Revelation 1
Revelation 1:1
ໄດ້ຮັບການເປີດເຜີຍຄັ້ງທຳອິດມາຈາກໃຜ ແລະໃຜຄືຜູ້ທີ່ເປີດເຜີຍ?
ໄດ້ຮັບການເປີດເຜີຍຄັ້ງທຳອິດມາຈາກໃຜ ແລະໃຜຄືຜູ້ທີ່ເປີດເຜີຍ?
ພຣະນິມິດຂອງພະເຢຊູຄຣິດເຈົ້າ ທີ່ພຣະເຈົ້າຊົງປຣະທານໃຫ້ແກ່ພຣະອົງເພື່ອສຳແດງຕໍ່ບັນດາຜູ້ຮັບໃຊ້ຂອງພຣະອົງວ່າຈະຕ້ອງເກີດຫຍັງຂຶ້ນແດ່ອີກບໍ່ຊ້ານີ້
ເຫດການຂອງພຣະນິມິດຈະເກີດຂຶ້ນເມື່ອໃດ?
ເຫດການພຣະນິມິດ ຈະເກີດຂຶ້ນໃນອີກບໍ່ດົນ.
ໃຜຈະໄດ້ຮັບພອນໃນປຶ້ມຫົວນີ້?
ຜູ້ທີ່ອ່ານດັງໆ, ໄດ້ຍິນ ແລະ ເຊື່ອຟັງປຶ້ມຫົວນີ້ຈະໄດ້ຮັບພອນ.
Revelation 1:4
ໃຜຂຽນປຶ້ມຫົວນີ້ ແລະ ທ່ານຂຽນຫາໃຜ?
ໂຢຮັນຂຽນຈົດໝາຍນີ້ ແລະ ຂຽນຫາຄຣິດສະຈັກທັງເຈັດໃນ ອາຊີ.
ສາມເລື່ອງຫຍັງທີ່ໂຢຮັນໃຫ້ພຣະເຢຊູຄຣິດ?
ໂຢຮັນໃຫ້ພຣະເຢຊູຄຣິດ ໃຫ້ຕຳແຫນ່ງເປັນພະຍານທີ່ຊື່ສັດ, ລູກຊາຍກົກຂອງຄົນຕາຍ ແລະ ເປັນຜູ້ປົກຄອງບັນດາກະສັດໃນແຜ່ນດິນໂລກ.
ແມ່ນຫຍັງທີ່ພຣະເຢຊູໃຫ້ແກ່ຜູ້ທີ່ເຊື່ອ?
ພຣະເຢຊູໄດ້ໃຫ້ຜູ້ທີ່ເຊື່ອເປັນອານາຈັກ ແລະ ປະໂລຫິດຕໍ່ພຣະເຈົ້າພຣະບິດາເຈົ້າ.
Revelation 1:7
ໃຜຈະສາມາດເຫັນພຣະເຢຊູເມື່ອພຣະອົງສະເດັດມາ?
ທຸກໆສາຍຕາຈະໄດ້ເຫັນພຣະເຢຊູເມື່ອພຣະອົງສະເດັດມາ,ລວມໄປທັງຜູ້ທີ່ແທງພຣະອົງ.
ອົງພຣະຜູ້ເປັນເຈົ້າໄດ້ບັນຍາຍຕົນເອງແນວໃດ?
ອົງພຣະເປັນເຈົ້າບັນຍາຍຕົວເອງວ່າ ອາລາຟາ ແລະ ໂອເມກາ, ພຣະຜູ້ເປັນເຈົ້າຊົງກ່າວວ່າ, "ຜູ້ຊົງເປັນຢູ່, ຜູ້ເຄີຍເປັນຢູ່ ແລະ ຜູ້ທີ່ຈະສະເດັດມາ ຜູ້ຊົງຣິດອຳນາດຍິ່ງໃຫຍ່ສູງສຸດ.
Revelation 1:9
ເປັນຫຍັງໂຢຮັນຈຶ່ງຢູ່ເທິງເກາະປັດໂມ?
ໂຢຮັນຢູ່ເທິງເກາະປັດໂມເພາະວ່າໄດ້ປະກາດພຣະທັມຂອງພຣະເຈົ້າ ແລະ ໃນການເປັນພະຍານ ຝ່າຍພຣະເຢຊູເຈົ້າ.
ມີສຽງດັງທາງຫລັງໂຢຮັນບອກໃຫ້ລາວເຮັດຫຍັງ?
ສຽງດັງທາງຫລັງໂຢຮັນບອກໃຫ້ລາວຂຽນຫນັງສືທີ່ລາວເຫັນ ແລະ ສົ່ງໃຫ້ຄຣິດຕະຈັກທັງເຈັດ.
Revelation 1:14
ໂຢຮັນໄດ້ເຫັນຊາຍຄົນນັ້ນມີຜົມ ແລະ ຕາ ເປັນແບບໃດ?
ໂຢຮັນໄດ້ເຫັນຊາຍຄົນນັ້ນມີຜົມສີຂາວຄືຂົນເເກະ ແລະ ຕາຄືດັ່ງແປວໄຟລຸກ.
ສິ່ງໃດທີ່ຢູ່ມືຂວາຂອງຊາຍຄົນນັ້ນ ແລະ ມີຫຍັງອອກມາຈາກປາກຂອງຊາຍຄົນນັ້ນ?
ຊາຍຄົນນັ້ນຖືດວງດາວເຈັດດວງໄວ້ໃນມືຂວາຂອງເຂົາແລະ ມີດາບສອງຄົມອອກມາຈາກປາກຂອງຊາຍຄົນນັ້ນ .
Revelation 1:17
ໂຢຮັນໄດ້ເຮັດຫຍັງເມື່ອລາວເຫັນຊາຍຄົນນັ້ນ?
ໂຢຮັນໄດ້ລົ້ມລົງໃກ້ຕີນຂອງພຣະອົງເຫມືອນດັ່ງຄົນຕາຍ.
ຊາຍຄົນນັ້ນບອກວ່າລາວມີກະແຈຫຍັງ?
ຊາຍຄົນໄດ້ນັ້ນບອກວ່າລາວມີກະແຈແຫ່ງຄວາມຕາຍ ແລະ ແດນມໍຣະນາ.
Revelation 1:19
ຄວາມຫມາຍຂອງເຈັດດາວ ແລະ ໂຄມໄຟຄຳທັງເຈັດ ແມ່ນຫຍັງ?
ດາວທັງເຈັດ ແມ່ນທູດສະຫວັນຂອງເຈັດຄຣິດຕະຈັກ ແລະ ໂຄມທັງເຈັດຫນ່ວຍແມ່ນເຈັດຄຣິດຕະຈັກ.
Revelation 2
Revelation 2:1
ສ່ວນຕໍ່ຂອງຈົດໝາຍໄດ້ຂຽນຫາທູດສະຫວັນອົງໃດ?
ສ່ວນຕໍ່ຂອງຈົດໝາຍໄດ້ຂຽນຫາທູດສະຫວັນອົງໃດ?
ສ່ວນຕໍ່ຂອງຈົດໝາຍໄດ້ຂຽນຫາທູດສະຫວັນຂອງຄຣິດຕະຈັກໃນເອເຟໂຊ.
ຄຣິດຕະຈັກໃນເມືອງເອເຟໂຊໄດ້ເຮັດຫຍັງກ່ຽວກັບຜູ້ທີ່ຊົ່ວ ແລະ ຜູ້ທີ່ອ້າງຕົນວ່າເປັນອັກຄະສາວົກ?
ຄຣິດຕະຈັກໃນເມືອງເອເຟໂຊບໍ່ໄດ້ເອົາໃຈໃສ່ກັບຜູ້ທີ່ຊົ່ວນັ້ນ ແລະ ໄດ້ທົດສອບພວກທີ່ອ້າງຕົນວ່າເປັນອັກຄະສາວົກ .
Revelation 2:3
ພຣະຄຣິດມີຫຍັງຕໍ່ຕ້ານຄຣິດຕະຈັກເມືອງເອເຟໂຊ?
ພຣະຄຣິດມີຫຍັງຕໍ່ຕ້ານຄຣິດຕະຈັກເມືອງເອເຟໂຊວ່າພວກເຂົາໄດ້ປະຖິ້ມຄວາມຮັກຄວາມຮັກຄັ້ງທຳອິດຂອງພວກເຂົາ.
ພຣະຄຣິດໄດ້ບອກວ່າຫຍັງຖ້າພວກເຂົາບໍ່ກັບໃຈ?
ພຣະຄຣິດກ່າວວ່າລາວຈະກັບມາເອົາໂຄມໄຟຂອງພວກເຂົາອອກຈາກບ່ອນນັ້ນຖ້າພວກເຂົາບໍ່ກັບໃຈ.
Revelation 2:6
ແມ່ນຫຍັງທີ່ພຣະຄຣິດສັນຍາກັບຄົນທີ່ໄຊຊະນະ?
ພຣະຄຣິດສັນຍາກັບຜູ້ໃດທີ່ມີໄຊຊະນະ ຜູ້ນັ້ນຈະມີສິດກິນຜົນຈາກຕົ້ນໄມ້ແຫ່ງຊິວິດ ທີ່ມີຢູ່ໃນເມືອງສຸກກະເສີມຂອງພຣະເຈົ້າ.
Revelation 2:8
ສ່ວນຕໍ່ຂອງຈົດໝາຍໄດ້ຂຽນຫາທູດສະຫວັນອົງໃດ?
ສ່ວນຕໍ່ຂອງຈົດໝາຍໄດ້ຂຽນຫາທູດສະຫວັນຂອງຄຣິດຕະຈັກໃນເມືອງຊະມີນາ.
ຄຣິດຕະຈັກໃນເມືອງຊະມີນາມີປະສົບການຫຍັງ?
ຄຣິດຕະຈັກໃນເມືອງຊະມີນາມີປະສົບການຄວາມທຸກຍາກ, ຄວາມຍາກຈົນ ແລະ ຖືກໃສ່ຮ້າຍ.
Revelation 2:10
ພຣະຄຣິດໄດ້ຊົງສັນຍາຫຍັງກັບຜູ້ທີ່ຊື່ສັດຈົນວັນຕາຍ ແລະ ຄົນທີ່ມີໄຊຊະນະເຫລົ່ານັ້ນ?
ພຣະຄຣິດໄດ້ຊົງສັນຍາກັບຜູ້ທີ່ຊື່ສັດຈົນວັນຕາຍ ແລະ ຄົນທີ່ມີໄຊຊະນະເຫລົ່ານັ້ນວ່າຈະໄດ້ຮັບມົງກຸດແຫ່ງຊີວິດ ແລະ ຈະບໍ່ໄດ້ຮັບອັນຕະລາຍຈາກຄວາມຕາຍຄັ້ງທີ່ສອງເລີຍ.
Revelation 2:12
ສ່ວນຕໍ່ຂອງຈົດໝາຍໄດ້ຂຽນຫາທູດສະຫວັນອົງໃດ?
ສ່ວນຕໍ່ຂອງໝາຍໄດ້ຂຽນຫາທູດສະຫວັນຂອງຄຣິດຕະຈັກໃນເມືອງເປຄາໂມ.
ຄຣິດຕະຈັກໃນເປຄາໂມອາໃສຢູ່ໃສ?
ຄຣິດຕະຈັກໃນເປຄາໂມອາໃສຢູ່ບັນລັງຂອງມານຊາຕານ.
ຄຣິດຕະຈັກໃນເປຄາໂມໄດ້ເຮັດຫຍັງໃນມື້ທີ່ອາຕິປັດຖືກຂ້າ?
ຄຣິດຕະຈັກໃນເປຄາໂມໄດ້ຖືຊື່ຂອງພຣະຄຣິດຢ່າງ ແຫນັນ ແລະ ບໍ່ປະຕິເສດຄວາມເຊື່ອໃນເມື່ອອັນຕິປາຖືກຂ້າ.
Revelation 2:14
ຄຳສອນສອງຢ່າງທີ່ບາງຄົນໃນຄຣິດຕະຈັກໃນເມືອງປາເຄໂມເຊື່ອຫມັ້ນນັ້ນຄືຫຍັງ?
ບາງຄົນໃນເມືອງປາເຄໂມພວກເຂົາເຈົ້າເຊື່ອຫມັ້ນຄຳສອນຂອງບາລາອາມ ແລະ ຄຳສອນຂອງພວກນິໂກລາຍເຕ.
Revelation 2:16
ພຣະຄຣິດຊົງເຕືອນວ່າພຣະອົງຈະຊົງເຮັດຫຍັງ ຖ້າວ່າຄົນທີ່ຍຶດຫມັ້ນໃນຄຳສອນທີ່ບໍ່ແທ້ຈິງເຫລົ່ານີ້, ບໍ່ກັບໃຈ?
ພຣະຄຣິດຊົງເຕືອນວ່າພຣະອົງຈະຊົງສະເດັດມາ ແລະ ຊົງຕໍ່ສູ້ກັບຄົນທີ່ຍຶດຫມັ້ນໃນຄຳສອນທີ່ບໍ່ແທ້ຈິງເຫລົ່ານີ້
ພຣະຄຣິດສັນຍາກັບຜູ້ໃດກ່ຽວກັບຜູ້ທີ່ເອົາຊະນະ?
ສຳລັບຜູ້ທີ່ມີໄຊຊະນະ, ເຮົາຈະໃຫ້ມານາທີ່ເຊື່ອງໄວ້ ແລະ ຈະໃຫ້ຫີນຂາວທີ່ມີຊື່ໃຫມ່ຈາລືກໄວ້ເທິງກ້ອນຫີນນັ້ນ ເປັນຊື່ຊຶ່ງບໍ່ມີໃຜຮູ້ເລີຍນອກຈາກຜູ້ທີ່ໄດ້ຮັບເທົ່ານັ້ນ.
Revelation 2:18
ສ່ວນຕໍ່ຂອງຈົດໝາຍໄດ້ຂຽນຫາທູດສະຫວັນອົງໃດ?
ສ່ວນຕໍ່ຂອງຈົດໝ!ຍໄດ້ຂຽນຫາທູດສະຫວັນຫາຄຣິດຕະຈັກໃນເມືອງທົວເຕຣາ.
ພຣະຄຣິດຮູ້ວ່າຄຣິດຕະຈັກໃນເມືອງທົວເຕຣາໄດ້ເຮັດການດີຫຍັງ?
ພຣະຄຣິດຮູ້ວ່າຄຣິດຕະຈັກໃນເມືອງທົວເຕຣາ ມີຄວາມຮັກ, ຄວາມເຊື່ອ, ການປະຕິບັດ ແລະຄວາມອົດທົນ.
Revelation 2:20
ພຣະຄຣິດຊົງຕໍ່ວ່າຄຣິດຕະຈັກໃນເມືອງທົວເຕຣາວ່າແນວໃດ?
ພຣະຄຣິດຊົງຕໍ່ວ່າຄຣິດຕະຈັກໃນເມືອງທົວເຕຣາວ່າພວກເຂົາທົນຟັງເຢເຊເບນ ຜູ້ທີ່ອ້າງຕົນເອງວ່າເປັນຜູ້ປະກາດພຣະຄັມຂອງພຣະເຈົ້າ.
Revelation 2:22
ພຣະຄຣິດຊົງເຕືອນວ່າພຣະອົງຈະຊົງເຮັດຫຍັງ ຖ້າເຢເຊເບນບໍ່ກັບໃຈ?
ພຣະຄຣິດຊົງເຕືອນວ່າພຣະອົງຈະຖິ້ມນາງລົງໃນຕຽງນອນຂອງຄົນປ່ວຍ, ແລະ ປະຫານພວກລູກໆ ຂອງນາງໃຫ້ຕາຍ ຖ້ານາງບໍ່ກັບໃຈ.
Revelation 2:24
ພຣະຄຣິດບອກໃຫ້ຜູ້ທີ່ບໍ່ຍຶດຫມັ້ນໃນຄຳສອນຂອງເຢຊາເບນໃຫ້ເຮັດຫຍັງ?
ພຣະຄຣິດບອກພວກເຂົາຈົ່ງຢືດຫມັ້ນສິ່ງທີ່ພວກເຈົ້າມີຢູ່ແລ້ວໄວ້ຈົນກວ່າເຮົາຈະມາ.
Revelation 2:26
ພຣະຄຣິດຊົງສັນຍາຫຍັງກັບຄົນທີ່ມີໄຊຊະນະ?
