Zechariah 1
Zechariah 1:1
ເຊຄາຣິຢາໄດ້ປະກາດພຣະທັມໃນລະຫວ່າງຣາຊະການໃດ?
ເຊຄາຣິຢາໄດ້ປະກາດພຣະທັມໃນລະຫວ່າງຣາຊະການໃດ?
ເຊຄາຣິຢາໄດ້ປະກາດພຣະທັມໃນຊ່ວງຣາຊະການຂອງດາຣິອຸດ
ເຊຄາຣິຢາແມ່ນໃຜ?
ເຊຄາຣິຢາແມ່ນ ລູກຊາຍຂອງເບເຣກີຢາ, ຜູ້ປະກາດພຣະທັມ ແຫ່ງອິດໂດ
ພຣະຢາເວຈອມໂຍທາຊົງກ່າວວ່າ ພຣະອົງຈະເຮັດຢ່າງໃດ ຖ້າປະຊາຊົນຈະຫັນມາຫາພຣະອົງ?
ພຣະຢາເວຈອມໂຍທາຊົງກ່າວວ່າ ຖ້າປະຊາຊົນຈະຫັນມາຫາພຣະອົງ, ພຣະອົງຈະກັບມາຫາພວກເຈົ້າ.
Zechariah 1:4
ບັນພະບຸຣຸດຂອງພວກເຂົາໄດ້ເຮັດຫຍັງ ເມື່ອພຣະຢາເວຊົງບອກພວກເຂົາໃຫ້ຫັນຫນີຈາກທາງຊົ່ວ ແລະ ການປະພຶດຊົ່ວຮ້າຍຂອງພວກເຂົາ?
ບັນພະບຸຣຸດຂອງພວກເຂົາຈະບໍ່ຟັງ ແລະ ບໍ່ສົນໃຈໃນພຣະຢາເວ.
ຜູ້ຄົນໄດ້ເວົ້າຫຍັງເມື່ອພວກເຂົາກັບໃຈໃຫມ່?
ໃນເວລາທີ່ພວກເຂົາກັບໃຈໃຫມ່ປະຊາຊົນກ່າວວ່າ, "ພຣະຢາເວຈອມໂຍທາໄດ້ວາງແຜນການທີ່ຈະກະທຳຕາມຖ້ອຍຄໍາຂອງພຣະອົງ ແລະ ປະຕິບັດຕາມ, ແລະພຣະອົງໄດ້ຊົງກະທຳຢ່າງນັ້ນ."
Zechariah 1:7
ເຊຄາຣິຢາໄດ້ເຫັນຫຍັງ ເມື່ອຖ້ອຍຄຳຂອງພຣະຢາເວໄດ້ມາເຖິງລາວໃນເວລາກາງຄືນ?
ເຊຄາຣິຢາໄດ້ເຫັນມີຊາຍຄົນຫນຶ່ງຂີ່ມ້າສີແດງ ຢູ່ທ່າມກາງຕົ້ນຢ່າງໄມ້ຫອມທີ່ຢູ່ເທິງພູເຂົາ. ຢູ່ທາງຫລັງລາວ ມີມ້າສີແດງ, ສີດ່າງ, ແລະ ສີຂາວ
Zechariah 1:10
ບັນດາມ້າທີ່ເຊຄາຣິຢາເຫັນເປັນແນວໃດ?
ບັນດາມ້າເຫລົ່ານັ້ນແມ່ນພຣະຢາເວເປັນນຜູ້ສົ່ງມາໃຫ້ທ່ອງທ່ຽວໄປມາທົ່ວແຜ່ນດິນໂລກ.
ບັນດາມ້າເຫລົ່ານັ້ນທີ່ຂີ່ມາພົບຫຍັງທີ່ຢູ່ທົ່ວເທິງແຜ່ນດິນໂລກ?
ບັນດາມ້າເຫລົ່ານັ້ນ ໄດ້ພົບວ່າທົ່ວແຜ່ນດິນໂລກຍັງຄົງພັກຜ່ອນຢູ່ຢ່າງສະຫງົບສຸກຢູ່.
Zechariah 1:12
ເທວະດາຂອງພຣະຢາເວມີຄຳຖາມຫຍັງກັບພຣະຢາເວກ່ຽວກັບນະຄອນເຢຣູຊາເລັມ ແລະ ເມືອງຕ່າງໆຂອງຢູດາ?
ເທວະດາຂອງພຣະຢາເວທູນຖາມພຣະຢາເວວ່າ ອີກດົນປານໃດທີ່ພຣະອົງຈະບໍ່ສະແດງຄວາມເມດຕາສົງສານຕໍ່ເຢຣູຊາເລັມ ແລະ ເມືອງຕ່າງໆຂອງຢູດາ.
Zechariah 1:14
ບໍ່ມີຄຳຖາມ
ບໍ່ມີຄຳຖາມ
Zechariah 1:16
ພຣະຢາເວຈອມໂຍທາຊົງກ່າວຫຍັງກ່ຽວກັບເຢຣູຊາເລັມ ແລະ ເມືອງຕ່າງໆຂອງຢູດາ?
ພຣະຢາເວຊົງກ່າວວ່າ ພຣະອົງໄດ້ຫັນກັບໄປຍັງເຢຣູຊາເລັມ ດ້ວຍຄວາມເມດຕາ, ທີ່ພຣະວິຫານຂອງພຣະອົງຈະຖືກສ້າງຢູ່ທ່າມກາງນາງ ແລະ ເຊືອກວັດຈະຖືກຄຶງອອກເຫນືອນະຄອນເຢຣູຊາເລັມ. ພຣະຢາເວຊົງກ່າວອີກວ່າ ເມືອງທັງຫລາຍຂອງເຮົາຈະເຕັມໄປດ້ວຍຄວາມດີງາມອີກຄັ້ງ ແລະ ພຣະຢາເວຈະຊົງມາເລົ້າໂລມຈິດໃຈຊີໂອນອີກເທື່ອຫນຶ່ງ, ແລະ ໄດ້ຊົງເລືອກນະຄອນເຢຣູຊາເລັມອີກເທື່ອຫນຶ່ງ.
Zechariah 1:18
ເຂົາທັງສີ່ທີ່ເຊຄາຣິຢາເຫັນນັ້ນແມ່ນຫຍັງ?
ເຂົາທັງສີ່ນັ້ນຄືຄົນທັງຫລາຍທີ່ໄດ້ກະຈັດກະຈາຍຢູ່ໃນຢູດາ, ອິດສະຣາເອນ ແລະ ເຢຣູຊາເລັມ.
Zechariah 1:20
ຊ່າງຕີເຫລັກສີ່ຄົນທີ່ເຊຄາຣິຢາເຫັນນັ້ນແມ່ນໃຜ ແລະ ພວກເຂົາກຳລັງຈະເຮັດຫຍັງ?
ຊ່າງຕີເຫຼັກແມ່ນຄົນທີ່ກຳລັງຈະຂັບໄລ່ ແລະ ໂຍນເຂົາສັດທັງຫລາຍຂອງບັນດາປະຊາຊາດ ຜູ້ທີ່ຖືກຍົກເຂົາສັດຂຶ້ນຕໍ່ສູ້ແຜ່ນດິນແຫ່ງຢູດາ ເພື່ອເຮັດໃຫ້ຢູດາກະຈັດກະຈາຍໄປ.
Zechariah 2
Zechariah 2:1
ຊາຍຫນຸ່ມຄົນນີ້ຈະເຮັດຫຍັງກັບເຊືອກວັດທີ່ຢູ່ໃນມືຂອງລາວ?
ຊາຍຫນຸ່ມຄົນນີ້ຈະເຮັດຫຍັງກັບເຊືອກວັດທີ່ຢູ່ໃນມືຂອງລາວ?
ລາວກຳລັງຈະໄປແທກນະຄອນເຢຣູຊາເລັມ, ເພື່ອເບິ່ງຄວາມກວ້າງ ແລະ ຄວາມຍາວຂອງມັນ.
Zechariah 2:3
ເປັນຫຍັງເທວະດາອົງທີສອງຈຶ່ງເວົ້າວ່າ ນະຄອນເຢຣູຊາເລັມຈະນັ່ງຢູ່ໃນຊົນນະບົດທີ່ໂລ່ງ?
ເທວະດາອົງທີສອງກ່າວເຊັ່ນນັ້ນ ເພາະການເພີ່ມຈຳນວນຄົນຂຶ້ນຂອງມະນຸດ ແລະ ສັດລ້ຽງໃນນະຄອນນັ້ນ.
ພຣະຢາເວ ໄດ້ຊົງກ່າວວ່າ ພຣະອົງຈະຊົງກາຍເປັນຫຍັງສຳລັບນະຄອນເຢຣູຊາເລັມ?
ພຣະຢາເວໄດ້ຊົງກ່າວວ່າ ພຣະອົງຈະເປັນເຫມືອນກຳແພງແຫ່ງແປວໄຟອ້ອມເມືອງນັ້ນໄວ້, ແລະ ພຣະອົງຈະຊົງສະຫງ່າຣາສີໃນທ່າມກາງພວກເຂົາ.
Zechariah 2:6
ແມ່ນຫຍັງເປັນຄຳປະກາດຂອງພຣະຢາເວກັບຜູ້ທີ່ອາໄສຢູ່ກັບລູກສາວຂອງບາບີໂລນ?
ພຣະຢາເວໄດ້ບອກພວກເຂົາໃຫ້ຫນີໄປທີ່ເມືອງຊີໂອນ.
Zechariah 2:8
ພວກເຂົາຮູ້ໄດ້ແນວໃດ ວ່າພຣະຢາເວຈອມໂຍທາໄດ້ສົ່ງເທວະດາອົງທີສອງມາ?
