kamap pikinini, mi no inap bagarapim olgeta samting i gat laip long dispela graun gen olsem mi mekim. ²² Taim graun i stap, bai i gat taim bilong planim, taim bilong kamautim, taim bilong kol, taim bilong hot, taim bilong san, taim bilong win na dei na nait bai i no inap senis."

¹ Na God i blesim Noa na ol tripela pikinini man bilong em na em i tokim ol, ''Yupela mas karim kaikai na kamap planti na inapim dispela graun. ² Na olgeta animol bai pret long yupela, i go long olgeta animol i gat laip long en antap long graun na olgeta pisin long skai, wantaim ol samting i go aninit long graun na long ol pis long solwara. God i givim i kam long han bilong yupela. ³ Olgeta samting i gat laip long en bai i kamap kaikai bilong yu. Olsem tasol mi givim yu olgeta bus na diwai, mi nau givim yu olgeta samting. ⁴ Yu mas no ken kaikai mit wantaim blut i stap insait long em. ⁵ Tasol long blut bilong yu na laip i stap insait long blut bilong yu, mi bai bekim pei long en. Long han bilong olgeta animol bai mi bekim long ol. Na long han bilong man, em i olsem, han bilong husat i kilim wanpela brata bilong em, bai mi bekim dispela pei long em long laip bilong dispela man. ⁶ Husat i kapsaitim blut bilong man long han bilong em, blut bilong em bai kapsait tu. Long piksa bilong em yet God i wokim man ⁷ Tasol, yu mas karim planti kaikai na kamap planti na inapim olgeta hap bilong graun. ⁸ Na God i tok long Noa na ol pikinini man bilong em olsem,'' ⁹ "Na long mi, Harim! Mi bai wokim kontrak wantaim yu na ol tumbuna na tumbuna bikinini bilong yu i kam bihain long yu na wantaim olgeta samting i stap laip wantaim yu, ¹⁰ na ol abus na olgeta animol bilong dispela graun i stap wantaim yu na olgeta samting kam aut long sip na olgeta animol i stap laip long graun. ¹¹ Nau mi strongim kontrak bilong mi wantaim yu, bai mi no inap bagarapim ol manmeri gen wantaim bikpela tait wara. Bai nogat gen wanpela tait wara bai karamapim dispela graun". ¹² God i tok, "Dispela em i mak bilong kontrak mi wokim wantaim yu namel long Mi na yu na olgeta samting i gat laip i stap wantaim yu na olgeta manmeri i kamap bihain; ¹³ Mi putim renbo olsem mak bilong mi long klaut em bai i kamap olsem mak bilong kontrak bilong mi long dispela graun. ¹⁴ Taim mi bringim wanpela klaut antap long graun bai yu lukim renbo long klaut, ¹⁵ na bai mi tingim kontrak, i stap namel long mi na yu na wantaim olgeta samting i stap laip long en. Bikpela wara tait ino inap bagarapim olgeta manmeri na ol samting i gat laip long dispela graun. ¹⁶ Na renbo bai i stap long klaut na bai mi tingim dispela kontrak i nogat pinis bilong em namel long mi na olgeta samting i gat laip long en i stap long dispela graun." ¹⁷ Na bihain God i tokim Noa, "Dispela em i mak bilong kontrak Mi bin strongim namel long mi na olgeta samting i gat laip i stap long dispela graun." ¹⁸ Ol pikinini man bilong Noa i kam aut long sip em, Sem, Ham na Jafet. Ham em i papa bilong Kenan. ¹⁹ Dispela em tripela pikinini man bilong Noa na long dispela tripela man, olgeta manmeri long graun i kamap planti. ²⁰ Noa i kamap man bilong wok long graun na em i planim gaden wain. ²¹ Em i dring sampela wain na em i spak. Na slip as nating insait long haus sel bilong em. ²² Na Ham, papa bilong Kenan, i lukim papa i as nating na em i go tokim tupela brata bilong en long autsait. ²³ Na Sem na Jafet i kisim laplap na putim antap long solda bilong tupela na givim baksait na wokabaut i go na karamapim as nating bilong papa bilong ol. Pes bilong ol i lukluk i go long narapela hap. Na ol i no lukim skin bilong papa bilong ol. ²⁴ Taim Noa i kirap long spak bilong em, Noa i harim olsem pikinini man bilong em i tokaut long as nating bilong em. ²⁵ Olsem tasol, em i tok "Bagarap bai painim Kenan. Larim em i kamap wokboi bilong wokboi, bilong ol brata bilong em." ²⁶ Na em i tok, "Larim God Yawe, God bilong Siem, kisim blesing na larim Kenan kamap wok boi bilong en ²⁷ Na larim God i mekim graun mak bilong Jafet i bikpela na larim em mekim ples bilong em insait long haus sel bilong Sem. Na larim Kenan i kamap wok boi bilong em. ²⁸ Bihain long bikpela tait wara, Noa i stap olsem 350 yia. ²⁹ Olgeta dei bilong Noa em i olsem 950 yia na bihain em i dai.

¹ Dispela em ol pikinini man bilong Noa, em Sem, Hem na Jafet. Ol pikinini man i kamap long ol bihain long bikpela tait wara. ² Ol pikinini man bilong Jafet em Gomer, Magog, Madai, Javan, Tubal, Misak na Tiras. ³ Ol pikinini man bilong Gomer em Askenaz, Rifat na Togarma. ⁴ Na ol pikinini man bilong Javan em Elisa, Tasis, Kitim na Dodanim. ⁵ Long dispela hap ol nambis manmeri i bruk na i go long wanwan graun bilong ol, olgeta lain wantaim tokples bilong ol yet, ol tumbuna lain bilong ol na long kantri bilong ol. ⁶ Ol pikinini man bilong Ham em Kus, Misraim. Put na Kenan. ⁷ Ol pikinini man bilong Kus em Seba, Havila, Sabta, Rama na Sabteka. Na ol pikinini man bilong Rama em Seba na Dedan. ⁸ Kus em i papa bilong Nimrod, husat em i bin kamap strongpela man long dispela graun. ⁹ Em i wanpela strongpela man bilong painim abus pastaim long ai bilong God Yawe. Olsem na ol i tok, ''Olsem Nimrod, strongpela man bilong painim abus pastaim long ai bilong God Yawe.'' ¹⁰ Ol namba wan Kingdom bilong em i stat namel long Babel, Erek, Akad na Kalna, insait long graun Sina. ¹¹ Autsait long dispela graun em i go long Asiria na wokim kamap ples, Ninive, Rehobot Ir, Kala, ¹² na Resen, wei em i stap namel long Ninive na Kala. Em i bin i kamap wanpela bikpela taun. ¹³ Mizraim [Isip], em i papa bilong Ludit, Anamit, Lehabit, Naftu, ¹⁴ Patrusit, Kaslusit [long hap ol Filistia i kamap long en], na ol Kaftorit. ¹⁵ Kenan em i papa bilong Sidon, husat em i namba wan pikinini man bilong em na bilong Het na ¹⁶ bilong ol Jebu, Amo, Giga, ¹⁷ Hivit, Akit, Sinit ¹⁸ Ava, Zema na Hamat. Bihain ol manmeri bilong Kenan i go nambaut. ¹⁹ Na mak bilong ol Kenan i stat long Sidon, long hap i go olsem long Gerar, i go i nap long Gaza na i go olsem long Sodom, Gomora, Adma na Zeboim na i go olsem long Lasa. ²⁰ Em ol pikinini man bilong Ham na ol lain manmeri bilong ol, long tokples bilong ol, insait long graun bilong ol na kantri bilong ol. ²¹ Ol pikinini man i kamap long Sem tu, bikpela brata bilong Jafet. Sem em i tumbuna bilong ol manmeri Eber. ²² Ol pikinini man bilong Sem em Elam, Asur, Arpaksad, Lud na Aram. ²³ Ol pikinini man bilong Aram em Uz, Hul, Geta na Mesek. ²⁴ Arpaksad em i papa bilong Sela na Sela em i papa bilong Eber. ²⁵ Eber i gat tupela pikinini man. Nem bilong wanpela em Peleg na long dei bilong em ol i skelim peles graun i go long tupela hap. Nem bilong brata bilong em i Joktan. ²⁶ Joktan em i papa bilong Almodad, Selaf, Hazamavet, Jera, ²⁷ Hadoram, Uzal, Dikla ²⁸ Obal, Abimal, Seba, ²⁹ Ofir, Avila na Jobab. Ol dispela em ol pikinini bilong Joktan. ³⁰ Na mak bilong giraun bilong ol i stat long Mesa, i go olgeta long Sefar, maunten bilong hap san i kamap. ³¹ Dispela em ol lain pikinini bilong Sem, bihainim ol lain tumbuna bilong ol tokples bilong ol long graun bilong ol na lo kantri bilong ol. ³² Dispela em ol lain manmeri bilong ol pikinini man bilong Noa, bihainim ol tumbuna lain bilong ol na ol kantri bilong ol. Long hia ol kantri i bruk na i go nambaut long dispela graun bihain long bikpela tait wara.

¹ Nau, olgeta hap long graun i gat wanpela tokples na wanpela kain toktok tasol. ² Taim ol i wokabaut i go long hap long san i kamap, ol i kam kamap long ples daun long graun Sina na ol i sindaun long hap. ³ Na ol i toktok namel long ol yet, ''Kam, yumi wokim gut ol brik. Na ol i bin kamapim ol brik long kisim ples bilong ol ston na kolta. ⁴ Ol i tok, "Kam na yumi wokim wanpela bikpela taun bilong yumi na tawa bilong en, bai i go antap tru long skai. Na bai yumi kisim biknem long en. Sapos nogat, bai yumi go wanwan long olgeta hap graun. ⁵ Olsem na God Yawe i kam daun long lukim dispela bikpela taun na tawa bilong ol tumbuna pikinini bilong Adam i wok long en. ⁶ God Yawe i tok, "Lukim ol dispela lain manmeri. Ol i stap wanpela lain wantaim wanpela tokples tasol na ol i mekim dispela wok, ino long taim na wanem samting ol i ting long mekim, bai ol i kamapim. ⁷ Kam na yumi go daun na paulim tokples bilong ol. Na bai ol i no inap save long toktok bilong ol yet. ⁸ Olsem na God Yawe i mekim ol i lusim dispela wok na ol i go nabaut long olgeta hap graun. ⁹ Olsem na ol i kolim dispela biktaun Babel, long wanem Bikpela i paulim tokples bilong ol na em i mekim ol i go nabaut long olgeta hap long graun. ¹⁰ Dispela em ol lain pikinini bilong Sem. Sem i stap 100 yia pinis na em i kamapim Apaksad, tupela yia bihain long tait wara i bin karamapim graun. ¹¹ Sem i kamapim Apaksad na bihain long 500 yia em i kamapim ol narapela pikinini man na pikinini meri tu. ¹² Taim Apaksad i stap 35 yia, em i kamapim Sela. ¹³ Apaksad i stap 403 yia bihain long em i kamapim Sela na em i gat ol narapela pikinini man na pikinini meri tu. ¹⁴ Taim Sela i stap 30 yia, em i kamapim Eba. ¹⁵ Sela i stap 403 yia bihain long em i kamapim Eba na em i gat ol narapela pikinini man na ol pikinini meri tu. ¹⁶ Taim Eba i stap 34 yia, em i kamapim Pelek. ¹⁷ Eba i stap 430 yia bihain long em i kamapim Pelek na em i gat ol narapela pikinini man na pikinini meri tu. ¹⁸ Taim Pelek i stap 30 yia, em i kamapim Reu. ¹⁹ Pelek i stap 209 yia bihain long em i kamapim Reu na em i gat ol narapela pikinini man na pikinini meri tu. ²⁰ Taim Reu i stap 32 yia, em i kamapim Seruk. ²¹ Reu i stap 207 yia bihain long em i kamapim Seruk na em i gat ol narapela pikinini man na pikinini meri tu. ²² Taim Seruk i stap 30 yia, em i kamapim Naho. ²³ Seruk i stap 200 yia bihain long em i kamapim Naho na em i gat ol narapela pikinini man na ol pikinini meri tu. ²⁴ Taim Naho i stap 29 yia, em i kamapim Tera. ²⁵ Naho stap 119 yia bihain long em i kamapim Tera na em i gat ol narapela pikinini man na pikinini meri tu. ²⁶ Taim Tera i stap 70 yia, em i kamapim Abram, Naho na Haran. ²⁷ Dispela nau, em ol lain tumbuna pikinini bilong Tera. Tera i kamapim Abram, Naho na Haran, na Haran i kamapim Lot. ²⁸ Haran i dai long ai bilong papa bilong en Terah. Long ples mama i karim em, long Ur bilong ol lain Kaldia. ²⁹ Abram na Naho i maritim ol meri. Nem bilong meri bilong Abram em Sarai na nem bilong meri bilong Naho em Milka na em i pikinini meri bilong Haran, husat em i papa bilong Milka na Iska. ³⁰ Na bel bilong Sarai i pas olsem na em i no gat pikinini. ³¹ Tera i kisim pikinini bilong en Abram na Lot em pikinini bilong pikinini man bilong en Haran na tambu meri bilong en Sarai em i meri bilong Abram pikinini bilong en. Olgeta i lusim ples Ur bilong ol lain Kaldia na laik i go long ples Kenan. Tasol ol i go kamap long Haran na i stap long hap. ³² Tera i stap 205 yia na em i dai long Haran.

¹ Nau God Yawe i tokim Abram, Lusim Ples bilong yu, ol lain bilong yu na olgeta samting bilong papa bilong yu na go long hap graun wei bai mi soim yu long en. ² Na bai mi mekim yu kamap planti lain manmeri na bai mi blesim yu na mekim nem bilong yu kamap bikpela na bai yu kamap blesin. ³ Bai mi blesim husat lain i blesim yu, tasol husat ol i no givim biknem long yu bai mi mekim nogut long ol. Orait long yu bai mi blesim olgeta lain femili bilong dispela graun". ⁴ Orait Abram i go, olsem God Yawe i tokim em long bihainim na Lot i go wantaim em. Abram em 75 yia taim em i lusim Haran. ⁵ Abram i kisim meri bilong em Sarai, Lot na pikinini man bilong brata bilong em, na ol kisim olgeta liklik samting we ol i gat long en na ol wokmanmeri ol i bin baim long Haran. Ol i lusim dispela hap na i go long ples Kanan. ⁶ Abram i abrusim dispela graun na i go olgeta long Sekem na i go stap long diwai ok bilong More. Long dispela taim ol lain Kenan i bin stap yet long dispela graun. ⁷ God Yahweh i kamap long Abram na tok,"Long ol pikinini tumbuna bilong yu bai mi givim ol dispela graun". Orait Abram i wokim wanpela alta bilong God Yawe, husat i bin kamap long em. ⁸ Long dispela hap em i go long liklik maunten ples, long Betel wei hap san i kamap long en, orait em i sanapim sel haus bilong em. Betel em i stap long ples wei hap san i go daun long en. Na Ai i stap long ples wei hap san i kamap long en. Orait long hap em sanapim alta bilong God Yawe na singaut long nem bilong God Yawe. ⁹ Bihain Abram i go yet long wokabaut bilong en na em i go long Negev. ¹⁰ Long dispela taim, bikpela hangre i kamap long dispela ples, orait Abram i go daun long Isip na i stap long hap. Bilong wanem i gat bikpela hangre tru i kamap long olgeta hap. ¹¹ Taim em i laik i go insait long Isip, em i tokim Sarai meri bilong em, "Lukim long hia, Mi save olsem yu naispela meri tumas. ¹² Taim ol lain Isip i lukim yu, ol bai tok, Dispela em meri bilong em na ol i bai kilim mi, tasol ol bai larim yu i stap laip ¹³ Olsem na yu mas tok yu susa bilong mi na bai ol i no inap kilim mi i dai". ¹⁴ I kamap long dispela taim Abram i go long Isip na ol lain Isip i lukim olsem Sarai em naispela meri tru. ¹⁵ Ol ofisa bilong Fero i lukim Sarai na ol i stori long em long Fero na ol i kisim Sarai i go insait long haus bilong Fero. ¹⁶ Long Sarai, Fero i mekim gut long Abram na i givim sipsip, bulmakau, ol man donki, wokman, wokmeri, meri donki na ol kemol. ¹⁷ Bihain God Yawe i mekim bikpela bagarap i kamap long Fero na haus bilong em wantaim kainkain sik, long wanem Sarai, meri bilong Abram i stap long haus bilong Fero. ¹⁸ Fero salim tok long Abram na i tok, "Yu mekim wanem samting long mi? Bilong wanem na yu no bin tokim mi olsem em i meri bilong yu? ¹⁹ Bilong wanem na yu tok," Em Susa bilong mi, "na mi kisim em pinis olsem meri bilong mi? Orait kisim meri bilong yu na go long rot bilong yu." ²⁰ Bihain Fero i toksave long ol wokman bilong em na ol i salim Abram wantaim meri bilong em i go wantaim olgeta samting em i gat.

¹ Abram i lusim Isip na i go insait long Negev, em, meri bilong em na olgeta samting em igat. Lot tu i go wantaim ol. ² Nau Abram i gat planti sipsip na bulmakau, wantaim silva na gol. ³ Em i wokabaut long Negev i go long Betel, ples we haus sel bilong en bin i stap bipo, namel long Betel na Ai. ⁴ Em i go long ples wei em i bin wokim alta bipo. Na em i kolim nem bilong God Yawe ⁵ Na Lot i bihainim Abram, em i gat meme, sipsip na haus sel. ⁶ Graun i no gat moa spes inap long helpim ol long i stap wantaim, long wanem ol i stap wantaim planti kago olsem na ol i no i stap wantaim. ⁷ Na tu, ol wokman bilong Abram na wokman bilong Lot i kros long ol abus bilong ol. Ol Kenan na ol Peri i stap wantaim long dispela hap long dispela taim. ⁸ Orait Abram i tokim Lot; "Mitupela i no ken kros namel long mitupela yet na long ol wokman bilong yu na long wokman bilong mi, bihain long olgeta samting yumi wanpela femili. ⁹ I gat bikpela hap graun bilong yumi i stap, wokabaut i go paslain long mi. Sapos yu go long han kais, orait bai mi go long han sut. Orait yu go long han sut bai mi go long han kais." ¹⁰ Orait Lot i lukluk raun na em i lukim gutpela graun i stap long hap bilong Joden i go olgeta long Zoa, olsem gaden bilong God Yawe na olsem graun bilong ol Isip. Dispela i kamap bihain long God Yawe i bagarapim Sodom na Gomora. ¹¹ Orait Lot i makim gutpela graun bilong Joden na i go long hap san i kamap na ol lain kandre bilong em i bruk i go tupela hap. ¹² Abram i stap yet long Kenan na Lot i stap insait long siti. Em i sanapim haus sel bilong en longwe long Sodom. ¹³ Long dispela taim, ol manmeri bilong Sodom i wok long mekim planti pasin nogut tru long God Yawe. ¹⁴ God Yawe i toktok wantaim Abram taim Lot i lusim em na i go. "Ples yu sanap long en, yu lukluk i go long not, saut, Is na wes. ¹⁵ Olgeta dispela graun yu lukim, bai mi givim long yu na ol tumbuna bilong yu i kamap bihain tu. ¹⁶ Bai mi mekim ol tumbuna bilong yu i kamap planti olsem das bilong graun, bai ol man i no i nap kaunim dispela das, bihain ol tumbuna bilong yu bai kamap wankain olsem. ¹⁷ Kirap na wokabaut long longpela na bikpela bilong graun, dispela bai mi givim long yu." ¹⁸ Olsem na Abram i kisim haus sel bilong en na i kam i stap long Mamre, klostu long Hebron, long hap em i wokim alta bilong givim ofa i go long God Yawe.

¹ Long taim bilong Amrafel, King bilong Sina, Ariok, King bilong Elasa; Kadaloma, King bilong Elam na Taidal, King bilong Goim. ² Ol i kirapim pait wantaim Bera em King bilong Sodom, Bisa em King bilong Gomora, Sinap em King bilong Adma, Sameba em King bilong Zeboim na King bilong Bela (narapela nem Zoa). ³ Bihain ol dispela 5-pela King i bung wantaim long ples daun bilong Sidim (narapela nem, Det Si). ⁴ 12-pela yia ol i bin i stap aninit long Kadaloma, tasol long 13-pela yia ol i bikhet. ⁵ Na insait long 14-pela yia Kadaloma na ol narapela King i kam pait wantaim Refaim long Asterot Kanaim, ol Zumzim long Hem, ol Emim long Sheve Kiriataim, ⁶ Na ol Horits long ples maunten bilong Sei, i go inap long El Paran, klostu long ples drai. ⁷ Na ol i tanim na i go kamap long En Mispat, (narapela nem Kades) na daunim olgeta Kantri bilong ol Amalek na ol Amor, em ol i stap long Hazazon Tama. ⁸ King bilong Sodom na King bilong Gomora, King bilong Adma, King bilong Zeboim na King bilong Bela, (narapela nem Zoa) i go aut na redi long pait insait long ples bilong Siddim, ⁹ pait wantaim Kadaloma em King bilong Elam, Taidal em King bilong Goim, Amrafel em King bilong Sina, Ariok em King bilong Elasa, em ol 4-pela King i pait wantaim 5- pela King. ¹⁰ Nau long Ples daun bilong Sidim, i pulap long hul bilong kolta. Na King bilong Sodom na Gomora, i ranawe long pait na i pundaun i go daun long hul. Tasol ol narapela i ranawe i go antap long ol maunten. ¹¹ Na ol birua i kisim olgeta samting bilong ol Sodom na Gomora wantaim olgeta kago samting na ol i go aut. ¹² Na ol i kisim tu Lot, pikinini bilong brata bilong Abram em i stap long Sodom, wantaim olgeta kago samting bilong em tu. ¹³ Wanpela man i ranawe long pait na i kam tokim Abram long dispela Hibru. Em i stap long diwai ok bilong Mamre, dispela man Amor, em brata bilong Eskol na Aner, olgeta i poroman bilong Abram. ¹⁴ Abram i harim olsem ol birua i kisim Lot i go, em i kisim 318-pela man em yet i bin trenim ol long haus bilong em na ronim ol i go inap long Dan. ¹⁵ Em i brukim ol lain bilong em na long nait em i kirapim pait na ronim ol i go inap long Hoba, long hap Not bilong Damaskas. ¹⁶ Na em i kisim bek olgeta samting, wantaim ol samting bilong lain bilong Lot na ol meri wantaim narapela manmeri tu. ¹⁷ Taim Abram i daunim Kadaloma wantaim ol narapela King, i stap wantaim em, King bilong Sodom i go na em i bungim em long ples daun bilong Sheve (narapela nem ples Daun Bilong King). ¹⁸ Melkizedek, King bilong Salim, em i kisim bret na wain. Em i stap Pris bilong God Antap Tru. ¹⁹ Em i blesim na i tok, "Blesin long Abram, God Antap em i wokim heven na graun. ²⁰ Blesin long yu Bikpela God Antap, husat i save givim ol birua i kam long han bilong yu." Orait, Abram i givim 10- hap bilong olgeta samting bilong em long Melkisedek. ²¹ King bilong Sodom i tokim, "Abram, givim mi ol manmeri na kisim ol samting bilong yu yet" ²² Abram i tokim King bilong Sodom, "Mi apim han bilong mi i go long God Yawe, God Antap Tru'' em i wokim heven na graun. ²³ Olsem mi i no inap kisim tret, sendol o wanpela samting em i bilong yu na bai yu no inap tok, "Mi mekim Abram i kamap mani man". ²⁴ Mi bai i no inap kisim wanpela samting tasol mi bai kisim hap kaikai bilong ol yangpela man. Larim Aner, Eskol na Mamre i mas kisim hap skel bilong ol."

¹ Bihain long ol dispela samting, God i toktok long Abram long driman, God i tok, " Abram! yu noken pret, bilong wanem mi wasman bilong yu na bai mi givim yu bikpela pei." ² Abram i tok, "Bikpela, God bilong mi, bai yu givim mi wanem, mi nogat pikinini na nogat man bai kisim ples bilong mi, Yu laikim Eliezer man long Damaskas bai kisim haus bilong mi?" ³ Abram i tok, " Taim yu no givim mi pikinini em nau was man bilong haus bai kisim haus bilong mi. ⁴ Nau i stap isi, tok bilong God Yawe i kam long Abram na i tok, "Dispela man bai no inap kisim haus bilong yu, pikinini yu yet karim long em bai kisim ol samting bilong yu." ⁵ God kisim Abram i go autsait na tokim em, " Lukluk go antap long skai na kauntim ol sta, sapos yu no inap long kauntim orait pikinini yu karim na pikinini bilong yu i karim long em bai wankain olsem dispela ol sta yu lukim." ⁶ Abram i bilip long God wantaim stretpela pasin taim em i kauntim sta. ⁷ God i tokim Abram, " Mi dispela God husat i karim yu kam aut long Ur bilong ol Saldeans na givim yu dispela hap graun. ⁸ "Abram i tok, "God bilong mi, Long wanem rot bai mi save olsem bai mi kisim dispela hap graun?" ⁹ Nau God i tokim Abram, "Kisim ol liklik sipsip 3pela yia meri meme 3pela, yia donki 3pela yia na tupela pisin''. ¹⁰ Abram kisim ol kam na katim ol long namel na putim ol i go long tupela hap, tasol em i no katim tupela pisin. ¹¹ Taim ol pisin kam long ples bilong katim, Abram rausim ol i go. ¹² Taim san i go daun Abram slip na bikpela tudak kam raunim em na karamapim em. ¹³ Nau God toktok long Abram, "Yu mas save gut olsem ol pikinini na ol lain bilong yu bai i stap olsem ol manmeri bilong narapela hap na long graun bilong ol narapela man. Ol bai kamap wok man bilong ol narapela man long 400-pela yia olgeta. ¹⁴ Bai mi skelim pasin bilong dispela kantri ol lain bilong Abram bai go i stap na wok long em na bihain taim ol kam aut na ol bai i gat planti gutpela kago bilong ol yet. ¹⁵ Na bai yu go long ol papa bilong yu wantaim gutpela bel na bai yu i stap longpela taim long dispela graun. ¹⁶ Ol namba 4-lain manmeri bai kam bek gen, bilong wanem kros pait bilong ol Amorites i no pinis yet. ¹⁷ Taim san i go daun na tudak i kamap, Abram i lukim wanpela smuk paia na paia lait namel long hap. ¹⁸ Long dispela dei God mekim wanpela promis wantaim Abram. God i tok, "Long ol lain pikinini bilong yu, Mi givim yu dispela graun long liklik wara bilong Isip i go long bikpela wara wantaim ol dispela hap ples Eufretis. ¹⁹ Na Ken, Keniz, Kadmon, ²⁰ Na Heth, Perez, Refa. ²¹ Na Amo, Kenan, Girga na Jebus''.

¹ Nau Sarai, meri bilong Abram i no inap long karim wanpela pikinini long Abram, tasol em i gat wanpela wokmeri bilong ples Isip, nem bilong em Haga. ² Olsem na Sarai i tokim Abram, "Lukim, God Yawe i no givim wanpela pikinini long mi. Olsem na yu ken i go slip wantaim wokmeri bilong mi na bai mi ken igat pikinini long em." Orait Abram i harim tok bilong Sarai. ³ Bihain long taim Abram i stap olsem 10-pela yia wantaim Sarai long Kana na Sarai i givim dispela Isip wokmeri bilong em long Abram olsem meri bilong em. ⁴ Olsem na tupela i slip wantaim na Haga i gat bel. Taim Sarai i lukim em i gat bel. Em i stat long mekim nogut long Haga, em dispela wokmeri bilong em. ⁵ Olsem na Sarai i tokim Abram, "Long yu tasol na dispela bel hevi i kamap long mi. Mi givim wokmeri bilong mi long yu na taim em i lukim olsem em i gat bel, em i lukim mi olsem mi samting nating long ai bilong en. Olsem na larim God Yawe yet i skelim mitupela." ⁶ Tasol Abram i tokim Sarai, "Harim, dispela wokmeri em i stap long han bilong yu, mekim wanem samting yu ting em i gutpela long yu." Olsem na Sarai i bringim planti hevi long Haga na em i ranawe long em. ⁷ Na ensel bilong God Yawe i painim em arere long hulwara long ples nating, dispela wara i stap long rot i go long Sur. ⁸ Na ensel i tok, "Haga, wokmeri bilong Sarai, yu kam long wanem ples na yu laik i go long wanem hap?" Orait em i tok, "Mi ranawe long bikmeri bilong mi Sarai." ⁹ Orait ensel bilong God Yawe i tokim Haga, "Go bek long bikmeri bilong yu na stap aninit long tok bilong em." ¹⁰ Orait ensel bilong God Yawe i tokim em olsem, "Bai mi mekim ol tumbuna lain bilong yu i kamap planti tru, bai ol i bikpela lain tumas na hat long kauntim ol." ¹¹ Ensel bilong God Yawe i tokim em tu olsem, "Harim, pikinini i stap long bel bilong yu na bai yu karim wanpela pikinini man. Yu mas kolim nem bilong em Ismael, bilong wanem, God i harim krai bilong yu. ¹² Em bai kamap wanpela wel donki bilong man. Na bai em i birua long olgeta man na olgeta man bai i birua long em na em bai i stap longwe tru long ol brata bilong em." ¹³ Orait Haga i givim dispela nem long God Yawe husat i bin toktok long em, "Yu dispela God husat i lukim mi," olsem na em i tok, "Mi inap long lukim em bihain long taim em i lukim mi o nogat?" ¹⁴ Olsem na ol i kolim dispela hulwara Bia Lahai Roi na dispela ples i stap namel long Kades na Bered. ¹⁵ Haga i karim pikinini man bilong Abram na Abram i kolim nem bilong em, Ismael. ¹⁶ Abram i stap 86- pela krismas, taim Haga em i karim Ismael long Abram.

¹ Taim Abram i bin 99 yia, God Yawe i kamap long Abram na i tokim em oslem, ''Mi God I Gat Olgeta Strong. Wokabaut wantaim mi na i stap wantaim stretpela pasin. ² Na bai mi strongim kontrak bilong mi wantaim yu na bai mi mekim yu i kamap planti tru.'' ³ Abram i brukim skru bilong en wantaim pes i go daun long graun na God i toktok wantaim em na i tok olsem, ⁴ ''Long mi, bai Kontrak bilong mi i stap wantaim yu. Yu bai kamap papa bilong planti lain man na meri. ⁵ Nem bilong yu bai i no Abram moa, tasol nem bilong yu, em bai Abraham - long wanem mi bin makim yu long kamap papa bilong planti lain man na meri. ⁶ Bai mi mekim yu i kamap planti tru na bai mi mekim planti lain man na meri i kamap long yu na ol king tu bai i kamap long yu. ⁷ Bai mi mekim kontrak bilong mi namel long mi na yu na ol pikinini bilong yu bai i kamap bihain na ol pikinini bilong ol tu na dispela kontrak bai i stap oltaim oltaim na tu long kamap God bilong yu na ol pikinini bilong yu bai kamap bihain. ⁸ Bai mi givim yu na ol pikinini bilong yu bai kamap bihain, dispela graun yu bin i stap long en na olgeta graun long ples Kenan bai i kamap olsem graun bilong yu oltaim oltaim na bai mi kamap God bilong ol.'' ⁹ Na God i tokim Abraham olsem, ''Yu mas holim strong kontrak bilong mi, yu na ol pikinini bilong yu bai i kamap bihain na ol pikinini bilong ol tu. ¹⁰ Dispela em i kontrak bilong mi yu mas holim pas, namel long yu na mi na ol pikinini bilong yu bai i kamap bihain. Olgeta pikinini man namel long yupela i mas katim skin. ¹¹ Yu mas katim skin na dispela bai i kamap olsem wanpela mak bilong kontrak namel long yu na mi. ¹² Olgeta pikinini man namel long yupela i kamap long mak bilong 8-pela dei bihain long mama i karim, ol i mas katim skin na dispela i mas kamap long ol pikinini bilong yu na pikinini bilong ol. Dispela i mas kamap long ol pikinini man husat i kamap insait long femili bilong yu na ol narapela man husat yu bin baim wantaim moni long ol man bilong narapela hap husat ol i no pikinini bilong yu. ¹³ Man i kamap long femili bilong yu na man husat yu bin baim wantaim moni bilong yu i mas katim skin. Long dispela tasol na kontrak bilong mi bai i stap long skin bilong yu oltaim oltaim. ¹⁴ Husat man i no bin katim skin bilong en pastaim na i no katim skin bilong en bai i no inap i kamap lain bilong en. Em i brukim kontrak bilong mi." ¹⁵ God i tokim Abraham olsem, ''Na long meri bilong yu Sarai, yu noken kolim nem bilong en Sarai moa. Tasol, nau, nem bilong em bai Sara. ¹⁶ Bai mi blesim em na givim yu wanpela pikinini man long Sara. Bai mi blesim em na em bai i kamap mama bilong planti lain man na meri. Na ol king bilong ol man na meri tu bai i kamap long em.'' ¹⁷ Na bihain Abraham i brukim skru wantaim pes i go daun long graun na em i lap na toktok long bel bilong em yet olsem. ''Inap long wanpela man husat i gat 100 yia pinis i ken kamapim wanpela pikinini?'' Olsem wanem na Sera i stap 90 yia pinis na bai em i karim wanpela pikinini man?'' ¹⁸ Na Abraham tok olsem long God, ''Mi ting Ismael bai i stap pas long yu!' ¹⁹ Na God tok, ''Nogat, tasol meri bilong yu, Sara bai i karim wanpela pikinini man bilong yu na yu mas kolim nem bilong em Aisak. Mi bai mekim kontrak bilong mi wantaim em olsem wanpela kontrak bai i stap oltaim oltaim wantaim ol pikinini bilong en na ol pikinini bihain long ol tu. ²⁰ Tasol long Ismael, mi bin harim wanem samting yu tok long em. Tru tumas, mi blessim em nau, bai mi mekim em i kamap planti na planti moa yet. Em bai i kamap papa bilong 12-pela lida bilong ol lain na bai mi mekim em i kamap wanpela strongpela lain man na meri. ²¹ Tasol kontrak bilong mi bai mi strongim wantaim Aisak, dispela pikinini man Sara bai i karim long wankain taim long narapela yia.'' ²² Taim God i pinis toktok wantaim em, God i lusim Abraham na i go antap. ²³ Bihain Abraham i kisim Ismael, pikinini man bilong en na ol narapela man husat i bin kamap insait long femili bilong en na ol man em i bin baim wantaim moni bilong en na olgeta man aninit long femili bilong ol man bilong Abraham na katim skin bilong ol long dispela dei olsem God i bin tokim em. ²⁴ Abraham em i bin gat 99 yia taim em i bin katim skin bilong en. ²⁵ Ismael, pikinini man bilong Abraham, i bin 13 yia taim em i bin katim skin bilong en. ²⁶ Long dispela wanpela dei tasol Abraham wantaim pikinini man bilong en Ismael i bin katim skin. ²⁷ Na olgeta man insait long femili bilong en i bin katim skin tu, ol man i bin kamap insait long femili bilong en, ol man i bin i kamap long femili na ol man, em bin i baim wantaim mani long wanpela man long narapela hap tu.

¹ God i kamap long Abraham arere long diwai oak long ples Mamre, taim em i bin sindaun long dua bilong haus sel bilong en, long namel long dei. ² Em i lukluk i go antap na wantu em i lukim 3-pela man i sanap long hapsait bilong en. Taim em i lukim ol, em i lusim haus sel na i ron i go bungim ol na i brukim skru i go daun long ol. ³ Em i tok, "Bikpela, sapos yu painim gutpela insait long mi long ai bilong yu, noken abrus na lusim mi wokboi bilong yu. ⁴ Larim na bai mi kisim liklik wara bilong wasim lek bilong yupela na yupela i ken malolo aninit long diwai. ⁵ Na larim bai mi kisim liklik kaikai i kam, bilong yupela i ken kisim strong. Bihain bai yupela i ken pinisim dispela wokabaut bilong yupela long wanem yupela i kam pinis long wokman bilong yupela." Na ol i tok, "Mekim olsem wanem yu tok." ⁶ Nau Abraham i go hariap long Sara insait long haus sel na i tokim em, "Hariap na kisim 3-pela hap long gutpela flaua, paitim gut na kukim bred." ⁷ Na Abraham i ron i go long banis bulmakau na i kisim wanpela gutpela yangpela bulmakau na i givim i go long yangpela wokboi bilong en na em i hariapim em long redim na kukim. ⁸ Na em i kisim bata na susu, na dispela bulmakau yangpela man i redim pinis na em i go putim klostu long ol. Na em i sanap i stap klostu long ol aninit long diwai, taim ol i kaikai. ⁹ Ol i askim em, "Meri bilong yu Sara i stap wei?" Na em i bekim, "Em i stap long hap, insait long haus sel." ¹⁰ Na em i tok, "Bai mi kam bek long yu long taim bilong ol kaikai i save karim na lukim Sara meri bilong yu bai i gat wanpela pikinini man." Sara i sanap arere long dua bilong haus sel na harim em i mekim dispela toktok. ¹¹ Nau Abraham na Sara i kamap lapun pinis na krismas bilong tupela i antap tru na Sara i abrusim pinis taim bilong ol meri i save karim pikinini. ¹² Olsem na Sara i lap long em yet na i tok long em yet olsem, "Bihain long mi kamap lapun pinis, wanem amamas bai mi painim na man bilong mi tu i lapun pinis? ¹³ Na God Yawe i tok long Abraham, "Bilong wanem na Sara i lap na tok, 'Inap bai mi karim pikinini long dispela mak, wei mi kamap lapun pinis?' ¹⁴ Wanem samting i hat tumas long God Yawe? Long dispela taim mi makim, long taim bilong ol kaikai i karim, bai mi kam bek long yu. Long wankain taim mi makim long narapela yia Sara bai i gat wanpela pikinini man." ¹⁵ Tasol Sara i pret na em i laik haitim em yet na i tok, "Mi no lap," Tasol em i tok, "Nogat, yu bin lap." ¹⁶ Nau ol dispela man i kirap long go na ol i lukluk i go daun long Sodom. Na Abraham i go wantaim ol bilong lusim ol i go. ¹⁷ Tasol God Yawe i tok, "Mi bai haitim long Abraham ol samting mi laik mekim?" ¹⁸ Bilong wanem em bai i kamap papa bilong wanpela bikpela na strongpela kantri na olgeta kantri bilong dispela graun bai i kisim gutpela insait long en? ¹⁹ Long wanem mi yet mi makim em pinis bilong lainim ol pikinini na lain bilong en long bihainim ol pasin bilong God Yawe. Long mekim pasin i stret na gutpela, bai God Yawe i ken givim em olgeta samting em i tok long givim em. ²⁰ Na God Yawe i tok, "Long wanem ol krai bilong ol manmeri bilong Sodom na Gomora i kamap bikpela na tu planti sin pasin bilong ol. ²¹ Olesm na bai mi yet i go daun na lukim, olsem dispela ol toktok mi harim, em i tru o nogat. Sapos nogat, em bai mi ken save." ²² Na ol dispela man i tanim na i go long Sodom, tasol Abraham i sanap yet wantaim Bikpela. ²³ Na Abraham i kam klostu long Bikpela na i tok, "Bai yu inap long bagarapim ol stretpela manmeri na ol bikhet manmeri wantaim? ²⁴ Sapos i gat 50 stretpela manmeri i stap insait long dispela taun. Bai yu bagarapim olgeta na pinisim dispela ol 50 stretpela manmeri tu wantaim i stap long hap? ²⁵ Em i no pasin bilong yu long mekim ol dispela kain ol samting olsem, long kilim ol stretpela manmeri wantaim ol bikhet manmeri? Na ol stretpela manmeri bai i kisim wankain bagarap olsem ol biket manmeri? I no inap bai Jasman bilong ol manmeri bilong dispela graun i skelim gut?" ²⁶ God Yawe i tok, "Sapos mi painim 50 stretpela manmeri i stap long dispela taun, long gutpela bilong ol tasol bai mi no inap bagarapim ol." ²⁷ Abraham i bekim na i tok, "Lusim rong bilong mi long toktok long yu Bikpela bilong mi, mi wanpela das bilong graun tasol! ²⁸ Olsem wanem sapos i gat 5 sot aninit long 50 stretpela manmeri? Bai yu inap long bagarapim dispela taun?" Na em i tok, "Mi i no inap long bagarapim ol, sapos mi painim olsem 45 stretpela manmeri tasol i stap." ²⁹ Em i askim Bikpela gen na i tok, "Olsem wanem sapos i gat 40 tasol i stap? Em i bekim na i tok, "Mi bai i no inap long bagarapim long gutpela bilong dispela ol 40 stretpela manmeri". ³⁰ Na Abraham i tok, "Bikpela noken belhat long mi na larim mi askim. 'Sapos 40 stretpela manmeri i stap?" Em i bekim, "Bai mi no inap long bagarapim, sapos 30 stretpela manmeri i stap. ³¹ Abraham i tok, "Lusim rong bilong mi long toktok long yu Bikpela bilong mi! Sapos 20 tasol i stap long dispela taun?" Em i bekim, "Bai mi no inap long bagarapim, sapos 20 stretpela manmeri tasol i stap. ³² Abraham i tok, "Bikpela, plis noken belhat long mi, nau bai mi mekim laspela toktok. Sapos 10-pela bilip manmeri i stap long hap?" Na em i tok, "Bai mi no inap long bagarapim ol sapos 10-pela tasol i stap. ³³ Na God Yawe i lusim em na i go bihain long taim em i pinis toktok wantaim em na Abraham i go bek long haus bilong em tu.

¹ Tupela ensel i kam long Sodom long aviniun, taim Lot i sindaun long dua long banis bilong Sodom. Lot i lukim tupela na i sanap long bungim tupela na i putim pes i go daun na brukim skru long tupela. ² Em i tok, "Plis, masta bilong mi, noken abrusim haus bilong wokman bilong yu, stap wantaim mi wanpela nait na wasim lek bilong yutupela. Na tumoro yutupela i ken go." Na tupela ensel i bekim tok olsem, "Nogat, bai mitupela i slip namel long taun wei ol man i save bung long en," ³ Tasol Lot i tok strong moa yet long ol mas i go long haus bilong em. Orait tupela i go wantaim Lot na i go insait long haus bilong em na em i kukim kaikai na redim bret i no gat yis na ol i kaikai. ⁴ Na bipo long ol i slip, ol man bilong Sodom i kam na raunim haus bilong Lot. Ol yangpela man wantaim ol lapun man i kam long olgeta hap bilong dispela siti. ⁵ Ol i singautim Lot na askim em, "Wei i stap dispela ol man i bin kam long haus bilong yu long nait? Kisim ol i kamaut na larim mipela i ken slip wantaim ol." ⁶ Na Lot i go autsait na pasim dua bilong haus long em yet. ⁷ Na em i tok, "Plis mi askim yupela, ol brata bilong mi, yupela i no ken mekim dispela pasin nogut long ol. ⁸ Lukim, mi gat tupela pikinini meri i no bin slip yet wantaim wanpela man. Larim mi, askim nating tasol, inap mi kisim ol i kam long yupela, na mekim wanem yupela i ting em i stret long ai bilong yupela. Tasol noken mekim wanpela samting long ol dispela man, long wanem, ol i stap pinis long haus bilong mi." . ⁹ Ol i tok, "Yu sruk i go bek!" Na ol i tok gen, "Dispela ol man long naraplea hap i kam i stap long hia na nau ol i laik kamap man bilong kotim mipela! Larim mipela mekim nogut long ol dispela man, nogat bai mipela mekim save long yu." Ol i toktok strong long tupela man na Lot na i kam klostu long brukim dua bilong haus. ¹⁰ Tasol tupela i tromoi han na pulim Lot i kam insait long haus bilong en na pasim dua. ¹¹ Orait dispela tupela man i mekim ai bilong ol dispela man bilong Sodom i pas, stat long yangpela i go long lapun. Na mekim ol i hat olgeta long painim dua bilong haus inap ol les olgeta. ¹² Bihain tupela i askim Lot, "Yu gat sampela lain i stap long hia?' Olsem ol man bilong ol pikinini meri bilong yu, ol pikinini man na pikinini meri bilong yu yet na tu ol lain husat i save i stap wantaim yu long taun, kisim ol i go aut long hia. ¹³ Bai mipela i bagarapim dispela ples klostu taim. Long wanem, pasin nogut bilong Sodom i kamap bikpela long ai bilong God Yawe olsem na Em i salim mitupela i kam long bargarapim dispela ples." ¹⁴ Lot i go raun na tokim ol man bilong ol pikinini meri bilong en, wantaim ol man husat i promis long maritim pikinini meri bilong en olsem, "Hariap, lusim dispela ples, bilong wanem, God i laik bargarapim dispela siti." Tasol ol i ting em i tok pilai tasol. ¹⁵ Long monin taim, tupela ensel i tokim Lot olsem, "Go nau, kisim meri bilong yu wantaim tupela pikinini meri bilong yu i stap hia, olsem bai God Yawe i no inap bagarapim yupela taim Em i bagarapim dispela siti." ¹⁶ Tasol Lot i no hariap, olsem na ensel i pulim han bilong Lot na meri bilong em wantaim tupela pikinini meri, long wanem, God i marimari long em. Na ol i bringim ol i kamaut na ol i lusim ol autsait long taun. ¹⁷ Taim ol i kisim ol i kamaut pinis, wanpela ensel i tok, "Tingim laip bilong yupela na ron hariap! Noken lukluk bek o stap long wanpela hap bilong dispela ples daun. Ranawe i go olgeta long maunten bai bagarap i noken kisim yupela." ¹⁸ Lot i tokim olsem, "Nogat plis, tupela masta i noken larim mi mekim olsem!' ¹⁹ 'Ol wokman bilong yu bin painim wanbel wantaim wokboi bilong yu na mekim gutpela pasin long mi na helpim laip bilong mi. Tasol mi i no inap long ranawe i go antap long maunten, long wanem, dispela bargarap bai abrusim mi na bai mi dai.' ²⁰ 'Lukim, dispela taun long hap i stap klostu long bai mipela i ken ranawe i go na em i liklik tru. Plis, larim mi ranawe i go na laip bilong mi bai i stap gut. ²¹ Na em i tokim em "Orait, mi givim yu tok orait long askim bilong yu, olsem na bai mi i no inap bargarapim dispela siti wei yu toktok long em. ²² Hariap! Ranawe i go long dispela hap, long wanem, mi no inap mekim wanpela samting inap long taim yu kamap long hap. "Olsem na ol i kolim dispela taun Zoa. ²³ Olsem na san i kirap pinis na Lot i go kamap long Zoa. ²⁴ Bihain God Yawe i salim ston salpa wantaim paia antap long Sodom na Gomora. ²⁵ Na em i bargarapim ol dispela siti, wantaim olgeta samting na manmeri na olgeta samting i kamap antap long dispela graun. ²⁶ Tasol meri bilong Lot, husat i kam baksait i tanim na i lukluk i go bek na tanim kamap sol. ²⁷ Abraham i kirap long monin taim na i go long ples wei em i bin sanap bipo long pes bilong God. ²⁸ Em i lukluk i go daun long Sodom na Gomora na olgeta hap ples graun, bilong dispela hap. Em i lukluk na lukim bikpela smuk i kirap long dispela hap graun wankain olsem smuk bilong bikpela paia. ²⁹ Long taim God i bargarapim taun na ol ples, God i singautim Abraham long tingim. Em i salim Lot i go aut long namel bilong bikpela bagarap taim em i bagarapim sitis long we Lot i bin i stap long em. ³⁰ Tasol Lot i go antap long maunten bilong Zoa wantaim tupela pikinini meri bilong em na i stap. Bilong wanem, em i pret long go i stap long Zoa. Olsem na em i stap long hul bilong ston wantaim tupela pikinini meri bilong en. ³¹ Na namba wan pikinini meri i tokim yangpela susa bilong em olsem, "Papa bilong mitupela em i lapun pinis na i nogat wanpela man long slip wantaim mitupela olsem olgeta man long graun i save mekim. ³² Kam, larim yumi mekim em dring wain na bai mitupela slip wantaim em bilong kamapim tumbuna lain pikinini bilong em. ³³ Orait tupela i mekim papa bilong tupela i dring wain na spak long dispela nait. Na namba wan pikinini meri i go slip wantaim papa bilong en, em i no save long wanem taim meri i kam na slip o taim em i kirap na i go. ³⁴ Narapela dei gen bikpela susa i tokim yangpela susa olsem, "Harim, aste mi slip pinis wantaim papa. Larim em dring gen long nau nait na bai yu go slip wantaim em, long kamapim tumbuna lain pikinini bilong papa." ³⁵ Orait ol i mekim em i dring wain long dispela nait na yangpela susa i go na slip wantaim em. Em i no save long wanem taim meri i kam slip na wanem taim em i kirap na i go. ³⁶ Olsem na tupela pikinini meri wantaim i gat bel long papa bilong tupela. ³⁷ Namba wan pikinini meri i karim pikinini man na kolim nem bilong em Moap. Em i kamap tumbuna bilong ol lain Moap tude. ³⁸ Wankain tasol yangpela susa tu i karim pikinini man na kolim nem bilong em Ben-Ami. Em i kamapim tumbuna bilong ol lain Amon tude.

¹ Abraham i go long graun Negev na i stap klostu namel long Kades na Sur. Em i stap olsem autsait man long Gera. ² Abraham i tok long sait bilong meri bilong em Sara, em susa bilong mi. Abimelek King bilong Gera i salim tok i go long ol bai kisim Sara i kam. ³ Tasol God i kam long Abimelek long nait long driman na tokim em, "Yu bai dai long wanem, yu kisim meri bilong narapela man." ⁴ Nau Abimelek i no kam klostu long meri na tok; "Bikpela bai kilim yu ol stretpela kantri? ⁵ Na em yet i bin tok long mi, 'Em susa bilong mi?' Meri em yet i tok, 'Em brata bilong mi.' Mi mekim dispela wantaim bel bilong mi wantaim i nogat asua long han bilong mi." ⁶ Na God i tokim em long driman, Yes, Mi save, wantaim gutpela bel bilong yu. Yu mekim olsem na mi holim yu olsem yu i no inap mekim rong long mi. Olsem na mi no tokim yu long holim em. ⁷ Olsem nau yu mas givim bek meri bilong dispela man. Long wanem em i wanpela profet. Em bai i beten long yu na bai yu i stap laip. Na sapos yu no givim em bek dispela meri, yu mas save yu na olgeta lain bilong yu bai i dai." ⁸ Abimelek i kirap long monin taim tru na singautim olgeta wokman bilong em. Em i tokim dispela samting long ol na olgeta man i pret. ⁹ Na Abimelek i singaut long Abraham na i tok long em, Yu mekim wanem long mipela? Mi mekim wanem rong long yu na yu kisim bikpela hevi i kam long mi na ol lain bilong mi? Yu mekim long mi ol samting yu no inap long mekim." ¹⁰ Abimelek i tokim Abraham. Wanem samting mekim na yu i mekim olsem? ¹¹ Abraham tok, "Mi tingim, 'Tru tumas nogat pret bilong Bikpela i stap long dispela ples olsem na ol bai kilim mi long meri bilong mi.' ¹² Na tu em i olsem susa bilong mi long sait bilong papa na long sait bilong mama em narapela, olsem na em i kamap meri bilong mi. ¹³ Taim God mekim mi long lusim haus bilong papa na i go long ol narapela ples, 'Mi tokim meri, yu mas soim mi olsem yu meri bilong mi stret. Long olgeta ples mipela bai i go, taim ol i toktok long mi, tokim ol olsem "Em brata bilong mi." ¹⁴ Abimelek kisim sipsip, kau na ol wok manmeri na i givim i go long Abraham. Na tu em givim Sara meri bilong Abraham i go bek long em. ¹⁵ Abimelek i tok, "Lukim, Ol graun bilong mi i stap sapos yu laik mekim wanem samting yu ken mekim. ¹⁶ Long Sara em i tok, "Lukim, Mi givim brata bilong yu planti silva. Dispela bai i ken karamapim olgeta rong mi mekim long ai bilong yu na ol narapela. Long yu, olgeta samting bai i kamap gutpela." ¹⁷ Taim Abraham i beten long God, God i oraitim Abimelek, meri bilong em na olgeta wokmeri inap long karim pikinini. ¹⁸ God Yawe i bin pasim bel bilong olgeta meri long haus bilong Abimelek bai ol i no inap karim pikinini, long wanem pasin Abimelek i mekim long Sara, meri bilong Abraham i wokim.

¹ God Yawe i tingim Sera long wanem tok em i bin tokim em na God Yawe i mekim olsem long inapim tok promis. ² Sera i gat bel na i karim pikinini man, long dispela taim Abraham i lapun pinis, long inapim taim God i bin tokim em. ³ Abraham i gat pikinini man na i kolim nem bilong em Aisak, long taim Sera i karim em. ⁴ Abraham i katim skin bilong Aisak long taim em i 8-pela dei tasol, olsem God i bin tokim em. ⁵ Abraham i gat 100 yia taim em i gat pikinini man Aisak. ⁶ Sera i tok, "God i mekim mi lap na husat i harim dispela stori tu ol tu ken lap wantaim mi." ⁷ Sera i tok moa olsem, "Husat i ken tokim Abraham olsem mi inap long karim pikinini longtaim, tasol nau mi i gat pikinini long taim mi i kamap lapun!" ⁸ Long taim Aisak i kamap bikpela boi na em i lusim susu, Abraham i mekim bikpela kaikai long taim em i lusim susu bilong mama. ⁹ Na taim Sera i lukim pikinini man bilong Hagai, em i bin karim wantaim Abraham, olsem na em i mekim kain kain tok bilas long em. ¹⁰ Na Sera i tokim Abraham, "Rausim Hagai na pikinini man bilong em long wanem, Sera i ting olsem nogut Ismael bai kisim ol samting bilong Aisak." ¹¹ Olsem na Abraham i wari tru long pikinini man bilong em. ¹² Tasol God i tokim Abraham olsem, "Yu no ken wari tumas long pikinini man na mama bilong em. Harim tok bilong Sera long wanem olgeta samting bai kamap, long inapim tok bilong God i tok olsem. Long Aisak planti pikinini bai kamapim pikinini long nem bilong yu. ¹³ Na mi bai mekim wankain olsem tu long pikinini bilong wok meri bilong yu long kamapim planti manmeri, long wanem em pikinini bilong yu tu." ¹⁴ Long monin taim tru Abraham i kirap na redim bret na pulapim wara, insait long skin bilong meme na putim long solda bilong Hagai. Na givim Ismael long em na tupela i go. Tupela i wokabaut long drai ples i go kamap long ples Biaseba. ¹⁵ Taim wara i pinis insait long skin meme, Haga i lusim Ismael arere long bus na i go i stap longwe liklik long Ismael, long wanem em i les long lukim Ismael bai dai. ¹⁶ Na taim em i givim baksait long Ismael, em i singaut strong tru na krai. ¹⁷ God i harim krai bilong Ismael na i salim ensel i kam tokim Hagai olsem, "Wanem samting i givim hevi long yu, Hagai? Yu noken pret, God i harim pinis nek bilong Ismael long wanem hap em i stap. ¹⁸ Kirap, kisim em na strongim em, bai mi mekim wanpela strongpela taun antap long em." ¹⁹ Nau God i opim ai bilong Hagai na em i lukim wanpela hul wara. Na em i go na pulumapim insait long skin meme na givim long Ismael long em bai i dring. ²⁰ God i stap wantaim pikinini na em i kamap bikpela na em i stap long bik bus na em i kamap man bilong sut long bunara. ²¹ Em i stap long bikbus bilong Paran na mama bilong em i kisim wanpela meri bilong ples Isip na em i maritim em. ²² Nau i kam long wanpela taim Abimelek na Pikol, tupela kepten bilong ami i kam tokim Abraham olsem, "God i stap wantaim yu long olgeta wok yu mekim. ²³ Olsem na yu no inap toktok nambaut long mi God na long ol pikinini bilong mi na ol pikinini bilong ol pikinini bilong mi. Long wanem, yu mas soim mi ol hap graun mitupela i bin wanbel na mi givim long yu." ²⁴ Na Abraham i tok, "orait." ²⁵ Abraham i toktok planti tu long ol wokboi bilong Abimelek i bin kisim bek hulwara bilong em. ²⁶ Abimelek i tok, "Mi no bin save husat i bin mekim dispela samting. Yu no laik tokim mi long taim, mi no bin harim na nau long dispela taim stret mi harim." ²⁷ Abraham i givim sipsip na bulmakau long Abimelek na tupela i mekim Kontrak. ²⁸ Olsem na Abraham i makim sevenpela sipsip meri insait long banis na putim ol long sait. ²⁹ Abimelek i askim Abraham olsem, "Wanem as tingting bilong sevenpela sipsip meri yu putim long sait?" ³⁰ Abraham i bekim tok olsem, "Dispela sevenpela sipsip meri em i mak bilong soim yu olsem mi bin dikim dispela hulwara." ³¹ Na em i kolim dispela ples Besiba, long wanem, tupela i bin mekim kontrak. ³² Tupela i mekim kontrak pinis long ples Besiba na Abimelek wantaim Pikol, dispela kepten bilong ami i lusim ples Besiba na i go bek long Filistia. ³³ Abraham i planim diwai tamarisk long ples Besiba. Na long dispela ples em i lotu long God Yawe stap oltaim oltaim. ³⁴ Abraham i stap olsem man long narapela ap longpela taim long ples bilong ol Filistia.

¹ Bihain long ol dispela samting i kamap God i traim Abraham. Em i tokim em," Abraham!" Abraham i bekim, "mi stap hia. ² "Na God i tok, "Kisim wanpela pikinini bilong yu tasol, husat yu save laikim, Aisak na go long graun bilong ol Morea. Na givim pikinini man olsem ofa paia i kukim olgeta antap long wanpela bilong ol maunten i stap long hap, wei bai mi tokim yu long em." ³ Na Abraham i kirap long bik monin, em i kalap long donki bilong em na kisim tupela yangpela wokboi bilong em wantaim pikinini bilong em Aisak. Em i katim diwai paia bilong kukim ofa na bihain em i wokabaut i go long ples God i tokim em. ⁴ Long dei namba 3 Abraham i lukluk i go antap na lukim ples i stap longwe tru. ⁵ Abraham i tokim tupela yanpela wokboi bilong em, "Yutupela stap long hia wantaim donki na mi wantaim pikinini man bai i go long hap. Bai mipela i go lotu na kam bek long yutupela." ⁶ Na Abraham i kisim diwai bilong kukim ofa paia i kukim olgeta na givim long Aisak pikinini man bilong em. Em i holim paia lait na naip long han bilong em na tupela i go wantaim. ⁷ Aisak i toktok long Abraham papa bilong em na i tok, "Papa bilong mi," na em i bekim, "Pikinini bilong mi, mi stap hia, " Em i tok, "Lukluk long hia, yumi i gat paia lait na paia bilong kukim, tasol wei i stap sipsip bilong mekim ofa paia i kukim olgeta?" ⁸ Abraham i tok, pikinini bilong mi, "God em yet bai i givim sipsip bilong mekim ofa paia i kukim olgeta." Na tupela i go wantaim. ⁹ Taim tupela i kamap long ples wei God i bin tokim em, Abraham i wokim alta long hap na putim paia bilong kukim ofa antap. Na em i pasim Aisak pikinini bilong em na putim em antap long alta, long paia bilong kukim. ¹⁰ Abraham i putim han i go kisim naip long kilim pikinini man bilong em. ¹¹ Na ensel bilong God Yawe i singautim em long heven na i tok, " Abraham, Abraham!" na em i tok, "Mi stap hia". ¹² Em i tok, "Yu noken putim han antap long pikinini man, noken mekim wanpela samting long bagarapim em, nau mi save olsem yu i gat pret long God na mi lukim olsem yu no holim bek pikinini man bilong yu, wanpela pikinini tasol, long givim long Mi." ¹³ Abraham i lukluk i go antap na wantu tasol, long baksait bilong em wanpela sipsip i pas long bus wantaim tupela kom bilong em. Abraham i go kisim dispela sipsip na i mekim ofa wei i kisim ples bilong pikinini man bilong em. ¹⁴ Na Abraham i kolim nem bilong dispela ples, "God Yawe bai i givim," Tudei nem bilong dispela ples i stap olsem, "long maunten bilong God Yawe em bai i givim." ¹⁵ Ensel bilong God Yawe i singautim Abraham namba tu taim long heven ¹⁶ na i tok, dispela tok em God Yawe yet i tokaut long mi yet mi promis olsem yu bin mekim ol dispela samting na yu no bin holim bek wanpela pikinini man bilong yu, ¹⁷ Mi bai i blesim yu na mekim ol tumbuna lain bilong yu i kamap planti olsem ol sta bilong ol heven na wesan bilong nambis na ol tumbuna lain bilong yu bai i bosim dua bilong ol birua. ¹⁸ Antap long ol tumbuna lain bilong yu ol manmeri bilong olgeta hap graun bai i stap gut, bilong wanem yu bin bihainim tok bilong mi." ¹⁹ Olsem na Abraham i go bek na bungim tupela yangpela wokboi bilong em na ol i go wantaim na kamap long Besiba na i stap long Besiba. ²⁰ Bihain long ol dispela samting i kamap Abraham i harim olsem, "Milka tu i karim ol pikinini, long brata bilong yu Naho." ²¹ Nem bilong ol em, Uz em namba wan pikinini, Buz, brata bilong em, Kemuel papa bilong Aram, ²² Keset, Hazo, Pildas, Jidlap na Betuel. ²³ Betuel i kamap papa bilong Rebeka. Dispela em ol 8-pela pikinini wei Milka i bin karim long Naho, brata bilong Abraham. ²⁴ Narapela meri bilong em nem bilong em, Reuma, husat i karim Taba, Gaham, Tahas na Maka.

¹ Sara i stap 127 yia. Dispela em ol yia Sara i bin i stap laip. ² Sara i dai long Kiriat Arba, em long Hebron, long graun bilong Kenan. Abraham i wari na krai long Sara. ³ Na Abraham i kirap i go lukim bodi bilong meri bilong en na em i tokim ol pikinini man bilong Het olsem, ⁴ "Mi man bilong narapela hap i stap namel long yu. Plis, mi laikim yu mas painim wanpela ples i stap klostu long yu na bai mi planim meri bilong mi.'' ⁵ Na ol pikinini man bilong Het i bekim tok bilong Abraham olsem, ⁶ "Harim mipela, bikman bilong mi, yu wokman bilong God namel long mipela. Planim dai man bilong yu long ston matmat yu laikim long en. Nogat wanpela man bai i tok nogat long yu, olsem na yu ken planim. ⁷ Abraham i kirap na brukim skru long ol lain bilong dispela graun na long ol pikinini man bilong Het. ⁸ Em tokim ol olsem, sapos yupela i wanbel bai mi planim em na yu harim mi na toktok wantaim Efron pikinini man bilong Zohar, long mi. ⁹ Askim em long salim dispela hul bilong ston Mackpelah long mi, em i bilong en, em i stap long arere bilong gaden. Long inapim askim bilong mi, larim em i salim long mi ples klia olsem ples matmat." ¹⁰ Nau Efron i sindaun namel long ol pikinini man bilong Het na Efron em man bilong Hit i bekim Abraham bihain long em i harim ol pikinini man bilong Het, long olgeta lain husat i kam insait long taun bilong em na i tok, ¹¹ "Nogat, bikpela bilong mi, harim mi. Mi givim yu gaden na ol ston matmat i stap long em. Mi givim yu taim ol manmeri i lukim. Mi givim long yu olsem ples bilong planim dai man." ¹² Abraham i brukim skru long ol lain bilong dispela graun. ¹³ Em i tokim Efron long i go tokim ol lain bilong dispela graun olsem, "Sapos yupela i laikim, plis harim mi. Mi bai baim dispela gaden. Kisim moni bilong mi na mi bai planim dai man long hia.'' ¹⁴ Efron i bekim tok bilong Abraham olsem, ¹⁵ "Plis bikman bilong mi, harim mi. Liklik hap graun ol i salim long 400 sekel silva, dispela em wanem namel long yu na mi? Planim dai man.'' ¹⁶ Abraham i harim tok bilong Efron na em i skelim long Efron i hamas mani long pikinini man bilong Het i harim, 400 sekel silva, inap long mak bilong maket lain. ¹⁷ olsem na gaden bilong Efron, i stap long Machpelah, em i stap klostu long Mamre, long gaden na ol ston matmat insait long en na olgeta diwai insait long gaden na autsait long mak na abrusim i go ¹⁸ na Abraham i bin baim aninit long nem bilong ol pikinini bilong Het, bipo ol dispela olgeta lain i kam insait long dua bilong taun bilong em. ¹⁹ Bihain long dispela, Abraham i planim meri bilong en Sara insait long ston matmat long gaden Machpelah, em i stap klostu long Mamre, em ol i kolim, Hebron, long graun Kenan. ²⁰ Olsem na ol pikinini bilong Het i givim dispela gaden na ston matmat long Abraham olsem ples bilong planim dai man.

¹ Nau Abraham i kamap lapun tru na God Yawe i bin blesim Abraham wantaim olgeta samting. ² Abraham i tokim wokman bilong em, em dispela wokman i bin i stap wantaim em longpela taim na husat i bin bosim ol samting bilong em na i tok, "Putim han bilong yu aninit long lek tais bilong mi ³ na mekim tok promis long God Yawe, husat i God bilong Heven na God bilong graun, olsem bai yu no inap kisim meri bilong pikinini man bilong mi long ol lain Kenen, wei mi stap wantaim long en. ⁴ Tasol bai yu go long kantri bilong mi na long ol lain bilong mi na kisim wanpela meri bilong pikinini bilong mi Aisak." ⁵ Dispela wokman i askim em, "Em bai olsem wanem sapos meri i no laik long kam wantaim mi long hia? Inap mi kisim pikinini man bilong yu i go long ples wei yu kam long en?" ⁶ Na Abraham i tokim em, "Yu noken kisim pikinini man bilong mi i go long dispela ples. ⁷ God Yawe, God bilong Heven, husat i bin kisim mi i kam long haus bilong papa bilong mi na long graun bilong ol lain bilong mi na husat i bin mekim promis wantaim strongpela tok promis olsem, long ol pikinini bilong yu, bai mi givim ol dispela graun, Em bai salim ol ensel long i go paslain long yu na bai yu kisim wanpela meri long dispela hap bilong pikinini man bilong mi. ⁸ Tasol sapos dispela meri i no laik bihainim yu, orait bai yu go fri long dispela strongpela tok promis bilong mi. Wanpela samting i olsem, yu noken kisim pikinini man bilong mi i go bek long hap." ⁹ Olsem na wokman i putim han bilong em aninit long lek tais bilong bikman bilong em Abraham na em i mekim tok promis long dispela samting. ¹⁰ Wokman i kisim 10-pela kamel bilong bikman bilong em na em i go. Na tu em i kisim wantaim em ol kainkain presen bilong bikman bilong em. Em i lusim na go long ples Aram Naharaim long siti bilong Nahor. ¹¹ Em i mekim ol kamel i brukim skru autsait long siti long hul wara. Avinun pinis na em taim bilong ol meri i save go long kisim wara. ¹² Orait em i tok, " God Yawe, God bilong bikman bilong mi Abraham, givim mi samting mi laikim long em long dispela dei na soim tru tok kontrak biloing yu long bikman bilong mi Abraham. ¹³ Lukim, mi sanap hia long rot bilong wara i save kam long en na ol pikinini meri bilong ol man long siti ol bai i kam long pulumapim wara. ¹⁴ Larim em i kamap olsem dispela. Taim mi tokim wanpela yangpela meri olsem, plis putim sospen wara bilong yu i kam daun na mi ken dring na sapos em i tokim mi olsem, 'dring na mi bai givim wara long kamel bilong yu tu', orait em bai dispela meri yu bin makim pinis bilong wokman bilong yu Aisak. Long dispela bai mi save olsem yu bin soim promis bilong yu long bikman bilong mi." ¹⁵ Em i kamap olsem, taim em i no pinisim toktok yet, Rebeka i kam wantaim sospen wara antap long solda bilong em. Rebeka em i pikinini bilong Betuel em i pikinini man bilong Milka, meri bilong Naho, em brata bilong Abraham. ¹⁶ Dispela yangpela meri em naispela tru na i no bin i stap wantaim wanpela man. Nogat man i bin slip wantaim em yet. Em i go daun long wara na pulimapim wara long sospen bilong em na i kam antap. ¹⁷ Orait wokman i ron i go long bungim em na i tok, "Plis givim mi liklik wara long sospen bilong yu na bai mi dring." ¹⁸ Meri i tok, "Dring, bikman bilong mi," na hariap tru, em i putim sospen wara i kam daun long han bilong em na i givim em long dring. ¹⁹ Taim meri i givim em wara long dring, em i tok, "Bai mi kisim wara bilong ol kamel bilong yu na ol tu i ken dring inap ol i pinis long dring." ²⁰ Olsem na em i hariap i go na kapsaitim sospen wara i go insait long hul bilong dring wara, orait em i ran i go gen long hul wara long kisim wara na em i kisim wara bilong olgeta kamel. ²¹ Dispela man i stap isi tru na lukluk long meri na em i laik lukim olsem God Yawe i bin inapim wokabaut bilong em o nogat. ²² Taim ol kamel i dring wara pinis, man i kisim wanpela ring bilong nus ol i wokim long gol wei hevi bilong en i olsem, wanpela hap sekel na tupela ring bilong han ol i wokim long gol we hevi bilong em i olsem 10-pela sekel, ²³ na em i askim, "Yu pikinini meri bilong husat? Plis tokim mi, i gat inap rum long haus bilong papa bilong yu, bai mipela i ken i stap long dispela nait?" ²⁴ Meri i tokim em, "Mi pikinini meri bilong Betuel, em pikinini man bilong Milka wei Naho i karim." ²⁵ Na em i tok moa yet long em olsem, "Mipela i gat planti gras na kaikai na tu i gat rum bilong yu long stap long dispela nait." ²⁶ Orait, dispela man i brukim skru na lotu long God Yawe. ²⁷ Em i tok, "Litimapim God Yawe, God bilong bikman bilong mi Abraham, husat i no givim baksait long dispela promis em i bin mekim na em i mekim gut long bikman bilong mi. Na long mi, God Yawe i kisim mi i kam stret long haus bilong lain bilong bikman bilong mi. ²⁸ Orait dispela yangpela meri i ron i go long haus bilong mama bilong em na tokim ol long olgeta dispela samting. ²⁹ Nau Rebeka i gat wanpela brata na nem bilong en Laban. Laban i ron i go long dispela man husait i sanap autsait long rot long arere bilong wara. ³⁰ Taim em i lukim ring bilong nus na ring bilong han i stap long han bilong susa bilong em na taim em i harim tok bilong Rebeka susa bilong em, "Dispela em wanem tok dispela man i bin tokim mi," em i go long dispela man na tru tumas, dispela man i sanap wantaim ol kamel bilong em klostu long wara. ³¹ Orait Laban i tok, "Kam, yu husat God Yawe i bin blesim. Long wanem na yu sanap autsait? Mi redim pinis haus na wanpela ples bilong ol kamel." ³² Olsem na dispela man i kam long haus na rausim ol samting long ol kamel. Ol i givim gras na kaikai long ol kamel na tu i gat wara bilong wasim lek bilong em na bilong ol man husat i bin kam wantaim em. ³³ Ol i putim kaikai long pes bilong em long kaikai tasol em i tok, "Mi no inap long kaikai inap mi tokaut long wanem samting mi kam long tok. Olsem na Laban i tok, "Yu ken tok." ³⁴ Em i tok, "mi wokman bilong Abraham. ³⁵ God Yawe i bin blesim bikman bilong mi na em i kamap bikpela moa yet. Em i givim em planti sipsip na kau, silva na gol na ol wokman na wokmeri na ol kamel na ol donki. ³⁶ Sara, meri bilong bikman bilong mi i bin karim wanpela pikinini man, taim em i lapun tru na bikman bilong mi i givim olgeta samting bilong em i go long pikinini bilong em. ³⁷ Bikman bilong mi i mekim mi long mekim strongpela promis na tok, "Noken kisim wanpela meri bilong ol lain Kenan wei mi i stap wantaim ol. ³⁸ Nogat, yu mas go long ol lain bilong papa bilong mi na long ol lain wantok bilong mi na kisim meri bilong pikinini man bilong mi.' ³⁹ Mi tokim bikman bilong mi olsem, 'Nogut meri i no bihainim mi.' ⁴⁰ Tasol em i tokim mi, " God Yawe, bipo mi wokabaut wantaim, em bai salim ensel i go pas long yu na bai stretim rot bilong yu na bai yu kisim wanpela meri long lain bilong papa bilong mi yet, bilong pikinini man bilong mi. ⁴¹ Tasol yu bai go fri, sapos yu go long ol lain bilong mi na ol i no givim yu wanpela meri. Orait bai yu i fri long dispela promis bilong mi. ⁴² Olsem na mi kamap long dispela wara tude na tok, 'O God Yawe, God bilong bikman bilong mi Abraham, plis, sapos yu laik mekim wokabaut bilong mi i kamap tru_ ⁴³ hia mi stap, sanap long dispela wara, larim dispela yangpela meri husat i kam long kisim wara, dispela meri husat bai mi tokim em olsem, "Plis givim liklik wara long sospen wara bilong yu na bai mi dring," ⁴⁴ na meri bai i tokim mi olsem, "Dring na bai mi kisim wara bilong ol kamel bilong yu tu," dispela meri em yu, God Yawe i makim pinis bilong pikinini man bilong bikman bilong mi.' ⁴⁵ Mi mekim dispela tok long bel bilong mi na i no pinis yet na hariap tru, Rebeka i kamap wantaim sospen wara bilong em antap long solda bilong em na em i go daun long hul wara long kisim wara. Olsem na mi tokim em, 'Plis givim mi wara na mi dring.' ⁴⁶ Em hariap tru putim sospen wara bilong em i kam daun na em tok, "Dring na bai mi givim wara long ol kamel bilong yu tu. Olsem na mi dring na em i givim wara long ol kamel bilong mi tu. ⁴⁷ Mi askim em olsem, 'Yu pikinini meri bilong husat? Em i tok, "Mi pikinini meri bilong Betuel, em pikinini man bilong Naho wei Milka i bin karim em. Olsem na mi putim ring bilong nus long em na ring long han bilong em. ⁴⁸ Olsem na mi brukim skru na lotu long God Yawe na litimapim nem bilong God Yawe, em God bilong bikman bilong mi Abraham, husat i bin kisim mi i kam long ol lain bilong bikman bilong mi long kisim meri bilong pikinini man bilong em. ⁴⁹ Olsem na nau yu tokim mi, yu inap givim mi gutpela bel na luksave long ol gutpela pasin bilong femili bilong bikman bilong mi. Sapos nogat, orait yu tokim mi na bai mi go long han sut o long hand kais. ⁵⁰ Orait Laban na Betuel i bekim tok, "Dispela samting i kam long God Yawe, mipela i no inap mekim wanpela tok nogut o gutpela tok long yu. ⁵¹ Lukim, Rebeka i sanap long ai bilong yu. Kisim em i go na em bai kamap meri bilong pikinini man bilong bikman bilong yu, olsem God Yawe i bin tok." ⁵² Taim wokman bilong Abraham i harim olgeta tok, em i brukim skru i go daun long graun long God Yawe. ⁵³ Em i givim ol kago samting olsem silva, gol na klos i go long Rebeka. Em givim tu ol naispela presen i go long brata na mama bilong Rebeka. ⁵⁴ Orait wokman bilong Abraham na ol lain man husat i bin kam wantaim em i sindaun na kaikai na dring. Ol i slip long haus na long monin taim wokman i tok, "Larim mi i go long bikman bilong mi." ⁵⁵ Orait brata na mama bilong Rebeka i tok, "Larim yangpela meri i stap wantaim mipela inap 10-pela dei na bihain mipela i ken larim em i go." ⁵⁶ Tasol em i bekim tok bilong ol olsem, "Noken pasim rot bilong mi long wanem, God Yawe i bin mekim gut long mi. "Larim mi i go long bikman bilong mi." ⁵⁷ Na ol i bekim tok, "Bai mipela singautim yangpela meri na askim em." ⁵⁸ Orait ol i singautim Rebeka na askim em, "Bai yu i go wantaim dispela man?" Na em i bekim, "Bai mi go." ⁵⁹ Orait ol i salim susa bilong ol Rebeka wantaim wokmeri bilong em i go wantaim dispela wokman bilong Abraham na ol narapela wokman. ⁶⁰ Ol i blesim Rebeka na tokim em olsem, "Susa bilong mipela, bai yu kamap mama bilong tausen na ten tausen na ol pikinini bilong yu bai bosim ol geit bilong banis bilong ol lain i save birua long yu." ⁶¹ Orait, Rebeka i kirap na em wantaim ol wokmeri bilong em i kalap long ol kamel na bihainim ol dispela man. Olsem na dispela wokman i kisim Rebeka na i go long rot bilong em. ⁶² Nau Aisak i bin i stap long Negev na nau tasol em i kam bek long Bia Lahai Roi. ⁶³ Aisak i go aut long beten long gaden taim avinun. Taim em i apim het na lukim, em i lukim ol kamel i kam. ⁶⁴ Rebeka i lukluk i go na taim em i lukim Aisak, em i kalap i go daun long kamel. ⁶⁵ Em i askim wokman olsem, "Husat dispela man i wokabaut long gaden long kam bungim yumi?" Wokman i tok, "Dispela em i bikman bilong mi." Orait Rebeka i kisim klos bilong karamapim pes na em i karamapim em yet. ⁶⁶ Dispela wokman i tokim Aisak long olgeta samting em i bin mekim. ⁶⁷ Orait Aisak i kisim em i go insait long haus sel bilong mama bilong em Sera na em i kisim Rebeka na em i kamap meri bilong em na em i laikim tru Rebeka. Olsem na Rebeka i strongim Aisak taim mama bilong em Sera i dai.

¹ Abraham i kisim narapela meri, nem bilong en Ketura. ² Em i karim Simran, Joksan, Medan, Midian, Isbak na Sua. ³ Soksan em papa bilong Seba na Dedan. Ol tumbuna bilong Dedan em ol manmeri bilong Asiria, ol manmeri bilong Letus na ol manmeri bilong Leum. ⁴ Ol pikinini man bilong Midia em Efa, Efe, Anok, Abida na Elda. Olgeta em ol tumbuna lain bilong Ketura. ⁵ Abraham i givim olgeta samting bilong em long Aisak. ⁶ Taim Abraham i stap yet, em givim ol presen i go long olgeta namba tu pikinini bilong en na salim ol i go long graun i stap long san hap kamap, bai ol i ken i stap long wei long pikinini bilong en Aisak. ⁷ Dispela em ol yia bilong Abraham taim em i bin i stap laip inap 175 yia. ⁸ Abraham i bin i stap longpela taim tru na em i lapun na i dai na em i go long ol tumbuna lain bilong en. ⁹ Aisak na Ismael, tupela pikinini bilong en, tupela i planim em long hul bilong ston long Makpela, long graun bilong Efron pikinini bilong Sofa em man Hitai i stap klostu long Mamre. ¹⁰ Dispela graun Abraham i bin baim long ol pikinini bilong Het. Ol i planim Abraham klostu long Sara meri bilong en. ¹¹ Bihain long dai bilong Abraham, God i blesim Aisak pikinini bilong en na Aisak i stap klostu long Belahairoi. ¹² Nau dispela em ol lain tumbuna pikinini bilong Ismael, pikinini bilong Abraham long Hagai meri Isip, husat em i wokmeri bilong Sara. ¹³ Dispela em nem bilong ol pikinini bilong Ismael, stat long namba wan pikinini na pinis long las pikinini. Nebaiot, namba wan pikinini bilong Ismael, Keda, Adbil, Mubsam, ¹⁴ Misma, Duma, Masa, ¹⁵ Adad, Tema, Seta, Nafis na Kedema. ¹⁶ Dispela em ol pikinini man bilong Ismael na dispela em nem bilong ol na ol ples bilong ol na 12pela hetman insait long 12pela lain manmeri bilong Israel i stap long haus sel. ¹⁷ Ismael i stap laip, inap 137 yia, em i bin i stap longpela taim tru na em pulim las pela win na i dai na em go long ol tumbuna lain bilong en. ¹⁸ Ol i bin istap long Avila na go long Su, wei i stap klostu long Isip, long rot i go long hap bilong Asiria. Ol i stap birua long ol yet. ¹⁹ Ol dispela samting i bin kamap long taim bilong Aisek, pikinini bilong Abraham. Abraham em i kamap papa bilong Aisak. ²⁰ Aisak i bin i stap 40 yia na maritim Rebeka, pikinini meri bilong Betuel. Betuel em tumbuna bilong ol lain Aramia long Padan Aram. Rebeka em sista bilong Laban husat i kam long Aramia. ²¹ Meri bilong Aisak i no bin kisim pikinini long pela taim na Aisak i beten long God na God i harim beten bilong em na meri bilong en Rebeka i gat bel. ²² Tupela pikinini i pusim ol yet insait long bel bilong em na Rebeka i tok, "Bilong wanem na dispela samting i kamap long mi?" Na em i go askim God long save long dispela. ²³ Yawe God i tokim em, "Tupela lain manmeri i stap insait long bel bilong yu na tupela bai i no i stap wantaim yu. Wanpela lain manmeri bai i gat moa strong long narapela na bikpela brata bai aninit long liklik brata bilong en." ²⁴ Na nau taim bilong en long karim pikinini i kam na em i karim tupela pikinini insait long bel bilong em. ²⁵ Na pikinini kam paslain em ret pela skin na i gat planti gras i olsem klos i karamapim skin bilong en. Ol i kolim nem bilong em Iso. ²⁶ Na bihain, brata bilong en i kam ausait. Han bilong en i holim strong lek bilong Iso. Ol i kolim nem bilong em Jekop. Aisak i bin stap 60 yia na meri bilong em karim tupela pikinini. ²⁷ Tupela pikinini kamap bikpela na Iso em man husat i save gut tru long kilim ol wel abus na em i save raun long bus. Tasol Jekop em i man bilong istap isi, em save istap tasol long haus sel. ²⁸ Aisak i laikim tumas Iso long wanem, Iso i save kilim ol wel abus na em i save kaikai, tasol Rebeka i laikim Jekop. ²⁹ Jekop i kukim sampela sup. Na Iso kam long bus na em i no gat strong long wanem em i hangre nogut tru. ³⁰ Iso i tokim Jekop, "Givim mi dispela retpela sup. Strong bilong mi pinis!" Olsem na ol i kolim nem bilong en Idom. ³¹ Jekop i tok, "Yu givim dispela namba bilong yu olsem namba wan pikinini long mi pastaim." ³² Na Iso i tok, "Lukim, klostu mi laik dai. Dispela namba bilong mi, em gutpela long helpim mi?" ³³ Jekop i tok, "Yu mekim tok promis na givim mi pastaim," na Iso mekim tok promis na givim namba bilong namba wan pikinini i go long Jekop. ³⁴ Jekop i givim bret wantaim bin sup long Iso. Em i kaikai na dring pinis na em i kirap na i go. Long dispela rot Iso i lusim namba bilong en olsem namba wan pikinini.