ພຣະຄຣິດຊົງສັນຍາກັບຄົນທີ່ມີໄຊຊະນະເຫລົ່ານັ້ນວ່າຈະມີສິດທິອຳນາດເຫນືອບັນດາປະຊາຊາດ ແລະ ດາວເພັກ(ປະຈຳຮຸ່ງອາລຸນ).
ພຣະຄຣິດບອກວ່າຜູ້ອ່ານປຶ້ມຫົວນີ້ຄວນຟັງຫຍັງ?
ພຣະຄຣິດກ່າວວ່າຜູ້ອ່ານຄວນຟັງສິ່ງທີ່ວິນຍານກຳລັງເວົ້າກັບຄຣິດຕະຈັກ.
Revelation 3
Revelation 3:1
ຕອນຕໍ່ໄປຫນັງສືຫົວນີ້ໄດ້ຂຽນເຖິງທູດສະຫວັນອົງໃດ?
ຕອນຕໍ່ໄປຫນັງສືຫົວນີ້ໄດ້ຂຽນເຖິງທູດສະຫວັນອົງໃດ?
ຕອນຕໍ່ໄປຫນັງສືຫົວນີ້ໄດ້ຂຽນເຖິງທູດສະຫວັນແຫ່ງຄຣິດຕະຈັກໃນເມືອງຊາດິສ.
ຄຣິດຕະຈັກໃນເມືອງຊາດີສໄດ້ຊື່ວ່າຫຍັງ ແຕ່ແມ່ນຫຍັງຄືຄວາມຈິງກ່ຽວກັບພວກເຂົາ?
ຄຣິດຕະຈັກໃນເມືອງຊາດີສໄດ້ຊື່ວ່າມີຊີວິດຢູ່ເຖິງແມ່ນວ່າເຈົ້າຕາຍແລ້ວກໍຕາມ.
ພຣະຄຣິດໄດ້ຕັກເຕືອນໃຫ້ຄຣິດຕະຈັກຊາດີສເຮັດຫຍັງ?
ພຣະຄຣິດໄດ້ຕັກເຕືອນໃຫ້ພວກເຂົາເຈົ້າຈົ່ງຕື່ນຂຶ້ນ ແລະ ຈົ່ງເສີມກຳລັງ.
Revelation 3:5
ພຣະຄຣິດໄດ້ຊົງສັນຍາກັບຜູ້ທີ່ໄດ້ຮັບໄຊຊະນະວ່າແນວໃດ?
ກຸ່ມຄົນທີ່ມີໄຊຊະນະຈະນຸ່ງເສື້ອສີຂາວ, ແລະ ເຮົາຈະບໍ່ລົບຊື່ຂອງເຂົາອອກຈາກຫນັງສືແຫ່ງຊີວິດ, ແລະ ເຮົາຈະຮັບຮອງຊື່ຂອງເຂົາເບື້ອງຫນ້າພຣະບິດາເຈົ້າຂອງເຮົາ, ແລະ ຕໍ່ຫນ້າບັນດາທູດສະຫວັນຂອງພຣະອົງ.
Revelation 3:7
ຕອນຕໍ່ໄປຫນັງສືຫົວນີ້ເວົ້າເຖິງທູດສະຫວັນອົງໃດ?
ຕອນຕໍ່ໄປຫນັງສືຫົວນີ້ເວົ້າເຖິງທູດສະຫວັນຂອງຄຣິດຕະຈັກໃນເມືອງຟິລາເດັນເຟຍ.
ຄຣິດຕະຈັກໃນເມືອງຟິລາເດັນເຟຍໄດ້ເຮັດຫຍັງເຖິງພວກເຂົາມີຄວາມເເຂງແກ່ນຫນ້ອຍ?
ຄຣິດຕະຈັກໃນເມືອງຟິລາເດັນເຟຍໄດ້ເຊື່ອຟັງຄຳເວົ້າຂອງພຣະຄຣິດ ແລະ ບໍ່ໄດ້ປະຕິເສດພຣະນາມຂອງພຣະອົງ.
Revelation 3:9
ພຣະຄຣິດຈະຊົງເຮັດຫຍັງກັບທັມະສາລາຂອງຊາຕານ?
ພຣະຄຣິດຈະຊົງໃຫ້ພວກເຂົາມາກາບລົງທີ່ຕີນຂອງບັນດາຜູ້ທີ່ເຊື່ອ.
ພຣະຄຣິດໃຫ້ເມືອງຟິລາເດັນເຟຍເຮັດຫຍັງເມື່ອພຣະອົງສະເດັດມາ?
ພຣະຄຣິດບອກໃຫ້ພວກເຂົາຈົ່ງຢຶດຫມັ້ນໃນສິ່ງທີ່ເຈົ້າມີຢູ່ນັ້ນ ເພື່ອວ່າຈະບໍ່ໃຫ້ໃຜຊີງເອົາມົງກຸດແຫ່ງໄຊຊະນະຂອງເຈົ້າໄປຈາກເຈົ້າໄດ້.
Revelation 3:12
ພຣະຄຣິດຊົງສັນຍາກັບຄົນທີ່ມີໄຊຊະນະວ່າຫຍັງ?
ຄົນເຫລົ່ານັ້ນທີ່ມີໄຊຊະນະຈະຖືກແຕ່ງຕັ້ງໃຫ້ເປັນເສົາຫລັກຢູ່ໃນພຣະວິຫານຂອງພຣະເຈົ້າ ຈະຈາລຶກພຣະນາມແຫ່ງພຣະເຈົ້າຂອງເຮົາໄວ້ເທິງຕົວເຂົາ ແລະຊື່ເມືອງຂອງພຣະເຈົ້າ ແລະ ນາມໃຫມ່ແຫ່ງພຣະຄຣິດໃນຕົວເຂົາ.
Revelation 3:14
ຕອນຕໍ່ໄປຫນັງສືຫົວນີ້ໄດ້ຂຽນເຖິງທູດສະຫວັນອົງໃດ?
ຕອນຕໍ່ໄປຫນັງສືຫົວນີ້ໄດ້ຂຽນເຖິງທູດສະຫວັນໃນຄຣິດຕະຈັກທີເມືອງລາວດີເກອາ.
ພຣະຄຣິດຕ້ອງການໃຫ້ຄຣິດຕະຈັກໃນເມືອງລາວດີເກອາເປັນແນວໃດ?
ພຣະຄຣິດຕ້ອງການໃຫ້ຄຣິດຕະຈັກໃນເມືອງລາວດີເກອາ ບໍ່ເຢັນ ຫລື ຮ້ອນ.
ພຣະຄຣິດໄດ້ເຮັດຫຍັງກ່ຽວກັບຄຣິດຕະຈັກລາວດີເກອາ ແລະ ຍ້ອນຫຍັງ?
ພຣະຄຣິດກຳລັງຈະຄາຍຄຣິດຕະຈັກລາວດີເກອາອອກຈາກປາກຂອງພຣະອົງ ເພາະວ່າພວກເຂົາເປັນແຕ່ອຸ່ນໆ.
Revelation 3:17
ຄຣິດຕະຈັກໃນເມືອງລາວດີເກອາເວົ້າເຖິງຕົນເອງວ່າແນວໃດ?
ຄຣິດຕະຈັກໃນເມືອງລາວດີເກອາເວົ້າເຖິງຕົນເອງວ່າ ຂ້ອຍຮັ່ງມີ ແລະ ຂ້ອຍບໍ່ຕ້ອງການສິ່ງໃດເລີຍ.
ພຣະຄຣິດເວົ້າຫຍັງກ່ຽວກັບຄຣິດຕະຈັກໃນເມືອງລາວດີເກອາ?
ພຣະຄຣິດເວົ້າເຖິງຄຣິດຕະຈັກໃນເມືອງລາວດີເກອາເປັນຄົນນ່າສົງສານ, ຍາກຈົນ, ຕາບອດ, ແລະ ເປືອຍກາຍຢູ່.
Revelation 3:19
ພຣະຄຣິດເຮັດຫຍັງສຳລັບທຸກຄົນທີ່ພຣະອົງຊົງຮັກ?
ພຣະຄຣິດຈະຝຶກອົບຮົມ ແລະ ສອນທຸກຄົນທີ່ພຣະອົງຊົງຮັກ
Revelation 3:21
ພຣະຄຣິດໄດ້ຊົງສັນຍາຫຍັງກັບຜູ້ທີ່ມີໄຊຊະນະ?
ຄົນທີ່ມີໄຊຊະນະນັ້ນຈະມີສິດນັ່ງເທິງພຣະທີ່ນັ່ງຂອງພຣະອົງ.
ພຣະຄຣິດໄດ້ບອກວ່າຜູ້ອ່ານປຶ້ມຄວນຟັງໃຜ?
ພຣະຄຣິດໄດ້ບອກວ່າຜູ້ອ່ານປຶ້ມຄວນຟັງພຣະວິນຍານໄດ້ກ່າວກັບຄຣິສຕະຈັກທັງຫລາຍ.
Revelation 4
Revelation 4:1
ໂຢຮັນໄດ້ເຫັນຫຍັງເປີດໃນສະຫວັນ?
ໂຢຮັນໄດ້ເຫັນຫຍັງເປີດໃນສະຫວັນ?
ໂຢຮັນໄດ້ເຫັນປະຕູໃນສະຫວັນເປີດ.
ພຣະສຸຣະສຽງທີ່ຕັດ ພຣະອົງຊົງສຳແດງຫຍັງກັບໂຢຮັນ?
ພຣະສຸຣະສຽງທີ່ຕັດ ພຣະອົງຊົງສຳແດງກັບໂຢຮັນເຖິງສິ່ງທີ່ຕ້ອງເກີດຂຶ້ນຫລັງຈາກເຫດການເຫລົ່ານັ້ນ.
ມີໃຜບາງຄົນນັ່ງຢູ່ເທິງສະຫວັນ?
ມີທ່ານຜູ້ຫນຶ່ງປະທັບເທິງພຣະທີ່ນັ່ງນັ້ນ.
Revelation 4:4
ໃນອ້ອມຮອບພຣະທີ່ນັ່ງໃນສະຫວັນມີຫຍັງ?
ອ້ອມຮອບພຣະທີ່ນັ່ງນັ້ນມີບັນລັງອີກຊາວສີ່ບັນລັງ ມີຜູ້ອາວຸໂສຊາວສີ່ທ່ານນັ່ງຢູ່ເທິງບັນລັງເຫລົ່ານັ້ນ.
ຕະກຽງທັງເຈັດດວງທີ່ໄຕ້ໄວ້ຫນ້າພຣະທີ່ນັ່ງແມ່ນຕະກຽງຫຍັງ?
ຕະກຽງໄຕ້ໄວ້ຢູ່ເຈັດໜ່ວຍ ແມ່ນວິນຍານທັງເຈັດຂອງພຣະເຈົ້າ.
Revelation 4:6
ສີ່ສິ່ງຢູ່ອ້ອມຮອບພຣະທີ່ນັ່ງແມ່ນຫຍັງ?
ໃນລະຫວ່າງກາງບັນລັງແລະ ອ້ອມຮອບບັນລັງນັ້ນ ມີສິ່ງທີ່ມີຊີວິດສີ່ໂຕ, ຕົນທີ1ເໝືອນສິງຕົນທີສອງເໝືອນງົວນ້ອຍ,ຕົນທີສາມມີໜ້າເໝືອມະນຸດ,ຕົນທີສີ່ເໝືອນນົກອິນຊີທີ່ກຳລັງບິນຢູ່ສິ່ງມີຊີວິດສີ່ຕົນມີຕາເຕັມໂຕທັງຂ້າງຫນ້າ ແລະຂ້າງຫລັງ.
Revelation 4:7
ສັດທີ່ມີຊີວິດທັງສີ່ຮ້ອງຄຳສາມຄຳທີ່ ຮ້ອງຕະຫລອດເວັນ ແລະ ຄືນແມ່ນຫຍັງ?
ສັດທີ່ມີຊີວິດທັງສີ່ຮ້ອງຕະຫລອດເວັນ ແລະ ຄືນຢ່າງບໍ່ເຊົາບໍ່ຂາດວ່າ "ບໍຣິສຸດ ບໍຣິສຸດ ບໍຣິສຸດ .
Revelation 4:9
ຜູ້ອາວຸໂສທັງຊາວສີ່ນັ້ນເຮັດຫຍັງເມືຶ່ອສັດທີ່ມີຊີວິດທັງຫລາຍຖວາຍພຣະສະຫງ່າຣາສີ ແດ່ພຣະເຈົ້າ?
ຜູ້ອາວຸໂສທັງຊາວສີ່ກໍ່ລົ້ມຕົວລົງຖວາຍເຂົ້າເຝົ້າຕໍ່ຫນ້າພຣະອົງຜູ້ປະທັບທີ່ພຣະທີ່ນັ່ງ ແລະ ກົ້ມຫົວຖອດມົງກຸດອອກວາງຕໍ່ຫນ້າ.
ຜູ້ອາວຸໂສໄດ້ເວົ້າຫຍັງກ່ຽວກັບບົດບາດຂອງພຣະເຈົ້າໃນການສ້າງ?
ຜູ້ອາວຸໂສໄດ້ເວົ້າວ່າພຣະອົງໄດ້ສ້າງສັບພະທຸກສີ່ງທັງປວງຂຶ້ນແລ້ວໂດຍພຣະປະສົງ ແລະ ສັບພະທຸກສິ່ງເຫລົ່ານີ້ກໍ່ດຳລົງຢູ່ ແລະ ມີຊີວິດຢູ່.
Revelation 5
Revelation 5:1
ໂຢຮັນໄດ້ເຫັນຫຍັງໃນແຂນຂວາຂອງພຣະອົງຜູ້ທີ່ຢືນຢູ່ພຣະທີ່ນັ່ງ.
ໂຢຮັນໄດ້ເຫັນຫຍັງໃນແຂນຂວາຂອງພຣະອົງຜູ້ທີ່ຢືນຢູ່ພຣະທີ່ນັ່ງ.
ໂຢຮັນໄດ້ເຫັນຫນັງສືມ້ວນຫນຶ່ງເຊື່ງວ່າມີກາຈ້ຳຢູ່ເຈັດດວງ.
Revelation 5:3
ໃຜໃນແຜ່ນດິນໂລກທີ່ຄູ່ຄວນເປີດຫນັງສືມ້ວນ ຫລື ອ່ານຫນັງສືນັ້ນ?
ບໍ່ມີໃຜທີ່ຄູ່ຄວນເປີດຫນັງສືມ້ວນ ຫລື ອ່ານຫນັງສືນັ້ນ.
ໃຜສາມາດເປີດຫນັງສືມ້ວນ ແລະ ແກະປະທັບຕາທັງເຈັດດວງໄດ້?
ສິງໂຕແຫ່ງເຜົ່າຢູດາ ຊຶ່ງເປັນຮາກເຫງົ້າຂອງດາວິດສາມາດແກະປະທັບຕາທັງເຈັດດວງໄດ້.
Revelation 5:6
ໃຜທີ່ຢືນຢູ່ທ່າມກາງບັນດາຜູ້ອາວຸໂສຕໍ່ຫນ້າພຣະທີ່ນັ່ງ?
ພຣະເມສານ້ອຍເບີ່ງຄືວ່າຖືກຂ້າແລ້ວ ແລ້ວຢືນຢູ່ທ່າມກາງພວກຜູ້ອາວຸໂສຕໍ່ຫນ້າພຣະທີ່ນັ່ງ.
ເຂົາເຈັດເຂົາ ແລະ ຕາເຈັດດວງໃນພຣະເມສານ້ອຍແມ່ນຫຍັງ.
ເຂົາເຈັດເຂົາ ແລະ ຕາເຈັດດວງແມ່ນພຣະວິນຍານຂອງພຣະເຈົ້າ ສົ່ງອອກໄປທົ່ວແຜ່ນດິນໂລກ.
Revelation 5:8
ຂັນທອງຄຳທີ່ບັນຈຸເຄື່ອງຫອມທີ່ຜູ້ອາວຸໂສມີແມ່ນຫຍັງ?
ຂັນທອງຄຳທີ່ບັນຈຸເຄື່ອງຫອມທີ່ຜູ້ອາວຸໂສມີແມ່ນຄຳອະທິຖານຂອງບັນດາຜູ້ເຊື່ອ.