ເທວະດາອົງທີສອງກ່າວວ່າ ຢູດາ ແລະ ອິດສະຣາເອນຈະຮູ້ວ່າພຣະຢາເວໄດ້ສົ່ງລາວມາ ເມື່ອພຣະອົງຊົງສັ່ນພຣະຫັດຂອງພຣະອົງເຫນືອບັນດາປະຊາຊາດທັງຫລາຍທີ່ປຸ້ນຢູດາ ແລະ ອິສະຣາເອນ ຈະຖືກປຸ້ນ ໃຫ້ໄປເປັນທາດຂອງເຂົາທັງຫລາຍ.
Zechariah 2:10
ຈະມີຫຍັງເກີດຂຶ້ນເມື່ອພຣະຢາເວສະເດັດມາ ແລະ ສະຖິດຢູ່ໃນຊີໂອນ?
ເມື່ອສິ່ງເຫລົ່ານັ້ນເກີດຂຶ້ນກັບບັນດາປະຊາຊາດທີ່ຍິ່ງໃຫຍ່ທັງຫລາຍເຕົ້າໂຮມກັນມາຫາພຣະຢາເວ ແລະ ຄົນຂອງຊີໂອນຈະກາຍເປັນປະຊາກອນຂອງພຣະອົງ.
Zechariah 2:12
ເປັນຫຍັງມະນຸດທັງຫມົດ ຈຶ່ງຖືກສັ່ງໃຫ້ມິດງຽບຕໍ່ພຣະພັກພຣະຢາເວ?
ມະນຸດທັງຫມົດຖືກສັ່ງໃຫ້ມິດງຽບຕໍ່ພຣະພັກພຣະຢາເວ, ເພາະວ່າພຣະຢາເວໄດ້ສະເດັດອອກມາຈາກບ່ອນສະຖິດຂອງພຣະອົງແລ້ວ!
Zechariah 3
Zechariah 3:1
ຜູ້ໃດທີ່ຢູ່ໃກ້ມະຫາປະໂລຫິດໂຢຊວຍ?
ຜູ້ໃດທີ່ຢູ່ໃກ້ມະຫາປະໂລຫິດໂຢຊວຍ?
ໂຢຊວຍກຳລັງຢືນຢູ່ຕໍ່ຫນ້າເທວະດາຂອງພຣະຢາເວ ແລະ ຊາຕານຢືນຢູ່ຂ້າງຂວາມືຂອງລາວ.
ຊາຕານເຮັດຫຍັງຢູ່ຂ້າງຂວາມືຂອງໂຢຊວຍ?
ຊາຕານໄດ້ກ່າວໂທດຄວາມບາບຂອງໂຢຊວຍ.
ໂຢຊວຍນຸ່ງຫົ່ມຫຍັງໃນຂະນະທີ່ເຂົາຢືນຢູ່ຕໍ່ຫນ້າເທວະດາ?
ໂຢຊວຍໄດ້ນຸ່ງເຄື່ອງເປິເປື້ອນ.
Zechariah 3:4
ເທວະດາຂອງພຣະຢາເວ ໄດ້ເວົ້າວ່າລາວໄດ້ເຮັດຫຍັງແກ່ໂຢຊວຍ?
ເທວະດາໄດ້ເວົ້າວ່າ ລາວໄດ້ເຮັດໃຫ້ຄວາມຜິດບາບຂອງໂຢຊວຍອອກໄປເສີຍຈາກໂຢຊວຍແລ້ວ.
ມີຫຍັງເກີດຂຶ້ນກ່ຽວກັບເສື້ອຜ້າຂອງໂຢຊວຍ?
ເທວະດາໄດ້ສັ່ງໃຫ້ຖອດເຄື່ອງນຸ່ງທີ່ເປື້ອນໃຫ້ອອກໄປຈາກໂຢຊວຍ ແລະ ສຳລັບໂຢຊວຍແລ້ວໃຫ້ນຸ່ງເຄື່ອງໃຫ້ສະອາດ; ດ້ວຍຜ້າແພບໍຣິສຸດມາຄຽນ ແລະ ເສື້ອຜ້າທັງຫລາຍທີ່ສະອາດ.
Zechariah 3:6
ພຣະຢາເວໄດ້ສັນຍາຫຍັງແດ່ກັບໂຢຊວຍ, ມະຫາປະໂລຫິດ, ຖ້າລາວຈະດຳເນີນຕາມທາງຂອງພຣະຢາເວ ແລະ ຮັກສາພຣະບັນຍັດຂອງພຣະອົງ?
ພຣະຢາເວຊົງສັນຍາກັບໂຢຊວຍວ່າ ພຣະອົງຈະປົກຄອງພຣະວິຫານຂອງພຣະອົງ ແລະ ເບິ່ງແຍງສະຖານທີ່ຂອງພຣະອົງ. ພຣະຢາເວຊົງສັນຍາວ່າ ຈະອະນຸຍາດໃຫ້ໂຢຊວຍເຂົ້າມາ ແລະ ອອກໄປທ່າມກາງຄົນເຫລົ່ານັ້ນທີ່ຈະຢືນຢູ່ຕໍ່ພຣະພັກຂອງພຣະຢາເວ.
Zechariah 3:8
ຜູ້ຮັບໃຊ້ທີ່ພຣະຢາວກຳລັງຈະຍົກຂຶ້ນນັ້ນຖືກເອີ້ນວ່າຫຍັງ?
ຜູ້ຮັບໃຊ້ໄດ້ຖືກເອີ້ນວ່າ "ກິ່ງກ້ານ"
ຂໍ້ຄວາມທໍາອິດທີ່ຈາຣຶກໄວ້ເທິງກ້ອນຫີນເຈັດດ້ານແມ່ນຫຍັງ?
ຂໍ້ຄວາມທໍາອິດຄືພຣະຢາເວຈະຊົງກຳຈັດຄວາມຜິດບາບ ອອກຈາກແຜ່ນດິນນີ້ພາຍໃນຫນຶ່ງມື້.
Zechariah 3:10
ອິງຕາມຄຳປະກາດຂອງພຣະຢາເວ ເມື່ອໃດຈະໃຫ້ແຕ່ລະຄົນ ເຊີນເພື່ອນບ້ານຂອງຕົນໃຫ້ມານັ່ງພັກຜ່ອນພາຍໃຕ້ກ້ອງຕົ້ນອະງຸ່ນ ແລະ ຕົ້ນຫມາກເດື່ອເທດຂອງລາວ?
ພຣະຢາເວຊົງກ່າວວ່າ ສິ່ງນີ້ຈະເກີດຂຶຶ້ນ "ໃນວັນນັ້ນ".
Zechariah 4
Zechariah 4:1
ເຊຄາຣິຢາເຫັນຫຍັງ ເມື່ອລາວຖືກປຸກໃຫ້ຕື່ນຂຶ້ນ?
ເຊຄາຣິຢາເຫັນຫຍັງ ເມື່ອລາວຖືກປຸກໃຫ້ຕື່ນຂຶ້ນ?
ເຊຄາຣິຢາເຫັນເຄື່ອງຮອງຕີນໂຄມອັນຫນຶ່ງ ທີ່ເຮັດດ້ວຍທອງຄຳລ້ວນໆ ແລະ ມີຈອກເທິງຍອດ, ພ້ອມກັບໂຄມໄຟເຈັດຫນ່ວຍ ແລະ ຕົ້ນຫມາກກອກເທດສອງຕົ້ນຢູ່ໃກ້ໂຄມໄຟ.
Zechariah 4:4
ເຊຄາຣີຢາເຂົ້າໃຈຄວາມຫມາຍໃນນິມິດນັ້ນບໍ?
ບໍ່ເລີຍ, ເຊຄາຣີຢາບອກເທວະດາວ່າ ຜູ້ທີ່ຍ່າງໄປກັບລາວວ່າ ລາວບໍ່ເຂົ້າໃຈຄວາມຫມາຍຂອງສິ່ງເຫລົ່ານັ້ນໃນນິມິດນັ້ນເລີຍ.
Zechariah 4:6
ຖ້ອຍຄຳຂອງພຣະຢາເວແມ່ນຫຍັງທີ່ກ່າວເຖິງເຊຣູບາເບນກ່ຽວກັບສິ່ງຕ່າງໆທີ່ຈະມາເຖິງທີ່ສຳລັດ?
ຖ້ອຍຄຳຂອງພຣະຢາເວເຖິງເຊຣູບາເບນຄື: "ບໍ່ແມ່ນດ້ວຍກຳລັງ, ບໍ່ແມ່ນດ້ວຍອຳນາດ, ແຕ່ດ້ວຍພຣະວິນຍານຂອງພຣະອົງ".
ຈະມີສຽງຫຍັງດັງຂຶ້ນ ເມື່ອເຊຣູບາເບນເອົາກ້ອນຫີນທີ່ຢູ່ເທິງຍອດພູເຂົາອອກມາ?
ພວກເຂົາຈະໂຫ່ຮ້ອງວ່າ, ‘ມັນສວຍງາມ! ຂໍພຣະເຈົ້າອ່ວຍພອນມັນດ້ວຍ!
Zechariah 4:8
ປະຊາຊົນຈະຮູ້ໄດ້ແນວໃດວ່າ ພຣະຢາເວສົ່ງຊາຄາຣີຢາມາຫາພວກເຂົາ?
ປະຊາຊົນຈະຮູ້ຈັກວ່າ ເມື່ອພວກເຂົາເຫັນຄຳທຳນວາຍເຖິງທີ່ສຳເລັດ; ຊຶ່ງມືຂອງເຊຣູບາເບນໄດ້ວາງຮາກຖານຂອງພຣະວິຫານ ແລະ ດ້ວຍມືຂອງລາວຈະນຳມາສູ່ຄວາມສຳເລັດ.
ປະຊາຊົນຈະໄດ້ເຫັນຫຍັງຢູ່ໃນມືຂອງເຊຣູບາເບນ?
ປະຊາຊົນຈະໄດ້ເຫັນສາຍດິ່ງທີ່ຢູ່ໃນມືຂອງເຊຣູບາເບນ.
ໂຄມໄຟທັງເຈັດດວງມີຄວາມຫມາຍວ່າຫຍັງ?
