Genesis 1

Genesis 1:1

Inona no naharian'Andriamanitra tany am-boalohany?

Nahary ny lanitra sy ny tany Andriamanitra.

Inona no nataon'ny Fanahin'Andriamanitra tany am-boalohany?

Nivezivezy teo ambonin'ny rano ny Fanahin' Andriamanitra.

Genesis 1:3

Ahoana no namoronan'Andriamanitra ny mazava?

Hoy Andriamanitra hoe: "Aoka hisy mazava."

Genesis 1:6

Inona no nataon'Andriamanitra tamin'ny andro faharoa?

Nanao ny habakabaka teo anelanelan'ny rano Andriamanitra.

Genesis 1:9

Inona no niantsoan'Andriamanitra ny tany maina sy ny rano miangona?

Niantso ny tany maina hoe ''tany" Andriamanitra, ary ny rano miangona nataony hoe: "ranomasina."

Genesis 1:11

Zava-manan'aina inona no nataon'Andriamanitra tamin'ny andro fahatelo?

Nanao zava-maniry, hazo misy voankazo, ary zava-maitso tamin'ny andro fahatelo Andriamanitra.

Genesis 1:14

Inona no anton'ny mazava teny amin'ny lanitra?

Mba hanasaraka ny andro amin'ny alina, ho famantarana ny vanim-potoana, sy ho an'ireo andro ary ireo taona ireo.

Genesis 1:16

Inona no nataon'Andriamanitra tamin'ny andro fahefatra?

Nanao ireo hazavana roa lehibe sy ireo kintana Andriamanitra.

Genesis 1:20

Inona no nataon'Andriamanitra tamin'ny andro fahadimy?

Nanao ireo zava-manan'aina any anaty rano, sy ireo vorona Andriamanitra.

Genesis 1:22

Didy inona no nomen'Andriamanitra ny zava-manan'aina ao amin'ny ranomasina sy ireo vorona?

Aoka hamokatra, ary aoka hihamaro.

Genesis 1:26

Inona no nataon'Andriamanitra tahaka ny endriny?

Nanao ny olona tahaka ny endriny Andriamanitra.

Nanjaka tamin'ny inona ny olona?

Nataon'Andriamanitra hanjaka eo amin'ireo hazan-dranomasina, eo amin'ireo voron'ny habakabaka, eo amin'ireo biby fiompy, manerana ny tany rehetra, ary eo amin'ireo zavatra mikisaka rehetra izay mandady eny ambonin'ny tany ny olona.

Inona no mahasamihafa ny nanamboaran'Andriamanitra ny olona?

Namorona ny olona tahaka ny endriny Andriamanitra.

Genesis 1:28

Didy inona no nomen'Andriamanitra ny olona?

Miteraha maro, ary mihamaroa, mamenoa ny tany.

Inona no nomen'Andriamanitra mba hohanin'ny olona?

Nanome ny zava-maitso rehetra mamoa voa ary ny hazo rehetra izay mamokatra voa ho azy ireo Andriamanitra.

Genesis 1:30

Rehefa nahita ny zavatra rehetra izay nataony Andriamanitra, dia noheveriny ho inona izany?

Noheverin'Andriamanitra fa tena tsara izany.

Genesis 2

Genesis 2:1

Inona no nataon'Andriamanitra tamin'ny andro fahafito?

Nitsahatra tamin'ny asany rehetra Izy, ary nitahy sy nanamasina ny andro.

Genesis 2:4

Nialohan'ny nandatsahan'i Yaveh orana, dia ahoana no nanondrahana ny tany?

Nisy zavona niakatra avy amin'ny tany.

Genesis 2:7

Ahoana no nanaovan'Andriamanitra ny olona?

Namolavola ny olona avy tamin'ny vovon-tany i Yaveh ary nofofoiny tamin'ny fofon'ain'ny fahavelomana izy.

Nataon'i Yaveh taiza ny olona voalohany?

Tao an-tsaha Edena.

Genesis 2:9

Inona avy ireo hazo roa teo afovoan'ny saha?

Ny hazon'aina sy ny hazon'ny fahalalana ny tsara sy ny ratsy.

Genesis 2:15

Inona no nataon'ny lehilahy tao an-tsaha?

Hihazona sy hikarakara ny saha izy.

Didy inona no nomen'i Yaveh an-dralehilahy momba izay hohanina?

Afaka mihinana malalaka avy amin'ny hazo rehetra any amin'ny saha, afa-tsy ny hazon'ny fahalalana ny tsara sy ratsy ianao.

Inona no nolazain'i Yaveh fa hitranga raha mandika izany didy izany ralehilahy?

Amin'ny andro izay andikan-dralehilahy ny didy, dia ho faty tokoa izy.

Genesis 2:18

Inona no nolazain'i Yaveh fa tsy tsara?

Nilaza izy fa tsy tsara raha irery ralehilahy.

Inona no nasian'i Yaveh anaovan-dralehilahy ny zava-manan'aina rehetra?

Nanome anarana ny zava-manan'aina rehetra ralehilahy.

Iza no tsy hita teo amin'ireo zava-manan'aina rehetra?

Tsy nahitàna namana sahaza azy ralehilahy.

Genesis 2:21

Ahoana no nanaovan'Andriamanitra ny vehivavy?

Nampatory an-dralehilahy ka naka iray tamin'ny taolan-tehezany, ary nanamboatra vehivavy avy amin'ny taolan-tehezana Yaveh.

Nahoana no niantso azy hoe "vehivavy'' ralehilahy?

Satria nalaina avy tamin-dralehilahy izy.

Genesis 2:24

Ahoana no haha-nofo iray ihany ny lehilahy sy vehivavy?

Nikambana tamin-dravehivavy ho vadiny ralehilahy.

Menatra tamin'ny fitanjahan'izy ireo ve ilay lehilahy sy ny vadiny?

Tsia.

Genesis 3

Genesis 3:1

Inona no fanontaniana voalohany izay nanontanian'ilay menarana ilay vehivavy?

Nanontany an-dravehivavy ilay menarana hoe: "Tena nilaza tokoa ve Andriamanitra hoe: 'Tsy azonareo hihinanana ny hazo rehetra ao amin'ny saha?'"

Genesis 3:4

Rehefa niteny ravehivavy fa niteny tamin'izy ireo Andriamanitra fa raha nihinana avy amin'ny hazo eo afovoan'ny saha izy ireo, dia inona no nolazain'ilay menarana?

Hoy ilay menarana: "Tsy ho faty izany ianareo."

Inona no nolazain'ilay menarana fa hanjo ilay lehilahy sy vehivavy raha nihinana ny voankazo izy ireo?

Nilaza ilay menarana fa ho tahaka an'Andriamanitra izy ireo, hahalala ny tsara sy ratsy.

Inona no nahasarika an-dravehivavy tamin'ny voankazo tamin'ilay hazo?

Hitany fa tsara ho hanina izany, nanintona ny maso, ary nampitsiriritra fa mampahendry

Iza no nihinana ilay voankazo?

Nihinana ravehivavy, ary nanome sasany ho an'ny vadiny izay nihinana ihany koa.

Genesis 3:7

Inona no nanjo azy ireo rehefa nihinana ilay voankazo izy ireo?

Rehefa nihinana izy ireo, dia nihiratra ny mason'izy ireo, ka dia fantatr'izy ireo fa nitanjaka izy ireo.

Inona no nataon-dralehilahy sy ravehivavy rehefa tonga tao an-tsaha Andriamanitra?

Niafina an'Andriamanitra izy ireo.

Genesis 3:9

Nahoana no niafina tamin'Andriamanitra ralehilahy rehefa tonga tao an-tsaha Izy?

Niafina ralehilahy satria nitanjaka izy koa dia natahotra.

Genesis 3:12

Iza no nolazain-dralehilahy fa tompon'andraikitra tamin'ny fanomezana ilay voankazo azy?

Nilaza ralehilahy fa ravehivavy no tompon'andraikitra.

Iza no nolazain-dravehivavy fa tompon'andraikitra tamin'ny fanomezana ilay voankazo azy?

Nilaza ravehivavy fa ny menarana no tompon'andraikitra.

Genesis 3:14

Fifandraisana toy ny ahoana no nolazain'i Yaveh fa ataony misy eo amin'ny menarana sy ny vehivavy?

Nilaza Andriamanitra fa hahatonga azy ireo hifankahala Izy.

Genesis 3:16

Ozona inona no nomen'Andriamanitra an-dravehivavy mahakasika ny fiterahana?

Hampitomboin'Andriamanitra ny fanaintainan-dravehivavy amin'ny fiterahana.

Genesis 3:17

Ozona inona no nomen'Andriamanitra an-dralehilahy mahakasika ny asa?

Nanozona ny tany Andriamanitra mba ho amin'ny alalan'ny asa feno fanaintainana no hihinanany avy amin'izany.

Genesis 3:20

Inona no anarana nomen-dralehilahy an-dravehivavy, ary nahoana?

Eva no nataon-dralehilahy anaran-dravehivavy, satria izy no renin'ny manan'aina rehetra.

Nanao inona ho an'i Adama sy Eva Andriamanitra, ary nahoana?

Nanao akanjo hoditra ho azy ireo Andriamanitra mba hotafian'izy ireo.

Genesis 3:22

Nahoana no nilaza Andriamanitra fa tsy afaka mihinana amin'ny hazon'aina Adama ankehitriny?

Nilaza Andriamanitra fa satria efa nahalala ny tsara sy ny ratsy Adama ankehitriny dia tsy afaka mihinana amin'ny hazon'aina, satria ho velona mandrakizay izy.

Inona no nataon'Andriamanitra mba hampitandremana an'i Adama mba tsy hihinana avy amin'ny hazon'aina?

Noroasin'Andriamanitra hiala ny saha ralehilahy ary nametraka kerobima teo mba hiambina ny lalana mankany amin'ny hazon'aina Izy.

Genesis 4

Genesis 4:1

Inona no asa nataon'i Kaina sy Abela?

Niasa tany Kaina, ary mpiandry ondry Abela.

Genesis 4:3

Fanatitra inona no nentin'i Kaina ho an'i Yaveh?

Nitondra sasany tamin'ny vokatry ny taniny Kaina.

Fanatitra inona no nentin'i Abela ho an'i Yaveh?

Nitondra sasany tamin'ny voalohan-teraky ny ondry aman'osiny sy sasany tamin'ny matavy Abela.

Ahoana no navalin'i Yaveh ireo fanatitr'i Kaina sy Abela?

Nankasitrahan'i Yaveh ny fanatitr'i Abela, fa ny fanatitr'i Kaina tsy nankasitrahany.

Ahoana no fihetseham-pon'i Kaina?

Tezitra mafy i Kaina, ary vinitra izy.

Genesis 4:6

Inona no nolazain'i Yaveh an'i Kaina fa tokony hataony mba ho ankasitrahana izy?

Nilaza tamin'i Kaina ny mba hanaovana izay marina Yaveh ary dia ho ankasitrahana izy.

Genesis 4:8

Taty aoriana kely, dia inona no nitranga tamin'i Kaina sy Abela tao an-tsaha?

Nitsangana Kaina ka namono an'i Abela.

Rehefa nanontany an'i Kaina i Yaveh hoe aiza ny rahalahiny, dia inona no nolazain'i Kaina?

Hoy Kaina hoe: "Tsy fantatro. Moa mpiandry ny rahalahiko ve aho?"

Genesis 4:10

Inona no ozon'Andriamanitra tamin'i Kaina?

Ny ozona azon'i Kaina dia hoe tsy hamokatra ny heriny ho azy ny tany, ary ho mpanjenjena sy mpirenireny izy.

Genesis 4:13

Inona no nataon'i Yaveh mba hahazoana antoka fa tsy nisy olona namono an'i Kaina?

Nanisy marika an'i Kaina i Yaveh.

Genesis 4:16

Taiza no nalehan'i Kaina mba hitoerany?

Nonina tany amin'ny tanin'i Noda, any atsinanan'i Edena i Kaina.

Genesis 4:18

Nanambady firy Lameka taranak'i Kaina?

Nanambady roa Lameka.

Genesis 4:23

Inona no nolazain'i Lameka tamin'ireo vadiny fa nataony?

Nilaza tamin'ireo vadiny Lameka fa namono olona izy.

Genesis 4:25

Iza no anaran'ny zanaka lahy hafa izay naterak'i Adama sy Eva?

Nantsoina hoe Seta ny anaran'ny zanaka lahin'i Adama sy Eva hafa.

Inona no nanomboka nataon'ny olona tamin'ny andron'i Enosy zanaka lahin'i Seta?

Nanomboka niantso ny anaran'i Yaveh ny olona.

Genesis 5

Genesis 5:1

Mirakitra ny inona ny toko dimy ao amin'ny Genesisy?

Ny toko dimy ao amin'ny Genesisy dia rakitry ny taranak'i Adama.

Tahaka ny inona no nanaovana ny olombelona?

Natao tahaka an'Andriamanitra ny olombelona.

Lahy sa vavy ny olombelona noharian'Andriamanitra?

Lahy sy vavy ny olombelona noharian'Andriamanitra.

Genesis 5:3

Hafiriana no niveloman'i Adama?

Niaina 930 Adama.

Genesis 5:6

Hafiriana no niveloman'i Seta?

Niaina 912 taona Seta.

Genesis 5:12

Hafiriana no niveloman'i Kenana?

Niaina 910 taona Kenana.

Genesis 5:18

Hafiriana no niveloman'i Jareda?

Niaina 962 taona Jareda.

Genesis 5:21

Inona no fifandraisan'i Enoka tamin'Andriamanitra, ary inona no nahazo azy?

Nandeha niaraka tamin'Andriamanitra Enoka, ka dia naka azy Andriamanitra.

Genesis 5:28

Inona no nolazain'i Lameka momba an'i Noa zanany lahy?

Nilaza Lameka fa hanome fitsaharana ho an'ny olombelona amin'ny asa sy ny asa mafy vokatry ny tany izay nozonin'i Yaveh i Noa.

Genesis 5:32

Iza avy ireo zanaka lahin'i Noa?

Sema, Hama sy Jafeta no zanaka lahin'i Noa.

Genesis 6

Genesis 6:1

Rehefa nitombo tamin'ny tany ny olombelona, dia inona no nataon'ireo zanak'Andriamanitra?

Naka vady ho azy ireo avy amin'ireo zanaka vavin'ny olombelona ireo zanaka lahin'Andriamanitra.

Inona no nolazain'Andriamanitra ankehitriny momba ny halavan'ny fiainan'olombelona?

Nilaza Andriamanitra fa hiaina 120 taona ny olombelona.

Genesis 6:4

Iza ireo lehilahy mahery taloha, dia ireo lehilahy nanana laza?

Ireo goavana iizay teraka tamin'ny fanambadian'ireo zanaka lahin'Andriamanitra tamin'ireo zanakavavin'ny olona no lehilahy mahery taloha.

Genesis 6:5

Inona no hitan'i Yaveh tao am-pon'ny olombelona tamin'ireo andro ireo?

Hitan'i Yaveh fa lehibe ny faharatsian'ny olombelona, ary fa ratsy ny eritreritr'izy ireo.

Genesis 6:7

Inona no notapahan'i Yaveh fa hanaovany ny olombelona?

Nanapa-kevitra ny handringana ny olombelona hiala amin'ny tany Yaveh.

Fa iza no nahita sitraka tamin'i Yaveh?

Noa no nahita sitraka tamin'i Yaveh.

Genesis 6:9

Karazan'olona ahoana i Noa?

Noa dia lehilahy marina, ary tsy nisy tsiny, ary lehilahy izay nandeha niaraka tamin'i Yaveh.

Genesis 6:13

Inona no nolazain'Andriamanitra mba hataon'i Noa mialohan'ny handringanan'Andriamanitra ny olombelona?

Nilaza tamin'i Noa ny mba hanamboarany sambo Andriamanitra.

Genesis 6:16

Ahoana no nolazain'Andriamanitra fa hamotehany ny nofo rehetra izay nisy fofon'aina tao aminy?

Nilaza Andriamanitra fa hitondra safo-drano eny ambonin'ny tany Izy.

Genesis 6:18

Kanefa nanorina ny fanekeny tamin'iza Andriamanitra?

Nanorina ny fanekeny tamin'i Noa Andriamanitra.

Iza no nolazain'Andriamanitra mba ho entin'i Noa ao amin'ny sambo?

Nilaza tamin'i Noa ny hitondrany ny vadiny, ireo zanany telolahy, ary ireo vadin-janany Andriamanitra.

Biby inona no tsy maintsy nentina tao amin'ny sambo mba ho tazonina ho velona?

Roa avy amin'ny karazana zava-manan'aina rehetra, lahy sy vavy, no tsy maintsy nentina tao amin'ny sambo.

Genesis 6:20

Ahoana no namalian'i Noa ireo didin'Andriamanitra?

Nanao ny rehetra nandidian'Andriamanitra i Noa.

Genesis 7

Genesis 7:1

Biby lahy sy vavy fito karazany inona no tsy maintsy nandeha tamin'ny sambo?

Biby lahy sy vavy fito amin'ny biby madio sy vorona no tsy maintsy nandeha tamin'ny sambo.

Genesis 7:4

Hafiriana no nilazan'Andriamanitra fa hitohizan'ny orana amin'ny tany?

Nilaza Andriamanitra fa hitohy mandritra ny efa-polo andro sy efa-polo alina ny orana.

Genesis 7:6

Firy taona Noa rehefa tonga tamin'ny tany ny safo-drano?

Enin-jato taona i Noa tamin'ny fotoana nahatongavan'ny safo-drano teto an-tany.

Genesis 7:8

Ahoana no nitondran'i Noa ireo biby tao anatin'ny sambo?

Tonga teo amin'i Noa ireo biby ka niditra tao amin'ny sambo.

Genesis 7:11

Tamin'ny loharano taiza avy no nipoirann'ny safo-drano?

Nipoitra avy amin'ny lalina tany ambanin'ny tany, ary avy any an-danitra ny rano.

Genesis 7:15

Vao tao anaty sambo ny olona rehetra sy ireo biby, dia iza no nanakatona ny varavarana?

Nakatona ny varavarana Yaveh rehefa tafiditra izy ireo.

Genesis 7:19

Hatraiza ny haavon'ny rano tamin'ny tany?

Nisondrotra dimy ambin'ny folo hakiho tamin'ny tampon'ny tendrombohitra ny rano.

Genesis 7:21

Noho ny safo-drano, dia inona no maty teto ambonin'ny tany?

Ny zava-manan'aina rehetra izay nihetsika teto ambonin'ny tany, sy ny olombelona rehetra, no maty.

Genesis 7:23

Iza ihany ireo olona izay sisa velona teto an-tany?

Noa sy ireo izay niaraka taminy tao amin'ny fiara ihany no velona.

Genesis 8

Genesis 8:1

Ahoana no nanalan'Andriamanitra ny rano?

Nampitsoka rivotra eran'ny tany, nakatona ny loharanon'ny lalina Andriamanitra, ka nitsahatra ny orana.

Genesis 8:4

Tonga taiza no nijanona ny fiara?

Niantsona teo amin'ny tendrombohitr'i Aratata ny fiara.

Genesis 8:8

Inona no nitranga ny andro voalohany nandefasan'i Noa voromailala avy tao amin'ny fiara?

Ny andro voalohany, dia tsy nahita toerana nametrahany ny tongony ilay voromailala ka niverina tany amin'i Noa tao anatin'ilay sambo fiara.

