Daniel 1

Daniel 1:1

ກະສັດເນບູກາດເນັດຊາແຫ່ງເມືອງບາບີໂລນ ໄດ້ມາເມືອງເຢຣູຊາເລັມໃນເວລາໃດ ເພື່ອລ້ອມຮອບເມືອງ ແລະ ຕັດເຄື່ອງໃຊ້ທັງຫມົດແກ່ເມືອງນັ້ນ?

ເນບູກາດເນັດຊາມາຮອດເຢຣູຊາເລັມໃນປີທີສາມຂອງການປົກຄອງຂອງກະສັດເຢໂຮຍອາກິມກະສັດແຫ່ງຢູດາຍ.

ຜູ້ໃດໄດ້ໃຫ້ເນບູກາດເນັດຊາເອົາຊະນະເຢໂຮຍອາກິມກະສັດຂອງຢູດາຍ?

ພຣະຜູ້ເປັນເຈົ້າໄດ້ໃຫ້ໄຊຊະນະເເກ່ເນບູກາດ ເນັດຊາເຫນືອເຢໂຮຍອາກິມກະສັດແຫ່ງຢູດາຍ.​

Daniel 1:3

ກະສັດໄດ້ບອກໃຫ້ອັດສະເປນັດເຮັດຫຍັງ?

ກະສັດໄດ້ສັ່ງໃຫ້ອັດສະເປນັດນຳເອົາຄົນອິດສາ​ຣະເອນຈຳນວນຫນຶ່ງ, ທັງເຊື້ອພຣະວົງ ເເລະເຊື້ອສາຍຂຸນນາງ.

ຊາຍຫນຸ່ມປະເພດໃດທີ່ກະສັດຕ້ອງການຈະຖືກນຳຕົວເຂົ້າໄປໃນບາບີໂລນ?

ກະສັດຕ້ອງການໃຫ້ພວກຊາຍຫນຸ່ມທີ່ປາສະຈາກຄຳຕຳຫນິ, ມີຮູບຮ່າງຫນ້າຕາດີ, ຊ່ຽວຊານທາງດ້ານສະຕິປັນຍາທັງຫມົດ, ມີຄວາມຮູ້ຄວາມເຂົ້າໃຈ ເເລະ ຄວາມສາມາດທີ່ຈະຮັບໃຊ້ໃນຣາຊວັງ.

ຊາຍຫນຸ່ມເຫລົ່ານີ້ໄດ້ຮັບອາຫານຫຍັງ?

ພວກເຂົາຕ້ອງໄດ້ກິນອາຫານປານີດສູງ ເເລະ ເຫລົ້າອະງຸ່ນຊຶ່ງກະສັດໄດ້ດື່ມນັ້ນ.

Daniel 1:6

ຊາຍຫນຸ່ມບາງຄົນທີ່ມາຈາກປະເທດອິດສະ ຣາເອນນີ້ຊື່ຫຍັງ ແລະ ຫົວຫນ້າເຈົ້າຫນ້າທີ່ ໄດ້ຕັ້ງຊື່ໃຫມ່ໃຫ້ພວກເຂົາວ່າແນວໃດແດ່?

ຊື່ຂອງຊາຍຫນຸ່ມຈຳນວນຫນຶ່ງ ແລະ ຊື່ທີ່ໄດ້ມອບໃຫ້ໂດຍຫົວຫນ້າເຈົ້າຫນ້າທີ່ແມ່ນ: ດານີເອນໄດ້ເອີ້ນວ່າ ເບັນເຕຊັດຊາເຣ, ຮານານີຢາເອີ້ນວ່າ ຊັດຣາກ, ມີຊາເອນເອີ້ນວ່າ ເມຊາກ, ເເລະ ອາຊາລີຢາເອີ້ນວ່າອາເບັດເນໂກ.

Daniel 1:8

ດານີເອນຕັ້ງໃຈຫຍັງໃນຄວາມຄິດຂອງລາວ?

ດານີເອນມີຈຸດປະສົງໃນໃຈວ່າລາວຈະບໍ່ເຮັດໃຫ້ຕົນເອງເປັນມົນທິນດ້ວຍອາຫານປານີດຂອງກະສັດ ຫລືດ້ວຍເຫລົ້າອະງຸ່ນຂອງກະສັດ.

ເຈົ້າຫນ້າທີ່ຜູ້ນີ້ໄດ້ຕອບສະຫນອງແນວໃດ ເມື່ອດານີເອນໄດ້ຂໍໃຫ້ລາວອະນຸຍາດ ບໍ່ໃຫ້ອາຫານ ແລະເຫລົ້າຂອງກະສັດເປັນມົນທິນແກ່ລາວເອງ?

ເຈົ້າຫນ້າທີ່ຜູ້ນີ້ໄດ້ບອກດານີເອນວ່າ ລາວຢ້ານກົວກະສັດ, ເມື່ອກະສັດໄດ້ສັ່ງອາຫານ ແລະ ເຄື່ອງດື່ມໃຫ້ ດານີເອນກໍຄວນໄດ້ຮັບປະທານ ແລະ ກະສັດອາດຈະຕັດຫົວຂອງ ຫົວຫນ້າເຈົ້າຫນ້າທີ່ ເມື່ອກະສັດໄດ້ເຫັນດານີເອນເບິ່ງຂີ້ຮ້າຍກວ່າບັນດາຄົນຫນຸ່ມອາຍຸລຸ້ນລາວຄາວດຽວກັນ.

Daniel 1:11

ດານີເອນຖາມຜູ້ດູແລທີ່ໄດ້ຮັບມອບຫມາຍໃຫ້ດານີເອນ, ຮານານີຢາ, ມີຊາເອນ ແລະ ອາຊາລີຢາ ຕອບແນວໃດ?

ດານີເອນໄດ້ຂໍໃຫ້ຜູ້ດູແລທົດສອບພວກເຂົາເປັນເວລາສິບວັນ ໂດຍໃຫ້ພວກເຂົາພຽງແຕ່ກິນຜັກ ແລະນ້ຳດື່ມ ແລະໃນຕອນທ້າຍສິບວັນ ເພື່ອປຽບທຽບພວກເຂົາກັບຊາຍຫນຸ່ມຄົນອື່ນໆ ທີ່ກິນອາຫານອັນປານີດຂອງກະສັດ ແລະ ຫລັງຈາກນັ້ນໃຫ້ປະຕິບັດຕໍ່ພວກເຂົາໂດຍອີງຕາມສິ່ງທີ່ລາວໄດ້ເຫັນ.

Daniel 1:14

ຫລັງຈາກທີ່ຄົນຮັບໃຊ້ໄດ້ຕົກລົງເຫັນດີກັບການທົດສອບ, ລາວໄດ້ສັງເກດເຫັນຫຍັງຫລັງຈາກສິບວັນເມື່ອລາວປຽບທຽບກັບດານີເອນ, ຮານານີຢາ, ມີຊາເອນ ແລະ ອາຊາລີຢາ ກັບຊາຍຫນຸ່ມຄົນອື່ນໆ?

ຄົນຮັບໃຊ້ໄດ້ສັງເກດເຫັນວ່າຮູບລັກສະນະຂອງດານີເອນ, ຮານານີຢາ, ມີຊາເອນ ແລະ ອາຊາລີຢາ ມີສຸຂະພາບແຂງແຮງດີ, ແລະ ພວກເຂົາກໍ່ໄດ້ຮັບການບຳລຸງລ້ຽງທີ່ດີກ່ວາຊາຍຫນຸ່ມທຸກຄົນທີ່ກິນອາຫານປານີດຂອງກະສັດ.

Daniel 1:17

ພຣະເຈົ້າໄດ້ມອບສິ່ງໃດແກ່ດານີເອນ, ຮານານີຢາ, ມີຊາເອນ ແລະອາຊາລີຢາ?

ພຣະເຈົ້າໄດ້ປະທານຄວາມຮູ້ ເເລະ ຄວາມເຂົ້າໃຈຢ່າງຊຳນິຊຳນານທັງປວງ ເເລະ ປັນຍາ, ເເລະ ດານີເອນກໍໄດ້ສາມາດເຂົ້າໃຈນິມິດ ເເລະ ຄວາມຝັນທຸກຢ່າງ.

Daniel 1:19

ກະສັດໄດ້ພົບເຫັນຫຍັງເມື່ອເວົ້າກັບຊາຍຫນຸ່ມທັງຫມົດ?

ກະສັດພົບວ່າບໍ່ເຫັນຈັກຄົນຫນຶ່ງທີ່ປຽບທຽບດານີເອນ, ຮານານີຢາ, ມີຊາເອນ,​ ເເລະ ອາຊາຮີຢາໄດ້. ໃນທຸກຄຳຖາມແຫ່ງປັນຍາ ແລະ ຄວາມເຂົ້າໃຈທີ່ກະສັດໄດ້ຖາມພວກເຂົາ, ພະອົງພົບວ່າພວກເຂົາຕອບໄດ້ດີກວ່າຜູ້ມີຄາຖາອາຄົມທັງຫມົດສິບເທົ່າ ແລະ ຜູ້ຄົນເຫລົ່ານັ້ນຊຶ່ງອ້າງວ່າ ເວົ້າກັບຄົນຕາຍໄດ້, ຜູ້ທີ່ຢູ່ໃນອານາຈັກຂອງພຣະອົງທັງຫມົດ.

ດານີເອນຢູ່ບາບີໂລນດົນປານໃດ?

ລາວຢູ່ທີ່ນັ້ນຈົນເຖິງສະໄຫມທຳອິດຂອງກະສັດໄຊຣັດ.

Daniel 2

Daniel 2:1

ເມື່ອໃດເນບູກາດເນັດຊາມີຄວາມຝັນທີ່ເຮັດໃຫ້ລາວກັງວົນຈົນບໍ່ສາມາດນອນຫລັບໄດ້?

ເຫດການນີ້ເກີດຂຶ້ນໃນປີທີສອງຂອງການປົກຄອງຂອງລາວ.

ເປັນຫຍັງກະສັດຈຶ່ງຮຽກຮ້ອງບັນດານັກວິທະຍາຄົມ , ຜູ້ຊົງມີເວດມົນຄາຖາ,​ນັກປາດ ເເລະ ຄົນເຫລົ່ານັ້ນໄດ້ອ້າງວ່າເວົ້າກັບຄົນຕາຍ?

ກະສັດຕ້ອງການໃຫ້ຜູ້ຊາຍເຫລົ່ານີ້ເລົ່າເລື່ອງຄວາມຝັນຂອງລາວ.

Daniel 2:5

ກະສັດໄດ້ຕ້ອງການຫຍັງໂດຍສະເພາະໃຫ້ພວກຄົນນັກປາດເຮັດ?

ກະສັດຕ້ອງການໃຫ້ພວກນັກປາດເປີດເຜີຍຄວາມຝັນໃຫ້ລາວ ແລະພ້ອມທັງຕີຄວາມຝັນໃຫ້ກະສັດ.

ກະສັດກ່າວວ່າຈະເກີດຫຍັງຂຶ້ນກັບພວກນັກປາດຖ້າພວກເຂົາບໍ່ບອກຄວາມຝັນຂອງກະສັດ ແລະຕີຄວາມຫມາຍໃຫ້ລາວ?

ກະສັດກ່າວວ່າ ຖ້າພວກເຂົາບໍ່ບອກຄວາມຝັນຂອງລາວ, ຮ່າງຂອງເຂົາຈະຖືກຈີກອອກຈາກກັນເປັນຕ່ອນ ເເລະ ບ້ານເຮືອນຂອງເຂົາຈະຖືກເຮັດໃຫ້ເປັນກອງຂີ້ເຫຍື່ອ.

ກະສັດໄດ້ເວົ້າວ່າລາວຈະເຮັດຫຍັງສຳລັບບຸກຄົນ ຫລືຜູ້ທີ່ເປີດເຜີຍຄວາມຝັນໃຫ້ລາວ ແລະຕີຄວາມຫມາຍໄດ້?

ກະສັດກ່າວວ່າທ່ານຈະມອບຂອງຂວັນນັ້ນແກ່ບຸກຄົນ ຫລື ບຸກຄົນນັ້ນ, ເປັນລາງວັນ ແລະກຽດຕິຍົດສູງສຸດ.

Daniel 2:10

ພວກນັກປາດເວົ້າວ່າສາມາດເຮັດສິ່ງທີ່ກະສັດຖາມກ່ຽວກັບຄວາມຝັນຂອງລາວໄດ້ແນວໃດ?

ພວກນັກປາດຈຶ່ງໄດ້ກ່າວວ່າບໍ່ມີຜູ້ໃດຢູ່ເທິງໂລກທີ່ສາມາດຕອບສະຫນອງຄວາມຕ້ອງການຂອງກະສັດໄດ້, ມີພຽງແຕ່ພຣະເຈົ້າເທົ່ານັ້ນທີ່ສາມາດເຮັດໄດ້.

Daniel 2:12

ຫລັງຈາກທີ່ພວກນັກປາດຕອບກັບເນບູກາດເນັດຊາ, ກະສັດໄດ້ອອກຄຳສັ່ງຫຍັງ?

ກະສັດໄດ້ອອກຄຳສັ່ງໃຫ້ຂ້າຄົນເຫລົ່ານັ້ນໃນບາບີໂລນ ຜູ້ທີ່ມີຊື່ສຽງໃນຄວາມສະຫລຽວສະຫລາດຂອງພວກເຂົາ.

Daniel 2:14

ອາຣີໂອກແມ່ນໃຜ?

ລາວເປັນຫົວຫນ້າຣາຊອົງຄະລັກຂອງກະສັດ, ຜູ້ມາປະຫານຄົນເຫລົ່ານັ້ນໃນບາບີໂລນ ຜູ້ທີ່ມີຊື່ສຽງໃນຄວາມສະຫລຽວສະຫລາດ.

ດານີເອນໄດ້ພົວພັນກັບອາຣີໂອກແນວໃດ, ເມື່ອລາວມາຮອດດານີເອນ?

ດານີເອນຕອບດ້ວຍຄວາມຮອບຄອບຕໍ່ອາຣີໂອກ. ລາວຖາມອາຣີໂອກວ່າເປັນຫຍັງກະສັດຈຶ່ງອອກຄຳສັ່ງຮຸນເເຮງດັ່ງນີ້.

ດານີເອນໄດ້ຮ້ອງຂໍຫຍັງຫລັງຈາກເວົ້າກັບອາຣີໂອກ?