ໂຄມໄຟທັງເຈັດດວງຄືບັນດາດວງຕາຂອງພຣະຢາເວທີ່ຊົງຫລຽວເບິ່ງຢູ່ທົ່ວແຜ່ນດິນໂລກທັງຫມົດ.
Zechariah 4:12
ບໍ່ມີຄຳຖາມ
ບໍ່ມີຄຳຖາມ
Zechariah 4:14
ງ່າຫມາກກອກເທດສອງງ່ານັ້ນແມ່ນຫຍັງ?
ງ່າຫມາກກອກເທດຄືລູກຊາຍທັງຫລາຍທີ່ໄດ້ຮັບການເຈີມ ຜູ້ທີ່ຢືນຢູ່ຂ້າງພຣະຜູ້ເປັນເຈົ້າແຫ່ງແຜ່ນດິນໂລກທັງສິ້ນ.
Zechariah 5
Zechariah 5:1
ຫນັງສືມ້ວນທີ່ເຊຄາຣິຢາເຫັນໃຫຍ່ປານໃດ?
ຫນັງສືມ້ວນທີ່ເຊຄາຣິຢາເຫັນໃຫຍ່ປານໃດ?
ຫນັງສືມ້ວນມີຄວາມຍາວຊາວສອກ ແລະ ກວ້າງສິບສອກ.
Zechariah 5:3
ເທວະດາໄດ້ເວົ້າກ່ຽວກັບຫນັງສືມ້ວນທີ່ບິນໄດ້ນັ້ນແນວໃດ ?
ເທວະດາໄດ້ເວົ້າກ່ຽວກັບຫນັງສືມ້ວນບິນໄດ້ວ່າ ເປັນຄຳສາບແຊ່ງທີ່ແຜ່ອອກໄປທົ່ວແຜ່ນດິນໂລກທັງຫມົດ.
ຫນັງສືມ້ວນສາບແຊ່ງໃຜ?
ຫນັງສືມ້ວນສາບແຊ່ງຕໍ່ຄົນຂີ້ລັກທຸກຄົນ ແລະ ທຸກຄົນທີ່ສາບານບໍ່ຈິງ.
ຄຳສາບແຊ່ງໄດ້ເຮັດຫຍັງກັບຄົນຂີ້ລັກທຸກຄົນ ແລະ ທຸກຄົນທີ່ສາບານບໍ່ຈິງ ໂດຍອອກພຣະນາມຂອງພຣະຢາເວ?
ຄຳສາບແຊ່ງຈະເຂົ້າໄປໃນເຮືອນຂອງພວກເຂົາ ແລະ ຈະຍັງຄົງຢູ່ນັ້ນ ແລະ ເຜົາໄຫມ້ທ່ອນໄມ້ ແລະ ພ້ອມທັງກ້ອນຫີນທັງຫລາຍໃນເຮືອນຂອງພວກເຂົາທັງຫລາຍ.
Zechariah 5:5
ເຊຄາຣິຢາເຫັນຫຍັງຢູ່ໃນກະຕ່າ ແລະ ເທວະດາເວົ້າວ່າມັນແມ່ນຫຍັງ?
ຫນື່ງເອຟາບັນຈຸໃນກະຕ່າທີ່ຊາຄາຣິຢາເຫັນ, ແລະ ເທວະດາເວົ້າວ່າເອຟາ "ນີ້ຄືຄວາມຜິດບາບຂອງເຂົາທັງຫລາຍໃນທົ່ວແຜ່ນດິນທັງສິ້ນ."
Zechariah 5:8
ເທວະດາເວົ້າວ່າຜູ້ຍິງທີ່ນັ່ງຢູ່ໃນກະຕ່າຄືແນວໃດ?
ເທວະດາໄດ້ກ່າວວ່າ “ນີ້ແມ່ນຄວາມຊົ່ວຮ້າຍ!”
ຜູ້ຍິງສອງຄົນ, ທີ່ມີປີກນັ້ນຄ້າຍຄືປີກຂອງນົກຂຸ້ມ, ໄດ້ເຮັດຫຍັງກັບກະຕ່າ?
ຜູ້ຍິງສອງຄົນໄດ້ຍົກກະຕ່າເອຟາຂຶ້ນ ລະຫວ່າງ ແຜ່ນດິນໂລກ ແລະ ທ້ອງຟ້າ.
Zechariah 5:10
ບັນດາຍິງເຫລົ່ານັ້ນຈະເອົາກະຕ່າໄປໃສ ແລະ ເພື່ອຈຸດປະສົງຫຍັງ?
ບັນດາຍິງເຫລົ່ານັ້ນຈະເອົາກະຕ່າໄປສ້າງພຣະວິຫານໃນແຜ່ນດິນຊີນາຍສຳລັບມັນ, ດັ່ງນັ້ນ ເມື່ອພຣະວິຫານສຳເລັດແລ້ວ, ກະຕ່ານັ້ນຈະຖືກຈັດໄວ້ທີ່ນັ້ນເທິງແທ່ນບ່ອນທີ່ໄດ້ຈັດຕຽມໄວ້.
Zechariah 6
Zechariah 6:1
ເຊຄາຣິຢາໄດ້ເຫັນຫຍັງ ທີ່ກຳລັງມາອອກມາລະຫວ່າງກາງພູເຂົາສອງຫນ່ວຍ?
ເຊຄາຣິຢາໄດ້ເຫັນຫຍັງ ທີ່ກຳລັງມາອອກມາລະຫວ່າງກາງພູເຂົາສອງຫນ່ວຍ?
ເຊຄາຣິຢາໄດ້ເຫັນລົດມ້າຮົບສີ່ຄັນກຳລັງອອກມາລະຫວ່າງກາງພູເຂົາສອງຫນ່ວຍ.
ລົດມ້າຮົບແຕ່ລະຄັນມີສີຫຍັງ?
ລົດມ້າຮົບຄັນທຳອິດມີມ້າສີແດງ, ຄັນທີສອງມີມ້າສີດຳ, ລົດມ້າຄັນທີສາມມ້າສີຂາວ, ແລະ ລົດມ້າຄັນທີສີ່ມ້າດ່າງສີເທົາ.
Zechariah 6:5
ເທວະດາໄດ້ເວົ້າວ່າລົດມ້າຮົບແມ່ນຫຍັງ?
ເທວະດາໄດ້ເວົ້າວ່າລົດມ້າຮົບທັງຫລາຍ ເປັນລົມທັງສີ່ຂອງຟ້າສະຫວັນ.
ລົດມ້າຮົບທັງສີ່ຄັນນັ້ນໄດ້ຢູ່ໃສ?
ລົດມ້າຮົບສີ່ຄັນນີ້ຢືນຢູ່ຕໍ່ພຣະພັກຂອງອົງພຣະຜູ້ເປັນເຈົ້າແຫ່ງແຜ່ນດິນໂລກທັງຫມົດ.
ລົດມ້າຮົບທັງສາມຄັນທີ່ມີສິດຳ, ສີຂາວ ແລະ ສີມ້າລາຍໄປທາງໃດ?
ລົດມ້າສີດຳທັງຫລາຍໄດ້ອອກໄປປະເທດທາງທິດເຫນືອ. ມ້າສີຂາວທັງຫລາຍໄດ້ອອກໄປປະເທດທາງທິດຕາເວັນຕົກ. ລົດມ້າສີລາຍທັງຫລາຍໄດ້ອອກໄປປະເທດທາງທິດໃຕ້.
Zechariah 6:7
ລົດມ້າຮົບສີດຳທັງຫລາຍ ໄດ້ອອກໄປປະເທດທາງທິດເຫນືອເພື່ອໄປເຮັດຫຍັງໃຫ້ສຳເລັດ?
ລົດມ້າສີດຳໄດ້ຈະອອກໄປ ເພື່ອສ້າງຄວາມສະຫງົບໃນສິ່ງທີ່ວິນຍານຂອງເທວະດາມີຄວາມເປັນຫ່ວງກ່ຽວກັບປະເທດທາງທິດເຫນືອ.
Zechariah 6:9
ເຊຄາຣິຢາຄວນຈະເຮັດແນວໃດກັບເຄື່ອງຖວາຍທີ່ລາວຮວບຮວມຈາກ ເຮນດາຍ, ໂຕບີຢາ, ແລະ ເຢດາອີຢາ?
ເຊຄາຣິຢາໄດ້ຮັບຄຳສັ່ງໃຫ້ນຳເອົາເຄື່ອງບູຊາເຂົ້າມາໃນເຮືອນຂອງໂຢສິຢາ, ລູກຊາຍເຊຟານີຢາ. ເຊຄາຣິຢາຈະຕ້ອງເອົາເງິນແລະຄຳ, ເຮັດເປັນມົງກຸດອັນຫນຶ່ງ ແລ້ວສວມໃສ່ເທິງຫົວຂອງໂຢຊວຍລູກຊາຍເຢໂຮຊາດັກ, ມະຫາປະໂລຫິດ.
Zechariah 6:12
ພຣະຢາເວຈອມໂຍທາໄດ້ກ່າວວ່າ ໂຢຊວຍລູກຊາຍເຢໂຮຊາດັກ, ມະຫາປະໂລຫິດວ່າ ຈະເຮັດຫຍັງ?
ພຣະຢາເວໄດ້ກ່າວວ່າ ໂຢຊວຍຈະເຕີບໂຕໃນສະຖານທີ່ໆລາວຢູ່ ແລະຈາກນັ້ນ ລາວຈະສ້າງພຣະວິຫານຂອງພຣະຢາເວ, ຈະໄດ້ຮັບສະຫງ່າຣາສີອັນຍິ່ງໃຫຍ່ຂອງມັນ, ແລະ ແລ້ວລາວກໍນັ່ງ ແລະປົກຄອງຢູ່ເຫນືອຣາຊະບັນລັງຂອງລາວ.
Zechariah 6:14
ເປັນຫຍັງມົງກຸດຈະຖືກວາງໄວ້ໃນພຣະວິຫານຂອງພຣະຢາເວ?
