Toba-Maskoy: Regular Print

Updated ? hours ago # views See on WACS
3 Juan
3 Juan
CapĂ­tulo 1

1 Co'o asto metno apquetcoc, nlhenquec ewalhoc lheiap Gayo apto astema emo'oc, jawe ngiapac anquec ascasecjai'o lheiap. 2 Eialheng ascasecjai'o, asiawec co'o lhamacjo acnem acuanecamoc actaicama nengaqtec Engiapom Neten, asqueltawec na etac metca acmasca apiempec, ncotacmeljoc na apmancolha la'a elanac lhamacjo caselha altacmanma. 3 Awanjec anque lhta njan acpaijecja ewalhoc jelleltennascactamo engellialheng'a ania'a actemacja aquiennactema apieplauquescama lheiap acto nac jawe ngiapac anque, 4 awanjec anquec na acpaijecja ewalhoc necsa aslengai'a ania'a eietcac apquelleliejecjoc acuesai'a nac acto jawe ngiapac anque. 5 Eialheng ascasecjai'o, ntasec anquec aptemacja nac lheiap apasmoma mota apquelialheng'a apaiomo lhema apanque', ntasec anquec na m'a apquelpasmomo apquelialheng'a amaica'a apquelleniem'o mo'oc necja. 6 Ca enenlhet'awoc anac apquelleltennanwacje lhta napaqtawec apquelialheng'a aquiawai'a apquelpasmoma lheiap ma'a. Elhenques jata m'a apquelpasmoma mota alaimelhquelha la m'a cacpota ellempecjoc mocjom quelha apquetlhengama, ncanec apquellelto Jesucristo apquellasennaicama m'a. 7 Apquetlhenque mota m'a apquenmac'acja la enmancoc cacpota elpaiacsec ania'a actacmanma aplhenammap Jesucristo, mancoca enmancoc tacja nema alpasmoma la alleniem'o enenlhet meliamolhma nac, 8 ca ncanec ncaimelhquec ennenco'o nelpasmoma la m'a necsa apquelpaiescama ania'a actacmanma acto nac jawe ngiapac anquec ma'a. 9 Ascapasque lhta lhema waccajac asnactalhesquescama engelialheng'a jam, coca ma lhta emac tacja Diotrefes asqueltacja la etnec ma'a, quelha nqueniemai'ac na apmajai'awec eientalhnama njan ma'a. 10 Nwacse ta ejetong asuactamo ta jam ncanec mancolatsecama mota jengetlheianma ennenco'o m'a, menmamac na tacja engelialheng'a amaica'a apqueluaiam la m'a, ma lhta njan elleltemoc enmacpoc tacja amaica'a la m'a, lhta apto la enenlhet apquenmama tacja m'a, aptepcasque lhta mota apiesecsec Jesucristo apquennemolhema m'a. 11 Lheiap eialheng Cayo ascasecjai'o, meieplauquesanquec lheiap aptaiancolha nac meliamolhma, ntasec coca eieplauquesec ma'a aptaiancolha nac enenlhet apqueliamolhma nac. Enenlhet apquelan'o la caselha actacmelo, coca apto apasmecja Engiapom Neten ma'a, coca enenlhet apquelan'o la caselha ncolatsecama, coca jawe apasmecja m'a. 12 Lhamacjo engelialheng'a apquetlhenque mota aptemacja Demetrio, apto lhnac apiamolhma m'a, ennenco'o njan nengelliawec apiamolhma m'a, apiawec lheiap metca nentaicamoc nenmopuanca ania'a. 13 Jai', mantec niecje mocjom asmajai'a altennacsec lheiap, coca mancomac'ac atalhesquesec lhema waccajac, 14 coca ntasec angiantac jam cacpota apacmetquesama apiocja apanquec lheiap. 15 Jai', asqueltawec engiancoc Engiapom Neten metca acmasca apiaijecama lheiap, nquetlhenquec na apualho'oc jenque'e apqueltemo lheme nac lheiap, eleltennes jata njan aclheianma ewalhoc moclhema asqueltemo lhemec jam.