ດານີເອນໄດ້ເຂົ້າໄປ ແລະຂໍການນັດພົບກັບກະສັດເພື່ອໃຫ້ລາວສາມາດຕີຄວາມຫມາຍຂອງຄວາມຝັນຂອງກະສັດ.

Daniel 2:19

ດານີເອນໄດ້ເຮັດຫຍັງຫລັງຈາກຄວາມລຶກລັບຖືກເປີດເຜີຍຕໍ່ລາວ?

ດານີເອນກໍໄດ້ຖວາຍສາທຸການເເດ່ພຣະເຈົ້າເເຫ່ງຟ້າສະຫວັນ.

Daniel 2:23

ດານີເອນໄດ້ຂອບພຣະຄຸນພຣະເຈົ້າຂອງບັນພະບູລຸດຂອງລາວວ່າແນວໃດ?

ດານີເອນຂອບຄຸນພຣະເຈົ້າຂອງບັນພະບູລຸດຂອງລາວສຳລັບປັນຍາ ເເລະ ຣິດເດດທີ່ພຣະເຈົ້າຂອງບັນພະບູລຸດຂອງລາວໄດ້ປະທານໃຫ້ແກ່ລາວ.

Daniel 2:24

ດານີເອນໄດ້ໄປຫາຜູ້ໃດຫລັງຈາກຄວາມລັບຖືກເປີດເຜີຍຕໍ່ລາວ?

ດານີເອນກໍໄດ້ໄປຫາອາຣີໂອກ.

ດານີເອນໄດ້ບອກຫຍັງກັບອາຣີໂອກ?

ດານີເອນບອກອາຣີໂອກຢ່າປະຫານນັກປາດໃນບາບີໂລນ. ດານີເອນໄດ້ບອກໃຫ້ອາຣີໂອກເອົາລາວໄປເຂົ້າເຝົ້າກະສັດ ເພື່ອດານີເອນສາມາດບອກຄວາມຫມາຍຂອງຄວາມຝັນນັ້ນໃຫ້ກະສັດ.

Daniel 2:27

ເມື່ອດານີເອນຖືກນຳໄປຫາກະສັດ, ຜູ້ທີ່ດານີເອນເວົ້າວ່າສາມາດເປີດເຜີຍຄວາມລຶກລັບ ກະສັດໄດ້ຮຽກຮ້ອງຫຍັງ?

ດານີເອນກ່າວວ່າມີພຣະເຈົ້າຜູ້ຊົງສະຖິດຢູ່ໃນສະຫວັນ, ເຊິ່ງເປີດເຜີຍຄວາມລັບ.

ໂດຍທົ່ວໄປສິ່ງທີ່ດານີເອນເວົ້າວ່າຄວາມຝັນຂອງກະສັດແມ່ນກ່ຽວກັບຫຍັງ?

ດານີເອນກ່າວວ່າຄວາມຝັນນັ້ນແມ່ນກ່ຽວກັບສິ່ງທີ່ຈະເກີດຂຶ້ນໃນວັນຂ້າງຫນ້າ.

Daniel 2:29

ເປັນຫຍັງຄວາມຝັນຈຶ່ງເປີດເຜີຍກັບດານີເອນ?

ຄວາມຝັນໄດ້ຖືກເປີດເຜີຍແກ່ດານີເອນ ເພື່ອວ່າກະສັດຈະເຂົ້າໃຈຄວາມຫມາຍ ແລະ ຮູ້ຄວາມຄິດທີ່ເລິກເຊິ່ງພາຍໃນຕົວເອງ.

Daniel 2:31

ຮູບປັ້ນທີ່ກະສັດເຫັນໃນຄວາມຝັນຂອງລາວມີລັກສະນະຄືແນວໃດ?

ຮູບປັ້ນດັ່ງກ່າວມີຂະຫນາດໃຫຍ່ ແລະ ຫົວຂອງຮູບປັ້ນນີ້ໄດ້ເຮັດດ້ວຍຄຳຢ່າງດີທີ່ສຸດ. ເອິກເເລະ ເເຂນເປັນເງິນ. ສ່ວນເເອວ ເເລະກົກຂາເປັນທອງສຳຣິດ ແລະ ສ່ວນຂາໄດ້ເຮັດດ້ວຍເຫລັກ ແລະດິນຫນຽວສ່ວນຫນຶ່ງ.

Daniel 2:34

ມີສິ່ງໃດເກີດຂຶ້ນກັບຮູບປັ້ນທີ່ກະສັດເຫັນໃນຄວາມຝັນຂອງລາວ?

ກະສັດໄດ້ເຫັນການຕັດກ້ອນຫີນ, ແຕ່ບໍ່ແມ່ນດ້ວຍມືຂອງມະນຸດ. ກ້ອນຫີນໄດ້ກະທົບຕີນຂອງຮູບປັ້ນ ແລະ ຮູບປັ້ນທັງຫມົດແຕກອອກເປັນຊິ້ນສ່ວນໄປ.

ມີຫຍັງເກີດຂຶ້ນກັບຫີນທີ່ກະທົບຮູບປັ້ນນັ້ນ?

ກ້ອນຫີນທີ່ກະທົບຮູບປັ້ນນັ້ນໄດ້ກາຍເປັນພູເຂົາໃຫຍ່ຈົນເຕັມພິພົບ.

Daniel 2:36

ໃຜເປັນຫົວຫນ້າທອງຄຳ?

ກະສັດເນບູກາດເນັດຊາເປັນຫົວຫນ້າທອງຄຳ.

Daniel 2:44

ພຣະເຈົ້າແຫ່ງຟ້າສະຫວັນຈະເຮັດຫຍັງໃນວັນເວລາທີ່ອານາຈັກກາຍເປັນທາດເຫລັກ ແລະ ດິນເຜົາສ່ວນຫນຶ່ງ?

ໃນສະໄຫມນັ້ນພຣະເຈົ້າເເຫ່ງຟ້າຈະສະຖາປະນາອານາຈັກຫນຶ່ງຊຶ່ງບໍ່ມີວັນຖືກທຳລາຍ, ຫລື ຖືກເອົາຊະນະໂດຍຊົນຊາດອື່ນ.

Daniel 2:46

ເນບູກາດເນັດຊາໄດ້ສັ່ງໃຫ້ເຮັດຫຍັງສຳລັບດານີເອນ ຫລັງຈາກລາວໄດ້ບອກຄວາມຝັນ ແລະການຕີຄວາມຂອງກະສັດສຳເລັດແລ້ວ?

ກະສັດສັ່ງໃຫ້ນຳເຄື່ອງບູຊາ ເເລະເຄື່ອງຫອມມາໃຫ້ດານີເອນ.

ເນບູກາດເນັດຊາໄດ້ເວົ້າຫຍັງກ່ຽວກັບພຣະເຈົ້າຂອງດານີເອນ?

ເນບູກາດເນັດຊາກ່າວວ່າພຣະເຈົ້າຂອງທ່ານຊົງເປັນພຣະເຈົ້າ, ເຫນືອເທບທັງຫລາຍ ເເລະຊົງເປັນພຣະຜູ້ເປັນເຈົ້າເຫນືອກະສັດທັງປວງ, ແລະຊົງເປັນຜູ້ເປີດເຜີຍຄວາມລຶກລັບ.

Daniel 2:48

ເນບູກາດເນັດຊາໄດ້ເຮັດຫຍັງຫລັງຈາກດານີເອນໄດ້ຮ້ອງຂໍຈາກກະສັດ?

ກະສັດໄດ້ແຕ່ງຕັ້ງຊັດຣາກ, ເມຊາກ, ເເລະ ອາເບັດເນໂກເປັນຜູ້ບໍລິຫານຢູ່ໃນເເຂວງບາບີໂລນ.

Daniel 3

Daniel 3:1

ຮູບປັ້ນຄຳຂອງກະສັດເນບູກາດເນັດຊາສ້າງ ແລະຕັ້ງຢູ່ເທິງພູພຽງດຸລານັ້ນມີຂະຫນາດເທົ່າໃດ?

ຮູບປັ້ນດັ່ງກ່າວມີຄວາມສູງຫົກສິບສອກ ແລະກວ້າງຫົກສອກ.

Daniel 3:3

ຜູ້ໃດມາສະຫລອງຮູບປັ້ນທີ່ເນບູກາດເນັດຊາໄດ້ເຮັດ?

ບັນດາຜູ້ວ່າການທ້ອງຖິ່ນ, ພ້ອມດ້ວຍອົງຄະມົນຕີ, ນາຍຄັງ, ຜູ້ພິພາກສາ, ຕຸລາການ, ແລະບັນດາເຈົ້າຫນ້າທີ່ຊັ້ນສູງ ຂອງມົນທົນກໍໄດ້ເຂົ້າມາປະຊຸມງານສະຫລອງຮູບປັ້ນ.

ເນບູກາດເນັດຊາຢາກໃຫ້ຜູ້ທີ່ເຂົ້າຮ່ວມການສະຫລອງເຮັດຫຍັງ?

ລາວຕ້ອງການໃຫ້ຜູ້ທີ່ເຂົ້າຮ່ວມງານກົ້ມຂາບລົງຂາບໄຫວ້ຮູບປັ້ນທອງເມື່ອພວກເຂົາໄດ້ຍິນສຽງແກ, ຂຸ່ຍ, ພິນເຂົາຄູ່, ພິນສີ່ສາຍ, ພິນໃຫຍ່, ປີ່ຖົງ, ເເລະເຄື່ອງດົນຕີທຸກຊະນິດ.

Daniel 3:6

ກະສັດສັ່ງໃຫ້ເກີດຫຍັງຂຶ້ນກັບຜູ້ທີ່ບໍ່ກົ້ມກາບຂາບໄຫວ້ຮູບປັ້ນເມື່ອພວກເຂົາໄດ້ຍິນເຄື່ອງດົນຕີ ແລະເຄື່ອງດົນຕີທັງຫມົດ?

ກະສັດກ່າວວ່າ, ຜູ້ທີ່ບໍ່ກາບລົງ ແລະນະມັດສະການ, ໃນເວລານັ້ນກໍຈະຖືກໂຍນເຂົ້າ, ໄປໃນເຕົາໄຟລຸກຢູ່.

Daniel 3:8

ໃຜໄດ້ນຳເອົາຂໍ້ກ່າວຫາຕໍ່ຊັດຣາກ, ເມຊາກ, ເເລະອາເບັດເນໂກ?

ຊາວເຄເດັຍບາງຄົນໄດ້ມາ ແລະກ່າວຫາພວກເຂົາ.

Daniel 3:11

ຜູ້ໃດບໍ່ໄດ້ກົ້ມຂາບໄຫວ້ຮູບປັ້ນນັ້ນ?

ຊາວຢິວບາງຄົນ, ຊື່ຂອງພວກເຂົາຊື່ວ່າຊັດຣາກ, ເມຊາກ, ເເລະ ອາເບັດເນໂກ, ພວກເຂົາຈະບໍ່ກົ້ມຂາບໄຫວ້ຮູບປັ້ນນັ້ນ.

Daniel 3:16

ຊັດຣາກ, ເມຊາກ, ເເລະ ອາເບັດເນໂກ ມີການຕອບສະຫນອງແນວໃດ ກັບກະສັດໃນເວລາທີ່ກະສັດໄດ້ສັ່ງໃຫ້ກົ້ມລົງກາບ ແລະ ບູຊາຮູບປັ້ນ, ແລະ ກ່າວເຖິງຜົນສະທ້ອນຖ້າພວກເຂົາບໍ່ປະຕິບັດຕາມຄໍາສັ່ງຂອງກະສັດຈະເປັນແນວໃດ?

ຊັດຣາກ, ເມຊາກ, ເເລະ ອາເບັດເນໂກຕອບວ່າພຣະເຈົ້າຂອງພວກເຂົາສາມາດ ແລະ ຈະຮັກສາຄວາມປອດໄພໃຫ້ພວກເຂົາ ແລະຊ່ວຍພວກເຂົາໃຫ້ພົ້ນຈາກເຕົາໄຟ. ແຕ່ເຖິງແນວໃດກໍຕາມ, ພວກເຂົາກໍ່ຈະບໍ່ນະມັດສະການພະເຈົ້າຂອງເນບູກາດເນັດຊາ ຫລື ກົ້ມຂາບຮູບປັ້ນນັ້ນ.

Daniel 3:19

ຄຳສັ່ງເນບູກາດເນັດຊາກ່ຽວກັບຊັດຣາກ, ເມຊາກ, ເເລະ ອາເບັດເນໂກແມ່ນຫຍັງ?

ເນບູກາດເນັດຊາສັ່ງໃຫ້ເຕົາໄຟຮ້ອນຂຶ້ນກວ່າປົກກະຕິ 7 ຄັ້ງ, ແລະ ສຳລັບຊັດຣາກ, ເມຊາກ, ເເລະ ອາເບັດເນໂກຖືກມັດໄວ້ ແລະ ໂຍນເຂົ້າເຕົາໄຟ.

Daniel 3:21

ມີຫຍັງເກີດຂຶ້ນກັບຊັດຣາກ, ເມຊາກ, ເເລະ ອາເບັດເນໂກ ແລະ ພວກຜູ້ຊາຍທີ່ເອົາພວກເຂົາໄປວາງລົງໃນເຕົາໄຟ?

ພວກຜູ້ຊາຍທີ່ຈັບຊັດຣາກ, ເມຊາກ, ເເລະ ອາເບັດເນໂກໄດ້ຖືກຂ້າຕາຍຍ້ອນແປວໄຟທີ່ຮ້ອນຫລາຍຈາກເຕົາໄຟ ແລະ ຊັດຣາກ, ເມຊາກ, ເເລະອາເບັດເນໂກໄດ້ລົ້ມລົງໃນເຕົາໄຟ.

Daniel 3:24

ສິ່ງໃດທີ່ເຮັດໃຫ້ເນບູກາດເນັດຊາປະຫລາດໃຈ ແລະ ລຸກຢືນຂຶ້ນຢ່າງວ່ອງໄວ?

ເນບູກາດເນັດຊາໄດ້ປະຫລາດໃຈຫລາຍເພາະວ່າລາວໄດ້ເຫັນຊາຍສີ່ຄົນ, ບໍ່ຖືກມັດ, ຍ່າງອ້ອມໄຟ ແລະ ພວກເຂົາບໍ່ໄດ້ເຈັບຫຍັງເລີຍ ແລະ ຄວາມສະຫງ່າລາສີຂອງຜູ້ຊາຍຄົນທີສີ່ກໍ່ຄືກັບບຸດ ຂອງພຣະເຈົ້າ.