ມົງກຸດຈະຖືກວາງໄວ້ໃນພຣະວິຫານຂອງພຣະຢາເວ ເພື່ອເປັນທີ່ລະນຶກເຖິງເຮນດາຍ, ໂຕບີຢາ, ເຢດາອີຢາ, ແລະ ເຮັນລູກຊາຍຂອງເຊຟານີຢາ.
ຜູ້ຄົນຈະຕ້ອງເຮັດຫຍັງແດ່ ເພື່ອເຫດການທີ່ທຳນວາຍເຫລົ່ານີ້ເປັນຈິງ?
ພຣະຢາເວໄດ້ກ່າວເຫດການເຫລົ່ານີ້ຈະເກີດຂຶ້ນ ”ຖ້າພວກທ່ານເຊື່ອຟັງສຽງຂອງພຣະຢາເວ ພຣະເຈົ້າຂອງຢ່າງແທ້ຈິງ!”
Zechariah 7
Zechariah 7:1
ເປັນຫຍັງປະຊາຊົນແຫ່ງເບເທນຈຶ່ງສົ່ງຊາເຣັດເຊ, ເຣເກມເມເລັກ, ແລະ ພວກຜູ້ຊາຍຂອງພວກເຂົາໄປ?
ເປັນຫຍັງປະຊາຊົນແຫ່ງເບເທນຈຶ່ງສົ່ງຊາເຣັດເຊ, ເຣເກມເມເລັກ, ແລະ ພວກຜູ້ຊາຍຂອງພວກເຂົາໄປ?
ປະຊາຊົນແຫ່ງເບເທນໄດ້ສົ່ງພວກເຂົາໄປ ເພື່ອຮ້ອງຂໍຄວາມເມດຕາຂອງພຣະຢາເວ.
ຊາເຣັດເຊ, ເມເລັກ, ແລະ ພວກຜູ້ຊາຍຂອງພວກເຂົາໄດ້ຖາມປະໂລຫິດ ແລະ ຜູ້ປະກາດພຣະທັມແນວໃດ?
ພວກເຂົາໄດ້ກ່າວວ່າ, “ຄວນທີ່ຂ້ານ້ອຍຈະໄວ້ທຸກໃນເດືອນທີຫ້າດ້ວຍການອົດອາຫານຫລື, ເຫມືອນທີ່ຂ້ານ້ອຍໄດ້ເຮັດມາແລ້ວໃນຫລາຍປີທີ່ຜ່ານມານັ້ນຫລື?”
Zechariah 7:4
ຄຳຖາມສອງຂໍ້ທີ່ພຣະຢາເວໄດ້ຖາມກັບປະຊາຊົນຂອງແຜ່ນດິນ ແລະ ປະໂລຫິດຜ່ານເຊຄາຣີຢາກ່ຽວກັບການຖືສິນອົດ, ການກິນ ແລະ ການດື່ມນັ້ນມີຫຍັງແດ່?
ຄຳຖາມທຳອິດທີ່ພຣະຢາເວຖາມຄື, "ເມື່ອພວກເຈົ້າອົດອາຫານ ແລະ ໄວ້ທຸກໃນເດືອນທີຫ້າ ແລະ ເດືອນທີເຈັດເປັນເວລາດົນເຖິງເຈັດສິບປີນັ້ນ, ພວກເຈົ້າໄດ້ອົດອາຫານເພື່ອເຮົາແທ້ຫລືບໍ?". ຄໍາຖາມທີສອງຄື, "ເມື່ອພວກເຈົ້າໄດ້ກິນ ແລະດື່ມ, ພວກເຈົ້າໄດ້ກິນ ແລະ ດື່ມເພື່ອຕົວຂອງເຈົ້າເອງຫລື?"
ໂດຍຫຍໍ້, ຄຳຖາມສຸດທ້າຍແມ່ນຫຍັງທີ່ພຣະຢາເວຖາມປະໂລຫິດ ແລະ ປະຊາຊົນຂອງແຜ່ນດິນໂລກ?
ໂດຍຫຍໍ້, ທີ່ພຣະຢາເວຖາມວ່າສິ່ງເຫລົ່ານີ້ ບໍ່ແມ່ນຄຳດຽວກັນກັບທີ່ພຣະຢາເວຊົງກ່າວກັບປະຊາຊົນໃນຂະນະທີ່ພວກເຈົ້າຍັງຄົງໄດ້ຢູ່ໃນນະຄອນເຢຣູຊາເລັມ ແລະ ເມືອງທັງຫລາຍໂດຍອ້ອມຮອບ, ເນເກບ, ແລະ ເຂດທົ່ງພຽງທາງທິດຕາເວັກຕົກຫລື.
Zechariah 7:8
ພຣະຢາເວຊົງເວົ້າຜ່ານທາງເຊຄາຣິຢາໃຫ້ບອກປະຊາຊົນເຮັດຫຍັງ?
ພຣະຢາເວຊົງບອກພວກເຂົາໃຫ້ຕັດສິນດ້ວຍຄວາມຍຸຕິທັມຢ່າງແທ້ຈິງ, ຕາມພັນທະສັນຍາທີ່ສັດຊື່, ແລະ ດ້ວຍຄວາມເມດຕາ. ພຣະອົງກ່າວວ່າ ບໍ່ໃຫ້ບິບບັງຄັບຍິງຫມ້າຍ, ລູກກຳພ້າ, ຄົນຕ່າງດ້າວ, ຫລືຄົນທຸກຍາກ ແລະ ຢ່າເຮັດການຊົ່ວຮ້າຍຕໍ່ກັນແລະກັນ.
Zechariah 7:11
ປະຊາຊົນຕອບສະຫນອງແນວໃດກັບຖ້ອຍຄໍາຂອງພຣະຢາເວ?
ພວກປະຊາຊົນໄດ້ປະຕິເສດທີ່ຈະຟັງຖ້ອຍຄຳຂອງພຣະຢາເວ.
Zechariah 7:13
ພຣະຢາເວຊົງໄດ້ກ່າວວ່າ ຈະເຮັດຫຍັງ ເມື່ອຄົນເຫລົ່ານັ້ນ ຜູ້ທີ່ປະຕິເສດທີ່ບໍ່ຍອມຟັງສຽງທີ່ພຣະຢາເວຊົງເອີ້ນລາວ?
ພຣະຢາເວຊົງກ່າວວ່າ ພຣະອົງບໍ່ຍອມຟັງພວກເຂົາ ແລະ ຍິ່ງໄປກວ່ານັ້ນ ພຣະອົງຈະກະຈັດກະຈາຍພວກເຂົາໄປ ດ້ວຍລົມຫົວກຸດໄປເຖິງປະຊາຊາດທັງຫລາຍທີ່ພວກເຂົາບໍ່ເຄີຍເຫັນມາກ່ອນ.
Zechariah 8
Zechariah 8:1
ພຣະຢາເວຊົງສະແດງຄວາມຫວງແຫວນຂອງພຣະອົງຕໍ່ກັບຊີໂອນແນວໃດ?
ພຣະຢາເວຊົງສະແດງຄວາມຫວງແຫວນຂອງພຣະອົງຕໍ່ກັບຊີໂອນແນວໃດ?
ພຣະຢາເວຊົງສະແດງຄວາມຫວງແຫນຂອງພຣະອົງສຳລັບຊີໂອນຢ່າງຍິ່ງໃຫຍ່ ແລະ ດ້ວຍຄວາມໂກດຮ້າຍຢ່າງຮຸນແຮງ.
ນະຄອນເຢຣູຊາເລັມ ແລະ ພູເຂົາຂອງພຣະຢາເວຈະຖືກເອີ້ນວ່າແນວໃດ ເມື່ອພຣະຢາເວກັບຄືນມາຢູ່ທ່າມກາງນະຄອນເຢຣູຊາເລັມນັ້ນ?
ນະຄອນເຢຣູຊາເລັມຈະຖືກເອີ້ນວ່າ "ເມືອງແຫ່ງຄວາມຈິງ" ແລະ ພູເຂົາຂອງພຣະຢາເວຈະຖືກເອີ້ນວ່າ "ພູເຂົາບໍຣິສຸດ" ເມື່ອພຣະຢາເວກັບຄືນໄປອາໄສຢູ່ໃນທ່າມກາງນະຄອນເຢຣູຊາເລັມນັ້ນ.
Zechariah 8:4
ແມ່ນໃຜຈະຖືກພົບເຫັນອີກຕາມຖະຫນົນ ໃນນະຄອນເຢຣູຊາເລັມ?
ຊາຍອາວຸໂສ ແລະ ຍິງອາວຸໂສຈະອາໄສຢູ່ຕາມຖະຫນົນໃນນະຄອນເຢຣູຊາເລັມ, ຕາມຖະຫນົນຫົນທາງຂອງເມືອງນັ້ນຈະເຕັມໄປດ້ວຍພວກເດັກຊາຍ ແລະ ພວກເດັກຍິງ ທີ່ກຳລັງແລ່ນຫລິ້ນຢູ່ໃນນັ້ນ.
Zechariah 8:6
ພຣະຢາເວຈະຊົງຊ່ວຍປະຊາຊົນຂອງພຣະອົງອອກມາຈາກໃສ?
ພຣະຢາເວຕ້ອງການຊ່ວຍປະຊາຊົນຂອງພຣະອົງອອກຈາກດິນແດນທີ່ທິດຕາເວັນອອກ ແລະ ຈາກດິນແດນແຫ່ງທິດຕາເວັນຕົກ.
Zechariah 8:9
ເປັນຫຍັງພຣະຢາເວຈຶ່ງຢາກໃຫ້ປະຊາຊົນເຮັດໃຫ້ມືຂອງພວກເຂົາໃຫ້ແຂງແຮງຂຶ້ນ?
ພຣະຢາເວຢາກໃຫ້ມືຂອງພວກເຂົາແຂງແຮງຂຶ້ນ ເພື່ອວ່າພຣະວິຫານຂອງພຣະອົງຈະຖືກສ້າງຂຶ້ນ.