¹ Nau bikpela hangre i kamap long dispela graun wankain oslem long taim bilong Abraham. Aisak i go long Abimelek, King bilong Palestain long Gera. ² Nau God i kam long em na i tok, "Noken go daun long Isip, stap olsem long wanem hap mi tokim yu long stap long em. ³ Stap long dispela hap graun nau yu stap long em, na mi bai i stap wantaim yu na mi bai blesim yu, wantaim ol tumbuna pikinini bilong yu. Mi bai givim olgeta dispela graun long yu olsem mi bin promisim papa bilong yu Abraham. ⁴ Mi bai kamapim planti ol tumbuna pikinini bilong yu olsem sta bilong heven, na bai mi givim ol tumbuna pikinini bilong yu olgeta dispela graun. Long ol tumbuna pikinini bilong yu olgeta lain manmeri bai i kisim blesing. ⁵ Mi bai mekim olsem long wanem Abraham i harim nek bilong mi na i bihanim ol toktok, ol pasin na ol lo bilong mi." ⁶ Nau Aisak i sindaun pinis long Gera. ⁷ Taim ol man long dispela ples i askim em long meri bilong em, em i tok olsem, "Em sista bilong mi," Em i pret long tok, ''Em meri bilong mi." Long wanem em i ting olsem, "Ol man long dispela hap bai i kilim em na kisim Rebeka, long wanem em i naispela meri." ⁸ Bihain Aisak i stap longpela taim long dispela hap, Abimelek King bilong Palistain i bin lukluk i go aut long windo na em i lukim Aisak i pilai wantaim Rebeka, meri bilong em . ⁹ Abimelek i singautim Aisak i kam long em na tokim em, "Lukim, dispela meri em i meri bilong yu. Bilong wanem na yu tok olsem 'Em i sista bilong mi?'" Aisak i bekim tok na i tok olsem, "Long wanem, mi tingim olsem nogut sampela man bai kilim mi na kisim em." ¹⁰ Abimelek i tokim em, "Em yu mekim wanem samting nau long mipela? Wanpela man bai inap long slip wantaim meri bilong yu na bai yu bringim bikpela asua i kam long mipela." ¹¹ Nau Abimelek i mekim strongpela tok long olgeta manmeri na i tok, "Sapos wanpela man i putim han antap long dispela man na meri bilong em, orait dispela man i mas i dai." ¹² Aisak i planim kaikai long dispela graun na kisim kaikai long dispela yia tasol, inap olsem 100-pela taim long wanem, God i blesim em. ¹³ Dispela man i gat planti samting, na em i kisim planti moa samting na kamap bikman. ¹⁴ Em i gat planti sipsip na bulmakau na bikpela famili. Ol Palistain i mangal long em. ¹⁵ Nau olgeta hulwara ol wokman bilong papa bilong em Abraham i bin digim long taim bilong em, ol Palistain i pasim na pulmapim ol dispela hulwara wantaim graun. ¹⁶ Abimelek i tokim Aisak, "Yu go long wei long mipela, long wanem yu strongpela moa long mipela." ¹⁷ Orait Aisak i lusim dispela hap na i go sindaun long ples daun bilong Gera na stap long hap. ¹⁸ Wanpela taim gen Aisak i wokim ol dispela hulwara we bipo tru ol i bin digim long taim bilong Abraham papa bilong em. Ol Palestain i bin kam na pasim ol dispela hulwara long taim Abraham i bin dai. Aisak i givim ol dispela hulwara wankain nem long ol olsem papa bilong en i bin givim bipo. ¹⁹ Taim ol wokman bilong Aisak i digim hulwara long dispela ples daun, ol i painim wara i ron aninit long graun. ²⁰ Tasol ol man i save lukautim bulmakau long Gerar tok pait wantaim ol man i save lukautim bulmakau bilong Aisak na ol i tok olsem, "Dispela hulwara em bilong mipela," olsem na Aisak i kolim dispela hulwara "Esek" (Tok Pait), long wanem, ol man i bin tok pait wantaim em. ²¹ Bihain ol i digim narapela hul wara gen, na ol i tok pait long dispela tu. Olsem na Aisak i kolim dispela hul wara "Sitnah" (Pasin-Birua). ²² Orait Aisak i lusim dispela hap na digim narapela hul wara. Na dispela taim ol man i no tok pait long en. Orait Aisak i kolim dispela hul wara olsem "Rehobot" (Ples Bilong Sindaun Gut) na em i tok, "Nau God i givim ples long yumi. Orait na bai yumi stap gut na gat planti gutpela samting long dispela ples." ²³ Na bihain, Aisak i go antap long ples Biaseba. ²⁴ Na long dispela nait God i kamap long em na i tok olsem, "Mi God bilong papa bilong yu Abraham, yu noken pret, long wanem mi stap wantaim yu na mi bai blesim yu na mekim ol tumbuna pikinini bilong yu i kamap planti, long wanem mi laikim tru wokman bilong mi, Abraham." ²⁵ Aisak wokim wanpela alta long dispela ples na em i lotu long God. Na bihain em i wokim haus sel long dispela hap na ol wokman bilong en i digim wanpela hul wara. ²⁶ Na Abimelek i lusim taun Gera na i go long em wantaim Ahuzat, fren bilong em na Fikol, em kepten bilong ami bilong em. ²⁷ Aisak i askim ol, "Bilong wanem yupela i kam long mi. Yupela i less long mi na rausim mi long ples bilong yupela?" ²⁸ Na ol i bekim na tok, "Mipela i luksave olsem God i stap wantaim yu. Na mipela laik bai yumi mekim wanpela kontrak namel long yumi, yes, namel long mipela na yu. Orait larim mipela makim kontract wantaim yu, ²⁹ Olsem yu noken wokim nogut long mipela. Wankain olsem mipela i no bin wokim pasin nogut long yu. Olsem miplela i mekim gut long yu na salim yu igo wantaim bel isi. Olsem tasol, God i blesim yu." ³⁰ Orait Aisak i wokim bikpela kaikai bilong ol, na ol i kaikai na dring. ³¹ Ol i kirap long moning taim tru na wokim strongpela tok promis namel long ol. Bihain Aisak i salim ol go na ol lusim em wantaim bel isi. ³² Long dispela de yet ol wokman bilong Aisak i kam tokim em long dispela hul wara ol i bin digim. Ol i tok olsem, "Mipela i digim hul wara na painim wara." ³³ Orait, em i kolim nem bilong dispela hu lwara "Siba." Olsem na i kam inap nau, nem bilong taun i stap Biaseba. ³⁴ Taim Iso i kamap 40-pela krismas em i maritim Judit, pikinini meri bilong Beri, em i wanpela lain bilong Hit. Na tu em i maritim Basemat, em i pikinini meri bilong Elon. Em tu i bilong lain Hit. ³⁵ Pasin bilong dispela tupela meri i save mekim Aisak na Rebeka i bel pen.

¹ Taim Aisak i lapun pinis na ai bilong em i no lukluk moa na ino moa lukluk, em i singautim Iso namba wan pikinini man bilong em ikam. ² Na em i tok. Lukim, nau mi lapun. Na mi no save wanem taim bai mi dai. ³ Olsem na yu mas kisim bunara na spia, na go long bus na painim abus bilong mi. ⁴ Mekim gutpela kaikai bilong mi, kaikai we mi save lakim tumas na bai mi kaikai, na bai mi givim blesing long yu na bihain bai mi dai. ⁵ Nau Rebeka i bin harim taim Aisak i toktok wantaim Iso pikinini bilong em. Iso i go long bus long painim abus bilong kisim i kam bek. ⁶ Rebeka i tokim Jekop pikinini man bilong em olsem. Mi harim papa bilong yu i toktok wantaim Iso brata bilong yu, em i tok. ⁷ Kisim sampela abus i kam na mekim gutpela kaikai, na bai mi kaikai na bai mi givim yu blesing long ai bilong God bipo taim mi no dai yet. ⁸ Olsem na pikinini bilong mi, harim tok mi tokim yu, na yu mas bihainim. ⁹ Go long banis bilong meme na kisim tupela yangpela meme i kam, na bai mi mekim gutpela kaikai long ol bilong papa bilong yu olsem em i save lakim long em. ¹⁰ Bai yu kisim i go long papa bilong yu, na bai em i ken kaikai na givim blesing long yu na bai em i ken i dai. ¹¹ Jekop i tokim mama bilong em Rebeka olsem, Lukim, Iso brata bilong mi em i gat planti gras long skin, tasol na mi nogat. ¹² Nogut bai papa bilong mi bai i pilim skin bilong mi olsem mi laik giamanim em. Na bai mi kisim bagarap i kam long mi na i no blessing. ¹³ Na mama bilong em i tokim em olsem, Pikinini bilong mi, larim dispela bagarap i ken kamap long mi. Harim tasol maus bilong mi na go kisim i kam long mi. ¹⁴ Olsem na Jekop i harim tok bilong mama bilong en, na em i go kisim yangpela meme i kam long mama bilong em. Nau mama bilong em i kukim gutpela kaikai we papa bilong em i save laikim tumas. ¹⁵ Rebeka i kisim gutpela klos bilong Iso namba wan pikinini man bilong em stap long haus bilong em, Em i werim long Jekop yangpela pikinini man bilong em. ¹⁶ Na em i karamapim han na nek bilong Jekop wantaim gras bilong meme. ¹⁷ Na em i givim naispela kaikai na bret em bin kukim long em i go long han bilong Jekop. ¹⁸ Jekop i go long papa bilong en na i tok," papa bilong mi. ''Mi stap, Na papa bilong em i tok, pikinini bilong mi yu husat stret? ¹⁹ Jekop i tokim papa bilong en, mi Iso namba wan pikinini man bilong yu. Mi mekim pinis wanem yu tok long mi mas mekim. Nau yu kirap na kaikai ol sampela bilong ol abus yu bin tokim mi long kisim i kam. Na bai yu givim blesing long mi. ²⁰ Aisak i tokim pikinini man bilong em olsem. Olsem wanem na yu kisim dispela abus hariap tru, piknini bilong mi?" Na em i tok, "Long wanem God Bikpela bilong yu i givim long mi." ²¹ Aisak i tokim Jekop olsem, kam klostu long mi, na bai mi pilim skin bilong yu na save olsem tru yu pikinini bilong mi Iso o nogat? ²² Jekop i go long papa bilong em Aisak, na Aisak i pilim skin bilong em na i tok, nek bilong yu i olsem Jekop. Tasol han bilong yu em i olsem han bilong Iso. ²³ Aisak i no luksave long em, Long wanem, han i pulap wantaim gras olsem brata bilong en Iso. Olsem na Aisak i givim blesing long em. ²⁴ Em i tok, "i tru yu pikinini man bilong mi Iso o?" Na em i bekim tok, em mi tasol. ²⁵ Aisak i tok, Kisim kaikai i kam long mi, na bai mi kaikai dispela abus kaikai bilong yu, Na bai mi givim blesing long yu. Orait Jekop i kisim kaikai i kam, na Jekop i kisim wain, i kam bilong em i ken dring. ²⁶ Na papa bilong em Aisak i tokim em olsem, Pikinini bilong mi, Kam klostu long mi na givim kis long mi. ²⁷ Na Jekop i kam klostu na givim kis long em, na em i smelim smel bilong klos na em i givim blesing long em. Em i tok, Lukim, smel bilong pikinini man bilong mi i olsem smel bilong Bikpela i bin blesim. ²⁸ Bai God i ken givim yu sampela hap bilong monin ren wara bilong heven, wantaim gutpela hap bilong graun na planti wit na wain. ²⁹ Ol man bai i mekim wok bilong yu, na bai ol manmeri i brukim skru long yu. Bai yu stap bos bilong brata bilong yu, pikinini bilong mama bilong yu bai i stap aninit long yu. Olgeta lain usait i makim tok bagarap long yu, bai ol i kisim bagarap tu. Na husat i blesim yu bai em i kisim blesim bilong em. ³⁰ Taim Aisak i blesim Jekop pinis, Jekop i poret wantaim na i go autsait long ai bilong papa bilong em Aisak, Iso brata bilong em i kam bek long bus. ³¹ Na em i kukim gutpela kaikai na i kisim i kam long papa bilong em. Na em i tok long papa bilong em olsem. "Papa, kirap na kaikai sampela abus kaikai. Na bai yu givim blesing long mi." ³² Aisak papa bilong em i tokim em olsem. ''Yu husat? Na em i tok mi namba wan pikinini man bilong yu, Iso." ³³ Orait Aisak i kirap na i askim. Tasol pastaim husat i bin kilim wanpela abus na i kisim i kam long mi? Na mi kaikai pinis na bihain yu kam, na mi i blesim em. Na dispela blesing bai i stap long em oltaim. ³⁴ Taim Iso i harim dispela tok, em i krai nogut tru na em i tokim papa bilong en olsem, papa blessim mi tu, papa." ³⁵ Na Aisak i tok olsem, "Brata bilong yu i kam giamam long mi na kisim blesing bilong yu igo pinis. ³⁶ Iso i tok olsem, "ating em no i gat gutpela nem Jacop? Long wanem em i bin giamanim mi tupela taim nau. Em i kisim namba bilong mi olsem namba wan pikinini man, na nau em i kisim blessing bilong mi. "Na em i tok," Yu putim sampela blessing i stap tu o nogat?" ³⁷ Aisak i bekim tok bilong Iso na tok olsem. "Lukim, mi makim em kamap bosman bilong ol barata bilong em, na mi i givim olgeta long olgeta barata lain bai i kamap wokboi bilong em, Na mi tok long em i mas i gat planti wit na wain. Olsem na pikinini, wanem samting moa bai mi mekim long yu, pikinini bilong mi? ³⁸ Iso i tokim papa bilong en olsem, "Olsem wanem, papa, yu gat wanpela blesing tasol, papa bilong mi? "Iso i krai bikpela tru. ³⁹ Aisak papa bilong en i bekim tok bilong em na i tokim em olsem, "Lukim, bai ples bilong yu i stap long we long ol gutpela samtin bilong graun, na bai i stap long we long wara bilong skai antap. ⁴⁰ Long bainat bilong yu bai yu painim kaikai na painim gutpela sindaun. Na bai yu stap wok boi bilong brata bilong yu. Tasol taim yu pait wantaim em bai yu rausim hevi bilong em antap long nek bilong yu." ⁴¹ Iso i bel nogut long wonem Jekop long blesing papa i bin givim long em. Iso i toktok insat long lewa bilong em olsem, dei bilong krai long papa bilong mi i kam kolostu nau, bihain long dispela taim bilong sori i pinis, orait bai mi kilim Jekop i dai. ⁴² Toktok bilong namba wan pikinini man bilong em Iso i kamap long iau bilong mama bilong em Rebeka. Olsem na em i singautim Jekop na i tokim em olsem, Harim gut. Brata bilong yu Iso i bel nogut long dispela samting yu bin mekim long en, na em i gat tingting long kilim yu i dai. ⁴³ Olsem na pikinini bilong mi, bihainim tok bilong mi na ranawe igo long brata bilong mi Laban, istap long taun Haran. ⁴⁴ Yu istap wantaim em liklik, inap belhat bilong brata bilong yu i pinis. ⁴⁵ Yu mas i stap wantaim em inap bel bilong brata bilong yu i kol, na em i lusim tingting long samting yu bin mekim long em. Na bihain bai mi salim wanpela man i go tokim yu na kisim yu i kam bek. Bilong wonem mi no laik lusim yutupela pikinini bilong mi long wanpela dei tasol? ⁴⁶ Rebeka i tokim Aisak olsem," Mi les pinis long laip bikos lo ol dispela pikinini meri bilong ol lain Hit. Sapos Jekop i maritim wanpela pikinini meri bilong lain Hit olsem meri bilong em, olsem dispela ol meri sampela piknini meri bilong graun, wanem gutpela bai i kamap long laip bilong mi?"

¹ Aisak i singautim Jekop, na givim blesing long em na tokim em, yu noken maritim meri long Kenan. ² Kirap, go long Paddan Aram long haus bilong Betuel papa bilong mama bilong yu, na maritim wanpela meri long hap. Wanpela pikinini meri bilong Leban brata bilong mama bilong yu. ³ God i ken mekim gut long yu, na mekim yu karim planti gutpela kaikai na planti moa, na bai yu kamap lain bilong planti manmeri. ⁴ Bai God bikpela i ken i givim yu blesing bilong Abraham, na mekim ol lain tumbuna bilong yu, bai i kamap planti tru, na yu ken i stap long graun bipo yu istap long en, dispela graun God i bin givim long Abraham. ⁵ Olsem na Aisak i salim Jekop i go. Na Jekop i go long Paddan Aram, long Leban pikinini man bilong Betuel bilong Aramin. Brata bilong Rebeka, mama bilong Jekop na Iso. ⁶ Nau Iso i lukim Aisak i blesim Jekop na salim em i go long Paddan Aram. Bai em i ken maritim wanpela meri, em i lukim Aisak blesim em na tokim em. Yu no ken maritim meri long Kenan. ⁷ Iso i lukim Jekop i bihainim tok bilong papa na mama bilong en, na em i go long Paddan Aram. ⁸ Iso i lukim olsem ol meri Kenan ol ino mekim gutpela pasin i inapim tingting bilong papa bilong ol Aisak. ⁹ Nau em i go long Ismail. Na em i kisim meri klostu long em. Mahalat pikinini meri bilong Ismail pikinini bilong Abraham sista bilong Nebot long kamap meri bilong em. ¹⁰ Jekop i lusim Berseba na go long Haran. ¹¹ Em i kam long dispela ples na em i slip long dispela, long wanem, san i go daun pinis na tudak i wok long kam. Em i kisim wanpela ston long dispela hap. Na putim olsem pilo long het bilong en na em i slip. ¹² Jekop i driman long nait na em i lukim wanpela longpela lata long heven i kam daun long graun. Ol ensel bilong God i wok long igo antap na i kam daun. ¹³ Bikpela i tok olsem, "mi Bikpela, God bilong Abraham papa bilong yu, na mi God bilong Aisak. Dispela graun yu slip antap long en, em bai mi givim i go long yu na long ol lain tumbuna bilong yu. ¹⁴ Ol lain tumbuna bilong yu bai i olsem das bilong graun na i go long hap san i go daun na long hap san i kamap na long hap not na long hap saut. Long yu na long lain tumbuna bilong yu bai mi blesim olgeta manmeri bilong graun. ¹⁵ Bai mi istap wantaim yu, na bai mi lukautim yu long wanem hap yu igo, bai mi kisim yu ikam long dispela graun gen na mi no i nap lusim yu, bai mi bihainim promis bilong mi na lukautim yu.'' ¹⁶ Jekop i kirap long slip bilong em, na em tok, "Bikpela i stap long dispela hap em mi no bin save long en.'' ¹⁷ Jekop i pret nogut tru na i tok, "dispela ples i wankain olsem haus bilong God,'' Dispela em i dua bilong heven. ¹⁸ Jekop i kirap long moning taim tru na em i kisim dispela ston em i putim olsem pilo long het bilong en. Na em kapsaitim oil antap long en, ¹⁹ Na em i kolim nem bilong dispela ples Betel. Tasol nem trutru bilong dispela ples em taun Lus. ²⁰ Jekop i mekim strongpela promis na i tok olsem, "Sapos God i stap wantaim mi na helpim mi long wokabaut bilong mi, na givim mi bred bilong kaikai, na ol klos bilong werim, ²¹ inap mi kambek gut long haus bilong papa bilong mi, "na God Yawe bai kamap God bilong mi.'' ²² Na dispela ston mi putim long en bai i stap olsem holi ston bilong tingim gen. Long olgeta samting yu givim mi, bai mi givim ten hap igo bek long yu.

¹ Orait Jekop i wokabaut i go kamap long wanpela hap graun bilong ol lain bilong san i kamap. ² Taim em i lukluk i go, em i lukim wanpela hul wara long bikpela hap graun na em lukim tripela lain sipsip i slip i stap long hap. Long dispela hul wara, ol bai wasim ol sipsip na ston i stap antap long maus bilong dispela hul wara i bikpela tru. ³ Taim olgeta sipsip i kam bung long hap, ol wasman bilong sipsip bai i rolim dispela ston i go arere long hul wara na givim wara long ol sipsip bilong ol na bihain bai ol i pasim ston i go bek long maus bilong hul wara, long ples we em i bin stap long em. ⁴ Jekop i askim ol olsem, ''Ol brata bilong mi, yupela i bilong wanem hap ples?" Na ol i bekim olsem, "Mipela i bilong Haran." ⁵ Em i tokim ol, "Yupela i save long Lepan pikinini man bilong Naho?" Ol i tok, "Mipela i save long em." ⁶ Em i askim ol, "Em i stap orait?'' Ol i tok, "Em i stap orait, na lukluk go long hap, Resel pikinini meri bilong em i kam wantaim ol sipsip." ⁷ Jekop i tok, "Lukim, em i namel bilong dei. Em i no taim bilong bungim ol sipsip wantaim. Yupela i mas givim wara long ol sipsip na larim ol i go kaikai gras. ⁸ Ol i tok "Mipela i no inap givim wara long ol inap olgeta sipsip i kam bung wantaim. Bihain ol man bai i rausim ston long maus bilong hul wara, na bai mipela i givim wara long ol sipsip." ⁹ Taim Jekop i toktok wantaim ol yet, Resel i kam wantaim ol sipsip bilong papa bilong em, long wanem em i was long ol. ¹⁰ Taim Jekop i lukim Resel, pikinini meri bilong Lepan, brata bilong mama bilong em, na ol sipsip bilong Lepan, brata bilong mama bilong em, Jekop i kam na i rausim ston long maus bilong hul wara na givim wara long ol sipsip bilong Lepan, brata bilong mama bilong em. ¹¹ Jekop i kis long Resel na i krai bikpela tru. ¹² Jekop i tokim Resel olsem em wanlain bilong papa bilong em, na em pikinini man bilong Rebeka. Orait, Resel i ran i go na tokim papa bilong em. ¹³ Taim Lepan i harim stori bilong Jekop pikinini man bilong susa bilong em, em i ran i go long bungim em, em i go holim pasim em na kis long em, na kisim em i kam long haus bilong em. Jekop i tokim Lepan olgeta dispela samting. ¹⁴ Lepan i tokim em, "Yu em trutru bun na blut bilong mi." Bihain Jekop i stap wantaim em inap long wanpela mun. ¹⁵ Lepan i tokim Jekop, "Yu bai i no inap long wok nating long mi, long wanem yu wanlain bilong mi na bai mi baim yu long wanem samting. Tokim mi, wanem em pei bilong yu?" ¹⁶ Nau Lepan i gat tupela pikinini meri. Nem bilong bikpela pikinini meri em Lea, na liklik susa em Resel. ¹⁷ Ai bilong Lea em ino strong, tasol bodi na lukluk bilong Resel i naispela tumas. ¹⁸ Jekop i laikim Resel, olsem na em i tok, "Mi bai mekim wok bilong yu inap long seven pela yia, long kisim pikinini meri bilong yu Resel." ¹⁹ Laban i tok, "Em i gutpela moa long mi givim em long yu, na i no long ol naraplea man. Stap wantaim mi." ²⁰ Olsem na Jekop i wok seven pela yia bilong kisim Resel na dispela i kamap long em olsem liklik taim tasol, bilong wanem em i laikim tru Resel. ²¹ Orait Jekop i tokim Lepan olsem, "Givim mi meri bilong mi, bilong wanem ol de bilong mi em pinis - olsem bai mi ken maritim em!" ²² Olsem na Lepan i bungim olgeta man bilong dispela hap na i mekim bikpela kaikai. ²³ Long apinun, Lepan i kisim pikinini meri bilong em Lea na i givim long Jekop, na Jekop i slip wantaim em. ²⁴ Lepan i givim wokmeri bilong em Zilpa long pikinini meri bilong em Lea, long kamap wokmeri bilong em. ²⁵ Long moning, Jekop i lukim olsem em i Lea! Na em i tokim Lepan, "Em wanem samting yu mekim long mi? Mi bin wok bilong yu long kisim Resel. Bilong wanem yu giamanim mi?" ²⁶ Lepan i tok, "Em i no pasin bilong mipela long givim liklik susa long marit pastaim long bikpela susa. ²⁷ Pinisim marit wik bilong dispela pikinini meri, na bihain bai mipela i givim yu arapela susa tu sapos yu mekim wok long arapela sevenpela yia moa. ²⁸ Jekop i mekim olsem ol i tok, na i pinisim marit wik bilong Lea. Orait, bihain Lepan i givim pikinini meri bilong em Resel long kamap meri bilong em tu. ²⁹ Lepan i givim tu Bilha long pikinini meri bilong em long kamap wokmeri bilong em. ³⁰ Olsem na Jekop i slip wantaim Resel tu, tasol em laikim Resel moa long Lea. Olsem na Jekop i mekim wok bilong Laban seven pela yia moa. ³¹ God lukim olsem Jekop i no laikim Lea tumas, olsem na Em i opim bilum bilong pikinini bilong Lea tasol Resel i nogat pikinini. ³² Lea i bel na i karim wanpela pikinini man, na em i kolim nem bilong em Ruben. Olsem na em i tok, "Bilong wanem God i lukim bel krai bilong mi; olsem na, nau man bilong mi bai i laikim mi." ³³ Bihain em i gat bel gen na i karim wanpela pikinini man. Na em i tok, "God i harim olsem ol i no laikim mi, olsem na em i givim mi dispela pikinini man tu," na em i kolim nem bilong em Simion. ³⁴ Orait em i gat bel gen na i karim araplea pikinini man. Em i tok, "Nau long dispela taim man bilong mi bai i stap wantaim mi, bilong wanem mi karim tripela pikinini man bilong em," Olsem na em kolim nem bilong em Levi. ³⁵ Em i gat bel gen na i karim wanpela pikinini man. Em i tok, "Dispela taim bai mi liptimapim nem bilong God, Olsem na em i kolim nem bilong em Judah, bihain em i stop long karim pikinini.

¹ Taim Resel lukim olsem em i no karim pikinini bilong Jekop, Resel i tingting nogut long sista bilong em. Resel i tokim Jekop, "Sapos yu no givim mi pikinini em bai mi kilim mi yet." ² Jekop i belhat long Resel na Jekop i tokim em, "Yu ting mi God na mi pasim yu long karim pikinini ah?" ³ Resel i bekim tok bilong Jekop, "Yu go slip wantaim wokmeri bilong mi Bila na em bai i karim pikinini bilong mi. Pikinini Bila bai i karim, em bai kamap pikinini bilong mi." ⁴ Nau Resel i givim Bila wokmeri long Jekop na em i slip wantaim em. ⁵ Bila i kisim bel na i karim wanpela pikinini man long Jekop. ⁶ Na Resel i tok, "God i skelim mi pinis. Em i harim nek bilong mi na i givim mi wanpela pikinini man.'' Long dispela as Resel i givim nem bilong dispela pikinini man Dan. ⁷ Bila wokmeri bilong Resol i kisim bel gen na karim namba 2 pikinini long Jekop. ⁸ Resol i tok, "Mi strong na pait long toktok wantaim sista bilong mi na mi winim em. "Olsem na em i kolim nem bilong dispela pikinini man, Naptali. ⁹ Taim Lea i lukim olsem em i pinis long karim ol pikinini, em i kisim Silpa wokmeri bilong em, na em i givim i go long Jakop olsem meri bilong em. ¹⁰ Silpa, wokmeri bilong Lea i karim wanpela pikinini man long Jekop Lea i tok, ¹¹ Lea i tok, ''Dispela em i laki bilong mi olsem na em i kolim nem bilong em Gat. ¹² Nau Zilpa, wokmeri bilong Lea i karim namba 2 pikinini man long Jekop. ¹³ Lea i tok, "Mi amamas tru.'' Na ol pikinini meri bilong mi tu bai save olsem mi amamas." Olsem na Lea i givim nem long em, ''Aser.'' ¹⁴ Taim bilong kisim wit na Ruben i go long ples bilong kisim wit, taim em i go em i painim sampela mandrek diwai na karim i kam long mama bilong en Lea. Resel i tok long Lea. ''Plis givim mi sampela stik diwai mandrek bilong pikinini bilong yu.'' ¹⁵ Lea i tok long Resel, "Yu ting em liklik samting taim yu rausim man bilong mi na kisim na nau yu askim gen long kisim mandrek diwai stik bilong pikinini man bilong mi ah?" Resel i bekim tok bilong Lea, "Orait nau yu givim mi diwai stik bilong pikinini man bilong yu, na senis bilong em bai man bilong yu i go slip wantaim yu nau long dispela nait." ¹⁶ Jekop i kam bek long ples bilong kisim wit long avinun. Lea i go autsait na bungim em na em i tok, "Yu bai slip wantaim mi nau long nait, bilong wanem mi baim yu long stik diwai bilong pikinini man bilong mi." Nau Jekop i slip wantaim Lea long dispela nait. ¹⁷ God i harim Lea na em i kisim bel na karim namba 5 pikinini man bilong Jekop. ¹⁸ Lea i tok, "God i givim pei bilong mi, long wanem, mi givim wokmeri bilong mi i go long man bilong mi." Lea givim nem bilong dispela piknini man, Isaka. ¹⁹ Lea i karim namba 6 pikinini man gen long Jekop. ²⁰ Lea i tok, "God i givim mi gutpela presen. Nau man bilong mi bai i amamas long mi, long wanem, mi karim 6-pela pikinini man bilong em.'' Lea i givim nem bilong em Zebulun. ²¹ Bihain long Zebulun, em i karim wanpela pikinini meri na givim nem bilong em, Daina. ²² God i tok long Resel long tingim na harim gut tok bilong Lea. Na God i mekim Resel i gat bel. ²³ Nau em i karim wanpela pikinini man. Resel i tok, "God i rausim sem bilong mi pinis." ²⁴ Resel i givim nem long dispela pikinini man Josep, na Resel i tok, "God i givim mi wanpela moa pikinini man." ²⁵ Bihain long Resel i karim Josep, Jekop i tokim Laban, "Salim mi i go na mi laik i go long ples na kantri bilong mi yet. ²⁶ Givim mi ol meri bilong mi na ol pikinini bilong mi, long wanem, mi wokman bilong yu na mi wokim wok bilong yu, olsem na yu larim mi i go." ²⁷ Laban i tokim Jekop, "Mi painim gutpela samting i stap insait long yu, yu bai stap bek. long wanem, yu soim mi rot bilong toktok wantaim spirit bilong God, na long dispela rot tasoi God i bin blesim mi." ²⁸ Na Laban i tokim Jekop, "Yu laikim wanem pei, yu tokim mi na bai mi givim long yu." ²⁹ Jekop i tokim Laban, "Yu save mi wokman bilong yu na mi save wok hat tru long lukautim abus bilong yu. ³⁰ Long taim bipo yu gat liklik abus, tasol taim mi kamap wokman bilong yu, ol abus bilong yu i kamap planti. God i blesim yu taim mi wok wantaim yu. Nau mi mas stat long lukautim ol famili bilong mi." ³¹ Nau Leban i tokim Jekop, "Yu laikim wanem samting bai mi givim yu?" Jekop i bekim tok bilong Leban, "Mi no laikim wanpela samting, long wanem, sapos mi kisim pei long yu em bai mi stap na was na givim kaikai long ol sipsip na meme bilong yu. ³² Olsem na nau long dispela dei larim mi i go na sekim olgeta sipsip na meme bilong yu na rausim olgeta i gat makmak na olgeta blekpela sipsip na meme i gat mak. Dispela wok bai i kamap pei bilong mi." ³³ Stretpela wok bilong mi tasol bai tokaut long yu taim yu kam bek long sekim wok na pei bilong mi. "Sapos olgeta meme i no gat makmak, na olgeta blekpela sipsip, na sapos yu painim long mi, bai yu save olsem mi stilim long yu." ³⁴ "Leban i wanbel na i to, "Larim i kamap olsem yu i tok." ³⁵ Long dispela dei tasol Leban i kisim olgeta man meme i gat longpela na sotpela makmak long en na ol meri meme i gat ol waitpela makmak na ol sipsip gat blekpela makmak long en na givim i go long han bilong ol pikinini man bilong em. ³⁶ Leban i lusim Jekop na i go raun long 3-pela dei. Nau Jekop i go long banis bilong meme na sipsip na i mekim wok bilong stretim ol meme na sipsip bilong Leban. ³⁷ Jekop i kisim nupela 3pela han bilong diwai popla, almon na plein diwai na i mekim waitpela longpela mak long ol dispela hap stik. ³⁸ Jekop i putim dispela stik i go pas long ol meme na sipsip na soim ol rot i go long ples bilong dring wara. Ol meme na sipsip i save karim pikinini taim ol i kam long dring wara. ³⁹ Taim ol meme na sipsip kam pas long dispela stik bilong Jekop, ol i karim pikinini sipsip na meme wantaim makmak. ⁴⁰ Jekop i putim ol dispela sipsip i go sait long ol makmak sipsip na meme bilong Laban. Nau Jekop i putim ol sipsip na meme bilong em yet long wanpela sait tasol na ol sipsip na meme bilong Laban long narapela sait. ⁴¹ Taim ol strongpela sipsip i laik karim pikinini, Jekop i save putim stik bilong em i go pastaim long ai bilong ol sipsip long ples bilong dring wara na ol i save karim pikinini namel long ol dispela stik. ⁴² Na taim ol sipsip i nogat strong long karim pikinini, Jekop i no putim stik i go pas long ol. Olsem na ol sipsip i nogat strong, em ol sipsip bilong Laban na ol strongpela sipsip em ol sipsip bilong Jekop. ⁴³ Jekop i kamap bikman na i gat planti samting tru. Em i gat bikpela banis sipsip na meme wantaim ol wok manmeri, kemol na donki tu.

¹ Nau Jekop i harim sampela tok long ol pikinini man bilong Laban, olsem ol i tok, "Jekop i wok long kisim olgeta samting bilong papa bilong mipela, em ol samting bilong papa bilong mipela tasol em i gat bikpela kago." ² Jekop i lukim pes bilong Laban olsem em i no moa amamas long em. Em i lukim olsem pasin bilong Laban i go long em i senis. ³ Bihain God i tok long Jekop, "Go bek long graun bilong papa bilong yu na ol lain bilong yu, na bai mi stap wantaim yu." ⁴ Jekop i salim tok na singautim Resel na Lea long bungim em long banis sipsip bilong em ⁵ na i tokim tupela, "Mi lukim pasin bilong papa bilong yutupela i kam long mi em i senis, tasol God bilong papa bilong mi i stap yet wantaim mi. ⁶ Yutupela i save pinis olsem wantaim olgeta strong bilong mi em mi save mekim gutpela wok long papa bilong yutupela. ⁷ Papa bilong yutupela i giamanim mi na senisim pe bilong mi 10-pela taim, tasol God i no larim em long bagarapim mi. ⁸ Sapos em i tok, 'Ol abus wantaim mak long skin bilong ol bai i kamap olsem pe bilong yu,' olgeta sipsip i karim ol pikinini we i gat mak tasol long em. Na sapos em i tok, 'Ol abus we i gat lain long skin bilong ol bai i kamap olsem pe bilong yu,' olsem na olgeta sipsip i karim ol pikinini we i gat mak tasol long em. ⁹ Long dispela rot tasol God i rausim ol abus bilong papa bilong yutupela na i givim long mi. ¹⁰ Long taim bilong ol abus long karim, mi lukim wanpela driman na ol man meme i slip wantaim ol narapela abus. Ol man meme we i gat ol makmak. ¹¹ Ensel bilong God i tokim mi long driman olsem, 'Jekop.' Na mi tok, 'Mi stap hia.' ¹² Em i tok, 'Apim ai bilong yu na lukim olgeta man meme we i karim wantaim ol arapela sipsip. Ol i gat lain, liklik mak, na bikpela mak long skin bilong ol, bilong wanem mi lukim olgeta samting Laban i mekim long yu. ¹³ Mi God bilong Betel, hap we yu bin kapsaitim wel antap long ston, na mekim tok promis long mi. Kirap nau na lusim dispela ples na go bek long ples we mama i bin karim yu long em." ¹⁴ Resel na Lea i bekim na i tokim em, "Mitupela i gat wanpela samting bilong mitupela i stap long haus bilong papa bilong mitupela i ken kisim? ¹⁵ Em i lukim mitupela olsem ol lain bilong narapela hap na i no olsem ol pikinini bilong em. Na tu em i bin salim mitupela na paulim mani bilong mitupela. ¹⁶ Olgeta gutpela samting God i rausim long papa bilong mitupela em olgeta i nau kamap samting bilong yumi na ol pikinini bilong mipela. Olsem na, wanem samting God i tokim yu, yu mekim." ¹⁷ Nau Jekop i kirap na i putim ol pikinini na meri bilong em antap long ol kemol. ¹⁸ Em i larim ol abus bilong em i go paslain long em, wantaim olgeta samting bilong em, na wantaim ol abus em i bin kisim long Padan Aram. Bihaim em i lusim na i go long papa bilong em Aisak long ples Kenan. ¹⁹ Taim Laban i go long katim gras bilong ol sipsip bilong en, Resel i go insait long haus bilong em na i stilim ol god giaman bilong em. ²⁰ Jekop i giamanim tu Laban man bilong Aramia, we em i no tokim em olsem em bai i go. ²¹ Olsem na em i ranawe wantaim olgeta samting em i gat na hariap brukim wara i go long narapela sait, na i go olsem long ples maunten bilong Giliad. ²² Long de namba 3 ol i tokim Laban olsem Jekop i ranawe. ²³ Olsem na em i kisim ol lain bilong en na i bihainim Jekop long 7-pela de. Em i bungim ol long ples maunten bilong Giliad. ²⁴ Nau God i kamap long driman na i tokim Laban man bilong Aramia olsem, "Was gut long wanem tok em i gutpela o nogut bai yu mekim long Jekop." ²⁵ Taim Laban i go pas long Jekop long dispela taim, Jekop i mekim haus sel bilong em long maunten ples. Laban wantaim ol lain bilong em tu i mekim haus sel bilong ol long maunten bilong Giliad. ²⁶ Laban i tokim Jekop, "Bilong wanem yu mekim olsem na giamanim mi na kisim ol pikinini meri bilong mi olsem ol kalabus lain bilong pait? ²⁷ Bilong wanem yu giamanim mi na i no tokim mi na yu hait na ranawe? Yu inap long tokim mi bai mi mekim kaikai na singim song wantaim tambarin na gita long larim yu i go. ²⁸ Yu no larim mi long kis na tok gutbai long ol tumbuna na ol pikinini meri bilong mi. Wanem samting yu mekim em i no gutpela. ²⁹ Em i stap long han bilong mi long bagarapim yu, tasol dispela God bilong papa bilong yu i toktok long mi aste nait na i tok, 'Was gut long wanem tok i gutpela o nogut bai yu mekim long Jekop.' ³⁰ Yu gat bikpela laik tru long i go bek long haus bilong papa bilong yu. Tasol bilong wanem yu stilim ol god bilong mi?" ³¹ Jekop i bekim na i tok long Laban, "Mi pret, long wanem, nogut yu kisim tupela pikinini meri bilong yu long mi wantaim strong olsem na mi hait na ranawe. ³² Husait i stilim ol dispela god bilong yu bai i no inap long i stap laip. Long ai bilong olgeta lain bilong yumi, sekim olgeta samting bilong mi na kisim wanem i bilong yu." Long wanem, Jekop i no save olsem Resel i stilim ol dispela samting. ³³ Laban i go insait long haus sel bilong Jekop, long haus sel bilong Lea, na long haus sel bilong tupela wokmeri Jilpa na Bilha, tasol em i no painim wanpela samting. Em i kamaut long haus sel bilong Lea na i go insait long haus sel bilong Resel. ³⁴ Nau Resel i kisim ol dispela god giaman na i putim i go insait long karamap bilong kemol na i sindaun antap long en. Laban i painim long olgeta hap bilong haus sel tasol em i no painim. ³⁵ Resel i kirap na i tokim papa bilong em, "Masta plis, noken bel kros long mi taim mi no kirap, bilong wanem mi lukim sik mun bilong mi." Olsem na em i painim tasol em i no painim ol god giaman bilong em. ³⁶ Jekop i belhat na i kros wantaim Laban. Em i tokim em, "We i stap asua bilong mi? Wanem em sin bilong mi, na yu hathat na bihainim mi olsem? ³⁷ Yu sekim pinis olgeta samting bilong mi. Wanem samting yu painim we em bilong yu? Putim ol long graun bai ol lain bilong mitupela i sekim husait em asua. ³⁸ Insait long 20 yia mi stap wantaim yu. Ol man na meri sipsip bilong yu i no save abrus long karim, na mi no bin kaikai wanpela man sipsip insait long ol animol bilong yu. ³⁹ Ol sipsip we i save dai long maus bilong ol wel abus, mi no save kisim i kam long yu. Mi yet i save karim ol dispela hevi. Yu save mekim bai mi bekim bek olgeta animol we ol man i save stilim, na we ol i save lus long nait taim na de taim wantaim. ⁴⁰ Mi save was long ol animol bilong yu long de taim na san i save kukim mi, na long nait kol i save kisim mi, na mi no save slip gut. ⁴¹ Dispela 20 yia mi stap aninit long yu. Mi wok long yu long 14 - pela yia long kisim tupela pikinini meri bilong yu, na 6-pela yia bilong lukautim ol animol. Yu bin senisim pe bilong mi 10-pela taim. ⁴² Sapos God bilong papa bilong mi Abraham na Aisak i save pret long Em no stap wantaim mi, yu bai salim mi i go han nating. Tasol God i lukim bel bilong mi na hatwok mi mekim, na Em i tok strong long yu aste nait." ⁴³ Laban i bekim na tok long Jekop, "Ol pikinini meri em ol pikinini meri bilong mi, ol tumbuna em ol tumbuna bilong mi, na ol animol em ol animol bilong mi. Olgeta samting yu lukim em bilong mi. Tasol bai mi mekim wanem tude long ol pikinini meri bilong mi na ol pikinini ol karim long em? ⁴⁴ Olsem na nau, larim yumi mekim kontrak namel long mitupela, na larim dispela i ken stongim tok namel long yu na mi." ⁴⁵ Olsem na Jekop i kisim wanpela ston na i sanapim olsem wanpela mak. ⁴⁶ Jekop i tokim ol lain bilong em, "Bungim ol ston," olsem na ol i kisim ol ston na bungim i go antap. Bihain ol i kaikai wantaim arere long dispela ol ston. ⁴⁷ Laban i kolim dispela ples Jega Saha Duta, tasol Jekop i kolim dispela ples Galid. ⁴⁸ Laban i tok, "Dispela ol ston i strongim tok kontrak namel long mitupela. Olsem na nem bilong dispela ston em Galid. ⁴⁹ Narapela nem bilong em i Mispa, bilong wanem, Laban i tok, "Larim God i lukautim mitupela taim mitupela i stap longwe long ai bilong wanpela long narapela. ⁵⁰ Sapos yu no lukautim gut tupela pikinini meri bilong mi, o sapos yu kisim ol narapela meri, na nogat wanpela man i stap wantaim mipela; na lukim, God yet bai i stap witnes long yu na mi." ⁵¹ Laban i tokim Jekop, "Lukim dispela ol ston na lukim dispela mak, we mi putim namel long mitupela. ⁵² Dispela ol ston na mak em i makim promis olsem bai mi i no inap long abrusim na kam long yu, na bai yu i no inap long abrusim dispela ol ston na mak na kam long mi, long mekim bagarap. ⁵³ Larim God bilong Abraham, na god bilong Naho, ol god bilong papa bilong tupela, i skelim mitupela." Jekop i tokaut na promis long nem bilong God bilong papa bilong em Aisak. ⁵⁴ Jekop i mekim ofa antap long maunten na i singautim olgeta lain bilong em long kaikai wantaim em. Ol i kaikai na i stap antap long maunten long dispela nait. ⁵⁵ Na long bik moning, Laban i kirap na i kis long olgeta tumbuna bilong en na pikinini meri bilong en na i blesim ol. Bihain Laban i lusim ol na i go bek long haus bilong en.

¹ Jekop i wokabaut i go na ol ensel bilong God i bugim em. ² Taim Jekop i lukim ol, em i tok, "Dispela em kem; bilong God," olsem na em i kolim dispela ples Mahanaim. ³ Jekop i salim ol man bilong kisim toksave i go pas long toksave long brata bilong em Iso em i stap long graun bilong Sia, long distrik bilong Idom. ⁴ Em i givim tok long ol olsem," Yupela i mas tok olsem long bosman bilong mi Iso, Wokman bilong yu Jekob i tok, 'Mi bin stap wantaim Laban na mi no bin kam bek hariap inap nau. ⁵ Mi gat ol bulmakau, ol donki, ol sipsip, ol wokman, na ol wokmeri. Mi salim dispela toksave i go long bosman bilong mi, olsem na em i ken wanbel wantaim mi."' ⁶ Ol man bilong salim toksave ol i kam bek long Jekop na i tok, "Mipela i go long brata bilong yu Iso. Em bai kam bungim yu, wantaim 400 man bilong em." ⁷ Nau Jekop i pret tru na ino amamas. Olsem na em i brukim ol manmeri i go tupela lain long istap wantaim ol sipsip, ol bulumakau, na ol kemol ⁸ Na em i tok, "Sapos Iso i kam na pait wantaim wanpela lain, orait narapela lain mas lusim ples na ranawe." ⁹ Jekop i tok," God bilong papa bilong mi Abraham, na God bilong papa bilong mi Aisak, God Yahweh, husait i bin tokim mi," Go bek long kantri bilong yu na ol lain bilong yu, na mi bai mekim gut long yu,' ¹⁰ Tasol mi no i stap gut na bihainim olgeta toktok bilong yu long inapim promis yu bin mekim pinis long olgeta gutpela pasin yu bin i wokim long wokman bilong yu. Wantaim kago bilong mi, mi abrusim wara Jodan na nau mi gat planti samting na kamapim tupela lain. ¹¹ Plis rausim mi long han bilong brata bilong mi, Iso, long wanem mi pret long em, sapos em i kam em bai bagarapim mi na ol mama wantaim ol pikinini. ¹² Tasol yu tok, Bai mi mekim gut long yu. bai mi mekim ol pikinini bilong yu i kamap olsem wesan bilong solwara, na bai yu ino inap long kauntim."' ¹³ Jekop i slip long hap long dispela nait. Na em i kisim sampela kago bilong em olsem presen long Iso, brata bilong em: ¹⁴ 200 meri meme, 20 man meme, 200 meri sipsip, na 20 man sipsip, ¹⁵ 30 mama kemol wantaim ol pikinini bilong ol, 40 bulmakau, 10 pela man bulmakau, 20 meri donki na 10 pela man donki. ¹⁶ Olgeta dispela presen em i givim long ol wokboi bilong em. Na em i tokim ol wokboi bilong em olsem, "Go paslain long mi na wokim spes namel long ol bulmakau." ¹⁷ Em i givim tingting long nambawan wokboi bilong em, na i tok, "Sapos brata bilong mi Iso i bungim yu na askim yu, na tok olsem, 'Yu kam long husait? Na yu laik go we? Na em ol animol bilong husait i kam pas lain long yu?' ¹⁸ Orait yu mas tok, 'Em i bilong wokman bilong yu Jekop. Em ol presen em givim i kam long yu bikman bilong em. Lukim, em i kam baksait long mipela." ¹⁹ Jekop i givim tingting tu long ol namba 2 woklain na namba 3 woklain, na olgeta man husait i lukautim ol animol. Em i tok, "Yu mas mekim wankain tok i go long Iso taim yu bungim em. ²⁰ Yu mas tok," Wokboi bilong yu Jekop i kam baksait long mipela." Long wanem em bai tingting olsem, "Olgeta dispela animol em i salim i kam pas long kamapim wanbel wantaim em. Na bihain taim mi bungim em bai em i gat gutpela bel long mi. ²¹ Olgeta kago samting i go pas long em. Na em yet i stap long kem long nait. ²² Jekop i kirap long nait, na kisim tupela meri bilong em, tupela wokmeri bilong em, na 11-pela pikinini man bilong em. Na em i salim ol i go hapsait long wara Jabok. ²³ Long wankain rot em i salim ol wantaim olgeta samting bilong em i go hapsait long wara. ²⁴ Jekop wanpela i stap bek, na wanpela man i kam pait wantaim em i go inap tulait. ²⁵ Taim dispela man i pilim olsem em i no inap daunim em, em i paitim baksait banis bilong Jekop. Baksait banis bilong Jekop i lus tasol em i holim pasim dispela man yet. ²⁶ Dispela man i tok, "Larim mi i go tulait i kam nau." Na Jekop i tok, "Mi no inap lusim yu i go inap yu blesim mi." ²⁷ Dispela man i tokim em," Nem bilong yu husait?" Na Jekop i tok, "Jekop." ²⁸ Dispela man i tok, "Nem bilong yu bai i no moa Jekop, tasol Israel. Long wanem yu bin pait wantaim God na wantaim man olsem na yu win." ²⁹ Jekop i askim em, "Plis tokim mi nem bilong yu." Em tok," Bilong wanem na yu laik save long nem bilong mi?" Na em i blesim em long dispela ples. ³⁰ Jekop i kolim nem bilong dispela ples Peniel na em i tok, "Mi bin lukim pes bilong God na mi no indai." ³¹ San i kirap pinis na Jekop i lusim Peniel. Em i no wokabaut gut long wanem baksait banis bilong em i pen. ³² Olsem na i kam inap long nau ol lain Israel i no save kaikai mit bilong baksait banis bilong ol abus, long wanem dispela man i bin bagarapim baksait banis bilong Jekop.

¹ Jekop i lukluk i go antap na i lukim Iso i wokabaut i kam, wantaim 400 man. Jekop i burukim namel ol pikinini long Lea, na Resel, na tupela wokmeri. ² Na em i putim tupela wokmeri wantaim ol pikinini i go pas. Bihainim em Lea wantaim ol pikinini bilong em, Resel wantaim Josep i go bihain tru. ³ Jekop yet i go pas long ol. Em i brukim skru i go daun long graun 7- pela taim, i kam kamap klostu long Iso. ⁴ Iso ran i go long bungim em, na i holim pasim em, na em i kis long em. Na tupela wantaim i krai. ⁵ Taim Iso i lukluk i go antap, em i lukim ol meri na ol pikinini. Em i tok, "Husait ol manmeri i stap wantaim yu?"Jekop i tok, "Em ol pikinini, God i marimari na em i givim long wokboi bilong yu," ⁶ Ol wokmeri wantaim ol pikinini bilong ol i kam pas na ol i brukim skru i go daun. ⁷ Bihain Lea tu wantaim ol pikinini bilong em i kam na ol i brukim skru i go daun. Bihain tru Josep na Resel i kam na brukim skru i go daun. ⁸ Iso i tok, "Olsem wanem long ol wan wan lain mi bungim ol?" Jekop i tok, "Long painim wanbel pasin long ai bilong Bikpela bilong mi:" ⁹ Iso i tok," Mi gat inap olgeta samting, brata bilong mi. Larim ol samting bilong yu i stap." ¹⁰ Jekop i tok "Nogat plis, sapos mi painim wanbel pasin long ai bilong yu, orait kisim ol presen long han bilong mi. Em i olsem mi lukim pes bilong yu, na em i olsem mi i lukim pes bilong God, na em bai inapim laik bilong mi. ¹¹ Plis kisim presen mi kisim i kam long yu, long wanem God Yawe i gutpela long mi na tu mi i gat planti samting." Long dispela pasin Jekop i toktok strong tumas na Iso i kisim. ¹² Olsem na Iso i tok, "Yumi go nau wantaim. Mi bai go paslain long yu. ¹³ Jekop i tokim em," Bikman bilong mi i save olsem ol pikinini i yangpela yet, na ol sipsip na bulmakau i givim susu long bebi bilong ol. Sapos ol i ron hariap tru inap long wanpela de, olgeta animol bai dai. ¹⁴ Plis larim bikman bilong mi i ken go pas. Mi bai wokabaut isi isi wantaim ol animol na wantaim ol pikinini, inap mi kamap long bikman bilong mi long ples Sei." ¹⁵ Iso i tok, "Larim mi lusim wantaim yu sampela man husait ol i stap wantaim mi." Tasol Jekop i tok," Bilong wanem yu mekim olsem? Bosman bilong mi em i mekim gut pinis long mi." ¹⁶ Olsem na Iso i stat long wokabaut i go bek long dispela de na i kamap long ples Sei. ¹⁷ Jekop i go long Sukot, na em i wokim haus bilong em yet, na em i wokim haus bilong ol animol bilong em tu. Olsem na ol i kolim nem bilong dispela ples Sukot. ¹⁸ Taim Jekop i kam kamap long ples Padan Aram, em i kamap pinis long biktaun bilong Sekem, we i stap long graun bilong ol Kenan. Em i mekim haus sel klostu long biktaun. ¹⁹ Na em i baim liklik hap graun na long hap em i sanapim haus sel bilong em long hap bilong ol pikinini man bilong Hamor, em i baim long papa bilong Sekem long 100 silva. ²⁰ Long hap em i wokim alta na kolim olsem El Eloi Israel. (As bilong dispela tok i olsem 'God yu God blong Israel'.)

¹ Nau Daina, pikinini meri bilong Lea, em i bin karim long Jekop, igo long bungim ol yangpela meri bilong dispela ples. ² Sekem pikinini man bilong Amor lain Hivi, pikinini bilong king bilong dispela ples i lukim em na holim pasim em na pulim em i kam na i slip wantaim em. ³ Em i pundaun tru long Daina, piknini meri bilong Jekop. Em i laikim tumas dispela yangpela meri na mekim ol naispela toktok long winim bel bilong em. ⁴ Sekem i tokim papa bilong en, Amor olsem, ''Kisim dispela yangpela meri na givim mi olsem meri bilong mi,'' ⁵ Nau Jekop i harim olsem em i bagarapim Daina pikinini meri bilong em. Tasol ol pikinini man bilong em i was long ol bulmakau na sipsip long bikpela hap graun olsem na Jekop istap bel isi na wetim ol pikinini long kam bek. ⁶ Amor papa bilong Sekem igo long bungim Jekop long toktok wantaim em. ⁷ Ol piknini man bilong Jekop i lusim dispela hap na kam bek, taim ol i harim dispela stori, ol i pilim nogut na belhat tru, long wanem Sekem i bagarapim Isrel long strongim em yet long kisim pikinini meri bilong Jekop. Dispela kain pasin i no inap long kamap. ⁸ Amor i tokim ol olsem, ''Pikinini man bilong mi sekem i laikim piknini meri bilong yupela. Plis givim em long en olsem meri bilong em. ⁹ Makim marit namel long mipela yet, givim pikinini meri bilong yupela long mipela na kisim ol pikinini meri bilong mipela. ¹⁰ Yu bai istap wantaim mipela na graun bai istap fri long yu ken baim na salim long en na kisim ol samting long en na bai yu kisim ol samting mi lukautim. ¹¹ Sekem i tokim papa bilong em na ol brata bilong em, ''Larim mi painim laik bilong mi long ai bilong yupela, na wanem samting yu askim mi bai mi givim. ¹² Askim mi long bikpela pe bilong meri na planti samting na mi bai givim ol dispela samting long yupela, tasol givim mi dispela yangpela meri olsem meri bilong mi. ¹³ Ol pikinini man bilong Jekop i bekim tok bilong Sekem na Amor papa bilong em wantaim giaman toktok, bilong wanem Sekem i bagarapim Daina susa bilong ol. ¹⁴ Ol i tokim em, ''Mipela i no inap mekim dispela samting, long givim susa bilong mipela i go long man husait i no katim skin, em bai sem pasin tru long mipela. ¹⁵ Long dispela pasin tasol bai mipela i wanbel wantaim yu sapos yu katim skin olsem mipela na olgeta man namel long yupela tu i mas katim skin. ¹⁶ Na mipela bai givim pikinini meri bilong mipela long yupela, na mipela bai kisim ol pikinini meri bilong yupela na bai yumi istap wantaim na bai kamap wanpela lain tasol. ¹⁷ Na sapos yupela i no harim tok bilong mipela na katim skin, mipela bai kisim susa bilong mipela na i go." ¹⁸ Toktok bilong ol i mekim bel bilong Amor na pikinini man bilong em Sekem i amamas tru. ¹⁹ Na dispela yangpela man i no istap taim long mekim wanem samting ol i tokim em long mekim, em i laikim tumas pikinini meri bilong Jekop long wanem, em i wanpela bikpela man insait long lain bilong papa bilong em. ²⁰ Amor na pikinini man bilong em Sekem i go long geit bilong tokim ol man long siti bilong ol olsem, ²¹ ''Ol dispela man i bel isi long yumi, olsem na larim ol istap long dispela graun na baim na salim long en, tru, dispela graun i bikpela inap long ol tu i ken istap. Larim yumi kisim ol pikinini meri bilong ol olsem meri bilong yumi na yumi givim ol pikinini meri bilong yumi long ol. ²² Long dispela rot tasol ol dispela man bai wanbel long stap wantaim yumi na yumi kamap wanpela manmeri tasol, olgeta pikinini man namel long yumi i mas katim skin, olsem ol i katim skin. ²³ Na olgeta abus bilong ol na ol samting ol i gat long em olgeta bai i kamap olsem samting bilong yumi na ol i ken i stap wantaim yumi." ²⁴ Olgeta man long siti i harim tok bilong Amor na Sekem, pikinini man bilong em. Na olgeta man i katim skin. ²⁵ Na long namba tri de, taim ol istap yet wantaim pen, tupela pikinini man bilong Jekop, Simion na Livai, brata bilong Daina, i kisim bainat na igo kirapim pait long dispela siti na nogat wasman na tupela i kilim olgeta man. ²⁶ Ol i kilim Amor na Sekem pikinini man bilong em wantaim bainat. Na ol i kisim Daina long haus bilong Sekem na ranawe. ²⁷ Na ol narapela pikinini man bilong Jekop i kam lukim ol man i dai na stilim olgeta gutpela samting insait long siti, bilong wanem ol i bin bagarapim susa bilong ol. ²⁸ Ol i kisim ol sipsip bilong ol na ol bulmakau, donki na olgeta samting insait long siti na bikpela graun i raunim siti. ²⁹ wantaim olgeta gutpela samting bilong ol. Olgeta pikinini bilong ol wantaim meri bilong ol, Na ol i kisim tu olgeta samting insait long haus bilong ol. ³⁰ Jekop i tokim Simion na Livai, ''Yupela i bringim hevi i kam antap long mi na mekim ol manmeri wantaim ol samting bilong dispela ples bai les long mi, ol Kenan na ol Peri. Mipela i liklik lain tasol. Sapos ol i bungim ol yet na kam pait wantaim mi, nau mi bai bagarap wantaimm olgeta lain bilong mi. ³¹ ''Tasol Simion na Livai i bekim tok olsem, "Inap Sekem i kisim susa bilong mipela olsem wanpela pamuk meri?''

¹ God i tokim Jekop, "Kirap, na go long Betel, na i stap long hap, wokim alta bilong God, husait i kamap long yu taim yu ranawe long brata bilong yu Iso. Olsem na Jekop i tokim ol brata bilong em na lain i stap klostu long em. ² "Rausim ol god giaman i stap klostu long yu, stretim yu yet, na senisim klos bilong yu. ³ Na yumi lusim hia na i go long Betel. Mi bai wokim alta bilong God, husait i helpim mi, na lukautim mi long olgeta hap mi go long en." ⁴ Orait ol i givim Jekop olgeta giaman god i stap long han bilong ol, na rin i stap long yau bilong ol. Na Jekop i planim aninit long diwai ok klostu long Sekem. ⁵ Taim ol i wokabaut, God i mekim bikpela pret i kamap long ol manmeri i stap long ol taun klostu long Sekem, na ol i no raunim ol lain bilong Jekop. ⁶ Orait Jekop wantaim ol lain bilong en i go kamap long taun Lus, ol i kolim Betel long graun Kenan. ⁷ Em i wokim wanpela alta na kolim El Betel. Long wanem God i stap wantaim em taim em i ranawe long brata bilong em. ⁸ Debora, wokmeri bilong Rebeka i dai, na ol i planim em long Betel aninit long diwai ok, ol i kolim Alon Bakut. ⁹ Taim Jekop i kam long Padam Aram, God i kamap long em na i tok bai mi mekim gut long yu. ¹⁰ Na God i tokim Jekop olsem, "Nem bilong yu Jekop, tasol nau nem bilong yu i no moa Jekop. Nau nem bilong yu em Israel. Olsem na God i kolim em Israel. ¹¹ God i tokim em, "Mi yet Mi God Bikpela. Yu mas kamapim planti pikinini. Na planti kantri bai kamap long yu na ol king tu bai kamap long ol tumbuna lain bilong yu. ¹² Graun mi givim long Abraham na Aisak mi bai givim long yu. Olsem na bai mi givim ol lain tumbuna pikinini bilong yu tu. ¹³ Na God i lusim ples em bin toktok wantaim em. ¹⁴ Jekop i putim wanpela ston we God i bin toktok wantaim em long dispela hap. na em i kapsaitim wara olsem ofa antap long ston na kapsaitim wel antap long em. ¹⁵ Jekop i givim nem bilong dispela ples betel, long wanem," God toktok wantaim em long en. ¹⁶ Jekop wantaim ol lain bilong em i lusim Betel na i go. Taim ol i no kamap yet long Efrat, Resel i pilim bikpela pen bilong karim pikinini. ¹⁷ Na taim em i pilim pen yet meri bilong helpim em i tokim em olsem noken pret i gat narapela pikinini i stap. ¹⁸ Na taim Resel i laik dai em i pulim win na em i kolim nem bilong en Benoni, tasol papa bilong em i kolim Benjamen. ¹⁹ Resel i dai na ol i planim em arare long rot i go long Efrat, em long Betlehem. ²⁰ Na Jekop i sanapim wanpela ston i makim matmat bilong Resel i stap long dispela de. ²¹ Israel i wokabaut i go na painim wanpela hap bilong wokim haus sel long hap bilong was taua namel long ol bikpela lain sipsip. ²² Taim Israel i stap long dispela hap, Ruben i slip wantaim Bila wokmeri bilong papa bilong em. Na Isarel i harim dispela tok. Na nau Jekop i gat 12- pela pikinini man. ²³ Ol pikinini man bilong Lea em Reuben, nambawan pikinini bilong Jekop, na Simion, Livi, Juda, Isakar na Zebulun. ²⁴ Na ol pikinini man bilong Resel em Josep na Benjamin. ²⁵ Ol pikinini man bilong Bila em ol husait i stap wokmeri bilong Resel em Dan na Naptali. ²⁶ Ol pikinini man bilong Silpa husait em i wokmeri bilong Lea em Gad na Asar. Dispela ol pikinini man bilong Jekop ol i bin kamap long Padan Aram. ²⁷ Jekop i kam long papa bilong en Aisak long Mamre insait long Kiriat Aba, em wankain olsem Hebron long dispela hap Abraham na Aisak i stap long en. ²⁸ Aisak i bin stap inap 180 yia. ²⁹ Aisak i kamap lapun tru na em i dai na go long ples bilong tumbuna bilong em. Iso na Jekop tupela pikinini man bilong em i planim em.

¹ Dispela em ol lain manmeri bilong Iso, (narapela nem bilong en, em Idom). ² Iso i kisim olgeta meri bilong en long ples Kenan. Dispela em ol meri bilong en: Ada, pikinini meri bilong Elon, em i bilong Hit; Ohobilama, pikinini meri bilong Ana, tumbuna meri bilong Zibion, em bilong Hivait; ³ Basemat pikinini meri bilong Ismael, susa bilong Nebaiot. ⁴ Ada i karim Elipas long Iso, na Basemat i karim Reuel. ⁵ Oholibama i karim Jeus na Jalam na Kora. Dispela em ol pikinini man bilong Iso, ol i bin kamap long graun bilong Kenan. ⁶ Iso i kisim olgeta meri bilong en, ol pikinini man, ol pikinini meri, na olgeta lain long haus bilong em, ol animol bilong em na_ ol narapela animol na ol kago bilong em, em i bin bungim long graun bilong Kenan na em i kirap i go long graun i stap longwe tru long brata bilong em Jekop. ⁷ Em i mekim olsem long wanem, kago bilong tupela i planti tumas long tupela i stap wantaim. Graun tupela i stap long en i no inap long kamapim gutpela kaikai long wanem, tupela i gat planti animol. ⁸ Na Iso, narapela nem bilong en, em Idom, em i go i stap long ples maunten bilong kantri Seir. ⁹ Dispela em ol lain pikinini bilong Iso, tumbuna bilong ol lain Idom i stap long ples maunten bilong kantri Seir. ¹⁰ Dispela em nem bilong ol pikinini man bilong Iso; Elipas pikinini man bilong Ada, meri bilong Iso; Reuel pikinini man bilong Basemat, meri bilong Iso. ¹¹ Ol pikinini man bilong Elipas em Teman na Oma na Sepo na Gatam na Kenas. ¹² Timna, husait i stap long haus bilong Elipas, pikinini man bilong Iso, i karim Amalek. Dispela em ol tumbuna pikinini man bilong Ada, meri bilong Iso. ¹³ Dispela em ol pikinini man bilong Reuel; Nahat na Sera na Sama na Misa. Dispela em ol tumbuna pikinini man bilong Basemat, meri bilong Iso. ¹⁴ Dispela em ol pikinini man bilong Oholibama, meri bilong Iso, em pikinini meri bilong Ana na tumbuna pikinini meri bilong Gibion. Em i karim long Iso, em Jeus na Jalam na Kora. ¹⁵ Dispela em ol lain hauslain namel long lain bilong Iso i olsem, Elipas namba wan pikinini bilong Iso: Teman na Oma na Sepo na Kenas na ¹⁶ Kora na Gatam na Amalek. Dispela em ol lain hauslain i kam long Elipas long graun bilong ol Idom. Dispela em ol lain tumbuna pikinini man bilong Ada. ¹⁷ Dispela em ol lain hauslain bilong Reuel, Pikinini man bilong Iso: Nahat na Sera na Sama na Misa. Dispela em ol lain tumbuna bilong Reuel long graun bilong Idom. Em ol tumbuna pikinini man bilong Basemat, meri bilong Iso. ¹⁸ Dispela em ol lain hauslain bilong Oholibama meri bilong Iso. Jeus na Jalam na Kora. Ol dispela manmeri i bin kamap tumbuna lain bilong meri bilong Iso, em Oholibama, pikinini meri bilong Ana. ¹⁹ Dispela em ol pikinini man bilong Iso (em ol i kolim ol Idom) na em ol i hetman bilong ol manmeri. ²⁰ Dispela em ol pikinini man bilong Sei long hap ples Horit, i save stap long hap graun: Lotan na Sobal na Gibion na Ana. ²¹ Dison na Esa na Disan. Dispela em ol hauslain long ples Horit, ol i stap long Sei long graun bilong ol Idom. ²² Ol pikinini man bilong Lotan em Hori na Heman. Timna em sista bilong Lotan. ²³ Dispela em ol pikinini man bilong Sobal: Alven na Manahat na Ebal na Sepo na Onam. ²⁴ Dispela em ol pikinini man bilong Gibion: Aia na Ana. Dispela em Ana husait i painim hot wara i kamap long ples nating, taim em i kisim ol donki bilong papa bilong em Sibion i go painim gras. ²⁵ Dispela em ol pikinini bilong Ana: Dison na Oholibama, pikinini meri bilong Ana. ²⁶ Dispela em ol pikinini man bilong Dison: Hemden na Esban na Itran na Keran. ²⁷ Dispela em ol pikinini man bilong Esa: Bilhan na Savan na Aken. ²⁸ Dispela em ol pikinini man bilong Disan: Us na Aran. ²⁹ Dispela em ol lain hauslain bilong Horit: Lotan na Sobal na Sibion na Ana na ³⁰ Dison na Esa na Disan: Dispela em ol hauslain bilong Horit, i makim namba bilong ol manmeri i stap long graun bilong Sei. ³¹ Dispela em ol king husait i bin i stap long graun bilong Idom bipo long ol narapela king i lukautim ol Israel: ³² Bela pikinini man bilong Beo, i lukautim ol Idom na nem bilong biktaun bilong em i Dinhaba. ³³ Taim Bela i dai, orait Jobab pikinini man bilong Sera bilong biktaun Bosra, i kisim ples bilong em. ³⁴ Taim Jobab i dai, Husam em bilong graun Temanait, i kisim ples bilong em. ³⁵ Taim Husam i dai, Hadat pikinini man bilong Bedat husait i winim ol lain Midian insait long graun bilong ol Moab, i kisim ples bilong em. Nem bilong biktaun bilong en, em Avit. ³⁶ Taim Hadet i dai, orait Samla long ples Masreka i kisim ples bilong em. ³⁷ Taim Samla i dai, orait Saul bilong ples Rehobot istap arere long wara i kisim ples bilong em. ³⁸ Taim Saul i dai, Bal Hanan pikinini man bilong Akbo i kisim ples bilong em. ³⁹ Taim pikinini man bilong Akbo, Bal Hanan i dai, orait Hada i kisim ples bilong em. Nem bilong biktaun bilong em ol i kolim Pau. Na nem bilong meri bilong em i Mehetabel, em pikinini meri bilong Matret, tumbuna pikinini meri bilong Me Sahab. ⁴⁰ Dispela em nem bilong ol man husait i go pas long hauslain bilong tumbuna bilong Iso na i bihainim hauslain na hap graun bilong ol na nem bilong ol; Timna na Alva na Jetet na ⁴¹ Oholibama na Ela na Pinon na ⁴² Kenas na Teman na Mibsa na ⁴³ Megdiel na Iram. Dispela em ol hauslain hetman i go pas long ol manmeri bilong Idom, i bihainim ples graun ol i kisim. Dispela em Iso, papa bilong ol lain manmeri i stap long Idom.

¹ Jekop i stap long graun bilong papa bilong en, long graun Kenan. ² Dispela em i rekod bilong taim bikpela samting i kamap long Jekop, Josep em yangpela man olsem 17-pela yia, na na i lukautim ol sipsip na memek wantaim ol brata bilong em. Ol pikinini bilong Bilha na Zilpa, ol meri bilong papa bilong em. Josep i kisim sampela kain tok i no stret bilong ol i go long papa bilong em. ³ Nau Jekop i laikim tumas Josep moa long ol narapela brata bilong em long wanem, em i karim em long taim em i lapun. Em i wokim wanpela naispela klos bilong em. ⁴ Ol brata bilong em i lukim papa bilong ol i laikim em tumas long ol narapela ol brata. Ol i bel hat na bel nogut long em na les long toktok wantaim em. ⁵ Josep i lukim wanpela driman na em i go stori long driman bilong em long ol brata bilong em na ol i bel nogut long em moa yet. ⁶ Em i tokim ol, Plis yupela harim dispela driman bilong mi . ⁷ Lukim, long driman, yumi wok long katim het bilong wit i stap long wanpela gaden na wantu, wanpela nekpas wit bilong mi i sanap stret na ol narapela nekpas wit bilong yupela i raunim na ol i brukim skru long mi. ⁸ Brata bilong em i tokim em, "Yu ting wanpela taim bai yu bosim mipela? Yu ting bai yu stap king bilong mipela?" Ol i belhat moa taim em i autim driman bilong em na ol i les long harim tok bilong em. ⁹ Em i lukim narapela driman gen na tokim ol brata bilong em. Em i tok, "Harim bai mi tokaut long driman bilong mi. Mi lukim san, mun na 11-pela sta i brukim skru long mi." ¹⁰ Em stori long papa bilong em wankain long ol brata bilong em tu, na papa i askim em. "Wanem as tingting bilong dispela driman? Yu ting mama bilong yu na mi na ol brata bilong yu bai brukim skru long lek bilong yu?" ¹¹ Ol brata bilong em i bel nogut long em, tasol papa bilong em i putim dispela tok long tingting bilong em. ¹² Ol brata bilong em i go was long sipsip bilong papa bilong ol i stap long Sekem. ¹³ Israel i tokim Josep, "Yu save olsem ol brata bilong yu i was long ol sipsip na meme i stap long Sekem? Jekop i tokim em kam na bai mi salim yu i go long ol,'' Josep i tok,"Mi redi long go". ¹⁴ Em i tokim Josep, "Go na lukim sapos ol i stap gut na ol sipsip na meme i stap gut na bihain yu kam bek na tokim mi.'' Na Jekop i salim em i go hap long ples daun bilong Hebron na Josep i go long Sekem. ¹⁵ Wanpela man i painim Josep, Josep i raun nambaut long dispela hap na dispela man i askim em, "Yu painim wanem?" ¹⁶ Josep i tok, "Mi painim ol brata bilong mi. Tokim mi, wanem ples ol i stap lukautim ol sipsip na meme.'' ¹⁷ Dispela man i tok, "Ol i lusim dispela ples pinis na mi harim ol i tok; 'Yumi go long Detan."' Josep i go bihain long ol brata bilong em na painim ol long Detan. ¹⁸ Taim ol i lukim em longwe tru na bihain long em i kamap klostu, ol i pasim tok long kilim em. ¹⁹ Ol brata bilong em i toktok namel long ol yet, "Lukim dispela man bilong driman i kam. ²⁰ Kam yumi kilim em na tromoi em insait long wanpela hul. Bai yumi tok, Wanpela wel abus i kaikai em. Na bai yumi lukim wanem samting bai kamap long ol driman bilong em.'' ²¹ Ruben i harim dispela na em i rausim em long han bilong ol, em i tok, "yumi noken kilim em i dai,'' ²² Ruben i tokim ol, "Blut i no gen kapsait. Tromoi em long dispela hul long ples ol man i no stap, tasol noken putim han long bagarapim em.'' Em mekim dispela tok bai em rausim Josep long han bilong ol na salim em i go bek gen long papa bilong em. ²³ Josep i kamap long hap ol brata bilong em i stap, na ol i holim pas em na rausim naispela klos bilong em. ²⁴ Ol i holim pasim em na tromoi em i go insait long wanpela hul nogat wara. ²⁵ Ol i sindaun na kaikai bret. Ol lukluk i go antap na lukim lain bilong Ismael i wokabaut i kam long Giled, wantaim kamel i karim paura samting na balm na wel. Ol i wokabaut na karim ol dispela samting i go long Isip. ²⁶ Juda i tokim ol brata bilong em, "Wanem gutpela samting bai yumi kisim sapos yumi kilim brata bilong yumi na karamapim blut bilong em? ²⁷ Kam, yumi salim em long ol lain Ismael na yumi noken bagarapim em long han bilong yumi. Long wanem em i brata bilong yumi na em i skin bilong yumi,'' Ol brata bilong em i harim tok bilong em. ²⁸ Ol lain Midia i kam abrusim ol. Ol brata bilong Josep i kisim em na putim em kam ausait long hul. Ol i salim Josep long ol Ismael long 20 silva moni. Ol Ismael i kisim Josep i go long Isip. ²⁹ Ruben i wokabaut i go bek long hul, na i lukim Josep i no stap long dispela hul. Em i brukim klos bilong em. ³⁰ Em i go long brata bilong em na tok, "Dispela pikinini i no stap long hap na bai mi mekim wanem?" ³¹ Ol i kilim wanpela meme na kisim klos bilong Josep na putim insait long blut bilong meme. ³² Bihain ol i kisim i go long papa bilong ol na tok, "Mipela i painim dispela, Inap yu lukim em i olsem klos bilong pikinini bilong yu.'' ³³ Jekop i luksave pinis na i tok, "Dispela em i klos bilong pikinini bilong mi. Wanpela wel abus i kilim em na i brukim em i go liklik, liklik.'' ³⁴ Jekop i brukim klos bilong em na putim blekpela klos long bel bilong em. Em i wari tru long pikinini bilong em long planti de. ³⁵ Olgeta pikinini man na pikinini meri i traim long mekim papa bilong ol i amamas, tasol em i no laik long amamas. Em i tok, "Bai mi go daun long Sio na krai long pikinini bilong mi." Papa bilong Josep i krai long em. ³⁶ Ol Midia i salim em long Isip long Potifa em ofisa bilong king Fero. Kepten bilong lukautim ol bikman.

¹ Long dispela taim, Juda i lusim ol brata bilong em na i go i stap wantaim wanpela man bilong Adula, husait nem bilong en, em Hira. ² Long dispela hap, em i bungim wanpela pikinini meri bilong wanpela man bilong Kenan, husait nem bilong en, em Sua. Em i maritim dispela meri na slip wantaim em. ³ Na em i gat bel na karim wanpela pikinini man. Na ol i givim nem long em Er. ⁴ Em i gat bel gen na i karim narapela pikinini man. Em i kolim nem bilong em Onan. ⁵ Bihain, em i karim wanpela pikinini man gen na kolim nem bilong em Sila. Em long ples Kesib, em i karim dispela pikinini man. ⁶ Juda i painim wanpela meri bilong Er namba wan pikinini bilong em. Nem bilong dispela meri em Tama. ⁷ Er, namba wan pikinini bilong Juda i no istap gut long ai bilong God Yahweh, olsem na God Yahweh i kilim em. ⁸ Juda i tokim Onan, "Slip wantaim meri bilong brata bilong yu. Yu mas bihainim pasin kastom bilong yumi na maritim meri bilong brata bilong yu na kamapim pikinini bilong brata bilong yu.'' ⁹ Onan i save pinis olsem, dispela pikinini bai i no bilong em. Olsem na taim em i slip wantaim meri bilong brata bilong em, em i save kapsaitim wara bilong man long graun, olsem na em bai i nogat wanpela pikinini bilong brata bilong em. ¹⁰ Dispela pasin em i mekim i no gutpela long ai bilong God Yahweh na God Yahweh i kilim em tu. ¹¹ Bihain, Juda i tokim Tama, meri tambu bilong em, "Go long haus bilong papa bilong yu na istap olsem meri husait man bilong em i dai pinis inap pikinini man bilong mi Sila i ken kamap bikpela." Long wanem, em i pret olsem nogut Sila tu i dai wankain olsem ol brata bilong em. Tama i lusim na em i go istap long haus bilong papa bilong em. ¹² Longpela taim bihain, pikinini meri bilong Sua, em meri bilong Juda i dai. Taim Juda i pinisim haus krai bilong meri bilong em, em i go long ples Timna, long ol wasman bilong ol sipsip bilong em i wok long rausim gras bilong ol sipsip i stap na poroman bilong em Hira, bilong Adula i go wantaim em. ¹³ Ol i tokim Tama olsem, "Lukim, tambu papa bilong yu, i kam i go long Timna long rausim gras bilong ol sipsip.'' ¹⁴ Olsem na em i rausim ol klos bilong soim olsem meri, man bilong em i dai pinis na em i karamapim em yet na haitim pes bilong em. Em i sindaun long geit bilong Enaim, em rot igo long Timna. Long wanem, em i lukim olsem Sila i kamap man pinis tasol ol i no givim em i go long Sila olsem meri bilong em. ¹⁵ Taim Juda i lukim em, em i ting olsem, em i wanpela pamuk meri, long wanem, Tama i bin karamapim pes bilong em. ¹⁶ Orait Juda i go long em long sait bilong rot na tokim em olsem, "Kam, mi laik slip wantaim yu," long wanem, em i no bin save olsem, dispela meri em i tambu meri bilong em, na meri i askim em, "Bai yu givim mi wanem samting taim slip wantaim yu?" ¹⁷ Em i tokim em olsem, "Bai mi givim yu wanpela yangpela meme long banis bilong mi." Orait meri i askim em olsem, "Inap yu givim mi wanpela samting olsem mak bilong tok promis bilong yu, inap long taim yu givim mi dispela meme bai yu kisim bek?" ¹⁸ Orait, em i askim meri ya na tok, "Bai mi givim yu wanem samting long makim tok promis bilong mi?" Meri i tokim em olsem, "Dispela ring wantaim rop i save pas long en na wokabaut stik bilong yu em istap long han bilong yu." Orait em i givim ol dispela samting long meri na slip wantaim em na meri i gat bel. ¹⁹ Olsem na meri i kirap na igo. Em igo rausim ol klos na em i karamapim em yet wantaim klos bilong meri em man bilong em i dai pinis. ²⁰ Juda i salim dispela yangpela meme em i tok long em, igo long dispela meri wantaim poroman bilong em, man bilong ples Adula, long kisim bek ol samting bilong em long han bilong dispela meri tasol em i no painim dispela meri. ²¹ Orait dispela man bilong Adula i askim ol man bilong dispela ples olsem, "Dispela pamuk meri i save istap long Enaim, long sait bilong rot em istap we?" Na ol i tok olsem, "I nogat wanpela pamuk meri istap long hia." ²² Orait em i go bek long Juda na tokim em olsem, "Mi no painim em." Na tu, ol man bilong Enaim i tok olsem, "I nogat wanpela pamuk meri i save istap long hia." ²³ Orait Juda i tok, "Larim em i ken kisim ol dispela samting, nogut bai yumi sem. Tru tumas, mi salim dispela yangpela meme i go tasol yu ino painim em." ²⁴ Bihain long tripela mun, ol i tokim Juda olsem, "Tambu meri bilong yu i pamuk raun na i gat bel pinis." Juda i tokim ol olsem, "Kisim em i kam long hia na larim ol i kukim em long paia." ²⁵ Taim ol i kisim em i kam autsait, em i salim wanpela tok igo long tambu papa bilong em na i tok, "Mi i gat bel long papa bilong ol dispela samting." Na em i tok, "Painimaut papa bilong ol dispela samting, ring wantaim rop i pas long en na stik bilong wokabaut." ²⁶ Juda i luksave long ol dispela samting na em i tok, " Tru tumas, meri i mekim stretpela pasin, mi asua, mi i no bin givim long pikinini man bilong mi Sila." Olsem na Juda ino slip wantaim em gen. ²⁷ Long taim bilong em i karim pikinini, ol i lukim olsem em igat tupela pikinini i stap long bel. ²⁸ Long taim em i karim pikinini, wanpela pikinini i tromoi han i kam autsait pastaim long narapela na wasmeri i lukim olsem na i kisim retpela tret na pasim long han bilong pikinini husait i kam pastaim. Na wasmeri i tok, "Dispela pikinini i bin kam pas." ²⁹ Tasol, narapela pikinini i pulim han bilong em i go bek na em i kamaut pas. Na was Meri i save helpim ol mama long wok bilong karim pikinini i tok, "Olsem wanem na yu brukim na kamaut?" Olsem na ol i kolim nem bilong em Peres.(As bilong dispela nem i olsem 'Buruk long namel.') ³⁰ Bihain brata bilong em i kamaut, em husait i gat retpela tret i pas long han bilong em na ol i kolim nem bilong em, Sira. (As bilong dispela nem i Olsem '' bikpela lait.'')