Revelation 5:9
ເປັນພຣະເມສານ້ອຍຈຶ່ງຄູ່ຄວນທີ່ຈະເປີດຫນັງສືມ້ວນ?
ພຣະເມສານ້ອຍສົມຄວນເພາະພຣະອົງຊົງໄຖ່ຄົນເພື່ອຄົນຂອງພຣະເຈົ້າ ຈາກທຸກເຜົ່າ, ທຸກພາສາ, ທຸກຊົນຊາດ ແລະ ທຸກປະຊາຊາດດ້ວຍພຣະໂລຫິດ.
ປະໂລຫິດຂອງພຣະເຈົ້າປົກຄອງຢູ່ໃສ?
ປະໂລຫິດຂອງພຣະເຈົ້າປົກຄອງຢູ່ທົ່ວແຜ່ນດິນໂລກ.
Revelation 5:11
ບັນດາທູດສະຫວັນໄດ້ກ່າວວ່າພຣະເມສານ້ອຍມີຄ່າຄູ່ຄວນທີ່ຈະໄດ້ຮັບຫຍັງ?
ບັນດາທູດສະຫວັນໄດ້ກ່າວວ່າພຣະເມສານ້ອຍມີຄ່າຄູ່ຄວນທີ່ຈະໄດ້ຮັບພະລັງ, ຄວາມຮັ່ງມີ, ປັນຍາ, ຄວາມເຂັ້ມແຂງ, ກຽດຕິຍົດ, ພຣະສະຫງ່າຣາສີ ແລະ ການສັນຣະເສີນ.
Revelation 5:13
ໃຜທີ່ກ່າວວ່າຜູ້ທີ່ປະທັບໃນພຣະທີ່ນັ່ງ ແລະ ພຣະເມສານ້ອຍ ເປັນຜູ້ສົມຄວນທີ່ຈະໄດ້ຮັບການສັນຣະເສີນຕະຫລອດໄປແລະ ເປັນນິດ?
ທຸກສິ່ງທີ່ຊົງສ້າງຂຶ້ນນັ້ນໄດ້ກ່າວວ່າຜູ້ທີ່ປະທັບໃນພຣະທີ່ນັ່ງ ແລະ ພຣະເມສານ້ອຍ ເປັນຜູ້ສົມຄວນທີ່ຈະໄດ້ຮັບການສັນຣະເສີນຕະຫລອດໄປແລະ ເປັນນິດ.
ຜູ້ອາວຸໂສເຮັດຫຍັງເມື່ອໄດ້ຍິນສັດທີ່ມີຊີວິດເວົ້າວ່າ"ອາແມນ!" ?
ບັນດາຜູ້ອາວຸດໂສກໍ່ຂາບລົງກັບພື້ນ ແລະ ນະມັດສະການ.
Revelation 6
Revelation 6:1
ພຣະເມສານ້ອຍໄດ້ເຮັດຫຍັງກັບຫນັງສືມ້ວນນັ້ນ?
ພຣະເມສານ້ອຍໄດ້ເຮັດຫຍັງກັບຫນັງສືມ້ວນນັ້ນ?
ພຣະເມສານ້ອຍໄດ້ແກະຕາປະທັບດວງຫນຶ່ງໃນເຈັດດວງໃນຫນັງສືມ້ວນນັ້ນ.
ໂຢຮັນໄດ້ເຮັດຫຍັງຫລັງຈາກເຫັນຕາປະທັບແກະອອກທຳອິດ?
ໂຢຮັນໄດ້ເຫັນມ້າສີຂາວໂຕຫນຶ່ງອອກມາ,ເພື່ອເອົາໄຊຊະນະ.
Revelation 6:3
ໂຢຮັນໄດ້ເຮັດຫຍັງຫລັງຈາກເຫັນຕາປະທັບແກະອອກຄັ້ງທີສອງ?
ໂຢຮັນໄດ້ເຫັນມ້າສີແດງເຂັ້ມຜູ້ທີ່ຂີ່ມ້າຕົວນີ້ໄດ້ຮັບມອບຫມາຍໃຫ້ເອົາສັນຕິສຸກໄປຈາກແຜ່ນດິນໂລກ
Revelation 6:5
ໂຢຮັນໄດ້ເຮັດຫຍັງຫລັງຈາກເຫັນຕາປະທັບແກະອອກຄັ້ງທີສາມ?
ໂຢຮັນໄດ້ເຫັນມ້າສີດຳໂຕຫນຶ່ງ ແລະ ຜູ້ທີ່ຂີ່ມ້າໂຕນີ້ຖືຕາຊັ່ງ
Revelation 6:7
ໂຢຮັນໄດ້ເຮັດຫຍັງຫລັງຈາກເຫັນຕາປະທັບແກະອອກຄັ້ງທີສີ່?
ໂຢຮັນໄດ້ເຫັນມ້າສີຂຽວອ່ອນໂຕຫນຶ່ງ ຜູ້ທີ່ຂີ່ມ້ານີ້ມີຊື່ວ່າມັດຈຸລາດ.
Revelation 6:9
ໂຢຮັນໄດ້ເຮັດຫຍັງຫລັງຈາກເຫັນຕາປະທັບແກະອອກຄັ້ງທີຫ້າ?
ໂຢຮັນໄດ້ເຫັນດວງວິນຍານທີ່ໄຕ້ແທ່ນບູຊາ ເຊີ່ງເປັນຈິດວິນຍານຂອງຄົນທັງຫລາຍທີຖືກຂ້າເພາະປະກາດພຣະຄຳຂອງພຣະເຈົ້າ.
ຈິດວິນຍານທີ່ໄຕ້ແທ່ນບູຊາຕ້ອງການຮູ້ຫຍັງຈາກພຣະເຈົ້າ?
ຈິດວິນຍານຕ້ອງການຢາກຮູ້ວ່າອີກດົນປານໃດພຣະອົງແກ້ແຄ້ນແທນເລືອດຂອງພວກເຂົາ.
ດົນປານໃດທີ່ຈິດວິນຍານໄດ້ບອກໃຫ້ພວກເຂົາຈະລໍຖ້າ?
ຈິດວິນຍານໄດ້ບອກໃຫ້ພວກເຂົາຈະລໍຖ້າຈົນກວ່າຜູ້ຮ່ວມຮັບໃຊ້ ແລະ ພີ່ນ້ອງຊາຍຍິງຂອງເຂົາຈະຖືກຂ້າເຫມືອນຢ່າງພວກເຂົາຄົບຈຳນວນແລ້ວ.
Revelation 6:12
ໂຢຮັນໄດ້ເຮັດຫຍັງຫລັງຈາກເຫັນຕາປະທັບແກະອອກຄັ້ງທີຫົກ?
ໂຢຮັນໄດ້ເຫັນແຜ່ນດິນໄຫວຢ່າງໃຫຍ່ ດວງຕາເວັນກາຍເປັນສີດຳມືດຄືເຄື່ອງໄວ້, ແລະ ດວງເດືອນເຕັມດວງກໍ່ກາຍເປັນສີແດງຄືເລືອດ ແລະ ດວງດາວທັງຫລາຍເທິງທ້ອງຟ້າກໍ່ຕົກລົງມາເທິງແຜ່ນດິນ .
Revelation 6:15
ໂຢຮັນໄດ້ເຫັນກະສັດ, ນາຍພົນ, ຜູ້ຮັ່ງມີ, ອຳນາດ ແລະທຸກຄົນໄດ້ເຮັດຫຍັງ?
ໂຢຮັນໄດ້ເຫັນພວກເຂົາລີ້ຊ້ອນຢູ່ໃນຖ້ຳ ແລະ ຮ້ອງຂໍໃຫ້ໂງ່ນຫີນຕົກລົງໃສ່ພວກເຂົາ ແລະ ເຊື່ອພວກເຂົາໄວ້.
ກະສັດ, ນາຍພົນ, ຜູ້ຮັ່ງມີ, ອຳນາດ ແລະທຸກຄົນຕ້ອງການລີ້ຊ້ອນຈາກຫຍັງ?
ພວກເຂົາຕ້ອງການລີ້ຊ້ອນຈາກໃຫ້ພົ້ນຈາກສາຍຕາຂອງພຣະອົງຜູ້ນັ່ງເທິງບັນລັງ ແລະ ພົ້ນຈາກຄວາມໂກດຮ້າຍຂອງພຣະເມສານ້ອຍແດ່ຖ້ອນ.
ມື້ໃດມາຮອດແລ້ວ?
ເພາະວ່າມື້ສຳຄັນແຫ່ງຄວາມໂກດຮ້າຍອັນໃຫຍ່ຂອງພຣະອົງມາເຖິງແລ້ວ .
Revelation 7
Revelation 7:1
ທູດສະຫວັນຢືນຢູ່ທັງສີ່ມຸມຂອງແຜ່ນດິນໂລກກຳລັງເຮັດຫຍັງໃນຂະນະທີ່ໂຢຮັນໄດ້ເຫັນພວກເຂົາ?
ທູດສະຫວັນຢືນຢູ່ທັງສີ່ມຸມຂອງແຜ່ນດິນໂລກກຳລັງເຮັດຫຍັງໃນຂະນະທີ່ໂຢຮັນໄດ້ເຫັນພວກເຂົາ?
ທູດສະຫວັນສີ່ອົງຢືນຢູ່ທີ່ມຸມທັງສີ່ຂອງແຜ່ນດິນໂລກ, ຢັບຢັ້ງລົມທັງສີີ່ຂອງແຜ່ນດິນໂລກໄວ້ .
ທູດສະຫວັນຈາກທາງຕາເວັນອອກເວົ້າວ່າຕ້ອງເຮັດຫຍັງກ່ອນທີ່ໂລກຈະໄດ້ຮັບອັນຕະລາຍ?
ທູດສະຫວັນໄດ້ບອກວ່າຕ້ອງປະທັບຕາເທິງຫນ້າຜາກຂອງຂ້າຮັບໃຊ້ຂອງພຣະເຈົ້າກ່ອນທີ່ໂລກຈະໄດ້ຮັບອັນຕະລາຍ.
Revelation 7:4
ມີຈັກຄົນທີ່ມາຈາກຊົນເຜົ່າທີ່ໄດ້ຮັບການປະທັບຕາ?
ຈຳນວນຜູ້ທີ່ໄດ້ຮັບການປະທັບຕາມີ: ແສນສີ່ຫມື່ນສີ່ພັນຄົນ, ທີ່ໄດ້ຮັບການປະທັບຕາແລ້ວມາຈາກສິບສອງເຜົ່າໃນອິສະຣາເອນ.
Revelation 7:9
ໂຢຮັນໄດ້ເຫັນຫຍັງຕໍ່ໜ້າພຣະທີ່ນັ່ງຂອງພຣະເຈົ້າ ແລະ ສະເພາະ ພຣະພັກຂອງພຣະເມສານ້ອຍ?
ໂຢຮັນໄດ້ເຫັນ ມີຜູ້ຄົນຢ່າງຫລວງຫລາຍທີ່ບໍ່ມີໃຜນັບຈຳນວນໄດ້ ທີ່ມາຈາກປະຊາຊາດ, ທຸກເຜົ່າ, ທຸກຊົນຊາດ ແລະ ທຸກພາສາ ຢືນຢູ່ຕໍ່ຫນ້າບັນລັງ ແລະ ຕໍ່ຫນ້າພຣະເມສານ້ອຍ.
ຕາມທີ່ໄດ້ກ່າວໄວ້ຕໍ່ຫນ້າບັນລັງຄວາມລອດແມ່ນເປັນຂອງໃຜ?
ພວກເຂົາຮ້ອງສຽງດັງອອກໄປຕໍ່ຫນ້າບັນລັງວ່າ "ຄວາມລອດພົ້້ນເປັນຂອງພຣະເຈົ້າຂອງເຮົາຜູ້ປະທັບເທິງບັນລັງ ແລະ ເປັນຂອງພຣະເມສານ້ອຍ.
Revelation 7:11
ບັນດາທູດສະຫວັນຜູ້ອາວຸໂສ ແລະ ສິ່ງທີ່ມີຊີວິດທັງສີ່ນັ້ນເຮັດແນວໃດໃນຂະນະທີ່ພວກເຂົານະມັດສະການພຣະເຈົ້າ?
ພວກເຂົານອນລົງເທິງພື້ນ ແລະ ປິ່ນຫນ້າຂອງພວກເຂົາແປະພື້ນໃນຂະນະທີ່ພວກເຂົານະມັດສະການພຣະເຈົ້າ.
Revelation 7:13
ຜູ້ອາວຸໂສໄດ້ເວົ້າວ່າໃຜແມ່ນຄົນທີ່ສວມເສື້ອຄຸມສີຂາວຢູ່ຕໍ່ຫນ້າບັນລັງ?
ຜູ້ອາວຸໂສໄດ້ເວົ້າວ່າພວກເຂົາເປັນຄົນທີ່ອອກມາຈາກຄວາມຍາກລຳບາກຄັ້ງຍິ່ງໃຫຍ່
ຜູ້ທີ່ຢູ່ຕໍ່ຫນ້າບັນລັງເຮັດໃຫ້ເສື້ອຄຸມຂອງພວກເຂົາຂາວແນວໃດ?
ພວກເຂົາຊຳລະເສື້ອຜ້າຂອງເຂົາດ້ວຍເລືອດຂອງພຣະເມສານ້ອຍຈົນຂາວສະອາດ.
Revelation 7:15
ຜູ້ອາວຸໂສໄດ້ກ່າວວ່າພຣະເຈົ້າຈະຊົງເຮັດຫຍັງຕໍ່ຜູ້ທີ່ສວມເສື້ອຄຸມເຫຼົ່ານັ້ນ?
ພຣະເຈົ້າຈະກາງເຕັນຂອງພຣະອົງໃຫ້ເຫນືອພວກເຂົາ, ປົກປ້ອງຄຸ້ມຄອງເພື່ອທີ່ພວກເຂົາຈະບໍ່ທຸກທໍຣະມານອີກຕໍ່ໄປ.
ຜູ້ອາວຸໂສໄດ້ກ່າວວ່າພຣະເມສານ້ອຍຈະຊົງເຮັດຫຍັງຕໍ່ຜູ້ທີ່ສວມເສື້ອຄຸມເຫລົ່ານັ້ນ?
ພຣະເມສານ້ອຍຈະຊົງລ້ຽງດູ ແລະ ນຳພວກເຂົາໄປສູ່ນ້ຳພຸແຫ່ງຊີວິດ.
Revelation 8
Revelation 8:1
ແມ່ນຫຍັງເຮັດໃຫ້ເກີດຄວາມງຽບໃນສະຫວັນ?
ແມ່ນຫຍັງເຮັດໃຫ້ເກີດຄວາມງຽບໃນສະຫວັນ?
ເມື່ອພຣະເມສານ້ອຍເປີດກາປະທັບຕາດວງທີເຈັດນັ້ນຟ້າສະຫວັນກໍ່ງຽບສະຫງັດ.
ທູດສະຫວັນທັງເຈັດອົງທີ່ຢືນຕໍ່ຫນ້າພຣະເຈົ້າໄດ້ຮັບຫຍັງ?
ທູດສະຫວັນເຈັດອົງຢືນຢູ່ຕໍ່ຫນ້າພຣະເຈົ້າ,ໄດ້ຮັບ ແກເຈັດອັນ.
Revelation 8:3
ແມ່ນຫຍັງທີ່ເກີດຂຶ້ນຕໍ່ຫນ້າພຣະເຈົ້າ?
ຄວັນທູບພ້ອມກັບຄຳອະທິຖານຂອງໄພ່ພົນໄດ້ລຸກຂຶ້ນຕໍ່ຫນ້າພຣະເຈົ້າ.
ເກີດຫຍັງຂຶ້ນເມື່ອທູດສະຫວັນໂຍນໄຟລົງມາເທິງແຜ່ນດິນໂລກຈາກໄຟໄຫມ້ແທ່ນບູຊາ?
ເມື່ອທູດສະຫວັນໂຍນໄຟລົງມາເກີດມີສຽງຟ້າຮ້ອງສະນັ່ນ ເກີດຟ້າແມບສະຫວ່າງຈ້າ ແລະເກີດແຜ່ນດິນໄຫວ.
Revelation 8:6
ເກີດຫຍັງຂຶ້ນເມື່ອເປົ່າແກຄັ້ງທຳອິດ?