ມີຫຍັງເກີດຂຶ້ນກ່ອນວັນນັ້ນ ເມື່ອຮາກຖານຂອງພຣະວິຫານຂອງພຣະຢາເວຖືກວາງລົງ?
ໃນວັນເຫລົ່ານັ້ນ, ບໍ່ມີໃຜລວບລວມເມັດພຶດໄດ້, ບໍ່ມີໃຜໄດ້ກຳໄລ ບໍ່ວ່າຈະເປັນຄົນ ຫລືສັດ, ບໍ່ມີສັນຕິພາບຈາກສັດຕູສຳລັບຜູ້ທີ່ກຳລັງຈະໄປ ຫລືຜູ້ທີ່ກຳລັງຈະມາ. ພຣະຢາເວໄດ້ໃຫ້ພວກເຂົາທຸກຄົນຕໍ່ສູ້ຊຶ່ງກັນແລະກັນກັບເພື່ອນບ້ານຂອງຕົນເອງ.
Zechariah 8:11
ພຣະຢາເວໄດ້ກ່າວແນວໃດ ກ່ຽວກັບສະໄຫມຂອງເຊຄາຣີຢາ?
ພຣະຢາເວຊົງໄດ້ກ່າວວ່າ ມັນຈະບໍ່ຄືກັບມື້ທັງຫລາຍໃນອະດີດອີກ. ພຣະອົງກ່າວວ່າ ເມັດພັນແຫ່ງສັນຕິສຸກຈະຖືກຫວ່ານອອກໄປ. ເຄືອອະງຸ່ນຈະເກີດຫມາກ, ແລະ ແຜ່ນດິນໂລກຈະເກີດຜົນຜະລິດ. ບັນດາທ້ອງຟ້າຈະໃຫ້ນ້ຳຫມອກມາ. ພຣະຢາເວຈະເຮັດໃຫ້ປະຊາຊົນທີ່ເຫລືອຢູ່ນີ້ ໄດ້ຮັບມໍຣະດົກຈາກສິ່ງເຫລົ່ານີ້ທັງຫມົດ.
Zechariah 8:13
ບໍ່ມີຄໍາຖາມ
ບໍ່ມີຄໍາຖາມ
Zechariah 8:16
ພຣະຢາເວຊົງສັ່ງໃຫ້ປະຊາຊົນປະຕິບັດຕົນເອງແນວໃດ ແລະຍ້ອນຫຍັງ?
ພຣະຢາເວຊົງກ່າວກັບປະຊາຊົນວ່າ ໃຫ້ພວກເຂົາທຸກຄົນເວົ້າຄວາມຈິງກັບເພື່ອນບ້ານຂອງພວກເຂົາ, ແລະ ຕັດສິນຕາມຄວາມຈິງ, ຕາມຄວາມຍຸຕິທັມ, ແລະ ສ້າງສັນຕິສຸກຢູ່ທີ່ປະຕູເມືອງຂອງພວກເຂົາ. ພຣະອົງຊົງກ່າວວ່າ ຢ່າວາງແຜນຊົ່ວຮ້າຍໃນໃຈຂອງພວກເຂົາຕໍ່ສູ້ຊຶ່ງກັນແລະກັນ. ພຣະຢາເວສັ່ງວ່າ ຢ່າຮັກຄຳປະຕິຍານບໍ່ຈິງ ເພາະພຣະອົງກຽດຊັງສິ່ງເຫລົ່ານີ້.
Zechariah 8:18
ຕາມຄວາມຈິງທີ່ວ່າ ການອົດອາຫານໃນເດືອນທີສີ່, ເດືອນທີຫ້າ, ເດືອນທີເຈັດ ແລະ ເດືອນທີສິບ ຈະເປັນເວລາແຫ່ງຄວາມຊົມຊື່ນຄວາມຍິນດີ ແລະ ເທດສະການແຫ່ງຄວາມສຸກ ສຳລັບເຊື້ອສາຍຂອງຢູດາ, ພວກເຂົາໄດ້ຖືກບອກໃຫ້ເຮັດຫຍັງໂດຍພຣະຢາເວ?
ພວກເຂົາໄດ້ຖືກບອກວ່າ ໃຫ້ຮັກຄວາມຈິງ ແລະ ໃຫ້ຮັກສັນຕິສຸກ.
Zechariah 8:20
ແມ່ນໃຜຜູ້ທີ່ພຣະຢາເວເວົ້າວ່າ ຈະມາສະແຫວງຫາພຣະອົງ ແລະ ຮ້ອງຂໍຄວາມເມດຕາຂອງພຣະອົງ?
ພຣະຢາເວຊົງກ່າວວ່າ ປະຊາຊົນຫລວງຫລາຍຈາກເມືອງທີ່ແຕກຕ່າງກັນ ແລະ ບັນດາປະຊາຊາດທີ່ເຂັ້ມແຂງ ຈະມາສະແຫວງຫາພຣະຢາເວ ແລະ ຮ້ອງຂໍພຣະເມດຕາຂອງພຣະອົງ.
Zechariah 8:23
ໃນວັນເຫລົ່ານັ້ນ, ເປັນຫຍັງຜູ້ຊາຍສິບຄົນຈາກທຸກພາສາ, ແລະ ທຸກຊາດຮ້ອງຂໍເພື່ອຂຶ້ນໄປນະຄອນເຢຣູຊາເລັມ ພ້ອມກັບປະຊາຊົນຂອງພຣະຢາເວ?
ພວກເຂົາຂໍຂຶ້ນໄປນະຄອນເຢຣູຊາເລັມພ້ອມກັບປະຊາຊົນຂອງພຣະຢາເວ ເພື່ອທີ່ພວກເຂົາຈະໄດ້ຍິນຄຳວ່າ ພຣະເຈົ້າສະຖິດຢູ່ກັບພວກເຂົາ.
Zechariah 9
Zechariah 9:1
ຄຳປະກາດຂອງພຣະຢາເວກ່ຽວກັບເລື່ອງຫຍັງ?
ຄຳປະກາດຂອງພຣະຢາເວກ່ຽວກັບເລື່ອງຫຍັງ?
ຄຳປະກາດຖ້ອຍຄຳຂອງພຣະຢາເວກ່ຽວກັບເລື່ອງຂອງ ແຜ່ນດິນຮັດຣັກ ແລະ ເມືອງດາມາເຊ, ຮຳມາດ, ຕີເຣ ແລະຊີໂດນ.
Zechariah 9:3
ພຣະຢາເວຊົງກ່າວ່າ ຈະເຮັດຫຍັງກ່ຽວກັບເມືອງຕີເຣ?
ພຣະຢາເວຊົງກ່າວ່າ, " ອົງພຣະຜູ້ເປັນເຈົ້າຈະຢຶດຊັບສິນຂອງນາງ ແລະ ທຳລາຍຄວາມເຂັ້ມແຂງຂອງນາງລົງໄປໃນນ້ຳທະເລ, ດັ່ງນັ້ນເມືອງນີ້ຈະຖືກເຜົາໄຫມ້ດ້ວຍໄຟ."
Zechariah 9:5
ພຣະຢາເວຊົງກ່າວວ່າ ພຣະອົງຈະເຮັດຫຍັງກັບຄົນຟີລິດສະຕິນ ແລະ ຈະເກີດຫຍັງຂຶ້ນກັບພວກເຂົາ?
ພຣະຢາເວຊົງກ່າວ່າ, ພຣະອົງຈະກຳຈັດຄວາມຈອງຫອງຂອງຄົນຟີລິດສະຕິນ. ພຣະຢາເວຍັງຊົງກ່າວອີກວ່າ ພວກເຂົາຈະກາຍເປັນສິ່ງເສດເຫລືອ ສຳລັບພຣະເຈົ້າເຫມືອນກັນກັບເຜົ່າຂອງຢູດາ.
Zechariah 9:8
ເຫດຜົນອັນຫນຶ່ງທີ່ພຣະຢາເວໃຫ້ສຳລັບການຕັ້ງຄ້າຍພັກຮອບແຜ່ນດິນຂອງພຣະອົງແມ່ນຫຍັງ?
ພຣະຢາເວກ່າວວ່າ ພຣະອົງຈະຕັ້ງຄ້າຍຢູ່ຂ້າງແຜ່ນດິນຂອງພຣະອົງຕໍ່ສູ້ກອງທັບເຫລົ່າສັດຕູ ດັ່ງນັ້ນ ຈຶ່ງບໍ່ມີໃຜສາມາດຜ່ານເຂົ້າໄປ ຫລືກັບອອກມາໄດ້, ເພາະພຣະອົງຊົງກ່າວວ່າ ຈະບໍ່ໃຫ້ມີຜູ້ໃດເຂົ້າມາຂົ່ມເຫັງພວກເຂົາໄດ້ອີກຕໍ່ໄປ.
Zechariah 9:9
ເປັນຫຍັງລູກສາວຂອງຊີໂອນຈຶ່ງໂຮ່ຮ້ອງດ້ວຍຄວາມຊື່ນຊົມຍິນດີ ແລະ ລູກສາວແຫ່ງເຢຣູຊາເລັມບອກໃຫ້ຮ້ອງດ້ວຍຄວາມສຸກ?
ພວກເຂົາຖືກບອກໃຫ້ເຮັດສິ່ງນີ້ ເພາະວ່າ ກະສັດຂອງພວກເຂົາກຳລັງສະເດັດມາຫາພວກເຂົາດ້ວຍຄວາມຍຸຕິທັມ ແລະສະເດັດມາເພື່ອຊ່ວຍພວກເຂົາ.
ກະສັດຂອງພວກເຂົາຈະມາຫາພວກເຂົາແນວໃດ?
ພຣະອົງຂອງຊົງຖ່ອມໃຈ ແລະ ຊົງປະທັບເທິງຫລັງລາ, ເທິງຫລັງລູກລາໂຕຫນຶ່ງ.
ກະສັດອົງນີ້ຈະເວົ້າຫຍັງຕໍ່ປະຊາຊາດ?
ພຣະອົງຈະປະກາດສັນຕິສຸກແກ່ບັນດາປະຊາຊາດ.