Genesis 8:10

Inona no nitranga ny andro faharoa nandefasan'i Noa voromailala avy tao amin'ny fiara?

Ny andro faharoa, dia niverina niaraka tamin'ny ravin'oliva maitso ilay voromailala.

Inona no nitranga ny andro fahatelo nandefasan'i Noa voromailala avy tao amin'ny fiara?

Ny andro fahatelo, dia tsy niverina teo aminy intsony ilay voromailala.

Genesis 8:13

Inona no hitan'i Noa rehefa nanala ny saron'ny fiara ka nijery tany ivelany izy?

Hitan'i Noa fa maina ny tany.

Genesis 8:15

Taiza no tian'Andriamanitra mba handehanan'ireo zava-manan'aina rehetra sy ataony raha niala tao amin'ny fiara ireo?

Tian'Andriamanitra hamokatra sy hitombo eo ambonin'ny tany ny zava-manan'aina rehetra.

Genesis 8:20

Inona no nataon'i Noa rehefa niala tao amin'ny fiara izy?

Nanamboatra alitara ho an'i Yaveh i Noa ary nanolotra fanatitra dorana teo amin'ny alitara.

Inona avy ireo fampanantenana nataon'Andriamanitra tamin'ny olombelona tamin'izany fotoana izany?

Nampanantena ny tsy hanozona ny tany intsony, ary tsy hamotika ny zava-manan'aina rehetra intsony Andriamanitra.

Inona no nolazain'Andriamanitra fa nironan'ny olona hatramin'ny fahazazana?

Nilaza Andriamanitra fa ratsy hatramin'ny fahazazana ny fironan'ny olona.

Genesis 9

Genesis 9:1

Inona no nolazain'Andriamanitra mba hataon'i Noa sy ireo zanany lahy rehefa niala tao amin'ny fiara izy ireo?

Nilaza tamin'i Noa sy ireo zanany lahy mba hamokatra, hitombo, ary hameno ny tany Andriamanitra.

Genesis 9:3

Inona no nomen'Andriamanitra ho sakafon'i Noa sy ireo zanany lahy?

Nanome ireo zava-maitso sy ny zavatra mihetsika izay niaina ho sakafon'i Noa sy ireo zanany lahy Andriamanitra.

Ahoana no nandidian'Andriamanitra fa tsy hihinanana ny hena?

Nandidy Andriamanitra fa tsy hohanina ny hena raha mbola mandeha rà izany.

Inona no nolazain'Andriamanitra fa ao anatin'ny rà?

Nilaza Andriamanitra fa ao anatin'ny rà no misy ny aina.

Genesis 9:5

Inona no nambaran'Andriamanitra fa sazy noho ny fandatsahana ràn'olona?

Nanambara Andriamanitra fa ny olona izay mandatsaka ràn'olona dia tsy maintsy alatsaka ny ràny.

Tamin'ny endrik'iza no nanaovan'Andriamanitra ny olona?

Nanao ny olona tamin'ny endrik'Andriamanitra Andriamanitra.

Genesis 9:11

Famantarana inona no nomen'Andriamanitra ho fanekena izay nataony tamin'ny tany?

Nametraka avana teny amin'ny rahona ho famantarana ny fanekena izay nataony tamin'ny tany Andriamanitra.

Genesis 9:14

Fampanantenam-panekena inona no nataon'Andriamanitra tamin'ny zavatra rehetra izay miaina eto an-tany?

Nanao fampanantenam-panekena fa tsy handringana ny nofo rehetra amin'ny safo-drano intsony Andriamanitra.

Genesis 9:18

Iza no anaran'ireo zanak'i Noa telolahy?

Sema, Hama ary Jafeta no anaran'ireo zanak'i Noa telolahy.

Genesis 9:20

Inona no nahazo an'i Noa rehefa avy namboly voaloboka izy?

Rehefa avy namboly voaloboka izy, dia nisotro ny sasany tamin'ireo divay ka mamo.

Genesis 9:22

Ahoana no nandrakofan'i Sema sy Jafeta ny fitanjahan'ny rainy?

Nitorona nitondra akanjo i Sema sy Jafeta, raha nitodi-doha, mba handrakotra ny fitanjahan'ny rainy.

Genesis 9:24

Inona no ozona nataon'i Noa tamin'i Hama?

Nanozona an'i Hama i Noa ary nanao hoe: "Ho voahozona anie Kanana. Ho isan'ireo mpanompon'ireo rahalahiny anie izy."

Genesis 9:26

Iza no notahian'i Noa?

Nitahy an'i Sema sy Jafeta i Noa.

Genesis 10

Genesis 10:2

Taorian'ny safo-drano, dia nanomboka niparitaka teto an-tany tao amin'ny fianakaviam-be ny taranak'i Noa, rehefa niely izy ireo, dia nanana ny inony avy ny fianakaviam-be tsirairay?

Rehefa nanomboka niparitaka ireo foko, dia samy nanana ny fiteniny avy ny fianakaviam-be tsirairay.

Genesis 10:8

Tamin'ny inona no nahafantarana an'i Nimroda, taranak'i Hama?

Fantatra ho mpihaza mahery teo anatrehan'i Yaveh i Nimroda.

Iza no tanànan'i Nirmoda voalohany tao amin'ny tany Sinara?

Ny tanànan'i Nirmoda voalohany dia Babela.

Genesis 10:11

Ho fanampin'ny tany Sinara, dia faritra inona ihany koa no nitarin'i Nimroda niaraka tamin'ireo tanàna?

Nanangana ireo tanàna tany Asyria ihany koa Nimroda.

Genesis 10:15

Taranaky ny zanak'i Noa iza i Kanana?

Taranak'i Hama i Kanana.

Genesis 10:19

Taorian'ny safo-drano, dia nanomboka niparitaka teto an-tany tao amin'ny fianakaviam-be ny taranak'i Noa, rehefa niely izy ireo, dia nanana ny inony avy ny fianakaviam-be tsirairay?

Rehefa nanomboka niparitaka ireo foko, dia samy nanana ny fiteniny avy ny fianakaviam-be tsirairay.

Genesis 10:24

Inona no nitranga tamin'ny andron'i Palega, taranak'i Sema?

Tamin'ny andron'i Palega, dia nozaraina ny tany.

Genesis 10:30

Taorian'ny safo-drano, dia nanomboka niparitaka teto an-tany tao amin'ny fianakaviam-be ny taranak'i Noa, rehefa niely izy ireo, dia nanana ny inony avy ny fianakaviam-be tsirairay?

Rehefa nanomboka niparitaka ireo foko, dia samy nanana ny fiteniny avy ny fianakaviam-be tsirairay.

Genesis 10:32

Avy taiza no niavian'ireo izay niely teto an-tany taorian'ny safo-drano?

Avy tamin'ireo fokon'ireo zanaka lahin'i Noa ireo firenena.

Genesis 11

Genesis 11:1

Vao tao aorian'ny safo-drano, dia nisy fiteny firy teto an-tany manontolo?

Vao tao aorian'ny safo-drano, dia teny iray ihany no nisy eran-tany.

Taiza no nananganan'ny olona ny tanàna sy ny tilikambon'izy ireo?

Nanangana ny tanàna sy ny tilikambon'izy ireo tao amin'ny tany Sinara ny olona.

Genesis 11:3

Inona no notapahin'ny olona atao raha tokony hiely maneran-tany araka ny nandidian'Andriamanitra?

Raha tokony hiely maneran-tany araka ny nandidian'Andriamanitra, dia nanapa-kevitra ny hanangana tanàna sy tilikambo ny olona.

Inona no tian'ny olona mba hatao ho azy ireo?

Te hanao anarana ho azy ireo ny olona.

Genesis 11:5

Inona no nidinan'i Yaveh sy nanaovany ny olona?

Nidina Yaveh ka nampifangaro ny fitenin'ny olona.

Nahoana no nanao izany Andriamanitra?

Nampifangaro ny fitenin'izy ireo Andriamanitra mba tsy hifankahazo izy ireo.

Genesis 11:8

Dia nataon'Andriamanitra naninona izany ny olona?

Nahatonga ny olona hiparitaka nanerana ny velaran-tany rehetra, araka ny nandidiany Andriamanitra.

Inona no anaran'ny tanàna izay noezahan'ny olona hatsangana?

Babela no anaran'ilay tanàna.

Genesis 11:10

Taranaky ny zanak'i Noa iza no nomena tato amin'ity toko ity?

Ireo taranak'i Sema, zanak'i Noa, no nomena tato amin'ity toko ity.

Genesis 11:24

Iza no rain'i Abrama?

Tera no rain'i Abrama.

Genesis 11:27

Harana zanak'i Tera dia nanan-janaka lahy dia iza no anarany?

Harana zanak'i Tera dia nanan-janaka lahy nantsoina hoe Lota.

Taiza i Tera no nipetraka?

Nipetraka tany Ora tao Kaldeana i Tera.

Genesis 11:29

Iza no anaran'ny vadin'i Abrama?

Saray no anaran'ny vadin'i Abrama.

Inona no olan'ny vadin'i Abrama?

Momba i Saray vadin'i Abrama ka tsy nanan-janaka.

Genesis 11:31

Nifindra niaraka tamin'i Abrama, Saray, ary Lota taiza i Tera?

Nifindra tany amin'ny tany Kanana niaraka tamin'i Abrama, Saray, ary Lota i Tera.

Genesis 12

Genesis 12:1

Raha mbola nipetraka tany Harana i Abrama, dia inona no nolazain'i Yaveh mba hataon'i Abrama?

Niteny an'i Abrama mba hiala ao amin'ny tokantranon-drainy ka handeha any amin'ny tany izay tiany aseho an'i Abrama i Yaveh.

Fampanantenana inona no nataon'i Yaveh tamin'i Abrama?

Nampanatena i Yaveh fa hitahy an'i Abrama, hanao azy ho firenena lehibe, ary hitahy ny fianakaviany rehetra eto an-tany amin'ny alalany.

Genesis 12:4

Iza no nandeha niaraka tamin'i Abrama?

Nandeha niaraka tamin'i Saray, vadiny, ary Lota, zanaka lahin'ny rahalahiny i Abrama.

Tanàna taiza no nandehanan'i Abrama?

Nandeha nankany amin'ny tany Kanana i Abrama.

Genesis 12:6

Rehefa niseho tamin'i Abrama i Yaveh, dia fampanantenana inona no nataony tamin'i Abrama?

Nampanantena Yaveh fa hitoetra ao Kanana ireo taranak'i Abrama.

Genesis 12:8

Ahoana no nanompoan'i Abrama an'i Yaveh?

Nanamboatra alitara ho an'i Yaveh sy niantso ny anaran'i Yaveh i Abrama.

Genesis 12:10

Niala tao Kanana, dia nandeha nankaiza i Abrama?

Niala tao Kanana, dia nankany Egypta i Abrama.

Inona no nampiahiahy an'i Abrama raha niditra an'i Egypta izy?

Niahiahy Abrama fandrao hamono azy ary haka an'i Saray vadiny ireo Egyptiana satria tsara tarehy izy.

Inona no nasian'i Abrama ho lazain'i Saray ireo Egyptiana momba azy?

Nasian'i Abrama hilaza amin'ireo Egyptiana i Saray fa anabavin'i Abrama izy.

Genesis 12:14

Inona no nitranga tamin'i Saray rehefa niditra an'i Egypta izy ireo?

Nalain'i Farao tao an-tokantranony i Saray.

Genesis 12:17

Inona no nanjo an'i Farao tamin'izany fotoana izany?

Nampahory an'i Farao sy ny ankohonany tamin'ny loza lehibe Yaveh.

Fanontaniana inona no napetrak'i Farao tamin'i Abrama?

Nanontany an'i Abrama i Farao hoe nahoana no nilaza izy fa anabaviny Saray fa tsy vadiny.

Nataon'i Farao inona i Abrama sy Saray?

Nandroaka an'i Abrama sy Saray i Farao.

Genesis 13

Genesis 13:1

Taiza no nandehanan'i Abrama taorian'ny nialany tao Egypta?

Nandeha nankany Negeva i Abrama.

Inona no nentin'i Abrama niaraka taminy?

Nitondra biby maro, sy volafotsy sy volamena marobe i Abrama.

Genesis 13:5

Nahoana no nisy fifandirana teo amin'ireo mpiandry ondrin'i Abrama sy Lota?

Nisy fifandirana teo amin'ireo mpiandry ondrin'i Abrama sy Lota satria tsy nahazaka an'i Abrama sy Lota hiara-hipetraka akaiky miaraka amin'ny fananan'izy ireo rehetra ny tany.

Genesis 13:8

Inona no natolotr'i Abrama mba hatao amin'i Lota?

Nanolotra Abrama fa hifidy izay hitoerany Lota, ka dia hitady ny toerana hitoerana izay nisaraka tamin'i Lota i Abrama.

Genesis 13:10

Taiza no nofidian'i Lota mba hitoerana ary nahoana?

Nifidy ny hifindra niatsinanana mba hitoetra ao amin'ny lemak'i Jordana i Lota satria tsara tondraka tokoa izany.

Genesis 13:12

Dia taiza izany i Abrama no nipetraka?

Nipetraka tany amin'ny tany Kanàna i Abrama.

Karazana olona inona no nipetraka tao Sodoma?

Ireo olon'i Sodoma dia tena mpanota ratsy fanahy manohitra an'i Yaveh.

Genesis 13:14

Tamin'izany fotoana izany, dia inona no nolazain'i Yaveh fa homeny an'i Abrama?

Nampanantena Yaveh fa ny tany rehetra izay hitan'i Abrama teo amin'izay nijoroany dia homena azy.

Genesis 13:16

Taranaka firy no nolazain'i Yaveh fa ho azon'i Abrama?

Nilaza an'i Abrama i Yaveh fa hanan-taranaka maro izay tsy hay isaina, "maro toy ny vovoky ny tany" izy.

Akaikin'ny tanàna inona no nifindran'i Abrama?

Nifindra akaikin'ny tanànan'i Hebrona i Abrama.

Genesis 14

Genesis 14:10

Inona no nitranga tao Sodoma vokatry ny adin'ireo mpanjaka tao amin'ny lohasahan'i Sidima?

Ireo haren'i Sodoma rehetra dia nalaina, ary Lota sy ny fananany rehetra ihany koa dia nalaina.

Genesis 14:13

Inona no nataon'i Abrama rehefa nolazaina izy fa nalaina i Lota?

Nanangona ireo lehilahiny 318 voahofana mba hanenjika azy ireo Abrama.

Genesis 14:15

Akaikin'ny tanàna lehibe inona no niadian'i Abrama tamin'ireo mpanjaka, ary inona no vokatry ny ady?

Niady tamin'ireo mpanjaka teo avaratr'i Damaskosy i Abrama, ary nentiny niverina ireo fananana, i Lota, ary ny olona hafa.

Genesis 14:17

Mpanjaka roa iza avy no nihaona tamin'i Abrama rehefa niverina izy?

Ny mpanjakan'i Sodoma sy Melkizedeka, mpanjakan'i Salema, no nihaona tamin'i Abrama rehefa niverina izy.

Inona no fifandraisan'i Melkizedeka sy Andriamanitra?

Mpisoron'Andriamanitra Avo Indrindra i Melkizedeka.

Inona no nentin'i Melkizedeka niaraka taminy rehefa nihaona tamin'i Abrama izy?

Nitondra mofo sy divay niaraka taminy i Melkizedeka rehefa nihaona tamin'i Abrama izy.

Genesis 14:19

Inona no nolazain'i Melkizedeka tamin'i Abrama?

Nitso-drano an'i Abrama, sy nisaotra an'Andriamanitra Avo Indrindra i Melkizedeka.

Inona no nataon'i Abrama rehefa avy niresaka taminy Melkizedeka?

Nomen'i Abrama azy ny ampahafolon'ny zava-drehetra.

Genesis 14:21

Inona no fifanarahana nataon'ny mpanjakan'i Sodoma tamin'i Abrama?

Nanolotra ny hamela an'i Abrama hitana ny hareny rehetra ny mpanjakan'i Sodoma, raha nanome ny olona ho an'ny mpanjaka i Abrama.

Nahoana no tsy tia tamin'ireo fananana i Abrama?

Nanandra-tanana tamin'i Yaveh, Andriamanitra Avo indrindra Abrama, ary tsy tiany ny mpanjakan'i Sodoma ho afaka milaza fa naha-mpanan-karena an'i Abrama izy.

Ahoana no namalian'i Abrama ny tolotry ny mpanjakan'i Sodoma?

Nilaza Abrama fa tsy tia izay fananana, afa-tsy ny zatovolahy izay nihinana sy nizara ho an'ny lehilahy izay niaraka taminy ihany izy.

Genesis 15

Genesis 15:1

Rehefa niseho tamin'i Abrama i Yaveh, dia fampaherezana inona no nomen'i Yaveh an'i Abrama?

Nilaza tamin'i Abrama mba tsy hatahotra Yaveh, ary fa hoe Izy no ampingan'i Abrama sy valisoa lehibe tokoa.

Inona no natahoran'i Abrama?

Natahotra Abrama satria tsy mbola nanan-janaka izy, ary ny mpitatan-draharahany no mpandova azy.

Genesis 15:4

Iza no nolazain'i Yaveh fa ho mpandova an'i Abrama?

Nilaza Yaveh fa olona avy amin'ny vatan'i Abrama ihany no ho mpandova azy.

Taranaka firy no nolazain'i Yaveh fa ho azon'i Abrama?

Nilaza Yaveh fa hanan-taranaka maro tahaka ny kintana i Abrama.

Genesis 15:6

Ahoana no navalin'i Abrama ny fampanantenan'i Yaveh, dia inona izany no nataon'i Yaveh?

Nino an'i Yaveh i Abrama, ka nisainy ho fahamarinana ho an'i Abrama izany.

Fanontaniana inona no napetrak'i Abrama tamin'i Yaveh momba ny tany?

Nanontany an'i Yaveh i Abrama hoe: "Ahoana no hahafantarako fa handova izany aho?''

Genesis 15:9

Nataon'i Abrama inona izany ireo biby izay nolazaina mba ho entiny?

Notapahin'i Abrama roa ireo biby ary napetrany nifanila avy izany.

Genesis 15:12

Inona no nahazo an'i Abrama rehefa nilentika ny masoandro?

Ary rehefa nilentika ny masoandro, dia latsaka tao anaty tori-maso lalina i Abrama ary nisy aizina lalina sy nampihororo nandifotra azy.

Hafiriana no nolazain'i Yaveh fa haha-andevo sy hahaory ireo taranak'i Abrama?

Nilaza tamin'i Abrama i Yaveh fa ireo taranany dia ho andevozina sy ampahoriana mandritry ny efajato taona.

Genesis 15:14

Inona no nolazain'i Yaveh fa hanjo ny firenena izay nanandevo ireo taranak'i Abrama?

Nilaza Yaveh fa hitsara izany firenena izany Izy.

Ahoana no nolazain'i Yaveh fa hiafaran'ny fiainan'i Abrama?

Nilaza Yaveh fa ho faty am-piadanana amin'ny fahanterany tokoa Abrama.

Inona no hahatratra ny fetrany nialohan'ny niverenan'ireo taranak'i Abrama tany amin'ny tany nampanantenaina azy ireo?

Ny fahotan'ireo Amorita no hahatratra ny fetrany nialohan'ny niverenan'ireo taranak'i Abrama.