ເມື່ອເປົ່າແກຄັ້ງທຳອິດ ກໍ່ມີພາຍຸເຫັບ ແລະ ລູກໄຟປະສົມກັນກັບເລືອດ ຖືກຖອກລົງມາເທິງແຜ່ນດິນໂລກເພື່ອຈະເຜົາຫນຶ່ງສ່ວນສາມຂອງໂລກ ຫນຶ່ງສວນສາມຂອງຕົ້ນໄມ້ຖືກເຜົາໄຫມ້ ແລະ ພືດສີຂຽວກໍຖືກເຜົາໄຫມ້ໄປຫມົດ.
Revelation 8:8
ເກີດຫຍັງຂຶ້ນເມື່ອເປົ່າແກຄັ້ງທີສອງ?
ເມື່ອເປົ່າແກຄັ້ງທີສອງ ມີບາງສິ່ງທີ່ເຫມືອນກັບພູທີ່ລຸກເປັນໄຟຖືກຖິ້ມລົງມາທີ່ທະເລ ຫນຶ່ງສ່ວນສາມຂອງທະເລກາຍເປັນເລືອດ, ຫນຶ່ງສ່ວນສາມຂອງສີ່ງຊົງສ້າງທີ່ມີຊີວິດໃນທະເລຖືກຂ້າໃຫ້ຕາຍ, ຫນຶ່ງສ່ວນສາມຂອງເຮືອໃຫຍ່ຖືກທຳລາຍ.
Revelation 8:10
ເກີດຫຍັງຂຶ້ນເມື່ອເປົ່າແກຄັ້ງທີສາມ?
ເມື່ອເປົ່າແກຄັ້ງທີສາມ ຫນຶ່ງສ່ວນສາມຂອງນໍ້າທັງຫມົດກາຍເປັນນໍ້າຂົມ ແລະ ຄົນຈຳນວນຫລວງຫລາຍຕ້ອງຕາຍສາເຫດເພາະນໍ້າຂົມນີ້.
Revelation 8:12
ເກີດຫຍັງຂຶ້ນເມື່ອເປົ່າແກຄັ້ງທີສີ່?
ເມື່ອເປົ່າແກຄັ້ງທີສີ່ ຫນຶ່ງສ່ວນສາມຂອງກາງເວັນ ແລະ ຫນຶ່ງສ່ວນສາມຂອງກາງຄືນຈຶ່ງບໍ່ມີຄວາມສະຫວ່າງ.
Revelation 8:13
ເປັນຫຍັງຜູ້ອາວຸໂສເວົ້າວ່າ "ວິບັດ, ວິບັດ, ວິບັດ ແກ່ຄົນເຫລົ່ານັ້ນທີ່ອາໃສຢູ່ເທິງແຜ່ນດິນໂລກ?
ຜູ້ອາວຸໂສເວົ້າວ່າ ວິບັດ, ວິບັດ, ວິບັດ, ແກ່ຄົນເຫລົ່ານັ້ນທີ່ອາໃສຢູ່ເທິງແຜ່ນດິນໂລກ ເພາະແກທີ່ເຫລືອຢູ່ກຳລັງຈະຖືກເປົ່າໂດຍທູດສະຫວັນທັງສາມອົງ
Revelation 9
Revelation 9:1
ໂຢຮັນໄດ້ເຫັນດາວປະເພດໃດເມື່ອແກໄດ້ຖືກເປົ່າຄັ້ງທີຫ້າ?
ໂຢຮັນໄດ້ເຫັນດາວປະເພດໃດເມື່ອແກໄດ້ຖືກເປົ່າຄັ້ງທີຫ້າ?
ເມື່ອແກໄດ້ຖືກເປົ່າຄັ້ງທີຫ້າ ໂຢຮັນໄດ້ເຫັນດາວດວງຫນຶ່ງຕົກລົງມາຈາກທ້ອງຟ້າມາຍັງແຜ່ນດິນໂລກ.
ດາວໄດ້ເຮັດຫຍັງ?
ດາວໄດ້ໄຂ ເປີດປະຕູນາຣົກຂຸມເລິກ.
Revelation 9:3
ພຣະເຈົ້າຊົງບອກຕັກແຕນມາຈາກຂຸມເລິກໃຫ້ເຮັດຫຍັງ?
ບໍ່ໃຫ້ທຳລາຍຕົ້ນຫຍ້າ, ພືດ ແລະ ຕົ້ນໄມ້ໃດໆເທິງແຜ່ນດິນໂລກ ນອກຈາກທຳລາຍຄົນທີ່ບໍ່ມີຕາປະທັບຂອງພຣະເຈົ້າທີ່ເທິງໜ້າຜາກຂອງພວກເຂົາເທົ່ານັ້ນ.
Revelation 9:5
ຜູ້ຄົນທີ່ຕັກແຕນທໍຣະມານຊອກຫາຫຍັງ? ແຕ່ບໍ່ເຫັນ
ຜູ້ຄົນທີ່ຕັກແຕນທໍຣະມານຊອກຫາຄວາມຕາຍ, ແຕ່ພວກເຂົາຈະຫາບໍ່ເຫັນ.
Revelation 9:7
ປີກຕັກແຕນເຮັດສຽງຫຍັງ?
ສຽງປີກຂອງພວກມັນເຫມືອນສຽງຂອງລົດມ້າສົງຄາມ ແລະຝູງມ້າທີ່ກຳລັງແລ່ນເຂົ້າສູ່ສົງຄາມ.
Revelation 9:10
ໃຜແມ່ນຣາຊາໃຫຍ່ຂອງຕັກແຕນ?
ຣາຊາໃຫຍ່ຂອງຕັກແຕນແມ່ນທູດນັ້ນຄືອາບັດໂດນ, ຫລື ຊື່ໃນພາສາກຣິກຄືອາໂປລິໂອນ, ທູດຈາກຂຸມນາຣົກເລິກ.
ເກີດຫຍັງຂຶ້ນຫລັງຈາກເປົ່າແກຄັ້ງທີຫ້າ?
ວິບັດທຳອິດຜ່ານໄປ ຫລັງຈາກແກຄັ້ງທີຫ້າຖືກເປົ່າ.
Revelation 9:13
ໂຢຮັນໄດ້ຍິນສຽງຫຍັງຫລັງຈາກແກຄັ້ງທີຫົກຖືກເປົ່າ
ເມື່ອແກຄັ້ງທີຫ້າຖືກເປົ່າ ໂຢຮັນໄດ້ຍິນສຽງມາຈາກແທ່ນບູຊາທອງຄຳທີ່ຢູ່ສະເພາະທີ່ພັກຂອງພຣະເຈົ້າ.
ທູດສະຫວັນສີ່ອົງໄດ້ເຮັດຫຍັງ? ເມື່ອພວກເຂົາໄດ້ຍິນສຽງ
ເມື່ອພວກເຂົາໄດ້ຍິນສຽງ ທູດສະຫວັນສີ່ອົງໄດ້ຖືກປ່ອຍມາເພື່ອຂ້າມວນມະນຸດຈຳນວນຫນຶ່ງສ່ວນສາມ.
Revelation 9:16
ໂຢຮັນໄດ້ເຫັນພົນທະຫານມີມ້າຈຳນວນເທົ່າໃດ?
ໂຢຮັນໄດ້ເຫັນພົນທະຫານທີ່ນັ່ງດ້ານຫລັງມ້າວ່າມີສອງຮ້ອຍລ້ານຄົນ 200,000,000.
Revelation 9:18
ໄພພິບັດຫຍັງທີ່ຂ້າຄົນຫນຶ່ງໃນສາມ?
ຈຳນວນຫນຶ່ງສ່ວນສາມຂອງມະນຸດຖືກຂ້າໂດຍໄພພິບັດທັງສາມຢ່າງນີ້ຄື ໄຟ, ຄວັນ ແລະ ກຳມະທັນ ທີ່ມາຈາກປາກມ້ານັ້ນກໍ່ຂ້າຄົນຈຳນວນຫນຶ່ງສ່ວນສາມຂອງມະນຸດ.
Revelation 9:20
ຜູ້ຄົນທີ່ບໍ່ຖືກຂ້າຈາກໄພພິບັດໄດ້ຕອບໂຕ້ແນວໃດ?
ຜູ້ຄົນທີ່ບໍ່ຖືກຂ້າຈາກໄພພິບັດບໍ່ໄດ້ກັບໃຈເສຍໃຫມ່ຈາກການກະທຳຂອງຕົນ ຫລື ບໍ່ຢຸດນະມັດສະການວິນຍານຊົ່ວກັບພວກຮູບເຄົາລົບ.
Revelation 10
Revelation 10:1
ໃບຫນ້າ ແລະ ຕີນຂອງທູດສະຫວັນທີ່ມີຣິດອຳນາດທີ່ໂຢຮັນໄດ້ເຫັນມີລັກສະນະແນວໃດ?
ໃບຫນ້າ ແລະ ຕີນຂອງທູດສະຫວັນທີ່ມີຣິດອຳນາດທີ່ໂຢຮັນໄດ້ເຫັນມີລັກສະນະແນວໃດ?
ທູດສະຫວັນມີຫນ້າຄ້າຍຄືດວງຕາເວັນ ແລະ ມີຕີນຄ້າຍຄືເສົາໄຟ.
ທູດສະຫວັນຢືນຢູ່ໃສ?
ທູດສະຫວັນຢືນກັບຕີນຂວາຢຽບລົງເທີງທະເລ ແລະວາງຕີນຊ້າຍຢຽບເທິງແຜ່ນດິນໂລກ.
Revelation 10:3
ສິ່ງໂຢຮັນໄດ້ບອກວ່າບໍ່ໄດ້ຂຽນແມ່ນຫຍັງ?
ຈົ່ງເກັບໄວ້ເປັນຄວາມລັບກ່ຽວກັບສິ່ງທີ່ຟ້າຮ້ອງທັງເຈັດເວົ້ານັ້ນ ຈົ່ງຢ່າຂຽນບັນທຶກ
Revelation 10:5
ທູດສະຫວັນຜູ້ຫຍິ່ງໃຫຍ່ສາບານໂດຍອ້າງອີງເຖິງໃຜ?
ທູດສະຫວັນຜູ້ຫຍິ່ງໃຫຍ່ສາບານໂດຍອ້າງຜູ້ຫນຶ່ງເຊິ່ງເປັນຢູ່ນິຣັນດອນ ຜູ້ສ້າງຟ້າສະຫວັນ ແລະທຸກສິ່ງທີ່ຢູ່ໃນນັ້ນ ຜູ້ສ້າງແຜ່ນດິນໂລກ ແລະທຸກສິ່ງທີ່ຢູ່ໃນນັ້ນ ຜູ້ສ້າງທະເລ
ທູດສະຫວັນຜູ້ຫຍິ່ງໃຫຍ່ໄດ້ເວົ້າວ່າ ແມ່ນຫຍັງຈະບໍ່ມີການຊັກຊ້າອີກຕໍ່ໄປ?
ທູດສະຫວັນຜູ້ຫຍິ່ງໃຫຍ່ໄດ້ເວົ້າວ່າເມື່ອແກທີເຈັດຖືກເປົ່າຈະບໍ່ມີການຊັກຊ້າອີກຕໍ່ໄປ ຄວາມເລິກລັບຂອງພຣະເຈົ້າຈະຖືກເຮັດໃຫ້ສົມບູນ
Revelation 10:8
ໂຢຮັນໄດ້ຮັບການບອກເອົາຫຍັງຈາກທູດສະຫວັນຜູ້ຫຍິ່ງໃຫຍ່?
ໂຢຮັນໄດ້ບອກຈົ່ງໄປແລະເປີດຫນັງສືມ້ວນທີ່ຢູ່ໃນມືຂອງທູດສະຫວັນອົງນັ້ນ.
ທູດສະຫວັນໄດ້ເວົ້າວ່າແມ່ນຫຍັງຈະເກີດຂຶ້ນເມື່ອໂຢຮັນກິນຫນັງສືມ້ວນ?
ທູດສະຫວັນໄດ້ເວົ້າວ່າ "ຈົ່ງຮັບຫນັງສືມ້ວນນີ້ແລະກິນເຂົ້າໄປ ມັນຈະຂົມຢູ່ທ້ອງຂອງທ່ານ ແຕ່ເມື່ອຢູ່ໃນປາກຂອງທ່ານມັນຈະມີລົດຊາດຫວານເຫມືອນນໍ້າເຜິ້ງ"
Revelation 10:10
ຫລັງຈາກໂຢຮັນກິນຫນັງສືມ້ວນແລ້ວ ໂຢຮັນໄດ້ບອກໃຫ້ປະກາດຫຍັງ?
ໂຢຮັນໄດ້ບອກ ທ່ານຈະຕ້ອງປະກາດພຣະຄັມກ່ຽວກັບຜູ້ຄົນຕ່າງໆ ຊົນຊາດຕ່າງໆ ພາສາຕ່າງໆ ແລະກະສັດຈຳນວນຫລວງຫລາຍ.
Revelation 11
Revelation 11:1
ໂຢຮັນໄດ້ບອກວັດແທກຫຍັງ?
ໂຢຮັນໄດ້ບອກວັດແທກຫຍັງ?
ໂຢຮັນໄດ້ບອກວັດແທກຂະຫນາດຂອງພຣະວິຫານຂອງພຣະເຈົ້າກັບແທ່ນບູຊາ ແລະນັບຈຳນວນຄົນທີ່ມານະມັດສະການໃນວິຫານນັ້ນ.
ຄົນຕ່າງຊາດຈະຢຽບນະຄອນອັນບໍຣິສຸດດົນປານໃດ?
ຄົນຕ່າງຊາດຈະຢຽບຢໍ່ຳນະຄອນອັນບໍຣິສຸດເປັນເວລາສີ່ສີບສອງເດືອນ
Revelation 11:3
ພະຍານສອງຄົນໃຫ້ອຳນາດຫຍັງກັບຄົນທີ່ເລືອກເຮັດອັນຕະລາຍກັບພວກເຂົາ?
ພະຍານສອງຄົນໄດ້ຮັບອຳນາດໃຫ້ຂ້າສັດຕຣູດ້ວຍໄຟ
Revelation 11:8
ຮ່າງກາຍຂອງທັງສອງພະຍານນັ້ນຈະຢູ່ໃສ?
ຮ່າງກາຍຂອງທັງສອງພະຍານນັ້ນ ຈະຖືກຖິ້ມໄວ້ກາງທາງຂອງນະຄອນໃຫຍ່ນັ້ນ ອັນເປັນສັນຍາລັກຂອງນະຄອນນີ້ຊື່ວ່າ ເມືອງໂຊໂດມແລະເມືອງເອຢີບ, ເປັນທີ່ຊຶ່ງອົງພຣະຜູ້ເປັນເຈົ້າຖືກຄຶງໄວ້ທີ່ໄມ້ກາງເເຂນ
Revelation 11:10
ຜູ້ຄົນເທິງແຜ່ນດິນໂລກຈະອາການແນວໃດເມື່ອພະຍານທັງສອງຖືກຂ້າຕາຍ?
ຜູ້ຄົນເທິງແຜນດິນໂລກຈະຊື່ນຊົມຍິນດີ ແລະ ສະເຫລີມສະຫລອງເມື່ອພະຍານທັງສອງຖືກຂ້າຕາຍ.
ແມ່ນຫຍັງຈະເກີດຂຶ້ນກັບພະຍານທັງສອງຫລັງຈາກສາມມື້ເຄິ່ງ?
ຫລັງຈາກສາມມື້ເຄິ່ງພະຍານທັງສອງຈະຢືນຂຶ້ນໄປໃນສະຫວັນທ່າມກາງຫມູ່ເມກໃນຂະນະທີ່ພວກສັດຕຣູກໍ່ແນມເບິ່ງຢູ່ນັ້ນ.
Revelation 11:13
ຫລັງຈາກພະຍານສອງ ແລະ ແຜ່ນດິນໄຫວເສັດສິ້ນລົງແລ້ວ, ແມ່ນຫຍັງຜ່ານມາ?
ຫລັງຈາກພະຍານສອງ ແລະ ແຜ່ນດິນໄຫວເສັດສິ້ນລົງແລ້ວ, ວິບັດຢ່າງທີສອງຜ່ານໄປ.