Daniel 3:26

ຜູ້ທີ່ຢູ່ໃນເຫດການ ໄດ້ສັງເກດເຫັນຫຍັງກ່ຽວກັບຊັດຣາກ, ເມຊາກ, ເເລະ ອາເບັດເນໂກຫລັງຈາກພວກເຂົາອອກຈາກໄຟ.

ຜູ້ທີ່ຢູ່ໃນເຫດການ ສັງເກດເຫັນວ່າໄຟບໍ່ໄດ້ ທຳຮ້າຍຮ່າງກາຍຂອງພວກເຂົາ; ຜົມຢູ່ເທິງຫົວຂອງພວກເຂົາກໍບໍ່ງໍ; ເສື້ອຄຸມຂອງພວກເຂົາບໍ່ໄດ້ຮັບອັນຕະລາຍ; ແລະ ບໍ່ມີກິ່ນໄຟໃນໂຕຂອງພວກເຂົາ.

Daniel 3:29

ເນບູກາດເນັດຊາອອກຄຳສັ່ງຫຍັງຫລັງຈາກເຫດການຂອງຊັດຣາກ, ເມຊາກ, ເເລະອາເບັດເນໂກ ແລະເຕົາໄຟທີ່ຖືກໄຟໄຫມ້?

ເນບູກາດເນັດຊາໄດ້ອອກຄຳສັ່ງວ່າບຸກຄົນ, ຊົນຊາດໃດ ຫລືພາສາໃດກໍ່ຕາມທີ່ເວົ້າຫຍັງຕໍ່ພຣະເຈົ້າຊັດຣາກ, ເມຊາກ, ເເລະ ອາເບັດເນໂກຈະຖືກແຍກອອກໄປ, ເຮືອນຂອງພວກເຂົາຈະຖືກເຮັດໃຫ້ເປັນເນີນພູຂອງນ້ຳ ເປື້ອນເພາະວ່າບໍ່ມີພຣະເຈົ້າອື່ນທີ່ສາມາດຊ່ວຍຊີວິດແບບນັ້ນໄດ້.

ກະສັດໄດ້ເຮັດຫຍັງສຳລັບຊັດຣາກ, ເມຊາກ, ເເລະອາເບັດເນໂກ?

ກະສັດເນບູກາດເນັດຊາ, ໄດ້ສົ່ງເສີມຊັດຣາກ, ເມຊາກ, ເເລະອາເບັດເນໂກໃນແຂວງບາບີໂລນ.

Daniel 4

Daniel 4:1

ເນບູກາດເນັດຊາໄດ້ສົ່ງສານດັ່ງກ່າວໃຫ້ກັບໃຜ?

ເນບູກາດເນັດຊາໄດ້ສົ່ງສານໃຫ້ປະຊາຊົນທຸກປະເທດ ແລະ ທຸກພາສາທີ່ອາໄສຢູ່ເທິງແຜ່ນດິນໂລກ.

ເປັນຫຍັງເນບູກາດເນັດຊາຈຶ່ງອອກສານດັ່ງກ່າວ?

ເນບູກາດເນັດຊາໄດ້ສົ່ງສານວ່າດ້ວຍການບອກທຸກຄົນກ່ຽວກັບຫມາຍສຳຄັນຕ່າງໆ ເເລະການອັດສະຈັນຕ່າງໆ.

ເນບູກາດເນັດຊາເວົ້າຫຍັງບໍ່ກ່ຽວກັບຜູ້ສູງສຸດ?

ເນບູກາດເນັດຊາກ່າວກ່ຽວກັບພຣະເຈົ້າອົງສູງສຸດວ່າ, "ເຄື່ອງຫມາຍຂອງພຣະອົງຍິ່ງໃຫຍ່ຊໍ່າໃດ, ແລະອັດສະຈັນຂອງພຣະອົງຍິ່ງໃຫຍ່ພຽງໃດ!

Daniel 4:4

ສິ່ງໃດທີ່ເຮັດໃຫ້ເນບູກາດເນັດຊາຢ້ານ?

ຄວາມຝັນເນບູກາດເນັດຊາໄດ້ເຮັດໃຫ້ລາວຢ້ານກົວ.

ເປັນຫຍັງເນບູກາດເນັດຊາຈຶ່ງອອກຄຳສັ່ງທີ່ຈະນຳເອົາບັນດາຄົນສະຫລາດທັງຫມົດ ຂອງບາບີໂລນມາຫາພຣະອົງ?

ເນບູກາດເນັດຊາຕ້ອງການຜູ້ຊາຍທີ່ສະຫລາດຂອງບາບີໂລນມາ ແລະຕີຄວາມຝັນຂອງລາວຕໍ່ລາວ.

Daniel 4:7

ຊື່ບາບີໂລນຂອງດານີເອນແມ່ນຫຍັງ ແລະ ຕຳແຫນ່ງຂອງດານີເອນໃນອານາຈັກເນບູກາດເນັດຊາແມ່ນຫຍັງ?

ຊື່ບາບີໂລນຂອງດານີເອນແມ່ນ ເບນເຕຊັດຊາເຣ ແລະ ລາວໄດ້ດຳລົງຕຳແຫນ່ງ "ຫົວຫນ້າຂອງພວກຫມໍດູຜູ້ມີປັນຍາ".

ໃຜທີ່ເນບູກາດເນັດຊາເຊື່ອວ່າສາມາດບອກຄວາມຫມາຍຂອງຄວາມຝັນຂອງລາວ?

ເນບູກາດເນັດຊາເຊື່ອວ່າດານີເອນສາມາດຕີຄວາມຝັນຂອງລາວສຳລັບລາວ, ເພາະເນບູກາດເນັດຊາເວົ້າກ່ຽວກັບດານີເອນວ່າ "... ວິນຍານຂອງພຣະເຈົ້າທີ່ສັກສິດຢູ່ໃນຕົວທ່ານ ແລະ ບໍ່ມີຄວາມລຶກລັບຫຍັງທີ່ຍາກເກີນໄປສຳລັບທ່ານ.

Daniel 4:10

ໃນຕອນທຳອິດຂອງຄວາມຝັນຂອງລາວເນບູກາດເນັດຊາໄດ້ເຫັນຫຍັງ?

ເນບູກາດເນັດຊາໄດ້ເຫັນຕົ້ນໄມ້ໃຫຍ່, ແຂງແຮງ, ສວຍງາມເຊິ່ງໄປເຖິງສະຫວັນ. ມັນໄດ້ໃຫ້ຮົ່ມສຳລັບສັດ ແລະ ບ່ອນອາໄສ ສຳລັບສັດປີກ. ມັນມີຫມາກໄມ້ທີ່ອຸດົມສົມບູນທີ່ລ້ຽງຊີວິດສັດທັງຫມົດ.

Daniel 4:13

ທູດສະຫວັນຜູ້ບໍລິສຸດຈາກສະຫວັນເວົ້າໃຫ້ເຮັດຫຍັງກັບຕົ້ນໄມ້?

ທູດສະຫວັນຜູ້ບໍລິສຸດກ່າວວ່າ ໂຄ້ນຕົ້ນໄມ້ນີ້ ເເລະຕັດກິ່ງອອກເສຍ, ລິໃບອອກ ເເລະໃຫ້ຫມາກຂອງມັນກະຈາຍໄປ.

Daniel 4:15

ຈະເຮັດຫຍັງກັບເຫງົ້າຕົ້ນໄມ້?

ເຫງົ້າໄມ້ນີ້ຈະຖືກປະໄວ້ໃນແຜ່ນດິນໂລກຜູກມັດດ້ວຍແຖບເຫລັກ ແລະ ທອງເຫລືອງ. ປ່ອຍໃຫ້ມັນຊຸ່ມດ້ວຍນ້ຳຕົກ. ປ່ອຍໃຫ້ມັນຢູ່ກັບສັດ. ໃຫ້ຈິດໃຈຂອງເຂົາເປັນສັດ ແລະ ບໍ່ແມ່ນຂອງມະນຸດເປັນເວລາເຈັດປີ.

Daniel 4:17

ຈຸດປະສົງຂອງການເຮັດສິ່ງນີ້ກັບຕົ້ນໄມ້ໃນຄວາມຝັນຂອງເນບູກາດເນັດຊາແມ່ນຫຍັງ?

ຜູ້ທີ່ໄດ້ມີຊີວິດຢູ່ຈະໄດ້ຮູ້ວ່າພຣະອົງຜູ້ສູງສຸດຊົງປົກຄອງບັນດາຣາຊອານາຈັກຂອງປະຊາຊົນ ເເລະປະທານຣາຊອານາຈັກນັ້ນໃຫ້ແກ່ຜູ້ທີ່ພຣະອົງພໍໃຈທີ່ຈະໃຫ້ປົກຄອງພວກເຂົາ.

Daniel 4:20

ແມ່ນໃຜເວົ້າວ່າຕົ້ນໄມ້ຢູ່ໃນຄວາມຝັນຂອງເນບູກາດເນັດຊາ?

ດານີເອນກ່າວວ່າຕົ້ນໄມ້ນັ້ນແມ່ນເນບູກາດເນັດຊາ.

Daniel 4:24

ຈະເກີດຫຍັງຂຶ້ນກັບກະສັດເນບູກາດເນັດຊາຈົນກວ່າລາວຈະຍອມຮັບວ່າພຣະເຈົ້າອົງສູງສຸດປົກຄອງອານາຈັກຂອງປະຊາຊົນ ແລະພຣະອົງຈະປະທານຣາຊອານາຈັກນັ້ນເເກ່ຜູ້ທີ່ພຣະອົງພໍພຣະໄທ?

ເນບູກາດເນັດຊາຈະຖືກຂັບໄລ່ອອກຈາກບັນດາຜູ້ຊາຍ. ລາວຈະອາໄສຢູ່ໃນທົ່ງນາດ້ວຍສັດປ່າ ແລະກິນຫຍ້າຄືກັນກັບງົວ ແລະ ຕົວປຽກດ້ວຍນ້ຳຕົກຈາກສະຫວັນ.

ມັນດົນປານໃດກ່ອນທີ່ ເນບູກາດເນັດຊາລາວຈະຍອມຮັບວ່າພຣະເຈົ້າອົງສູງສຸດປົກຄອງອານາຈັກຂອງປະຊາຊົນ ແລະ ພຣະອົງຈະປະທານຣາຊອານາຈັກນັ້ນເເກ່ຜູ້ທີ່ພຣະອົງພໍພຣະໄທ.

ເຈັດປີໄດ້ຜ່ານໄປຈົນກວ່າເນບູກາດເນັດຊາ ລາວຈະຍອມຮັບວ່າພຣະເຈົ້າອົງສູງສຸດປົກຄອງອານາຈັກຂອງປະຊາຊົນ ແລະ ພຣະອົງຈະປຣະທານຣາຊອານາຈັກນັ້ນເເກ່ຜູ້ທີ່ພຣະອົງພໍພຣະໄທ.

Daniel 4:26

ຫລັງຈາກແປຄວາມຝັນ ສຳລັບເນບູກາດເນັດຊາ, ຄຳແນະນຳຂອງດານີເອນ ສຳລັບລາວແມ່ນຫຍັງ?

ດານີເອນໄດ້ແນະນຳໃຫ້ ເນບູກາດເນັດຊາຢຸດການເຮັດບາບ ແລະ ເຮັດສິ່ງທີ່ຖືກຕ້ອງ. ແລະ ຍັງໄດ້ບອກເນບູກາດເນັດຊາໃຫ້ຫັນຫນີຈາກບາບຂອງຕົນໂດຍການສະແດງຄວາມເມດຕາຕໍ່ຜູ້ທີ່ຖືກກົດຂີ່ຂົ່ມເຫັງ.

Daniel 4:28

ມັນດົນປານໃດກ່ອນການຕີຄວາມຫມາຍຂອງຄວາມຝັນຂອງເນບູກາດເນັດຊາໄດ້ເລີ່ມຕົ້ນເກີດຂຶ້ນ?

ສິ່ງທັງຫມົດເຫລົ່ານີ້ເລີ່ມເກີດຂຶ້ນສິບສອງເດືອນຫລັງຈາກຄວາມຝັນຂອງລາວ.

Daniel 4:34

ເນບູກາດເນັດຊາໄດ້ເຮັດຫຍັງຫລັງຈາກຄວາມປົກກະຕິຂອງລາວໄດ້ຖືກຟື້ນຟູຄືນມາສູ່ລາວ?

ເນບູກາດເນັດຊາໄດ້ຍ້ອງຍໍ ແລະ ໃຫ້ກຽດແກ່ອົງຜູ້ສູງສຸດທີ່ປົກຄອງຕະຫລອດໄປ.

Daniel 4:36

ມີຫຍັງເກີດຂຶ້ນກັບອານາຈັກຂອງເນບູກາດເນັດຊາ?

ອານາຈັກໄດ້ຖືກມອບຄືນໃຫ້ລາວ.

ຄຳຖະແຫລງສຸດທ້າຍຂອງກະສັດເນບູກາດເນັດຊາກ່ຽວກັບກະສັດແຫ່ງສະຫວັນແມ່ນຫຍັງ?

ຄຳຖະແຫລງຂອງລາວແມ່ນ: "ບັດນີ້ ເຮົາເອງ, ເນບູກາດເນັດຊາ, ຂໍສັນລະເສີນ, ຍົກຍ້ອງ, ແລະຖວາຍກຽດແດ່ອົງກະສັດແຫ່ງຟ້າ, ເພາະວ່າພຣະຣາຊກິດຂອງພຣະອົງຖືກຕ້ອງ, ແລະການກະທຳຂອງພຣະອົງກໍທ່ຽງທຳ. ພຣະອົງຊົງເຮັດໃຫ້ບັນດາຜູ້ດຳເນີນຢູ່ໃນຄວາມຈອງຫອງໄດ້ຖ່ອມຕົວເອງ.

Daniel 5

Daniel 5:1

ກະສັດເບັນຊັດຊາເຣໄດ້ຈັດງານລ້ຽງໃຫຍ່ສຳລັບໃຜ?

ພຣະອົງໄດ້ຊົງຈັດງານລ້ຽງໃຫຍ່ເເກ່ບັນດາເຊື້ອວົງຫນຶ່ງພັນຄົນ.

ເບັນຊັດຊາເຣຜູ້ນີ້ແມ່ນຜູ້ໃດ?