Genesis 15:17

Tamin'izany alina izany, dia inona no nitranga teo amin'ireo singan'ireo biby izay nomanin'i Abrama?

Nisy vilany nivoaka setrok'afo sy fanilo nandalo teo anelanelan'ireo singany.

Fanekena inona no nataon'i Yaveh tamin'i Abrama tamin'izany andro izany?

Nanao fanekena tamin'i Abrama i Yaveh fa hanome izany tany izany ho an'ireo taranak'i Abrama Izy.

Genesis 16

Genesis 16:1

Inona no hevitr'i Saray mba hanomezana taranaka an'i Abrama?

Nilaza tamin'i Abrama ny hiarahany mandry amin'ny mpanompony, dia Hagara, i Saray mba hanan-janaka amin'ny alalany izy.

Nisy inona teo amin'i Hagara sy Saray rehefa nitoe-jaza tamin'i Abrama i Hagara?

Rehefa nitoe-jaza Hagara, dia nijery an'i Saray tamin'ny fanamavoana Hagara.

Genesis 16:5

Fitarainana inona no nentin'i Saray tamin'i Abrama, ary ahoana no navalin'i Abrama?

Nitaraina i Saray fa hadisoan'i Abrama izany ka nanao tsinontsinona azy Hagara, ary nilaza tamin'i Saray mba hanao izay noheverina ho tsara ho an'i Hagara i Abrama.

Nataon'i Saray ahoana i Hagara rehefa nitoe-jaza i Hagara, ary inona no nataon'i Hagara?

Nanao fitondrana mafy an'i Hagara i Saray, ka nandositra i Hagara.

Genesis 16:9

Tany an'efitra, dia inona no nolazain'ny anjelin'i Yaveh mba hataon'i Hagara?

Nilaza an'i Hagara ny mba hiverenany any amin'i Saray ary hiaritra ny fahefany ny anjelin'i Yaveh.

Fampanantenana inona no ntaon'ny anjelin'i Yaveh tamin'i Hagara?

Nampanantena an'i Hagara ilay anjely fa ho maro tsy tambo isaina ireo taranany.

Genesis 16:11

Nahoana Hagara no nolazaina mba hiantso ny zanany lahy hoe Ismaela?

Nolazaina mba hiantso ny zanany lahy hoe Ismaela i Hagara satria nandre ny fahoriany Yaveh.

Ahoana no hanaovan'i Ismaela ny olona hafa?

Handrafy ny olona rehetra i Ismaela, ary honina lavitry ny rahalahiny rehetra.

Genesis 16:13

Iza no anarana nomen'i Hagara an'i Yaveh?

Nanome anarana an'i Yaveh hoe "Andriamanitra izay mahita ahy" i Hagara.

Genesis 16:15

Firy taona i Abrama rehefa teraka i Ismaela?

Enina amby valo-polo taona i Abrama rehefa teraka i Ismaela.

Genesis 17

Genesis 17:1

Firy taona i Abrama rehefa niseho taminy indray mba hanamafy ny fanekeny tamin'i Abrama Andriamanitra?

Sivy amby sivifolo taona i Abrama rehefa niseho taminy indray Yaveh.

Didy inona no nomen'i Yaveh an'i Abrama mahakasika ny fomba fiainan'i Abrama?

Nandidy an'i Abrama mba handeha eo anoloany ka tsy hisy tsiny Yaveh.

Genesis 17:3

Novain'i Yaveh ho inona ny anaran'i Abrama, ary inona no dikan'ilay anarana?

Novain'i Yaveh ho Abrahama, izay midika hoe "rain'ny firenena maro" ny anaran'i Abrama.

Genesis 17:7

Inona no nomen'i Yaveh ireo taranak'i Abrahama ho ampahany amin'ny fanekena?

Nanome ny tanin'i Kanana rehetra ho an'ireo taranak'i Abrahama ho ampahany amin'ny fanekena Yaveh.

Inona no nolazain'i Yaveh fa ho fifandraisana eo amin'ireo taranak'i Abrahama sy Yaveh?

Nilaza Yaveh fa ho Andriamanitr'ireo taranak'i Abrahama Izy.

Genesis 17:9

Inona no nandidian'i Yaveh mba hatao ho famantarana ny fanekena teo amin'i Abrahama sy Yaveh?

Nandidy i Yaveh fa foraina ny lahy rehetra mba ho famantarana ny fanekena teo amin'i Abrahama sy Yaveh.

Genesis 17:12

Amin'ny faha-firy taona ny zazakely no tsy maintsy foraina?

Tsy maintsy foraina aorian'ny valo andro ny zazakely.

Inona no tsy maintsy anaovana ireo vahiny izay nankao amin'ny tokantrano iray izay tao amin'ny fanekena tamin'i Yaveh?

Ireo vahiny izay nankao amin'ny tokantrano iray izay tao amin'ny fanekena tamin'i Yaveh ihany koa dia ho foraina.

Inona no hitranga amin'ny lahy izay tsy voafora?

Ny lahy rehetra izay tsy voafora dia hofongorina hiala amin'ny vahoakany satria nandika ny fanekena izy.

Genesis 17:15

Novain'i Yaveh ho iza ny anaran'i Saray?

Novain'i Yaveh ho Saraha ny anaran'i Saray.

Inona no nampanantenan'i Yaveh fa ho avy amin'i Saraha?

Nampanantena Yaveh fa ho avy amin'i Saraha ny zanaka lahin'i Abrahama.

Genesis 17:17

Ahoana no namalian'i Abrahama ny fampanantenan'i Yaveh mahakasika an'i Saraha?

Nihomehy ary nanontany hoe ahoana no hisy zaza hateraky ny lehilahy sy vehivavy izay efa tena antitra Abrahama.

Genesis 17:19

Inona no nolazain'Andriamanitra fa tsy maintsy hiantsoan'i Abrahama ny zanaka lahy izay ho avy amin'i Saraha?

Nilaza Andriamanitra fa tsy maintsy miantso ny zanany lahy hoe Isaka i Abrahama.

Inona no nolazain'Andriamanitra fa haoriny amin'i Isaka?

Nilaza Andriamanitra fa hanorina ny fanekeny amin'i Isaka Izy.

Fampanantenana inona no nataon'Andriamanitra mahakasika an'Ismaela?

Nampanantena fa hitahy an'i Ismaela, mba hampamokatra azy, ary mba hanao azy ho firenena lehibe Andriamanitra.

Genesis 17:24

Rehefa niala teo amin'i Abrahama Andriamanitra, dia inona no nataon'i Abrahama tamin'izany andro izany ihany?

Tamin'izany andro izany ihany, dia namora ireo lahy rehetra tao an-tokantranony i Abrahama.

Firy taona i Ismaela rehefa noforaina izy?

Telo ambin'ny folo taona Ismaela tamin'izy noforaina.

Genesis 18

Genesis 18:1

Raha nipetraka teo antokanam-baravaran'ny lainy Abrahama, dia inona no hitany rehefa niandrandra izy?

Nahita lehilahy telo nitsangana teo amin'ny tandrifiny Abrahama.

Genesis 18:3

Inona no nomen'i Abrahama ireo lehilahy?

Nanome rano mba hisasana, sy sakafo ho an'ireo lehilahy Abrahama.

Genesis 18:9

Taiza Saraha rehefa nanome tsindry mandry ilay vahiny?

Tao an-day i Saraha.

Tsindry mandry inona no nomen'ilay mpitsidika iray mahakasika an'i Saraha?

Ilay mpitsidika iray dia nilaza fa rehefa niverina izy, dia hanan-janaka lahy i Saraha.

Genesis 18:11

Ahoana no namalian'i Saraha ny faminanian'ilay mpitsidika?

Nihomehy ny tenany i Saraha rehefa nandre ny faminanian'ilay mpitsidika izy.

Genesis 18:13

Inona no nolazain'i Yaveh, ilay mpitsidika, momba ny navalin'i Saraha?

Nanontany Yaveh hoe fa nahoana i Saraha no nihomehy, ary nilaza hoe: "Moa misy zavatra sarotra loatra amin'i Yaveh ve?"

Genesis 18:16

Rehefa niala tao an-tranon'i Abrahama ireo lehilahy, dia nandeha nankaiza izy ireo?

Niala tao an-tranon'i Abrahama ireo lehilahy ka nandeha nankany Sodoma.

Fanontaniana inona no napetrak'i Yaveh raha mbola nandeha izy ireo?

Nilaza Yaveh hoe: "Tokony afeniko amin'i Abrahama ve izay ho ataoko?"

Inona no nolazain'i Yaveh fa tsy maintsy ataon'i Abrahama mba ahafahan'i Yaveh manantanteraka ireo fampanantenana nomena an'i Abrahama?

Nilaza Yaveh fa tsy maintsy mampianatra ireo zanany sy ny ankohonany mba hanao ny marina sy ny rariny Abrahama.

Genesis 18:20

Nahoana no nankany Sodoma ireo lehilahy?

Nankany Sodoma ireo lehilahy satria lehibe loatra ny fitarainana ny amin'i Sodoma sy Gomora, ary te hahita izy ireo raha ratsy tahaka ny fitarainana ireo tanàna.

Genesis 18:22

Raha nijoro niaraka tamin'i Yaveh i Abrahama, dia fanontaniana inona no napetrany tamin'i Yaveh?

Nanontany Abrahama hoe: "Hifaoka ny marina miaraka amin'ny ratsy fanahy ve Ianao?"

Genesis 18:24

Inona no nolazain'i Yaveh fa hataony raha misy dimampolo marina ao amin'ny tanàna?

Nilaza Yaveh fa hiantra ny toerana manontolo nohon'ny amin'izy ireo.

Genesis 18:27

Inona no nolazain'i Yaveh fa hataony raha misy dimy amby efapolo marina ao amin'ny tanàna?

Nilaza Yaveh fa hiantra ny toerana manontolo nohon'ny amin'izy ireo.

Genesis 18:29

Inona no nolazain'i Yaveh fa hataony raha misy efapolo marina ao amin'ny tanàna?

Nilaza Yaveh fa hiantra ny toerana manontolo nohon'ny amin'izy ireo.

Inona no nolazain'i Yaveh fa hataony raha misy telopolo marina ao amin'ny tanàna?

Nilaza Yaveh fa hiantra ny toerana manontolo nohon'ny amin'izy ireo.

Inona no nolazain'i Yaveh fa hataony raha misy dimy roapolo marina ao amin'ny tanàna?

Nilaza Yaveh fa hiantra ny toerana manontolo nohon'ny amin'izy ireo.

Genesis 18:32

Inona no nolazain'i Yaveh fa hataony raha misy folo marina ao amin'ny tanàna?

Nilaza Yaveh fa hiantra ny toerana manontolo nohon'ny amin'izy ireo.

Genesis 19

Genesis 19:1

Rehefa nahita ireo anjely roa nankany Sodoma i Lota, dia inona no natolony azy ireo?

Nanolotra Lota mba hitoetra ao an-tranony izy ireo mandritra ny alina, ary dia handeha izy ireo ny maraina.

Inona no navalin'ireo anjely an'i Lota?

Nilaza ireo anjely fa handany ny alina any amin'ny kianjan'ny tanàna izy ireo.

Rehefa niangavy mafy i Lota, dia taiza ihany no notapahan'ireo anjely fa handaniana ny alina?

Farany, dia niaraka tamin'i Lota tany an-tranony nandritra ny alina ireo anjely.

Genesis 19:4

Inona no tian'ireo lehilahin'ny tanàna izay nanodidina ny tranon'i Lota mba hataon'i Lota?

Tian'ireo lehilahy hamoaka ireo lehilahy roa izay nitsidika azy i Lota, mba ahafahan'izy ireo miara-mandry amin'izy ireo.

Genesis 19:6

Inona kosa no fifanarahana nataon'i Lota tamin'ireo lehilahin'ny tanàna?

Nanolotra ireo zanany roavavy tamin'ireo lehilahin'ny tanàna ho solon'ireo mpitsidika roa i Lota.

Genesis 19:9

Ahoana no namalian'ireo lehilahy ny tolotr'i Lota?

Nilaza tamin'i Lota ireo lehilahy mba hijanona aoriana ary efa hamotika ny varavarana izy ireo.

Genesis 19:10

Dia inona izany no nataon'ireo anjely?

Nisintona an'i Lota hiditra ao an-trano ary namely ireo lehilahy tany ivelany tamin'ny hajambana ireo anjely.

Genesis 19:12

Inona no nolazain'ireo anjely fa nanirahan'i Yaveh azy ireo?

Nilaza ireo anjely fa nirahina mba handrava ny tanàna izy ireo.

Genesis 19:14

Ahoana no navalin'ireo vinanto lahin'i Lota rehefa niteny tamin'izy ireo mba ho haingana sy hiala an'i Sodoma Lota satria efa ho ravana izany?

Nihevitra ireo vinanto lahin'i Lota fa nivazivazy i Lota.

Rehefa nangiran-dratsy ny andro, dia inona no nolazain'ireo anjely mba hataon'i Lota?

Nilaza an'i Lota mba hitondra ny vadiny sy ireo zanany vavy ary hiala ao amin'ny tanàna ireo anjely.

Genesis 19:16

Nahoana no nitondra an'i Lota sy ny fianakaviany tamin'ny tanan'izy ireo hivoaka ny tanàna ireo anjely, na dia nitaredretra aza i Lota?

Nandefa azy ireo nivoaka ny tanàna ireo anjely satria feno indra-fo tamin'izy ireo Yaveh.

Baiko inona no nomen'ireo anjely an'i Lota rehefa tany ivelan'ny tanàna izy ireo?

Nilaza an'i Lota sy ny fianakaviany mba handositra ho an'ny ain'izy ireo ary tsy hitodika ireo anjely.

Genesis 19:21

Taiza no navelan'ilay anjely mba handosiran'i Lota sy ny fianakaviany?

Navela handositra tany amin'ny tanàna kely antsoina hoe Zoara i Lota sy ny fianakaviany.

Genesis 19:23

Inona no nataon'i Yaveh rehefa tonga tany Zoara i Lota?

Nandatsaka solifara sy afo avy tany an-danitra tamin'i Sodoma sy Gomora i Yaveh.

Genesis 19:26

Inona no nataon'ny vadin'i Lota ary inona no nanjo azy?

Niherika ny vadin'i Lota, ka tonga vongan-tsira izy.

Inona no hitan'i Abrahama vao maraim-be raha nijery tany amin'ny tany lemaka izy?

Nahita setroka niakatra avy tamin'ny tany tahaka ny setrokin'ny lafaoro lehibe Abrahama.

Genesis 19:30

Dia taiza izany no nifindran'i Lota ary nahoana?

Dia nifindra tany amin'ireo tendrombohitra i Lota satria natahotra ny hipetraka tao Zoara izy.

Genesis 19:31

Inona no tetik'ireo zanaka vavin'i Lota ny amin'ny rainy?

Nitetika ny hahamamo ny rainy ireo zanaka vavin'i Lota, avy eo dia handry hiaraka aminy mba hanan-janaka izy ireo.

Genesis 19:36

Vondron'olona iza avy no avy amin'ireo zanaka vavin'i Lota?

Ny vondron'olona Moabita sy Amonita no avy amin'ireo zanaka vavin'i Lota.

Genesis 20

Genesis 20:1

Inona no nolazain'i Abrahama momba an'i Saraha raha nipetraka tao Gerara izy?

Nilaza Abrahama fa anabaviny Saraha.

Inona no nolazain'Andriamanitra tamin'i Abimeleka taorian'ny nakany an'i Saraha?

Tonga tamin'i Abimeleka tamin'ny nofy Andriamanitra ary nilaza taminy fa lehilahy maty izy satria naka vadin'olona izy.

Genesis 20:4

Inona no nolazain'i Abimeleka tamin'Andriamantra fa nolazain'i Abrahama sy Saraha azy?

Nilaza tamin'Andriamanitra i Abimeleka fa nilaza an'i Saraha ho anabaviny i Abrahama, ary nilaza an'i Abrahama ho anadahiny i Saraha.

Genesis 20:6

Inona no nolazain'Andriamanitra mba hataon'i Abimeleka, ary inona no nolazain'Andriamanitra fa hitranga raha tsy nanao izany izy?

Nilaza tamin'i Abimeleka mba hamerina an'i Saraha any amin'i Abrahama Andriamanitra; raha tsy izany, dia ho faty izy sy ny vahoakany rehetra.

Genesis 20:8

Ahoana no navalin'ireo lehilahin'i Abimeleka rehefa ren'izy ireo izay nolazain'Andriamanitra tamin'i Abimeleka?

Natahotra mafy ireo lehilahin'i Abimeleka rehefa ren'izy ireo izay nolazain'Andriamanitra taminy.

Genesis 20:10

Nahoana no nilaza Abrahama fa tsy maintsy nilaza tamin'i Abimeleka izy fa anabaviny Saraha?

Nilaza izany Abrahama satria natahotra izy fandrao hamono azy noho i Saraha i Abimeleka.

Inona no tena maha-anabavin'i Abrahama an'i Saraha?

Zanaka vavin'ny rainy, fa tsy zanaky ny reniny i Saraha.

Genesis 20:15

Biby sy olona inona no nomen'i Abimeleka an'i Abrahama?

Nanome ondry sy omby, andevo vavy sy lahy ho an'i Abrahama i Abimeleka.

Inona no antony nanomezan'i Abimeleka an'i Saraha ary nahoana no nanome volafotsy arivo ny anadahiny izy?

Nilaza tamin'i Saraha i Abimeleka fa nanome volafotsy arivo ho an'ny anadahiny izy mba ho tampimaso amin'ny fandikan-dalàna natao tamin'i Saraha teo imason'ireo olon-drehetra izay niaraka tamin'i Saraha, sy teo anatrehan'ny olona rehetra.

Genesis 20:17

Inona no nitranga rehefa nivavaka tamin'Andriamanitra ho an'i Abimeleka sy ny vahoakany i Abrahama?

Nanasitrana an'i Abimeleka, ny vadiny, ary ireo andevo vaviny mba hafahan'izy ireo mahazo zanaka Andriamanitra.

Genesis 21

Genesis 21:1

Inona no nataon'i Yaveh ho an'i Saraha?

Nitsidika an'i Saraha i Yaveh ka niteraka zaza lahy ho an'i Abrahama tamin'ny fotoana nampanantenaina izy.

Rehefa valo andro Isaka, dia inona no nataon'i Abrahama?

Rehefa valo andro Isaka, dia namora azy Abrahama.

Genesis 21:5

Inona no nolazain'i Saraha fa nanaovan'Andriamanitra azy?

Nilaza Saraha fa nampihomehy azy Andriamanitra.

Genesis 21:8

Tamin'ny andro nanasarahi-nono an'i Isaka, dia inona no hitan'i Saraha?

Nahita ny zanaka lahin'i Hagara naneso azy i Saraha.

Genesis 21:10

Inona no nolazain'i Saraha mba hanaovan'i Abrahama an'i Hagara sy ny zanany lahy, ary nahoana?

Nilaza tamin'i Abrahama mba handroaka an'i Hagara sy ny zanany lahy i Saraha, satria tsy handova miaraka amin'i Isaka ny zanak'i Hagara.

Inona no fihetsik'i Abrahama tamin'ny fangatahan'i Saraha?

Ory tamin'ny fangatahan'i Saraha i Abrahama.

Genesis 21:12

Inona no nolazain'Andriamanitra mba hataon'i Abrahama?