Revelation 11:15
ເມື່ອແກທີເຈັດໄດ້ຖືກເປົ່າສຽງອັນດັງໃນຟ້າສະຫວັນກ່າວຫຍັງ?
ເມື່ອແກທີເຈັດໄດ້ຖືກເປົ່າ ສຽງອັນດັງໃນຟ້າສະຫວັນກ່າວວ່າ "ອານາຈັກແຫ່ງໂລກນີ້ໄດ້ກາຍມາເປັນອານາຈັກຂອງອົງພຣະຜູ້ເປັນເຈົ້າ ແລະຂອງພຣະຄຣິດເຈົ້າ.
Revelation 11:16
ຜູ້ອາວຸໂສໄດ້ກ່າວຫຍັງຕໍ່ອົງພຣະຜູ້ເປັນເຈົ້າ, ພຣະເຈົ້າໄດ້ເລີ່ມເຮັດແລ້ວ?
ຜູ້ອາວຸໂສໄດ້ກ່າວຕໍ່ອົງພຣະຜູ້ເປັນເຈົ້າ ພຣະເຈົ້າເລີ່ມຕົ້ນຄອບຄອງແລ້ວ.
Revelation 11:18
ອີງຕາມຜູ້ອາວຸໂສ, ຕອນນີ້ຮອດເວລາໃດແລ້ວ?
ຕອນນີ້ຮອດເວລາທີ່ຄົນ ຕາຍຈະໄດ້ຮັບການພິພາກສາກໍ່ມາເຖິງແລ້ວ ເພື່ອທີ່ພຣະເຈົ້າຈະປະທານລາງວັນໃຫ້ແກ່ຜູ້ປະກາດພຣະຄັມທີ່ເປັນຜູ້ຮັບໃຊ້ຂອງພຣະອົງ ແລະ ເພື່ອພຣະອົງຈະທຳລາຍຄົນເຫລົ່ານັ້ນທີ່ກຳລັງທຳລາຍແຜ່ນດິນໂລກຢູ່.
Revelation 11:19
ພວກເຂົາໄດ້ເປີດຫຍັງໃນສະຫວັນ?
ພຣະວິຫານຂອງພຣະເຈົ້າກໍ່ຖືກເປີດອອກໃນສະຫວັນ.
Revelation 12
Revelation 12:1
ຫມາຍສຳຄັນອັນຫຍິ່ງໃຫຍ່ທີ່ໄດ້ເຫັນໃນສະຫວັນແມ່ນຫຍັງ?
ຫມາຍສຳຄັນອັນຫຍິ່ງໃຫຍ່ທີ່ໄດ້ເຫັນໃນສະຫວັນແມ່ນຫຍັງ?
ຫມາຍສຳຄັນອັນໃຫຍ່ປາກົດຂຶ້ນໃນສະຫວັນ ຄືມີຜູ້ຍິງຄົນຫນຶ່ງທີ່ມີດວງຕາເວັນ,ປົກຄຸມໂຕເປັນເສື້ອຜ້າ ແລະດວງເດືອນຮອງຕີນຂອງນາງ ແລະມີດາວທັງສິບສອງດວງເປັນມົງກຸດສວມຢູ່ເທິງຫົວ.
Revelation 12:3
ມີຫມາຍສຳຄັນອັນຫຍິ່ງໃຫຍ່ໃດອີກທີ່ເຫັນໃນສະຫວັນ?
ຫມາຍສຳຄັນຫນຶ່ງເກີດຂຶ້ນໃນສະຫວັນ ເບິ່ງແມ ມີພະຍານາກໃຫຍ່ຕົວຫນຶ່ງທີ່ມີເຈັດຫົວ ມີສິບເຂົາ ແລະມີມົງກຸດເຈັດອັນຢູ່ເທິງແຕ່ລະຫົວຂອງມັນ.
ພະຍານາກໄດ້ເຮັດຫຍັງກັບຫາງຂອງມັນເອງ?
ຫາງຂອງມັນກວາດເອົາດວງດາວຫນຶ່ງສ່ວນສາມຂອງຟ້າສະຫວັນ ແລະຖິ້ມດາວເຫລົ່ານັ້ນເທິງແຜ່ນດິນໂລກ .
ພະຍານາກມີຄວາມປາດຖະຫນາຢາກຈະເຮັດຫຍັງ?
ພະຍານາກມີຄວາມປາດຖະຫນາຢາກຈະກືນກິນລູກຂອງນາງ.
Revelation 12:5
ເດັກຊາຍຈະໄປເຮັດຫຍັງ
ເດັກນ້ອຍຜູ້ຊາຍຈະໄປປົກຄອງທຸກຊົນຊາດດ້ວຍໄມ້ຄ້ອນເຫລັກ.
ເດັກນ້ອຍຜູ້ຊາຍໄດ້ໄປໃສ?
ເດັກຊາຍຄົນນັ້ນຖືກຮັບອອກມາຫາພຣະເຈົ້າ ແລະນຳໄປທີ່ບັນລັງຂອງພຣະອົງ.
ຜູ້ຍິງໄດ້ໄປໃສ?
ຜູ້ຍິງໄດ້ຫນີເຂົ້າໄປໃນຖິ່ນແຫ້ງແລ້ງທຸລະກັນດານ.
Revelation 12:7
ໃຜທີ່ຕໍ່ສູ້ໃນສະຫວັນ?
ມີຄາເອນແລະເຫລົ່າທູດສະຫວັນຂອງຕົນຕ່າງກໍ່ຕໍ່ສູ້ກັບພະຍານາກນັ້ນ ພະຍານາກແລະເຫລົ່າສະຫມຸມຂອງມັນກໍ່ຕໍ່ສູ້ຄືນ.
ເກີດຫຍັງຂຶ້ນກັບພະຍານາກ ແລະທູດສະຫວັນຂອງມັນຫລັງຈາກການຕໍ່ສູ້?
ພະຍານາກ ແລະທູດສະຫວັນຂອງມັນ ຖືກຖິ້ມລົງມາເທິງແຜ່ນດິນໂລກພ້ອມກັບເຫລົ່າສະຫມຸນຂອງມັນທັງໝົດ
ໃຜແມ່ນພະຍານາກ?
ພະຍານາກແມ່ນງູດຶກດຳບັນ, ມານ ຫລື ຊາຕານ.
Revelation 12:11
ພີ່ນ້ອງໄດ້ເອົາຊະນະພະຍານາກໄດ້ແນວໃດ?
ພວກເຂົາຊະນະມັນໄດ້ໂດຍພຣະໂລຫິດຂອງພຣະເມສານ້ອຍ ແລະໂດຍຖ້ອຍຄຳແຫ່ງການເປັນພະຍານຂອງພວກເຂົາ .
ພະຍານາກຮູ້ວ່າລາວມີເວລາດົນປານໃດ?
ພະຍານາກຮູ້ວ່າເວລາຂອງມັນເຫລືອຫນ້ອຍເຕັມທີ.
Revelation 12:13
ຜູ້ຍິງໄດ້ເຮັດຫຍັງໃນເວລາທີ່ພະຍານາກໄລ່ຕາມນາງ?
ແຕ່ຜູ້ຍິງຄົນນັ້ນໄດ້ຮັບປີກຂອງນົກອິນຊີໃຫຍ່ສອງປີກ ດັ່ງນັ້ນນາງຈຶ່ງສາມາດຫນີໄປຍັງສະຖານທີ່ໆໄດ້ຈັດຕຽມເອົາໄວ້ສຳລັບນາງ.
Revelation 12:15
ເມື່ອພະຍານາກບໍ່ສາມາດກວດເອົາຜູ້ຍິງຄົນນັ້ນໄດ້, ພະຍານາກໄດ້ເຮັດຫຍັງ?
ພະຍານາກໄດ້ອອກໄປເຮັດສົງຄາມຕໍ່ສູ້ກັບບັນດາຄົນທີ່ເຊື່ອຟັງຄຳສັ່ງຂອງພຣະເຈົ້າ ແລະຢຶດຫມັ້ນໃນຄຳພະຍານຂອງພວກເຂົາກ່ຽວກັບພຣະເຢຊູ.
Revelation 13
Revelation 13:1
ໂຢຮັນໄດ້ເຫັນສັດຮ້າຍມາຈາກໃສ?
ໂຢຮັນໄດ້ເຫັນສັດຮ້າຍມາຈາກໃສ?
ສັດຮ້າຍໂຕຫນຶ່ງຂຶ້ນມາຈາກທະເລ.
ພະຍານາກໃຫ້ຫຍັງກັບສັດຮ້າຍ?
ພະຍານາກໃຫ້ໃຫ້ອຳນາດບັນລັງແລະສິດທິອຳນາດອັນຍິ່ງໃຫຍ່ແກ່ມັນເພື່ອຈະຄອບຄອງ.
Revelation 13:3
ເປັນຫຍັງໂລກທັງຫມົດປະຫລາດໃຈ ຕິດຕາມສັດຮ້າຍ?
ໂລກທັງຫມົດປະຫລາດໃຈ ແລະຕິດຕາມສັດຮ້າຍເພາະວ່າມັນມີບາດແຜທີ່ຕ້ອງຮັກສາໃຫ້ຫາຍດີ.
Revelation 13:5
ສັດຮ້າຍໄດ້ເວົ້າຫຍັງກັບປາກຂອງມັນເອງ?
ສັດຮ້າຍໄດ້ເວົ້າໂອ້ອວດ ແລະ ຕໍ່ຕ້ານພຣະເຈົ້າ ຫມິ່ນປະຫມາດພຣະນາມຂອງພຣະອົງ ຫມິ່ນປະຫມາດທີ່ບັນລັງ ແລະບັນດາຜູ້ທີ່ຢູ່ເທິງສະຫວັນທັງຫມົດ.
Revelation 13:7
ສັດປ່າໄດ້ອະນຸຍາດໃຫ້ເຮັດຫຍັງກັບບັນດາຜູ້ເຊື່ອ?
ສັດຮ້າຍນັ້ນໄດ້ຮັບອະນຸຍາດໃຫ້ເຮັດສົງຄາມກັບບັນດາຜູ້ເຊື່ອ ແລະ ເອົາຊະນະພວກເຂົາໄດ້.
ໃຜບໍ່ນະມັດສະການສັດຮ້າຍ?
ຜູ້ທີ່ຖືກຈົດບັນທຶກເອົາໄວ້ໃນຫນັງສືແຫ່ງຊີວິດຈະບໍ່ນະມັດສະການສັດຮ້າຍ.
Revelation 13:9
ສຳລັບຜູ້ທີ່ຂຶ້ນຊື່ວ່າບໍຣິສຸດຄືໃຜ?
ຜູ້ທີ່ຂຶ້ນຊື່ວ່າບໍຣິສຸດຈະໄດ້ຮັບເອີ້ນໃຫ້ອົດທົນ ແລະ ມີຄວາມອົດທົນຕໍ່ການເຊື່ອ
Revelation 13:11
ໂຢຮັນໄດ້ເຫັນສັດຮ້າຍອີກໂຕຫນຶ່ງມາຈາກໃສ?
ສັດຮ້າຍອີກໂຕຫນຶ່ງຂຶ້ນມາຈາກແຜ່ນດິນໂລກ
ສັດຮ້າຍອີກໂຕນັ້ນມີການເວົ້າ ແລະ ເວົ້າແນວໃດ?
ມັນມີສອງເຂົາເຫມືອນແກະໂຕຫນຶ່ງ ແລະມັນເວົ້າຄືກັບພະຍານາກ.
ສັດຮ້າຍອີກໂຕເຮັດໃຫ້ຜູ້ຄົນທີ່ອາໃສຢູ່ເທິງແຜ່ນດິນໂລກເຮັດຫຍັງ?
ມັນເຮັດໃຫ້ແຜ່ນດິນໂລກແລະທຸກສິ່ງທີ່ຢູ່ໃນນັ້ນນະມັດສະການສັດຮ້າຍໂຕທຳອິດ.
Revelation 13:15
ເກີດຫຍັງຂຶ້ນກັບກຸ່ມຄົນທີ່ປະຕິເສດການນະມັດສະການສັດຮ້າຍ?
ໃຜປະຕິເສດທີ່ຈະນະມັດສະການສັດຮ້າຍນັ້ນຈະຕ້ອງຖືກຂ້າຕາຍ.
ທຸກຄົນໄດ້ຮັບຫຍັງຈາກສັດຮ້າຍອີກໂຕ?
ທຸກຄົນໄດ້ເຮັດສັນຍາລັກທີ່ມືຂວາ ຫລືເທິງຫນ້າຜາກ.
Revelation 13:18
ຕົວເລກຂອງສັດຮ້າຍແມ່ນຫຍັງ?
ຕົວເລກຂອງສັດຮ້າຍແມ່ນ 666.
Revelation 14
Revelation 14:1
ໂຢຮັນໄດ້ເຫັນໃຜຢືນຢູ່ຕໍ່ຫນ້າຂອງລາວ?
ໂຢຮັນໄດ້ເຫັນໃຜຢືນຢູ່ຕໍ່ຫນ້າຂອງລາວ?
ເຫັນພຣະເມສານ້ອຍກຳລັງຢືນຢູ່ເທິງພູເຂົາຊີໂອນ .
Revelation 14:3
ໃຜທີ່ສາມາດຮຽນຮູ້ບົດເພງໃຫມ່ທີ່ຮ້ອງຕໍ່ຫນ້າບັນລັງໄດ້?
ມີພຽງແຕ່ 144,000 ຄົນຊົງໄດ້ຮັບການໄຖ່ຈາກແຜ່ນດິນໂລກເທົ່ານັ້ນທີ່ສາມາດຮຽນຮູ້ເພງໃຫມ່ໄດ້.
ໃຜໄດ້ປ່ຽນເປັນຜົນທຳອິດສຳລັບພຣະເຈົ້າຕໍ່ຫນ້າພຣະເມສານ້ອຍ?
ຜູ້ທີ່ປາສະຈາກມົນທິນ 144,000 ຄົນເປັນຜົນທຳອິດທີ່ມອບຖວາຍໃຫ້ກັບພຣະເຈົ້າແລະກັບພຣະເມສານ້ອຍ.
Revelation 14:6
ທູດສະຫວັນນັ້ນໄດ້ໃຫ້ຖ້ອຍຄຳຕະຫລອດໄປເປັນນິດແຫ່ງຂ່າວປະເສີດແກ່ໃຜ?
ເຂົາມີຖ້ອຍຄຳອັນຕະຫລອດໄປເປັນນິດແຫ່ງຂ່າວປະເສີດເພື່ອປະກາດແກ່ບັນດາຄົນທີ່ຢູ່ເທິງແຜ່ນດິນໂລກຄື ທຸກຊົນຊາດ ທຸກເຜົ່າ ທຸກພາສາ ແລະທຸກຄົນ.
ທູດສະຫວັນໄດ້ບອກໃຫ້ບັນດາຄົນທີ່ຢູ່ເທິງແຜ່ນດິນໂລກເຮັດຫຍັງ?
ທູດສະຫວັນໄດ້ບອກໃຫ້ພວກເຂົາວ່າຈົ່ງຢໍາເກງພຣະເຈົ້າ ແລະຖວາຍກຽດແກ່ພຣະອົງ
ເວລາໃດທີ່ທູດສະຫວັນບອກວ່າຈະມາເຖິງແລ້ວ?
ຊົ່ວໂມງແຫ່ງການພິພາກສາຂອງພຣະເຈົ້າໄດ້ມາເຖິງແລ້ວ
Revelation 14:8
ທູດສະຫວັນອົງທີສອງໄດ້ປະກາດຫຍັງ?
ທູດສະຫວັນອົງທີສອງຕາມມາ ແລະກ່າວວ່າ "ຫລົ້ມຈົມແລ້ວ ບາບີໂລນມະຫານະຄອນຫລົ້ມຈົມແລ້ວ .
Revelation 14:9
ທູດສະຫວັນອົງທີສາມເວົ້າວ່າແມ່ນຫຍັງຈະເກີດຂຶ້ນກັບຜູ້ທີ່ໄດ້ຮັບກາປະທັບຕາຂອງສັດຮ້າຍ?
ຜູ້ທີ່ໄດ້ຮັບກາປະທັບຕາຂອງສັດຮ້າຍຈະຖືກທົນທຸກທໍຣະມານດ້ວຍໄຟ ແລະ ມາດ.
Revelation 14:11
ບັນດາໄພ່ພົນຖືກເອີ້ນວ່າຫຍັງ?