ລາວເປັນລູກຊາຍຂອງເນບູກາດເນັດຊາ.

Daniel 5:3

ພວກເຂົາໃຊ້ພາຊະນະຫຍັງໃນການດື່ມເຫລົ້າທີ່ເຮັດຈາກງານລ້ຽງນີ້?

ພວກຄົນໃຊ້ຈຶ່ງໄດ້ນຳພາຊະນະທອງຄຳຊຶ່ງຢຶດມາຈາກພຣະວິຫານ, ຄືພຣະນິເວດຂອງພຣະເຈົ້າ, ໃນນະຄອນເຢຣູຊາເລັມ.

ຜູ້ຄົນໃນງານລ້ຽງເຮັດຫຍັງໃນຂະນະທີ່ເຂົາດື່ມເຫລົ້າອະງຸ່ນ?

ພວກເຂົາໄດ້ດື່ມເຫລົ້າອະງຸ່ນ ເເລະ ສັນລະເສີນຮູບເຄົາລົບທັງຫລາຍທີ່ເຮັດດ້ວຍທອງຄຳ, ເງິນ, ທອງສຳຣິດ ,ເຫລັກ, ໄມ້, ເເລະຫີນ.

Daniel 5:5

ໃນຂະນະທີ່ປະຊາຊົນດື່ມເຫລົ້າອະງຸ່ນ ແລະສັນລະເສີນຮູບເຄົາລົບຂອງພວກເຂົາແມ່ນຫຍັງເກີດຂຶ້ນ?

ນິ້ວມືຂອງຄົນຫລາຍນິ້ວໄດ້ປະກົດຂຶ້ນຕໍ່ຫນ້າຂາຕັ້ງຕະກຽງ ເເລະ ໄດ້ຂຽນລົງທີ່ຝາພະຣາດຊະວັງຂອງກະສັດ.

ກະສັດໄດ້ຕອບສະຫນອງຫຍັງທັນທີເມື່ອລາວໄດ້ເຫັນມື?

ຫນ້າຂອງກະສັດກໍຊີດໄປ, ເເລະ ພຣະອົງກໍຕົກໃຈຈົນກະທັງພຣະເພົາຊົງອ່ອນເພຍຂາກໍຊົງສັ່ນ.

Daniel 5:7

ກະສັດໄດ້ສັນຍາຫຍັງກັບຜູ້ທີ່ສາມາດອະທິບາຍອັກສອນທີ່ຂຽນເທິງຝາຜະຫນັງປູນ ແລະ ບອກເຖິງຄວາມຫມາຍຂອງມັນໄດ້?

ກະສັດໄດ້ສັນຍາວ່າ ຜູ້ໃດກໍຕາມທີ່ອະທິບາຍສິ່ງທີ່ຂຽນໄວ້ນີ້ ແລະ ແປຄວາມຫມາຍໃຫ້ເຮົາໄດ້ ເຮົາຈະໃຫ້ຜູ້ນັ້ນສວມເສື້ອສີມ່ວງ ແລະສວມສາຍຄໍທອງຄຳຮອບຄໍເຂົາ ແລະ ເຮົາຈະຕັ້ງໃຫ້ເປັນຜູ້ມີອຳນາດສູງສຸດໃນຣາດຊະອານາຈັກ.

Daniel 5:13

ອີງຕາມກະສັດລາວໄດ້ເວົ້າຫຍັງກ່ຽວກັບຄຸນລັກສະນະຂອງດານີເອນ?

ກະສັດບອກດານີເອນວ່າ ລາວໄດ້ຍິນວ່າດານີເອນມີພຣະວິນຍານຂອງພຣະເຈົ້າຢູ່ໃນລາວ ແລະວ່າດານີເອນມີຄວາມສະຫວ່າງ ແລະຄວາມເຂົ້າໃຈ ແລະມີປັນຍາທີ່ດີເລີດ.

Daniel 5:17

ຄຳຕອບຂອງດານີເອນແມ່ນຫຍັງ ເມື່ອລາວຖືກບອກກ່ຽວກັບລາງວັນທີ່ລາວຈະໄດ້ຮັບໃນການອ່ານການຂຽນ ແລະ ອະທິບາຍຄວາມຫມາຍຂອງມັນ?

ດານີເອນໄດ້ທູນກະສັດວ່າ, "ຂໍຊົງເກັບຂອງພະຣາຊທານໄວ້ເປັນຂອງພະອົງເຖີດ, ແລະຂໍປະທານລາງວັນແກ່ຜູ້ອື່ນ, ສ່ວນຂ້ານ້ອຍຈະຂໍອ່ານຂໍ້ຂຽນຖວາຍ, ກະສັດ, ແລະຖວາຍຄຳແປຄວາມຫມາຍໃຫ້ພຣະອົງຊົງຮູ້."

Daniel 5:20

ເປັນຫຍັງເນບູກາດເນັດຊາລົງຈາກບັນລັງກະສັດຂອງລາວ ແລະ ເປັນຫຍັງຄວາມສະຫງ່າລາສີຂອງລາວຖືກເອົາໄປຈາກລາວ?

ເນບູກາດເນັດຊາສູນເສຍຄວາມສະຫງ່າງາມ ແລະບັນລັງຂອງລາວເພາະວ່າລາວມີໃຈຈອງຫອງຂຶ້ນ ແລະ ໃຈແຂງກະດ້າງໂຫດຮ້າຍຈຶ່ງໄດ້ຊົງປະກອບກິດດ້ວຍຄວາມຫຶກເຫີມ.

Daniel 5:22

ຂໍ້ກ່າວຫາຂອງດານີເອນຕໍ່ເບັນຊັດຊາເຣແມ່ນຫຍັງ?

ດານີເອນກ່າວວ່າເບັນຊັດຊາເຣບໍ່ໄດ້ຖີ້ມຫົວໃຈຂອງລາວ, ລາວໄດ້ຍົກຕົວຂຶ້ນຕໍ່ຕ້ານພຣະຜູ້ເປັນເຈົ້າຂອງສະຫວັນ ແລະ ລາວບໍ່ໄດ້ຍົກຍ້ອງພຣະເຈົ້າທີ່ຖືລົມຫາຍໃຈຢູ່ໃນມືຂອງລາວ ແລະ ຜູ້ທີ່ຮູ້ທຸກວິທີທາງຂອງລາວ.

Daniel 5:25

ຄວາມຫມາຍຂອງການຂຽນຢູ່ເທິງຝາຜະຫນັງແມ່ນຫຍັງ?

ຄວາມຫມາຍມີດັ່ງນີ້: ພຣະເຈົ້າໄດ້ຊົງຄຳນວນວາລະສິ້ນສຸດແຫ່ງຣາຊອານາຈັກຂອງເບັນຊັດຊາເຣໄວ້ແລ້ວ. ເບັນຊັດຊາເຣໄດ້ຊັ່ງໃນຕາຊູ ແລະໄດ້ຊົງພົບວ່າຍັງຂາດຢູ່. ຣາຊອານາຈັກຂອງເບັນຊັດຊາເຣ ໄດ້ຖືກແບ່ງອອກ ແລະ ໄດ້ໃຫ້ແກ່ຄົນມີເດຍ ແລະຄົນເປີເຊຍ.

Daniel 5:29

ມີຫຍັງເກີດຂຶ້ນໃນຄືນນັ້ນ ຫລັງຈາກທີ່ດານີເອນໄດ້ແປຄວາມຫມາຍຂອງລາວກ່ຽວກັບການຂຽນເຖິງເບັນຊັດຊາເຣ?

ຄືນນັ້ນເບັນຊັດຊາເຣ, ກະສັດແຫ່ງບາບີໂລນຖືກຂ້າຕາຍ, ແລະ ດາຣິອຸດຊາວເມເດຍໄດ້ຮັບອານາຈັກ.

ດາຣິອຸດມີອາຍຸເທົ່າໃດ ເມື່ອທີ່ລາວໄດ້ຮັບຣາຊະອານາຈັກ?

ດາຣິອຸດຊາວເມເດຍ ມີອາຍຸປະມານຫົກສິບສອງປີເມື່ອລາວໄດ້ຮັບອານາຈັກ.

Daniel 6

Daniel 6:1

ດາຣິອຸດໄດ້ແຕ່ງຕັ້ງຜູ້ໃດຂຶ້ນປົກຄອງອານາຈັກ?

ທ່ານໄດ້ຊົງເເຕ່ງຕັ້ງຜູ້ວ່າຣາຊການເເຄວ້ນຈຳນວນ 120ຄົນ ໂດຍຕັ້ງສາມຄົນຢູ່ເຫນືອພວກເຂົາ.

ໃຜເປັນຫນຶ່ງໃນສາມຜູ້ບໍລິຫານໃຫຍ່ນັ້ນ?

ດານີເອນເປັນຄົນຫນຶ່ງໃນສາມຫົວຫນ້າບໍລິຫານ.

ເປັນຫຍັງຫົວຫນ້າຜູ້ບໍລິຫານສາມທ່ານຈຶ່ງຖືກແຕ່ງຕັ້ງ?

ພວກເຂົາຖືກແຕ່ງຕັ້ງໃຫ້ເປັນຜູ້ຊີ້ນຳບັນດາເຈົ້າແຂວງ, ເພື່ອວ່າກະສັດຈະບໍ່ປະສົບກັບຄວາມສູນເສຍ.

ໃຜເປັນຜູ້ກະສັດວາງແຜນທີ່ຈະມອບອານາຈັກທັງຫມົດໃຫ້?

ກະສັດຊົງມີເເຜນຈະເເຕ່ງຕັ້ງໃນດານີເອນດູເເລອານາຈັກເຫລົ່ານັ້ນທັງຫມົດ.

Daniel 6:4

ເປັນຫຍັງຫົວຫນ້າບໍລິຫານ ແລະເຈົ້າແຂວງອື່ນໆບໍ່ສາມາດພົບເຫັນການສໍ້ລາດບັງຫລວງ, ຄວາມລົ້ມເຫລວໃນຫນ້າທີ່ຂອງລາວ, ບໍ່ມີຂໍ້ຜິດພາດ ແລະບໍ່ມີຄວາມປະຫມາດໃນການເຮັດວຽກຂອງດານີເອນສຳລັບອານາຈັກດັ່ງກ່າວ?

ພວກເຂົາກໍຫາຄວາມຜິດ ຫລືຄວາມບົກຜ່ອງໃນງານຂອງເຂົາບໍ່ໄດ້ ເພາະດານີເອນເປັນຄົນຊື່ສັດ.

ມີພື້ນທີ່ໃດຫນຶ່ງໃນຊີວິດຂອງລາວ ທີ່ຜູ້ບໍລິຫານ ແລະເຈົ້າແຂວງອື່ນໆ ຄິດວ່າພວກເຂົາອາດຈະພົບເຫັນບາງສິ່ງທີ່ຈະຮ້ອງທຸກຕໍ່ດານີເອນ?

ພວກເຂົາຄິດວ່າພວກເຂົາບໍ່ສາມາດຈະຟ້ອງດານີເອນໄດ້ ນອກຈາກຈະຫາເຫດຜົນໃນເລື່ອງກົດບັນຍັດເເຫ່ງພຣະເຈົ້າຂອງເຂົາ.

Daniel 6:6

ເຈົ້າແຂວງ ແລະ ຫົວຫນ້າບໍລິຫານອື່ນໆແນະນຳໃຫ້ກະສັດດາຣິອຸດເຮັດແນວໃດ?

ພວກເຂົາໄດ້ແນະນຳໃຫ້ດາຣິອຸດຄວນຈະມີກົດຫມາຍ ແລະ ອອກຄຳສັ່ງ ແລະໃຫ້ມີຜົນໃຊ້ບັງຄັບທັນທີວ່າໃນສາມສິບວັນນີ້ ຢ່າໃຫ້ຜູ້ໃດພາວັນນາອະຖານພະໃດ ຫລືມະນຸດນອກເຫນືອຈາກກະສັດດາຣິອຸດເປັນເວລາສາມສິບວັນ, ຄົນນັ້ນຕ້ອງຖືກໂຍນລົງໄປໃນຖ້ຳສິງໂຕ.

Daniel 6:10

ດານີເອນໄດ້ເຮັດຫຍັງຫລັງຈາກລາວຮູ້ວ່າດຳລັດໄດ້ຖືກສົ່ງອອກ ແລະ ເອກະສານໄດ້ເຊັ່ນເປັນກົດຫມາຍແລ້ວ?

ດານີເອນໄດ້ເຂົ້າໄປໃນເຮືອນຂອງລາວ, ຄຸເຂົ່າລົງເຂົາພາວະນາອະທິຖານວັນລະສາມຄັ້ງ ຂອບພຣະຄຸນພຣະເຈົ້າ, ຢ່າງທີ່ເຂົາໄດ້ເຄີຍເຮັດກ່ອນຫນ້ານີ້.

Daniel 6:13

ຜູ້ຊາຍທີ່ວາງແຜນຕ້ານດານີເອນໄດ້ເຮັດຫຍັງ ເມື່ອເຫັນດານີເອນຮ້ອງຂໍ ແລະຂໍຄວາມຊ່ວຍເຫລືອຈາກພຣະເຈົ້າ?

ຄົນເຫລົ່ານັ້ນໄດ້ໄປຫາກະສັດ ແລະ ບອກລາວວ່າດານີເອນບໍ່ເອົາໃຈໃສ່ກະສັດ ຫລືລັດຖະບັນຍັດຂອງລາວ ແລະດານີເອນໄດ້ອະທິຖານຫາພຣະເຈົ້າສາມເທື່ອຕໍ່ມື້.

ເມື່ອກະສັດໄດ້ຍິນວ່າດານີເອນບໍ່ເຊື່ອຟັງຄຳສັ່ງຂອງຕົນ ກະສັດໄດ້ເຮັດຫຍັງ?

ກະສັດຮູ້ສຶກກັງວົນໃຈຫລາຍ ແລະ ລາວຕັ້ງໃຈຂອງລາວເພື່ອຊ່ວຍດານີເອນຈາກລອດຈາກກົດຫມາຍນີ້ຂອງລາວ.

Daniel 6:17

ຫລັງຈາກດານີເອນຖືກໂຍນລົງໃນຖ້ຳສິງ, ກະສັດໄດ້ເຮັດຫຍັງ?