Nilaza an'i Abrahama mba hihaino an'i Saraha Andriamanitra.

Genesis 21:14

Taiza no nalehan'i Hagara sy ny zanany rehefa noroasin'i Abrahama izy ireo?

Nankany an'efitra i Hagara sy ny zanany.

Genesis 21:17

Inona no nolazain'Andriamanitra tamin'i Hagara fa hataony ho an'ny zanany?

Nilaza Andriamanitra fa hanao ny zanak'i Hagara ho firenena lehibe Izy.

Genesis 21:19

Ahoana no niveloman'i Hagara sy ny zanany?

Nampahiratra ny mason'i Hagara Andriamanitra ka nahita fantsakana izy.

Inona no nanjo ny zanak'i Hagara raha nitombo izy?

Lasa mpandefa tsipìka ny zanak'i Hagara ary nahita vady ho azy tany Egypta ny reniny.

Genesis 21:22

Inona no tian'i Abrahama hianianan'i Abimeleka mba hatao ho azy?

Tian'i Abimeleka hianiana Abrahama mba tsy hanao ratsy amin'i Abimeleka, na ny zanany, na ny taranany. Nangataka an'i Abrahama mba haneho azy ny fahatokisam-panekena izay nasehon'i Abimeleka tamin'i Abrahama aminy ihany izy.

Genesis 21:25

Inona no nitarainan'i Abrahama tamin'i Abimeleka?

Nitarana tamin'i Abimeleka momba ny fantsakan-drano izay nalain'ny mpanompon'i Abimeleka an-keriny taminy i Abrahama.

Genesis 21:28

Nahoana no nandefa zanak'ondrivavy fito tany amin'i Abimeleka i Abrahama?

Nandefa zanak'ondrivavy fito tany amin'i Abimeleka ho vavolombelona fa efa nangady ny fantsakana izy.

Genesis 21:31

Tany amin'ny tany taiza no niverenan'i Abimeleka?

Niverina tany amin'ny tanin'ireo Filistina i Abimeleka.

Genesis 21:33

Inona no nataon'i Abrahama teo amin'ny hazo voamadilo tao Beri-sheba?

Nanompo an'i Yaveh, ilay Andriamanitra mandrakizay Abrahama.

Nitoetra taiza nandritra ny andro maro Abrahama?

Nitoetra andro maro tany amin'ny tanin'ny Filistina i Abrahama.

Genesis 22

Genesis 22:1

Fitsapana inona no nataon'Andriamanitra an'i Abrahama?

Nilaza tamin'i Abrahama mba handeha any amin'ny tanin'ny Moria sy hanolotra an'i Isaka ho fanatitra dorana Andriamanitra.

Ahoana no namalian'i Abrahama ny didin'Andriamanitra?

Nifoha maraim-be i Abrahama ary nanainga ho any amin'ny toerana izay nolazain'Andriamanitra azy.

Genesis 22:4

Inona no nolazain'i Abrahama tamin'ireo tovolahy roa fa ataon'izy sy Isaka?

Nilaza ireo tovolahy roa i Abrahama fa handeha hanompo ary dia hiverina izy sy Isaka.

Genesis 22:7

Fanontaniana inona no napetrak'i Isaka tamin'i Abrahama raha niara-nandeha izy ireo?

Nanontany an'i Abrahama i Isaka hoe: "Aiza ilay ondry ho atao fanatitra dorana?"

Ahoana no namalian'i Abrahama ny fanontanian'i Isaka?

Nilaza Abrahama fa Andriamanitra mihitsy no hamatsy ilay ondry ho atao fanatitra dorana.

Genesis 22:9

Rehefa tonga teo amin'ilay toerana izy ireo, dia inona no nomanin'i Abrahama ho fanatitra dorana ary ahoana no nanaovany izany?

Nanomana an'Isaka ho fanatitra dorana tamin'ny famatorana azy sy fampandriana azy teo amin'ny alitara Abrahama.

Genesis 22:11

Rehefa naka ny antsy teny an-tanany Abrahama, dia inona no nolazain'ilay anjelin'i Yaveh tamin'i Abrahama?

Nilaza tamin'i Abrahama mba tsy handratra an'Isaka ilay anjelin'i Yaveh.

Inona no nolazain'ilay anjely fa fantany momba an'i Abrahama ankehitriny?

Nilaza ilay anjely fa fantany ankehitriny fa matahotra an'Andriamanitra i Abrahama.

Genesis 22:13

Dia ahoana izany no namatsian'Andriamanitra fanatitra dorana ho an'i Abrahama?

Nisy ondry lahy nisaringotra tamin'ireo kirihitra tao aorian'i Abrahama, ka izay no nataon'i Abrahama fanatitra dorana.

Inona no niantsoan'i Abrahama ilay toerana nanaovana ny fanatitra dorana?

Niantso ilay toerana hoe: "Yaveh no hamatsy" Abrahama.

Genesis 22:15

Inona no antony nanomezan'ilay anjelin'i Yaveh fitahiana an'i Abrahama?

Nilaza ilay anjelin'i Yaveh fa hitahy an'i Abrahama izy satria tsy niaro ny zanany lahy tokana i Abrahama.

Genesis 22:18

Tamin'ny alalan'iza ary nahoana no hitahiana ireo firenena rehetra eto an-tany?

Amin'ny alalan'ny taranak'i Abrahama no hitahiana ireo firenena rehetra eto an-tany, satria nankatoa ny feon'ny anjelin'i Yaveh i Abrahama.

Genesis 23

Genesis 23:1

Inona no nataon'i Abrahama voalohany rehefa maty Saraha?

Rehefa maty Saraha, dia nisaona sy nitomany azy aloha Abrahama.

Genesis 23:3

Inona no fangatahana nataon'i Abrahama tamin'ireo zanak'i Heta?

Nangataka tany mba atao toerana fandevenana i Abrahama.

Genesis 23:5

Ahoana no navalin'ireo zanak'i Heta ny fangatahan'i Abrahama?

Nanolotra ireo voafantina indrindra tamin'ny fasan'izy ireo an'i Abrahama ireo zanak'i Heta.

Genesis 23:10

Rehefa nangataka ny lava-baton'i Efrona Hetita atao fasana i Abrahama, dia inona no navalin'i Efrona?

Nanolotra ny hanome ny lava-bato ary ny saha akaikin'izany ho an'i Abrahama i Efrona.

Genesis 23:12

Ahoana no navalin'i Abrahama ny tolotr'i Efrona?

Nanolotra ny hividy ny saha sy ny lava-bato Abrahama.

Genesis 23:14

Ahoana no navalin'i Efrona ny tolotr'i Abrahama?

Nangataka sekely volafotsy efajato ho vidin'ny saha sy ny lava-bato i Efrona.

Ahoana no niafaran'ny resak'i Abrahama sy Efrona?

Nandoa sekely volafotsy efajato tamin'i Efrona ho vidin'ny sombin-tany Abrahama.

Genesis 23:17

Inona no tafiditra tao amin'ny vidin'ny sahan'i Efrona izay tao Makpela?

Ny saha, ny lava-bato izay tao amin'izany, ary ny hazo rehetra izay tao an-tsaha ary ny sisintany rehetra manodidina izany no tafiditra tao amin'ny vidin'ny sahan'i Efrona.

Genesis 23:19

Dia inona izany no nanaovan'i Abrahama ilay lava-bato?

Dia nandevina an'i Saraha tao amin'ilay lava-bato Abrahama.

Genesis 24

Genesis 24:1

Nasian'i Abrahama nianiana inona ny mpanompony zokiny indrindra?

Nasian'i Abrahama nianiana ny mpanompony zokiny indrindra fa hanome vady ho an'i Isaka avy amin'ireo havan'i Abrahama izy.

Genesis 24:5

Inona no nisisian'i Abrahama mba tsy hataon'ny mpanompony amin'Isaka?

Nisisika Abrahama mba tsy hamerina an'i Isaka any amin'ny tany izay nihavian'i Abrahama izy.

Genesis 24:12

Inona no nangatahan'ny mpanompon'i Abrahama mba hataon'Andriamanitra mba hanehoana azy izay vehivavy nofidian'Andriamanitra ho an'Isaka?

Nangataka ilay mpanompo fa ny vehivavy izay nangatahiny mba hampidina ny sininy mba haka rano no hanao tahaka izany ary hanome rano ny ramevany ihany koa.

Genesis 24:15

Inona no fifandraisan'i Rebeka sy Abrahama?

Zafikelin'i Nahora, rahalahin'i Abrahama i Rebeka.

Genesis 24:17

Inona no nataon'i Rebeka rehefa nangataka ny hisotro rano ny mpanompon'i Abrahama?

Nanome rano ho an'ilay mpanompo i Rebeka.

Genesis 24:19

Inona no nolazain'i Rebeka rehefa avy nanome rano hosotroin'ilay mpanompo izy?

Rehefa avy nanome rano hosotroin'ilay mpanompo i Rebeka dia hoy izy: "Hisintomako rano ihany koa ireo ramevanao, ambara-pisotron'izy ireo hatramin'ny farany.''

Genesis 24:26

Inona no nataon'ilay mpanompo rehefa reny fa havan'i Abrahama i Rebeka ary afaka mandany ny alina miaraka amin'ny fianakaviany izy?

Nidera an'i Yaveh ilay mpanompo ary nisaotra Azy.

Genesis 24:31

Inona no nataon'i Labana rehefa nihaona tamin'ilay mpanompon'i Abrahama izy?

Nanasa ilay mpanompon'i Abrahama mba hitoetra ao an-tranony i Labana.

Genesis 24:33

Inona no nisisihan'ilay mpanompon'i Abrahama mba hatao mialohan'ny isakafoanany?

Nisisika ny hilaza ny antony nahatongavany ilay mpanompon'i Abrahama nialohan'ny nisakafoanany.

Genesis 24:39

Ahoana no nilazan'i Abrahama fa hampahombiazan'i Yaveh ny lalan'ny mpanompony?

Nilaza Abrahama fa haniraka anjely hiaraka amin'ilay mpanompo mba hampahomby ny lalany Yaveh.

Genesis 24:47

Inona no nomen'ilay mpanompo an'i Rebeka rehefa reny fa havan'i Abrahama izy?

Nanome kavin'orona volamena sy rojo ho an'ny sandriny an'i Rebeka ilay mpanompon'i Abrahama.

Genesis 24:50

Ahoana no navalin'i Labana sy Betoela ilay mpanompon'i Abrahama rehefa nanontany azy ireo izay tian'izy ireo atao amin'i Rebeka izy?

Namaly Labana sy Betoela fa tokony haka an'i Rebeka ilay mpanompo ary handeha, mba ho lasa vadin'ny zanak'i Abrahama i Rebeka.

Genesis 24:52

Inona no nataon'ilay mpanompon'i Abrahama rehefa reny ny valintenin'i Labana sy Betoela?

Niankohoka tamin'i Yaveh ary nanome fanomezana ho an'i Rebeka sy ho an'ny anadahiny sy ny reniny ilay mpanompo.

Genesis 24:54

Rehefa nifoha ny ampitso maraina izy ireo, dia inona no tian'ny anadahin'i Rebeka sy ny reniny mba hataon'ilay mpanompo?

Rehefa nifoha ny ampitso maraina izy ireo, dia tian'izy ireo hijanona niaraka tamin'izy ireo folo andro farafahakeliny ilay mpanompon'i Abrahama.

Genesis 24:56

Rehefa nilaza ilay mpanompon'i Abrahama fa te handeha teo noho eo izy, dia inona no nolazain'i Rebeka fa tiany atao?

Nilaza Rebeka fa te handeha hiaraka amin'ilay mpanompo izy.

Genesis 24:59

Tso-drano inona no nomen'ny fianakavian'i Rebeka azy raha niala niaraka amin'ilay mpanompon'i Abrahama izy?

Nitso-drano azy ny fianakavian'i Rebeka mba ho renin'ny aman'arivony sy aman'aliny anie izy, ary hanana ny vavahadin'ireo izay mankahala azy ireo anie ireo taranany.

Genesis 24:63

Inona no nataon'i Isaka rehefa tonga tao an-tranony i Rebeka?

Tany ivelan'ny saha nivavaka i Isaka.

Inona no nataon' Rebeka rehefa nahita an'Isaka izy?

Rehefa nahita an'Isaka izy, dia nitsambikina nidina avy teo amin'ny rameva ary nanarona ny tenany tamin'ny voaly.

Genesis 24:66

Inona no nataon'Isaka rehefa avy nitantara ny zavatra rehetra izay nataony ilay mpanompon'i Abrahama?

Nitondra an'i Rebeka tao amin'ny lain'i Saraha reniny ary naka an'i Rebeka ho vadiny i Isaka.

Genesis 25

Genesis 25:1

Inona no nataon'i Abrahama rehefa maty Saraha vadiny?

Naka vady hafa nantsoina hoe Ketora i Abrahama.

Genesis 25:5

Ahoana no nizaran'i Abrahama ny hareny?

Nomen'i Abrahama fanomezana ireo zanaka lahin'ny vaditsindranony, ary nanome ny rehetra izay nananany ho an'Isaka izy.

Genesis 25:7

Firy taona no niainan'i Abrahama?

Niaina dimy amby fitopolo amby zato taona i Abrahama.

Genesis 25:9

Iza no nandevina an'i Abrahama?

Isaka sy Ismaela no nandevina an'i Abrahama.

Genesis 25:17

Ahoana niara-niainan'ireo zanaka lahin'i Ismaela roa ambin'ny folo?

Niaina tamin'ny fifankahalana ireo zanaka lahin'i Ismaela roa ambin'ny folo.

Genesis 25:21

Inona no nataon'Isaka satria tsy nanan-janaka i Rebeka?

Nivavaka tamin'i Yaveh ho an'ny vadiny Isaka, ary namaly ny fivavany Yaveh, ka nitoe-jaza Rebeka.

Genesis 25:23

Inona no nolazain'i Yaveh mahakasika ireo zanaka roa niady tao an-kibon'i Rebeka?

Nilaza Yaveh fa firenena roa no ao an-kibony, ny vahoaka iray dia mafimafy kokoa noho ilay hafa, ary ny zokiny dia hanompo ny zandriny.

Genesis 25:24

Iza no teraka voalohany, ary tahaka ny inona izy?

Esao no teraka voalohany, ary mena tanteraka toy ny lamba voloina izy.

Iza no teraka faharoa, ary inona no nataony rehefa teraka izy?

Jakoba no teraka faharoa, ary nihazona ny voditongotr'i Esao izy.

Genesis 25:27

Lehilahy tahaka ny ahoana i Esao?

Mpihaza mahay Esao sady lehilahy tantsaha.

Lehilahy tahaka ny ahoana i Jakoba?

Lehilahy tsy be teny izay nandany ny fotoany tao an-day Jakoba.

Iza no tian'Isaka, ary iza no tian'i Rebeka?

Esao no tian'i Isaka, ary Jakoba no tian'i Rebeka.

Genesis 25:29

Iza ihany koa no anaran'i Esao?

Edoma ihany koa no anaran'i Esao hafa.

Genesis 25:31

Inona no nangatahan'i Jakoba ho solon'ny hanina mena izay tian'i Esao ho hanina satria noana izy?

Nangataka ny fizokian'i Esao ho solon'ny hanina mena i Jakoba.

Inona no navalin'i Esao ny tolotr'i Jakoba?

Nianiana fianianana sy nivarotra ny fizokiany tamin'i Jakoba i Esao.

Nataon'i Esao ahoana ny fizokiany rehefa namaly ny tolotr'i Jakoba tahaka izany izy?

Nanao tsinontsinona ny fizokiany i Esao rehefa namaly ny tolotr'i Jakoba tahaka izany izy.

Genesis 26

Genesis 26:1

Nahoana no nifindra tany amin'ny tanànan'i Gerara izay naha-mpanjakan'ny Filistina an'i Abimeleka i Isaka?

Nifindra tany Gerara Isaka satria nisy mosary tao amin'ny tany.

Genesis 26:2

Inona no nolazain'i Yaveh tamin'Isaka nialohan'ny nifindrany tany Gerara?

Nilaza tamin'Isaka mba tsy hifindra any Egypta Yaveh, ary mba hitoetra ao amin'ny tany izay holazainy an'i Isaka.

Inona no nolazain'i Yaveh tamin'i Isaka momba ny fianianana nianian'i Yaveh tamin'i Abrahama rainy?

Nilaza tamin'Isaka izay hanatanterahany ny fianianana izay nianian'i Yaveh tamin'i Abrahama Izy.

Genesis 26:4

Nahoana Yaveh no nilaza fa hanao izany Izy?

Nilaza Yaveh fa andeha hanao izany Izy satria nankatoa ny feony Abrahama ary nitandrina ny baikony, ny didiny, ny fitsipiny, ary ny lalàny.

Genesis 26:6

Inona no nolazain'Isaka tamin'ireo lehilahin'i Gerara momba an'i Rebeka, vadiny?

Nilaza tamin'ireo lehilahin'i Gerara Isaka fa anabaviny i Rebeka.

Genesis 26:9

Amin'i Abimeleka, dia inona no afaka nitondra heloka tamin'ny vahoaka noho ny laingan'i Isaka?

Noho ny laingan'i Isaka, dia afaka niray ara-nofo tamin'i Rebeka ary nitondra heloka tamin'ny vahoaka ny olona.

Didy inona no nomen'i Abimeleka mahakasika an'i Rebeka?

Nandidy Abimeleka fa ny olona izay nikasika an'i Rebeka dia ho vonoina.

Genesis 26:15

Inona no antony nomen'i Abimeleka mba hangatahana ny hifindran'i Isaka hiala amin'ireo Filistina?

Nilaza an'i Isaka mba hifindra hiala amin'ireo Filistina Abimeleka satria hoy izy: "...satria mahery lavitra noho izahay ianao."

Genesis 26:18

Nahoana no tsy maintsy nihady ireo lava-drano izay nohadian'izy ireo tamin'ny andron'i Abrahama i Isaka?

Tsy maintsy nihady ireo lava-drano izay nohadian'izy ireo tamin'ny andron'i Abrahama i Isaka satria natsahatr'ireo Filistina taorian'ny nahafatesan'i Abrahama ireo.

Genesis 26:21

Inona no anarana nomen'Isaka ny lava-drano izay tsy nifandiran'ireo mpiandry ondrin'i Gerara taminy?

Nanome anarana ilay lava-drano, izay tsy nifandiran'ireo mpiandry ondrin'i Gerara taminy, hoe Rehobota i Isaka.

Genesis 26:23

Inona no nolazain'i Yaveh tamin'Isaka indray rehefa niseho tamin'i Isaka tao Beri-sheba Izy?

Nilaza indray Yaveh fa hitahy an'i Isaka ary hampitombo ny taranany Izy.

Genesis 26:28

Fanekena inona no tian'i Abimeleka hatao amin'i Isaka, ary nahoana?

Te hanao fanekena i Abimeleka fa tsy hisy hanao ratsy ny hafa ny andaniny sy ny ankilany, satria hitany fa nomba an'Isaka i Yaveh.

Genesis 26:30

Ahoana no navalin'Isaka ny fangatahan'i Abimeleka mba hanao fanekena eo amin'izy ireo?

Nanao lanonana Isaka, ka nifampianiana fianianana izy ireo.

Genesis 26:34

Avy amin'ny vondron'olona iza avy ireo vadin'i Esao roa?

Avy amin'ireo Hetita ireo vadin'i Esao roa.