ບັນດາໄພ່ພົນຖືກເອີ້ນໃຫ້ພຽນອົດທົນ.
Revelation 14:14
ໂຢຮັນເຫັນໃຜນັ່ງຢູ່ເທິງເມກ?
ໂຢຮັນເຫັນຜູ້ທີ່ນັ່ງຢູ່ເທິງເມກນັ້ນມີລັກສະນະເຫມືອນບຸດມະນຸດ.
ຜູ້ທີ່ກຳລັງນັ່ງຢູ່ເທິງເມກເຮັດຫຍັງ?
ຜູ້ທີ່ນັ່ງຢູ່ເທິງເມກແກ່ວງກ່ຽວຂອງພຣະອົງລົງແຜ່ນດິນໂລກ ແລ້ວແຜ່ນດິນໂລກກໍ່ໄດ້ຮັບການເກັບກ່ຽວ.
Revelation 14:19
ທູດສະຫວັນອົງນັ້ນໄດ້ເຮັດຫຍັງກັບກ່ຽວ?
ທູດສະຫວັນອົງນັ້ນຈຶ່ງແກວ່ງກ່ຽວລົງເທິງແຜ່ນດິນໂລກ ແລະເກັບກ່ຽວຫມາກອະງຸ່ນຈາກແຜ່ນດິນໂລກ ເຂົາໂຍນຫມາກອະງຸ່ນເຫລົ່ານັ້ນລົງໄປໃນອ່າງບີບອະງຸ່ນຂະໜາດໃຫຍ່ຊຶ່ງເປັນອ່າງແຫ່ງຄວາມໂກດຮ້າຍຂອງພຣະເຈົ້າ.
ເກີດຫຍັງຂຶ້ນກັບອ່າງບີບເຫລົ່າອະງຸ່ນຂອງພຣະເຈົ້າ?
ອ່າງບີບເຫລົ້າອະງຸ່ນນັ້ນຖືກບີບທີ່ນອກເມືອງ ແລະ ມີເລືອດໄຫລອອກມາຈາກອ່າງນັ້ນ.
Revelation 15
Revelation 15:1
ທູດສະຫວັນເຈັດອົງທີ່ໂຢຮັນໄດ້ເຫັນມີຫຍັງຢູ່ກັບພວກເຂົາ?
ທູດສະຫວັນເຈັດອົງທີ່ໂຢຮັນໄດ້ເຫັນມີຫຍັງຢູ່ກັບພວກເຂົາ?
ທູດສະຫວັນເຈັດອົງຖືໄພພິບັດເຈັດຢ່າງ ເຊິ່ງເປັນໄພພິບັດສຸດທ້າຍ.
Revelation 15:2
ໃຜທີ່ຢືນຢູ່ໃນແຄມທະເລ?
ຄົນເຫລົ່ານັ້ນທີ່ຢືນຢູ່ແຄມທະເລຄືບັນດາຄົນທີ່ມີໄຊຊະນະຕໍ່ສັດຮ້າຍ ແລະຕໍ່ຮູບຂອງມັນ ຢືນຢູ່ແຄມໃນທະເລ.
Revelation 15:3
ຄົນເຫລົ່ານັ້ນທີ່ຢືນຢູ່ແຄມທະເລກຳລັງຮ້ອງເພງຂອງໃຜ?
ພວກເຂົາຮ້ອງເພງຂອງໂມເຊ ຜູ້ຮັບໃຊ້ຂອງພຣະເຈົ້າ ແລະຮ້ອງເພງຂອງພຣະເມສານ້ອຍ.
ວິທີການຂອງພຣະເຈົ້າໄດ້ອະທິບາຍໃນເພງແນວໃດ?
ວິທີການຂອງພຣະເຈົ້າໄດ້ອະທິບາຍກໍ່ຖືກຕ້ອງແລະສັດຊື່ຈິງ .
ຢູ່ໃນເພງມີໃຜມາ ແລະ ນະມັດສະການພຣະເຈົ້າ?
ບັນດາປະຊາຊາດທັງຫລາຍຈະມານະມັດສະການພຣະເຈົ້າ.
Revelation 15:5
ແລ້ວເຂົາຖືຫຍັງອອກມາຈາກສະຖານບໍຣິສຸດທີ່ສຸດ ?
ທູດສະຫວັນທັງເຈັດອົງຖືໄພພິບັດທັງເຈັດຢ່າງໄດ້ອອກມາຈາກສະຖານບໍຣິສຸດທີ່ສຸດ .
Revelation 15:7
ທູດສະຫວັນທັງເຈັດອົງໄດ້ຮັບຫຍັງ?
ທູດສະຫວັນທັງເຈັດອົງໄດ້ຮັບຂັນຄຳເຈັດຫນ່ວຍທີ່ເຕັມໄປດ້ວຍຄວາມໂກດຮ້າຍຂອງພຣະເຈົ້າ.
ບໍ່ມີໃຜສາມາດເຂົ້າເຖິງພຣະວິຫານໄດ້ຈົນຮອດເມື່ອໃດ?
ບໍ່ມີໃຜສາມາດເຂົ້າໄປໃນພຣະວິຫານນັ້ນ ຈົນກວ່າໄພພິບັດທັງເຈັດຂອງທູດສະຫວັນເຈັດອົງນັ້ນຈະສຳເລັດລົງ
Revelation 16
Revelation 16:1
ທູດສະຫວັນທັງເຈັດອົງແມ່ນໄດ້ບອກໃຫ້ເຮັດຫຍັງ?
ທູດສະຫວັນທັງເຈັດອົງແມ່ນໄດ້ບອກໃຫ້ເຮັດຫຍັງ?
ທູດສະຫວັນທັງເຈັດອົງນັ້ນວ່າ ຈົ່ງອອກໄປແລ້ວຖອກເທຂັນແຫ່ງຄວາມໂກດຮ້າຍຂອງພຣະເຈົ້າທັງເຈັດຫນ່ວຍລົງເທິງແຜ່ນດິນໂລກ.
Revelation 16:2
ເກີດຫຍັງຂຶ້ນເມື່ອຂັນແຫ່ງຄວາມໂກດຮ້າຍທີຫນຶ່ງຂອງພຣະເຈົ້າໄດ້ຖືກຖອກເທອອກ?
ທູດສະຫວັນອົງທຳອິດອອກໄປເທຂັນລົງເທິງແຜ່ນດິນໂລກ ແລ້ວຄົນທັງຫລາຍທີ່ມີເຄື່ອງຫມາຍຂອງສັດຮ້າຍ ແລະພວກທີ່ບູຊາຮູບຂອງມັນກໍ່ມີບາດແຜຮ້າຍທີ່ຫນ້າກຽດຊັງ ແລະ ເຈັບປວດເກີດຂຶ້ນຕາມຕົນຕົວ.
Revelation 16:3
ເກີດຫຍັງຂຶ້ນເມື່ອຂັນແຫ່ງຄວາມໂກດຮ້າຍທີສອງຂອງພຣະເຈົ້າໄດ້ຖືກຖອກເທອອກ?
ທະເລກໍ່ກາຍເປັນເລືອດເຫມືອນເລືອດຂອງຄົນຕາຍ .
Revelation 16:4
ເກີດຫຍັງຂຶ້ນເມື່ອຂັນແຫ່ງຄວາມໂກດຮ້າຍທີສາມຂອງພຣະເຈົ້າໄດ້ຖືກຖອກເທອອກ?
ແມ່ນໍ້າ ແລະ ນໍ້າພຸທັງຫລາຍ, ເຫລົ່ານັ້ນກໍ່ກາຍເປັນເລືອດ
ເປັນຫຍັງພຣະເຈົ້າຈຶ່ງໃຫ້ຄົນເຫລົ່ານັ້ນສົມຄວນດື່ມເລືອດ?
ເພາະພວກເຂົາເຮັດໃຫ້ເລືອດຂອງບັນດາຜູ້ເຊື່ອ ແລະຜູ້ປະກາດພຣະຄັມໄຫລອອກ ແລະພຣະອົງຊົງໃຫ້ເຂົາດື່ມເລືອດຊຶ່ງເປັນສິ່ງທີ່ພວກເຂົາສົມຄວນໄດ້ຮັບແລ້ວ.
Revelation 16:8
ເກີດຫຍັງຂຶ້ນເມື່ອຂັນແຫ່ງຄວາມໂກດຮ້າຍທີສີ່ຂອງພຣະເຈົ້າໄດ້ຖືກຖອກເທອອກ?
ຕາເວັນເຜົາໄຫມ້ມະນຸດດ້ວຍຄວາມຮ້ອນອັນແຮງກ້າ.
Revelation 16:10
ເກີດຫຍັງຂຶ້ນເມື່ອຂັນແຫ່ງຄວາມໂກດຮ້າຍທີຫ້າຂອງພຣະເຈົ້າໄດ້ຖືກຖອກເທອອກ?
ມືດກໍ່ປົກຄຸມອານາຈັກຂອງສັດຮ້າຍ.
Revelation 16:12
ເກີດຫຍັງຂຶ້ນເມື່ອຂັນແຫ່ງຄວາມໂກດຮ້າຍທີຫົກຂອງພຣະເຈົ້າໄດ້ຖືກຖອກເທອອກ?
ແມ່ນໍ້າເອີຟຣັດບົກແຫ້ງ ເພື່ອຕຽມທາງໄວ້ສຳລັບບັນດາກະສັດທີ່ຈະມາຈາກທິດຕາເວັນອອກ
ວິນຍານຊົ່ວຮ້າຍສາມດວງອອກໄປເຮັດຫຍັງ?
ວິນຍານຊົ່ວຮ້າຍສາມດວງອອກໄປຫາບັນດາກະສັດທົ່ວໂລກ ເພື່ອຮວບຮວມເອົາບັນດາກະສັດເຫລົ່ານັ້ນໄປ ເຮັດສົງຄາມໃນວັນອັນໃຫຍ່ຫລວງຂອງພຣະເຈົ້າຜູ້ຊົງຍິ່ງໃຫຍ່ສູງສຸດ
Revelation 16:15
ຊື່ຂອງສະຖານທີ່ທີ່ກະສັດຂອງໂລກນຳມາລວມກັນມີຊື່ວ່າແນວໃດ?
ສະຖານທີ່ເອີ້ນຕາມພາສາເຮັບເຣີວ່າ ອາມາເຄໂດນ.
Revelation 16:17
ເກີດຫຍັງຂຶ້ນເມື່ອຂັນແຫ່ງຄວາມໂກດຮ້າຍທີເຈັດຂອງພຣະເຈົ້າໄດ້ຖືກເທອອກ?
ມີພຣະສຸຣະສຽງດັງອອກມາຈາກບັນລັງໃນພຣະວິຫານນັ້ນວ່າ "ສຳເລັດແລ້ວ" ແລະ ເກີດມີຟ້າແມບ ສຽງແຕກດັງສະນັ່ນ ສຽງຟ້າຮ້ອງ ແລະແຜ່ນດິນໄຫວຮຸນແຮງ.
ໃນເວລາດຽວກັນ ພຣະເຈົ້າຊົງລະນຶກເຖິງຫຍັງ?
ໃນເວລາດຽວກັນພຣະເຈົ້າຊົງລະນຶກເຖິງມະຫານະຄອນບາບີໂລນ ແລະ ພຣະອົງຊົງໃຫ້ນະຄອນນີ້ດື່ມເຫລົ້າອະງຸ່ນທີ່ເຮັດມາຈາກຄວາມໂກດຮ້າຍອັນຮຸນແຮງຂອງພຣະອົງ
Revelation 16:20
ຜູ້ຄົນໄດ້ຮັບມືກັບໄພພິບັດເຫລົ່ານີ້ແນວໃດ?
ພວກເຂົາສາບແຊ່ງພຣະເຈົ້າ.
Revelation 17
Revelation 17:1
ທູດສະຫວັນໄດ້ເວົ້າໃຫ້ໂຢຮັນເບິ່ງຫຍັງ?
ທູດສະຫວັນໄດ້ເວົ້າໃຫ້ໂຢຮັນເບິ່ງຫຍັງ?
ທູດສະຫວັນໄດ້ເວົ້າວ່າເຮົາຈະໃຫ້ທ່ານເບິ່ງການລົງໂທດຍິງແມ່ຈ້າງຄົນສຳຄັນ.
Revelation 17:3
ຜູ້ຍິງກຳລັງນັ່ງຢູ່ເທິງຫຍັງ?
ຍິງຄົນຫນຶ່ງນັ່ງຢູ່ເທິງສັດຮ້າຍ, ສັດຮ້າຍນັ້ນມີເຈັດຫົວແລະສິບເຂົາ.
ຈອກວາຍທີ່ຜູ້ຍິງຖືຢູ່ໃນມືມີຫຍັງ?
ໃນຈອກເຕັມໄປດ້ວຍສິ່ງທີ່ຫນ້າກຽດຫນ້າຊັງ ແລະ ສິ່ງທີ່ເປັນມົນທິນຈາກການລ່ວງປະເວນີຂອງນາງ.
ຊື່ຜູ້ຍິງຄົນນັ້ນແມ່ນຫຍັງ?
ນາງມີຊື່ທີ່ມີຄວາມຫມາຍເລິກລັບຂຽນໄວ້ວ່າ ບາບີໂລນນະຄອນໃຫຍ່ ແມ່ຂອງຍິງແມ່ຈ້າງທັງຫລາຍ ແລະແມ່ຂອງບັນດາສິ່ງຫນ້າກຽດຫນ້າຊັງແຫ່ງແຜ່ນດິນໂລກ.
Revelation 17:6
ຜູ້ຍິງຄົນນັ້ນເມົາດ້ວຍຫຍັງ?
ຍິງນັ້ນເມົາດ້ວຍເລືອດຂອງບັນດາຜູ້ເຊື່ອ ແລະເລືອດຂອງບັນດາຜູ້ສະຫລະຊີວິດເພາະເປັນພະຍານຝ່າຍພຣະເຢຊູເຈົ້າ .
Revelation 17:8
ສັດຮ້າຍນັ້ນໄດ້ຂຶ້ນມາຈາກໃສຊຶ່ງຜູ້ຍິງຄົນນັ້ນນັ່ງຢູ່?
ສັດຮ້າຍນັ້ນໄດ້ຂຶ້ນມາຈາກເຫວເລິກ.
ສັດຮ້າຍນັ້ນໄດ້ໄປໃສ?
ສັດຮ້າຍນັ້ນໄດ້ໄປຫາຄວາມພິນາດ.
Revelation 17:9
ຫົວທັງເຈັດຂອງສັດຮ້າຍແມ່ນຫຍັງ?
ຫົວທັງເຈັດນັ້ນຄືເນີນເຂົາເຈັດຫນ່ວຍທີ່ຍິງນັ້ນນັ່ງຢູ່ ແລະ ຫມາຍເຖິງກະສັດເຈັດອົງ
Revelation 17:11
ສັດຮ້າຍແມ່ນກຳລັງໄປໃສ?
ສັດຮ້າຍແມ່ນກຳລັງໄປສູ່ຄວາມພິນາດ
Revelation 17:12
ສິບເຂົາຂອງສັດຮ້າຍແມ່ນຫຍັງ?
ເຂົາທັງສິບເຂົາແມ່ນກະສັດສິບອົງ.
ກະສັດ ແລະ ສັດຮ້າຍຈະເຮັດຫຍັງ ເມື່ອພວກເຂົາມີຄວາມຄິດດຽວກັນ?
ເມື່ອພວກເຂົາມີຄວາມຄິດດຽວກັນ, ພວກເຂົາຈະຕໍ່ສູ້ກັບພຣະເມສານ້ອຍ .
Revelation 17:15
ແມ່ນໍ້າຫຍັງທີ່ແມ່ຈ້າງນັ່ງຢູ່ນັ້ນ ?
ແມ່ນໍ້າທີ່ແມ່ຈ້າງນັ່ງຢູ່ນັ້ນ ແມ່ນຄົນທັງຫລາຍ ເຫລົ່າຝູງຊົນ ບັນດາປະຊາຊາດ ແລະພາສາຕ່າງໆ
Revelation 17:16
ກະສັດ ແລະ ສັດຮ້າຍຕ້ອງການຈະເຮັດຫຍັງກັບຍິງຄົນນັ້ນ?