ຂອບເຂດຂອງການຄອບຄອງຂອງກະສັດນັ້ນຈະເປັນແນວໃດ?
ການປົກຄອງຂອງພຣະອົງ ຈະເລີ່ມຈາກທະເລນີ້ໄປເຖິງທະເລນັ້ນ, ແລະຈາກແມ່ນ້ຳນີ້ໄປເຖິງສຸດປາຍແຜ່ນດິນໂລກ.
Zechariah 9:11
ເປັນຫຍັງພຣະຢາເວຈຶ່ງປົດປ່ອຍນັກໂທດຂອງພວກເຂົາໃຫ້ເປັນອິດສະຫລະອອກຈາກຂຸມທີ່ບໍ່ມີນໍ້າ?
ພຣະຢາເວຊົງກ່າວວ່າ ດ້ວຍວ່າ ເລືອດແຫ່ງຄຳຫມັ້ນສັນຍາຂອງພຣະອົງກັບພວກເຂົາ.
ພຣະຢາເວໄດ້ປຸກພວກລູກຊາຍຂອງຊີໂອນເພື່ອຕໍ່ສູ້ກັບໃຜ?
ພຣະຢາເວໄດ້ປຸກລູກຊາຍທັງຫລາຍຂອງຊີໂອນ ເພື່ອຕໍ່ສູ້ກັບລູກຊາຍທັງຫລາຍຂອງຊາວກຣີກ.
ພຣະຢາເວໄດ້ເຮັດໃຫ້ຊີໂອນເປັນຄືແນວໃດ?
ພຣະຢາເວໄດ້ເຮັດໃຫ້ຊີໂອນເປັນຄືດາບນັກຮົບ.
Zechariah 9:14
ບໍ່ມີຄຳຖາມ
ບໍ່ມີຄຳຖາມ
Zechariah 9:16
ໃນມື້ນັ້ນ ຊີໂອນຈະເປັນແນວໃດ ເມື່ອພຣະຢາເວ, ພຣະເຈົ້າຂອງພວກເຂົາຈະຊ່ວຍພວກເຂົາໃຫ້ພົ້ນ?
ໃນມື້ນັ້ນ ຊີໂອນຈະເປັນເຫມືອນດັ່ງແກ້ວເພັດ ຊຶ່ງຕິດຢູ່ໃນມົງກຸດທີ່ສ່ອງແສງໃນແຜ່ນດິນຂອງພຣະອົງ.
Zechariah 10
Zechariah 10:1
ພຣະຢາເວຈະເຮັດຫຍັງເພື່ອຊີໂອນ?
ພຣະຢາເວຈະເຮັດຫຍັງເພື່ອຊີໂອນ?
ພຣະຢາເວຈະປະທານຫ່າຝົນໃຫ້ແກ່ທຸກຄົນ ແລະ ພືດຜັກໃນທົ່ງນາ.
ດ້ວຍເຫດໃດຜູ້ຄົນຈຶ່ງຫລົງທາງຄືແກະ ແລະທຸກລຳບາກ?
ຜູ້ຄົນຫລົງທາງຄືແກະ ແລະ ທຸກລຳບາກ ຍ້ອນວ່າ ພວກຫມໍດູທີ່ເຫັນນິມິດບໍ່ຈິງ; ໄດ້ເລົ່າຄວາມຝັນບໍ່ຈິງ, ແລະໃຫ້ຄຳເລົ້າໂລມໃຈອັບປະໂຫຍດ. ພວກເຂົາທຸກລຳບາກເພາະບໍ່ມີຜູ້ລ້ຽງ.
Zechariah 10:3
ແມ່ນໃຜເປັນຜູ້ທີ່ພຣະຢາເວຊົງກ່າວວ່າພຣະອົງຈະລົງໂທດ?
ພຣະຢາເວຈະລົງໂທດ ແກະຕົວຜູ້ຄື – ພວກຜູ້ນຳທັງຫລາຍ.
Zechariah 10:4
ພຣະຢາເວຊົງກ່າວຫຍັງແດ່ ທີ່ຈະມາຈາກເຊື້ອສາຍຂອງຢູດາ?
ພຣະຢາເວຊົງກ່າວວ່າ ຫີນເສົາເອກ, ເຫລັກຕອກເຕັນ, ຄັນທະນູສູ້ຮົບ ແລະ ບັນດາຜູ້ປົກຄອງຈະມາຈາກເຊື້ອສາຍຂອງຢູດາ.
Zechariah 10:6
ພຣະຢາເວ ໄດ້ຊົງກ່າວວ່າ ພຣະອົງຈະເຮັດຫຍັງຕໍ່ເຊື້ອສາຍຂອງຢູດາ ແລະ ໂຢເຊັບ?
ພຣະຢາເວຊົງກ່າວວ່າ ພຣະອົງຈະເສີມກຳລັງເຊື້ອສາຍຂອງຢູດາ ແລະ ປົກປ້ອງເຊື້ອສາຍຂອງໂຢເຊັບ. ພຣະຢາເວຊົງກ່າວວ່າ ພຣະອົງຈະເຮັດໃຫ້ພວກເຂົາຄືນມາສູ່ສະພາບເດີມ ແລະ ເມດຕາພວກເຂົາ.
Zechariah 10:8
ຢູດາ ແລະ ເອຟາຣາອີມຈະເຮັດຫຍັງ ເມື່ອພວກເຂົາລະນຶກເຖິງພຣະຢາເວ ໃນບັນດາປະເທດທີ່ຫ່າງໄກ ຄືໃນບ່ອນທີ່ພຣະຢາເວໄດ້ຊົງກະຈັດກະຈາຍພວກເຂົາໄປ?
ພວກເຂົາ ແລະ ລູກຫລານທັງຫລາຍຂອງພວກເຂົາ ຈະດຳລົງຊີວິດຢູ່ ແລະ ກັບຄືນມາ. ເມື່ອພວກເຂົາຈະລະນຶກເຖິງພຣະຢາເວໃນບັນດາປະເທດທີ່ຫ່າງໄກທັງຫລາຍນັ້ນ ບ່ອນທີ່ພຣະອົງໄດ້ກະຈັດກະຈາຍພວກເຂົາໄປ.
Zechariah 10:11
ພຣະຢາເວໄດ້ຊົງກ່າວວ່າ ພຣະອົງຈະເຮັດຫຍັງຕໍ່ເອຢິບ ແລະອັດຊີເຣຍ ຫລັງຈາກທີ່ພຣະອົງຊົງເຕົ້າໂຮມເຊື້ອສາຍຢູດາຈາກສະຖານທີ່ເຫລົ່ານັ້ນ?
ພຣະຢາເວຊົງກ່າວວ່າ ພຣະອົງຈະເຮັດໃຫ້ຄວາມສະຫງ່າງາມຂອງອັດຊີເຣຍຕົກຕ່ຳ ແລະ ໄມ້ຄ້ອນເທົ້າຂອງເອຢິບຈະຖືກຖອດອອກໄປຈາກຊາວເອຢິບ.
Zechariah 11
Zechariah 11:1
ເປັນຫຍັງຄົນລ້ຽງແກະຈຶ່ງຮ້ອງໄຫ້?
ເປັນຫຍັງຄົນລ້ຽງແກະຈຶ່ງຮ້ອງໄຫ້?
ຄົນລ້ຽງແກະຮ້ອງໄຫ້ ເພາະປ່າທຶບໄດ້ຖືກທຳລາຍລົງຫມົດແລ້ວ.
Zechariah 11:4
ພຣະຢາເວຊົງບອກໃຫ້ເຊຄາຣິຢາເຮັດຫຍັງ?
ພຣະຢາເວຊົງບອກໃຫ້ເຊຄາຣິຢາວ່າ, "ຄົນລ້ຽງຝູງແກະຫມາຍເຖິງສຳລັບຖືກຂ້າ!"
ພຣະຢາເວຊົງກ່າວວ່າ ພຣະອົງຈະເຮັດຫຍັງຕໍ່ຄົນທີ່ອາໄສໃນແຜ່ນດິນຢູດາ?
ພຣະຢາເວຊົງກ່າວວ່າ ພຣະອົງຈະບໍ່ມີຄວາມສົງສານຕໍ່ພວກເຂົາ ແຕ່ຈະໃຫ້ທຸກຄົນຕົກຢູ່ໃນມືຂອງຜູ້ລ້ຽງແກະ ແລະ ມືຂອງກະສັດຂອງພວກເຂົາ, ແລະພວກເຂົາຈະທຳລາຍແຜ່ນດິນນັ້ນ.
Zechariah 11:7
ສອງສິ່ງທີ່ເຊຄາຣິຢາໃຊ້ສຳລັບ ຄົນລ້ຽງຝູງແກະຫມາຍເຖິງການຂ້າ ແມ່ນຊື່ແນວໃດ?
ຊື່ຂອງສອງສິ່ງນັ້ນຄື: "ພຣະຄຸນ." ແລະ "ເອກະພາບ."
ເປັນຫຍັງເຊຄາຣິຢາຈຶ່ງທຳລາຍຜູ້ລ້ຽງແກະສາມຄົນໃນຫນຶ່ງເດືອນ?
ເພາະລາວຫມົດຄວາມອົດທົນກັບພວກເຂົາ, ແລະ ພວກເຂົາກຽດຊັງລາວເຫມືອນກັນ.
Zechariah 11:10
ເປັນຫຍັງເຊຄາຣິຢາຈຶ່ງທຳລາຍໄມ້ຄ້ອນເທົ້າຂອງລາວ, "ພຣະຄຸນ."?
ລາວໄດ້ທຳລາຍ ເພື່ອຫັກພັນທະສັນຍາທີ່ລາວໄດ້ເຮັດກັບເຜົ່າຂອງລາວທັງຫມົດ.
ເຊຄາຣິຢາໄດ້ຈ່າຍເທົ່າໃດ?
ເຊຄາຣິຢາໄດ້ຈ່າຍຈຳນວນເງິນສາມສິບຫລຽນ.