Ahoana no fifandraisan'ireo vadin'i Esao sy Isaka ary Rebeka?

Nampitondra fahoriana an'i Isaka sy Rebeka ireo vadin'i Esao.

Genesis 27

Genesis 27:1

Rehefa antitra Isaka, dia inona no tsy vitany intsony?

Rehefa antitra Isaka, dia tsy nahita intsony izy.

Genesis 27:3

Inona no nangatahan'i Isaka mba hataon'i Esao, ary nahoana?

Nangataka an'i Esao mba handeha hihaza sy hanao karazana sakafo izay tiany Isaka, mba ahafahany mihinana izany ka hitahiany an'i Esao.

Genesis 27:8

Inona no tetik'i Rebeka mba hanomezana sakafo an'i Isaka, ary nahoana?

Nilaza an'i Jakoba mba haka osy roa Rebeka ary hanao sakafo izay tian'i Isaka izy, mba ahafahan'i Jakoba mitondra izany any amin'i Isaka sy handraisany ny tso-drano.

Genesis 27:11

Inona no nampiahiahy an'i Jakoba amin'ny fitondrana ny sakafo any amin'i Isaka?

Niahiahy Jakoba fa lehilahy voloina i Esao fa izy lehilahy malama, ka hikasika azy Isaka dia ho fantany fa mpamitaka i Jakoba ka hanozona azy izy.

Genesis 27:15

Ahoana no namahan'i Rebeka ny olan'i Esao hoe lehilahy voloina, sy Jakoba hoe lehilahy malama?

Nampanao ny akanjon'i Esao an'i Jakoba i Rebeka ary nametraka hoditr'osy tamin'ny tanany sy ny vozony.

Genesis 27:20

Rehefa nanontany Isaka, dia ahoana no nolazain'i Jakoba fa nahitany izany vetivety teo?

Nilaza Jakoba fa Yaveh, Andriamanitr'Isaka, no nitondra izany taminy.

Genesis 27:22

Satria tsy nahazo antoka izy, dia ahoana no niezahan'i Isaka namantatra hoe iza no nanome sakafo ho azy?

Nikasika an'i Jakoba teo amin'ny tanany Isaka ka nahatsapa ireo hoditr'osy voloina izy.

Genesis 27:24

Inona no nolazain'i Jakoba rehefa nanontany Isaka hoe: "Tena Esao zanako marina ve ianao?"

Nilaza Jakoba hoe: "Izaho tokoa."

Genesis 27:26

Inona no nandresi-lahatra an'i Isaka ny farany fa ny olona nitondra ny sakafo dia Esao?

Rehefa nanatona an'i Isaka i Jakoba mba hanoroka azy, dia ren'i Isaka ny fofon'akanjon'i Esao.

Genesis 27:29

Iza no nolazain'i Isaka fa hiankohoka eo amin'i Jakoba?

Nilaza Isaka fa hiankohoka eo amin'i Jakoba ireo firenena ary fa hiankohoka eo aminy ireo zanaka lahin'ny renin'i Jakoba.

Genesis 27:30

Inona no nataon'i Esao rehefa avy niala tao amin'ny lain'Isaka i Jakoba?

Niditra avy any am-pihazana Esao, nanomana sakafo, ary nitondra izany teo amin'i Isaka.

Genesis 27:34

Inona no nolazain'Isaka rehefa nangata-tso-drano avy tamin'i Isaka i Esao?

Nilaza Isaka fa naka ny tso-dranon'i Esao tamim-pitaka i Jakoba.

Genesis 27:36

Tamin'ny fomba roa inona no nolazain'i Esao fa namitahan'i Jakoba azy?

Nilaza Esao fa namitaka azy tamin'ny fizokiany sy tamin'ny tso-dranony Jakoba.

Genesis 27:39

Inona no "tso-drano" izay nomen'i Isaka an'i Esao?

Nilaza Isaka fa hipetraka lavitra ny tany lonaka Esao, fa hanompo ny rahalahiny izy, nefa hikomy hanohitra azy izy ny farany ka hanala ny ziogan'i Jakoba.

Genesis 27:41

Inona no notapahan'i Esao mba hatao aorian'ny fahafatesan'Isaka?

Nanapa-kevitra ny hamono an'i Jakoba i Esao aorian'ny fahafatesan'Isaka.

Genesis 27:43

Inona no nataon'i Rebeka rehefa reny ireo tetik'i Esao?

Nandefa an'i Jakoba tany amin'i Labana, anadahiny, tany Harana i Rebeka.

Genesis 28

Genesis 28:1

Didy inona no nomen'i Isaka an'i Jakoba nialohan'ny nandehanany?

Nandidy an'i Jakoba mba tsy haka vady Kananita Isaka.

Taiza no nolazain'Isaka hangalan'i Jakoba vady?

Nilaza an'i Jakoba mba haka vady avy amin'ireo zanaka vavin'i Labana, anadahin'i Rebeka i Isaka.

Genesis 28:3

Ny tso-dranon'iza no nangatahin'i Isaka an'Andriamanitra mba homena an'i Jakoba?

Nangataka an'Andriamanitra mba hanome ny tso-dranon'i Abrahama ho an'i Jakoba i Isaka.

Genesis 28:8

Avy taiza no nakan'i Esao ny iray tamin'ireo vadiny rehefa hitany fa tsy nankasitrahan'Isaka ireo vehivavy Kananita?

Naka vady iray avy amin'ireo zanaka vavin'i Ismaela, zanak'i Abrahama i Esao.

Genesis 28:12

Inona no hitan'i Jakoba tao anatin'ny nofiny raha teny an-dalana ho any Harana izy?

Nahita tohatra teto an-tany mankany amin'ny lanitra niaraka tamin'ireo anjely niakatra sy nidina tamin'izany, ary Yaveh nitsangana teo ambonin'izany Jakoba.

Inona no nolazain'i Yaveh momba ny tany izany nandrian'i Jakoba?

Nilaza Yaveh fa ny tany izay nandrian'i Jakoba dia homena azy sy ireo taranany.

Ny tso-dranon'iza no nomen'i Yaveh an'i Jakoba?

Nomen'i Yaveh an'i Jakoba ny tso-dranon'i Abrahama.

Genesis 28:16

Inona no nolazain'i Jakoba momba ny toerana izay nonofisiny?

Nilaza Jakoba fa ilay toerana dia tranon'Andriamanitra sy vavahadin'ny lanitra.

Genesis 28:18

Inona no anarana nomen'i Jakoba ilay toerana izay nonofisiny?

Nantsoin'i Jakoba hoe Betela ilay toerana.

Genesis 28:20

Inona no nolazain'i Jakoba fa tsy maintsy ataon'i Yaveh mba ho Andriamaniny i Yaveh?

Nilaza Jakoba fa tsy maintsy momba azy sy miaro azy amin'ny lalany mba hiverenany soa aman-tsara any an-tranon-drainy Yaveh.

Inona no nampanantenain'i Jakoba mba homena an'i Yaveh raha nanao ireo zavatra rehetra ireo ho azy Yaveh?

Nampanantena ny hamerina ny ampahafolon'ny zavatra rehetra nomen'i Yaveh an'i Jakoba ho an'i Yaveh i Jakoba.

Genesis 29

Genesis 29:4

Avy aiza ireo lehilahy izay niresahan'i Jakoba?

Avy any Harana ireo lehilahy.

Iza ihany koa no nankeo amin'ny lava-drano niaraka tamin'ireo andian'ondry?

Rahely, zanaka vavin'i Labana, ihany koa dia tonga teo amin'ny lava-drano niaraka tamin'ireo andian'ondry.

Genesis 29:9

Inona no nataon'i Jakoba ho an'ny ondrin'i Labana?

Nanakodia ny vato teo amin'ny vavan'ny fantsakana, ka nampisotro rano ny ondry aman'osy i Jakoba.

Genesis 29:11

Inona no nolazain'i Jakoba an'i Rahely, ary dia inona no nataony?

Nilaza tamin'i Rahely i Jakoba fa havan-drainy izy, dia nihazazaka i Rahely ka nilaza tamin-drainy.

Genesis 29:13

Ahoana no nataon'i Labana rehefa nandre momba ny fahatongavan'i Jakoba izy?

Nihazakazaka mba hitsena an'i Jakoba i Labana, namihina azy, nanoroka azy, ary nitondra azy tany an-tranony.

Genesis 29:15

Soritsorito ireo zanak'i Labana roavavy.

Lea no zanany zokiny ary nalefa-pijery izy, raha i Rahely kosa no zandriny ary tsara bika sy tarahy izy.

Inona no fifanarahana nataon'i Labana sy Jakoba mahakasika ny asan'i Jakoba?

Nanaiky izy ireo fa hanompo an'i Labana fito taona hahazoana an'i Rahely i Jakoba.

Genesis 29:19

Nahoana no tahaka ny andro vitsy monja ho an'i Jakoba ireo asa fito taona?

Ny fito taonan'ny asa dia tahaka ny andro vitsy monja ho an'i Jakoba nohon'ny fitiavan'i Jakoba an'i Rahely.

Genesis 29:23

Ahoana no nametsen'i Labana an'i Jakoba?

Nanome an'i Lea ho an'i Jakoba, ho solon'i Rahely, ny alin'ny fanambadiana i Labana.

Iza no nomen'i Labana an'i Lea, ho mpanompony?

Nanome an'i Zilpa mpanompo vaviny an'i Lea zanany vavy i Labana, mba ho mpanompony.

Genesis 29:26

Nahoana no nilaza i Labana fa nametsy an'i Jakoba izy?

Nilaza Labana fa tsy fomban'izy ireo ny manome ny zanaka vavy zandriny ho amin'ny fanambadiana mialohan'ny vavimatoa.

Inona no fifanarahana nataon'i Labana sy Jakoba izany mahakasika ny asan'i Labana?

Nifanaraka izy ireo fa hanompo an'i Labana fito taona indray i Jakoba ho solon'i Rahely.

Genesis 29:28

Iza no nomen'i Labana an'i Rahely, ho mpanompony?

Nanome an'i Bila ho an'i Rahely zanany vavy, mba ho mpanompony i Labana.

Genesis 29:31

Inona no nataon'i Yaveh rehefa hitany fa tsy tia an'i Lea i Jakoba?

Nataon'i Yaveh nitoe-jaza i Lea, fa momba kosa i Rahely.

Inona no nantenain'i Lea fa hitranga raha niteraka zazalahy ho an'i Jakoba izy?

Nanantena i Lea fa ho tia azy i Jakoba raha niteraka zazalahy ho azy izy.

Iza no anaran'ny zanaka lahimatoan'i Lea?

Ny anaran'ny zanaka lahimatoan'i Lea dia Robena.

Genesis 29:35

Inona no nolazain'i Lea rehefa niteraka an'i Joda izy?

Rehefa niteraka an'i Joda izy dia hoy Lea: "Ankehitriny dia hidera an'i Yaveh aho."

Genesis 30

Genesis 30:1

Amin'i Jakoba, nahoana no tsy niteraka i Rahely?

Amin'i Jakoba, dia Andriamanitra no nihazona an'i Rahely tsy hanan-janaka.

Genesis 30:3

Inona no nataon'i Rahely mba hananany zanaka?

Nomen'i Rahely an'i Jakoba i Bila mpanompony mba ahafahany manome anaka ho an'i Rahely.

Genesis 30:7

Nahoana no nilaza Rahely fa nandresy an'i Lea rahavaviny izy?

Nilaza Rahely fa nandresy an'i Lea rahavaviny izy satria niteraka zaza roalahy ho an'i Jakoba i Bila mpanompony.

Genesis 30:9

Inona no nataon'i Lea rehefa hitany fa nijanona tsy nanan-janaka izy?

Nanome an'i Zilpa mpanompony ho an'i Jakoba i Lea mba ahafahany miteraka anaka ho an'i Lea.

Inona no nahatonga an'i Lea hilaza hoe: "Vintana ity!"?

Nilaza Lea hoe: "Vintana ity!" satria niteraka zazalahy ho an'i Jakoba i Zilpa mpanompony.

Genesis 30:14

Inona no natolotr'i Rahely an'i Lea ho solon'ny dodaiman'ny zanany lahy?

Ho solon'ny dodaiman'i Robena, dia nanolotra ny hamela an'i Lea hiara-mandry amin'i Jakoba izany alina izany Rahely.

Genesis 30:19

Firy ny zanaka lahin'i Lea naterany ho an'i Jakoba?

Niteraka enin-dahy ho an'i Jakoba i Lea.

Genesis 30:22

Inona no nahatonga an'i Rahely hilaza fa niala ny fahamenarany?

Rehefa niteraka zazalahy ho an'i Jakoba i Rahely, dia nilaza izy fa nesorina ny fahamenarany.

Genesis 30:25

Inona no fangatahana nataon'i Jakoba tamin'i Labana rehefa teraka i Josefa?

Nangataka Jakoba ny mba hamelan'i Labana an'i Jakoba handeha hiaraka amin'ny fianakaviany ho any amin'ny tranony sy ny tanànany.

Genesis 30:27

Nahoana no tsy te hamela an'i Jakoba handeha i Labana?

Nisikidy Labana fa nitahy azy noho ny amin'i Jakoba i Yaveh.

Genesis 30:31

Karama inona no azon'i Jakoba tamin'ny asany ho an'i Labana?

Naka ny ondry pentipetina, sada ary izay mainty, sy ireo osy sada sy pentipetina avy amin'ny ondry aman'osin'i Laba izay notanany i Jakoba.

Genesis 30:35

Ahoana no namitahan'i Labana an'i Jakoba mahakasika ny karaman'i Jakoba?

Nanala ireo biby izay tian'i Jakoba alaina aloha i Labana, nialohan'ny nanomezany ny ondry aman'osy hotanan'i Jakoba.

Genesis 30:37

Karazana tapa-kazo inona no novoasan'i Jakoba fotsy taminy?

Namaofy ny fotsy tamin'ireo rantsan-kazo popola maitso, amygdala, ary hazo planata i Jakoba.

Nataon'i Jakoba inona ireo tapa-kazo voavofy?

Nametraka ireo tapa-kazo izay novoasany teo anoloan'ireo biby fiompy, teo anoloan'ireo tavy fisotroana rano izay nandehanan'ireo hisotro Jakoba.

Genesis 30:39

Inona no nitranga rehefa niteraka teo anoloan'ireo tapa-kazo ireo biby fiompy?

Rehefa niteraka teo anoloan'ireo tapa-kazo ireo biby fiompy dia namokatra zanaka sadika, sada, ary pentipentina ireo.

Genesis 30:41

Inona no vokatry ny namahanan'i Jakoba ireo biby?

Ny vokatr'izany dia osa ny biby fiompin'i Labana, fa natanjaka kosa ny biby fiompin'i Jakoba.

Genesis 31

Genesis 31:1

Avy taiza no ninoan'i Labana sy ireo zanany lahy fa nahazoan'i Jakoba ny hareny rehetra?

Nino Labana sy ireo zanany lahy fa nahazo ny hareny rehetra avy amin'ireo fananan'i Labana i Jakoba.

Inona no baiko nomen'i Yaveh an'i Jakoba?

Nibaiko an'i Jakoba mba hiverina any amin'ny tanin'ireo razambeny sy ireo havany i Yaveh.

Genesis 31:7

Ahoana no nakan'Andriamanitra ny biby fiompin'i Labana sy nanomezany ireo ho an'i Jakoba?

Nataon'Andriamanitra ho sadika, sy pentipentina ny zanak'ireo biby izay karaman'i Jakoba.

Genesis 31:14

Inona no fihetsik'i Rahely sy Lea tamin'i Labana rain'izy ireo?

Nilaza Rahely sy Lea fa nitondra azy ireo toy ny vahiny i Labana ary nandany ny volan'izy ireo.

Genesis 31:19

Inona no nataon'i Rahely nialohan'ny nandehanany niaraka tamin'i Jakoba?

Nangalatra ireo sampin-drainy i Rahely.

Ahoana no namitahan'i Jakoba an'i Labana tamin'izany fotoana izany?

Namitaka an'i Labana i Jakoba tamin'ny tsy nitenenany fa andeha hoe andeha izy.

Genesis 31:22

Inona no nataon'i Labana rehefa nolazaina izy fa nitsoaka i Jakoba?

Naka ireo havany ary nanaraka an'i Jakoba, ary nahatratra azy taorian'ny fito andro i Labana.

Genesis 31:24

Inona no nolazain'Andriamanitra tamin'i Labana tao amin'ny nofy?

Nilaza an'i Labana mba tsy hiteny tsara na ratsy amin'i Jakoba Andriamanitra.

Genesis 31:31

Nahoana no nilaza Jakoba fa nandositra an'i Labana an-tsokosoko izy?

Nilaza Jakoba fa nandositra an'i Labana an-tsokosoko izy satria natahotra izy fandrao halain'i Labana aminy an-keriny ireo zanany vavy.

Inona no nolazain'i Jakoba rehefa niampanga azy ho nangalatra ny sampiny Labana?

Nilaza Jakoba fa izay nangalatra ny sampiny dia tsy hihaina intsony.

Genesis 31:34

Nahoana no tsy hitan'i Labana teo amin'ireo fananan'i Jakoba ny sampiny?

Tsy hitan'i Labana ny sampiny satria nipetrahan'i Rahely ireo ka dia nilaza izy fa tsy afaka ny hitsangana satria tonga fadim-bolana izy.

Genesis 31:41

Hafiriana no niasan'i Jakoba ho an'i Labana, ary impiry no nanova ny karamany i Labana?

Niasa ho an'i Labana roapolo taona i Jakoba, ary nanova ny karamany impolo i Labana.

Genesis 31:43

Ahoana no nanehoan'i Labana fa mbola nihevitra ireo fananan'i Jakoba ho azy izy?

Nilaza Labana fa ny rehetra izay hitany fa fananan'i Jakoba dia azy.

Genesis 31:45

Ahoana no nanamarihan'i Jakoba sy Labana ny toerana tamin'ny faneken'izy ireo?

Nanamarika ny toeran'ny faneken'izy ireo tamin'ny fanaovana antontam-bato teo i Jakoba sy Labana.

Genesis 31:48

Iza no nambara ho vavolombelona teo amin'i Jakoba sy Labana mba hanamarina fa notanana ny fanekena?

Andriamanitra no nambara ho vavolombelona teo amin'i Jakoba sy Labana mba hanamarina fa notanana ny fanekena.

Genesis 31:51

Natao inona ny antontam-bato sy ny tsangam-bato?

Ny antontam-bato sy ny tsangam-bato dia samy vavolombelon'ny fanekena izay nilaza fa na Labana na Jakoba dia tsy hihoatra ny antontam-bato sy ny tsangam-bato mba hifandratra.

Fanekena inona no nataon'i Jakoba sy Labana?

Nifanaiky ny tsy hihoatra ny antontam-bato mba hanisy ratsy ny hafa i Jakoba sy Labana.

Inona no nataon'i Jakoba mba hanehoana fa nanakaiky ilay fanekena izy?

Mba hanehoana fa nanaiky an'i Labana momba ny fanekena dia nianianan tamin'Andriamanitra, izay natahoran'Isaka rainy i Jakoba.

Genesis 31:54

Inona no nataon'i Labana ny ampitso maraina?

Nifoha Labana, nanoroka ireo zafikeliny sy ireo zanany vavy, nitso-drano azy ireo, ary niverina nody.