ພວກມັນຈະເຮັດໃຫ້ນາງເປົ່າປ່ຽວ ແລະເປືອຍກາຍ ພວກມັນຈະຫຸ້ມກິນຊີ້ນຂອງນາງ ແລະເອົາໄຟເຜົານາງຈົນບໍ່ເຫລືອຊາກ.
Revelation 17:18
ໂຢຮັນເຫັນຜູ້ຍິງຄົນນັ້ນຄືຫຍັງ?
ຜູ້ຍິງທີ່ໂຢຮັນເຫັນນັ້ນຄືນະຄອນທີ່ປົກຄອງຢູ່ເຫນືອບັນດາກະສັດຂອງແຜ່ນດິນໂລກ.
Revelation 18
Revelation 18:1
ທູດສະຫວັນມີສິດທິອຳນາດຫຍ່ິ່ງໃຫຍ່ທີ່ຈະປະກາດຫຍັງ?
ທູດສະຫວັນມີສິດທິອຳນາດຫຍ່ິ່ງໃຫຍ່ທີ່ຈະປະກາດຫຍັງ?
ທູດສະຫວັນມີສິດທິອຳນາດຍິ່ງໃຫຍ່ທີ່ຈະຮ້ອງປະກາດດ້ວຍສຽງອັນດັງວ່າ "ບາບີໂລນນະຄອນໃຫຍ່ຫລົ້ມຈົມແລ້ວ.
Revelation 18:4
ສຽງທີ່ອອກມາຈາກສະຫວັນໄດ້ບອກຄົນຂອງພຣະເຈົ້າເຮັດຫຍັງ?
ສຽງມາຈາກສະຫວັນວ່າ ຈົ່ງອອກມາຈາກມະຫານະຄອນບາບີໂລນສາ ເພື່ອເຈົ້າຈະບໍ່ມີສ່ວນໃນຄວາມບາບຂອງນະຄອນນັ້ນ.
ພຣະເຈົ້າໄດ້ຕອບສະຫນອງຫຍັງໃຫ້ເມືອງບາບີໂລນກັບສິ່ງທີ່ພຣະອົງໄດ້ເຮັດ?
ພຣະເຈົ້າໄດ້ຕອບສະຫນອງນະຄອນນັ້ນເຫມືອນຢ່າງທີ່ນະຄອນນັ້ນເຄີຍຕອບສະຫນອງຄົນອື່ນໆ .
Revelation 18:7
ໄພພິບັດໃດມາເຖິງບາບີໂລນໃນມື້ດຽວ?
ຄວາມຕາຍ, ຄວາມໂສກເສົ້າ ແລະ ຄວາມອຶດຢາກມາເຖິງບາບີໂລນໃນມື້ດຽວ ແລະ ໄຟຈະເຜົາຜານນະຄອນນັ້ນ.
Revelation 18:9
ບັນດາກະສັດ ແລະ ພວກພໍ່ຄ້າແຫ່ງແຜ່ນດິນໂລກໄດ້ມີການຕອບສະຫນອງແນວໃດ ເມື່ອເຫັນການພິພາກສານະຄອນບາບີໂລນ?
ບັນດາກະສັດ ແລະ ພວກພໍ່ຄ້າແຫ່ງແຜ່ນດິນໂລກໄດ້ເຫັນການພິພາກ, ພວກເຂົາຈະອອກໄປຢືນຢູ່ຫ່າງໆດ້ວຍຄວາມຢ້ານຫລາຍການທໍຣະມານນະຄອນນັ້ນ.
Revelation 18:14
ນະຄອນບາບີໂລນໄດ້ປາດຖະຫນາຫຍັງ ຊຶ່ງສູນເສຍໄປພາຍໃນຊົ່ວໂມງດຽວ?
ນະຄອນບາບີໂລນປາດຖະຫນາສິ່ງທີ່ຫລູຫລາ ແລະງາມສະຫງ່າຊຶ່ງສູນເສຍໄປພາຍໃນຊົ່ວໂມງດຽວ.
Revelation 18:15
ເປັນຫຍັງກະສັດ, ພໍ່ຄ້າ ແລະ ຜູ້ຄວບຄຸມເຮືອ ຢືນຫ່າງຈາກນະຄອນບາບີໂລນໃນເວລາທີ່ພວກເຂົາຖືກຕັດສິນ?
ພວກເຂົາຢືນຢູ່ຫ່າງໆ ເພາະຢ້ານຕໍ່ການທໍຣະມານນະຄອນນັ້ນ ພວກເຂົາຈະຮ້ອງໄຫ້ແລະໂສກເສົ້າຢ່າງຫນັກ.
Revelation 18:18
ຜູ້ຄວບຄຸມເຮືອ ຖາມຫຍັງກ່ຽວກັບນະຄອນບາບີໂລນ?
ຜູ້ຄວບຄຸມເຮືອຮ້ອງຖາມວ່ານະຄອນໃດຈະເຫມືອນນະຄອນໃຫຍ່ນີ້.
ໄພ່ພົນ, ອັກຄະສາວົກ ແລະ ສາດສະຫນາຈານໄດ້ຖືກບອກໃຫ້ເຮັດຫຍັງ ເມື່ອນະຄອນບາບີໂລນຖືກພິພາກສາຈາກພຣະເຈົ້າ?
ໄພ່ພົນ, ອັກຄະສາວົກ ແລະ ສາດສະຫນາຈານໄດ້ຖືກບອກໃຫ້ຊື່ນຊົມຍິນດີ ເພາະພຣະເຈົ້າພິພາກສາລົງໂທດນະຄອນບາບີໂລນໂດຍພຣະອົງ.
Revelation 18:21
ຫລັງຈາກທີ່ພວກເຂົາໄດ້ຖືກພິພາກ, ເມື່ອໃດຈະເຫັນນະຄອນບາບີໂລນອີກຄັ້ງ?
ຫລັງຈາກທີ່ພວກເຂົາໄດ້ຖືກພິພາກສາ,ຈະບໍ່ມີໃຜໄດ້ພົບເຫັນນະຄອນນະຄອນບາບີໂລນອີກເລີຍ .
Revelation 18:23
ສິ່ງໃດທີ່ພົບເຫັນໃນນະຄອນໃຫຍ່ບາບີໂລນ ຊຶ່ງຍິງຄົນນັ້ນຖືກພິພາກສາ?
ເລືອດຂອງບັນດາຜູ້ປະກາດພຣະຄັມ,ຜູ້ເຊື່ອທັງຫລາຍ ແລະເລືອດຂອງທຸກຄົນທີ່ຖືກຂ້າ ເທິງແຜ່ນດິນໂລກນັ້ນ.
Revelation 19
Revelation 19:1
ພຣະສຸຣະສຽງທີ່ມາຈາກສະຫວັນເວົ້າຫຍັງກ່ຽວກັບການພິພາກສາຂອງພຣະເຈົ້າ?
ພຣະສຸຣະສຽງທີ່ມາຈາກສະຫວັນເວົ້າຫຍັງກ່ຽວກັບການພິພາກສາຂອງພຣະເຈົ້າ?
ພຣະສຸຣະສຽງທີ່ມາຈາກສະຫວັນເວົ້າວ່າການພິພາກສາຂອງພຣະອົງຖືກຕ້ອງແລະຍຸຕິທັມ .
ເປັນຫຍັງພຣະເຈົ້າຈຶ່ງພິພາກສາຍິງໂສເພນີຄົນສຳຄັນ?
ພຣະເຈົ້າພິພາກເພາະພຣະອົງໄດ້ຊົງພິພາກສາຍິງໂສເພນີຄົນສຳຄັນທີ່ເຮັດໃຫ້ແຜ່ນດິນໂລກເສື່ອມຊາມດ້ວຍການລ່ວງປະເວນີຂອງນາງ ພຣະອົງຊົງແກ້ແຄ້ນຍິງຄົນນັ້ນທີ່ເຮັດໃຫ້ເລືອດຂອງບັນດາຜູ້ຮັບໃຊ້ຂອງພຣະອົງຫລັ່ງອອກມາ.
Revelation 19:3
ຈະເກີດຫຍັງຂຶ້ນກັບຍິງໂສເພນີຄົນສຳຄັນຕະຫລອດໄປ ແລະ ເປັນນິດ?
ຄວັນຈາກແປວໄຟທີ່ເຜົາໄຫມ້ນະຄອນນັ້ນກໍ່ພຸ່ງຂຶ້ນຕະຫລອດໄປ ແລະ ເປັນນິດ.
Revelation 19:5
ພຣະເຈົ້າບອກຜູ້ທີ່ມີຄວາມຢ້ານໃຫ້ເຮັດຫຍັງ?
ເຈົ້າທັງຫລາຍທີ່ຢຳເກງພຣະອົງ ທັງຄົນເລັກນ້ອຍ ແລະຄົນມີອຳນາດ ຈົ່ງສັນຣະເສີນແດ່ພຣະເຈົ້າຂອງເຮົາທັງຫລາຍ.
Revelation 19:7
ເປັນຫຍັງສຽງນັ້ນຈຶ່ງກ່າວວ່າ ບັນດາຜູ້ທີ່ຮັບໃຊ້ພຣະເຈົ້າຄວນຈະຊົມຊື່ນຍິນດີ ແລະ ປິຕິຍິນດີເປັນຢ່າງຍິ່ງ?
ບັນດາຜູ້ທີ່ຮັບໃຊ້ທັງຫລາຍຊື່ນຊົມ ແລະ ປິຕິຍິນດີຢ່າງໃຫຍ່ ແລະຖວາຍພຣະກຽດຕິຍົດແດ່ພຣະອົງ ເພາະເຖິງເວລາແຫ່ງການສົມຣົດຂອງພຣະເມສານ້ອຍແລ້ວ.
ເຈົ້າສາວຂອງພຣະເມສານ້ອຍໃສ່ຊຸດຫຍັງ?
ເຈົ້າສາວນັ້ນໄດ້ຮັບອະນຸຍາດໃຫ້ສວມໃສ່ຜ້າປ່ານເນື້ອລະອຽດສະຫວ່າງສົດໃສແລະສະອາດ.
Revelation 19:9
ທູດສະຫວັນໄດ້ເວົ້າຫຍັງກ່ຽວກັບພະຍານຫລັກຂອງພຣະເຢຊູ?
ທູດສະຫວັນໄດ້ເວົ້າກ່ຽວກັບພະຍານຫລັກຂອງພຣະເຢຊູວ່າເປັນວິນຍານແຫ່ງການພິພາກສາ.
Revelation 19:11
ຜູ້ທີ່ຊົງຢູ່ເທິງມ້າສີຂາວທີ່ໂຢຮັນໄດ້ເຫັນມີຊື່ວ່າແນວໃດ?
ໂຢຮັນໄດ້ເຫັນຜູ້ທີ່ຢູ່ເທິງມ້າສີຂາວຊົງມີພຣະນາມເອີ້ນພຣະອົງນັ້ນຄືພຣະຄັມຂອງພຣະເຈົ້າ.
Revelation 19:14
ພຣະຄັມຂອງພຣະເຈົ້າຕໍ່ສູ້ກັບປະຊາຊາດແນວໃດ?
ມີດາບຄົມດວງຫນຶ່ງອອກມາຈາກປາກຂອງພຣະອົງຊຶ່ງໃຊ້ຟາດຟັນປະຊາຊາດຕ່າງໆ.
ພຣະຄັມທີ່ຈາລຶກເທິງເສື້ອຄຸມ ແລະ ທີ່ຕົ້ນຂາຂອງພຣະອົງແມ່ນຫຍັງ?
ພຣະອົງຊົງມີພຣະນາມຈາລຶກເທິງເສື້ອຄຸມຂອງພຣະອົງ ແລະທີ່ຕົ້ນຂາຂອງພຣະອົງວ່າ ກະສັດເຫນືອກະສັດທັງຫລາຍ ແລະເຈົ້ານາຍເຫນືອເຈົ້ານາຍທັງຫລາຍ.
Revelation 19:17
ນົກທີ່ບິນຢູ່ເທິງອາກາດຖືກຮ້ອງໃຫ້ກິນຫຍັງໃນອາຫານແລງທີ່ຍິ່ງໃຫຍ່?
ນົກທັງຫມົດທີີ່ບິນໄປມາຢູ່ກາງອາກາດຖືກຮ້ອງວ່າມາກີນຊີ້ນຂອງບັນດາກະສັດ ຊີ້ນຂອງຜູ້ບັນຊາການທະຫານ ຊີ້ນຂອງຄົນທີ່ມີອິດທິພົນຫລາຍ, ຊີ້ນຂອງມ້າແລະຄົນທີ່ຂີ່ມັນ ແລະຊີ້ນຂອງມະນຸດທຸກຄົນ.
Revelation 19:19
ສັດຮ້າຍ ແລະ ກະສັດ ຂອງແຜ່ນດິນໂລກ ອອກເດີນທາງໄປເຮັດຫຍັງ?
ພວກເຂົາທັງຫລາຍມາຊຸມນຸມກັນເພື່ອເຮັດສົງຄາມກັບພຣະຄັມຂອງພຣະເຈົ້າ ແລະ ກັບກອງທັບຂອງພຣະອົງ.
ເກີດຫຍັງຂຶ້ນກັບສັດຮ້າຍ ແລະ ຄູສອນປອມ?
ສັດຮ້າຍ ຄົນເຫລົ່ານັ້ນທີ່ບູຊາຮູບຂອງມັນ ທັງສອງຖືກໂຍນລົງທັງເປັນໃນບຶງໄຟທີ່ລຸກໄຫມ້ຢູ່ດ້ວຍມາດ.
Revelation 19:21
ເກີດຫຍັງຂຶ້ນກັບກຸ່ມຄົນທີ່ເຫລືອໃນການຕໍ່ສູ້ກັບພຣະຄັມຂອງພຣະເຈົ້າ?
ຄົນທີ່ເຫລືອຢູ່ກໍຖືກຂ້າດ້ວຍດາບທີ່ອອກມາຈາກປາກຂອງພຣະອົງຜູ້ປະທັບເທິງຫລັງມ້ານັ້ນ ນົກທຸກໂຕກໍ່ກິນຊີ້ນຄົນເຫລົ່ານັ້ນທີ່ຕາຍແລ້ວ.
Revelation 20
Revelation 20:1
ທູດສະຫວັນໄດ້ສະເດັດລົງມາເຮັດຫຍັງກັບເຂົາ?
ທູດສະຫວັນໄດ້ສະເດັດລົງມາເຮັດຫຍັງກັບເຂົາ?
ທູດສະຫວັນມີກະແຈຂອງເຫວເລິກ ແລະທ່ານມີໂສເສັ້ນໃຫຍ່ຢູ່ໃນມືຂອງທ່ານ.
ມານຊາຕານຈະຖືກມັດມັນໄວ້ດົນປານໃດ?
ມານຊາຕານຈະຖືກມັດມັນໄວ້ຫນຶ່ງພັນປີ .
ທູດສະຫວັນໄດ້ເຮັດຫຍັງກັບມານຊາຕານ?
ທູດສະຫວັນໄດ້ໂຍນມານຊາຕານລົງໄປໃນເຫວເລິກນັ້ນ.
ມານຊາຕານຈະເຮັດຫຍັງບໍ່ໄດ້ໃນຂະນະທີ່ຖືກມັດໄວ້?
ມານຊາຕານຈະລໍ້ລວງປະຊາຊາດທັງຫລາຍບໍ່ໄດ້ໃນຂະນະທີ່ຖືກມັດໄວ້.
Revelation 20:4
ເກີດຫຍັງຂຶ້ນກັບຄົນເຫລົ່ານັ້ນທີ່ບໍ່ຍອມຮັບເຄື່ອງຫມາຍຂອງສັດຮ້າຍນັ້ນ?
ຄົນເຫລົ່ານັ້ນທີ່ບໍ່ຍອມຮັບເຄື່ອງຫມາຍຂອງສັດຮ້າຍນັ້ນ, ພວກເຂົາທັງຫລາຍກັບມາມີຊີວິດອີກຄັ້ງຫນຶ່ງ ແລະຄອບຄອງຮ່ວມກັບພຣະຄຣິດເຈົ້າເປັນເວລາຫນຶ່ງພັນປີ
Revelation 20:5
ສ່ວນອື່ນທີ່ຕາຍໄປແລ້ວຈະໄດ້ກັບຄືນມີຊີວິດອີກຄັ້ງເມື່ອໃດ?