Zechariah 11:13
ພຣະຢາເວໄດ້ຊົງບອກໃຫ້ເຊຄາຣິຢາເຮັດຫຍັງກັບເງິນສາມສິບຫລຽນຂອງລາວ?
ເຊຄາຣິຢາໄດ້ຖືກບອກໃຫ້ເອົາເງິນສາມສີບຫລຽນໄປໄວ້ໃນຄັງ.
ການໄດ້ທຳລາຍໄມ້ຄ້ອນເທົ້າທີສອງ, "ເອກະພາບ" ເພື່ອຫຍັງ?
ການທຳລາຍໄມ້ຄ້ອນເທົ້າອັນທີສອງ, "ເອກະພາບ," ເພື່ອຕັດຄວາມເປັນພີ່ນ້ອງ ລະຫວ່າງ ຢູດາກັບອິດສະຣາເອນ.
Zechariah 11:15
ພຣະຢາເວໄດ້ເວົ້າວ່າ ພຣະອົງຈະລ້ຽງຜູ້ລ້ຽງແກະໃນແຜ່ນດິນ. ຜູ້ລ້ຽງແກະຈະເຮັດຫຍັງ?
ຜູ້ລ້ຽງແກະຈະບໍ່ສົນໃຈແກະ, ຈະບໍ່ສະແຫວງຫາແກະທີ່ກະຈັດກະຈາຍໄປ, ຫລືຮັກສາແກະພິການ. ເຂົາບໍ່ລ້ຽງແກະທີ່ແຂງແຮງ, ແຕ່ຈະກິນເນື້ອຂອງແກະໂຕອ້ວນພີ ແລະ ຈະຫັກກີບຕີນຂອງພວກມັນ.
Zechariah 11:17
ຄຳສາບແຊ່ງອັນໃດທີ່ຖືກປະກາດຕໍ່ຜູ້ລ້ຽງແກະທີ່ບໍ່ເຫັນຄ່າທີ່ປະຖິ້ມຝູງແກະ?
ຄຳສາບແຊ່ງຄື: ຂໍໃຫ້ດາບນັ້ນຕໍ່ສູ້ກັບແຂນຂອງເຂົາ ແລະ ຕາຂວາຂອງເຂົາ! ຂໍໃຫ້ແຂນຂອງເຂົາຫ່ຽວແຫ້ງໄປ ແລະ ໃຫ້ຕາເບື້ອງຂວາຂອງເຂົາບອດໄປ!”
Zechariah 12
Zechariah 12:1
ແມ່ນໃຜຄືພຣຢາເວຜູ້ເຮັດການປະກາດນີ້ກ່ຽວກັບອິສະຣາເອນ?
ແມ່ນໃຜຄືພຣຢາເວຜູ້ເຮັດການປະກາດນີ້ກ່ຽວກັບອິສະຣາເອນ?
ພຣະຢາເວແມ່ນ ຜູ້ຊຶ່ງຊົງຄຶງທ້ອງຟ້າອອກ ແລະ ວາງຮາກຖານຂອງແຜ່ນດິນໂລກ, ຜູ້ຊົງໃສ່ຈິດວິນຍານຂອງປະຊາຊາດໄວ້ໃນມະນຸດ.
ແມ່ນໃຜຈະໄປເຕົ້າໂຮມຕໍ່ສູ້ເຢຣູຊາເລັມ?
ບັນດາປະຊາຊາດແຫ່ງແຜ່ນດິນໂລກຈະເຕົ້າໂຮມກັນຕໍ່ສູ້ເຢຣູຊາເລັມ.
Zechariah 12:4
ໃນມື້ທີ່ປະຊາຊາດທັງຫລາຍເຕົ້າໂຮມກັນຕໍ່ສູ້ກັບຢູດາ, ພຣະຢາເວໄດ້ຊົງກ່າວຫຍັງແດ່ເປັນພິເສດທີ່ພຣະອົງຈະເຮັດຕໍ່ມ້າທັງຫລາຍ ແລະ ຜູ້ຂີ່ມ້າຂອງກອງທັບສັດຕູ?
ພຣະຢາເວຈະໂຈມຕີມ້າທຸກໂຕດ້ວຍຄວາມຢ້ານກົວ ແລະ ຜູ້ຂີ່ມ້າທຸກຄົນຢ່າງຄົນບ້າ. ພຣະຢາເວຈະໂຈມຕີມ້າທຸກໂຕຂອງສັດຕູຕາບອດໄປ.
Zechariah 12:6
ໃນມື້ນັ້ນ ພວກຜູ້ນຳຢູດາຈະເປັນເຫມືອນຫຍັງ?
ໃນວັນນັ້ນ, ຜູ້ນຳທັງຫລາຍຂອງຢູດາເປັນເຫມືອນຫມໍ້ໄຟທ່າມກາງໄມ້ ແລະ ເປັນເຫມືອນໂຄມໄຟທ່າມກາງຕົ້ນເຂົ້າທີ່ຢືນຢູ່.
Zechariah 12:7
ເປັນຫຍັງພຣະຢາເວຈະຊ່ວຍຫໍເຕັ້ນຂອງຢູດາກ່ອນ?
ພຣະຢາເວຈະຮັກສາຫໍເຕັ້ນຂອງຢູດາກ່ອນ ເພື່ອວ່າ ສະຫງ່າຣາສີຂອງເຊື້ອສາຍດາວິດ ແລະ ກຽດສັກສີຂອງຜູ້ທີ່ອາໄສໃນນະຄອນເຢຣູຊາເລັມ ຈະບໍ່ໄດ້ຍິ່ງໃຫຍ່ໄປກວ່າຄົນທີ່ເຫລືອຂອງຢູດາ.
ຄວາມຕັ້ງໃຈຂອງພຣະຢາເວທີ່ຈະເຮັດໃນມື້ນັ້ນແມ່ນຫຍັງ?
ພຣະຢາເວຊົງກ່າວ່າ ໃນວັນນັ້ນພຣະອົງ ຈະເລີ່ມຕົ້ນທຳລາຍບັນດາປະຊາຊາດທັງຫມົດທີ່ມາຕໍ່ສູ້ນະຄອນເຢຣູຊາເລັມ.
Zechariah 12:10
ໃນມື້ນັ້ນ, ພຣະຢາເວຈະຖອກເທໃສ່ສິ່ງໃດແດ່ເທິງເຊື້ອສາຍຂອງດາວິດ ແລະ ຊາວເມືອງເຢຣູຊາເລັມ?
ພຣະຢາເວຈະຖອກເທວິນຍານແຫ່ງຄວາມຮັກ ແລະ ຄຳອ້ອນວອນ.
ເຊື້ອສາຍຂອງດາວິດ ແລະ ຊາວເມືອງເຢຣູຊາເລັມຈະເຮັດແນວໃດເມື່ອພວກເຂົາເຫັນຜູ້ທີ່ເຂົາໄດ້ແທງ?
ເມື່ອພວກເຂົາຫລຽວເຫັນລາວ, ຜູ້ດຽວທີ່ພວກເຂົາໄດ້ແທງນັ້ນ, ພວກເຂົາຈະໄວ້ທຸກ ແລະ ໂສກເສົ້າເສຍໃຈຢ່າງຂົ່ມຂື່ນ ສຳລັບພວກເຂົາເຫມືອນຄົນເຫລົ່ານັ້ນຜູ້ທີ່ໂສກເສົ້າເສຍໃຈເຖິງການຕາຍຂອງລູກຊາຍກົກຂອງຕົນ.
Zechariah 12:12
ແຜ່ນດິນຈະໂສກເສົ້າເສຍໃຈໃນມື້ນີ້ແນວໃດ?
ໃນມື້ນັ້ນ, ແຕ່ລະຕະກຸນຈະໄວ້ທຸກ ແຍກອອກຈາກຕະກຸນອຶ່ນໆ ແລະໃນແຕ່ລະຕະກຸນ ພວກເຂົາຈະໄວ້ທຸກແຍກກັນ, ບັນດາເມຍຂອງພວກເຂົາຈະຖືກແຍກອອກຈາກຜູ້ຊາຍທັງຫລາຍ.
Zechariah 13
Zechariah 13:1
ເພາະຫຍັງນໍ້າພຸຈະພຸ່ງຂື້ນສຳລັບເຊື້ອສາຍດາວິດວັນໃນວັນນັ້ນ?
ເພາະຫຍັງນໍ້າພຸຈະພຸ່ງຂື້ນສຳລັບເຊື້ອສາຍດາວິດວັນໃນວັນນັ້ນ?
ນ້ຳພຸຈະພຸ່ງຂຶ້ນເພາະ ຄວາມບາບ ແລະ ຄວາມສົກກະປົກຂອງພວກເຂົາ.
ພຣະຢາເວຈະຕັດສິ່ງໃດອອກຈາກແຜ່ນດິນແລະຍ້ອນຫຍັງ?
ພຣະຢາເວຈະຕັດຊື່ທັງຫລາຍຂອງບັນດາຮູບເຄົາລົບໃຫ້ຫນີຈາກແຜ່ນດິນ ແລະ ຈະບໍ່ມີໃຜລະນືກເຖິງພວກມັນອີກເລີຍ.
ພຣະຢາເວຈະຊົງເຮັດຫຍັງໃຫ້ອອກໄປຈາກແຜ່ນດິນນັ້ນ?
ພຣະຢາເວຈະເຮັດໃຫ້ບັນດາຜູ້ປະກາດພຣະທັມປອມ ແລະວິນຍານຊົ່ວຮ້າຍທີ່ເປັນມົນທິນອອກໄປຈາກແຜ່ນດິນນັ້ນ.
Zechariah 13:3
ຖ້າໃຜກໍຕາມທີ່ຍັງທຳນວາຍຢູ່, ພໍ່ແລະແມ່ຈະເຮັດແນວໃດຕໍ່ລາວ?