¹ Ol i kisim Josep i go daun long ples Isip. Potifa, em wanpela kepten bilong ol gad bilong Fero na man bilong Isip i baim em long ol Ismael husait i kisim em i kam daun long Isip. ² God Yaweh i bin i stap wantaim Josep na em i kamap gutpela man tru. Em i stap insait long haus bilong bosman blon em, husait i man bilong Isip. ³ Bosman bilong em i lukim olsem God Yaweh i stap wantaim em na God Yaweh i blesim olgeta samting em i mekim. ⁴ Josep i kisim luksave long pes bilong bosman bilong em. Em i mekim wok bilong Potifa. Potifa i mekim Josep bosman long olgeta samting bilong em na olgeta samting bilong em i stap aninit long Josep. ⁵ Em i kamap olsem, taim Potifa i mekim Josep bosman long olgeta samting bilong em, God Yahweh i blesim olgeta samting bilong Potifa long Josep tasol. Blesin bilong God Yahweh i stap antap long olgeta samting bilong Potifa long haus na long ol gaden. ⁶ Potifa i putim olgeta samting em i gat long em aninit long lukautim bilong Josep. Potifa i no gat tupela tingting long olgeta samting tasol long ol kaikai bilong em tasol. Olsem na Josep i kamap wanpela stronpela na naispela man. ⁷ I kam olsem wanpela taim meri bilong bosman bilong Josep i mangal nogut tru long em. Meri i tokim em olsem, "Slip wantaim mi." ⁸ Tasol em i no laikim na em i tokim meri bilong bosman bilong em olsem, "Lukim, bosman bilong mi i no save tingting planti long wanem samting i kamap insait long haus, em i putim olgeta samting aninit long lukaut bilong mi. ⁹ Nogat narapela i antap long mi long dispela haus. Em i no pasim wanpela samting long mi, yu wanpela tasol, long wanem yu i meri bilong em. Long wanem na bai mi mekim dispela bikpela pasin nogut na mekim sin long God bilong mi?" ¹⁰ Meri bilong Potifa i wok long toktok strong long Josep long olgeta de, tasol Josep i no laik slip wantaim em, o stap wantaim em. ¹¹ Long wanpela de Josep i go insait long haus long mekim wok bilong em na ol narapela wokman i no stap long haus. ¹² Meri bilong Potifa i holim strong klos bilong Josep na i tok olsem, "Slip wantaim mi." Josep i lusim klos bilong em wantaim meri na em i ranawe i go autsait. ¹³ Taim meri i lukim olsem, Josep i lusim ol klos bilong em wantaim em na ran igo autsait, ¹⁴ em i singautim ol narapela wokman na tokim ol olsem, "Lukim, Potifa i bin kisim wanpela Hibru i kam long givim sem long yumi, em i kam insait long slip wantaim mi, tasol mi singaut strong. ¹⁵ Taim em i harim mi singaut strong, em i lusim ol klos bilong em wantaim mi na em i ranawe i go autsait. ¹⁶ Meri i putim ol klos bilong Josep i stap inap bosman bilong Josep i kam long haus. ¹⁷ Orait em i tokim man bilong em olsem; "Dispela Hibru wokman yu kisim i kam ya, em i kam insait na givim sem long yumi. ¹⁸ Taim em i harim mi singaut strong, em i lusim ol klos bilong em na em i ranawe go autsait." ¹⁹ Taim bosman bilong Josep i harim olgeta tok meri bilong em i mekim, Dispela em wokman bilong yu i mekim long mi," em i belhat nogut tru. ²⁰ Bosman bilong Josep i kisim em na putim em long kalabus we ol lain bilong king i stap kalabus long en. Em i stap long dispela haus kalabus. ²¹ Tasol, God Yahweh i bin stap wantaim Josep na soim em olgeta gutpela promis bilong em. God Yahweh i mekim na bosman bilong haus kalabus i save laikim Josep. ²² Bosman bilong haus kalabus i givim olgeta kalabus lain long stap aninit long Josep. Wanem samting ol i mekim, Josep i go pas long ol na i lukautim. ²³ Bosman bilong haus kalabus i no tingting planti long olgeta samting i stap insait long han bilong Josep, long wanem, God Yahweh i bin stap wantaim em. Wanem samting em i mekim, God Yahweh i mekim kamap gutpela moa.

¹ Bihain long olgeta dispela samting i kamap, man i save givim wain long king na man bilong bosim haus bilong kukim bret, tupela i mekim sampela asua long bosman bilong ol, em king bilong Isip. ² Fero i belhat long tupela wokman bilong en, bosman bilong ol man i save lukautim kap wain na bosman bilong ol man i save bosim haus bret. ³ Em i putim tupela long kalabus long haus bilong kepten bilong ol gad i save was long dispela haus kalabus, Josep i stap long en. ⁴ Na kepten bilong gad i putim Josep long kamap wokboi bilong tupela. Ol i stap long haus kalabus sampela taim. ⁵ Na tupela man wantaim i lukim driman, man bilong lukautim kap wain na man bilong lukautim haus bret bilong king bilong Isip husait istap long kalabus, tupela i lukim driman long wanpela nait tasol, na dispela tupela driman igat as bilong ol yet. ⁶ Josep i kam long moning time tru na lukim tupela. Tasol tupela wantaim istap long bikpela wari. ⁷ Em i askim ofisa bilong Fero husait istap wantaim em long kalabus insait long haus bilong bosman bilong en, na em i tok, "Bilong wanen na yutupela i luk wari tude?" ⁸ Ol i tokim em, "Mitupela i lukim driman tasol nogat man long kamapim as bilong driman bilong mitupela.'' Orait Josep i tokim tupela, pasin bilong autim as bilong driman ino bilong God a? plis" tokim mi. ⁹ Na man bilong lukautim kap wain i tokim driman bilong em long Josep. Em i tok, "Long driman bilong mi, mi lukim wain istap long pes bilong mi. ¹⁰ Na insait long diwai wain i gat tripela han bilong em. Taim kru i kamap, flawa bilong em i kamap na karim kaikai bilong en na em i mau. ¹¹ Na mi lukim kap bilong Fero istap long han bilong mi. Mi kisim wain na memeim igo insait long kap bilong Fero na mi putim kap long han bilong Fero." ¹² Josep i tokim em, ''Dispela em as bilong driman bilong yu. tripela han bilong diwai em i makim tripela de. ¹³ Insait long tripela de Fero bai apim het bilong yu na bai putim yu igo bek long wok bilong yu. Yu bai putim kap bilong Fero igo long han bilong en, wankain olsem bipo yu bin mekim wok long givim wain long en. ¹⁴ Tasol tingim mi taim olgeta samting igo orait wantaim yu, na plis, soim gutpela pasin long mi. Na yu mas tokaut long mi long Fero na kisim mi igo aut long haus kalabus. ¹⁵ Tru tumas, ol i bin holim pasim mi long graun bilong ol lain Hibru. Mi no bin mekim wanpela asua na ol i putim mi long kalabus. ¹⁶ Taim man bilong kukim bret i lukim olsem as bilong tok i nais tumas, em i tokim Josep, "Mi tu i lukim wanpela driman olsem mi karim tripela basket bilong bret istap antap long het bilong mi. ¹⁷ Insait long namba wan basket igat ol gutpela kaikai bilong Fero, tasol ol pisin i kaikai olgeta long basket long het bilong mi. ¹⁸ Josep i bekim tok bilong em olsem, "As bilong driman bilong yu em i olsem. Tripela basket em tripela de. ¹⁹ Long tripela de Fero bai apim het bilong yu na hangamapim yu antap long diwai. Na ol pisin bai kaikai bodi bilong yu." ²⁰ Long namba tri de em i de mama i karim Fero. Em i mekim bikpela kaikai bilong ol wok man bilong en. Em i apim het bilong man husait i lukautim kap wain na het bilong man husait i save kukim bret, namel long ol wok man bilong en. ²¹ Em i putim man bilong lukautim kap wain igo bek long wok bilong em na em i mekim wok bilong em gen. ²² Na em hangamapim man bilong kukim bret. Wankain olsem Josep i bin tok. ²³ Tasol man bilong lukautim kap wain ino tingim Josep na em lus tinting long em.

¹ Long wanpela taim bihain long pinis bilong tupela yia, Fero i lukim driman. Em i lukim olsem em i sanap arere long wara Nail. ² Na em i lukim 7-pela fatpela bulmakau i pulap long gris i kam autsait long wara Nail na i kaikai gras. ³ Na wantu, 7-pela bun nating na ino gutpela bulmakau i kam autsait long wara Nail. Ol dispela bulmakau i sanap arere long wara klostu long ol bulmakau i kam pas. ⁴ Ol dispela bun nating na i no gutpela bulmakau i kirap na kaikai ol 7-pela gutpela bulmakau i gat gris. Fero i lukim dispela na i kirap long slip bilong em. ⁵ Em i slip gen na namba tu taim em i lukim driman. Em i lukim 7-pela gutpela na bikpela het bilong wit i bung wantaim long wanpela paspas. ⁶ Ino longtaim 7-pela bun nating het bilong wit em win bilong hap sankamap i mekim ol drai i kamap bihain tasol long ol. ⁷ Ol dispela bun nating het bilong wit i daunim ol 7-pela gutpela het bilong wit. Fero i kirap long slip bilong em na guria olsem em driman tasol. ⁸ Long moning bel bilong em i hevi tru long dispela driman. Em i salim tok na singautim ol glasman na ol save man bilong Isip long kam long em. Taim ol glasman na saveman i kam, Fero i stori long driman bilong em tasol inogat wanpela bilong ol inap long tanim as tru bilong dispela driman. ⁹ Long dispela taim, bikman bilong skelim wain bilong king i tokim Fero olsem, "Nau mi stap na tingim ol asua mi bin mekim. ¹⁰ Wanpela taim Fero i bin belhat long ol wokboi bilong em na putim mi wantaim bikman bilong mekim bret bilong king long kalabus long haus bilong nambawan ofisa bilong ol wasman. ¹¹ Mitupela wantaim i bin driman long wanpela nait. Mitupela i lukim driman i gat as tru bilong em na mi lukim driman i gat as tru bilong em. ¹² Insait long dispela kalabus wanpela yangpela man bilong Hibru lain em wokboi bilong nambawan ofisa bilong ol wasman, i stap wantaim mipela. Mitupela i stori long driman bilong mitupela na em i tanim gut tru as bilong driman bilong mitupela. ¹³ Ol samting i kamap olsem em i tok bai i kamap long taim em i tanim as bilong driman bilong mitupela. Fero i bin putim mi go bek long wok bilong mi na em i hangamapim narapela man. ¹⁴ Fero i harim dispela na salim tok long Josep na singautim em i kam. Ol wasman i hariap tasol igo na rausim em long kalabus. Em i katim gras long bodi bilong em na putim gutpela klos na go insait long haus Fero istap long em. ¹⁵ Orait Fero i tokim Josep olsem, "Mi lukim wanpela driman tasol ino gat man inap long tanim as tru bilong dispela driman. Tasol mi harim ol stori bilong yu olsem, yu save tanim as tru bilong ol driman taim yu harim ol i stori long yu." ¹⁶ Josep i bekim tok bilong Fero olsem, "Dispela samting ino stap insait long mi. God wanpela tasol inap long tanim as tru bilong driman bilong Fero long inapim tru tingting bilong em." ¹⁷ Na Fero i stori long Josep olsem, "Long driman, mi lukim olsem mi sanap arere long wara Nail. ¹⁸ Mi lukim 7-pela bulmakau i gat gris i kam autsait long wara Nail na kaikai gras i stap. ¹⁹ Na bihain mi lukim sevenpela bun nating bulmakau em strong bilong ol igo pinis i kam autsait long wara. Mi ino bin lukim wanpela bilong ol kain bulmakau olsem long olgeta hap bilong Isip. ²⁰ Ol dispela bun nating bulmakau i kirap na kaikai ol dispela bulmakau igat gris na daunim ol. ²¹ Taim ol i kaikai ol bulmakau igat gris pinis, ino gat senis i kamap long ol, long wanem ol stap bun nating yet olsem pastaim. Na bihain long dispela driman bilong mi, mi kirap long slip bilong mi. ²² Long driman mi lukim tu 7-pela gutpela het bilong wit i bung wantaim long wanpela paspas. ²³ Bihain mi lukim 7-pela bun nating na ino gutpela het bilong wit i kirap na sanap baksait long ol. ²⁴ Ol bun nating het bilong wit i kaikai na daunim 7-pela gutpela het bilong wit. Mi tokim ol dispela driman bilong mi long ol glasman tasol nogat wanpela bilong ol inap long tanim as bilong driman bilong mi." ²⁵ Na Josep i tokim Fero olsem, "Ol driman bilong Fero i wankain tasol. God i tokaut long Fero long wanem samting em i laik mekim. ²⁶ 7-pela bulmakau i gat gris i makim 7-pela yia na 7-pela gutpela het bilong wit i makim 7-pela yia. Tupela driman i wankain tasol. ²⁷ Ol sevenpela bun nating bulmakau i kam bihain long ol i makim sevenpela yia na tu sevenpela bun nating het bilong wit em win bilong hap sankamap i mekim ol drai i makim sevenpela yia bilong hangre. ²⁸ Em dispela nau mi tokim Fero. Wanem samting God i laik mekim bihain, Em i soim pinis long Fero. ²⁹ Bai yumi lukim sevenpela gutpela yia bilong planti kaikai na gutpela samting bai kamap long olgeta hap long Isip. ³⁰ Sevenpela yia bilong taim nogut na bikpela hangre bai kamap bihain long dispela na ol man bai lusim tingting long ol gutpela taim bilong planti kaikai na gutpela samting i bin kamap long Isip long wanem, bikpela bagarap tru bai kamap long graun. ³¹ Bai nogat taim long tingim ol dispela gutpela taim bilong planti kaikai na gutpela samting long wanem dispela bagarap bai kamap bihain em bai kamapim samting nogut tru. ³² Fero i lukim driman tupela taim long wanem God yet i givim na God tasol bai mekim ol dispela samting i kamap klostu taim. ³³ Olsem na Fero i mas painim wanpela man i gat gutpela tingting na save long kamap bikman long Isip. ³⁴ Larim em i makim wanpela man long kamap bosman bilong dispela olgeta hap graun. Larim ol i mas kisim namba 5 hap bilong olgeta kaikai na bungim insait long 7-pela gutpela yia bilong kaikai. ³⁵ Ol dispela kaikai bai kamap olsem kaikai bilong Isip long dispela bikpela taim bilong bikpela hangre na bagarap. Long dispela pasin olsem bai Isip ino inap kisim bikpela bagarap tumas long taim bilong bikpela hangre." ³⁶ Ol i mas bungim gut olgeta kaikai long dispela ol gutpela yia insait long ol bikpela stoa haus aninit long nem bilong Fero na em yet i mas lukautim ol, na ol dispela kaikai em bilong ol biktaun long kaikai. Ol i mas putim gut ol dispela kaikai. ³⁷ Dispela tingting i kamap gutpela tru long harim na lukluk bilong Fero na ol wokman bilong em. ³⁸ Fero i tokim ol wokman bilong em olsem, "Ating yumi inap long painim wanpela man olsem, em Spirit bilong God i pulap tru long em?" ³⁹ Olsem na Fero i tokim Josep, "God i bin soim yu olgeta dispela samting olsem na ino gat wanpela man i gat gutpela tingting na save olsem yu. ⁴⁰ Yu nau bai stap olsem bikman long haus bilong mi na ol manmeri bai stap aninit long tok bilong yu tasol. Mi king olsem na mi wanpela tasol bai stap bikpela bilong yu." ⁴¹ Fero i tokim Josep olsem, "Yu lukim, nau mi mekim yu i kamap bikman na bosman bilong olgeta hap ples na graun bilong Isip." ⁴² Fero i rausim ring long han bilong em na putim long han bilong Josep. Em putim klos bilong ol bikman long Josep na putim sen ol i mekim long gol long nek bilong em. ⁴³ Na em i putim Josep antap long namba tu hos karis bilong em na hos karis i ron i go. Ol man i go pas na singaut olsem, "Brukim skru!" Fero i putim em i kamap bikman na em i bosim tru olgeta hap bilong Isip. ⁴⁴ Fero i tokim Josep olsem, "Mi yet mi Fero na mi makim yu kamap namba tu bilong mi. Nogat wanpela man bai apim han o krungutim lek long olgeta hap graun bilong Isip. ⁴⁵ Na Fero i givim nem "Safenat Panea" long Josep. Na em i givim Asenat, em pikinini meri bilong pris bilong On nem bilong em Fotifera olsem meri bilong em. Olsem na Josep i mekim wok bilong em long olgeta hap long Isip. ⁴⁶ Josep i bin gat 30 krismas taim em i sanap long ai bilong Fero king bilong Isip. Taim Josep i mekim wok bilong em, em i save lusim ples Fero i stap na go mekim wok long olgeta hap long Isip. ⁴⁷ Long 7-pela gutpela yia ol graun long Isip i karim planti gutpela kaikai. ⁴⁸ Em i kisim ol kaikai long 7-pela gutpela yia bilong Isip na bungim ol dispela ol kaikai long ol stoa haus bilong ol biktaun. Em kisim ol kaikai klostu long ol biktaun na bungim ol long ol dispela biktaun. ⁴⁹ Josep i kisim na bungim ol planti rais na wit na i kamap planti olsem ol wesan bilong nambis, na long taim bilong kauntim em ino moa kauntim, long wanem ol i kamap planti tumas. ⁵⁰ Long taim bilong bagarap na hangre ino kamap yet, Asenat em meri bilong Josep, pikinini meri bilong Fotifera, pris bilong On i karim tupela pikinini man long em. ⁵¹ Josep kolim nem bilong nambawan pikinini man bilong em Manase, long wanem em i tok, "God i mekim mi lus tingting long ol hevi bilong mi na olgeta femili bilong papa bilong mi" ⁵² Em i kolim nem bilong namba tu pikinini man bilong em Ifreim na em i tok olsem, "God i mekim gut long mi na mi kamapim planti gutpela samting long ples bilong trabel bilong mi." ⁵³ 7-pela yia bilong planti kaikai na gutpela samting long Isip i kamap long arere bilong em. ⁵⁴ Na 7-pela yia bilong bagarap na hangre i kamap olsem Josep i tok. Taim bilong bikpela hangre na bagarap i kamap long olgeta hap long graun, tasol long Isip i gat kaikai i stap. ⁵⁵ Taim ol kaikai long Isip i wok long pinis nau, ol manmeri i singaut long Fero long givim kaikai long ol. Olsem na Fero i tokim ol manmeri long Isip olsem, "Yupela igo long Josep na bihainim gut olgeta tok em i givim long yupela." ⁵⁶ Dispela taim bilong bikpela bagarap na hangre i karamapim olgeta hap graun. Josep i opim ol dua bilong ol stoa haus na salim ol kaikai long ol Isip. Dispela taim bilong bagarap na hangre i kamap nogut long olgeta hap long Isip. ⁵⁷ Long olgeta hap bilong graun bikpela bagarap i kamap, olsem na ol manmeri long olgeta hap graun i kam long Isip long baim kaikai long Josep long wanem dispela taim bilong bagarap na bikpela hangre i bikpela tru long olgeta hap bilong graun.

¹ Nau Jekop i bin save olsem i gat kaikai long ples Isip. Em i tokim ol pikinini man bilong em olsem, ''Bilong wanem yupela i lukluk long wanpela narapela i stap?'' ² Em tok, ''Lukim, mi harim olsem i gat kaikai i stap long ples Isip. Go daun na baim kaikai bilong mipela long hap na bai mipela i ken kaikai na i stap na bai yumi no inap i dai.'' ³ Ol 10-pela brata bilong Josep i go daun long Isip long baim kaikai. ⁴ Tasol Benjamin, brata bilong Josep, em Jekop i no bin salim em i go wantaim ol brata bilong en, long wanem, em i pret olsem, nogut bai em i painim bagarap. ⁵ Ol pikinini man bilong Israel i bin kam long baim kaikai namel long ol narapela man i bin kam long en, long wanem, bikpela hangre i bin kamap long ples Kenan. ⁶ Josep i stap gavana na bosim dispela ples long dispela taim. Em tasol em man i salim kaikai long ol man long dispela ples. Ol brata bilong Josep i kam na brukim skru long em wantaim pes bilong ol i go daun long graun. ⁷ Josep i lukim ol brata bilong en na i luksave long ol, tasol em i kamap olsem narapela man na toktok strong long ol. Em i tokim ol olsem, ''Yupela i kam long wanem hap?'' Na ol i tok, ''Long ples Kenan long baim kaikai.'' ⁸ Josep i luksave long ol brata bilong en, tasol ol i no luksave long em. ⁹ Orait Josep i tingim gen ol driman em i bin driman long en na em i tokim ol olsem, ''Yupela ol man bilong kam lukstil! Yupela i bin kam long lukim hap bilong dispela ples i nogat soldia i lukautim.'' ¹⁰ Na ol i tokim em olsem, ''Bosman bilong mi, nogat tru! Mipela ol wokman bilong yu i kam long baim kaikai. ¹¹ Mipela olgeta i pikinini man bilong wanpela man tasol. Mipela ol man bilong tok tru. Ol wokman bilong yu, mipela i no man bilong lukstil." ¹² Em i tokim ol olsem, ''Nogat, yupela i kam long lukim ol ples ol soldia i no lukautim long en.'' ¹³ Na ol i tok, ''Mipela ol wokman bilong yu, mipela 12-pela brata, ol pikinini man bilong wanpela man tasol long ples Kenan. Lukim, yangpela pikinini man stret i stap wantaim papa long haus nau na narapela brata i no stap laip moa.'' ¹⁴ Josep i tokim ol olsem, ''Em i olsem mi bin tokim yupela pinis, yupela ol man bilong lukstil! ¹⁵ Long dispela tasol na bai mi traim yupela. Long ai na strong bilong Fero, yupela i no inap lusim dispela ples, inap liklik brata bilong yupela i kam long hia. ¹⁶ Salim wanpela bilong yupela yet i go na em bai i go kisim liklik brata bilong yupela i kam. Yupela bai i stap insait long haus kalabus, na bai mipela i traim toktok long yupela, i gat tok tru i stap insait long yupela o nogat.'' ¹⁷ Em i putim olgeta insait long kalabus inap long tri pela dei. ¹⁸ Josep i tokim ol long dei namba 3 olsem, ''Wokim dispela na bai yupela i stap laip, long wanem, mi save pretim God. ¹⁹ Sapos yupela i man bilong tok tru, larim wanpela brata bilong yupela i stap insait long kalabus, na yupela ol narapela i go, karim kaikai bilong dispela bikpela hangre i go long ol haus bilong yupela. ²⁰ Kisim liklik brata bilong yupela i kam long mi na dispela bai i mekim toktok bilong yupela i kamap tru na yupela i no inap dai." Olsem na ol i mekim olsem. ²¹ Na ol i toktok namel long ol yet olsem, ''Asua bilong yumi tasol em holim yumi nau, taim brata bilong yumi krai na wari nogut long laip bilong en na krai long yumi na yumi no bin harim. Long dispela as tasol nau dispela bagarap i kamap long yumi." ²² Na Ruben i bekim tok bilong ol olsem, "Ating mi ino bin tokim yupela a? 'Noken mekim pasin nogut long dispela boi.' Tasol yupela i no bin harim. Nau, lukim, blut bilong em i bringim bagarap kam long yumi." ²³ Ol i no bin save olsem Josep i save long wanem toktok ol i mekim, long wanem, wanpela man bilong tanim tok i bin stap namel long ol. ²⁴ Em i givim baksait long ol na krai. Na bihain em tanim na toktok wantaim ol. Em i kisim Simion namel long ol na putim em long kalabus long ai bilong ol. ²⁵ Orait, Josep i givim tok long ol wokman bilong en long pulimapim ol bek bilong ol brata bilong en wantaim kaikai, na putim mani bilong wanwan man i go bek long bek bilong ol na givim ol kaikai na ol samting bai inapim wokabaut bilong ol i go bek long ples bilong ol. Na ol wokman i bin mekim olsem long ol. ²⁶ Ol brata i pulimapim ol kaikai bilong ol antap long ol donki bilong ol na lusim dispela ples. ²⁷ Na taim wanpela bilong ol i opim bek bilong en long givim kaikai long donki bilong en long ples ol i slip, em i lukim mani bilong en. Em i kirap nogut long lukim mani i stap long maus bilong bek. ²⁸ Na em i tokim ol brata bilong em olsem, "Ol i bin putim mani bilong mi long bek. Lukim, em i stap insait long bek bilong mi."' Bel bilong ol i pulap wantaim hevi na ol i pret nogut tru na ol i tok, "Em wanem kain samting tru God i wokim long yumi?" ²⁹ Ol i go bek long Jekop, papa bilong ol long ples Kenan na tokim em olgeta samting i bin kamap long ol. Ol i tok, ³⁰ "Dispela man, em bikman bilong dispela ples, i bin toktok strong tru long mipela na i ting olsem mipela man bilong lukstil long hap. ³¹ Na mipela i tokim em olsem, 'Mipela man bilong tok tru. Mipela i no lukstil man. ³² Mipela 12-pela brata, ol pikinini man bilong papa bilong mipela. Wanpela i no i stap laip moa, na liklik brata em i stap wantaim papa bilong mipela long ples Kenan.' ³³ Dispela man, bikman bilong dispela hap, i tokim mipela olsem, 'Long dispela pasin mi bai save olsem yupela i no man bilong giaman. Lusim wanpela brata bilong yupela wantaim mi, kisim kaikai bilong dispela bikpela hangre i go long haus bilong yupela, na go long rot bilong yupela. ³⁴ Kisim liklik brata bilong yupela i kam long mi, na bai mi save olsem yupela i no man bilong lukstil, tasol yupela i stretpela man. Na bai mi rausim brata bilong yupela i kam long yupela, na bai yupela baim ol samting long dispela ples.'" ³⁵ Taim ol man i rausim olgeta kaikai long bek bilong ol, ol i lukim olsem olgeta bek silva bilong olgeta man i bin i stap long bek bilong ol. Taim ol wantaim papa bilong ol i lukim bek silva bilong ol, ol i pret. ³⁶ Papa bilong ol Jekop i tokim ol olsem, "Yupela i bagarapim tingting bilong mi long pikinini bilong mi. Josep i no stap laip moa, Simion i go pinis, na bai yupela i kisim Benjamin i go. Olgeta dispela samting i no kamap gut long tingting bilong mi." ³⁷ Ruben i toktok long papa bilong em olsem, "Yu ken kilim tupela pikinini man bilong mi sapos mi no kisim Benjamin kam bek long yu. Lusim em long han bilong mi na bai mi kisim em i kam bek long yu gen." ³⁸ Na Jekop i tok, "Pikinini man bilong mi bai i no inap long go daun wantaim yupela. Long wanem, brata bilong em i bin dai pinis na em wanpela tasol i stap. Sapos bagarap i painim em long rot taim yupela i go, yupela bai mekim mi lapun hariap na dai wantaim bikpela wari wantaim i go long ples bilong ol man i dai pinis."

¹ Bikpela hangre i kamap long ples graun. ² Em i kamap taim ol i kaikai na pinisim dispela wit ol i karim i kam long Isip, papa bilong ol i tokim ol, "Go bek gen na baim sampela moa kaikai." ³ Juda i tokim em, "Man ya i tok lukaut long mipela, 'Yupela i no inap lukim pes bilong mi sapos brata bilong yu em i no stap wantaim yu. ⁴ Sapos yu salim brata bilong mipela i kam wantaim mipela, mipela bai i go daun na baim kaikai. ⁵ Tasol sapos yu no salim em, mipela i no inap i go. Long wanem, man i lukautim stoa haus bilong wit i toktok long mipela olsem, "Yupela no inap lukim pes bilong mi inap brata bilong yupela em i stap wantaim yupela.'' ⁶ Israel i tok, "Long wanem yu mekim nogut long mi olsem, yu i gat narapela brata?" ⁷ Ol i tok, "Dispela man i askim mipela long save long femili bilong mipela. Em i tok, papa bilong yupela em i stap laip yet? Yupela i gat narapela brata tu? Mipela bekim em, long wanem, em i askim mipela. Bai mipela save olsem wanem em i tok long kisim brata bilong yupela i kam daun long mi. ⁸ Juda i tokim papa bilong em, "Salim dispela boi i go wantaim mi. Mipela bai kirap na go na bai yumi i no inap i dai, mitupela wantaim na yu na wantaim ol pikinini bilong mipela. ⁹ Mi bai kisim dispela hevi bilong brata bilong mi. Sapos mi no kisim em i kam bek, mi bai karim dispela olgeta hevi oltaim. ¹⁰ Sapos mipela i no i bin isi isi orait nau bai mipela inap kam bek namba tu taim." ¹¹ Nau papa bilong ol Israil i tokim ol, "Sapos em olsem, olrait nau mekim olsem. Kisim sampela gutpela kaikai bilong graun long bek. Karim i go daun long dispela man olsem present: sampela balm na hani, spais na mayrh na armon. ¹² Kisim dabol mani wantaim long han. Dispela mani yu i kisim i kam long bek bilong yu, yu karim i kam ken long han. Ating em i mas asua. ¹³ Kisim brata bilong yu wantaim, nau kirap i go gen long dispela man. ¹⁴ Orait larim God Antap Tru bai i go pas na i givim yu bel isi na marimari long ai bilong dispela man, olsem na em bai i lusim narapela brata bilong yu wantaim Benjamin. Sapos mi i lusim pikinini bilong mi, larim mi stap long wari na dai long pikinini bilong mi." ¹⁵ Ol man i kisim dispela presen long han bilong ol, ol i holim dabol mani na kisim Benjamin tu wantaim. Ol i kirap na go daun long Isip na i sanap long ai bilong Josep. ¹⁶ Taim Josep i lukim Benjamin wantaim ol, em i tokim wasman bilong haus bilong em, "Kisim ol igo insait long haus, kilim wanpela abus na redim, ol dispela lain man bai i kaikai wantain mi long belo." ¹⁷ Wasman bilong haus i mekim olsem Josep i tok. Em i kisim ol man i go long haus bilong Josep. ¹⁸ Ol man i pret long wanem ol i kisim ol i go long haus bilong Josep. Ol i tok, "Ating long namba wan taim mani i bin kam bek stap insait long bilum bilong mipela long namba wan taim nau ol i kisim mipela i go insait, we em bai i painim sampela rong long bagarapim mipela. Em bai i holim mipela na kisim mipela olsem wokboi na i kisim ol donki bilong mipela. ¹⁹ "Ol i go long wasman bilong haus bilong Josep. Na ol i toktok long em long dua bilong haus, ²⁰ ol i tok, "Masta, mipela i kam hia namba wan taim long baim kaikai. ²¹ Em i kamap olsem, taim mipela i kamap long ples bilong kisim kaikai, mipela opim bilum bilong mipela na olgeta mani bilong ol man i stap insait long bilum bilong ol, bilum mani bilong mipela hevi. Mipela i kisim i kam bek wantaim han bilong mipela long baim kaikai. ²² Narapela mani tu mipela i kisim i kam. Mipela i no save husait i putim dispela mani insait long bilum bilong mipela. ²³ "Wokboi i tok, bel isi i stap wantaim yupela, yupela i noken pret. God bilong yupela na God bilong papa bilong yupela i mas putim dispela mani long bilum bilong yupela. Mi kisim mani bilong yupela. "Na wokboi i kisim Simion i kam autsait long ol. ²⁴ Wokboi i kisim ol man i go insait long haus bilong Josep. Em i givim ol wara, na ol wasim lek bilong ol. Em i givim kaikai long ol donki bilong ol. ²⁵ Ol i redim ol presen bilong givim Josep i bai kam long belo, na ol i harim olsem ol bai kaikai wantaim em. ²⁶ Taim Josep i kam long haus, ol i kisim presen we i stap long han na i go insait long haus na ol i brukim skru i go daun long graun long Josep. ²⁷ Em i askim ol long sindaun bilong ol, "Papa bilong yupela i stap orait, dispela lapun man yupela i toktok long en? Em i stap laip o?" ²⁸ Ol i tok, "Wokboi, papa bilong mipela em i stap orait. Em i stap laip yet." Ol i go daun long graun na i brukim skru. ²⁹ Taim em apim ai em i lukim Benjamin brata bilong em, pikinini bilong mama bilong em na em i tok, "Em tasol dispela liklik brata bilong yupela i tokim mi long em?" Em i tok, "God bai marimari long yu, pikinini bilong mi." ³⁰ Hariap tasol Josep i go autsait long rum, long wanem em i wari tumas long brata bilong em. Em i painim ples long krai. Em i go long rum bilong em na krai long hap. ³¹ Em i wasim pes bilong em na i kam aut. Em was long em yet, na i tok, "Skelim kaikai." ³² Nau ol wokboi i skelim kaikai bilong Josep long em yet bai i kaikai na ol brata bilong em long ol yet. Ol Isip i kaikai wantaim em long ol yet long wanem, ol Isip i no save kaikai wantaim ol Hibru we dispela em i no gutpela long Isip. ³³ Ol brata i sindaun wantaim em, ol brata i sindaun long lain namba wan brata i go long liklik brata. Ol man ol i kirap nogut long ol i sindaun olsem. ³⁴ Josep i salim hap kaikai long ol kaikai i stap bipo long em i go long brata bilong em. Tasol bilong Benjamin em 5-pela taim moa long ol brata bilong em. Ol dring na kaikai bred na amamas wantaim em.

¹ Josep i tokim man i lukautim haus bilong em olsem " Pulmapim ol bek bilong ol man wantaim ol kaikai na pulumapim planti tru inap long ol i ken karim na putim olgeta mani bilong ol man i go bek na larim maus bilong bek i op. ² Putim silva kap bilong mi long maus bilong bek bilong yangpela boi na mani bilong baim wit." Na man i lukautim haus bilong Josep i mekim olsem Josep i tok . ³ Na moning i kamap na ol i salim ol man i go wantaim ol donki bilong ol. ⁴ Na taim ol i go aut long biktaun na ol i no igo longwe yet, Josep i tokim man i lukautim haus bilong en olsem, "Kirap, igo bihainim ol man na taim yu abrusim ol na tokim ol olsem, "bilong wanem yupela i mekim pasin nogut long gutpela pasin? ⁵ Ating i no dispela kap, bosman bilong mi i save dring long en,? Na kap we em i save mekim pasin bilong tokaut long samting bai kamap bihain na kisim save long en? Yu mekim pasin nogut long dispela samting yu mekim.''' ⁶ Man i lukautim haus bilongn Josep i abrusim ol na em i mekim dispela toktok long ol. ⁷ Ol i tokim em, "Bilong wanem na bosman bilong mipela i mekim dispela kain toktok? olsem na ol wokman imas stap longwe long wanem ol bai mekim dispela kain samting. ⁸ Lukim, mani mipela i painim long ol bek bilong mipela i op long en. Mipela i bringim kam bek gen long hap graun bilong kenan, Bilong wanem gen bai mipela i stil long haus bilong bikman bilong mipela, silva na gol? ⁹ Long husait wokboi bilong yupela mipela i painim aut, larim em i dai na mipela tu i ken kamap wokboi nating bilong bikman bilong mipela. ¹⁰ MAn i lukautim haus bilong Josep i tok. Na larim em i kamap olsem tok yupela yet i tok long en. Long husait mi painim kap long em, em bai kamap wokboi bilong mi na yupela ol narapela bai i no gat asua. ¹¹ Olsem na wanwan man i hariap na putim bek bilong ol i go daun long graun na ol wanwan man i opim bek bilong ol. ¹² Na man i lukautim haus bilong Josep i sekim. Em i stat long bek bilong bikpela brata bilong ol na pinisim wantaim las brata bilong ol na kap em i painim long bek bilong Bensamin. ¹³ Na ol i brukim klos bilong ol. Wanwan man i putim olgeta kago bilong ol antap long donki na go bek long biktaun. ¹⁴ Juda na olgeta brata bilong em i kam long haus bilong Josep. Em i stap yet na ol i daunim het bilong ol i go daun long graun. ¹⁵ Josep i tokim long ol," Em wanem samting yupela i mekim? Yupela i no save olsem kain man olsem mi, save wokim pasin bilong lukluk long wanem samting bai kamap bihain? ¹⁶ Juda i tok," Bai mipela i tok wanem long bosman bilong mipela? Bai mipela tok wanem gen? Bai mipela tok nogat olsem wanem? God i painim aut olpela pasin nogut bilong mipela ol wokboi bilong yu. Lukim, mipela wokboi nating bilong bikman, mipela na em husait ol i painim kap long han bilong em. ¹⁷ Josep i tok." Longwe tru long mi bai mi mekim dispela. Long han bilong husait man dispela kap ol i painim. Dispela man bai kamap wokboi bilong mi. Tasol yupela ol narapela. Yupela i ken go wantaim bel isi na i go long papa bilong yupela. ¹⁸ Na Juda i kam klostu long em na i tok," Bosman bilong mi larim wokboi bilong yu i mekim wanpela tok long yau bilong yu. Na yu noken larim belhat bilong yu i kamap olsem paia long wokboi bilong yu. Yu wankain olsem Fero. ¹⁹ Bosman bilong mi yu askim ol wokboi bilong yu, olsem," 'Yupela gat papa na brata i stap?' ²⁰ Mipela i toktok long bosman bilong mipela," Mipela i gat papa, em i lapun man, na pikinini em i karim long lapun taim bilong en, liklik pikinini tru. Tasol brata bilong en i dai pinis. Na em wanpela tasol istap wantaim mama bilong en. Na papa bilong em i laikim em tumas. ²¹ Na yu tokim ol wokboi bilong yu 'Kisim em i kam daun long mi na mi bai lukim em.' ²² Bihain long dispela, mipela i toktok long bosman bilong mi. 'Dispela pikinini i no inap lusim papa bilong em. Sapos em i lusim papa bilong em papa bilong em bai i dai.' ²³ Na yu tokim ol wokboi bilong yu,'Sapos yangpela brata bilong yupela ino kam daun wantaim yupela, bai yupela i no inap lukim pes bilong mi gen.' ²⁴ Taim mipela i go long wokboi bilong yu, em papa bilong mipela, orait, mipela tokim em long ol toktok bilong bosman bilong mipela. ²⁵ Na papa bilong mipela i tok, 'Go bek gen na baim sampela kaikai bilong mipela.' ²⁶ Na mipela i tok, 'Bai mipela i no inap go daun. Sapos yangpela brata bilong mipela istap wantaim mipela, bai mipela i go daun, bilong wanem mipela i no inap lukim pes bilong dispela man inap yangpela brata bilong mipela istap wantaim mipela.' ²⁷ Papa bilong mi em wokboi bilong yu i tokim mipela, 'Yupela i save olsem meri bilong mi i karim tupela pikinini man tasol. ²⁸ Wanpela bilong ol i lusim mi na mi tok tru, "Wel abus i brukim em i go liklik pinis, na mi no bin lukim em i kam inap nau." ²⁹ Na sapos yupela i kisim dispela pikinini tu long mi na birua i kamap long em, bai yupela i bringim wait gras bilong mi igo daun aninit long graun. ³⁰ Olsem na taim mi kam long wokboi bilong yu, em papa bilong mi na sapos yangpela pikinini i no istap wantaim mipela, em olsem laip bilong dispela yangpela pikinini i pas wantaim em, ³¹ na taim em i lukim olsem yangpela pikinin i no istap wantaim mipela, em bai i dai. Mi wokboi bilong yu bai bringim wait gras bilong papa bilong mipela, em wokboi bilong yu na bai i go wantaim wari long ples aninit long graun ³² Long wanem mipela wokboi bilong yu i mekim promis long dispela pikinini long papa bilong mipela na i tok, 'Sapos mi no kisim pikinini i kam bek long yu orait, mi bai karim dispela asua oltaim. ³³ Nau larim mi wokboi bilong yu i kisim ples bilong pikinini na mi istap olsem wokboi nating bilong yu na larim yangpela pikinini iken igo wantaim ol brata bilong em. ³⁴ Bai mi go olsem wanem long papa bilong mi, sapos yangpela pikinini i no kam wantaim mi? Mi pret tru long lukim samting nogut bai kamap long papa bilong mi.

¹ Nau Josep i no inap bosim em yet gut long ai bilong ol wokboi husait i sanap wantaim em. Em i singaut bikpela, "Olgeta i mas lusim mi," Olsem na i no gat wanpela wokboi i stap klostu long em taim em i tok klia long ol brata bilong em. ² Em i krai bikmaus na olgeta Isip i harim na ol lain istap long haus bilong Fero tu i harim. ³ Josep i tokim ol brata bilong em. "Mi Josep brata bilong yupela." Papa bilong mi em i stap laip yet?" Ol brata i no bekim wanpela tok long en, long wanem, ol i paul long em. ⁴ Nau Josep i tokim ol brata bilong em," Kam klostu long mi na ol i kam klostu long em na em i tok, Mi Josep brata bilong yupela em yupela i bin salim long ol Isip. ⁵ Yupela i noken belhat o belhevi long yupela yet, long yupela i bin salim mi long hia, em God yet i salim mi kam pas long mi ken helpim yupela. ⁶ Insait long tupela yia bai i gat bikpela hangre bai i kamap na tu long faifpela yia bai ol manmeri ino inap wokim gaden na ino inap kisim gutpelal kaikai. ⁷ God i salim mi kam pas long lukautim yupela long dispela graun na long mekim yupela bai istap laip long ol bikpela kaikai igo long lukautim yupela long dispela bikpela bagarap bai i kamap. ⁸ Olsem na yupela i no salim mi kam, tasol Bikpela yet i salim mi kam. Na em i mekim mi i kamap olsem papa bilong Fero na mi bosim olgeta samting i stap insait long haus bilong em na tu mi lukautim olgeta graun bilong ol Isip. ⁹ Hariap na i go long papa bilong mi na tokim em, 'Dispela em pikinini bilong yu Josep i tok olsem, "God i makim mi kamap bosman bilong olgeta lain Isip. Em i mas kam long mi hariap noken isi isi. ¹⁰ Yu bai i stap long graun bilong Gosen, na yu bai istap klostu long mi, Yu na ol pikinini bilong yu na ol pikinini bilong ol pikinini tu. Ol animol bilong ol na olgeta samting yu i gat. ¹¹ Mi bai lukautim yupela long dispela hap, insait long faifpela yia moa bikpela hangre bai i kamap. olsem na yupela bai i no inap hangre, Yu wantaim haus bilong yu na olgeta samting yu i gat."' ¹² Lukim; ai bilong yupela i lukim mi, na long ai bilong brata bilong mi Benjamin, dispela em i maus bilong mi i toktok long yupela. ¹³ Yupela i mas tokim papa bilong mi long olgeta biknem mi i gat long Isip em yupela yet i kam lukim. Yupela i mas hariap long kisim papa bilong mi i kam daun long hia." ¹⁴ Em i holim pas brata bilong em Benjamin long nek bilong em na i krai, na Benjamin tu i krai antap long nek bilong em wantaim em. ¹⁵ Em i amamas long olgeta brata na krai long ol. Bihain long dispela ol brata i toktok gut wantaim en. ¹⁶ Dispela stori i olsem, "ol brata bilong Josep i kam," Fero na ol lain bilong em i harim. Dispela i mekim Fero wantaim ol wokboi bilong em i amamas tru. ¹⁷ Fero i tokim Josep, "Tokim ol brata bilong yu, 'Mekim olsem, kisim olgeta animol bilong yupela na go long ples Kenan. ¹⁸ Kisim papa bilong yu wantaim olgeta samting bilong en na kam long hia. Na bai mi givim yu gutpela graun long ples Isip na bai yu kisim ol gutpela kaikai long dispela graun. ¹⁹ Nau yu kisim tok orait, long mekim dispela, kisim wilkar i go aut long graun bilong Isip bilong kisim ol pikinini na bilong ol meri bilong yupela. Na kisim papa bilong yupela tu na kam. ²⁰ Noken tingting planti long ol samting bilong yu, long gutpela bilong olgeta graun long Isip em i bilong yu. ²¹ Ol pikinini bilong Israel i mekim olsem, Josep i givim ol wil kar, wantaim tok orait bilong Fero na i givim ol. ²² I go long olgeta bilong ol em i givim wanwan man senis klos bilong ol, tasol long Bensamin em givim en 300 hap silva na faifpela senis klos. ²³ Bilong papa bilong en em salim tenpela donki pulap wantaim olgeta gutpela samting bilong ol Isip na tenpela donki meri pulap wantaim wit, bred na tu ol arapela samting bilong papa bai wokabaut. ²⁴ Olsem na em i salim ol brata bilong em i go na ol i wokabaut. Na em i tokim ol, "Lukim" olsem yupela ino ken kros long rot taim yupela i wokabaut yet. ²⁵ Ol lusim ples Isip na kamap long graun Kenan, long Jekop papa bilong ol. ²⁶ Ol tokim em, "Josep em i stap laip yet na em i bosim olgeta samting long ples Isip. Em i kirap nogut na em ino bilip long wanem tok ol i tokim em. ²⁷ Ol i tokim em wanem toktok Josep i bin tokim ol long en. Taim Jekop i lukim ol wilkar Josep i salim i kam long kisim em, tingting bilong Jekop i kam bek. ²⁸ Jekop i tok, em i pinis, Josep pikinini bilong mi em i stap laip yet. Mi go lukim em pastaim bihain mi dai.

¹ Jekop i kirap na kisim meri pikinini wantaim olgeta kago bilong en na ol i wokabaut i go long Beseba. Long dispela hap Jekop i mekim ofa long God bilong papa bilong em Aisak. ² Long nait Bikpela i singautim Jekop long driman na tok, ''Jekop, Jekop." Na Jekop i bekim na tok, "Mi stap hia." ³ Bikpela i tokim em, "Mi God, dispela God bilong papa bilong yu. Noken pret long go long Isip, long dispela ples bai mi mekim yu kamap bikpela lain manmeri tru. ⁴ Bai mi go daun wantaim yu long Isip na mi Bikpela bai kisim yu go bek gen na pikinini man bilong yu Josep bai pasim ai bilong yu long han bilong em yet." ⁵ Jekop i kirap lusim Beseba. Ol pikinini man bilong em ol i putim Jekop papa bilong ol wantaim mama na ol pikinini bilong ol long dispela karis Fero i bin salim kam. ⁶ Ol i kisim olgeta bulmakau na karim olgeta kago bilong ol i stap dispela ples Kenan. Ol i kam long ples Isip, Jekop wantaim olgeta tumbuna lain bilong em. ⁷ Em i kam long Isip wantaim ol pikinini man bilong em na ol pikinini man bilong pikinini man bilong em, ol pikinini meri bilong em na ol pikinini man bilong pikinini meri bilong em na olgeta tumbuna bilong em. ⁸ Dispela em ol nem bilong ol pikinini bilong Israel husait ol i kam long Isip. Jekop na ol pikinini man bilong em. Nem bilong ol i olsem, Ruben namba wan pikinini man bilong Jekop, ⁹ na ol pikinini man bilong Ruben em, Hanok na Palu na Hesron na Kami, ¹⁰ na ol pikinini man bilong Simion nem bilong ol em, Jemuel, Jamin, Ohad, Jakin na Joha na Saul piknini man bilong wanpela meri Kenan. ¹¹ Ol pikinini man bilong Livai em Geson, Koat na Merari. ¹² Ol piknini man bilong Juda em Er, Onan, Sela, Peres na Sera. Tasol Er na Onan tupela i bin dai long ples Kenan. Na ol pikinini bilong Peres i olsem, Hesron na Hamul. ¹³ Ol pikinini man bilong Isaka em, Tola, Puva, Lob na Simron. ¹⁴ Ol pikinini man bilong Sebulun i em, Seret, Elon na Jalel. ¹⁵ Dispela em ol pikinini man bilong Lea em bin karim long Jekop taim ol i stap yet long ples Padan Aram, wantaim wanpela pikinini meri nem bilong em Dina. Namba ol pikinini man na pikinini meri bilong em i kamap olsem 33 manmeri olgeta. ¹⁶ Ol pikinini man bilong Gad i olsem, Sifon, Hagi, Suni, Esbon, Eri, Arodi na Areli. ¹⁷ Ol pikinini man bilong Asa em Imna, Isva, Isvi na Beria. Sera em wanpela susa bilong ol. Na ol pikinini man bilong Beria em i olsem Heber na Malkiel. ¹⁸ Dispela em ol pikinini man bilong Silpa, em Laban i bin givim long Lea, pikinini meri bilong en. Olgeta pikinini em karim long Jekop namba i stap olsem 16-pela olgeta. ¹⁹ Ol pikinini man bilong meri bilong Jekop Resel, em Josep na Bensamin. ²⁰ Long Isip Josep i karim Efraim na Manase long Asenat pikinini meri bilong Potipera wanpela pris bilong taun On. ²¹ Ol pikinini man bilong Bensamin em i olsem Bela, Beker, Ashbel, Gera, Naman, Eli, Ros, Mupim, Hupim na At. ²² Dispela em ol pikinini man bilong Resel husait em i karim long Jekop, em ol 14-pela olgeta. ²³ Na pikinini man bilong Dan em Husim. ²⁴ Na ol pikinini man bilong Naptali em Jasel, Guni, Jeser na Silem. ²⁵ Dispela ol pikinini man Jekop i karim long Bila, em Laban i bin givim i go long pikinini meri bilong em Resel, em 7-pela olgeta. ²⁶ Olgeta husait i bin go wantaim Jekop long Isip em ol tubuna bilong em tasol ol i no bin kauntim ol meri bilong ol piknini man bilong Jekop, ol i olsem 60-pela olgeta. ²⁷ Wantaim tupela pikinini man bilong Josep i bin kamap long Isip, olgeta lain famili bilong Jekop i bin i go long Isip em namba bilong ol 70-pela olgeta. ²⁸ Jekop i salim Juda i go pas long em na bugimn Josep na soim em rot i go long Gosen na ol i kamap long ples Gosen. ²⁹ Josep i redim karis na i go antap long bungim papa bilong em Israel long Gosen. Taim Josep i lukim em, em holimpasim nek bilong papa bilong em na em i krai longpela taim tru long nek bilong em. ³⁰ Israel i tokim Josep olsem, "Nau mi lukim pes bilong yu pinis na mi save olsem yu stap laip, olsem na larim mi dai long ai bilong yu." ³¹ Josep i tokim ol brata bilong em yet na olgeta hauslain bilong papa bilong em, "Mi bai go tokim Fero olsem, ol brata bilong mi na ol hauslain bilong papa bilong mi husait ol i bin stap long graun Kenan, ol i kam pinis long mi. ³² Ol dispela lain man bilong lukautim sipsip. Ol i save lukautim ol sipsip na ol bulumakau. Ol i kam wantaim ol sipsip, ol kau na olgeta samting bilong ol.' ³³ Sapos king i singautim yupela na askim yupela, 'Wanem kain wok yupela i save mekim?' ³⁴ Yupela i mas tok, mipela ol wokman bilong yu i save lukautim ol bulmakau na sipsip taim mipla i bin liklik yet i kam inap nau olsem ol papa bilong mipela i save mekim bipo. Mekim dispela kain tok na em bai larim yupela i sindaun long dispela graun Gosen, long wanem ol man bilong Isip i no save laikim ol man bilong lukautim ol sipsip."

¹ Nau Josep i go insait na tokim Fero, "Papa bilong mi na ol brata bilong mi wantaim ol animol na ol samting bilong ol i kam kamap long graun bilong Kenan. Lukim, nau ol i stap long ples Gosen." ² Josep i kisim faiv pela brata bilong em na i soim ol long Fero. ³ Fero i askim ol brata bilong Josep, "Yupela i save mekim wanem kain wok?" Ol brata bilong Josep i tokim Fero olsem, "Mipela i wokman bilong yu na mipela i save lukautim sipsip olsem tumbuna lain bilong mipela." ⁴ Nau ol i tokim Fero, "Mipela i no kam long i stap olgeta long dispela ples. Long ples Kenan i nogat gutpela gras bilong ol animol long kaikai, long wanem i nogat ren na ples i drai olgeta. Olsem na nau mipela i askim yu inap yu larim ol wokman bilong yu i stap long ples Gosen. ⁵ Nau Fero i tokim Josep olsem, "Papa bilong yu na ol lain brata bilong yu ol i kam long yu. ⁶ Graun bilong Isip i stap long han bilong yu, sretim papa bilong yu na ol lain brata bilong yu long sindaun long gutpela hap graun bilong Gosen. Na sapos yu lukim sampela strongpela man namel long ol, orait makim ol long lukautim animol bilong mi." ⁷ Nau Josep i kisim papa bilong em Jekop i kam long Fero na Jekop i blesim Fero. ⁸ Fero i askim Jekop, "Yu istap amas krismas long dispela graun?" ⁹ Jekop i bekim tok bilong Fero, " Krismas mi stap na raun em i 130 yia tasol na mi bungim planti hevi tumas long laip bilong mi. Mi no istap longpela taim olsem ol lain papa bilong mi." ¹⁰ Nau Jekop i blesim Fero na em i go autsait long ai bilong em. ¹¹ Nau Josep stretim sindaun bilong papa na brata bilong em. Em i givim ol gutpela hap graun long Isip long liklik ples Rameses, olsem Fero i tokim em long wokim long en. ¹² Josep i givim kaikai long papa bilong em na olgeta brata bilong em wantaim olgeta femili bilong ol, em i bihainim hamas namba insait long wanwan famili. ¹³ Nau i nogat kaikai long olgeta hap ples graun bilong wanem kaikai i sot tru na hangre i go bikpela moa yet. Nogat strong bilong ol lain Isip na Kenan wantaim ol animol bilong ol. Graun bilong Isip na Kenan i no inap moa long givim kaikai olsem na hangre i kamap bikpela tru. ¹⁴ Josep i kisim na bungim olgeta mani istap insait long graun bilong Isip na Kenan, taim em i salim wit igo long olgeta manmeri istap long dispela hap. Na em i kisim olgeta mani i go long haus bilong Fero. ¹⁵ Taim olgeta mani bilong Isip na Kenan i pinis olgeta, ol i kam bek long Josep na ol i tokim em, "Givim mipela kaikai,! Bilong wanem bai mipela dai long ai bilong yu, long wanem olgeta mani bilong mipela i pinis?" ¹⁶ Josep i tok, "Sapos mani bilong yupela i pinis orait kisim ol animol bilong yupela i kam givim long mi na bai mi givim yupela kaikai." ¹⁷ Nau ol i kisim ol animol bilong ol i kam long Josep. Josep i senisim kaikai wantaim ol taim ol i givim ol hos, sipsip na meme na ol donki bilong ol. Josep i givim ol bret long ol, taim ol i kisim animol bilong ol i kam givim em olsem senis bilong bret insait long wanpela yia olgeta. ¹⁸ Taim dispela yia i pinis, ol i kam bek long em long narapela yia bihain na i tok, "Mipela bai no inap haitim long yu bosman bilong mipela olsem mani bilong mipela i pinis na olgeta animol bilong mipela em i bilong yu bosman. Nau i nogat wanpela samting moa istap inap hait long ai bilong yu, bodi na graun bilong mipela tasol istap. ¹⁹ Mipela bai no inap dai long ai bilong yu wantaim graun bilong mipela. Yu bai baim mipela na graun bilong mipela wantaim kaikai na bai mipela kamap wokboi bilong Fero. Givim mipela sid bilong plainim na bai mipela i stap laip na bai mipela ino inap dai na graun bilong mipela bai istap yet na ol narapela man ino inap kisim." ²⁰ Josep i baim olgeta graun bilong ol Isip na givim long Fero. Olgeta lain bilong Isip i salim graun bilong ol, long wanem bikpela hangre i kamap. Long dispela rot Fero kisim olgeta graun. ²¹ Nau long ol manmeri em i mekim olgeta i kamap wok manmeri bilong em long wanpela hap bilong Isip i go long narapela hap. ²² Ol graun bilong ol pris tasol Josep i no baim, long wanem ol pris i tok orait long ol. Ol i kaikai long hap skel Fero i givim long ol. Olsem na ol i no salim graun bilong ol. ²³ Nau Josep i tok long ol manmeri, "Lukim, nau mi baim pinis yupela na graun bilong yupela nau em bilong Fero. Nau hia em sid mi givim long yupela, na yupela bai planim long dispela graun. ²⁴ Na long taim kaikai i redi bai yupela givim wanpela hap bilong faiv hap long Fero na foa pela hap bai yupela yet kisim. Dispela foa pela hap bai i kamap sid bilong gaden i kamap kaikai bilong femili na ol pikinini bilong yupela. ²⁵ Ol i tok, "Yu helpim laip bilong mipela, na mipela i ken painim gutpela samting long ai bilong yu. Olsem na bai mipela i kamap wokman bilong Fero." ²⁶ Nau Josep i mekim dispela i kamap lo bilong givim wanpela faiv hap kaikai long Fero i kamap strong long Isip long dispela de ikam inap long nau, olsem wanpela faiv hap em bilong Fero. Ol graun bilong ol pris tasol Fero i no makim i kamap bilong em. ²⁷ Nau Isrel i stap long Isip long graun bilong ol Gosen. Ol lain bilong em i kamapim ol samting bilong ol yet na ol i karim pikinini na kamap planti tru. ²⁸ Jekop i stap long graun bilong ol Isip inap 17 yia, dispela i mekim krismas bilong Jekop i kamap olsem 147 yia olgeta long dispela graun. ²⁹ Taim bilong Isrel long i dai i kam klostu na em i singautim pikinini man bilong em Josep i kam long em na i tokim em, "Sapos nau mi luk orait long ai bilong yu, orait yu putim han bilong yu aninit long lek tais bilong mi na soim mi bel tru bilong yu na tok tru bilong yu. Plis noken putim mi long graun bilong ol Isip. ³⁰ Taim mi slip yu mas kisim mi igo aut long Isip na putim mi long matmat bilong ol papa lain bilong mi na bai mi i slip wantaim ol." Josep i bekim tok bilong Isrel, "Bai mi bihainim wanem tok yu tokim mi." ³¹ Isrel i tok, "Yu i mas tok tru long mi" na Josep i wanbel long tok bilong Isrel. Nau Isrel putim het bilong em i go daun long bet bilong em.

¹ Bihain long ol dispela samting, wanpela i tokim Josep, ''Lukim, papa bilong yu em i sik.'' Na em i kisim tupela pikinini man bilong em, Efraim na Manase. ² Taim Jekop i harim, ''Lukim, pikinini man bilong yu Josep i kam pinis long lukim yu,'' Israel i kisim strong na em i kirap na sindaun long bet bilong en. ³ Jekop i tokim Josep, ''God i Gat Olgeta Strong i kamap long mi long Luz long graun Kenan. Em i blesim mi ⁴ na tokim mi, 'Harim, mi bai mekim yu kamap planti, na pulimapim dispela graun. Na mi bai makim yu i kamap papa bilong planti kantri. Mi bai givim dispela graun long yu olsem samting bilong oltaim oltaim.' ⁵ Nau tupela pikinini man, bilong yu i bin kamap ples Isip bihain long mi bin kam long yupela long Isip, olgeta i bilong mi. Efraim na Manase ol bilong mi, wankain tasol Ruben na Simion ol bilong mi tu. ⁶ Ol pikinini i kamap bihain long ol, ol bilong yu, nem bilong ol bai i stap aninit long brata bilong ol na ol bai i kisim ol samting bilong ol. ⁷ Tasol long mi, taim mi kam long Padan, mi bin wari tru long Resel taim em i dai long Kenan namel long rot, we longpela rot i stap yet long i go long Efrat. Mi planim em long rot i go long Efrat'' [em i Betlehem]. ⁸ Taim Israel i lukim ol pikinini man bilong Josep, em i tok, ''Em ol pikinini bilong husait? ⁹ Josep i tokim papa bilong em olsem, ''Em ol pikinini man bilong mi God i givim mi long hia,'' Israel i tok, ''Kisim ol i kam long mi, na mi bai blesim ol.'' ¹⁰ Nau ai bilong Israel i bagarap, long wanem, em i lapun pinis, na em i no inap long lukluk gen. Olsem na Josep i kisim ol i go klostu long en, na em i kis long ol na holim pasim ol. ¹¹ Israel i tokim Josep, ''Mi no ting mi bai lukim pes bilong yu gen, tasol God i larim mi lukim ol pikinini bilong yu.'' ¹² Josep i kisim ol i kam autsait namel long skru bilong Israel, na em i brukim skru wantaim pes bilong em i go daun long graun. ¹³ Josep i kisim tupela wantaim, Efraim long han sut bilong en na putim long han kais bilong Israel, na Manase long han kais bilong en na putim long han sut bilong Israel, na kisim ol i go klostu long en. ¹⁴ Na Israel i hapim han sut bilong en na putim antap long het bilong Efraim, husait em i yangpela na han kais bilong em antap long het bilong Manase. Em i senisim han bilong em, long wanem, Manase em namba wan pikinini man bilong Josep. ¹⁵ Israel i blesim Josep na i tok olsem, "Dispela God bipo papa bilong mi Abraham na Aisak i wokabaut wantaim, dispela God husait i bin lukautim mi i kam inap nau, ¹⁶ ol ensel husait i bin lukautim mi long ol samting bilong bagarapim mi, em i ken blesim ol dispela pikinini. Larim nem bilong mi i ken i stap insait long ol na nem bilong ol papa bilong mi Abraham na Aisak. Larim ol i ken kamap planti na pulimapim dispela graun." ¹⁷ Taim Josep i lukim papa bilong en i putim han sut bilong em long het bilong Efraim, bel bilong em i no amamas. Em i kisim han bilong papa bilong en na i laik senisim na putim long het bilong Manase. ¹⁸ Josep i tokim papa bilong en, ''Em i no stret, papa bilong mi, long wanem, dispela em i namba wan pikinini man bilong mi. Putim han sut bilong yu antap long het bilong em." ¹⁹ Papa bilong em i les na i tok, ''Mi save, pikinini bilong mi, Em tu bai i kamapim planti manmeri, na em tu bai i kamap bikpela. Tasol liklik brata bilong en bai kamap bikpela na i winim em, na ol lain tumbuna bilong en bai i kamap planti kantri moa. ²⁰ Israel i blesim ol long dispela dei wantaim dispela toktok, ''Ol lain manmeri bilong Israel bai i tokaut long blesin bilong ol long nem bilong yupela na i tok, 'Larim God i makim yupela olsem Efraim na Manase. '' Na long dispela rot, Israel i putim Efraim bipo long Manase. ²¹ Israel i tokim Josep, ''Lukim, Mi bai dai nau, tasol God bai i stap wantaim yu, na bai em i kisim yu i kam bek long graun bilong ol papa bilong yu. ²² Na long yu, husait i stap antap long ol brata bilong yu, mi bai givim yu maunten ples we mi kisim long ol Amon wantain bainat na spia bilong mi."

¹ Na Jekop i singuatim ol pikinini man bilong em na tok; "Yupela kam na bung wantaim na mi bai tokim yupela long wanem kain samting bai kamap long yupela long bihain taim. ² Bung wantaim na harim, yupela pikinini man bilong Jekop. Harim Isrel, papa bilong yupela. ³ Ruben, yu namba wan pikinini bilong mi, taim mi yangpela yet karim yu, strong bilong mi, gutpela pasin na narakain pawa i stap long yu, ⁴ Olsem wara, yu no inap stopim, bikos yu bin go slip wantaim meri bilong papa bilong yu na yu bin mekim bikpela sem long mi na yu bin mekim rabis pasin tru. ⁵ Simion na Livai em ol brata. Ol samting bilong pait em bainat bilong ol. ⁶ O bel bilong mi, noken kam insait long tingting bilong ol; noken kam bung long miting bilong ol na lewa bilong mi i gat bikpela rispek tru long dispela. Long bel hat bilong ol "Ol i kilim man. Em long laik tasol na ol i hangamapim bulmakau. ⁷ Bai belhat bilong tupela i bagarap na tu kros bilong tupela tu i antap moa olsem na mi bai skelim tupela long Jekop na salim tupela i go stap namel long ol Israel. ⁸ Juda, olgeta brata bilong yu bai givim biknem long yu. Han bilong yu bai i stap antap long nek bilong ol birua bilong yu. Ol pikinini man bilong papa bilong yu bai brukim skru long yu. ⁹ Juda yu olsem yangpela laion. Pikinini man bilong mi, yu go pinis antap long birua bilong yu. Em i surik i go down, em i putim was olsem meri laion. Husait bai gat strong long kirapim em ¹⁰ Dispela stik ( pawa) i no inap lusim Juda, Yu bai holim dispela strong inap yu go kamap lo ples Silo. Olgeta kantri bai bihainim tok bilong em. ¹¹ Em i pasim donki bilong en long diwai wain na pikinini donki long gutpela diwai wain stret. Na em i wasim klos bilong em long wain na longpela klos bilong en long blut bilong wain. ¹² Ai bilong em bai i tudak olsem wain na tit bilong em bai kamap wait olsem susu. ¹³ Zebulun bai sindaun arere lo nambis. Ol sip bai kam stop long ples bilong yu na boda bilong graun bilong yu bai i go mak wantaim Sidon. ¹⁴ Isaka i olsem strongpela donki na i save slip namel long tupela banis sipsip. ¹⁵ Em lukim gutpela ples malolo na gutpela graun tru. Em bai daunim solda bilong en long ol hevi na kamap wokman tru long olgeta wok. ¹⁶ Dan bai skelim ol lain bilong em olsem ol lain bilong Israel. ¹⁷ Dan bai stap olsem snek arere long rot, poisin snek i save slip long rot na kaikaim lek bilong ol hos na man i sindaun antap long en i pundaun long baksait. ¹⁸ Mi weit long yu kisim bek mi, God Yahweh. ¹⁹ Gad--ol man i sindaun antap long hos bai kam bagarapim yu, tasol em bai bihainim ol na bagarapim ol. ²⁰ Kaikai bilong Aser em planti na gutpela tru na em bai givim kaikai bilong king stret. ²¹ Ol lain tumbuna bilong Naptali bai i olsem dia i stap fri long ranaw na i olsem ol dia i gutpela pikinini. ²² Josep i olsem han bilong diwai i stap arare long hul wara na i karim planti kaikai na han bilong en i grow na i go antap long banis. ²³ Ol birua bai pait wantain bunara na sutim spia long en na mekim nogut long en. ²⁴ Tasol bunara bilong en bai stap stret na i no muv na han bilong en bai stap strong olsem, han bilong Bikpela bilong Jekop, bikos long Nem bilong Wasman, em Ston bilong Israel. ²⁵ God bilong papa bilong yu bai helpim yu na Bikpela God bai blesim yu wantaim, ol blesing i save kam long skai antap, ol blesin bilong aninit i stap aninit tru na blesing bilong susu i stap long bel bilong mama. ²⁶ Ol blesing bilong papa bilong yu em bikpela moa na winim blesing bilong ol olpela maunten o olsem ol samting yu save laikim tumas i save kam long ol liklik maunten. Na larim ol i stap antap long het bilong Josep, Em ol blesing bai i kam long Josep na em i ken i stap olsem kraun long het bilong ol brata bilong en. ²⁷ Benjamen i olsem wanpela weldok i save hangre. Long monin em bai kaikai ol abus na long apinun em i save skelim ol samting em i save kisim." ²⁸ Dispela em ol 12-pela haus lain bilong Israel. Dispela em wanem tok papa i tokim ol long taim em i givim blesim long ol. Em i blesim ol wantaim blesing em i fit gut wantaim laip bilong ol. ²⁹ Na bihain em i tokim ol olsem, "Klostu taim bai mi go long ol lain pipol bilong mi. Planim mi wantaim ol tumbuna papa bilong mi long ston matmat em i stap long Efron long Hit. ³⁰ Long ston matmat em i stap long graun bilong Makpela we em i stap klostu long Mamre long graun Kenan. Em graun Abraham i bin baim long planim ol dai lain long ples Efron, em Hit. ³¹ Dispela matmat ol i bin planim Abraham na meri bilong em Sera na Aisak wantaim Rebeka meri bilong en na mi planim Lea. ³² Long dispela hap graun na ston matmat ol i bin baim long ol lain Het". ³³ Taim Jekop i pinisim olgeta toktok wantaim ol pikinini man bilong en, em i apim lek bilong em i go antap long bed na pulim laspela win na i go i stap wantaim ol lain bilong em.

¹ Olsem Josep i pilim nogut tru na i go pundaun long lek bilong papa bilong en na em i krai na kis long em. ² Josep i tokim ol wokboi bilong em ol dokta long putim marasin na redim bodi bilong papa bilong em long planim bodi bilong papa bilong em na ol i redim bodi bilong Jekop. ³ Em i kisim ol 40 dei olgeta long redim bodi bilong Jekop. Ol Isip i krai wantaim em inap 70 dei olgeta. ⁴ Taim dei bilong krai em i pinis, Josep i salim toktok long man i lukautim haus bilong Fero, "Sapos yu wanbel wantaim mi, yu kisim dispela tok i go long Fero na tokim em olsem, ⁵ "Papa bilong mi i laik i dai, em i tokim mi long wokim tok promis olsem, Lukim, klostu bai mi dai. Kisim bodi bilong mi i go planim long ples Kenan long dispela matmat mi yet i bin digim. Long hap yu bai planim mi. "Nau yu larim mi go na planim papa bilong mi na bai mi i kam bek." ⁶ Na Fero i bekim tok, "Go na planim papa bilong yu, olsem em i tokim yu." ⁷ Olsem na Josep i go antap long planim bodi bilong papa bilong em. Olgeta ofisa bilong king Fero i go wantaim em na wantaim ol lain i stap wantaim em na olgeta hetman bilong Isip, ⁸ ol i go wantaim em, wantaim olgeta lain bilong Josep na ol brata bilong em na ol lain bilong papa bilong em. Tasol ol pikinini na olgeta sipsip na meme i stap bek long graun Gosen. ⁹ Ol man i go long karis na hos ol i go wantaim Josep. Bikpela lain ol i go. ¹⁰ Taim ol i kamap long Atad em hap bilong brukim pikinini wit na wain long narapela sait bilong wara Joden. Long hap ol i wari tru long Jekop longpela taim na Josep i mekim narapela 7-pela dei bilong sori gen long papa bilong em. ¹¹ Taim ol lain Kenan i lukim ol i krai long ples Atad, ol i tok, "Dispela em sori ples bilong ol lain Isip." Olsem na ol kolim dispela ples Abel Misraim ( As bilong dispela tok i olsem, Ples sore bilong ol Isip), em i stap long hap bilong Joden. ¹² Na ol pikinini bilong Jekop i mekim olsem papa bilong ol i tokim ol em. ¹³ Ol pikinini bilong em i karim bodi bilong papa bilong ol i go long graun Kenan, long ples Makpela na planim em klostu long Mamre. Abraham i bin baim dispela ston matmat long planim ol dai na em i baim long Epron man bilong Hitait. ¹⁴ Bihain long planim papa bilong em, Josep i go bek long Isip, em wantaim ol brata bilong em, wantaim olgeta husait i go long planim papa bilong em. ¹⁵ Taim ol barata bilong Joseph i lukim papa bilong ol i dai, ol tok, "Em bai olsem wanem sapos Josep i bel nogut long mipela na em laik bekim na mekim nogut long mipela long ol rong mipela i mekim long em?" ¹⁶ Olsem na ol i salim wanpela long tokim Josep olsem, "Taim papa bilong mipela i laik dai, em i tok olsem, ¹⁷ 'Tokim Josep olsem, "Plis lusim rong bilong mipela, ol bikpela brata bilong yu long ol nogut mipela i bin mekim long yu,"' Nau plis lusim rong bilong ol wokboi bilong God bilong papa bilong yu.'' Josep i krai taim ol i tokim em olsem. ¹⁸ Ol brata bilong em i go na putim pes i go daun long em. Ol tok, "Lukim, mipela wokboi bilong yu." ¹⁹ Tasol Josep i bekim tok olsem, "Yupela i noken pret. Mi no i stap long kisim ples bilong God? ²⁰ Long yupela, yupela tingting long bagarapim mi, tasol God i tingting long gutpela long sevim laip bilong planti manmeri, olsem yu lukim nau. ²¹ Noken pret. Mi bai lukautim yupela na ol pikinini bilong yupela." Em i mekim ol bel isi na toktok gut long ol. ²² Josep i stap long Isip, wantaim ol lain femili bilong papa bilong em. Em i stap 110 yia. ²³ Josep i lukim ol 3-pela lain tumbuna pikinini bilong Efram. Em i lukim tu ol pikinini bilong Makir, pikinini man bilong Manase, ol i bin putim long skru bilong Josep. ²⁴ Josep i toktim ol brata bilong em, "Mi laik i dai, tasol God bai i kam long yupela na kisim yupela i go long dispela graun we em i laik givim long papa bilong yupela long Abraham, long Aisak na Jekop." ²⁵ Na Josep i mekim ol lain bilong em i tok tru antap. Em i tok, "Taim God em i kam long yu. Long dispela taim yu mas karim ol bun bilong mi long hia na go." ²⁶ Na Josep i dai, em i stap 110 yia olgeta. Ol i redim bodi bilong em na putim em long kofin long Isip.

¹ Dispela em ol nem bilong ol pikinini man bilong Israel husat i bin kam long Isip wantaim Jekop, Ol dispela wanwan pikinini man tu i kam wantaim femili bilong ol: ² Ruben, Simion, Livai na Juda, ³ Isaka, Sebulun na Bensamin, ⁴ Dan, Naptali, Gad na Aser. ⁵ Namba bilong ol lain manmeri husat em ol pikinini na tumbuna bilong Jekop i 70 olgeta. Josep i bin stap pinis long Isip long dispela taim. ⁶ Na bihain Josep, wantaim ol lain brata bilong em na ol lain tumbuna i go stap long Isip na lo i dai. ⁷ Ol Israel i kamapim planti gutpela samting na namba bilong ol tu i go bikpela na ol i kamap stron olgeta na i pulap tru long olgeta hap bilong Isip. ⁸ Tasol bihain wanpela nupela king i kirap long Isip, dispela king i no save long Josep i wanem kain man. ⁹ Em i tokim ol lain manmeri bilong em olsem, "Lukim, namba bilong ol lain Israel i kamap planti tru na ol i kamap stron moa long yumi. ¹⁰ Yumi mas kamap wantaim ol gutpela tingting na yumi mas mekim sampela samting long ol, sapos i no olsem, bai namba bilong ol i kamap bikpela yet na bikpela pait i bruk ol bai go bum wantaim ol birua bilong yumi na pait long yumi long lusim graun bilong yumi. ¹¹ Olsem na ol i putim ol man bilong bosim ol na daunim ol na givim ol stronpela wok long mekim. Ol Israel i mekim ol bikpela stoa long ol biktaun bilong Fero: em Pitom na Ramesis. ¹² Tasol planti taim ol Isip save mekim nogut long ol, namba bilong ol Israel i wok long kamap bikpela moa yet na ol i go long olgeta hap. Olsem na ol Isip i poret tru long ol Israel. ¹³ Ol Isip i mekim ol Israel i kisim bikpela bagarap na pen long wok ol i mekim. ¹⁴ Ol i kisim bagarap na pen long laip bilong ol long wok wantaim wesan na simen bilong mekim ol brik samting na ol narapela wok tu. Wanem wok ol i mekim, em i gat bagarap na pen tasol. ¹⁵ Orait king bilong Isip i toktok long tupela meri i save helpim ol Hibru meri long taim bilong karim pikinini, nem bilong wanpela em Sifra na narapela em Pua. ¹⁶ Em i tokim ol olsem, "Taim yupela i helpim ol Hibru meri long bet bilong karim pikinini, lukluk gut long taim ol i karim. Sapos em pikinini man orait yupela i mas kilim, tasol sapos em pikinini meri orait yupela i ken larim em i stap laip." ¹⁷ Tasol tupela meri i save helpim ol Hibru meri long karim pikinini i gat poret long God Yawe olsem na ol i no bihainim wanem tok king bilong Isip i bin givim long ol, nogat, ol i larim ol pikinini man bilong ol Hibru i stap laip. ¹⁸ Olsem na king bilong Isip i singautim tupela meri i save helpim ol Hibru meri long karim pikinini i kam long em na tokim ol olsem, "Bilong wanem na yupela i mekim olsem na yupela larim ol pikinini man i stap laip?" ¹⁹ Na tupela meri i save helpim ol Hibru meri long karim pikinini, i bekim tok bilong Fero olsem, "Ol Hibru meri i no wankain olsem ol meri Isip. Em ol stronpela meri olsem na ol i save karim pikinini hariap taim mipela ol meri bilong helpim ol long karim pikinini i no kam yet long helpim ol." ²⁰ God Yawe i bin lukautim tupela meri i save helpim ol Hibru meri long karim pikinini. Na namba bilong ol lain Israel i kamap bikpela na ol i wok long kamap stron. ²¹ God Yawe i givim femili long tupela meri i save helpim ol Hibru meri long karim pikinini, long wanem, ol i gat poret long Em. ²² Orait Fero i tokim ol lain manmeri bilong em olsem, "Yupela i mas tromoi olgeta pikinini man bilong ol Israel long wara, tasol olgeta pikinini meri, em yupela i mas larim ol i stap laip."

¹ Wanpela man long ol lain bilong Livai i maritim wanpela meri long ol lain bilong livai. ² Dispela meri i gat bel na em i karim wanpela pikinini man. Taim em i lukim olsem em i karim pikinini boi i nogat sik, mama bilong em i bin haitim em tripela mun . ³ Tasol taim em i no inap long haitim pikinini moa, em i bin kisim basket ol i bin wokim wantaim pitpit na pasim gut wantaim ta. Na bihain em i putim pikinini insait long en na putim em namel long ol pitpit insait long han wara arere long bikpela wara. ⁴ Na sista bilong em i sanap longwe liklik long lukim wanem samting bai i kamap long en. ⁵ Pikinini meri bilong Fero em i bin kam daun long wara long waswas taim ol was meri bilong em i wokabaut arere long wara. Em i lukim basket long arere long wara insait long ol pitpit long wara na em i salim ol was meri bilong em i go kisim. ⁶ Na taim em i opim, em i lukim pikinini i krai stap na em i bin gat sori long em na em i tok, em stret dispela em wanpela bilong ol pikinin bilong ol Hibru." ⁷ Bihain sista bilong pikinini i tokim pikinini meri bilong Fero, Inap mi go painim wanpela meri Hibru long givim susu long pikinini bilong yu? ⁸ Pikinini meri bilong Fero i tokim em go na yangpela meri i go na kisim mama bilong pikinini. ⁹ Pikinini meri bilong Fero i tokim mama bilong pikinini'' olsem, yu givim susu na lukautim dispela pikinini bilong mi na bai mi baim yu. "Na mama bilong pikinini i kisim pikinini na lukautim em. ¹⁰ Na taim pikinini i go bikpela, Em i kisim em i go long pikinini meri bilong Fero na em i bin kamap pikinini man bilong em. Na em i bin tokaut, nem bilong en, em Moses bilong wanem, ''mi kisim em long wara.'' ¹¹ Na taim Moses i bikpela pinis, em i go aut long ol wan lain bilong em na lukim hatwok ol i wokim. Em i lukim wanpela man bilong Isip i paitim wanpela Hibru, em wanpela lain bilong em yet. ¹² Em i lukluk i go long dispela sait na i go long narapela sait tu na taim em i no lukim wanpela i stap, em i kilim dispela man Isip na em haitim bodi bilong en long wesan. ¹³ Em i go aut long narapela dei na em i lukim tupela man Hibru i bin pait i stap. Em i tokim narapela husat i gat asua, ''bilong wanem na yu paitim wantok bilong yu?" ¹⁴ Tasol dispela man i tok, "Husat i makim yu long kamap lida na jas long mipela? "Yu laik kilim mi tu olsem yu kilim dispela man bilong Isip? "Na Moses i poret na i tok, "Nau wanem samting mi bin mekim em i kamap ples klia pinis." ¹⁵ Na taim Fero i harim dispela, em i traim long kilim Moses. Tasol Moses i ranawe long Fero na em i go stap long ples bilong ol Midia. Long hap em i sindaun long wanpela hul wara. ¹⁶ Na Pris bilong Midia i bin gat 7-pela pikinini meri. Na ol i bin kam pulumapim ol baket wara long givim long ol sipsip bilong papa bilong ol. ¹⁷ Na ol narapla wasman bilong ol sipsip i kam na laik rausim ol i go na Moses i go na helpim ol na bihain em i givim wara long ol sipsip bilong ol. ¹⁸ Na taim ol pikinini meri i go long papa bilong ol Reuel, papa bilong ol i tok, "Bilong wanem na yupela i kam hariap tru?" ¹⁹ Na ol i bin tok, "Wanpela man bilong Isip i helpim mipela long ol narapela wasman bilong sipsip. Na tu em i helpim mipela long pulumapim wara na givim long ol sipsip." ²⁰ Na em i tokim ol pikinini meri bilong en, "Na em i stap we? Bilong wanem yupela lusim dispela man? Singautim em i kam kaikai wantaim mipela.'' ²¹ Moses i bin wanbel long stap wantaim dispela man na em i bin givim pikinini meri bilong em Sipora olsem meri bilong em long maritim. ²² Em i karim wanpela pikinini man na em i kolim em Gersom, Em tok, "Mi kamap olsem as peles man long narapela ples.'' ²³ Na longpela taim bihain king bilong Isip i dai. Ol lain Israel i bin kisim taim long pen na hevi bilong wok kalabus long Isip. Na ol i bin krai long helpim na krai bilong ol i go antap long God Yawe long wanem hevi ol i karim. ²⁴ Na taim God Yawe i harim krai bilong ol, God Yawe i tingim kontrak em i wokim wantaim Abraham, Aisak na Jakop. ²⁵ God Yaweh i lukim ol Israel na em i bin luksave long hevi bilong ol.