ສ່ວນອື່ນທີ່ຕາຍໄປແລ້ວຈະໄດ້ກັບຄືນມີຊີວິດອີກຄັ້ງຈົນກວ່າພັນປີ.
ຜູ້ທີ່ມີສ່ວນໃນກາຟື້ນຄືນມາມີຊີວິດເທຶ່ອທຳອິດຈະເຮັດຫຍັງ?
ໃຜທີ່ມີສ່ວນໃນການເປັນຂຶ້ນມາຈາກຕາຍຄັ້ງທຳອິດກໍ່ເປັນສຸກແລະບໍຣິສຸດ ຄວາມຕາຍຄັ້ງທີສອງຈະບໍ່ມີອຳນາດເຫນືອພວກເຂົາທັງຫລາຍ ແຕ່ພວກເຂົາຈະເປັນປະໂລຫິດຂອງພຣະເຈົ້າ ແລະຂອງພຣະຄຣິດເຈົ້າ ແລະຈະຄອບຄອງຮ່ວມກັບພຣະອົງຫນຶ່ງພັນປີ
Revelation 20:7
ມານຊາຕານຈະເຮັດຫຍັງເມື່ອຄົບ ຫນຶ່ງພັນປີ?
ເມື່ອຄົບຫນຶ່ງພັນປີແລ້ວ ຊາຕານຈະຖືກປ່ອຍອອກມາຈາກຄຸກ ມັນຈະອອກໄປລໍ້ລວງປະຊາຊາດຕ່າງໆທີ່ກະຈັດກະຈາຍຢູ່ທົ່ວໂລກ
Revelation 20:9
ຈະເກີດຫຍັງຂຶ້ນເມື່ອກອງທັບຂອງບັນດາໄພ່ພົນຖືກອ້ອມໄວ້?
ເມື່ອກອງທັບຂອງບັນດາໄພ່ພົນຖືກອ້ອມໄວ້ ໄຟໄດ້ຕົກລົງມາຈາກສະຫວັນ ແລະເຜົາຜານພວກເຂົາເສຍ.
ໃນເວລານີ້ແມ່ນຫຍັງໄດ້ເຮັດກັບປີສາດ?
ປີສາດໄດ້ຖືກໂຍນລົງໄປນັ້ນ ພວກມັນຈະຖືກທໍຣະມານທັງກາງເວັນແລະກາງຄືນຕະຫລອດໄປເປັນນິດ
Revelation 20:11
ຜູ້ພິພາກຕັດສິນຄົນທີ່ຕາຍແລ້ວໂດຍຫຍັງຕໍ່ຫນ້າບັນລັງໃຫຍ່ສີຂາວ?
ຄົນຕາຍຖືກພິພາກສາຕາມການກະທຳຂອງພວກເຂົາທີ່ມີບັນທຶກໄວ້ໃນໜັງສືເຫລົ່ານັ້ນ.
Revelation 20:13
ຄວາມຕາຍຄັ້ງທີສອງແມ່ນຫຍັງ?
ຄວາມຕາຍຄັ້ງທີສອງແມ່ນບຶງໄຟ .
ເກີດຫຍັງຂຶ້ນກັບຄົນທີ່ບໍ່ມີບັນທຶກໄວ້ໃນປຶ້ມແຫ່ງຊີວິດ?
ໃຜບໍ່ໄດ້ມີຈົດຊື່ໄວ້ໃນປື້ມແຫ່ງຊີວິດ ເຂົາກໍ່ຈະຖືກໂຍນລົງໄປໃນບຶງໄຟ.
Revelation 21
Revelation 21:1
ໂຢຮັນໄດ້ເຫັນຫຍັງໃນສະຫວັນເດີມ ແລະ ແຜ່ນດິນໂລກ ?
ໂຢຮັນໄດ້ເຫັນຫຍັງໃນສະຫວັນເດີມ ແລະ ແຜ່ນດິນໂລກ ?
ໂຢຮັນໄດ້ເຫັນສະຫວັນເດີມ ແລະ ແຜ່ນດິນໂລກໄດ້ຜ່ານພົ້ນໄປແລ້ວ.
ແມ່ນຫຍັງມາແທນທີ່ສະຫວັນເດີມ ແລະ ແຜ່ນດິນໂລກ ?
ສະຫວັນໃຫມ່ ແລະ ແຜ່ນດິນໂລກໃຫມ່ ມາແທນທີ່ສະຫວັນເດີມ ແລະ ແຜ່ນດິນໂລກ .
ແມ່ນຫຍັງສະເດັດລົງມາຈາກສະຫວັນ?
ນະຄອນບໍຣິສຸດ, ນະຄອນເຢຣູຊາເລັມໃຫມ່, ລົງມາຈາກສະຫວັນ.
Revelation 21:3
ສຽງຈາກບັນລັງກ່າວວ່າພຣະເຈົ້າປະທັບຢູ່ທີ່ໃດໃນຂະນະນີ້?
ສຽງຈາກບັນລັງກ່າວວ່າພຣະເຈົ້າປະທັບຢູ່ກັບມະນຸດແລ້ວໃນຂະນະນີ້.
ແມ່ນຫຍັງຜ່ານພົ້ນໄປແລ້ວ?
ພຣະເຈົ້າຈະຊົງເຊັດນໍ້າຕາທຸກຢົດຈາກຕາຂອງພວກເຂົາທັງຫລາຍ ແລະຈະບໍ່ມີຄວາມຕາຍ ຫລືຄວາມໂສກເສົ້າ ຫລືການຮ້ອງໄຫ້ ຫລືການເຈັບປວດອີກຕໍ່ໄປ ເພາະສິ່ງເດີມໆນັ້ນໄດ້ຜ່ານໄປແລ້ວ.
Revelation 21:5
ຜູ້ທີ່ປະທັບຢູ່ທີ່ບັນລັງຮ້ອງຊື່ຂອງຕົນເອງວ່າແນວໃດ?
ຜູ້ທີ່ປະທັບຢູ່ທີ່ບັນລັງຮ້ອງຊື່ຂອງຕົນເອງວ່າອາລະຟາແລະໂອເມຄາ ເປັນເບື້ອງຕົ້ນແລະເປັນເບື້ອງປາຍ.
Revelation 21:7
ເກີດຫຍັງຂຶ້ນກັບຜູ້ທີ່ບໍ່ສັດທາສິລະທັມ ແລະ ຮູບປັ້ນເຄົາລົບ?
ຜູ້ທີ່ບໍ່ສັດຊື່,ຜິດສິລະທັມທາງເພດ,ສະຖານທີ່ມີຮູບປັ້ນເຄົາລົບ ໃນທະເລສາບທີ່ລຸກເປັນໄຟຂອງການເຜົາໄຫມ້ມາດ.
Revelation 21:9
ແມ່ນຫຍັງແມ່ນເຈົ້າສາວ ຫລື ເມຍຂອງພຣະເມສານ້ອຍ?
ເຈົ້າສາວ ຫລື ເມຍຂອງພຣະເມສານ້ອຍແມ່ນ ນະຄອນບໍຣິສຸດ, ນະຄອນເຢລູຊາເລັມ ຊິ່ງລົງມາຈາກສະຫວັນແລະຈາກພຣະເຈົ້າ.
Revelation 21:11
ມີຈາລຶກຫຍັງທີ່ຈາລຶກໄວ້ໃນປະຕູເຢຣູຊາເລັມໃຫມ່?
ເທິງປະຕູມີຊື່ເຜົ່າຂອງປະຊາກອນອິສະຣາເອນສິບສອງເຜົ່າຈາລຶກໄວ້ໃນປະຕູເຢຣູຊາເລັມໃຫມ່.
Revelation 21:14
ມີຈາລຶກຫຍັງທີ່ຈາລຶກໄວ້ໃນຖານຂອງເຢຣູຊາເລັມໃຫມ່?
ຊື່ຂອງອັກຄະສາວົກສິບສອງທ່ານຂອງພຣະເມສານ້ອຍ ໃນຖານຂອງເຢຣູຊາເລັມໃຫມ່.
Revelation 21:16
ຮູບຮ່າງໃຫມ່ຂອງນະຄອນເຢຣູຊາເລັມເປັນແນວໃດ?
ນະຄອນນັ້ນເປັນຮູບສີ່ຫລ່ຽມຈະຕຸລັດ
Revelation 21:18
ນະຄອນຈະສ້າງຂຶ້ນດ້ວຍຫຍັງ?
ນະຄອນນັ້ນສາ້ງດ້ວຍຄຳບໍຣິສຸດທີ່ເສາະໃສເຫມືອນແກ້ວ.
Revelation 21:21
ແມ່ນຫຍັງຄືພຣະວິຫານເຢຣູຊາເລັມໃຫມ່?
ອົງພຣະຜູ້ເປັນເຈົ້າພຣະເຈົ້າຜູ້ຊົງຣິດອຳນາດຍິ່ງໃຫຍ່ສູງສຸດ ແລະພຣະເມສານ້ອຍເປັນພຣະວິຫານນະຄອນນັ້ນ
Revelation 21:23
ແມ່ນຫຍັງຄືແສງສະຫວ່າງໃນເຢຣູຊາເລັມໃຫມ່?
ແສງສະຫວ່າງໃນເຢຣູຊາເລັມໃຫມ່ແມ່ນສະຫງ່າຣາສີຂອງພຣະເຈົ້າ ແລະ ພຣະເມສານ້ອຍ.
Revelation 21:26
ແມ່ນຫຍັງຈະເຂົ້ານະຄອນເຢຣູຊາເລັມໃຫມ່ບໍ່ໄດ້ເລີຍ?
ສິ່ງໃດທີ່ເປັນມົນທິນຈະບໍ່ສາມາດເຂົ້າໃນນະຄອນນັ້ນໄດ້ເລີຍ.
Revelation 22
Revelation 22:1
ໂຢຮັນໄດ້ເຫັນຫຍັງໄຫລມາຈາກພຣະທີ່ນັ່ງຂອງພຣະເຈົົ້າ?
ໂຢຮັນໄດ້ເຫັນຫຍັງໄຫລມາຈາກພຣະທີ່ນັ່ງຂອງພຣະເຈົົ້າ?
ໂຢຮັນໄດ້ເຫັນເຫັນສາຍນໍ້າທີ່ມີຊີວິດຊຶ່ງໃສເຫມືອນແກ້ວ ໄຫລອອກມາຈາກພຣະບັນລັງຂອງພຣະເຈົ້າ. .
ໃບໄມ້ຂອງຕົ້ນໄມ້ແຫ່ງຊີວິດມີໄວ້ເພື່ອຫຍັງ?
ໃບຂອງຕົ້ນໄມ້ນັ້ນມີໄວ້ເພື່ອປິ່ນປົວບັນດາປະຊາຊາດທັງຫລາຍໃຫ້ດີ.
Revelation 22:3
ຈະບໍ່ມີຫຍັງຢູ່ໃນນະຄອນອີກຕໍ່ໄປ?
ຈະບໍ່ມີຄຳສາບແຊ່ງຈະບໍ່ມີອີກຕໍ່ໄປ ແລະ ກາງຄືນຈະບໍ່ມີອີກຕໍ່ໄປ
ບັນລັງຂອງ ພຣະເຈົ້າ ແລະ ພຣະເມສານ້ອຍຢູ່ໃສ?
ບັນລັງຂອງ ພຣະເຈົ້າ ແລະ ພຣະເມສານ້ອຍຈະຢູ່ໃນນະຄອນ.
Revelation 22:6
ຜູ້ຄົນຕ້ອງເຮັດຫຍັງເພື່ອຈະໄດ້ຮັບພອນຈາກພຣະຄັມນີ້?
ຜູ້ຄົນຕ້ອງເຊື່ອຟັງຄຳເວົ້າຂອງຄຳພຣະຍານຂອງພຣະຄັມນີ້ເພື່ອຈະໄດ້ຮັບພຣະພອນ.
Revelation 22:8
ທູດສະຫວັນໄດ້ບອກໃຫ້ໂຢຮັນເຮັດຫຍັງເມືອໂຢຮັນກົ້ມລົງນົບຕີນຂອງທູດສະຫວັນ?
ທູດສະຫວັນໄດ້ບອກໃຫ້ໂຢຮັນນະມັດສະການພຣະເຈົ້າ.
Revelation 22:10
ເປັນຫຍັງໂຢຮັນບໍ່ໃຫ້ປົກປິດຄຳທຳນວາຍຂອງຂອງພຣະຄັມເຫລັ້ມນີ້?
ໂຢຮັນວ່າຢ່າປົກປິດຖ້ອຍຄຳແຫ່ງຄຳທຳນວາຍ ໃນພຣະຄັມນີ້ໄວ້ເປັນຄວາມລັບ ເພາະວ່າເວລານັ້ນໃກ້ເຂົ້າມາແລ້ວ.
Revelation 22:12
ອົງພຣະຜູ້ເປັນເຈົ້າເວົ້າວ່າຈະນຳຫຍັງມານຳພຣະອົງເມື່ອພຣະອົງສະເດັດມາ?
ອົງພຣະຜູ້ເປັນເຈົ້າເວົ້າວ່າຈະນຳບໍາເຫນັດຂອງພຣະອົງມານຳ ເມື່ອພຣະອົງສະເດັດມາ.
Revelation 22:14
ຜູ້ທີ່ຕ້ອງການມີສິດກິນຈາກຕົ້ນໄມ້ແຫ່ງຊີວິດຕ້ອງເຮັດຫຍັງ?
ຄົນເຫລົ່ານັ້ນທີ່ລ້າງເສື້ອຜ້າຂອງຕົນເອງກໍ່ເປັນສຸກ ເພື່ອວ່າພວກເຂົາຈະມີສິດໃນການກິນຜົນຈາກຕົ້ນໄມ້ແຫ່ງຊີວິດ .
Revelation 22:16
ພຣະເຢຊູຄຣິດເວົ້າວ່າພຣະອົງກ່ຽວຂ້ອງກັບກະສັດດາວິດແນວໃດ?
ພຣະເຢຊູຄຣິດເວົ້າວ່າພຣະອົງເປັນກົກເຄົ້າ ແລະ ເຊື້ອສາຍຂອງດາວິດ .
Revelation 22:18
ຈະເກີດຫຍັງຂຶ້ນກັບທຸກຄົນໄດ້ເພີ່ມຕື່ມຄຳທຳນວາຍໃນພຣະຄັມນີ້?
ທຸກຄົນທີ່ໄດ້ຍິນຄຳທຳນວາຍໃນພຣະຄັມນີ້ວ່າ ຖ້າຜູ້ໃດເພີ້ມຕື່ມສິ່ງໃດເຂົ້າໄປໃນຖ້ອຍຄຳເຫລົ່ານີ້ ພຣະເຈົ້າກໍ່ຈະຊົງເພີ່ມຕື່ມໄພພິບັດທີ່ມີຂຽນໄວ້ໃນພຣະຄັມນີ້ແກ່ຜູ້ນັ້ນດ້ວຍ.
ຈະເກີດຫຍັງຂຶ້ນກັບທຸກຄົນທີ່ຕັດຖ້ອຍຄຳອອກໄປຈາກຫນັງສືຄຳທຳນວາຍເຫລັ້ມນີ້ ?
ຜູ້ໃດຕັດຖ້ອຍຄຳອອກໄປຈາກຫນັງສືຄຳທຳນວາຍເຫລັ້ມນີ້ ພຣະເຈົ້າກໍ່ຈະຊົງຕັດສ່ວນແບ່ງຂອງເຂົາໃນຕົ້ນໄມ້ແຫ່ງຊີວິດແລະນະຄອນບໍຣິສຸດຊຶ່ງມີຂຽນໄວ້ໃນພຣະຄັມນີ້ອອກໄປດ້ວຍ.
Revelation 22:20
ພຣະຄັມຕອນທ້າຍຂອງພຣະເຢຊູໃນພຣະຄັມນີ້ແມ່ນຫຍັງ?
ພຣະຄັມຕອນທ້າຍຂອງພຣະເຢຊູແມ່ນ ແນ່ນອນ ເຮົາຈະມາໃນບໍ່ຊ້ານີ້.
ພຣະຄັມຕອນທ້າຍໃນພຣະຄັມນີ້ແມ່ນຫຍັງ?
ພຣະຄັມຕອນທ້າຍໃນພຣະຄັມເຫລັ້ມນີ້ຄື "ອາແມນ."