Genesis 32

Genesis 32:3

Nandefa hafatra tamin'iza i Jakoba raha tamin'ny lalany mankany Kanana izy?

Nandefa hafatra tany amin'i Esao rahalahiny i Jakoba raha tamin'ny lalany mankany Kanana izy.

Inona no antony nandefan'i Jakoba izany hafatra izany?

Te hahita fitia eo imason'i Esao i Jakoba.

Genesis 32:6

Inona no fihetsik'i Jakoba rehefa reny fa tonga niaraka tamin'ny efajato lahy Esao, ary inona no nataony?

Natahotra Jakoba, koa nizara ny olony tao anaty antoko roa izy amin'izay raha nanafika ny antoko iray Esao, dia handositra ny antoko iray.

Genesis 32:11

Inona no nangatahin'i Jakoba tamin'i Yaveh?

Nangataka tamin'i Yaveh mba hanafaka azy amin'ny tanan'i Esao i Jakoba.

Fampanantenana inona no nampahatsiahivin'i Jakoba an'i Yaveh?

Nampahatsiahy an'i Yaveh i Jakoba fa nampanantena ny hanambina an'i Jakoba, ary hanao ny taranany ho tahaka ny fasi-dranomasina Izy.

Genesis 32:19

Inona no noheverin'i Jakoba fa afaka tanterahiny tamin'ny fandefasana fanomezana ho an'i Esao rahalahiny?

Nihevitra Jakoba fa angamba afaka hampitony an'i Esao amin'ireo fanomezana izay nalefany ho an'i Esao mba any aoriana kely, rehefa nahita azy Jakoba, dia handray azy Esao.

Genesis 32:22

Ahoana no nahatonga an'i Jakoba ho tavela irery tamin'izany alina izany?

Nitondra ireo vadiny, ireo mpanompo vaviny, ireo zanany niampita ny fitàn'i Jaboka izy.

Genesis 32:24

Inona no nataon'i Jakoba tamin'izany alina izany mandra-parain'ny andro?

Nitolona tamin'ny lehilahy iray mandra-parain'ny andro Jakoba.

Inona no nataon'ilay lehilahy rehefa tsy nahavita nandresy an'i Jakoba izy?

Novelesin'ilay lehilahy ny foto-pen'i Jakoba ka nopitsohiny izany.

Inona no nangatahan'i Jakoba nialohan'ny namelany ilay lehilahy mba handeha?

Nangataka ilay lehilahy mba hitso-drano azy i Jakoba.

Genesis 32:27

Inona no nolazain'ilay lehilahy tamin'i Jakoba fa ho lasa anarany?

Nilaza ilay lehilahy fa ho Israely ny anaran'i Jakoba ankehitriny.

Genesis 32:29

Iza no nolazain'i Jakoba fa hitany nifanatri-tava tamin'izany alina izany?

Nilaza Jakoba fa nahita an'Andriamanitra nifanatri-tava tamin'izany alina izany izy.

Genesis 32:31

Olana ara-batana inona no azon'i Jakoba taorian'izany alina izany?

Nandringa noho ny feny i Jakoba taorian'izany alina izany.

Genesis 33

Genesis 33:1

Raha nankany amin'i Jakoba i Esao, dia ahoana no nandaharan'i Jakoba ireo vadiny tao aoriany?

Nametraka ireo mpanompo vavy aloha i Jakoba, avy eo Lea, ary avy eo Rahely.

Inona no nataon'i Jakoba raha nanatona ny rahalahiny izy?

Niankohoka tamin'ny tany impito i Jakoba raha nanatona ny rahalahiny izy.

Genesis 33:4

Inona no nataon'i Esao rehefa tonga teo amin'ny rahalahiny izy?

Nihazakazaka Esao hitsena an'i Jakoba, namihina azy, nisakambina ny tendany, ary nanoroka azy.

Genesis 33:9

Inona no nolazain'i Esao mba hanaovan'i Jakoba ireo fanomezana izay nalefany ho an'i Esao mialoha?

Nilaza an'i Jakoba mba hihazona ireo ho azy i Esao, satria efa nanana ny ampy izy.

Antony roa inona avy no nomen'i Jakoba an'i Esao mba hanekeny ireo fanomezany?

Nilaza Jakoba fa satria efa nanome fahasoavana azy Andriamanitra, ary satria nanana ny ampy izy, dia tokony hanaiky ireo fanomezany i Esao.

Genesis 33:12

Nahoana no nilaza Jakoba fa tiany handeha hialoha Esao, raha andeha moramora kokoa izy?

Nilaza Jakoba fa tiany handeha hialoha Esao satria ho faty ireo biby fiompy raha mandeha mafy izy ireo.

Taiza no nolazain'i Jakoba fa handehanany hitondrany ny fianakaviany sy ny biby fiompiny?

Nilaza i Jakoba fa handeha hitondra ny fianakaviany sy ny biby fiompiny any amin'i Esao any Seira izy.

Genesis 33:15

Taiza no nalehan'i Jakoba, taiza no nananganany trano ho azy?

Nandeha tany Sokota i Jakoba, ary tao no nananganany trano ho azy.

Genesis 33:18

Taiza no nalehan'i Jakoba, izay nividianany ampahan-tany?

Nandeha nankany Sekema i Jakoba, ary tany no nividianany ampahan-tany.

Genesis 34

Genesis 34:1

Inona no nataon'i Sekema, zanaka lahin'i Hamora, rehefa nahita an'i Dina, zanaka vavin'i Lea izy?

Nisambotra an'i Dina, naka an-keriny azy, ary nanery azy hiara-nandry taminy i Sekema.

Genesis 34:4

Inona no nataon'i Jakoba voalohany rehefa nandre ny momba izay nitranga tamin'i Dina izy?

Nitazona ny fahanginany mandra-pahatongan'ireo zanany lahy avy any an-tsaha i Jakoba.

Genesis 34:6

Inona no fihetsik'ireo zanaka lahin'i Davida rehefa ren'izy ireo izay nataon'i Sekema tamin'i Dina?

Tezitra mafy ireo zanaka lahin'i Davida.

Genesis 34:8

Inona no no tian'i Hamora, rain'i Sekema, mba hataon'i Jakoba?

Tian'i Hamora hanome an'i Dina ho an'i Sekema ho vadiny i Jakoba, ary mba hamela ny fianakavian'i Jakoba mba hifanambady amin'ny fianakavian'i Hamora.

Genesis 34:11

Inona no nolazain'i Sekema fa tiany hatao mba hahazoany an'i Dina ho vadiny?

Nilaza Sekema fa handoa sandan'ny vady lehibe araka izay tenenin'i Jakoba izy.

Ahoana no namalian'ireo zanaka lahin'i Jakoba an'i Sekema, ary nahoana?

Namaly am-pitaka an'i Sekema ireo zanaka lahin'i Jakoba, satria nandoto an'i Dina anabavin'izy ireo i Sekema.

Genesis 34:14

Inona no notakian'ireo zanaka lahin'i Jakoba mba hatao amin'i Hamora mialohan'ny haneken'izy ireo ny hifanambady amin'ny fianakavian'i Hamora?

Nitaky ireo zanaka lahin'i Jakoba fa ireo lahy rehetra amin'ny fianakavian'i Hamora dia tsy maintsy foraina.

Genesis 34:22

Rehefa niresaka tamin'ireo lehilahin'ny tanànan'izy ireo, dia inona no nolazain'i Hamora sy Sekema fa ho azy ireo raha nifanambady amin'ny fianakavian'i Jakoba izy ireo?

Nilaza izy ireo fa ho azy ireo ny biby fiompin'i Jakoba, ny fananany, ary ireo biby raha nifanambady amin'ny fianakavian'i Jakoba izy ireo.

Genesis 34:24

Ahoana no navalin'ireo lehilahin'ny tanànan'i Hamora rehefa nanontaniana raha te ho foraina izy ireo?

Nihaino an'i Hamora sy Sekema ireo lehilahin'ny tanànan'i Hamora ka noforaina ny lehilahy rehetra.

Inona no nataon'i Simeona sy Levy tamin'ny andro fahatelo taorian'ny namorana ireo lahy tamin'ny fianakavian'i Hamora?

Namono ny lahy rehetra tao amin'ny tanànan'i Hamora i Simeona sy Levy.

Genesis 34:27

Dia inona izany no nataon'ireo zanaka lahin'i Jakoba rehetra?

Nambabo ny tanàna ireo zanaka lahin'i Jakoba rehetra, naka ny harena rehetra, ary naka ireo zaza sy ireo vady.

Genesis 34:30

Ahoana no navalin'i Jakoba rehefa fantany ny momba izay nataon'i Simeona sy Levy?

Nilaza Jakoba fa nitondra olana ho azy i Simeona sy Levy satria mety hamotika azy sy ny ankohonany ireo mponin'ny tany.

Nahoana no nilaza i Simeona sy Levy fa tsy maintsy nanao izany izy ireo?

Nilaza Simeona sy Levy fa nanao izany izy ireo satria nitondra ny anabavin'izy ireo tahaka ny vehivavy janga i sekema.

Genesis 35

Genesis 35:1

Inona no nolazain'Andriamanitra mba halehan'i Jakoba sy hataony?

Nilaza tamin'i Jakoba mba handeha any Betela ary hanangana alitara ho an'Andriamanitra Andriamanitra.

Dia inona izany no nolazain'i Jakoba mba hataon'ny olona tao amin'ny ankohonany?

Nilaza azy ireo mba hanala ny andriamanin-kafan'izy ireo, mba hanadio ny tenan'izy ireo, ary mba hanolo ny akanjon'izy ireo Jakoba.

Genesis 35:4

Raha nandeha izy ireo, dia nahoana no tsy nanenjika azy ireo ny vahoakan'ireo tanàna nanodidina an'i Jakoba sy ny ankohonany?

Tsy nanenjika azy ireo ny vahoakan'ireo tanàna nanodidina an'i Jakoba sy ny ankohonany satria natahotra an'Andriamanitra izy ireo.

Genesis 35:6

Nahoana no niantso ilay toerana nalehan'izy ireo hoe "El-betela" Jakoba?

Niantso izany hoe "El-betela" Jakoba satria izany no toerana izay nambaran'Andriamanitra tamin'i Jakoba rehefa nandositra an'i Esao i Jakoba.

Genesis 35:9

Anarana vaovao inona no nomen'Andriamanitra an'i Jakoba?

Nomen'Andriamanitra anarana vaovao hoe Israely i Jakoba.

Genesis 35:11

Fampanantenana inona no naverin'Andriamanitra nolazaina tamin'i Jakoba indray?

Namerina nilaza indray ny fampanantenana Andriamanitra fa ho lasa fikambanam-pirenena miaraka amin'ireo mpanjaka eo amin'ireo taranany i Jakoba, ary fa homena azy sy ireo taranany ny tany nampanantenain'Andriamanitra an'i Abrahama sy Isaka.

Genesis 35:16

Inona no nahazo an'i Rahely nandritra ny fiterahany an'i Benjamina?

Maty teo am-piterahana an'i Benjamina i Rahely.

Genesis 35:21

Nandre momba ny zavatra inona izay nataon'i Robena i Israely?

Nandre Israely fa niara-nandry tamin'i Bila, vaditsindranon'Israely i Robena.

Firy ireo zanaka lahin'i Jakoba?

Nanan-janaka lahy roambin'ny folo i Jakoba.

Genesis 35:23

Iza tamin'ireo zanaka lahin'i Jakoba no naterak'i Rahely?

Josefa sy Benjamina no naterak'i Rahely.

Genesis 35:28

Firy taona no niveloman'Isaka?

Niaina valopolo amby zato taona Isaka.

Iza no nandevina an'Isaka?

Esao sy Jakoba no nandevina an'Isaka.

Genesis 36

Genesis 36:1

Tamin'ny anarana hafa inona no niantsoana ireo taranak'i Esao?

Nantsoina ihany koa hoe Edoma ireo taranak'i Esao.

Avy taiza no nakan'i Esao ireo vadiny?

Naka ireo vadiny avy amin'ireo Kananita i Esao.

Genesis 36:6

Nahoana no nifindra niala an'i Jakoba rahalahiny i Esao?

Nifindra niala an'i Jakoba rahalahiny i Esao satria tsy nahazaka azy roa ireo niaraka ny tany satria maro loatra ny fananan'izy ireo.

Taiza no nitoeran'i Esao?

Nitoetra teo amin'ny tany havoan'i Seira i Esao.

Genesis 36:9

Iza no anaran'ny zanaka lahy naterak'i Timna, vaditsindranon'i Elifaza zanaka lahimatoan'i Esao?

Ny anaran'ny zanaka lahy naterak'i Timna dia Amaleka.

Genesis 36:20

Iza no rain'ireo mponin'ny tany izay nipetrahan'i Edoma?

Seira ilay Horita no rain'ireo mponin'ny tany izay nipetrahan'i Edoma.

Genesis 36:31

Inona no azon'ny vahoakan'i Edoma talohan'ny nahazoan'Israely azy ireo?

Nanana ireo mpanjaka talohan'ny mpanjaka nanjaka tamin'ireo Israelita ny vahoakan'i Edoma.

Genesis 36:40

Iza no rain'ireo Edomita?

Esao no rain'ireo Edomita.

Genesis 37

Genesis 37:1

Taiza no nonenan'i Jakoba mba hiainany?

Nonina tany amin'ny tany Kanana i Jakoba.

Inona no nentin'i Josefa ho an'i Jakoba rainy raha niambina ny ondry aman'osy niaraka tamin'ireo rahalahiny izy?

Nitondra tatitra ratsy momba ireo rahalahiny i Josefa.

Genesis 37:3

Ahoana no nanehoan'Israely fa tiany mihoatra noho ireo zanany lahy hafa i Josefa?

Nanamboaran'i Israely tohitena raitra i Josefa.

Inona no noheverin'ireo rahalahin'i Josefa ny amin'ny Josefa?

Nankahala azy ireo rahalahin'i Josefa ka tsy niresaka tamim-pitiavana taminy izy ireo.

Genesis 37:7

Inona no hitan'i Josefa tao amin'ny nofiny voalohany?

Nahita ny amboaram-bariny nijoro mahitsy i Josefa raha niankohoka teo anatrehan'ny amboarany ny amboaran'ireo rahalahiny.

Inona no noheverin'ireo rahalahin'i Josefa momba an'i Josefa rehefa avy nitantara tamin'izy ireo momba ny nofiny voalohany izy?

Nankahala azy bebe kokoa aza ireo rahalahin'i Josefa.

Genesis 37:9

Inona no hitan'i Josefa tao amin'ny nofiny faharoa?

Nahita ny masoandro sy ny volana ary ny kintana iraika ambin'ny folo niankohoka teo aminy i Josefa.

Tao amin'ny nofin'i Josefa faharoa, dia nanambara inona ny masoandro, ny volana, ary ny kintana iraika ambin'ny folo?

Ny masoandro, ny volana, ary ny kintana iraika ambin'ny folo dia nanambara ny rain'i Josefa, ny reniny, ary ireo rahalahiny.

Genesis 37:12

Inona no nandefasan'i Jakoba an'i Josefa tany ivelan'ny lohasahan'i Hebrona mba hataony?

Nandefa an'i Josefa tany ivelan'ny lohasahan'i Hebrona mba hijery raha salama ireo rahalahiny, ary hitondra ny teniny i Jakoba.

Genesis 37:18

Inona no notetehan'ireo rahalahin'i Josefa mba hatao rehefa nahita an'i Josefa tamy izy ireo?

Nikasa ny hamono an'i Josefa sy hanipy azy ao amin'ny iray amin'ireo lavaka ireo rahalahin'i Josefa.

Genesis 37:21

Toro-hevitra inona no nomen'i Robena ireo rahalahiny, ary nahoana?

Nanoro-hevitra i Robena fa hanipy an'i Josefa ao anaty lavaka ihany ireo rahalahiny, mba ahafahany manavotra an'i Josefa rehefa afaka kelikely eo.

Genesis 37:27

Tamin'iza no nivarotan'ireo rahalahin'i Josefa an'i Josefa ary ohatrinona?

Nivarotra an'i Josefa tamin'ireo Ismaelita farantsa volafotsy roapolo ireo rahalahin'i Josefa.

Nentina nankaiza i Josefa?

Nentina nankany Egypta i Josefa.

Genesis 37:31

Ahoana no nanehoan'ireo rahalahin'i Josefa fa maty Josefa?

Namono osy iray ary nanatsoboka ny akanjon'i Josefa tao amin'ilay rà ireo rahalahin'i Josefa, ary dia nanome ilay akanjo an'i Jakoba.

Genesis 37:34

Inona no nataon'i Jakoba rehefa fantany fa maty Josefa?

Nandrovitra ny fitafiany, nisikina lamba fisaonana, ary nisaona ny zanany nandritry ny andro maro i Jakoba.

Namidy tamin'iza i Josefa tany Egypta?

Namidy tamin'i Potifara, tandapan'i Farao, tany Egypta i Josefa.

Genesis 38

Genesis 38:1

Avy amin'iza no nakan'i Joda vady?

Naka vady avy amin'ny lehilahy Kananita i Joda.

Genesis 38:6

Nataon'i Yaveh inona i Era zanaka lahimatoan'i Joda, ary nahoana?

Nanomo an'i Era i Yaveh satria ratsy fanahy izy.

Genesis 38:8

Ahoana no tsy nanefan'i Onana zanaka lahin'i Joda faharoa ny adidiny amin'ny maha-zaodahy azy mba hanangana zanaka ho an'i Era?

Nararak'i Onana tamin'ny tany ny tsirin'ainy rehefa niara-nandry tamin'i Tamara izy.

Nataon'i Yaveh inona i Onana zanaka lahin'i Joda faharoa, ary nahoana?

Namono an'i Onana i Yaveh satria ratsy izay nataony.

Genesis 38:11

Fampanantenana inona izany no nataon'i Joda tamin'i Tamara?

Nampanantena an'i Tamara i Joda fa Sela zanany fahatelo no ho vadiny rehefa mitombo i Sela.

Genesis 38:12

Fotoana maro taty aoriana, dia nahoana no nila nampaherezina i Joda?

Nampaherezina i Joda satria maty ny vadiny.

Inona no nataon'i Tamara rehefa reny fa handeha ho any Timna i Joda?

Nanala ny akanjo maha-mpitondratena azy i Tamara, nanao voaly ary nanarona ny tenany, ka nipetraka teo akaikin'ny lalana mankany Timna.

Nahoana no nanao izany i Tamara?

Nanao izany i Tamara satria efa nihalehibe ny zanaka lahin'i Joda fahatelo, nefa tsy nomena azy ho vadiny izy.

Genesis 38:17

Inona no nalain'i Tamara ho antoka amin'ny fandoavana nialohan'ny niraisan'i Joda ara-nofo taminy?

Nomen'i Joda an'i Tamara ny tombo-kaseny, ny kofehiny, ary ny tehiny mba ho antoka amin'ny fandoavana.

Genesis 38:21

Rehefa niezaka ny haka ny antoka tamin'ny fandoavana zanak'osy tamin'ilay mpivaro-tena i Joda, dia inona no fantany?

Fantatr'i Joda fa tsy nisy tempoly mpijangajanga tao amin'izany faritra izany.

Genesis 38:24

Inona no tian'i Joda atao rehefa fantany fa bevohoka i Tamara?

Te handoro an'i Tamara i Joda satria bevohoka tahaka ny mpivaro-tena i Tamara.