¹ Moses i wok yet long lukautim lain sipsip bilong Jetro tambu bilong em husat i pris bilong Midian. Moses i kisim ol sipsip i go longwe long ples nating na kamap long Horeb, maunten bilong God Yawe. ² Na ensel bilong God Yawe i kamap long Moses olsem paia lait antap long liklik bus. Moses i lukim paia i lait long bus, tasol paia i no kukim bus. ³ Moses i tok, "Bai mi tanim na lukim narakain samting i kamap, bilong wanem na paia i no kukim bus. ⁴ Taim God Yawe i lukim olsem Moses i tanim pinis long lukluk, God Yawe i singautim em long liklik bus na i tok, "Moses, Moses'' Na Moses i tok, "Mi stap hia." ⁵ Na God Yawe i tok olsem, '' Noken kam klostu! Rausim ol sendol long lek bilong yu, ples we yu sanap antap long en, em i holi graun na em i bilong mi yet.'' ⁶ Em i tok moa olsem, "Mi God Yawe bilong ol papa bilong yupela, Mi God Yawe bilong Abraham na God Yawe bilong Aisak na God Yawe bilong Jekop." Na Moses i karamapim pes bilong em, long wanem em i poret long lukim pes bilong God Yawe. ⁷ God Yawe i tok olsem, "Mi lukim tru pen ol manmeri bilong mi i stap long Isip i karim. Mi harim pinis krai singaut bilong ol long wanem ol bosman bilong ol tasol na Mi save long pen ol i karim. ⁸ Mi kam daun long rausim ol long kalabus na long kisim ol i kam antap long dispela graun na kisim ol igo insait long gutpela na bikpela graun, em graun i pulap tru long milk na hani, insait long bikpela ples bilong ol Kena, Hit, Amo, Peris, Hiv, na ol Jebus. ⁹ Na krai singaut bilong ol manmeri bilong ol Israel em kam pinis long mi. Mi lukim pinis planti bagarap ol i kisim long han bilong ol Isip. ¹⁰ Nau yet bai mi salim yu i go long Fero na bai yu kisim ol manmeri bilong mi, ol Israel, i kam aut long Isip." ¹¹ Tasol Moses i tokim God Yawe olsem, "Mi husat, na bai mi go long Fero na kisim ol lain Israel i kam aut long Isip.?'' ¹² God Yawe i bekim tok olsem, "Tru tumas bai mi stap wantaim yu. Na dispela bai wanpela mak bilong yu olsem Mi bin salim yu Taim yu kisim ol manmeri i kam ausait long Isip pinis, yupela bai lotu long mi long dispela maunten." ¹³ Moses i tokim God Yawe olsem,"taim mi go long ol lain Israel na tokim ol olsem,"God Yawe bilong ol lain tumbuna bilong yupela em i salim mi kam long yupela,'' na taim ol i askim mi, ''Wanem em nem bilong em?'' Bai mi tok wanem long ol?" ¹⁴ God Yawe i tokim Moses olsem, "MI EM MI YET, " God Yawe i tok. ''Yu mas tokim ol lain Israel olsem,"MI YET'' salim mi kam long yupela. ¹⁵ God Yawe i tokim Moses tu olsem, "Yu mas tokim ol lain Israel olsem, ''God Yawe, em God Yawe bilong ol lain tumbuna bilong yupela, em God Yawe bilong Abraham, em God Yawe bilong Aisak, na em God Yawe bilong Jekop, em i salim mi i kam long yupela. Dispela em i nem bilong mi oltaim oltaim na olgeta lain tumbuna i kam bihain bai ol i kolim mi long dispela nem.'' ¹⁶ Go na bunim olgeta hetman bilong ol lain Israel wantaim. Tokim ol olsem,''God Yawe, em God bilong ol tumbuna bilong yupela, em God bilong Abraham na bilong Aisak na bilong Jekop em i bin kamap ples klia long mi na i tok olsem, "Tru tumas mi lukim pinis yupela na olgeta samting ol mekim long yupela long Isip. ¹⁷ Ol i bin daunim yupela nogut long Isip na mi bin promis long kisim yupela i kam antap na go long graun bilong ol Kenan, Hitai, Amo, Peris, Hivai na Jebus, em graun pulap tru long milk na hani."' ¹⁸ Ol bai i harim yu. Yu na ol hetman bilong Israel i mas i go long King bilong Isip na yupela i mas tokim em,'' God Yawe, em God Yawe bilong ol Hibru, em i bin bum wantaim mipela pinis. Olsem na larim mipela i wokabaut 3-pela de long ples nating, olsem mipela i ken mekim ofa, long God Yawe bilong mipela.' ¹⁹ Tasol mi save olsem King bilong ol Isip bai i no inap larim yupela i go, inap mi yet bai kirapim em long mekim olsem. ²⁰ Mi bai pait wantaim ol Isip long olgeta mirakel han bilong mi bai i mekim namel long ol. Bihain long dispela samting em bai larim yupela i go. ²¹ Mi bai mekim bel gut bilong mi long ol dispela lain manmeri na taim ol i lusim Isip na i go, ol bai i no nap i go han nating. ²² Olgeta meri bai askim long ol silva na gol, ol naispela ston na ol klos bilong ol Isip i stap klostu long ol na long ol narapela ol meri nabaut tu ol i stap insait long ol haus bilong ol Isip. Na bai yupela i putim ol dispela klos long ol pikinini man na pikinini meri bilong yupela. Long dispela pasin bai yupela i rausim olgeta samting bilong ol Isip.

¹ Moses i bekim tok, "Tasol sapos olsem wanem ol i no bilip long mi o harim tok bilong mi tasol ol i tok olsem, "God Yawe i no kamap ples klia long yu?" ² God Yawe i tokim em, "Wanem samting yu holim long han bilong yu? " Na Moses i bekim tok na i tok. "Em wanpela stik bilong wokabaut.'' ³ God Yawe i tok, ''Tromoi i go daun long graun." Na Moses i tromoi stik i go daun long graun na stik i tanim na kamap snek. Na Moses i poret na ranawe i go bek. ⁴ Na God Yawe i tokim Moses, "Putim han i go na holim snek long teil bilong en." Na em i putim han i go na holim snek na em i tanim kamap wokabaut stik ken long han bilong em. ⁵ Orait dispela bai soim ol na ol bai bilip long God Yawe, God Yawe bilong ol lain tumbuna bilong ol. Olsem God Yawe bilong Abraham, God Yawe bilong Aisak na God Yawe bilong Jekop i kamap ples klia long yu.'' ⁶ Na God Yawe i tokim em ken, "Long nau yu putim han bilong yu go insait long longpela klos bilong yu." Na Moses i putim han i go insait long longpela klos bilong em. Na taim em i rausim han, han bilong em i kamap sik lepra na i kamap olsem waitpela sno. ⁷ God Yawe i tok, "Putim han bilong yu i go insait long longpela klos bilong yu ken'' Na Moses i putim han bilong em i go insait long longpela klos bilong em na taim em i rausim han bilong em i kam aut, em i lukim olsem han bilong em i orait ken na wankain olsem olgeta bodi bilong em. ⁸ God Yawe i tok, "Sapos ol i no bilip long yu na luksave long namba wan mak bilong pawa na mirakel mi mekim long ol, orait bai mi mekim mirakel namba tu taim ken na ol bai bilip. ⁹ Sapos ol i no bilip long dispela tupela pawa na mirakel bilong mi na tu ol i no harim tok bilong yu, orait kisim sampela wara na kapsaitim long graun i drai. Na dispela wara yu kapsaitim long en bai tanim na kamap blut antap long drai graun." ¹⁰ Na Moses i tokim God Yawe olsem, "Bikpela, mi no gutpela long mekim toktok long bipo yet i kam inap nau, taim yu toktok wantaim mi. Mi no man bilong toktok hariap na toktok bilong mi i no save klia. ¹¹ God Yawe i tokim em, "Husat i wokim maus bilong man? Na husat i wokim maus pas man long toktok na ai pas man long lukluk? Em Mi tasol, Mi God Yawe. ¹² Olsem na yu go, bai yu stap mausman bilong mi na bai mi lainim yu long mekim ol toktok." ¹³ Tasol Moses i tok, "Bikpela, plis salim narapela man husat yu laik long salim." ¹⁴ Na God Yawe i belhat long Moses. Em i tok, "Olsem wanem long brata bilong yu Aron, em man Livai. Mi save olsem em inap mekim gut toktok. Na tu em i kam long bumim yu na taim em i lukim yu, em bai amamas tru long bel bilong em. ¹⁵ Bai yu toktok long em long wanem toktok em bai toktok long em. Yu bai kamap mausman bilong mi na wantaim maus bilong em bai mi soim yutupela wanem samting long mekim. ¹⁶ Aron bai kisim ples bilong yu na toktok long ol manmeri, em bai kamap mausman bilong yu na yu bai kisim tok bilong mi na tokim em. ¹⁷ Yu bai kisim dispela wokabaut stik long han bilong yu. Ol mirakel na bikpela sain bai kamap long dispela wokabaut stik. ¹⁸ Na Moses i go bek long Jetro tambu papa bilong em na askim em, "Larim mi i go bek long ol lain bilong mi i stap long Isip na lukim ol i stap laip o nogat. ''Na Jetro i tokim Moses, "Orait yu i ken i go wantaim bel isi." ¹⁹ God Yawe i tokim Moses long Midia, "Go bek long Isip, bilong wanem olgeta man i laik kilim yu, ol i dai pinis." ²⁰ Orait Moses i kisim meri bilong em na ol pikinini man bilong em na putim ol i go antap long donki. Na em i go bek long Isip, na kisim stik bilong wokabaut bilong God Yawe long han bilong em. ²¹ God Yawe i tokim Moses, "Taim yu go bek long Isip, yu mas mekim olgeta mirakel na pawa mi givim yu long ai bilong Fero. Tasol mi bai stronim bel bilong em na em no inap long larim ol lain Israel i lusim Isip. ²² Yu mas tokim Fero, God Yawe i tok olsem; Israel em i pikinini man bilong mi, namba wan pikinini man bilong mi. ²³ olsem na Mi tokim yu, "Larim pikinini man bilong mi go na ol bai lotu long mi." Tasol yu no salim ol i go, orait bai mi kilim namba wan pikinini man bilong yu.'' ²⁴ Namel long wokabaut bilong ol, taim ol i malolo long nait, God Yawe bumim Moses na traim long kilim em. ²⁵ Na meri bilong Moses, Sipora i kisim hap ston olsem naip na katim skin bilong pikinini man bilong em na em i kisim skin na putim long lek bilong Moses na i tokim em, "Yu man bilong mi long blut stret." ²⁶ Olsem na God Yawe i larim em yet i stap. Meri i tok, "Yu man bilong mi long blut stret," long wanem, mi katim skin. ²⁷ God Yawe i tokim Aron, "Yu go long ples nating na bumim Moses. "Orait Aron i go na bungim Moses long maunten bilong God Yawe na kis long em. ²⁸ Moses i tokim Aron long olgeta toktok God Yawe i tokim em long em na olgeta mirakel na pawa bilong God Yawe bai Em i mekim long em. ²⁹ Orait Moses na Aron i go na bumim olgeta hetman bilong Israel. ³⁰ Na Aron i tokim ol olgeta toktok God Yawe i bin tokim Moses long em. Na ol lain i lukim stap na em i mekim olgeta mirakel na pawa bilong God Yawe long ai bilong ol lain Israel. ³¹ Na ol manmeri i bilip, taim ol i harim olsem God Yawe i luksave long ol lain Israel long ol i wok kabalus bilong Isip, orait ol i daunim het bilong ol na lotu long em.

¹ Bihain long ol dispela samting i kamap, Moses na Aron i go lukim Fero na i tok, "Dispela em wanem God Yawe bilong Isrel em i tok. "Larim ol manmeri bilong mi i go na ol i ken lotu long mi long ples drai." ² Fero i askim, "Husat em God Yawe? Bilong wanem na bai mi harim toktok bilong em na larim ol Israel i go? Mi no save long God Yawe God bilong yupela maski nau mi no inap larim ol Israel i go." ³ Na ol i tok, "God Yawe bilong ol Hibru i bumim mipela. Larim mipela i go tripela dei long ples drai na mekim ofa i go long God Yawe na bai em i no inap long bagarapim mipela wantaim ol kainkain sik na wantaim bainat," ⁴ Tasol king bilong Isip i tokim ol olsem, " Moses na Aron bilong wanem na yu tupela i rausim ol long wok bilong ol? Go bek long wok bilong yupela." ⁵ Na tu em i tok, "Nau yumi gat planti lain manmeri long graun bilong yumi na yu wok long pasim ol long wok bilong ol. ⁶ Long dispela dei tasol, Fero i givim tok stron i go long ol bosman na ol man i go pas long wok na em i tok, ⁷ "I no olsem bipo, noken givim drai gras long ol manmeri bilong mekim brik. Larim ol i go na kisim drai gras bilong ol yet. ⁸ Tasol, yu mas tok stron yet long ol i ken mekim wankain namba bilong brik ol i save mekim bipo. Noken larim ol i mekim liklik namba bilong brik. Bilong wanem ol i les tumas. Olsem na ol i singaut na tok, "Larim mipela i go na mekim ofa i go long God Yawe bilong mipela." ⁹ Surikim wok mak bilong ol man na ol i mas wok yet na ol i no ken moa harim tok giaman." ¹⁰ Na ol bosman na ol man i go pas long ol dispela lain i go na toksave long ol manmeri. Na ol i tok, "Dispela em wanem Fero i tok, "Bai mi no inap givim drai gras long yupela moa. ¹¹ Yupela yet mas i go na painim drai gras long wanem hap yupela yet inap long painim, tasol hevi bilong wok bilong yupela bai i no inap i go daun." ¹² Na ol manmeri i go long olgeta hap bilong Isip long painim ol drai gras. ¹³ Ol bosman i toktok stron moa yet long ol na i tokim ol, yupela i mas pinisim wok mak bilong yupela wankain tasol olsem ol i save givim drai gras long yupela. ¹⁴ Ol bosman bilong Fero i paitim ol man i go pas long ol Isrel, husat ol i makim ol long bosim ol wanwok bilong ol. Ol bosman i askim ol, "Bilong wanem na yupela i no wokim ol brik mipela i makim long yupela mekim aste na nau wankain olsem yupela i save mekim bipo?" ¹⁵ Na ol bosman bilong ol Isrel i kam long Fero na ol i krai long em, "Bilong wanem na yu mekim nogut long ol wokboi bilong yu olsem? ¹⁶ Ol i no givim drai gras long mipela ol wokboi bilong yu. Tasol ol i wok long tokim mipela long wokim ol brik yet! Na tu ol lain bilong yu i paitim mipela long asua bilong ol yet." ¹⁷ Tasol Fero i tokim ol olsem, "Yupela ol lesman! yupela i lesman! Yupela i tok mipela i go wokim ofa long God Yawe. ¹⁸ Long nau go bek long wok, nogat moa drai gras bai ol i givim long yupela, tasol yupela i mas mekim wankain namba bilong brik yet." ¹⁹ Ol bosman bilong ol Isrel ol i lukim olsem, ol i stap long hevi taim ol i tokim ol olsem, "Yupela i noken daunim ol namba bilong brik olgeta dei." ²⁰ Na taim ol i lusim Fero na i go ol i bumim Moses na Aron i sanap autsait long haus bilong king. ²¹ Ol i tokim Moses na Aron, "Larim God Yawe i lukim yu tupela na mekim save long yutupela, bilong wanem yutupela i mekim na mipela i kamap olsem birua long ai bilong Fero na ol wokman bilong em. Em olsem yu putim bainat long han bilong ol long kilim mipela." ²² Moses i go bek long God Yawe na em i tok, "Bikpela, bilong wanem na yu givim hevi long ol dispela lain? Bilong wanem tru na yu salim mi kam pastaim. ²³ Long taim mi kam long Fero na toktok long em long nem bilong yu, em i givim hevi long ol dispela manmeri na yu no larim ol i go aut yet."

¹ Na God Yawe i tokim Moses, "Nau yu bai lukim wanem samting bai mi mekim long Fero. Yu bai lukim dispela, long wanem em bai larim ol i go long stron bilong han bilong en. Long stron bilong han bilong en, em bai i rausim ol long dispela graun.'' ² God Yawe i tokim Moses olsem, "Mi God Yawe. ³ Mi bin kamap ples klia long Abraham, long Aisak na long Jekop olsem God Yawe i gat olgeta stron, tasol long nem bilong mi, God Yawe, ol i no save long mi. ⁴ Mi bin mekim kontrak wantaim ol, bilong givim graun bilong Kenan long ol, em dispela graun ol i no bin stap olsem asples lain, graun we ol i bin trip raun long em. ⁵ Moa long dispela, mi harim krai bilong ol Israel i stap long kalabus bilong ol Isip na mi tingim ken ol dispela promis mi bin mekim. ⁶ Olsem na tokim ol lain manmeri bilong Israel, 'Mi God Yawe. Mi bai rausim yupela i go autsait long kalabus bilong ol Isip na mi bai mekim yupela i kamap pri long stron bilong ol. Mi bai soim stron bilong mi na helpim yupela na wantaim bikpela stron bilong mi bai mi mekim save long ol. ⁷ Mi bai kisim yupela olsem ol manmeri bilong mi na mi bai stap God Yawe bilong yupela. Yupela bai save olsem mi God Yawe, God Yawe bilong yupela, husat i bin kisim yupela i kam autsait long kalabus long han bilong ol Isip. ⁸ Mi bai kisim yupela i go long graun we mi bin promis long givim Abraham, long Aisak na long Jekob. Mi bai givim yupela olsem samting bilong yupela yet. Mi God Yaweh,"' ⁹ Taim Moses i bin tokim ol Isrel long dispela tok, ol i no bin harim tok bilong em long wanem ol i no gat stron inap long lusim dispela kalabus nogut. ¹⁰ Olsem na God Yawe i toktok long Moses olsem, ¹¹ "Go tokim Fero, king bilong ol Isip, long larim ol manmeri bilong Isrel ol i mas i go autsait long graun bilong em." ¹² Moses i tokim God Yawe olsem, Sapos ol manmeri bilong Isrel i no harim tok bilong mi, bilong wanem na king Fero bai i harim tok bilong mi, mi no gutpela long toktok?" ¹³ God Yawe i toktok long Moses na Aron. Em i tokim tupela long tokim ol manmeri bilong ol Israel na Fero, king bilong Isip olsem, Em i makim tupela long kisim ol Isrel go autsait long Isip. ¹⁴ Dispela em nem bilong ol tumbuna bilong ol Israel: ol pikinini bilong Ruben, namba wan pikinini bilong Isrel, em Anok, Palu, Hesron na Kami. Dispela em ol lain tumbuna bilong Ruben. ¹⁵ Ol pikinini bilong Simion em Jemuel, Jamin, Ohad, Jakin, Soa na Saul, em ol pikinini bilong meri Kenan. Dispela em ol lain tumbuna bilong Simion. ¹⁶ Dispela em ol nem bilong ol pikinini man bilong Livai wantaim ol tumbuna bilong ol. Em Geson, Koat na Merari. Livai i bin stap i nap 137 yia. ¹⁷ Ol pikinini bilong Geson em Libni na Simei. ¹⁸ Ol pikinini bilong Koat em Amram, Isa, Ebron na Usiel. Koat i bin stap i nap 133 yia. ¹⁹ Ol pikinini bilong Merari em Mali na Musi. Olgeta dispela lain i bin kamapim lain tumbuna bilong Livai, wantaim olgeta lain tumbuna bilong em. ²⁰ Amram i maritim Jokebet, susa bilong papa bilong em. Em i bin karim Aron na Moses. Amram i bin stap 137 yia na dai. ²¹ Ol pikinini bilong Isa em Kora, Nefek na Sikri. ²² Ol pikinini bilong Usiel em Misael, Elsafan na Sitri. ²³ Aron i bin maritim Eliseba, pikinini meri bilong Aminadab, susa bilong Nason. Em i karim Nadab na Abiu, Eliasa na Itama. ²⁴ Ol pikinini bilong Kora em Asi, Elkana na Abiasaf. Dispela em ol lain tumbuna bilong Kora. ²⁵ Eliasa, pikinini man bilong Aron, i maritim wanpela pikinini meri bilong Putiel. Em i karim Pineas. Dispela em ol lain tumbuna na wan blut bilong Livai, wantaim olgeta lain tumbuna bilong em. ²⁶ Dispela tupela man Aron na Moses em God Yawe i bin tokim ol, "Kisim ol Israel i go autsait long graun bilong ol Isip na putim ol man bilong pait long grup bilong ol." ²⁷ "Aron na Moses i tokim Fero, king bilong Isip, long tok orait long kisim ol manmeri bilong Isrel i go ausait long Isip. Dispela em Moses na Aron tasol. ²⁸ Taim God Yawe i bin toktok wantaim Moses long graun bilong Isip, ²⁹ em i tokim em, "Mi God Yawe. Tokim Fero, king bilong Isip, long olgeta samting mi bai tokim yu long em." ³⁰ Tasol Moses i tokim God Yawe, mi no gutpela man bilong toktok, olsem na bilong wanem Fero bai harim tok bilong mi?"

¹ God Yawe i tokim Moses, "Lukim, mi mekim yu kamap olsem giaman god long Fero. Aron brata bilong yu bai kamap profet bilong yu. ² Bai yu tokaut long olgeta stronpela tok mi bin tokim yu long tokim ol. Aron brata bilong yu bai toktok long Fero long em i ken larim ol manmeri bilong Israel i ken lusim dispela graun na i go. ³ Bai mi mekim bel bilong Fero i pas tru na mi bai soim ples klia bikpela pawa na stron bilong mi, insait long graun bilong Isip. ⁴ Tasol Fero i no inap long harim tok bilong yu, olsem na han bilong mi bai i stap antap long Isip na kisim aut ol bikpela lain man bilong pait, em ol manmeri husat ol tumbuna lain bilong Israel, long kamaut long Isip, tru long ol bikpela hevi. ⁵ Ol lain Isip bai i luksave olsem mi God Yawe husat i holim Isip long han bilong mi na kisim ol lain Israel i kamaut long ol.'' ⁶ Moses na Aron, i mekim olsem God Yawe i tokim ol. ⁷ Moses i stap 80-pela krismas na Aron i stap 83-pela krismas taim em i toktok long Fero. ⁸ God Yawe i tokim Moses na Aron, ⁹ "Taim Fero i askim yu, 'wokim wanpela mirakel,' Orait yu tokim Aron long kisim stik na tromoi i go daun pastaim long ai bilong Fero na em bai senis na kamap snek.'' ¹⁰ Orait Moses na Aron i go long Fero na ol i wokim olsem God Yawe i tok. Aron i tromoi stik i go daun pastaim long Fero na ol wokman bilong en na em i tanim na kamap snek. ¹¹ Olsem na Fero tu i singautim ol saveman na ol glas man. Ol tu i mekim wankain samting. ¹² Ol wanwan man i tromoi stik bilong ol na dispela stik i tanim na kamap snek. Tasol snek i kamap long stik bilong Aron i daunim olgeta snek bilong ol. ¹³ Bel bilong Fero em i pas yet na em i no harim wanem God Yawe i tok. ¹⁴ God Yawe i tokim Moses, "Bel bilong Fero i pas na em i les long larim ol manmeri i go. ¹⁵ Go long Fero long monin taim em i go long wara. Sanap long sait bilong wara long bungim em na karim long han bilong yu dispela stik we i bin tanim na i kamap snek. ¹⁶ Tokim em olsem, 'God Yawe, God bilong ol Hibru, i salim mi i kam long tokim yu olsem, "Larim ol manmeri bilong mi i go, bai ol i ken lotu long mi long ples nating. I kam inap nau yu no laik harim." ¹⁷ God Yawe i mekim ol dispela toktok long mekim yu i ken save long mi God Yawe. Mi bai paitim wara Nail wantaim stik mi holim long han na wara bai tanim na kamap blut. ¹⁸ Ol pis i stap long wara bai i dai na wara em bai i smel sting. ¹⁹ Na God Yawe i tokim Moses, "Tokim Aron, 'Kisim stik bilong yu na apim i go olsem antap long olgeta wara bilong Isip na antap long bikpela wara bilong ol na liklik wara na ol raunwara na olgeta liklik raunwara, bai olgeta dispela wara i kamap blut. Yu mekim olsem na bai blut i stap long olgeta hap graun bilong Isip na long olgeta sospen ol i wokim wantaim diwai na ston.'' ²⁰ Moses na Aron i mekim olsem God Yawe i bin tok. Aron i apim stik na paitim wara long bikpela wara, Fero na ol wokman i lukim long ai bilong ol olsem olgeta wara insait long bikpela wara i tanim na i kamap blut. ²¹ Ol pis long bikpela wara i dai na ol bikpela wara i stat long smel sting. Ol Isip lain i hat long kisim dispela wara long bikpela wara na blut i stap long olgeta hap graun bilong Isip. ²² Tasol ol poisinman bilong Isip i wokim wankain samting. Olsem na bel bilong Fero i pas tru na em i les long harim tok bilong Moses na Aron, long ol samting God Yawe i tok long em bai i kamap. ²³ Olsem na Fero i tanim i go bek long haus bilong em. Em i no putim yau long ol dispela toktok. ²⁴ Olgeta lain Isip i dikim hul arere long bikpela wara long kisim wara bilong drin, tasol ol i no inap long kisim wara bilong bikpela wara. ²⁵ 7-pela dei i bin kam i go bihain long God Yawe i bin kamapim dispela hevi long ol wara bilong ol Isip.

¹ Nau God Yawe i tokim Moses, "Go long Fero na tokim em, 'God Yawe i tok olsem, "Larim ol lain manmeri bilong mi i go bai ol i ken lotu long mi. ² Sapos yu les long larim ol i go, bai mi bagarapim olgeta hap kantri bilong yu wantaim ol rokrok. ³ Ol wara bai i pulap wantaim rokrok. Ol bai i kam antap na go insait long haus bilong yupela na insait long rum na bet bilong yupela. Ol bai i go insait long haus bilong ol wokboi bilong yupela. Ol bai i go insait long ol aven na pot bilong tanim bret. ⁴ Ol rokrok bai bagarapim yu, ol manmeri na ol wokboi bilong yu." ⁵ God Yawe i tokim Moses, "Tokim Aron, 'Apim han bilong em wantaim stik i go antap na olgeta wara na han wara na ol liklik raun wara bai ol rokrok i kamaut na bai ol i karamapim graun bilong Isip." ⁶ Aron i putim han bilong em i go antap na rokrok i kamaut long olgeta wara bilong Isip na karamapim olgeta hap graun bilong Isip. ⁷ Tasol ol man bilong mekim posin i mekim wankain pasin wantaim posin bilong ol na ol i mekim planti rokrok i pulmapim olgeta graun bilong Isip. ⁸ Bihain Fero i singautim Moses na Aron na i tok, "Prea long God Yawe na bai em i ken rausim dispela ol rokrok long mi wantaim ol lain manmeri bilong mi. Na bai mi larim ol lain manmeri bilong yu i go na lotu long God Yawe. ⁹ Moses i tokim Fero, "Mi bai amamas long prea long yu na long ol wokboi bilong yu wantaim olgeta lain manmeri bilong yu. Bai mi askim God Yawe long rausim ol dispela rokrok long haus bilong yupela na bai ol i stap tasol insait long wara. Tokim mi tasol long wanem taim yu laik bai mi prea." ¹⁰ Fero i tok, "Tumoro."Na Moses i tok, "Larim em i kamap olsem yu tok na bai yu ken save olsem i no gat wanpela man i olsem God Yawe bilong mipela. ¹¹ Ol rokrok bai i lusim haus bilong yu, ol wokboi bilong yu na olgeta lain manmeri bilong yu. Ol bai i stap insait tasol long wara." ¹² Bihain Moses na Aron i lusim Fero na i go. Moses i prea long God Yawe bai em i ken rausim ol rokrok we em i bin kisim i kam long Fero. ¹³ God Yawe i mekim wankain pasin i bihainim tok Moses i askim long em. Olgeta rokrok i dai insait long haus na long olgeta hap. ¹⁴ Ol manmeri i bumim ol dispela dai rokrok na smel nogut i bagarapim tru dispela ples. ¹⁵ Tasol taim Fero i lukim olsem olgeta samting i kamap orait, bel bilong em i stron na em i no laik harim tok bilong Moses na Aron, olsem God Yawe i bin tok pinis. ¹⁶ God Yawe i tokim Moses, "Tokim Aron, 'Apim stik bilong em na paitim das long graun, bai em i kamap laus na karamapim olgeta hap graun bilong Isip." ¹⁷ Tupela i mekim olsem. Aron i apim han bilong em wantaim stik na paitim das long graun. Ol laus i kamap long das na i karamapim olgeta hap graun bilong Isip na ol manmeri wantaim olgeta animol bilong ol. ¹⁸ Ol posin man i traim posin bilong ol long mekim laus i kamap tasol ol i no inap. Olsem na ol laus i karamapim ol manmeri na animol bilong ol. ¹⁹ Bihain ol man bilong mekim posin i tokim Fero, "Dispela em i han bilong God Yawe." Tasol bel bilong Fero i stron yet, olsem na em i les long harim tok bilong tupela. Em i kamap olsem God Yawe i bin tok long wanem samting, Fero bai i mekim. ²⁰ God Yawe i tokim Moses, "Kirap long monin stret na i go weit long wara i stap na taim Fero i kam long waswas, tokim em olsem. "God Yawe i tok olsem." Larim ol manmeri bilong mi i go na bai ol i ken lotu long mi.' ²¹ Sapos yu no larim ol manmeri bilong mi i go, bai mi salim planti tumas blu lang i kam long yu wantaim ol wokboi na ol lain manmeri bilong yu na long haus bilong yupela. Haus bilong ol lain Isip bai i pulap long ol blu lang na tu graun we ol i sanap long en bai i pulap long ol blu lang. ²² Tasol long dispela dei bai mi lukautim graun bilong Gosen, graun we ol manmeri bilong mi i stap, bai i no gat wanpela blu lang bai i stap long hap. Dispela bai i kamap long soim olsem, Mi God Yawe, husat i mekim ol dispela samting i kamap namel long dispela ples. ²³ Bai mi putim mak i soim olsem em ol lain bilong mi namel long ol lain bilong yu. Dispela mak bilong bikpela stron bilong mi bai i kamap tumoro.'' ²⁴ God Yawe i mekim na bikpela hip blu lang i kam insait long haus bilong Fero wantaim ol wok boi bilong em. Ol i karamapim olgeta hap bilong Isip na i bagarapim tru. ²⁵ Fero i singautim Moses na Aron na i tok, "Go na mekim ofa long God Yawe bilong yupela tasol yupela i mas mekim insait long graun bilong Isip yet." ²⁶ Tasol Moses i bekim, "Em i no gutpela long mipela long mekim olsem, long wanem, ofa mipela i mekim i go long God Yawe bilong mipela bai i no luk gutpela tumas long ol lain Isip, ating bai ol i no inap tromoi ston long mipela? ²⁷ Mipela bai wokabaut tripela dei i go insait long ples nating bilong mekim ofa i go long God Yawe bilong mipela, olsem em i bin tokim mipela." ²⁸ Fero i tok, "Bai mi larim yupela i go na mekim ofa long God Yawe bilong yupela, tasol noken go longwe. Nau yu ken prea long mi." ²⁹ Moses i tok, "Long taim mi lusim yu na i go, bai mi prea long God Yawe bai em i ken rausim ol dispela blu lang long yu, Fero, ol wokboi na manmeri bilong yu tumoro. Tasol yu no ken giamanim mipela ken na pasim ol lain bilong mipela long go na givim ofa long God Yawe." ³⁰ Moses i lusim Fero na i go prea long God Yawe. ³¹ God Yawe i mekim olsem Moses i tok. Na em i rausim ol planti tumas blu lang long Fero na ol wokboi bilong em na olgeta manmeri. Na i nogat wanpela bilong ol dispela blu lang i stap. ³² Tasol long dispela taim ken, Fero i stronim bel bilong em na em i no larim ol lain Isrel i go.

¹ Nau God Yawe i tokim Moses, "Go long Fero na tokim em olsem, 'God Yawe, God bilong ol Hibru, i tok olsem, "Larim ol manmeri bilong mi i go na bai ol i ken lotuim mi.'' ² Na sapos yu no laik larim ol i go na yu wok long holim ol i stap bek, ³ orait han bilong God Yawe bai i stap antap long olgeta hos, donki, kamel, bulmakau na sipsip, em bai mekim sik nogut i kamap antap long ol. ⁴ God Yawe bai bagarapim ol bulmakau bilong ol Isip na bai em i mekim gut long ol bulmakau bilong Israel, nogat wanpela animol bilong ol lain Israel bai i dai. ⁵ God Yawe i makim taim pinis na em i tok, "Tumoro tasol bai mi mekim dispela samting long dispela ples,'' ⁶ God Yawe i bin mekim dispela long dei em i makim pinis long en na olgeta bulmakau long Isip i dai. Tasol nogat wanpela animol bilong Israel i dai, nogat tru. ⁷ Fero i wok long painim aut na luksave olsem, nogat wanpela animol bilong ol Israel i bin dai. Tasol bel bilong Fero i bin stron tumas, olsem na em i no larim ol manmeri bilong Israel i go. ⁸ Nau God Yawe i tokim Moses na Aron, "Kisim blekpela sit paia long han bilong yu. Na yu, Moses, yu mas tromoi dispela sit paia i go antap long skai long ai bilong Fero taim em lukluk i stap. ⁹ Em bai i kamap olsem ol liklik das paura antap long olgeta hap graun bilong Isip. Em bai mekim skin bilong ol i solap na kamapim sua long skin bilong ol manmeri na ol animol long olgeta hap bilong Isip.'' ¹⁰ Orait Moses na Aron i kisim sit paia na go sanap long pes bilong Fero. Nau em i bin tromoi dispela sit paia i go antap long skai. Na sit paia i karamapim skin solap na sua long olgeta manmeri na ol animol. ¹¹ Na ol glas man tu i no inap long winim Moses, bilong wanem, skin bilong ol i bagarap, skin solap na sua i bagarapim ol wantaim ol narapela lain manmeri bilong Isip. ¹² God Yawe i mekim bel bilong Fero i stron tumas, olsem na Fero i no harim tok bilong Moses na Aron. Dispela em i kamap olsem God Yawe i bin tokim Moses long bipo, long wanem samting Fero bai mekim. ¹³ Nau God Yawe i tokim Moses, "Kirap long monin taim tru na go lukim Fero na tokim em olsem, 'God Yawe, God bilong ol Hibru, i tok, "Larim ol manmeri bilong mi i go na bai ol i ken lotuim mi. ¹⁴ Long dispela taim mi bai salim belhat bilong mi i kam antap long yu, ol wok manmeri bilong yu na olgeta lain manmeri bilong Isip. Bai mi mekim olsem na yu bai save olsem i nogat wanpela man long olgeta hap long graun i olsem mi. ¹⁵ Long nau mi inap long putim han bilong mi i go na bagarapim yu na ol pipol bilong yu wantaim kainkain sik na rausim yupela olgeta long dispela graun. ¹⁶ Tasol long dispela as mi larim yu i stap yet, long wanem, bai yu lukim bikpela stron bilong mi na nem bilong mi bai i stap antap olgeta, long olgeta hap graun. ¹⁷ Yu wok long apim yu yet na yu no larim ol lain manmeri bilong mi i go. ¹⁸ Harim! Tumoro long wankain taim olsem mi bai salim stronpela ren na ais, we dispela samting i no save kamap long Isip long taim bipo i kam inap nau. ¹⁹ Orait nau salim ol man i go na kisim ol bulmakau na olgeta samting i stap long ples gras na bumim ol long wanpela ples we ol i no inap kisim bagarap. Ol man na animol i stap yet long autsait na yu no kisim ol kam long haus, dispela ren ais bai i kam daun long ol na olgeta bai i dai.''''' ²⁰ Na ol wokboi bilong Fero husat i bilip long God Yawe, ol i hariap na kisim ol wokman nating na ol bulmakau bilong ol i go insait long haus. ²¹ Tasol ol lain husat i no save wari tumas long tok bilong God Yawe, lusim ol i stap bihain wantaim ol bulmakau bilong ol, autsait long ples gras. ²² Na God Yawe i tokim Moses, "apim han bilong yu i go antap long skai na ren ais bai i kam antap long graun bilong Isip na antap long ol manmeri, ol animol na olgeta bikpela na liklik diwai i stap long ples klia long olgeta hap graun bilong Isip.'' ²³ Na Moses i apim stik bilong em i go antap long skai na God Yawe i salim klaut i pairap, bikpela ren wantaim lait bilong klaut i kam daun long graun. Em i salim tu ren wantaim ais na win long Isip. ²⁴ Olsem na win na lait bilong klaut i bum wantaim ren na ais i kamap bikpela tru, we i no bin i gat dispela kain samting i kamap long Isip bipo, taim Isip i bin kamap wanpela kantri. ²⁵ Insait long Isip, bikpela ren wantaim ais i pundaun na bagarapim olgeta samting insait long gaden kaikai, ol manmeri na ol animol. Em i bagarapim tru olgeta samting insait long gaden na brukim ol bikpela diwai. ²⁶ Tasol insait long graun Gosen, we ol Israel i stap long en, i nogat bikpela ren wantaim ais i pundaun. ²⁷ Na Fero i salim ol man i go kisim Moses na Aron. Em i bin tokim ol, "Mi mekim sin ken long dispela taim. God Yawe, em stretpela man, mi na ol pipol bilong mi, mipela i no gutpela lain. ²⁸ Beten long God Yawe, long wanem, dispela bikpela klaut i pairap na ren ais i bikpela tumas. Mi bai larim yupela i go na yupela bai i no inap i stap moa long hia.'' ²⁹ Moses i tokim Fero, "Taim mi lusim dispela biktaun, mi bai apim han bilong mi na dispela klaut bai i no inap pairap na bikpela ren wantaim ais bai pinis olgeta. Long dispela rot bai yu save olsem dispela graun em i bilong God Yawe. ³⁰ Tasol long yu na ol wok manmeri bilong yu, mi save olsem yupela i no bilip tru long God Yawe." ³¹ Nau ol liklik diwai bilong mekim klos na rais bali i bin bagarap, long wanem nupela kru bilong dispela ol rais bali i stat long redi na ol liklik diwai bilong mekim klos i bin karim plaua long en. ³² Tasol wit i no bagarap, long wanem, em ol dispela kaikai ol i save kisim long bihain. ³³ Taim Moses i lusim Fero na biktaun bilong en, em i apim han bilong em i go antap long God Yawe, klaut i pairap na ren wantaim ais i bin pinis na ren i no pundaun moa. ³⁴ Taim Fero i lukim ol bikpela win, ren wantaim ais na klaut i pairap i pinis olgeta, em i mekim sin long stronim bel bilong en ken, wantaim ol wok manmeri bilong en. ³⁵ Fero i stronim bel bilong em tru na em i no larim ol manmeri bilong Israel i go. Dispela pasin Fero i mekim, olsem God Yawe i bin tokim Moses pinis long en.

¹ God Yawe i tokim Moses, "Yu go long Fero, long wanem, mi mekim bel bilong Fero na ol wokman bilong em i stron tumas. Mi mekim dispela long soim pawa bilong mi namel long ol. ² Mi mekim dispela tu long yupela bai tokim ol pikinini bilong yupela na ol tumbuna pikinini bilong yupela long ol samting mi mekim long ol, long wanem mi soim belhat bilong mi long ol Isip na bai mi soim ol pawa bilong mi namel long ol. Long dispela rot bai yu save olsem mi God Yawe." ³ Nau Moses na Aron i go long Fero na i tokim em, "God Yawe bilong Hibru i tok olsem, 'Wanem taim bai yupela i harim tok na kam aninit long mi? Larim ol lain manmeri bilong mi i go na ol bai lotu long mi. ⁴ Sapos yu no harim tok na lusim ol lain manmeri bilong mi i go, harim, tumoro bai mi kisim ol grashopa i kam long graun bilong yu. ⁵ Ol bai karamapim graun na nogat wanpela man bai inap long lukim hap graun i stap. Ol bai kaikai olgeta samting we ais ren i bagarapim na lusim long en. Ol bai kaikai olgeta diwai tu i save stap long ples bilong yu. ⁶ Ol dispela binatang bai i go insait na pulapim haus bilong yu na ol wokman bilong yu wantaim olgeta lain Isip. Dispela samting bai kamap olsem ol papa bilong yu na ol tumbuna bilong yu i no bin lukim long en. Nogat wanpela samting olsem i bin kamap long taim bipo i kam inap nau taim ol lain bilong yu i bin stap laip long en." Nau Moses lusim Fero na em i go aut. ⁷ Wokman bilong Fero i tokim Fero, "Hamas taim bai Moses i mekim nogut long mipela? Larim ol lain bilong Israel i go bek ken na lotu long God Yawe bilong ol. Yu no luksave olsem Isip i wok long bagarap i stap?" ⁸ Ol i go kisim Moses na Aron i kam bek long Fero na Fero i tokim tupela, "Go na lotu long God Yawe bilong yupela. Tasol husat ol manmeri bai i go?" ⁹ Moses i tok, "Bai mipela i go wantaim ol yanpela na ol lapun na ol pikinini man na ol pikinini meri bilong mipela. Bai mipela go wantaim ol sipsip na meme na ol narapela animol bilong mipela tu. Long wanem, bai mipela mekim bikpela bum bilong amamas i go long God Yawe. ¹⁰ Fero i tokim ol, " Tru tumas God Yawe i ken stap wantaim yu na ol pikinini bilong yu sapos mi lusim yupela i go. Lukim, yu gat sampla tingting i nogut stap long yu. ¹¹ Nogat! Yupela ol man bilong Israel i ken go na lotu long God Yawe, em wanem yu yet i laikim long en." Nau ol rausim Moses na Aron i go aut long ai bilong Fero. ¹² Nau God Yawe i tok long Moses, "Opim han bilong yu i go aut long graun bilong Isip na singautim ol grashopa bai ol i kam kaikaim olgeta gras na diwai long Isip wanem samting ais ren i no bagarapim.. ¹³ Moses putim stik bilong em i go aut long graun bilong Isip na God Yawe i salim win i kam olsem long hap san i kamap na i karamapim ples Isip long wanpela dei na nait olgeta. Taim em monin, win bilong san kamap i kisim ol grashopa i kam. ¹⁴ Ol dispela binatang i kam insait long ples Isip na i pulapim olgeta hap graun. Nogat wanpela taim bipo i bin i gat dispela kain samting olsem ol grashopa i kam pulap long ples Isip na kain samting bai i no inap long kamap ken. ¹⁵ Ol karamapim olgeta hap graun na ples i kamap tudak. Ol kaikai olgeta gras na plawa wantaim olgeta diwai na pikinini diwai bilong ol ais ren i lusim long en. Em kamap long olgeta hap bilong Isip na i nogat wanpela gras, lawa na diwai i stap. ¹⁶ Nau tasol Fero singautim Moses na Aron na i tok, "Mi mekim sin long God Yawe bilong yupela na yu tu. ¹⁷ Olsem na nau lusim sin bilong mi na prea long God Yawe bilong yupela na em bai rausim dispela dai long mi." ¹⁸ Nau Moses lusim Fero na i go na prea long God Yawe. ¹⁹ God Yawe i salim stronpela win i kam olsem long hap san i go daun na i kam kisim olgeta grashopa i go na lusim ol long Solwara bilong Rids. Nogat wanpela grashopa i stap long Isip. ²⁰ Tasol God Yawe i mekim bel bilong Fero i stron yet na Fero i no lusim ol manmeri bilong Israel i go. ²¹ Nau God Yawe i tokim Moses, "Opim han bilong yu i go long skai na tudak bai karamapim ples Isip, bai ol i pilim dispela kain tudak." ²² Moses opim han bilong em i go long skai na bikpela tudak i kam karamapim Isip inap tripela dei olgeta. ²³ Nogat wanpela man inap long lukim wanpela samting na nogat wanpela man i lusim haus bilong em inap tripela dei na i kam autsait. Tasol, lait i stap long hap bilong ol lain bilong Israel i stap long en. ²⁴ Fero singautim Moses na i tok, "Go lotu long God Yawe wantaim ol femili bilong yu, tasol yupela i mas lusim ol sipsip na meme na ol narapela animol bilong yupela i stap bek." ²⁵ Tasol Moses i tok, " Yu mas givim mipela ol animol bilong mipela long bai mipela mekim ofa na kukim ofa i go long God Yawe bilong mipela. ²⁶ Olgeta bulmakau bilong mipela bai i go wantaim mipela, nogat wanpela bai i stap bek. Long wanem, bai mipela i kisim ol animol i go long lotu long God Yawe bilong mipela. Na tu, mipela i no save long wanem bai mipela lotu long God Yawe bilong mipela taim mipela i kamap long hap." ²⁷ Tasol God Yawe i stronim Fero yet na em i no larim ol i go. ²⁸ Fero i tokim Moses, "Lusim mi na go! Harim gut dispela tok, yu noken kam bek na lukim mi, Long dispela dei sapos yu kam bek na lukim mi, bai yu i dai." ²⁹ Moses i tok, "Yu yet i tok pinis. Bai mi no inap kam lukim yu bihain ken."

¹ Nau God Yawe i bin tokim Moses, "Bai mi salim wanpela bagarap moa i kam long Fero, king bilong Isip na olgeta lain manmeri bilong en. Bihain long dispela, em bai i larim yupela i go. Taim em i mekim olsem, em bai rausim yupela i go aut long Isip olgeta. ² Tokim ol manmeri olsem olgeta i mas askim husat wantok ol i save stap klostu long en, long givim, ol samting ol i mekim long silva na gol." ³ Nau God Yawe i bin mekim ol lain Isip i gat bikpela laik long amamasim ol lain Isrel na wankain olsem Moses tu i kamap bikpela save pes long ai bilong ol wokboi bilong Fero na ol lain manmeri bilong Isip. ⁴ Moses i tok, "God Yawe i tok olsem: 'Long biknait bai mi raun long olgeta hap bilong Isip. ⁵ Olgeta namba 1- pikinini man insait long graun bilong Isip bai i dai, long namba 1 pikinini man bilong Fero, husat i sindaun long sia king, i go long nambawan pikinini man bilong wokmeri husat i tanim wil bilong rausim skin bilong wit na i go long olgeta namba 1-pikinini bilong olgeta bulmakau. ⁶ Bikpela krai bai i kamap long olgeta hap graun bilong Isip we i no i bin kamap bipo na bai i no inap long kamap ken. ⁷ Nogat wanpela dok bai i singaut long wanpela lain manmeri bilong Israel, long ol man o long ol animol, nogat tru. Long dispela rot bai yupela i save olsem pasin mi mekim long ol lain Israel i narakain long ol lain Isip. ⁸ Olgeta wokboi bilong yu, Fero, bai i kam brukim skru long mi na bai ol i tok, 'Plis lusim Isip na i go, yu wantaim olgeta lain manmeri bilong Israel!' Bihain long dispela, mipela bai lusim Isip." Taim Moses i toktok pinis, em i lusim Fero wantaim bikplea belhat. ⁹ God Yawe i bin tokim Moses, "Fero bai i no inap long harim tok bilong yu. Dispela bai i mas kamap bilong wanem bai mi mekim planti samting we ol bai kirap nogut insait long graun bilong Isip." ¹⁰ Moses na Aron i mekim olgeta dispela samtin long ai bilong Fero, tasol God Yawe i mekim Fero i stronim yet bel bilong en. Olsem na Fero i no larim ol lain manmeri bilong Israel i lusim graun bilong en.

¹ God Yawe, i toktok long Moses na Aron long graun bilong ol Isip. Em i tok, ² "Long yupela, dispela mun bai i kamap stat bilong olgeta mun na namba wan mun bilong yia. ³ Tokim ol manmeri bilong ol lain Israel, 'Long namba 10-dei bilong dispela mun olgeta wanwan ol i mas kisim wanpela yangpela sipsip o yangpela memek bilong ol yet, ol wanwan famili i mas mekim dispela, wanpela yangpela sipsip long wanwan haus. ⁴ Sapos wanpela famili i liklik tumas long kaikai wanpela sipsip, ol i ken kisim ol narapela lain husat i stap klostu long ol na ol i ken kisim sipsip o mit bilong yangpela meme, we em bai inap long olgeta i ken kaikai. Em i mas inap long olgeta lain manmeri long kaikai, olsem na ol i mas kisim inap mit long olgeta bai kaikai. ⁵ Dispela yangpela sipsip o meme bilong yupela em i mas nogat asua, em i mas wan pela krismas na em i mas man. Na Yupela i ken kisim wanpela tasol, sipsip o meme. ⁶ Yupela i mas lukautim i stap i go inap long dei 14 bilong dispela mun. Bihain olgeta manmeri bilong Israel i mas kilim ol dispela animol long taim tulait i bruk. ⁷ Yupela i mas kisim sampela blut bilong em na putim long tupela sait post na antap long dua bilong haus we bai yupela i kaikai dispela abus long en. ⁸ Yupela i mas kaikai dispela abus long dispela nait, bihain long taim yupela kukim antap long paia. Kaikai wantaim bret i no gat yis na wantaim ol pait samting. ⁹ Noken kaikai nupela o boilim long wara. Nogat, kukim antap long paia wantaim het na lek na olgeta bel bilong en. ¹⁰ Yupela i no ken larim wanpela hap i stap i go inap long tulait. Ol haphap abus i stap, em long monin yupela mas kukim olgeta. ¹¹ Taim yupela kaikai, yupela mas pasim let bilong yupela na putim su long lek bilong yupela na holim stik bilong wokabaut long han. Yupela mas kaikai hariap. Dispela em i Pasova bilong God Yawe. ¹² God Yawe i tok olsem, bai Mi wokabaut long olgeta hap graun bilong Isip long dispela nait na kilim olgeta namba wan pikinini man bilong ol man na animol wantaim, insait long Isip. Bai mi bagarapim olgeta giaman god bilong Isip. Mi God Yawe. ¹³ Dispela blut bai i stap olsem mak long haus bilong yupela na bai mi lukim taim mi kam. Taim mi lukim dispela blut, bai mi abrusim yupela long taim mi bagarapim graun bilong Isip. Dispela bagarap bai i no inap kamap long yupela na bagarapim yupela. ¹⁴ Dispela dei bai i kamap wanpela dei we yupela i mas tingim, we yupela i mas luksave na mekim kaikai na amamas i go long God Yawe. Em bai i stap olgeta taim olsem lo bilong yupela na long olgeta lain tumbuna i kamap bihain, olsem yupela i mas tingim dispela dei. ¹⁵ Yupela bai kaikai bret i no gat yis insait long 7-pela dei. Long namba wan dei bai yupela rausim olgeta yis long ol haus bilong yupela. Husat man o meri ol i kaikai bret i gat yis long namba wan dei, i go inap long namba 7-dei, ol i mas rausim ol dispela man o meri long Israel. ¹⁶ Long namba wan dei bai i gat wanpela bum bilong mi bai kamap na long namba 7-dei bai i gat wankain bung bai i kamap ken. Nogat wanpela wok bai i kamap long ol dispela dei, wanpela wok tasol yupela i ken mekim em long kukim ol kaikai bilong olgeta man na meri long kaikai. Dispela wok tasol em yupela i mas mekim. ¹⁷ Yupela i mas luksave na amamas long dispela kaikai bilong Pasova Bret long wanem em long dispela dei mi bin kisim ol lain bilong yupela i kam aut long graun bilong ol lain Isip. Olsem na yupela i mas amamas long dispela dei wantaim ol lain tumbuna bilong yupela i kam bihain. Dispela bai i kamap olsem lo bilong yupela. ¹⁸ Yupela i mas kaikai pasova bret long monin tru, taim tulait i bruk, long 14-dei bilong namba wan mun bilong dispela yia, i go inap long monin tru, taim tulait i bruk long 21-dei bilong dispela mun. ¹⁹ Insait long dispela 7-pela dei, i nogat wanpela yis bai i stap insait long ol haus bilong yupela. Husat man o meri i kaikai bret ol i wokim wantaim yis, ol bai i rausim ol long lain bilong Israel, maski sapos yu bin kamap long arapela ples autsait long Israel o yu bin kamap insait long Israel. ²⁰ Yupela i noken kaikai wanpela samting ol i wokim wantaim yis. Long wanem hap yupela i stap long en, yupela i mas kaikai bret i nogat yis. ²¹ Bihain Moses i singautim olgeta hetman bilong Israel na i tokim ol olsem, "Go na makim sipsip we bai inap long ol famili bilong yupela bai kaikai na kilim dispela Passova sipsip." ²² Na kisim sampela lip i save holim wara na putim i go insait long dis i gat blut long en. Kisim dispela blut long lip na putim antap long het bilong dua na tupela sait pos bilong dua. Nogat wanpela bilong yupela bai i go autsait long dispela dua bilong haus inap long tulait. ²³ God Yawe bai i kam na pait long ol lain Isip. Na taim em i lukim blut long het bilong dua na long sait sait pos bilong dua, em bai i abrusim dua bilong yupela na em bai i no inap larim samting bilong bagarapim man i kam insait long haus na kilim yupela. ²⁴ Yupela i mas luksave na amamasim dispela dei. Dispela bai i kamap olsem Lo bilong yupela na ol lain tumbuna bilong yupela oltaim. ²⁵ Taim yupela i go insait long dispela graun God Yawe i laik givim long yupela olsem em i tok promis long mekim, yupela i mas luksave na bihainim dispela pasin bilong lotu. ²⁶ Taim ol pikinini bilong yupela ol i askim yupela olsem, "Dispela ol kain pasin bilong lotu long God Yawe em i minim wanem samting?, ²⁷ yupela i mas tokim ol olsem, "dispela em i ofa bilong Pasova bilong God Yawe, bilong wanem God Yawe i bin abrusim haus bilong ol lain Israel long Isip taim em i bagarapim ol lain Isip. Em i lusim ol Israel i go fri.'" Bihain ol manmeri i brukim skru na i lotuim God Yawe. ²⁸ Ol Israel i go na i bihainim stret wanem samting God Yawe i tokim Moses na Aron. ²⁹ Em i kamap long biknait taim God Yawe i kilim i dai olgeta namba 1-pikinini man bilong ol Isip, stat long namba 1- pikinini bilong Fero, husat i sindaun long sia king, i go inap long olgeta namba 1- pikinini bilong man husat i stap insait long kalabus tu na olgeta namba 1- pikinini bilong ol animol. ³⁰ King Fero i kirap long nait, em wantaim olgeta wokboi bilong en na olgeta lain bilong Isip. Bikpela krai i kamap long Isip, bilong wanem namba 1- pikinini man i dai long olgeta haus. ³¹ King Fero i singautim Moses na Aron long nait na i tok olsem, "Kirap na lusim ol lain bilong mi na go, yu wantaim ol lain bilong yu. Go na lotu long God Yawe olsem yu bin tok long mekim. ³² "Kisim ol animol bilong yupela olsem yu bin askim long en na go! Na askim God Yawe long blesim mi tu." ³³ Ol Isip i tokim ol Israel long lusim ples bilong ol hariap, bilong wanem ol i tok, "Sapos yupela i no mekim olsem bai mipela olgeta i dai." ³⁴ Olsem na ol i kisim ol bret bilong ol we i no gat yis long em. Ol dis bilong wokim ol plaua em ol i pasim pinis long klos na solda bilong ol. ³⁵ Nau ol manmeri bilong Israel ol i mekim olsem Moses i tokim ol long en. Ol i askim ol lain Isip long ol samting ol i mekim long silva na gol na ol klos. ³⁶ God Yawe i kirapim bel bilong ol lain Isip long amamasim ol lain Israel. Olsem na ol lain Isip ol i givim olgeta samting ol i askim long en. Long dispela rot, ol Israel i kisim olgeta kago bilong ol Iain Isip. ³⁷ Ol Israel i wokabaut long Ramases i go long Sukot. Namba bilong ol em i klostu 600,000 man antap long ol meri na pikinini. ³⁸ Ol bikpela lain manmeri ol i no bilong ol lain Israel ol i go wantaim ol. Ol i kisim tu ol animol bilong ol, sipsip na meme na bulmakau. ³⁹ Long rot ol i mekim bret i no gat yis long plaua ol i kisim i kam long Isip. Em i no gat yis long wanem ol i kam aut long Isip hariap tru na i no gat taim long putim yis. ⁴⁰ Ol lain Israel i bin stap long Isip inap long 430 yia. ⁴¹ Long pinis bilong 430 yia, long dispela dei, olgeta lain manmeri bilong God Yawe i lusim graun bilong ol Isip. ⁴² Dispela em i wanpela nait we ol lain Israel ol i no silip. Ol i kirap na weit i stap long God Yawe, long kisim ol i kam aut long graun bilong ol Isip. Dispela em nait bilong God Yawe we olgeta ol lain Israel ol i mas luksave na amamas long en, i go long ol lain tumbuna bilong ol tu. ⁴³ God Yawe i tokim Moses na Aron olsem, "Hia em i Lo bilong Pasova, i no gat wanpela manmeri bilong narapela hap bai kaikai long dispela pasova kaikai." ⁴⁴ Tasol ol wokboi bilong ol lain Israel husat ol i baim long mani na husat ol i katim skin bilong ol pinis, em ol i ken kaikai. ⁴⁵ Ol lain bilong narapela hap na ol wokboi ol i bin kisim ol bilong wok long ol bai i no inap kaikai wanpela hap bilong dispela kaikai. ⁴⁶ Ol i mas kaikai dispela kaikai insait long wanpela haus tasol. Na ol i no ken kisim wanpela mit i kam autsait long haus. Na noken brukim wanpela bun bilong ol. Olgeta kominiti long Israel i mas mekim olsem. ⁴⁷ Olgeta lain manmeri insait long Israel ol i mas luksave na amamasim dispela dei. ⁴⁸ Sapos wanpela man long narapela hap i stap wantaim yu na i laik luksave na amamasim Pasova i go long God Yawe, olgeta man long lain bilong em i mas katim skin bilong ol. Bihain em i ken kam na amamas wantaim. Em bai i kamap olsem wanpela lain bilong Israel olsem mama i bin karim long Israel. Ol man husat i no katim skin bilong ol bai i no inap long kaikai dispela kaikai. ⁴⁹ Dispela Lo tasol bai i stap namel long ol lain tru bilong Israel na long ol lain bilong narapel hap we i stap namel long yupela." ⁵⁰ Olsem na olgeta lain Israel ol i bihainim olgeta samting God Yawe i tokim Moses na Aron long en. ⁵¹ . Na long dispela dei tasol God Yawe i kisim ol lain Israel i kam aut long Isip bihainim wan wan famili lain bilong ol.

¹ Na God Yawe toktok long Mose na i tok olsem, ² "Makim na givim mi olgeta namba 1-pikininin, olgeta pikinini man namel long ol Isrel, ol man na ol animol wantaim. Olgeta namba 1-pikinini man em bilong mi." ³ Moses i tokim ol manmeri, "Makim dispela dei long tingim, dei yupela i bin kam autsait long Isip na kam autsait long haus bilong wok kalabus, wantaim stronpela han bilong God Yawe em kisim yu kam aut long dispela ples. No ken kaikai bret igat yis long em. ⁴ Yupela bai go aut long Isip long dispela dei, long namba 4- mun Abip. ⁵ Taim God Yawe i kisim yupela i go insait long ples bilong ol Kenan, Hit, Amor, Hivi na Jebus, graun we em i bin promis long givim long ol tumbuna bilong yupela, i pulap wantaim milk na hani. Olsem na bihain yupela mas tingim dispela pasin bilong lotu long dispela mun. ⁶ Long 7-dei yupela i mas kaikai bret i nogat yis na long 7-dei bai i gat bikpela kaikai long tingim na amamas long God Yawe. ⁷ Yupela mas kaikai bret nogat yis insait long 7-pela dei na bret i nogat yis mi mas noken lukim namel long yupela. Yis i no ken stap long graun mak bilong yupela. ⁸ Long dispela dei yupela mas tokim ol pikinini bilong yupela olsem, 'Dispela em wanem God Yawe i wokim long mi taim mi kam aut long Isip.' ⁹ Dispela bai kamap mak long han bilong yupela na mak long pes bilong yupela. Em olsem na lo bilong God Yawe bai stap long maus bilong yupela, husat i bin kisim yupela kamaut long Isip wantaim stronpela han bilong em. ¹⁰ Olsem na yupela mas bihainim dispela lo na mekim long olgeta yia mi bin makim long en. ¹¹ Taim God Yawe i kisim yupela i go long graun bilong Kenan, olsem em i bin promis long yupela na ol tumbuna bilong yupela, long wanem em bai mekim na em i inapim tok bilong em na givim graun i go long yupela, ¹² olsem na yupela mas makim olgeta namba wan pikinini na namba 1-animal bilong yupela. Olgeta man animol em i bilong God Yawe. ¹³ Olgeta namba 1-pikinini donki, yu mas baim bek wantaim sipsip. Sapos yu no baim bek, yu mas brukim nek bilong ol. Tasol wan wan ol pikinini man bilong yupela namel long olgeta pikinini man yupela i mas baim ol bek. ¹⁴ Taim pikinini bilong yu i askim i yu bihain, ' Displea em i makim wanem?' Na yu mas tokim em, 'Long stronpela han bilong God Yawe i bin kisim mipela i kam aut long kalabus bilong ol Isip. ¹⁵ Taim Fero i pasim bel bilong em long larim mipela i go, God Yawe i kilim olgeta namba 1-pikinini long Isip, wantaim ol namba 1-pikinini man na namba wan pikinini bilong ol animal. Long dispela as mi bin mekim ofa i go long God Yawe, wantaim namba 1-pikinini bilong olgeta animal. Long dispela as mi baim bek namba1-pikinini bilong mi." ¹⁶ Dispela bai kamap mak long han bilong yupela na mak long het bilong yupela, olsem God Yawe i kisim mipela i kam aut wantaim stronpela han bilong em long Isip." ¹⁷ Taim Fero i larim ol manmeri go, God Yawe i no kisim ol i go stret long rot bilong ol lain Filistia i stap klostu. God i tok, " Long displea rot ol manmeri bai senisim tingting bilong ol taim ol i pait na tingting long go bek long Isip.'' ¹⁸ Olsem God Yawe i larim ol lain manmeri i go long ples nating na kamap long solwara bilong ret si. Ol manmeri bilong Israel i go antap long graun bilong Isip na redi long pait. ¹⁹ Moses i kisim bun bilong Josep wantaim em, long wanem Josep i bin mekim stronpela tok promis na i tok, "God Yawe bai larim yupela go fri olsem na yupela i mas karim bun bilong mi wantaim yupela.'' ²⁰ Ol manmeri bilong Israel i stat long wokabout long Sukot na kemp long Etam arere bilong ples nating. ²¹ God Yawe i go pas long dei wantaim klaut long soim rot. Na long nait em i go pas wantaim paia na givim lait long ol. Long dispela kain rot ol i ken wokabaut long dei na long nait. ²² God Yawe i no bin givim baksait long ol long dei taim na em i stap olsem klaut na long nait taim em i stap olsem paia.

¹ God Yawe i toktok long moses olsem, ² "Tokim ol Israel i mas i go bek na wokim kemp arere long ples Pi Hahirot, namel long Mikdol na solwara Detsi klostu long Bal Sefon. ³ Na king Fero i tok long ol Israel olsem. 'Ol bai raun nating long ples drai. Na ol i nogat rot bilong lusim dispela ples.` ⁴ Mi bai mekim king i belhat na em bai ronim yupela. Tasol bai mi winim em wantaim ol ami bilong em na bai mi kisim biknem long dispela samting mi mekim. Na ol lain Isip bai save olsem mi tasol mi God Yawe i gat olgeta stron.'' Olsem na ol Israel i harim tok na mekim kemp long hap. ⁵ Taim ol i tokim king bilong Isip olsem ol Isreal i ranawe pinis, Fero wantaim ol ofisa bilong en i senisim tingting bilong ol na i tok olsem, "Bilong wanem na yumi larim ol Isreal i go pinis na ol bai i no inap mekim wok bilong yumi?" ⁶ Bihain Fero i redim ol karis bilong pait na kisim ol ami wantaim em. ⁷ Em i kisim 600 namba wan karis wea ol i makim pinis, wantaim ol narapela karis i stap long Isip wantaim olgeta ofisa bilong en. ⁸ God Yawe i mekim bel bilong king Fero, i stron tumas na em i belhat na ronim ol lain Israel. Ol Israel i save olsem ol i winim pinis ol Isip. ⁹ Tasol olgeta Isip wantaim ol hos, karis, ol man long hos na ol ami i belhat na bihainim ol long baksait. Ol i abrusim kemp bilong ol Israel arere long solwara klostu long Pi Hairot na Bal Sefon. ¹⁰ Taim Fero i kam klostu pinis, ol Isreal i lukim em na ol i kirap nogut. Ol Isip i kam klostu long ol na ol i poret nogut tru. Na ol Israel i singaut long God Yawe. ¹¹ Ol i tokim Moses olsem, "Ating i nogat ples matmat long Isip olsem na yu kisim mipela kam long ples nating. Bilong wanem na yu mekim olsem long mipela na kisim mipela i kam autsait long Isip? ¹² Ating mipela i no tokim yu long dispela kain samting long Isip a? Mipela i bin tokim yu, 'Larim mipela i stap wokboi nating bilong Isip. Em i gutpela long mipela mekim wok long ol Isip na i no gutpela long mipela i dai long dispela ples wesan nating." ¹³ Moses i tokim ol manmeri olsem, " Yupela i no ken poret. Stap isi na lukim God Yawe bai helpim yumi nau. Yupela i no inap lukim ol Isip ken olsem yupela i lukim nau. ¹⁴ God Yawe bai mekim pait long yupela, olsem na yupela i mas stap isi tasol." ¹⁵ Olsem na God Yawe i tokim Moses, "Bilong wanem yu wok long singaut long mi olsem?. Tokim ol Israel i mas wokabaut i go pas. ¹⁶ Hapim wokabaut stik bilong yu na makim solwara na wara bai bruk long tupela hap, bai ol Israel inap wokabaut long drai graun i go long hapsait. ¹⁷ Yu mas save olsem, mi bai mekim tingting bilong ol Isip i pas tru na ol bai bihainim yupela i go. Mi bai winim Fero wantaim karis bilong em, olgeta ami billong em na karis bilong em na ol soldia i sindaun long hos bilong em na mi bai kisim biknem long wanem i kamap long ol. ¹⁸ Bihain ol Isip bai save olsem mi yet mi God Yawe olsem na mi winim Fero, wantaim ol karis na ol man long hos bilong en." ¹⁹ Dispela ensel bilong God Yawe i go pas lain long ol Israel, i lusim dispela hap na i go long baksait bilong ol. Na klaut bilong lait i go pas long ol na sanap baksait long ol Israel. ²⁰ Dispela klaut i kam namel long kemp bilong Isip na Israel. Na tudak i karamapim ol Isip tasol em i givim lait long ol Israel long nait. Olsem na long dispela nait ol Isip i no inap i go klostu long ol Israel. ²¹ Orait Moses hapim han na i makim solwara. God Yawe i mekim stronpela Is win i kamap long hap san kamap long dispela olgeta nait na mekim solwara i drai. Long dispela rot wara i bruk namel. ²² Ol Israel i wokabaut namel long solwara antap long drai graun. Na wara i sanap olsem banis long tupela sait. ²³ Na ol Isip i ronim ol long baksait, ol i bihainim ol i go kamap namel long solwara, olgeta hos, karis na ol soldia bilong Fero. ²⁴ Long monin taim God Yawe i lukluk i go daun long ol ami bilong Isip long paia na long klaut. Em i mekim ol Isip i poret. ²⁵ Na wil bilong ol karis i pas long graun na ol soldia i painim hat tru. Olsem na ol Isip i tok, "Yumi larim ol Israel, long wanem God Yawe i pait long yumi bilong helpim ol." ²⁶ God Yawe i tokim Moses, "Stretim han bilong yu na makim solwara na bai wara i kam bek ken antap long ol karis na ol soldia bilong ol Isip." ²⁷ Olsem na Moses i makim han i go long solwara na wara i kam bek long ples bilong en long taim tulait i bruk. Na olgeta Isip i go insait long wara tasol. God Yawe i mekim ol i go insait long namel tru. ²⁸ Na wara i kam bek na karamapim Fero wantaim ol karis, ol soldia na olgeta ami. God Yawe i mekim solwara i karamapim ol karis na soldia bilong Fero. Na i nogat wanpela i stap laip. ²⁹ Tasol ol Isreal i wokabut long drai graun namel long solwara. Na wara i kamap olsem banis long han kais na long han sut. ³⁰ Olsem na God Yawe i helpim ol Israel long han bilong ol Isip na ol Isreal i lukim ol bodi bilong Isip i dai pinis i stap nambaut long nambis. ³¹ Taim ol Isreal i lukim stron bilong God Yawe na wanem em i mekim long ol Isip, ol i givim biknem long em na putim bilip long God Yawe na long wokman bilong em Moses.

¹ Bihain Moses na ol lain manmeri bilong Israel i singim song i go long God Yawe. Ol i singsing olsem, "Bai mi singim song i go long God Yawe, bilong wanem em i winim bikpela pait, em i tromoi ol hos na ol man sindaun long hos i go insait long solwara. ² God Yawe em i stron bilong mi na song bilong mi na em i kamap olsem helpim bilong mi. Dispela em i God Yawe bilong mi na bai mi litimapim em, God Yawe bilong papa bilong mi na bai mi litimapim em. ³ God Yawe em man bilong pait, Yawe em nem bilong em. ⁴ Em i tromai karis na ami bilong Fero i go insait long solwara. Solwara bilong Red i bin daunim ol opisa bilong Fero. ⁵ Na dip i karamapim ol na ol i go ananit tru long dip olsem ston. ⁶ God Yawe, hansut bilong yu i gat stron na biknem. God Yawe, hansut bilong yu i bagarapim ol birua. ⁷ Wantaim bikpela stron yu tromai ol lain husat i kirap olsem birua bilong yu. Yu salim belhat bilong yu i go aut na em i kukim ol olsem drai gras. ⁸ Win long nus bilong yu i bumim ol wara i go antap, wara i save ron long en i sanap na bum i go antap stret na dip wara i go stron insait long namel bilong solwara. ⁹ Na ol birua i tok, "bai mi bihainim ol, bai mi abrusim ol, bai mi skelim kago bilong ol, bai mi inapim laik bilong mi antap long ol, bai mi rausim bainat na han bilong mi bai bagarapim ol." ¹⁰ Tasol yu winim win bilong yu na solwara i karamapim ol, ol i go pas ananit tru long stronpela solwara. ¹¹ God Yawe, husat em i olsem yu namel long ol gaiman god? Husat em i olsem yu, yu stronpela God Yawe i holi tru, ol i litimapim biknem bilong yu na yu man bilong mekim mirakel? ¹² Yu surukim hansut bilong yu na graun i daunim ol. ¹³ Yu holim tru kontrak bilong yu na i go pas long ol manmeri yu yet yu kisim bek. Long stron bilong yu yet, yu kisim ol i go long ples holi we yu save stap. ¹⁴ Ol manmeri bai harim na bai ol i guria, olgeta lain bilong Pilistia bai poret nogut tru. ¹⁵ Olgeta bikman bilong Idom bai poret, ol soldia bilong Moap bai seksek na olgeta hap bilong Kenan bai malomalo stret. ¹⁶ Bikpela poret bai pudaun antap long ol. Long stron bilong han bilong yu, ol bai stap isi olsem ol ston inap ol lain manmeri bilong yu i kam go, God Yawe, ol manmeri yu bin kisim bek ol bai kam go . ¹⁷ Yu bai kisim ol na planim ol antap long maunten bilong yu stret, long dispela ples, God Yawe, yu yet yu wokim long stap long en, em i holipela ples, bikpela bilong mipela, em han bilong yu yet i mekim. ¹⁸ God Yawe bai stap oltaim oltaim." ¹⁹ Tru tumas ol hos wantaim karis bilong Fero na ol man i save sidaun antap long hos i go insait long solwara. God Yawe i bumim solwara kam bek ken antap long ol. Tasol ol lain Israel i bin wokabaut long graun drai insait long namel long solwara. ²⁰ Miriem, meriprofet na susa bilong Aron i kisim tambarin na olgeta meri i kisim tambarin i go aut na danis wantaim em. ²¹ Miriem singsing i go long ol olsem, "Singsing i go long God Yawe, em i daunim ol birua na winim pait. Ol hos wantaim ol man i save sindaun antap em i tromai ol i go insait long solwara. ²² Moses i kisim ol lain Israel na ol i lusim solwara long Reds na ol i bin go yet. Ol i bin go aut long ples drai long Sur. Ol i bin go yet long tripela dei long ples drai na ol i no painim wara. ²³ Na ol i bin kam kamap long Mara tasol ol i no inap drikim wara long hap long wanem wara i bin pait. Olsem na ol i kolim dispela ples Mara. ²⁴ Olsem na ol manmeri i toktok planti i go long Moses na i tok, bai mipela drin wanem? ²⁵ Moses i bin krai i go long God Yawe na God Yawe i sowin em wanpela diwai. Moses i bin tromoi dispela diwai i go insait long wara na dispela wara i kamap swit long drin. Long dispela hap tasol God Yawe i bin givim stronpela lo na long dispela hap em i bin traim ol. ²⁶ Em bin tok, sapos yu harim gut tok bilong God Yawe bilong yu na mekim wanem samtin em i gutpela long ai bilong em na sapos yu givim iyau long toktok na bihainm gut olgeta lo, mi bai i no inap putim ol kainkain sik mi bin putim antap long ol lain Isip, long wanem mi God Yawe husat save oraitim yu. ²⁷ Na ol manmeri i bin kam long Elim, long hap i bin gat 12-pela liklik wara na mak long 70 diwai pam na ol i bin kemp arere long wara.

¹ Olgeta manmeri bilong Israel i lusim ples Elim na ol i kam kamap long ples drai bilong Sin, Em i stap namel long ples Elim na Saina, long namba 15-dei bilong namba 2-mun bihain long ol i lusim ples Isip. ² Olgeta manmeri bilong Israel i kros long Moses na Aron long dispela drai ples. ³ Ol lain Israel i tokim Moses na Aron, "I gutpela moa mipela i bin dai long han bilong God Yawe long graun bilong Isip taim mipela i sindaun arere long sospen i gat planti abus na bret bilong kaikai. Tasol yu kisim mipela i kamaut long dispela drai ples long kilim mipela olgeta manmeri wantaim hangre." ⁴ Nau God Yawe i tokim Moses, "Bai mi salim bret long heven i kam daun long yu olsem ren i pundaun. Ol manmeri bai i go autsait na kisim bret bilong ol inap long ol bai kaikai long wanwan dei na bai mi traim ol na bai mi lukim sapos ol inap long bihainim lo bilong mi. ⁵ Long namba 6-dei bai ol i kisim bret tupela taim moa olsem ol i save kisim long wanpela dei na ol bai redim na kukim ol kaikai ol i kisim i kam." ⁶ Nau Moses na Aron i tokim olgeta manmeri bilong Israel, "Long abinun taim bai yupela i ken save olsem God Yawe yet i kisim yupela i kamaut long ples Isip. ⁷ Long monin taim bai yupela i lukim stron bilong God Yawe, long wanem, em i harim kros bilong yupela long em. Mipela i wanem bilong yupela na yupela i mekim kros long mipela?" ⁸ Moses i tok tu olsem, "Yupela bai i save long dispela, taim God Yawe i givim yupela abus long abinun na bret long monin inap long pulapim yupela, long wanem, God Yawe i harim kros bilong yupela. Yupela ting Aron na Mi em husat? Yupela i no kros long mitupela, yupela i kros long God Yawe." ⁹ Moses i tokim Aron, "Tokim olgeta manmeri bilong Israel, 'Kam klostu long God Yawe, long wanem God Yawe i harim pinis bel hevi bilong yupela."' ¹⁰ Olgeta manmeri bilong Israel i kam bum i stap, taim Aron i toktok na ol i lukluk i go long dispela drai ples ol i lukim glori bilong God Yawe i kam kamap long klaut. ¹¹ Nau God Yawe i tokim Moses na i tok, ¹² "Yu mas tokim ol lain manmeri bilong Israel olsem, mi harim pinis ol toktok bilong ol. Long abinum taim bai yupela i kaikai ol abus na long monin bai mi pulapim yupela wantaim bret na bai yupela i save olsem mi God Yawe, God bilong yupela."' ¹³ Long dispela taim long abinun ol pisin i kam karamapim ol ples ol manmeri bilong Israel i stap long en na liklik wara bilong monin olsem ren i pundaun na i raunim dispela hap ples. ¹⁴ Taim liklik wara olsem ren i pinis i gat ol liklik waitpela samting olsem ston ais i stap antap long drai graun. ¹⁵ Taim ol lain manmeri bilong Israel i lukim dispela, ol i askim ol yet i go i kam, "Em wanem samting nau?" Ol i no save em wanem samting. Moses i tokim ol, "Dispela em bret God Yawe i givim yupela long kaikai. ¹⁶ Dispela em stronpela tok God Yawe i givim: 'Yupela i mas kisim inap long mak bilong yupela yet na inap long bai yupela kaikai long en, kisim 2-kilo mana bilong wanwan man insait long famili bilong yu. Yupela i mas kisim kaikai olsem: Kisim kaikai inap long yupela olgeta manmeri insait long haus sel bai i kaikai long en.''' ¹⁷ Ol manmeri bilong Israel mekim olsem wanem God Yawe i bin tok, sampela i kisim planti na sampela i kisim liklik. ¹⁸ Ol i luksave taim ol i skelim long hamas kilo ol i kisim long en. Ol lain i kisim planti i no lusim sampela i stap nating na ol lain kisim liklik i no sot long kaikai, long wanem, ol i kisim inap long mak bilong famili bilong ol. ¹⁹ Nau Moses i tokim ol, "Yupela i noken putim sampela kaikai i go inap monin taim. ²⁰ Tasol, ol i no harim tok bilong Moses. Sampela bilong ol i lusim sampela kaikai i go inap long monin tasol ol dispela bret ol i lusim i stap em i smel na bagarap long monin. Ol i mekim Moses i belhat long ol. ²¹ Wan wan manmeri i kisim kaikai long olgeta monin inap long mak ol bai kaikai long en na taim san i kamap stron em i save kamap wara. ²² Long namba 6-dei ol kisim kaikai long tupela mak, em olsem ol wan wan manmeri i kisim 4-pela kilo bret long dispela dei. Olgeta lida man bilong manmeri bilong Israel i kam long Moses na i tokim em long wanem i kamap. ²³ Nau Moses i tokim ol, "Dispela em wanem God Yawe i tok, 'Tumoro em wanpela bikpela dei bilong malolo na em Dei holi bilong God Yawe. Kukim kainkain skon yu laikim long en na boilim ol kainkain kaikai yu laik boilim long en, bai yupela inap long kaikai long nau na sampela i stap larim bilong tumoro monin bai yupela inap kaikai long en."' ²⁴ Ol i harim tok bilong Moses na ol i putim sampela long monin, kaikai bilong ol i no smel o bagarap. ²⁵ Moses i tok, "Kaikai dispela kaikai nau, long wanem, God Yawe i makim dispela dei olsem em dei Sabat bilong yumi long lotu long God Yawe, long dispela dei bai yupela i no inap painim kaikai. ²⁶ Bai yupela i kisim kaikai long namba 6-dei, tasol long namba 7-dei bai yupela i no inap kisim kaikai, long wanem em dei Sabat. ²⁷ Long namba 7-dei sampela manmeri i go autsait long kisim kaikai tasol ol i no painim. ²⁸ Nau God Yawe i tokim Moses, "Wanem taim bai yupela i save long harim tok na bihainim lo bilong mi? ²⁹ Lukim, God Yawe i givim yupela Sabat. Long namba 6-dei em givim yupela bret bilong tupela dei. Olgeta manmeri i mas i stap long wan wan hap ples bilong yupela na i noken raun nating autsait long namba 7-dei." ³⁰ Nau ol manmeri i malolo long namba 7 dei. ³¹ Ol lain manmeri bilong Israel i givim nem long dispela bret, em "manna." Em luk olsem waitpela sit na em i swit tumas. ³² Moses i tok, "Dispela em i stronpela tok bilong God Yawe: 'Yupela i mas putim 2- kilo bilong dispela mana insait long graun sospen i stap na bai yupela i soim long ol pikinini bilong yupela na ol lain pikinini bilong ol tu. Bai ol i lukim dispela bret we mi bin givim yupela long drai ples, taim mi kisim yupela i kamaut long ples Isip."' ³³ Moses i tokim Aron, "Kisim wanpela graun sospen na putim 2-kilo bilong mana i go insait. Putim dispela bret long wanpela gutpela hap long ai bilong God Yawe na ol lain pikinini bilong Isarel bai i luksave long dispela bret." ³⁴ Aron i putim bret long sait bilong bokis kontrak bilong God Yawe, olsem God Yawe i tokim Moses long en. ³⁵ Ol lain manmeri bilong Israel i kaikai mana long 40-pela yia, inap ol i kamap long graun God Yawe i makim bilong ol long stap. Ol i kaikai yet inap ol i kam kamap long mak bilong graun bilong Kenan. ³⁶ Nau em 2-kilo bilong mana em olsem, wanpela hap bilong 10-pela bret tasol.

¹ Olgeta lain manmeri bilong Israel i wokabaut i go long ples drai bilong Sin, ol i bihainim wanem God i tokim ol. Ol i go na stap long wanpela ples ol i kolim Repidim, tasol long dispela hap i no gat wara i stap bai ol manmeri i ken drin. ² Olsem na ol manmeri i komplen long Moses ken na ol i tok, "Givim mipela wara long drin." Moses i tok, "Bilong wanem yupela i komplen long mi? Na bilong wanem yupela i traim God Yawe?" ³ Tasol ol manmeri i nek drai tru long wara olsem na ol i komplen yet long Moses. Ol i tok, "Bilong wanem yu kisim mipela i kam aut long Isip? Em mas yu kisim mipela i kam aut long hia bai mipela wantaim ol pikinini bilong mipela na animol i ken dai long wara?" ⁴ Olsem na Moses i prea long God Yawe na em i tok, "Bai mi mekim wonem long ol dispela manmeri? Ol i redi nau long kilim mi wantaim ston?" ⁵ God Yawe i tokim Moses, "Go paslain long ol manmeri na kisim ol sampela het man bilong Israel wantaim yu, kisim tu dispela stik we yu i bin paitim wara long en na go. ⁶ Bai mi sanap pas long yu antap long dispela ston long as bilong maunten Sanai na bai yu paitim disepla ston. Wara bai i kam aut long en na bai ol manmeri i ken drin." Olsem na Moses i mekim olsem long ai bilong ol het man bilong Israel. ⁷ Em i kolim dispela ples Masah na Meriba bilong wanem, ol lain menmeri bilong Israel i komplen na ol i traim Bikpela na i tok, "Tru God Yawe i stap namel long mipela o nogat? ⁸ Ol ami bilong ol lain Amelek i kam na pait wantaim ol Israel long ples Repidim. ⁹ Moses i tokim Josua, "Kisim ol sampela man long go pait wantaim ol lain bilong Amelek tumoro." Bai mi sanap antap long maunten na holim dispela stik God Yawe i tokim mi long karim. ¹⁰ Olsem na Josua i pait wantaim ol Amelek olsem Moses i tok. Taim ol i pait yet, Aron, Hur na Moses i go antap long het bilong maunten, bai ol i ken lukim olgeta hap ples ol i pait long en. ¹¹ Long taim Moses i apim han bilong en i go antap, ol Israel i wok long winim pait na taim em i putim han bilong en i go daun, ol Amelek i wok long winim pait. ¹² Taim han bilong Moses i hevi, Aron na Hur i kisim wanpela bikpela ston na i putim aninit na Moses i sindaun long en. Na taim em i sindaun long ston, tupela i holim han bilong en. Wanpela i hoim wanpela sait han na narapela i holim narapela sait han. Olsem na han bilong Moses i stap antap i go inap long taim san i go daun. ¹³ Long dispela rot Josua i winim ol lain bilong Amelek long pait. ¹⁴ God Yawe i tokim Moses, "Raitim dispela long wanpela buk na ritim long Josua. Bilong wanem bai mi bagarapim na pinisim olgeta lain manmeri bilong Amelek." ¹⁵ Bihain Moses i mekim wanpela ston alta na i kolim dispela alta "God Yawe em i flek bilong mi." ¹⁶ Em i tok, "Wanpela tok promis i bin kamap long sia king bilong God Yawe, olsem God Yawe bai i pait wantaim ol lain manmeri bilong Amelek oltaim oltaim!"