ກະສັດກໍໄດ້ຊົງປະທັບກາຂອງພຣະອົງ ແລະດ້ວຍກາຂອງແຫວນບັນດາເຊື້ອພຣະອົງ. ແລ້ວກະສັດກໍໄດ້ກັບຣາຊວັງຂອງພຣະອົງ ແລະ ໄດ້ຊົງອົດອາຫານຕະຫລອດຄືນນັ້ນ ແລະ ບໍ່ຫລັບນອນ.

Daniel 6:19

ໃນມື້ຕໍ່ມາຫລັງຈາກດານີເອນຖືກໂຍນລົງໄປໃນຖໍ້າສິງໂຕ, ເມື່ອກະສັດໄປທີ່ຖໍ້າ, ກະສັດໄດ້ຖາມດານີເອນວ່າແນວໃດ?

ກະສັດໄດ້ຖາມດານີເອນວ່າ ພຣະເຈົ້າທີ່ດານີເອນໄດ້ຮັບໃຊ້ມາຕະຫລອດນັ້ນຊົງສາມາດຊ່ວຍລາວຈາກສິງໂຕໄດ້.

Daniel 6:21

ດານີເອນໄດ້ຕອບກະສັດແນວໃດ?

ດານີເອນໄດ້ກ່າວກັບກະສັດວ່າ, "ຂ້າແຕ່ກະສັດ ຂໍຊົງພຣະຈະເລີນເປັນນິດ! ພຣະເຈົ້າຂອງຂ້ານ້ອຍຊົງໃຊ້ທູດຂອງພຣະອົງມາປິດປາກເຫລົ່າສິງໂຕໄວ້, ແລະພວກມັນບໍ່ໄດ້ເຮັດອັນຕະລາຍແກ່ຂ້ານ້ອຍ. ເພາະຂ້ານ້ອຍບໍ່ມີຄວາມຜິດຕໍ່ຫນ້າພຣະອົງ, ຂ້າແດ່ກະສັດ, ແລະຂ້ານ້ອຍບໍ່ໄດ້ເຮັດຜິດປະການໃດຕໍ່ຫນ້າພຣະອົງດ້ວຍ.

Daniel 6:23

ແມ່ນຫຍັງຄືຄຳສັ່ງທຳອິດທີ່ກະສັດສັ່ງໃຫ້ ຫລັງຈາກພົບດານີເອນມີຊີວິດຢູ່ໃນຖ້ຳສິງໂຕ?

ຄຳສັ່ງທຳອິດທີ່ກະສັດສັ່ງຫລັງຈາກພົບວ່າດານີເອນຍັງມີຊີວິດຢູ່ແມ່ນວ່າພວກເຂົາຄວນເອົາດານີເອນຂຶ້ນຈາກຖໍ້າ.

Daniel 6:24

ແມ່ນຫຍັງຄືຄຳສັ່ງທີສອງທີ່ກະສັດຊົງສັ່ງ ຫລັງຈາກພົບວ່າດານີເອນຍັງມີຊີວິດຢູ່ໃນຖ້ຳສິງໂຕ?

ຄຳສັ່ງທີສອງແມ່ນໃຫ້ນຳພວກຜູ້ຊາຍທີ່ກ່າວຫາດານີເອນ ແລະໂຍນພວກເຂົາເຂົ້າໄປໃນຖ້ຳສິງໂຕພ້ອມດ້ວຍລູກ ແລະ ເມຍຂອງພວກເຂົາ.

Daniel 6:26

ດາຣິອຸດໄດ້ເວົ້າຫຍັງກ່ຽວກັບພຣະເຈົ້າໃນດຳລັດຂອງລາວກ່ຽວກັບພຣະເຈົ້າຂອງດານີເອນ?

ດາຣິອຸດໄດ້ເວົ້າກ່ຽວກັບພຣະເຈົ້າຂອງດານີເອນວ່າ: "...ພຣະອົງຊົງເປັນພຣະເຈົ້າຜູ້ຊົງມີຊີວິດຢູ່ຊົງດຳລົງຢູ່ເປັນນິດ, ແລະ ຣາຊອານາຈັກຂອງພຣະອົງຈະບໍ່ໄດ້ຖືກທຳລາຍ ແລະ ການປົກຄອງຂອງພຣະອົງຈະດຳລົງຈົນເຖິງທີ່ສຸດ. ໃນຟ້າ ແລະ ເທິງພື້ນແຜ່ນດິນ; ພຣະອົງໄດ້ຊົງຊ່ວຍດານີເອນໃຫ້ລອດຈາກອຳນາດຂອງເຫລົ່າສິງໂຕ.

Daniel 6:28

ໃນລະຫວ່າງການປົກຄອງຂອງຜູ້ໃດທີ່ດານີເອນຈະເລີນຮຸ່ງເຮືອງ?

ດານີເອນຈະເລີນຮຸ່ງເຮືອງໃນລະຫວ່າງການປົກຄອງຂອງດາຣິອຸດ ແລະ ໃນໄລຍະການປົກຄອງຂອງໄຊຣັດຊາວເປີເຊຍ.

Daniel 7

Daniel 7:1

ໃນເວລາໃດທີ່ດານີເອນໄດ້ມີຄວາມຝັນ ແລະນິມິດໃນໃຈຂອງລາວ?

ດານີເອນໄດ້ມີຄວາມຝັນ ແລະ ນິມິດໃນຂະນະທີ່ນອນຢູ່ເທິງຕຽງຂອງລາວ ໃນລະຫວ່າງປີທຳອິດຂອງກະສັດເບັນຊັດຊາເຣແຫ່ງບາບີໂລນ.

ໃນນິມິດຂອງດານີເອນສິ່ງໃດທີ່ກະຕຸ້ນໃຫ້ທະເລໃຫຍ່?

ລົມທັງສີ່ຂອງຟ້າໄດ້ປຸກປັ່ນທະເລໃຫຍ່

ມີຫຍັງອອກມາຈາກທະເລ?

ສັດໃຫຍ່ 4 ໂຕ, ແຕ່ລະໂຕແຕກຕ່າງຈາກໂຕອື່ນມາຈາກທະເລ.

Daniel 7:4

ແມ່ນຫຍັງໄດ້ມອບໃຫ້ສັດທີ່ຄ້າຍຄືກັບສິງໂຕຫນຶ່ງ?

ຈິດໃຈຂອງຜູ້ຊາຍໄດ້ຖືກມອບໃຫ້ແກ່ມັນ.

ສັດທີ່ຄ້າຍຄືກັບຫມີຖືກບອກໃຫ້ເຮັດຫຍັງ?

ໄດ້ມີການບອກໃຫ້ລຸກຂຶ້ນ ແລະກິນຫລາຍຄົນ.

Daniel 7:6

ສັດທີ່ຄ້າຍຄືເສືອດາວແມ່ນໄດ້ຮັບສິດອຳນາດຫຍັງ?

ມັນໄດ້ຮັບສິດອຳນາດໃນການປົກຄອງ.

ສັດທີ່ສີ່ໄດ້ເຮັດຫຍັງ?

ສັດທີສີ່ກິນ ແລະ ໄດ້ຫັກເປັນຕ່ອນໆ ແລະໄດ້ຢຽບເອົາສິ່ງທີ່ເຫລືອຢູ່.

Daniel 7:8

ດານີເອນໄດ້ເຫັນຫຍັງເກີດຂຶ້ນຕໍ່ກັບສັດໂຕທີສີ່ໃນຂະນະທີ່ລາວຈ້ອງເບິ່ງເຂົາ?

ດານີເອນເຫັນເຂົາອັນນ້ອຍຫນຶ່ງເຕີບໂຕຂຶ້ນໃນບັນດາສິບເຂົາອື່ນໆ. ສາມເຂົາທຳອິດຖືກຖອນຮາກອອກໄປ. ດານີເອນໄດ້ເຫັນວ່າເຂົານ້ອຍນັ້ນມີສາຍຕາຄ້າຍຄືກັບມະນຸດ ແລະ ປາກທີ່ອວດອ້າງກ່ຽວກັບສິ່ງຍິ່ງໃຫຍ່.

Daniel 7:9

ຜູ້ໃດທີ່ນັ່ງຢູ່ເທິງບັນລັງຫນຶ່ງທີ່ຕັ້ງຂຶ້ນ?

ຍຸກສະໄຫມບູຮານໄດ້ນັ່ງຢູ່ເທິງບັນລັງ.

Daniel 7:10

ຂະບວນການຫຍັງໄດ້ດຳເນີນໃນຍຸກສະໄຫມບູຮານ?

ສານກໍໄດ້ເລີ່ມຂະບວນການ, ແລະ ບັນດາຫນັງສືກໍເປີດອອກ.

Daniel 7:11

ມີສິ່ງໃດທີ່ເກີດຂຶ້ນກັບສັດທັງສີ່ໂຕນັ້ນ?

ສັດທີ່ມີເຂົາໄດ້ມີຖ້ອຍຄຳໂອ້ອວດ, ຖືກຂ້າ ແລະ ຮ່າງຂອງມັນກໍຖືກທຳລາຍໄປ ແລະໄດ້ຖືກມອບໃຫ້ເຜົາດ້ວຍໄຟ. ສ່ວນເລື່ອງສັດສີ່ໂຕທີ່ເຫລືອຢູ່ນັ້ນ, ອຳນາດປົກຄອງຂອງພວກມັນກໍຖືກຖອນໄປ, ແຕ່ຊີວິດຂອງພວກມັນໄດ້ຖືກຢືດຕໍ່ໄປໃນຊ່ວງເວລາຫນຶ່ງ.

Daniel 7:13

ໃນນິມິດຂອງດານີເອນ, ໃຜຖືກສະເຫນີຕໍ່ສະໄຫມບູຮານ?

ຜູ້ຫນຶ່ງທີ່ມາພ້ອມດ້ວຍເມກຂອງຟ້າສະຫວັນ ຄືກັບບຸດມະນຸດຖືກນຳສະເຫນີຕໍ່ສະໄຫມບູຮານ.

ແມ່ນຫຍັງໄດ້ມອບໃຫ້ຜູ້ທີ່ "ຄືກັບລູກຊາຍ"?

ພຣະຣາຊອຳນາດໃນການຄອບຄອງ, ອານາຈັກຂອງພຣະອົງເປັນອານາຈັກຊຶ່ງຈະບໍ່ຖືກທຳລາຍເລີຍ,​ແລະ ພຣະສີຣິ ແລະ ຣິດອຳນາດຣາຊວົງໄດ້ມອບໃຫ້ກັບບຸກຄົນນີ້ "ຄືກັບລູກຫລານມະນຸດ".

Daniel 7:17

ດານີເອນໄດ້ບອກຫຍັງກັບສີ່ສັດທີ່ເປັນຕົວແທນໃນນິມິດຂອງລາວ?

ດານີເອນໄດ້ຖືກບອກວ່າສັດສີ່ໂຕນັ້ນແມ່ນກະສັດສີ່ອົງທີ່ຈະຂຶ້ນມາຈາກແຜ່ນດິນໂລກ.

ໃຜຈະໄດ້ຮັບຣາຊະອານາຈັກ ແລະ ເປັນເຈົ້າຂອງມັນຕະຫລອດໄປ?

ໄພ່ພົນຂອງພຣະເຈົ້າອົງສູງສຸດຈະໄດ້ຮັບແຜ່ນດິນ ແລະ ຄອບຄອງແຜ່ນດິນນັ້ນຕະຫລອດໄປ ແລະ ເປັນນິດນິລັນດອນ.

Daniel 7:23

ເມື່ອດານີເອນໄດ້ຖາມຜູ້ຫນຶ່ງທີ່ຢືນຢູ່ທີ່ນັ້ນກ່ຽວກັບສັດໂຕທີ່ສີ່, ຜູ້ນັ້ນໄດ້ເວົ້າຫຍັງວກ່ຽວກັບສັດທີສີ່ນັ້ນ ແລະ ຈະເຮັດຫຍັງຕໍ່ແຜ່ນດິນໂລກ?

ຄົນຜູ້ຫນຶ່ງກ່າວວ່າ ສັດທີສີ່ແມ່ນອານາຈັກທີສີ່ ແລະມັນຈະກັດກິນທົ່ວແຜ່ນດິນໂລກ, ຢຽບມັນລົງ ແລະແຕກເປັນຕ່ອນໆ.

ຄົນທີ່ຢືນຢູ່ເທິງນັ້ນເວົ້າຫຍັງກ່ຽວກັບເຂົາສິບເຂົາເຫລົ່ານັ້ນ?

ຜູ້ທີ່ຢືນຢູ່ທີ່ນັ້ນໄດ້ກ່າວວ່າກະສັດສິບອົງຈະລຸກຂຶ້ນມາຈາກອານາຈັກທີສີ່.

Daniel 7:25

ຜູ້ທີ່ເວົ້າຕໍ່ຕ້ານຜູ້ສູງສຸດຈະເຮັດຫຍັງ ແລະແມ່ນຫຍັງຈະເປັນການສິ້ນສຸດຂອງລາວ?

ລາວຈະກົດຂີ່ຂົ່ມເຫັງບັນດາປະຊາຊົນຜູ້ບໍຣິສຸດຂອງອົງຜູ້ສູງສຸດນັ້ນ. ລາວຈະພະຍາຍາມປ່ຽນວັນບຸນ ແລະກົດຫມາຍ. ລາວຈະປົກຄອງສິ່ງເຫລົ່ານີ້ເປັນເວລາຫນຶ່ງປີ, ສອງປີ, ແລະ ເຄິ່ງປີແຕ່ວ່າອຳນາດກະສັດຂອງລາວຈະຖືກນຳຕົວໄປໃຫ້ຖືກນຳໄປທຳລາຍ ແລະ ສິ້ນສຸດລົງໃນທີ່ສຸດ.

Daniel 7:27

ອານາຈັກ ແລະ ອຳນາດທັງຫມົດພາຍໃຕ້ສະຫວັນຈະມອບໃຫ້ແກ່ໃຜ?

ມັນຈະຖືກມອບໄວ້ແກ່ບັນດາປະຊາຊົນຜູ້ບໍຣິສຸດຂອງອົງຜູ້ສູງສຸດ.

ການຕອບສະຫນອງຂອງດານີເອນຕໍ່ກັບນິມິດນີ້ແມ່ນຫຍັງ?

ດານີເອນຕື່ນຕົກໃຈຫລາຍ ແລະ ໃບຫນ້າຂອງລາວກໍປ່ຽນແປງໃນລັກສະນະ, ແຕ່ລາວໄດ້ເກັບນິມິດນີ້ກັບຕົວເອງ.