ພໍ່ແລະແມ່ຂອງລາວຄືຜູ້ໃຫ້ກຳເນີດລາວຈະແທງລາວໃຫ້ຊອດ ເມື່ອລາວກ່າວຄຳທຳນວາຍທັງຫລາຍ.
Zechariah 13:4
ໃນວັນນັ້ນ, ເປັນຫຍັງຜູ້ທີ່ທຳນວາຍຈະບໍ່ໃສ່ເສື້ອຄຸມທີ່ມີຂົນສັດ?
ຜູ້ທຳນວາຍຈະບໍ່ນຸ່ງເສື້ອທີ່ເປັນຂົນສັດ ເພື່ອທີ່ຫລອກຫລວງປະຊາຊົນຕໍ່ໄປ.
Zechariah 13:7
ຜູ້ລ້ຽງແກະແມ່ນໃຜ?
ຜູ້ລ້ຽງແກະຄື "ຜູ້ຊາຍຄົນນັ້ນທີ່ຢືນໃກ້ເຮົາ."
ຈະມີຫຍັງເກີດຂຶ້ນກັບຝູງແກະເມື່ອຜູ້ລ້ຽງແກະຖືກຂ້າຕາຍ?
ເມື່ອຜູ້ລ້ຽງແກະຖືກຂ້າຕາຍ ຝູງແກະນັ້ນຈະກະຈັດກະຈາຍໄປ.
Zechariah 13:8
ພຣະຢາເວປະກາດວ່າ ຈະມີຫຍັງເກີດຂຶ້ນໃນທົ່ວແຜ່ນດິນທັງຫມົດ?
ນີ້ເປັນຄຳປະກາດຂອງພຣະຢາເວຄື ສອງໃນສາມຈະຖືກຕັດອອກ. ຄົນເຫລົ່ານັ້ນຈະຖືກທຳລາຍໃຫ້ຈິບຫາຍ; ພຽງຫນຶ່ງໃນສາມເທົ່ານັ້ນທີ່ຈະຍັງເຫລືອຢູ່.
ຈະມີຫຍັງເກີດຂຶ້ນຕໍ່ຄົນຫນຶ່ງໃນສາມທີ່ຍັງເຫລືອຢູ່ນັ້ນ?
ຫນຶ່ງໃນສາມທີ່ຍັງເຫລືອຢູ່ນັ້ນ ຈະຖືກນຳເອົາໄປຜ່ານໄຟ, ຖືກຫລອມ ແລະ ທົດສອບ.
ຄົນຫນຶ່ງໃນສາມທີ່ເຫລືອຢູ່ນັ້ນຈະເວົ້າຫຍັງແດ່?
ຄົນຫນຶ່ງໃນສາມທີ່ເຫລືອຢູ່ນັ້ນຈະເວົ້າວ່າ, ‘ພຣະຢາເວເປັນພຣະເຈົ້າຂອງຂ້ານ້ອຍ!"
Zechariah 14
Zechariah 14:1
ເປັນຫຍັງການປຸ້ນນະຄອນເຢຣູຊາເລັມຈຶ່ງຈະຖືກແບ່ງແຍກໃນທ່າມກາງພວກເຂົາ?
ເປັນຫຍັງການປຸ້ນນະຄອນເຢຣູຊາເລັມຈຶ່ງຈະຖືກແບ່ງແຍກໃນທ່າມກາງພວກເຂົາ?
ການປຸ້ນນະຄອນເຢຣູຊາເລັມຈະຖືກແບ່ງແຍກໃນທ່າມກາງພວກເຂົາ ເພາະວ່າ ພຣະຢາເວຈະຊົງເຕົ້າໂຮມຊົນຊາດມາຕໍ່ສູ້ກັບເຢຣູຊາເລັມໃນສົງຄາມ, ແລະ ເມືອງນັ້ນຈະຖືກຢຶດຄອງ. ບ້ານເຮືອນທັງຫລາຍຈະຖືກປຸ້ນ.
Zechariah 14:3
ຈະເກີດຫຍັງຂຶ້ນກັບຊົນຊາດທັງຫລາຍທີ່ມາຕໍ່ສູ້ກັບນະຄອນເຢຣູຊາເລັມ?
ພຣະຢາເວຈະສະເດັດອອກໄປ ແລະ ເຮັດສົງຄາມຕໍ່ສູ້ກັບບັນດາຊົນຊາດເຫລົ່ານັ້ນ ເຫມືອນກັບມື້ທີ່ພຣະອົງຕໍ່ສູ້ໃນວັນແຫ່ງສົງຄາມນັ້ນ.
ຈະເກີດຫຍັງຂຶ້ນກັບພູເຂົາຫມາກກອກເທດ ເມື່ອພຣະຢາເວຢືນຢູ່ເທິງນັ້ນ?
ພູຫມາກກອກເທດຈະຖືກແບ່ງເຄິ່ງ ໂດຍຮ່ອມພູທີ່ກວ້າງໃຫຍ່ ລະຫວ່າງ ເຄິ່ງຫນຶ່ງ.
Zechariah 14:5
ເມື່ອໃດທີ່ພຣະຢາເວ ແລະ ອົງຜູ້ຊົງບໍຣິສຸດຈະສະເດັດມາ?
ພຣະຢາເວ ແລະ ອົງຜູ້ບໍຣິສຸດຈະສະເດັດມາ ຫລັງຈາກຊາວເຢຣູຊາເລັມຫນີລົງໄປໃນຮ່ອມພູ ລະຫວ່າງພູຂອງພຣະຢາເວ.
Zechariah 14:6
ນໍ້າທີ່ໄຫລຈາກເມືອງເຢຣູຊາເລັມ, ກຳລັງຈະໄຫລໄປໃສ?
ເຄິ່ງຫນຶ່ງຂອງນ້ຳຈະໄຫລໄປທີ່ທະເລທິດຕາເວັນອອກ, ແລະອີກເຄິ່ງຫນຶ່ງຈະໄຫລໄປສູ່ທະເລທິດຕາເວັນຕົກ.
Zechariah 14:9
ໃຜຈະເປັນກະສັດປົກຄອງທົ່ວແຜ່ນດິນໂລກ?
ພຣະຢາເວຈະເປັນກະສັດເຫນືອແຜ່ນດິນໂລກທັງຫມົດ.
ພຣະເຈົ້າຈະທຳລາຍເມືອງເຢຣູຊາເລັມບໍ?
ພຣະເຈົ້າຈະບໍ່ທຳລາຍລ້າງພວກເຂົາຈົນຫມົດກ້ຽງອີກຕໍ່ໄປ. ຊາວເຢຣູຊາເລັມຈະມີຊີວິດຢູ່ຢ່າງປອດໄພ.
Zechariah 14:12
ແມ່ນໄພພິບັດຫຍັງແດ່ ທີ່ພຣະຢາເວຈະໂຈມຕີປະຊາຊົນທັງຫມົດທີ່ເຮັດສົງຄາມເພື່ອຕໍ່ສູ້ກັບເຢຣູຊາເລັມ?
ເນື້ອຫນັງ, ດວງຕາ ແລະ ລີ້ນຂອງປະຊາຊົນທຸກຄົນທີ່ຮັບຈ້າງເຮັດສົງຄາມຕໍ່ສູ້ກັບນະຄອນເຢຣູຊາເລັມຈະເຫນົ່າເຫມັນ.
ຈະເກີດຫຍັງຂຶ້ນ ເມື່ອຄວາມຢ້ານກົວທີ່ຍິ່ງໃຫຍ່ຈາກພຣະຢາເວມາໃນທ່າມກາງພວກເຂົາ?
ແຕ່ລະຄົນຈະຈັບມືຊຶ່ງກັນແລະກັນ, ແລະມືຂອງຄົນຫນຶ່ງຈະຍົກຂຶ້ນຕໍ່ສູ້ມືຂອງເພື່ອບ້ານອີກຄົນຫນຶ່ງ.
Zechariah 14:14
ບໍ່ມີຄໍາຖາມ
ບໍ່ມີຄໍາຖາມ
Zechariah 14:16
ຄົນທີ່ເຫລືອຢູ່ໃນປະຊາຊາດເຫລົ່ານັ້ນຈະເຮັດຫຍັງໃນການຕໍ່ສູ້ກັບນະຄອນເຢຣູຊາເລັມ?
ຄົນທີ່ເຫລືອຢູ່ໃນປະຊາຊາດເຫລົ່ານັ້ນ ຈະຂຶ້ນມາທຸກໆປີ ເພື່ອນະມັດສະການກະສັດ, ຄືພຣະຢາເວຈອມໂຍທາ, ແລະ ຮັກສາເທດສະການປຸກຕູບຢູ່.
ຈະມີຫຍັງເກີດຂຶ້ນຖ້າຄົນຈາກທຸກຊາດໃນແຜ່ນດິນໂລກບໍ່ໄດ້ຂຶ້ນໄປເຢຣູຊາເລັມ ເພື່ອຂາບໄຫ້ວນະມັດສະການກະສັດ, ພຣະຢາເວຈອມໂຍທາ?
ຖ້າຄົນໃດບໍ່ຂຶ້ນໄປເຢຣູຊາເລັມ, ພຣະຢາເວຈະບໍ່ໃຫ້ມີຝົນຕົກເທິງພວກເຂົາ. ໄພພິບັດຈາກພຣະຢາເວຈະໂຈມຕີຊົນຊາດທັງຫລາຍ ທີ່ບໍ່ຂຶ້ນໄປຮັກສາເທດສະການປຸກຕູບ.
Zechariah 14:19
ບໍ່ມີຄໍາຖາມ
ບໍ່ມີຄໍາຖາມ
Zechariah 14:20
ໃນວັນນັ້ນ ຜູ້ໃດຈະບໍ່ຢູ່ໃນພຣະວິຫານຂອງພຣະຢາເວຈອມໂຍທາ?
ໃນວັນນັ້ນຈະບໍ່ມີພວກພໍ່ຄ້າທັງຫລາຍຢູ່ໃນ ພຣະວິຫານຂອງພຣະຢາເວຈອມໂຍທາອີກຕໍ່ໄປ.