¹ Jetro, em i pris bilong Midia na tambu man bilong Moses, em i bin harim olgeta samting God Yawe i bin mekim long Moses na long ol manmeri bilong Israel. Em i harim olsem ol i kam aut long Isip. ² Jetro, tambu man bilong Moses, i kisim Sipora, meri bilong Moses, bihain long em i bin salim em i go long haus bilong em ³ na tupela pikinini man bilong em, nem bilong wanpela pikinini man em Gersom, long wanem Moses i bin tok, "Mi man bilong narapela kantri na mi kam stap long graun bilong ol narapela manmeri." ⁴ Nem bilong narapela pikinini man em Eliesa na Moses i bin tok, "God Yawe bilong ol tumbuna bilong mi em helpim bilong mi. Em rausim mi long bainat bilong Fero''. ⁵ Tambu man bilong Moses, Jetro, i kam wantaim meri na tupela pikinini man bilong Moses long ples drai we em bin stap klostu long maunten bilong God Yawe. ⁶ Em i bin tokim Moses, "Mi, Jetro, tambu man bilong yu, mi kam long yu wantaim meri bilong yu na tupela pikinini man bilong yu''. ⁷ Moses go aut long bumim tambu bilong em, em putim het i go daun na kis long em. Ol i askim ol yet i go i kam olsem ol i stap olsem wanem long ples ol kam long em na bihain olgeta i go insait long haus sel. ⁸ Moses tokim tambu man bilong em long olgeta samting God Yawe i bin helpim ol Israel na mekim save long Fero na ol manmeri bilong em long Isip, olgeta kainkain hevi ol manmeri bilong Israel i painim long rot na olsem wanem God Yawe i bin helpim ol. ⁹ Jetro i amamas tru long ol gutpela samting God Yawe i bin mekim long ol manmeri bilong Israel, olsem em i bin rausim ol i kam autsaut long han bilong ol Isip. ¹⁰ Jetro i tok, "Larim nem bilong God Yawe i go antap, long wanem em bin kisim yu kam autsait long han bilong ol Isip na long han bilong Fero na kisim ol manmeri bilong Israel kam autsait long han bilong ol lain Isip. ¹¹ Nau mi save olsem God Yawe em i bikpela i winim tru ol arapela god, long wanem taim ol Isip i bin mekim nogut tru long ol Israel, God Yawe i bin helpim Israel, ol manmeri bilong em.'' ¹² Jetro, tambu man bilong Moses i kisim ofa i kuk pinis wantaim ol narapela ofa long givim long God Yawe.. Aron na olgeta hetman bilong ol Israel ol i kam long kaikai wantaim tambu man bilong Moses long ai bilong God Yawe. ¹³ Long narapela dei Moses i sindaun long harim kot bilong ol manmeri. Ol manmeri sanap raunim em long monin yet i go inap long abinun. ¹⁴ Taim tambu man bilong Moses i lukim ol dispela samting Moses wok long mekim long ol manmeri, em i tok, "Yu mekim wanem samting wantaim ol manmeri? Bilong wanem yu wanpela sindaun i stap na olgeta manmeri i sanap nabaut na raunim yu long monin i go long abinun?'' ¹⁵ Moses i tokim tambu man bilong em, "Ol manmeri i save kam long askim mi long save long tingting bilong God Yawe. ¹⁶ Taim ol i no wanbel long wanpela samting namel long ol yet, ol i save kam long mi. Mi save skelim toktok namel long wanpela na narapela na mi lainim ol long lo bilong God Yawe.'' ¹⁷ Tambu man bilong Moses i tokim em olsem, "Wanem yu wok long mekim i no gutpela tumas. ¹⁸ Tru tumas bai yu i bagarapim yu yet, yu na olgeta manmeri i stap wantaim yu. Dispela hevi i bikpela tumas long yu long karim. Yu no inap long mekim dispela wok yu yet. ¹⁹ Yu mas harim tok bilong mi. Bai mi givim yu tingting na God Yawe bai i stap wantaim yu, long wanem yu makim maus bilong ol manmeri long God Yawe na yu kisim kros tok pait bilong ol manmeri i go long em. ²⁰ Yu mas lanim ol long pasin na ol lo bilong God Yawe. Yu mas soim ol rot bilong wokabaut na ol wok ol bai i mekim. ²¹ Moa yet, yu mas makim ol man namel long ol manmeri, ol man husat i aninit long God Yawe, ol man bilong tok tru na ol man husat i save les long kisim ol samting long giaman rot. Yu mas makim wanwan man i go pas long lukautim mak bilong 1000, 100, 50 na 10 lain manmeri. ²² Ol bai wok jas long wok mak bilong ol long olgeta dei, tasol ol bikpela hevi bai ol karim kam long yu. Na ol liklik ol hevi, ol yet i ken stretim. Long dispela rot bai yu skelim sampela wok i go i kam long ol na mekim ol wok bilong yu moa isi na ol bai karim ol hevi wantaim yu. ²³ Sapos yu mekim olsem na sapos God Yawe i tokim yu long mekim olsem, orait bai yu inap sanap stron na mekim wok jas na olgeta manmeri ol bai i wanbel na ol bai i amamas na i go bek long haus bilong ol wantaim bel isi.'' ²⁴ Olsem na Moses i harim ol toktok bilong tambu bilong em na i mekim olgeta samting em bin tokim em long mekim. ²⁵ Moses i makim ol man inap long mekim wok jas namel long ol manmeri bilong Israel na makim ol i kamap olsem bosman bilong ol manmeri, sampela i go pas long 1000 manmeri, sampela 100, sampela 50- na sampela 10 lain manmeri. ²⁶ Ol dispela man inap long mekim wok jas long ol hevi em isi long skelim. Ol hevi i hat long skelim ol i kisim i kam long Moses, tasol ol liklik ol hevi ol yet i skelim na stretim.. ²⁷ Na Mosesi larim tambu man bilong em i go na Jetro i go bek long graun bilong em.

¹ Long namba tri-mun bihain ol manmeri bilong Israel i bin lusim Isip na i go aut, long dispela dei, ol i kam kamap long drai ples bilong Sina. ² Bihain ol i lusim pinis Refidim na i kam long drai ples bilong Sina, ol i kemp klostu long pes bilong dispela maunten. ³ Moses i go antap long God Yawe. God Yawe i bin singautim em long maunten na i tok, "Yu mas tokim ol lain bilong Jekop, ol lain manmeri bilong Israel olesm, ⁴ yupela i bin lukim wanem samting mi bin mekim long ples Isip, taim mi bin karim yupela long win bilong pisin taragau na kisim yupela i kam long mi. ⁵ Olsem na nau sapos yupela i harim na bihainim tok bilong mi na holim tru kontrak bilong mi, bai yupela i kamap wanpela kain manmeri bilong mi yet namel long ol narapela lain manmeri long wanem olgeta hap bilong ples graun em i bilong mi. ⁶ Yupela bai i kamap ol pris na holi manmeri bilong mi. Dispela toktok, yu mas tokim ol manmeri bilong Israel." ⁷ Nau Moses i bin kam tokim ol elda bilong ol lain manmeri. Em i tokim ol wonem toktok God Yawe i bin givim em. ⁸ Olgeta manmeri i bekim wantaim na i tok, "Mipela bai i bihanim wonem ol toktok God Yawe i tok long en." Olsem na Moses i bin go long givim ol toktok ol manmeri i bin bekim i go long God Yawe. ⁹ God Yawe i tokim Moses, "Mi bai kam long yu olsem bikpela Klaut na ol manmeri bai i harim taim mi toktok wantaim yu na bihain ol bai bilipim yu na harim tok bilong yu oltaim oltaim." Na Moses i tokim ol tok ol manmeri i mekim i go long God Yawe. ¹⁰ God Yawe i bin tokim Moses, "Go long ol lain manmeri. Nau na tumoro yu mas makim ol i kamap lain bilong mi na tokim ol i mas wasim klos bilong ol. ¹¹ Ol i mas redi long namba tri-dei, long namba tri-dei God Yawe bai i kam long maunten Sina. ¹² Yu mas putim mak i raunim dispela maunten long banisim ol manmeri. Tokim ol olsem, "Ol i mas lukaut taim ol i go long dispela maunten na i noken tasim mak yu putim. Husat i tasim dispela mak i raunim dispela maunten em bai dai.' ¹³ Han bilong wanpela man i noken tasim dispela man na taim wanpela man i mekim olsem, yu mas paitim em wantaim ston o sutim em long spia na em mas i dai. Ol man o ol animol, ol i mas kilim ol i dai wantaim ston. Taim bigul i krai bikpela na longpela taim ol i mas i kam long as bilong dispela maunten." ¹⁴ Bihain Moses i go daun long maunten long ol manmeri. Em i mekim ol i mas i stap stret long ai bilong God Yawe na ol i mas wasim ol klos bilong ol. ¹⁵ Na em i tokim ol, "Yupela i mas redi long namba tri-dei na ol man noken go klostu long ol meri bilong yupela." ¹⁶ Long namb tria-dei, taim em i tulait, laitnin i lait na klaut i pairap na bikpela klaut i kamap auntap long maunten na bigul i krai bikpela tru. Olgeta lain manmeri insait long kemp i guria na pret nogut tru. ¹⁷ Moses i kisim olgeta manmeri i kam autsait long kemp long bungim God Yawe na ol i sanap long as bilong maunten. ¹⁸ Bikpela smuk i karamapim olgeta hap bilong maunten Sina, long wanem, God Yawe i kam daun long ol olsem paia na smuk. Smuk i go antap olsem smuk bilong bikpela paia na olgeta maunten i guria bikpela tru. ¹⁹ Taim sinaut bilong bigul i go biklpela na stron moa yet, Moses i toktok na God Yawe i bekim tok bilong em. ²⁰ God Yawe i kam daun long het bilong maunten Sina na em i tokim Moses long go antap long het bilong maunten. Olsem na Moses i go antap long het bilong mauten. ²¹ God Yawe i toktok long Moses, "Go daun na givim tok lukaut long ol manmeri olsem, ol i mas noken kam klostu long lukim mi, O nogut planti bilong ol bai i kisim bagarap. ²² Larim ol pris husat i kam klostu long mi i mas stap gut na stretim ol yet long kam bilong mi na bai mi no inap bagarapim ol." ²³ Moses i tokim God Yawe, "Ol manmeri bai i no inap i go antap long dispela maunten, long wanem, yu tokim mipela, "Putim mak raunim dispela maunten na givim i go bek long God Yawe." ²⁴ God Yawe i tokim em, "Go, yu go daun long maunten na kisim Aron i kam antap wantaim yu, tasol noken larim ol pris na ol manmeri i abrusim ol dispeal mak na kam long mi, o nogat mi bai bagarapim ol." ²⁵ Olsem na Moses i go daun long ol manmeri na i tokim ol.

¹ God i mekim olgeta dispela tok, ² "Mi God Yawe bilong yupela, husat i bin kisim yupela i kamaut long graun bilong Isip, long haus kalabus na hatwok. ³ Yu mas i nogat arapela god i kisim ples bilong mi. ⁴ Yu mas noken wokim wanpela piksa bilong man long diwai o wankain samting i stap antap long heven, o ol samting i stap aninit long graun na ol samting aninit long wara. ⁵ Yu mas noken brukim skru i go long ol na lotu long ol, mi God Yawe bilong yupela, mi God Yawe bilong jeles. Long sin bilong ol tumbuna lain mi givim hevi long ol pikinini i kamap bihain long tri-pela na long four-pela lain tumbuna, husat i les long mi. ⁶ Tasol mi soim tok promis na stap tru long tok bilong mi long planti tausen manmeri husat i save laikim mi na bihainim ol lo bilong mi. ⁷ Yu mas i noken kolim nem bilong God Yawe nating. Mi no inap pasim belhat bilong mi long husat i kisim nem bilong mi long giaman pasin. ⁸ Tingim dei Sabat na lukautim dispela dei i holi. ⁹ Yu i mas hatwok na mekim olgeta wok long 6-pela dei. ¹⁰ Tasol namba 7-dei em i Sabat dei bilong God Yawe. Long dispela dei yupela i noken mekim wanpela wok, yu na pikinini man na meri bilong yupela na ol wokboi na wokmeri na ol bulmakau na man long narapela kantri, husait i stap wantaim yu. ¹¹ Long 6-pela dei God Yawe i wokim heven na graun na solwara na olgeta samting i stap insait long en. Na em i malolo long namba-d7i. Olsem na Yawe i blesim Sabat dei na mekim i kamap holi. ¹² Aninit long papa na mama bilong yu na bai yu stap longpela taim long dispela graun, God Yawe i givim yupela. ¹³ Yupela i no ken kilim man i dai. ¹⁴ Yupela i mas noken mekim pasin pamuk. ¹⁵ Yupela i mas i noken stil long wanpela man. ¹⁶ Yupela i noken tok giaman long ol lain i stap klostu long yupela. ¹⁷ Yu mas noken mangal long haus bilong narapela na noken mangal long meri bilong narapela na ol wokboi bilong en na ol wokmeri bilong en na ol bulmakau bilong en na ol donki bilong en o arapela samting bilong em." ¹⁸ Olgeta lain i lukim klaut i pairap na lait bilong klaut na ol i harim bigul i krai na ol i lukim maunten i smuk. Ol manmeri i lukim na ol i guria na sanap longwe tru. ¹⁹ Ol i tokim Moses, "Yu toktok na bai mipela i harim yu, noken larim God Yawe i toktok long mipela, nogut bai mipela i dai.'' ²⁰ Moses i tokim ol lain manmeri, "Yupela i noken poret, God Yawe i kam long traim yumi, long wanem, yumi mas aninit long em na yumi i no ken mekim sin." ²¹ Na ol manmeri i stap longwe tru na Moses i go klostu long bikpela tudak we God Yawe i stap long em. ²² God Yawe i tokim Moses, ''Dispela yu mas tokim ol lain Israel, ''Yupela yet i bin lukim, mi stap long heven na toktok long yupela. ²³ Yupela bai i no inap mekim ol narapela giaman god long kisim ples bilong mi, olsem god ol i mekim long silva na gol. ²⁴ Yu mas wokim alta bilong mi long graun na yu mas mekim ofa bilong paia i kukim olgeta, wantaim wanbel ofa, sipsip na bulmakau. Long olgeta ples we mi bai mekim nem bilong mi bai i stap antap, bai mi kam na blesim yupela. ²⁵ Sapos yupela i mekim wanpela alta wantaim ston, noken katim na wokim. Sapos yupela i katim wantaim ol tul bilong yupela, yupela yet bai i bagarapim ol alta bilong yupela. ²⁶ Noken i go antap long alta bilong mi long lata, nogut bodi bilong yupela bai i kamap ples klia."

¹ "Nau dispela em ol lo yu mas tokim ol long en. ² "Sapos yu baim wanpela Hibru wokboi, em i mas wok long 8-pela yia na long namba 7- yia, em i mas i go fri na i no ken givim em wanpela samting olsem pei. ³ Sapos em i kam em yet, em i mas i go fri em yet, sapos em marit, orait meri bilong em i mas go fri wantaim em. ⁴ Sapos masta bilong em i givim meri na em i karim ol pikinini man o meri, ol dispela pikinini i bilong dispela masta na em i mas i go fri em yet. ⁵ Tasol sapos wokboi em tokaut klia olsem, "Mi laikim masta bilong mi, meri bilong mi na ol pikinini bilong mi. Mi no inap go fri." ⁶ Olsem orait masta bilong em i mas kisim em i go long God Yawe. Masta bilong em i mas kisim em i go long dua o dua bilong pos na mekim hul long yau bilong en wantaim sap ain. Orait wokboi i mas mekim wok bilong em olgeta taim long laip bilong en. ⁷ Sapos man i salim pikinini meri olsem wokmeri nating, em i noken go fri olsem ol wokboi nating i save mekim. ⁸ Sapos em i no amamasim masta bilong en, husat em i makim bilong en yet, orait em i mas larim em i baim bek ken. Em i no orait long salim ol long arapela lain. Em i nogat rait long mekim olsem, long wanem, em i mekim nogut na giamanim em. ⁹ Sapos masta bilong en i makim em long kamap meri bilong pikinini man bilong em, em i mas mekim wankain pasin olsem em i mekim long pikinini meri bilong em. ¹⁰ Sapos em i kisim narapela meri bilong em yet, em i no ken daunim skel bilong ol kaikai bilong en, klos na wankain pasin i banisim marit laip bilong en. ¹¹ Tasol sapos em i no bihainim wankain tri-pela samting long meri, orait em i ken go fri wantaim em na i no ken baim em long moni. ¹² Husat man i kilim wanpela man na em i dai, dispela man tu i mas i dai. ¹³ Sapos dispela man em i no ting long mekim, tasol em i mekim, orait mi bai painim wanpela ples bilong em long ranawe i go. ¹⁴ Sapos wanpela man i mekim plen na i kilim wantok bilong en, orait yu mas kisim em, sapos em i stap long alta bilong God Yawe, olsem tasol em i mas i dai. ¹⁵ Husat em i paitim papa na mama bilong em, ol i mas kilim em i dai tu. ¹⁶ Husat man i save holimpas ol man na i salim em long kisim moni na sapos ol i painim em i stap wantaim dispela man, orait ol i mas kilim em i dai. ¹⁷ Husat i tok nogutim papa na mama bilong en, ol i mas kilim em tu i dai. ¹⁸ Sapos man i paitim narapela man wantaim ston o wantaim han bilong en na em i no i dai, em i slip long bet tasol i stap, ¹⁹ sapos em i orait na em inap long yusim stik long wokabaut, dispela man husat i paitim em i mas baim em long taim em i stap long bet na baim em tu long kamap orait ken. Olsem na dispela man bai i no i gat asua olsem em i kilim man i dai. ²⁰ Sapos em i paitim wokboi bilong en o wokmeri bilong en wantaim stik na sapos em i dai wantaim bikpela bagarap, long wanem, masta bilong em i paitim em, orait ol i mas karim hevi bilong dispela man. ²¹ Olsem na sapos wokboi i stap wanpela o tupela dei, Masta i no inap long karim hevi, long wanem, em i mas kisim hevi bilong wokboi. ²² Sapos ol man i pait na i bagarapim meri i gat bel na pikinini i dai long bel, tasol i no gat sampela bagarap long em, orait man i mekim ron long em i mas baim dispela meri, long wanem pei man bilong meri i putim, dispela man i mas baim, wankain tu olsem wanem mak ol jas i tokim em long baim. ²³ Tasol sapos em i kisim bikpela bagarap na i dai, orait ol i mas kilim em tu dai. ²⁴ Sapos ol i brukim ai bilong yu, orait yu mas brukim ai bilong ol tu na sapos ol i brukim tit bilong yu, orait yu mas brukim tit bilong ol tu na sapos ol i paitim han bilong yu, orait yu mas paitim han bilong ol tu na sapos ol i brukim lek bilong yu, orait yu mas brukim lek bilong ol tu. ²⁵ Na sapos ol i kukim yu long paia, orait yu mas kukim ol long paia tu, sapos ol i bagarapim bodi bilong yu, orait yu mas bagarapim bodi bilong ol tu, sapos ol i paitim yu na putim sampela mak long skin bilong yu, orait yu mas paitim ol na putim sampela mak long skin bilong ol tu. ²⁶ Sapos man i paitim ai bilong wokboi o wokmeri na i bagarapim, orait em i mas larim wokboi o wokmeri i mas go fri long ai bilong en olsem pei bilong em. ²⁷ Sapos em i paitim wokboi bilong en na brukim tit bilong em na wokmeri tu, orait em i mas larim ol i go fri long pei bilong tit. ²⁸ Sapos kau i kilim man o meri i dai, orait ol i mas kilim dispela kau wantaim ston na ol i noken kaikai, bai papa bilong kau i nogat asua. ²⁹ Tasol sapos dispela kau i bagarapim ol man sampela taim i go pinis na ol i tokim em na em i no putim long banis na kau i kilim wanpela man o meri i dai, ol i mas tromoi ston na kilim dispela kau i dai na ol i mas kilim papa bilong kau tu i dai. ³⁰ Sapos ol i askim papa bilong kau long baim laip bilong en, em i mas baim ol hamas ol i askim long em. ³¹ Sapos kau i bagarapim pikinini man o meri bilong man, papa bilong kau ol i tokim em i mas mekim olsem ol i tokim em long mekim. ³² Sapos kau i bagarapim wokboi o wokmeri bilong em, orait papa bilong kau i mas baim 30 kina na ol i mas kilim dispela kau wantaim ston. ³³ Sapos wanpela man i opim hul o man i digim hul na em i no karamapim dispela hul na kau o donki i pundaun i go daun long dispela hul, ³⁴ orait papa bilong dispela hul i mas baim. Em i mas givim mani i go long papa bilong kau na kau i dai em bai kamap olsem kau bilong em. ³⁵ Sapos kau bilong wanpela man i barapim kau bilong narapela man na en i dai, orait ol i mas salim kau na skelim mani na tu ol i mas skelim dispela dai kau. ³⁶ Tasol ol i save olsem dispela kau em i save mekim ron pastaim na papa bilong kau i no putim em long banis, em i mas givim kau long dispela man kau bilong en i bin dai na dispela dai kau em i mas kisim.

¹ Sapos wanpela man i stilim bulmakau o sipsip na kilim o salim, orait em i mas baim 5-pela bulmakau long wanpela bulmakau na 4-pela sipsip long wanpela sipsip. ² Sapos ol i painim wanpela stilman i brukim banis na i kam insait long banis na ol i killim em i dai, i no gat wanpela man bai i gat asua long dai bilong dispela man. ³ Tasol sapos dispela i kamap long dei taim man husat i kilim em, em bai i kisim hevi long dispela. Stilman i mas baim wanem ron em i bin mekim long en. Sapos em i no gat samting, orait em i mas salim em yet long stil pasin bilong en. ⁴ Sapos ol i painim dispela animol em i bin stilim i stap laip yet wantaim em, sapos em bulmakau o donki o sipsip, em i mas baim tupela taim. ⁵ Sapos man i larim animol bilong en i kaikai wain gaden na lusim animol i go raun nating na i go long gaden bilong narapela, em i mas baim papa bilong gaden wantaim gutpela gaden wain bilong em. ⁶ Sapos paia i lait i go nambaut long ol gras na stat long kukim gaden bilong wanpela man na paia i kukim wit em i kamap long gaden o ol i katim pinis na i stap. Man husat i mekim paia i mas baim olgeta samting i bin bagarap long paia. ⁷ Sapos wanpela man i givim moni o samting i go long wanpela wantok bilong en long em i bin lukautim gut ol samting na ol i stilim long haus bilong en na sapos ol i painim dispela stilman, dispela stilman i mas baim tupela taim. ⁸ Tasol sapos ol i no painim dispela stilman, orait papa bilong haus i mas i kam long kot na jas i mas painimaut olsem em i bin stilim samting bilong wantok bilong em o nogat. ⁹ Long olgeta tok pait bilong dispela ol samting, sapos em long bulmakau, donki, sipsip, klos o long ol narapela samting i no i stap long en, em i toktok long en. "Dispela em bilong mi," dispela tupela man i mas kam long kot long ol jas. Husat jas i painim asua bilong em, em bai baim wantok bilong en tupela taim. ¹⁰ Sapos man i givim wantok bilong en wanpela donki, bulmakau, sipsip o narapela animol long lukautim na em i dai o em i kisim bagarap na ol i karim i go ausait bai ol man i no ken lukim ¹¹ na man i wokim promis long God Yawe i mas kisim tupela wantaim, olsem man i putim han long samting bilong wantok bilong en. Papa bilong samting i mas tok yes long dispela na arapela bai i no inap long mekim sampela toktok long dispela samting. ¹² Tasol sapos ol i stil long en, orait narapela man i mas mekim sampela toktok long papa bilong samting. ¹³ Sapos ol i brukim animol i go liklik na larim narapela man i kisim dispela animol long soim olsem samting em i tru. Em i no inap baim long wanem samting em i bin bruk pinis. ¹⁴ Sapos wanpela man i dinau long sampela animol long wantok bilong en na animol i gat bagarap o i dai na papa bilong samting i no save, olsem narapela man i mas lukim papa bilong animol na tok sori long dispela. ¹⁵ Tasol sapos papa bilong samting i stap, narapela man em i no inap baim, sapos dispela animol ol i kisim long ol man, bai ol i baim long ol i bin yusim. ¹⁶ Sapos wanpela man i stron long wanpela yangpela meri long slip wantaim em, husat i no marit yet long wanpela man na sapos em i slip wantaim em, orait em i mas baim dispela meri na em bai i kamap olsem meri bilong em. ¹⁷ Sapos papa bilong em i no wanbel tru long givim meri i go long dispela man, orait em i mas baim meri long moni wankain olsem pei bilong meri i no bin slip wantaim wanpela man. ¹⁸ Yu noken larim posin man i stap. ¹⁹ Husat i slip wantaim wel animol, ol i mas kilim em i dai. ²⁰ Husat man i mekim ofa long ol giaman god na i no lotu long God Yawe, ol i mas bagarapim em olgeta. ²¹ Yu noken mekim nogut long man bilong narapela hap na tok bilas long em, long wanem, yu bin kamap ausait man long graun bilong ol Isip. ²² Yu noken mekim nogut long meri man bilong en i dai pinis na pikinini papa bilong en i dai pinis. ²³ Sapos yu mekim nogut long ol na sapos ol i singaut long mi, bai mi hariap long harim singaut bilong ol. ²⁴ Belhat bilong mi bai i olsem paia na bai mi kilim yu wantaim bainat, ol meri bilong yupela bai i nogat man na ol pikinini bai i nogat papa. ²⁵ Sapos yu salim moni long ol manmeri i stap namel long yu long ol lain i stap rabis, yu noken kamap olsem man bilong salim moni o askim long win moni taim ol i bekim dinau. ²⁶ Sapos man i dinau long yupela i givim klos bilong em olsem mak bilong bekim dinau, orait yupela i mas givim long em ken long dispela dei long taim san i no i go daun yet, ²⁷ long wanem, em wanpela klos bilong em tasol bilong karamapim skin bilong en. Na em bai karamapim wanem moa long taim em i laik slip? Taim em i singaut long mi, orait mi bai harim em, long wanem, mi gat bikpela sori long em. ²⁸ Yu noken tok bilas long mi, God Yawe, o tok nogut long man i go pas long ol manmeri. ²⁹ Yu noken holim bek kaikai yu kisim long gaden bilong yu olsem ofa o wain ol i mekim long en. Yu mas givim mi namba 1-pikinini man bilong yu. ³⁰ Yu mas mekim wankain olsem long bulmakau bilong yu na long sipsip tu. Long 7-pela dei ol bai i stap wantaim mama bilong ol na long 8-pela dei yu mas givim ol long mi. ³¹ Yu bai kamap olsem ol lain mi makim pinis. Na yu noken kaikai ol mit ol animol i kilim long bus, yu mas tromoi i go long dok.

¹ Yu noken mekim ol giaman toktok long ol narapela man. Yu noken poroman wantaim man nogut na wok bum wantaim em. ² Yu noken bihainim ol planti lain long mekim pasin nogut na sindaun wantaim ol long stronim ol giaman toktok bilong ol. ³ Yu noken laikim tumas ol bikpela man taim ol rabis man i stap wantaim yu. ⁴ Sapos yu bumim bulmakau o donki bilong birua bilong yu i bin lus long en, orait yu mas kisim i go bek long en. ⁵ Sapos yu lukim donki bilong wanpela man i no save laikim yu i pundaun wantaim kago bilong en. Yu noken larim em na yu go. Yu mas helpim em wantaim donki bilong en. ⁶ Noken stron long skelim na kotim dispela rabis man long stretpela pasin bilong em. ⁷ Noken bum wantaim ol man bilong sutim tok giaman na noken kilim man i nogat asua na stretpela man. Olsem bai mi no inap tokaut long asua bilong dispela man nogut. ⁸ Noken kisim ol samting long kranki rot, long dispela kain pasin em bai pasim ai bilong yu long lukluk. Na noken givim baksait long ol man i save mekim stretpela tok. ⁹ Yu noken bagarapim man bilong narapela hap, long wanem yu save pinis long laip bilong em na yu tu i kamap olsem man long narapela hap long graun Isip. ¹⁰ Long 6-pela yia bai yu planim sit kaikai long graun bilong yu na bumim kaikai bilong en. ¹¹ Tasol long namba 7-pela yia yu noken dikim graun na larim i stap na larim ol rabis man namel long yupela i ken kisim kaikai. Na wanem ol samting ol i lusim, ol wel abus bai kaikai. Yu bai mekim wankain olsem long gaden wain na gaden oliv bilong yu. ¹² Insait long 6-pela dei yu mas mekim ol wok, tasol long dei namba 7 yu mas malolo. Yu mekim olsem na ol bulmakau na donki bilong yu bai malolo. Ol pikinini bilong wokmeri bilong yu na ol man long narapela hap i stap wantaim yupela tu bai i malolo na i ken kisim strong ken. ¹³ Putim yau gut long olgeta samting mi tokim yu long en. Yu noken kolim nem bilong ol narapela god na noken kolim nem bilong ol. ¹⁴ Yu mas i go na mekim bikpela kaikai long mi long 3-pela taim long olgeta yia. ¹⁵ Yupela mas mekim bikpela kaikai bilong bret i nogat yis. Olsem mi tokim yupela, yupela bai kaikai bret i nogat yis long 7-pela dei. Na long dispela taim, yupela bai kamap ples klia long Bikpela Dei God Yawe i tingim ol Israel, em i wokim dispela samting pinis long ol bai tingim em. Long dispela mun yupela i bin kamaut long Isip. Tasol yu noken kamap long mi han nating. ¹⁶ Yu mas makim taim bilong kisim bikpela kaikai, nambawan kaikai bilong wok bilong yu taim yu tromoi pikinini kaikai long graun bilong yu. Na tu yu mas makim taim bilong bikpela kaikai long pinis bilong yia, long taim yu bumim ol kaikai insait long gaden bilong yu. ¹⁷ Olgeta man bilong yupela i mas sanap long ai bilong Bikpela God Yawe long tri-pela taim long olgeta yia. ¹⁸ Yu noken givim ofa long mi wantaim samting i gat blut long en na wantaim bret i gat yis. Na ol gris samting yupela i kisim long ol ofa yupela i mekim long kaikai bilong mi i noken i stap long nait i go inap tulait. ¹⁹ Yu mas kisim ol gutpela na nambawan pikinini kaikai long graun bilong yu i kam long haus bilong mi God Yawe God bilong yupela. Yu noken boilim yangpela meme long susu bilong mama bilong em. ²⁰ Bai mi salim wanpela ensel long lukautim yu na em bai go pas long yu long rot na em bai kisim yu i go long ples mi bin redim pinis. ²¹ Oltaim yupela i mas lukluk long em na harim tok bilong em. Na noken sutim bel bilong em. Na em bai i no inap long lusim ron bilong em long mekim pasin nogut. Nem bilong mi i stap long em. ²² Sapos i tru yu harim tok bilong mi na mekim olgeta samting mi tokim yu orait mi bai kamap birua bilong ol birua bilong yu. ²³ Ensel bilong mi bai go pas long yu na kisim yu i go long ol Amor, Hit, Peri, Kenan, Hivi na ol Jebus. Mi bai bagarapim ol. ²⁴ Yu noken brukim skru long ol god giaman bilong ol na lotu long em na mekim olsem ol i save mekim. Tasol yu mas brukim na bagarapim ol god giaman bilong ol i bin mekim long ston na brukim i go liklik. ²⁵ Yu mas lotu long God Yawe bilong yu na em bai blesim bret na wara bilong yupela. Mi bai rausim ol sik namel long yupela. ²⁶ Nogat wanpela meri bai inap long karim pikinini long graun bilong yu. Bai mi givim yu longpela laip. ²⁷ Mi bai poretim ol manmeri taim ol i go insait long graun bilong yu. Na mi bai kilim ol manmeri yu bin bumim long rot. Mi bai mekim ol birua bilong yu i poret na givim baksait long yu. ²⁸ Mi bai salim ol binatang i go pas long yu, bai ol i rausim ol Hivi, ol Kenan na ol Hit long ol i no ken i go paslain long yu. ²⁹ Mi bai no inap rausim ol long i go aut long 1-pela yia, o pasim dispela graun i stap nating na ol wel animol bai i kamap planti. ³⁰ Bai mi rausim ol liklik liklik long yupela inap yupela i kamap planti na pulimapim dispela graun. ³¹ Mi bai stretim mak bilong graun bilong yupela long solwara Ret Si na i go long solwara bilong ol Palestainna long ples nating i go long wara Yufretis. Mi bai larim yupela i winim pait long dispela graun ol arapela lain i kam i stap long en. Yupela yet bai rausim ol i go. ³² Yu noken mekim tok promis wantaim ol o wantaim ol god bilong ol. ³³ Ol mas noken i stap long graun bilong yu, nogut ol bai mekim yu pundaun long sin long ai bilong mi. Na sapos yu lotu long god bilong ol, dispela bai i kamap olsem umben i holim yu.''

¹ Bihain God Yawe i tokim Moses, "Yu kam long mi, yu. Aron, Nadab, Adbihu na 70- hetman bilong ol lain Israel, yupela kam lotu long mi, yupela i mas i stap longwe long mi. ² Moses tasol bai i kam klostu long mi. Ol narapela i noken i kam klostu long mi na ol manmeri tu i no inap long i kam klostu long mi.'' ³ Moses i go na tokim ol manmeri long olgeta toktok na lo bilong God Yawe. Olgeta manmeri i bumim maus na bekim em olsem, "Bai mipela i bihainim olgeta tok God Yawe i tok long en." ⁴ "Orait Moses i raitim daun olgeta toktok bilong God Yawe. Long monin taim tru, Moses i mekim alta long as bilong maunten na lainim 12-pela ston pila, bilong makim 12-pela lain manmeri bilong Israel. ⁵ Em i salim ol yangpela man bilong lain Israel long kukim ofa long alta na kisim ol gutpela samting olsem sipsip ol i lukautim long mekim gutpela smel long God Yawe. ⁶ Moses i kisim hap blut na em i putim insait long ol dis na narapela hap blut em i tromoi antap long alta. ⁷ Em i kisim buk bilong kontrak na em i ridim na bikpela long ol manmeri. Ol i tok olsem, "Mipela bai bihainim olgeta tok bilong God Yawe. Mipela bai harim na bihainim.'' ⁸ Bihain Moses i kisim blut na i kapsaitim antap long ol manmeri. Em i tok olsem, "Dispela blut em i kontrak God Yawe i mekim wantaim yu, em dispela promis wantaim olgeta tok.'' ⁹ Bihain Moses, Aron, Nadab, Abihu na 70-pela lida man bilong Israel i go antap long maunten. ¹⁰ Ol i lukim God Yawe bilong Israel. Aninit long lek bilong em i gat stronpela ain ol i wokim wantaim blupela ston sapaira, em i wait olsem skai. ¹¹ God Yawe i no putim han antap long ol Israel olsem belhat bilong em. Ol i lukim God Yawe na ol i drin na kaikai long em. ¹² God Yawe i tokim Moses olsem, "Yu kam antap long maunten long mi na stap long hap. Mi bai givim yu ol ston mi bin raitim ol lo antap long en, olsem na yu bai skulim ol." ¹³ Olsem na Moses i go antap long maunten bilong God Yawe wantaim namba tu bilong em Josua. ¹⁴ Moses i bin tokim ol hetman olsem, "Yupela i stap hia na weitim mipela inap mipela i kam bek long yupela. Aron na Hur bai i stap wantaim yupela sapos wanpela bilong yupela i gat planti tingting, larim em i go lukim tupela." ¹⁵ Olsem na Moses i go antap long maunten na klaut i karamapim maunten. ¹⁶ God Yawe i stap long maunten Siana wantaim glori bilong en na klaut i karamapim em inap long 6-pela dei. Long namba 7-pela dei em i singautim Moses insait long klaut. ¹⁷ Glori bilong God Yawe i olsem bikpela paia antap long maunten long ai bilong olgeta lain Israel. ¹⁸ Moses i go insait long klaut na em i go antap long maunten. Em i stap long maunten 40-pela dei na 40-pela nait.

¹ God Yawe i tokim Moses olsem, ² "Tokim ol manmeri bilong Israel long bumim ofa bilong mi, long olgeta manmeri i bel kirap long givim wantaim amamas. Yu mas kisim dispela ofa bilong mi. ³ Dispela em ol samting ol bai i givim ofa long yu, gol, silva na brons, ⁴ blu, pepol na retpela klos we ol i bin putim kala long em wantaim gras bilong meme, ⁵ ol dispela ofa tu olsem skin bilong sipsip ol i putim retpela kala na skin bilong kau bilong solwara wantaim diwai akasia ⁶ na wel bilong lam bilong alta, wel bilong olim man na ol samting bilong givim gutpela smel. ⁷ Dispela ston i gat narapela kain kala na ol ston i dia tumas bilong putim long klos bilong pris. ⁸ Larim ol i mekim haus lotu bilong mi na bai mi kam i stap namel long ol. ⁹ Yu mas mekim stret olsem wanem mi bai soim yu long en na yu mas bihainim tok bilong mi na wokim haus lotu na bai mi tokim yu long wanem ol samting tu bai yu kisim na wokim long en. ¹⁰ Ol bai i mekim wanpela bokis long stronpela diwai akasia. Em i mas longpela olsem 2.5 kubik, bikpela bilong em bai i olsem 1.5 kubik na lid bilong em bai i olsem 1.5 kubik. ¹¹ Yu mas karamapim insait na autsait bilong em wantaim gol tasol na yu mas putim gol long ol kona na raunim olgeta i go antap long lid bilong bokis. ¹² Yu mas kukim gol na mekim 4-pela ring na putin long 4-pela lek bilong bokis, tupela ring long wanpela sait na tupela long narapela sait. ¹³ Yu mas mekim pos long stronpela diwai akasia na karamapim wantaim gol. ¹⁴ Yu mas putim pos i go insait long ring long olgeta sait bilong bokis na redi long karim. ¹⁵ Pos i mas i stap insait long ring bilong bokis na noken rausim i kam autsait long ring. ¹⁶ Yu mas putim lo bilong kontrak mi bai givim long yu i go insait long bokis. ¹⁷ Yu mas mekim lid bilong bokis wantaim gol tasol. Longpela bilong em i olsem 2.5 kubik na bikpela bilong em i olsem 0.5 kubik. ¹⁸ Yu mas mekim tupela ensol long gol na putim long tupela kona bilong bokis antap long lid. ¹⁹ Mekim tupela ensol long gol na putim wanpela long kona bilong lid na narapela long narapela kona bilong lid na tupela mas pas wantaim lid. ²⁰ Ensol i mas opim wing bilong em i go antap na pasim gol lid bilong bokis. Tupela gol ensol i mas lukluk i go i kam long tupela yet namel long gol lid bilong bokis. ²¹ Nau yu mas putim lid i go antap long bokis na putim lo bilong kontrak mi bin givim yu i go insait long bokis. ²² Long dispela bokis tasol bai mi bumim yu na toktok long yu. Ples bilong mi long stap em i stap antap long gol lid antap long bokis, namel long tupela gol ensol, bai mi toktok long yu long ol lo bai mi givim long ol lain manmeri bilong ol Isreal. ²³ Yu mas mekim wanpela tebol long diwai akasia. Longpela bilong em i olsem 2 kubik na bikpela bilong em i olsem wanpela kubik na antap bilong em i olsem 1hap kubik. ²⁴ Yu mas karamapim dispela tebol wantaim gol tasol na putim ol gol i raunim olgeta kona na antap bilong tebol tu. ²⁵ Yu mas mekim sapot bilong tebol i olsem 7 na 8 sentimita na em bai i stronim lek bilong tebol na raunim ol dispela sapot bilong em wantaim gol. ²⁶ Yu mas mekim 4-pela ring long gol na putim ol long 4-pela kona long lek bilong tebol i stap long en. ²⁷ Ol ring i mas i stap pas long tebol na em bai i kamapim ples bilong putim pos. Na dispela tebol em i redi long karim. ²⁸ Yu mas mekim pos wantaim stronpela diwai akasia na karamapim wantaim gol na ol i ken karim tebol wantaim dispela pos. ²⁹ Yu mas mekim ol dis, spun, jak na plet bilong kapsaitim ofa. Ol dispela samting yu mas mekim long gol tasol. ³⁰ Olgeta taim yu mas putim bret long tebol long pes bilong mi. ³¹ Yu mas mekim stik bilong putim lam wantaim gol tasol, yu mas mekim stik bilong lam wantaim as na han bilong em long sapotim lam. Lip, flawa na kap, Olgeta i mas pas na stap wantaim olsem bilas bilong stik bilong lam. ³² 6-pela han bilong lam i mas i go long tupela sait bilong lam, tri-pela han i go long wanpela sait na tri-pela i go long narapela sait bilong lam. ³³ Namba wan han i mas i gat tri-pela kap i luk olsem plawa bilong almon diwai, em i gat lip na plawa long as bilong en. Na tri-pela kap i stap long narapela han bilong lam em i wankain olsem narapela sait. Olgeta 6-pela han bilong lam i mas luk wankain tasol. ³⁴ Long namel long stik bilong lam i mas i gat 4-pela kap i luk olsem plawa bilong almon diwai, lip na plawa bilong em i mas i stap long as bilong lam. ³⁵ Em i mas i gat ol lip long as bilong tupela namba wan han bilong lam ol i mekim wantaim na narapela tupela han i mas wankain. Laspela tupela han bilong lam i gat lip long as bilong em we ol i mekim wantaim. I mas wankain long olgeta 6-pela han bilong lam. ³⁶ Olgeta lip long as bilong lam na han bilong en i kamap wanpela, em ol i mas mekim long gol tasol. ³⁷ Yu mas mekim stik bilong putim lam wantaim 7-pela lam na putim long ples bilong em na em bai i givim lait. ³⁸ Yu mas mekim sisis na plet bilong en wantaim gol tasol. ³⁹ Long mekim dispela olgeta samting bilong lam wantaim ples bilong putim lam em yupela i mas mekim long 34-pela kilo grem gol. ⁴⁰ Yu i mas tingim gut na mekim olsem mi bin soim yu long maunten.

¹ Yu mas mekim dispela haus lotu wantaim 10-pela laplap bilong pasim windo em ol i mekim long ol gutpela hap klos na ol rop i gat blu, pepol na retpela kala em ol mekim piksa bilong ensel na putim. ² Ol longpela bilong ol dispela laplap i mas mesa olsem 28 kiubik (12 mita) na sotpela bilong ol i mas 4 kiubik (2 mita). Dispela wok bai kamap long han bilong ol saveman bilong mekim ol kainkain bilas na mak. Ol dispela laplap bilong pasim windo i mas wankain stret. ³ 5-pela bilong ol dispela laplap bilong pasim windo i mas pas wantaim na narapela 5-pela laplap bilong pasim windo tu i mas pas wantaim. ⁴ Yu mas mekim ol hul olsem ring long blupela kala long autsait long arere bilong ol laplap bilong pasim windo, em ol dispela laplap bilong pasim windo bai i stap arere tru long ol narapela. Long wankain rot tasol yu mas mekim long ol namba tu laplap lain bilong pasim windo. ⁵ Yu mas mekim 50-pela hul olsem ring long namba wan lain laplap bilong pasim windo na yu mas mekim 50-pela hul olsem ring long namba tu lain laplap bilong pasim windo. Taim yu mekim olsem, ol narapela hul olsem ring bai sanap long hapsait stret bilong ol narapela ol hul olsem ring. ⁶ Yu mas mekim 50-pela huk gol na bumim wantaim long mekim haus lotu bai i kamap olsem wanpela tasol. ⁷ Yu mas kisim gras bilong meme na mekim laplap bilong pasim windo bilong haus sel insait long haus lotu. Yu mas mekim 11-pela bilong ol dispela laplap bilong pasim windo. ⁸ Longpela bilong ol dispela laplap bilong pasim windo i mas sanap olsem 30-kiubik (13 mita) na sotpela bilong ol i mas sanap olsem 4-kiubik (2 mita). Olgeta dispela 11-pela laplap bilong pasim windo i mas wankain stret. ⁹ Yu mas bumim 5-pela laplap bilong pasim windo wantaim na bumim narapela 6-pela laplap bilong pasim windo wantaim. Long namba 6 laplap bilong pasim windo em yu mas strongim ken namba tu taim. ¹⁰ Yu mas mekim 50-pela hul olsem ring long arere bilong namba wan lain laplap bilong pasim windo na 50-pela hul olsem ring long arere bilong laplap i bumim namba tu lain laplap bilong pasim windo. ¹¹ Yu mas mekim 50-pela huk brons na putim ol i go insait long ol hul olsem ring. Na bumim gut ol dispela hap bilong haus sel bai ol inap kamap wanpela tasol. ¹² Dispela liklik hap laplap bilong pasim windo i stap nating na ol i hangamapim antap long windo bilong haus sel na ol i mas hangamapim baksait long rum tambu. ¹³ Dispela i mas mesa olsem 1-kiubik (50 sentimita) na long narapela sait em tu i mas mesa olsem 1-kiubik (50 sentimita) dispela em hap laplap bilong pasim windo i stap nating em yu mas hangamapim long sait na karamapim na raunim haus lotu. ¹⁴ Yu mas mekim karamap bilong haus lotu wantaim skin bilong pikinini meme ol i putim retpela kala long em na narapela karamap bilong i stap antap tru em ol i mekim long gutpela skin bilong abus. ¹⁵ Yu mas mekim ol pos bilong sanapim haus lotu long diwai akasia. ¹⁶ Ol longpela bilong pos i mas mesa olsem 10 kiubik (4 mita) na sotpela bilong ol i mas mesa olsem wan na hap kiubit (66 sentimita). ¹⁷ Na 2-pela diwai pin i mas stap bilong bumim tupela pos wantaim long mekim tupela i mas sanap klostu long narapela. Dispela rot em yu mas bihainim long mekim olgeta pos bilong haus lotu. ¹⁸ Taim yu mekim bun bilong haus lotu, em yu mas mekim 20-pela pos bilong hap saut bilong haus lotu. ¹⁹ Yu mas mekim 40-pela ston bilong holim ol pos long silva bilong sanapim ol 20-pela pos antap long ol. Bumim tu-pela ston bilong holim ol pos na mekim i kamap wan-pela tasol bai wan-pela pos i ken sanap antap long em. ²⁰ Long namba tu sait bilong haus lotu long hap not, yu mas mekim 20-pela pos ²¹ wantaim 40-pela stron bilong holim pos long silva. Bungim tu-pela stron bilong holim pos wantaim na mekim kamap wanpela tasol long sanapim namba wan pos antap long em na tu-pela stron bilong holim pos wantaim long sanapim narapela pos na mekim olsem long ol narapela tu. ²² Long baksait bilong haus lotu long hap san i go daun yu mas mekim 6-pela bun bilong haus lotu. ²³ Long baksait long kona bilong haus lotu, yu mas mekim tu-pela bun bilong em. ²⁴ Ol dispela bun bilong haus lotu i noken pas wantaim long as bilong ol, tasol ol i mas bum wantaim long wanpela ring tasol long antap. Yu mas mekim olsem long tu-pela kona long baksait. ²⁵ Long dispela hap, 8-pela bun i mas stap wantaim ol ston bilong holim pos em ol i mekim long silva. Long bumim olgeta wantaim, em 16-pela ston bilong holim pos ol mekim long silva na bumim tu-pela ston bilong holim pos wantaim aninit long namba wan pos na tu-pela ken aninit long narapela pos na mekim olsem long ol narapela tu. ²⁶ Yu mas kisim diwai akas na mekim plang bilong putim i go. 5-pela i bilong ol bun bilong pos long wanpela sait bilong haus lotu ²⁷ na 5-pela plang bilong putim i go kam bilong ol bun bilong haus lotu long baksait long hap san i go daun. ²⁸ Ol plang bilong putim i go kam i stap namel stret long ol bun bilong haus lotu na i mas kamap long wanpela arere i go long narapela arere. ²⁹ Na yu mas karamapim ol bun bilong haus lotu wantaim gol. Yu mas mekim ol ring bilong ol long gol, bai ol i ken holim ol plang bilong putim i go i kam na yu mas karamapim ol dispela plang wantaim gol. ³⁰ Yu mas putim gut na sanapim dispela haus lotu em yu bin lukim na kisim piksa bilong em antap long maunten. ³¹ Yu mas kisim ol rop i gat blu, pepol na retpela kala na kisim klos i dia tumas na mekim laplap bilong pasim windo i gat makmak na piksa bilong ensel, em wok ol hap saveman i bin mekim. ³² Na yu mas hangamapim antap long 4-pela pos ol i mekim long diwai akas, em ol i karamapim wantaim gol. Ol dispela pos i mas i gat ol huk ol i mekim long gol na sanapim antap long stronpela pos ol i mekim long silva. ³³ Na yu mas hangamapim laplap bilong pasim windo aninit long huk na kisim bokis kontrak i go insait. Dispela laplap bilong pasim windo bai haitim rum tambu tru long rum tambu. ³⁴ Yu mas karamapim ai bilong bokis kontrak i makim na soim rot bilong God Yawe long rausim sin na mekim yumi kamap wanbel wantaim Em, em ol i mekim long gol na i stap insait long rum tambu tru. ³⁵ Yu mas putim tebol autsait long laplap bilong pasim windo. Yu mas putim stik bilong lam em ol i mekim long gol long narapela sait long hap saut bilong haus lotu. Dispela tebol i mas i stap olsem long hap not. ³⁶ Yu mas mekim wanpela dua long laplap bilong hangamapim long rot bilong i go insait na kam autsait long haus lotu. Yu mas mekim dispela long laplap i dia tumas na long ol laplap i gat blu, pepol na retpela kala em ol saveman bilong dispela i bin mekim. ³⁷ Na long hangamapim dispela laplap bilong pasim long dua, em yu mas mekim 5-pela pos long diwai akas na karamapim wantaim gol. Huk bilong ol em yu mas mekim long gol na putim long 5-pela stronpela pos em ol i mekim long ston brons.

¹ Yu mas mekim alta long diwai akasia, longpela bilong en i mas 5-mita na bikpela bilong en i mas 5-mita. Alta i mas gat 4-pela kona na longpela bilong en i mas 3-mita. ² Yu mas mekim 4-pela kona i go longpela moa olsem kom bilong bulmakau. Mekim kom i stap wantaim alta na bai yu karamapim ol wantaim bras. ³ Yu mas mekim ol samting bilong alta olsem, ol sospen bilong sit paia, ol savol, dis na fok bilong mit na ol frai pen. Yu mas wokim dispela olgeta samting wantaim bras. ⁴ Yu mas wokim han bilong holim alta. Mekim ring long bras na putim long han bilong alta long 4-pela kona. ⁵ Yu mas putim han aninit long hap bilong putim ol samting antap long alta. Em i mas i stap long namel bilong alta na i go daun long pinis bilong en. ⁶ Yu mas wokim ol pos bilong alta, long pos long diwai akasia na karamapim ol wantaim bras. ⁷ Ol pos i mas stap insait long ring na dispela pos i mas stap long tupela sait bilong alta, dispela pos em bilong karim alta. ⁸ Yu mas mekim hul long alta long ol plang. Yu mas mekim olsem piksa mi soim long yu antap long maunten. ⁹ Yu mas wokim wanpela banis insait long hausel bilong lotu na hangamapim ol naispela laplap ol i samapim wantaim liklik rop. Long hap saut bilong banis, ol laplap i mas longpela olsem 100-mita. ¹⁰ Dispela laplap i mas i gat 20-pos na 20-bras i sapotim aninit bilong laplap. Em i mas i gat huk bilong pasim laplap long pos wantaim silva pos bilong holim stron laplap. ¹¹ Wankain long hap not i mas i gat laplap na em i mas longpela olsem 100-mita wantaim 20-pos na 20-bras i sapotim aninit bilong pos na huk bilong pasim laplap na silva pos bilong holim huk. ¹² Long banis long hap san i go daun, i mas i gat longpela laplap olsem 50-mita. Em i mas i gat 10-pela pos na 10-pela sapot pos bilong en. ¹³ Dispela banis i mas longpela olsem 50-mita i go long hap san kamap. ¹⁴ Laplap long wanpela sait bilong kam insait long dua i mas longpela olsem 15-mita na ol i mas i gat 3-pela pos wantaim 3-pela sapot pos bilong en. ¹⁵ Narapela sait tu i mas i gat longpela laplap olsem 15- mita. Ol i mas i gat 3-pela pos na 3-pela sapot pos bilong en tu. ¹⁶ Dua bilong banis i mas i gat laplap longpela olsem 20-mita. Ol dispela laplap i mas i gat kala blu kala, kala pepol na kala ret em ol i samapim gut tru long liklik rop. Em i wok bilong man husat i save long samap. Em i mas i gat 4-pela pos wantaim 4-pela sapot pos. ¹⁷ Olgeta pos bilong banis i mas i gat silva pos, silva huk na sapot pos ol i wokim long bras. ¹⁸ Longpela bilong banis i mas 100-mita na bikpela bilong en i mas 50-mita na antap bilong en i mas 5-mita na hangamapim laplap ol i mekim long liklik rop na sapot pos ol i mekim long bras. ¹⁹ Olgeta samting bilong mekim haus sel bilong lotu na long banis insait long haus sel ol i mas wokim long bras tasol. ²⁰ Yu mas givim stronpela tok long ol manmeri bilong Israel long kisim ol klinpela oliv wel bilong mekim lam bai i lait olsem tasol na i stap. ²¹ Insait long haus sel bilong bum, autsait long ples laplap i stap insait long haus lotu, ples bokis kontrak bilong God Yawe i stap long en, Aron na ol pikinini man bilong en i mas larim lam i lait i stap long ples God Yawe i stap, long monin i go long abinun. Dispela, God Yawe i laikim olsem, em bai i stap olsem wanpela lo bilong ol manmeri na pikinini bilong ol Israel.

¹ Singautim brata bilong yu Aron na ol pikinini man bilong em Nadap, Abiu, Elisa na Itama na long namel long ol lain Israel bai ol i ken wok long mi olsem pris. ² Yu mas wokim klos bilong Aron, brata bilong yu na em i ken i stap narakain long ol manmeri. Dispela klos bai i givim biknem long mi na em bai gutpela tru. ³ Yu mas toktok long olgeta manmeri i gat gutpela bel em ol dispela lain mi bin pulmapim ol wantaim spirit bilong gutpela save, olsem na bai ol i wokim klos bilong Aron na putim em long narapela sait na bai em i mekim wok bilong mi olsem pris. ⁴ Dispela ol klos ol i mas wokim em i bros kapa, em longpela laplap i raunim nek, laplap i save holim sket o trasis olsem let na longpela laplap i raunim het. Ol i mas wokim ol dispela klos na putim long narapela sait long mi. Ol dispela ol klos i bilong brata bilong yu Aron wantaim ol pikinini bilong em na ol bai i wok olsem pris. ⁵ Save man bilong samapim klos i mas kisim laplap ol i mekim long liklik rop i gat gol kala blu, pepol na ret. ⁶ Ol i mas wokim longpela laplap i raunim nek wantaim gol long blu, pepol na retpela tret ol i tanim long en. Man i gat save gut long dispela wok i mas mekim dispela wok. ⁷ Dispela klos i mas i gat tupela hap laplap bilong solda i holim tupela kona long antap. ⁸ Ol i mekim gut tru let olsem laplap bilong raunim nek, ol i mas mekim long wanpela laplap wantaim laplap bilong raunim nek, ol i mekim long laplap ol i bin tanim long kala gol, blu, pepol na ret. ⁹ Nau yu mas kisim tupela oniks ston na sigirapim na raitim nem bilong 12-pela pikinini man bilong Israel. ¹⁰ 6-pela nem long wanpela ston na arapela 6-pela long narapela ston, ol i raitim nem bilong ol long oda bilong dei mama i karim ol long en. ¹¹ Wokman i save katim ston na raitim nem, olsem mak i stap long ring, yu mas kisim tupela ston na raitim nem bilong ol 12-pela pikinini man bilong Israel. Yu mas bumim ol ston na mekim wantaim gol. ¹² Yu mas putim tupela ston antap long tupela solda bilong klos bilong pris, long toksave long God Yawe long ol pikinini bilong Israel. Aron bai i karim ol nem i go long ai bilong God Yawe long tupela solda bilong em na God Yawe bai lukim na bai tingim ol. ¹³ Yu mas mekim gut tru wantaim gol, ¹⁴ wokim tupela sen wantaim gol na tanim tanim en i kamap olsem rop na yu mas pasim sen na lainim gut. ¹⁵ Yu mas mekim klos bilong bros long mekim disisen. Wokman em i save gut tru long samap, em tasol bai mekim na bihainim ol kala God Yawe i tok long en, gol, blu, pepol na gutpela laplap. ¹⁶ Em i mas kamap wankain long olgeta sait. Yu mas foldim dispela klos bilong bros i go tupela. Longpela bilong em i mas 22-senti mita na sait bilong en i mas 22-senti mita. ¹⁷ Yu mas putim ol long 4-pela stretpela lain bilong ol ston i dia tumas. Namba wan lain i mas i gat rubi, topas na ganet. ¹⁸ Namba 2 lain i mas i gat emeral, sapaia na daimon. ¹⁹ Namba 3 lain i mas i gat jasin, akait na amaitis. ²⁰ Namba 4 lain i mas i gat beril, onix na jaspa. Ol i mas putim olgeta wantaim gol antap long en. ²¹ Ol i mas lainim ol ston long makim 12-pela pikinini man bilong Israel, bihanim nem bilong ol. Ol i mas raitim nem bilong ol long ston olsem mak i stap long ring bilong makim wan wan tumbuna lain. ²² Yu mas mekim antap long klos bilong bros olsem sen rop ol i tanim tanim long trupela gol. ²³ Yu mas mekim tupela ring long gol long putim long klos bilong bros. ²⁴ Yu mas pasim wantaim tupela gol sen long tupela kona bilong klos bilong bros. ²⁵ Yu mas pasim ol narapela arere bilong klos bilong bros long sen ol i mekim long putim long solda. Na pasim olgeta wantaim long klos bilong bros. ²⁶ Yu mas mekim tupela ring long gol na putim long tupela kona bilong klos bilong bros, long arare bilong narapela klos bilong bros. ²⁷ Yu mas wokim tupela moa ring bilong gol, yu mas putim ol aninit long tupela hap bilong laplap long solda na klostu bai arare bilong en i mas stron moa klostu lo let bilong pasim wantaim klos bilong pris. ²⁸ Ol i mas pasim ring bilong klos bilong bros wantaim ring bilong laplap bilong raunim nek long blupela rop, olsem na em bai pas antap long laplap bilong raunim nek na let. Dispela klos bilong bros i mas pas antap long klos bilong pris olgeta taim. ²⁹ Taim Aron i go insait long ples holi em i mas karim nem bilong ol manmeri bilong Israel long klos em i putim long bros bilong em bilong mekim sampela tingting long gutpela sindaun bilong ol manmeri. Em bai mekim olsem bilong tingim ol gutpela pasin em God Yawe i bin mekim long ol. ³⁰ Yu putim Urim na Tumim long klos bilong bros long ples bilong mekim sampela tingting, em bai i stap long bros bilong Aron taim em i go long ples holi long lukim God Yawe. Olsem bai Aron inap kamap man bilong kamapim sampela tingting long makim lain Israel long bros bilong em taim em i kam sanap long ai bilong God Yawe. ³¹ Yu mas mekim longpela klos bilong pris long blupela laplap tasol. ³² Dispela klos i mas i gat hul long namel bilong het i ken go insait. Na samapim arere bilong laplap i raunim hul long klos, bai em i noken bruk. Man husat i save long samapim klos i mas mekim dispela. ³³ Aninit long dispela longpela klos yumi mas mekim piksa bilong pomegrenet long kala blu, pepol na ret i raunim klos na ol gol belo long namel na i mas raunim dispela klos. ³⁴ I mas i gat belo long gol na piksa bilong pomegranet i raunim arere bilong klos long aninit. ³⁵ Aron i mas pasim dispela klos long taim em i wok. Dispela belo i mas pairap taim Aron i go insait long ples holi long ai bilong God Yawe na taim em i kam ausait. Em i mas mekim olsem long em i noken dai. ³⁶ Yu mas mekim wanpela plet long gol tasol na rait antap long en olsem wanpela mak i wankain olsem dispela mak i mas tok olsem, "God Yawe em i holi." ³⁷ Pasim dispela plet long hat bilong pris antap long poret bilong em. ³⁸ Em i mas stap long het bilong Aron bai em i ken karim hevi i save pas long ofa ol Isarel i makim olsem holi ofa i go long God Yawe. Dispela hat bilong pris mas stap oltaim long het bilong Aron na God Yawe i bai amamas na kisim ol dispela ofa bilong lain Israel. ³⁹ Yu mas mekim longpela klos bilong ol long liklik tret long waitpela kala na mekim klos bilong het tu long ol liklik tret long waitpela kala. Na yu mas mekim wanpela hap laplap bai i kamap olsem let wantaim ol mak i stap long en. ⁴⁰ Mekim ol longpela klos, ol let na ol laplap olsem rop bilong pasim long het na givim long ol pikinini bilong Aron long kamapim biknem na gutpela pasin bilong ol. Man i gat save long samap i mas mekim ol dispela samting. ⁴¹ Yu mas givim dispela ol klos long brata bilong yu Aron na ol pikinini bilong en. Yu mas werim ol na makim ol bai ol i mekim wok long mi olsem pris. ⁴² Yu mas mekim klos bilong karamapim skin bilong ol long bel i go daun long tais bilong ol. ⁴³ Aron na ol pikinini bilong en tasol bai i putim dispela klos long taim ol i go insait long sel haus o long taim ol i go wok long ples holi. Ol i mas bihainim dispela tok God Yawe i tokim ol, nogut bai ol i dai. Dispela bai i kamap stronpela lo bilong Aron na ol lain tumbuna pikininin bilong en i kam bihain.

¹ Nau dispela samting yu mas mekim long makim Aron na ol pikinini man bilong em bai ol mekim wok bilong mi olsem ol pris. Kisim wanpela yangpela bulmakau na tupela man sipsip i nogat makmak long em, ² bret i nogat yis na skon i nogat yis ol i bin tanim wantaim wel. Kisim wantaim bisket i nogat yis ol putim wel long em. Mekim ol bisket wantaim gutpela wit plaua. ³ Putim olgeta insait long wanpela bilum tasol na givim wantaim yangpela bulmakau na tupela man sipsip. ⁴ Yu mas kisim Aron na ol pikinini man bilong em long dua bilong haus sel bilong lotu. Yu mas wasim Aron na ol pikinini man bilong em wantaim wara. ⁵ Yu mas kisim klos na putim long Aron, longpela laplap bilong bros, dispela bros laplap, laplap bilong pris, pasim gut les bilong let bilong bros laplap long Aron. ⁶ Yu mas putim hat bilong pris long het bilong Aron na putim liklik holi hat bilong bilasim het bilong em. ⁷ Bihain kisim wel na kapsaitim long het bilong Aron na long dispela pasin bai yu welim em. ⁸ Yu mas kisim ol pikinini man bilong Aron i kam na putim klos long ol. ⁹ Yu mas pasim laplap long Aron na long ol pikinini man bilong em na pasim laplap long het bilong ol. Wok bilong pris bai i stap long Aron na ol pikinini man bilong em na stronpela lo bai mi pasim long dispela wok. Long dispela rot bai yu stretim Aron na ol pikinini man bilong em long mekim wok bilong mi. ¹⁰ Yupela olgeta i mas kisim bulmakau long haus sel bilong lotu na Aron na ol pikinini man bilong em i mas putim han long het bilong bulmakau. ¹¹ Yu mas kilim bulmakau i go long God Yawe long dua bilong haus sel bilong lotu. ¹² Yu mas kisim sampela blut bilong bulmakau na putim long kom bilong alta wantaim pinga bilong yu na yu mas kapsaitim olgeta blut long as bilong alta. ¹³ Yu mas kisim gris i karamapim insait long bel bilong bulmakau, ol dispela i kamap long liva na kidni na ol gris i stap long ol na kukim olgeta antap long alta. ¹⁴ Kisim olgeta mit, skin na pipia bilong bulmakau, yu mas kukim autsait long kem. Dispela emi sin ofa. ¹⁵ Yu mas kisim wanpela man sipsip na Aron na ol pikinini man bilong em i mas putim han antap long het bilong em. ¹⁶ Yu mas kilim dispela man sipsip na bihain kisim blut bilong em na kapsaitim liklik long olgeta sait bilong alta. ¹⁷ Yu mas katim man sipsip i go liklik, wasim insait bel bilong em na lek bilong em na yu mas putim insait bel bilong man sipsip wantaim ol man sipsip yu katim pinis i go liklik i go wantaim het bilong em ¹⁸ antap long alta. Na bihain kukim man sipsip olgeta. Dispela em ofa bilong paia i go long God Yawe, wanpela gutpela smel, em ofa i go long God Yawe na mekim wantaim paia. ¹⁹ Yu mas kisim narapela man sipsip na Aron na ol pikinini man bilong em i mas putim han antap long het bilong em. ²⁰ Yu mas kilim dispela man sipsip na kisim blut bilong em. Putim arere long han sut yau bilong Aron na arere long han sut yau bilong ol pikinini man bilong Aron, antap long bikpela pinga long han sut na long bikpela pinga long lek bilong han sut. Na bai yu kapsaitim blut long sait bilong alta long olgeta sait. ²¹ Yu mas kisim sampela blut i stap long alta na sampela wel i holi na tromoi liklik antap long Aron na long klos bilong em na antap long ol pikinini man bilong em na long klos bilong ol. Aron bai i stap long mekim wok bilong mi na olgeta klos bilong em, ol pikinini man bilong em na klos bilong olgeta wantaim Aron. ²² Yu mas kisim gris bilong man sipsip na gris i stap long tel na gris i stap insait long bel na karamap bilong liva na tupela kidni na gris antap long ol na lek mit long sait bilong han sut. Dispela man sipsip em bilong ol pris long stretim na klinim ol yet long kam long mi. ²³ Kisim wanpela hap bret, wanpela skon bret ol i wokim wantaim wel na wanpela basket i gat bret i nogat yis i save stap long pes bilong God Yawe . ²⁴ Yu mas putim olgeta dispela samting long han bilong Aron na ol pikinini man bilong em na ol bai apim han i kam long mi olsem ofa i go long God Yawe. ²⁵ Yu mas kisim kaikai long han bilong ol na kukim antap long alta na kukim olsem ofa long paia, em bai i kamap olsem gutpela smel i kam long mi dispela em i ofa bilong paia. ²⁶ Yu mas kisim bros bilong man sipsip bilong Aron, bilong givim em yet na givim ofa i go long God Yawe wantaim han i go antap, dispela hap em bilong yu. ²⁷ Yu mas putim dispela hap bros bilong man sipsip yu bin givim olsem ofa na mit bilong lek i go long ol pris, tupela hap abus wantaim bai i go long Aron na ol pikinini man bilong em. ²⁸ Dispela pasin bai i stap oltaim long Aron na ol pikinini man bilong em. Dispela em ol samting ol manmeri bilong Israel i givim nating i go long God Yawe olsem bel isi ofa. ²⁹ Dispela holi klos bilong Aron, yupela mas i lukautim gut long ol pikinini man bilong Aron na ol pikinini man bilong ol long bihain taim. Ol i mas welim ol wantaim holi wel na makim ol long nem bilong mi. ³⁰ Ol pris husat i kam bihain long ol insait long ol pikinini man bilong Aron, husat i kam insait long haus sel long wokim wok bilong mi insait long ples holi, ol i mas putim dispela klos long 7-pela dei. ³¹ Yu mas kisim dispela man sipsip long putim mak long ol pris long mi na boilim mit bilong wanpela man sipsip insait long holi ples. ³² Aron na ol pikinini man bilong em i mas kaikai dispela mit bilong sipsip na bret insait long bilume long dua bilong haus sel. ³³ Ol i mas kaikai dispela mit na bret ol i givim long ol, long kamapim wanbel pasin na long makim ol long mekim wok long mi. Man nating i no inap kaikai dispela kaikai, long wanem, dispela ol kaikai ol i wokim long nem bilong mi, dispela kaikai em bilong mi tasol. ³⁴ Sapos sampela mit na bret i stap yet i go inap long narapela monin, yu mas kukim ol long paia. Noken tru kaikai dispela kaikai, long wanem, yu bin givim mi pinis. ³⁵ Long dispela rot na long bihainim olgeta toktok mi tokim yu long mekim, yu mas stretim Aron na ol pikinini man bilong em. Stretim ol long 7-pela dei olgeta. ³⁶ Long olgeta dei yu mas givim wanpela bulmakau olsem sin ofa long kamapim wanbel namel. Yu mas stretim na mekim alta i holi taim yu kamapim wanbel na yu mas kapsaitim wel long alta, makim olsem bilong mi. ³⁷ Long 7-pela dei yu mas kamapim wanbel pasin na givim i go long God Yawe. Na dispela alta bai i kamap samting bilong mi stret. Wanem samting i kam na tasim alta bai i kamap samting bilong God Yawe. ³⁸ Oltaim yu mas givim ofa antap long alta olgeta dei, tupela pikinini sipsip i gat wanpela yia. ³⁹ Ofarim wanpela pikinini sipsip long monin na narapela pikinini sipsip klostu long taim san i go daun. ⁴⁰ Wantaim wanpla pikinini sipsip, givim ten hap wantaim gutpela plawa wantaim 4-pela hap wel ol i mekim long oliv na 4-pela hap wain olsem drin ofa. ⁴¹ Yu mas givim narapela pikinini sipsip olsem ofa taim san i go daun. Givim ofa wantaim wankain mak bilong wit plawa olsem long monin na drin ofa. Dispela ofa i kam long paia bai kamapim gutpela smel i kam long mi. ⁴² Dispela ofa i mas kamap oltaim, long olgeta lain pikinini man bilong yupela bihain taim, long dua bilong haus sel i go long God Yawe na mi bai bumim yupela na toktok long yupela long hap. ⁴³ Long dispela hap bai mi bumim olgeta manmeri bilong Israel, dispela haus sel mi makim bilong mi, bilong mi ken kisim glori bilong mi. ⁴⁴ Mi bai makim haus sel na alta i kamap samting bilong mi. Mi bai makim Aron na ol pikinini man bilong em long mekim wok bilong mi olsem ol pris. ⁴⁵ Mi bai stap namel long ol lain Israel na Mi bai kamap God Yawe bilong ol. ⁴⁶ Ol Israel bai save olsem mi, God Yawe bilong ol. Husat i bin kisim ol i kamaut long Isip na Mi bai i stap namel long ol. Mi God Yawe, God bilong Isrel.

¹ Yu mas wokim alta bilong kukim pauda bilong kamapim smuk i gat gutpela smel. Yu mas wokim wantaim diwai akas. ² Longpela bilong en i mas wan kuibik na bikpela bilong em i mas wan kuibik. Em i mas kamap wankain long olgeta sait bilong en na longpela bilong en i mas tupela kuibik. Na kom bilong em ol i mas mekim wantaim long wanpela liklik. ³ Yu mas karamapim alta bilong smuk i gat gutpela smel wantaim olgeta pauda antap long het, long ol sait na ol kom bilong en. Yu mas wokim mak i raunim sait bilong en long gol. ⁴ Yu mas wokim tupela ring long gol bilong pasim aninit long tupela sait. Dispela ring, em i mas holim pos bilong karim alta. ⁵ Yu mas wokim ol pos long diwai akas na yu mas karamapim ol wantaim gol. ⁶ Yu mas putim alta bilong kukim pauda bilong kamapim smuk i gat gutpela smel klostu long lapalp long ai bilong Bokis Kontrak. Em bai i stap klostu long lid bilong tebol antap long kontrak bokis. Na long dispela hap mi bai bumim yu. ⁷ Aron i mas kukim pauda bilong kamapim gutpela smuk smel long olgeta monin. Em i mas kukim taim em i tanim lam ⁸ na Aron i laitim lam ken long abinun na smuk smel i lait olgeta taim long God Yawe, i go inap long ol lain pikinini bai i kam bihain. ⁹ Tasol yu mas no ken givim narapela smuk smel antap long ol narapela smuk smel bilong alta, olsem ofa bilong kukim mit samting o ofa bilong wit. Yu noken kapsaitim ofa bilong drin antap long en. ¹⁰ Aron i mas wokim tebol antap long ol kom bilong alta wanpela taim long olgeta yia. Wantaim ofa bilong blut bilong rausim sin wanpela taim long olgeta yia inap long ol manmeri bai i kamap bihain. Em i mas i stap samting bilong God Yawe." ¹¹ Na God Yawe i tokim Moses olsem, ¹² "Taim yu kauntim ol manmeri bilong Israel, olgeta wan wan manmeri i mas givim moni long laip bilong ol long God Yawe. Yu mas mekim olsem taim yu kauntim ol, olsem na bai i nogat sik nogut i kamap namel long ol taim yu kauntim ol. ¹³ Olgeta manmeri husat ol i kauntim ol pinis i mas baim hap silva, inap long hevi bilong moni ol i save baim i go long tempol ( moni i mas wankain liklik hap olsem 6-pela grem). Dispela hap moni em i olsem ofa i go long God Yawe. ¹⁴ Olgeta manmeri husat ol i kauntim ol pinis, inap long 20-pela yia na antap, i mas givim dispela ofa long mi. ¹⁵ Taim ol manmeri i givim dispela ofa long mi bilong baim sin bilong laip bilong ol, ol moni man i noken givim planti moni na ol rabisman i noken givim liklik moni. ¹⁶ Yu mas kisim dispela moni bilong lusim sin bilong ol manmeri bilong Israel na yusim long lukautim wok bilong haus sel bilong bum. Olgeta taim ol manmeri bilong Israel i mas tingim mi, long lusim sin bilong laip bilong ol." ¹⁷ God Yawe i tokim Moses olsem, ¹⁸ "Na tu yu mas wokim wanpela bikpela dis long bras wantaim lek bilong en long bras na dis bilong was was. Yu mas putim namel long haus sel bilong bum na long alta, yu mas putim wara insait long en. ¹⁹ Aron wantaim ol pikinini man bilong em i mas wasim ol han na lek long dispela wara i stap insait long en. ²⁰ Taim ol i go insait long haus sel bilong bum o ol i go klostu long alta long mekim wok bilong mi long mekim ofa bilong paia i kukim olgeta, ol i mas was was wantaim wara na bai ol i no inap i dai. ²¹ Ol i mas wasim han na lek bilong ol na ol i no inap i dai. Dispela i mas i stap olsem stronpela lo long Aron wantaim ol lain bilong em i kamap bihain." ²² God Yawe i tokim Moses na i tok olsem, ²³ "Kisim ol samting i gat gutpela smel, orait kisim 6-pela kilo wel, ol i wokim wantaim wara bilong diwai, tri-pela kilo switpela smel sinamon oil wantaim na tri-pela kilo bilong switpela stik kanda, ²⁴ na 6-pela kilo diwai kasia, em ol i skelim long hevi na mak ol i makim long givim long tempol na 4-pela lita oliv oil. ²⁵ Yu mas wokim wel bilong welim ol manmeri i stretpela wantaim ol dispela samting, em i wok bilong ol man i gat save long wokim smel sanda. Dispela wel bilong welim ol stretpela manmeri na ol i mas i putim i stap bilong mi. ²⁶ Yu mas kapsaitim wel long haus sel bilong bum wantaim dispela wel na putim long Bokis Kontrak, ²⁷ na tebol wantaim olgeta samting, ol lek bilong lam na ol samting bilong wok long en na alta bilong kukim pauda bilong kamapim smuk i gat gutpela smel ²⁸ na alta bilong ofa bilong kukim paia, ol samting bilong wok na dis wantaim ol lek bilong en. ²⁹ Yu mas mekim i kamap samting tru bilong mi olsem na bai ol i stap stretpela long ai bilong mi. Na wanem man o ol samting i pas long en tu bai i kamap stretpela. ³⁰ Yu mas kapsaitim wel long het bilong Aron wantaim ol pikinini man bilong en na mekim ol i stap stret long ai bilong mi na bai ol i mekim wok bilong mi olsem pris. ³¹ Yu mas tokim ol manmeri bilong Israel, 'Dispela wel em i holi long ai bilong mi, God Yawe, long ol lain manmeri bilong yu bai i kamap bihain. ³² Ol manmeri nating i noken kapsaitim long skin bilong ol, o wokim wankain wel long usim nating, long wanem, em i holi long ai bilongYahweh. Yu mas skelim gut dispela pasin. ³³ Husat i wokim wankain smel sanda olsem, o husat i kapsaitim long skin bilong wanpela man, rausim em namel long ol manmeri bilong en." ³⁴ God Yawe i tokim, Moses, "Kisim ol samting i gat gutpela smel olsem mea, onika na galbanun na ol samting i gat switpela smel wantaim klinpela diwai basam i gat gutpela smel, inap long wankain mak. ³⁵ Mekim i kamap olsem sanda, tanim olsem ol lain i save mekim smel sanda, draim wantaim sol inap em i klin na putim long sait. ³⁶ Yu brukim liklik i go kamap olsem das. Putim hap bilong en long pes bilong Bokis Kontrak, em i stap insait long haus sel bilong bum, long ples mi bai bum wantaim yu. Yu bai mekim i kamap holi long mi. ³⁷ Long dispela sanda yu bai mekim, yu noken wokim wankain sanda olsem bilong yu yet. Em i mas kamap holi tru long yu. ³⁸ Husat i wokim wankain sanda bilong em yet long yusim, rausim em namel long ol manmeri bilong mi.''

¹ Nau God Yawe i tokim Moses olsem, ² "Lukim, mi bin singautim nem bilong yu Besalel pikinini bilong Uri tumbuna bilong Ur long lain bilong Juda. ³ Mi bin pulimapim Besalel wantaim Spirit bilong mi, long givim em gutpela tingting na save long em i ken mekim olgeta wok, ⁴ long em i ken save long mekim piksa na wok long gol, silva na brons, ⁵ long katim ston na stretim, sapim na wokim ol piksa long diwai na mekim olgeta kain wok. ⁶ Antap long dispela long stronim wok, mi makim Oholiab pikinini bilong Aisamak, long lain bilong Den. Na tu mi givim save long olgeta husat i gat save long ol i ken mekim ol samting em mi tokim yu long em. Kain olsem ⁷ haus sel bilong bum na bokis bilong kontrak na lid bilong bokis kontrak long ples bilong putim blut wantaim ol arapela samting bai i ken stap insait ⁸ na tebol wantaim ol dis, plet, kap na fok na stik bilong lam wantaim olgeta samting bilong larim lait i mas stap yet na alta bilong mekim gutpela smel ⁹ na alta bilong kukim olgeta ofa na samting bilong mekim ofa na dis bilong wasim han na lek wantaim ples bilong putim dis. ¹⁰ Na tu ol klos i gat gutpela bilas bilong en em Aron wantaim ol pikinini bilong em i ken werim taim ol i mekim wok pris. ¹¹ Na tu oil bilong kapsaitim antap long het bilong makim man na oil bilong kamapim gutpela smel insait long haus holi. Dispela ol wokman i mas mekim olgeta samting olsem mi bin tokim yu long en." ¹² Na God Yawe i tokim Moses ken olsem, ¹³ "Tokim ol Israel, 'Yupela i mas stap holi long dei sabat bilong God Yawe, long wanem dispela bai i stap olsem mak bilong em namel long em wantaim yupela olgeta manmeri long ol lain i stap nau na bai kam bihain long yupela, bai yupela i ken save olsem em i God Yawe, husat i makim yupela ol manmeri bilong em yet. ¹⁴ Olsem na yupela i mas malolo long dei Sabat na tingim gut dispela dei olsem em i holi. Husat man o meri i bagarapim dispela dei i mas dai. Husat man o meri i wok long dispela dei Sabat, yupela mas rausim em long lain bilong em. ¹⁵ Olgeta wok i mas pinis long namba 6-dei, tasol long namba 7-dei em dei bilong malolo na givim biknem i go long God Yawe. Husat man o meri i mekim wok long dispela dei sabat i mas dai. ¹⁶ Olsem na ol Israel i mas lukautim dispela dei Sabat gut. Ol i mas bihainim dispela tok long nau ol i stap na long ol tumbuna husait bai i kam bihain tu. ¹⁷ Dei sabat bai i stap olsem mak namel long God Yawe wantaim ol manmeri bilong Israel, long wanem, long 6-pela dei, God Yawe i bin mekim heven na graun na long namba 7-dei em i malolo. ¹⁸ Taim God Yawe i bin toktok pinis wantaim Moses antap long maunten Sainai, em i givim tupela hap ston i gat lo long Moses. Dispela ston i gat lo em God Yawe yet i bin raitim long han bilong em.