Inona no nataon'i Tamara rehefa nentina nivoaka tany amin'i Joda izy?

Nilaza izy fa bevohokan'ny lehilahy izay tompon'ny fanombohan-kase, kofehy, ary tehina izay tany aminy izy.

Ahoana no navalin'i Joda rehefa hitany ny fanombohan-kase, kofehy, ary tehina?

Nilaza i Joda fa marina mihoatra azy i Tamara, satria tsy nanolotra an'i Tamara ho vadin'i Sela izy.

Genesis 38:27

Firy ny zanaka naterak'i Tamara?

Nanana zanaka lahy kambana roa i Tamara.

Inona no nataon'ilay mpampivelona rehefa namoaka ny tanany avy tao an-kibon'ny reniny ny iray tamin'ireo kamban'i Tamara?

Rehefa namoaka ny tanany avy tao an-kibon'ny reniny ny iray tamin'ireo kamban'i Tamara dia naka kofehy mena ary namatotra izany teo amin'ny tanany ilay mpampivelona ary niteny hoe: "Ity no teraka voalohany."

Genesis 38:29

Iza no anaran'ireo mpirahalahy izay naterak'i Tamara?

Pereza sy Zera no anaran'ireo mpirahalahy izay naterak'i Tamara.

Genesis 39

Genesis 39:1

Iza no nividy an'i Josefa tany Egypta?

Potifara, manam-pahefana an'i Farao, no nividy an'i Josefa tany Egypta.

Genesis 39:3

Nahoana no niroborobo tany Egypta i Josefa?

Niroborobo i Josefa satria nomba azy Yaveh.

Genesis 39:5

Inona no nataon'i Potifara teo ambany fiahian'i Josefa?

Napetrak'i Potifara teo ambany fiahian'i Josefa ny zavatra rehetra.

Genesis 39:7

Inona no nangatahan'ny vadin'i Potifara mba hataon'i Josefa?

Nangataka an'i Josefa mba hiray ara-nofo taminy ny vadin'i Potifara.

Ahoana no navalin'i Josefa ny fangatahan'ny vadin'i Potifara?

Nandà Josefa ary nilaza fa tsy afaka nanao izany faharatsiana lehibe sy fahotana nanohitra an'Andriamanitra izany izy.

Genesis 39:10

Inona no nataon'i Josefa rehefa nisambotra azy teo amin'ny akanjony ny vadin'i Potifara?

Navelan'i Josefa teo an-tanany ny fitafiany ka nitsoaka tany ivelany izy.

Genesis 39:13

Fiampangana inona no nataon'ny vadin'i Potifara hanoherana an'i Josefa?

Niampanga azy ho nitady hiray ara-nofo taminy tsy araka ny sitra-pony izy.

Genesis 39:19

Inona no nataon'i Potifara rehefa reny ny fiampangana natao tamin'i Josefa?

Nanjary tezitra mafy i Potifara ary nandefa an'i Josefa tany am-ponja.

Genesis 39:21

Tamin'izany fotoana izany, dia inona no nasehon'i Yaveh an'i Josefa?

Naneho ny tsy fivadiham-panekena tamin'i Josefa tamin'izany fotoana izany Yaveh.

Inona no napetraky ny mpiambina ny fonja teo ambany fiahian'i Josefa?

Nametraka ny voafonja rehetra teo ambany fiahian'i Josefa ilay mpiambina ny fonja.

Inona no vokatry ny zavatra rehetra nataon'i Josefa, ary nahoana?

Nambinin'i Yaveh ny zavatra rehetra nataon'i Josefa.

Genesis 40

Genesis 40:1

Nahoana no nalefan'ny mpanjakan'i Egypta tao am-ponja ny mpitondra kapoakany sy ny mpanao mofony?

Nalefany tany am-ponja izy satria nanafintohina azy ireo izy.

Genesis 40:4

Inona no nanjo ny mpitondra kapoaka sy ny mpanao mofo tamin'izany alina izany ihany?

Samy niara-nanofy tamin'izany alina izany ihany ny mpitondra kapoaka sy ny mpanao mofo.

Genesis 40:6

Nahoana no samy nalahelo ny mpitondra kapoaka sy ny mpanao mofo ny ampitso maraina?

Samy nalahelo izy ireo satria tsy nisy afaka nandika ny hevitry ny nofin'izy ireo.

Iza no nolazain'i Josefa fa afaka mandika ny hevitr'ireo nofy?

Nilaza Josefa fa Andriamanitra no afaka mandika ny hevitr'ireo nofy.

Genesis 40:12

Inona no nolazain'i Josefa fa dikan'ny nofin'ilay mpitondra kapoaka?

Nilaza i Josefa fa ilay nofy dia midika fa ao anatin'ny hateloana dia hamerina ilay mpitondra kapoaka ao amin'ny asany i Farao.

Genesis 40:14

Fangatahana inona no nataon'i Josefa tamin'ilay mpitondra kapoaka rehefa avy nanome ny dikan'ny nofiny i Josefa?

Nangataka i Josefa mba hahatsiaro azy ilay mpitondra kapoaka, ka hanonona azy any amin'i Farao, ary hamoaka azy ao am-ponja.

Genesis 40:18

Inona no nolazain'i Josefa fa hevity ny nofin'ilay mpanao mofo?

Nilaza Josefa fa ilay nofy dia midika fa ao anatin'ny telo andro dia hanantona ilay mpanao mofo amin'ny hazo i Farao.

Genesis 40:20

Tranga miavaka inona no nitranga telo andro taty aoriana?

Fitsingerenan'ny andro nahaterahan'i Farao ny telo andro taty aoriana.

Nataon'i Farao inona ilay mpitondra kapoaka sy ilay mpanao mofo tamin'izany andro izany?

Namerina ilay mpitondra kapoaka, fa nanantona ilay mpanao mofo kosa, tahaka ny nadikan'i Josefa tamin'izy ireo i Farao.

Tsaroan'ilay mpitondra kapoaka ve ny fangatahan'i Josefa taminy?

Tsia, tsy nahatsiaro ny hanampy an'i Josefa ilay mpitondra kapoaka, ary nanadino ny momba azy.

Genesis 41

Genesis 41:4

Tao amin'ny nofin'i Farao, dia nataon'ireo ombivavy mahia fito inona ireo ombivavy matavy fito?

Nihinana ireo ombivavy matavy fito ireo ombivavy mahia fito.

Genesis 41:7

Tamin'ny nofin'i Farao faharoa, dia nataon'ireo salohy manify inona ireo salohy fito vokatra be?

Nitelina ireo salohy fito vokatra be ireo salohy manify.

Ahoana no nandikan'ireo mpahay ody sy olon-kendrin'i Egypta ireo nofiny?

Tsy nahavita nandika ireo nofin'i Farao ireo mpahay ody sy olon-kendrin'i Egypta.

Genesis 41:12

Inona no nolazain'ilay lehiben'ny mpitondra kapoaka tamin'i Farao momba an'i Josefa?

Nilaza tamin'i Farao ilay lehiben'ny mpitondra kapoaka fa nisy tovolahy Hebreo nandika marina ny nofiny sy ny nofin'ilay namany hafa rehefa tao am-ponja izy ireo.

Genesis 41:14

Iza no nolazain'i Josefa fa handika ny nofin'i Farao?

Nilaza Josefa fa Andriamanitra no hamaly amin-tsitraka ny nofin'i Farao.

Genesis 41:25

Inona no nolazain'i Josefa fa nambaran'Andriamanitra tamin'i Farao?

Nilaza Josefa fa nanambara tamin'i Farao izay hataon'Andriamanitra Andriamanitra.

Nanambara inona ireo ombivavy tsara fito sy ireo salohim-bary tsara fito tao amin'ireo nofy?

Nanambara fito taon'ny fitobahana ny ombivavy tsara fito sy ireo salohim-bary tsara fito.

Genesis 41:27

Nanambara inona ireo ombivavy fito mahia sy ireo salohim-bary fito manify tao amin'ireo nofy?

Nanambara fito taon'ny mosary ireo ombivavy fito mahia sy ireo salohim-bary fito manify.

Genesis 41:30

Amin'i Josefa, dia nahoana no nahazo nofy roa i Farao?

Nahazo nofy roa i Farao satria naorin'Andriamanitra izany zavatra izany, ary hanao izany tsy ho ela Andriamanitra.

Genesis 41:33

Ampahan'ny vokatr'i Egypta inona no natoron'i Josefa mba halaina amin'ny fito taon'ny fitobahana?

Nanolo-kevitra an'i Farao i Josefa mba hanendry lehilahy mba haka ny ampahadimin'ny vokatra tamin'ny fito taon'ny fitobahana.

Genesis 41:37

Inona no nolazain'i Farao fa tao amin'i Josefa?

Nilaza Farao fa ny Fanahin'Andriamanitra no tao amin'i Josefa.

Genesis 41:39

Toeram-pahefana inona no nomen'i Farao an'i Josefa?

Nanome fahefana an'i Josefa amin'ny tranon'i Farao sy amin'ny tanin'i Egypta rehetra, nanaraka an'i Farao ihany i Farao.

Genesis 41:48

Vary firy no nangonin'i Josefa tamin'ny fito taon'ny fitobahana?

Nanangona vary tahaka ny fasi-dranomasina, fatra tsy tambo isaina i Josefa.

Genesis 41:50

Iza no anaran'ireo zanak'i Josefa roalahy teraka talohan'ny mosary?

Nantsoina hoe Manase sy Efraima ireo zanak'i Josefa roalahy.

Genesis 41:53

Ahoana no nielezan'ny mosary fito taona?

Eran'ny tany rehetra ny mosary fito taona.

Genesis 41:55

Inona no nataon'i Josefa rehefa nitalaho sakafo tamin'i Farao ny vahoakan'i Egypta?

Nanokatra ny trano fitehirizana rehetra i Josefa ary nivarotra sakafo tamin'ireo Egyptiana.

Iza no tonga tany Egypta mba hividy vary amin'i Jakoba?

Tonga tany Egypta mba hividy vary any amin'i Josefa ny tany rehetra.

Genesis 42

Genesis 42:1

Iza no nirahin'i Jakoba nidina tany Egypta mba hividy vary?

Ireo rahalahin'i Josefa folo, tsy niaraka tamin'i Benjamina, no nidina tany Egypta mba hividy vary.

Genesis 42:5

Inona no nataon'ireo rahalahin'i Josefa rehefa tonga teo amin'i Josefa mba hividy vary izy ireo?

Niankohoka taminy ireo rahalahin'i Josefa ary ny tavan'izy ireo tamin'ny tany.

Genesis 42:7

Inona no nataon'i Josefa rehefa nahafantatra ireo rahalahiny izy?

Nanova endrika sy niteny mafy ireo rahalahiny i Josefa.

Genesis 42:9

Fiampangana inona no nataon'i Josefa tamin'ireo rahalahiny?

Niampanga ireo rahalahiny ho mpitsikilo i Josefa.

Genesis 42:12

Taiza no nilazan'ireo rahalahin'i Josefa fa nisy ny rahalahin'izy ireo zandriny indrindra?

Nilaza ireo rahalahin'i Josefa fa niaraka tamin'ny rainy tany amin'ny tany Kanana ny rahalahin'izy ireo zandriny indrindra.

Taiza no nolazain'ireo rahalahin'i Josefa fa nisy ny rahalahin'izy ireo tsy teo?

Nilaza ireo rahalahin'i Josefa fa tsy velona intsony ny rahalahin'izy ireo hafa izay tsy teo.

Genesis 42:14

Fitsapana inona no nataon'i Josefa tamin'ireo rahalahiny mba hanehoana fa tsy mpitsikilo izy ireo?

Nilaza Josefa fa tsy hiala an'i Egypta ireo rahalahy, raha tsy tonga any Egypta ny rahalahin'izy ireo zandriny indrindra.

Taiza no nametrahan'i Josefa ireo rahalahiny ary nandritra ny hafiriana?

Nametraka ireo rahalahiny tao am-ponja nandritra ny telo andro i Josefa.

Genesis 42:18

Inona no nolazain'i Josefa mba hataon'ireo rahalahy mba ho velona izy ireo?

Nilaza tamin'izy ireo mba hamela ny iray amin'ireo rahalahiny hotanana am-ponja i Josefa, raha hitondra ny vary ho any Kanana ny hafa ary hitondra ny zandrin'izy ireo faralahy miverina.

Genesis 42:21

Nahoana no nino ireo rahalahin'i Josefa fa tonga tamin'izy ireo izany olana izany?

Nino izy ireo fa nitaky tamin'izy ireo izay vitan'izy ireo tamin'i Josefa ny ràn'i Josefa.

Genesis 42:23

Inona no nataon'i Josefa rehefa nandre ireo rahalahiny niresaka momba izay nataon'izy ireo taminy izy?

Rehefa nandre ireo rahalahiny niresaka momba izay nataon'izy ireo taminy Josefa, dia niala teo amin'izy ireo Josefa ka nitomany.

Inona no naverin'i Josefa tao amin'ireo lasakan'ny rahalahy tsirairay avy?

Namerina ny volan'ny rahalahy tsirairay tao amin'ny lasakany i Josefa.

Genesis 42:26

Ahoana no nataon'ireo rahalahy rehefa fantatr'izy ireo fa tao amin'ny lasakany ny volan'ny rahalahy iray?

Nihontana ny fon'izy ireo ary nifampiresaka tamim-pangovitana izy ireo.

Iza no nampangain'ireo rahalahy noho ny olan'izy ireo teo aloha?

Niampanga an'Andriamanitra ireo rahalahy, nanontany hoe nahoana no nanao izany tamin'izy ireo Andriamanitra.

Genesis 42:35

Inona no fantatr'ireo rahalahiny sy Jakoba rehefa nanafoana ny lasaka rehetra izy ireo?

Fantatr'izy ireo fa tao amin'ny lasakany avy ny volan'ny lehilahy tsirairay avy.

Ahoana no nitrangan'ny tahotr'i Jakoba noho ny trangan'izy ireo?

Natahotra Jakoba fa ho Simeona sy Benjamina no halana aminy.

Genesis 42:37

Fianianana inona no nataon'i Robena tamin'i Jakoba?

Nianiana ny hitondra an'i Benjamina hiverina any amin'i Jakoba avy any Egypta i Robena; raha tsy izany, dia ho faty ireo zanak'i Robena roalahy.

Namela an'i Robena hitondra an'i Benjamina tany Egypta ve i Jakoba?

Tsia, tsy namela an'i Robena hitondra an'i Benjamina tany Egypta i Jakoba.

Inona no nolazain'i Jakoba fa hahazo azy raha maty Benjamina?

Nilaza Jakoba fa hidina any amin'ny Fiainan-tsy hita amin-kalahelo izy raha maty Benjamina.

Genesis 43

Genesis 43:1

Nahoana no nilaza tamin'ireo zanany lahy mba handeha indray Israely ka hividy sakafo any Egypta?

Nahery vaika ny mosary ary efa lanin'izy ireo ny vary novidian'izy ireo tany Egypta tamin'ny dian'izy ireo voalohany.

Genesis 43:3

Inona no nolazain'i Joda fa tsy maintsy entin'izy ireo raha hidina any Egypta indray izy ireo?

Nilaza Joda fa tsy maintsy entin'izy ireo i Benjamina rahalahiny raha hidina any Egypta indray izy ireo.

Genesis 43:8

Fianianana inona no nataon'i Joda tamin'Israely rainy?

Nilaza Joda fa raha tsy mitondra an'i Benjamina miverina izy, dia hizaka ny tsiny mandrakizay izy.

Genesis 43:11

Inona no nolazain'Israely tamin'ireo rahalahiny mba ho entina miaraka amin'izy ireo any Egypta?

Nilaza tamin'ireo rahalahy i Israely mba haka sasany amin'ireo vokatry ny tany tsara indrindra, ary mba hitondra vola avo roa heny.

Genesis 43:13

Inona no nangatahin'i Israely tamin'Andriamanitra mahakasika ny diany?

Nangataka tamin'Andriamanitra mba hamindra fo ireo rahalahy any Egypta i Israely, mba ho avotsitra ireo rahalahy rehetra.

Genesis 43:18

Ahoana no navalin'ireo rahalahy rehefa nentina tao an-tranon'i Josefa izy ireo, ary nahoana?

Natahotra ireo rahalahy fa ho samborina sy alaina ho andevo noho ny vola tavela tao amin'ireo lasakany tamin'ny dian'izy ireo voalohany izy ireo.

Genesis 43:21

Inona no nolazain'ireo rahalahy tamin'ireo mpitantana ny tranon'i Josefa?

Nilaza tamin'ireo mpitantana ny tranon'i Josefa ireo rahalahy fa nitondra ny vola tavela tao amin'ny lasakan'izy ireo niverina izy ireo, ary nitondra vola mba hividianana sakafo.

Avy taiza no nolazain'ny mpitantana fa niavian'ny vola tavela tao amin'ny lasaka?

Nilaza ilay mpitantana fa ny vola tavela tao amin'ny lasakan'izy ireo dia avy amin'Andriamanitr'izy ireo.

Genesis 43:26

Inona no nataon'ireo rahalahy rehefa nody Josefa?

Nitondra ireo fanomezana tao an-trano ireo rahalahy, ary niankohoka teo anatrehan'i Josefa tamin'ny tany.

Nanontany ireo rahalahy momba ny inona i Josefa?

Nanontany azy ireo momban'ny fahasalaman'ny rain'izy ireo i Josefa.

Genesis 43:30

Nahoana no nivoaka faingana tao an'efitra i Josefa, ary inona no nataony rehefa lasa izy?

Nivoaka faingana tao an'efitra i Josefa satria nientanentana mafy noho i Benjamina izy, ary niditra tao an'efitranony ka nitomany.

Genesis 43:32

Nahoana no nihinana nisaraka ireo Egyptiana sy ireo Hebreo?

Maharikoriko amin'ireo Egyptiana ny misakafo miaraka amin'ireo Hebreo.

Ahoana no nandaminana ireo rahalahy teo an-databatra?

Nalahatra teo an-databatra araka ny fizokiana sy ny taona ireo rahalahy.

Inona no tsy nahazatra momba ireo anjara sakafo azon'ireo rahalahy?

Ny anjaran'i Benjamina dia indimy mihoatra noho ny an'ireo rahalahiny.

Genesis 44

Genesis 44:1

Inona no nolazain'i Josefa mba anaovan'ny mpikarakara ny lasakan'ireo rahalahy nialohan'ny nandehanan'izy ireo?

Nilaza tamin'ny mpikarakara mba hameno sakafo ireo lasakan'ireo rahalehilahly, mba hametraka ny volan'izy ireo tao amin'ny lasaka, ary mba hametraka ny kapoaka volafotsiny tao amin'ny lasakan'ny zandriny indrindra i Josefa.

Genesis 44:3

Amin'ny ankapobeny dia inona no nolazain'i Josefa tamin'ny mpikarakara mba holazaina amin'ireo rahalahy rehefa tratrany tany ivelan'ny tanàna izy?

Nilaza tamin'ny mpikarakara mba hanontany azy ireo i Josefa hoe nahoana izy ireo no mamaly ratsy ny soa ary niampanga azy ireo ho nangalatra ny kapoakan'i Josefa izy.

Genesis 44:8

Inona no nianianan'ireo rahalahy fa hataon'izy ireo raha nangalatra ny kapoak'i Josefa ny iray tamin'izy ireo?