Daniel 8

Daniel 8:1

ດານີເອນມີນິມິດຄັ້ງທີສອງນີ້ຕອນໃດ?

ດານີເອນມີນິມິດຄັ້ງທີສອງໃນປີທີສາມຂອງການປົກຄອງຂອງກະສັດເບັນຊັດຊາເຣ.

ດານີເອນຢູ່ໃສໃນນິມິດຂອງລາວ?

ດານີເອນຢູ່ໃນເມືອງຊູຊາທີ່ແຂງແຮງຂອງແຂວງເອລາມໃກ້ແມ່ນ້ຳອູລາຍ.

Daniel 8:3

ສັດສອງໂຕທີ່ດານີເອນໄດ້ເຫັນໃນນິມິດນີ້ແມ່ນຫຍັງ?

ໃນນິມິດນີ້ດານີເອນໄດ້ເຫັນແກະ ແລະ ແບ້ຜູ້ໂຕຫນຶ່ງ.

ເຂົາສອງເຂົາຂອງແກະເປັນຄືຫຍັງ?

ເຂົາຂ້າງຫນຶ່ງກໍຍາວກວ່າອີກຂ້າງຫນຶ່ງ. ແຕ່ເຂົາທີ່ຍາວນັ້ນປົ່ງມາຊ້າກວ່າເຂົາທີ່ສັ້ນກວ່າ ແລະ ແລ້ວກໍເປັນເຂົາທີ່ຍາວ.

ແກະໂຕນີ້ມີພະລັງຫລາຍປານໃດ?

ບໍ່ມີສັດໃດສາມາດຢືນຢູ່ຕໍ່ຫນ້າແກະ. ບໍ່ມີໃຜສາມາດໄດ້ຮັບການຊ່ວຍເຫລືອຈາກມືຂອງແກະ. ລາວໄດ້ເຮັດທຸກສິ່ງທີ່ລາວຕ້ອງການ, ແລະລາວກາຍເປັນຄົນທີ່ຍິ່ງໃຫຍ່.

Daniel 8:5

ແບ້ມີເຂົາປະເພດໃດແດ່?

ແບ້ໂຕນັ້ນໄດ້ມີເຂົາໃຫຍ່ຢູ່ໃນລະຫວ່າງຕາຂອງມັນເຂົາຫນຶ່ງ.

Daniel 8:7

ແບ້ໄດ້ເຮັດຫຍັງກັບແກະ?

ແບ້ນັ້ນມັນໄດ້ຊົນແກະໂຕຜູ້ ແລະເຮັດໃຫ້ເຂົາທັງສອງຂອງມັນຫັກໄປ ແກະໂຕຜູ້ກໍບໍ່ມີກຳລັງທີ່ຈະຢືນຕໍ່ຫນ້າມັນໄດ້ ແບ້ໄດ້ໂຍນແກະໂຕຜູ້ລົງທີ່ພື້ນດິນ ແລະໄດ້ຢຽບມັນ.

ເມື່ອເຂົາຂອງໃຫຍ່ຂອງແບ້ຖືກແຕກຫັກ, ແມ່ນຫຍັງເຕີບໃຫຍ່ຂື້ນຢູ່ບ່ອນນັ້ນ?

ສີ່ເຂົາໃຫຍ່ອື່ນໆທີ່ຊີ້ໄປເຖິງສີ່ລົມຂອງສະຫວັນໄດ້ເຕີບໃຫຍ່ຂຶ້ນມາແທນບ່ອນຫນຶ່ງທີ່ຖືກຫັກ.

Daniel 8:9

ມີສິ່ງໃດເກີດຂື້ນກັບຫນຶ່ງໃນສີ່ຂອງເຂົາແບ້?

ໃນບັນດາເຂົາເຫລົ່ານີ້ມີເຂົານ້ອຍໆ ອີກເຂົາຫນຶ່ງໄດ້ປົ່ງອອກມາທຳອິດກໍເປັນເຂົານ້ອຍໆ ແຕ່ໄດ້ກາຍເປັນເຂົາໃຫຍ່ຂະຫຍາຍໄປທາງໃຕ້, ໄປທາງຕາເວັນອອກ, ແລະໄປຍັງແຜ່ນດິນອັນສວຍງາມແຫ່ງອິດສາຣະເອນ.

ເຂົານີ້ໄດ້ເຮັດອັນໃດເມື່ອມັນໃຫຍ່?

ມັນໄດ້ໃຫຍ່ຫລາຍຈົນເຂົ້າສູ້ຮົບໃນສົງຄາມກັບກອງທັບແຫ່ງຟ້າ.

Daniel 8:11

ເປັນຫຍັງກອງທັບຈຶ່ງຈະຖືກມອບໃຫ້ເຂົາແບ້ ແລະເຄື່ອງເຜົາບູຊາຈະຖືກຢຸດຢັ້ງ?

ສິ່ງນີ້ຈະເກີດຂື້ນຍ້ອນການກະບົດ.

Daniel 8:13

ນິມິດນີ້ກ່ຽວກັບເຄື່ອງເຜົາບູຊາ, ບາບທີ່ນຳເອົາຄວາມພິນາດ, ການມອບຂອງພະວິຫານ, ແລະກອງທັບສະຫວັນຖືກຢຽບຍ່ຳໄປ ສິ່ງເຫລົ່ານີ້ຈະມີຢູ່ດົນປານໃດ?

ມັນຈະຢູ່ດົນ 2,300 ເວລາແລງ ແລະເວລາເຊົ້າ.

ຈະມີຫຍັງເກີດຂຶ້ນຫລັງຈາກ 2,300 ແລງ ແລະ ເຊົ້າ?

ບ່ອນນະມັດສະການນັ້ນຈະກັບສູ່ສະພາບອັນຄວນ.

Daniel 8:15

ໃຜຖືກບອກໃຫ້ຊ່ວຍດານີເອນໃຫ້ເຂົ້າໃຈກັບນິມິດນີ້?

ຄັບຣີເອນໄດ້ຖືກບອກ ໃຫ້ຊ່ວຍດານີເອນໃຫ້ເຂົ້າໃຈນິມິດດັ່ງກ່າວ.

Daniel 8:18

ໃນເວລາໃດແມ່ນນິມິດ? ມັນກັງວົນໃນເວລາໃດ?

ສິ່ງຊຶ່ງຈະເກີດຂຶ້ນພາຍຫລັງໃນຊ່ວງເວລາແຫ່ງຄວາມໂກດຮ້າຍ, ເພາະນິມິດນັ້ນກ່ຽວກັບວາລະກຳນົດແຫ່ງການສີ້ນສຸດ.

Daniel 8:20

ແກະສອງເຂົາ ແລະແບ້ຊາຍເປັນຕົວແທນໃນນິມິດຂອງດານີເອນແນວໃດ?

ແກະທີ່ມີສອງເຂົາ ພວກເຂົາເປັນກະສັດຂອງຄົນມີເດຍ ແລະຄົນເປີເຊຍ. ແບ້ໂຕຜູ້ຄືກະສັດຂອງກຣີດ.

Daniel 8:22

ສີ່ເຂົານັ້ນເປັນສັນຍາລັກໃຫ້ແກ່ຫຍັງ, ເຂົາເປັນຕົວແທນຂອງເຂົາທີ່ເຂົາຖືກຕັດອອກ?

ສີ່ເຂົາປົ່ງຂຶ້ນມາແທນໃນບ່ອນນັ້ນຄື ອານາຈັກທັງສີ່ອານາຈັກຈະເກີດຂຶ້ນຈາກຊາດຂອງເຂົາ, ດ້ວຍເຂົາທີ່ຖືກຕັດອອກ.

Daniel 8:24

ກະສັດຫນ້າຕາທີ່ສະຫງ່າງາມ ແລະ ຫນ້າອັດສະຈັນໃຈນີ້ຈະເຮັດຫຍັງ?

ພະອົງຈະຊົງເຮັດໃຫ້ເກີດຄວາມພິນາດຢ່າງຫນ້າປະຫລາດໃຈ; ພະອົງຈະຊົງກະທຳການ ແລະປະສົບຄວາມສຳເລັດ. ພະອົງຈະຊົງທຳລາຍຊົນຊາດທີ່ມີກຳລັງຫລາຍ, ຄືປະຊາຊົນຂອງບັນດາຜູ້ບໍຣິສຸດ . ພະອົງຈະຊົງທຳລາຍຄົນຫລວງຫລາຍເກີນກວ່າທີ່ຈະຄາດຄິດໄດ້, ພະອົງຈະຊົງລຸກຂຶ້ນຕໍ່ສູ້ຈອມກະສັດຜູ້ຍິ່ງໃຫຍ່.

ໃນທີ່ສຸດຈະເປັນແນວໃດເກີດຂື້ນກັບກະສັດຜູ້ທີ່ສະຫລາດ ແລະ ຫນ້າເກງຂາມ?

ພະອົງຈະຕ້ອງຖືກທຳລາຍດ້ວຍອຳນາດທີ່ບໍ່ໄດ້ມາຈາກມືມະນຸດ.

Daniel 8:27

ນິມິດນີ້ມີຜົນກະທົບແນວໃດຕໍ່ດານີເອນ?

ດານີເອນໄດ້ຜ່ານຜ່າ ແລະນອນອ່ອນເພຍເປັນເວລາຫລາຍວັນ ແລ ະລາວໄດ້ຕົກຕະລຶງໂດຍນິມິດ.

Daniel 9

Daniel 9:1

ດາຣິອຸດແມ່ນເປັນກະສັດອານາຈັກໃດ?

ລາວເຄີຍເປັນກະສັດເຫນືອອານາຈັກຂອງບາບີໂລນ.

ດານີເອນໄດ້ສັງເກດເຫັນຫຍັງໂດຍການສຶກສາຖ້ອຍຄຳຂອງພຣະຢາເວ ຕໍ່ເຢເຣມີຜູ້ທຳນວາຍ?

ລາວໄດ້ຮັບຮູ້ວ່າຈະເປັນເວລາ ເຈັດສິບປີຈົນເຖິງເວລາຄວາມຮົກຮ້າງວ່າງເປົ່າຂອງກຸງເຢຣູຊາເລັມສິ້ນສຸດແລ້ວ.

Daniel 9:3

ດານີເອນສະແຫວງຫາພຣະຜູ້ເປັນເຈົ້າພຣະເຈົ້າແນວໃດ?

ດານີເອນໄດ້ສະແຫວງຫາພຣະເຈົ້າຢາເວດ້ວຍການອະທິຖານ ແລະ ການວິງວອນ, ດ້ວຍການຖືສິນອົດເຂົ້າ, ນຸ່ງຫົ່ມຜ້າກະສອບ ແລະນັ່ງເທິງຂີ້ເທົ່າ.

ແມ່ນຫຍັງເປັນສິ່ງທຳອິດທີ່ດານີເອນໄດ້ເຮັດໃນເວລາທີ່ລາວໄປຫາອົງພຣະຜູ້ເປັນເຈົ້າໃນການອະທິຖານ?

ດານີເອນໄດ້ສາລະພາບບາບຂອງຊາວອິດສະຣາເອນ.

Daniel 9:5

ບັນດາຜູ້ທຳນວຍໄດ້ກ່າວກັບໃຜໃນພຣະນາມຂອງພຣະເຈົ້າ?

ບັນດາຜູ້ທຳນວຍໄດ້ເວົ້າກັບບັນດາກະສັດ, ຜູ້ນຳ, ບັນພະບຸລຸດ, ແລະ ຕໍ່ປະຊາຊົນທັງຫມົດຂອງແຜ່ນດິນ.

Daniel 9:7

ເປັນຫຍັງຄວາມອັບອາຍຈຶ່ງເປັນຄວາມຂາຍຫນ້າຂອງຊາວອິດສະຣາເອນ?

ຄວາມອັບອາຍເປັນຫນ້າຂອງພວກເຂົາ ເພາະວ່າພວກເຂົາໄດ້ເຮັດບາບຕໍ່ພຣະຜູ້ເປັນເຈົ້າ.

Daniel 9:9

ສິ່ງໃດທີ່ຖືກຖອກລົງເທິງອິດສະຣາເອນຍ້ອນຄວາມບາບຂອງພວກເຂົາ?

ຄຳສາບແຊ່ງ ແລະຄຳປະຕິຍານຊຶ່ງໄດ້ຈາລຶກໄວ້ໃນກົດບັນຍັດຂອງໂມເຊ, ຜູ້ຮັບໃຊ້ຂອງພຣະເຈົ້າ, ຈຶ່ງໄດ້ເທລົງເຫນືອພວກເຂົາ.

Daniel 9:12

ພຣະຢາເວໄດ້ຢືນຢັນແນວໃດກ່ຽວກັບຄຳເວົ້າທີ່ລາວຕໍ່ຕ້ານອິດສະຣາເອນ ແລະຜູ້ປົກຄອງຂອງພວກເຂົາ?

ພຣະຢາເວໄດ້ຢືນຢັນຄຳເວົ້າຂອງພຣະອົງໂດຍການນຳອິດສະຣາເອນ ແລະ ຜູ້ປົກຄອງຂອງພວກເຂົາເປັນໄພພິບັດທີ່ຍິ່ງໃຫຍ່.

ດານີເອນໄດ້ເວົ້າແນວໃດວ່າອິດສະຣາເອນບໍ່ໄດ້ເຮັດເພື່ອທູນຂໍພຣະເຈົ້າເພື່ອຄວາມເມດຕາ?

ດານີເອນກ່າວວ່າພວກເຂົາບໍ່ໄດ້ຫັນຫນີຈາກບາບຂອງພວກເຂົາ ແລະ ບໍ່ໄດ້ເອົາໃຈໃສ່ຄວາມຈິງຂອງພຣະເຈົ້າ.

Daniel 9:15

ດານີເອນໄດ້ເວົ້າຫຍັງທີ່ແມ່ນເຫດຜົນທີ່ພຣະຜູ້ເປັນເຈົ້າພຣະເຈົ້າຄວນຈະໃຫ້ອະໄພອິດສະຣາເອນ?

ດານີເອນໄດ້ກ່າວວ່າພຣະຜູ້ເປັນເຈົ້າຄວນໃຫ້ອະໄພອິດສະຣາເອນຍ້ອນການກະທຳທີ່ຊອບທຳຂອງພຣະຜູ້ເປັນເຈົ້າ.

Daniel 9:20

ຄັບລີເອນໄດ້ເຂົ້າໄປຫາດານີເອນຕອນໃດ?