¹ Taim ol lain Israel i lukim olsem Moses i no kam daun hariap long maunten, ol lain Israel i kam long Aron na ol i tokim em, "Kam na wokim wanpelagiaman god na em bai i go paslain long mipela. Na dispela Moses husat i kisim mipela i kam aut long Isip, mipela i no save long wanem samting i kamap long em." ² Orait Aron i tokim ol, "rausim ol gol ring i stap long yau bilong ol meri bilong yupela na long yau bilong ol pikinini man na long yau bilong ol pikinini meri bilong yupela na kisim i kam long mi." ³ Orait olgeta manmeri i rausim ol gol ring i stap long yau bilong ol na ol i kisim i kam long Aron. ⁴ Em i kisim long ol na i kukim long paia na Aron i mekim wanpela pikinini bulmakau long gol. Na olgeta manmeri i tok, "Israel, dispela em god bilong yupela husat i kisim yupela i kam aut long graun bilong ol Isip." ⁵ Taim Aron i lukim dispela, em wokim wanpela alta bihain long bulmakau na em i tok stron na em i tok, "tumora bai yumi mekim wanpela bikpela kaikai na amamas na givim biknem long God Yawe." ⁶ Ol manmeri i kirap long bik monin tru, ol i kukim ofa na kisim ofa i go long dispela giaman god. Ol i amamas, kaikai, drin wain na ol i kirap mekim pasin nogut. ⁷ Na God Yawe i tokim Moses, "Go daun hariap long ol manmeri bilong yu, we yu kisim ol i kamaut long graun bilong Isip, ol i bagarapim ol yet pinis. ⁸ Ol i lusim tingting long wanem tok mi bin tokim ol long en. Ol i wokim wanpela bulmakau olsem giaman god na givim ofa na ol i lotu long dispela giaman god. Ol i tok, "Israel, dispela em giaman god husat i kisim yupela i kam aut long Isip." ⁹ Na God Yawe i tokim Moses, "Mi lukim ol dispela lain manmeri pinis. Tingting bilong ol em i stron tumas. ¹⁰ Na yu noken traim long pasim mi, belhat bilong mi bai i kukim ol. Na bai mi bagarapim olgeta. Na long yu, mi bai mekim yu kamap wanpela bikpela lain manmeri. ¹¹ Tasol Moses i toktok long God Yawe bilong em i kisim bel isi. Moses i tok, " God Yawe, bilong wanem na belhat bilong yu i bikpela tumas long ol lain manmeri bilong yu, yu kisim ol i kam aut long Isip wantaim bikpela stron na pawa na bikpela han bilong yu? ¹² Bilong wanem na ol lain Isip bai tok, em kisim ol i go wantaim tingting nogut, em i kisim ol i go long kilim ol long ol maunten na long bagarapim na pinisim ol long ples graun? Kisim bel isi na sori long ol manmeri bilong yu. ¹³ Tingim Abraham, Aisak na Israel, ol wokman bilong yu, yu tok promis long yu yet, yu tok promis long ol na yu tokim ol olsem, ol lain pikinini bilong ol bai kamap olsem ol stap antap long skai na olsem wesan long ples graun na olgeta hap graun bai mi givim long pikinini bilong yupela, dispela tok promis bai i stap wantaim ol oltaim oltaim. ¹⁴ Na God Yawe i lusim i go daun wanem samting we em i bin tok long mekim long ol manmeri bilong em. ¹⁵ Na Moses i tanim na i go daun long maunten, em i karim tupela ston we God Yawe i raitim ol lo long han bilong em yet. Dispela ston God Yawe i raitim long tupela sait wantaim. ¹⁶ Dispela hap ston em wok bilong God Yawe yet, God Yawe yet i rait antap long em dispela tupela ston. ¹⁷ Taim Josua i harim nois bliong ol manmeri taim ol i singaut, Em i tokim Moses, nois bilong pait i stap insait long kemp. ¹⁸ Tasol Moses i tok, "Dispela em i no singaut bilong winim pait na em i no singaut bilong lus long pait, tasol mi harim singaut bilong singsing." ¹⁹ Taim Moses i kam klostu long kem, em i lukim giaman god ol i wokim long bulmakau na ol manmeri i danis, bikpela belhat i kisim em. Moses i tromoi tupela ston long han bilong em na tupela i bruk long as bilong maunten. ²⁰ Em i kisim dispela bulmakau giaman god ol man i wokim long en na em i kukim long paia, em i mekim kamap das na putim insait long wara. Na Moses i tokim olgeta manmeri bilong Israel long drin dispela wara. ²¹ Orait Moses i askim Aron, "ol dispela lain manmeri i mekim wanem long yu na yu kisim dispela bikpela hevi i kam antap long ol?" ²² Aron i tok, noken kisim bikpela belhat, masta bilong mi. Yu save pinis long ol dispela lain, tingting bilong ol i stap pinis long mekim pasin nogut. ²³ Ol i tokim mi, wokim wanpela giaman god bilong mipela, husat bai i go paslain long mipela, dispela man Moses, husat i kisim mipela kam aut long Isip, yumi no save wanem samting i kamap long em. ²⁴ Na mi tokim ol, husat lain i gat gol, ol mas rausim na kisim i kam, ol i kukim gol long paia na ol i wokim wanpela giaman god long bulmakau. ²⁵ Moses i lukim ol manmeri i mekim kainkain pasin we em i no stret (Aron i mekim ol lain i no was gut long ol yet, dispela i mekim ol birua lain i lap long ol). ²⁶ Orait Moses i sanap long dua i go insait long kemp na em i tok, "husat yu stap long sait bilong God Yawe, yupela kam long mi na olgeta lain Levi i kam klostu long em." ²⁷ Em i tokim ol, God Yawe bilong Israel i tok olsem, "Larim wanwan man i putim bainat long sait bilong ol na ol i ken wokabaut i go i kam long olgeta dua bilong kem na kilim ol brata, poroman na ol lain klostu long ol. ²⁸ Ol lain Livai i bihainim tok bilong Moses. Long dispela dei 3000 manmeri i dai. ²⁹ Moses i tokim ol lain Livai, long dispela dei yupela i wokim wok bilong God Yawe, long wanem yupela i no tingim ol pikinini man, brata na God Yawe i givim blesin long yupela nau long dispela dei." ³⁰ Long dei bihain, Moses i tokim ol manmeri, "Yupela mekim bikpela asua stret. Mi bai go long God Yawe. Ating mi bai kamapim wanbel long asua bilong yupela. ³¹ Moses i go bek ken long God Yawe na em i tok, "O, ol dispela lain manmeri i kamapim bikpela asua na hevi na i wokim giaman god. ³² Tasol nau, lusim sin bilong ol, sapos yu no inap long mekim, rausim nem bilong mi long buk bilong yu, yu i bin raitim long en," ³³ Orait God Yawe i bekim tok bilong Moses, "Husat i mekim ron long mi, dispela man bai mi rausim em long buk bilong mi. ³⁴ Orait nau go na kisim ol lain manmeri i go long dispela ples mi tokim yu long en. Lukim, ensel bilong mi bai i go paslain long yupela. Long dispela dei bai mi mekim save long sin ol i mekim. ³⁵ God Yawe i salim bikpela hevi i kamap long ol, bilong wanem ol i wokim giaman god long bulmakau, dispela wan we Aron i bin mekim long en.

¹ God Yawe i toktok wantaim Moses, "Go autsait long hia, yu wantaim ol manmeri yu bin kisim ol i kamaut long Isip, yupela go long graun mi bin makim bilong Abraham, Aisak na Jekop, bai mi givim i go long ol lain tumbuna bilong yupela. ² Bai mi salim ensel kam bihain long yupela na bai mi rausim ol lain Kenan, Amo, Hit, Pere, Hiv na Jebu. ³ Yupela i go long graun, em i pulap long susu na hani, tasol bai mi no inap go wantaim yupela, long wanem yupela i no save harim tok bilong mi. Nogut bai mi bagarapim yupela long rot. ⁴ Taim ol manmeri i harim ol dispela tok em i no gutpela long harim bilong ol, ol i krai na rausim olgeta han ring, yau ring na nekles samting bilong ol. ⁵ God Yawe i tokim Moses olsem, "Tokim ol lain Israel, "Yupela ol lain bilong sakim tok. Sapos mi go wantaim yupela narapela taim ken, bai mi bagarapim yupela. Nau yupela rausim olgeta han ring, yau ring na nekles samting bilong yupela na bai mi stretim tingting long wanem bai mi mekim long yupela." ⁶ Long dispela taim ol Israel i no moa werim ken han ring, yau ring na nekles samting long mauntain Oreb. ⁷ Moses i kisim haus sel i go wokim ausait long kemp. Em i kolim olsem haus sel bilong bum. Olgeta lain husat i save askim God Yawe long ol samting ol i save i go insait long haus sel bilong bum long kemp i stap ausait. ⁸ Taim Moses i go autsait long haus sel, olgeta manmeri i save kam autsait na sanap long dua bilong haus sel bilong ol na lukluk long em taim em i go insait. ⁹ Wanem taim Moses i go insait long haus sel, bikpela klaut i save kam daun long dua bilong haus sel na God Yawe i save toktok wantaim Moses. ¹⁰ Taim ol manmeri i lukim klaut i kam antap long dua bilong haus sel, olgeta man i save stap long haus sel bilong ol yet na lotu long God Yawe. ¹¹ God Yawe i save kam toktok long Moses olsem mipela i save toktok wantaim ol wantok. Bihain long em Moses i save i go bek long kemp tasol wokman bilong em Josua pikinini man bilong Nun, em yanpela man na em i save stap bek ken long haus sel. ¹² Moses i tokim God Yawe olsem, "Lukim, yu bin tokim mi," "Kisim dispela ol manmeri i kam autsait, tasol yu no larim mi save husat bai yu salim em wantaim mi. Yu bin tok, "Mi save long nem bilong yu na tu mi save amamas long yu. ¹³ Nau sapos mi laikim yu, soim mi rot bilong yu na bai mi amamas lo yu. Yu mas tingim olsem dispela ol manmeri em ol manmeri bilong yu. ¹⁴ God Yawe i bekim tok olsem, "Bai mi go wantaim yu na givim malolo long yu." ¹⁵ Moses i tokim em olsem, Sapos yu no go wantaim mipela yu no ken kisim mipela i go long hia. ¹⁶ Olsem wanem bai mi save olsem mi wantaim ol manmeri bilong yu i painim amamas insait long yu? Em bai i no gutpela long yu kam wantaim mipela, bai olgeta manmeri bilong yu i no wankain long ol arapela manmeri i stap antap long dispela graun. ¹⁷ God Yawe i tokim Moses olsem,"Bai mi mekim wanem samting yu askim mi long en, long wanem mi lukim amamas insait long yu na mi save long nem bilong yu." ¹⁸ Moses i tok olsem, "Plis soim mi biknem bilong yu.'' ¹⁹ God Yawe i tok,"bai mi mekim olgeta gutpela samting i kamap long yupela na bai mi tokaut long nem bilong mi God Yawe, bai i stap bihain long yupela. Bai mi marimari long husat bai mi marimari na bai mi sori long husat bai mi sori. ²⁰ Tasol God Yawe i tok, "Yu no inap lukim pes bilong mi, i no gat wanpela man i save lukim mi na i stap laip." ²¹ God Yawe i tok," lukim dispela ples mi save stap long en, yu bai sanap antap long dispela ston. ²² Taim stronpela lait bilong mi i kam abrusim yu, bai mi putim yu i go insait long hul bilong ston na karamapim yu wantaim han bilong mi inap mi bai abrusim yu. ²³ Nau bai mi rausim han bilong mi na bai yu lukim baksait bilong mi, tasol bai yu no inap lukim pes bilong mi.

¹ God Yawe i tokim Moses, "Katim tupela hap ston olsem tupela namba wan ston. Bai mi rait long ol dispela hap ston ol tok i stap pastaim long en namba wan ston, ol hap ston we yu bin brukim. ² Redi long monin taim na kam antap long Maunten Sinai na givim yu yet long mi antap long het bilong maunten. ³ Noken larim wanpela man bai i kam antap wantaim yu. Noken larim wanpela man i raun nambaut klostu long dispela maunten. Nogat ol animol o gras bai i kam klostu long maunten." ⁴ Na Moses i katim tupela hap ston olsem tupela pastaim na em i kirap long monin taim tru na i go antap long Maunten Sinai, olsem God Yawe i bin tokim em. Moses i karim tupela hap ston long han bilong em. ⁵ God Yawe i kam daun long klaut na i sanap wantaim Moses long dispela hap na em i tokaut long nem, "God Yahweh." ⁶ God Yawe i wokabaut abrusim em na i tok, "God Yawe, God Yawe, God em i marimari na em i bel isi, em i no save belhat hariap na em i save inapim stret ol promis bilong em na tok tru, ⁷ em i save bihainim ol promis bilong em long tausenpela manmeri na pikinini, em i save lusim ol pasin nogut na ol pasin bilong sakim tok. Tasol em bai i rausim ol sem. Em bai i kisim hevi bilong sin bilong ol papa i go long ol pikinini na ol pikinini bilong ol pikinini inap long namba tri tumbuna i go long namba 4-tumbuna lain." ⁸ Moses hariap tru i daunim het i go daun long graun na em i lotu. ⁹ Na em i tok, "Sapos nau yu amamas long mi long ai bilong yu, Bikpela bilong me, inap yu go namel long mipela, long wanem dispela ol manmeri ol i het stron tru. Yu inap sori long pasin nogut bilong mipela na ol sin bilong mipela na kisim mipela olsem manmeri bilong yu olgeta." ¹⁰ God Yawe i tok, "Lukim, mi bai wokim kontrak bilong mi long ai bilong ol manmeri na mi bai mekim ol narapela kain samting i no bin kamap long dispela graun o long wanpela kantri. Olgeta manmeri namel long yupela bai i lukim wok bilong mi na em i wanpela poret samting mi wokim wantaim yupela. ¹¹ Yupela mas bihainim ol tok mi tokim yupela long nau. Mi bai nau rausim ol lain Amor, Kenen, Hits, Peres, Hiv na Jebus. ¹² Yupela mas lukaut gut na no ken wokim kontrak wantaim ol lain manmeri bilong ol ples yupela bai i go long en. Nogut ol i kamap olsem trep namel long yupela. ¹³ Tasol yupela mas brukim olgeta alta bilong ol, brukim liklik ol ston pos bilong ol na katim ol pos bilong lotu long Asira. ¹⁴ . Yupela i no ken lotu long ol narapela god, long wanem, God Yawe nem bilong em i Jeles na em i jeles God. ¹⁵ Yupela i mas lukaut gut na no ken mekim kontrak wantaim ol lain manmeri bilong dispela hap graun, long wanem ol lotu long giaman god olsem ol i mekim pasin pamuk na ol i mekim ofa long giaman god bilong ol. Na wanpela bilong ol bai i askim yu na bai yu kaikai sampela ofa ¹⁶ na bai yu kisim ol pikinini meri bilong ol long maritim ol pikinini man bilong yu na ol pikinini meri bilong ol bai mekim pasin pamuk i go long ol giaman god bilong ol na ol bai i mekim ol pikinini man bilong yu bai mekim pasin pamuk i go long god bilong ol. ¹⁷ Yupela i no ken mekim ol giaman god long aian ol i kukim long en. ¹⁸ Yupela i mas bihainim pasin bilong bung long Bikpela Dei Bilong Bret Ino Gat Ist. Olsem mi givim tok long yupela bai i mas kaikai bret i nogat ist long en inap long seven pela dei long mun Abib. Em dispela mun yupela i bin kam aut long Isip. ¹⁹ Olgeta namba wan pikinini em bilong mi, ol namba wan man bulmakau, ol meme na sipsip pikinini. ²⁰ Yu mas baim bek namba wan pikinini donki wantaim pikinini sipsip, tasol yu noken baim bek, yu mas brukim nek bilong en. Yu mas baim bek olgeta namba wan pikinini man bilong yu. Noken wanpela man i mas kam long ai bilong mi han nating. ²¹ Yupela i mas wok long 6-pela dei na long namba 7-dei yupela i mas malolo. Na tu long taim bilong planim na taim bilong kamautim yupela i mas malolo. ²² Yupela i mas bihanim taim bilong Bikpela Dei Bilong Ol Wik wantaim namba wan taim bilong kamautim wit na yupela i mas bihainim taim bilong Bikpela Dei Bilong Kamautim Kaikai long arere bilong yia. ²³ Tripela taim long wanpela yia olgeta man bilong yupela i mas kam long Bikpela God Yawe, em God bilong ol Israel. ²⁴ Mi bai rausim ol narapela kantri long ai bilong yupela na bai mi surukim mak bilong graun bilong yupela i go bikpela. Nogat man bai ai gris long graun bilong yupela taim yupela i go antap long God Yawe, God bilong yu insait long tripela taim long wanpela yia. ²⁵ Yupela i noken givim ofa bilong blut wantaim ist o ol mit kaikai bilong ofa long Bikpela Dei bilong Pasova long stap i go inap long monin. ²⁶ Yupela mas kisim ol gutpela namba wan kaikai long ol gaden bilong yupela i kam long haus bilong mi. Yupela i noken boilim yangpela meme i stap long susu bilong mama bilong em." ²⁷ God Yawe i tokim Moses olsem, "Raitim ol dispela tok i go daun, long wanem mi tok tru antap long mi yet. Na mi wokim kontrak pinis wantaim yu na ol Israel." ²⁸ Moses em i stap wantaim God Yawe inap 40-dei na 40-nait na em i no kaikai wanpela kaikai na em i no drin wanpela wara. Em i raitim ol tok antap long hap ston ol tok bilong dispela kontrak, em 10-pela lo. ²⁹ Taim Moses i kam daun long Maunten Sinai wantaim tupela hap ston bilong kontrak bilong tok i stap long han bilong em. Em i no bin save olsem skin bilong pes bilong em i sain taim em i bin toktok wantaim God Yawe. ³⁰ Taim Aron wantaim ol lain Israel i lukim Moses, skin bilong pes bilong em i sain na ol i poret long kam klostu long em. ³¹ Tasol Moses i singautim ol na Aron wantaim olgeta lida i kam antap long em na Moses i toktok long ol. ³² Bihain long dispela olgeta manmeri bilong Israel i kam klostu long Moses na em i tokim ol long olgeta tok God Yawe i givim em long Maunten Sinai. ³³ Taim Moses i pinis toktok wantaim ol, em i putim wanpela hap laplap long haitim pes bilong em. ³⁴ Olgeta taim Moses i save go toktok wantaim God Yawe, em bai i rausim hap laplap taim em i kam autsait. Taim em i kam autsait em bai tokim ol Israel wanem tok God Yawe i bin tokim em long tokim ol. ³⁵ Taim ol Isrel i lukim pes bilong Moses i sain, em bai putim hap laplap ken long pes bilong em inap em i go bek na toktok wantaim God Yawe.

¹ Moses i bumim olgeta Israel manmeri na i tokim ol olsem, Dispela ol samting God Yawe i tokim yupela i mas mekim. ² Long namba 6-dei olgeta wok i mas pinis na long dei namba 7 yupela i mas malolo na tingim dei Sabat, em i dei bilong God Yawe. Husat man i wok long dispela dei i mas dai. ³ Yupela noken laitim paia bilong yupela long dei Sabat. ⁴ Moses i tokim olgeta manmeri long haus lain bilong Israel olsem dispela tok em i bilong God Yawe. ⁵ Kisim ofa bilong God Yawe, yupela olgeta husat manmeri i gat bel bilong givim. Karim ol ofa i kam long God Yawe, gol, silva, bras, ⁶ blu, pepol na i gat ret, orens, waitpela na gutpela klos bilong meme. ⁷ Skin bilong sipsip i retpela na skin bilong bulmakau bilong solwara, wantaim stronpela diwai. ⁸ Oil bilong laitim lam na ol samting i gat gutpela smel bilong givim ofa. ⁹ Onix ston wantaim ol narapela naispela ston i dia tumas i mas putim long karamapim bros. ¹⁰ Olgeta man i gat save i stap namel long yupela i mas kam na mekim olgeta samting God Yawe i bin toktok long en ¹¹ long mekim haus lotu, putim sel long het bilong em, banis bilong karamapim wol, bumim sait sait kona bilong haus, putim namel diwai bai holim haus, pos bilong em long olgeta kona na daunblo long as bilong haus ¹² na wokim ples bilong bokis kontrak na sanapim pos bilong em, tu mekim hap ples bilong kapsaitim blut bilong sipsip bilong rausim sin na laplap bilong pasim ples holi. ¹³ Ol man i karim tebol wantaim lek bilong en i kam insait, ol samting bilong yusim dis, fok, kap, savol na bret bilong kaikai i save stap insait long alta bilong God Yawe ¹⁴ na stik bilong putim lam antap long en bilong givim lait na oil bilong lam, ¹⁵ alta bilong mekim gutpela smuk smel wantaim ol stik bilong em, ol oil bilong kapsaitim antap long het na ol gutpela smel sanda na ol samting bilong hagamapim long dua, ¹⁶ ples bilong kukim ofa, bras ain wantaim stik bilong em na ol samting bilong kuk na bikpela dis wantaim as bilong em. ¹⁷ Ol i karim ol samting bilong hangamapim long ples bilong bum wantaim ol longpela stik na as bilong em na laplap bilong dua bilong ples bum, ¹⁸ na pek bilong haus sel na ples bilong bum, wantaim ol rop bilong em. ¹⁹ Ol i karim ol klos i mekim pinis i kam bai i stap insait long ples holi, holi klos bilong pris Aron wantaim ol pikinini bilong em long ol i ken stap olsem pris. ²⁰ Bihain olgeta lain manmeri bilong Israel i lusim Moses na i go long we long em. ²¹ Ol lain i bel kirap na i pilim amamas tru long bel bilong ol na i kisim ol ofa i kam long God Yawe bilong wokim haus sel, olgeta samting bilong wok i stap insait na tu ol klos i holi. ²² Ol i kam, man na meri olgeta i gat amamas tru long bel. Ol i karim pin, ol yau ring, ring na ol samting bilong bilasim haus sel, ol kainkain gol. Olgeta i karim gol bilong mekim ofa i go long God Yawe. ²³ Olgeta man i gat blupela, pepolpela, kala i klostu long orens, klos em i nais na i orait long ai bilong ol, gras bilong meme, retpela skin bilong sipsip o skin bilong bulmakau bilong solwara. ²⁴ Olgeta manmeri i mekim ofa olsem ol silva o bras na ol i kisim olsem ofa i go long God Yawe na olgeta lain husat i gat stronpela diwai akasia bilong wanem wok ol bai i karim i kam. ²⁵ Olgeta save meri tanim gras meme long han bilong ol na karim ol samting ol tanim, blu, pepol, o kala i klostu long orens o naispela laplap. ²⁶ Olgeta meri husat ol i bel kirap na i gat save long tainm gras bilong meme. ²⁷ Ol lida i kisim naispela ston na tu ston i dia tumas bilong putim long baksait na long frant bilong bros, ²⁸ ol karim spais na wel bilong lam na holi wel na bilong naispela smuk smel. ²⁹ Ol Israel i kam givim ofa long laik bilong ol yet i go long God Yawe, olgeta manmeri i pilim bel isi na ol i kisim samting bilong wok olsem God Yawe i bin tokim Moses long em. ³⁰ Moses i tokim ol Israel, "lukim, God Yawe i kolim nem bilong Besali pikinini bilong Uri na Uri pikinini bilong Hur bilong lain bilong Juda. ³¹ Em i bin pulamapim Besali wantaim spirit bilong em, long givim gutpela save, gutpela tingting na save long mekim olgeta kain namba wan wok. ³² Long mekim gut ol piksa na wok insait long gol, silva, brons ³³ na tu long katim ol ston na wokim mak long diwai long mekim olgeta kain mak olsem ol save man. ³⁴ Em i putim samting long bel bilong em long skulim, em yet na Oholib pikinini bilong Ahisamak, bilong lain Dan. ³⁵ Em i pulamapim ol long kainkain save bilong mekim wok, long wok olsem man bilong mekim ol mak long diwai, gutpela long rait, mekim ol nidol long blupela kala, pepol, kala i klostu long orens na klinpela klos na long kainkain mak. Tupela man i gat bikpela save long wokim olgeta kain samting.

¹ Besalel, Oholiab na olgeta man i gat save we God Yawe i givim ol na gutpela tingting na save long mekim olgeta wok i kamap insait long ples holi, ol i mas mekim olgeta wok inap olsem God Yawe i bin tokim." ² Moses i tokim Besalel, Oholiab na olgeta man i gat gutpela tingting na save long mekim wok, God Yawe i givim long ol na husat bel bilong en i kirap, em i ken kam na mekim wok. ³ Ol i kisim olgeta ofa samting i kam long Moses long ol Israel bilong wokim ples holi. Tasol olgeta morin ol manmeri i kisim ofa i kam long Moses. ⁴ Olsem na olgeta save manmeri i wokim ples holi i kamap long mekim wok ol i mekim. ⁵ Ol man i gat gutpela save long mekim wok i tokim Moses, ol manmeri i kisim ol planti samting i kam bilong mekim wok wei, God Yawe i tokim mipela long mekim." ⁶ Orait Moses i tokim ol olsem, nogat wanpela bilong yupela i stap long kemp i mas kisim ol samting i kam bilong mekim ples holi. Olsem na ol manmeri i no moa kisim ol samting i kam. ⁷ Ol i gat planti samting inap long mekim wok. ⁸ Nau olgeta man i gat save namel long ol i mekim haus holi wantaim 10-pela keten ol i wokim wantaim blupela laplap, pepol na retpela wul wantaim piksa bilong ensel i gat wing. Dispela em i wok bilong Besalel, em i save gut long dispela wok. ⁹ Longpela sait bilong wan wan laplap em i 28-mita na longpela sait em i 4-mita. Olgeta laplap i wankain. ¹⁰ Besalel i pasim 5-pela keten long kamapim wanpela hap na em i pasim narapela 5-pela keten tu long narapela sait. ¹¹ Em i mekim ol lilklik raunpela rop bilong bilas wantaim blupela laplap na pasim em arere bilong dispela keten, em i mekim wankain long pinis bilong narapela keten autsait long tupela hap. ¹² Em i mekim 50 liklik raunpela rop bilong bilas antap long arere bilong namba wan keten na 50 liklik raunpela rop bilong bilas arere long narapela lain long namba tu hap. Tasol ol liklik rop bilong bilas i stap narapela sait long ol narapela. ¹³ Em i wokim 50 rop long gol na joinim ol keten wantaim inap ol i ken holim haus sel i bum wantaim. ¹⁴ Besalel i mekim keten long gras bilong meme long wanpela haus sel arere long haus sel, em i wokim 11-pela keten olgeta. ¹⁵ Longpela bilong wan wan keten i gat 30 rum na bikpela bilong hap rum i gat 4-pela rum. Wan wan bilong 11-pela keten i mas gat wankain sais. ¹⁶ Em i pasim 5-pela keten long wanpela bilong narapela na narapela 6-pela keten long narapela. ¹⁷ Em i wokim 50 liklik rop bilong bilas long keten long namba wan hap na 50 liklik rop bilong bilas antap long arere bilong keten i pasim wantaim long namba tu hap. ¹⁸ Besalel i wokim 50 bras rin long pasim antap long dispela haus sel i ken kamap wanpela liklik hap. ¹⁹ Em i wokim haus sel i karamap wantaim skin bilong man sipsip i gat retpela pen, narapela i karamap long gutpela skin bilong meme antap long en. ²⁰ Besalel i wokim wol i go antap long sanap wantaim akasia diwai bilong haus sel. ²¹ Longpela bilong wan wan pos bilong wol i sanap, em 10-pela mita na sotpela bilong wan wan pos bilong wol i gat wanpela na hap mita ²² Wanpela wanpela pos i gat tupela diwai i joinim wantaim pos. Em wokim dispela olgeta pos bilong haus sel. ²³ Em i wokim olgeta pos bilong haus sel long dispela rot, 20 pos long sait i go long saut. ²⁴ Besalel i wokim 40 silva hul bai i go aninit long 20 pos. I gat tupela hul aninit long wan wan pos i pasim pos wantaim na tu, tupela hul aninit long wanpela pos i pas wantaim long pos. ²⁵ Long tupela sait bilong haus lotu, antap long not sait, em i wokim 20 pos ²⁶ na 40 silva as bilong pos bilong em yet. I gat tupela as bilong pos aninit long namba wan pos i joinim olgeta pos wantaim. ²⁷ Long baksait bilong haus sel antap long wes sait, Besalel i wokim 6-pela pos. ²⁸ Em i wokim tupela pos long baksait kona bilong haus sel. ²⁹ Dispela pos i bruk long tupela hap i go daun, tasol pas antap long wanpela rin. Em i wokim tupela bilong ol wankain tasol long tupela kona. ³⁰ I gat 8-pela pos, wantaim ol silva as bilong pos. I gat 16 as bilong pos insait long olgeta, tupela as bilong pos i aninit long namba wan pos, tupela as bilong pos aninit long narapela pos i joinim olgeta wantaim. ³¹ Besalel i wokim akasia diwai olsem namel pos, 5-pela long pos bilong wanpela sait long haus sel na 5-pela namel diwai long pos bilong narapela hap long haus sel ³² na 5-pela namel diwai long pos baksait long haus sel i go wes sait. ³³ Em i wokim namel pos insait long namel pos i bruk i go antap long inapim arere bilong tupela sait. ³⁴ Em i karamapim pos wantaim gol. Em i wokim rin bilong gol bilong em yet, long holim namel diwai na karamapim wantaim gol pos. ³⁵ Besalel i wokim keten long blu, pepol na retpela wul klia laplap, wantaim piksa bilong ensel i gat wing, em i wok bilong ol man i gat save long wokim. ³⁶ Em i wokim pos bilong keten wantaim 4-pela hap bilong akasia diwai na em i karamapim wantaim gol. Na tu em i wokim wankain ol gol huk long hap namel na em i brukim ol long 4-pela as bilong pos silva. ³⁷ Em i wokim wanpela keten long dua bilong haus sel. Ol i wokim long blu, pepol na retpela wul na klia laplap, em i wok bilong ol man i gat save long wokim peten long laplap. ³⁸ Em i wokim 5-pela pos wantaim huk. Em i karamapim antap long em na putim wantaim hap gol. Ol i wokim 5-pela as bilong pos long bras.

¹ Besalel i wokim bokis kontrak long akasia diwai. Longpela bilong em i tupela kubit na hap, wit bilong en i wanpela kubik na hap na antap bilong em i wanpela kubik na hap. ² Em i karamapim insait na autsait wantaim gol tasol na i wokim mak long antap bilong em wantaim gol. ³ Em i putim 4-pela ring bilong gol long 4-pela lek bilong en, tupela ring bilong gol long wan sait na tupela ring bilong gol long narapela sait. ⁴ Em i wokim pos long akasia diwai na karamapim wantaim gol. ⁵ Em i putim pos i go insait long ring long sait bilong bokis kontrak, bai ol i ken karim long en. ⁶ Em i wokim ai bilong bokis kontrak wantaim gol tasol. Longpela bilong en i olsem tupela kubit na hap na wit bilong en i olsem wanpela kubit na hap. ⁷ Besalel i wokim tupela ensel long gol long kona bilong ai bilong bokis kontrak. ⁸ Wanpela ensel long wanpela kona na narapela ensel long narapela kona. Ol i wokim antap long wanpela ai bilong bokis kontrak tasol. ⁹ Ol dispela ensel i hapim win bilong ol na i karamapim ai bilong bokis kontrak. Ol i lukluk long ol yet na ai bilong ol i lukluk i go namel long bokis kontrak. ¹⁰ Besalel i wokim tebol wantaim akasia diwai. Longpela bilong em tupela kubik, wit bilong em wanpela kubik na antap bilong em wanpela kubik na hap. ¹¹ Em i karamapim wantaim gol tasol na em i putim mak long gol antap long ai bilong en. ¹² Em i wokim sapot bilong en, we i inapim sais bilong han na em i wokim banis bilong en wantaim gol. ¹³ Em i wokim 4-pela ring bilong gol na i pasim wantaim 4-pela kona bilong bokis kontrak we 4-pela lek i stap long en. ¹⁴ Ol i putim ring long autsait long mekim ples bilong putim pos, bai ol i ken karim tebol. ¹⁵ Em i wokim pos long akasia diwai na karamapim wantaim gol, bai ol i ken karim tebol. ¹⁶ Em i wokim ol samting bai stap antap long tebol, plet, spun, dis na sospen bai ol i ken putim ofa long en. Em i wokim ol long gol tasol. ¹⁷ Em i wokim ples bilong putim lam wantaim gol tasol. Em i wokim ples bilong putim lam i gat as bilong em na namel bilong em na ol plawa tu ol i wokim wanpela tasol. ¹⁸ 6-pela han bilong em i sanap long wanwan sait bilong en, tripela long hap sait na tripela long narapela sait. ¹⁹ Nambawan han i gat tripela kap ol i wokim olsem almon bilas, wantaim lip long as bilong em na plawa na tripela kap ol i wokim olsem almon bilas, wantaim lip long as bilong em na plawa. Em i wankain tasol long 6-pela han sanap autsait long ples bilong putim lam. ²⁰ Antap long ples bilong putim lam, long namel, i gat 4-pela kap ol i wokim long almon bilas, wantaim lip long as bilong em na flawa. ²¹ I gat lip long as bilong namba wan han, ol i wokim wanpela tasol, i gat lip long namba tu han, we ol i wokim wanpela tasol. Na long wan kain rot tasol ol i wokim narapela han tu, lip long as bilong ol na wanpela tasol. Em i wankain tasol long olgeta 6-pela han, wan wan wantaim lip long as bilong ol na wanpela tasol. ²² Lip long as bilong ol na han bilong ol i wanpela tasol, Ol i paitim na wokim ol dispela wok long wanpela hap gol tasol. ²³ Besalel i wokim ples bilong putim lam long en wantaim 7-pela lam, wanwan sisis na bikpela plet bilong ol wantaim gol tasol. ²⁴ Em i wokim ples bilong putim lam na wanwan ol samting wantaim gol tasol. ²⁵ Besalel i wokim alta bilong insens. Em i wokim wantaim akasia diwai. Longpela bilong en em wan pela kubik na wit bilong en em wan wanpela kubik. Ol sait bilong em i wankain na hait bilong en em tu pela kubik. Hon bilong en em ol i wokim wanpela tasol. ²⁶ Em i karamapim wantaim gol tasol, antap bilong em, sait bilong em na kom bilong em. Em i wokim autsait mak bilong en tu wantaim gol. ²⁷ Em i wokim tupela golden ring bai putim wantaim i go aninit long mak bilong tupela sait bilong en. Dispela ring em bilong putim pos bilong bokis kontrak long en. ²⁸ Em i wokim pos long akasia diwai na karamapim wantaim gol. ²⁹ Em i wokim holi wel na smel pauda, bilong man bilong bilasim ol samting tasol.

¹ Besalel i wokim alta bilong kukim ofa long diwai akasia. Longpela bilong en, em 5-pela kuibik mita na bikpela bilong en, em 5-pela kuibik mita, kona bilong em i wankain, olsem bokis na 3 kuibik mita i go antap. ² Em i wokim i go moa yet na wokim ol 4-pela kona bilong en i kamap olsem kom bilong bulmakau. Ol kom i wokim i olsem wanpela samting tasol i pas wantaim ples bilong givim ofa na em i karamapim ol wantaim bras ain. ³ Em i wokim olgeta samting bilong alta, ol sospen bilong sit bilong paia, savol bilong holim sit bilong paia, ol traipela dis, ol fok bilong mit na ol pot bilong kukim samting long paia. Em i wokim olgeta dispela samting wantaim bras ain. ⁴ Em i wokim samting bilong holim paia long alta na em i putim ol bras ol i bin joinim aninit long tebol we samting bilong kukim paia bai i stap long en, em i go daun inap long namel. ⁵ Na em i putim 4-pela rin long ol 4-pela kona bilong dispela samting bilong holim paia ol i wokim wantaim bras, olsem samting bilong holim ol longpela pos. ⁶ Besalel i mekim ol longpela pos long diwai akasia na karamapim ol wantaim bras. ⁷ Em i putim ol dispela pos i go insait long ol rin long sait bilong alta, bilong karim en. Na em i wokim speis long alta, bilong ol dispela plang. ⁸ Besalel i wokim bikpela dis long bras na samting em bai i sindaun antap long en, em i bin wokim wantaim bras tu. Em i wokim dis wara long ol mira bilong ol meri i save mekim wok long rot i go insait long haus sel. ⁹ Em i wokim ples bilong bung. Ol laplap i hangamap long saut sait long ples bilong bum, em ol i bin wokim wantaim ol naispela waitpela laplap na longpela bilong em i olsem 100 mita. ¹⁰ Ol laplap i hangamap i gat 20 pos na 20 bras bilong stap daunblo we pos bai i sindaun antap long en, ol i bin wokim wantaim bras. I bin gat sampela huk ol i bin putim antap long ol pos na sampela stik ol i wokim wantaim silva tu. ¹¹ Wankain samting ol i bin wokim long not sait tu, i bin gat ol laplap i hangamap, longpela bilong en, em 100 mita wantaim 20 pos na 20 bras bilong i stap daunblo we ol pos bai i sindaun antap, ol i wokim wantaim bras na ol i putim ol huk antap long ol pos na stik ol i wokim wantaim silva. ¹² Ol laplap i hangamap long wes sait, longpela bilong en, em 50 mita, wantaim 10 pos na 10 bras bilong i stap daunbilo long pos na stronim. Ol huk na longpela stik bilong ol pos em ol i bin wokim wantaim silva. ¹³ Dispela ples bilong bum, longpela bilong en, em 50 mita, long sait i go long hap sun kamap ¹⁴ Ol laplap we i bin hangamap long wanpela sait long rot i kam insait longpela bilong en, em 15 mita. Ol i gat tripela pos na tripela as bilong pos bilong stronim pos i stap aninit. ¹⁵ Long narapela sait bilong rot i go insait long ples bilong bum i gat ol laplap we hangamap, longpela bilong en, em 15 mita, wantaim tripela pos na tripela as bilong pos bilong i stap daunblo long ol pos. ¹⁶ Olgeta samting i hangamap na raunim ples bilong bum em ol i bin wokim wantaim gutpela laplap. ¹⁷ Ol as bilong pos we ol pos bai sindaun antap long em ol i wokim wantaim bras. Na ol huk na longpela stik bilong ol pos em ol i wokim wantaim silva na ol i karamap antap long ol pos em ol i wokim wantaim silva tu. Olgeta pos long ples bilong bum ol i karamapim wantaim silva. ¹⁸ Ol laplap long rot i go insait long ples bilong bum longpela bilong en, em 20 mita. Dispela laplap ol i bin wokim wantaim blu, pepol na retpela laplap, wantaim laplap ol i bin tanim gut tru, longpela bilong en, em 20 mita na 5 mita i go antap, wankain olsem ol laplap long ples bilong bum. ¹⁹ Em i gat 4-pela as bilong braspos bilong sindaun antap, ol i wokim wantaim bras na ol silva huk antap long en. Ol karamap bilong em antap na ol longpela stik ol i bin wokim wantaim silva. ²⁰ Olgeta pin bilong haus sel bilong bum na ples bilong bum ol i bin wokim wantaim bras. ²¹ Dispela ol samting ol i usim long wokim haus sel bilong bum, dispela haus sel bilong bokis kontrak, olsem ol i bin bihainim tok Moses i bin raitim. Dispela em wok bilong ol Livai aninit long tok bilong Itama, pikinini man bilong Aron hetman bilong ol pris. ²² Besalel pikinini man bilong Uri, em pikinini bilong Ur, long tumbuna lain bilong Juda, ol i wokim olgeta samting God Yawe i bin tokim Moses. ²³ Oliab pikinini man bilong Aisamak, long lain tumbuna bilong Den i wok wantaim Besalel olsem man bilong wokim disain na rait na wanpela man i gat save long wok, olsem wanpela man long samapim blu, pepol na wanpela kala i olsem retpela rop na ol naispela laplap. ²⁴ Olgeta gol we ol i bin usim long wokim dispela bikpela wok na wokim olgeta wok long kamapim dispela ples holi, ol gol bilong ofa i bin olsem 29 talent, ol i bin usim 730 skel bilong dispela mak. ²⁵ Na ol silva we ol manmeri i bin givim en mak, i olsem 100 kilo na 1775 sekel long dispela taim long haus sel. ²⁶ 1 kilo long wanpela man i wankain olsem hap bilong 11 kilo ol i makim long sekel bilong dispela taim. Dispela namba ol i bin kisim long namba bilong olgeta manmeri ol i bin kauntim, dispela ol manmeri i 20 yia na i antap olsem, 603,550 man olgeta. ²⁷ Ol i kapsitim 100 kilo silva ol i kukim long wokim ples bilong ol pos bilong ples holi bai sindaun long en na long ol pos bai holim ol laplap bilong hangamap, i gat 100 pos na ples we ol bai sanap long en ol i putim 1 kilo silva long wanwan. ²⁸ Na wantaim dispela 1,775 sekel bilong silva i stap, Besalel i wokim ol huk bilong ol pos na karamapim het bilong ol pos, mekim ol longpela stik bilong ol. ²⁹ Ol bras bilong ofa bilong kukim, olgeta em i hevi olsem 70 talent na 2,400 sekel. ³⁰ Wantaim ol dispela em i wokim rot aninit i go insait long haus sel bilong bum na mekim bras alta, samting bilong holim paia antap ol i wokim long bras na olgeta narapela samting bilong alta, ³¹ As bilong pos aninit long ples bilong bum na as pos bilong rot i go insait long ples bilong bum, olgeta pin bilong haus sel bilong bum na olgeta pin bilong ples bilong bum.

¹ Wantaim blu na pepol na retpela rop ol i samapim ol gutpela klos bilong lotu insait long ples holi. Ol i wokim klos bilong Aron long ples holi, olsem God Yawe i tokim Moses. ² Besalel i wokim klos bai i go baksait na kam long bros wantaim gol na i penim long blu na pepol na retpela rop na em i mekim long rop ol i tanim long en. ³ Ol i paitim gol na katim i go olsem waia na ol i putim i go insait long blu, pepol na retpela rop, dispela em wok bilong ol man i gat save long wokim dispela. ⁴ Ol i wokim liklik mak bilong solda long klos bilong putim i go long baksait na i kam long bros, i pas wantaim tupela kona i stap antap. ⁵ Let ol i wokim gut tru em i wankain olsem klos bilong baksait i kam long bros, ol i wokim long rop ol i tanim gut we em i gat gol, blu, pepol na retpela pen olsem God Yawe i bin tokim Moses. ⁶ Ol i katim ston onix na karamapim wankain olsem gol, ol i raitim na mekim olsem mak na raitim nem bilong 12-pela pikinini man bilong Jekop. ⁷ Besalel i putim ol liklik long solda mak long klos bilong baksait i kam long bros, olsem ol ston bilong tingim God Yawe bilong 12-pela pikinini man bilong Jekop, olsem God Yawe i tokim Moses. ⁸ Em i mekim bros kapa, em i wok bilong ol man i gat save tasol long wokim. Ol i stretim gut olsem klos bilong baksait i kam long bros. Em i mekim long gol, blu, pepol na retpela rop, wantaim rop ol i tanim long en. ⁹ Olgeta hap kona bilong em i wankain. Ol i brukim bros kapa i go tupela hap. Longpela sait bilong en i olsem 23 sentimita na sotpela sait i wankain. ¹⁰ Ol i putim ol long 4-pela lain bilong ston i dia tumas. Long lain nambawan nem ol i putim rubi, topaz na ganet. ¹¹ Long lain namba tu ol i putim emeral, sapaia na daimon. ¹² Long lain namba tri ol i putim jasint na agate na ametist. ¹³ Long lain namba 4 ol i putim beril na onix na jaspa. Ol i putim ol gol i raunim ol dispela ston. ¹⁴ Ol i bin lainim ol dispela ston long makim 12-pela pikinini man bilong Jekop, bihainim nem bilong wanwan. Ol i wankain olsem mak ol i bin mekim long gol rin, dispela nem i makim wanwan tumbuna lain bilong ol Israel. ¹⁵ Long bros kapa ol i mekim rop olsem sein wantaim gol, ol i mekim gut tru wantaim gol. ¹⁶ Ol i wokim tupela lain bilong gol na tupela ring bilong gol na ol i putim tupela rin long tupela kona bilong bros kapa. ¹⁷ Ol i putim tupela sein ol i mekim long gol i go insait long tupela ring long kona bilong bros kapa. ¹⁸ Ol i putim narapela tupela arere bilong sein i go long tupela kona bilong bros kapa. Ol i putim wantaim liklik long solda mak bilong klos bilong baksait i kam long bros. ¹⁹ Ol i mekim tupela rin bilong gol na i putim long kona bilong bros kapa, long arere klostu long pinis mak. ²⁰ Ol i mekim tupela moa gol rin na putim wantaim long aninit bilong tupela solda long klos bilong baksait i kam long bros, pasim na samapim let i kam antap klostu long bros kapa. ²¹ Ol i taitim hap bilong bros kapa wantaim rin bilong klos bilong baksait i kam long bros wantaim blupela rop, we ol i pasim wantaim let antap liklik long bros kapa we ol i wokim gut let long en. Ol i wokim dispela long bros kapa i noken lus long klos bilong baksait i kam long bros. Ol i mekim dispela olsem God Yawe i tokim Moses. ²² Besalel i mekim longpela klos bilong bros kapa na pinisim wantaim pepolpela laplap, dispela em i wok bilong ol lain husat i save long samap. ²³ Em i gat rot bilong het i go insait long namel. Dispela rot ol i mekim na samapim gut long i noken bruk. ²⁴ Long aninit bilong em ol i mekim piksa bilong pomegrenet long blu, pepol na retpela rop na ol i mekim gut tru. ²⁵ Ol i wokim ol belo wantaim gol na ol i putim arere long laplap na ol i putim belo i stap namel long pomegrenet, ²⁶ belo na pomegrenet, belo na pomegrenet long arere long klos bilong Aron bai i werim long wokim wok pris. Ol i wokim ol dispela samting olsem God Yawe i tokim Moses long en. ²⁷ Ol i wokim ol bikpela klos bilong Aron na ol pikinini man bilong en. ²⁸ Ol i wokim het kapa wantaim laplap i gat gutpela bilas na liklik trausis wantaim, ²⁹ ol i wokim mak arere long klos wantaim blu, pepol na retpela rop, dispela em i wok bilong man husat i save mekim dispela wok. Dispela olgeta samting em God Yawe i tokim Moses. ³⁰ Ol i wokim ol plet wantaim gol na ol i raitim ol nem long en, wankain olsem ol mak ol i mekim long ring olsem, God Yawe em Holi. ³¹ Ol i putim hat kapa wantaim blupela rop i go antap long hat kapa. Em ol dispela samting God Yawe i tokim Moses. ³² Na wok bilong haus sel na haus bilong bum i pinis. Ol manmeri bilong Israel i mekim olgeta samting. Ol i mekim olgeta samting we God Yawe i tokim Moses long mekim. ³³ Ol i kisim haus sel i go long Moses wantaim olgeta samting bilong en, huk na ain na stronpela pos na ol pos na ol samting i save holim stron ol pos, ³⁴ ol i penim retpela pen long skin bilong man sipsip na ol i penim braunpela pen long skin bilong kau bilong solwara na ol laplap bilong haitim ³⁵ bokis kontrak, wantaim ol bikpela pos na maus bilong bokis kontrak. ³⁶ Ol i kisim tebol na olgeta samting na bret bilong soim God Yawe, ³⁷ pos bilong holim lam ol i mekim long gol na putim lam long lain, wantaim ol samting bilong en na wel bilong lam. ³⁸ Alta ol i bin mekim long gol, tambuim wel na gutpela smel pauda, dua bilong haus sel, ³⁹ alta bilong brons wantaim lek bilong brons na pos bilong karim na ol samting bilong kukim kaikai na bikpela sospen wantaim lek bilong em. ⁴⁰ Ol i kisim ol samting bilong hangamapim na ol pos na laplap samting na i kam long pasim ples bilong haus sel, ol rop bilong taitim, rop bilong holim haus sel na olgeta samting bilong wokim lotu long haus sel. ⁴¹ Ol i kisim ol laplap we ol i mekim wantaim gutpela rop na bikpela laplap i kam long pasim insait long haus sel. Ol i wokim ol klos bilong Aron na ol pikinini man bilong em we bai ol i yusim olsem klos bilong pris. ⁴² Ol manmeri bilong Israel i mekim olsem God Yawe i tokim Moses. ⁴³ Moses i luksave olsem ol i wokim olgeta wok olsem God Yawe i bin tokim em. Olsem God Yawe i tokim em, wankain tasol ol i mekim. Bihain Moses i blesim ol.

¹ God Yawe i toktok long Moses na i tok, ² "Long nambawan dei bilong nambawan mun long nupela yia yu mas sanapim wanpela haus sel bilong lotu, em haus sel bilong bum." ³ Yu mas putim bokis kontrak insait long en na yu mas banisim dispela bokis kontrak wantaim laplap. ⁴ Yu mas kisim dispela tebol i go insait na putim ol samting long hap we ol bai stap long en. Na bihain yu mas kisim lam stik kam insait na putim ol lam. ⁵ Yu mas putim alta ol i bin wokim wantaim gol long kukim paura bilong kamapim gutpela smel. Disepla i mas i stap pas long bokis kontrak we i gat stronpela tok na yu mas hangamapim laplap long dua bilong haus sel bilong bum. ⁶ Yu mas putim alta bilong kukim ol ofa long givim gutpela smel i stap pas long dua i go insait long haus sel bilong bum. ⁷ Yu mas putim bikpela dis namel long haus sel bilong bum na alta na yu mas putim wara insait long en. ⁸ Yu mas mekim ples bilong bum i raunim em na yu mas hangamapim laplap long dua i go insait long ples bilong bum. ⁹ Na yu mas kisim wel bilong welim dispela haus sel na olgeta samting i stap insait long en. Yu mas mekim olgeta samting we i stap insait long haus sel bilong bum i mas kamap olsem bilong mi yet na em i mas stap holi. ¹⁰ Yu mas putim wel na welim alta bilong kukim ofa na olgeta samting we i stap antap long en. Yu mas mekim dispela alta i kamap stretpela long ai bilong mi na em bai i stap holi tru long mi. ¹¹ Yu mas putim wel antap long bras dis na wokim ples bilong en, long sindaun na makim em bilong mi yet. ¹² Yu bai kisim Aron wantaim ol pikinini man bilong em i go long dua i go insait long haus sel bilong bum na yu mas wasim ol wantaim wara. ¹³ Yu mas putim ol dispela klos long Aron we i bin makim bilong mi yet na putim wel long em na makim em i kamap stretpela na em bai i kamap olsem pris bilong mi. ¹⁴ Yu bai kisim ol pikinini man bilong em kam na putim ol bikpela klos long ol. ¹⁵ Yu mas putim wel na welim ol wankain olsem yu bin wokim long papa bilong ol na ol tu bai mekim wok olsem pris bilong mi. Taim yu putim wel na welim ol yu bai mekim ol i kamap olsem pris bilong mi na wankain tasol bai kamap long ol pikinini bilong ol na pikinini bilong ol bihain tru. ¹⁶ Dispela em wanem Moses i bin wokim, em i bihainim olgeta samting we God Yawe i tok en. Na em i wokim olgeta dispela samting. ¹⁷ Olsem na ol i wokim dispela haus sel bilong bum long nambawan dei bilong nambawan mun long namba tu yia. ¹⁸ Moses i sanapim haus sel bilong bum wantaim pos bilong holim pas haus na em i stronim wantaim banis na i sanapim ol bikpela pos. ¹⁹ Em i pulim sel bilong pasim antap long haus sel bilong bum na i putim sel antap long em, wankain olsem God Yawe i bin tokim em. ²⁰ Em i kisim tupela ston we i gat lo na i putim i go insait long bokis kontrak. Na em i putim tupela longpela diwai long sait bilong en na i karamapim wantaim lid bilong en. ²¹ Na em i kisim bokis kontrak i go insait long haus sel bilong bum. Em i stretim bikpela laplap bilong pasim bokis kontrak we i gat stronpela tok, wankain olsem God Yawe i bin tokim em. ²² Na em i putim dispela tebol i go insait long haus sel bilong bum, i go long not sait bilong haus sel bilong bum, autsait long laplap. ²³ Em i putim bret long tebol i stap long pes bilong God Yawe wankain olsem God Yawe i bin tokim em. ²⁴ Em i putim stik lam insait long haus sel bilong bum, long saut sait bilong haus sel bilong bum. ²⁵ Na em i laitim lam long pes bilong God Yawe, olsem God Yawe i tokim em long en. ²⁶ Em i putim alta ol i wokim long gol bilong kukim paura we i gat gutpela smel i go insait long haus sel bilong bum i stap pas long bikpela laplap i hangamap. ²⁷ Na em i save kukim paura i gat gutpela smel antap long em, olsem God Yawe i bin tokim em. ²⁸ Em i hangamapim bikpela laplap long dua i go insait long haus sel bilong bum. ²⁹ Em i putim alta bilong kukim ofa long dua i go insait long haus sel bilong bum. Na em i mekim ofa bilong paia i kukim olgeta kaikai antap long em, wankain olsem God Yawe i bin tokim em. ³⁰ Em i putim bikpela dis namel long haus sel bilong bum na alta na em i putim wara insait long en bilong waswas. ³¹ Moses na Aron na ol pikinini man bilong Aron wasim han na lek bilong ol long dispela dis wara. ³² long taim ol i go insait long haus sel bilong bum na long taim ol i laik go antap long alta. Ol wasim ol yet, olsem God Yawe i bin tokim Moses. ³³ Moses i mekim ples bilong bum raunim haus sel na alta. Em i hangamapim bikpela laplap long dua i go insait long ples bilong bum. Long dispela rot tasol, Moses i pinisim wok. ³⁴ Na bihain klaut i karamapim haus sel bilong bum na glori bilong God Yawe i pulmapim dispela haus sel bilong bum. ³⁵ Moses i no inap long go insait long haus sel bilong bum bilong wanem klaut i bin kam stap antap long em na glori bilong God Yawe i pulimapim haus sel. ³⁶ Na taim klaut i lusim haus sel bilong bum na i go antap, ol manmeri bilong Israel i save kirap na wokabaut. ³⁷ Tasol sapos klaut i no lusim haus sel bilong bum na i go antap, ol manmeri i no save kirap long wokabaut. Ol i save stap inap klaut i lusim haus sel na i go antap. ³⁸ Bilong wanem klaut bilong God Yawe i bin stap antap long haus sel bilong bum long san taim na paia bilong en i stap antap long en long nait, long ai bilong olgeta manmeri bilong Israel long wokabaut bilong ol i go long dispela ples God Yawe i promis long givim long ol.

¹ God Yawe i singautim Moses na toktok long em long haus sel bilong bung na tok olsem, ² ''Tokim ol manmeri bilong Israel, sapos wanpela man namel long ol i laik mekim ofa long God Yawe, kisim i kam olsem ofa bilong yu wanpela long ol bulmakau o sipsip, ³ Sapos ofa bilong em i ofa bilong mekim paia, em i mas mekim ofa long animol i nogat makmak o sua long skin bilong em. Em i mas mekim ofa long dua bilong haus sel bilong bung, na God Yawe bai kisim. ⁴ Em i mas putim han bilong em antap long het bilong animol em i mekim ofa, na bai God Yawe i kisim na rausim sin bilong em. ⁵ Em i mas kilim man bulmakau long ai bilong God Yawe. Ol lain pikinini man bilong Aron husait em ol pris bai i kapsaitim blut bilong bulmakau long alta i stap long dua bilong haus sel. ⁶ Na em i mas rausim skin bilong animol bilong mekim ofa na katim i go liklik. ⁷ Na Pris pikinini man bilong Aron bai putim paia long alta bilong mekim paia. ⁸ Ol pris husait em ol pikinini man bilong Aron bai putim ol liklik skin bilong bulmakau na het na gris long lain antap long alta na mekim paia. ⁹ Tasol ol bel na lek bilong abus em mas wasim long wara. Na pris bai kukim olgeta samting antap long alta ofa bilong mekim paia. Na gutpela smel bai kam long mi na em bai olsem ofa long paia. ¹⁰ Sapos ofa bilong em i ofa bilong mekim paia em i mas kisim man meme o bulmakau o sipsip i nogat mak o sua long skin bilong em na mekim ofa. ¹¹ Em i mas kilim long not sait bilong alta long ai bilong God Yawe. Pris pikinini man bilong Aron, bai kapsaitim blut long olgeta sait bilong alta. ¹² Nau em i mas katim igo liklik, wantaim het bilong em na gris bilong em, na pris bai putim long lain antap long paia wei em i stap long alta, ¹³ tasol bel na lek bilong abus em i mas wasim long wara na pris bai mekim ofa long olgeta na kukim antap long alta. Em ofa bilong mekim paia, na em bai kamapim gutpela smel long God Yawe na em bai mekim ofa bilong em long paia. ¹⁴ Sapos ofa bilong em long God Yawe em i bilong kukim ol pisin em i mas kisim ol ofa samting olsem balus pisin na ol sampela pisin. ¹⁵ Pris i mas kisim i go long alta, rausim het bilong ol, na kukim long alta. Na blut bilong ol i mas igo aut long sait bilong alta. ¹⁶ Em i mas rausim kaikai bilong em wantaim olgeta samting na tromoi sait long alta insait long asis bilong paia. ¹⁷ Em i mas opim na brukim wing bilong em, tasol em mas i noken brukim i go long tupela hap. Na pris bai putim long paia na kukim long alta. Na em bai kamap ofa bilong mekim paia, na em bai mekim kamap gutpela smel long God Yawe na em bai kamap ofa yu mekim long paia.

¹ Taim wanpela man i kisim wit ofa i go long God Yawe, ofa mas gutpela wit na em mas kapsaitim oliv wel antap long en na paura bilong kamapim smok smel antap long en. ² Em mas kisim dispela ofa i go long pikinini man bilong Aron, em ol pris. Na pris bai kisim han pulap long gutpela wit, oliv wel na paura bilong smok smel antap long en. Na pris bai kukim ofa antap long alta mekim ofa. Dispela bai kamapim gutpela smel i go long God Yawe. Dispela ofa bai yupela mekim long paia. ³ Wanem ol hap kaikai em i stap yet, em bilong Aron na ol pikinini man bilong en. Dispela kaikai em i klin long ai bilong God Yawe. Dispela kaikai ol i mekim ofa long God Yawe pinis long paia. ⁴ Sapos yu givim ofa bilong wit i no gat yis ol i kukim long aven, em i mas malum malum plawa tanim wantaim wel, o strongpela bret i no gat yis ol i tanim wantaim wel. ⁵ Sapos wit ofa bilong yu ol i kukim antap long aven, em i mas gutpela plawa i no gat yis ol i tanim wantaim wel. ⁶ Yu mas katim wit i go liklik na putim oliv wel antap long en. Dispela em i wit ofa. ⁷ Sapos wit ofa bilong yu i kuk insait long aven, em i mas tanim wantaim gutpela plawa na oliv wel. ⁸ Yu mas kisim wit ofa ol i mekim long God Yawe na em bai givim i go long ol pris, husait bai i kisim i go long alta. ⁹ Na pris bai kisim sampela wit makim olsem ol i ofarim pinis na em bai kukim antap long alta. Dispela em ofa bilong paia na em bai i givim gutpela smel i go long God Yawe. ¹⁰ Wanem hap kaikai bilong ofa, em bilong Aron na pikinini man bilong en. Dispela ofa em i klin long ai bilong God Yawe, olsem na God Yawe i laikim dispela ofa bilong paia. ¹¹ Wit ofa bilong yupela i no ken tanim wantaim yis i go long God Yawe. Long wanem em i tambu long yis, yupela i no ken tanim wantaim hani long givim ofa long God Yawe long paia. ¹² Yu ken givim ofa bilong yu i go long God Yawe olsem namba wan kaikai, tasol ofa bilong yu i no inap kamapim gutpela smel antap long alta. ¹³ Yu mas putim sol long olgeta ofa bilong yu long olgeta taim. Sol i makim Kontrak yu bin mekim wantaim God, olsem na noken lus tingting long putim sol long olgeta ofa bilong yu. ¹⁴ Sapos yu givim namba wan wit ofa bilong yu i go long God Yawe, yu mas ofarim nupela wit na brukim liklik na kukim long aven na givim i go long God olsem ofa. ¹⁵ Olsem na yu mas putim oliv wel na paura bilong smuk smel antap long em. Dispela em i wit ofa. ¹⁶ Olsem na pris mas kukim dispela wit, oliv wel na paura bilong kamapim smel makim olsem ofa. Dispela em i ofa yupela i mekim wantaim paia long God Yawe.

¹ Sapos wanpela man i laik givim ofa long lotuim God Yawe wantaim bulmakau, sipsip o meme, man o meri, orait em mas givim ol dispela gutpela we i nogat asua long en. ² Em bai putim han bilong em antap long het bilong dispela abus na kilim em long dua bilong haus sel bilong bung. Na ol pikinini man bilong het pris Aron bai kapsaitim blut bilong ol long sait bilong alta. ³ Dispela man bai i mekim ofa bilong lotu taim em i kukim dispela abus long paia igo long God Yawe. Dispela gris i karamap na i pas wantaim ol insait hap blong en, ⁴ na tupela kidni na gris istap, tupela i pas wantaim long sem ples, long raunpela hap mit bilong liva, wantaim kidni. Em i mas rausim olgeta dispela. ⁵ Ol pikinini man bilong Aron, ol bai kukim ol antap long alta wantaim ol ofa bilong kukim long paia, we i stap antap long paiawut long paia. Dispela bai givim switpela smel igo long God Yawe. Dispela ol bai i ofarim na kukim long paia igo long em. ⁶ Sapos ofa bilong man i lotu wantaim God Yawe i kam long ol sipsip, meme o bulmakau man o meri, em i mas givim ofa i nogat asua long en. ⁷ Sapos em i givim yangpela sipsip man olsem ofa, em i mas givim i go long God Yawe. ⁸ Em bai putim han bilong em long het bilong sipsip o meme na kilim ol autsait long haus sel bilong bung. Ol pikinini man bilong Aron bai kapsaitim blut arere long alta. ⁹ Dispela man bai kukim sipsip, meme o bulmakau antap long paia olsem ofa bilong lotu wantaim God Yaweh. Ol gris long teil ol i katim i kam aut long baksait bun na gris we i karamapim insait na gris i stap long insait hap. ¹⁰ Na tupela kidni wantaim gris na gris istap long seim ples na raunpela mit bilong liva, wantaim tupela kidni- em imas rausim olgeta dispela. ¹¹ Nau Pris bai kukim olgeta antap long alta olsem ofa ol i kukim long paia i go long God Yawe. ¹² Sapos ofa bilong man em i meme, orait em bai givim long God Yawe. ¹³ Em mas putim han bilong em antap long het bilong meme na kilim autsait long haus sel bilong bung. Na ol pikinini man bilong Aron bai kapsaitim blut antap long alta. ¹⁴ Na dispela man bai givim ofa em i kukim long paia igo long God Yaweh. Em bai rausim ol gris i karamapim insait na ol gris istap arere long insait. ¹⁵ Em bai rausim 2-pela kidni na gris istap wantaim long seim ples na raunpela mit long liva wantaim kidni. ¹⁶ Pris bai kukim olgeta ofa antap long alta olsem ofa ol i kukim long paia long givim switpela smel. Olgeta gris hap i blong God Yawe. ¹⁷ Em bai kamap lo bilong stap olgeta taim long ples na stap long ol lain tumbuna, tumbuna, i kam bihain long olgeta hap yupela i kamapim ples na stap, olsem bai yupela ino ken kaikai ol gris na blut bilong ol abus."

¹ God Yawe i tokim Moses, ² '' Tokim ol man meri bilong Israel, taim man i mekim sin em i no ting long mekim na sapos em i mekim ol pasin God Yawe i tok nogat long mekim, orait ol dispela samting i mas kamap. ³ Sapos hetpris i mekim sin na dispela pasin bilong em i bringim asua long olgeta manmeri, orait em i mas kisim yanpela bulmakau man i nogat sua samtin long skin bilong en na ofaim i go long God Yawe olsem ofa bilong rausim sin. ⁴ Na em i mas kisim dispela bulmakau man i go long dua bilong haus sel bilong bung long ai bilong God Yawe na em i mas putim han antap long het bilong bulmakau na bilong kilim bulmakau long ai bilong God Yawe. ⁵ Pris ol i makim i mas kisim sampela blut bilong bulmakau na kisim i go long haus sel bilong bung. ⁶ Na pris bai putim pinga bilong em insait long blut na tromoi sampela blut igo ikam 7pela taim long ai bilong God Yawe na long laplap i karamapim rum i holi tru. ⁷ Na pris bai putim sampela blut antap long kom bilong bulmakau long alta i gat gutpela smel long ai bilong God Yawe, we em i stap insait long haus sel bilong bung na em i mas kapsaitim olgeta blut i stap yet i go ananit long alta long mekim ofa bilong kukim long paia long dua bilong haus sel bilong bung. ⁸ Na em bai katim na rausim olgeta gris bilong bulmakau bilong mekim ofa bilong sin na long gris i karamapim bel na olgeta gris we em i pas long olgeta hap insait, ⁹ tupela kidni na gris i stap long en na ol sampela mit na wanpela gutpela hap bilong lewa em bai katim olgeta. ¹⁰ Em bai katim dispela lewa na gris wankain olsem em i bin kakim bulmakau bilong mekim ofa bilong wanbel. Na pris bai kukim ol dispela hap antap long alta bilong ofa paia i kukim. ¹¹ Olgeta skin bilong bulmakau na olgeta hap mit na het na tupela lek na tupela han na olgeta rop samting insait na ol rop bilong pekpek, ¹² . wantaim olgeta hap bilong bulmakau, pris i mas karim i go autsait long kemp long ples ol i mekim holi long mi, long hap we ol i kapsait sit paia, ol bai kukim olgeta long paia wod. Ol i mas kukim long we ol kapsaitim sit paia long en. ¹³ Sapos olgeta manmeri i mekim sin taim ol i no ting long mekim sin na ol i no save olsem ol i mekim sin pinis na ol i mekim ol pasin God Yawe i tok nogat long en na ol i asua pinis. ¹⁴ na taim sin ol i mekim i kamap ples klia, orait ol manmeri i mas kisim yanpela bulmakau long mekim ofa bilong sin na kisim i kam long haus sel bilong bung. ¹⁵ Na long ai bilong God Yawe ol hetman bilong ol manmeri i mas putim han antap long het bilong bulmakau pastaim na bihain ol i mas kilim em i dai . ¹⁶ Na hetpris ol i mas i kisim sampela blut bilong bulmakau na karim i go long haus sel bilong bung, ¹⁷ na pris i mas putim pinga bilong em long blut na tromoi i go i kam 7pela taim long ai bilong God Yawe, bipo long bikpela laplap. ¹⁸ Na em i mas putim sampela blut long kom bilong bulmakau i sanap klostu long alta bilong God Yawe, em bai kapsaitim olgeta blut long ananit long alta bilong mekim ofa bilong kukim long paia long dua bilong haus sel bilong bung. ¹⁹ Em bai i katim olgeta gris bilong bulmakau na kukim antap long alta. ²⁰ Em i mas mekim olsem long bulmakau. Olsem em i bin mekim bipo long bulmakau bilong mekim sin ofa na pris i mekim olsem bai God Yawe i lusim sin bilong ol. ²¹ Em i mas karim bulmakau i go ausait long kem na kukim ol olsem bipo em i bin mekim. Dispela em ofa bilong sin bilong ol manmeri i kam bung.. ²² Taim wanpela bilong ol dispela hetman i mekim sin em i no ting long mekim na em i mekim ol samting God Yawe i tok nogat long mekim, nau em asua pinis, ²³ bihain sin em i bin mekim i kamap ples klia long em, orait em i mas kisim meme man i nogat sua o makmak long en i kam. ²⁴ Em i mas putim han antap long het bilong meme na kilim em i dai long ples ol i save kilim ol abus long mekim ofa long God Yawe, dispela em i sin ofa. ²⁵ Na pris bai kisim blut bilong sin ofa long pinga bilong em na putim blut long kom bilong alta long paia bilong mekim ofa. Na em bai kisim hap blut na kapsaitim long ananit bilong alta long paia bilong mekim ofa . ²⁶ Na em i mas kukim gris long alta, wankain olsem gris bilong ofa bilong givim ol yet olsem ofa bilong wanbel. Pris bai tok sori long sin bilong hetman. Na God Yawe bai lusim sin bilong hetman . ²⁷ Sapos wanpela bilong ol dispela man i mekim sin taim ol i no ting long mekim, na sapos ol i mekim pasin God Yawe i tok nogat long mekim na taim em i tingim pasin nogut bilong em, ²⁸ Olsem na sin em i bin mekim i kamap ples klia long em, em i mas kisim wanpela meme kam bilong mekim ofa na meme meri i mas i nogat sua samting long mekim ofa long sin em i mekim. ²⁹ Em i mas putim han antap long het bilong meme bilong mekim ofa na kilim long mekim ofa bilong sin long ples bilong mekim ofa bilong paia. ³⁰ Pris bai kisim sampela blut wantaim pinga na putim long kom bilong alta bilong mekim ofa na em bai kapsaitim olgeta hap blut long ananit bilong alta. ³¹ Em bai katim olgeta gris ol i bin katim long mekim ofa bilong givim ol yet na bilong bel isi. Ol pris bai kukim antap long alta long mekim gutpela smel i go long God Yawe. Pris i mekim olsem bilong rausim sin bilong ol man meri. ³² Sapos wanpela man i kisim sipsip olsem ofa bilong mekim sin, em bai kisim meri sipsip i nogat sua samting long skin bilong em. ³³ Em bai putim han bilong em antap long het bilong sipsip bilong mekim ofa na kilim em i dai bilong mekim ofa long ples bilong kilim ol abus na mekim ofa long paia. ³⁴ Pris bai kisim sampela blut bilong mekim ofa wantaim pinga bilong en na putim long kom antap long alta bilong mekim ofa bilong paia, em bai kapsaitim olgeta blut i stap yet long ananit bilong alta. ³⁵ Em bai katim olgeta gris bilong sipsip olsem ol i bin katim long taim bilong mekim wanbel ofa na pris bai kukim long alta antap long paia na mekim ofa long God Yawe. Pris i mekim olsem na bai God Yawe bai lusim sin bilong ol man.

¹ Sapos wanpela man i mekim sin long wanem em i no tokaut long samting em i bin lukim na harim we em inap long tokaut, sapos dispela man i lukim dispela samting na harim dispela tok, em bai i gat asua. ² O sapos wanpela man o meri i tatsim ol samting God i makim olsem doti, ol samting olsem dai mit bilong kain kain wel enimol o dai mit bilong bulmakau, sipsip na meme o ol enimol i save wokabaut long bel na tu sapos wanpela man i no ting long tatsim, em i doti na i gat asua. ³ O sapos wanpela man i tatsim samting doti bilong narapela lain, maski sapos em wanem kain doti na em i no save long dispela, em bai kamap doti yet taim em i save long dispela. ⁴ O sapos wanpela man tok strong tumas long maus bilong em long kamapim gutpela samting o samting nogut, wanem samting em toktok long mekim, maski em i no save long dispela tasol taim em i save long dispela, em bai kamap doti long ol dispela samting. ⁵ Taim wanpela man o meri i gat asua long ol dispela samting, em mas tok sori long wanem sin em i bin mekim. Orait em i mas kisim ol sin ofa kam long God Yawe long ol sin em i bin mekim. ⁶ Em i mas kisim meri abus, sipsip o meme na mekim sin ofa na pris bai mekim ofa i go long Bikpela long rausim sin bilong em. ⁷ Na sapos em i no inap painim sipsip, nau em i ken bringim sin ofa bilog em wantaim tupela balus pisin o tupela yanpela pisin long God Yawe, wanpela bilong sin ofa na narapela bilong mekim paia bilong mekim ofa. ⁸ Em i mas kisim ol dispela samting i go long pris, em bai givim wanpela i go pas olsem sin ofa na em bai katim nek tasol em i no inap katim olgeta skin tasol sampela skin i hangamap yet. ⁹ Nau em bai kapsaitim blut olsem sin ofa i go long sait bilong alta na olgeta blut bai i go aut long as bilong alta. Dispela em i sin ofa. ¹⁰ Nau em mas mekim ofa long namba tu pisin olsem ofa bilong mekim paia, long bihainim olgeta stia tok na pris bai mekim ofa bilong rausim sin em i bin mekim na sin bilong dispela man bai i lusim em. ¹¹ Tasol sapos em i no inap long painim dispela tupela pisin balus o tupela yangpela pisin, nau em mas kisim ofa bilong sin bilong em yet. Em i mas kisim 1 kilo plaua long mekim sin ofa. Em i noken putim wel o ol arapela ol smel samting antap long em, long wanem, dispela em i sin ofa. ¹² Em mas karim i go long pris na pris bai kisim long han bilong em olsem mak bilong ofa na kukim antap long paia bilong alta, ol i mekim long God Yawe. Dispela em i sin ofa. ¹³ Pris bai mekim ofa bilong rausim ol sin we ol manmeri i bin mekim na ol dispela manmeri bai kamap klin. Pris bai kisim ol hap bilong ofa, wantaim sid ofa." ¹⁴ Nau God i toktok long Moses olsem, ¹⁵ sapos sampela lain i mekim sin na i no stap bel tru wantaim ol samting bilong God, tasol ol i mekim samting ol i no ting em i rong, nau em i mas kisim sin ofa kam long God. Dispela ofa i mas meme we i no gat makmak long namel long ol meme, pe bilong em i mak bilong silva sekel na em bai i olsem sin ofa. ¹⁶ Em mas inapim tingting bilong God long wanem asua em i bin mekim wantaim pasin holi na em i mas givim namba 5-pela hap i go long pris. Na pris bai i mekim ofa bilong rausim sin wantaim yangpela meme na sin bilong em bai lusim em. ¹⁷ Sapos wanpela man o meri i mekim sin o mekim ol samting God i bin tambuim, maski em i no save long dispela, em i mas karim pen bilong dispela asua em i mekim. ¹⁸ Em mas kisim yangpela meme i no gat makmak i kam aut long banis meme na pe bilong em i wankain olsem pe bilong nau na givim i go long pris olsem ofa bilong rausim asua. Nau bai pris i mekim ofa bilong rausim sin em i bin mekim tasol em i no bin save na sin bilong em bai lusim em. ¹⁹ em i ofa bilong rausim sin, long wanem em i gat asua long ai bilong God Yawe.

¹ God Yawe, i toktok long Moses olsem, ² Ol manmeri husait i bin mekim sin long God Yawe, i no stap tru long lukautim ol samting bilong ol manmeri, tok giaman na kisim samting bilong ol arapela, ³ o wanpela man i bin painim samting bilong wantok bilong en i lus na i no givim bek, tok giaman na kisim samting bilong arapela ol manmeri we husait i save mekim sin. ⁴ Na sapos wanpela i bin mekim sin na haitim rong bilong en, o mekim arapela samting na i no helpim ol manmeri na kotim nating ol manmeri, ol i mas tok sori na bekim ol samting i go bek long ol. ⁵ Antap long en, husait i bin tok giaman na kisim samting bilong ol arapela, i mas bekim bek na putim wanpela hap faiv antap na givim long ol manmeri we em i bin bagarapim ol long dei rong bilong em i kam ples kilia. ⁶ Na bihain em i mas kisim dispela ofa bilong tok sori i go long God Yawe, wantaim wanpela sipsip i no gat asua i stap long en olsem ofa bilong tok sori igo long pris. ⁷ Pris bai mekim dispela ofa i go long God Yawe na em bai lusim rong bilong pasin nogut em i bin mekim. ⁸ Na bihain God Yawe i tokim Moses, olsem, ⁹ Tokim Aron na ol pikinini man bilong em olsem, 'Dispela em lo bilong mekim ofa ol i kukim long paia. Dispela ofa bilong kukim long paia i mas stap ananit long alta long nait i go inap long moning taim, na paia bilong alta i mas lait yet. ¹⁰ Pris i mas putim longpela klos bilong em na tu em i mas putim sotpela trausis aninit long longpela klos bilong em. Em bai kisim sit bilong paia istap yet bihain long ofa ol kukim pinis long alta na em bai putim dispela sit bilong paia em i kisim long arere bilong alta. ¹¹ Em bai rausim klos bilong mekim ofa na putim narapela klos bilong karim sit bilong paia i go autsait long kemp long ples em i klin. ¹² Paia bai oltaim lait i stap long alta. Paia i noken dai na pris bai brukim paia wud na mekim paia olgeta moning. Em bai stretim ofa bilong kukim long paia olsem tok i stap, em bai kukim gris long alta olsem ofa bilong istap bel isi. ¹³ Paia i mas lait oltaim long alta i stap na noken i dai. ¹⁴ Dispela em i lo bilong mekim ofa bilong wit i go long God Yawe. Pikinini bilong Aron bai mekim dispela wok insait long alta bilong Bikpela. ¹⁵ Pris bai kisim wanpela kap plaua bilong wit ofa na wel na smel paura em i stap antap long ofa bilong wit na em bai kukim antap long alta long givim gutpela smel i kisim ples bilong ofa ol i mekim. ¹⁶ Aron wantaim ol pikinini man bilong em, ol i ken kaikai wanem em i stap. Ol i mas kaikai bret i no gat yis insait long ples em i holi. Bai ol i kaikai insait long haus sel bilong bung. ¹⁷ Ol i no ken kukim plaua wantaim yis. Mi bin givim ol olsem ofa bilong kukim long paia. Em i holi tru olsem ofa bilong sin na ofa bilong tok sori. ¹⁸ Dispela bai i stap olsem ol manmeri bilong ol tumbuna pikinini bai i kamap bihain. Ol pikinini bilong Aron mas kaikai hap bilong dispela ofa ol i mekim long God Yawe. Husait i holim tu bai kamap holi". ¹⁹ God Yawe i tokim Moses gen, olsem, ²⁰ "dispela em i ofa we Aron wantaim ol pikinini man bilong en bai i mekim i go long God Yawe. Long taim ol i kapsaitim wel long het bilong wanwan pikinini man bilong Aron bai i kisim namba ten hap bilong ofa bilong gutpela plaua na mekim dispela olsem ofa, mekim hap long moning na mekim narapela hap long apinun taim. ²¹ Ol bai kapsaitim wel na kukim insait long pot bilong kukim plawa. Yu tanim pinis orait yu mas kisim na kam long kukim. Long dispela plaua yu bai mekim dispela ofa bilong bret bai i mekim gutpela smel i go long God Yawe. ²² Pikinini bilong het pris husait bai kamap nupela insait long ol yet tasol bai mekim dispela wok bilong mekim ofa. Lo i tok olsem, olgeta samting i mas kukim na mekim ofa long God Yawe. ²³ Olgeta ofa bilong kukim wit bilong ol pris i mas kukim olgeta. Tambu tru long kaikai". ²⁴ God Yawe i toktok long Moses gen, olsem, ²⁵ "Tokim Aron na ol pikinini man bilong em olsem, 'Dispela em lo bilong meikm ofa bilong sin. Yupela i laik mekim ofa bilong tekewe sin orait yupela i mas kilim ol abus long ples we ol i save kilim na kukim ol abus na mekim i go long God Yawe i Holi Olgeta. ²⁶ Pris husait i mekim ofa bilong tekewe sin bai i kaikai wanem i stap. Em i mas kaikai long ples holi insait long haus sel bilong bung. ²⁷ Ol samting i holim mit bai i kamap klin tasol, sapos blut i kapsait long klos, yupela i mas wasim. Sampela hap i kapsait insait long holi ples. ²⁸ Tasol graun sospen ol i bin yusim long boilim abus, ol i mas brukim na sapos ol i boilim brons sospen ol i mas sikirapim gut na wasim wantaim klinpela wara. ²⁹ Husait man i stap wantaim ol pris tasol inap long kaikai, long wanem, em i holi tru. ³⁰ Tasol ofa bilong tekewe sin we blut ol i karim i go insait long haus sel bilong bung, em i holi pela ples, olsem na i tambu long kaikai, tasol i mas kukim olgeta long paia".

¹ Dispela em i lo na ofa bilong pinisim asua. Em i holi tru. ² Em i mekim ofa bilong pinisim asua, ol i mas kilim abus long ples bilong kilim na mekim ofa. Na ol i mas tromoi blut bilong abus long olgeta hap long alta. ³ Olgeta gris bilong ofa, olgeta gris bilong dispela abus na gris bilong teil na olgeta hap bilong en i mas mekim ofa. ⁴ Ol i mas rausim tupela kidni na gris bilong tupela na ol i mas rausim olgeta gris i karamapim lewa na kidni ⁵ Pris i mas kukim olgeta dispela gris long alta na ofa ol i kukim long paia i go long God Yawe. Dispela em i ofa bilong pinisim asua. ⁶ Olgeta man i stap namel long pris i ken kaikai hap kaikai long dispela ofa, ol i mas kaikai insait long ples holi, long wanem em i holi tru. ⁷ Ofa bilong sin na ofa bilong man i gat bikpela asua, i olsem wanpela lo tasol bilong rausim sin. Em samting bilong ol pris i ken mekim dispela ofa bilong rausim sin bilong ol manmeri. ⁸ Pris husat i mekim ofa bilong sampela lain i kukim long paia olgeta, em yet i mas kisim sampela hap bilong dispela ofa em i mekim. ⁹ Olgeta ofa bilong wit ol i bin kukim long aven na ofa long sospen na long praipan, em bilong pris i mekim ofa. ¹⁰ Olgeta ofa bilong wit em i drai o ol i bin tanim wantaim wel, em bilong olgeta lain pikinini bilong Aron. ¹¹ Dispela em i lo bilong mekim ofa bilong kamap wanbel we ol mameri bai givim igo long God Yawe. ¹² Sapos wanpela man i laik givim tenkyu ofa, orait em i ken mekim dispela ofa wantaim plaua i nogat yis, i mas tanim wantaim wel, na plaua ol mekim i nogat yis ol spredim wantaim wel na em i ken ofaim ol skon em i bin wokim long plaua em i tanim wantaim wel. ¹³ Na as bilong tenkyu ofa, em i mas mekim ofa bilong i stap bel isi wantaim bret i gat yis. ¹⁴ Em bai i mekim wanpela bilong dispela kain ofa i go long God Yawe. Dispela ofa em bilong ol pris bai i kisim blut na tromoi long alta olsem bel isi ofa. ¹⁵ Man husat i givim bel isi ofa olsem as bilong tenkyu, ol i mas kaikai olgeta mit bilong dispela ofa na ol ino ken larim mit i stap inap long moning taim long de bihain. ¹⁶ Sapos dispela ofa em as bilong promis o sapos em i ofa bilong givim samting long laik, orait dispela mit ol i mas kaikai long dei ol i mekim ofa, tasol wanem mit i stap yet ol i mas kaikai long narapela dei. ¹⁷ Sapos sampela mit bilong mekim ofa i stap yet inap long namba 3 - dei, ol i mas kukim olgeta long paia. ¹⁸ Sapos ofa bilong bel isi ol kaikai long namba 3 de, orait ol i no inap kisim ofa bilong dispela man, long wanem ofa bilong em i sting na nogut tru. Na husat man i kaikai dispela mit, em i mekim asua. ¹⁹ Wanpela mit bilong ofa i pas long samting i no klin, em ol i no ken kaikai dispela mit, ol i mas kukim olgeta mit long paia. Ol manmeri i klin long ai bilong God Yawe tasol i ken kaikai dispela mit bilong ofa. ²⁰ Na sapos wanpela man i no klin em i kaikai mit bilong ofa na bel isi ofa long God Yawe, orait em ino inap stap insait long lain manmeri bilong God Yawe. ²¹ Sapos wanpela man i putim han long samting i no klin, maski em i putim han long animol i no klin o i doti long bodi bilong man yet o sampela sting samting na bihain em i kaikai mit bilong bel isi ofa, orait em i no inap stap moa long lain manmeri bilong God Yawe. ²² Bihain God Yawe i toktok long Moses, na em i tok, ²³ Tokim ol manmeri bilong Israel olsem, yupela i no ken kaikai gris bilong bulmakau, sipsip na meme. ²⁴ Gris bilong wanpela animol i dai nating ino bilong givim olsem ofa o wanpela animol i kilim, i ken usim long narapela wok. Tasol yupela i noken kaikai. ²⁵ Wanpela man i kaikai gris bilong bulmakau ol i ofaim long God Yawe, orait em i no inap i stap insait long lain manmeri bilong em. ²⁶ Taim yupela i stap long haus, yupela ino ken kaikai blut bilong animol na pisin. ²⁷ Husat man i kaikai blut, dispela man i no inap i stap insait long lain manmeri bilong em yet. ²⁸ Na God Yawe i tokim Moses olsem, ²⁹ ''Tokim ol manmeri bilong Israel olsem, man i mekim ofa bilong bel isi i go long God Yawe. Em i mas kisim hap bilong dispela ofa bilong em i kam long God Yawe. ³⁰ Ofa bilong God Yawe ol kukim long paia, ol i mas kisim i kam long han bilong ol yet. Em mas bringim gris wantaim bros bilong abus na holim mit bilong bros long han na mekim i go long ai bilong God Yawe. ³¹ Na pris i mas kukim gris long paia bilong alta, tasol bros bilong en, em bilong Aron na ol lain tumbuna bilong em. ³² Yu mas givim gutpela hap bilong abus long pris, olsem lek o han long taim yu mekim bel isi ofa bilong yu. ³³ Ol pris na tumbuna pikinini bilong Aron i mekim ofa long blut olsem bel isi ofa. Na hap bilong gris na lek bilong abus bilong ofa em ol i ken skelim bilong ol. ³⁴ Mi God yet i kisim bros bilong abus yupela lain Israel i givim olsem ofa bilong apim han, wantaim lek bilong abus i mas givim dispela long ol pris, em ol lain bilong Aron. ³⁵ Dispela em bilong Aron na pikinini bilong em i save mekim ofa long God Yawe, ol i makim dispela hap abus long Aron na ol pikinini man bilong em. Long taim Moses i makim ol long kamap pris bilong God. ³⁶ Dispela hap ofa em i skel bilong Aron na ol lain tumbuna bilong em we God Yawe i tokim ol manmeri bilong Israel long dei em welim ol pris. Dispela bai i stap oltaim inap long ol tumbuna pikinini i kamap bihain . ³⁷ Dispela lo bilong ol ofa bilong paia i kukim olgeta na ofa bilong kukim wit, ofa bilong rausim sin, ofa bilong pinisim asua, ofa bilong man i mas i stap longwe long sin, na bilong kamap wanbel, ³⁸ we God Yawe i givim strong pela lo long Moses long maunten sainai long taim ol Israel i stap long ples drai. Na God i tokim ol manmeri bilong Israel long mekim ofa long ples drai long Sainai''.