Nilaza ireo rahalahy fa ny iray tratra naka ilay kapoaka dia ho faty, ary ho lasa andevo ireo hafa.

Sazy inona no nolazain'ny mpikarakara fa ho takiany raha nangalarina ny kapoaka?

Nilaza ilay mpikarakara fa ny iray izay ahitana ny kapoaka dia ho andevony, ary ireo hafa kosa ho tsy manan-tsiny.

Genesis 44:11

Inona no hitan'ilay mpikarakara, ary ahoana no nataon'ireo rahalahy?

Nahita ny kapoaka tao amin'ny lasakan'i Benjamina ilay mpikarakara, ary dia nandrovitra ny fitafian'izy ireo ny rahalahiny.

Genesis 44:14

Inona no nataon'ireo rahalahy rehefa niverina tany amin'i Josefa tany an-tranony izy ireo?

Niankohoka teo anatrehan'i Josefa tamin'ny tany ireo rahalahy.

Genesis 44:16

Iza no nolazain'i Joda fa nahita ny helok'ireo rahalahy?

Nilaza Joda fa Andriamanitra no nahita ny helok'izy ireo.

Nolazain'i Joda fa ho lasa inona avokoa ireo rahalahy rehetra?

Nilaza Joda fa ho lasa andevon'i Josefa avokoa ireo rahalahy rehetra.

Sazy inona no nolazain'i Josefa fa ho takiany amin'ireo rahalahy?

Nilaza Josefa fa ny olona izay hita tamin'ilay kapoaka ny tanany dia ho andevony, ary ny ambiny afaka andeha am-piadanana.

Genesis 44:20

Inona no antony nomen'i Joda ny amin'ny hoe nahoana ny rainy no tia ny zandriny indrindra?

Nilaza Joda fa zanaky rainy tamin'ny fahanterany ny zandriny indrindra, sady zaza tokana navelan-dreniny.

Inona no natahoran'ireo rahalahy fa hahazo ny rain'izy ireo raha nandao azy ny zandriny indrindra?

Natahotra ireo rahalahy fa ho faty ny rain'izy ireo raha mandao azy ny zandriny indrindra.

Genesis 44:23

Nahoana no nilaza Joda fa noterena hitondra an'i Benjamina niaraka tamin'izy ireo tany Egypta ireo rahalahy?

Nilaza i Joda fa noterena hitondra an'i Benjamina izy ireo satria nilaza Josefa fa raha tsy tonga ny zandriny indrindra, dia tsy hahita ny tavan'i Josefa izy ireo.

Genesis 44:27

Inona no noheverin'i Israely fa nahazo an'i Josefa?

Nihevitra Israely fa noviraviraina i Josefa.

Inona no nolazain'Israely fa hahazo azy raha alaina aminy Benjamina?

Nilaza Israely fa hampihintsana ny volon-dohany amin'ny alahelo mankany amin'ny Fiainan-tsy hita ireo rahalahy.

Genesis 44:30

Inona no nolazain'i Joda fa hahazo ny rainy raha niverina tsy niaraka amin'i Benjamina izy ireo?

Nilaza Joda fa ho faty ny rainy.

Antok'i Benjamina inona no nolazain'i Joda fa ho lasa izy?

Nilaza Joda fa raha tsy naveriny amin'ny rainy Benjamina, dia hizaka ny heloka mandrakizay izy.

Genesis 44:33

Inona no nangatahan'i Joda mba hataon'i Josefa mba ahafahan'i Benjamina miverina any amin'ny rainy?

Nangataka an'i Josefa mba hanao azy ho andevon'i Josefa i Joda, amin'izay mba afaka hiverina any amin'ny rainy i Benjamina.

Genesis 45

Genesis 45:1

Inona no nataon'i Josefa, izay ren'ireo Egyptiana raha nampahafantatra ny tenany izy?

Nitomany mafy i Josefa raha nampahafantatra ny tenany tamin'ireo rahalahy izy.

Ahoana no nataon'ireo rahalahy rehefa nanambara ny tenany tamin'izy ireo i Josefa?

Tsy nahavaly an'i Josefa ireo rahalahy satria tohina mafy izy ireo.

Genesis 45:7

Amin'i Josefa, dia nahoana no nandefa an'i Josefa tany Egypta Andriamanitra?

Andriamanitra naniraka azy mba hitahiry ny aina, ary hitahiry ny fianakaviana ho sisa eto an-tany.

Nataon'Andriamanitrra inona tany amin'ny tany Egypta i Josefa?

Nataon'Andriamanitra ho rain'i Farao, tompon'ny tranony rehetra, sy mpanapaka ny tany rehetra manerana an'i Egypta i Josefa.

Genesis 45:9

Ahoana no tetik'i Josefa mba hiahiana ny fianakaviany?

Nilaza tamin'ny fianakaviany mba ho tonga sy honina any amin'ny tany Gosena izay hamatsiany azy ireo i Josefa.

Genesis 45:12

Inona no nolazain'i Josefa tamin'ireo rahalahy mba ho fainganin'izy ireo sy mba hataony?

Nilaza ireo rahalahiny mba ho faingana sy hitondra ny rainy any Egypta i Josefa.

Genesis 45:16

Ahoana no fihetsik'i Farao rehefa reny fa tonga tao Egypta ireo rahalahin'i Josefa?

Nankasitraka tokoa i Farao, ary nilaza an'i Josefa mba hilaza ireo rahalahiny mba hitondra ny rain'izy ireo sy ny ankohonan'izy ireo mba hipetraka amin'ny tany tsara any Egypta izy ireo.

Genesis 45:21

Iza no nandray fanomezana sy vatsy fanampiny ho an'ny dia?

Benjamina no nahazo sekely volafotsy telonjato sy akanjo ho soloina dimy, ary nahazo boriky roapolo nitondra entana i Israely.

Genesis 45:24

Ahoana ny fihetsik'i Israely rehefa reny fa velona Josefa ary mpanapaka ny tany Egypta rehetra?

Gaga ny fon'Israely, satria tsy nino ireo rahalahy izy rehefa nilaza taminy izy ireo.

Genesis 45:27

Inona no nolazain'i Israely fa tiany hatao mialohan'ny ahafatesany?

Nilaza Israely fa te hahita an'i Josefa mialohan'ny ahafatesany izy.

Genesis 46

Genesis 46:5

Iza no nankany Egypta niaraka tamin'Israely?

Israely sy ireo taranany no niaraka taminy nandeha tany Egypta.

Genesis 46:12

Iza ny roa tamin'ireo zanaka lahin'i Joda maty tany amin'ny tany Kanana?

Era sy Onana no maty tany amin'ny tany Kanana.

Genesis 46:26

Olona avy amin'ny ankohonan'i Jakoba firy no tonga tany Egypta?

Olona avy amin'ny ankohonan'i Jakoba fitopolo no tonga tany Egypta.

Genesis 46:28

Inona no nataon'i Josefa mba hitsenany ny rainy?

Niakatra tamin'ny kalesiny ary nitsena an'i Israely rainy tany Gosena i Josefa.

Inona no nataon'i Josefa rehefa nahita ny rainy izy?

Namihina ny hatoky ny rainy ary nitomany naharitra ela i Josefa.

Genesis 46:33

Inona no nolazain'i Josefa tamin'ireo rahalahy mba ho lazaina amin'i Farao mahakasika ny asan'izy ireo?

Tokony nilaza tamin'i Farao ireo rahalahy fa mpiandry biby fiompy hatramin'ny fahatanorana izy ireo.

Genesis 47

Genesis 47:3

Inona no nolazain'ireo rahalahin'i Josefa dimy an'i Farao fa asan'izy ireo?

Nilaza tamin'i Farao ny rahalahy dimy fa mpiandry ondry no asan'izy ireo.

Karazana fonenana inona no nolazain'ireo rahalahy fa tany amin'ny tany Egypta?

Nilaza ireo rahalahy fa nonina fotoana fohy tany amin'ny tany Egypta izy ireo.

Genesis 47:5

Inona no nolazain'i Farao mba hanaovan'i Josefa ny fianakaviany?

Nilaza an'i Josefa mba hametraka ny fianakavian'i Josefa any amin'ny faritra tsara indrindra, dia ny tany Gosena i Farao.

Genesis 47:7

Inona no nataon'i Jakoba ho an'i Farao rehefa nitsena azy izy ary rehefa nivoaka mba ho eo amin'ny fanatrehany izy?

Nitso-drano an'i Farao i Jakoba rehefa nitsena azy izy ary rehefa nivoaka mba ho eo amin'ny fanatrehany izy.

Hafiriana no niainan'i Jakoba rehefa nihaona tamin'i Farao izy?

Niaina telopolo amby zato Jakoba.

Hafiriana no nilazan'i Jakoba ny fiainany raha oharina amin'ireo razambeny?

Nilaza Jakoba fa tsy lava tahaka ny fiainan'ireo razambeny ny fiainany.

Genesis 47:13

Afaka nanao inona tamin'ny fivarotana vary i Josefa?

Afaka nanangona ny vola rehetra tany amin'ny tany Egypta sy tany amin'ny tany Kanana i Josefa.

Genesis 47:15

Dia inona izany no vitan'i Josefa tamin'ny fanakalozana ny sakafo tamin'ireo Egyptiana?

Afaka nanakalo ny biby fiompy rehetran'ireo Egyptiana tamin'ny sakafo i Josefa.

Genesis 47:18

Rehefa nomena an'i Farao avokoa ny vola sy ny tahiry rehetra ho solon'ny sakafo dia inona no natolotry ny vahoakan'i Egypta an'i Farao ho solon'ny sakafo bebe kokoa?

Nanolotra ny tanin'izy ireo sy ny tenan'izy ireo ho mpanompon'i Farao ho solon'ny sakafo bebe kokoa ny vahoakan'i Egypta.

Genesis 47:23

Ampahany tamin'ny vokatra manontolo inona no notakian'i Josefa mba homena an'i Farao?

Nitaky Josefa fa ny ampahadimin'ny vokatra no homena an'i Farao.

Genesis 47:27

Tamin'ny fomba ahoana no niroboroboan'ny vahoakan'Israely tany amin'ny tany Egypta?

Nahazo fananana tao amin'ny tany Egypta ny vahoakan'Israely, ary namokatra sy nihamaro haingana izy ireo.

Tamin'ny fahafiry taonany no nahafatesan'i Jakoba?

Maty tamin'ny faha fito amby efapolo amby zato taonany i Jakoba.

Genesis 47:29

Inona no nangatahan'Israely mba hianianan'i Josefa fa hataony?

Nangataka an'i Josefa mba hianiana ny handevina an'i Israely any amin'ny toerana fandevenana ireo razambeny i Israely.

Genesis 48

Genesis 48:1

Hafatra inona no ren'i Josefa momba ny rainy, ary inona izany no nataony?

Nandre Josefa fa narary ny rainy, ka nentiny niaraka taminy ireo zanany roalahy.

Genesis 48:3

Fampanantenana avy amin'Andriamanitra inona no nolazain'i Jakoba tamin'i Josefa indray?

Nilaza indray Jakoba fa nampanantena azy Andriamanitra fa hamokatra sy hihamaro izy, ary hatao fiangonan'ireo firenena izy, ary ny tanin'i Kanana no ho fananan'ny taranany maharitra mandrakizay.

Genesis 48:5

Ahoana no nolazain'i Jakoba fa niheverana ireo zanak'i Josefa roalahy tamin'ny lova?

Nilaza Jakoba fa nihevitra ireo zanak'i Josefa roalahy ho azy i Jakoba.

Genesis 48:8

Nahoana no tsy nahafantatra ireo zanak'i Josefa roalahy Israely?

Tsy nahafantatra ireo zanak'i Josefa roalahy Israely satria pahina noho ny taonany ny masony.

Genesis 48:14

Iza no zanaka lahimatoan'i Josefa?

Manase no zanaka lahimatoan'i Josefa.

Teo amin'iza no nametrahan'Israely ny tanany havanana, ary teo amin'iza no nametrahany ny tanany havia?

Nametraka ny tanany havanana teo amin'i Efraima, ary ny tanany havia teo amin'i Manase i Israely.

Genesis 48:17

Nahoana no niezaka ny hamadika ny fitoeran'ny tanan'Israely i Josefa?

Nanantena ny tanan'i Israely havanana ho eo amin'i Manase i Josefa satria izy no lahimatoa.

Genesis 48:19

Nahoana no nandà ny hamadika ny fitoeran'ny tanany tamin'ireo zanak'i Josefa roalahy Israely?

Nandà Israely satria ho lehibe noho ny lahimatoa ny faralahy.

Tso-drano inona no nolazain'Israely fa hotononin'ny vahoakan'Israely?

Nilaza Israely fa hanonona ny tso-drano hoe ny vahoakan'Israely: "Andriamanitra anie hahatonga anareo tahaka an'i Efraima sy Manase.'"

Genesis 48:21

Inona no nolazain'Israely fa hahazo an'i Josefa?

Nilaza Israely fa ho entina miverina any amin'ny tanin'ireo razambeny i Josefa.

Genesis 49

Genesis 49:1

Antony inona no namorian'i Jakoba ireo zanany lahy niaraka?

Namory ireo zanany lahy niaraka mba hilaza amin'izy ireo izay hahazo azy ireo sy ny taranak'izy ireo amin'ny hoavy i Jakoba.

Genesis 49:3

Toetra tsara inona no nananan'i Robena?

Niavaka tamin'ny fahamendrehana sy fahefana i Robena.

Nahoana no tsy ambony Robena na dia lahimatoa aza izy?

Tsy ambony Robena satria nandoto ny fandrian-drainy izy.

Genesis 49:7

Nozonin'i Jakoba momba ny inona i Simeona sy Levy?

Nanozona ny hatezerana sy ny hasiahan'i Simeona sy Levy i Jakoba.

Genesis 49:8

Inona no nolazain'i Jakoba mba ho ataon'ireo zanany lahy hafa eo anoloan'i Joda?

Nilaza ireo rahalahy hafa mba hiankohoka eo anatrehan'i Joda i Jakoba.

Genesis 49:10

Fampanantenana momba ny hoavy inona no natao tamin'i Joda?

Nampanantenaina i Joda fa ny tehim-panjakana dia tsy hiala eo aminy mandra-pahatongan'i Silo, ary dia hankatoa azy ireo firenena.

Genesis 49:13

Taiza no nolazain'i Jakoba fa hipetrahan'ireo taranak'i Zebolona?

Nilaza Jakoba fa hipetraka eo amoron-dranomasina ireo taranak'i Zebolona.

Genesis 49:16

Nolazain'i Jakoba fa ho tahaka ny biby inona i Dana?

Nilaza Jakoba fa ho tahaka ny bibilava misy poizina i Dana.

Genesis 49:19

Amin'inona no nolazain'i Jakoba fa ahafantarana an'i Asera?

Nilaza Jakoba fa ho fantatra amin'ny famatsiana hanim-py ho an'ny mpanjaka i Asera.

Genesis 49:22

Nolazain'i Jakoba fa ho tahaka ny karazana zava-maniry inona i Josefa?

Nilaza Jakoba fa Josefa dia ho tahaka ny sampam-bokatra izay ny sampany dia mananika mihoatry ny fefy.

Genesis 49:24

Iza no nolazain'i Jakoba fa hihazona ny tsipìkany hateza sy ny tanany manam-pahaizana?

Nilaza Jakoba fa ireo tanan'ny olona maherin'i Jakoba, dia ilay Vatolampin'Israely dia ho tanan'i Josefa hateza sy ny tanany manam-pahaizana.

Genesis 49:31

Iza no efa nalevina teo amin'ny toerana izay nirian'i Jakoba hilevenany?

Abrahama, Saraha, Isaka, Rebeka, ary Lea no efa nalevina tao.

Inona no nataon'i Jakoba rehefa avy nanome ny tso-dranony sy ireo toromariny tamin'ireo zanany lahy izy?

Niala aina Jakoba ary nandeha nankany amin'ny olony.

Genesis 50

Genesis 50:1

Nataon'i Josefa inona ny fatin'Israely rehefa maty Israely?

Nosorana zava-manitra ho an'i Josefa ny fatin'Israely.

Genesis 50:4

Fangatahana inona no nataon'i Josefa tamin'i Farao momba ny fandevenana ny rainy, ary nahoana no nanao izany fangatahana izany izy?

Nangataka ny ho avela handeha any amin'ny tany Kanana mba handevina ny rainy, araka ny nianianany tamin'ny rainy i Josefa.

Genesis 50:7

Iza no nandeha niaraka tamin'i Josefa mba handevina an'Israely?

Ireo manamboninahitr'i Farao, ireo tandapany, ireo manamboninahitra ambony tao Egypta, ny ankohonan'i Josefa, ireo rahalahin'i Josefa, ireo ankohonan-drainy, ary ireo kalesy sy ireo mpitaingin-tsoavaly rehetra no nandeha niaraka tamin'i Josefa.

Genesis 50:10

Inona no nolazain'ireo Kananita rehefa nahita an'i Josefa sy ireo izay niaraka taminy izy ireo?

Nilaza ireo Kananita fa fotoana tena mampalahelo ho an'ireo Egyptiana izany.

Genesis 50:12

Taiza no nalehan'i Josefa sy ireo rahalahiny taorian'ny nandevenana ny rain'izy ireo?

Niverina tany Egypta i Josefa sy ireo rahalahiny.

Genesis 50:15

Inona no natahoran'ireo rahalahin'i Josefa taorian'ny nahafatesan'i Israely?

Natahotra ireo rahalahin'i Josefa fandrao hamaly azy ireo i Josefa noho ny ratsy rehetra izay nataon'ireo rahalahiny tamin'i Josefa.

Inona no nangatahan'ireo rahalahiny mba hataon'i Josefa ny amin'ireo ratsy izay nataon'izy ireo tamin'i Josefa?

Nangataka an'i Josefa mba hamela azy ireo noho ny ratsy izay nataon'izy ireo tamin'i Josefa ireo rahalahiny.

Genesis 50:18

Inona no nataon'ireo rahalahin'i Josefa rehefa tonga tany amin'i Josefa izy ireo?

Rehefa tonga tany amin'i Josefa izy ireo, dia nandohalika teo anatrehany ireo rahalahin'i Josefa.

Soa inona no nolazain'i Josefa fa niasan'Andriamanitra tamin'ny alalan'ny ratsy nataon'ireo rahalahiny?

Nilaza Josefa fa nampiasa ny soa ho fiarovana ny ain'ny olona maro Andriamanitra.

Genesis 50:22

Hafiriana no niainan'i Josefa?

Niaina folo amby zato taona i Josefa.

Genesis 50:24

Inona no nolazain'i Josefa momba izay hahazo azy?

Nilaza Josefa fa efa ho faty izy.

Fampanantenana inona no nolazain'i Josefa fa hotanterahin'Andriamanitra ho an'ireo taranak'Israely?

Nilaza Josefa fa ho tonga amin'ny olona sy hitarika azy ireo hiakatra ho any amin'ny tany izay nampanantenain'Andriamanitra an'i Abrahama, Isaka, ary Jakoba Andriamanitra.

Nasian'i Josefa nianiana inona ny vahoakan'Israely?

Nasian'i Josefa hianiana izy ireo fa hitondra ny taolan'i Josefa hiala any Egypta rehefa miala an'Egypta izy ireo.

Inona no nanaovana ny fatin'i Josefa rehefa maty izy?

Nosorana zava-manitra ary natao tao anaty vata-paty tany Egypta ny fatin'i Josefa.