ຄັບຮີເອນໄດ້ມາຫາດານີເອນໃນເວລາຖວາຍເຄື່ອງບູຊາຕອນແລງ ໃນຂະນະທີ່ດານີເອນກຳລັງອະທິຖານຢູ່.

Daniel 9:22

ເປັນຫຍັງຄັບລີເອນໄດ້ເຂົ້າມາຫາດານີເອນ?

ຄັບຮີເອນມາເພື່ອໃຫ້ຄວາມກະຈ່າງ ແລະ ຄວາມເຂົ້າໃຈແກ່ດານີເອນ.

Daniel 9:24

ເປັນຫຍັງເຈັດສິບອາທິດຂອງປີຕ່າງໆ ທີ່ໄດ້ອອກຄຳສັ່ງໃຫ້ແກ່ປະຊາຊົນຂອງດານີເອນ ແລະເມືອງບໍລິສຸດຂອງລາວ?

ເຈັດສິບອາທິດໄດ້ຖືກກຳນົດໄວ້ ເພື່ອຢຸດຕິຄວາມຜິດ, ໃຫ້ບາບຈົບສິ້ນ, ໃຫ້ລົບມົນທິນ ເພື່ອນຳຄວາມຊອບທຳນິລັນດອນເຂົ້າມາ ໃຫ້ນຳນິມິດ ແລະຄຳຂອງຜູ້ທຳນວຍອອກໄປ ແລະເພື່ອຈະເຈີມສະຖານສັກສິດ.

ເວລາດົນປານໃດທີ່ຈະຫມົດໄປລະຫວ່າງການອອກຄຳສັ່ງເພື່ອສ້າງສາ ແລະກໍ່ສ້າງກຸງເຢຣູຊາເລັມໃຫມ່ຕໍ່ການມາຂອງຜູ້ຖືກເຈີມ?

ເຈັດອາທິດ ແລະຫົກສິບສອງອາທິດຈະຜ່ານລະຫວ່າງສອງເຫດການ.

Daniel 9:26

ຜູ້ຖືກເຈີມຈະຖືກທຳລາຍເມື່ອໃດ?

ລາວຈະຖືກທຳລາຍຫລັງຈາກຫົກສິບສອງອາທິດຂອງປີຕ່າງໆ.

Daniel 9:27

ຜູ້ປົກຄອງທີ່ມາຈະເຮັດຫຍັງ?

ເຂົາຈະຢືນຢັນນຄຳສັນຍາກັບຄົນເປັນຈຳນວນຫລາຍຢູ່ຫນຶ່ງອາທິດ. ໃນກາງອາທິດເຂົາຢຸດການຖວາຍສັດບູຊາ ແລະເຄື່ອງບູຊາ.

ຈະເປັນແນວໃດເກີດຂຶ້ນກັບຄົນທີ່ເຮັດໃຫ້ວ່າງເປົ່າຢູ່?

ການສີ້ນສຸດ ແລະການທຳລາຍໄດ້ຖືກກຳຫນົດເທລົງເຫນືອຜູ້ນັ້ນ.

Daniel 10

Daniel 10:1

ຂ່າວສານອັນໃດທີ່ຖືກເປີດເຜີຍແກ່ດານີເອນໃນປີທີ່ສາມແຫ່ງຣາຊການ ເຈົ້າໄຊຣັດກະສັດແຫ່ງເປີເຊຍ?

ຂ່າວສານນີ້ແມ່ນກ່ຽວກັບສົງຄາມໃຫຍ່.

ດານີເອນສາມາດເຂົ້າໃຈຂ່າວສານໄດ້ແນວໃດ?

ດານີເອນເຂົ້າໃຈຂ່າວສານເພາະວ່າລາວມີຄວາມເຂົ້າໃຈຈາກນິມິດ.

Daniel 10:4

ດານີເອນໄດ້ເຫັນໃຜໃນນິມິດຂອງລາວ?

ລາວໄດ້ເຫັນຊາຍຄົນຫນຶ່ງສວມເສື້ອຜ້າປ່ານ ແລະຂັດສາຍແອວທີ່ເຮັດຈາກຄຳ.

ຜູ້ຊາຍທີ່ຢູ່ໃນນິມິດຂອງດານີເອນເປັນແນວໃດ?

ຮ່າງກາຍຂອງເຂົາເຫມືອນດັ່ງບຸດສະລາຄຳ, ແລະຫນ້າຂອງເພິ່ນກໍເຫມືອນຟ້າແມບ. ດວງຕາຂອງເພິ່ນກໍເຫມືອນກັບເປວໄຟຂອງຄົບເພີງ, ແລະແຂນຂອງເພິ່ນແລະຕີນຂອງເພິ່ນເປັນເງົາງາມເຫມືອນກັບທອງສຳຣິດຂັດ, ສຽງຖ້ອຍຄຳຂອງເພິ່ນເຫມືອນສຽງມວນຊົນຂະຫນາດໃຫຍ່.

Daniel 10:7

ດານີເອນຕອບສະຫນອງແນວໃດເມື່ອລາວເຫັນນິມິດທີ່ຍິ່ງໃຫຍ່ ແລະໄດ້ຍິນຄຳເວົ້າຂອງຊາຍຄົນນັ້ນ?

ຮູບລັກສະນະທີ່ຮຸ່ງເຫລື້ອມຂອງດານີເອນມີການປ່ຽນແປງຢ່າງຫນ້າຢ້ານກົວ, ແລະບໍ່ມີກຳລັງໃດຢູ່ໃນລາວ. ລາວໄດ້ກົ້ມຂາບລົງນອນຫມົດສະຕິລົ້ມລົງພື້ນດິນ,ແລະຫມູບຫນ້າຢູ່ທີ່ນັ້ນ.

Daniel 10:12

ທູດສະຫວັນຖືກສົ່ງໄປຫາດານີເອນເມື່ອໃດ?

ທູດໄດ້ຖືກສົ່ງໄປໃນມື້ທຳອິດທີ່ດານີເອນຕັ້ງໃຈໃຫ້ເຂົ້າໃຈ ແລະຖ່ອມຕົວຕໍ່ພຣະພັກພຣະເຈົ້າ.

ເປັນຫຍັງມັນຈິ່ງໃຊ້ເວລາທູດສະຫວັນຊາວເອັດວັນໃນການມາຫາດານີເອນ?

ທູດໄດ້ຖືກຈັບກຸມໂດຍເຈົ້າຊາຍແຫ່ງລາຊະອານາຈັກເປີເຊຍທີ່ຕໍ່ຕ້ານລາວ.

Daniel 10:14

ເຫດການຂອງນິມິດຈະເກີດຂື້ນເມື່ອໃດ?

ນິມິດແມ່ນກ່ຽວກັບຍຸກສຸດທ້າຍ, ວັນທີ່ຈະມາເຖິງ.

Daniel 10:16

ດານີເອນໄດ້ເວົ້າວ່ານິມິດໄດ້ເຮັດຫຍັງກັບລາວ?

ດານີເອນກ່າວວ່ານິມິດດັ່ງກ່າວໄດ້ເຮັດໃຫ້ລາວມີຄວາມທຸກໃຈ ແລະ ລາວບໍ່ມີກຳລັງ ແລະບໍ່ມີລົມຫາຍໃຈຢູ່ໃນລາວ.

Daniel 10:18

ຜູ້ທີ່ມີຮູບຊົງຄ້າຍຄືກັບມະນຸດເຮັດຫຍັງເພື່ອເສີມສ້າງດານີເອນ?

ຄົນທີ່ເບິ່ງຄືວ່າເປັນມະນຸດໄດ້ສຳພັດກັບດານີເອນເພື່ອເສີມກຳລັງລາວ.

Daniel 10:20

ຜູ້ທີ່ເບິ່ງຄືວ່າມະນຸດເວົ້າວ່າລາວຈະເຮັດຫຍັງຫລັງຈາກລາວອອກຈາກດານີເອນ?

ລາວກ່າວວ່າລາວກຳລັງກັບໄປສູ້ຮົບກັບເຈົ້າຊາຍແຫ່ງເປີເຊຍ.

ຜູ້ທີ່ເບິ່ງຄືວ່າເປັນມະນຸດເວົ້າວ່າລາວກຳລັງຈະບອກດານີເອນແນວໃດ?

ລາວກ່າວວ່າລາວກຳລັງຈະບອກດານີເອນສິ່ງທີ່ຂຽນໄວ້ໃນປື້ມຄວາມຈິງ.

Daniel 11

Daniel 11:1

ກະສັດອົງທີສີ່ໃນເປີເຊຍຈະໄດ້ຮັບອຳນາດແນວໃດ?

ລາວຈະໄດ້ຮັບອຳນາດໂດຍຜ່ານຄວາມຮັ່ງມີຂອງລາວ.

ກະສັດເປີເຊຍຄົນທີສີ່ກະຕຸ້ນທຸກໆຄົນບໍ?

ພຣະອົງກໍຈະຊົງປຸກປັ່ນໃຫ້ທຸກຄົນຕໍ່ສູ້ກັບຣາຊອານາຈັກກຣີກ.

Daniel 11:3

ອານາຈັກຂອງກະສັດຜູ້ຍິ່ງໃຫຍ່ຈະບໍ່ຍອມມອບໃຫ້ແກ່ຜູ້ໃດ?

ອານາຈັກນັ້ນຈະບໍ່ຖືກມອບໃຫ້ແກ່ເຊື້ອສາຍຂອງກະສັດ.

Daniel 11:5

ໃຜຈະເປັນພັນທະມິດ?

ກະສັດແຫ່ງພາກໃຕ້ ແລະ ຜູ້ບັນຊາການຂອງທ່ານຜູ້ຫນຶ່ງທີ່ຈະກາຍເປັນກະສັດຂອງພາກເຫນືອຈະສ້າງພັນທະມິດ.

ຜູ້ໃດຈະມາຢັ້ງຢືນຄວາມສຳພັນທະມິດລະຫວ່າງກະສັດແຫ່ງພາກໃຕ້ ແລະກະສັດແຫ່ງພາກເຫນືອ?

ລູກສາວຂອງກະສັດແຫ່ງພາກໃຕ້ຈະໄປຫາກະສັດແຫ່ງພາກເຫນືອ ເພື່ອຢືນຢັນຂໍ້ຕົກລົງດັ່ງກ່າວ.

Daniel 11:7

ສາຂາຈາກລູກສາວຂອງກະສັດພາກໃຕ້ຈະເຮັດຫຍັງກັບກະສັດແຫ່ງພາກເຫນືອ?

ລາວຈະໂຈມຕີກອງທັບ ແລະເຂົ້າໄປໃນປ້ອມຂອງກະສັດແຫ່ງເຫນືອ ແລະຈະເອົາຊະນະພວກເຂົາ.

Daniel 11:10

ພວກລູກຊາຍຂອງກະສັດເຫນືອຈະເຮັດຫຍັງ?

ພວກເຂົາຈະສູ້ຮົບ ແລະເຕົ້າໂຮມກອງທັບໃຫຍ່. ພວກເຂົາຈະຖ້ວມລົ້ນຄືກັບນໍ້າຖ້ວມ, ໄຫລຜ່ານ, ແລະບຸກໂຈມຕີທຸກວິທີທາງໄປທີ່ປ້ອມປາການຂອງກະສັດແຫ່ງໃຕ້.

Daniel 11:11

ກະສັດແຫ່ງພາກໃຕ້ຈະເຮັດຫຍັງເປັນການຕອບໂຕ້ຕໍ່ການໂຈມຕີຂອງພວກລູກຊາຍຂອງກະສັດພາກເຫນືອ?

ກະສັດແຫ່ງພາກໃຕ້ຈະອອກໄປດ້ວຍຄວາມໂກດແຄ້ນ ແລະຕໍ່ສູ້ກັບກະສັດແຫ່ງພາກເຫນືອ.

ໃຜໄດ້ຮັບໄຊຊະນະໃນການສູ້ຮົບນີ້ລະຫວ່າງພາກເຫນືອ ແລະພາກໃຕ້?

ກະສັດພາກໃຕ້ໄດ້ຊະນະການສູ້ຮົບນັ້ນ.

Daniel 11:13

ຫລັງຈາກນັ້ນບາງປີກະສັດແຫ່ງພາກເຫນືອຈະເຮັດຫຍັງ?

ພຣະອົງຈະຍົກກອງທັບອີກຄົນຫນຶ່ງທີ່ອຸປະກອນມາໃຫ້ຢ່າງຫລວງຫລາຍ ແລະຈະມາແນ່ນອນ.

Daniel 11:14

ໃນສະໄຫມນັ້ນຜູ້ໃດຈະຕໍ່ຕ້ານກະສັດແຫ່ງພາກໃຕ້?

ໃນຊ່ວງເວລານັ້ນຫລາຍຄົນຈະລຸກຂຶ້ນຕໍ່ສູ້ກະສັດແຫ່ງພາກໃຕ້ ລວມທັງຄວາມຮຸນແຮງທີ່ສຸດໃນບັນດາຜູ້ຄົນຂອງດານີເອນ.

Daniel 11:15

ຈະເປັນແນວໃດໃນເວລານີ້ເມື່ອກະສັດແຫ່ງພາກເຫນືອໄດ້ໂຈມຕີກະສັດແຫ່ງພາກໃຕ້?

ກະສັດແຫ່ງໃຕ້ຈະບໍ່ສາມາດຕໍ່ຕ້ານລາວໄດ້. ກະສັດແຫ່ງພາກເຫນືອຈະເຮັດທຸກຢ່າງທີ່ລາວຢາກຕໍ່ຕ້ານກະສັດແຫ່ງພາກໃຕ້.

Daniel 11:17

ເປັນຫຍັງກະສັດແຫ່ງພາກເຫນືອຈຶ່ງຈະເອົາລູກສາວແຕ່ງງານກັບກະສັດແຫ່ງພາກໃຕ້?

ກະສັດແຫ່ງເຫນືອຈະເຮັດແນວນີ້ເພື່ອທຳລາຍອານາຈັກພາກໃຕ້.

ຈະເກີດຫຍັງຂຶ້ນກັບກະສັດແຫ່ງພາກເຫນືອນີ້?

ຜູ້ບັນຊາການຄົນຫນຶ່ງຈະເຮັດໃຫ້ຄວາມກະວົນກະວາຍຂອງກະສັດແຫ່ພາກງເຫນືອ ແລະຈະເຮັດໃຫ້ຄວາມບໍ່ສະຫລາດຂອງລາວຫັນກັບມາລາວ. ລາວຈະສະດຸດ ແລະລົ້ມລົງ; ລາວຈະບໍ່ພົບ.