¹ God Yawe i tokim Moses olsem, ² "Kisim Aron wantaim ol pikinini man bilong em na ol klos na oil bilong kapsaitim long het na wanpela man bulmakau bilong mekim sin ofa na tupela man meme na wanpela basket bret i nogat yis long em. ³ Bungim olgeta manmeri long dua i go insait long haus sel bilong miting." ⁴ Olsem na Moses i mekim olsem long ol samting God Yawe i bin tokim em long mekim na ol manmeri i kam bung wantaim long dua i go insait long haus sel bilong miting. ⁵ Nau Moses i tokim ol manmeri, "God Yawe i bin tok long ol dispela samting mas kamap." ⁶ Moses i kisim Aron na ol pikinini man bilong em na i kam wasim ol wantaim wara. ⁷ Long Aron, Moses i pasim sotpela laplap na pasim longpela hap laplap raunim bel bilong em olsem let na putim longpela klos long em na pasim narapela laplap raunim bodi bilong em. ⁸ Em i putim hap kapa long karamapim bros bilong em na em i putim hap kapa long Urim na Tumim. ⁹ Em i putim longpela laplap long het bilong em na long pes em i putim plet ol i mekim long gol na hat bilong king i holi. Em bihainim tok God Yawe i givim long em. ¹⁰ Moses kisim wel bilong makim ol samting bilong Bikpela na kapsaitim long ples ol manmeri i save lotu na long olgeta samting i stap insait. Em mekim olsem long soim olsem ol i bilong God Yawe wanpela tasol. ¹¹ Em i tromoi wel long tebol 7-pela taim na kapsaitim wel antap long alta na long ol samting bilong mekim ol ofa na dis bilong wasim han insait na autsait, olsem em ol samting bilong God Yawe na bilong mekim wok bilong em. ¹² Em i kapsaitim sampela wel lo het bilong Aron long makim em bilong stap narakain long ol arapela manmeri. ¹³ Moses kisim ol pikinini man bilong Aron i kam na pasim sotpela laplap long ol. Em pasim longpela hap laplap raunim bel bilong ol na kararmapim waitpela laplap long het bilong ol, olsem God Yawe i tokim em long mekim. ¹⁴ Moses kisim man bulmakau i kam long wokim ofa bilong sin na Aron na ol pikinini man bilong em ol i putim han bilong ol antap long het bilong dispela bulmakau bilong mekim ofa bilong sin. ¹⁵ Em kilim na i kisim blut long pinga na putim antap long kom bilong alta long mekim i kamap klin na tu kapsaitim blut long as bilong alta long makim olsem em i samting bilong God i holi. ¹⁶ Moses kisim olgeta gris i stap insait na pas long ol bel rop na ol gris i pas long lewa na tupela kidni na gris bilong ol na Moses kukim olgeta antap long alta. ¹⁷ Tasol bulmakau, skin bilong em na ol mit bilong em na ol pekpek bilong em na em i kisim i go autsait long kemp na em i kukim olsem God Yawe i tokim em. ¹⁸ Moses kisim man meme i kam bilong mekim ofa long paia, Aron na ol pikinini man bilong em i putim han bilong ol antap long het bilong dispela meme. ¹⁹ Em kilim na kisim blut bilong em na tromoim blut long olgeta sait bilong alta. ²⁰ Em katim dispela meme igo liklik na kukim het na ol dispela liklik hap wantaim ol gris bilong em. ²¹ Em wasim bel bilong meme na ol lek wantaim wara na kukim olgeta bodi bilong meme antap long alta. Em i ofa bilong paia i kukim olgeta na kamapim gutpela smuk smel, em ofa we em i mekim long paia igo long God Yawe olsem God Yawe i tokim Moses long mekim. ²² Nau Moses kisim narapela man meme i kam, em meme bilong mekim wok i holi, Aron na ol pikinini man bilong em olgeta putim han bilong ol antap long het bilong dispela meme. ²³ Aron kilim dispela man meme na Moses kisim sampela blut na putim long arere long han sut yau bilong em na long bikpela pinga long han sut bilong em na long bikpela pinga long han sut lek bilong em. ²⁴ Em kisim ol pikinini man bilong Aron kam na putim sampela blut long arere long han sut yau bilong ol na long bikpela pinga long han sut bilong ol na long bikpela pinga long han sut lek, Moses tromoi ol blut antap long olgeta sait bilong alta. ²⁵ Em i kisim gris, na gris bilong tel na ol gris insait long bel i pas long leva na tupela kidni na gris bilong ol na lek long han sut. ²⁶ Em i kisim wanpela bret i nogat yis long em long basket ol bret i nogat yis i stap long em long ai bilong God Yawe na wanpela bret i nogat yis na wanpela i welim long en bret na wanpela bisket na putim olgeta antap long gris na long han sut lek bilong meme. ²⁷ Em putim ol dispela samting long han bilong Aron na long han bilong ol pikinini man bilong em na tromoi han igo i kam na mekim ofa long ai bilong God Yawe. ²⁸ Bihain long dispela Moses i kisim ol dispela samting long han bilong ol na putim antap long alta na kukim na mekim olsem ofa bilong paia i kukim olgeta na kamapim gutpela smel. Em ol ofa ol i mekim long God Yawe. ²⁹ Moses kisim bros bilong meme na tromoi long han i go i kam olsem ofa i go long God Yawe. Dispela bros hap bilong man meme ol i givim Moses olsem skel bilong em long wok pris, olsem God Yawe i tok. ³⁰ Moses kisim sampela holi wel na blut i stap antap long alta na em i kapsaitim antap long Aron na long klos bilong em na long ol pikinini man bilong em na long klos bilong ol pikinini man bilong em tu. Long dispela rot em traim long skelim Aron wantaim klos bilong em na tu wantaim ol pikinini man bilong em na klos bilong ol pikinini man bilong em tu. ³¹ Olsem na Moses i tokim Aron na ol pikinini man bilong em, ''Yupela go boilim mit long dua i go insait long haus sel bilong miting na yupela kaikai mit na ol bret we em i stap insait long basket i holi. Mi tok pinis olsem, Aron na ol pikinini man bilong em bai kaikai." ³² Wanem hap mit na bret i stap yet, yupela mas kukim olgeta long paia. ³³ Yupela i noken go autsait long dua bilong haus sel bilong miting inap long 7-pela dei. Bihain long dispela 7-pela de Bikpela yet bai i klinim yupela na mekim yupela i kamap holi insait long 7-pela dei long redim yupela olsem wokman bilong God Yawe. ³⁴ Wanem ol samting bin kamap nau. God Yawe i tok long mekim wok bilong rausim sin bilong yupela. ³⁵ Yupela bai stap long dua bilong haus sel bilong miting long san na long nait inap 7-pela dei na bai yupela bihainim tok bilong God Yawe, olsem bai yupela i no inap dai, bilong wanem Bikpela i tokim mi. ³⁶ Olsem na Aron na ol pikinini man bilong em i mekim kamap olgeta dispela samting olsem God Yawe i bin tokim Moses.

¹ Long de namba 8 Moses i singautim Aron na ol pikinini bilong em wantaim ol hetman bilong ol Israel long kam bung. ² Taim ol i bung pinis, orait Moses i tokim Aron olsem, "Kisim wanpela yanpela bulmakau man bilong mekim ofa bilong rausim sin na wanpela yanpela sipsip i no gat mak na sua samting i bagarapim skin bilong en, long mekim ofa bilong kukim olgeta na mekim olsem long God Yawe. ³ Yu mas tokim ol manmeri bilong Israel olsem, ' Kisim wanpela meme man bilong mekim ofa bilong rausim sin na wanpela bulmakau man na wanpela sipsip, tupela i winim wanpela krismas na i no gat mak na sua samting i bagarapim skin bilong ol, long mekim ofa bilong kukim olgeta; ⁴ na yu mas kisim wanpela bulmakau man na yanpela sipsip man bilong mekim ofa bilong kamap wanbel wantaim God Yawe na ofa bilong kukim wit ol i miksim wantaim oliv wel, bilong wanem God Yawe bai kamap long yupela nau. ⁵ Olsem na olgeta manmeri i karim olgeta samting Moses i bin tokim ol long kisim i kam long haus sel na olgeta Israel i kam bung na sanap long lotu long God Yawe. ⁶ Orait Moses i tok, dispela em wanem God Yawe i tokim yupela long mekim olsem, bai glori bilong Bikpela i kamap long yupela." ⁷ Moses i tokim Aron, kam klostu long alta na givim ofa bilong rausim sin na ofa bilong kukim olgeta na mekim ofa bilong rausim sin bilong yu yet pastaim na bilong ol narapela, olsem God Yawe i bin tok". ⁸ Olsem na Aron i go klostu long alta na i kilim yangpela bulmakau man, bilong mekim ofa bilong rausim sin bilong em yet. ⁹ Ol pikinini bilong Aron i kisim blut bilong abus i kam long em na Aron i putim pinga insait long blut na i tromoi nambaut long ol kom bilong alta na kapsaitim blut long as bilong alta. ¹⁰ Bihain, Aron i kukim gris na tupela bilum pispis na skin samting i karamapim lewa long alta olsem ofa bilong rausim sin olsem God Yawe i bin tokim Moses. ¹¹ Na em i kukim olgeta mit na skin long paia i stap autsait long kemp. ¹² Aron i pinisim dispela ofa, orait bihain em i kukim paia bilong pinisim olgeta na ol pikinini bilong em i givim blut long kapsaitim wantaim long olgeta hap arere bilong alta. ¹³ Na bihain ol i givim em ofa bilong kukim olgeta, ol liklik hap hap i stap yet wantaim het. Aron i kukim olgeta long alta. ¹⁴ Aron i wasim olgeta insait bel samting na lek na kukim antap long alta paia bai i kukim olgeta. ¹⁵ Bihain Aron i kisim ol ofa bilong manmeri na ofarim long Bikpela. Em i kisim wanpela meme ol manmeri i bringim na kilim i dai na mekim ofa bilong rausim sin bilong ol, olsem bipo em i bin mekim long namba wan meme. ¹⁶ Aron i kisim ofa bilong kukim na ofarim olsem bipo God Yawe i bin tokim em. ¹⁷ Na em i kisim plaua na mekim ofa bilong kukim wit. Em i kisim liklik hap plaua long han na i kukim plaua long alta wantaim dispela ofa bilong paia i kukim olgeta olsem long moning taim em i bin mekim. ¹⁸ Em i kilim tu bulmakau na sipsip na bringim bilong mekim wanbel ofa bilong ol manmeri. Ol pikinini bilong Aron i givim blut bilong abus long tromoi wantaim i go long olgeta sait bilong alta. ¹⁹ Orait bihain ol i katim gris bilong bikpela fatpela bulmakau na yangpela sipsip we gris i pas long teil na i karamapim insait hap bodi bilong en na tupela bilum pispis na ol bodi samting i karamapim lewa. ²⁰ Ol i kisim hap bodi ol i bin katim pinis na putim antap long bros na bihain Aron i kukim gris antap long alta. ²¹ Aron i holim bros na lek long han sut na apim i go i kam long ai bilong Bikpela olsem ofa bilong givim em yet long Bikpela, olsem bipo God Yawe i bin tokim Moses. ²² Aron i mekim ol dispela bilong rausin sin na kukim long paia long mekim ofa belong wanbel pinis. Orait em i litimapim tupela han bilong em long ol manmeri na i tokim ol olsem, God bai i mekim gut long ol na em i lusim dispela ples na i kam daun. ²³ Moses na Aron igo insait long haus sel, bihain tupela i kam autsait gen na i tokim ol manmeri bai God i mekim gut long ol na bikpela glori bilong God i kamap ples klia long ol. ²⁴ God Yawe i salim strongpela paia i kam daun na i kukim na pinisim tru olgeta gris na ol abus ol i bin ofaim long alta. Taim olgeta manmeri i lukim dispela, ol i singaut strong na daunim ol yet na putim pes i go daun.

¹ Tupela pikinini bilong Aron, Nadap na Abihu, em husait tupela i kisim plet bilong wokim paia, tupela putim paia i go insait na tu smel pauda bilong mekim ofa. Na tupela i mekim dispela ofa bilong paia we God Yawe i no tok orait long ol long mekim ofa. ² Na paia i kam daun na kukim tupela na tupela i dai stret long ai bilong God Yawe. ³ Moses i tokim Aron, "Dispela em wanem God Yawe i wok long toktok long en taim Em i tok, bai Mi putim Mi yet i kam aut ples klia strepela pasin bilong Mi long husait ol manmeri we bai i kam klostu long Mi na bai Mi kisim biknem long ol." Na Aron i no bekim wanpela toktok tu. ⁴ Nau Moses i singautim Misel na Elsafan, em ol pikinini bilong Usael, em tupela pikinini bilong liklik papa bilong Aron na em i tokim tupela olsem, "Kam na rausim dai bodi bilong brata bilong yupela i go autsait longwe long kemp we i gat haus sel." ⁵ Olsem na tupela i kam klostu long hap we tupela i stap long en, taim tupela i stap wantaim klos bilong wok pris, ol i rausim ol i go autsait longwe long kemp, olsem Moses i bin tok. ⁶ Moses i tokim Aron na tupela pikinini bilong em Eliasa na Itama olsem., "Noken lusim het gras bilong yupela lus i kam daun na tu noken brukim klos bilong yupela, nogut yupela tu i dai, em olsem God Yawe i no ken belhat wantaim ol manmeri we i bung i stap. Tasol yu i ken tokim ol lain bilong yu, wantaim olgeta lain Israel, bai ol i ken krai long ol, husait paia bilong God Yawe i kukim ol. ⁷ Yu noken i go aut long dua bilong haus sel, nogut bai yupela tu i dai, bilong wanem oil bilong God Yawe em i tambuim yupela pinis." Olsem na ol i bihainim olsem Moses i tokim ol. ⁸ God Yawe i toktok long Aron, em i tok, ⁹ ."Yu wantaim ol pikinini bilong yu i no ken tru drinkim wain na ol strongpela drink, taim yu i go insait long sel haus bilong bung, nogut yu bai i dai, Dispela bai i kamap lo bilong i stap oltaim oltaim long olgeta manmeri long taim bilong yu na long taim bihain tu, ¹⁰ ol bai i luksave long skelim wanem samting em i holi na wanem samtin em i bilong olgeta man na tu wanem samting em i klinpela na wanem samtin em i no klinpela. ¹¹ Inap long yu ken skulim ol lain pikinini Israel long olgeta lo we God Yawe i tokim Moses. ¹² Moses i tokim Aron wantaim tupela pikinini bilong em Eliasa na Itama, em husait tupela tasol i stap yet. " Wanem ofa bilong gren wit yupela i mekim long paia i go long God Yawe na sampela bilong ol dispela ofa i stap yet, bai yupela i no ken miksim pauda long mekim gren wit bilong ofa i solap, tasol yupela i mas i stap klostu long alta na kaikai nating, bilong wanem, em i holi. ¹³ Yu ken kaikai long ples em i holi, bilong wanem em i skel bilong yu wantaim skel bilong ol pikinini man bilong yu, long dispela ofa we yu bin mekim i go long God Yawe long paia. Long wanem em salim mi i kam long tokim yu. ¹⁴ Dispela bros bai yu soim na tu dispela tais bilong lek we bai yu givim i go long God Yawe. Yu ken kaikai long klinpela ples we God Yawe bai i wanbel, yu wantaim ol pikinini man na ol pikinini meri, bai i kaikai olsem skel bilong yupela, long wanem, em i bung ofa bilong ol manmeri bilong Israel ol i givim i go long yupela olsem skel bilong yupela. ¹⁵ Tais bilong leg we bai yu givim na tu bros bilong em we bai yu soim, ol i mas kisim i kam wantaim ofa bilong gris we bai ol mekim long paia long soim God Yawe. em i kamap olsem skel bilong yu wantaim ol pikinini man bilong yu oltaim oltaim, olsem God Yawe em i tokim." ¹⁶ Moses i askim ol long memek long mekim sin ofa, tasol ol i tok, ol i kukim pinis long paia bilong ofa na em i belhat long tupela Eliasa na Itama, em husait tupela laspela pikinini man bilong Aron, em i tok. ¹⁷ "Em i strepela samting tru na bilong wanem yupela i no inap long kaikai long hap we ol i save mekim sin ofa long haus sel bilong mekim ofa. God Yawe em i givim yupela dispela wok bilong rausim sin bilong ol manmeri we bai ol i kam bung, long mekim wok bilong rausim sin long pes bilong em? ¹⁸ Harim, yu no kisim blut i kam insait long haus sel bilong mekim ofa, em hap we yu inap long kaikai insait long haus sel bilong mekim ofa, olsem mi tok." ¹⁹ Aron i bekim askim bilong Moses na i tok, "Lukim, tete ol i mekim pinis ofa bilong sin na tu ofa bilong kukim long paia long pes bilong God Yawe na dispela samting em i kamap long mi long tete. Sapos mi bin kaikai sin ofa long tete, em inap long lukluk bilong God Yawe? ²⁰ Taim Moses i harim olsem, em i pilim orait.

¹ God Yawe i tokim Moses na Aron olsem, ² Tokim ol lain manmeri bilong Israel olsem, i gat ol abus yupela i ken kaikai namel long olgeta samting i gat laip i stap long dispela graun. ³ Yupela i ken kaikai ol abus i save kaikai gras na i gat baret namel long pinga bilong ol. ⁴ Sampela animol i gat baret long pinga, na i save kaikai gras, em yupela i no ken kaikai. Yupela i no ken kaikai kamel, long wanem em i no klin, em i save kaikai grass, tasol i nogat baret long pinga bilong em. ⁵ Na mumut bilong wara em i no klinpela animol, long wanem em i save kaikai gras, tasol i no nogat baret namel long pinga, ⁶ na ol rebit tu i no klinpela animol, ol i save kaikai grass, tasol i nogat baret namel long pinga bilong ol. ⁷ Pik i no klinpela animol, long wanem em i gat baret long pinga, tasol em i no save kaikai gras. ⁸ Yupela i no ken kaikai mit bilong pig, o holim dai bodi bilong em. Em i no klin long kaikai. ⁹ Long olgeta abus bilong wara na bilong solwara o ol hanwara, yupela i ken kaikai sapos yupela i lukim ol i gat grile na hukhuk long baksait bilong ol. ¹⁰ Tasol yupela i no ken kaikai olgeta arapela abus bilong wara o solwara i nogat grile na hukhuk long baksait, ol i no klin long kaikai. ¹¹ Ol dispela abus i doti, olsem na yupela i no ken kaikai mit bilong ol na yupela i no ken holim dai bodi bilong ol tu. ¹² Ol abus bilong solwara na hanwara i no gat grile na hukhuk long baksait, ol i no klinpela animol na yupela i no ken kaikai. ¹³ Yupela i no ken kaikai ol dispela pisin; tarangau, na ol bikpela pisin i save kaikai ol dai samting, ¹⁴ na ol pisin i gat longpela wing na i save kaikai ol binatang, na ol pisin i gat longpela strongpela wing na i save flai kwik, ¹⁵ na olgeta bilakpela pisin bilong nait, ¹⁶ olgeta bikpela ai pisin bilong nait, waitpela pisin bilong wara i gat longpela lek na longpela wing na ol pisin i gat sotpela na raunpela wing na longpela teil. ¹⁷ Yupela i no ken kaikai ol liklik na bikpela pisin bilong nait i gat bikpela ai, na ol pisin i save painim pis, ¹⁸ na ol waitpela nait pisin i gat bikpela ai, na ol nait pisin i gat bikpela ai i save kaikai rat, na longpela lekhan, longpela nek na longpela nus pisin, ¹⁹ na pisin i gat tupela longpela wing na pisin i gat longpela nus na ol bilakbokis. ²⁰ Ol binatang i gat wing na i save wokabaut long 4-pela lek i no klinpela binatang long yupela i ken kaikai. ²¹ Yupela i ken kaikai ol binatang i save flai na ol binatang i gat 4-pela lek na i ken kalap kalap. ²² Yupela i ken kaikai ol kainkain grasopa tu. ²³ Tasol ol binantang i gat 4-pela lek na i save flai, em ol i no klin na yupela i no ken kaikai. ²⁴ Sapos yu holim dai bodi bilong wanpela bilong ol dispela doti animol, bai yu kamap doti inap long san i go daun. ²⁵ Wanpela man namel long yupela i kisim wanpela dai bodi bilong ol dispela doti animol, em i mas wasim klos bilong em na stap doti inap san i go daun. ²⁶ Olgeta abus i gat tupela pinga tasol i nogat bikpela baret namel na i no save kaikai gras, em ol i doti. Ol man husat i holim ol dispela animol bai i kamap doti. ²⁷ Namel long ol animol i save wokabaut long 4pela leg na ol animol i wokabaut long 4-pela pinga, ol i no klinpela animol. Husait ol manmeri i holim dai bodi bilong ol bai ol kamap doti inap long san i go daun ²⁸ Husait i holim dai bodi bilong dispela animol i mas wasim ol klos bilong em na bai em i stap doti inap san i go daun long wanem ol dispela animol i doti. ²⁹ Long olgeta abus i save wokabaut long graun, dispela ol animol i no klinpela animol, em ol liklik animol i save kaikai narapela animol na ol rat na ol kainkain bikpela na liklik liset. ³⁰ Na ol geko na olgeta kainkain liset. ³¹ Long olgeta animol i save wokabaut long graun, dispela ol animol i doti, wanpela man namel long yupela i holim ol taim ol i dai, em bai i kamap doti inap san i go daun. ³² Sapos wanpela bilong ol dispela doti abus i dai na pundaun antap long wanpela samting, olsem hap diwai o klos o gras bilong sipsip o hap laplap. Ol i mas putim ol dispela samting long wara na bai i stap doti inap san i go daun, na bihain bai i kamap klin. ³³ Sapos wanpela bilong ol dispela doti animol i dai na bodi bilong ol i pundaun insait long sospen, orait wanem samting i stap insait long dispela sospen bai i kamap doti, olsem na yupela i mas brukim dispela sospen na tromoi. ³⁴ Sapos wara long dispela sospen i stap antap long ol kaikai, orait dispela kaikai i kamap doti. Wara bilong dring i stap insait long dispela sospen tu i kamap doti pinis. ³⁵ Sapos dai bodi bilong ol doti animol i pundaun antap long wanpela samting, orait dispela samting i kamap doti, sapos i pundaun long aven bilong wokim paia, orait yupela i mas brukim na lusim, o em mas i stap doti olsem. ³⁶ Ol han wara na hul wara bai i stap klin yet, tasol man i holim dai bodi bilong ol dispela animol tasol i kamap doti. ³⁷ Sapos dai bodi bilong ol doti animol i pundaun antap long sid kaikai bilong planim, orait dispela sid i stap klin yet. ³⁸ Tasol sapos wara i stap long sid kaikai na dai bodi bilong ol doti animol i pundaun antap long dispela sid, orait dispela sid i kamap doti. ³⁹ Sapos wanpela animol i dai, man husait i holim dai bodi bilong dispela abus bai i kamap doti inap san i go daun. ⁴⁰ Husait man i kisim dispela dai animol o kaikai dispela dai animol i mas wasim klos bilong em na stap doti inap san i go daun. ⁴¹ Yupela i no ken kaikai olgeta animol i save wokabaut long graun, ol i no klinpela animol. ⁴² Yupela i no ken kaikai ol animol i save wokabaut long bel bilong ol, o wokabaut long 4-pela lek na han wantaim na ol animol i gat planti lek na ol animol i save wokabaut long graun. Dispela ol animol i no klinpela animol. ⁴³ Yupela i no ken mekim yupela i kamap doti wantaim ol animol i save wokabaut long graun. Yupela i no ken bagarapim yupela yet na mekim yupela i kamap doti wantaim ol kain animol. ⁴⁴ Mi God Bikpela bilong yupela, Yupela i mas mekim yupela yet i stap holi, long wankain pasin olsem mi stap holi yupela tu i mas i stap holi. Yupela i no ken bagarapim yupela yet na kamap doti wantaim ol kain animol i save wokabaut long graun. ⁴⁵ Mi God Bikpela bilong yupela, mi laik stap God bilong yupela na mi bin kisim yupela i kam ausait long ples Isip. Olsem na yupela i mas i stap holi, long wankain pasin olsem mi i stap holi. ⁴⁶ Dispela em ol lo bilong tok klia long ol animol, ol pisin na olgeta animal long wara na ol animol i save wokabaut long graun. ⁴⁷ Dispela lo i bilong soim ol klinpela animal na ol animol i no klin na ol animol bilong kaikai na i no bilong kaikai.

¹ God Yawe i tokim Moses, ² ''Tokim ol manmeri bilong Isrel, 'Sapos meri i karim piikinini man, em bai kamap doti inap 7-pela dei, wankain olsem long taim em i stap doti insait long sik mun bilong en. ³ Na long namba 8-dei bai ol i katim skin bilong en. ⁴ Olsem na dispela mama i mas stap 33- dei inap em i kamap klin gen. Meri i no ken putim han antap long wanpela samting i holi o go insait long haus sel inap de bilong kamap klin i pinis. ⁵ Tasol sapos em i karim wanpela pikinini meri, orait em bai kamap doti inap tupela wik, wankain olsem long sik mun bilong en. Meri bai stap 66 de inap em i kamap klin. ⁶ Taim de bilong kamap klin i pinis long pikinini man o meri, orait em i mas kisim wan yia sipsip olsem ofa bilong paia i kukim yangpela balus olsem sin, ofa na i go long dua bilong haus sel na givim pris. ⁷ Na Pris bai givim i go long God Yawe na mekim ofa bilong meri i kamap klin gen. Long blut em i lusim long bodi bilong en. Dispela lo i go long meri husat i karim pikinini man o meri. ⁸ Sapos meri i nogat sipsip, orait em i mas kisim tupela pisin na tupela pisin balus, em wanpela bilong ofa bilong paia i kukim olgeta na arapela olsem sin ofa, na pris bai mekim ofa bilong mekim em i kamap klin. na em bai kamap klin.''

¹ God Yawe i toktok long Moses na Aron na i tok olsem, ² "Taim wanpela i gat solap, o skebis o lait mak long skin bilong em, na i go bikpela na kamapim sik long bodi bilong em, orait ol i mas kisim em i go long het pris Aron, o long ol pris em ol pikinini man bilong Aron. ³ Orait pris bai sekim dispela sik long bodi bilong em, sapos gras long sua i kamap wait na sua i go bikpela insait long skin, orait dispela sua i kamap long ol binatang bilong kamapim ol sik. Bihain long pris i sekim dispela man, em i mas tok aut olsem dispela man i doti. ⁴ Sapos dispela lait mak long skin bilong em i kamap wait, na ino kamap insait tumas long skin, na sapos gras klostu long sua ino kamap wait, orait, pris i mas rausim dispela man i go ausait long kem na i mas stap em yet long sevenpela days. ⁵ Long dei namba seven, pris i mas sekim dispela man na sapos em i lukim olsem sik ino go bikpela na karamapim arapela bodi bilong en, orait pris i mas larim em i stap ausait long narapela sevenpela dei mo. ⁶ Long dei namba seven pris bai i sekim em gen long lukim, sapos sua ino go bikpela na karamapim ol arapela bodi tu. Orait pris bai i tokaut olsem dispela man i klin, skin i sikirap tasol. Dispela man i mas wasim klos bilong em na em bai i kamap klin. ⁷ Tasol sapos bihain long lukim pris na dispela skin sikirap i go bikpela na karamapim arapela skin tu, orait em i mas go lukim pris gen. ⁸ Pris bai i sekim em na lukim sapos skin sikirap i kamap bikpela na karamapim ol arapela bodi tu. Sapos i olsem, orait pris bai i tok aut olsem dispela man i doti. Dispela skin sikirap i kamap long ol binatang bilong kamapim ol sik. ⁹ Sapos binatang i stap long bodi na i kamapim sua long skin bilong wanpela man, orait dispela man i mas i go lukim pris. ¹⁰ Pris bai i sekim em long lukim sapos waitpela solap i stap long skin bilong em, o gras i kamap wait, o nupela mit i kamap insait long dispela solap. ¹¹ Sapos dispela ol mak istap, orait em i strongpela sua long bodi i save stap longpela taim, olsem na pris imas tok aut olsem dispela man i doti. Pris bai ino inap rausim em igo ausait long taun na stap em yet long wanem em i doti pinis. ¹² Sapos pris i lukim olsem dispela sua igo bikpela tru na i karamapim skin bilong dispela man long het igo daun long lek, ¹³ orait pris i mas sekim dispela man long lukim sapos sua i karamapim olgeta bodi bilong em. Sapos i olsem, orait pris i mas tokaut long dispela man i gat sik olsem em i klin, sapos olgeta skin bilong em i kamap wait, orait em i kamap orait ¹⁴ Klin. Tasol sapos nupela mit i kamap long sua bilong em, em bai i kamap doti. ¹⁵ Nupela mit i doti, olsem na pris i mas lukim nupela mit na tokaut olsem dispela man i doti. Dispela sua i kamap long binatanag bilong kamapim sik. ¹⁶ Sapos dispela nupela mit i kamap wait gen, orait dispela man i mas igo lukim pris. ¹⁷ Pris bai i sekim long lukim sapos dispela nupela mit i kamap wait. Sapos i olsem, orait pris bai i tokaut long dis pela man olsem em i klin. ¹⁸ Taim buk i kamap long skin bilong wanpela man na i drai pinis, ¹⁹ na long mak bilong dispela buk sapos waitpela solap i kamap o, dispela sua mak i go lait o, wait na ret liklik orait em i mas i go lukim pris. ²⁰ Pris bai i sekim dispela man long lukim sapos sua i kamap insait tru long skin, na sapos gras i kamap wait. Sapos i olsem, orait pris bai i tok aut long dispela man olsem em i doti. Dispel sua i kamap long binatang bilong kamapim sik, na em i kamap long sua mak bilong buk. ²¹ Sapos pris i sekim na lukim olsem i nogat waitpela gras i kamap na sua ino go insait tru long skin na sua i go pinis, orait pris i mas salim dispela man i go ausait long taun na stap em yet inap long sevenpela dei. ²² Sapos sua i go bikpela na karamapim skin, orait pris bai i tokaut long dispela man olsem em i doti. Dispela sua i kamap long binatang bilong kamapim ol sik. ²³ Sapos dispela lait skin mak i stap long wanpela hap na i no go bikpela na karamapim arapela skin, orait em mak bilong buk tasol, na pris i mas tokaut olsem em i klin. ²⁴ Sapos paia i kukim wanpela man na nupela mit long dispela hap paia i kukim i kamap ret liklik, or wait olgeta. ²⁵ Orait pris bai i sekim long lukim sapos gras long dispela sua i kamap wait na sua i stap insait tru long skin. Sapos i olsem, orait dispela sua i kamap long binatang bilong kamapim ol sik. Dispela sua i kamap ples klia taim paia i kukim olsem na pris imas tokaut olsem dispela man i doti. ²⁶ Tasol sapos pris i sekim na painim aut olsem inogat waitpela gras long dispela sua mak, na sua ino kamap insait tru long skin na sua i go pinis, orait pris i mas salim dispela man i go ausait long taun na stap em yet inap long sevenpela dei. ²⁷ Orait long dei namba seven pris i mas sekim dispela man, sapos sua i go bikpela na karamapim skin, orait em i mas tokaut long dispela man olsem em i doti. Sua i kamap long binatang bilong kamapim ol sik. ²⁸ Sapos dispela mak i stap long wanpela hap tasol na ino go bikpela tasol i pinis, orait dispela em solap tasol long paia i bin kukim. Olsem na pris i mas tokaut olsem dispela man i klin, dispela em i sua mak tasol na ino bikpela samting tumas. ²⁹ Sapos wanpela man o meri i gat sua we binantag bilong kamapim ol sik i kamapim long het na maus bilong em, ³⁰ orait pris i mas sekim long lukim sapos dispela sua i kamap insait tru long skin, na i gat yelopela gras i kamap long dispela hap. Sapos i olsem orait pris i mas tokaut olsem dispela man i kamap doti. Dispela sigirap long het na maus i kamap long binantang bilong kamapim ol sik. ³¹ Sapos pris i sekim na lukim olsem sikirap ino kamap insait tru long skin na ino gat blakpela gras long dispela hap. Orait pris i mas rausim man wantaim sik bilong sikarapim skin na em i mas stap em yet ausait long taun inap sevenpela dei. ³² Long dei namba seven pris bai i sekim na lukim sapos sua i go bikpela, sapos yelopela gras ino stap na sua i stap antap long skin tasol, ³³ orait dispela man i mas katim gras bilong en, tasol imas lusim gras long ples sua i stap long en, na pris mas putim em igo longwe long ol man na em i mas i stap em yet inap long sevenpela dei. ³⁴ Long dei namba seven pris bai i sekim dispela sua long lukim sapos sua i drai pinis. Sapos sua i stap antap long skin tasol, orait pris i mas tokaut long dispela man olsem em i klin. Dispela man i mas wasim klos bilong em na em bai i kamap klin. ³⁵ Tasol sapos pris i tok dispela man i klin pinis na bihain skin sikarap i go bikpela na karamapim arapela skin tu, ³⁶ orait pris imas sekim em gen. Sapos sikirap i go bikpela na karamapim skin, pris ino inap painim yelopela gras Dispela man i doti. ³⁷ Tasol sapos pris i lukim olsem dispela skin sikirap ino go bikpela na i pinis, na blakpela gras i gro gen, orait dispela sik i pinis, Olsem na pris i mas tokaut olsem dispela man i klin. ³⁸ Sapos wanpela man o meri i gat waitpela mak long skin bilong em, ³⁹ orait pris i mas sekim na lukim sapos dispela mak ino wait tumas, em i olsem em i kamap long skin tasol. Dispela man i klin. ⁴⁰ Sapos olgeta gras i lus long het bilong wanpela man, na em i kamap kela, em i klin. ⁴¹ Sapos gras long het bilong dispela man i lus long frant sait, na em igat kela, em i klin. ⁴² Tasol sapos wanpela mak i wait na ret liklik i stap antap long kela bilong em, orait dispela em i sua, na i kamap long ol binatang bilong kamapim ol sik. ⁴³ Orait pris imas sekim long lukim sapos dispela solap long kela i wait na ret liklik, olsem mak blong sua long skin we binatang bilong kamapim sik i kamapim. ⁴⁴ Sapos i olsem, orait dispela man i gat sik i kamap long binatang bilong kamapim ol sik, olsem na em i doti. Pris i mas tok aut long em olsem em ino klin long wanem em i gat sua long het bilong em. ⁴⁵ Man i gat dispela kain sik imas werim bruk bruk klos, na inoken stretim gras bilong em, na i mas haitim pes bilong em i kam mak long nus, na em i mas singaut olsem, " Mi no klinpela man, mi no klinpela man.' ⁴⁶ Long taim dispela sik i stap, dispela man i ino stap klin. Dispela man i doti long wanem em i gat sik inap kalap long ol arapela lain tu, olsem na em i mas stap em yet. Em i mas stap ausait long taun. ⁴⁷ Wanpela hap laplap i stap longpela taim ausait na i bagarap wantaim samting bilong bagarapim laplap, ⁴⁸ ol i mekim dispela laplap, long rop o hap skin blong animal o arapela laplap samting. ⁴⁹ Sapos grinpela o retpela samting i bagarapim laplap o hap skin bilong animol, o ol samting ol i wokim long rop o arapela laplap samting. Em dispela samting bilong bagarapim laplap i go bikpela, na ol i mas karim igo long pris bai lukim. ⁵⁰ Pris imas sekim dispela hap laplap long samting bilong bagarapim laplap, na sapos i stap em i mas putim dispela samting longwe long ol man na imas i stap em yet long sevenpela dei. ⁵¹ Long dei namba seven em i mas sekim gen, sapos dispela samting i go bikpela na bagarapim laplap o skin bilong abus o ol samting ol i wokim long laplap o skin bilong abus o ol arapela laplap samting, orait dispela samting inap kamapim bikpela bagarap olsem na dispela laplap i kamap doti. ⁵² Em i mas kukim dispela laplap, o ol samting ol i wokim long rop o, skin bilong ol abus, o ol arapela laplap samting we samting bilong bagarapim laplap i stap long em. Long wanem dispela samting inap kamapim sik. Olsem na ol i mas kukim ol dispela bagarap laplap samting. ⁵³ Sapos pris i lukim olsem samting bilong bagarapim laplap ino go bikpela na karamapim dispela hap laplap, o laplap ol i mekim long rop, o samting ol i mekim wantaim skin bilong ol abus, o ol arapela laplap samting, ⁵⁴ orait pris bai i tokim ol long wasim dispela hap laplap we i bagarap long em na larim i stap longwe, long ol man long sevenpela dei gen. ⁵⁵ Taim ol i wasim bagarap laplap pinis pris bai i sekim gen. Sapos samting bilong bagarapim laplap ino go bikpela tasol kala bilong em i stap wankain yet, em ino klin. Yu mas kukim dispela lapalap. ⁵⁶ Bihain long wasim dispela laplap, sapos pris i painim olsem samting bilong bagarapim laplap i pinis, orait em i mas brukim dispela hap laplap o skin bilong abus o ol laplap samting we bagarap i stap long en tasol na tromoi igo. ⁵⁷ Sapos samting bilong bagarapim laplap i stap yet long dispela hap laplap o ol samting ol i wokim long rop o skin bilong abus o ol arapela laplap samting na i go bikpela. Yu mas kukim olgeta laplap samting i gat dispela bagarap i stap long em. ⁵⁸ Sapos yupela i wasim dispela laplap, o skin bilong abus o samting ol i wokim long rop na skin bilong abus o ol arapela laplap samting na dispela samting bilong bagarapim laplap i pinis, orait yupela i mas wasim namba tu taim na laplap bai i kamap klin. ⁵⁹ Dispela em lo bilong samting i save bagarapim laplap, o ol samting ol i wokim long rop o skin bilong abus o ol arapela laplap samting, inap long yupela i ken tokaut olsem em i klin o doti.

¹ God Yawe i toktok long Moses na tok, ² "Dispela em bai i kamap lo bilong man i kamap orait taim em i gat sik long skin bilong em. Em i mas kam long Pris. "Dispela bai i kamap lo bilong man igat sik long dei bilong sik bilong em i pinis. ³ Pris bai i go aut long kemp long sekim na lukim sapos skin sua bilong man i pinis. ⁴ Orait Pris bai tokim man i kamap klin na kisim tupela pisin i gat laip, wantaim sida diwai, rop igat retpela kala, na isop diwai. ⁵ Pris bai tokim em long kilim wanpela bilong ol dispela pisin antap long klinpela wara i stap pinis insait long sospen graun. ⁶ Orait Pris bai i kisim pisin i stap laip wantaim sida diwai na rop i gat retpela kala na isop diwai na em bai putim tupela pisin i gat laip i go insait long blut bilong pisin ol i bin kilim antap long klin pela wara. ⁷ Orait na Pris bai tromoi dispela wara 7-pela taim antap long dispela man bai kamap orait, nau Pris bai tokaut long em i kamap klin. Na Pris bai lusim dispela pisin i gat laip i flai i go. ⁸ Dispela man husait i bin kamap klin em bai wasim ol kolos bilong em na katim olgeta gras bilong em na wasim em yet long wara, orait na em bai i kamap klin. Bihain long dispela em mas kam long kemp, tasol em bai stap autsait long haus sel bilong em 7-pela dei. ⁹ Long namba 7-dei em i mas katim olgeta gras long het bilong em na tu em i mas katim olgeta maus gras na ol ai gras bilong em. Em i mas katim olgeta gras bilong em, na em i mas wasim ol kolos bilong em na waswas long wara, na em bai kamap klin. ¹⁰ Long namba 8-dei em i mas kisim tupela man sipsip i nogat mak long skin bilong ol wantaim wanpela meri sipsip i gat wanpela krimas bilong en na i nogat mak long skin bilong em na tripela 10-efa wantaim gutpela plawa ol i tanim wantaim wel i olsem ofa kaikai na wanpela diwai wel. ¹¹ Pris husait i bin mekim em i kamap klin, em bai sanapim dispela man husait i kamap klin, wantaim ol dispela samting, long pes bilong God Yawe long rot i go insait long haus sel bilong bung. ¹² Pris bai kisim wanpela man sipsip na mekim ofa olsem ofa bilong man i asua pinis, wantaim dis wel, em bai mekim ofa i go long God Yawe. ¹³ Em i mas kilim man sipsip long ples wei ol i save kilim ol sin ofa na ol ofa bilong kukim long paia, insait long haus sel, ol abus bilong sin ofa em bilong ol Pris, wantaim ol ofa bilong man i mekim nogut, long wanem em i holi olgeta. ¹⁴ Pris bai kisim sampela blut bilong mekim ofa long man i gat asua na putim antap long han sut yau bilong man husait bai i kamap klin. Na tu em bai i putim antap long namba wan pinga bilong han sut bilong em na long namba wan pinga long leg sut bilong em. ¹⁵ Orait Pris bai kisim wel long diwai dis na kapsaitim long han kais bilong em, ¹⁶ na putim pinga bilong em i stap long han sut bilong em igo insait long wel wei i stap long han kais bilong em na tromoi i go long pes bilong God Yawe 7-pela taim. ¹⁷ Pris bai i putim ol hap wel long han bilong em antap long yau i stap long han sut bilong man husait em bai kamap klin na antap long namba wan pinga i stap long lek sut na antap long bikpela pinga i stap long han sut. Em i mas putim dispela wel antap long blut bilong mekim ofa bilong man i gat asua. ¹⁸ Taim sampela wel i stap yet long han bilong Pris, em bai putim antap long het bilong man husait bai kamap klin, na Pris bai mekim wok bilong rausim sin bilong em long kamap klin pastaim long God Yawe. ¹⁹ Orait na Pris bai mekim ofa bilong sin na mekim wok bilong rausim sin bilong man husait bai kamap klin, bilong wanem long pasin nogut bilong em na bihian em bai kilim abus bilong kukim olgeta long paia. ²⁰ Nau Pris bai mekim ofa bilong kukim olgeta na ol pikinini kaikai bilong wit antap long alta. Prist bai mekim wok bilong rausim sin bilong em, na em bai i kamap klin. ²¹ Olsem tasol, sapos man em i nogat ol dispela samting long kisim i kam long dispela ofa, em i mas kisim wanpela man sipsip olsem ofa bilong man i mekim asua pinis, long mekim klin long em yet, na wan 10-pela efa na gutpela plawa ol i tanim gut wantaim wel na pikinini diwai bilong mekim ofa na dis wel wantaim. ²² wantaim tupela balus pisin o narapela tupela pisin wankain olsem, inap long em bai kisim; wanpela bai i mekim sin ofa na narapela bai i mekim ofa bilong kukim long paia. ²³ Long namba 8-dei em i mas kisim i kam long Pris long klinim em yet, long dua bilong haus sel ol i save bung long en long ai bilong God Yawe. ²⁴ Pris bai kisim sipsip bilong mekim ofa na em bai kisim oliv wel wantaim na em bai apim igo antap olsem em i givim i go long God Yawe. ²⁵ Em bai kilim sipsip bilong mekim ofa bilong man i mekim asua pinis, na em bai kisim sampela blut na putim antap long yau i stap long han sut bilong man husait bai i kamap klin na antap long namba wan pinga i stap long han sut bilong em na bikpela pinga long leg sut bilong em. ²⁶ Orait na Pris bai kapsaitim sampela wel insait long han kais bilong em yet. ²⁷ na em bai tromoi i go i kam long han sut pinga bilong em na sampela wel i stap yet long han kais 7-pela taim long ai bilong God Yawe. ²⁸ Nau Pris bai putim sampela wel stap yet long han bilong em antap long han sut yau bilong man husait bai i kamap klin, antap long bikpela han pinga bilong han sut, na bikpela leg pinga bilong han sut leg, long wankain ples tasol wei em i bin putim blut ofa bilong man i mekim asua pinis. ²⁹ Em bai putim ol hap wel i stap long han antap long man husait bai kamap klin, long mekim pasin bilong rausim sin na kamap orait long ai bilong God Yawe. ³⁰ Em i mas mekim ofa long wanpela balus pisin o yangpela pisin, i wankain olsem man bai inap long kisim. ³¹ wanpela olsem sin ofa na wanpela bilong kukim ofa, wantaim wit ofa. Pris bai mekim wok bilong rausim sin bilong man husait bai kamap klin long ai bilong God Yawe. ³² Dispela em lo bilong man husait i gat skin sua, wei man i no gat inap samting long mekim em yet i kamap klin." ³³ God Yawe i toktok long Moses na long Aron, na i tok. ³⁴ "Taim yu kam kamap long graun Kenan wei mi bin givim yu long kamap olsem bilong yu yet, na sapos mi putim binatang bilong bagarap igo i kam long ol haus na ol graun yu bosim, ³⁵ na husait em papa bilong haus em mas kam tokim Pris. Em mas tok, mi lukim olsem binatang bilong bagarapim ol samting insait long haus bilong mi,' ³⁶ Nau Pris bai tokim ol long rausim olgeta samting long haus pastaim long em bai go insait long sekim na lukim dispela bagarap bilong binatang, em mas nogat samting long haus long luk nogut. Bihain long dispela Pris bai go insait long lukim haus. ³⁷ Em mas sekim na lukim gut dispela bagarap bilong binatang long wol bilong haus, na lukim i gat sampela grin o retpela samting i mekim igo daun arere long haus wol. ³⁸ Sapos haus i nogat bagarap bilong binatang, nau Pris bai i go aut sait na pasim dua bilong dispela haus i stap 7-pela dei. ³⁹ Nau Pris bai kam bek bihain long 7-pela dei long sekim na lukim bagarap bilong binatang i go i kam long wol bilong haus. ⁴⁰ Sapos em i stap, nau Pris bai tokim ol long rausim ol ston wei em i painim ol bagarap bilong binatang i stap na tromoi i go aut sait long ples pipia bilong biktaun. ⁴¹ Em bai tokim long sekim olgeta wol insait long haus long ol bai sikirapim, na ol i mas kisim ol samting wei bagarap i pas long en na sikirapim autsait long biktaun na tromoi long hap ol i save tromoi pipia long en. ⁴² Ol mas kisim ol narapela ston na putim long ples wei ol i rausim pinis long en, na ol i mas kisim nupela graun malomalo na pasim antap long haus. ⁴³ Sapos binatang bilong bagarap kam na mekim i go insait long haus wei ol i bin rausim ol ston i go na haus wol ol i sikirapim long en ol i mas pasim bek, ⁴⁴ nau Pris mas kam na sekim haus na lukim bagarap bilong binatang stap long haus. Sapos em i stap, orait em binatang bilong bagarapim man, na haus em i no klin. ⁴⁵ Ol i mas brukim haus i go daun. Ol ston. na diwai, na ol samting ol i pasim long haus long en ol i mas karim i go lusim long pipia ples autsait long biktaun. ⁴⁶ Antap long en, husait yupela i go insait long haus taim ol i pasim pinis long en em bai kamap doti inap apinun. ⁴⁷ Husait slip long dispela haus mas wasim kolos bilong em, na husait i kaikai long dispela haus mas wasim kolos bilong em. ⁴⁸ Sapos Pris i go insait long haus long sekim long lukim sapos bagarap bilong binatang i stap long haus pastaim ol i pasim long en na sapos binatang i go pinis, em bai tokaut olsem haus i klin. ⁴⁹ Nau Pris mas kisim tupela pisin bilong mekim haus kamap klin, na sida diwai, retpela rop, na isop diwai lip. ⁵⁰ Em bai kilim wanpela bilong ol pisin antap long graun sospen i gat klinpela wara. ⁵¹ Em bai kisim sida diwai, lip diwai isop, retpela rop, na pisin istap laip, na putim ol insait long blut bilong pisin ol i kilim, na putim i go insait long klinpela wara, na tromoi i go kam long haus 7-pela taim. ⁵² Em bai klinim haus wantaim blut bilong pisin na klinpela wara, wantaim laip pisin, sida diwai, lip isop na retpela rop. ⁵³ Tasol em bai larim pisin i gat laip i go aut long biktaun ples i op long en. Long dispela pasin tasol em bai mekim haus i kamap klin, na haus bai kamap klin. ⁵⁴ Dispela em lo bilong ol man gat kainkain skin sua long skin, sua olsem sua bilong skin sikirap, ⁵⁵ na bilong ol binatang save bagarapim kolos na insait long haus, ⁵⁶ bilong ol buksua, na ol grile sua na bikpela ol sua, ⁵⁷ long luksave olsem dispela ol sua samting em i doti o taim em stap klin long en. Dispela em lo bilong ol man i gat pinis kainkain skin sua na binatang bilong bagarap."

¹ God Yawe i tokim Moses na Aron olsem, ² ''Tokim ol man meri bilong Israel olsem, 'Taim susu wara i kam aut long kok bilong wanpela man, orait dispela man i kamap doti pinis. ³ Em i doti, long wanem susu wara i kam autsait long pispis rot. Maski susu wara i kam yet o em i stop pinis, em i doti pinis. ⁴ Olgeta bet em i slip bai em i no klin, na olgeta ples em i sindaun em tu bai em i no klin. ⁵ Husait i holim bet bilong en mas wasim klos na was was gut long wara, na ol i no inap kamap klin yet inap san i go daun. ⁶ Wanpela bilong yupela husait i sindaun long ples dispela man igat sik susu i sindaun, orait dispela man o meri i mas wasim klos bilong en na was was gut, na ol i no inap kamap klin yet inap san i go daun. ⁷ Na wanpela bilong yupela husait i holim skin bilong wanpela husait i gat sik susu, orait dispela man o meri i mas wasim klos bilong en na was was gut, na ol i no inap kamap klin yet inap san i go daun. ⁸ Na sapos dispela man i gat kain sik susu i spet long narapela husait em i nogat, orait dispela man o meri i mas wasim klos bilong en na was was gut long wara, na ol inap kamap klin yet inap san i go daun. ⁹ Sapos wanpela man i gat kain sik i sindaun long satel bilong hos na husait i sindaun antap long en long mekim wok, orait dispela man i kamap doti pinis. ¹⁰ Husait i holim wanpela samting em i stap aninit long dispela man, orait dispela man i kamap doti pinis na em i mas weit inap apinun long kamap klin na husait man i karim ol dispela samting, em i mas wasim klos bilong em long wara na was was gut, na ol i no inap kamap klin yet inap san i go daun. ¹¹ Husait dispela man i gat kain sik i no wasim han yet na i holim wanpela bilong yupela, orait dispela man i mas wasim klos na was was gut long wara na ol i no kamap klin yet inap san i go daun. ¹² Ol sospen graun we dispela kain sik man i holim, orait yupela mas brukim na tromoi na wara botol ol wokim long diwai em yupela i mas wasim gut wantaim wara. ¹³ Taim em i klinim susu na sik i pinis, orait em i mas weit na kaunim 7-pela dei long mekim em yet i kamap klin gen na em i mas wasim klos bilong en, na wasim gut olgeta hap bodi bilong em long wara i rong na bihain em i kamap klin gen. ¹⁴ Long de namba 8 em i mas kisim tupela kain ol pisin ol i kolim balus o tupela yangpela pik na kisim i go long dua bilong haus sel na givim pisin i go long pris long ai bilong God Yawe. ¹⁵ Pris i mas ofaim wanpela pisin olsem ofa bilong rausim sin na narapela olsem ofa bilong paia i kukim olgeta, pris i mas mekim olsem bilong helpim dispela man i kamap klin gen long ai bilong God Yawe. ¹⁶ Sapos wanpela man i slip na wara bilong kok i kapsait, orait em i mas wasim olgeta hap bodi bilong en long wara, em i no inap kamap klin yet inap san i go daun. ¹⁷ Olgeta klos, su na santol samting dispela kok wara i bin holim em ol i mas wasim gut long wara, na ol i no kamap klin yet inap san i go daun. ¹⁸ Sapos man na meri i slip wantaim na bugim bodi bilong tupela, orait tupela i mas was was gut long wara, na tupela i no inap kamap klin yet inap san i go daun. ¹⁹ Taim wanpela meri i lukim sik mun bilong en, orait em i kamap doti i go inap long 7-pela de na husait i holim em i kamap doti pinis, olsem na em i no inap kamap klin yet inap san i go daun. ²⁰ Olgeta samting em i slip antap long en long taim bilong sik mun ol i kamap doti pinis na olgeta samting em i sindaun antap em bai i stap doti tu. ²¹ Husait i holim ples em slip long en, em i mas wasim klos bilong em na was was gut long wara, dispela man bai i stap doti yet inap san i go daun. ²² Husait em i holim ol samting em i sindaun long en, orait dispela man o meri i mas wasim klos bilong em na was was gut long wara na em bai i stap doti yet inap san i go daun. ²³ Maski em antap long ples bilong slip o long olgeta samting dispela meri i sindaun na wanpela man i holim dispela man i stap doti yet inap san i go daun. ²⁴ Sapos wanpela man i slip na bugim bodi wantaim em, orait dispela man i kamap doti pinis olsem na em i mas stap 7-pela de na olgeta samting em i slip antap long en tu ol i kamap doti pinis. ²⁵ Sapos wanpela meri i lukim sik mun longpela taim na i no taim bilong en o sapos em i abrusim taim, dispela olgeta taim em i stap doti tru. Orait dispela meri em i stap olsem long taim bilong sik mun na em i stap doti. ²⁶ Olgeta bet we em i bin slip long taim bilong blut i rong yet em i olsem em i gat sik mun na em i slip long bet, na olgeta samting em i sindaun, ol tu bai i kamap doti olsem long taim bilong sik mun bilong en. ²⁷ Husait i holim wanpela bilong ol dispela samting em i kamap doti pinis, olsem na em i mas wasim ol klos na was was gut long wara na em i no kamap klin yet inap san i go daun. ²⁸ Tasol sapos blut i stop na em i kamap klin pinis, orait em i mas wait na kaunim inap long 7-pela de na em bai i kamap klin tru. ²⁹ Long de namba 8, em i mas kisim tupela kain pisin olsem balus o tupela yangpela pik i go long ol pris long dua bilong haus sel. ³⁰ Ol pris bai i ofaim wanpela pisin olsem ofa bilong rausim sin na narapela olsem ofa bilong paia i kukim olgeta na pris bai i mekim wok bilong rausim sin biolng em long ai bilong God Yawe long pasin doti bilong em. ³¹ Long dispela pasin yu mas skelim ol man meri bilong Israel long pasin doti bilong ol, olsem bai ol i no ken dai long asua bilong ol na long dispela pasin ol i no bagarapim haus holi bilong mi, we mi save stap wantaim ol. ³² Dispela em i lo bilong ol man husait i gat susu wara long kok bilong em na bilong ol man kok wara i go autsait long bodi bilong em na i mekim em i kamap doti, ³³ na long ol meri husait i lukim sik mun bilong em, o husait man o meri i gat susu wara sik na bilong man i slip wantaim wanpela meri em i doti.''

¹ God Yawe i toktok long Moses-- behain long dai bilong tupela pikinini man bilong Aron, taim ol i go klostu long God Yawe, ol i dai. ² God Yawe i tokim Moses, "tokim Aron brata bilong yu i noken kam nating nating long ples holi bihain long laplap long marimari sia antap long bokis kontrak. Sapos em i mekim, em bai dai, long wanem Mi save kam long klaut antap long marimari sia. ³ Olsem na Aron i mas kam insait long ples i moa holi. Em i mas kisim yangpela bulumakau long mekim sin ofa, na meme bilong mekim ofa long paia. ⁴ Em mas werim long pela klos i go daun long lek i holi, na werim klos antap long bodi bilong em, na em werim belt na pasim het bilong em. Dispela em i holi-pela klos. Em i mas wasim bodi bilong em long wara na werim ol dispela klos. ⁵ Em i mas kisim tupela man meme long mekim ofa bilong ol lain Israil olsem sin ofa na wanpela meme olsem ofa bilong kukim long paia. ⁶ Nau Aron i mas givim man bulumakau olsem sin ofa bilong em yet, dispela em i ofa bilong rausim sin bilong em na ol femeli bilong em. ⁷ Nau em i mas kisim tupela meme na putim long ai bilong God Yawe, long dua bilong haus sel bilong bung. ⁸ Nau Aron i mas rausim olgeta sin long tupela meme, wanpela bilong God Yawe na narapela meme bilong rausim sin bilong ol manmeri. ⁹ Aron i mas nau givim meme long husait ol i mekim sin na stap long we long God Yawe, na givim dispela ofa olsem sin ofa. ¹⁰ Tasol ol i mas kisim dispela meme i gat laip i kam long God Yawe, long mekim ofa bilong rausim sin na salim em i go long ples i nogat man long kisim sin bilong ol i go. ¹¹ Nau Aron i mas givim man bulmakau olsem sin ofa, bilong em yet. Em i mas mekim ofa bilong rausim sin bilong em yet na ol femeli bilong em, olsem na em i mas kilim man bulmakau olsem sin ofa. ¹² Aron i mas pulumapim kontena bilong kukim smel samting wantaim hot paia longwe long alta long ai bilong God Yawe, holim long gutpela na switpela smel samting na kisim i go insait long laplap. ¹³ Long hap em i mas putim smel samting antap long paia long ai bilong God Yawe, olsem na klaut kamap long dispela smel samting i mas karamapim ples bilong marimari sia antap long kontrak box. Em i mas mekim olsem na em i no inap dai. ¹⁴ Nau em i mas kisim sampela blut bilong bulmakau long pinga bilong em na tromoi long we long marimari sia. Em i mas tromoi sampela blut long pinga bilong em, seven pela taim bihain long marimari sia. ¹⁵ Nau em i mas kilim meme bilong mekim sin ofa bilong ol man meri na kisim blut bilong em i go insait long laplap. Long hap em i mas mekim wankain olsem em i bin mekim wantaim long blut bilong bulmakau. Em i mas tromoi antap long marimari sia na bihain em i tromoi gen. ¹⁶ Em i mas mekim ofa bilong rausim sin long ples holi bilong wanem ol manmeri bilong Israil i mekim ol pasin i no gutpela, ol i no save harim na bihainim wantaim ol arapela sin bilong ol. Em i mas mekim dispela gen long sel haus bilong bung, we God Yawe i ave stap namel long ol, wantaim olgeta pasin nogut bilong ol. ¹⁷ Noken wanpela man i mas i stap insait long sel haus bilong bung taim Aron i go insait long mekim ofa bilong rausim sin long ples holi, inap em i kam out pinis long mekim ofa bilong rausim sin bilong em na ol femeli bilong em, na bilong ol lain manmeri bilong Israil. ¹⁸ Em i mas kisim i go long alta long ai bilong God Yawe na mekim ofa bilong rausim sin, em i mas kisim sampela blut bilong bulmakau na sampela blut bilong meme na kapsaitim long kom bilong alta. ¹⁹ Em mas tromoi sampela blut long han bilong em na wasim 7-pela taim long putim i go longwe long God Yawe, na ol sin bilong ol manmeri bilong Israil bai i pinis. ²⁰ Taim em i pinis long mekim ofa bilong rausim sin long ples holi, haus sel bilong bung, na long alta, em i mas givim meme i gat laip. ²¹ Aron i mas putim han bilong em antap long laip meme na tokaut long sin bilong lain manmeri bilong Israil, givim beksait, sakim tok pasin na ol arapela pasin sin bilong ol. Nau em i mas putim olgeta sin antap long het bilong laip meme na salim i go long man husait i redi long stiaim meme i go long ples nating. ²² Meme i mas kisim em yet wantaim sin bilong olgeta manmeri i go long ples i no gat man. Dispela man i mas lusim meme i go fri long ples i nogat man. ²³ Nau Aron i mas go bek long hause sel bilong bung na rausim klos em i bin werim na i go long ples holi, na em i mas lusim dispela klos long dispela hap. ²⁴ Em i mas wasim bodi bilong em long ples holi, na werim klos bilong em, nau em i mas i go long mekim ofa bilong kukim paia bilong em na ol manmeri, long dispela rot em bai mekim ofa bilong rausim sin bilong em yet na lain manmeri bilong em. ²⁵ Em i mas kukim gris bilong bulmakau long sin ofa antap long alta. ²⁶ Man husait i larim dispela meme kisim sin bilong ol arapela lain i go fri i mas wasim klos na wasim bodi bilong em; bihain long en, em i ken kam bek long kemp. ²⁷ Bulmakau bilong sin ofa na meme bilong sin ofa, kisim blut bilong ol i kam long ples holi long mekim ofa bilong rausim sin. Em i mas kisim i kam autsait long kemp. Long dispela hap ol i mas kukim skin mit na ol pekpek bilong em. ²⁸ Dispela man husait i kukim ol dispela samting i mas wasim klos na wasim em yet wantaim wara, bihain long en, em i ken kam bek long kemp. ²⁹ Dispela bai kamap lo bilong yupela long 7-pela mun, long namba 10- de bilong mun, yupela i mas daunim yupela yet na noken mekim wok, yupela as ples o man bilong narapela hap huasit i kam stap wantaim yupela. ³⁰ Long wanem dispela em i de bilong mekim ofa bilong rausim sin bilong yupela, em bai rausim sin bilong yupela na yupela bai kamap stret long ai bilong God Yawe. ³¹ Sabat em i de bilong yupela long malolo, na yu mas daunim yu yet na noken mekim wok. Dispela bai i kamap lo namel long yupela. ³² Het pris, husait bai i kisim blesin bilong kamap hetman bilong bihainim papa bilong em, em mas mekim ofa bilong rausim sin na werim longpela klos, em i holi long en. ³³ Em i mas mekim ofa bilong rausim sin long ples holi. Em i mas mekim ofa bilong rausim sin bilong haus sel bilong bung na alta, na mekim ofa bilong rausim sin bilong pris na bilong ol lain manmeri bilong hap. ³⁴ Dispela bai kamap lo bilong yupela, bilong mekim ofa bilong rausim sin bilong ol manmeri bilong Israil. long wasim sin bilong oi long wanpela taim long wanpela yia." dispela i mekim olsem God i tokim Moses.

¹ God Yawe i tokaut long Moses na tok, ² tokim Aron wantaim pikinini man bilong em na olgeta manmeri bilong Israel. Tokim ol wanem God Yawe i tok. ³ Husait man long Israel i kilim bulmakau o sipsip o meme insait long kem o autsait long kem na i laik mekim ofa, ⁴ sapos em i no kisim i kam long dua bilong haus sel bilong bum long mekim olsem ofa long alta bilong God Yawe, dispela man i gat asua long kapsaitim blut, olsem na ol i mas rausim em namel long ol manmeri. ⁵ As tingting bilong dispela toksave i olsem, ol manmeri bilong Israel bai kisim ofa bilong God Yawe i go long dua bilong haus sel bilong bum, ol pris bai mekim ofa olsem lotu long God Yawe, inap long mekim ofa i gat gutpela smel autsait long ples. ⁶ Pris bai kapsaitim blut long alta bilong God Yawe long dua bilong haus sel bilong bum, em bai kukim gris na kamapim gutpela smel i go long God Yawe. ⁷ Ol manmeri i mas lusim pasin bilong mekim ofa long god giaman, long wanem ol i save kamap olsem pamuk meri. Dispela bai i stap oltaim olsem piksa bilong ol manmeri na bilong ol pikinini bilong ol long taim bihain. ⁸ Yu mas tokim ol, olgeta kain man long Israel, o husait man long narapela hap i kam i stap wantaim ol, husait i save mekim ofa o givim ofa bilong paia i kukim olgeta ⁹ i no inap kisim i kam long dua bilong haus sel bilong bum long mekim ofa long God Yawe, Ol i mas rausim dispela man long ol manmeri bilong en. ¹⁰ Sapos wanpela man long haus bilong ol Israel, o wanpela man long narapela hap i stap namel long ol i kaikai blut, bai mi haitim face bilong mi long dispela man husait i kaikai blut na bai mi rausim em namel long ol manmeri bilong en ¹¹ Bilong wanem laip bilong ol animel em i stap insait long blut bilong ol. Mi givim pinis blut bilong yu long mekim ofa long rausim sin bilong yu antap long alta, bilong wanem blut tasol i save rausim sin na blut tasol i save baim bek laip. ¹² Olsem na mi tokim ol manmeri bilong Israel olsem, noken wanpela namel long yupela kaikai blut, ol man long narapela hap i kam i stap wantaim yupela tu i noken kaikai blut. ¹³ Wanpela bilong ol lain manmeri bilong Israel, o man bilong narapela hap ples i kam i stap namel long ol, husait i save painim na kilim ol enimol o ol pisin bilong kaikai, dispela man i mas kapsaitm blut bilong dispela abus na karamapim long graun. ¹⁴ Long wanem laip bilong olgeta samting i gat laip i stap long blut. Long dispela as tasol mi tokim ol manmeri bilong Israel olsem. Yupela i noken kaikai blut bilong ol samting i gat laip, long wanem blut bilong ol em laip bilong ol. Ol i mas rausim man husait i kaikai blut. ¹⁵ Yupela olgeta husait i kaikai dai enimol, o ol wel enimol i kilim long en, man long as ples o man long narapela ples i stap wantaim yupela, em i mas wasim klos bilong em na waswas long wara, em bai i stap doti inap long abinun. Orait bihain long abinun em bai i kamap klin. ¹⁶ Tasol sapos em i no wasim klos bilong em o wasim bodi bilong em, orait em i mas karim hevi bilong asua bilong em.

¹ God Yawe i tokim Moses na i tok. ² Tokim ol manmeri bilong Israel, mi God Yawe bilong yupela. ³ Yupela noken mekim ol samting ol manmeri i bin mekim long Isip, taim yupela bin stap bipo. Yupela i noken mekim ol samting ol manmeri i bin mekim long Kenan, dispela graun nau mi kisim yupela i go long en. Yupela noken bihaim Kastom bilong ol tu. ⁴ Lo bilong Mi, yupela i mas bihainim. Tok bilong Mi, yupela i mas holim na wokabaut insait long en, long wanem mi God Yawe bilong yupela. ⁵ Olsem na yupela i mas holim pas lo bilong mi. sapos wanpela man i bihainim, em bai i stap laip long wanem, Mi God Yawe mi tok. ⁶ Wanpela i noken slip as nating wantaim wanpela femali bilong em. Mi God Yawe i tok. ⁷ Yupela i noken givim sem long ol papa bilong yupela taim yupela i slip wantaim ol mama bilong yupela. Em bai yupela i givim sem tu long ol mama bilong yupela. ⁸ Yupela i noken slip wantaim ol meri bilong papa lain bilong yupela, long dispela pasin bai yupela i givim sem long ol papa bilong yupela. ⁹ Yupela i noken slip wantaim ol narapela susa bilong yupela, long sait bilong papa o sait bilong mama bilong yupela. Na ol susa long haus bilong yupela o ol susa i stap longwe long yupela. Na tu yupela i noken slip wantaim ol susa bilong yupela yet. ¹⁰ Yupela i noken slip wantaim pikinini meri bilong pikinini man bilong yupela. Yupela i noken slip wantaim pikinini meri bilong pikinini meri bilong yupela, em bai yupela i sem. ¹¹ Yupela i noken slip wantaim pikinini meri i kamap long meri bilog papa bilong yupela, husait i kamap long papa bilong yupela. Em i susa bilong yupela, olsem na yupela i noken slip wantaim ol. ¹² Yupela i noken slip wantaim susa bilong papa bilong yupela, em susa tru bilong papa bilong yupela. ¹³ Yupela i noken slip wantaim susa bilong mama bilong yupela, em susa tru bilong mama bilong yupela. ¹⁴ Noken slip wantaim meri bilong brata bilong papa bilong yupela na givim sem long em. Na noken i go klostu long em wantaim dispela tingting. Em ol anti bilong yupela. ¹⁵ Yupela noken slip wantaim meri bilong pikinini man bilong yupela. Em meri em. ¹⁶ Noken slip wantaim meri bilong brata bilong yu na givim sem long em long dispela pasin. ¹⁷ Noken slip wantaim mama na pikinini meri bilong em, wantaim pikinini meri bilong pikinini man bilong em o piknini meri bilong pikinini meri bilong em. Em ol klostu lain bilong em. Dispela em i pasin nogut. ¹⁸ Yupela i noken maritim susa bilong meri bilong yupela olsem seken meri na slip wantaim taim namba wan meri i stap laip yet. ¹⁹ Noken slip wantaim meri long taim bilong sikmun, em i no klin long dispela taim. ²⁰ Noken slip wantaim meri bilong wantok na mekim yupela yet doti wantaim em long dispela pasin. ²¹ Yupela noken givim ol wanpela pikinini bilong yupela long putim ol long paia, olsem ofa bilong yupela long Molek, long wanem yupela noken daunim nem bilong Bikpela bilong yupela, God Yawe. ²² Yupela noken slip wantaim narapela man olsem meri, dispela em pasin nogut tru. ²³ Yupela noken slip wantaim ol animol na mekim yupela yet i kamap doti. Meri i noken slip wantaim ol animol. Dispela em i pasin nogut tru. ²⁴ Yupela i noken bagarapim yupela yet long ol dispela pasin, long ol dispela pasin tasol Kantri i bagarap. Kantri we bai mi kisim yupela i go out long en. ²⁵ Graun i bin bagarap, olsem na mi mekim save long ol long sin bilong ol na graun i trautim ol samting yumi kisim pinis long en. ²⁶ Olsem yupela i mas holim lo bilong mi, yupela i noken mekim ol dispela pasin i no stret, yupela ol asples Isarel o bilong narapela hap lain i kam stap. ²⁷ Dispelal pasin nogut ol manmeri bilong graun i bin mekim, em ol lain i stap bipo long yupela na nau graun i bagarap. ²⁸ Olsem na yupela i mas lukaut, graun ino inap trautim yupela bihain long yupela mekim ol dispela pasin, em trautim ol manmeri i go pas long yupela. ²⁹ Sapos wanpela man i mekim dispela ol samting i no stret, orait yupela i mas rausim em namel long ol manmeri. ³⁰ Olsem na yupela i mas holim pas strong lo bilong mi, noken lainim wanpela bilong ol dispela pasin ol tumpuna i bin mekim bipo, olsem na yupela i noken bagarapim yupela yet long dispela. Mi Bikpela bilong yupela God Yawe i tok.

¹ God Yawe i toktok long Moses, na tok olsem, ² "Tokim ol lain manmeri bilong Israel olsem, yupela i mas stap holi, olsem mi God Yawe bilong yupela i holi. ³ Olgeta lain i mas aninit long mama na papa, na lukautim Sabat bilong mi. Mi God Yawe bilong yupela. ⁴ Noken bihainim god giaman, o noken mekim god giaman long ol ain. Mi God Yawe bilong yupela. ⁵ Taim yu givim ofa bilong yu long lotuim God Yawe, yu mas givim i go na em bai wanbel wantaim yu. ⁶ Yu mas kaikai long dispela dei yu givim ofa, o long narapela dei. Sapos sampela i stap i go long namba tri dei, yu mas kukim long paia. ⁷ Sapos dispela i stap igo inap long namba tri dei na yu kaikai, em ino gutpela abus, yu noken kaikai. ⁸ Na olgeta lain i kaikai dispela ol i mas karim hevi bilong ol yet bilong wanem ol i bagarapim samting i holi long God Yawe, olsem na ol i mas rausim dispela man i go longwe long ol lain man meri bilong em. ⁹ Sapos yu kisim kaikai long gaden bilong yu, yu mas larim liklik istap long arere bilong gaden. Yu ino ken kisim olgeta kaikai. ¹⁰ Yu noken kisim olgeta kaikai bilong wain long gaden, na yu noken kisim ol dispela kaikai wain i pundaun long gaden bilong yu. Dispela em i bilong ol tarangu lain na ol arapela lain manmeri. Mi God Yawe bilong yupela. ¹¹ Noken stil. Noken giaman. Noken paulim ol manmeri long tok ino gat kaikai bilong en. ¹² Noken mekim giaman promis long nem bilong Mi na bagarapim Nem bilong God Yawe bilong yu. Mi yet mi God Yawe. ¹³ Noken daunim wantok bilong yu na stil long em. Na noken holim pei bilong ol wokman istap i go painim nait na igo long narapela moning. ¹⁴ Noken tok nogut long ol iau pas na noken putim hevi long ol ai pas. Tasol, yu mas pret long God bilong yu. Mi yet mi God Yawe. ¹⁵ Yu noken mekim giaman kot. Yu noken wansait long ol tarangu man, na yu noken wansait long ol man igat namba. Tasol, mekim stretpela kot long ol lain istap klostu long yu. ¹⁶ Yu noken wokabaut i go i kam na tok baksait namel long ol manmeri. Tasol, yu mas wok hat long helpim ol lain istap lostu long yu. Mi God Yawe. ¹⁷ Yu noken holim rong bilong brata bilong yu long bel bilong yu. Yu mas tok strong long helpim man istap klostu long yu long ol pasin nogut bilong em olsem sin bilong em i no inap pas long yu. ¹⁸ Yu noken bekim bek, o yu noken holim rong bilong ol wan lain bilong yu, tasol yu mas laikim ol olsem yu laikim yu yet. Mi yet mi God Yawe. ¹⁹ Yu mas lukautim lo bilong mi. Yu noken lukautim wanpela animol wantaim arapela kain animol. Noken bungim tupela arapela sit wantaim taim yu planim ol long gaden. Noken werim klos ol i mekim long tupela arapela kain laplap. ²⁰ Husait i slip wantaim yangpela wok meri ol i makim pinis long maritim man, tasol ol ino baim em yet o mekim em fri, ol i mas mekim save long tupela. Noken kilim ol i dai bilong wanem yangpela meri ino stap fri. ²¹ Man i mas kisim ofa bilong asua bilong em igo long God Yawe long dua bilong haus sel bilong bung. Kisim wanpela man meme bilong ofa bilong ausa. ²² Bihain bai Pris i mekim ofa bilong baim bek man wantaim man meme olsem ofa igo long God Yawe, bilong sin em i mekim pinis. Bai dispela sin em i mekim i ken pinis. ²³ Taim yu kam insait long dispela graun na planim pinis ol diwai i save karim kaikai, nau yu mas tambuim ol pikinini kaikai. Yu mas tambu i stap inap 3-pela yia. Noken kaikai ol dispela pikinini kaikai. ²⁴ Tasol long namba 4- yia olgeta pikinini kaikai mas holi, olsem ofa bilong litimapim nem blong God Yawe. ²⁵ Long namba 5- yia yu ken kaikai pikinini kaikai, olsem yu bin wet na ol diwai i karim planti moa pikinini kaikai. Mi God Yawe bilong yu. ²⁶ Noken kaikai ol kain mit i gat blut istap yet long en. Noken askim ol tevel long save long tumoro, na noken painim ol kain pawa long bosim ol arapela. ²⁷ Yu bai i no inap katim ol gras i raunim ol sait bilong het bilong yu o katim sot ol lonpela bilong maus gras bilong yu. ²⁸ Yu noken katim bodi bilong yu long makim dai o putim tatu mak long bodi bilong yu. Mi yet mi God Yawe. ²⁹ Noken bagarapim pikinini meri bilong yu na mekim em i kamap olsem pamuk meri, o olgeta lain manmeri bai i pundaun long pasin pamuk na ples bai pulap long ol pasin nogut. ³⁰ Yu mas lukautim dei Sabat bilong mi na daunim yu yet long ples tambu bilong lotu long haus sel bilong mi. Mi yet, mi God Yawe. ³¹ Noken bihainim ol man i save toktok wantaim ol dai man na wantaim ol tevel. Noken painim helpim long ol, o ol bai mekim yu doti. Mi God Yawe bilong yu. ³² Yu mas stap aninit long ol lapun man i gat wait gras na aninit long ol lapun man istap wantaim yumi. Yu mas poret long God bilong yu. Mi God Yawe. ³³ Sapos man bilong narapela hap i stap long graun bilong yu, yu noken mekim nogut long em. ³⁴ Man bilong narapela hap istap wantaim yu em i wankain olsem as ples pikinini Israel na yu mas laikim em olsem yu laikim yu yet, bilong wanem yu bin stap olsem narapela lain long ples Isip. Mi God Yawe, God bilong yu. ³⁵ Noken yusim giaman mak bilong makim long sekim longpela, hevi o namba bilong ol samting. ³⁶ Yu mas makim stret, skelim stret, kauntim stret. Mi God Yawe, God bilong yu, husait i kisim yu i kam aut long Isip. ³⁷ Yu mas bihainim olgeta toktok na lo bilong mi na mekim olsem. Mi yet mi God Yawe."

¹ God Yawe i tokim Moses, olsem, ² "Tokim ol manmeri bilong Israel na ol arapela lain husait i kam na stap long Israel, husait i givim wanpela pikinini bilong ol long Molek, mas kilim em i dai. Ol manmeri i stap long dispela graun i mas tromoi ston na kilim em. ³ Mi bai givim baksait long dispela man na rausim em long lain bilong en, long wanem em i givim pikinini bilong en long Molek, em i olsem, mekim ples holi bilong mi i bagarap na tu bagarapim Holi Nem bilong mi. ⁴ Sapos ol manmeri bilong dispela ples i pasim ai bilong ol long dispela man long taim em i givim wanpela pikinini i go long Molek, sapos ol i no putim em long dai, ⁵ Orait Mi yet bai Mi no inap putim ai long en wantaim ol lain manmeri na bai Mi rausim em olgeta na tu ol arapela manmeri husait i mekim pasin pamuk, amamas long ol yet na mekim pamuk wantaim Molek. ⁶ Wanpela man i toktok wantaim man i dai pinis, o toktok wantaim spirit bilong mekim pasin pamuk long ol yet, mi bai putim ai i go long dispela man, mi bai rausim em olgeta long lain manmeri bilong en. ⁷ Olsem na yupela i ken stap longwe long dispela kain pasin nogut na mekim yupela yet i kamap holi, blong wanem mi yet mi Yawe God bilong yupela. ⁸ Yu mas holim strong lo bilong mi, na karim wantaim na raun long olgeta hap. Mi God Yawe, mi bin makim yu long stap longwe long pasin nogut na stap holi. ⁹ Manmeri husait i mekim tok bilong bagarapim bel bilong papa o mama, em ol i mas kilim ol i dai. Em i mekim tok bilong bagarapim papa o mama, em i mekim tok nogut, olsem na em i mas dai long sin bilong en. ¹⁰ Man i mekim pasin pamuk wantaim meri bilong narapela, dispela em ol lain i mekim pasin pamuk wantaim meri bilong wantok, pamuk man na meri, tupela wantaim mas i dai. ¹¹ Sapos wanpela man i slip wantaim meri bilong papa bilong en, em i olsem putim ples klia sem bilong papa, olsem na pikinini man, meri bilong papa bilong en mas dai. Blut bilong ol bai pas long ol yet. ¹² Sapos man i slip wantaim meri tambu bilong en, tupela i mas dai. Tupela i mekim pasin i no stret. Olsem na bai tupela dai long pasin nogut bilong tupela. ¹³ Sapos wanpela man i slip wantaim narapela man, olsem em i meri, em i mekim pasin i doti stret. Olsem na tupela wantaim bai dai long pasin nogut bilong tupela. ¹⁴ Sapos man i maritim wanpela meri na bihain em i maritim mama bilong em, dispela pasin i no stret. Kilim man na meri, kukim long paia, olsem bai i no gat pasin nogut bai stap namel long yupela. ¹⁵ Sapos man i slip wantaim animol, em yupela i mas kilim dispela man wantaim animol i dai. ¹⁶ Sapos wanpela meri i laik long holim animol long slip wantaim, yu mas kilim dispela meri wantaim animol long pasin nogut bilong meri na bai em i dai. ¹⁷ Sapos wanpela man i slip wantaim susa bilong en, pikinini meri bilong papa o pikinini meri bilong mama bilong em, em i kmapim ples klia sem bilong susa, na meri i lukim sem bilong en, dispela em pasin bilong bikpela sem tru. Ol i mas stap longwe long ol lain manmeri bilong ol, long wanem em i slip pinis wantaim susa bilong en. Em i mas karim asua bilong em yet. ¹⁸ Sapos man i slip wantaim meri i lukim sik mun na slip wantaim em, em i putim ples klia blut bilong sik mun i save kam, em as bilong blut. Bai ol rausim tupela wantaim, man na meri long namel long lain manmeri bilong tupela. ¹⁹ Yu noken slip wantaim susa bilong mama, o wantaim susa bilong papa bilong yu, long wanem yu bai bagarapim bel bilong ol famali bilong yu. Yu mas karim asua bilong yu yet. ²⁰ Sapos man i slip wantaim meri bilong kandre bilong en, em i bagarapim na daunim gutpela nem bilong kandre bilong em. Bai tupela wantaim karim hevi bilong sin bilong tupela na tupela i no kamapim pikinini yet na dai. ²¹ Sapos man i maritim meri bilong brata bilong en, taim brata bilong en i stap laip yet, dispela em i no stret. Em i mekim pasin i no stret long brata bilong en na bai mi rausim samting i stap long han bilong ol pikinni, em ol samting we ol i bin kisim long han bilong papamama. ²² Olsem na yu mas holim olgeta gutpela samting na olgeta gutpela save, yu mas bihainim em inap long wanem graun bai mi kisim yu i go stap, bai i no inap long trautim yu. ²³ Yu noken wokabaut long pasin tumbuna bilong dispela lain manmeri, dispela lain bai mi rausim ol paslain long yu, long wanem ol i bin mekim dispela pasin, olsem na bai mi rausim ol. ²⁴ Mi bin tokim yu, "yu bai i go insait long graun bilong ol, mi bai givim i go long yu na bai yu kisim, dispela graun we i pulap long milk na ani. Mi yet mi God Yawe, mi God bilong yu, mi bin skelim na makim yu long graun bilong arapela lain. ²⁵ Olsem na yu mas skelim namel long ol klinpela animol na i no klin na skelim klinpela pisin na i no klin. Yu noken bagarapim yu yet wantaim i no klin long en animol o pisin o wanem samting i gat laip i save slip antap long graun na wokabaut antap, em mi bin lukim na skelim ol pinis olsem i no klin long yu. ²⁶ Yu mas i stap holi, olsem mi God Yawe mi stap holi na mi bin skelim na makim yu long arapela lain manmeri, olsem yu i bilong mi. ²⁷ Man na meri i toktok wantaim dai man o toktok wantaim spirit, OI i mas kilim ol i dai. Manmeri i mas tromoi ston long ol na kilim ol i dai long pasin nogut bilong ol".

¹ God Yawe i tokim Moses. Tokim ol Pris olsem, ol pikinini man bilong Aron i tokim ol, nogat wanpela namel long yu bai mekim doti long lain ol dai namel long ol manmeri bilong em. ² Tasol long ol klostu femili olsem mama bilong em, papa bilong em, ol pikinini man bilong em, ol pikinini meri bilong em, na ol brata bilong em. ³ O susa bilong em i no slip wantaim wanpela man yet, husait em i tingting long em, long wanem em i nogat man, long em i mas mekim em yet i doti. ⁴ Tasol em i mas no ken mekim em yet i kamap doti long ol arapela femili na bagarapim em yet. ⁵ Pris i mas noken katim het gras bilong ol o katim olgeta maus gras bilong ol o katim bodi bilong ol. ⁶ Ol i mas i stap holi long God Yawe na noken bagarapim nem bilong God Yawe, long wanem pris i save mekim ofa long God Yawe, ol kaikai ofa na bret bilong God Yawe, olsem na ol pris i mas i stap holi. ⁷ Ol i noken maritim ol pamuk meri na husait i gat asua, ol i noken maritim ol meri i brukim marit na lusim man bilong ol i skelim ol yet long ai bilong God Yawe. ⁸ Yu bai putim em long we, em dispela man tasol i bin ofarim bret long God Yawe. Em i mas i stap holi long yu, long wanem mi God Yawe mi mekim yu i holi. ⁹ Sapos wanpela pikinini meri bilong wanpela pris i mekim sin na kamap pamuk meri na givim sem long papa bilong em, ol i mas kukim em long paia. ¹⁰ Na wanpela ol brata husait i het pris namel long ol, long het bilong en ol i bin kapsaitim wel long makim em na husait i bin putim olgeta tingting long werim longpela klos bilong het pris, em i noken pasim gras bilong em i lus o brukim klos bilong em. ¹¹ Em i mas no ken i go long sampela hap bodi bilong man i dai pinis o kamap doti, sapos papa o mama bilong em. ¹² Het pris i mas noken lusim rum tambu bilong em long haus bodi i stap long en. Sapos em i mekim olsem em bai i mekim haus bilong God Yawe i kamamp doti, ol i welim em pinis long wel mi givim yupela. Mi God Yawe. ¹³ Het pris i mas maritim wanpela meri i no slip wantaim wanpela man olsem meri bilong em. ¹⁴ Em mas noken maritim wanpela meri man bilong em i dai pinis, meri i lusim man bilong em, o pamuk meri em bai i no inap maritim ol dispela kain meri. Em i mas maritim meri i no slip wantaim wanpela man long ol lain bilong em yet ¹⁵ Olsem na em bai i no inap bagarapim ol pikinini bilong em namel long ol manmeri bilong em, long wanem mi God Yawe, husait i mekim em i kamap holi. ¹⁶ Bikpela i tokim Moses. olsem, ¹⁷ ''Singautim Aron na tokim em olsem, husait tumbuna lain manmeri bodi bilong ol i bagarap, em i noken i go mekim ofa long God Yawe. ¹⁸ Wanpela man husait bodi bilong em i bagarap em mas noken go klostu long God Yawe, wankain long ol ai pas man na husait i no inap long wokabaut, gut wantaim husait i no kamap gut. ¹⁹ Na man wantaim han na lek i krungut, ²⁰ Man husait baksai bilong em i krungut, o man i sotpela tru, o man ai bilong em i nogut, o man skin i bagarap, o man bol bilong em i bagarap. ²¹ Nogat man namel long tumbuna bilong Aron na pris wantaim bodi i bagarap inap kam klostu long mekim ofa bilong mekim paia long God Yawe, kain man olsem bodi i bagarap, em mas i noken kam klostu long ofarim bret long God Yawe. ²² Em i ken kaikai ol kaikai bilong God Yawe, na sapos sampela kaikai i holi tru na sampela i holi. ²³ Tasol em i noken go insait klostu long laplap i karamapim rum tambu na kam klostu long alta, long wanem bodi bilong em i bagarap, olsem na em i noken bagarapim holi ples bilong mi, mi God Yawe, husait i mekim ol kamap holi. ²⁴ Olsem na Moses i tokim dispela toktok long Aron, long ol pikinini man bilong em na ol manmeri bilong Israel.

¹ God Yawe tokim Moses, olsem, ² Tokim Aron na ol pikinini man bilong em long stap longwe long samting i holi long manmmeri bilong Israel. Em ol samting i holi. Ol i noken daunim holi nem bilong mi. Mi God Yawe. ³ Taim ol lain tumbuna pikinini i kamap bihain, ol i noken go klostu long ol samting istap holi long bikpela. Taim ol i no stap stret na klin, orait yupela mas kilim ol na pinisim ol. Mi God Yawe i tok. ⁴ Husait ol lain tumbuna pikinini bilong Aron i gat sua samting long bodi bilong em, ol i noken kaikai ol kaikai ol i givim olsem ofa long God Yawe. Ol i ken kaikai taim ol i kamap klin. Husait manmeri i holim ol samting i no klin olsem bodi i dai stap o man skin bilong me blut o susu i kam aut long bodi bilong em. ⁵ O husait i holim ol abus na binatan i no klin, em bai stap doti we narapela man o meri i mekim em doti, o wanem narapela samting i mekim em doti, ⁶ na pris husait i holim ol samting i doti em bai stap doti igo inap apinun. Em i noken kaikai ol samting i holi inap em i waswas long wara pastaim. ⁷ Taim san i go daun long apinun em bai kamap klin na em i ken kaikai ol samting i holi, long wanen em ol kaikai bilong em. ⁸ Em i mas noken kaikai ol abus i dai long en o narapela wel abus oi i kilim, we bodi i bagarap long em, em bai i bagarapim em yet. Mi God Yawe. ⁹ Ol pris i mas bihainim ol tok bilong mi, sapos ol i no bihainim na mekim sin bai ol i dai. Mi God Yawe i save mekim ol i stap holi. ¹⁰ Husait i no long lain famili bilong pris, olsem ol wokmanmeri bilong pris o wantok bilong pris ol i mas kaikai samting i holi. ¹¹ Tasol sapos pris i baim wanpela man o meri long mani bilong em yet olsem ol wokmanmeri bilong em, orait ol i ken kaikai dispela holi kaikai ¹² Sapos pikinini meri bilong pris i maritim man em i no pris, orait em i noken kaikai ol dispela kaikai i holi. ¹³ Tasol sapos man bilong pikinini meri bilong pris i dai o man i lusim em na sapos em i nogat ol pikinini, olrait em i kam bek gen na stap long haus bilong papa bilong em na em i kisim kaikai bilong pris. ¹⁴ Sapos wanpela man i no save na i kaikai holipela kaikai bilong pris, em i mas bekim bek ol kaikai bilong pris, em i mas putim 5- pela hap moa antap na givim bek igo long pris. ¹⁵ Ol manmeri bilong Israel i noken daunim o tok nogut long ol samting ol i putim antap long God Yawe olsem holi ofa. ¹⁶ Na i mekim ol yet sin manmeri long ai bilong bikpela, taim ol i kaikai ol dispela kaikai i tambu na i holi, long wanem mi God Yawe i save mekim ol i holi. ¹⁷ God Yawe i toktok long Moses, olsem, ¹⁸ . Tokim Aron, na ol pikinini man bilong em na olgeta manmeri bilong Israel. Tokim ol olsem, husait ol manmeri bilong Israel o ol manmeri bilong narapela hap istap wantaim yupela i laik mekim ofa, em ofa bilong inapim lo o ofa long laik bilong wanwan, o ofa bilong paia i kukim olgeta long God Yawe, ¹⁹ sapos yu laikim em i kisim ol animol man i gutpela, nogat sik o bagarap long bodi bilong ol, em ol kau, sipsip na ol meme. ²⁰ Tasol yu noken ofarim ol abus bodi bilong ol i gat sik o bagarap. Mi no inap tok orait long dispela. ²¹ Husait i laik givim ofa bilong stap bung wantaim na inapim ol lo, o laik bilong wanwan, i mas ofarim ol abus i nogat asua na bagarap i stap long en. ²² Yu noken ofarim ol animal i ai pas, o i no gat strong na i gat kainkain sua na kaskas long skin. Yu no ken ofarim ol dispela long paia i kukim olgeta blong God Yawe, long alta. ²³ Yu long laik bilong yuyet i ofarim bulmakau man o yangpela pikinini sipsip lek han i krunkut o liklik tru, kain ofa olsem ol inoinap kisim olsem lo i tok. ²⁴ Noken givim ofa long God Yawe, ol animal skin bilong ol i bruk or krungut long em, ol man abus ol i bin katim na rausim bol bilong ol, yu noken mekim olsem long graun bilong yupela. ²⁵ 'Yu noken givim bret olsem ofa long God. Ol bret ol manmeri long narapela hap i givim yu long em na ol abus i gat bagarap long bodi bilong ol, em Bikpela bai no laikim dispela kain ofa. ²⁶ God Yawe i toktok long Moses na i tok olsem, ²⁷ ''Taim pikinini bulmakau, pikinini sisip na pikinini meme mama i karim nupela, em ol dispela pikinini i mas stap wantaim mama igo inap long 7-pela dei. Bihain long 8-dei igo olsem yu ken ofarim long paia i kukim olgeta long God Yawe. ²⁸ Yu noken kilim mama o pikinini bulmakau na sipsip tupela long wan-pela dei tasol. ²⁹ Taim yu kukim tenkyu ofa long God Yawe, yu mas mekim long pasin em i stret long em. ³⁰ Yu mas kaikai na pininsim ol abus yu kukim long alta long dispela de tasol, yu noken larim i go long narapela dei. Mi God Yawe ³¹ Olsem na yu mas holim na bihainim ol lo bilong mi. Mi God Yawe. ³² Yu noken kolim nating holi nem bilong mi. Yupela ol manmeri bilong Israel mas luksave long mi olsem mi holi. Mi God Yawe, husait i save mekin yupela i stap holi, ³³ husait i bin kisim yupela kam aut long graun bilong ol Isip bilong kamap God bilong yupela, Em mi God Yawe.

¹ God Yawe i toktok long Moses, ² "Tokim ol manmeri bilong Israel, na tokim ol olsem, 'Dispela em i bikpela bung bilong God Yawe i makim, olsem na yupela i mas kam bung na lotu, dispela em ol nanrapela kain bung yupela i mas holim olgeta taim. ³ Yupela i ken wok long ol 6-pela de tasol long dei 7 em i Sabat dei bai olgeta pasim wok bilong malolo, bung na lotu. Yupela noken mekim wok long wanem em i malolo dei bilong God Yawe inap true long wanem hap ples yupela i stap. ⁴ 4. Dispela em ol bikpela bung God Yawe i makim, Dispela bung em i holi bung yu mas tokaut long ol taim ol i kam bung na lotu. ⁵ 5. Insait long namba wan mun, long namba 14 de long dispela mun long taim ples i laik tudak, pasova bilong God Yawe. ⁶ 6. Long namba 15 de bilong dispela mun em i bikpela bung bilong bret i nogat yis bilong God Yawe. Yupela i mas kaikai dispela bret i nogat yis inap long 7-pela de olgeta. ⁷ 7. Long namba wan de yupela i mas redi na kam bung wantaim, yupela i noken mekim ol wok bilong yupela. ⁸ 8. Yupela i mas givim kaikai ofa i go long God Yaweh long namba 7 dei. De namba 7 em wanpla bung ol i makim bilong God Yawe, na long dispela de yupela i mas noken mekim kainkain wok.'' ⁹ 9. God Yawe i toktok long Moses olsem, ¹⁰ 10.'' Toktok long ol, manmeri bilong Israel na tok, Taim yu kam long dispela graun bai mi givim yupela long en na taim yupela i kisim kaikai i mau long gaden bilong yupela, orait yupela i mas kisim nek pas bilong namba wan kaikai wit i go long pris. ¹¹ 11. Em i bai apim nek pas wit long ai bilong God Yawe na givim i go long em na em bai kisim long makim yu. Na bihain long de Sabat bai pris i apim na givim i kam long mi. ¹² 12. Long dispela de taim yu apim neck pas wit na givim i kam long mi, yu mas kisim wanpela man sipsip i gat wanpela krismas na i nogat sua long em na mekim ofa paia i kukim olgeta i go long God Yawe. ¹³ 13. Na dispela wit ofa wantaim tupela hap bilong 10-pela long epa na gutpela plawa ol i tanim wantaim wel, mekim ofa paia i kukim olgeta i go long God Yawe, na kamapim gutpela swit smel wantaim dring ofa bilong wain, klostu long 4pela hap kap bilong wine. ¹⁴ 14. Yupela i noken kaikai bret o kuk kaikai o nupela wit, inap long dispela dei yupela i kisim dispela ofa i kam long God bilong yupela. Dispela em kamap wanpela bikpela lo i stap oltaim namel long ol lain manmeri bai kamap bihain na long olgeta hap yupela i stap. ¹⁵ 15. Statim long de bihain long sabat, dispela em de yupela i mas kisim nek pas wit i kam olsem ofa bilong holim han i go i kam na kauntim inap long 7-pela wik olgeta. ¹⁶ Yupela i mas kaunim 50-pela de, em dispela de bihain long namba 7 Sabat. Na yupela i mas givim nupela wit olsem ofa i go long God Yawe. ¹⁷ Yu mas kisim ikam long haus bilong yupela yet, tupela bret ol i mekim long tupela hap bilong10 pela long epa na yupela mas mekim long gutpela plawa na kukim wantaim yis, em bai kamap olsem holim han i go i kam ofa bilong namba wan kaikai i go long God Yawe. ¹⁸ Yupela mas givim bret wamtaim 7-pela sipsip i gat wanpela krismas bilong ol na nogat sua long em, wanpela yangpela bulmakau na tupela man sipsip. Ol i mas kamap olsem ofa paia i kukim olgeta i go long God Yawe, wantaim wit ofa bilong yupela na dring ofa bilong yupela, mekim ofa paia i kukim olgeta na kamapim gutpela smel i go long God Yawe. ¹⁹ Yupela i mas mekim sin ofa long wanpela man meme na givim tupela man sipsip em i gat wanpela krismas olsem bung lotu ofa. ²⁰ Pris i mas holim long han na soim i go i kam wantaim namba wan kaikai bilong bret long ai bilong God Yawe na givim ol yet olsem ofa wantaim tupela sipsip. Ol bai i kamap olsem klinpela ofa i go long God Yawe bilong pris. ²¹ Yupela i mas tokaut long dispela de. Bai i gat bung bilong lotu na noken mekim ol kainkain wok bilong yupela. Dispela bai i kamap olsem wanpela bikpela lo namel long ol lain manmeri na tumbuna lain bilong yupela long olgeta ples yupela i stap. ²² Taim yupela kisim kaikai i mau long graun bilong yupela, Yupela i noken kisim olgeta kaikai long olgeta kona long gaden bilong yupela na noken bungim olgeta hap hap kaikai. Yupela i mas larim bilong ol trangu lain na bilong ol narapela lain i bin i kam stap wantaim yupela. Mi God Yawe, God bilong yupela. ²³ 23 God Yawe i toktok long Moses olsem, 24 ²⁴ Tokim ol manmeri bilong Israel olsem,' Long namba 7 mun, long namba wan de bilong dispela mun bai yupela i kisim bikpela malolo, em i taim bilong tingting bek na bloim bikul na bung lotu. ²⁵ 25Yupela i noken mekim ol kainkain wok na mekim nupela ofa paia i kukim olgeta i go long God Yawe. ²⁶ Na God Yawe i toktok long Moses olsem, ²⁷ Nau long namba 10 de bilong dispela namba 7 mun em dispela de bilong tok sori na kamap wanbel wantaim God. Em i holi bung na yupela i mas daunim yupela yet na mekim wanpela ofa paia i kukim olgeta i go long God Yawe. ²⁸ Yupela i noken mekim wok long dispela de long wanem em i de bilong tok sori na kamap wanbel. Yupela yet i mekim pasin bilong kamap wanbel long ai bilong God Yawe.' ²⁹ Husait man i no daunim em yet long dispela de ol i mas rausim em namel long ol manmeri bilong em. ³⁰ Husait manmeri i mekim wok long dispela de, Mi, God Yawe, bai bagarapim em namel long ol manmeri bilong em. ³¹ Yupela i mas noken mekim ol kainkain wok long dispela de. Dispela i kamap bikpela lo bai stap oltaim namel long ol lain manmeri na tumbuna lain bilong yupela long wanem hap yupela i stap. ³² Dispela de em sabat taim bilong yupela long kisim gutpela malolo na daunim yupela yet long namba 9 de long dispela mun long taim ples i kol. Long olgeta abinun i go abinun ples i kol em i Sabat dei bilong yupela. ³³ 33 God Yawe i toktok long Moses olsem, ³⁴ Tokim ol manmeri bilong Israel olsem, long namba 15 dei bilong namba 7 mun em i bikpela bung bilong haus bilong God Yawe. Em bai kamap inap long 7-pela dei. ³⁵ 35 Long namba wan dei i mas i gat holi bung. Noken mekim ol kainkain wok. ³⁶ Long 7-pela dei yupela i mas wokim nupela ofa paia i kukim olgeta i go long God Yawe. Long namba 8 dei i mas i gat holi bung na yupela mas mekim nupela ofa paia i kukim olgeta i go long God Yawe. Dispela em bikpela bung na yupela noken mekim ol kainkain wok. ³⁷ 37 Dispela ol bikpela bung God Yawe i makim, yupela i mas mekim ol holim ol bung i holi na wokim nupela ofa paia i kukim olgeta i go long God Yawe, ofa paia i kukim olgeta na wit ofa, nupela ofa na dring ofa, long wan wan de bilong en yet. ³⁸ Dispela bikpela bung bai i go wantaim sabat bilong God Yawe na ol presen bilong yupela na gutpela pasin bilong lotu na ol ofa yupela i mekim long laik bilong yupela yet olsem yupela i givim i go long God Yawe. ³⁹ Long dispela bikpela bung bilong haus bilong God, long namba 15 dei bilong namba 7 mun, taim yupela i kisim kaikia i mau long graun bilong yupela, yupela i mas holim dispela bikpela bung bilong God Yawe inap long 7-pela dei. Long namba wan dei em taim bilong kisim malolo na long dei namba 8 em taim bilong kisim gut malolo. ⁴⁰ Long namba wan dei yupela i mas kisim gutpela kaikai long diwai, long han bilong diwai pam na han bilong diwai i pulap long lip long bikpela diwa na liklik hap diwai long wara na yupela bai amamas long God Yawe bilong yupela inap long 7-pela dei. ⁴¹ Long namba 7 dei bilong olgeta yia, yupela i mas amamas long dispela bikpela bung bilong God Yawe. Dispela em i olsem wanpela bikpela bung i stap wantaim ol lain manmeri na tumbuna lain bilong yupela long olgeta hap yupela bai stap long en. Yupela i mas amamas long dispela bung insait long namba 7 mun. ⁴² Yupela i mas stap long liklik haus long 7-pela dei. Olgeta as ples Israel i mas stap long liklik haus inap long 7-pela dei. ⁴³ olsem na ol tumbuna lain manmeri i mas save long stap insait long kain liklik haus taim mi kisim ol i kam aut long Isip. Mi yet mi God Yawe, God bilong yupela. ⁴⁴ Long dispela rot, Moses i tokaut long ol lain manmeri bilong Israel long ol bikpela bung bilong God Yawe.

¹ God Yawe i tokim Moses Olsem, ² "Tokim ol manmeri bilong Israel, ol i mas bringim gutpela oliv wel bilong lam insait long haus sel bilong mi na ol pris i ken laitim lam na paia i mas lait long olgeta dei. ³ Autsait long bikpela laplap i haitim kontrak box i stap long en we sel bilong lotu i stap, Aron i mas laitim ol dispela lam i go inap monin na avinun, paia i mas lait i stap long ai bilong God Yawe. Dispela lo bai i stap olsem tasol long ol lain manmeri i kamap bihain. ⁴ Ol pris i mas lukautim gut lam i lait na i mas lait long ai bilong God Yawe, we ol i bin wokim stik bilong lam long gol. ⁵ Yupela i mas kisim 12-pela kilogrem plawa na wokim ol bret long dispela. ⁶ Bihain yupela i mas putim ol dispela bret long tempol ol i bin wokim long diwai Akas na gutpela gol long ai bilong mi God Yawe. Lainim ol bret long 2-pela lain, 6 pela long wan wan lain. ⁷ Yupela i mas putim sampela gutpela smel pauda bilong kamapim gutpela smel i go long mi Bikpela. Dispela bret ol i mas kukim i go long God Yawe. ⁸ Long olgeta Sabat dei, ol pris i mas putim bret long tebol na mi God Yawe i mas lukim. Oltaim ol manmeri bilong Israel i mas bihainim dispela kain pasin olsem mak bilong kontrak i stap oltaim. ⁹ Dispela ofa em bilong Aron wantaim ol pikinini bilong em, olgeta taim ol i mas kisim dispela kaikai insait long haus sel bilong mi, long wanem dispela ofa ol manmeri bilong mi i givim long tingim mi, em samting i Holi, bilong God Yawe ol i mekim long paia. ¹⁰ Nau em i kamap olsem long pikinini man bilong ol meri Israel, husait papa bilong em i bilong Isip, em i go namel long ol manmeri bilong Israel. Dispela man pikinini bilong ol meri Israel i pait bek long ol pikinini man bilong ol Israel insait long kem bilong ol. ¹¹ Dispela pikinini bilong meri Israel i daunim nem bilong God Yawe, olsem na ol manmeri i kisim em i go long Moses. Nem bilong mama bilong em Selomit, pikinini meri bilong Dibri, long lain bilong Dan. ¹² Ol i putim em long kalabus inap God Yawe em yet i tok klia long laik bilong em long ol. ¹³ Bihain God Yawe i tokim Moses olsem, ¹⁴ "Kisim dispela man husait i bagarapim Nem bilong God Yawe i go autsait long kem. Olgeta husait i harim em i mas putim han long het bilong ol, orait nau olgeta lain long dispela ples i mas tromoi ston long em. ¹⁵ Yupela i mas tokim ol manmeri bilong Israel olsem, husait i bagarapim God, em i mas kisim hevi bilong em yet. ¹⁶ Husait i daunim Nem bilong God Yawe, em i mas dai. Ol lain long dispela ples i mas tromoi ston long em, maski em man long Israel o man long narapela hap kantri i stap wantaim ol lain Israel. Sapos wanpela man i daunim nem bilong God Yawe, yupela i mas kilim em i dai. ¹⁷ Sapos wanpela man i barapim narapela man, yupela i mas kilim em i dai. ¹⁸ Sapos wanpela man i kilim wanpela animol bilong narapela man, em i mas bekim na givim wankain animol i stap laip long en. ¹⁹ Sapos wanpela i bagarapim wantok bilong em, orait yupela i mas bagarapim em wankain olsem em i bagarapim wantok bilong em, ²⁰ sapos em i brukim bun bilong em, brukim bun bilong em tu na sapos em i brukim ai bilong narapela man, brukim ai bilong em tu na sapos em i brukim tit bilong narapela, brukim tit bilong em tu. Olsem em i mekim long givim bagarap long dispela man, mekim wankain long em tu. ²¹ Sapos husait i kilim i dai ol animol em i mas bekim na sapos wanpela husait i kilim man i dai ol i mas kilim em i dai tu. ²² Yupela mas i gat wankain lo long ol man i kam long narapela hap na ol asples pikinini i kamap long Israel, Mi God Yawe bilong yupela. ²³ Orait, Moses i tokim ol manmeri bilong Israel na ol i kisim dispela man i kam autsait long kem, man husait i tok nogutim nem bilong God Yawe. Olgeta i mas tromoi ol ston antap long em. Olgeta manmeri bilong Israel i bihainim tok bilong God Yawe i tokim Moses long en.

¹ God Yawe i toktok long Moses untap long maunten Sinai na i tok, ² " Tokim ol manmeri bilong Israel na tokim ol olsem, Taim yupela i kamap long graun we mi givim yupela, yupela i mas mekim dispela graun i lukautim Sabat bilong God Yawe. ³ Yu mas planim gaden inap long 6-pela yia na long 6-pela yia you mas katim han bilong wain na pikim ol pruit em i kamapim. ⁴ Tasol long namba 7-yia, yupela i mas lukautim wanpela Sabat bilong solem, em sabat bilong God Yawe. Yu mas noken planim gaden bilong yu o katim wain gaden bilong yu. ⁵ Yu mas noken mekim wok long kisim kaikai we i kamap ol yet, na yu i mas noken mekim wok long kisim kaikai bilong ol fruit bilong wain i kamap long wain diwai, yu i noken katim han bilong en. Dispela em bai yia bilong solem malolo bilong graun. ⁶ Wonem samting yu no wok long en i kamap long Sabat yia bai kaikai bilong yu. Yu, ol man na meri woklain bilong yu, ol wokboi yu haiarim na ol manmeri bilong narapela hap usait i stap wantaim yu i ken bungim kaikai, ⁷ na olgeta bulmakau na tu arapela animol i ken kaikai wonem graun i kamapim long em. ⁸ Yu mas kauntim 7-pela sabat bilong yia, em i, 7-pela taim 7-yia, olsem bai i gat 7-pela sabat bilong yia bungim wantaim i kamap 49-pela yia. ⁹ Olsem na yu mas winim trampet bikpela tru long olgeta hap long namba 10 dei bilong namba 7-mun. Long dei bilong baim bek man yu i mas winim trampet long olgeta hap graun. ¹⁰ Yu mas givim namba 58-yia i go long God Yawe na tokim aut olsem olgeta samting antap long ples graun ino moa i stap long kalabus. Em bai kampa wanpela bikpela dei bilong yu, long wonem ol samtin, na kalabus lain mas i go bek long long femili bilong ol. ¹¹ Na naba 58-yia bai i kamap wanpela bikpela yia bilong amamas bilong yu. Yu mas noken planim o kisim kaikai long gaden. Kaikai ol kaikai we ol yet i kamap, na bungim ol fruit bilong wain i kamap long diwai wain yu ino katim han bilong en. ¹² Long wonem em i taim bilong amamas, we em bai holi long yu. Yu mas kaikai ol kaikai i kamap long ol yet autsait long gaden bilong yu. ¹³ Yu mas salim olgeta manmeri igo bek long ples graun bilong ol long yia bilong bikpela amamas. ¹⁴ Sapos yu salim ol graun igo long husait i stap klostu long baim ol graun long usait i stap klostu long yu, yu noken giamanim ol o mekim asua long ol. ¹⁵ Sapos yu baim graun long husait i stap arere long yu, tingim namba bilong yia na kaikai we yu ken kisim na kaikai i go inap long narapela yia bilong bikpela amamas. Ol lain husait i stap klostu long yu i salim graun i mas tingim dispela tu. ¹⁶ Wanpela bikpela namba bilong yia igo inap long narapela yia bilong amamas, gutpela bilong graun bai i go antap, na wanpela liklik namba bilong yia inap long narapela yia bilong amamas gutpela bilong graun bai i go daun, long wonem namba bilong taim bilong kisim kaikai long graun we graun bai givim long nupela papa bilong graun bai wankain olsem namba bilong ol yia bipo long narapela yia bilong amamas. ¹⁷ Yu mas noken giaman o mekim nogut long ol arapela, olsem na yu mas givim biknem long God, bilong wonem mi God Yawe, God bilong yu. ¹⁸ Olsem na yu mas harim ol tok oda, lukautim ol lo bilong mi na bihainim ol gut. Na bai yu bai stap gut long ples graun. ¹⁹ Dispela graun bai kamapim ol kaikai bilong en na bai yu kaikai planti na stap laip na stap gut. ²⁰ Yu bai askim olsem,'' bai mipela i kaikai wonem long yia namba 7. sapos mipela i no planim o kisim ol kaikai? ²¹ Bai mi givim oda long blesing bilong mi long kam antap long yu insait long yia namba 6, na em bai kamapim kaikai inap long 3-pela yia. ²² Yu bai planim long yia namba 8 na kaikai yet long ol kaikai bilong ol yia igo pinis we yu bungim i stap. Inap long taim bilong kisim kaikai long yia namba 9 i kam insait, yu bai kaikai long ol kaikai yu bungim i stap long en long ol yia. ²³ Noken salim dispela graun i go long nupela man bilong wonem, dispela graun em i bilong mi. Yupela olgeta man bilong narapela hap i kam stap tasol long graun bilong mi. ²⁴ Yu mas luk save olsem God i bin baim bek olgeta graun we yu i stap long en, yu mas larim ol dispela femili husait yu baim graun long en i mas baim bek dispela graun. ²⁵ Sapos wanpela brata bilong yu wanpela man Israel igat liklik mani na kago na long dispela as em i salim ol kago bilong em, orait kandre brata bilong em i ken kam na baim ken ol dispela kago em i salim long en. ²⁶ Sapos dispela man i nogat kandre brata long baim bek ol dispela kago bilong em, tasol sapos em i sindaun gut ken na i gat strong lo baim bek ol kago bilong em, ²⁷ orait em i ken kauntim olgeta yia long taim we em i bin salim graun na givim bek mani bilong husait man em i salim graun long en. Orait em i ken i go bek long graun bilong em. ²⁸ Tasol sapos em no inap long kisim bek graun bilong em yet orait dispela graun em i salim bai i stap olsem graun bilong usait i bin baim long en i go inap long yia bilong bikpela hamamas. Na long yia bilong bikpela hamamas, dispela graun bai kam bek long manh usait i salim, na papa tru bilong graun bai go bek long graun bilong em. ²⁹ Sapos wanpela man i salim haus insait long biktaun we bikpela banis i raunim, orait em i ken baim bek insait long wanpela yia bihain long taim em i salim. Long wanpela yia em bai i gat pawa long baim bek. ³⁰ Sapos em i no baim bek dispela haus long wanpela yia, orait dispela haus insait long taun i gat banis bai i kamap samting bilong husait man i baim wantaim ol tumbuna pikinini bilong em. Em bai i no inap givim igo bek long yia bilong bikpela amamas. ³¹ Tasol haus bilong ol man meri long ples i nogat banis long en bai i kamap olsem bus bilong graun. Ol i ken baim bek, na dispela graun i mas igo bek ken insait long yia bilong bikpela amamas. ³² Tasol, ol haus we em bilong ol Livai insait long bik taun ol i ken baim bek long wonem taim ol i laik kisim bek. ³³ Sapos wanpela bilong ol Livai i no baim bek wanpela haus we em i salim long en, Orait ol dispela haus we ol i salim long en insait long bik taun we em i stap long en i mas i go bek ken insait long yia bilong bikpela amamas, bilong wonem haus bilong ol Livai insait long bik taun em kago bilong ol namel long lain Israel. ³⁴ Tasol ol ples graun we i raunim bikpela taun, ol i mas i noken salim long wonem em i graun trutru bilong ol Livai. ³⁵ Sapos wan haus lain man bilong yu i nogat kago na mani, na em i no inap moa lukautim em yet, orait yu mas helpim em olsem yu i nap helpim wanpela man bilong narapela hap o ol arape husait i stap wantaim yu. ³⁶ Noken mekim em paim dabol mani o usim em long ol arapela rot long mekim mani bilong yu, tasol givim biknem long God bilong yu olsem brata bilong yu i ken stap yet wantaim yu. ³⁷ Yu mas noken givim em mani na putim profit antap wantaim, o salim ol kaikai bilong yu long em long mekim mani. ³⁸ Mi yet mi God Yawe, husait i kisim yu i kam autsait long Isip, long wonem me ken givim yu graun bilong Kenan mi i ken kamap God bilong yu. ³⁹ Sapos wanpela bilong yu i nogat mani na kago na i salim em yet long yu, yu noken mekim em wok olsem kalabus man. ⁴⁰ Lukautim em olsem wokman bilong yu. Em imas kamap olsem man husait i kam stap wantaim yu long liklik taim tasol. Em bai kamap wokboi bilong yu igo inap long yia bilong bikpela amamas. ⁴¹ Na em i mas lusim yu na go, em na ol pikinini bilong em wantaim, na igo bek long ol lain femeli na ples graun bilong papa bilong em. ⁴² Long wonem em ol i wokman bilong mi we mi kisim ol i kam aut long graun bilong Isip. Ol bai i no inap kamap olsem kalabus man. ⁴³ Yu noken bosim ol nogut, tasol yu i mas givim biknem long God bilong yu. ⁴⁴ Na long wokboi bilong yu, yu i ken kisim ol long ol ples i stap klostu long yu, na yu ken baim wokboi long ol. ⁴⁵ Yu ken baim ol wokboi long ol narapela lain husait i stap namel wantaim yu, em olsem, long femili bilong ol husait i stap wantaim yu, ol pikinini husait i kamap long graun bilong yu. Ol i ken kamap kago bilong yu. ⁴⁶ Yu i ken mekim kamap lo kain wokboi olsem samting bilong ol pikinini bilong yu bihain long yu, long holim olsem kago bilong ol, na wokim i kamap wokboi long laip taim bilong ol, tasol yu mas noken kamap bos antap moa long ol brata bilong yu namel long ol lain Israel wantaim pasin nogut. ⁴⁷ Sapos wanpela man long narapela hap i stap wantaim yu i kamap olsem man i gat planti mani na kago, na sapos wanpela man Israel i nogat mani na kago na salim em yet long dispela man bilong narapela hap, o sampela lain long femeli bilong dispela man, ⁴⁸ Bihain long taim wanples man bilong yu long Israel ol i bin baim em, yu ken baim bek em. Sampela lain insait long femeli bilong em i ken baim bek em. ⁴⁹ Em i ken brata bilong mama o papa bilong em, o pikinini bilong brata mama o papa bilong em husait i ken baim bek em, o ol lain kandre bilong long lain femeli bilong em. O sapos em i kamap man i gat planti kago na mani, em i ken baim bek em yet. ⁵⁰ Em i mas kamap wantaim toktok long grisim bel bilong man husait i baim em, na em wantaim man husait i baim em i mas kauntim taim yia em i salim em yet i go inap long yia bilong bikpela amamas. Baim bek mani bilong em i ken go fri antap long mak pei bilong namba bilong yia em i bin stap wokboi. ⁵¹ Sapos planti yia i stap yet, em i mas baim bek em yet wantaim bikpela hap mani wankain olsem ol i bin baim em. ⁵² Sapos i gat liklik yia tasol i stap long kamap long yia bilong bikpela amamas, orait em i mas wokim tok lon grisim bel wantaim man husait i baim em long kamapim namba bilong yia i stap yet bipo long yia bilong bikpela amamas, na em i mas baim bek bilong em yet wantaim namba bilong yia i stap. ⁵³ Yu mas lukautim olsem man yu haiarim yia bihain long narapela yia. Yu mas mekim gut long em na noken lukautim em wantaim pasin nogut. ⁵⁴ Sapos em i no baim bek em yet em i olsem, em mas i stap wokboi i go inap long yia bilong bikpela amamas, em wantaim ol pikinini bilong em wantaim. ⁵⁵ Long mi lo lain manmeri bilong Israel i wokboi. Ol i wokboi husait mi kisim i kam aut long graun bilong Isip. Mi God Yawe God bilong yu.

¹ Yupela i no ken mekim ol giaman god na yupela i no ken litimapim ol giaman god o ol piksa ol i katim long bikpela ston na yupela i no ken putim ol piksa bilong ston long graun bilong yupela na brukim skru long em, long wanem Mi yet God Yawe, God bilong yupela. ² Yu mas tingim Sabat olsem de bilong mi, na tu pretim haus sel bilong mi. Mi yet mi God Yawe. ³ Sapos yu wokabaut insait long lo bilong mi na lukautim lo bilong mi na bihainim ol, ⁴ Olsem bai mi salim ren i kam long taim bilong em, graun bilong yupela bai i givim planti kaikai na ol diwai long gaden bai i karim planti kaikai. ⁵ Yu bai i gat planti kaikai i stap i go inap long taim bilong pikinini wain i mau na taim bilong kisim pikinini wain i mau bai i stap i go inap taim bilong planim kaikai i kamap. Yupela bai i kaikai bret na pulap tru na stap gut long graun yupela i mekim haus long en. ⁶ Mi bai givim gutpela taim i kamap long dispela graun, Yu bai stap fri na i nogat wanpela samting inap pretim yu. Bai mi rausim ol abus nogut long graun bilong yu na bainat i no inap abrusim graun bilong yu. ⁷ Yu bai raunim ol birua bilong yu na ol bai i pundaun long ai bilong yu antap long bainat. ⁸ Na 5-pela bilong yu bai raunim 100-pela na 100 bilong yu bai raunim 10,000-pela, ol birua bai i pundaun long ai bilong yu antap long bainat. ⁹ Mi bai lukluk long yu na inapim yu na mekim yu i karim planti kaikai na mekim yu kamap planti, mi bai inapim wanem tok mi mekim wantaim yu. ¹⁰ Yu bai kaikai ol kaikai i stap longpela taim long haus bilong yu. Yu bai putim olpela kaikai i go aut long wanem, long dispela hap bai yu putim nupela kaikai i mau. ¹¹ Mi bai putim haus sel bilong mi namel long yupela na mi no inap rausim yupela. ¹² Mi bai wokabaut namel long yu na bai mi stap God bilong yu na yupela bai i stap ol manmeri bilong mi. ¹³ Mi God Yawe bilong yupela husait i bin kisim yupela i kam aut long graun bilong Isip olsem bai yupela i no stap wokboi nating bilong ol. Mi bin brukim strongpela samting i pasim yupela na i givim hevi long yupela na mi mekim yupela i sanap stret na wokabaut. ¹⁴ Tasol sapos yu no laik harim tok bilong mi na yu i no laik bihainim dispela ol lo, ¹⁵ na sapos yupela rausim ol toktok mi mekim wantaim yupela na yupela i no bihainim ol lo, olsem yupela i no laik bihainim lo bilong mi, tasol yupela brukim kontrak bilong mi- ¹⁶ -sapos yupela mekim ol dispela samting, bai mi mekim olsem long yupela. Bai mi bringim samting nogut long yupela, sik bai i bagarapim ai bilong yupela na bai em i rausim laip bilong yupela. Yupela i planim pikinini kaikai nating bilong wanem Ol birua bilong yupela bai kaikai long en. ¹⁷ Mi bai givim baksait long yupela na ol birua bai daunim yupela. Ol man husait i no save laikim yupela bai i bosim yupela na yupela bai ranawe taim nogat man i raunim yupela. ¹⁸ Sapos bihain long dispela yupela i no harim toktok bilong mi, orait bai mi putim hevi antap long yupela 7-pela taim olsem hevi bilong ol sin bilong yupela. ¹⁹ Bai mi brukim biknem long pawa bilong yupela. Bai mi mekim skai antap long yupela i olsem ain na graun bilong yupela olsem ain. ²⁰ Strong bilong yupela bai i kamap samting nating, long wanem,''graun bilong yupela i no inap givim yupela kaikai na diwai long graun bilong yupela i no inap karim kaikai. ²¹ Sapos yupela givim baksait long mi na yupela i no laik harim tok bilong mi, bai mi brigim bagarap i kam long yupela 7-pela taim long mak bilong sin bilong yupela. ²² Mi bai salim ol wel abus nogut i kam pait long yupela na bai ol i stilim ol pikinini bilong yupela na bagarapim ol bulmakau bilong yupela na daunim namba bilong yupela. Na ol rot bilong yupela bai i kamap olsem ples nating. ²³ Sapos yupela i mekim ol dispela samting long laik nogut bilong yupela na i no laik mi bai stretim yupela na yupela i wokabaut long rot bilong givim baksait long mi yet. ²⁴ Olsem mi no inap wokabaut long sait bilong yupela, na mi yet bai mi putim hevi 7-pela taim antap long yupela long bekim ol sin bilong yupela. ²⁵ Bai mi bringim bainat antap long yupela bilong bekim pasin nogut yupela bin i mekim long brukim kontrak. Yupela bai bung wantaim insait long siti bilong yupela na bai mi salim sik namel long yupela long dispela hap. Na bai yupela i go insait long han bilong ol birua bilong yupela. ²⁶ Bai mi pasim olgeta kaikai bilong yupela na 10-pela meri bai i kukim bret bilong yupela long wanpela aven na ol bai i tilim aut bret bilong yupela wantaim hevi. Yupela bai kaikai na yupela i no inap pulap. ²⁷ Sapos yupela i no harim tok bilong mi na yupela i tok maski long dispela samting na yupela i givim baksait long mi yet, ²⁸ Bai mi givim baksait long yupela wantaim belhat na bai mi putim hevi antap long yupela inap 7-pela taim moa long ol sin bilong yupela. ²⁹ Yupela bai kaikai bodi bilong ol pikinini man bilong yupela, yupela bai kaikai bodi bilong ol pikinini meri bilong yupela. ³⁰ Bai mi bagarapim ol bikpela ples bilong lotu na katim olgeta alta bilong kukim smok smel na tromoi bodi bilong yupela antap long ol bodi bilong ol giaman gods bilong yupela na mi yet bai mi givim baksait long yupela. ³¹ Bai mi bagarapim siti bilong yupela na bagarapim haus sel bilong yupela. Mi i no inap tru long wanbel long gutpela smel bilong ol ofa bilong yupela. ³² Bai mi mekim graun bai i stap nating. Ol birua bilong yupela i stap long graun bilong yupela bai guria long wanem samting mi bai mekim long yupela. ³³ Bai mi skelim yupela i go nambaut long ol kantri na bai mi rausim bainat bilong mi na bihainim yupela. yupela bai i lusim graun bilong yupela na siti bilong yupela bai i bagarap. ³⁴ Orait na graun bai i amamas long ol sabat bilong en taim graun i stap nating na bai yupela i stap long graun bilong ol birua bilong yupela. Long dispela taim, graun bai i amamas na malolo long sabat. ³⁵ Long taim graun i stap nating, bai em i malolo, em bai i amamas long wanem em i no bin amamas long ol de malolo bilong yupela, taim yupela stap long dispela hap. ³⁶ Yupela ol manmeri i stap yet long graun bilong ol birua, Bai mi salim pret bilong mi i kam long bel bilong yupela taim lip bilong diwai nating i pundaun bai i pretim yupela. Yupela bai i ranawe olsem wanpela bainat i ranim yupela. Yupela bai i pundaun taim man nogut i raunim yupela. ³⁷ Yupela bai i pundaun antap long narapela arapela olsem man i raunwe long bainat, taim nogat man i raunim yupela. Bai yupela i nogat strong long sanap long ai bilong birua bilong yupela. ³⁸ Yupela bai i pinis namel long ol kantri na graun bilong ol birua bilong yupela bai i birua long yupela. ³⁹ Husait ol lain i stap namel long yupela bai i pinis wantaim sin bilong ol, long graun bilong ol birua na long sin bilong ol papa bilong ol, ol bai i pinis tu. ⁴⁰ Yet sapos ol i tok sori long sin bilong ol na sin bilong ol papa bilong ol. Na gaiman bilong ol na i no bihainim gut tok bilong mi na tu ol i givim baksait long mi. ⁴¹ Dispela i mekim mi i givim baksait long ol na mi bai bringim ol i go insait long graun bilong ol birua -Sapos ol bel bilong ol i strong na sapos ol i wanbel long hevi bilong sin bilong ol, ⁴² Olsem bai mi tingim gen wanem kontrak mi bin mekim wantaim Jekob, kontrak bilong mi wantaim Aisak na kontrak bilong mi wantaim Abraham na tu bai mi bringim graun i kam bek long tingting bilong mi. ⁴³ Ol bai i lusim graun, em bai i amamas long ol sabat taim nogat man i stap long en, Ol bai i kisim pe olsem mak bilong sin bilong ol, long wanem ol i rausim lo bilong mi na sakim lo bilong mi. ⁴⁴ Yet dispela pasin nogut bilong ol, taim ol i stap yet long graun bilong ol birua bilong ol, Mi i no inap rausim ol o lusim ol olsem bai i no inap bagarapim ol olgeta, na rausim dispela kontrak mi gat wantaim ol, long wanem mi God Yawe, God bilong ol. ⁴⁵ Tasol mi tingting olsem na bai mi tingim kontrak mi bin mekim wantaim ol tumbuna bilong ol, husait mi bin kisim ol kam aut long Isip long ai bilong olgeta kantri, olsem mi mas stap God bilong ol. Mi God Yawe." ⁴⁶ Dispela em ol lo na strongpela lo God Yawe i mekim namel long em yet na ol manmeri bilong Israil antap long maunten Sainai long maus bilong Moses.

¹ God Yawe i toktok long Moses na i tok, ² "Tokim ol lain manmeri bilong Israel olsem, Sapos wanpela bilong yupela i promis long givim samting long God Yawe, em i mas yusim dispela lo long skelim samting." ³ Skel mak bilong ol man, krismas bilong ol i stat long 20 pela krismas na i go inap long 60 pela krismas i mas givim 50 silva mani, insait long ples holi bilong putim ofa. ⁴ Long ol meri i gat wankain krismas, skel mak bilong ol, em ol i mas putim 30 silva mani. ⁵ Ol pikinini krismas bilong ol i stat long 5 i go inap long 20 krismas, Skel mak bilong ol pikinini man, em ol i mas putim 20 silva mani na ol pikinini meri i mas putim 10 silva mani. ⁶ Ol pikinini stat long wanpela mun i go inap long 5-pela krismas, skel mak bilong ol pikinini man, em ol i mas putim 5 silva mani na ol pikinini meri i mas putim 3 silva mani. ⁷ Skel mak bilong ol man i gat 60 krismas na i go antap, ol i ken putim 15 silva mani na ol meri i ken putim 10 silva mani. ⁸ Tasol sapos man i mekim promis na i no inap givim long dispela mak, orait ol i mas kisim em i go long pris na pris bai i skelim na givim dispela man husait i bin mekim promis long mak em inap long givim. ⁹ Sapos wanpela i laik givim ofa long God Yawe na makim wanpela abus na sapos God Yawe i tok orait long kisim, orait dispela abus em i holi na bilong em. ¹⁰ Dispela man i no ken senisim dispela abus long kisim abus i gutpela o nogut. Sapos em i mekim olsem, orait tupela abus wantaim bai i kamap holi. ¹¹ Tasol sapos dispela abus ol i makim bilong givim long God Yawe i doti na God Yawe i no inap kisim, orait ol i mas bringim i go long pris. ¹² Orait pris bai i yusim maket prais bilong abus long makim prais bilong dispela abus. Wanem mak em i putim, bai i kamap mani mak bilong em. ¹³ Sapos papa bilong dispela abus i tingting long baim na kisim bek dispela abus, em i mas putim 5-hap moa i go antap long mani mak bilong baim bek dispela abus. ¹⁴ Sapos wanpela man i mekim haus bilong em holi olsem presen i go long God Yawe, orait pris i mas skelim, olsem haus i gutpela o i nogut, wanem mani mak pris i putim, em dispela tasol bai i stap. ¹⁵ Tasol sapos papa bilong dispela haus i laik baim bek dispela haus, orait em i mas putim 5-hap silva mani antap long maket prais bilong haus na em bai bilong em. ¹⁶ Sapos wanpela man i makim hap graun bilong em long givim long God, long putim prais ol i mas sekim hamas pikinini wit ol i save planim long dispela graun na bai putim mani mak long em, 50 silva mani em skel mak long graun bilong planim bali. ¹⁷ Sapos em i makim graun long yia bilong amamas orait mani mak bai i go antap, ¹⁸ sapos em i makim bihain long yia bilong amamas, orait pris bai i kauntim hamas yia i stap yet long bungim narapela yia bilong amamas na bai i makim prais na mani mak bilong dispela haus bai i go daun. ¹⁹ Sapos man husait i makim graun bilong en long givim long God na i gat tingting long baim bek dispela graun, orait em i mas putim 5-hap silva mani antap long maket prais bilong dispela graun na dispela graun bai i stap graun bilong en. ²⁰ Sapos em i no baim bek na em i salim long narapela man pinis, orait em bai i no inap baim bek dispela hap graun gen. ²¹ Olsem na dispela graun sapos ol i givim long yia bilong amamas, i olsem ol i givim presen i holi tru long God Yawe, olsem hap graun ol i givim olgeta long God Yawe. Dispela hap graun bai i kamap graun bilong ol pris. ²² Sapos wanpela man i baim wanpela hap graun, tasol dispela graun i no bilong lain bilong dispela man, ²³ orait pris bai i makim mani mak long dispela graun inap long yia bilong amamas na dispela man bai i givim dispela mani olsem presen i holi tumas i go long God Yawe. ²⁴ Na long yia bilong bikpela amamas, dispela graun bai i go bek long papa tru bilong em we dispela man i bin baim long em. ²⁵ Olgeta mani mak i mas i kamap long haus bilong lukautim mani insait long haus sel bilong lotu, 20 gera mani i mas wankain olsem wanpela silva mani. ²⁶ I nogat wanpela man inap makim namba wan pikinini namel long ol animol long givim long God Yawe, nogat tru. Olgeta namba wan pikinini bilong sipsip o bulmakau i bilong God Yawe. ²⁷ Sapos dispela animol i doti, orait papa bilong dispela abus i ken baim bek long mani mak bilong en, em i mas putim 5-hap silva mani moa antap long maket prais bilong dispela animol na kisim bek. Sapos em i no laik baim bek dispela animol orait em i mas salim long maket prais bilong em stret. ²⁸ Tasol i no gat wanpela samting olsem man, o animol, o graun, o haus we wanpela man i makim pinis long givim long God Yawe bai em yet i baim bek o salim. Nogat tru, olgeta samting ol i makim pinis i holi tru long God Yawe. ²⁹ Nogat wanpela samting yu inap mekim bilong baim wanpela man ol i makim bilong bagarap. Nogat tru, dispela man i mas dai. ³⁰ Olgeta namba ten hap kaikai bilong graun, wit samting long graun o frut bilong diwai i bilong God Yawe. Ol dispela kaikai i holi long God Yawe. ³¹ Sapos wanpela man i kisim bek namba 10 hap bilong ol dispela samting, em i mas putim 5 hap moa antap long mani mak bilong dispela kaikai. ³² Long olgeta namba 10 hap bilong ol sipsip o bulmakau, wanem sipsip o bulmakau i go aninit long stik, ol wasman bilong sipsip i save holim, namba wan10 hap bilong ol dispela animol i mas i stap holi bilong givim long God Yawe. ³³ Wasman bilong sipsip i no ken painim gutpela animol o animol i nogut tru na em i no ken senisim wanpela long kisim narapela. Sapos em i senisim, orait tupela animol wantaim bai i kamap holi. Nogat man inap baim bek tupela." ³⁴ Dispela ol lo God Yawe i givim Moses long Maunten Sainai bilong givim i go long ol lain manmeri bilong Israel.

¹ God Yawe i tokim Moses insait long haus sel long ples drai nating long Sinai. Dispela samting i kamap long namba wan dei bilong namba tu mun long namba tu krismas bihain long ol manmeri bilong Israel i kam autsait pinis long graun bilong ol Isip. God Yawe i tok, ² ''Bungim na kauntim olgeta man bilong Israel long wanlain femili long nem bilong papa bilong ol. Kauntim ol long nem. Kauntim olgeta man. ³ husait em i gat 20 krismas na i winim. kauntim ol man husait i ken pait olsem soldia bilong Israel. Yu na Aron i mas kauntim namba bilong ol man i redi long pait. ⁴ Wanpela wanpela bilong ol dispela lain i mas makim lida bilong wanpla lain. Ol lida i mas i go pas long ol lain husait bai i pait. ⁵ Dispela em ol nem bilong ol lida husait bai i go pait wantaim yu. Long lain bilong Reuben kisim, Elizur pikinini man bilong Sedeur, ⁶ Long lain bilong Simion, yu ken kisim Selumiel pikinini man bilong Surisadai, ⁷ Long lain bilong Juda, yu ken kisim Nason pikinini man bilong Aminadap, ⁸ Long lain bilong Isakar yu ken kisim Netanel, pikinini man bilong Suar, ⁹ Lon lain bilong Sebulun yu ken kisim Eliap, pikinini man bilong Helon, ¹⁰ Long lain bilong Efrem pikinini bilong Josep, kisim Elisama pikinini man bilong Amihu na long lain bilong Manase, kisim Gamaliel pikinini man bilong Pedasur, ¹¹ Long lain bilong Benjamin, kisim Abidan pikinini man bilong Gideoni, ¹² Long lain bilong Dan, kisim Aiesa pikinini man bilong Amisadai, ¹³ Long lain bilong Asa, kisim Pagiel pikinini man bilong Okran, ¹⁴ Long lain bilong Gat, kisim Eliasap pikinini man bilong Deul, ¹⁵ na long lain bilong Naptali, kisim Ahira pikinini man bilong Enan.'' ¹⁶ Dispela em ol man mi makim namel long ol manmeri. Ol bai i kamap lida bilong wanpela tumbuna lain bilong ol Israel. ¹⁷ Moses wantaim Aron i kisim ol dispela man, nem bilong ol i stap pinis, ¹⁸ wantaim ol dispela man bilong Israel ol i kam bum long namba wan dei bilong namba tu mun. Bihain wan wan man i winim 20pla krismas na i go antap ol i luksave long tumbuna bilong ol. Em i mas givim nem long wanpla lain na famili na ol tumbuna ol i bin kam long en. ¹⁹ Bihain Moses i kisim namba bilong ol long taim em i stap long ples drai long Sinai, olsem God Yawe i bin tokim em long mekim. ²⁰ Long ol lain tumbuna bilong Ruben, namba wan pikinini bilong ol Israel, ol i kaunim wanwan nem bilong man i winim 20 krismas na i go olsem inap long i go long pait, ol i kauntim nem bilong ol long buk bilong ol tumbuna lain na famili bilong ol. ²¹ Ol i kaunim 46,500 man long lain bilong Ruben. ²² Long lain tumbuna bilong Simion ol i kaunim nem bilong ol wanwan na olgeta man i winim 20pla krismas na i go olsem inap long go long pait, ol i kaunim nem bilong ol long buk bilong ol tumbuna lain na famili bilong ol. ²³ Ol i kaunim olsem 59,300pla man long lain bilong Simion. ²⁴ Long lain tumbuna bilong Gad, ol i kauntim nem bilong ol wan wan na olgeta man i winim 20pla krismas na antap inap long go long pait, ol i kauntim nem bilong ol long buk bilong ol tumbuna lain na femili bilong ol. ²⁵ Ol i kauntim 45,650pla man long lain bilong Gad. ²⁶ Long lain tumbuna bilong Juda ol i kauntim olgeta nem bilong ol wanwan na olgeta man i winim 20pla krismas na antap inap long go long pait, ol i kauntim nem blon ol long ol buk bilong ol lain tumbuna na femili bilong ol. ²⁷ Ol i kauntim 74,600pla man long lain bilong Juda. ²⁸ Long lain tumbuna bilong Isakai ol i kauntim nem bilong ol wanwan na olgeta man i winim 20pla krismas na antap inap i go long pait, ol i kauntim nem bilong ol long buk bilong ol tumbuna lain na famili bilong ol. ²⁹ Ol i kauntim 54,400pla man long lain bilong Isakai. ³⁰ Long lain tumbuna bilong Sebulun ol i kauntim nem bilong ol wanwan na olgeta man i winim 20pla krismas na i go antap inap long go pait, ol i kauntim nem bilong ol long buk bilong ol tumbuna lain na femili bilong ol. ³¹ Ol i kauntim 57,40pla man long lain bilong Sebulun. ³² Long lain tumbuna bilong Efram pikinini man bilong Josep, ol i kauntim nem bilong ol wanwan na olgeta man i winim 20pla krismas na i go antap inap long go long pait, ol i kauntim nem bilong ol long buk bilong ol tumbuna lain na femili bilong ol. ³³ Ol i kauntim 40,500pla man long lain bilong Efram. ³⁴ Long lain tumbuna bilong Manase pikinini man bilong Josep ol i kauntim nem bilong ol wan wan na olgeta man i winim 20pla krismas na i go antap inap long go long pait, ol i kauntim nem bilong ol long buk bilong ol tumbuna lain na femili bilong ol. ³⁵ Ol i kauntim 32, 200-pla man long lain bilong Manase. ³⁶ Long lain tumbuna bilong Bejamin ol i kauntim nem bilong ol wanwan na olgeta man i winim 20pla krismas na i go antap inap long go long pait, ol i kauntim nem bilong ol long buk bilong ol tumbuna lain na femili bilong ol. ³⁷ Ol i kauntim 35,400pla man long lain bilong Benjamin. ³⁸ Long lain tumbuna bilong Dan ol i kauntim nem bilong ol wanwan na olgeta man i winim 20pla krismas na i go antap inap long go long pait, ol i kauntim nem bilong ol long buk bilong tumbuna lain na famili bilong ol. ³⁹ Ol i kauntim 62,700pla man long lain bilong Dan. ⁴⁰ Long lain tumbuna bilong Asa ol i kauntim nem bilong wanwan na olgeta man i winim 20pla krismas na i go antap inap long i go bilong pait, ol i kauntim nem bilong ol long buk blon tumbuna lain na famili bilong ol. ⁴¹ Ol i kauntim 41,500pla man long lain bilong Asa. ⁴² Long lain tumbuna bilong Naptali ol i kauntim nem bilong ol wanwan na olgeta man i winim 20pla krismas na i go antap inap long i go pait, ol i kauntim nem bilong ol long buk bilong tumbuna lain na femili bilong ol. ⁴³ Ol i kauntim 53,400pla long lain bilong Naptali. ⁴⁴ Moses na Aron i kauntim olgeta dispela man wantaim 12- pela husait bai i lidim ol 12-pela lain bilong Israel. ⁴⁵ Olsem na olgeta man bilong Israel husait i winim 20pla krismas na i go antap inap long go pait, ol i kauntim wanwan femeli bilong ol yet. ⁴⁶ Ol i kauntim 603,550pla man. ⁴⁷ Tasol ol lain tumbuna bilong Livai em ol i no kauntim ol, ⁴⁸ Bilong wanem God Yawe i tokim Moses olesm, ⁴⁹ ''Yu no ken kauntim ol lain bilong Livai o no ken bungim ol wantaim ol manmeri bilong Israel. ⁵⁰ Nogat, yu mas givim ol Livai wok bilong lukautim haus sel na ol tebol na sia na olgeta samting i stap insait long en. Ol lain Livai i mas kisim ol haus sel na ol tebol na ol sia wantaim. Ol i mas sanapim haus sel bilong ol i raunim haus sel bilong Mi. ⁵¹ Taim yupela i laik rausim haus sel na i go long narapela ples, orait ol Livai tasol i mas rausim i go daun. Taim bilong wokim haus sel gen, ol Livai tasol i mas wokim. Na sapos wanpela man i kam klostu long haus sel yupela i mas kilim em i dai. ⁵² Taim ol manmeri bilong Israel i wokim haus sel, wan wan man i mas mekim klostu tru long haus sel bilong ami bilong ol. ⁵³ Tasol, ol Livai i mas wokim haus sel bilong ol i raunim haus sel bilong kontrak na narapela i no ken mekim haus sel, olsem bai bel hat bilong Mi i no kam long yupela manmeri bilong Israel. Ol Livai tasol i mas lukautim sel haus na ol samting insait long haus sel.'' ⁵⁴ Ol manmeri bilong Israel i wokim olgeta samting olsem God Yawe i bin tokim Moses.

¹ God Yaweh i tokim Moses na Aron na i tok. ² "Tokim ol pikinini lain manmeri bilong Isrel i mas sanapim selhaus bilong ol long wanwan hap mak bilong ol. Na tu ol i mas sanapim flek long soim olsem em ol pikinini lain bilong wanpela tumbuna papa, em olsem na ol i mas mekim i go long we long selhaus bilong ol manmeri i save kam bung long en. ³ Usait ol lain bai kem long ist sait long selhaus bilong bung ples, long ples we sun i kamap, orait em ol kem bilong Juda na tu ol ba i kem aninit long hap we i gat mak bilong ol. Nason usait em i pikinini man bilong Aminadab bai i kamap lida bilong ol manmeri bilong Juda. ⁴ Namba ol i skelim i go long hap bilong em, em i olsem 74,600. ⁵ Ol lain manmeri bilong Isaka i mas kem klostu long Juda. Na Netanel usait em i pikinini man bilong Sua i mas lidim ol ami bilong Isaka. ⁶ Namba ol i skelim i go long hap bilong em, em i olsem 54,400-pela man. ⁷ Na ol tumbuna lain manmeri bilong Sebulun i mas kem klostu long Isaka. Eliap usait em i pikinini man bilong Helon i mas lidim ol ami bilong Sebulun. ⁸ Namba ol i skelim i go long hap bilong em, em i olsem 57,400. ⁹ Na olgeta ol dispela namba bilong kem bilong Juda em i stap olsem 186,400, em ol ba i stap pas lain. ¹⁰ Na narapela long hap saut ba i gat kem bilong Ruben inap long skel bilong mak bilong ol. Man usait bai i kamap hetman bilong kem bilong Ruben em Elisu usait em i pikinini man bilong Sedea. ¹¹ Namba ol i skelim i go long hap bilong em, em i olsem 46,500 ¹² Simion bai i kem klostu long Ruben. Na usait ba i kamap hetman bilong ol lain manmeri bilong Simion em i Selumiel husait em i pikinini man bilong Surisadai. ¹³ Namba ol i skelim i go long hap bilong em, em i olsem 59,300. ¹⁴ Em ol narapela tumbuna pikinini lain bilong Gad. Usait hetman bilong ol pikinini lain manmeri bilong Gad em Eliasaf usait em i pikinini man bilong Dewel. ¹⁵ Namba ol i skelim i go long hap bilong em, em i olsem 45,650. ¹⁶ Namba bilong ol man long kem bilong Ruben usait ol i bin makim ol, inap long skel bilong mak bilong ol, em i stap olsem 151,450. Em bai ol i stap namba tu lain. ¹⁷ Narapela selhaus bilong bung em i mas i go aut longwe liklilk long kem long givim spes long ol pikinini lain bilong Livai ba ol i ken stap namel long kem. Ol i mas go aut long kem long wanpela rot tasol we em i wankain olsem ol bin kam insait long kem. Olgeta man ol i mas i stap long hap bilong ol yet, we ol bai i gat wanwan flek bilong ol yet. ¹⁸ Long dispela ol i skelim i go long kem bilong Efrem bai stap aninit long wanem mak biloing ol. Hetman bilong ol pikinini lain manmeri bilong Efrem em Elisama usait em i pikinini man bilong Amihut. ¹⁹ Namba ol i skelim i go long hap bilong em, em i olsem 40,500. ²⁰ Orait klostu long ol tumbuna pikinini lain manmeri bilong Manase. Hetman bilong pikinini lain manmeri bilong Manase em Gamalel usait em i pikinini man bilong Pedasu. ²¹ Namba ol i skelim i go long hap bilong em, em i olsem 32,200. ²² Narapela em ol tumbuna pikinini lain manmeri bilong Bensemen. Hetman bilong pikinini lain manmeri bilong Bensamen em Abidan em husait pikinini man bilong Gidioni. ²³ Namba ol i skelim i go long hap bilong em, em i olsem 35,400. ²⁴ Olgeta dispela namba bilong kem bilong Efrem em olsem 108,100. Ol i putim ol i kam namba tri. ²⁵ Orait nau long not sait em i kamap hap we ol skelim i go long kem bilong Den. Hetman bilong ol pikinini lain manmeri bilong Den em Aisa, em pikinini man bilong Amisadai. ²⁶ Namba ol i skelim i go long hap bilong em, em i olsem 62,700. ²⁷ Ol tumbuna pikinini lain manmeri bilong Asa ol i kem klostu long Den. Hetman bilong ol pikinini lain manmeri bilong Asa em Pasiel em usait pikinini man bilong Okran. ²⁸ Namba ol i skelim i go long hap bilong em, em i olsem 41,500 ²⁹ Ol tumbuna pikinini lain manmeri bilong Naftali. Hetman bilong ol pikinini lain manmeri bilong Naftali em Aira, em i pikinini man bilong Enan. ³⁰ Namba ol i skelim i go long hap bilong em, em i olsem 53,400 ³¹ Olgeta dispela namba long kem bilong Den, em i olsem 157,600. We ol ba i laspela lain bilong go aut long kem, aninit long flek bilong ol. ³² Dispela em ol pikinini lain Isrel. Ol i kauntim aninit long wanwan ol famili lain, ol i kauntim ol insait long kem bilong ol, long wanwan hap ol skel i go i kam na i stap long en, namba bilong ol i kamap olsem 603,550. ³³ Tasol Moses na Aron tupela ino kauntim ol pikinini lain bilong Livai namel long ol lain manmeri bilong Isrel. Ol bihainim wanem tok God Yaweh yet i tokim Moses. ³⁴ Ol pikinini lain manmeri bilong Isrel i mekim olgeta samting God Yawe yet i tokim Moses. Ol i kem klostu long flek bilong ol, na ol i go aut long kem wantain ol famili lain bilong ol yet, na tu ol i bihainim stret famili lain bilong tumbuna bilong ol yet.

¹ Nau dispela em stori bilong ol lain tumbuna bilong Aron na Moses long taim God Yawe i toktok wantaim Moses long maunten Sainai. ² Nem bilong ol lain pikinini bilong Aron i olsem, namba wan pikinini em Nadab, Abihu, Eleasar na Itamar. ³ Dispela em nem bilong ol pikinini bilong Aron, husait ol pris i bin putim wel antap long ol na makim ol i kamap pris. ⁴ Tasol taim ol i stap long ples drai long mauntain Sainai, Nadap na Abihu i wokim paia bilong smok smel bilong mekim ofa, taim God Yawe i no bin tokim tupela long mekim, olsem na em i kilim tupela, na Elisa wantaim Itama tasol i holim wok pris wantaim papa bilong tupela, Aron. ⁵ God Yawe i tokim Moses, Em i tok. ⁶ "Kisim ol lain Livai i kam long pris Aronlong ol i ken helpim em. ⁷ Ol i mas mekim wok long sel haus bilong mi na mekim wok long olgeta manmeri na long ol pris tu. ⁸ Ol i mas lukautim gut olgeta samting long haus sel bilong bung, na ol i mas helpim ol lain bilong Israil long mekim wok insait long haus lotu. ⁹ Yu mas givim ol Livai i go long Aron na ol pikinini man bilong em. Ol i givim olgeta long helpim em long helpim ol manmeri bilong Israil. ¹⁰ Yupela mas makim Aron na ol lain pikinini bilong em tasol long kamap pris, sapos arapela lain i kam, yupela i mas kilim ol i dai." ¹¹ God Yawe i tokim Moses, Em i tok. ¹² "Lukim, mi kisim ol Livai namel long ol lain Israil. Mi mekim olsem long wanem, i no gutpela long mi kisim ol namba wan pikinini man bilong ol Israil. Olsem na ol Livai em i bilong mi. ¹³ Olgeta namba wan pikinini man em bilong mi. Taim mi kilim ol namba wan pikinini man bilong ol Isip, Mi redim ol namba wan pikinini man bilong ol Israel, wantaim ol animal. Olgeta em bilong mi. Mi God Yawe." ¹⁴ God Yawe i toktok long Moses long ples drai long Sainai. Em i tok, ¹⁵ "Kauntim ol lain tumbuna bilong Livai, bihainim wanwan famili, insait long wan blut bilong ol. Kauntim olgeta pikinini man i gat wanpela mun na moa." ¹⁶ Moses i kauntim ol, manmeri i bihainim tok bilong God Yawe, olsem God Yawe i tokim em long mekim. ¹⁷ Nem bilong ol lain pikinini man bilong Livai em, Geson, Kohat na Merari. ¹⁸ Ol pikinini i kam long lain bilong Geson, em Libni na Simei. ¹⁹ Ol pikinini i kam long lain bilong Kohat, em ol Amram, Isar, Hebron na Usiel. ²⁰ Ol pikinini man i kam long lain bilong Merari em Mahli na Musi. Em ol lain bilong livai ol i makim ol long lain bilong ol. ²¹ Ol lain bilong Libna na Simei ol i kam long Geson. Dispela em ol lain bilong Geson. ²² Namba bilong olgeta pikinini man bilong ol i gat wan mun pinis na i go antap em inap long 7,500. ²³ Ol lain Geson i mas wokim kemp bilong ol baksait long sel haus long hap san i go daun. ²⁴ Eliesap pikinini bilong Lael i mas i go pas long dispela lain bilong ol lain tumbuna bilong Geson. ²⁵ Ol famili bilong Geson i mas lukautim sel haus bilong lotu. Na ol i mas lukautim karamap bilong sel haus na laplap bilong keten long dua bilong sel haus bilong lotu. ²⁶ Ol i mas lukautim laplap bilong banis, laplap i pasim doa bilong banis, banis i raunim haus lotu na alta, Ol i mas lukautim olgeta rop bilong sel haus na bilong olgeta samting i stap insait. ²⁷ Ol dispela 4pela lain i famili bilong Kohat. Em ol Amram, Ishar, na ol Hebron, na Usiel. ²⁸ Olgeta namba bilong pikinini man bilong ol i gat wan mun pinis na i go, em inap long 8,600 ol i makim bilong lukautim ol samting bilong God Yawe. ²⁹ Dispela ol lain bilong Kohat i mas wokim kemp long hap saut bilong sel haus. ³⁰ Elisafan pikinini man bilong Usiel i lidim ol lain bilong Kohat. ³¹ Ol i mas lukautim bokis kontrak, tebol, stik lam, ol alta, na ol holi samting ol pris i save usim long rum tambu, laplap long rum tambu tru na ol i mas lukautim gut olgeta wok i stap i stap insait. ³² Eleasar, pikinini man bilong pris Aron i mas lidim ol man husait i lidim ol livai. em i mas lukautim ol man i save lukautim ples tambu. ³³ Ol lain Merari i gat tupela klen bilong ol, em ol lain Mali na ol Musi. ³⁴ Namba bilong olgeta lain man em inap long 6,200, na em long wan mun na i go moa. ³⁵ Suriei pikinini bilong Abihail, em i mas lidim ol lain bilong Merari. Ol i mas wokim kemp bilong ol long hap not long sait bilong haus lotu. ³⁶ Ol lain bilong Merari i gat wok bilong lukautim ol bun bilong sel haus na ol pos na ol bokis bilong sanapim pos na ol longpela plang samting bilong pasim pos na olgeta arapela samting bilong sel haus. Na ol i mas mekim wok bilong lukautim dispela ol samting ³⁷ olsem ol pos na ol bokis bilong sanapim pos bilong banis i raunim sel haus na ol longpela pin na ol baklain bilong taitim dispela banis. ³⁸ Moses na Aron wantaim ol lain pikinini man bilong Aron i mas sanapim ol sel haus bilong ol long ai bilong sel haus, long peis long haus sel bilong bung long hap san kamap. Ol dispela lain tasol inap i go insait long rum tambu na mekim ol kain wok na ofa bilong helpim ol manmeri bilong Israil. Sapos wanpela man bilong arapela ples i kam klostu long ples tambu yupela i mas kilim em i dai. ³⁹ Moses na Aron i kauntim namba bilong olgeta pikinini man bilong olgeta lain bilong Livai i winim wanpela mun na moa. I olsem God Yawe i tokim ol long mekim na kauntim inap long 22,000 man. ⁴⁰ God Yawe i tokim Moses," kauntim olgeta namba wan pikinini man i gat wanpela mun i go moa. Raitim nem bilong ol. ⁴¹ Yu mas kisim ol livai bilong mi-Mi God Yawe inap long olgeta namba wan piknini bilong ol manmeri bilong Israil, na ol blumakau bilong ol livai inap long ol namba wan piknini bilong ol bulumakau bilong ol lain bilong ol Israil." ⁴² Olsem na Moses i kauntim olgeta namba wan pikinini bilong ol lain Israil olsem God Yawe i tokim em long mekim. ⁴³ Em i kisim nem bilong olgeta namba wan pikinini man, inap long krismas bilong olo i wanpela mun na moa. Em i kauntim 22,273 man olgeta. ⁴⁴ God Yawe i toktok long Moses gen, na i tok, ⁴⁵ "Nau yu mas givim Livai long Mi bilong senisim olgeta namba wan pikinini bilong ol Israil. Na bai ol Livai i ken istap lain bilong Mi stret. Na givim ol bulmakau bilong ol long mi, na ol i kam na senisim ol namba wan pikinini bulmakau bilong ol Israil ol Livai i bilong mi God Yawe. ⁴⁶ Long baim bek wanwan bilong ol 273, namba wan pikinini bilong ol manmeri bilong Israel husait i abrusim ol namba bilong ol lain Livai. ⁴⁷ Yu mas usim sekel bilong haus tambu olsem mak bilong skelim hevi bilong ol samting. Wanpela sekel i wankain olsem 20 gera. ⁴⁸ Na yu mas givim pei bilong baim bek samting yu bin baim pinis long Aron na pikinini man bilong en." ⁴⁹ Olsem na Moses i kisim olgeta pei bilong baim bek samting long lain husait i abrusim namba bilong ol lain bilong Livai i kisim bek ol. ⁵⁰ Moses i kisim mani long ol namba wan pikinini bilong ol manmeri bilong ol Israil. Em bungim 1,365 sekel em hevi bilong ol i wankain olsem sekel bilong haus lotu. ⁵¹ Moses i bihainim olgeta tok God Yawe i tokim em long mekim, olsem God Yawe i bin tokim em long mekim na em i kisim olgeta dispela mani bilong kisim bek ol na givim long Aron wantaim ol pikinini man bilong em.

¹ God Yawe i tokim Moses wantaim Aron. Em i tok, ² "Kisim nem bilong ol tumbuna pikinini man bilong koat wantaim ol lain bilong livai, long femali lain bilong ol. ³ Kauntim olgeta man krimas bilong ol i winim 30 i go inap long 50-pela krismas. Ol dispela man i mas wok bum wantaim ol lain i wok insait long haus sel bilong bum. ⁴ Ol tumbuna lain bilong Koat i mas lukautim ol samting i holi ol i putim long mi insait long haus sel bilong bum. ⁵ Taim ol i redi long wokabaut i go paslain, Aron wantaim ol pikinini bilong em ol i mas go insait long haus sel na rausim dispela laplap i banisim rum tambu tru long rum tambu na karamapim bokis kontrak. ⁶ Ol i mas karamapim bokis kontrak wantaim skin bilong ol bulmakau bilong sol wara. Ol i mas karamapim blupela laplap antap long em. Ol i mas putim pos long karim. ⁷ Ol i mas putim blupela laplap antap long tebol long ples bilong putim bret. Antap long em ol i mas putim ol dis, ol spun, ol bikpela dis na ol jak bilong kapsaitim wara. Olgeta taim bret i mas stap antap long tebol. ⁸ Ol i mas karamapim ol wantaim retpela laplap wantaim ol skin bilong bulmakau bilong sol wara. Ol i mas putim ol pos bilong karim tebol. ⁹ Ol i mas kisim blupela laplap na karamapim antap long stik bilong lam, wantaim ol lam, ol ton, ol trei na olgeta ol jak bilong wel bilong ol lam. ¹⁰ Ol i mas putim stik bilong lam na olgeta samting ananit na karamapim wantaim ol skin bilong bulmakau bilong sol wara na ol i mas putim ol antap long bokis bilong karim. ¹¹ Ol i mas putim blu-pela laplap antap long gol alta. Ol i mas karamapim wantaim ol skin bilong bulmakau bilong sol wara, orait putim ol pos bilong karim. ¹² Ol i mas kisim olgeta ol samting bilong mekim wok insait long rum holi na raunim wantaim blu-pela laplap. Ol i mas karamapim wantaim ol skin bilong bulmakau bilong sol wara na putim olgeta samting antap long bokis bilong karim ¹³ Ol i mas rausim ol sit bilong paia antap long alta na karamapim pepol- pela laplap antap long alta. ¹⁴ Ol i mas putim olgeta samting ol i bin yusim bilong wokim alta antap long samting bilong karim. Ol dispela samting em ol, fraimpen, ol fok, ol savol, ol dis, na olgeta narapela samting bilong alta. Ol i mas karamapim alta wantaim ol skin bilong bulmakau bilong sol wara na putim ol pos bilong karim. ¹⁵ Taim Aron wantaim ol pikinini bilong en i karamapim pinis rum holi na olgeta samting na taim ol i wokabaut i go, orait ol lain tumbuna bilong Koat i mas kam long karim holi ples. Sapos ol i tasim ol samting i holi, ol i mas dai. Dispela em wok bilong ol tumbuna bilong Koat, long karim tebol na sia insait long haus sel bilong bum. ¹⁶ Elisa pikinini man bilong pris Aron wok bilong en long lukautim ol wel bilong lait, long mekim smok i gat gutpela smel, long taim bilong ofaim wit na wel bilong blesing. Em save lukautim haus sel bilong lotu na rum holi na olgeta samting i stap insait. ¹⁷ God Yawe i tokim Moses wantaim Aron. Em i tok, ¹⁸ "Yupela i noken rausim ol lain bilong Koat i go longwe long ol Livai. ¹⁹ Lukautim ol, bai ol i stap laip na ol i noken dai, long mekim dispela. Taim ol i go klostu long ol samting i holi olgeta ²⁰ ol i noken go insait long lukim rum holi long sotpela taim tu, em ol bai dai. Aron wantaim ol pikinini man bilong em tasol i mas go insait na Aron wantaim ol pikinini man bilong em i mas givim wok long wan wan man bilong Koat bilong mekim wok, long gutpela wok bilong en." ²¹ God Yawe i tokim Moses gen. Em i tok, ²² "Kisim nem bilong ol lain bilong Geson tu, long ol wanlain famili na long ol lain tumbuna bilong ol. ²³ Kauntim ol husait i winim 30-krismas inap 50- krismas long en. Kauntim hamas-pela lain ol i laik stap insait long haus sel bilong bung. ²⁴ Dispela em wok bilong ol lain bilong Geson, taim ol i wok na wanem ol i karim. ²⁵ Ol i mas karim ol laplap bilong haus lotu, haus sel bilong bung. ol i karamapim wantaim ol skin bilong bulmakau bilong sol wara antap long en na ol laplap long doa bilong haus sel bilong bung. ²⁶ Ol i mas karim ol laplap bilong ples bung, laplap bilong rot i go insait long ples bung, we em i stap klostu long haus lotu na klostu long alta, ol rop bilong en na olgeta samting bilong mekim. Wanem samting ol i nap long mekim wantaim ol dispela samting ol i mas mekim. ²⁷ Aron wantaim ol pikinini man bilong en i mas givim tok stia long olgeta wok bilong ol lain bilong Geson, insait long olgeta samting ol karim na insait long olgeta lotu bilong ol. Yupela i mas givim wok inap long ol i mekim dispela wok. ²⁸ Dispela em wok bilong ol lain tumbuna bilong Geson long haus sel bilong bung, Itama pikinini man bilong Pris Aron i mas i go paslain long ol insait long wok bilong ol. ²⁹ Yu mas kauntim ol lain tumbuna bilong Merari long lain bilong ol, na bungim ol wantaim ol lain tumbuna famili bilong ol, ³⁰ long 30 krimas i go 50 krismas, Kisim nem bilong olgeta lain husait i laik wok insait long haus sel bilong bung, ³¹ Dispela em wok ol i mas mekim olgeta de insait long haus sel bilong bung. Ol i mas lukautim samting insait long haus sel, ol palang i slip antap, ol pos na ol soket, ³² wantaim ol pos bilong ples bung i raunim haus sel, raunim ol haus sel, ol soket, ol pek na ol rop bilong en. Raitim nem bilong ol samting bai ol i karim. ³³ Dispela em wok bilong ol lain bilong tumbuna bilong Merari, wanem ol bai i mekim long haus sel bilong bung, ananit long stia bilong Itama pikinini man bilong Pris Aron. ³⁴ Moses wantaim Aron na ol lida bilong ples kauntim nem bilong ol lain bilong Koat bihainim ol lain famili bilong ol. ³⁵ Ol i kauntim ol lain i winim 30-krismas i go inap 50 krismas. Ol i kauntim olgeta lain husait i inap mekim wok insait long haus sel bilong bung. ³⁶ Ol i kauntim 2,750 man long ol lain famili bilong ol. ³⁷ Moses na Aron i kauntim olgeta man insait long lain famili blut bilong Koat, husait i mekim wok insait long haus sel bilong bung. Long mekim olsem, Ol i bihainim wanem tok God Yawe i bin tokim Moses long ol i ken mekim. ³⁸ Ol i kauntim tumbuna bilong Geson insait long famili blut bilong ol, ol i kisim nem insait long famili bilong ol yet. ³⁹ krismas bilong ol inap 30 i go antap long 50 krismas. Olgeta lain husait i laik wok wantaim ol insait long haus sel bilong bung. ⁴⁰ Ol i bihainim famili blut na tumbuna bilong ol na kauntim olgeta man, namba bilong ol 2,630. ⁴¹ Moses wantaim Aron i kauntim famili blut bilong tumbuna lain bilong Keson husait inap long wok insait long haus sel bilong bung. Bilong mekim dispela wok, ol i bihainim wanem God Yawe i bin tokim Moses long ol i ken mekim. ⁴² Ol tumbuna bilong Merari ol i kauntim long famili blut long ol lain famili bilong em, ⁴³ inap krismas bilong ol i winim 30 na i go antap long 50, olgeta lain husait i laik i stap insait na mekim wok insait long haus sel bilong bung, ⁴⁴ Ol i bihainim famili blut na tumbuna famili bilong ol na ol i kauntim olgeta man, namba bilong ol 3,200 ⁴⁵ Moses na Aron i kauntim ol dispela lain man, ol lain tumbuna bilong Merari. Long mekim olsem, ol i bihainim wanem God Yawe i bin tokim Moses long ol i ken mekim. ⁴⁶ Olsem na Moses wantaim Aron na ol lida man bilong Israel i kauntim olgeta Livai bihainim ol famili blut insait long tumbuna femili bilong ol. ⁴⁷ inap long 30 krismas i go long 50 krismas. Ol i kauntim olgeta lain inap long mekim wok insait long haus sel, na husait inap long karim na lukautim olgeta samting bilong haus sel bilong bung. ⁴⁸ Ol i kauntim 8,580 man. ⁴⁹ Bihainim tok bilong God Yawe, Moses i kauntim wan wan man, em i kauntim ol bihainim wanwan wokmak bilong ol yet bai mekim. Em i kauntim wan wan long wanem kain wok bai ol i mekim. Long mekim olsem, ol i bihainim wanem God Yawe i bin tokim Moses long ol i ken mekim.