Daniel 11:20

ຄົນທີ່ລຸກຂຶ້ນແທນກະສັດແຫ່ງພາກເຫນືອ ຈະເຮັດແນວໃດ?

ລາວຈະບັງຄັບໃຫ້ເກັບພາສີອາກອນເພື່ອສະຫນອງຄວາມງົດງາມຂອງອານາຈັກ.

ຈະເປັນແນວໃດກັບຜູ້ນີ້ທີ່ບັງຄັບໃຫ້ເສຍພາສີ?

ຫລັງຈາກນັ້ນພຽງແຕ່ສອງສາມມື້ເທົ່ານັ້ນຄົນຈະຖືກທຳລາຍ, ແຕ່ບໍ່ແມ່ນດ້ວຍຄວາມໂກດແຄ້ນ ຫລືໃນການສູ້ຮົບ.

ຄົນທີ່ກຽດຊັງທີ່ບໍ່ໄດ້ຮັບກຽດຕິຍົດຈາກ ອຳນາດປົກຄອງຈະຂຶ້ນກຳອຳນາດໄດ້ແນວໃດ?

ພຣະອົງຈະສະເດັດເຂົ້າມາໃນສະຫງົບງຽບ ແລະຈະຄອບຄອງຣາຊອານາຈັກໂດຍຫຍໍ້.

Daniel 11:23

ກະສັດທີ່ດູຫມິ່ນຄົນນີ້ຈະເຮັດຫຍັງເມື່ອມີພັນທະມິດກັບລາວ?

ນັບແຕ່ເວລາທີ່ມີພັນທະມິດກັບລາວ, ລາວຈະປະຕິບັດການຕົວະຍົວະຫລອກລວງ.

Daniel 11:25

ຈະມີຫຍັງເກີດຂື້ນເມື່ອກະສັດທີ່ຫລອກລວງຄົນນີ້ເຮັດສົງຄາມກັບກະສັດແຫ່ງພາກໃຕ້?

ກະສັດແຫ່ງພາກໃຕ້ຈະບໍ່ສາມາດຕໍ່ຕ້ານກະສັດຜູ້ທີ່ຫລອກລວງໄດ້ຍ້ອນວ່າແຜນການທັງຫມົດທີ່ວາງແຜນໄວ້ເພື່ອຕ້ານລາວ.

ເປັນຫຍັງກະສັດແຫ່ງພາກເຫນືອ ແລະກະສັດພາກໃຕ້ຈະນັ່ງຢູ່ໂຕະດຽວກັນ ແລະຕົວະກັນ?

ພວກເຂົາຈະຕົວະກັນເພາະວ່າຫົວໃຈຂອງພວກເຂົາຕັ້ງຄວາມຊົ່ວຕໍ່ກັນ.

Daniel 11:28

ໃຈຂອງກະສັດແຫ່ງພາກເຫນືອຈະຕັ້ງຕ້ານຫຍັງ?

ຫົວໃຈຂອງລາວຈະຕັ້ງໃຈຕໍ່ຕ້ານພັນທະສັນຍາອັນສັກສິດ.

Daniel 11:29

ຄວາມຄຽດແຄ້ນຂອງກະສັດພາກເຫນືອຕໍ່ພັນທະສັນຍາອັນສັກສິດຈະປະກົດຕົວແນວໃດ?

ກະສັດແຫ່ງເຫນືອຈະສະແດງຄວາມໂກດແຄ້ນຂອງລາວຕໍ່ພັນທະສັນຍາອັນສັກສິດໂດຍການສະແດງຄວາມເຫັນດີຕໍ່ຜູ້ທີ່ປະຖິ້ມພັນທະສັນຍາອັນສັກສິດ.

Daniel 11:33

ເປັນຫຍັງບາງຄົນທີ່ສະຫລາດຈະສະດຸດ?

ບາງຄົນໃນພວກເຂົາຈະສະດຸດສະນັ້ນພວກເຂົາຈະຖືກປັບປຸງ, ເຮັດໃຫ້ສະອາດ, ແລະ ເຮັດໃຫ້ບໍລິສຸດຈົນເຖິງວັນສຸດທ້າຍ.

Daniel 11:36

ຜູ້ໃດທີ່ກະສັດຫລອກລວງກະສັດພາກເໜືອ ຈະຍົກສູງຕົນເອງໃຫ້ໃຜແດ່?

ພຣະອົງຈະຍົກສູງ ແລະຍົກຍ້ອງຕົນເອງສູງກວ່າພະເຈົ້າອົງຫນຶ່ງ; ລວມທັງພະເຈົ້າຂອງເທບ, ພະເຈົ້າຂອງບັນພະບຸລຸດຂອງລາວ, ແລະພະເຈົ້າທີ່ຜູ້ຍິງຕ້ອງການ.

Daniel 11:38

ກະສັດແຫ່ງພາກເຫນືອ ທີ່ຫລອກລວງຄົນນີ້ຈະເຮັດຫຍັງສຳລັບຜູ້ທີ່ຮັບຮູ້ພຣະອົງ?

ພຣະອົງຈະໃຫ້ກຽດແກ່ຜູ້ທີ່ຮັບຮູ້ພຣະອົງ. ພຣະອົງຈະແຕ່ງຕັ້ງພວກເຂົາໃຫ້ເປັນຜູ້ປົກຄອງຫລາຍຄົນ.

Daniel 11:40

ໃນເວລາສຸດທ້າຍສິ່ງທີ່ຈະເກີດຂຶ້ນເມື່ອກະສັດແຫ່ງພາກເຫນືອເຂົ້າໄປໃນແຜ່ນດິນອັນຮຸ່ງເຮືອງ?

ໃນເວລານັ້ນຊາວອິດສະຣາເອນຫລາຍຫມື່ນ ຄົນຈະສະດຸດ ແລະລົ້ມລົງ.

ຜູ້ໃດຈະຫນີຈາກກຳມືຂອງກະສັດແຫ່ງພາກເຫນືອໄດ້?

ຫລາຍຄົນຈາກເອໂດມ ແລະໂມອາບ, ແລະຜູ້ຄົນທີ່ເຫລືອຢູ່ຂອງອຳໂມນຈະພົ້ນຈາກມືຂອງລາວ.

Daniel 11:42

ມີປະເທດໃດແດ່ທີ່ກະສັດແຫ່ງເຫນືອນີ້ຈະຍືດອຳນາດ?

ກະສັດແຫ່ງພາກເຫນືອນີ້ຈະຂະຫຍາຍອຳ ນາດເຫນືອປະເທດເອຢິບ, ລີບີ ແລະຊາວເອທິໂອເປຍ.

Daniel 11:44

ກະສັດແຫ່ງພາກເຫນືອຄົນນີ້ຈະເຮັດຫຍັງເມື່ອມີລາຍງານຈາກພາກຕາເວັນອອກ ແລະພາກເຫນືອເຕືອນລາວ?

ພຣະອົງຈະອອກໄປດ້ວຍຄວາມໂກດແຄ້ນອັນໃຫຍ່ຫລວງເພື່ອທຳລາຍ ແລະອຸທິດໃຫ້ຫລາຍຄົນທຳລາຍ.

ກະສັດແຫ່ງພາກເຫນືອແຫ່ງນີ້ຈະຕັ້ງຜ້າເຕັ້ນຂອງພະລາດຊະວັງຂອງລາວຢູ່ໃສ?

ພຣະອົງຈະຕັ້ງຕູບຜ້າຕັ້ງຂອງພະລາຊະວັງຂອງລາວຢູ່ລະຫວ່າງທະເລ, ຢູ່ເທິງພູແຫ່ງຄວາມງາມແຫ່ງຄວາມບໍລິສຸດ.

ມີໃຜແດ່ທີ່ຈະຊ່ວຍກະສັດແຫ່ງພາກເຫນືອ ໃນຕອນທ້າຍ?

ກະສັດແຫ່ງພາກເຫນືອຈະມາເຖິງລາວ ແລະຈະບໍ່ມີໃຜຊ່ວຍລາວໄດ້.

Daniel 12

Daniel 12:1

ແມ່ນໃຜເປັນຜູ້ປົກປ້ອງຄົນຂອງດານີເອນ?

ມີຄາເອນ, ເຈົ້າຜູ້ຄອບຄອງທີ່ຍິ່ງໃຫຍ່ ຜູ້ປົກຄອງປະຊາຊົນຂອງດານີເອນ.

ເວລາທີ່ມີບັນຫາຖືກຂຽນໄວ້ໃນນີ້ບໍ່ດີປານໃດ?

ມັນຈະເປັນຊ່ວງເວລາທີ່ຫຍຸ້ງຍາກເຊັ່ນວ່າບໍ່ເຄີຍມີມາຕັ້ງແຕ່ຕົ້ນຂອງປະເທດຊາດຈົນເຖິງເວລານັ້ນ.

ໃນເວລານັ້ນໃຜຈະລອດ?

ໃນເວລານັ້ນປະຊາຊົນຂອງດານີເອນຈະໄດ້ຮັບຄວາມລອດ, ທຸກໆຄົນທີ່ມີຊື່ຖືກຂຽນລົງໃນປື້ມນັ້ນ.

ຈະມີຫຍັງເກີດຂຶ້ນກັບຫລາຍຄົນທີ່ນອນຢູ່ໃນຂີ້ຝຸ່ນດິນ?

ບາງຄົນທີ່ນອນຢູ່ໃນຂີ້ຝຸ່ນດິນຈະລຸກຂຶ້ນສູ່ຊີວິດຕະຫລອດໄປ ແລະບາງຄົນກໍ່ຈະລຸກຂຶ້ນສູ່ຄວາມອັບອາຍ ແລະຄວາມກຽດຊັງອັນຕະຫລອດໄປ.

Daniel 12:3

ຈະເປັນແນວໃດເກີດຂຶ້ນກັບຄົນທີ່ມີປັນຍາ ແລະຄົນທີ່ຫັນປ່ຽນຫລາຍຄົນໃຫ້ເປັນຄົນຊອບທຳ?

ຄົນທີ່ສະຫລາດຈະຮຸ່ງເຮືອງ ຄືກັບຄວາມສະຫວ່າງຂອງທ້ອງຟ້າຂ້າງເທິງ, ແລະຜູ້ທີ່ເຮັດໃຫ້ຫລາຍຄົນກັບຄືນສູ່ຄວາມຊອບທໍາຄືກັບດວງດາວຕະຫລອດໄປ.

ດົນປານໃດທີ່ດານີເອນໄດ້ຖືກບອກໃຫ້ຮັກສາຫນັງສືປິດສະຫນາໄວ້?

ລາວໄດ້ຖືກບອກໃຫ້ຮັກສາຫນັງສືປິດສະຫນາຈົນຮອດເວລາສຸດທ້າຍ.

Daniel 12:7

ຜູ້ຊາຍທີ່ນຸ່ງເສື້ອຜ້າປ່ານຍາວປານໃດເວົ້າວ່າມັນຈະຮອດເວລາສິ້ນສຸດຂອງເຫດການທີ່ຫນ້າງຶດງໍ້ເຫລົ່ານີ້?

ຜູ້ຊາຍທີ່ໄດ້ສວມເສື້ອຜ້າປ່ານກ່າວວ່າມັນຈະເປັນເວລາ, ເຄິ່ງ ແລະເຄິ່ງຫນຶ່ງ. ເມື່ອການປົດອຳນາດຂອງປະຊາຊົນຜູ້ບໍລິສຸດໄດ້ສິ້ນສຸດລົງ, ສິ່ງທັງຫມົດເຫລົ່ານີ້ຈະສຳເລັດ.

Daniel 12:8

ຜູ້ຊາຍທີ່ໄດ້ສວມເສື້ອຜ້າປ່ານໃຫ້ເຫດຜົນຫຍັງທີ່ດານີເອນບໍ່ເຂົ້າໃຈສິ່ງທີ່ຜູ້ຊາຍທີ່ໄດ້ສວມເສື້ອຜ້າປ່ານກຳລັງບອກລາວ?

ຜູ້ຊາຍທີ່ໄດ້ສວມເສື້ອຜ້າປ່ານກ່າວກັບດານີເອນວ່າ, ດານີເອນ, ທ່ານຈົ່ງໄປ, ເພາະ ຄຳເວົ້າເຫລົ່ານີ້ຖືກປິດ ແລະຜະນຶກຈົນຮອດເວລາສິ້ນສຸດລົງ.

Daniel 12:10

ໃນເວລາຂອງການສິ້ນສຸດຜູ້ທີ່ຈະ ແລະຜູ້ທີ່ຈະບໍ່ເຂົ້າໃຈຖ້ອຍຄໍາຂອງການທໍານາຍ?

ບໍ່ມີຄົນຊົ່ວຄົນໃດຈະເຂົ້າໃຈ, ແຕ່ຄົນທີ່ມີປັນຍາຈະເຂົ້າໃຈ.

ເວລາຫລາຍປານໃດຈະຫມົດໄປລະຫວ່າງເວລາທີ່ການເຜົາຖວາຍບູຊາເປັນປົກກະຕິແລະສິ່ງທີ່ຫນ້າກຽດຊັງທີ່ກໍ່ໃຫ້ເກີດການ ທຳລາຍຫມົດສິ້ນ?

ມັນຈະມີ 1,290 ວັນລະຫວ່າງສອງເຫດການດັ່ງກ່າວ.

Daniel 12:12

ໃນເວລານັ້ນຜູ້ຊາຍທີ່ໄດ້ສວມເສື້ອຜ້າປ່ານເວົ້າວ່າຈະໄດ້ຮັບພອນບໍ?

ຜູ້ຊາຍທີ່ໄດ້ສວມເສື້ອຜ້າປ່ານກ່າວວ່າ, "ພອນແມ່ນຜູ້ທີ່ລໍຖ້າຈົນເຖິງວັນສິ້ນສຸດ 1,335 ມື້."

ຜູ້ຊາຍທີ່ໄດ້ສວມເສື້ອຜ້າປ່ານກ່າວວ່າຈະເກີດຫຍັງຂຶ້ນກັບດານີເອນ?

ພຣະອົງໄດ້ກ່າວວ່າດານີເອນຈະພັກຜ່ອນແລະວ່າລາວຈະລຸກຂຶ້ນໃນບ່ອນທີ່ຖືກມອບຫມາຍໃຫ້ລາວໃນຕອນທ້າຍຂອງມື້.